အမေရိကန်၏ခြောက်ခုမြောက် စစ်ဌာနချုပ်အဖြစ် အာကာသတပ်ဖွဲ့ ဖွဲ့စည်းချိန်ရောက်ပြီဟု အမေရိကန်ဒုတိယသမ္မတပြောကြား

သြဂုတ် ၉ ရက်တွင် ပင်တဂွန်၌ အာကာသတပ်ဖွဲ့ထူထောင်ရန်အကြောင်းကို အမေရိကန်ဒုတိယသမ္မတ မိုက်ပင့်စ်က ပြောကြားနေစဉ် (Photo: AFP)

အမေရိကန်ဧရာမစစ်တပ်၏ ခြောက်ခုမြောက် စစ်ဌာနချုပ်ဖြစ်လာမည့် အမေရိကန် အာကာသတပ်ဖွဲ့ထူထောင်ရန်အသေးစိတ် အစီအစဉ်များအား အမေရိကန်ဒုတိယသမ္မတ မိုက်ပင့်စ်က သြဂုတ် ၉ ရက်တွင်ထုတ် ပြန်ခဲ့ပြီး လာမည့်စစ်မျက်နှာသစ်အတွက် ကြိုတင်ပြင်ဆင်ချိန်ရောက်ပြီဖြစ်ကြောင်းလည်း ပြောကြားခဲ့သည်။

ပင်တဂွန်သည် အာကာသတွင် ခုခံနိုင်စွမ်း အားနည်းမှုကို ကျော်လွှားနိုင်ရန်နှင့် အာကာသပတ်လမ်းတွင် အမေရိကန်၏လွှမ်းမိုးမှုအား ရဲရဲတင်းတင်းပြသရန်လိုအပ်ကြောင်း ထောက်ပြလျက် သမ္မတဒေါ်နယ်ထ ရန့်က အာကာသတပ်ဖွဲ့ထူထောင်ရန် ပြီးခဲ့သော ဇွန်တွင် ညွှန်ကြားခဲ့သည်။ သို့သော် ထိုအစီအစဉ်အတွက် ကွန်ဂရက်၏ အတည်ပြုမှု လိုအပ်ပြီး ဥပဒေပြုအမတ်များနှင့် ကာကွယ်ရေး တာဝန်ရှိသူအချို့က ကုန်ကျစရိတ် နှင့် ဗျူရိုကရေစီစနစ်တို့ကြောင့် သံသယ၀င်နေခဲ့သည်။

ပင့်စ်က ထရန့်အစိုးရ၏စိတ်ကူးကို ၎င်း၏ သက်တမ်းကုန်ဆုံးမည့် ၂၀၂၀ ပြည့် နှစ်မတိုင်မီ လက်တွေ့ဖြစ်လာရန် ပြတ်ပြတ်သားသားပြောကြားခဲ့သည်။ အမေရိကန် အာကာသတပ်ဖွဲ့ထူထောင်ရန် အချိန်ကျပြီ ဖြစ်ပြီး လာမည့်ငါးနှစ်ကျော်အတွင်း အမေရိကန် အာကာသလုံခြုံရေးစနစ်များအတွက် နောက်ထပ်ဒေါ်လာရှစ်ဘီလျံ ရင်းနှီးမြှုပ်နှံရန် ထရန့်၏တောင်းဆိုမှုကို ပင့်စ်က ပင်တဂွန်တွင် ထပ်မံပြောကြားခဲ့သည်။အမှီအခို ကင်းသော အာကာသတပ်ဖွဲ့သည် ဂြိုဟ်တုဖျက်စွမ်းရည်များ ရရှိရန် တက်တက်ကြွကြွ ကြိုးပမ်းနေသည့် ရုရှားနှင့်တရုတ်တို့အား တန်ပြန်ရန် အလွန်အမင်းအရေးပါကြောင်း ပင့်စ်က ပြောကြားခဲ့သည်။

