စီးပွားရေး ကျပ်တည်းမှုနဲ့အတူ အလုပ်ရှင် အလုပ်သမားကြား ပဋိပက္ခများကို ဘယ်လိုဖြေရှင်းကြမလဲ

ဒဂုံဆိပ်ကမ်းစက်မှုဇုန်ရှိ ဖုယွင်အထည်ချုပ်စက်ရုံရှေ့တွင် စက်ရုံအလုပ်သမားများ ဆန္ဒထုတ်ဖော်နေသည်ကို တွေ့ရစဉ် (ဓာတ်ပုံ-ရှိုင်းလင်းအောင်)

မနက်မိုးလင်းလို့ မျက်စိနှစ်လုံးပွင့်ပြီ ဆိုတာနဲ့ အခြေခံလူတန်းစား အလုပ်သမားတွေဟာ လုပ်ငန်းခွင်ကိုယ်စီဝင်ဖို့ စတင်ပြင်ဆင်ကြရပါတယ်။ သူတို့အလုပ်လုပ်တဲ့ လုပ်ငန်းခွင်တွေ မတူကြပေမဲ့ အိမ်ကနေ အလုပ်ကို ရောက်ဖို့ နေရာမျိုးစုံက နေ သွားရတာကတော့ အတူတူပါပဲ။ ကားမှတ်တိုင်တွေ၊ လမ်းထိပ်တွေမှာ မိမိတို့ လုပ်ငန်းခွင်တွေကို ကိုယ်စီသွားနေတဲ့လူတွေ အများကြီးထဲမှာ အသိသာဆုံး လူတွေကတော့ စက်ရုံ၊ အလုပ်ရုံတွေမှာလုပ်တဲ့ အလုပ်သမားတွေပါပဲ။ ထမင်းချိုင့်၊ ရေဘူး စတာတွေ ထည့်ထားတဲ့ ဆွဲခြင်းလေးတွေဆွဲပြီး အလုပ်ချိန်မီဖို့ ခပ်သုတ်သုတ် သွားလာနေတဲ့ အလုပ်သမားတွေကို မနက်စောစောမှာ တွေ့နိုင်ပါတယ်။

မြန်မာနိုင်ငံရဲ့ စီးပွားရေးမြို့တော်ဖြစ်တဲ့ ရန်ကုန်မြို့မှာ စက်မှုဇုန် ၂၉ ခုနဲ့ သီလ၀ါ အထူးစီးပွားရေးဇုန် တစ်ခုရှိပါတယ်။ ဒီစက်မှုဇုန်တွေမှာ စက်မှု၊ လက်မှုကဏ္ဍမျိုးစုံနဲ့စက်ရုံ၊ အလုပ်ရုံတွေ လုပ်ကိုင်လည်ပတ် နေကြပါတယ်။ စက်ရုံ၊ အလုပ်ရုံတွေထဲမှာ အလုပ်သမားတွေနဲ့ အလုပ်ရှင်တွေဟာ စိတ်အေးချမ်းသာစွာနဲ့ လုပ်ကိုင်နေကြတယ်လို့ မထင်ပါနဲ့။ သူတို့ကြားထဲမှာ အဆင်မပြေမှု အမျိုးမျိုး၊ အကြောင်းအမျိုးမျိုးကြောင့် အလုပ်သမား ဆန္ဒပြနေတဲ့ စက်ရုံတွေလည်း အများကြီး ရှိနေပါတယ်။

အလုပ်သမားတွေ ဘာကြောင့် ဆန္ဒပြကြတာလဲ

အလုပ်သမား ဆန္ဒပြမှုတွေဟာ များသောအားဖြင့် နှစ်မျိုးနှစ်စား ရှိပါတယ်။ ဒါကတော့ ဥပဒေပါ ရပိုင်ခွင့်တွေကို တောင်းဆိုတာနဲ့ အကျိုးစီးပွားလိုချင်လို့ တောင်းဆိုတာဆိုပြီး ကွဲပြားပါတယ်။ ပထမတစ်ခုက ဥပဒေပြဋ္ဌာန်းချက်မှာပါတဲ့ အနည်းဆုံး လုပ်အားခ၊ အချိန်ပို လုပ်အားခ၊ ရှောင်တခင်ခွင့်၊ လုပ်သက်ခွင့်၊ ဆေးခွင့် စတာတွေအပြင် အခြားအလုပ်သမား ရပိုင်ခွင့်တွေကို မပေးလို့ ဆန္ဒပြတာပါ။ အမှန်တကယ်က ဥပဒေပါ အခွင့်အရေးတွေ မရခဲ့ရင် ဆန္ဒပြ တောင်းဆိုစရာတောင် မလိုပါဘူး။ အလုပ်ရှင်ဘက်က ပေးကိုပေးရမှာပါ။ ဒါက အလုပ်သမား ဥပဒေတွေမှာ ပြဋ္ဌာန်းပြီးသား ဖြစ်တာကိုး။

ဒုတိယတစ်ခုဖြစ်တဲ့ အကျိုးစီးပွားလိုချင်လို့ တောင်းဆိုတာကတော့ အနည်းဆုံး လုပ်ခထက် ပိုရချင်တာ၊ ကျွမ်းကျင်ကြေးတွေ ပိုရချင်တာနဲ့ အလုပ်သမား ဥပဒေတွေထဲမှာမပါတဲ့ အခြားသော အခွင့်အရေးတွေ ရချင်လို့ တောင်းဆိုတာပဲ ဖြစ်ပါတယ်။ တချို့အလုပ်သမား ဆန္ဒပြမှုတွေကတော့ ဥပဒေပါ ရပိုင်ခွင့်တွေမရလို့ ရအောင်ပေးဖို့ တောင်းဆိုတာနဲ့ အခြားအခွင့် အရေးတွေ လိုချင်လို့ဆိုပြီး နှစ်ခုပေါင်းပြီး ဆန္ဒပြတာတွေလည်း ရှိပါတယ်။

ဆန္ဒပြတဲ့နေရာမှာ လုပ်ငန်းခွင်ထဲမှာ အလုပ်မလုပ်ဘဲ ဆန္ဒပြတာ၊ စက်ရုံရှေ့မှာ လုပ်ငန်းခွင်မ၀င်ဘဲ ဆန္ဒပြတာနဲ့ စက်ရုံရှေ့မှာ နေ့ရောညပါ သပိတ်စခန်းဖွင့် သပိတ်မှောက်ဆန္ဒပြ တောင်းဆိုတာဆိုပြီး ကွဲပြားပါသေးတယ်။ ဆန္ဒပြမှုတွေ ဘယ်လိုပဲ ကွဲပြားကွဲပြား စက်ရုံတစ်ရုံမှာ အလုပ်သမားတွေ ဆန္ဒပြပြီဆိုရင် သေချာတာကတော့ သူတို့အတွက် အဆင်မပြေမှုတွေ အမှန်တကယ်   ကြုံတွေ့နေရလို့ပါပဲ။ လုပ်ငန်းခွင်ထဲမှာ အစစအရာရာ အဆင်ပြေချောမွေ့ နေတယ်ဆိုရင် ဘယ်အလုပ်သမားကမှ အလကားနေရင်း ဆန္ဒပြနေမှာ မဟုတ်ပါဘူး။

အလုပ်သမား ဆန္ဒပြမှုတွေကြောင့် ဘာတွေဖြစ်လာနိုင်သလဲ

စက်ရုံတစ်ရုံမှာ အလုပ်သမားတွေ အလုပ်မလုပ်ဘဲ ဆန္ဒပြပြီဆိုရင် အလုပ်ရှင်ဘက်မှာရော၊ အလုပ်သမားဘက်မှာရော ထိခိုက်နစ်နာမှုတွေ ရှိလာနိုင်ပါတယ်။ အလုပ်သမားတွေ အလုပ်မလုပ်ဘဲ ဆန္ဒပြပြီဆိုရင် အဲဒီစက်ရုံရဲ့ ကုန်ထုတ်စွမ်းအားကစပြီး ကျဆင်းလာပါပြီ။ အလုပ်သမား အနည်းငယ်သာ ဆန္ဒပြနေတာဆိုရင် သိပ်မသိသာပေမဲ့ ရာနဲ့ချီတဲ့ အလုပ်သမားတွေ ဆန္ဒပြပြီဆိုရင် လုပ်ငန်းလည်ပတ်မှု မရပ်ဆိုင်းသွားရင်တောင် ကုန်ထုတ်လုပ်မှုမှာ ထိခိုက်လာပါပြီ။ အလုပ်သမား ဆန္ဒပြမှုတွေက အလုပ်ရှင် အတွက်ရော အလုပ်သမား အတွက်ရော မကောင်းပါဘူး။ နှစ်ဦးနှစ်ဖက်စလုံးအတွက် ထိခိုက်နစ်နာမှုတွေ ရှိနေပါတယ်။

အလုပ်ရှင်ဘက်က ကြည့်မယ်ဆိုရင် အလုပ်သမားတွေ အလုပ်မလုပ်ဘဲ ဆန္ဒပြနေတဲ့အတွက် နိုင်ငံခြားကို အချိန်မီ တင်ပို့ရမယ့် အ၀တ်အထည်တွေ မပို့နိုင်တဲ့ကိစ္စကို မလွဲမသွေ တွေ့ကြုံလာရနိုင်ပါတယ်။ အလုပ်သမားဘက်က ကြည့်မယ်ဆိုရင်လည်း စက်ရုံရှေ့ဝင်ပေါက်၊ ထွက်ပေါက် ပိတ်ဆို့ဆန္ဒပြတာကြောင့် အလုပ်ရှင်ဘက်က အမှုဖွင့် တိုင်ကြားမှုကို ခံရနိုင်ပါတယ်။

“ဆန္ဒပြတာကပြပေါ့။ လွတ်လွတ်လပ်လပ် ပြခွင့်ရှိပါတယ်။ သူတို့ အဆင်မပြေတာတွေရှိရင် ပြလို့တော့ရတာပေါ့။ ဒါပေမဲ့ လုပ်ငန်းကို ထိခိုက်လာတာကတော့ မကောင်းဘူးပေါ့။ အဲဒီလိုလုပ်ငန်း ထိခိုက်လာရင် အထည်တွေကို သင်္ဘောနဲ့ တင်ရမဲ့နေ့ရောက်လို့ မတင်နိုင်ဘူးဆိုရင် ကျွန်တော်တို့လို လုပ်ငန်းရှင်အတွက်က အများကြီး ထိခိုက်ပါတယ်။ ရမယ့်ငွေက မရတော့ဘူးပေါ့။ နိုင်ငံခြားကို ပို့ရမယ့်အချိန်မှာ အချိန်မီမပို့နိုင်ရင် သင်္ဘောက ထွက်သွားမယ်။ ဒီမှာက မတင်ဖြစ်ရင် ဒီရဲ့စရိတ်တွေက အများကြီး ရှိတာပေါ့။ အထည်တွေ မရောက်လို့ ငွေမရရင် အလုပ်သမားခတွေ ပေးရတဲ့အခါမှာ ဒုက္ခဖြစ်တာပေါ့” လို့ ရန်ကုန်တိုင်းဒေသကြီး ရွှေပေါက္ကံစက်မှုဇုန် ဥက္ကဋ္ဌဦးဖေလှိုင်က ပြောပါတယ်။

၂၀၁၂ ခုနှစ် အလုပ်သမားရေးရာ အငြင်းပွားမှု ဖြေရှင်းရေးဥပဒေရဲ့ အခန်း(၈) ၄၀ မှာ “ဥပဒေနဲ့အညီ ညှိနှိုင်းခြင်း ဖျန်ဖြေခြင်းနဲ့ ခုံသမာဓိအဖွဲ့ဖြင့် ဆုံးဖြတ်ချက်တို့ကို မလုပ်ရသေးဘဲနဲ့ အလုပ်ပိတ်ခြင်း၊ သပိတ်မှောက်ခြင်း မပြုလုပ်ရ” လို့ ပြဋ္ဌာန်းထားတာကို တွေ့ရပါတယ်။

အလုပ်သမားဆန္ဒပြမှုတွေ ဖြစ်လာခဲ့ရင် ညှိနှိုင်းဖျန်ဖြေရေး လမ်းကြောင်းအဆင့်ဆင့်နဲ့ သွားရမယ် ဆိုပေမယ့် လိုအပ်တဲ့အချိန်ထက် ပိုကြာတာတွေက အလုပ်သမားတွေ ရဲ့ တောင်းဆိုမှုတွေကို လုပ်ငန်းရှင်တွေကပဲ မလိုက်လျောတာလား၊ မြို့နယ်ညှိနှိုင်း ဖျန်ဖြေရေး ရုံးတွေကပဲ ဆွေးနွေးမှုတွေက လိုအပ်ချက်တွေ ရှိနေတာလားဆိုပြီး မြန်မာနိုင်ငံ စက်မှုလက်မှုနှင့် ၀န်ဆောင်မှု လုပ်ငန်းပေါင်းစုံ အလုပ်သမားသမဂများ အဖွဲ့ချုပ် (MICS) ရဲ့ အတွင်းရေးမှူး ဦးသက်နှင်းအောင်က မေးခွန်းထုတ် ပြောကြားခဲ့ပါတယ်။

