နှစ်နှစ်ငါးလကျော်အရွယ် မိန်းကလေးငယ်အား အဓမ္မပြုကျင့်သတ်ဖြတ်ခဲ့သူကို ပြင်ဦးလွင်ခရိုင်တရားရုံးတွင် ငါးကြိမ်မြောက်ရုံးထုတ်ခဲ့ပြီး တရားလိုပြသက်သေငါးဦးအား ဆက်လက်စစ်ဆေး

မိန်းကလေးငယ်အား အဓမ္မပြုကျင့် သတ်ဖြတ်ခဲ့သူကို မတ် ၂၀ ရက်က ပြင်ဦးလွင်ခရိုင် တရားရုံးတွင် ရုံးထုတ်စဉ်

မန္တလေးတိုင်းဒေသကြီး ပြင်ဦးလွင်ခရိုင် မတ္တရာမြို့နယ်တွင် အသက်နှစ်နှစ်ငါးလကျော်အရွယ် မိန်းကလေးငယ်အား အဓမ္မပြုကျင့်သတ်ဖြတ်ခဲ့သူ ဖြိုးထက်အောင်ကို မတ် ၂၀ ရက် နံနက်ပိုင်းက ပြင်ဦးလွင်ခရိုင် တရားရုံးတွင် ရုံးထုတ်ခဲ့ပြီး ရာဇသတ်ကြီးဥပဒေပုဒ်မ ၃၇၆၊ ၃၀၂ တို့ဖြင့် တရားစွဲဆိုထားမှုအပေါ် တရားလိုပြသက်သေငါးဦးကို ဆက်လက်စစ်ဆေးခဲ့ကာ အမှုကို မတ် ၂၁ ရက် (ယနေ့) တွင် တရားလိုပြသက်သေများအား ဆက်လက်စစ်ဆေးသွားမည်ဖြစ်ကြောင်း သိရသည်။

အသက်နှစ်နှစ်နှင့် ငါးလကျော်အရွယ် မိန်းကလေးငယ်အား အဓမ္မပြုကျင့်သတ်ဖြတ်ခဲ့သည့် အမှုနှင့်ပတ်သက်၍ ပြင်ဦးလွင်ခရိုင်တရားရုံးက စတင်တရားစွဲဆိုခဲ့သည့် မတ် ၁၂ ရက်မှစတင်ကာ အမှုရုံးချိန်းကို ရက်သတ္တပတ်တစ်ပတ်အတွင်း၌ပင် ရုံးချိန်းသုံးချိန်း ချိန်းဆိုခဲ့ခြင်းဖြစ်သည်။ မတ် ၁၆ ရက်က အမှုနှင့်ပတ်သက်၍ တရားလိုအပါအ၀င် တရားလိုပြသက်သေငါးဦးတို့ကို စတင်စစ်ဆေးခဲ့ပြီး အမှုကို မတ် ၁၉ ရက်မှ ၂၂ ရက်အထိ ရုံးချိန်းများကို ဆက်တိုက်ချိန်းဆိုထားခြင်းဖြစ်ကြောင်း သိရသည်။

အသက်နှစ်နှစ်နှင့် ငါးလကျော်အရွယ် မိန်းကလေးငယ်ကို အဓမ္မပြုကျင့်သတ်ဖြတ်ခဲ့သူ ဖြိုးထက်အောင်ကို ပြီးခဲ့သည့် ဖေဖော်ဝါရီ ၂၇ ရက်က မတ္တရာမြို့နယ်တရားရုံးတွင် ရုံးထုတ်ရမန်ယူခဲ့ပြီးနောက် မတ် ၁၂ ရက်တွင် ပြင်ဦးလွင်ခရိုင် တရားရုံးသို့ ပြောင်းရွှေ့ကာ ရာကြီးမှုအမှတ် ၃၉/၂၀၁၈၊ ရာဇသတ်ကြီးဥပဒေပုဒ်မမုဒိမ်းမှု ၃၇၆၊ လူသတ်မှု ၃၀၂ တို့ဖြင့် စတင်တရားစွဲဆိုခဲ့ခြင်းဖြစ်သည်။ ယင်းကဲ့သို့ တရားစွဲဆိုခဲ့ပြီးနောက် အမှုအား ရက်ပိုင်းအတွင်းပင် ပြင်ဦးလွင်ခရိုင်တရားရုံးက ပြန်လည်ချိန်းဆိုခဲ့ပြီး မတ် ၁၅ ရက် ရုံးချိန်းတွင် အမှုနှင့်ပတ်သက်၍ ရှေ့နေပါဝါတင်ပြခဲ့ကာ အမှုကို မတ် ၁၆ ရက်တွင် စတင်စစ်ဆေးမှု ပြုလုပ်ခဲ့သည်။

