ပခုက္ကူမြို့စက်မှုဇုန်ရှိ Myanmar Fu Fung အထည်ချုပ်စက်ရုံမှ တရုတ်နိုင်ငံသားများ လုပ်ခလစာမရှင်းဘဲ ထွက်ပြေးတိမ်းရှောင်ရာ စက်ရုံလုပ်သား ၃၀၀ ကျော် လစာမရရှိသဖြင့် သက်ဆိုင်ရာမှ စက်ရုံအား ချိပ်ပိတ်

လုပ်ခလစာမရရှိသဖြင့် စက်ရုံလုပ်သားများ စက်ရုံရှေ့၌ သြဂုတ် ၆ ရက် ညပိုင်းက တောင်းဆိုနေသည်ကို တွေ့ရစဉ် (ဓာတ်ပုံ-သက်ထိန်ဝင်း)

ပခုက္ကူမြို့စက်မှုဇုန်ရှိ Myanmar Fu Fung အထည်ချုပ်စက်ရုံမှ တရုတ်နိုင်ငံသားများ လုပ်ခလစာမရှင်းဘဲ ထွက်ပြေးတိမ်းရှောင်ရာ စက်ရုံလုပ်သား ၃၀၀ ကျော် လုပ်ခလစာ မရရှိသဖြင့် သက်ဆိုင်ရာမှ စက်ရုံအား ချိပ်ပိတ်ခဲ့ကြောင်း သိရသည်။

အဆိုပါ အထည်ချုပ်စက်ရုံမှ လုပ်သားများမှာ လစဉ်လဆန်း ၅ ရက်နေ့တိုင်း လစာရရှိသော်လည်း ပြီးခဲ့သည့် ဇူလိုင်လအတွက် လုပ်ခလစာမှာ သြဂုတ် ၆ ရက် ရောက်သည်ထိ မရရှိတော့ကြောင်း သိရသည်။

လစာ အချိန်မှန်ရရှိရေး တောင်းဆိုရာမှ စက်ရုံတာဝန်ခံ တရုတ်နိုင်ငံသားများ မရှိတော့ကြောင်းနှင့် လစာရရှိရေးအတွက် တာဝန်ယူဖြေရှင်းပေးမည့်သူမရှိသည့် အခြေအနေ ကြုံတွေ့ရခြင်းဖြစ်ကြောင်း စက်ရုံလုပ်သားများက ပြောကြားသည်။

“အလုပ်က ဆင်းနေရပြီး လုပ်ခလစာ မပေးတာပါ။ နောက်ထပ်အလုပ်ရှာဖို့ရာလည်း အခက်အခဲတွေ ရှိပါတယ်။ လစာမရတဲ့အတွက် စားဝတ်နေရေး အခက်အခဲတွေလည်း ရှိပါတယ်။ လုပ်ခဲ့တဲ့ လုပ်အားလည်း မရသေးပါဘူး။ နစ်နာကြေးဆိုတာကတော့ ပိုဝေးပါတယ်။ အခက်အခဲတွေ အများကြီး ရှိပါတယ်။ ခုလောလောဆယ်ထိ တာဝန်ခံမယ့်သူ မရှိပါဘူး။ ပါးစပ်အာမခံချက်နဲ့ကြားထဲ ဖြေရှင်းပေးသူပဲ ရှိပါတယ်” ဟု စက်ရုံလုပ်သား မစန္ဒာအောင်က ပြောကြားသည်။

Myanmar Fu Fung အထည်ချုပ် စက်ရုံမှ စက်ရုံလုပ်သားများမှာ ၎င်းတို့ လုပ်ခလစာ ရရှိရေးအတွက် ညနေ ၄ နာရီခွဲခန့်မှစ၍ ည ၉နာရီခန့်အထိ တောင်းဆိုခဲ့ပြီး အစိုးရ တာဝန်ရှိသူများမှ လာရောက်ညှိနှိုင်းမှုများ ပြုလုပ်ခဲ့ကြောင်း သိရသည်။

“ကျွန်မတို့က ဒီလစာနဲ့ရပ်တည်ရသူတွေ ဖြစ်တဲ့အတွက် အတော့်ကို ခက်ခဲပါတယ်။ ရွာမှာစားစရာကို လစာမရခင် အကြွေးယူတယ်။ လစာရရင် အကြွေးပြန်ဆပ်မယ်။ အဲဒီလို ရပ်တည်သူတွေပါ။ အခု လစာမရတော့ ပေးစရာ မပေးနိုင်ဖြစ်ပြီး အခက်အခဲတွေ ကြုံရပါတယ်။ ခုထိလည်း ဘာမှရေရာမှု မရှိပါဘူး။ ရုံးလာပြီး ဒီတိုင်းထိုင်နေရတယ်။ အလုပ်နဲ့ ပတ်သက်လို့ ပွင့်ပွင့်လင်းလင်း မပြောဘူး။ ကျွန်မတို့ကတော့ ကိုယ့်လုပ်အားခကို လိုချင်ပါတယ်” ဟု မတင်မိုးသူက ပြောကြားသည်။

