အခြေခံပညာကျောင်းများတွင် အားကစားပညာဘွဲ့ရများနှင့် မြန်မာ့လက်ရွေးစင် အားကစားသမားများကို ကာယဆရာများအဖြစ် ခန့်ထားရန်စီစဉ်

နည်းပြဆရာများမှ အားကစားသမားများအား လေ့ကျင့်သင်ကြားပေးနေမှုကို တွေ့ရစဉ် (ဓာတ်ပုံ-ညီညီစိုးညွန့်)

ကျောင်းသားကျောင်းသူများ၏ အားကစားစွမ်းရည် တိုးတက်ရေးအတွက် ပညာရေးဝန်ကြီးဌာနအောက်ရှိ အခြေခံပညာကျောင်းများတွင် အားကစားပညာဘွဲ့ရများ၊ အားကစားသိပ္ပံကျောင်းများမှ ထွက်ပေါ်လာသော လူငယ်မျိုးဆက်သစ် အားကစားသမားများ နှင့်မြန်မာ့လက်ရွေးစင်အားကစားသမားများကို ကာယဆရာများအဖြစ် ခန့်ထားနိုင်ရေး စီစဉ်ဆောင်ရွက်နေကြောင်း သိရသည်။

လက်ရှိတွင် မြန်မာ့အားကစား ဖွံ့ဖြိုး တိုးတက်ရေးအတွက် ကျန်းမာရေးနှင့် အားကစားဝန်ကြီးဌာန၊ ပညာရေးဝန်ကြီးဌာနတို့ ပူးပေါင်းဆောင်ရွက်လျက်ရှိကြောင်း၊ အခြေခံပညာကျောင်းများတွင် ကာယဆရာများကို လုံလုံလောက်လောက်ခန့်ထားနိုင်ရေးစီစဉ်နေပြီး နိုင်ငံတကာတွင် ကျန်းမာရေးနှင့် အားကစားတွဲဖက်၍ အောင်မြင်မှုရရှိနေသော နိုင်ငံများ၏ အားကစားမဟာဗျူဟာများကို လေ့လာ၍ မိမိနိုင်ငံနှင့်ကိုက်ညီမည့်အချက်များကို အကောင်အထည်ဖော်ဆောင်ရွက်သွားမည်ဖြစ်ကြောင်း သိရသည်။

ထို့ပြင် တက္ကသိုလ်ပညာရေး၌ B .Sc (Sports) သင်တန်းကို ထည့်သွင်းထားရှိပြီး အားကစားကို သိပ္ပံနည်းကျလေ့ကျင့်ခြင်း၊ ပြိုင်ပွဲဝင်ခြင်း၊ နိုင်ငံတကာနည်းတူဖြစ်စေရန် ဆောင်ရွက်လျက်ရှိပြီး အားကစားနှင့် ကာယပညာသိပ္ပံကျောင်း ခြောက်ကျောင်းကို ဖွင့်လှစ်သင်ကြားလျက်ရှိကြောင်းနှင့် မကြာမီတွင် အခြေခံပညာကျောင်းများ၌ မြန်မာ့ရိုးရာ ခြင်းလုံးအားကစားနည်းကို လေ့ကျင့်သင်ကြားပေး၍ ကျောင်းသားများ၏ ကျန်းမာရေးနှင့် အားကစားတွင် စိတ်ပါဝင်စားမှုမြှင့်တင်နိုင်ရန်လည်း လည်းစီစဉ်ထားကြောင်း သိရသည်။