“ဒီနေ့ (မတ် ၂၀ ရက်) ရုံးချိန်းမှာက တရားလိုပြသက်သေငါးဦးကို ထပ်စစ်ဆေးပါတယ်။ မနက်ဖြန်လည်း ထပ်ပြီးစစ်ဆေးသွားမယ်လို့ သိရတယ်။ အမှုရုံးချိန်းတွေက မတ် ၁၉ ရက်ကနေ မတ် ၂၂ ရက်အထိ ဆက်တိုက်ချိန်းဆိုထားတာ။ ရုံးချိန်းတိုင်းမှာ ကျွန်တော်တို့ကတော့ အမှုစစ်ဆေးတာကို အမြဲလာရောက်စောင့်ကြည့်နေပါတယ်” ဟု အဓမ္မပြုကျင့် သတ်ဖြတ်ခံခဲ့ရသည့် မိန်းကလေးငယ်၏ မိသားစုဝင်တစ်ဦးက ပြောကြားသည်။

မတ် ၂၀ ရက်က ပြင်ဦးလွင်ခရိုင် တရားရုံးတွင် ချိန်းဆိုခဲ့သည့် အမှုရုံးချိန်းတွင် တရားလိုပြသက်သေငါးဦးကို မိန်းကလေးငယ်အား အဓမ္မပြုကျင့်သတ်ဖြတ်ခဲ့မှုနှင့်ပတ်သက်၍ နှစ်ဖက်ရှေ့နေများက စစ်ဆေးခဲ့ကြကြောင်း အမှုအား သွားရောက်နားထောင်ခဲ့ကြသူများထံမှ သိရသည်။ အဆိုပါ အမှုရုံးချိန်းသို့ ကလေးငယ်၏မိသားစုဝင်များ၊ အမှုကို စိတ်ပါဝင်စားသူများ လာရောက်စောင့်ကြည့် နားထောင်ခဲ့ကြသည်။

ဖြစ်စဉ်မှာ ဖေဖော်ဝါရီ ၁၃ ရက်က မတ္တရာမြို့နယ် ဥဒိန်ကျေးရွာအုပ်စု မြွေကူးတိုးဆိပ်ကျေးရွာနေ အသက်နှစ်နှစ်ကျော်အရွယ် မိန်းကလေးငယ်အား ၀န်စုကျေးရွာနေ ဖြိုးထက်အောင် (၂၅ နှစ်)က ကလေးငယ်အားပွေ့ချီ၍ ကျေးရွာအနီးရှိ ငှက်ပျောတောထဲတွင် အဓမ္မပြုကျင့်၍ သတ်ဖြတ်မှုဖြစ်ပွားခဲ့ကြောင်း၊ ထိုသို့ ကလေးငယ်ကို အဓမ္မပြုကျင့်ရာတွင် ကလေးငယ်၏ပါးစပ်အတွင်းသို့ ငှက်ပျောသီးများအပြည့်ထည့်၍ ကလေးငယ်မအော်ဟစ်နိုင်ရန်အတွက် ပြုလုပ်ခဲ့ပြီး ကလေးငယ်ကို အဓမ္မပြုကျင့် သတ်ဖြတ်ခဲ့ကြောင်း ရဲတပ်ဖွဲ့၏ အခင်းဖြစ်စဉ်မှတ်တမ်းများအရ သိရသည်။

ထိုသို့ ကလေးငယ်ကို အဓမ္မပြုကျင့်သတ်ဖြတ်ခဲ့သူ ဖြိုးထက်အောင်ကို ရေနံ့သာ နယ်မြေရဲစခန်းက (ပ)၂၆/၂၀၁၈၊ ရာဇသတ်ကြီးဥပဒေပုဒ်မ ၃၇၆/၃၀၂ ဖြင့် အမှုဖွင့်ဖမ်းဆီးခဲ့ကြောင်း သိရသည်။

နှစ်နှစ်ငါးလကျော်အရွယ် မိန်းကလေးအား အဓမ္မပြုကျင့်သတ်ဖြတ်သူကို ပြင်ဦးလွင်ခရိုင် တရားရုံး၌ ပုဒ်မနှစ်ခုဖြင့် တရားစွဲဆိုထားမှုတွင် ရှေ့နေပါဝါတင်ပြခဲ့ပြီး အမှုအား ယနေ့ ဆက်လက်စစ်ဆေးမည်

မိန်းကလေးငယ်အား အဓမ္မပြုကျင့် သတ်ဖြတ်ခဲ့သူ ဖြိုးထက်အောင်ကို မတ် ၁၅ ရက်က ပြင်ဦးလွင်ခရိုင် တရားရုံး၌ ရုံးထုတ်စဉ်