ည ၉ နာရီခန့်တွင် မြို့နယ်အဆင့် အုပ်ချုပ်ရေး တာဝန်ရှိသူများ၊ အလုပ်သမားရုံး တာဝန်ရှိသူများနှင့် စက်ရုံလုပ်သားများ တွေ့ဆုံဆွေးနွေးခဲ့ပြီး စက်ရုံဘက်မှလာရောက် ဖြေရှင်းမှုမရှိသည့်အတွက် သက်ဆိုင်ရာမှ စက်ရုံအား ချိပ်ပိတ်ခဲ့ကြောင်း သိရသည်။

ပခုက္ကူမြို့နယ် အုပ်ချုပ်ရေးမှူးဦးမြင့်ဆောင်မှ စက်ရုံဘက်မှ တာဝန်ခံဖြေရှင်းမည့်သူ မရှိသည့်အတွက် စက်ရုံအား ချိပ်ပိတ်မည်ဖြစ်ကြောင်း၊ စက်ရုံပိုင်ပစ္စည်းများအား အစိုးရမှ ထိန်းချုပ်ပြီး လုပ်သားများနစ်နာမှု မရှိစေရေး ဥပဒေနှင့်အညီ ဆောင်ရွက်ပေးမည်ဖြစ်ကြောင်း ပြောကြားသည်။

ပခုက္ကူမြို့စက်မှုဇုန်ရှိ Myanmar Fu Fung အထည်ချုပ်စက်ရုံအား ချိပ်ပိတ်ခြင်းနှင့် ပတ်သက်၍ လုပ်သားများနစ်နာမှု မရှိစေရေးအတွက် သြဂုတ် ၆ ရက် ညပိုင်းမှာပင် စက်ရုံပိုင်အထည်ချုပ်စက်ပစ္စည်းများအား လုပ်သားများနှင့် တာဝန်ရှိသူများ စစ်ဆေးရေတွက် စာရင်းပြုစုနေကြောင် သိရသည်။

ထို့ပြင်အဆိုပါ စက်ရုံမှ လုပ်သား ၂၄၀ ကျော်မှာ သြဂုတ် ၃ ရက်နှင့် ၄ ရက်တို့တွင် အလုပ်ရှင်ဘက်မှ ကြိုတင်အသိပေးခြင်းမရှိဘဲ အလုပ်မှ ထုတ်ပယ်ခံခဲ့ရသည်။

ကုန်ထုတ်လုပ်မှု အထွက်နည်းခြင်း၊ အချိန်မီ Export မလုပ်နိုင်ခြင်း၊ စက်ရုံငှားရမ်းခ ကြီးမြင့်ခြင်းနှင့် အနိမ့်ဆုံးလုပ်ခလစာ တိုးမြင့်လာခြင်းတို့ကြောင့်ဟုဆိုကာ လှိုင်သာယာမြို့နယ်ရှိ Seduno (Myanmar) အထည်ချုပ်စက်ရုံ ရုတ်တရက် ပိတ်သိမ်း

ပိတ်သိမ်းခဲ့သည့်ဟုဆိုသော စက်ရုံအား တွေ့ရစဉ် (ဓာတ်ပုံ- ကြည်နိုင်)

ကုန်ထုတ်လုပ်မှု အထွက်နည်းခြင်း၊ အချိန်မီ Export မလုပ်နိုင်ခြင်း၊ စက်ရုံငှားရမ်းခ ကြီးမြင့်ခြင်းနှင့် အနည်းဆုံးလုပ်ခလစာ တိုးမြင့်လာခြင်းတို့ကြောင့်ဟုဆိုကာ လှိုင်ယာယာမြို့နယ်ရှိ Seduno (Myanmar) အထည်ချုပ်စက်ရုံ ရုတ်တရက် ပိတ်သိမ်းခဲ့သဖြင့် အလုပ်သမား ၄၀၀ ကျော် အခက်အခဲ ဖြစ်ပေါ်ခဲ့ကြောင်း အဆိုပါစက်ရုံတွင် အလုပ်လုပ်ကိုင်ခဲ့သည့် အလုပ်သမားများထံမှ သိရသည်။

အဆိုပါ စက်ရုံမှာ ကုန်ထုတ်လုပ်မှု အထွက်နည်းခြင်း၊ အချိန်မီ Export မလုပ်နိုင်ခြင်း၊ စက်ရုံငှားရမ်းခ ကြီးမြင့်ခြင်းနှင့် အနည်းဆုံး လုပ်ခလစာ တိုးမြင့်ခြင်းတို့ကြောင့်ဟုဆိုကာ စက်ရုံအနေဖြင့် ရပ်တည်နိုင်ရန် ခက်ခဲလာသည့်အတွက် ပိတ်သိမ်းခဲ့ကြောင်း၊ ၀န်ထမ်းများအား လုပ်ခလစာနှင့် ဥပဒေပါ နစ်နာကြေးများကို ဇွန် ၃၀ ရက်တွင် ထုတ်ပေးသည်ဟု အသိပေး ကြေညာစာထုတ်ခဲ့သော်လည်း နစ်နာကြေးထုတ်ယူသူများရှိသလို မထုတ်သူများလည်း ရှိခဲ့ကြောင်း သိရသည်။