လက်ရှိကျန်းမာရေးနှင့် အားကစားဝန်ကြီးဌာနအနေဖြင့် သိပ္ပံဘွဲ့(အားကစားပညာ) ရရှိသူများကို ကျန်းမာရေးလူ့စွမ်းအားအရင်း အမြစ်ဦးစီးဌာနအောက်ရှိ ဆေးတက္ကသိုလ်များတွင် နည်းပြ (အား/ကာ) အဖြစ် စတင်ခန့်အပ်သွားမည်ဖြစ်ကြောင်းနှင့် ဆေးတက္ကသိုလ်များတွင် လစ်လပ်လျက်ရှိသည့်နည်းပြ (အား/ ကာ)ရာထူးနေရာများအတွက် အရည်အချင်းသတ်မှတ်ချက်နှင့်ပြည့်စုံသူများအား ခေါ်ယူလျက်ရှိကြောင်း၊ သိပ္ပံဘွဲ့ (အားကစားပညာ) ရရှိထားပြီး အသက် (၃၅ နှစ်) ထက် မကျော်သူများကို လျှောက်ထားခွင့်ပြုထားပြီး လျှောက်လွှာများကို ဧပြီ ၃၀ ရက် နောက်ဆုံးထားကာ ညွှန်ကြားရေးမှူးချုပ်၊ ကျန်းမာရေး လူ့စွမ်းအားအရင်းအမြစ်ဦးစီးဌာနသို့ ပေးပို့လျှောက်ထားနိုင်ကြောင်း သိရသည်။

၂၀၁၃-၂၀၁၄ ပညာသင်နှစ် မှစတင်၍ B .Sc (Sports) ကျောင်းသားကျောင်းသူများအား ဒဂုံတက္ကသိုလ်နှင့် ရတနာပုံတက္ကသိုလ်၌ လက်ခံပညာသင်ကြားပေးခဲ့ကြောင်း၊ ၂၀၁၇ -၂၀၁၈ ပညာသင်နှစ်တွင် B .Sc (Sports)  ဘွဲ့ရရှိသူ ၉၇ ဦးအနက် တတိယနှစ် ဂုဏ်ထူးတန်း ၂၇ ဦးနှင့် မဟာတန်းတက်ရောက်နေသူ ၁၁ ဦးရှိကြောင်းနှင့် ကျန်ရှိ ၅၉ ဦးအား အားကစားနှင့် ကာယပညာဦးစီးဌာန၌ နည်းပြ / နည်းစနစ်မှူးနှင့် ပညာရေးဝန်ကြီးဌာန၌ ကာယကျွမ်းကျင်ဆရာများအဖြစ် ခန့်ထားနိုင်ရေးနှင့် ကျန်းမာရေးလူ့စွမ်းအား အရင်းအမြစ်ဦးစီးဌာနတွင် ကာယနည်းပြအဖြစ် ခန့်ထားနိုင်ရေးလုပ်ဆောင်နေကြောင်းလည်း သိရသည်။

အားကစားပညာဘွဲ့ရများ အနည်းဆုံး လူဦးရေ ၂၀၀၀ ခန့်လိုအပ်နေကြောင်း ပြည်ထောင်စုဝန်ကြီးပြောကြား

လူငယ်အားကစားသမားများအား သင်ကြားပြသပေးနေသည့် အားကစားနည်းပြများကို တွေ့ရစဉ်  (ဓာတ်ပုံ – ညီညီစိုးညွန့်)

အားကစားပညာ ဘွဲ့ရသူများကို အားကစားနှင့် ကာယပညာ ဦးစီးဌာန၊ ပညာရေး ၀န်ကြီးဌာနတို့တွင် နည်းပြ/နည်းစနစ်မှူး၊ ကာယကျွမ်းကျင် ဆရာများအဖြစ် ဦးစားပေး ခန့်အပ်ရန်ရှိပြီး အနည်းဆုံး လူဦးရေ ၂၀၀၀ ခန့်လိုအပ်နေကြောင်း ဖေဖော်ဝါရီ ၂၂ ရက်က သိပ္ပံဘွဲ့ (အားကစားပညာ) ရရှိသော ဘွဲ့ရကျောင်းသား၊ ကျောင်းသူများအား အလုပ်အကိုင် အခွင့်အလမ်း ရရှိရေးနှင့် ပတ်သက်၍ ကျန်းမာရေးနှင့် အားကစား ၀န်ကြီးဌာန၊ ပြည်ထောင်စုဝန်ကြီး ဒေါက်တာမြင့်ထွေးက တွေ့ဆုံလမ်းညွှန်မှု အခမ်းအနားတွင် ပြောကြားခဲ့သည်။

