စိတ်ကို ရှင်းလင်းအောင်ပြုလုပ်ခြင်း

တစ်ခါတစ်ရံတွင် မေးခွန်းများ၊ စိတ်ကူးများနှင့် အစီအစဉ်များသည် အစီအစဉ်တကျ မဟုတ်ဘဲ သို့မဟုတ် ရည်ရွယ်မထားဘဲ မိမိတို့၏ အတွေးများအတွင်းသို့ ရောက်ရှိလာနိုင်သည်။ ယင်းအတွေးများသည် ကောင်းမွန်သောအတွေး သို့မဟုတ် ထုတ်လုပ်မှုကြွယ်ဝသော အတွေးများ ဖြစ်နိုင်သည်။ သို့သော် ၎င်းတို့အပေါ် အာရုံပြုရန် ကြိုးပမ်းသည့်အခါ စိတ်အနှောင့်အယှက် ဖြစ်ရခြင်း သို့မဟုတ် စိုးရိမ်ပူပန်ရခြင်းတို့ ဖြစ်နိုင်သည်။ စိတ်ကို ရှင်းလင်းအောင် ပြုလုပ်ပုံကို သိရှိခြင်းသည် စိုးရိမ်လွန်ရောဂါ၊ စိတ်ကျရောဂါနှင့် အိပ်ပျော်ရန် အခက်အခဲရှိခြင်းတို့ကို ကာကွယ်ရာ၌ အထောက်အကူပြုသည်။

မိမိအနေဖြင့် တွေးတောနေသည့် အကြောင်းများကို ရေးချခြင်း၊ ရုပ်ပုံရေးဆွဲခြင်း သို့မဟုတ် သူငယ်ချင်း တစ်ဦးအား ပြောပြခြင်းတို့မှတစ်ဆင့် ဖွင့်ထုတ်လိုက်ခြင်းအားဖြင့် စိတ်ကိုအလျင်အမြန် ရှင်းလင်းအောင် ပြုလုပ်နိုင်သည်။ မိမိ၏စိတ်ကို ဖြတ်သန်းလျက် ဖြစ်ပေါ်လာနိုင်သည့် အရာများအဖြစ် ရှင်းရှင်းလင်းလင်း ဖြစ်သွားအောင် သို့မဟုတ် မြင်သာအောင် မိမိ၏ အတွေးများအကြောင်း အလုံးစုံ ဖော်ပြလိုက်ခြင်းဖြစ်သည်။ မိမိ၏ အတွေးများကို ဖော်ထုတ်လိုက်ပြီးသည်နှင့် ယင်းတို့ကို လုပ်ဆောင်ချက်များဖြင့် အကောင်အထည် ဖော်ရမည်လား သို့မဟုတ် အရေးမကြီးသော အတွေးများအဖြစ် စွန့်ပစ်လိုက်ရမည်လား ဟူသည်ကို တွက်ဆနိုင်သည်။

အတွေးများကို ရေးသားကာ ဖွင့်ထုတ်ခြင်း – မိမိ၏ စိတ်ထဲ၌ အတွေးများဖြင့် ရှုပ်ထွေးနေပါက တွေးမိသည်များကို ရေးချပါ။ လွတ်လပ်သော ပုံစံဖြင့် ရေးသားလျက် စတင်ပါ။ မည်သို့ခံစားရသနည်း၊ အဘယ့်အကြောင့် ခံစားရသနည်း၊ ယင်းနှင့်ပတ်သက်၍ မည်သည့်အရာကို လုပ်ဆောင်လိုသနည်း အစရှိသည်တို့ကို မှတ်တမ်းတင်ပါ။ ယင်း အချက်အလက်များကို မှတ်တမ်းတင်ပြီးနောက် တုံ့ပြန်ရန် ခိုင်မာသော တစ်စုံတစ်ရာ ရလာမည်ဖြစ်သည်။ ယင်းက မိမိအနေဖြင့် မည်သည့်အရာကိုမျှ မလုပ်ခဲ့သည့်တိုင် တစ်စုံတစ်ရာကို ပြီးစီးအောင် လုပ်လိုက်နိုင်သည်ဟူသော ခံစားမှုမျိုး ရရှိစေရန် အထောက်အကူပြုသည်။  ယင်းသည် မိမိ၏အတွေးများကို ရှင်းလင်းပစ်ရန် အထောက်အကူ ဖြစ်စေလိမ့်မည်။ စာရွက်ပေါ်တွင် မိမိ၏ ဒုက္ခအခက်အခဲ အားလုံးကို ရေးချလျက် ယင်းတို့က မိမိအား အဘယ့်ကြောင့် အနှောင့်အယှက် ဖြစ်စေပုံကို ဆွေးနွေးမှုပြုလုပ်ပါ။ ယင်းနောက် ယင်းတို့ကို ကျေညက်အောင်ပြုလုပ်လျက် ဖယ်ရှားပစ်လိုက်ပါ။ အတွေးများကို ရေးချကာ စိတ်ကို ရှင်းလင်းအောင် ပြုလုပ်သူသည် ယင်းတို့ကြောင့် စိုးရိမ်သောက ဖြစ်နိုင်ခြေ နည်းပါးကြောင်း သုတေသနများက တွေ့ရှိခဲ့သည်။

အတွေးများကို ရုပ်ပုံရေးဆွဲကာ ဖွင့်ထုတ်ခြင်း – မိမိအနေဖြင့် ဗင်းဆင့်ဗင်ဂိုး ဖြစ်စရာမလို သကဲ့သို့  အနုပညာတစ်ရပ် ဖန်တီးတတ်ရန်လည်း မလိုပါ။ လိုအပ်သမျှမှာ မီဒီယံတစ်ခု သို့မဟုတ် စက္ကူတစ်ရွက်သာဖြစ်သည်။ ရောင်စုံခဲတံများဖြင့် သက်တံရေးဆွဲသည်ဖြစ်စေ၊ ဆီဆေးများဖြင့် စမ်းသပ်ရေးဆွဲသည်ဖြစ်စေ၊ မီးသွေးခဲဖြင့် အရိပ်များ ရေးခြစ်သည်ဖြစ်စေ မိမိ၏ စိုးရိမ်သောကများ ပြေလျော့သွားရန်သာ လိုသည်။ တစ်စုံတစ်ရာ ရေးဆွဲခြင်းမှနေ၍ စိတ်ကို ရှင်းလင်းအောင် ပြုလုပ်ခြင်းသည် မယုံကြည်နိုင်လောက်အောင် ထိရောက်အားကောင်းကြောင်း တွေ့ရှိရမည်ဖြစ်သည်။