“သူတို့က တစ်လကြိုမပြောဘူး။ သူတို့က ၂၉ ရက်က မီးဘေးအန္တရာယ်နဲ့ ပတ်သက်ပြီး အစည်းအဝေး လုပ်ချင်တယ်ပြောပြီး အလုပ်သမားတွေကို အပြင်ခေါ်ထုတ်တယ်။ ခေါ်ထုတ်ပြီးတော့ စက်ရုံကိုပိတ်လိုက်တယ်။ စက်ရုံကိုပိတ်ပြီးတော့ ပိတ်သိမ်းကြောင်း ကြေညာတာပေါ့။ ရုတ်တရက် ပိတ်သိမ်းတာပေါ့။ နစ်နာကြေးကိုတော့ ၃၀ ရက် ၁၀ နာရီလောက်မှာ ပေးတယ်။ ဘယ်လိုပေးလဲဆိုတဲ့ အပိုင်းတွေမှာ သူတို့ကတော့ အလုပ်ထုတ် နစ်နာကြေးကိုပဲ ဥပဒေအတိုင်း ပေးမယ်ဆိုပြီး ကြေငြာတာပေါ့။ ကျွန်မတို့က မထုတ်သေးတာဖြစ်တဲ့အတွက် မသိသေးဘူး” ဟု အဆိုပါ စက်ရုံမှ အလုပ်သမားသမဂ္ဂဥက္ကဋ္ဌ မခင်ပပခိုင်က ပြောကြားသည်။

ထို့ပြင် အဆိုပါ စက်ရုံမှ အလုပ်သမားများကို အလုပ်ခန့်ထားရာတွင် အလုပ်ရှင် အလုပ်သမား အလုပ်ခန့်ထားမှုဆိုင်ရာ သဘောတူစာချုပ် (EC) ချုပ်ဆို၍ ခန့်ထားခြင်းဖြစ်သော်လည်း အလုပ်ရပ်ဆိုင်းရာတွင် ဥပဒေအတိုင်း တစ်လကြိုတင် အကြောင်းကြားခြင်း မရှိသောကြောင့် လက်ရှိအချိန်တွင် အလုပ်သမားများ အနေဖြင့် အလုပ်သစ်ရရှိရန် အခက်အခဲများရှိနေပြီး နယ်သို့ ပြန်သူများလည်း ရှိကြောင်း ၎င်းက ဆက်လက်ပြောကြားသည်။

“ကျွန်မတို့က ဒီမှာ မြန်မာနိုင်ငံရဲ့ ဥပဒေကို လေးစားမှုမရှိဘူးဆိုပြီး ၀န်ကြီးဌာနကို တရားစွဲပေးဖို့တိုင်မှာ။ နစ်နာတဲ့ အလုပ်သမားတွေ အားလုံးအတွက် EC စာချုပ်ပါအတိုင်း သွားမှာပါ။ EC စာချုပ်မှာ စာချုပ်ချုပ်တဲ့အတိုင်း ချိုးဖောက်တဲ့ လုပ်ငန်းရှင်ကို အရေးယူသွားမှာပါ။ အလုပ်သမားပေါင်း ၄၀၀ ကျော် အကုန်လုံးက EC စာချုပ်ချုပ်ဆိုထားပါတယ်” ဟု မခင်ပပခိုင်က ပြောကြားသည်။

Seduno (Myanmar) အထည်စက်ရုံသည် လှိုင်သာယာမြို့နယ်၊ အပြင်ပဒံ၊ အနော်ရထာလမ်းတွင် ၂၀၁၅ ၁၁ လပိုင်းမှ စတင်လည်ပတ်ခဲ့ပြီး နှစ်နှစ်ကျော်လောက်ကြာခဲ့ပြီး ယခုနှစ် ဇူလိုင် ၁ ရက်တွင် အပြီးပိတ်သိမ်းခဲ့ကာ ၎င်းစက်ရုံမှာ တရုတ်နိုင်ငံသား စက်ရုံဖြစ်ကြောင်း သိရသည်။ စက်ရုံပိတ်သိမ်းရခြင်းနှင့် ပတ်သက်၍ Seduno (Myanmar) အထည်စက်ရုံမှ တာဝန်ရှိသူအား ဖုန်းဖြင့်ဆက်သွယ် မေးမြန်းခဲ့သော်လည်း အဆက်အသွယ် မရှိခဲ့ပေ။

အနည်းဆုံးလုပ်အားခ ကျပ် ၄၈၀၀ ရရှိရေးအပါအ၀င် အချက် ၁၀ ချက်ရရှိရန် လှိုင်သာယာ စက်မှုဇုန် (၁) ရှိ Unitedtex Oversea အထည်ချုပ်စက်ရုံ အလုပ်သမား ၆၀၀ ကျော် ဆန္ဒပြ

ဆန္ဒထုတ်ဖော်နေသည့် အလုပ်သမားများကို မေ ၉ ရက်က အဆိုပါစက်ရုံရှေ့တွင် တွေ့ရစဉ် (ဓာတ်ပုံ-ရှိုင်းလင်းအောင်)