ပြည်ထောင်စုဝန်ကြီးက ပြောကြားရာတွင် B.Sc (Sports) ဘွဲ့ရကျောင်းသား၊ ကျောင်းသူများအား မြန်မာနိုင်ငံ၏ ပထမဦးဆုံး အားကစားဆိုင်ရာ ဘွဲ့ရရှိသူများဖြစ်၍ အထူးဂုဏ်ယူ ၀မ်းမြောက်ကြိုဆိုကြောင်း၊   ဘွဲ့ရမောင်မယ်များ အနေဖြင့် ယခုဘွဲ့ရရှိမှုကိုသာ လက်ခံကျေနပ်မနေဘဲ အားကစားဆိုင်ရာ ပညာရပ်များကို နိုင်ငံတကာမှ နည်းစနစ်များ၊ နည်းပညာများ၊ ခေတ်နှင့်အညီ ပြောင်းလဲနေမှုများကို အချိန်နှင့်တစ်ပြေးညီ သိရှိနိုင်ရေး နည်းလမ်းမျိုးစုံဖြင့် ဆက်လက်ပြီး ထပ်မံလေ့လာသင်ယူကြရန် လိုအပ်ကြောင်း၊ နိုင်ငံတကာတွင် အားကစားနှင့် ပတ်သက်၍ လုပ်ငန်းများစွာပေါ်ပေါက်နေ၍ အလုပ်အကိုင် အခွင့်အလမ်း များပြားပါကြောင်း၊ မိမိတို့နိုင်ငံ အနေဖြင့်လည်း နိုင်ငံဖွံ့ဖြိုးလာမှုနှင့်အတူ အားကစားနှင့်ပတ်သက်၍ အလုပ်အကိုင် အခွင့်အလမ်းများ ပေါ်ပေါက်လာမည် ဖြစ်ကြောင်းနှင့် ယခုအားကစားဘွဲ့ရ မောင်မယ်များအား အားကစားနှင့် ကာယပညာ ဦးစီးဌာန၌ (နည်းပြ/နည်းစနစ်မှူး) ရာထူးများနှင့် ပညာရေးဝန်ကြီးဌာနတို့၌ ကာယကျွမ်းကျင် ဆရာများအဖြစ် ခန့်အပ်နိုင်ရေး ကြိုတင်ပြင်ဆင် ဆောင်ရွက်ပြီးဖြစ်ကြောင်း ပြောကြားသည်။

ထို့ပြင် ပညာရေးဝန်ကြီးဌာန အနေဖြင့် အားကစားနှင့် ဘွဲ့ရရှိသော ဘွဲ့ရများကို ကာယပညာ ဆရာများအဖြစ် ခန့်ထားနိုင်ရေး အထူးဆောင်ရွက်လျက်ရှိကြောင်း၊ အနည်းဆုံး လူဦးရေ ၂၀၀၀ခန့် လိုအပ်လျက်ရှိကြောင်း၊ အားကစားနှင့် ကာယပညာ ဦးစီးဌာနနှင့် ပညာရေး ၀န်ကြီးဌာနတွင် B.Sc (Sports) ဘွဲ့ရများကို ဦးစားပေး ခန့်ထားမည် ဖြစ်ကြောင်းနှင့် ဘွဲ့ရများအနေဖြင့် လုပ်ငန်းခွင် ၀င်ရောက်လုပ်ကိုင်ရာတွင် အားကစားဆိုင်ရာ ပညာရပ်များကို ထပ်မံလေ့လာ လိုက်စားရုံသာမက အင်္ဂလိပ်စာ အရည်အချင်း တိုးတက်အောင် လေ့လာရန်လိုကြောင်း ပြောကြားခဲ့သည်။