သူငယ်ချင်းတစ်ဦးနှင့် ဆွေးနွေးခြင်း – အတွေးများနှင့် စိတ်ခံစားချက်များကို သိမ်းဆည်းထားတတ်ခြင်းသည် ဆိုးရွားသောအရာ မဟုတ်ပါ။ သို့သော် သေးငယ်သော အရာတစ်ခုသည် ညတွင်းချင်း ကြီးထွားလာကာ မိမိအား နှိပ်စက်တတ်သည်။ အချစ်နှင့် ပတ်သက်သော သောက၊ ကျန်းမာရေးနှင့် ပတ်သက်၍ စိတ်ဖိစီးမှု၊ အလုပ်နှင့် ပတ်သက်သော သံသယ အစရှိသည်တို့နှင့် ပတ်သက်၍ ပူပန်နေမှုများကို စိတ်ထဲမှ ရှင်းလင်းလိုပါက တစ်စုံတစ်ဦးနှင့် စကားပြောဆိုကြည့်ရန်လိုသည်။ မိမိ၏ သူငယ်ချင်းများ၊ မိမိ၏ မိသားစုဝင်များနှင့် ဦးစွာပြောဆိုပါ။ ၎င်းတို့သည် မိမိအား ချစ်ခင်ပြီး မိမိအပေါ် နားလည်ပေးနိုင်တတ်ကြသည်။ အပေါ်ယံပြောဆိုမှုများကို ကျော်လွန်လျက် ရင်းနှီးမှုရှိစေသော သို့မဟုတ် အတွေးပွားစေနိုင်သော တစ်စုံတစ်ရာကို မျှဝေကာ တစ်စုံတစ်ဦးနှင့် အလေးအနက် ပြောဆိုဆွေးနွေးခြင်းသည် လူတို့ကို ပိုမိုပျော်ရွှင်စေနိုင်ကြောင်း သုတေသနများက တွေ့ရှိခဲ့သည်။

မည်သို့ပင်ဆိုစေကာမူ နှစ်သစ်၌ စိတ်ကို ရှင်းလင်းအောင် ပြုလုပ်လျက် ပို၍ ပျော်ရွှင်နိုင်ပါစေကြောင်း The Daily Eleven သတင်းစာက ဆုမွန်ကောင်း တောင်းအပ်ပါသည်။

ဧပြီ ၁၀ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်

အနှောင့်အယှက်ကင်းစွာ သီးသန့်တည်ရှိမှု

အနှောင့်အယှက်ကင်းစွာ သီးသန့်တည်ရှိမှု (Privacy) ဟူသည် ပုဂ္ဂိုလ်တစ်ဦးချင်း သို့မဟုတ် အုပ်စုတစ်စု၏ ၎င်းတို့ဘာသာ သို့မဟုတ် ၎င်းတို့၏ အချက်အလက်များနှင့် ပတ်သက်၍ တစ်သီးတခြား အနှောင့်အယှက်ကင်းစွာ နေနိုင်စွမ်းဖြစ်သည်။ တစ်နည်းအားဖြင့် ၎င်းတို့နှစ်သက်သလို ထုတ်ဖော်ပြနိုင်သည်။ မည်သည်ကို Privacy ဟု သတ်မှတ်သနည်းဟူသည်နှင့် ပတ်သက်၍ နယ်နိမိတ်အပိုင်းအခြားများနှင့် ပါဝင်သည့် အရာများသည် လူပုဂ္ဂိုလ်အလိုက် ယဉ်ကျေးမှုများအလိုက် ကွဲပြားခြားနားကြသည်။ သို့သော်  ပင်မအကြောင်းအရာများမှာ အတူတူပင်ဖြစ်သည်။ တစ်စုံတစ်ရာသည် လူပုဂ္ဂိုလ်တစ်ဦးအတွက် Privacy ဖြစ်သည့်အခါ ယင်းတစ်စုံတစ်ရာသည် ထိုသူအတွက် မွေးရာပါအထူးကိစ္စ သို့မဟုတ် ထိရှမခံနိုင်သော ကိစ္စဖြစ်သည်။ Privacy ၏ နယ်မြေသည် လုံခြုံမှု (အတွင်းရေး) နှင့် တစ်စိတ်တစ်ပိုင်းအရ ဆက်နွှယ်လျက်ရှိသည်။ ယင်းတွင် လျော်ကန်သော အသုံးပြုမှုအပြင် အချက်အလက်က ကာကွယ်စောင့်ရှောက်မှုဆိုင်ရာ သဘောတရားများ ပါဝင်သည်။ Privacy သည် ကိုယ်ခန္ဓာနှင့်ဆိုင်သော ဂုဏ်သိက္ခာပုံစံ တစ်မျိုးလည်း ဖြစ်နိုင်သည်။