အနည်းဆုံး လုပ်အားခတစ်ရက် ၄၈၀၀ ကျပ် ရရှိရေးအပါအ၀င် အချက်၁၀ ချက်ရရှိရန် အလုပ်သမား ၆၀၀ကျော်သည် လှိုင်သာယာစက်မှုဇုန်(၁) ပန်းလှိုင်ဂေါက်ကွင်းအနီး ပန်းပဲခေါင်းမောင်ခက်လမ်းရှိ Unitedtex Oversea အထည်ချုပ်စက်ရုံရှိ အလုပ်သမား ၆၀၀ ကျော် ဆန္ဒပြတောင်းဆိုလျက်ရှိကြောင်း မေ ၉ ရက်က စုံစမ်းသိရသည်။

ဧပြီလတွင် စက်ရုံတာဝန်ရှိသူများက အလုပ်သမားများအား တစ်ရက်ကျပ် ၄၈၀၀ ပေးမည်ဟုဆိုကာ ပြောဆိုခဲ့သော်လည်း လစာထုတ်ရာတွင်မရရှိသဖြင့် မေ ၇ ရက်မှစတင်ကာ ဆန္ဒထုတ်ဖော်ရခြင်းဖြစ်ကြောင်း ဆန္ဒပြအလုပ်သမားများ၏ ပြောကြားချက်များအရ သိရသည်။

“၄၈၀၀ ကို လေးလပိုင်းတုန်းက ပေးမယ်ဆိုပြီး ပြောတယ်။ လေးလပိုင်း လစာထုတ်တော့မရဘူး။ အခု ငါးလပိုင်းမှာလည်းဘာမှ မပြောတဲ့အတွက် ကျွန်တော်တို့က ၄၈၀၀ လိုချင်တဲ့အတွက် ဆန္ဒပြတာ ဖြစ်ပါတယ်။ စက်ရုံတာဝန်ရှိသူတွေကို သွားမေးတော့လည်း အစိုးရက ထုတ်ပြန်ပေးတာမရှိသေးရင် မပေးနိုင်သေးဘူးလို့ ပြောတယ်။ အဲဒါကြောင့် တစ်ရက် ၄၈၀၀ ရရှိဖို့နဲ့ အချက် ၁၀ ချက်ရရှိလိုတဲ့အတွက် ကျွန်တော်တို့က ဆန္ဒပြကြတာပါ” ဟု Unitedtex Oversea အထည်ချုပ်စက်ရုံက အလုပ်သမားတစ်ဦးက ပြောကြားသည်။

ဆန္ဒထုတ်ဖော်လျက်ရှိသည့် Unitedtex Oversea အထည်ချုပ်စက်ရုံ အလုပ်သမားများ၏ တောင်းဆိုချက်များမှာ အခြေခံလစာ ကျပ် ၄၈၀၀ အား ငါးလပိုင်းလစာတွင် ခံစားခွင့်ပေးရန်နှင့် အချိန်ပိုကြေးများကို ယင်းလစာပေါ်မူတည်၍ ခံစားခွင့်ပေးရန်၊ ၀န်ထမ်းများကို ကျွမ်းကျင်မှုအလိုက် အေအဆင့် ၃၀၀၀၀၊ ဘီအဆင့် ၂၀၀၀၀၊ စီအဆင့် ၁၀၀၀၀ ခံစားခွင့်ပြုရန်၊ ရက်မှန်ကြေး ၂၀၀၀၀ ခံစားခွင့်ပြုရန်၊  အလုပ်ရှင်က ကုန်ထုတ်လုပ်မှု စံချိန်တောင်းရာတွင် ၀န်ထမ်းဟောင်း၊ ၀န်ထမ်းသစ်ပေါ်မူတည်၍ စံချိန်တောင်းဆိုရန်၊ ဖယ်ရီကြိုပို့ရာတွင် လူဦးရေနှင့်အညီ စီစဉ်ပေးရန်၊ စက်ရုံဘက်က အစည်းအဝေးပြောရာတွင် အလုပ်ချိန်အတွင်းသာပြောရန်၊ ၀န်ထမ်းများကို စူပါများက ကြမ်းတမ်းစွာ ပြောဆိုခြင်းမပြုရန်နှင့် ကိုယ်ထိလက်ရောက် မပြုလုပ်ရန်၊ ရက်မှန်ကြေး မဖြတ်တောက်ရန်၊ ၀န်ထမ်းသစ်ခန့်ရာတွင် အစမ်းခန့်သုံးလအတွင်း အနည်းဆုံးလုပ်ခလစာ၏ ၇၅ ရာခိုင်နှုန်းပေးရန်နှင့် အစမ်းခန့် ကာလကျော်လွန်ပါက လစာအပြည့်ခံစားခွင့်ပြုရန်၊ လက်ရှိစုပေါင်းတောင်းဆိုရာတွင် ပါဝင်သော ၀န်ထမ်းများကို တောင်းဆိုသောရက်များအတွက် လုပ်ခလစာမဖြတ်တောက်ရန်စသည့် အချက် ၁၀ ချက်ကို တောင်းဆိုထားကြောင်း သိရသည်။