မန္တလေးတိုင်းဒေသကြီး၊ ပြင်ဦးလွင်ခရိုင်၊ မတ္တရာမြို့နယ်တွင် အသက်နှစ်နှစ် ငါးလကျော်အရွယ် မိန်းကလေးငယ်အား အဓမ္မပြုကျင့်သတ်ဖြတ်ခဲ့သူ ဖြိုးထက်အောင်ကို မတ် ၁၅ ရက် နံနက်ပိုင်းက ပြင်ဦးလွင်ခရိုင် တရားရုံး၌ ရုံးထုတ်ခဲ့ပြီး ရာဇသတ်ကြီးဥပဒေပုဒ်မ ၃၇၆၊ ၃၀၂ တို့ဖြင့် တရားစွဲဆိုထားမှုကို တရားခံဘက်မှ ရှေ့နေပါဝါတင်ပြခဲ့ကာ အမှုကို မတ် ၁၆ ရက်(ယနေ့)တွင် ဆက်လက်စစ်ဆေးသွားမည်ဖြစ်ကြောင်း ပြင်ဦးလွင်ခရိုင်တရားရုံးမှ သိရသည်။

အသက် နှစ်နှစ်နှင့် ငါးလကျော်အရွယ် မိန်းကလေးငယ်အား အဓမ္မပြုကျင့် သတ်ဖြတ်ခဲ့သည့် အမှုနှင့်ပတ်သက်၍ ပြင်ဦးလွင်ခရိုင် တရားရုံးက စတင်တရားစွဲဆိုခဲ့သည့် မတ် ၁၂ ရက်မှ စတင်ကာ အမှုရုံးချိန်းကို ရက်သတ္တပတ် တစ်ပတ်အတွင်း၌ပင် ရုံးချိန်းသုံးချိန်း ချိန်းဆိုခဲ့ခြင်းဖြစ်ကြောင်း သိရသည်။ ယနေ့ မတ် ၁၆ ရက်တွင် အမှုနှင့်ပတ်သက်၍ တရားလိုဖြစ်သူကို စတင်စစ်ဆေးသွားမည် ဖြစ်သည်။

အသက် နှစ်နှစ်နှင့်ငါးလကျော်အရွယ် မိန်းကလေးငယ်ကို အဓမ္မပြုကျင့်သတ်ဖြတ်ခဲ့သူ ဖြိုးထက်အောင်ကို ပြီးခဲ့သည့် ဖေဖော်ဝါရီ ၂၇ ရက်က မတ္တရာမြို့နယ် တရားရုံးတွင် ရုံးထုတ် ရမန်ယူခဲ့ပြီးနောက် မတ် ၁၂ ရက်တွင် ပြင်ဦးလွင်ခရိုင် တရားရုံးသို့ ပြောင်းရွှေ့ကာ ရာကြီးမှုအမှတ် ၃၉/၂၀၁၈၊ ရာဇသတ်ကြီးဥပဒေပုဒ်မ မုဒိမ်းမှု ၃၇၆၊ လူသတ်မှု ၃၀၂ တို့ဖြင့် စတင်တရားစွဲဆိုခဲ့ခြင်းဖြစ်သည်။ ယင်းကဲ့သို့ တရားစွဲဆိုခဲ့ပြီးနောက် အမှုအား ရက်ပိုင်းအတွင်းပင် ပြင်ဦးလွင်ခရိုင် တရားရုံးက ပြန်လည်ချိန်းဆိုခဲ့ပြီး မတ် ၁၅ ရက် ရုံးချိန်းတွင် အမှုနှင့်ပတ်သက်၍ ရှေ့နေပါဝါ တင်ပြခဲ့ကာ အမှုကို မတ် ၁၆ ရက်သို့ ထပ်မံချိန်းဆိုခဲ့ခြင်းဖြစ်သည်။

“ကျွန်မကတော့ သူ့ကို သေဒဏ် ပြစ်ဒဏ်ပေးစေချင်တယ်။ တကယ်လို့ သေဒဏ်မချရင်တောင်မှ ကြီးမားတဲ့ နှစ်ရှည်ထောင်ဒဏ်တွေကို ချမှတ်ပေးစေချင်တယ်။ လွတ်ငြိမ်းချမ်းသာခွင့်တွေနဲ့ ပြန်လွတ်လာမှာကိုလည်း မလိုလားဘူး။ သူ့ရဲ့မျက်နှာကို ကျွန်မတို့ဒေသမှာ ပြန်ပြီးတော့ မမြင်ချင်တော့ဘူး။ အခုအထိ ကျွန်မ ရင်ထဲမှာ နာနေတုန်းပါ။ အရမ်းခံစားနေရတယ်။ ဒါကြောင့် အမှုကိုလည်း အမြန်ဆုံးဥပဒေနဲ့အညီ ထိရောက်တဲ့ ပြစ်ဒဏ်ချမှတ်ပေးစေချင်တယ်” ဟု အဓမ္မပြုကျင့် သတ်ဖြတ်ခြင်းခံခဲ့ရသည့် မိန်းကလေးငယ်၏ မိခင်ဖြစ်သူ ဒေါ်သက်မာစိုးက ပြောကြားသည်။

