အာရှဖွံ့ဖြိုးရေးဘဏ်မှချေးယူမည့် အမေရိကန်ဒေါ်လာ ၄၀ ဒသမ ၅ သန်းဖြင့် အပူပိုင်းဇုန်ဖြစ်သည့် မကွေးတိုင်း၊ မန္တလေးတိုင်းနှင့် စစ်ကိုင်းတိုင်းဒေသကြီးအတွင်းရှိ ၁၄ မြို့နယ်တွင် စီမံကိန်းလုပ်ငန်းများ ဆောင်ရွက်မည်ဟု ဒုတိယ၀န်ကြီး ပြောကြား

အာရှဖွံ့ဖြိုးရေးဘဏ်ထံမှ ချေးယူမည့် အမေရိကန်ဒေါ်လာ ၄၀ ဒသမ ၅ သန်းဖြင့် အပူပိုင်းဇုန်ဖြစ်သည့် မကွေးတိုင်း၊ မန္တလေးတိုင်းနှင့် စစ်ကိုင်းတိုင်းဒေသကြီးအတွင်းရှိ မြို့နယ် ၁၄ မြို့နယ်တွင် စီမံကိန်းလုပ်ငန်းများ ဆောင်ရွက်မည်ဟု စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဒုတိယ၀န်ကြီး ဦးလှကျော်က ပြောကြားသည်။

သြဂုတ် ၁၅ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် နိုင်ငံတော်သမ္မတထံမှ ပေးပို့ထားသော စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ စီမံကိန်းလုပ်ငန်းများ ဆောင်ရွက်ရန် အာရှဖွံ့ဖြိုးရေးဘဏ်ထံမှ အမေရိကန်ဒေါ်လာ ၄၀ ဒသမ ၅ သန်း ချေးယူရန်နှင့်ပတ်သက်ပြီး လွှတ်တော်ကိုယ်စားလှယ်များ၏ ဆွေးနွေးချက်များအား ပြန်လည်ရှင်းလင်းစဉ် ယင်းကဲ့သို့ ပြောကြားခဲ့ခြင်းဖြစ်သည်။

ဦးလှကျော်က “ယခုရယူမယ့်ချေးငွေနဲ့ ဆောင်ရွက်မယ့်စီမံကိန်းတွေက မြန်မာနိုင်ငံ အလယ်ပိုင်းအပူပိုင်းဇုန်ဖြစ်တဲ့ မကွေးတိုင်းဒေသကြီးက မြို့နယ် ငါးခု၊ မန္တလေးတိုင်းဒေသကြီးအတွင်းက မြို့နယ်လေးခု၊ စစ်ကိုင်းဒေသကြီးအောက်ပိုင်းက မြို့နယ်ငါးခုဖြစ်ပါတယ်။ စုစုပေါင်း ၁၄ မြို့နယ်ဖြစ်ပါတယ်။ စီမံကိန်း အကောင်အထည်ဖော်ဖို့ မြို့နယ်တွေကို ရွေးချယ်ရာမှာ ထုတ်လုပ်သူတွေ၊ ကုန်ပစ္စည်းစုစည်းသူတွေ၊ ကုန်သည်တွေပါဝင်တဲ့ တည်ထောင်ပြီးသား တန်ဖိုးကွင်းဆက်ချိန်ဆက်မှုရှိခြင်း၊ ဈေးကွက်သို့ ရောင်းချနိုင်မယ့် စပါး၊ ပဲမျိုးစုံနဲ့နှမ်းတွေ ပိုလျှံစွာထုတ်လုပ်နိုင်ခြင်း၊ အခြားစီမံကိန်းတွေကို ကူညီထောက်ပံ့ပေးနိုင်ပြီး စီမံကိန်းအသစ်တွေ ဖြစ်ပေါ်နိုင်တဲ့ အခွင့်တွေရှိခြင်း စတာတွေအပေါ် မူတည်ပြီး ရွေးချယ်ခြင်းဖြစ်ပါတယ်” ဟု လွှတ်တော်တွင် ပြောကြားသည်။