အစိုးရ၊ ကော်ပိုရေးရှင်းများနှင့် လူပုဂ္ဂိုလ်တစ်ဦးချင်းတို့က Privacy ကို ခွင့်မပြုဘဲ ၀င်ရောက်နှောင့်ယှက်ခြင်း မပြုရန် လူ့အခွင့်အရေး တစ်ရပ်သည် နိုင်ငံများစွာတို့၏ Privacy ဆိုင်ရာဥပဒေတွင် တစ်စိတ်တစ်ပိုင်းအဖြစ် ပါဝင်သည်။ အချို့နိုင်ငံများတွင် Privacy ကိစ္စကို ဖွဲ့စည်းပုံ အခြေခံဥပဒေအတွင်း၌ပင် ထည့်သွင်းရေးဆွဲ ထားသည်။ နိုင်ငံအားလုံးနီးပါး၌ Privacy ကို တစ်နည်းနည်းဖြင့် ကန့်သတ်ထားသော ဥပဒေများလည်း ရှိသည်။ ဥပမာအားဖြင့် အခွန်ကောက်ခံခြင်းနှင့် ပတ်သက်သော ဥပဒေဖြစ်သည်။ ပုံမှန်သဘောအရ လူပုဂ္ဂိုလ်တစ်ဦး၏ ၀င်ငွေ သို့မဟုတ် ရရှိသော အကျိုးအမြတ်နှင့် ပတ်သက်သော အချက်အလက်များကို အခွန်ဥပဒေအရ မျှဝေရန် လိုအပ်သည်။ နိုင်ငံအချို့တွင် တစ်သီးပုဂ္ဂလဆိုင်ရာ Privacy သည် လွတ်လပ်စွာ ထုတ်ဖော်ပြောဆိုခွင့် ဥပဒေများနှင့် ပဋိပက္ခ ဖြစ်နေတတ်သည်။ နိုင်ငံအချို့၏ ဥပဒေများတွင် အခြားနိုင်ငံများနှင့် အခြားယဉ်ကျေးမှုများ၌ Privacy ဟု သတ်မှတ်ထားသည့် အချက်အလက်များကို လူသိရှင်ကြား ထုတ်ဖော်ပြရန် လိုအပ်သည်။

Privacy ဟူသည် လူသားတို့၏ ဆက်ဆံရေးနှင့် ပတ်သက်၍ မဟာဗျူဟာမြောက်  အမြင်တစ်ရပ် ဖြစ်သော်လည်း အကျိုးကျေးဇူးများ ဖြစ်ထွန်းနိုင်သည့် ကိစ္စများအတွက် တစ်ခါတစ်ရံတွင် အန္တရာယ်များ၊ ဆုံးရှုံးမှုများနှင့်အတူ Privacy ကို မိမိသဘောဆန္ဒအလျောက် စတေးပစ်လိုက်ကြရသည်။ ဥပမာအားဖြင့် အခြားသူများ၏ ယုံကြည်မှုကို မြှင့်တင်ပြီး အဓိပ္ပာယ်ရှိသော လူမှုဆက်ဆံရေး တည်ဆောက်ရန်အတွက် လူတို့သည် မိမိ၏ အမည်နာမကို ထုတ်ဖော်ပြောကြားရန် အဆင်သင့် ဖြစ်နေတတ်ကြသည်။ မည်သည့် အချက်အလက်များကို စုဆောင်းပြီး မည်သို့မည်ပုံ အသုံးပြုမည်ကို ပွင့်လင်းမြင်သာရှိသည်ဟု အချက်အလက် စုဆောင်းသူများအပေါ် ရှုမြင်ပါက လူတို့သည် မိမိတို့ သဘောဆန္ဒအလျောက် Privacy ကို စတေးပစ်ရန် ပို၍ဆန္ဒရှိကြောင်း သုတေသနများက ပြသခဲ့ကြသည်။ စီးပွားရေးလောကတွင် ဆုလာဘ်တစ်ခုကို ရရှိရန် လောင်းကြေးထပ်ရာ၌ (တစ်ခါတစ်ရံ ကြော်ငြာရန် ရည်ရွယ်ချက်ဖြင့်) လူတစ်ဦးအနေဖြင့် ၎င်း၏စိတ်ဆန္ဒအလျောက် ပုဂ္ဂိုလ်ရေး အသေးစိတ် အချက်အလက်များကို ပေးတတ်ကြသည်။ မိမိတို့ သဘောဆန္ဒအလျောက် ပုဂ္ဂိုလ်ရေး အချက်အလက်များကို ဖြန့်ဝေလိုက်သည့်အခါ ယင်းအချက်အလက်များကို ခိုးယူခြင်း သို့မဟုတ် မလျော်မကန် သုံးစွဲခြင်း ပြုလုပ်ခံရတတ်ကာ အခြားသူများက မိမိ၏ အယောင်ဆောင်မှုများ ဆီသို့လည်း ဦးတည်သွားနိုင်သည်။

မည်သို့ပင်ဆိုစေကာမူ လူသားတစ်ဦး၏ မွေးရာပါ လူ့အခွင့်အရေးများထဲတွင် Privacy လည်း ပါဝင်ပြီး ဒီမိုကရေစီနိုင်ငံများတွင် Privacy ဆိုင်ရာ ဥပဒေသည် အရေးကြီးသည့် ဥပဒေတစ်ရပ် ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

ဧပြီလ ၄ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်

လူ့စွမ်းအားအရင်းအမြစ် အကျပ်အတည်း

နယ်ပယ်အသီးသီးတွင် လူ့စွမ်းအားအရင်းအမြစ် ပြဿနာနှင့် ကြီးကြီးမားမား ရင်ဆိုင်နေရသည်။ ဖွံ့ဖြိုးတိုးတက်နေပြီဖြစ်သော နိုင်ငံများတွင်လည်း လူ့စွမ်းအားအရင်းအမြစ် Human Resource ပြဿနာကို ဖြေရှင်းနိုင်ရန် အစိုးရက စနစ်တကျသုံးသပ်ပြီး လုပ်ဆောင်နေကြရသည်။ အမေရိကန်နိုင်ငံကဲ့သို့ ကမ္ဘာ့ထိပ်သီးနိုင်ငံတွင်လည်း ကျွမ်းကျင်လုပ်သား Skill Labour အကျပ်အတည်း ပြဿနာနှင့် ရင်ဆိုင်ရလေ့ရှိသည်။ မြန်မာနိုင်ငံကဲ့သို့ ဖွံ့ဖြိုးမှုနောက်ကျနေသော ခေတ်စနစ် အခြေအနေအရ ဆင်းရဲတွင်းမှ ရုန်းထွက်နိုင်ရန် ကြိုးစားနေရသော နိုင်ငံတစ်နိုင်ငံအတွက် HR ပြဿနာသည် နယ်ပယ်အသီးသီးတွင် ကြုံတွေ့ရနေရသည့် ပြဿနာဖြစ်ခြင်းကြောင့် အစိုးရတစ်ရပ်၏ ပြုပြင်ပြောင်းလဲရေးလုပ်ငန်းစဉ် အတွက်ပင် ခေါင်းခဲစရာ ဖြစ်ရသည်။