အာကာသတပ်ဖွဲ့ စတင်မလည်ပတ်မီ ပင်တဂွန်က လုပ်ဆောင်မည့်အသေးစိတ်အစီအစဉ်များတွင် ရှိဆဲ စစ်ဘက်အဖွဲ့အစည်းများမှ အဖွဲ့ဝင်များအား ခေါ်ယူ၍ အဖွဲ့သစ် ဖြစ်သည့် အမေရိကန်အာကာသဌာနချုပ်ကို ထူထောင်မည်ဖြစ်သည်။ အရှေ့အလယ်ပိုင်းရှိ အလယ်ပိုင်းစစ်ဌာနချုပ်၊ အာရှရှိ အင်ဒို- ပစိဖိတ်စစ်ဌာနချုပ်တို့ကဲ့သို့ ကမ္ဘာတစ်ဝန်းရှိ အမေရိကန်၏စစ်ဌာနချုပ်များကဲ့သို့ပင် အာကာသစစ်ဌာနချုပ်သည် တူညီသော အဆင့်အတန်းရရှိမည် ဖြစ်သည်။

ထရန့်၏ညွှန်ကြားချက်များအား ဖြည့်ဆည်းရန် လုပ်ဆောင်မည့် အသေးစိတ်အစီအစဉ်များကို ပင်တဂွန်က သြဂုတ် ၇ ရက်တွင် ကွန်ဂရက်သို့ အစီရင်ခံစာတင်သွင်းခဲ့ သည်။ ပဋိပက္ခဖြစ်ပွားစဉ်အတွင်း အမေရိ ကန်၏ဂြိုဟ်တုများအား အသက်မဲ့စေရန် လုပ်ဆောင်မည့်စွမ်းရည်များကို ရရှိစေရန် ပြိုင်ဘက်များက ကြိုးပမ်းနေစဉ် အမေရိကန်စစ်ဘက်က ရင်ဆိုင်နေရသည့်အန္တရာယ်များကို ထိုအစီရင်ခံစာ၌ ဖော်ပြခဲ့သည်။

လတ်တလောတွင် အမေရိကန် လေတပ်က အာကာသစွမ်းရည်အများစုကို ကြီးကြပ်နေပြီး အာကာသတပ်ဖွဲ့၏မစ်ရှင်သည် မလိုအပ်ဘဲ ထပ်လုပ်မိမှုနှင့် ဘက်ပြိုင်မှုများ ဖြစ်ပေါ်စေမည်ကို တာဝန်ရှိသူအချို့က စိုးရိမ်နေကြသည်။ အမေရိကန်စစ်တပ်တွင် လတ်တလော၌ ကြည်း၊ ရေ၊ လေ၊ မရိန်းနှင့် ကမ်းရိုးတန်းအစောင့်တပ်ဖွဲ့များ ပါဝင်သည်။ အာကာသတပ်ဖွဲ့ထူထောင်မည့် အစီအစဉ်အား ရီပက်ဘလီကင်ဥပဒေပြုအမတ် အချို့က ထောက်ခံကြသော်လည်း ဒီမိုကရက်များက အခြားဦးစားပေးများအား မတည်မငြိမ်ဖြစ်စေနိုင်သည့် ငွေယိုပေါက် ဖြစ်မည်ဟု ဝေဖန်ခဲ့ကြသည်။

 

အနံ့စူးသော ဒူးရင်းသီးများကို အာကာသသို့ ပို့ဆောင်စမ်းသပ်ရန် ထိုင်းစီစဉ်

Photo: AFP

ဒူးရင်းသီးကို အာကာသသို့ ပို့ဆောင်မည်ဆိုခြင်းသည် ထိုင်းနိုင်ငံအတွက် ခြေလှမ်းသေးသေးလေး တစ်လှမ်းဖြစ်သော်လည်း အရှေ့တောင်အာရှ၏အရသာအရှိ ဆုံးအသီးအတွက် ကြီးမားသော ခုန်လွှားမှု တစ်ခုဖြစ်သည်။