ထို့ပြင် စီးပွားရေးအရပြန်ရချက်နှင့် ငွေကြေးအရပြန်ရချက် အနည်းဆုံး ၁၂ ရာခိုင်နှုန်းအထက်ရှိခြင်း၊ နည်းပညာဆိုင်ရာ ဆောင်ရွက်မှုအနေဖြင့် မြေအောက်ရေနှင့် မိုးရေရရှိမှုကို ရေရှည်ဖြည့်ဆည်းပေးနိုင်မည့် အခြေအနေရှိခြင်းနှင့် ရာသီဥတုဒဏ်ကို ကြံ့ကြံ့ခံနိုင်သည့် သွင်ပြင်လက္ခဏာပုံစံဖြစ်ခြင်း၊ သဘာဝပတ်ဝန်းကျင်ဆိုင်ရာ ထည့်သွင်းစဉ်းစားမှု အနေဖြင့် သဘာဝပတ်ဝန်းကျင်အား မထိခိုက်စေသော စီမံကိန်းဖြစ်ခြင်း၊ လူမှုရေးဆိုင်ရာ ထည့်သွင်းစဉ်းစားမှု အနေဖြင့် လျော်ကြေးငွေပေးရန် မလိုခြင်းနှင့် မြေသိမ်းမှုမရှိခြင်း၊ ရပ်ရွာဦးဆောင်သော ဖွံ့ဖြိုးတိုးတက်မှု ဖြစ်စေခြင်းနှင့် လုပ်ကွက်ငယ်တောင်သူများ ပါဝင်လာစေခြင်း၊ ကျားမဆိုင်ရာ ထိရောက်သော လုပ်ငန်းဖြစ်ခြင်း၊ အခြားသော ဖွံ့ဖြိုးတိုးတက်မှုဆိုင်ရာ မိတ်ဖက်များမှ ဆောင်ရွက်လျက်ရှိသော ထောက်ပံ့ငွေ၊ ချေးငွေစီမံကိန်းများနှင့် မထပ်စေခြင်း စသည့် အချက်များအပေါ် အခြေခံပြီး Feasibility Study လုပ်ငန်းအတွက် ကွင်းဆင်းစိစစ် ဆောင်ရွက်ခဲ့ကြောင်း ဦးလှကျော်က ပြောကြားသည်။

ယင်းအချက်များနှင့် ညီညွတ်သည့် မကွေးတိုင်းဒေသကြီးအတွင်းရှိ ပခုက္ကူ၊ မကွေး၊ အောင်လံ၊ နတ်မောက်၊ ပွင့်ဖြူမြို့နယ်၊ မန္တလေးတိုင်းဒေသကြီးအတွင်းရှိ မလှိုင်၊ ပျော်ဘွယ်၊ မိတ္ထီလာ၊ စဥ့်ကိုင်၊ စစ်ကိုင်းတိုင်းဒေသကြီးအောက်ပိုင်းရှိ မုံရွာ၊ ရွှေဘို၊ စစ်ကိုင်း၊ ယင်းမာပင်နှင့် ဆားလင်းကြီးမြို့နယ်များကို ရွေးချယ်ထားကြောင်း၊ စီမံကိန်းပါ လုပ်ငန်းများဆောင်ရွက်ရန် လျာထားသည့် မျိုးစေ့ခြံ ၁၀ ခြံအနေဖြင့် မကွေးတိုင်းဒေသကြီးရှိ ပွင့်ဖြူ၊ မန္တလေးတိုင်းဒေသကြီးရှိ စဥ့်ကိုင်၊ မလှိုင်၊ စိတ္တိန်း၊ ကြက်မောက်တောင်၊ စစ်ကိုင်းတိုင်းဒေသကြီးရှိ ချီပါ၊ ကန့်ဘလူ၊ မြေမွန်၊ ၀က်တိုး၊ ဘွေးကုန်းခြံတို့အား စိစစ်ရွေးချယ်ထားကြောင်း ၎င်းက ဆက်လက်ပြောကြားခဲ့သည်။