ယင်းအခမ်းအနားတွင် အားကစားနှင့် ကာယပညာ ဦးစီးဌာန၊ ညွှန်ကြားရေးမှူးချုပ် ဦးမျိုးလှိုင်က ၂၀၁၃ -၂၀၁၄ ပညာသင်နှစ်မှ စတင်၍ B.Sc (Sports) ကျောင်းသား ကျောင်းသူများအား ဒဂုံတက္ကသိုလ်နှင့် ရတနာပုံ တက္ကသိုလ်၌ လက်ခံပညာသင်ကြား ပေးခဲ့ကြောင်း၊ ၂၀၁၇-၂၀၁၈ ပညာသင်နှစ်တွင် B.Sc (Sports) ဘွဲ့ရရှိသူ ၉၇ ဦးအနက် တတိယနှစ် ဂုဏ်ထူးတန်း၂၇ ဦးနှင့် မဟာတန်း တက်ရောက်နေသူ ၁၁ ဦးရှိကြောင်းနှင့် ကျန်ရှိ ၅၉ ဦးအားအားကစားနှင့် ကာယပညာ ဦးစီးဌာန၌ နည်းပြ/နည်းစနစ်မှူးနှင့် ပညာရေးဝန်ကြီးဌာန၌ ကာယကျွမ်းကျင် ဆရာများအဖြစ် ခန့်ထားနိုင်ရေးနှင့် ကျန်းမာရေး လူ့စွမ်းအား အရင်းအမြစ် ဦးစီးဌာနတွင် ကာယနည်းပြအဖြစ် ခန့်ထားနိုင်ရေး အခြေအနေများကို ပြောကြားသည်။

၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွက် ပညာရေးဝန်ကြီးဌာန၊ ကျန်းမာရေးနှင့် အားကစား ၀န်ကြီးဌာနများက ကျပ်ဘီလျံ ၁၂၀၀ ကျော် တင်ပြတောင်းခံထားကြောင်းနှင့် ဘတ်ဂျက်များကို ဇန်န၀ါရီ ၁၇ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် ၂၀၁၈ ခုနှစ် ဧပြီမှ စက်တင်ဘာလအထိ ခြောက်လအတွက် ပညာရေး ၀န်ကြီးဌာန အနေဖြင့် ကျပ် ၈၀၇ ဒ သမ ၁၄၆၅၅၂ ဘီလျံ၊ ကျန်းမာရေးနှင့် အားကစား ၀န်ကြီးဌာန အနေဖြင့် ကျပ်ဘီလျံ ၄၁၀ ကျော်အား ပြည်ထောင်စုဝန်ကြီးများက ပြည်ထောင်စု လွှတ်တော်တွင် တင်ပြတောင်းခံထားကြောင်း သိရသည်။

ဘီဘီစီ၏ ပြည်ပအားကစား ထူးချွန်ဆုကို ဖက်ဒါရာ လေးကြိမ်မြောက်ဆွတ်ခူး

ဖက်ဒါရာအား ၂၀၁၇ ၀င်ဘယ်လ်ဒန်ချန်ပီယံရှစ် ဂရင်းစလင်း ဆုဖလားနှင့်တွေ့ရစဉ် (Photo: AFP)

ဆွစ်ဇာလန်ဂန္ထ၀င် တင်းနစ်သမား ရော်ဂျာဖက်ဒါရာသည် ၂၀၁၇ ခုနှစ်အတွက် ဗြိတိန်အခြေစိုက် ဘီဘီစီသတင်းဌာနက ပေးအပ်ချီးမြှင့်သည့် ပြည်ပအားကစားထူးချွန်ဆု ဆွတ်ခူးရရှိခဲ့ကြောင်း သိရသည်။