ဖြစ်စဉ်မှာ ဖေဖော်ဝါရီ ၁၃ ရက်က မတ္တရာမြို့နယ်၊ ဥဒိန်ကျေးရွာအုပ်စု၊ မြွေကူးတိုးဆိပ်ကျေးရွာနေ အသက်နှစ်နှစ်ကျော် အရွယ် မိန်းကလေးငယ်အား ၀န်စုကျေးရွာနေ အသက် ၂၅ နှစ်အရွယ် ဖြိုးထက်အောင်က ကလေးငယ်အား ပွေ့ချီ၍ ကျေးရွာအနီးရှိ ငှက်ပျောတောထဲတွင် အဓမ္မပြုကျင့်၍ သတ်ဖြတ်မှု ဖြစ်ပွားခဲ့ကြောင်း၊ ထိုသို့ကလေးငယ်ကို အဓမ္မပြုကျင့်ရာတွင် ကလေးငယ်၏ ပါးစပ်အတွင်းသို့ ငှက်ပျောသီးများ အပြည့်ထည့်၍ ကလေးငယ်မ အော်ဟစ်နိုင်ရန်အတွက် ပြုလုပ်ခဲ့ပြီး ကလေးငယ်ကို သတ်ဖြတ်ကာ အဓမ္မပြုကျင့်ခဲ့ကြောင်း ရဲတပ်ဖွဲ့၏ အခင်းဖြစ်စဉ် မှတ်တမ်းများအရ သိရသည်။ ထိုသို့ ကလေးငယ်ကို အဓမ္မပြုကျင့် သတ်ဖြတ်ခဲ့သူ ဖြိုးထက်အောင်ကို ရေနံ့သာနယ်မြေရဲစခန်း က (ပ)၂၆/၂၀၁၈၊ ရာဇသတ်ကြီးဥပဒေပုဒ်မ ၃၇၆/၃၀၂ ဖြင့် အမှုဖွင့် ဖမ်းဆီးခဲ့ကြောင်း သိရသည်။

နှစ်နှစ်ငါးလကျော်အရွယ် မိန်းကလေးအား အဓမ္မပြုကျင့်သတ်ဖြတ်သူကို ပြင်ဦးလွင်ခရိုင်တရားရုံးတွင် ပုဒ်မနှစ်ခုဖြင့်တရားစွဲဆိုထားမှု ယနေ့ စတင်စစ်ဆေးမည်

မန္တလေးတိုင်းဒေသကြီး ပြင်ဦးလွင်ခရိုင် မတ္တရာမြို့နယ်တွင် နှစ်နှစ်ငါးလကျော်အရွယ် မိန်းကလေးငယ်အား အဓမ္မပြုကျင့် သတ်ဖြတ်ခဲ့သူ ဖြိုးထက်အောင်ကို မတ် ၁၅ ရက် (ယနေ့) တွင် ပြင်ဦးလွင်ခရိုင်တရားရုံးတွင် ရာဇသတ်ကြီးဥပဒေ ပုဒ်မ ၃၇၆၊ ၃၀၂ တို့ဖြင့် တရားစွဲဆိုထားမှုကို စတင်စစ်ဆေးသွားမည်ဖြစ်ကြောင်း ပြင်ဦးလွင်ခရိုင်တရားရုံးမှ စုံစမ်းသိရသည်။

ဖြိုးထက်အောင်ကို ဖေဖော်ဝါရီ ၂၇ ရက်က မတ္တရာမြို့နယ်တရားရုံးတွင် ရုံးထုတ်ရမန်ယူခဲ့ပြီးနောက် မတ် ၁၂ ရက်တွင် ပြင်ဦးလွင်ခရိုင်တရားရုံးသို့ ပြောင်းရွှေ့ကာစတင် တရားစွဲဆိုခဲ့ခြင်းဖြစ်သည်။ ယင်းကဲ့သို့ တရားစွဲဆိုခဲ့ပြီးနောက် အမှုအား ရက်ပိုင်းအတွင်းပင် ပြင်ဦးလွင်ခရိုင်တရားရုံးက ပြန်လည်ချိန်းဆိုခဲ့ပြီး ယနေ့မတ် ၁၅ ရက်တွင် အမှုအား စတင်စစ်ဆေးနိုင်ရန် ဆောင်ရွက်မည်ဖြစ်ကြောင်း ပြင်ဦးလွင်ခရိုင်တရားရုံးမှ စုံစမ်းသိရသည်။