အဖွဲ့အစည်း တစ်ခုပင်ဖြစ်စေ၊ ကုမ္ပဏီတစ်ခုပင်ဖြစ်စေ လူ့စွမ်းအားအရင်းအမြစ် အကျပ်အတည်း HR Crisis ဖြစ်လျှင် တိုးတက်ရန် မဖြစ်နိုင်ပေ။ ထို့အတူ နိုင်ငံရေးပါတီများနှင့် အစိုးရတစ်ရပ် အတွက်ပင်လျှင် HR ပြဿနာသည် ခေါင်းခဲစရာဖြစ်ရသည်။ အရည်အသွေး ပြည့်ဝသူများ၊ ကဏ္ဍအလိုက် ပရော်ဖက်ရှင်နယ် ပီသသူများ နည်းပါးနေခြင်းက မဟာဗျူဟာမြောက် လုပ်ငန်းစဉ်များအတွက် ရွေးချယ်မှုများစွာ မရှိနိုင်တော့ဘဲ အခက်အခဲ ဖြစ်စေသည်။ မြန်မာနိုင်ငံတွင် ၁၉၈၈ နောက်ပိုင်းမှစ၍ မျက်မှောက်အချိန်အထိ နှစ်ပေါင်း ၃၀ ခန့်အတွင်း နိုင်ငံပြင်ပသို့ အကြောင်းအမျိုးမျိုးဖြင့် ထွက်ခွာသွားကြသူများ၊ နိုင်ငံရေး အခြေအနေကြောင့် စွန့်ခွာသွားခဲ့ကြသူ များနေခြင်း၏ အကျိုးဆက်သည် နိုင်ငံ၏ ကဏ္ဍအသီးသီးအတွက် HR Crisis ဖြစ်စေသည်။ ပညာတတ်များစွာ ပြည်ပသို့ အလုံးအရင်းဖြင့် ထွက်ခွာသွားကြခြင်းကြောင့် ဦးနှောက်ယိုစီးမှု (Brain Drain) ဖြစ်စေသည်။ နိုင်ငံတွင် ပညာရှင်လိုအပ်မှု မြင့်မားခြင်း၊ အရည်အသွေးမီ အလုပ်သမား ရှားပါးခြင်းတို့ကြောင့် တိုင်းပြည်ဆုတ်ယုတ်မှု ဖြစ်စေခဲ့သည်။

ယင်းသို့သော အခြေအနေတွင် ပညာရေးကို အားမပေး၊ ပညာရေးကဏ္ဍတွင် ပြုပြင်ပြောင်းလဲမှု မှန်ကန်စွာ မလုပ်နိုင်လျှင် အခြေအနေသည် ပိုမိုဆိုးရွားနိုင်သည်။ အကယ်၍ ပညာရေး ပြုပြင်ပြောင်းလဲမှုကို အကုန်ဆုံး လုပ်နိုင်လျှင်ပင် ယင်း၏အကျိုးဆက်ကို သိရှိခံစားနိုင်ရန် မျိုးဆက်တစ်ခုအကြာ စောင့်ရမည့် အခြေအနေတွင် ရှိနေသည်။ ထို့ကြောင့် တာဝန်ရှိသော အစိုးရအနေဖြင့် HR ပြဿနာကို မည်သို့ကိုင်တွယ်မည်နည်း။ ယင်းပြဿနာသည် တစ်နှစ်၊ နှစ်နှစ်ဖြင့် ဖြေရှင်း၍ မရသည့်အတွက် မည်သို့သော မဟာဗျူဟာများဖြင့် အစီအစဉ်များ ချမှတ်အကောင်အထည် ဖော်မည်နည်း။ ယင်းပြဿနာအပေါ်ခြုံငုံပြီး ကြည့်လျှင် ပညာရေးသည် အဓိက ပြုပြင်စရာကိစ္စတစ်ရပ် ဖြစ်နေရာ ပညာရေး ပြောင်းလဲမှုအပေါ် မည်ကဲ့သို့ မှန်ကန်စွာ ပြောင်းလဲနိုင်မည်နည်းဆိုသည့် အချက်သည် အရေးပါသည်။

အဘက်ဘက် နိမ့်ကျနေမှုအတွက် ပြန်လည်နာလန်ထူနိုင်ရန် ကြိုးစားရမည့် မြန်မာနိုင်ငံတွင် HR ပြဿနာသည် မရှိမဖြစ် ဖြေရှင်းရမည့် ပြဿနာတစ်ရပ် ဖြစ်နေသည်မှာ သေချာသည်။ လုပ်ငန်းအသီးသီး၊ ကုမ္ပဏီ အသီးသီးတွင်ပင် ယင်းပြဿနာကို ကိုယ်စီရင်ဆိုင် ကျော်လွှားနေကြရသည်။ ဥပဒေပြုရေးမဏ္ဍိုင်နှင့် အုပ်ချုပ်ရေးမဏ္ဍိုင် ကဲ့သို့သော နိုင်ငံတိုးတက်ရေး အတွက် အဓိကတာဝန်ယူ လုပ်ဆောင်နေကြရသည့် နယ်ပယ်များတွင်ပင်လျှင် ထူးချွန်သည့်၊ လေးစားဖွယ်ကောင်းသည့်၊ လူအများက လက်ခံသည့် ခေါင်းဆောင်များကို ရွေးချယ်ရန် ခက်ခဲမှုများ ရှိနေသည်။ သို့ဖြစ်ရာ HR ပြဿနာအတွက် နိုင်ငံတွင် ဖြစ်ပေါ်နေသော ဦးနှောက်ယိုစီးမှုနှင့် လုပ်အားယိုစီးမှု ကဲ့သို့သော ပြဿနာများကို ရေရှည်စီမံကိန်းချမှတ်၍ ကိုင်တွယ်ဖြေရှင်းပေးရန် လိုအပ်မည် ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