ဖက်ဒါရာ (၃၆ နှစ်) သည် ၂၀၁၇ ခုနှစ် အတွင်း သြစတြေးလျအိုးပင်းနှင့် ၀င်ဘယ်လ်ဒန်ချန်ပီယံရှစ် ဂရင်းစလင်းပြိုင်ပွဲနှစ်ပွဲ အပါအ၀င် စုစုပေါင်း ချန်ပီယံဆု ခုနစ်ကြိမ်အထိ ရယူနိုင်ခဲ့ပြီး ကမ္ဘာ့အဆင့် (၂) နေရာအထိ ပြန်လည်မြင့်တက်လာခဲ့သည်။ ထို့ကြောင့် ၎င်းအနေဖြင့် အမေရိကန် NFL ကစားသမား တွမ်ဘရက်ဒီ၊ အမေရိကန်အမျိုးသမီး ရေကူးကစားသမား လီဒက်ကီ၊ အမေရိကန်အမျိုးသမီး မသန်စွမ်း ပြေးခုန်ပစ် ကစားသမား မက်ဖက်ဒန်၊ သြစတြေးလျအမျိုးသမီး တန်းကျော် ပြေးကစားသမား ဆယ်လီပီယာဆန်၊ နယ်သာလန်မြားသေးပစ် ကစားသမား ဗန်ဂါဝန်တို့ထက် မဲအသာရကာ ထူးချွန်ဆုဆွတ်ခူးရရှိခဲ့ခြင်းဖြစ်သည်။ ဖက်ဒါရာသည် ဘီဘီစီ ပြည်ပအားကစားထူးချွန်ဆုကို စံချိန်တင်အဖြစ် လေးကြိမ်မြောက် (၂၀၀၄၊ ၂၀၀၆၊ ၂၀၀၇၊ ၂၀၁၇) ဆွတ်ခူးရရှိခြင်းဖြစ်ပြီး ယခင်က သုံးကြိမ်စီရရှိထားသည့် အမေရိကန်ဂန္ထ၀င် လက်ဝှေ့သမား မိုဟာမက်အလီနှင့် ဂျမေကာ တာတိုအပြေးစံချိန်ရှင် ယူစိန်ဘော့တို့ကို ကျော်ဖြတ်၍ အအောင်မြင်ဆုံးကစားသမားအဖြစ် မှတ်တမ်းဝင်မည်ဖြစ်သည်။

“ဗြိတိန် ပရိသတ်တွေက ဘီဘီစီရဲ့ တစ်နှစ်တာ ပြည်ပ အားကစား ထူးချွန်ဆုရရှိသူအဖြစ် ကျွန်တော့်ကို ရွေးချယ်ပေးခဲ့လို့ အတိုင်းမသိ ဂုဏ်ယူမိပါတယ်” ဟု ဖက်ဒါရာက ပြောကြားသည်။ ဆုချီးမြှင့်ပွဲအခမ်းအနားကို ဒီဇင်ဘာ ၁၇ ရက်တွင် လီဗာပူးလ်မြို့ရှိ Echo Arena ၌ ကျင်းပမည်ဖြစ်ပြီး ပြည်တွင်းအားကစားထူးချွန်ဆု ဆန်ခါတင်စာရင်းတွင် ဟာရီကိန်း (ဘောလုံး)၊ ဂျိုရှူအာ (လက်ဝှေ့)၊ မိုဖာရက် (အပြေး)၊ ဟာမီလ်တန် (ဖော်မြူလာဝမ်း) တို့ ပါဝင်နေကြောင်း သိရသည်။      Ref: AFP

မန္တလေးမြို့အတွင်း ယခင်အစိုးရလက်ထက်က ရောင်းချထားခဲ့သော မြေကွက် ၁၃၄ ကွက်ကျော်အား ပြန်သိမ်းယူလျက်ရှိပြီး မူလလျာထားသည့် အများပြည်သူအားကစားကွင်းများအဖြစ် ဖော်ဆောင်မည်

မန္တလေးမြို့အတွင်း ယခင်အစိုးရလက်ထပ်က ရောင်းချထားခဲ့သော မြေကွက် ၁၃၄ ကွက်ကျော်အား ပြန်သိမ်းယူလျက်ရှိပြီး မူလလျာထားသည့် အများပြည်သူ အားကစားကွင်းများအဖြစ် ဖော်ဆောင်သွားမည် ဖြစ်သည်။