“တရားခံကိုစွဲဆိုထားတဲ့ ပုဒ်မတွေက ရာဇသတ်ကြီးဥပဒေ ပုဒ်မ ၃၇၆၊ ၃၀၂ တို့နဲ့ တရားစွဲဆိုထားပါတယ်။ သူ့ကိုစွဲဆိုထားတဲ့ပုဒ်မတွေက သေဒဏ်ထိုက်စေတဲ့ ဥပဒေပုဒ်မတွေနဲ့ စွဲဆိုထားတာပါ။ တရားခံဘက်က ရှေ့နေမငှားရမ်းနိုင်တဲ့အတွက် တရားရုံးကနေပဲ နိုင်ငံတော်စရိတ်နဲ့ ရှေ့နေငှားရမ်းပေးနိုင်ဖို့ အတွက် ရှေ့နေချုပ်ရုံးကို တင်ပြထားပါတယ်။ အမှုအတွက် တရားလိုပြသက်သေ တင်ပြထားတာက စုစုပေါင်း ၂၄ ဦးပါ။ မတ် ၁၅ ရက်ရုံးချိန်းမှာ ရှေ့နေပါဝါတင်ပြပြီးရင် အမှုကို စတင်စစ်ဆေးသွားမှာဖြစ်ပါတယ်။ အမှုကိုလည်း ဥပဒေနဲ့အညီ မှန်မှန်နဲ့အမြန်ဆုံး စီရင်ဆောင်ရွက်သွားမှာပါ” ဟု ပြင်ဦးလွင်ခရိုင်တရားရုံးမှ ဒုတိယခရိုင်တရားသူကြီး (၁) ဒေါ်ဌေးဌေးမော်က မတ် ၁၂ ရက်ရုံးချိန်းက ပြောကြားသည်။

ဖြစ်စဉ်မှာ ဖေဖော်ဝါရီ ၁၃ ရက်က မတ္တရာမြို့နယ် ဥဒိန်ကျေးရွာအုပ်စု မြွေကူးတိုးဆိပ်ကျေးရွာနေ နှစ်နှစ်ကျော်အရွယ် မိန်းကလေးငယ်အား ၀န်စုကျေးရွာနေ ဖြိုးထက်အောင် (၂၅ နှစ်) က ကလေးငယ်အားပွေ့ချီ၍ ကျေးရွာအနီးရှိ ငှက်ပျောတောထဲတွင် အဓမ္မပြုကျင့်၍ သတ်ဖြတ်မှုဖြစ်ပွားခဲ့ခြင်းဖြစ်သည်။

လွိုင်ကော်မြို့ ဒေါဥခူရပ်ကွက်ရှိ အကျဉ်းထောင်တိုးချဲ့ဆောင် ဆောက်လုပ်ရေးလုပ်ငန်းခွင်တွင် လာရောက်လုပ်ကိုင်သော အလုပ်သမားတစ်ဦးက နှစ်နှစ်အရွယ်မိန်းကလေးအား အဓမ္မပြုကျင့်မှု ဖြစ်ပွား

လွိုင်ကော်မြို့ ဒေါဥခူရပ်ကွက်ရှိ အကျဉ်းထောင်တိုးချဲ့ဆောင် ဆောက်လုပ်ရေးလုပ်ငန်းခွင်တွင် လာရောက်လုပ်ကိုင်သော အလုပ်သမားတစ်ဦးက အခန်းနီးချင်း နှစ်နှစ်ရွယ် မိန်းကလေးငယ်အား အဓမ္မပြုကျင့်မှုဖြစ်ပွားသောကြောင့် အရေးယူဆောင်ရွက်နေကြောင်း ကလေး၏ မိဘများထံမှ သိရသည် ။

ဇန်န၀ါရီ ၁၁ ရက် ညနေ ၃ နာရီခန့်တွင် နေအိမ်တန်းလျားရှေ့တွင် မိခင်ဖြစ်သူ ထမင်းချက်ပြုတ်နေစဉ် မိခင်၏ ဘေးနားတွင် ရပ်နေသော ကလေးငယ်အား ကျူးလွန်သူ မြင့်ခိုင် အသက် ၂၄ နှစ်အရွယ်က ကလေးကိုချီပိုး၍ နှစ်ခန်းကျော်ရှိ ၎င်း၏အခန်းသို့ခေါ်သွားကြောင်း၊ မိခင်ဖြစ်သူမှာ ဈေးဝယ်သွားရာမှအပြန် မြင့်ခိုင်၏ အခန်းမှ ကလေးငိုသံကြားသဖြင့် သွားရောက်ရာမှ ကလေးငယ်၏ ၀တ်ဆင်ထားသော ဘောင်းဘီတွင် သွေးနှင့်မစင်များကို တွေ့ရှိရကြောင်း သိရသည် ။