တောင်းဆိုချက်၁၁ချက်နှင့် ပတ်သက်၍ စက်ရုံတာဝန်ရှိသူများနှင့် အလုပ်သမားများသည် အကြိမ်ကြိမ်ညှိနှိုင်းခဲ့ရာတွင် ကျွမ်းကျင်မှုအလိုက် အေအဆင့် ၃၀၀၀၀ ကျပ်၊ ဘီအဆင့်၂၀၀၀၀ ကျပ်၊ စီအဆင့် ၁၀၀၀၀ ကျပ်ခံစားခွင့်ပြုရန်ဆိုသည့် အချက်မှလွဲ၍ ကျန်အချက်များကို  စက်ရုံဘက်က လိုက်လျောပေးခဲ့ကြောင်း သိရသည်။

လက်ရှိတွင် စက်ရုံတာဝန်ရှိသူများနှင့် အလုပ်သမားများဆက်လက် ညှိနှိုင်းလျက်ရှိကြောင်းသိရပြီး အဆိုပါစက်ရုံသည် ဂျာကင်များ၊ အမျိုးသမီးဝတ်ဂါဝန်များနှင့် စကတ်များ ချုပ်လုပ်သည့် စက်ရုံဖြစ်ကြောင်း သိရသည်။

၂၀၁၇-၂၀၁၈ ဘဏ္ဍာနှစ်အတွင်း ပြည်ပသို့ CMP လက်ခစားစနစ်ဖြင့် ချုပ်ပြီးအထည်တင်ပို့မှုမှ ဒေါ်လာ ၂ ဒသမ ၅၈ ဘီလျံရရှိခဲ့ပြီး အများဆုံး တင်ပို့နိုင်သည့် ပို့ကုန်များတွင် တစ်ခုအပါအ၀င်ဖြစ်

ရွှေပြည်သာမြို့နယ်ရှိ အထည်ချုပ်စက်ရုံ လုပ်ငန်းခွင်တစ်ခုကို တွေ့ရစဉ် (ဓာတ်ပုံ-ဇေယျာငြိမ်း)

၂၀၁၇-၂၀၁၈ ဘဏ္ဍာနှစ်အတွင်း ပြည်ပသို့ CMP လက်ခစား စနစ်ဖြင့် ချုပ်ပြီးအထည်တင်ပို့မှုမှ ဒေါ်လာ ၂ ဒသမ ၅၈ ဘီလျံအထိ ရရှိခဲ့ပြီး မြန်မာနိုင်ငံ၏ အများဆုံး တင်ပို့နိုင်သည့် ပို့ကုန်များတွင် တစ်ခု အပါအ၀င်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီး ဌာနမှ သိရသည်။

မြန်မာနိုင်ငံမှ အထည်ချုပ် အော်ဒါများ မှာယူမှုတွင် ယခင်က ဂျပန်နိုင်ငံမှ အော်ဒါမှာယူမှု အများဆုံးဖြစ်သော်လည်း နောက်ပိုင်းတွင် အီးယူမှလည်း အော်ဒါမှာယူမှု မြင့်တက်လာကာ ဂျပန်နှင့် အီးယူမှာ အော်ဒါမှာယူမှု အများဆုံးဖြစ်သည်။

“အထည်ချုပ်အော်ဒါနဲ့ ပတ်သက်ရင် အီးယူနဲ့ ဂျပန်က တက်နေတယ်။ အီးယူကို အမှာတက်လာတယ်။ ဂျပန်ကတော့ နဂိုကတည်းက အမှာများတာပါ” ဟု မြန်မာနိုင်ငံ အထည်ချုပ်လုပ်ငန်းရှင်များအသင်းမှ တာဝန်ရှိသူတစ်ဦးက ပြောကြားသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ချက်အရ ၂၀၁၇ ခုနှစ် နိုဝင်ဘာလကုန်ပိုင်းအထိ CMP စနစ်ဖြင့် ချုပ်ပြီးအထည်တင်ပို့မှုတန်ဖိုး အမေရိကန်ဒေါ်လာ ၁၅၈၄ သန်းနှင့် ဒုတိယနေရာတွင် ရှိနေပြီး ယခင်နှစ်ကာလတူထက် အမေရိကန်ဒေါ်လာ ၅၂၅ သန်း ပိုမိုတင်ပို့နိုင်ခဲ့ကြောင်း သိရသည်။

၂၀၁၆ ခုနှစ်ခန့်ကမူ မြန်မာနိုင်ငံ၏ CMP အထည်ချုပ်လုပ်ငန်းများမှ ပြည်ပတင်ပို့မှု အခြေအနေမှာ ဂျပန်နိုင်ငံဈေးကွက်သို့ ၃၃ ရာခိုင်နှုန်း၊ အီးယူဈေးကွက် အထူးသဖြင့် ဂျာမနီနိုင်ငံသို့ ၂၅ ရာခိုင်နှုန်း၊ ကိုရီးယားနိုင်ငံသို့ ၂၅ ရာခိုင်နှုန်း၊ အမေရိကဈေးကွက်သို့ ၂ ဒသမ ၄ ရာခိုင်နှုန်းနှင့် တရုတ်ဈေးကွက်သို့လည်း ၂ ဒသမ ၄ ရာခိုင်နှုန်းခန့် တင်ပို့နေခြင်း ဖြစ်ခဲ့သည်။