“အငြင်းပွားမှုတွေ ဖြစ်လာပြီဆိုရင် ညှိနှိုင်းမှု Process နဲ့သွားရပါမယ်။ တကယ်လို့ အလုပ်သမားတွေက အကျိုးစီးပွားဆိုင်ရာပဲ ဖြစ်ဖြစ်၊ အခွင့်အရေးပိုင်း ဆိုင်ရာပဲဖြစ်ဖြစ် အလုပ်မလုပ်ဘဲ သပိတ်မှောက် ဆန္ဒပြမယ်ဆိုရင်  တည်ဆဲဥပဒေအရ သွားရမှာပေါ့။ ဒါပေမဲ့ ကျွန်တော်တို့ အလုပ်သမားတွေရဲ့ နိုင်ငံရေးရေချိန်က နည်းပါးတယ်။ အဲဒီတော့ တောင်းဆိုချက်တွေ မြန်မြန်ရအောင် အပြင်ထွက်စက်ရုံရဲ့ ၀င်ပေါက်ထွက်ပေါက်တွေပိတ်ပြီး သပိတ်မှောက်ကြတယ်။ ဒါက ဥပဒေနဲ့ မညီဘူး။ စက်ရုံဝင်၊ ထွက် ပေါက်ကို ပိတ်ပြီး သပိတ်မှောက် တဲ့အခါမှာ အလုပ်ရှင်ရဲ့ ကုန်ထုတ် လုပ်မှုကို ထိခိုက်တယ်။ နိုင်ငံခြား Export Import တွေ နောက်ကျကုန်တာရှိတယ်။ အလုပ်ရှင်ဘက်က တရားစွဲမှုတွေ လုပ်နိုင်တယ်။ လုပ်လည်း လုပ်နေပါတယ်။ အဲဒီတော့ ဒါက နှစ်ဖက်စလုံး အထိနာတဲ့ နည်းလမ်းပါ။ အလုပ်သမားလည်း တရားစွဲခံရလို့ နာပါတယ်။ အလုပ်ရှင်လည်း ကုန်ပစ္စည်းတွေ ဆုံးရှုံးလို့ နာပါတယ်။ ဒါပေမဲ့ ဒီနေရာမှာ မေးခွန်းထုတ်ချင်တာက အငြင်းပွားမှု ဖြေရှင်းတဲ့အခါမှာ ဘာလို့ လိုအပ်တဲ့ အချိန်ကာလထက် ပိုကြာတာလဲဆိုတာ စဉ်းစားရမယ်။ ကျွန်တော်တို့ အလုပ်သမားတွေရဲ့ တောင်းဆိုချက်တွေကို အလုပ်ရှင်ကပဲ မလိုက်လျောတာလား။ ဒါမှမဟုတ် မြို့နယ်ညှိနှိုင်းဖျန်ဖြေ အဖွဲ့တွေရဲ့ ညှိနှိုင်းဆွေးနွေးမှုကပဲ လိုအပ်တာလားဆိုတာ စဉ်းစားရမယ်” လို့ ဦးသက်နှင်းအောင်က ပြောပါတယ်။

အလုပ်သမား ဆန္ဒပြမှုတွေဖြစ်လို့ အငြင်းပွားစရာတွေ ရှိလာပြီဆိုရင် ညှိနှိုင်းဖျန်ဖြေရေး လမ်းကြောင်းက အချိန်ကြာတယ်ဆိုတာ မှန်ပါတယ်။ အလုပ်ရှင် ကိုယ်စားလှယ်နဲ့ အလုပ်သမား ကိုယ်စားလှယ်တွေ မြို့နယ်ညှိနှိုင်းဖျန်ဖြေရေးရုံးမှာ ညှိ ကြတယ်ဆိုရင် အလုပ်ရှင်ကိုယ်စား တွေ ရုံးကို မလာတာတို့၊ နိုင်ငံခြားသားပိုင်တဲ့ စက်ရုံဆိုရင် အလုပ်သမားတွေ တောင်းဆိုချက်ကို သူဌေးကို ပြန်တင်ပြရတာတို့စတဲ့ အကြောင်းပြချက် အမျိုးမျိုးတွေကြောင့် အငြင်းပွားမှုတွေ ဖြေရှင်းတဲ့နေရာမှာ မလိုအပ်ဘဲ အချိန်တွေ ကြာတတ်ပါတယ်။

လုပ်ခလစာတိုးမြှင့်ရေး အပါအ၀င် အလုပ်သမား အခွင့်အရေးများအတွက် စက်မှုဇုန်တစ်ခုတွင် အလုပ်သမားများ ဆန္ဒပြနေစဉ်

အငြင်းပွားမှုတွေ ဖြေရှင်းတဲ့အခါ အစိုးရနှစ်ခု ဘာတွေကွာလဲ

အလုပ်ရှင်၊ အလုပ်သမား အ ငြင်းပွားမှုဖြစ်စဉ်တွေကို အစိုးရနှစ်ခုနဲ့ ချိတ်ဆက်နှိုင်းယှဉ် ကြည့်မယ်ဆိုရင် အရင် USDP အစိုးရ လက်ထက်မှာ အငြင်းပွားမှုတွေ ဖြေရှင်းပေးရတဲ့ အရေအတွက်က အခု NLD အစိုးရလက်ထက်မှာ ဖြေရှင်းနေရတဲ့ အမှုတွေထက် နှစ်ဆ၊ သုံးဆလောက် ပိုများပါတယ်လို့ သိရပါတယ်။

“အစိုးရနှစ်ခု ယှဉ်ကြည့်မယ်ဆိုရင် ပြီးခဲ့တဲ့ အစိုးရ USDP ပါတီ အစိုးရလက်ထက်မှာ ဖြေရှင်းခဲ့ရတဲ့ အလုပ်သမား အငြင်းပွားမှုတွေက လက်ရှိ (NLD) အစိုးရလက်ထက်မှာ ဖြေရှင်းရမဲ့ အမှုတွေထက် နှစ်ဆ သုံးဆ ပိုများတယ်။ ပြီးခဲ့တဲ့အစိုးရက ဘာလို့ Industrial Relationship ကို တည်ငြိမ်အောင် လုပ်ထားနိုင်သလဲဆိုရင် ညှိနှိုင်းဖြေရှင်းတဲ့ နေရာမှာ မြန်မြန်ဆန်ဆန်ပြီးအောင်လို့ ဖြေရှင်းတယ်။ ခုံသမာဓိနဲ့ ခုံသမာဓိ ကောင်စီရဲ့ဆုံးဖြတ်ချက်တွေနဲ့ ပြီးအောင်လုပ်ကြတယ်။ သို့သော် NLD အစိုးရလက်ထက်မှာ အဲဒီပုံစံ မဟုတ်တော့ဘူး။ တစ်ဦးချင်း အငြင်းပွားမှုဆိုရင် တရားရုံးကို သွားဆိုပြီး လုပ်ကြတယ်။ ပြဿနာက ဘာတက်လဲဆိုတော့ ကျွန်တော် တို့ အလုပ်သမားတွေက တစ်ဦးချင်း အငြင်းပွားမှုဆိုပြီး တရားရုံးကို သွားနိုင်တဲ့ အင်အားနည်းပါတယ်။ အဲဒီတော့ ဥပဒေကို အယုံအကြည် မရှိတော့ဘဲ ညှိနှိုင်းဖျန်ဖြေရေး လမ်းကြောင်းကို လက်မခံတော့ဘူး။ ပြီးတော့ ညှိနှိုင်းဖျန်ဖြေရေး အဖွဲ့က ချလိုက်တဲ့ ဆုံးဖြတ်ချက်ကို မလိုက်နာရင် ပေးဆောင်ရမဲ့ ပြစ်ဒဏ်ကလည်း လူရယ်ချင်စရာကြီး ဖြစ်နေပါ တယ်။ ဒီဥပဒေမှာ ထိရောက်တဲ့ပြစ်ဒဏ် ပါတယ်ဆိုရင် ကျွန်တော်တို့ အလုပ်သမားတွေက သပိတ်မှောက်မှာ မဟုတ်ပါဘူး။ ညှိနှိုင်းဖျန်ဖြေတဲ့ လမ်းကြောင်းကို သွားမှာဖြစ်ပါတယ်။ NLD အစိုးရ လက်ထက်မှာ သပိတ်မှောက်မှုတွေ မဖြစ်အောင် တတ်နိုင်သမျှ တားဆီးပါတယ်။ ဒါပေမဲ့ သက်ဆိုင်ရာ တိုင်းဒေသကြီး အစိုးရနဲ့ အလုပ်သမား ၀န်ကြီးဌာနဘက်က ပူးပေါင်းဆောင်ရွက်မှု အရမ်းအားနည်းတယ်။ ပွင့်ပွင့်လင်းလင်းပြောရရင် အလုပ်သမား အငြင်းပွားမှုတွေကို ကြန့်ကြာနေတဲ့ဟာ၊ အယုံအကြည် မရှိတာတွေ ဖြစ်လာတယ်” လို့ MICS ရဲ့ အတွင်းရေးမှူး ဦးသက်နှင်းအောင်က ပြောပါတယ်။

အခု အစိုးရလက်ထက်မှာ အလုပ်သမား ဆန္ဒပြတောင်းဆိုမှုတွေက အရင်အစိုးရ လက်ထက်ကထက် ပိုနည်းလာပေမယ့် အငြင်းပွားမှုတွေ ဖြေရှင်းတဲ့နေရာမှာ အချိန်ကာလ ပိုကြာလာတာကို တွေ့ရပါတယ်။ ဒီလို အချိန်ကြာတာက အလုပ်ရှင်တွေအတွက် ကိစ္စမရှိပေမဲ့ မရှိဆင်းရဲသား အလုပ်သမားတွေ အတွက်တော့ အဆင်မပြေလှပါဘူး။

အငြင်းပွားမှု ဖြေရှင်းရေးလမ်းကြောင်းက အလုပ်သမားတွေအတွက် ဘယ်လိုအခက်အခဲတွေ ဖြစ်နေလဲ

အလုပ်ရှင်နဲ့ အလုပ်သမားအကြား အငြင်းပွားမှုတွေ ဖြစ်လာပြီဆိုရင် တစ်ဦးချင်းအငြင်းပွားမှုနဲ့ စုပေါင်း အငြင်းပွားမှုဆိုပြီး နှစ်မျိုး ကွဲပြားပါတယ်။ ဖြေရှင်းရတဲ့ ပုံစံ ချင်းကလည်း ကွဲပြားပါတယ်။ အငြင်း ပွားမှုတစ်ခုဖြစ်ရင် စက်ရုံထဲမှာ အလုပ်ရှင်နဲ့ အလုပ်သမားတွေ အ ရင်ဦးဆုံး ညှိကြရပါတယ်။ အဆင် မပြေရင် မြို့နယ်ညှိနှိုင်းဖျန်ဖြေရေး ရုံးက ညှိနှိုင်းဖျန်ဖြေရေးအဖွဲ့ရှေ့မှာ အလုပ်ရှင် ကိုယ်စားလှယ်တွေနဲ့ အလုပ်သမား ကိုယ်စားလှယ်တွေဟာ ဆွေးနွေးရပါတယ်။ ဒီအဆင့်မှာ အဆင်မပြေဘူးဆိုရင် မြို့နယ် ညှိနှိုင်းဖျန်ဖြေရေးက တစ်ဦးချင်း အငြင်းပွားမှုလား၊ စုပေါင်း အငြင်းပွားမှုလားဆိုပြီး ခွဲခြမ်းစိတ်ဖြာပြီး တစ်ဦးချင်း အငြင်းပွားမှုဆိုရင် သက်ဆိုင်ရာတရားရုံးကို လွှဲအပ်ရပါတယ်။

တစ်ဦးချင်း အငြင်းပွားမှုကို တရားရုံးမှာ အမှုရင်ဆိုင် ဖြေရှင်းမယ်ဆိုရင် မြန်မာနိုင်ငံ တရားစီရင်ရေးစနစ်ရဲ့ အချိန်ကာလကြာမြင့်မှုတွေ၊ မိသားစု စားဝတ်နေရေးတွေကြောင့် အလုပ်ထုတ်ခံရလို့ ၀င်ငွေမရှိတော့တဲ့ အလုပ်သမားအတွက် ဒီကိစ္စဟာ အဆင်မပြေနိုင်ပါဘူး။ ဒီတော့ အလုပ်သမားတွေဟာ ညှိနှိုင်းဖျန်ဖြေရေး လမ်းကြောင်းရဲ့အတိုင်း မသွားကြတော့ဘဲ တောင်းဆိုမှုတွေ မြန်မြန်ရအောင် စက်ရုံအရှေ့မှာ ပိတ်ဆို့ ဆန္ဒပြမှုတွေ လုပ်လာကြတာလို့ မြင်မိပါတယ်။

စုပေါင်းအငြင်းပွားမှုဖြစ်တယ် ဆိုရင်တော့ မြို့နယ်ညှိနှိုင်း ဖျန်ဖြေရေးမှာ ညှိလို့အဆင်မပြေရင် တိုင်းခုံသမာဓိအဖွဲ့နဲ့ နေပြည်တော် ခုံကောင်စီကို ဆက်တက်လို့ရပြီး ခုံသမာဓိကောင်စီက ဆုံးဖြတ်ချက် တစ်ခုခု ချမှတ်ပါတယ်။ ဥပမာ-အလုပ်ရှင်က အကြောင်းပြချက် တစ်ခုနဲ့ စက်ရုံအလုပ်သမား သမဂ္ဂခေါင်းဆောင်၊ အဖွဲ့ဝင်၊ ဒါမှမဟုတ် အလုပ်သမား တစ်ယောက်ယောက်ကို အလုပ်က ထုတ်လိုက်တယ်ဆို ပါစို့။ ဒါကို ခုံသမာဓိအဖွဲ့က အလုပ် သမားကို အလုပ်ပြန်ခန့်ဖို့ ဆုံးဖြတ် ချက်ချလိုက်တယ်။ ခုံသမာဓိက ဆုံးဖြတ်ချက်ချတဲ့ အတိုင်းဆိုရင် အလုပ်ထုတ်ခံရတဲ့ အလုပ်သမားကို အလုပ်ပြန်ခန့်ရမှာပါ။ ဒါပေမဲ့ အလုပ်ရှင်တွေဘက်က ဒီအလုပ်သမားကို ပြန်မခန့်တာတွေ များပါတယ်။