“ထမင်းအိုးတည်နေတာ အဲ့ကောင်က ဒီနားလေးမှာ လာနေတာ။ လာတဲ့ခါကျတော့ သမီးလာတဲ့ ယောက်ျားလေးလား ကောင်မလေးလားတဲ့။ သမီးလေးလို့။ ဟုတ်လားတဲ့။ ဟုတ်တယ်ဆိုတော့ ပြောပြီးတော့ ။ အဲ့ကောင်လေးကလည်း သမီးတို့ ရွာထဲချင်းပဲ။ သမီးတဲ့ ဘဘဆီလိုက်မလားတဲ့ ။ ကလေးကလည်းလိုက်ချင်လို့ စိတ်ယိုင်သွားလိုက်တာပေါ့ လိုက်ချင်တော့။ သမီးကလည်း ထမင်းအိုးလေးငှဲ့ပြီးလို့ နှပ်ထားလိုက်တာ။ သူက ခေါ်ချသွားလိုက်တာ။ မုန့်ဆိုင်ဘက်ကနေ ပတ်ခေါ်သွားတာ။ မုန့်ဝယ်ပြီးတော့ ဟိုးဘက်ကနေ ပတ်သွားတာ မသိလိုက်ဘူး ။ ကလေးက မတရားလေး အော်ချတော့ ကလေးဘာဖြစ်တယ်မသိဘူးပေါ့ ။ ထမင်အိုးချထားပြီး ပြေးကြည့်လိုက်တော့။ နှစ်ခါလောက်အော်တာ။ သမီးဘာဖြစ်တာတုန်းဆိုတော့ အဲ့ကောင်လေးကို လက်ညှိုးထိုးပြတာ။ သူက လုပ်တာတဲ့” ဟု မိခင်ဖြစ်သူက ပြောကြားသည် ။

အကျဉ်းဦးစီးဌာန တိုးချဲ့ဆောင်ဆောက်လုပ်ရေး လုပ်ငန်းခွင်တွင် မလှိုင်မြို့နယ်ရှိ ကျေးရွာများမှ အလုပ်သမားများခေါ်ယူ၍ လာရောက်လုပ်ကိုင်နေပြီး ပြစ်မှုကျူးလွန်သူနှင့် ကလေးငယ်မိဘတို့မှာ ရွာနီးချင်းများ ဖြစ်သော်လည်း အသိမိတ်ဆွေများ မဟုတ်ကြောင်း။ ကျူးလွန်သူမှာ အရက်သေစာ သောက်စားမူးယစ်ပြီး ကာမဆန္ဒစိတ်ကြောင့် ဖြစ်ပွားရခြင်းဖြစ်ကြောင်း ထွက်ဆိုထားသည်ဟုလည်း သိရသည် ။

အမှုကို လွိုင်ကော်မြို့မရဲစခန်းမှူး ဒုရဲမှူးဝင်းဌေးက စစ်ဆေးပြီး တရားခံအား ဖမ်းဆီးအရေးယူ ဆောင်ရွက်လျက်ရှိကြောင်းနှင့် ကလေးငယ်မှာ ဇန်န၀ါရီ ၁၂ ရက် ညနေပိုင်းတွင် လွိုင်ကော်ဆေးရုံမှ ဆေးစစ်ကုသမှုခံယူပြီး နေအိမ်တန်းလျားတွင် မိဘများနှင့်အတူ ပြန်လည်နေထိုင်လျက်ရှိကြောင်း သိရသည် ။

မော်ချီးသတ္တုတွင်းဒေသတွင် အလယ်တန်းပြဆရာမ တစ်ဦးအား ဆောက်လုပ်ရေးလုပ်သား တစ်ဦးက ဓားဖြင့်ခြိမ်းခြောက်ပြီး အတင်းအဓမ္မ ကြံစည်မှု ဖားဆောင်းမြို့နယ် တရားရုံးက အလုပ်နှင့် ထောင်ဒဏ် ၁၃ နှစ် ချမှတ်

ကယားပြည်နယ် မော်ချီးသတ္တုတွင်း ဒေသတွင် ပထမဆုံးအကြိမ်ဖြစ်သော အလယ်တန်းပြ ကျောင်းဆရာမ တစ်ဦးအား ဆောက်လုပ်ရေးလုပ်သား တစ်ဦးက ဓားဖြင့် ခြိမ်းခြောက်ကာ အတင်းအဓမ္မကြံစည်မှု ဖြစ်ပွားသည့် အမှုအား ဖားဆောင်းမြို့နယ် တရားရုံးက ဒီဇင်ဘာ ၂၆ ရက်တွင် အလုပ်နှင့် ထောင်ဒဏ် ၁၃ နှစ် ချမှတ်လိုက်ကြောင်း သတင်းရရှိသည်။