မတ်လ ၂၄ ရက်ထုတ် The Daily Eleven သတင်းစာ၏ အယ်ဒီတာ့အာဘော်

ဒီမိုကရက်တစ် ခေါင်းဆောင်မှု သို့မဟုတ် စုပေါင်းခေါင်းဆောင်မှု

ဒီမိုကရက်တစ် ခေါင်းဆောင်မှု သို့မဟုတ် စုပေါင်းခေါင်းဆောင်မှုဟူသည် အုပ်စုအတွင်း၌ ပါဝင်သူများ အနေဖြင့် ဆုံးဖြတ်ချက်ချမှတ်ခြင်း လုပ်ငန်းစဉ်တွင် ပိုမိုပါဝင်ကြသည့် ခေါင်းဆောင်မှု စတိုင်တစ်မျိုးဖြစ်သည်။ ယင်းခေါင်းဆောင်မှုစတိုင်ကို အဖွဲ့အစည်းတစ်ခု၊ ပုဂ္ဂလိကလုပ်ငန်း တစ်ခုမှသည် ကျောင်းများနှင့် အစိုးရအဖွဲ့အထိ ကျင့်သုံးနိုင်သည်။ ယင်းခေါင်းဆောင်မှု စတိုင်တွင် လူတိုင်းပါဝင်ရန် အခွင့်အလမ်းရှိခြင်း၊ စိတ်ကူးသဘောထားများကို လွတ်လပ်စွာ ဖလှယ်နိုင်ခြင်းနှင့် ဆွေးနွေးညှိနှိုင်းမှုများကို အားပေးခြင်းတို့ရှိသည်။ ဒီမိုကရက်တစ် လုပ်ငန်းစဉ်သည် စိတ်ကူးသဘောထားများ လွတ်လပ်စွာ စီးဆင်းရေးနှင့် အုပ်စုတွင်း ညီမျှရေးတို့ကို အဓိကထားသော်လည်း လမ်းညွှန်မှုများ ပေးရန်နှင့် ထိန်းချုပ်မှုပြုလုပ်ရန် အုပ်စု၏ခေါင်းဆောင် ရှိနေဆဲဖြစ်သည်။ ဒီမိုကရက်တစ် ခေါင်းဆောင်သည် မည်သူသည် အုပ်စုအတွင်း၌ ရှိသည်ကိုလည်းကောင်း၊ ချမှတ်သည့် ဆုံးဖြတ်ချက်များကို မည်သူတို့က ထည့်ဝင်ရမည် ဟူသည်ကိုလည်းကောင်း ဆုံးဖြတ်ရန် တာဝန်ယူရသည်။ သုတေသနပြုသူများက ဒီမိုကရက်တစ် ခေါင်းဆောင်မှု စတိုင်သည်  အထိရောက်ဆုံး ခေါင်းဆောင်မှု အမျိုးအစား တစ်မျိုးဖြစ်ပြီး ထုတ်လုပ်မှု ပိုမိုမြင့်မားခြင်း၊ အုပ်စုဝင်များထံမှ ထည့်ဝင်မှု ပိုမိုကောင်းမွန်ခြင်းနှင့် အုပ်စု၏ ကိုယ်ကျင့်တရား တိုးတက်လာခြင်းတို့ဆီသို့ ဦးတည်သွားစေနိုင်သည်ဟု ဆိုသည်။

ဒီမိုကရက်တစ် ခေါင်းဆောင်မှု၌ ပါဝင်သော အခြေခံစရိုက်လက္ခဏာရပ်အချို့မှာ ခေါင်းဆောင်ဖြစ်သူက ဆုံးဖြတ်ချက်နှင့် ပတ်သက်၍ နောက်ဆုံးတာဝန်ရှိသူ ဖြစ်သော်လည်း အုပ်စုဝင်များအား စိတ်ကူးများနှင့် သဘောထား ထင်မြင်ချက်များ ဖလှယ်ရန် အားပေးခြင်း၊ အုပ်စုဝင်များအနေဖြင့် လုပ်ငန်းစဉ်၌ ပိုမိုပါဝင်သည်ဟု ခံစားရခြင်းနှင့် ဖန်တီးနိုင်စွမ်းကို အားပေးချီးမြှင့်ခြင်းတို့ဖြစ်သည်။ ကောင်းမွန်သော ဒီမိုကရက်တစ် ခေါင်းဆောင်မှု လုပ်ငန်းစဉ်များ၌ ပါဝင်သည့် လက္ခဏာရပ်များမှာ ရိုးသားမှု၊ အသိဥာဏ်ရှိမှု၊ သတ္တိရှိမှု၊ တီထွင်ဖန်တီးနိုင်ခြင်းရှိမှု၊ ပြည့်စုံကျွမ်းကျင်မှုနှင့် မျှတမှုတို့ဖြစ်သည်။ အားကောင်းသော ဒီမိုကရက်တစ် ခေါင်းဆောင်များသည် ယုံကြည်မှုရရှိကြပြီး နောက်လိုက်များအကြား လေးစားမှုကို ရရှိကြသည်။ ၎င်းတို့သည် ရိုးသားဖြောင့်မတ်မှု ရှိကြပြီး ၎င်းတို့၏ ဆုံးဖြတ်ချက်များကို ၎င်းတို့၏ ကိုယ်ကျင့်တရားနှင့် ဒီမိုကရေစီ စံတန်ဖိုးများ အပေါ်၌ အခြေခံလေ့ရှိသည်။ နောက်လိုက်များ အနေဖြင့်လည်း ပါဝင်လုပ်ဆောင်ရန် စိတ်ဓာတ်တက်ကြွလာကြပြီး အုပ်စုအတွက် ထည့်ဝင်မှုများ ပြုလုပ်လာကြသည်။ ခေါင်းဆောင်ကောင်းများသည် မိမိနှင့် မတူခြားနားသော သဘောထား အမြင်များကို ရှာဖွေလေ့ရှိပြီး အတိုက်အခံ လုပ်သူများကို လည်းကောင်း၊ လူကြိုက်နည်းမည့် အမြင်ကို တင်ပြသူများကိုလည်းကောင်း အသံတိတ်သွားအောင် ကြိုးပမ်းကြခြင်း မရှိပေ။