ဒီလို ခုံသမာဓိအဖွဲ့ရဲ့ ဆုံးဖြတ်ချက်ကို မလိုက်နာတဲ့ အလုပ်ရှင်ဟာ တရားစွဲဆိုခံရမှာဖြစ်ပြီး၂၀၁၄ ခုနှစ်မှာ ပြဋ္ဌာန်းခဲ့တဲ့ အလုပ်သမား ရေးရာအငြင်းပွားမှု ဖြေရှင်းရေး ဥပဒေကို ပြင်ဆင်သည့် ဥပဒေမှာ ပါတဲ့ ပြစ်ဒဏ်အရ ငွေဒဏ် ၁၀သိန်း ချမှတ်အရေးယူခံရမှာ ဖြစ်ပါတယ်။

ဒီငွေဒဏ်ဟာ အလုပ်ရှင်တွေ အတွက် မပြောပလောက်တဲ့ဥပဒေ ဖြစ်နေပါသေးတယ်။ ဒီထက် ပြင်းထန်တဲ့ဥပဒေ ချမှတ်မယ်ဆိုရင် ပိုအဆင်ပြေပါလိမ့်မယ်။

အလုပ်သမားရေးရာ အငြင်းပွားမှု ဖြေရှင်းရေးဥပဒေမှာ ထောင်ဒဏ်ထည့်သင့်၊ မသင့်

အခုလက်ရှိမှာ ၂၀၁၄ ခုနှစ်က ပြဌာန်းခဲ့တဲ့ အလုပ်သမားရေးရာ အငြင်းပွားမှု ဖြေရှင်းရေးဥပဒေကို ပြင်ဆင်သည့် ဥပဒေမှာ ပြစ်ဒဏ်ကို ထပ်မံပြင်ဆင်ဖို့ ဆောင်ရွက်နေပါတယ်။ လက်ရှိဥပဒေထဲမှာ ငွေဒဏ်တွေသာ ပါဝင်တဲ့ အတွက်ကြောင့် လုပ်ငန်းရှင်တွေအနေနဲ့ ဒီပြစ်ဒဏ်ကို အလွယ်တကူ ချိုးဖောက်နိုင်တဲ့ အတွက် အခုလက်ရှိထက် ပိုပြင်းထန်တဲ့ ပြစ်ဒဏ်ချမှတ်ဖို့အတွက် အလုပ်သမားတွေနဲ့ အလုပ်သမား အဖွဲ့အစည်းတွေဘက်က လိုလားနေကြပါတယ်။ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနကတော့ အလုပ်သမားရေးရာ အငြင်းပွားမှု ဖြေရှင်းရေးဥပဒေမှာ ထောင်ဒဏ်ထည့်သွင်း ဖော်ပြမယ်ဆိုရင် နိုင်ငံခြား ရင်းနှီးမြှုပ်နှံသူတွေကို ထိခိုက်လာနိုင်တယ် ဆိုတာကြောင့် သဘောမတူကြောင်းနဲ့ ထောင်ဒဏ်ထည့်သွင်းမှုကို သဘောမတူကြောင်း လွှတ်တော်ကို တင်ပြထားပါတယ်။ ILO ကလည်း ထောင်ဒဏ်ထည့်သွင်း ဖော်ပြမှုကို သဘောမတူကြောင်း ကြေညာချက် ထုတ်ပြန်ထားပါတယ်။

ဒီဥပဒေဟာ အတည်ပြု ပြဋ္ဌာန်းတာ မရှိသေးပါဘူး။ ဥပဒေ အတည်ပြုပြဋ္ဌာန်းပြီဆိုရင် ဘာတွေ ဆက်ဖြစ်မလဲ ဆိုတော့တော့ စိတ်ဝင်စားစရာ ကောင်းပါတယ်။

အလုပ်သမား ဆန္ဒပြမှုတွေ စက်ရုံတစ်ရုံ တိုးတက်ဖို့ အဟန့်အတား ဖြစ်သလို နိုင်ငံရဲ့စီးပွားရေး ဖွံ့ဖြိုးတိုးတက်ဖို့လည်း အဟန့်အတား ဖြစ်နေပါတယ်။ နိုင်ငံတစ်နိုင်ငံ စီးပွားရေး ဖွံ့ဖြိုးတိုးတက်ဖို့ဆိုရင် စက်မှု၊ လက်မှုကဏ္ဍ ဖွံ့ဖြိုးတိုးတက်မှုက အရေးကြီးပါတယ်။ ဖွံ့ဖြိုးတိုးတက်ဖို့ အရှိန်ယူနေတဲ့ မြန်မာနိုင်ငံရဲ့ စက်မှု၊ လက်မှုကဏ္ဍမှာ အလုပ်ရှင်တွေနဲ့ အလုပ်သမားတွေကြား ဆန္ဒပြမှုတွေ မရှိဘဲ အဆင်ပြေပြေ ဖြစ်နေမယ်ဆိုရင် ပိုကောင်းပါလိမ့်မယ်။ အလုပ်သမား ဆန္ဒပြမှုတွေ ဖြစ်လာခဲ့ရင်လည်း အလုပ်သမား၊ အလုပ်ရှင်တွေကြားမှာ ဆွေးနွေးညှိနှိုင်းမှုတွေ ပြေလည်ဖို့ မျှော်လင့်မိပါတယ်။ ဒါ့အပြင် အငြင်းပွားမှုတွေ ဖြေရှင်းတဲ့နေရာမှာ အလုပ်ရှင်ဘက်ရော အလုပ်သမားတွေ ဘက်ရော နှစ်ဖက်စလုံးအတွက် ထိခိုက်နစ်နာမှုတွေ မရှိဘဲ မျှတတဲ့ ဥပဒေတွေ ပေါ်ထွက်လာမယ်လို့ မျှော်လင့်မိပါတယ်။

 

လုပ်ခလစာနည်းခြင်း၊ ကုန်ဈေးနှုန်းကြီးမြင့်ခြင်း၊ တရားဥပဒေ အားနည်းခြင်း စသည့်အကြောင်းများကြောင့် အလုပ်သမားများမှာ စားဝတ်နေရေး ပြဿနာများ ဖြစ်ပေါ်နေပြီး ထွက်ပေါက်ပိတ်နေဟု အလုပ်သမားအရေး လှုပ်ရှားသူများ ပြောကြား

အလုပ်သမားများနှင့် ပတ်သက်သည့် သတင်းစာ ရှင်းလင်းပွဲကို စက်တင်ဘာ ၈ ရက်က ပြုလုပ်စဉ်

လုပ်ခလစာနည်းခြင်း၊ ကုန်ဈေးနှုန်း ကြီးမြင့်ခြင်း စသည့်အကြောင်းများကြောင့် စားဝတ်နေရေး ပြဿနာများ ဖြစ်ပေါ်နေပြီး ထွက်ပေါက်ပိတ်နေကြောင်း အလုပ်သမားအရေး လှုပ်ရှားသူများ၏ ပြောကြားချက်အရ သိရသည်။

စက်တင်ဘာ ၈ ရက် နံနက် ၁၁ နာရီက ရန်ကုန်မြို့ လမ်း ၅၀ ရှိ မြန်မာဂျာနယ်လစ် ကွန်ရက်ရုံးခန်းတွင်  ပြည်သူ့လွှတ်တော် အလုပ်သမားရေးရာ၊ အငြင်းပွားမှု ဖြေရှင်းရေးဥပဒေ ဒုတိယအကြိမ် ပြင်ဆင်ချက် ဥပဒေကြမ်း၌ ထောင်ဒဏ်ထည့်သွင်းရေးနှင့် ကုန်ဈေးနှုန်း ကြီးမြင့်နေမှုကြောင့် အလုပ်သမားများ ကြုံတွေ့နေရသော အခက်အခဲ လုပ်ခလစာ ပြဿနာများနှင့် စပ်လျဉ်း၍ အလုပ်သမားအဖွဲ့များ ပူးပေါင်းထားသည့် လွတ်လပ်သော မြန်မာနိုင်ငံလုံးဆိုင်ရာ အလုပ်သမားရေးရာအဖွဲ့ ဗဟိုစည်းရုံးရေး ကော်မတီက သတင်းစာ ရှင်းလင်းခဲ့သည်။

“ကုန်ဈေးနှုန်းနဲ့ အလုပ်သမားထုနဲ့က အများကြီး တိုက်ရိုက်အချိုးကျပါတယ်။ ၀င်ငွေနဲ့ ထွက်ငွေ မမျှတလို့ ပြောနေရတယ်။ တစ်နေ့တာ စားဝတ်နေရေးကို ဖြေရှင်းတဲ့ အခါ အဆောင်ခတွေ၊ ထမင်းနှစ်နပ်နှုန်း၊ ခရီး စရိတ် စသဖြင့်တွက်ကြည့်တဲ့အခါမှာ ကျွန်မတို့ တကယ်ကို ၅၆၀၀ ထက်မနည်း ရရှိမှသာ အဆင်ပြေမယ်လို့ တွက်ပြီးသား။ ၄၈၀၀ သတ်မှတ်တယ်။ ကုန်ဈေးနှုန်းတွေကလည်း အဆမတန် မြင့်တက်လာတဲ့ အခါကျတော့ စားဝတ်နေရေး ပြဿနာတွေက ပေါ်လာတယ်။ ကျွန်မတို့က အစိုးရကို သွားပြီးတော့ မလောက်ငတဲ့ ပြဿနာကို အတင်းဖြေရှင်းခိုင်းနေတာ မဟုတ်ပါဘူး။ ကုန်ဈေးနှုန်းငြိမ်အောင် လုပ်ပေးဖို့ လိုအပ်ပါတယ်” ဟု အလုပ်သမားရေး လှုပ်ရှားသူ ဒေါ်သက်သက်အောင်က ပြောကြားသည်။

ထို့ပြင် အလုပ်သမားပြဿနာများ ဖြေရှင်းရာ၌ ဥပဒေအရ ခုံသမာဓိကောင်စီသို့ အလုပ်ရှင်၊ အလုပ်သမား တက်ရောက် ဖြေရှင်းရကြောင်း၊ ထိုသို့ဖြေရှင်းရာတွင် အလုပ်ရှင်၊ အလုပ်သမားများမှာ ခုံသမာဓိကောင်စီ၏ ဆုံးဖြတ်ချက်ကို လိုက်နာရကြောင်း၊ သို့သော် အလုပ်ရှင်များမှာ ခုံသမာဓိကောင်စီ၏ ဆုံးဖြတ်ချက်ကို မလိုက်နာဘဲ ပြင်ပတရားရုံးများတွင်သာ ဖြေရှင်းကြကြောင်း၊ ပြင်ပတရားရုံးများကလည်း ပြစ်မှုအတွက် ဒဏ်ငွေ ကျပ် ၁၀ သိန်းသာ ချမှတ်လေ့ရှိကြောင်း၊ လုပ်ငန်းရှင်များကလည်း ဒဏ်ငွေ ကျပ် ၁၀ သိန်းသာ ဆောင်လေ့ရှိပြီး အလုပ်သမားများကို အလုပ်ထုတ်မှုများကြောင့် အလုပ်သမားသမဂ္ဂများပါ ပျက်စီးသွားကြောင်း၊ ထို့ပြင် ပြင်ပတရားရုံးများတွင် အမှုရင်ဆိုင်ရပါက ကြာမြင့်သည့် ရုံးချိန်းများကြောင့် အလုပ်သမားများမှာ ရှေ့နေငှားခ၊ ခရီးစရိတ်များ မတတ်နိုင်ကြောင်း အလုပ်သမားအရေး လှုပ်ရှားသူများက ဆိုသည်။

“ဒီပြဿနာတွေက ဘယ်မှာတက်လဲဆိုတော့ ဆန္ဒပြမှုတွေနဲ့ အလုပ်သမားတွေက တရားစွဲခံရရော။ အလုပ်သမားတွေက ထွက်ပေါက်ပိတ်နေပြီ။ ထွက်ပေါက်ပိတ်နေတယ်။ ကျွန်တော်တို့ဆီမှာ လာအကူအညီတောင်းတဲ့ ခုံသမာဓိကောင်စီတက်တဲ့ အမှု ၁၂ မှုက ၁၀ မှုမှာ လုပ်ငန်းရှင်တွေက အမိန့်ကို မလိုက်နာဘူး” ဟု အလုပ်သမားရေး လှုပ်ရှားနေသူ ကိုနန္ဒစစ်အောင်က ပြောကြားသည်။

ထိုနည်းတူ ခုံသမာဓိကောင်စီ၏ ဆုံးဖြတ်ချက်ကို မလိုက်နာပါက ငွေဒဏ်ကျခံရမည့်အစား ထောင်ဒဏ်ကျခံရမည်ဟု အစားထိုးသင့်ကြောင်း၊ ပြည်ထောင်စု မြန်မာနိုင်ငံတော်၏ တည်ဆဲ အလုပ်သမားရေးရာ ဥပဒေများတွင် တားမြစ်ချက်များကို ချိုးဖောက်ပါက ပြစ်မှုပြစ်ဒဏ်များနှင့် စပ်လျဉ်း၍ ထောင်ဒဏ် ငွေဒဏ် နှစ်ရပ်စလုံးဖြစ်စေ ပြဋ္ဌာန်းထားကြောင်း၊ ယင်းကြောင့် အလုပ်သမားရေးရာ အငြင်းပွားမှု ဖြေရှင်းရေး ဥပဒေကို ဒုတိယအကြိမ် ပြင်ဆင်သည့် ဥပဒေကြမ်း၌ တရားဥပဒေ ပြဋ္ဌာန်းသင့်ပါကြောင်း၊ အမျိုးသားလွှတ်တော် အတည်ပြုချက် ဥပဒေကြမ်းကို ဆက်လက်အတည်ပြု ပြဋ္ဌာန်းသင့်ကြောင်း၊ ILO က ထောင်ဒဏ်ပါဝင်နေမှုကို သဘောမတူဟု ပြောကြားထားကြောင်း၊ ILO အနေဖြင့် အလုပ်သမားထုနှင့် အလုပ်သမား သမဂ္ဂများ၏ အကျိုးစီးပွားနှင့် အလုပ်သမား အခွင့်အရေး ထိခိုက်စေမည့် လုပ်ရပ်များကို မဆောင်ရွက်သင့်ကြောင်း အလုပ်သမားအရေး ဆောင်ရွက်သူ တရားလွှတ်တော်ရှေ့နေ ဦးဌေးက ပြောကြားသည်။