မြေဆွဲအား သုညအခြေအနေတွင် အရေးပါသော အသီးဘုရင်ကို စားသုံးမှုအား မြင်တွေ့ နိုင်စေမည့် စီမံကိန်းတစ်ရပ်တွင် ၎င်း၏ ကြံ့ခိုင်မှုကိုစမ်းသပ်ရန် ဒူးရင်းသီးကို  ကမ္ဘာပတ်လမ်းသို့  ပို့ဆောင်ရန် ထိုင်းနိုင်ငံ က စီစဉ်နေခြင်းဖြစ်သည်။ “တစ်ချိန်ကျရင် အာကာသယာဉ်မှူးတွေဟာ ထိုင်းအစား အစာတွေ စားစေချင်ပါတယ်။ ကမ္ဘာကို ပြန်ရောက်လာရင် ဒူးရင်းသီးဟာ ရုပ်ပိုင်း အပြောင်းအလဲတွေ ရှိ၊မရှိ သိချင်ပါတယ်။ဥပမာ ပိုသေးသွားနိုင်လား ဒါမှမဟုတ်ကွဲသွားနိုင်လား သိချင်ပါတယ်”ဟုထိုင်းနိုင်ငံ၏ ဘူမိ-သတင်းအချက်အလက်နှင့် အာကာသနည်းပညာဖွံ့ဖြိုးရေးအေဂျင်စီ ကိုယ်စား ပြောခွင့်ရပုဂ္ဂိုလ်က ပြောကြားခဲ့သည်။ ဒူးရင်းသီး၏ထင်ရှားမှုက အာကာသယာဉ်တစ်စင်းကဲ့သို့ သော အလုံပိတ်ခန်းထဲတွင် ၎င်းကို မည်သို့မည်ပုံ လက်ခံမလဲဆိုသော မေးခွန်းများကို ထွက်ပေါ်စေခဲ့သည်။

သို့ရာတွင် လူသိရှင်ကြားနာမည်ထုတ်ဖော်ပြောကြားခြင်းမပြုသေးသောလုပ်ငန်းတစ်ခုက လုပ်ဆောင်မည့် ထိုစမ်းသပ်မှုတွင် ဒူးရင်းသီးကို အနံ့အသက် ပိုမိုနည်းပါးစေရန် အခြောက်ခံ၍ လေလုံအောင် ထုပ် ပိုးပေးလိုက်မည်ဟုဆိုသည်။ အာကာသအတွင်းသို့ ဒူးရင်းသီးပို့လွှတ်မှုကို ဇူလိုင်လတွင် ပြုလုပ်ရန်စီစဉ်ထားသည်။

ရုရှားက ပထမဆုံး အာကာသတွင်း လမ်းလျှောက်ခရီးစဉ် ပို့ဆောင်ရေးအတွက် စီစဉ်နေ

ဇန်န၀ါရီ ၂၃ ရက်က အပြည်ပြည်ဆိုင်ရာ အာကာသစခန်း အပြင်ဘက်တွင် အလုပ်လုပ်နေသော နာဆာ အာကာသယာဉ်မှူးနှစ်ဦး (Photo : AP)

ရုရှားသည် အပြည်ပြည်ဆိုင်ရာ အာကာသစခန်း (ISS) ၏အပြင်ဘက် အာကာသတွင်း၌ ခရီးသည်များကို ပထမဆုံး လမ်းလျှောက်ခရီးစဉ် စေလွှတ်နိုင်ရန် ပြင်ဆင်နေကြောင်း ရုရှားအာကာသလုပ်ငန်းကဏ္ဍမှ တာဝန်ရှိသူ တစ်ဦးက ဖေဖော်ဝါရီ ၂ ရက် တွင် ပြောကြားခဲ့သည်။

“ခရီးသည်တွေကို အာကာသတွင်း လမ်းလျှောက်ခရီးစဉ် စေလွှတ်နိုင်ဖို့ ဖြစ်နိုင်ခြေကို ကျွန်တော်တို့ ဆွေးနွေးနေပါတယ်” ဟု ရုရှားအာကာသကုမ္ပဏီ Energia မှ ဥက္ကဋ္ဌဖြစ်သူ ဗလာဒီမာဆိုဆေ့ဗ်က ရုရှားသတင်းစာ KomsomoIskaya Pravda သို့ ပြောကြားခဲ့သည်။