ဖားဆောင်းမြို့နယ် တရားရုံးတွင် တစ်လနှင့် ၁၀ ရက်သာ အမှုရင်ဆိုင်ရပြီး မော်ချီး ၁၃ ကုန်းရှိ ဒေါကလူ အမျိုးသမီး အဖွဲ့နှင့် လွိုင်ကော်ရှိ Women for Women အဖွဲ့များမှ တရားရင်ဆိုင်စဉ် အစအဆုံး ၀ိုင်းဝန်ကူညီ ပေးကြကြောင်း သိရသည်။

“ကျွန်မတို့အဖွဲ့တွေ အမှုနဲ့ပတ်သက်ပြီး အစအဆုံး ကူညီပေးတယ်။ အစအဆုံး ထိထိရောက်ရောက် လိုက်ကူညီတဲ့အပြင် တရားသူကြီး အပါအ၀င် ဥပဒေအရာရှိတွေက မှန်မှန်ကန်ကန် ဆုံးဖြတ်လို့ အမှုဟာ တရားမျှတမှုရှိရှိ အမိန့်ချနိုင်ခဲ့တာ တွေ့ရပါတယ်” ဟု ဒေါကလူ အမျိုးသမီး အဖွဲ့ခေါင်းဆောင် နော်မာဂရက်စိန်က ပြောကြားသည်။

အလက (ခွဲ) အနာဂတ် အလင်းတန်း ကျေးရွာတွင် တာဝန်ထမ်းဆောင်နေသော အလယ်တန်းပြ ဆရာမမှာ နိုဝင်ဘာ ၉ ရက် ည ၉ နာရီခွဲခန့်တွင် အနာဂတ် အလင်းတန်းရွာ ၀န်ထမ်းအိမ်ရာတွင် အိပ်ပျော်နေစဉ် မော်ချီးမီးသတ်စခန်း တည်ဆောက်ရေး လုပ်ငန်းခွင်တွင် လာရောက် အလုပ်လုပ်နေသော လုပ်သားတစ်ဦးဖြစ်သည့် ကိုဝေလင်းထွန်း အသက် (၂၉ နှစ်) က အိပ်ပျော်နေသော ဆရာမ၏ ခြင်ထောင်တွင်းသို့ ၀င်ရောက်ကာ လည်ပင်အား ဓားဖြင့်ထောက်၍ အဓမ္မကြံစည်ရန် ကြိုးစားစဉ် အခန်းနီးချင်းများ နိုးလာ၍ ထွက်ပြေးသွားသော်လည်း ဆယ်အိမ်မှူးနှင့် ရွာသားများ ၀ိုင်းဝန်းဖမ်းဆီးကြသဖြင့် ဖမ်းမိကြောင်း သိရသည်။

တရားခံမှာ အောက်ပိုင်း ၀တ်လစ်စလစ်ဖြင့်  ခြင်ထောင်တွင်းသို့ ၀င်လာကာ အိပ်ပျော်နေသည့် ဆရာမအား ပါးစပ်ပိတ်ကာ နောက်ကျောအား အရိုးအသွား ခြောက်လက်မရှိသော ဓားဖြင့်ထောက်ကာ ခြိမ်းခြောက်သည့်အပြင် ခဲတံချွန်သည့် ဓားသေးတစ်ခုပါ အတူယူဆောင်လာကြောင်း စစ်ဆေးတွေ့ရှိရသည်ဟု သိရသည်။

မော်ချီးသတ္တုတွင်း ဒေသသည် ဦးပိုင်ကုမ္ပဏီနှင့် ပြည်နယ်တွင်းရှိ တိုင်းရင်းသား လက်နက်ကိုင် အဖွဲ့အစည်းများပိုင် သတ္တုကျင်းများရှိရာ ဒေသဖြစ်ပြီး ၂၀၁၃ ခုနှစ်အထိ မူးယစ်ဆေးဝါးနှင့် အခြားမှုခင်းများ နည်းပါးသော မှော်တစ်ခု ဖြစ်ခဲ့ကြောင်း၊ ယခုအခါ ပြည်မမှ လာရောက်အခြေချ အလုပ်လုပ်သူများ တဖြည်းဖြည်း များပြားလာနေသည့်အပြင် မူးယစ်ဆေးဝါးများလည်း ဖမ်းဆီးမိနေကြောင်း လူမှုရေးအဖွဲ့နှင့် လူငယ်အချို့ထံမှ သိရသည်။