“ကျွန်တော်တို့ ဒီမှာရှိတဲ့ အလုပ်သမားတွေကို အရပ်ဘက်တရားရုံး လွှဲတာက ဒီကနေ့ မြန်မာနိုင်ငံရဲ့ တရားစီရင်ရေးက ဘယ်လောက်အထိ တရားဥပဒေ စိုးမိုးမှုရှိလဲဆိုတာ ကျွန်တော်တို့ မေးခွန်းထုတ်ချင်ပါတယ်။ နောက်ပြီး ILO က သူတို့ပြဋ္ဌာန်းထားတဲ့ ၈၇ ကို သူတို့ကိုယ်တိုင် မထီမဲ့မြင်ပြုတာ။ အဲဒီအတွက် ကျွန်တော်တို့ အလုပ်သမား ဖြေရှင်းရေး ဥပဒေမှာ ထောင်ဒဏ်ထည့်သွင်းရေး ကိစ္စနဲ့ ပတ်သက်ပြီးတော့ အကြံပေးတာ မဟုတ်ဘဲနဲ့ ဒီလိုဝင်ရောက် စွက်ဖက်တာကို ကျွန်တော်တို့ အလုပ်သမားထုက လက်မခံပါဘူးလို့ ပြောချင်ပါတယ်” ဟု အလုပ်သမားရေး လှုပ်ရှားသူ ဦးထွန်းထွန်းနိုင်က ပြောကြားသည်။

 

အနည်းဆုံးလုပ်ခ ကျပ် ၄၈၀၀ ရရှိပြီးနောက် အခြားခံစားခွင့်များ မရဟုဆိုကာ CCI Cho Cho စက်ရုံ အလုပ်သမားများ ဆန္ဒပြမှု တစ်လကျော်ကြာသည်အထိ တောင်းဆိုမှုများ မရသေး

တောင်းဆိုမှုများရရှိရန် လုပ်ငန်းခွင်မ၀င်ဘဲ ဆန္ဒထုတ်ဖော်နေသည့် CCI Cho Cho စက်ရုံ အလုပ်သမားများကို တွေ့ရစဉ်

အနည်းဆုံးလုပ်ခ ကျပ် ၄၈၀၀ရရှိပြီး နောက်အခြားခံစားခွင့်များ ရရှိခြင်း မရှိဟုဆိုကာ လှိုင်သာယာ စက်မှုဇုန် (၂)၊ တွင်းသင်း အတွင်းဝန် ဦးထွန်းညိုလမ်းရှိ CCI Cho Cho စက်ရုံတွင် အလုပ်သမားများ ဆန္ဒပြလျက်ရှိရာ တစ်လကျော်ကြာသည်အထိ တောင်းဆိုမှုများ ရရှိခြင်း မရှိသေးကြောင်း ဇူလိုင် ၉ ရက်က စုံစမ်းသိရသည်။

အဆိုပါ စက်ရုံတွင် အလုပ်သမား ၁၀၀ ကျော်သည် ဇွန်၈ရက်မှစတင်ကာ လုပ်ငန်းခွင်မ၀င်ဘဲ ဆန္ဒပြနေခြင်းဖြစ်ပြီး ဇူလိုင် ၉ ရက်အထိ တောင်းဆိုမှုများ ရရှိခြင်းမရှိသေးကြောင်း အလုပ်သမားများထံက စုံစမ်းသိရသည်။

“အရင်တုန်းက ကျွန်မတို့ကို အနည်းဆုံး လုပ်ခအပြင် ခံစားခွင့်ကြေး ၄၀၀၀၀ ကျော်ပေးတယ်။ ၄၈၀၀ သတ်မှတ်လိုက်ပြီး နောက်ပိုင်းမှာ ခံစားခွင့်ကြေးတွေ မရတော့ဘူး။ အဲဒီကိစ္စကြောင့် ဆန္ဒစပြဖြစ်တာ။ နောက်ပြီး တစ်ရက်ကို အလုပ်ချိန်အဆိုင်း သုံးဆိုင်းဆင်းခိုင်းမယ့်အစား နှစ်ဆိုင်းပဲ ဆင်းပေးမယ်လို့ ပြောတာလည်း လက်မခံဘူး။ ကျွန်မတို့ အလုပ်သမားတွေက တောင်းဆိုမှုတွေ မရမချင်း ဆန္ဒပြနေမှာ” ဟု ဆန္ဒပြအလုပ်သမား တစ်ဦးဖြစ်သူ မသွယ်သွယ်ဝင်းက ပြောကြားသည်။

အလုပ်သမားဆန္ဒပြမှုနှင့် ပတ်သက်၍ စက်ရုံတာဝန်ရှိသူ တစ်ဦးအား ဆက်သွယ်မေးမြန်းခဲ့ရာ ၎င်းက “သူတို့ တောင်းဆိုနေတာတွေနဲ့ ပတ်သက်ပြီး အလုပ်သမား ညှိနှိုင်းဖျန်ဖြေရေးမှာကော၊ အလုပ်သမား ညွှန်ကြားရေး ဦးစီးဌာနမှာကော သူတို့နဲ့ အပြန်ပြန်အလှန်လှန် တွေ့ဆုံပြီး ရှင်းလင်းပြောကြားပြီးပြီ။ သက်ဆိုင်ရာ ဦးစီးဌာနတွေကလည်း ညွှန်ကြားချက်တွေပေးလို့ ကျွန်တော်တို့ ဆောင်ရွက်နေတာ ဖြစ်ပါတယ်။ အဲဒါကို မပြီးသေးဘူး ပြောတာသူတို့ အပိုင်းပါပဲ။ ကျွန်တော်တို့က ဒီဟာတွေကို ရှင်းလင်းပြီးပါပြီ” ဟု CCI Cho Cho စက်ရုံက General Manager ဦးကျော်ကျော်က ပြောကြားသည်။

ယင်းစက်ရုံတွင် အလုပ်သမားများကို ၂၄ နာရီပတ်လုံး ၈ နာရီအဆိုင်း သုံးဆိုင်းခွဲ၍ အလုပ်လုပ်ခိုင်း စေကြောင်း၊ အလုပ်သမားများက တစ်ရက်လျှင် အဆိုင်းနှစ်ဆိုင်းသာ ခိုင်းစေပြီး အချိန်ပို ခေါ်စေချင်ကြောင်း၊ အိမ်ပြန်ချိန်တွင် ဖယ်ရီစီစဉ်ပေးခြင်း မရှိသဖြင့် စက်ရုံအလုပ်သမားများ သွားလာရေး အခက်အခဲ ဖြစ်ပေါ်နေကြောင်း၊ လုပ်သက်ကြေး၊ ကျွမ်းကျင်ကြေးစသည်တို့ ဆန္ဒပြအလုပ်သမားများ၏ ပြောကြားချက်များအရ သိရသည်။

အလုပ်သမားများ ဆန္ဒပြနေသည့် CCI Cho Cho စက်ရုံသည် Shin Shin ကြာဆံများ ထုတ်လုပ်သည့် စက်ရုံဖြစ်ကြောင်း သိရသည်။

ထိုင်းနိုင်ငံအတွင်း ၀င်ရောက်လည်ပတ်သည့် မြန်မာနိုင်ငံသားများ မြန်မာနိုင်ငံသို့ပြန်လာစဉ် ထိုင်းဘက်ကမ်း၌ ဗီဇာအတုဖြင့်ဖမ်းဆီးခံရသူ တစ်ပတ်အတွင်း ၄၀ ခန့်ရှိဟု သိရ

ထိုင်းနိုင်ငံအတွင်း ၀င်ရောက်လည်ပတ်သည့် မြန်မာနိုင်ငံသားများ မြန်မာနိုင်ငံသို့ ပြန်လာစဉ် ထိုင်းဘက်ကမ်း၌ ဗီဇာအတုဖြင့် ဖမ်းဆီးခံရသူ တစ်ပတ်အတွင်း ၄၀ ခန့်ရှိကြောင်း သိရသည်။ ယင်းကဲ့သို့ ထိုင်းနိုင်ငံအတွင်း နှစ်လနီးပါး သွားလာလည်ပတ်ပြီးမှ ပြန်လာစဉ် ဖမ်းဆီးခံရခြင်းမှာ ထိုင်းနိုင်ငံသို့ စတင်ဝင်ရောက်စဉ်ကတည်းက ဗီဇာအား ထိုင်း လ ၀ က က စနစ်တကျ စစ်ဆေးရန်လိုအပ်ကြောင်း မြန်မာအလုပ်သမားအရေး ဆောင်ရွက်နေသူများက ပြောကြားသည်။

ထိုင်းနိုင်ငံ မဲဆောက်မြို့တွင် နေထိုင်ပြီး အလုပ်သမားရေးဆောင်ရွက်နေသူ KTG အထွေထွေလူမှုကူညီရေးရုံးမှ မန်နေးဂျင်း ဒါရိုက်တာ ကိုသားကြီးက “နှစ်နိုင်ငံ ချစ်ကြည်ရေး တံတားပေါ်မှ ဖြတ်သွားတဲ့ မြန်မာနိုင်ငံသားတွေ ထိုင်းနိုင်ငံအတွင်း လည်ပတ်သွားလာပြီးမှ ဖမ်းဆီးခံရသူ ဒီနေ့အထိ ၄၀ နီးပါးရှိ ပြီ။ ဒီမနက်လည်းဖမ်းတယ်။ ဗီဇာ ဘာကြောင့် အတု ဖြစ်ရသလဲ။ ပွဲစားတွေနဲ့ လုပ်လို့ ဖြစ်တာပါ။ ဘယ်လိုပဲ ဖြစ်ပါစေ၊ ချစ်ကြည်ရေး တံတားပေါ်မှ ထိုင်းလ၀ကဆိုတဲ့ တောမောင်းဆီးမှာ အ၀င်တုံးထုရတယ်။ ဘာကြောင့် သေသေချာချာ မစစ်ဆေးတာလဲ ၊၊ ဒါ ထိုင်းလ၀က ပေါ်မှာပဲ တာဝန်ရှိပါတယ်”ဟု ဆိုသည်။
ပြည်ပကိုထွက်ခွာသူများ၏ ပတ်စ်ပို့ ဗီဇာများ အတုအစစ် စစ်ဆေးရန်မှာ မြန်မာ လ၀ကထက် ထိုင်းလ၀က၌သာ တာဝန်ရှိသည်ဟုဆိုသည်။

“တစ်ဖက်နိုင်ငံထဲကို ၀င်တော့မယ်ဆိုရင် ဒီနိုင်ငံက ဗီဇာ အတုလား အစစ်လား ဆို တာ စစ်ဆေးဖို့တာဝန်ရှိပါတယ်။ ဒါကို မြန်မာနိုင်ငံဘက်မှ တာဝန်ရှိသူတွေ ဘယ်လို အကူအညီပေးမလဲ အများသိအောင် ဘယ်လို ဆောင်ရွက်မလဲ၊ ဒါအဓိကကျပါတယ်” ဟု ကိုသားကြီးက ပြောကြားသည်။

ယင်းကဲ့သို့ မြန်မာနိုင်ငံသို့ပြန်လာစဉ် ဖမ်းဆီးခံရသူများမှာ အဆိုပါ လ၀ကဥပဒေအရ ထောင်ဒဏ်အနည်းဆုံး ၁၀ လမှ အများဆုံးတစ်နှစ်၊ ခြောက်လအထိကျခံရ မည်ဖြစ်သလို ငွေဒဏ်လည်း ချမှတ်၍ရကြောင်း သိရသည်။ ထိုင်းနိုင်ငံအတွင်း ၀င်ရောက်လည်ပတ်မည့် မြန်မာနိုင်ငံသားများ သည် ရန်ကုန်မြို့ရှိ ထိုင်းနိုင်ငံဆိုင်ရာ သံရုံးတွင် ဗီဇာယူပြီး မြ၀တီချစ်ကြည်ရေးတံတားမှ ထိုင်းနိုင်ငံသို့ ၀င်ရောက်ကာ ၄၅ ရက်ခန့် ၀င်ရောက်လည်ပတ်ပြီးမှ မိခင်နိုင်ငံသို့ ပြန်လာစဉ် ဖမ်းဆီးခံရခြင်းဖြစ်ပြီး ထိုင်းနိုင်ငံသို့ ၀င်ရောက်လည်ပတ်သူများအနေဖြင့် ထိုင်းအလည်ဗီဇာအား မိမိကိုယ်တိုင်ရယူကြရန် လိုအပ်ကြောင်း သိရသည်။

အနည်းဆုံးလုပ်ခ ၄၈၀၀ ကျပ်မပေးသော အလုပ်ရှင်များကို အလုပ်သမား ညွှန်ကြားရေး ဦးစီးဌာနနှင့် အနည်းဆုံး အခကြေးငွေ ကော်မတီထံသို့ တိုင်ကြားနိုင်သည့်အပြင် အလုပ်ရှင်ကို တရားစွဲဆိုနိုင်ဟုဆို