“ဈေးကွက် စိစစ်သုံးသပ်ချက်အရတော့ ချမ်းသာကြွယ်ဝတဲ့ သူတွေဟာ ဒီခရီးစဉ်အတွက် ငွေပေးဖို့ အသင့်ရှိနေကြပါတယ်” ဟု ဆိုဆေ့ဗ်က သတင်းစာသို့ ပြောကြားခဲ့သည်။ ထိုကဲ့သို့ ခရီးစဉ်တစ်ခုသည် ဒေါ်လာသန်း ၁၀၀ ၀န်းကျင် (ယူရိုသန်း ၈၀) အထိ ကျသင့်သွားနိုင်ပြီး ပထမဆုံး ခရီးသည်အတွက်မူ စရိတ်သက်သာ စေနိုင်ကြောင်းလည်း ၎င်းကဆိုသည်။

“ခရီးသည်တွေအနေနဲ့ အာကာသထဲမှာ လမ်းလျှောက်ပြီး ရုပ်ရှင် ဒါမှမဟုတ် ဗီဒီယိုအတိုလေးတွေ ရိုက်တာမျိုး လုပ်ဆောင်နိုင်ပါတယ်” ဟု ၎င်းကဆက်လက် ပြောကြားခဲ့သည်။

Energia သည် ၁၉၆၁ ခုနှစ်က အာကာသထဲသို့ ပထမဆုံး လူသားစေလွှတ်မှုအဖြစ် ယူရီဂါဂါရင်ကို စေလွှတ်ခဲ့သည့် ကုမ္ပဏီဖြစ်သည်။ လက်ရှိတွင် Energia သည် ISS သို့ ခရီးသည်များ သယ်ယူပို့ဆောင် ပေးနိုင်ရန် NEM-2 ဟု အမည်ပေးထားသော မော်ဂျူးအသစ်ကို တည်ဆောက်နေသည်။

လူခြောက်ဦး လိုက်ပါနိုင်မည့် NEM-2 ထဲတွင် သက်သောင့် သက်သာရှိသည့် အခန်းများ၊ သန့်စင်ခန်း နှစ်ခု၊ အင်တာနက် ၀န်ဆောင်မှုတို့ ပါဝင်မည်ဟု သိရသည်။

“၂၀၁၉ ခုနှစ် လောက်မှာ လွှတ်တင်နိုင်ပါလိမ့်မယ်။ အာကာသတွင်းမှာ ဖြစ်နိုင်တဲ့ အတိုင်းအတာ အထိတော့ သက်သောင့်သက်သာ ရှိပါလိမ့်မယ်” ဟု ဆိုဆေ့ဗ်က ပြောကြားခဲ့သည်။

ယခုစီမံကိန်းတွင် မိတ်ဖက်အဖြစ်ပါဝင်ရန် အမေရိကန် လေယာဉ်ထုတ်လုပ်ရေးလုပ်ငန်း ဘိုရင်းက စိတ်ဝင်စားနေသည်ဟု သိရသည်။

တစ်ကြိမ်လျှင် ၁၀ ရက်ကျော် ကြာမြင့်မည့် အာကာသခရီးစဉ်အား တစ်နှစ်လျှင် ခရီးသည်ငါးဦးမှ ခြောက်ဦးအထိ ပို့နိုင်မည်ဟု ဆိုဆေ့ဗ်ကဆိုသည်။

ကြီးထွားလာသော အာကာသခရီးသွား ကဏ္ဍကို လက်ရှိအချိန်တွင် အမေရိကန် အခြေစိုက် Virgin Galactic အစရှိသော အနောက်နိုင်ငံ ကုမ္ပဏီများက ကြီးစိုးထားသည်။