ရာသီဥတုနှင့် လိုက်လျောညီထွေဖြစ်စေမည့် စိုက်ပျိုးစီးပွားရေးလုပ်ငန်းဆိုင်ရာ တန်ဖိုးကွင်းဆက် ချေးငွေစီမံကိန်းကို ADB ၏ ချေးငွေနှင့်ဆက်စပ်၍ ကမ္ဘာလုံးဆိုင်ရာ စိုက်ပျိုးရေးနှင့် စားနပ်ရိက္ခာဖူလုံရေး အစီအစဉ်မှ အမေရိကန်ဒေါ်လာ ၂၇ သန်း ထောက်ပံ့ကူညီပေးသွားမည်ဖြစ်ကြောင်း၊ ချေးငွေဖြင့် ဆောင်ရွက်မည့် လုပ်ငန်းများတွင် မပါဝင်သော ဖြည့်စွက်ရေရရှိရေး စက်ရေတွင်းတူးဖော်ခြင်း၊ အာဟာရပြည့်ဝစေရေး လုပ်ငန်းများ ဆောင်ရွက်ခြင်း၊ စဉ်ဆက်မပြတ် စောင့်ကြည့် လေ့လာခြင်းနှင့် အကဲဖြတ်ခြင်းလုပ်ငန်းများကို GAFSP ၏ အထောက်အပံ့ဖြင့် ဆောင်ရွက်မည်ဖြစ်ကြောင်း ဦးလှကျော်က ဆိုသည်။

၂၀၁၈ ခုနှစ် အောက်တိုဘာမှ ၂၀၂၅ ခုနှစ်စက်တင်ဘာလအထိ ခုနစ်နှစ်ကာလ စီမံကိန်းကာလအတွင်း အကောင်အထည်ဖော်မည့် လုပ်ငန်းများအနေဖြင့် စပါး၊ ကုလားပဲနှင့် နှမ်းတို့၏ ရာသီဥတု ဒဏ်ခံနိုင်ရေးရှိသည့်မျိုး (ရေငတ်ဒဏ်ခံနိုင်သောမျိုး၊ အပူဒဏ်ခံနိုင်သောမျိုး) များ ပြန့်ပွားစေခြင်း၊ မျိုးစေ့ထုတ်လုပ်သူများ၊ လယ်သမားများ၊ ၀န်ဆောင်မှုလုပ်ငန်း ဆောင်ရွက်နေသူများအား ရာသီဥတုနှင့် လိုက်လျောညီထွေရှိစေမည့် စိုက်ပျိုးရေးသင်တန်းများပေးခြင်း၊ ဒီဂျစ်တယ် အသုံးပြုစိုက်ပျိုးရေးဆိုင်ရာ ချေးငွေစနစ်တစ်ခု ထူထောင်ခြင်း၊ စိုက်ပျိုးရေးမျိုးစေ့ခြံ ၁၀ ခြံတွင် ရေသွင်းမြောင်း၊ ရေထုတ်မြောင်း အဆောက်အအုံများ၊ စိုက်ပျိုးရေး မိုးလေ၀သစခန်းများ၊ မျိုးစေ့စမ်းသပ်စစ်ဆေးသည့် ပစ္စည်းများစသည့် စိုက်ပျိုးရေးအခြေခံ အဆောက်အအုံများ အဆင့်မြှင့်တင်ခြင်း စသည့်လုပ်ငန်းများကို နှစ်အလိုက်ဆောင်ရွက်မည့် အသေးစိတ်လုပ်ငန်း အစီအစဉ်များ စီစဉ်ထားပြီးဖြစ်ကြောင်း ဒုတိယ၀န်ကြီး ဦးလှကျော်က ပြောကြားသည်။

ငရုတ်ကောင်းမှ ငွေဆောင်-ချောင်းသာ-ဂွ-ကမ်းသာယာအထိ ကွန်ကရစ်လမ်း ဖောက်လုပ်ရန် ဧရာဝတီတိုင်းဒေသကြီးအစိုးရအဖွဲ့က စီမံချက်ချထားကြောင်း ဆောက်လုပ်ရေးဒုတိယ၀န်ကြီး ရှင်းလင်း

ငရုတ်ကောင်း-ငွေဆောင်-ချောင်း သာ-ဂွ-ကမ်းသာယာအထိ ကွန်ကရစ်လမ်း ဖောက်လုပ်ရန် ဧရာဝတီတိုင်းဒေသကြီးအစိုးရအဖွဲ့က စီမံချက်ချထားကြောင်း ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်းက ပြောကြားသည်။