အနည်းဆုံးလုပ်ခ ၄၈၀၀ ကျပ် မပေးသော အလုပ်ရှင်များကို သက်ဆိုင်ရာမြို့နယ် အလုပ်သမား ညွှန်ကြားရေး ဦးစီးဌာန၊ တိုင်းဒေသကြီးနှင့် ပြည်နယ် အနည်းဆုံးအခကြေးငွေ ကော်မတီထံသို့ တိုင်ကြားနိုင်သည့်အပြင် အလုပ်ရှင်ကို တရားစွဲဆိုနိုင်ကြောင်း အလုပ်ရုံနှင့် အလုပ်သမားဥပဒေ စစ်ဆေးရေး ဦးစီးဌာန ညွှန်ကြားရေးမှူးချုပ် ဦးညွန့်ဝင်း၏ ပြောကြားချက်အရ သိရသည်။

ဇွန် ၁၂ ရက်က ရန်ကုန်မြို့ ချက်ထရီယံ ဟိုတယ်၌ ပြုလုပ်သော ကမ္ဘာ့ကလေးလုပ်သား ဆန့်ကျင်တိုက်ဖျက်ရေးနေ့ အခမ်းအနားတွင်  သတင်းမီဒီယာများ၏ မေးမြန်းမှုများကို ဖြေကြားရာ၌ ၎င်းကထည့်သွင်း ပြောကြားခဲ့ခြင်းဖြစ်သည်။

“အနည်းဆုံး အခကြေးငွေ ၄၈၀၀ ကို မေ ၁၄ ရက်က အတည်ပြု သတ်မှတ်ပြီး စပေးပါလို့ အမိန့်ထုတ်ပြန် လိုက်တယ်။ မေ ၁၄ ရက်မတိုင်ခင် ၄၈၀၀ မပေးလို့ရတယ်။ ၁၄ ရက်နောက်ပိုင်းက ပေးရမယ်။ ၄၈၀၀ မရရင် ဘာလုပ်လို့ရလဲဆိုတော့ ဥပဒေအရ သက်ဆိုင်ရာ မြို့နယ်အရာရှိကို တိုင်လို့ရတယ်။ တိုင်ပြီးမှ မရဘူးဆိုရင် အဆင့်ဆင့်ပေါ့။ အနည်းဆုံး အခကြေးငွေ တိုင်းဒေသကြီးနဲ့ ပြည်နယ်အဆင့် ကော်မတီတွေကို တိုင်ရမယ်။ တိုင်းဒေသကြီးနဲ့ ပြည်နယ်ကော်မတီတွေကို တိုင်လို့မှ မရဘူးဆိုရင် တရားစွဲရမှာပေါ့” ဟု အလုပ်ရုံနှင့် အလုပ်သမားဥပဒေ စစ်ဆေးရေးဦးစီးဌာန ညွှန်ကြားရေးမှူး ဦးညွန့်ဝင်းက ပြောကြားသည်။

လက်ရှိတွင် ရန်ကုန်တိုင်းဒေသကြီး အတွင်းရှိ စက်ရုံခြောက်ရုံနှင့် မန္တလေးတိုင်းဒေသကြီး အတွင်းရှိ စက်ရုံနှစ်ရုံတို့မှာ အနည်းဆုံး လုပ်ခ ၄၈၀၀ ကျပ်နှုန်း ပေးချေခြင်း မရှိသည်ကို သိရှိကြောင်း မြန်မာနိုင်ငံ စက်မှုလက်မှုနှင့် ၀န်ဆောင်မှု လုပ်ငန်းပေါင်းစုံ အလုပ်သမား သမဂ္ဂများအဖွဲ့ချုပ် (MICS) အတွင်းရေးမှူး ကိုသက်နှင်းအောင်၏ ပြောကြားချက်အရ သိရသည်။

အစိုးရက အနည်းဆုံးလုပ်ခ ကျပ် ၄၈၀၀ သတ်မှတ်ပြီးနောက်ပိုင်း စက်ရုံ၊ အလုပ်ရုံ ပိုင်ရှင်များမှာ အနည်းဆုံး လုပ်ခ ၄၈၀၀ ကျပ်ကို ပေးချေသော်လည်း ယခင်အလုပ်သမားများ ရရှိသည့် ရက်မှန်ကြေး၊ ဖယ်ရီကြေး စသည်တို့ကို လျှော့ချခြင်း၊ ဖြတ်တောက်ခြင်းများ ပြုလုပ်နေကြောင်း စုံစမ်းသိရှိရသည်။

၂၀၁၅ ခုနှစ်က အနည်းဆုံး လုပ်ခကို တစ်ရက် ၃၆၀၀ ကျပ်အဖြစ် သတ်မှတ်စဉ်က ၃၆၀၀ ကျပ်မရသဖြင့် အလုပ်သမား ဆန္ဒပြမှုများ ဖြစ်ပွားခဲ့သည်။

နေရပ် မပြန်နိုင်သူများ၊ နေရပ် စွန့်ခွာကြသူများနဲ့ ရှားပါးနေတဲ့ အလုပ်အကိုင်အခွင့်အလမ်း

ကိုရီးယားသို့ သွားရောက် အလုပ်လုပ်ခွင့်ရရှိရန် အလုပ်သမား ညွှန်ကြားရေးဦးစီးဌာနသို့ လာရောက်၍ ဖြေဆိုခွင့်လျှောက်လွှာအတွက် စောင့်ဆိုင်းနေကြသော လူငယ်များအား တွေ့ရစဉ် (ဓာတ်ပုံ-ရှိုင်းလင်းအောင်)

၂၀၁၇ ခုနှစ်ထဲမှာ ပြည်ပထွက်ပြီး အလုပ်လုပ်တဲ့ မြန်မာရွှေ့ပြောင်း လုပ်သား ၁၆၀၀၀၀ ကျော် ရှိပါတယ်။ ဒါက  အလုပ်သမား ဦးစီးဌာနရဲ့ တရားဝင် ထုတ်ပြန်ထားတဲ့ စာရင်းပါ။ အရပ်အခေါ် အောက်လမ်းက သွားတဲ့ လူဘယ်နှယောက် ရှိလဲဆိုတာတော့ ဘယ်သူမှ အတိအကျ မပြောနိုင်ပါဘူး။ ခန့် မှန်းခြေအရဆိုရင် ပြည်ပမှာ တရားဝင်ရော၊ တရားမ၀င်ရော အလုပ်လုပ်နေတဲ့ မြန်မာ ရွှေ့ပြောင်း လုပ်သား အနည်းဆုံး ငါးသန်းကျော်ရှိတယ်လို့ သိရပါတယ်။

၂၀၁၈ ခုနှစ် ဇန်န၀ါရီကနေ ဧပြီအထိ ပြည်ပ ထွက်ပြီးအလုပ်သွားလုပ်တဲ့ မြန်မာလုပ်သား ခြောက်သောင်းခွဲ ကျော်ရှိတယ်လို့  အလုပ်သမားဦးစီးဌာနက ထုတ်ပြန်ထားပါတယ်။ ကာလတူ ပြီးခဲ့တဲ့၂၀၁၇ ဇန်န၀ါရီ ကနေ ဧပြီအထိမှာတာ့ ပြည်ပမှာ အလုပ်သွားလုပ်တဲ့ မြန်မာရွှေ့ပြောင်း လုပ်သား လေးသောင်းကျော်ပဲရှိပါတယ်။ ၂၀၁၇ ခုနှစ် နဲ့ ၂၀၁၈ ခုနှစ် ပထမလေးလမှာ ပြည်ပထွက် အလုပ်လုပ်တဲ့ လူဦးရေကို နှိုင်းယှဉ်ကြည့်မယ်ဆိုရင် ၂၀၁၈ ခုနှစ်မှာ ပြည်ပထွက်တဲ့ မြန်မာလုပ်သားဦးရေ ပိုများလာတာကို တွေ့ ရပါတယ်။

မြန်မာလုပ်သားတွေ အလုပ် သွားလုပ်တဲ့ နိုင်ငံတွေထဲမှာ အများဆုံးက ထိုင်း၊ မလေး ရှား၊ ကိုးရီးယား၊ စင်ကာပူ၊ ဂျပန်စတဲ့နိုင်ငံတွေဖြစ်ပါတယ်။ ဒီထဲမှာ  မြန်မာနဲ့ အိမ်နီးချင်းနိုင်ငံလည်းဖြစ်၊ မြန်မာ့ ရေမြေသဘာဝနဲ့လည်း နီးစပ်တဲ့ ထိုင်းမှာ တရားဝင်ရော၊ တရားမ၀င်ရော အလုပ်လုပ်နေတဲ့ မြန်မာ ရွှေ့ပြောင်း လုပ်သားဦးရေဟာ သုံးသန်း  ကျော်လောက်ရှိတယ်လို့ ခန့်မှန်းထားပါတယ်။

ဘာကြောင့်လဲဆိုတော့ ထိုင်းနိုင်ငံရဲ့ အနည်းဆုံးအခကြေးငွေက မြို့နယ်အပေါ်မူတည်ပြီး ဘတ် ၃၀၀ ကနေ ၃၁၀ အထိ ရရှိတာကြောင့် မြန်မာငွေနဲ့ တွက်မယ်ဆိုရင် တစ်ရက်ကို ကျပ် ၁၂၀၀၀ ကျော်ကနေ ကျပ် ၁၃၀၀၀ ကျော်အထိ ရှိနေတာကြောင့် အလွယ်တကူ သွားရောက်လုပ်ကိုင်နေကြတာပါ။

မြန်မာနိုင်ငံမှာ ရတာက တစ်ရက်မှ ကျပ် ၄၈၀၀ ရှိတဲ့အတွက် ထိုင်းထက်စာရင် လုပ်အားခ နှစ်ဆကျော် သုံးဆနီးပါး နည်းနေပါတယ်။ ဒါကြောင့်ပဲ မြန်မာရွှေ့ပြောင်း လုပ်သားတွေက ထိုင်း နဲ့ပြည်ပနိုင်ငံတွေကို သွားရောက် လုပ်ကိုင်ကြတာဖြစ်တယ်လို့ ရွှေ့ပြောင်းလုပ်သားတွေက ဆိုပါတယ်။

ဒီလို သန်းနဲ့ချီတဲ့ မြန်မာရွှေ့ပြောင်းလုပ်သားတွေ တခြားနိုင်ငံတွေဆီ တစ်နှစ်ထက် တစ်နှစ် လုပ်သားစီးဆင်းမှု ပိုများလာတာက အစိုးရအတွက်တော့ စိန်ခေါ်မှုတစ်ရပ်ဖြစ်ပါတယ်။

အလုပ်လုပ်နိုင်စွမ်းရှိတဲ့လူငယ်၊ လူရွယ်တွေ ပြည်ပထွက် အလုပ်လုပ်နေတာဟာ မြန်မာနိုင်ငံရဲ့လူ့စွမ်းအား အရင်းအမြစ်ကို ထိခိုက်ဆုံးရှုံးနေတဲ့အပြင် ဒီပြဿနာကို လက်ရှိ အစိုးရအထိ နိုင်နင်းအောင် ကိုင်တွယ် ဖြေရှင်းနိုင်မှု မရှိသေးပါဘူး။

ပြည်ပထွက် အလုပ်လုပ်တဲ့ မြန်မာရွှေ့ ပြောင်းလုပ်သားတွေအတွက် စိန်ခေါ်မှုမျိုးစုံ ရှိနေပါတယ်။ ဒါတွေကတော့ ဘာသာစကား အခက်အခဲ၊ လုပ်ငန်းခွင်အဆင်မပြေမှု၊ လုပ်အားခ ခေါင်းပုံဖြတ်ခံရမှု၊ နှိမ့်ချဆက်ဆံခံရမှု၊ လူကုန်ကူးခံရမှု စတာတွေ ဖြစ်ပါတယ်။

မြန်မာနိုင်ငံကူးလက်မှတ် ထုတ်ပေးရေးအဖွဲ့ရုံးတွင် နိုင်ငံကူးလက်မှတ်ပြုလုပ်ရန် တန်းစီစောင့်ဆိုင်းနေသူများအား တွေ့ရစဉ်

ဒီကနေ အစိုးရချင်းနားလည်မှု စာချွန်လွှာ MoU စနစ်၊ Demand Letter (အလုပ်ခေါ်စာ) နဲ့ သွားတဲ့သူတွေတောင် တစ်ဖက်နိုင်ငံမှာ အဆင်မပြေ ဒုက္ခရောက်နေတာတွေ ရှိပါတယ်။ ဒီကနေသွားတုန်းက လုပ်ရမယ်လို့ပြောတဲ့အလုပ်နဲ့ ဟိုရောက်တော့ လုပ်ရတဲ့အလုပ်က ကွဲလွဲနေတာမျိုး တွေရှိခဲ့ဖူးပါတယ်။ အခုလည်းရှိနေဆဲပါပဲ။

“ထိုင်းမှာ မြန်မာတွေဖြစ်လေ့ရှိတာက လုပ်ငန်းခွင် အဆင်မပြေတာ။ MoU စနစ်နဲ့ သွားတယ်။ ဒီမှာ ပြောထားတာကတစ်မျိုး ဟိုဘက်ရောက်တော့ အလုပ်နေရာမတူဘဲ လုပ်နေရတာတွေရှိတယ်။ လုပ်အားခ ခေါင်းပုံဖြတ်ခံရတာ၊ လစာအပြည့် အ၀မပေးတာ ဖြစ်နေတယ်ဆိုရင် အလုပ်သမားတွေအနေ နဲ့ တိုင်ကြားနိုင်ပါတယ်” လို့ မြန်မာပြည်ပ အလုပ်အကိုင်ဝန်ဆောင်မှု လုပ်ငန်းရှင်များ အဖွဲ့ချုပ်ရဲ့ အမှုဆောင်အဖွဲ့ဝင်တစ်ဦးဖြစ်သူ ဦးကျော်ထင်ကျော်က ပြောပါတယ်။