 

ကန့်ဘလူမြို့နယ်တွင် ဆယ်ကျော်သက် မိန်းကလေးတစ်ဦးအား အမျိုးသားနှစ်ဦးက အဓမ္မပြုကျင့်မှုဖြစ်ပွား

စစ်ကိုင်းတိုင်းဒေသကြီး ရွှေဘိုခရိုင် ကန့်ဘလူမြို့နယ်တွင် ဒီဇင်ဘာ ၁၉ ရက်က ဆယ်ကျော်သက် မိန်းကလေးတစ်ဦးအား အမျိုးသားနှစ်ဦးက ၀ိုင်းဝန်းအဓမ္မပြုကျင့်မှု ဖြစ်ပွားခဲ့ကြောင်း စစ်ကိုင်းတိုင်းဒေသကြီး ရဲတပ်ဖွဲ့ရုံး၏ မှတ်တမ်းများအရ သိရသည်။

မ – – – (၁၇ နှစ်) ကန့်ဘလူမြို့နယ် ချပ်သင်းကျေးရွာနေအား ဇီးကုန်းကျေးရွာမှ လူငယ်များက လက်ဆွဲ၍ ခေါ်ဆောင်သွားခဲ့ကြောင်း မိခင်ဖြစ်သူက ဖခင်ဖြစ်သူအား လာရောက်ပြောပြခဲ့ကြောင်း ဖခင်ဖြစ်သူက ၎င်း၏ အိမ်နီးချင်းများအား ခေါ်ဆောင်ကာ ချပ်သင်းရဲစခန်းသို့ သွားရောက် အကြောင်းကြားခဲ့ကြောင်း ရဲမှတ်တမ်းများအရ သိရသည်။

ချပ်သင်းကျေးရွာ မြောက်ဘက် ချပ်သင်း ကျွန်းလှကောလင်း သွားလမ်းအရောက် လမ်းဘေးချုံပုတ်များအတွင်းမှ လမ်းမပေါ်သို့ ငို၍ ပြေးတက်လာသော မ – – – အား ပြန်လည်တွေ့ရှိခဲ့ကြောင်း ဆက်လက်သိရသည်။

အဆိုပါ မိန်းကလေးသည် ၎င်းကျေးရွာရှိ ဈေးဆိုင်မှပြန်အလာ လမ်းတစ်ခုတွင် ဇီးကုန်းကျေးရွာနေ ဖြိုးဝေအောင် (ခ) မိုးသီးနှင့် စိုးပိုင်တို့သည် သူမ၏ နောက်မှပါလာခဲ့ပြီး သူမအား ပါးစပ်ပိတ်ကာ ဆိုင်ကယ်ပေါ်သို့ တင်ပြေးခေါ်ဆောင်သွားခဲ့ကြောင်း၊ ချပ်သင်းကျေးရွာ၏ မြောက်ဘက်ချုံပုတ်အတွင်းဆွဲခေါ်ကာ ဖြိုးဝေအောင် (ခ) မိုးသီး (၁၉ နှစ်) ကန့်ဘလူမြို့နယ် ဇီးကုန်းကျေးရွာနေသူသည် သူမအား တွန်းလှဲကာ ငါးမိနစ်ခန့် သားမယား ပြုကျင့်ခဲ့ကြောင်း သိရသည်။

ထို့နောက် စိုးပိုင်(၃၂ နှစ်) ကန့်ဘလူမြို့နယ် ဇီးကုန်းကျေးရွာနေသူက သူမအား “နင့်ကို သတ်ပစ်လို့ရတယ်” ဟု ခြိမ်းခြောက်ပြောဆိုကာ သားမယားအဖြစ် ထပ်မံပြုကျင့်ခဲ့ကြောင်း၊ သက်ဆိုင်ရာရဲတပ်ဖွဲ့မှ ဖြိုးဝေအောင် (ခ) မိုးသီးနှင့် စိုးပိုင်တို့နှစ်ဦးအား အခင်းဖြစ်နေရာတွင် ဖမ်းဆီးရမိခဲ့ကြောင်း သိရသည်။

အဆိုပါဖြစ်စဉ်နှင့် ပတ်သက်၍ ဖခင်ဖြစ်သူ၏ တရားလိုပြုလုပ် တိုင်တန်းမှုကြောင့် ကန့်ဘလူမြို့မရဲစခန်းမှအမှုကြီး အမှတ်စဉ် ၁၂/၂၀ ၁၇၊ (ပ) ၂၂၇/ ၂၀၁၇၊ ရာဇသတ်ကြီးပုဒ်မ ၃၇၆ အရ အမှုဖွင့် အရေးယူထားကြောင်း သိရသည်။