မတ် ၂၆ ရက်ကပြုလုပ်သည့် ပြည်ထောင်စုလွှတ်တော် အစည်းအဝေးတွင် နိုင်ငံတော်သမ္မတထံမှ ပေးပို့ထားသော ဆောက်လုပ်ရေးဝန်ကြီးဌာန မဟာမဲခေါင်ဒေသအတွင်းရှိ လမ်းမကြီးများ ဖွံ့ဖြိုးတိုးတက်ရေးစီမံကိန်းအတွက် အာရှဖွံ့ဖြိုးရေးဘဏ်နှင့် အာဆီယံအခြေခံအဆောက်အအုံ ရန်ပုံငွေတို့ထံမှ ဒေါ်လာသန်း ၃၆၀ ချေးယူရန်ကိစ္စနှင့် စပ်လျဉ်းပြီး ပြန်လည်ရှင်းလင်းစဉ် ပြောကြားခဲ့ ခြင်းဖြစ်သည်။

အရှေ့အနောက် စီးပွားရေးစင်္ကြံလမ်းသည် မြန်မာနိုင်ငံအတွင်းတွင် ပုသိမ်မှတစ်ဆင့် နောင်တစ်ချိန်တွင် ဖြစ်ပေါ်လာနိုင်မည့် ငရုတ်ကောင်းရေနက်ဆိပ်ကမ်းကို မျှော်မှန်းပြီး ဆက်သွယ်ဖောက်လုပ်ရန် စီမံထားရှိခြင်းဖြစ်ကြောင်း၊ဧရာဝတီတိုင်းဒေသကြီး အစိုးရအဖွဲ့အနေဖြင့် ငရုတ်ကောင်းမှ ငွေဆောင်- ချောင်းသာ-ဂွ-ကမ်းသာယာအထိ တစ်ဆက်တစ်စပ်တည်း ကွန်ကရစ်လမ်းအဖြစ် ဖောက်လုပ်ရန် စီမံချက်ချထားပြီးဖြစ်ကြောင်း၊ အဆိုပါလမ်းကို အခြေခံ၍ ပင်လယ်ပြင်ဗဟိုပြု စီးပွားရေးလုပ်ငန်းများဖြစ်သော ဟိုတယ်နှင့် ခရီးသွားလုပ်ငန်း၊ အပန်းဖြေစခန်းများ၊ ငါးဖမ်းလုပ်ငန်းများ၊ ရေထွက်ကုန်ပစ္စည်း ထုတ်လုပ်ရေးလုပ်ငန်းများနှင့်အတူ ဆက်စပ်နေသော အခြားစီးပွားရေးလုပ်ငန်းများ ဖွံ့ဖြိုး တိုးတက်ရေးအတွက် စီစဉ်ဆောင်ရွက်လျက် ရှိကြောင်း ဒုတိယ၀န်ကြီးက ပြောကြားခဲ့ သည်။

ထို့ပြင် အာရှဖွံ့ဖြိုးရေးဘဏ်မှချေးငွေဖြင့်ဆောင်ရွက်မည့် ရန်ကုန်-ပုသိမ်လမ်းသည် မြန်မာနိုင်ငံရင်းနှီးမြှုပ်နှံမှုကော်မရှင်၏ ခွင့်ပြုချက်အရ Oriental Highway ကုမ္ပဏီ မှ BOT စနစ်ဖြင့် လုပ်ငန်းများဆောင်ရွက်လျက်ရှိသည့် လမ်းဖြစ်ကြောင်း၊ ရန်ကုန်-ပုသိမ် လမ်း အဆင့်မြှင့်တင်ခြင်းလုပ်ငန်းများ ဆောင်ရွက်ပြီးစီးသည့်အချိန်တွင် Concession ကို နိုင်ငံတော်မှ ပြန်လည်ထိန်းချုပ် Control လုပ်၍ Operating and Maintenance လုပ်ငန်းများကို BOT ကုမ္ပဏီသို့ ပြန်လည်တာဝန်ပေးအပ်သွားမည်ဖြစ်ကြောင်း၊ လက်ရှိကုမ္ပဏီ၏ Concession သက်တမ်းသည် ၃၃ နှစ်ဖြစ်ကြောင်း၊ ၂၄ နှစ်ကို နိုင်ငံတော်မှ Concession Control လုပ်မည်ဖြစ်ပြီး ADB ၏ ချေးငွေအားလုံးကို ပြန်လည်ပေးဆပ်သွားစေမည်ဖြစ်ကြောင်း၊ ကျန်ရှိနေသည့် ကိုးနှစ်ကိုသာ ကုမ္ပဏီမှ Concession အပြည့်အ၀ ရရှိမည်ဖြစ်ပြီး ကောက်ခံရရှိငွေများထဲမှ ချေးငွေနှင့် အတိုးကို ပေးဆပ်ရမည်ဖြစ်၍ နိုင်ငံတော်အတွက် ထိခိုက်နစ်နာဆုံးရှုံးမှုမရှိ ကြောင်း ဒုတိယ၀န်ကြီးက ပြောကြားသည်။