အစိုးရချမှတ်ထားတဲ့ စည်းမျဉ်းစည်းကမ်းတွေကို လိုက်နာမှုမရှိတဲ့ အေဂျင်စီတွေကြောင့် ရွှေ့ပြောင်းအလုပ်သမားတွေ ဒုက္ခရောက်ရတာဖြစ်တယ်လို့ ထိုင်းနိုင်ငံ ပညာရေး နှင့် ဖွံ့ဖြိုးတိုးတက်ရေးဖောင်ဒေးရှင်းရဲ့ ဒါရိုက်တာ ဦးထူးချစ်က ပြောပါတယ်။

“MoU စနစ်နဲ့ တရားဝင်ပို့တာကို ကျွန်တော်က သဘောကျတယ်။ ဒါပေမဲ့ ပြဿနာတွေ ရှိနေတုန်းပဲ။ အစိုးရချမှတ်ထားတဲ့စည်းမျဉ်း၊ စည်းကမ်းတွေကို မလိုက်နာတဲ့ဝန်ထမ်းတွေရှိသလို အေဂျင်စီတွေကလည်း စည်းကမ်း မလိုက်နာတာတွေရှိတယ်။ ရွှေ့ပြောင်း လုပ်သားတွေ အဓိကကြုံတွေ့နေရတဲ့ ပြဿနာက လုပ်အားခအ ပြည့်အ၀ မရတာပဲ။ နောက်ပြီး လူကုန်ကူးခံရတာတွေရှိတယ်။ တစ်ဖက်နိုင်ငံက အလုပ်သမားအခွင့်အရေးတွေ ပြည့်ပြည့်၀၀ မရတာတွေ အများကြီးရှိတယ်” လို့ ဦးထူးချစ်က ဆိုပါတယ်။

ပြည်ပကို MoU စနစ်နဲ့ တရားဝင်လုပ်သား စေလွှတ်တဲ့နေရာမှာ စည်းကမ်းချိုးဖောက်တဲ့ အေဂျင်စီတွေ ရှိနေပြီး အဲ့ဒီအေဂျင်စီတွေကို တိုင်မယ်ဆိုရင် ရာသက်ပန် လိုင်စင်သိမ်းတဲ့အထိ အရေးယူမှုတွေရှိခဲ့ပါတယ်။

MoU စနစ်နဲ့မဟုတ်ဘဲ တရားမ၀င် အောက်လမ်းက သွားတဲ့လူတွေအတွက် စိန်ခေါ်မှုတွေက ပိုကြီးပါတယ်။ လုပ်အားခ အပြည့်အ၀မရဘဲ ထိုင်းလုပ်ငန်းရှင်တွေက မတရားဖိနှိပ်တာ။ ညှဉ်းပန်းနှိပ်စက်တာတွေ၊ ထိုင်းရဲတွေ ဖမ်းခံရရင် ငွေ ပေးရတာတွေအပြင် လူကုန်ကူးခံရတာတွေစတဲ့ ဒုက္ခမျိုးစုံ၊ ပြဿနာမျိုးစုံကို တရားမ၀င်သွားတဲ့ အလုပ်သမားတွေ အမြဲကြုံတွေ့နေရပါတယ်။

လုပ်အားခခေါင်းပုံဖြတ်ခံရတာ၊ ထိုင်းလုပ်ငန်းရှင်တွေရဲ့ မတရား ဖိနှိပ်တာတွေကို သက်ဆိုင်ရာကို တိုင်ကြားဖို့ အခက်အခဲတွေ ရှိနေပါတယ်။ သူတို့က တရားမ၀င် အောက်လမ်းက သွားတာဖြစ်တဲ့အတွက် ထိုင်းရဲနဲ့ ဌာနဆိုင်ရာကို တိုင်မယ်ဆိုရင် အရင်ဆုံး အဖမ်းခံရမှာပါ။ ဒါကြောင့် တရားမ၀င် ရွှေ့ပြောင်း လုပ်သားတွေဟာ ဖြစ်လာသမျှ ဒုက္ခမျိုးစုံ၊ ပြဿနာမျိုးစုံကို ခါးစည်းခံနေရပါတယ်။

ပြည်ပမှာ ရောက်နေတဲ့ မြန်မာလုပ်သားတွေ အခက်အခဲဒုက္ခမျိုးစုံ ရောက်နေပေမယ့် ရန်ကုန်မြို့က ပတ်စ်ပို့ရုံးမှာတော့  ပြည်ပထွက်ပြီး အလုပ်လုပ်ဖို့ ပတ်စ်ပို့လာလျှောက်တဲ့ လူတွေ များပြားနေဆဲဖြစ်ပါတယ်။ တစ်ရက်ကို အနည်းဆုံး လူ ၂၀၀၀ ကနေ ၃၀၀၀ ၀န်းကျင်လောက် ပတ်စ်ပို့စာအုပ် လာလုပ်နေကြတာပါ။ ဒီထဲမှာ အလည်အပတ်သွားတဲ့သူက အလွန်နည်းပြီး အလုပ် သွားလုပ်တဲ့သူက လေးပုံပုံ သုံးပုံကျော်အထိ  ရှိနေပါတယ်လို့ ပတ်စ်ပို့ရုံးက တာဝန်ရှိသူတစ်ဦးက ဆိုပါတယ်။

“လာလျှောက်တဲ့လူတွေထဲမှာ ထိုင်းသွားပြီး အလုပ်လုပ်တဲ့လူက များတယ်။ အလည်အပတ်လျှောက်တဲ့ လူက အဲဒီလောက်မများဘူး။ အလုပ်သွားလုပ်ဖို့ လျှောက်တဲ့လူက ပိုများတယ်။ လာလျှောက်တဲ့လူ ၂၈၀၀ ရှိရင် ၂၀၀၀ လောက်က အလုပ် သွားလုပ်မယ့် လူဖြစ်နေတယ်။ သုံးပုံပုံ နှစ်ပုံလောက်က PJ (Passport for Job)  တွေ ဖြစ်နေတယ်။ လာလျှောက်တဲ့လူတွေထဲမှာ ပဲခူးတိုင်းက လူတွေက အများဆုံးဖြစ်နေတယ်” လို့ မြန်မာနိုင်ငံကူး လက်မှတ်ထုတ်ပေးရေးရုံးရှိ တာဝန်ရှိသူတစ်ဦးက ပြောပါတယ်။

မြန်မာနိုင်ငံရဲ့ စီးပွားရေးမြို့တော်ဖြစ်တဲ့ ရန်ကုန်က စက်မှုဇုန်တွေမှာ အနည်းဆုံး လုပ်ခတစ်ရက် ကျပ် ၄၈၀၀ ကို အစိုးရက  ၂၀၁၈ ခုနှစ် မေက တရားဝင်သတ်မှတ်ခဲ့ပေမယ့် မပေးသေးတဲ့ စက်ရုံတွေရှိနေတာကြောင့်

အလုပ်သမားတွေဘက်က တောင်းဆိုနေရ ဆဲဖြစ်ပါတယ်။

ဒါ့အပြင် နိုင်ငံခြားသားလုပ်ငန်းရှင်တွေရဲ့ဖိနှိပ်ခံရတာ၊ အလုပ်သမား အခွင့် အရေးတွေ အပြည့်အ၀မရတာနဲ့ အနည်းဆုံး လုပ်ခအပြင် ကျွမ်းကျင်မှုအလိုက် ပိုက်ဆံတိုးပေးဖို့ဆန္ဒပြတောင်းဆိုနေတာတွေရှိပါတယ်။

အရင်က မြန်မာနိုင်ငံရဲ့ အနည်းဆုံး လုပ်ခက တစ်ရက်ကို ကျပ် ၃၆၀၀ ကျပ်ရှိပါ တယ်။ လက်ရှိမှာတော့ အနည်းဆုံး လုပ်ခလစာကို ကျပ် ၄၈၀၀ တိုးပေးခဲ့ပေမယ့် တစ်လကို ဒေါ်လာ ၁၀၀ ကျော်ရရှိတဲ့အတွက် အာဆီယံနိုင်ငံ တွေထဲမှာ အနည်းဆုံး လုပ်ခလစာရတဲ့နိုင်ငံအဖြစ် ရှိနေပါသေးတယ်။

ဒါကြောင့် အခြေခံ အလုပ်သမားတစ်ယောက်ရဲ့ တစ်လ၀င်ငွေက အချိန်ပို၊ ရက် မှန်ကြေးနဲ့ အခြား ခံစားခွင့်တွေအပါအ၀င်ထည့်ပေါင်းမှ နှစ်သိန်းဝန်းကျင်လောက်ပဲရပါတယ်။

နေစရိတ်၊ စားစရိတ် ဈေးကြီးလှတဲ့ ရန်ကုန်မြို့ကြီးမှာ အခြေခံ အလုပ်သားတစ်ယောက်ရဲက ၀င်ငွေက မိသားစုတစ်စု နေထိုင် စားသောက်ဖို့အတွက် မလောက်ငပါဘူး။ အိမ်ငှားစရိတ်၊ စားသောက်စရိတ်၊ သာရေးနာရေးစရိတ်တွေကို အစိုးရသတ်မှတ်လိုက်တဲ့ တစ်ရက် ကျပ် ၄၈၀၀ နဲ့ ဖြေရှင်းလို့ အဆင်မပြေနိုင်ပါဘူး။

အနည်းဆုံးလုပ်ခကိုကျပ် ၄၈၀၀ တိုးပေးပြီးတဲ့နောက်ပိုင်းမှာ ရန်ကုန်တိုင်း၊ လှိုင်သာယာစက်မှုဇုန်မှာရှိတဲ့ စက်ရုံဝန်ထမ်းတွေရဲ့ အဆောင်နေစရိတ်တွေက အရင်ကထက် ငါးထောင်ကနေ တစ်သောင်းခွဲ လောက်အထိ ထိုးတက်လာတယ်လို့ အလုပ် သမားတွေပြောပြလို့သိရပါတယ်။

“အခု ကျွန်တော်နေတဲ့အဆောင်က အရင်တုန်းက ငါးသောင်း။ ၄၈၀၀ ရပြီး နောက်မှာ ငါးသောင်းခွဲ၊ ခြောက်သောင်းဖြစ်လာတယ်။ ကုန်ဈေးနှုန်းတွေလည်း တက်လာတယ်။ ကျွန်တော်တို့ အလုပ်သမားတွေ က ၄၈၀၀ တိုးတယ်ဆိုပြီး နာမည်ပဲရလိုက်တာ။ အကျိုးခံစားခွင့်က ဘာမှမရှိဘူး။ကုန်ဈေးနှုန်းက လိုက်တက်လာတဲ့အတွက် ပိုဝင်လာတဲ့ ပိုက်ဆံကအပြင်ကိုပြန်ထွက်သွားတယ်။ ဘာမှ မထူးဘူး”လို့ လှိုင်သာယာစက်မှုဇုန်မှ စက်ရုံဝန်ထမ်း ဦးထွန်းစိန်က ပြောပါတယ်။

ကိုထွန်းစိန် ပြောသလိုပဲ လစာတွေတိုးပေမယ့် အလုပ်သမားတွေအတွက် နာမည်သာရှိခဲ့ပြီး အဆောင်လခတွေ၊ အခြေခံ စားသောက်ကုန်ဖြစ်တဲ့ ဆန်၊ ဆီ၊ ဆား၊ ငရုတ်၊ ကြက်သွန်၊ သားငါးဈေးတွေဟာ  ၄၈၀၀ ရပြီး နောက်ပိုင်း အနည်းငယ်မြင့် တက်လာတယ်။ ဒီလို ကုန်ဈေးနှုန်းတက်လာကြောင့် လစာတိုးရပေမယ့် အလုပ်သမားတွေရဲ့ ဘ၀ကတော့ ဒုံရင်းက ဒုံရင်းပါပဲ။

ပြည်တွင်းမှာ အလုပ်လုပ်နေတဲ့ အလုပ်သမားတွေရဲ့ဝင်ငွေနဲ့ ထွက်ငွေဟာ မမျှမတ ဖြစ်နေတာတွေက ပြည်ပကို အလုပ်ထွက်လုပ်ဖို့ တွန်းပို့နေတဲ့ အခြေအနေတစ်ရပ်လည်း ဖြစ်ပါတယ်။

မြန်မာနိုင်ငံ လူငယ်လူရွယ်တွေ ပြည်ပမထွက်ဘဲ ပြည်တွင်းမှာ လုပ်နိုင်ဖို့အတွက် ဆိုရင် နိုင်ငံရဲ့ စီးပွားရေး အခုထက်ပိုပြီး ဖွံ့ဖြိုးတိုးတက်ဖို့ လိုနေပါတယ်။ နိုင်ငံခြားရင်းနှီးမြှုပ်နှံမှုတွေ ၀င်လာမယ်ဆိုရင် မြန်မာနိုင်ငံသားတွေအတွက် အလုပ်အကိုင်အခွင့် အလမ်းကောင်းတွေ ပိုများလာနိုင်တယ်လို့ အလုပ်သမားတွေက ယုံကြည်နေကြပါတယ်။