ယခုနှစ်အတွင်း ပို့ကုန်အများဆုံး တင်ပို့နိုင်သည့်ပို့ကုန်မှာ သဘာဝဓာတ်ငွေ့ဖြစ်ကြောင်း၊ သို့သော် ပို့ကုန်ကဏ္ဍတွင် သစ်တောထွက်ပစ္စည်း တင်ပို့မှုမှလွဲ၍ ကျန်ပို့ကုန်တင်ပို့မှုမှာ ယခင်နှစ်ကထက် ပိုမိုတင်ပို့နိုင်ခဲ့ကြောင်း သိရသည်။

“အဲဒီမှာ အဓိက လယ်ယာထွက်ကုန်မှာ ပို့ကုန်က မနှစ်ကထက် ပိုများတယ်။ တိရစ္ဆာန်ထွက်ပစ္စည်း မနှစ်ကထက် ပိုများတယ်။ ရေထွက်ပစ္စည်း မနှစ်ကထက် ပိုများတယ်။ သတ္တုတွင်းထွက်ပစ္စည်း မနှစ်ကထက်ပိုများတယ်။ သစ်တောထွက်ပစ္စည်းက မနှစ်ကထက် ၃၅ သန်း လောက် နည်းသွားတယ်။ သစ်တောထွက်ပစ္စည်းကတော့ မူလကတည်းက တမင်ကို လျှော့နေတာပေါ့နော်။ စက်မှုကုန်ချောပစ္စည်း ပိုများလာတယ်။ တခြားပစ္စည်းတွေလည်း ရှိတယ်။ စုစုပေါင်း ၁၄ ဒသမ ၆၇၅ ဆိုတာ ပို့ကုန်ရဲ့သမိုင်းတစ်လျှောက်မှာရော ကုန်သွယ်မှု သမိုင်းတစ်လျှောက်မှာရော အများဆုံးပဲ။ ကုန်သွယ်မှု သမိုင်းတစ်လျှောက်လုံးမှာ ၃၃ ဒသမ ၃၂၃ ဘီလျံရတယ်ပေါ့။ မနှစ်ကထက် လေးဘီလျံလောက် ပိုများတယ်။ မနှစ်ကရတာက ၂၉ ဒသမ ၂၀၉ ဘီလျံ။ အဲဒီတော့ မနှစ်က ရတာကလည်း ပြီးခဲ့တဲ့နှစ်အထိ သမိုင်းတစ်လျှောက်မှာ အများဆုံးပဲ။ ဒီနှစ်မှာ ပို့ကုန်ရော သွင်းကုန်ရောမှာ သမိုင်းတစ်လျှောက် အများဆုံးပါပဲ” ဟု ကုန်သွယ်ရေးဦးစီးဌာန ညွှန်ကြားရေးမှူးချုပ် ဦးရန်နိုင်ထွန်းက ပြောကြားသည်။

မြန်မာနိုင်ငံ၏ အဓိက တင်ပို့နေသည့် လယ်ယာထွက်ကုန်ပစ္စည်းများကို စိုက်ပျိုးထုတ်လုပ်တင်ပို့ရာတွင် ရာသီဥတု၊ သဘာဝဘေးအန္တရာယ်များ ကျရောက်ခြင်း၊ သွင်းအားစု ကုန်ကျစရိတ်မြင့်မားခြင်း၊ သီးနှံမျိုးကောင်းမျိုးသန့် ရရှိရန် လိုအပ်ခြင်း၊ စိုက်ပျိုးထုတ်လုပ်မှု ကုန်ကျစရိတ်များ မြင့်မားခြင်း၊ အရည်အသွေးမြင့် ထုတ်ကုန်များ ထုတ်လုပ်မှု နည်းပါးခြင်း၊ နိုင်ငံတကာဈေးကွက်နှင့် ၀ယ်လိုအားအပေါ် တည်မှီနေရခြင်း၊ ခေတ်မီစိုက်ပျိုးရေး နည်းစနစ် များ၊ ရိတ်သိမ်းမှုစနစ်များ၊ ထုတ်လုပ်မှုစနစ်များ လိုအပ်နေခြင်း စသည့် အချက်များမှာ လက်ရှိလယ်ယာထွက်ကုန် စိုက်ပျိုးထုတ်လုပ်တင်ပို့ ရောင်းချရာတွင် ရင်ဆိုင်နေရသည့် အခက်အခဲများဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