ဒုတိယ၀န်ကြီးက “ငရုတ်ကောင်း ရေနက်ဆိပ်ကမ်း ဆောင်ရွက်နိုင်ခဲ့ရင် ပစိဖိတ်သမုဒ္ဒရာနှင့် အိန္ဒိယသမုဒ္ဒရာတို့ကို တိုက်ရိုက်ဆက်သွယ်ပေးမယ့်လမ်းကြောင်းကြီးအဖြစ် အကောင်အထည်ဖော် ဆောင်ရွက်နိုင်မှာဖြစ်ပါတယ်။ ပစိဖိတ်သမုဒ္ဒရာ၏ ဆိပ်ကမ်းမြို့ဖြစ်တဲ့ ဒါနန်းမြို့နဲ့ အိန္ဒိယသမုဒ္ဒရာရဲ့ ဆိပ်ကမ်းမြို့ဖြစ်တဲ့ ငရုတ်ကောင်းမြို့တို့ကို ဆက်သွယ်နိုင်မယ့် စီးပွားရေးကုန်သွယ်လမ်းကြောင်းအဖြစ် ဖော်ဆောင်ဖို့ ADB ရဲ့ PLAN ကို ရေးဆွဲထားခဲ့ခြင်းဖြစ်ပါတယ်” ဟု ပြောကြားသည်။

ယခုလက်ရှိဖော်ဆောင်နေသည့် အရှေ့အနောက် စီးပွားရေးစင်္ကြံလမ်းမကြီးသည် ဗီယက်နမ်နိုင်ငံ ဒါနန်းဆိပ်ကမ်းမြို့မှ စတင်ကာ လာအိုနိုင်ငံနှင့် ထိုင်းနိုင်ငံတို့ကိုဖြတ်ပြီး မြန်မာနိုင်ငံ ရန်ကုန်မြို့ သီလ၀ါဆိပ်ကမ်း SEZ တွင် အဆုံးသတ်ရန် ညှိနှိုင်းဆုံးဖြတ်ထားခြင်းဖြစ်ကြောင်း၊ အဆိုပါ အရှေ့အနောက် စီးပွားရေးစင်္ကြံလမ်းမကြီးသည် မြန်မာနိုင်ငံကို ဖြတ်သန်းရာတွင် မြ၀တီ၊ ဘားအံ၊ ကျိုက်ထို၊ ဘုရားကြီးမှတစ်ဆင့် ရန်ကုန်-မန္တလေး အမြန်လမ်းမတစ်လျှောက်ရှိ မြို့များ၊ သနပ္ပင်၊ ကမာစဲမှတစ်ဆင့် သီလ၀ါလမ်းကြောင်းတစ်လျှောက်မှလည်းကောင်း ရန်ကုန်မြို့သို့ အသီးသီး ၀င်ရောက်နိုင်မည်ဖြစ်ကြောင်း၊ ထိုမှတစ်ဆင့် Future Plan အနေဖြင့် ရန်ကုန်မြို့မှပတ်၍ ပုသိမ်မြို့မှတစ်ဆင့် ငရုတ်ကောင်းမြို့ အထိ ဆက်လက်သွားလာနိုင်မည့် စီပွားရေးစင်္ကြံလမ်းအဖြစ် လျာထားစီစဉ်ဆောင်ရွက်ထားရှိခြင်းဖြစ်ကြောင်း ဒုတိယ၀န်ကြီးက ပြောကြားသည်။