“စီးပွားရေးကောင်းဖို့အတွက် ပြည်တွင်းက ရင်းနှီးမြှုပ်နှံမှုနဲ့ပဲ တင်းတိမ်လို့မရဘူး။ ကျွန်တော်တို့ နိုင်ငံကို ရင်းနှီးမြှုပ်နှံသူတွေနဲ့ နည်းပညာရှင်တွေကို ဖိတ်ခေါ်ရမယ်။ အဲဒီလိုလုပ်မယ်ဆိုရင် စီးပွားရေးချွတ်ချုံကျမှုကို ဆွဲတင်နိုင်လိမ့်မယ်။ စီးပွားရေးအင်အား တောင့်တင်းလာမယ်ဆိုရင် နိုင်ငံရေးမှာ အင်အားကောင်းလာမယ်။ နိုင်ငံရေးမှာ အင်အားကောင်းလာမယ်ဆိုရင် ပြည်ပက မြန်မာတွေ အနှိမ်ခံရတာတို့၊ ခွဲခြားဆက်ဆံတာတို့ မရှိတော့ဘူးပေါ့ဗျာ”လို့ မြန်မာနိုင်ငံ စက်မှုလက်မှုနှင့် ၀န်ဆောင်မှုလုပ်ငန်းပေါင်း စုံ အလုပ်သမားသမဂ္ဂများအဖွဲ့ချုပ် (MICS) ရဲ့ ဒုတိယဥက္ကဋ္ဌ ကိုနော်အောင်က ပြောပါတယ်။

မြန်မာနိုင်ငံမှာ နိုင်ငံခြားရင်းနှီးမြှုပ်နှံမှုတွေ အများအပြား ၀င်လာပြီး စီးပွားရေး ချွတ်ခြုံကျမှုကို ပြုပြင်ပြောင်းလဲနိုင်မယ် ဆိုရင်တော့ ပြည်တွင်းက မြန်မာလုပ်သားတွေအတွက် အလုပ်အကိုင်ကောင်းတွေ ရရှိမှာဖြစ်ပြီး ပြည်ပဆီ လုပ်သားအင်အား စီးဆင်းမှုတွေ လျော့နည်းလာနိုင်မှာဖြစ်ပါတယ်။

ပြည်ပနိုင်ငံတွေမှာ ရောက်ရှိနေတဲ့ မြန်မာရွှေ့ပြောင်းလုပ်သားတွေအနေနဲ့ အခက်အခဲမျိုးစုံနဲ့ ကြုံနေရပေမယ့် သူတို့ရဲ့မွေးရပ်မြေဖြစ်တဲ့ မြန်မာနိုင်ငံကို ပြန်လာဖို့ အိပ်မက်တွေ ကိုယ်စီ ရှိနေကြပါတယ်။ အဲဒီ အိပ်မက်တွေကို အကောင်အထည်ဖော်နိုင်ဖို့ဆိုရင်  အဓိက တာဝန်ရှိသူကတော့ အစိုးရပဲ ဖြစ်ပါတယ်။

ဒါကြောင့် NLD အစိုးရအနေနဲ့ ပြည်ပရောက် မြန်မာရွှေ့ပြောင်းအလုပ်သမားတွေ ရဲ့ အိမ်ပြန်ချင်တဲ့ဆန္ဒကို လက်ကျန် အစိုးရသက်တမ်းသုံးနှစ်အတွင်းမှာ ဘယ်လောက်အထိ အကောင်အထည်ဖော်ပေးနိုင်မလဲဆို တာကတော့ ဆက်လက်စောင့်ကြည့်ရုံသာ ရှိပါတော့တယ်။

“ကျွန်တော် မလေးရှားကိုရောက်တာ ကိုးနှစ်ရှိပြီ။ မြန်မာပြည်ကို တစ်ခေါက်ပဲ အလည်ရောက်ဖြစ်တယ်။ ဒီမှာပဲ အိမ်ထောင် ကျတယ်။ အမျိုးသမီးက ကိုယ်ဝန်ရှိတော့ မြန်မာပြည်ပြန်သွားတယ်။ ကျွန်တော်က ဒီမှာပဲ ဆက်လုပ်နေတုန်း။ အဆိုးဆုံးကတော့ ကျွန်တော့်သမီးလေးက အခုဆို သုံးနှစ်ရှိပြီ။ အခုထိ သမီးလေးကို ကျွန်တော် မချီဖူးသေးဘူး။ သမီးက ကျွန်တော်ကို ဖုန်းထဲမှာပဲ မြင်ဖူးတယ်။ အပြင်မှာ တစ်ခါမှ မမြင်ဖူးသေးဘူး။ ဖြစ်နိုင်ရင် မြန်မာပြည်ကို အမြန်ပြန်လာပြီး အခြေချချင်နေပြီ” လို့ မလေးရှားမှာ ကိုးနှစ်ကျော် အလုပ်လုပ်နေတဲ့ မြန်မာရွှေ့ပြောင်းလုပ်သား ဦးရန်နိုင်က ပြောပါတယ်။

လုပ်သား အများအပြားလိုအပ်သောကဏ္ဍများတွင် ရင်းနှီးမြှုပ်နှံမှုများ ဖိတ်ခေါ်ခြင်းနှင့် အသေးစားနှင့် အလတ်စားလုပ်ငန်းများကို ကမ္ဘာ့တန်ဖိုးကွင်းဆက်များဖြင့် ချိတ်ဆက်ခြင်းသည် အရည်အသွေးမြင့်အလုပ်များဖန်တီးရန် အဓိကသော့ချက်ဖြစ်ဟုဆို

လုပ်သားအများအပြားလိုအပ်သော ကဏ္ဍများတွင် ရင်းနှီးမြှုပ်နှံမှုများဖိတ်ခေါ်ခြင်းနှင့် အသေးစားနှင့် အလတ်စားလုပ်ငန်းများကို ကမ္ဘာ့တန်ဖိုးကွင်းဆက်များဖြင့် ချိတ်ဆက်ခြင်းသည် အရည်အသွေးမြင့်အလုပ်များ ဖန်တီးရန် အဓိကသော့ချက်ဖြစ်ကြောင်း ကမ္ဘာ့ဘဏ်က ထုတ်ပြန်သည့် Myanmar’s Future Jobs: Embracing Modernity အစီရင်ခံစာတွင် ဖော်ပြထားသည်။

အစိုးရအနေဖြင့် ရင်းနှီးမြှုပ်နှံသူများ၏ နစ်နာမှုများကို တုံ့ပြန်ရေးနှင့် ခြေရာကောက်ရေးအတွက် လုပ်ထုံးလုပ်နည်းများကို ရေးဆွဲရန်၊ မသင့်လျော်သောရင်းနှီးမြှုပ်နှံမှု မူဝါဒများကို ရှောင်ရှားနိုင်ရေးအတွက် ဆီလျော်သော မူဝါဒညှိနှိုင်းမှုများရှိစေရန်၊ လုံလောက်သော အစိုးရ-ပုဂ္ဂလိက ဆွေးနွေး ပွဲများရှိစေရန် သင့်လျော်သော လုပ်ထုံးလုပ်နည်းများ ချမှတ်ရန်နှင့် ရင်းနှီးမြှုပ်နှံမှုမူဝါဒများ ခိုင်မာစေရန် မြှင့်တင်ခြင်းတို့ကိုလည်း ဆောင်ရွက်ရန် ထောက်ပြထားသည်။

ပြည်တွင်းမှ သွင်းအားစုပေးနိုင်သော လုပ်ငန်းများနှင့် တင်ပို့သူများအကြား ချိတ်ဆက်မှုများ ဖန်တီးခြင်းသည် ပြည်တွင်းရှိ အသေးစားနှင့် အလတ်စား လုပ်ငန်းများ ချဲ့ ထွင်ခြင်းနှင့် အလုပ်အကိုင်သစ်များ ဖန်တီးပေးရန် ရင်းမြစ်ဖြစ်ရုံသာမက အဆိုပါပြည် တွင်းလုပ်ငန်းများ နိုင်ငံတကာမိတ်ဖက်များ နှင့် လုပ်ငန်းများချိတ်ဆက်ပါက ထုတ်ကုန်စွမ်းအား တိုးတက်စေနိုင်သည်ဟုလည်း အစီရင်ခံစာတွင် ဖော်ပြထားသည်။

ထိုသို့ဖြစ်စေရန်အတွက် သက်ဆိုင်ရာ ကဏ္ဍများတွင် သင့်လျော်သော နိုင်ငံခြားရင်း နှီးမြှုပ်နှံမှုများဆို ဆွဲဆောင်ခြင်း၊ ဆက်သွယ်ရေး၊ သယ်ယူပို့ဆောင်ရေး၊ ထောက်ပို့သယ်ယူ ပို့ဆောင်ရေးနှင့် အခြားသော ချိတ်ဆက်မှု များတိုးမြှင့်ခြင်း၊ အရည်အသွေးမြင့် အခြေခံ အဆောက်အအုံများနှင့် ၀န်ဆောင်မှုများပေးခြင်း၊ နိုင်ငံခြားရင်းနှီးမြှုပ်နှံမှုများမှ အကျိုးကျေးဇူးများနှင့် ကမ္ဘာ့တန်ဖိုးကွင်းဆက်များမှ အသိပညာလွှဲပြောင်းရယူမှုများကို အမြင့်မားဆုံး ရရှိရန်အတွက် အသေးစားနှင့် အလတ်စား လုပ်ငန်းများ၏ စွမ်းဆောင်ရည်ကို ပိုမို အားကောင်းစေရန်၊ အလုပ်သမားများအား ၎င်းတို့၏ စွန့်ဦးတီထွင်မှုနှင့် စီမံခန့်ခွဲမှုဆိုင်ရာ ကျွမ်းကျင်မှုများ အဆင့်မြှင့်တင်စေနိုင်ရန် လုပ်ငန်းများမှ ထောက်ပံ့ပေးသော လေ့ကျင့်သင်ကြားရေးကျောင်းများ ဖန်တီးခြင်းတို့ လိုအပ်ကြောင်း ထောက်ပြထားသည်။

ပြည်တွင်း၌ မရရှိနိုင်သည့် ကျွမ်းကျင်မှုများနှင့် ၀င်ငွေကြောင့် မြန်မာနိုင်ငံသား သုံးသန်းခန့်အထိ နိုင်ငံပြင်ပတွင် နေထိုင်လျက်ရှိပြီး အာဆီယံဒေသတွင်း နိုင်ငံများ၌ အသားတင် ပြည်ပပြောင်းရွှေ့မှုနှုန်း အမြင့်ဆုံးဖြစ်ကြောင်း မြန်မာအလုပ်သမားများသည် စီမံခန့်ခွဲမှုမှသည် စာအရေးအသားအထိ ကျွမ်းကျင်မှုပေါင်းစုံတွင် ကွာဟနေသည်ဟု အလုပ်ရှင်များက ပြောကြားခဲ့ကြောင်း အဆိုပါထုတ်ပြန်ချက်တွင် ဖော်ပြထားသည်။

အသက် ၁၅ နှစ်မှ ၂၄ နှစ်အထိ အလုပ်သမားများ၏ သုံးပုံနှစ်ပုံမှာ အလယ်တန်းနှင့် အလယ်တန်းအထက် ပညာသင်ကြားဖူးသူများဖြစ်ကြသည်။ သို့သော်လည်း အလုပ်သမားအများစုမှာ ကျောင်းပညာရေးနှင့် အလှမ်းဝေးနေဆဲဖြစ်ကြောင်း ဖော်ပြထားသည်။

ရွှေပြည်​သာစက်​မှုဇုန် (၁) ရှိ SUPREME ASIA အထည်​ချုပ်​စက်​ရုံရှိ အလုပ်​သမားများ အလုပ်​သမား အခွင့်​အ​ရေး ရရှိ​ရေး တောင်းဆိုမှုပြုလုပ်​ခဲ့ပြီး ​ပြေလည်​မှုရရှိ

ဆန္ဒပြတောင်းဆိုနေသည့် အလုပ်သမားများကို တွေ့ရစဉ် (ဓာတ်ပုံ- မျိုးထက်ပိုင်)

ရွှေပြည်​သာမြို့နယ်​ ​ရွှေပြည်​သာစက်​မှုဇုန် (၁)  အင်​ကြင်းမြိုင်​လမ်းရှိ SUPREME ASIA အထည်ချုပ်စက်​ရုံရှိ အလုပ်​သမားများသည်​ အလုပ်​သမား အခွင့်​အ​ရေး ရရှိ​ရေးအတွက်​ ​မေလ၂၁ ရက်​ နံနက်​ပိုင်းက စု​ပေါင်း​တောင်းဆိုမှု ပြုလုပ်​ခဲ့​ကြောင်း သိရသည်​။

အဆိုပါ စု​ပေါင်း​တောင်းဆိုမှုကို SUPREME ASIA အထည်​ချုပ်​စက်​ရုံ​ရှေ့တွင်​​ တောင်းဆိုခဲ့ခြင်းဖြစ်​ပြီး အလုပ်​သမားအင်​အား ၈၀၀ ခန့်​ ပါဝင်​​ကြောင်း သိရသည်​။

“အစိုးရက သတ်​မှတ်​ထားတဲ့ ၄၈၀၀ မှာ အရင်​တုန်းက ရထားတဲ့ ၅၀ ရာခိုင်​နှုန်းကို ၃၀ ရာခိုင်​နှုန်း​လျှော့လိုက်​တဲ့အတွက်​ အလုပ်​သမား​တွေက မ​ကျေနပ်​လို့ စု​ပေါင်း​တောင်းဆိုမှု ပြုလုပ်​ကြတာပါ။ အချက်​ ၁၀ ချက်တောင်း ဆိုထားပါတယ်​။ စု​ပေါင်း​တောင်းဆိုမှုမှာ အလုပ်​သမား အင်​အား ၈၀၀ ခန့်​ ပါဝင်ပါတယ်​” ဟု စု​ပေါင်း​တောင်းဆိုမှုတွင်​ ပါဝင်သည့်​ အလုပ်​သမား တစ်​ဦးဖြစ်​သူ မသက်သက်အောင်​က ​ပြောကြားသည်​။