ရုရှားသည် ၂၀၀၉ ခုနှစ်က Crique du Soleil တည်ထောင်သူ ကနေဒါနိုင်ငံသား Guy Laliberte ကို အာကာသထဲသို့ စေလွှတ်ပေးခဲ့ဖူးသည်။ ထိုဘီလျံနာသည် ISS ၌ သီတင်းနှစ်ပတ်ကြာ နေထိုင်သွားခဲ့သည်။ အီရန်-အမေရိကန် စီးပွားရေး လုပ်ငန်းရှင် Anousheh Ansari မှာမူ ၂၀၀၆ ခုနှစ်တွင် ပထမဆုံး အမျိုးသမီး အာကာသခရီးသွား ဖြစ်လာခဲ့သည်။

Ref : AFP

အာကာသယာဉ်မှူးသုံးဦး အပြည်ပြည်ဆိုင်ရာ အာကာသစခန်းသို့ ဆင်းသက်ရောက်ရှိ

ဒီဇင်ဘာ ၁၇ ရက်က ကာဇက်စတန်ရှိ ရုရှားအာကာသယာဉ် လွှတ်တင်ရေး စခန်းတွင် အာကာသယာဉ်မှူး သုံးဦးအား အာကာသသို့ မထွက်ခွာမီ တွေ့ရစဉ် (Photo : AFP)

အမေရိကန်၊ ဂျပန်နှင့် ရုရှား အာကာသယာဉ်မှူးတို့ ပါဝင်သည့် သုံးဦးအဖွဲ့သည် ဒီဇင်ဘာ ၁၉ ရက်က အပြည်ပြည်ဆိုင်ရာ အာကာသစခန်းသို့ အောင်မြင်စွာ ဆင်းသက်ရောက်ရှိခဲ့ကြောင်း သိရသည်။ နာဆာ၏ အာကာသယာဉ်မှူး စကော့တင်းဂဲ၊ ရုရှားအာကာသယာဉ်မှူး အန်တန်ရှခါပလာရော့နှင့် ဂျပန်အာကာသယာဉ်မှူး နိုရီရှီဂေကာနာအိတို့သည် နှစ်ရက်ကြာ ပျံသန်းခဲ့ပြီးနောက် ခြောက်လမစ်ရှင်ကို ဒီဇင်ဘာ ၁၉ ရက်တွင် စတင်ထမ်းဆောင်ခဲ့ကြသည်။

အာကာသယာဉ်မှူး သုံးဦးဆိုက်ရောက်ချိန်တွင် အပြည်ပြည်ဆိုင်ရာ အာကာသစခန်းသည် အီတလီဝေဟင်၏ အထက်မိုင် ၂၅၀ အကျော်တွင် ရှိနေခဲ့သည်ဟု နာဆာက ပြောကြားခဲ့သည်။

တင်းဂဲ ၅၂ နှစ်နှင့် ကာနာအိ ၄၀ နှစ်တို့သည် အာကာသအတွင်းသို့ ပထမဆုံးပျံသန်း သည့် အာကာသ ယာဉ်မှူးများဖြစ်ပြီး ဆိုယု ဒုံးပျံ MS-07 ကို ဦးဆောင်မောင်းနှင်ခဲ့သော ရှခါပလာရော့သည် အတွေ့အကြုံရှိ အာကာသယာဉ်မှူးဖြစ်သည်။ အသက် ၄၃ နှစ် အရွယ် ရှခါပလာရော့သည် ရုရှားစစ်တပ် လေယာဉ်မှူးဖြစ်ပြီး အာကာသတွင်းသို့ မစ်ရှင်နှစ်ကြိမ် သွားရောက်ခဲ့ဖူးသူဖြစ်သည်။

ကာနာအိသည် ဂျပန်အာကာသအေဂျင်စီ သမိုင်းတွင် အသက်အငယ်ဆုံးသော အာကာသယာဉ်မှူးဖြစ်ပြီး အာကာသစခန်းသို့သွားရန် အရည်အချင်း ပြည့်မီသည်ဟု ၂၀၁၁ ခုနှစ်က သတ်မှတ်ခံထားရသော ဂျပန်အာကာသယာဉ်မှူး သုံးဦးအနက် နောက်ဆုံးတစ်ဦးဖြစ်သည်။

Ref : AFP