“ကျွန်တော်တို့ နိုင်ငံမှာ ဘောလုံးကို ခရေစီဖြစ်ခဲ့ပေမယ့် ဘောလုံးကွင်းတွေ ပျောက်သွားတယ်။ ဘောလုံးသမားတွေ ကွယ်ပျောက်သွားရပါတယ်။ အရင်အစိုးရလက်ထက်တုန်းက သိမ်းဆည်းပြီး ပြည်သူတွေကိုပေးလိုက်တဲ့ ဘောလုံးကွင်းတွေကို အခုကျွန်တော်တို့ အစိုးရကပြန်သိမ်းပြီး ဘောလုံးကွင်းတွေကို အခုတတ်နိုင်သမျှ ပြန်လည်ဖော်ထုတ်နေပါပြီ။ ရပ်ကွက်တိုင်းမှာ ဘောလုံးကွင်းတစ်ကွင်းရှိအောင် ကြိုးစားနေပါတယ်။ ဗိုလ်ချုပ်ထွန်းကြည် (ယခင်မန္တလေးတိုင်းမှူးဟောင်း) လက်ထပ်က မြေကွက်တွေချထားတဲ့နေရာမှာ သူ့ဘာသူ ဇယားဆွဲထားပြီးသားရှိတယ်။ အားကစားကွင်း၊ ကျန်းမာရေး၊ ကျောင်း၊ ဈေး ဒါတွေအကုန်လုံးက သူ့ဘာသူ လျာထားပြီးသား ရှိပြီးသား၊ ဒီလိုရှိပြီးသားကိုမှ အကုန်လုံးကို ရောင်းချသွားတဲ့အပိုင်းမှာ ကျွန်တော်တို့က ပြန်သိမ်းမှာ၊ ပြန်လည်သိမ်းနေပြီ။ အဲဒီလိုသိမ်း နေတာကလည်း အခု ၁၃၄ ကွက်လောက် ရှိနေတယ်။ အကယ်၍ သူတို့က စည်ပင်မှာ ပိုက်ဆံသွင်းထားတာရှိရင် ပြန်အမ်းမယ်၊ နဂို မြို့ကွက်သစ်ဖော်ဆောင်ရာမှာ အားကစားကွင်းအဖြစ် လျာထားတဲ့နေရာတွေကို အားကစားကွင်းအဖြစ်မသုံးဘဲ အခြားနည်းနဲ့ သုံးစွဲနေတာတွေရှိတယ်။ အဲဒါတွေကို အားကစားကွင်းအဖြစ် ပြန်လည်ဖော်ဆောင်သွားမှာပါ။ အခု ၃၅ လမ်း ဂေါ်ရာကွင်းဆိုရင် မင်္ဂလာဈေးမီးဘေးသင့် ပြည်သူတွေအတွက် ခေတ္တနေရာချပေးထားတာပါ။ ဈေးပြန်လည်တည်ဆောက်ပြီးရင် ဈေးသည်တွေကို နေရာပြန်ချပြီးသွားရင် ဂေါ်ရာကွင်းကို ဘောလုံးကွင်းအဖြစ် ပြန်ဖော်ဆောင်သွားမှာပါ” ဟု မန္တလေးတိုင်းဒေသကြီး၊ တိုင်းရင်းသားရေးရာဝန်ကြီး ဦးစိုင်းကျော်ဇောက ပြောကြားသည်။

မန္တလေးတိုင်းအတွင်း အားကာဦးစီးဌာန လက်အောက်တွင် ဘောလုံးကွင်း ၂၅ ကွင်းရှိကြောင်း၊ မိမိတို့ဘောလုံးကွင်းများကို သိမ်းယူသွားခြင်းလည်းမရှိကြောင်း မန္တလေးတိုင်းဒေသကြီး အား/ ကာညွှန်မှူးဦးဝေဇင်က ဆိုသည်။

“မြို့ကွက်သစ်တိုးချဲ့စဉ်က အားကစားကွင်းအဖြစ် ဖော်ဆောင်ထားတာတွေကို  အားကစားကွင်းအဖြစ်မသုံးဘဲ တခြားနည်းနဲ့သုံးသွားတာတွေကို ပြန်ဖော်ဆောင်မယ့် သဘောပါ။ အဲဒီလိုလုပ်ဖို့အတွက် အခုစိစစ်မှုတွေ လုပ်နေတာတော့ သိရပါတယ်။ ကျွန်တော်တို့ အားကာအနေနဲ့ကတော့ မြို့နယ်တစ်ခုကို ဘောလုံးကွင်းတစ်ကွင်းပေါ့။ စီမံခန့်ခွဲရပါတယ်။ တစ်ရပ်ကွက်ကို ဘောလုံးတစ်ကွင်း လုပ်ဖို့ကတော့ သက်ဆိုင်ရာအစိုးရအဖွဲ့နဲ့ စည်ပင်ကနေ လုပ်မယ့်သဘောပါပဲ” ဟု ၎င်းက ပြောကြားသည်။