တစ်​ကတ်​​ကြေးအား မိမိလုပ်သလောက်​ အပြည့်​အ၀​ပေးရန်​၊ အလုပ်​သမား ဥပ​ဒေပါ အခွင့်​အရေးများ အပြည့်​အ၀​ပေးရန်​၊​ ဆေးခန်းကြီးကြပ်​သူ ရှိပါ​သော်​လည်း ​ဆေးမလောက်​ခြင်း၊ ယူနီ​ဖောင်း​ကြေး မဖြတ်​​တောက်​ရန်​၊ ထမင်းစားနားချိန်​အား အပြည့်​အ၀​ပေးရန်၊ ID ကတ်​​ကြေး ဖြတ်​​တောက်​ခြင်းအား ပြန်​လည်​​ပေးရန်​၊​ သောက်​သုံး​ရေအား သန့်​ရှင်း​သော​ရေ ထားရှိ​ပေးရန်​၊ နိုင်​ငံ​တော်​လစာတိုး​ငွေမှလွဲ၍ မည်​သည့်​​ငွေမှ ဖြတ်​​တောက်​ခြင်း​ ​လျှော့ချခြင်းမပြုရန်​၊ အလုပ်​သမားများမှ မိမိတို့ သ​ဘောတူလက်​ခံသော ကိုယ်​စားလှယ်​အား အလုပ်​သမားများကိုယ်​တိုင်​​ ရွေးချယ်​ရန်​၊​ မေ ၁၉ ရက်​၊ ၂၁ ရက်​ အလုပ်ဆင်းရက်​အတွက်​ လုပ်​အားခ​ပေးရန်​ စသည့်​​ တောင်းဆိုချက်​ ၁၀ ချက်​​ တောင်းဆိုခဲ့​ကြောင်း သိရသည်​။

ထို့​နောက်​ မွန်းလွဲပိုင်းတွင်​ အလုပ်သမား ကိုယ်​စားလှယ်​များ၊ ဌာနဆိုင်​ရာ ဦးစီးများနှင့်​ အလုပ်​ရှင်​တို့​ တွေ့ဆုံ​ဆွေး​နွေး ညှိနှိုင်းခဲ့ပြီး ​ပြေလည်​မှုရရှိခဲ့​ကြောင်း သိရသည်​။

“အနိမ့်​ဆုံး အ​ခြေခံလစာ သတ်​မှတ်​ချက်​ ​မေလ ၁၄ ရက်​​နေ့က ထွက်​လာတယ်​။ ဘယ်​လို​တွေ​ပေးရမယ်​၊ ဘယ်​လို​တွေ မ​ပေးရဘူးဆိုတဲ့ ​နောက်​ဆက်​တွဲ သတ်​မှတ်​ချက်​ ပါမလာတဲ့အတွက်​ ပြဿနာ တက်​သွားတာပါ။ ညှိနှိုင်းမှုက အလုပ်​သမား​တွေ​ တောင်းဆိုတဲ့အချက်​ ၁၀ ချက်​လုံး ​ပြေလည်​မှု ရရှိခဲ့ပါတယ်​။ ညှိနှိုင်းတဲ့​နေရာမှာ အလုပ်​သမား ကိုယ်​စားလှယ်တွေ၊ ဌာနဆိုင်​ရာဦးစီး​တွေ ပါပါတယ်​။ အစ်​ကိုတို့က ကြားက​နေ ၀င်​​ရောက်​ညှိနှိုင်းပေးတာပါ” ဟု ​ရွှေပြည်​သာမြို့နယ်​မှ အလုပ်သမားအ​ရေး ကူညီ​ဆောင်​ရွက်​သူ ကိုမျိုးမင်းမင်းက ​ပြောကြားသည်​။

အငြင်းပွားမှု ဖြစ်​ပွားခဲ့ပြီး​နောက်​ ​ညှိနှိုင်းမှု ​ပြေလည်​ခဲ့သည့်​အတွက်​ အလုပ်​သမားများ ​မေ ၂၂ ရက်​​တွင်​ လုပ်​ငန်းခွင်​သို့ ပြန်လည်​ ၀င်​​ရောက်​မည်​ ဖြစ်​​ကြောင်း သိရသည်​။

 

အနည်းဆုံးအခကြေးငွေ ကျပ် ၄၈၀၀ ရရှိပြီးနောက် အလုပ်သမား၏ အခြားခံစားခွင့်များ ဖြတ်တောက်ခြင်းရှိပါက အလုပ်သမားအဖွဲ့အစည်းများက ကူညီဆောင်ရွက်ပေးမည်

အနည်းဆုံးအခကြေးငွေ ကျပ်  ၄၈၀၀ ရရှိပြီးနောက် အလုပ်သမားများ၏ အခြားခံစားခွင့်များကို အလုပ်ရှင်များက ဖြတ်တောက်ခြင်းများရှိပါက အလုပ်သမားအဖွဲ့အစည်းများက ကူညီဆောင်ရွက်ပေးမည် ဖြစ်ကြောင်း သိရသည်။

အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီသည် ၂၀၁၈ ခုနှစ် မေ ၁၄ ရက်တွင်  မြန်မာနိုင်ငံရှိ အလုပ်သမားများအတွက် နေရာဒေသနှင့် လုပ်ငန်းအမျိုးအစားမခွဲခြားဘဲ တစ်နိုင်ငံလုံး တစ်ပြေးညီ တစ်နာရီလျှင် ကျပ် ၆၀၀ နှုန်းဖြင့် အလုပ်ချိန်ရှစ်နာရီ  (တစ်ရက်) ကျပ် ၄၈၀၀ ကို ပြည်ထောင်စုအစိုးရအဖွဲ့၏ အတည်ပြုချက်ဖြင့် အမိန့်ကြေညာချက် ထုတ်ပြန်ခဲ့သည်။ ယင်းကြေငြာချက်အရ စက်ရုံ၊ အလုပ်ရုံများရှိ အလုပ်သမားများ မေ ၁၄ ရက်မှစတင်ကာ အနည်းဆုံးအခကြေးငွေ ကျပ် ၄၈၀၀ ကို ရရှိမည် ဖြစ်သည်။

၂၀၁၅ ခုနှစ်တွင် အနည်းဆုံးအခကြေးငွေ ကျပ် ၃၆၀၀ သတ်မှတ်ပြီးနောက် အချို့သောစက်ရုံ၊ အလုပ်ရုံများသည် အနည်းဆုံး အခကြေးငွေနှုန်း ပေးချေသော်လည်း အလုပ်သမားများ၏ အခြားသောခံစားခွင့်များကို ဖြတ်တောက်ခြင်းများကြောင့် အလုပ်သမား ဆန္ဒပြပွဲများ ဖြစ်ပွားခဲ့သည်။ လက်ရှိအနည်း ဆုံးအခကြေးငွေ ကျပ် ၄၈၀၀ သတ်မှတ်ပြီး နောက်ယင်းကဲ့သို့ အလုပ်သမားများ၏ အခြားခံစားခွင့်များ ဖြတ်တောက်မှုများရှိလာပါက အလုပ်သမားအဖွဲ့အစည်းများက ကူညီဆောင်ရွက်ပေးမည်ဖြစ်ကြောင်း သိရသည်။

“ပထမအချက်က ၄၈၀၀ ရဖို့ လုပ်ရမယ်။ နောက်တစ်ချက်က ၄၈၀၀ ရပြီး အခြား ခံစားခွင့်တွေမဖြုတ်ဖို့က ကျွန်မတို့က အလုပ်သမားတွေကို ပညာပေးတွေလုပ်ဖို့ လိုတယ်။ သူတို့လည်း နားလည်ဖို့လိုတယ်။ အနည်းဆုံး အခကြေးငွေဥပဒေမှာက အလုပ်သမားတွေရဲ့ အခွင့်အရေးမှာ အလုပ်သမားသည် အနည်းဆုံး အခကြေးငွေကိုသော်လည်းကောင်း၊ အလုပ်ရှင်က ပို၍ပေးသော အခြားသော ခံစားခွင့်များကိုသော်လည်းကောင်း ရခွင့်ရှိတယ်လို့ ပုဒ်မ ၁၄(က)မှာ အတိအကျပါတယ်။ အခုဖြစ်နေတာက အကုန်လုံးပေါင်းပေးလိုက်မယ်။ ကျန်တာမပေးတော့ဘူးဆိုတာမျိုးတွေက လုံးဝမှားနေတယ်” ဟု  မြန်မာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ်  (CTUM) ၏ ဗဟိုအလုပ်မှုဆောင်အဖွဲ့ဝင် မခိုင်ဇာအောင်က ပြောကြားသည်။

တောင်ဒဂုံမြို့နယ်ရှိ ကျောက်စိမ်းဖိနပ်စက်ရုံမှ အလုပ်သမား တစ်ထောင်ကျော်က တစ်နေ့လုပ်ခ ၄၈၀၀ ရရှိရေး တောင်းဆို

တောင်ဒဂုံမြို့နယ်၊ ၁၄၄ ရပ်ကွက်ရှိ ကျောက်စိမ်း ဖိနပ်စက်ရုံမှ အလုပ်သမား တစ်ထောင်ကျော်က တစ်နေ့လုပ်ခ ၄၈၀၀ ရရှိရေး အပါအ၀င် အချက် (၉) ချက်တောင်းဆိုမှုကို မေ ၈ ရက် မွန်းလွဲ ၁ နာရီခန့်မှ စတင်ကာ စက်ရုံဝင်းအတွင်း တောင်းဆိုခဲ့ကြကြောင်း သိရသည်။

အဆိုပါ ဖိနပ်စက်ရုံမှ အလုပ်သမား တစ်ထောင်ကျော်သည် တစ်နေ့လုပ်ခ ၄၈၀၀ ရရှိရေးအပါအ၀င် အချက် (၉) ချက်ရရှိရေးအတွက် ယင်းနေ့ မွန်းလွဲတစ်နာရီခန့်မှ စတင်ကာ လုပ်ငန်းခွင်မ၀င်ဘဲ စက်ရုံဝင်းအတွင်း တောင်းဆိုခဲ့ကြကြောင်း သိရသည်။

”ကျွန်မတို့ ပထမအချက်ကတော့ ၄၈၀၀ လိုချင်တယ်။ ဒါကို ကျွန်မတို့ ဆန္ဒပြတာ မဟုတ်ဘဲနဲ့ အသနားခံပြီး တောင်းဆိုတာပါ။ ၄၈၀၀ ရရင်တော့ အဆင်ပြေပါတယ်။ အခု ၄၈၀၀ မရရှိတော့ အဆင်မပြေဘူး။ လကုန်ရင် ဆန်တစ်အိတ်တောင် မ၀ယ်နိုင်ဘူး။ အဲ့ဒီအတွက် ၄၈၀၀ ရရှိရေးအတွက် ဆန္ဒပြတာ မဟုတ်ဘူး။ အသနားခံ တောင်းဆိုတာပါ” ဟု ကျောက်စိမ်းဖိနပ်စက်ရုံမှ အလုပ်သမားခေါင်းဆောင် တစ်ဦးဖြစ်သည့် မပိုပိုက ပြောကြားသည်။

အလုပ်သမားများ တောင်းဆိုနေသည့် အချက်(၉)ချက်မှာ ဥပဒေပါ အလုပ်သမား ခံစားခွင့်များပေးရန်၊ အလုပ်ဝင်ချိန်ထွက် တိကျစွာ ဖော်ပြပေးရန်၊ ကုန်ထုတ်မှုစံချိန်အား မတရား တောင်းဆိုခြင်း မပြုရန်၊ လူမှုဖူလုံကဒ်အား ၀န်ထမ်းအား ထုတ်ပေးရန်၊ အနည်းလစာ ၄၈၀၀ ကျပ်အား ၀န်ထမ်းအားလုံးအား ထုတ်ပေးရန်၊ အလုပ်ခန့်ထားမှုဆိုင်ရာ သဘောတူစာချုပ်နိုင်ရန်၊ အလုပ်ချိန်အတွင်း၌သာ အစည်းအဝေးပြုလုပ်ရန်၊ နိုင်ငံခြားများမှ မြန်မာ့ဝန်ထမ်းများအား တိုက်ရိုက်ခိုင်းစေခြင်း မပြုရန်၊ နှစ်စဉ်ကျွမ်းကျင်ကြေးအား တစ်နှစ်လျှင် တစ်သောင်းကျပ် နှစ်စဉ်တိုးပေးရန်တို့ ဖြစ်ကြောင်း သိရသည်။

အဆိုပါ တောင်းဆိုချက်များကို မေ ၈ ရက် ည ၁၂ ကျော်အထိ အလုပ်သမားများနှင့် အလုပ်ရှင်တို့ကြား ညှိနှိုင်းမှုကို ဒဂုံမြို့သစ်တောင်ပိုင်းမြို့နယ်၊ တိုင်းဒေသကြီး လွှတ်တော်ကိုယ်စားလှယ် ဦးညီညီနှင့် သက်ဆိုင်ရာ တာဝန်ရှိသူများက ဆွေးနွေးညှိနှိုင်း ပေးလျက်ရှိကြောင်း သိရသည်။

ကျောက်စိမ်း ဖိနပ်ထုတ်လုပ်ရေးစက်ရုံသည် တရုတ်လူမျိုး နိုင်ငံခြားသားပိုင် စက်ရုံဖြစ်ကြောင်း အလုပ်သမားများ၏ ပြောပြချက်အရ သိရသည်။