လက်ရှိတွင် အထည်ချုပ်စက်ရုံ ၅၀ နီးပါးက အွန်လိုင်းဖြင့် သွင်းကုန်လိုင်စင်လျှောက်ထားခြင်းကို ဆောင်ရွက်လျက်ရှိပြီး ၂၀၁၈ ခုနှစ် မေလမှစ၍ အထည်ချုပ်စက်ရုံများအားလုံး၌ ဆက်လက်ဆောင်ရွက်မည်

ရန်ကုန်မြို့ရှိ အထည်ချုပ်စက်ရုံတစ်ခုကို တွေ့ရစဉ် (ဓာတ်ပုံ-ဇေယျာငြိမ်း)

လက်ရှိအချိန်တွင် အထည်ချုပ်စက်ရုံ ၅၀ နီးပါးက အွန်လိုင်းဖြင့် သွင်းကုန်လိုင်စင် လျှောက်ထားလျက်ရှိပြီး ၂၀၁၈ ခုနှစ် မေလမှစ၍ အထည်ချုပ်စက်ရုံအားလုံးတွင် ဆက်လက်ဆောင်ရွက်မည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

အထည်ချုပ်စက်ရုံများအနေဖြင့် အွန်လိုင်းအသုံးပြုပြီး မိမိတို့ လျှောက်ထားမည့် သွင်းကုန်လိုင်စင်အတွက် ကုန်ပစ္စည်းအသေးစိတ် အချက်အလက် အပါအ၀င် လျှောက်ထားရာတွင် လိုအပ်သည့် အချက်အလက်များနှင့် MGMA Application ကို ၀င်ရောက်လျှောက်ထားရမည်ဖြစ်ကြောင်း၊ ယင်းကဲ့သို့ လျှောက်ထားမှုအပေါ် MGMA တာဝန်ရှိသူများက လိုအပ်သည့် စစ်ဆေးမှုများပြုလုပ်ပြီး မှန်ကန်ပြည့်စုံသည့် Application များကို အဆိုပါစနစ်တွင် Submit ပြုလုပ်လိုက်သည်နှင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ Myanmar Trade Net Website မှတစ်ဆင့် အွန်လိုင်းစနစ်ထဲသို့ အလိုအလျောက် လိုင်စင် လျှောက်ထားပြီးဖြစ်မည်ဖြစ်ကြောင်း သိရသည်။

အွန်လိုင်းစနစ်ဖြင့် ရောက်ရှိလာသည့် လိုင်စင်အချက်အလက်များကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ၀န်ထမ်းများက စစ်ဆေးပြီး ပြင်ဆင်ရန် လိုအပ်သည့် အချက်အလက်များ ရှိပါက အွန်လိုင်းမှတစ်ဆင့် စက်ရုံကို ပြန်လည်ပေးပို့ကြောင်း၊ မှန်ကန်ပါက သက်ဆိုင်ရာစက်ရုံကို Digital Import Licencing တစ်စောင်ကို အွန်လိုင်းပေါ်မှ ထုတ်ပြန်ပေးမည် ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

လက်ရှိဘဏ္ဍာနှစ် မတ်လဆန်းအထိ ပြည်ပသို့ CMP စနစ်ဖြင့် ချုပ်ပြီးအထည်တင်ပို့မှု တန်ဖိုး ဒေါ်လာ ၂ ဒသမ ၃၃၂ ဘီလျံရရှိထားပြီး ပြည်ပပို့ကုန်တင်ပို့မှု၏ ဒုတိယနေရာတွင် ရပ်တည်လျက်ရှိနေကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ မြန်မာနိုင်ငံ၏ ပို့ကုန်ကဏ္ဍတိုးမြှင့်ရေးလုပ်ငန်းများကို ဆောင်ရွက်ရာတွင် အထည်အလိပ်လုပ်ငန်း (အထည်ချုပ်) ကဏ္ဍကို အဓိက ဦးစားပေးအနေဖြင့် ဆောင်ရွက်လျက်ရှိကြောင်း သိရသည်။

လက်ရှိဘဏ္ဍာနှစ် မတ်လဆန်းအထိ ပြည်ပသို့ CMP စနစ်ဖြင့် ချုပ်ပြီးအထည်တင်ပို့မှုမှ ဒေါ်လာ၂ ဒသမ ၃၃၂ ဘီလျံရရှိထားပြီး ပို့ကုန်တင်ပို့မှု၏ ဒုတိယအများဆုံးနေရာတွင် ရပ်တည်

ရန်ကုန်တိုင်းဒေသကြီးအတွင်းရှိ အထည်ချုပ်စက်ရုံလုပ်ငန်းခွင်တစ်ခုကို တွေ့ရစဉ် (ဓာတ်ပုံ-ဇေယျာငြိမ်း)

လက်ရှိဘဏ္ဍာနှစ် မတ်လဆန်းအထိ ပြည်ပသို့ CMP စနစ်ဖြင့် ချုပ်ပြီးအထည် တင်ပို့မှုတန်ဖိုး ဒေါ်လာ ၂ ဒသမ ၃၃၂ ဘီလျံ ရရှိထားပြီး ပြည်ပပို့ကုန်တင်ပို့မှု၏ ဒုတိယနေရာတွင် ရပ်တည်လျက်ရှိနေကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ မြန်မာနိုင်ငံ၏ ပို့ကုန်ကဏ္ဍ တိုးမြှင့်ရေးလုပ်ငန်များကို ဆောင်ရွက်ရာတွင် အထည်လိပ်လုပ်ငန်း (အထည်ချုပ်) ကဏ္ဍကို အဓိကဦးစားပေးအနေဖြင့် ဆောင်ရွက်နေကြောင်း သိရသည်။