အုပ်စုဝင်များသည် ၎င်းတို့၏ အတွေးအမြင်များအား မျှဝေရန် တိုက်တွန်းအားပေးမှု ခံရသောကြောင့် ဒီမိုကရက်တစ် ခေါင်းဆောင်မှုသည် ပိုမိုကောင်းမွန်သော စိတ်ကူးများနှင့် ပိုမိုဖန်တီးနိုင်စွမ်းရှိသော ပြဿနာ ဖြေရှင်းမှုများကို ရရှိနိုင်သည်။ အုပ်စုဝင်များသည် စီမံကိန်းတစ်ရပ်ကို ပိုမိုပါဝင်လိုစိတ်နှင့် လုပ်ဆောင်လိုစိတ်များ ဖြစ်ပေါ်ကြသည်။ ထို့ကြောင့် ၎င်းတို့အနေဖြင့် အဆုံးသတ်ရလဒ်များနှင့် ပတ်သက်၍လည်း ပိုမိုဂရုစိုက် လာကြသည်။ ဤသို့ဖြင့် ဒီမိုကရက်တစ် ခေါင်းဆောင်မှုသည် အုပ်စုဝင်များအကြား ပိုမိုမြင့်မားသော ထုတ်လုပ်မှုစွမ်းအားကို ဖြစ်ပေါ်စေသည်။

ထို့ကြောင့် ဒီမိုကရက်တစ် ခေါင်းဆောင်မှုစတိုင်ကို ကျင့်သုံးခြင်းသည် လုပ်ငန်းစဉ် တစ်ရပ်၌ သက်ဆိုင်ရာ အုပ်စုဝင်များအားလုံး တက်ကြွစွာ ပါဝင်လိုစိတ်ကို ဖြစ်ပေါ်စေသောကြောင့် အဆုံးသတ် ရလဒ်များကို ပို၍ကောင်းမွန် စေနိုင်ပါကြောင်း The Daily Eleven သတင်းစာက ရေးသားအပ်ပါသည်။

(ဖေဖော်ဝါရီ ၂၇ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်)

ပူးပေါင်းပါဝင်ခြင်းနှင့် တာဝန်ခံမှုရှိခြင်း

သဘာဝရင်းမြစ်များကို အောင်မြင်စွာ စီမံခန့်ခွဲရန်၊ အများပြည်သူနှင့်ဆိုင်သော ၀န်ဆောင်မှုများကို ထောက်ပံ့ရန်၊ ကုန်သွယ်ရေးကို အားပေးမြှင့်တင်ရန်၊ ပုဂ္ဂလိက ရင်းနှီးမြှုပ်နှံမှုများကို ဆွဲဆောင်ရန်နှင့် ကူညီထောက်ပံ့မှုဆိုင်ရာ ဆက်ဆံရေးများကို စီမံရန် ထိရောက်ကျွမ်းကျင်သော၊ ခံနိုင်ရည်ရှိသော၊ တာဝန်ခံမှုရှိသော အုပ်ချုပ်ရေးစနစ်များ မရှိမဖြစ် လိုအပ်သည်။ အဂတိ လိုက်စားခြင်းနှင့် လျှို့ဝှက်ထားခြင်းတို့သည် ယင်းကဲ့သို့သော ရည်မှန်းချက်ပန်းတိုင်များမှ သွေဖည်သွားစေတတ်သည်။ ဥပမာအားဖြင့် တရားမ၀င်သော ငွေကြေးစီးဆင်းမှုများသည် ဖွံ့ဖြိုးမှုနှင့် အုပ်ချုပ်ရေးကို အောက်ခြေမှ လှိုက်စားတတ်ပြီး လျှို့ဝှက်ထားမှုသည် နိုင်ငံတော်၏ ကြွယ်ဝမှုကို အချည်းနှီး ဖြုန်းတီးပစ်ကာ လူမှုရေး ယုံကြည်အားကိုးမှုများကို ပျက်ပြားသွားစေသည်။

ဒီမိုကရေစီ နိုင်ငံရေးရှုထောင့်အရ နိုင်ငံတကာ၌ လက်ရှိခေတ်စားပြီး အကြီးအကျယ် ကျင့်သုံးလာနေသည့် ဗဟိုချုပ်ကိုင်မှုမှ ဖယ်ခွာခြင်းတွင် အစိတ်အပိုင်း နှစ်ရပ်ရှိသည်။  ယင်းတို့မှာ ပူးပေါင်းပါဝင်ခြင်းနှင့် တာဝန်ခံမှု ရှိခြင်းဖြစ်သည်။ ပူးပေါင်းပါဝင်ခြင်းတွင် နိုင်ငံသားများက မိမိတို့၏ ဒေသဆိုင်ရာ ခေါင်းဆောင်များကို ရွေးချယ်ပြီး အဆိုပါ ခေါင်းဆောင်များအား လုပ်ပေးရမည့် အရာများကို ပြောဆိုခြင်းဖြင့် နိုင်ငံသားတို့၏ အခန်းကဏ္ဍသည် မြင့်တက်၍ လာနေသည်။ တစ်နည်းအားဖြင့်ဆိုလျှင် နိုင်ငံသားများက သက်ဆိုင်ရာ အုပ်ချုပ်ရေး အတွင်းသို့ ထည့်ဝင်မှုများ ပြုလုပ်ကာ ပူးပေါင်းပါဝင်ခြင်းဖြစ်သည်။