ဖွံ့ဖြိုးမှုနိမ့်ကျသည့် နိုင်ငံများတွင် တစ်ခုအပါအ၀င်ဖြစ်သော မြန်မာနိုင်ငံ၌မူ အဆိုပါ CMP စနစ်ကို ၁၉၉၃ ခုနှစ်ကတည်းက အထည်ချုပ်လုပ်ငန်းများဖြင့်စတင်ကာ လက်ရှိအထိ ဆောင်ရွက်ခဲ့ရာ နှစ်ပေါင်း ၂၀ ကျော် ကြာမြင့်ခဲ့ပြီဖြစ်သော်လည်း FOB စနစ်သို့ ပြောင်းလဲလုပ်ကိုင်နိုင်ခြင်းမရှိသေးကြောင်း သိရသည်။

မြန်မာနိုင်ငံအတွင်းသို့ ကုန်ကြမ်းပိတ် စတင်သွင်းကာ CMP စနစ်ဖြင့် အထည်ချုပ် (ချုပ်ပြီးအထည်) မှာယူတင်သွင်းနေသည့် နိုင်ငံများတွင် ဂျပန်၊ ကိုရီးယားနှင့် အီးယူနိုင်ငံများမှဖြစ်ကြောင်း သိရသည်။

လက်ရှိအချိန်တွင် မြန်မာ့အထည်အလိပ်ကဏ္ဍမှာ အရှိန်အဟုန်ဖြင့် တိုးတက်လာနေကြောင်းနှင့် မြန်မာနိုင်ငံမှ ထုတ်လုပ်သည့် အ၀တ်အထည်များကို ဥရောပနိုင်ငံများနှင့် အာရှနိုင်ငံများမှ သုံးစွဲမှုမြင့်တက်လာကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယ၀န်ကြီး ဦးအောင်ထူးက ပြောကြားထားသည်။

မြန်မာနိုင်ငံအနေဖြင့် ပြည်ပသို့အထည်ချုပ် (ချုပ်ပြီးအထည်) တင်ပို့မှုကို လေ့လာကြည့်ပါက ၂၀၁၀ ပြည့်နှစ်တွင် အထည်ချုပ်တင်ပို့မှုတွင် အမေရိကန်ဒေါ်လာ ၃၃၇ သန်း ရှိခဲ့ရာမှ ၂၀၁၄ ခုနှစ်တွင် သုံးဆအထိ မြင့်တက်လာခဲ့ပြီး ဒေါ်လာတစ်ဘီလျံနီးပါးခန့်အထိ ရောက်ရှိလာခဲ့ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

ထို့ပြင် ၂၀၁၅ ခုနှစ်တွင် ချုပ်ပြီးအထည် တင်ပို့မှုသည် အမေရိကန်ဒေါ်လာ ၁ ဒသမ ၄၆ ဘီလျံအထိရှိလာခဲ့ပြီး မြန်မာနိုင်ငံ၏  စုစုပေါင်းပို့ကုန်တန်ဖိုး၏ ၁၀ ရာခိုင်နှုန်းအထိ ရောက်ရှိလာသည်အထိ အထည်ချုပ်လုပ်ငန်းများ တစ်ရှိန်ထိုးတိုးတက်လာခဲ့ကြောင်း၊ ပို့ကုန်ဈေးကွက်တွင်လည်း အီးယူဈေးကွက်သို့ တင်ပို့မှုမှာ ယခင်နှစ်များထက် ၂၀၁၅ ခုနှစ် တွင် ရာခိုင်နှုန်း ၈၀ အထိ မြင့်တက်ခဲ့သည်။

“မြန်မာနိုင်ငံရဲ့ အထည်ချုပ်လုပ်ငန်း ကဏ္ဍအနေနဲ့ ၀င်ငွေအများဆုံးကဏ္ဍတစ်ရပ်အဖြစ် ကမ္ဘာ့ဈေးကွက်ကို ကောင်းမွန်တဲ့အ ရည်အသွေး တန်ဖိုးမြင့်ထုတ်ကုန်များအနေနဲ့ ထိုးဖောက်ဝင်ရောက်နိုင်ရန် စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနအနေနဲ့ ၁၀ နှစ်နည်းဗျူဟာကို မြန်မာနိုင်ငံအထည်ချုပ် လုပ်ငန်းရှင်များအသင်းနဲ့ ပူးပေါင်းချမှတ် ဆောင်ရွက်လျက်ရှိပါတယ်” ဟု စီးပွားရေးနှင့် ကူသန်းရောင်းဝယ်ရေးဝန်ကြီးဌာန ဒုတိယ၀န်ကြီး ဦးအောင်ထူးက ပြောကြားသည်။