တာဝန်ခံမှုရှိခြင်းမှာမူ လုပ်ငန်းစဉ်၏ အခြားတစ်ဖက်ခြမ်းဖြစ်သည်။ သက်ဆိုင်ရာ ဒေသခံအစိုးရများအနေဖြင့် ၎င်းတို့ပြုလုပ်ခဲ့သော အရာများ သို့မဟုတ် မလုပ်နိုင်ခဲ့သော အရာများနှင့် ပတ်သက်၍ ရှင်းပြရန် သို့မဟုတ် မျှတမှန်ကန်ကြောင်း ရှင်းလင်းရန် တာဝန်ရှိခြင်းဖြစ်သည်။ သက်ဆိုင်ရာ ဒေသများ၏ လိုအပ်ချက်များနှင့် ပိုမိုနှစ်သက်သည့် အရာများနှင့် ပတ်သက်၍ အချက်အလက်များ တိုးတက်လာခြင်းသည် သဘောတရားအရ ဗဟိုချုပ်ကိုင်မှုမှ ဖယ်ခွာခြင်း၏ အားသာချက်များ ဖြစ်ကြသည်။ သို့သော် ပြဿနာမှာ ခေါင်းဆောင်များ အနေဖြင့် မိမိတို့နိုင်ငံသားများအပေါ် တစ်စုံတစ်ရာ တာဝန်ခံမှု ရှိရမည်ဟု ခံယူထားခြင်း မရှိပါက အဆိုပါ ခေါင်းဆောင်များ အနေဖြင့် နိုင်ငံသားတို့၏ လိုအပ်ချက်များနှင့် နှစ်သက်ရာတို့ကို အမှန်တကယ် ဆောင်ရွက်ပေးမည်ဟု အာမခံချက် မရှိခြင်းပင် ဖြစ်သည်။

မည်သို့ပင်ဆိုစေကာမူ ဒေသဆိုင်ရာ ရွေးကောက်ပွဲများသည် တွေ့မြင်ရ အများဆုံးဖြစ်ပြီး တာဝန်ခံမှုရှိခြင်း၏ အားအကောင်းဆုံး ပုံစံတစ်ရပ်လည်းဖြစ်သည်။ တာဝန်ခံမှုရှိခြင်းကို ပူးပေါင်းပါဝင်ခြင်းအား အတည်ပြုမှု တစ်ရပ်အဖြစ် ရှုမြင်နိုင်သည်။ ပူးပေါင်းပါဝင်မှု တိုးတက်လာစေရန် ကြိုးပမ်းမှုများက အောင်မြင်သည်ဟု သက်သေပြနိုင်ရန်မှာ ပြည်သူများအနေဖြင့် သက်ဆိုင်ရာ အစိုးရများက ၎င်းတို့၏ လုပ်ဆောင်ချက်များအတွက် တာဝန်ယူမှုရှိအောင် ထိန်းချုပ်ရန်အတွက် ပူးပေါင်းပါဝင်ခြင်းကို အသုံးပြုနိုင်မှုအပေါ်၌ မူတည်နေသည်။

နိုင်ငံပေါင်းများစွာတို့တွင် လက်ရှိဆောင်ရွက်နေသည့် ဒေသဆိုင်ရာ ဒီမိုကရေစီ အုပ်ချုပ်ရေးအတွက် လှုံ့ဆော်မှုများသည် အများပြည်သူနှင့် ပတ်သက်၍ တာဝန်ခံနိုင်စွမ်းရှိသော ထိရောက်သည့်စနစ်များ ဖွံ့ဖြိုးလာရေးအတွက် အာမခံချက်များ ပို၍ခိုင်မာလာစေသည်။ တာဝန်ခံနိုင်စွမ်းရှိသော အဆိုပါစနစ်များ၏ လုပ်ငန်းစဉ်များ၌ ဒေသဆိုင်ရာ အုပ်ချုပ်ရေးများအပေါ် ပို၍ပွင့်လင်းမြင်သာမှုရှိရန် ဖိအားသက်ရောက်စေပြီး ယင်းကဲ့သို့ ပွင့်လင်းမြင်သာမှု ရှိလာခြင်းဖြင့် အဂတိလိုက်စားမှုများကို သိရှိနိုင်ရန် ပိုမိုလွယ်ကူလာစေမည် ဖြစ်သည်။ ထို့ကြောင့် ပူးပေါင်းပါဝင်ခြင်းနှင့် တာဝန်ခံမှုရှိခြင်းသည် ပို၍ ပွင့်လင်းမြင်သာမှု ရှိလာစေခြင်းဖြင့် အဂတိ လိုက်စားမှုများကိုလည်း ဖော်ထုတ်သိရှိနိုင်ရန် ပိုမိုလွယ်ကူလာစေမည် ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

ဇန်န၀ါရီ ၁၀ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်

ပြည်ပပို့ကုန်များနှင့် မြန်မာ့စီးပွားရေး အလားအလာ

မြန်မာနိုင်ငံ၏ စီးပွားရေးကဏ္ဍ ပိုမိုဖွံ့ဖြိုးရေးအတွက် နိုင်ငံခြား ရင်းနှီးမြှုပ်နှံမှု၊ ပြည်ပပို့ကုန်များ၏ အခန်းကဏ္ဍနှင့် ကုန်ထုတ်လုပ်ငန်းများ ဖွံ့ဖြိုးတိုးတက်မှု အပါအ၀င် စီးပွားရေးဆိုင်ရာ အညွှန်းကိန်းများတွင် ရလဒ်ကောင်းများ ရရှိနိုင်ရေးမှာ အရေးကြီးသော အခန်းကဏ္ဍတွင် ပါဝင်နေသည်။ နိုင်ငံ့စီးပွားရေး တိုးတက်ခြင်းနှင့်အတူ အခြားသော ကဏ္ဍများ၏ အလားအလာကောင်းများအတွက် အထောက်အကူ ပေးနိုင်မည်ဖြစ်သလို အလုပ်အကိုင် အခွင့်အလမ်း နည်းပါးမှု၊ ဆင်းရဲချမ်းသာကွာဟမှုနှင့် ဆင်းရဲမွဲတေမှု ပြဿနာများအတွက်ပါ ပိုမိုကောင်းမွန်သော အခြေအနေများကို ဖန်တီးပေးနိုင်မည်ဖြစ်သည်။ ထို့ပြင် စိုက်ပျိုးရေးကို အခြေခံထားသော နိုင်ငံတွင် စိုက်ပျိုးရေးထွက်ကုန်များ အပါအ၀င် ကုန်ထုတ်လုပ်ငန်းများနှင့်အတူ ပြည်ပပို့ကုန်များ၏ ဈေးကွက်ဝေစုခိုင်မာရေး၊ ပို့ကုန်ကဏ္ဍ တိုးမြှင့်ရေးများမှာ ကဏ္ဍအသီးသီးအလိုက် အရေးပါလျက် ရှိနေသည်။

လက်ရှိတွင် တရားဝင် စာရင်းဇယားများအရ မြန်မာနိုင်ငံမှ ပြည်ပသို့တင်ပို့သည့် ပို့ကုန်များအနက် ဆန်တင်ပို့မှုသည် ဆယ်စုနှစ်အတွင်း အများဆုံးတင်ပို့သည့် နှစ်တစ်နှစ် ဖြစ်လာဖွယ် ရှိနေသည်။ မြန်မာနိုင်ငံမှ ဆန်စပါး တင်ပို့မှုနှင့် ပတ်သက်သော တရားဝင် ထုတ်ပြန်ချက်များတွင် ပြီးခဲ့သည့် ၂၀၀၈-၂၀၀၉ ဘဏ္ဍာနှစ်က ဆန်တင်ပို့မှုတန်ချိန် ၇၀၉၂၅၁ ဒသမ ၄၃၇ ရှိခဲ့ပြီး လက်ရှိ ၂၀၁၇-၂၀၁၈ ဘဏ္ဍာနှစ် သြဂုတ်လဆန်းအထိ ဆန်တင်ပို့မှုတန်ချိန် ၁၀၂၄၄၅၉ ရှိထားရာ ဆယ်စုနှစ်အတွင်း အများဆုံး တင်ပို့ခဲ့သည့် အနေအထားအဖြစ် မြင်တွေ့နိုင်မည်ဖြစ်သည်။ ထို့ပြင် မြန်မာနိုင်ငံဆန်စပါးအသင်းချုပ် အနေဖြင့် ယခုနှစ်အတွင်း ပြည်ပသို့ ဆန်တန်ချိန် နှစ်သန်းအထိ တင်ပို့နိုင်ရန်လည်း ခန့်မှန်းထားသည်။ မြန်မာနိုင်ငံမှဆန်ကို ပြည်ပနိုင်ငံပေါင်း ၅၀ ကျော်သို့ တင်ပို့လျက်ရှိသော်လည်း ပြည်ပသို့ဆန်တင်ပို့မှု၏ ရာခိုင်နှုန်း ၇၀ ကျော်ကို တရုတ်နိုင်ငံသို့ အဓိက တင်ပို့နေခြင်းဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက ထုတ်ပြန်ထားသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၏ တရားဝင် ကိန်းဂဏန်းများတွင် ပြည်ပဈေးကွက် တိုးချဲ့ရရှိမှုကြောင့် ယခုဘဏ္ဍာနှစ် သြဂုတ်ပထမပတ်အထိ လေးလကျော်ကာလအတွင်း မြန်မာနိုင်ငံမှ ဆန်နှင့် ဆန်ကွဲတန်ချိန် တစ်သန်းကျော် တင်ပို့ထားပြီး ယခင်နှစ်ကာလတူထက် တန်ချိန်ခြောက်သိန်းနှစ်သောင်းကျော် ပိုမိုတင်ပို့ထားကြောင်း ဖော်ပြထားသည်။ သီရိလင်္ကာနိုင်ငံမှ ယခုနှစ်အတွင်း မြန်မာနိုင်ငံမှ ဆန်တန်ချိန်ငါးသိန်း ၀ယ်ယူရန် ကမ်းလှမ်းထားကြောင်းနှင့် နှစ်နိုင်ငံအကြား နားလည်မှု စာချွန်လွှာ (MoU) ရေးထိုးပြီး ဆန်တင်ပို့ရောင်းချနိုင်ရေး လုပ်ဆောင်လျက်ရှိသည်။ ယခုနှစ်အတွက် သီရိလင်္ကာနိုင်ငံမှ ဆန်တန်ချိန် ငါးသိန်းဝယ်ယူရန် ကမ်းလှမ်းမှုတွင် ပေါင်းဆန်တန်ချိန်နှစ်သိန်းနှင့် ဆန်ဖြူသုံးသိန်း ၀ယ်ယူရန် ကမ်းလှမ်းခြင်းဖြစ်သလို မြန်မာနိုင်ငံမှဆန်အား ဖိလစ်ပိုင် အမျိုးသား စားနပ်ရိက္ခာ အာဏာပိုင်အဖွဲ့ (NFA) က ၀ယ်ယူ တင်သွင်းနိုင်ရန်အတွက် မြန်မာနိုင်ငံသို့ တင်ဒါဖိတ်ခေါ်ထားသည်။ ဘင်္ဂလားဒေ့ရ်ှနိုင်ငံသို့လည်း မြန်မာနိုင်ငံမှ ဆန်တန်ချိန်သုံးသိန်း တင်ပို့ရောင်းချရန် နှစ်နိုင်ငံ G to G လက်မှတ် ရေးထိုးထားသည်။

ယင်းအပြင် အဓိကပြည်ပပို့ကုန် တစ်ခုဖြစ်သော ပဲတင်ပို့မှုနှင့်ပတ်သက်၍ မြန်မာနိုင်ငံ တင်ပို့မှုအပေါ် အိန္ဒိယနိုင်ငံဘက်မှ ကန့်သတ်မှုများအား ရုပ်သိမ်းပေးရန် အိန္ဒိယ၀န်ကြီးချုပ်၏ မြန်မာနိုင်ငံသို့ လာရောက်သည့် ခရီးစဉ်အတွင်း နိုင်ငံတော်၏အတိုင်ပင်ခံပုဂ္ဂိုလ်က တောင်းဆိုခဲ့ကြောင်း ပူးတွဲကြေညာချက်တွင် ပါဝင်သည်။ သို့ပါ၍ မြန်မာ့စီးပွားရေး ပိုမိုကောင်းမွန်ရန် ပြည်ပပို့ကုန်များ၏ အခန်းကဏ္ဍမှာ အရေးပါသလို အခြားသော စီးပွားရေးဆိုင်ရာ မူဝါဒနှင့် အစီအမံများမှာ မြန်မာ့စီးပွားရေး အလားအလာကောင်းများအတွက် အဓိကကျလျက် ရှိပါကြောင်း The Daily Eleven သတင်းစာက ရေးသားအပ်ပါသည်။

စက်တင်ဘာလ ၉ ရက်နေ့ထုတ် The Daily Eleven သတင်းစာ အယ်ဒီတာ့အာဘော်