ရော့ကတ်များဖြင့် ပစ်ခတ်ခံရအပြီး အစ္စရေးက ဂါဇာကို တိုက်ခိုက်မှုကြောင့် လူတစ်ဦး သေဆုံး

သြဂုတ် ၈ ရက်တွင် ဂါဇာစီးတီး၌ အစ္စရေး၏ လေကြာင်းတိုက်ခိုက်မှုကြောင့် မီးခိုးလုံးများ ထွက်ပေါ်နေစဉ် (Photo: AFP)

ဂါဇာကမ်းရိုးတန်းနယ်မြေမှ အစ္စရေးပိုင်နက်ထဲသို့ ရော့ကတ်ဒါဇင်များစွာ ပစ်ခတ်မှုခံခဲ့ရအပြီး အစ္စရေးက ဂါဇာကို သြဂုတ် ၈ ရက် နှောင်းပိုင်း၌ လေကြောင်းမှ တိုက်ခိုက်ခဲ့ရာ လူတစ်ဦး သေဆုံးခဲ့ပြီး ထိုအပြန်အလှန် တိုက်ခိုက်မှုများအတွင်း နှစ်ဖက်စလုံးတွင် ဒဏ်ရာရမှုများ ရှိခဲ့သည်။

ဂါဇာကမ်းမြောင်ရှိ အကြမ်းဖက်သမားများ၏ နေရာများအား ပစ်မှတ်ထားခဲ့ကြောင်း အစ္စရေးစစ်ဘက်၏ ကြေညာချက် ထုတ်ပြန်ခဲ့အပြီး ဂါဇာစီးတီးတွင် မီးခိုးလုံးများ ထွက်ပေါ်နေမှုကို မြင်တွေ့ခဲ့ရသည်။ ဟားမားစ်အုပ်ချုပ်သော ဂါဇာကမ်းမြောင်တစ်လျှောက် နေရာများအား ပစ်မှတ်ထားခဲ့သည့် ထိုလေကြောင်း တိုက်ခိုက်မှုများအတွင်း ဂါဇာမြောက်ပိုင်းတွင် ပါလက်စတိုင်းတစ်ဦး သေဆုံးခဲ့ပြီး ခြောက်ဦးထက်မနည်း ဒဏ်ရာရခဲ့ကြောင်း ကျန်းမာရေးဝန်ကြီးဌာနက ထုတ်ပြန်ခဲ့သည်။

ကမ်းရိုးတန်းနယ်မြေမှ ရော့ကတ်နှစ် ဒါဇင်ထက်မနည်းသည် ဂါဇာမြောက်ပိုင်း နယ်စပ်အနီး အစ္စရေး၏ Sderot မြို့ကို ကျရောက်ခဲ့ပြီးနောက် အစ္စရေးက ပြန်လည်တိုက်ခိုက်ခဲ့ခြင်းဖြစ်ကြောင်း ရဲတပ်ဖွဲ့နှင့် စစ်ဘက်က ထုတ်ပြန်ခဲ့သည်။ Sderot မြို့တွင်
အမြောက်ဆန် အစအန ထိမှန်မှုကြောင့် လူတစ်ဦး ဒဏ်ရာအနည်းငယ်ရရှိခဲ့ပြီး အခြားလူအများအပြားသည် ထိတ်လန့်မှုအတွက် ကုသပေးခဲ့ရကြောင်း United Hatzalah ဆေးဘက်အဖွဲ့က ထုတ်ပြန်ခဲ့သည်။ ထိုရော့ကတ်များဖြင့် ပစ်ခတ်မှုအတွက် တာဝန်ရှိကြောင်း ဂါဇာကို အုပ်ချုပ်နေသည့် ဟားမားစ်အဖွဲ့၏ စစ်ဘက်အဖွဲ့က ထုတ်ပြန်ခဲ့သည်။

ဂါဇာနှင့်နယ်စပ်အနီး အစ္စရေး၏ နယ်မြေအများအပြားတွင် အချက်ပေးဥသြသံများ ထွက်ပေါ်ခဲ့ပြီး ဒေသခံများကိုလည်း ခိုလှုံစရာများသို့ ချက်ချင်းသွားရောက်ကြရန် ညွှန်ကြားခဲ့ကြောင်း စစ်ဘက်က ထုတ်ပြန်ခဲ့သည်။ လတ်တလောအချိန်အထိ ဂါဇာကမ်းမြောင်မှနေ၍ အစ္စရေးပိုင်နက်ထဲသို့ ရော့ကတ်အစင်း ၇၀ နီးပါး ပစ်ခတ်ထားမှုကို သိရှိခဲ့ကြောင်း၊ ၁၁ စင်းကို ကြားဖြတ်ပစ်ချနိုင်ခဲ့ပြီး အများစုမှာမူ ကွင်းပြင်များသို့ ကျရောက်ခဲ့ကြောင်း အစ္စရေးက ထုတ်ပြန်ခဲ့သည်။ Sderot မြို့၏အစိတ်အပိုင်းများကို ပိတ်ထားခဲ့ပြီး ဗုံးရှင်းလင်းရေအဖွဲ့များက ရော့ကတ်များ ကျရောက်သည့်နေရာများကို စစ်ဆေးနေကြောင်းလည်း သိရသည်။

ဟားမားစ်အဖွဲ့၏ စစ်ဘက်အဖွဲ့မှ တိုက်ခိုက်ရေးသမားနှစ်ဦးသည် သြဂုတ် ၇ ရက်တွင် အစ္စရေး၏ တိုက်ခိုက်မှုကြောင့် သေဆုံးခဲ့ရပြီးနောက် ယခုကဲ့သို့ အပြန်အလှန် တိုက်ခိုက်မှုများ ဖြစ်ပွားခဲ့ခြင်းဖြစ်သည်။ ဟားမားစ်၏ရော့ကတ်များဖြင့် ပစ်ခတ်မှုများအား ကုလသမဂ္ဂသံတမန် နစ်ကိုလေးမလာဒီနော့က ရှုတ်ချခဲ့ပြီး နှစ်ဘက်စလုံးက နောက်ဆုတ်ကြရန် တိုက်တွန်းခဲ့သည်။

ဟားမားစ်အဖွဲ့က ဂါဇာတွင် သြဂုတ် ၃ ရက်၌ ရှားရှားပါးပါး ခေါင်းဆောင်အစည်းအဝေး ကျင်းပခဲ့ပြီးနောက် ထိုတိုက်ခိုက်မှုများ ဖြစ်ပွားခဲ့ခြင်းဖြစ်သည်။ ထိုဆွေး နွေးပွဲသည် အီဂျစ်နှင့် ကုလသမဂ္ဂတို့၏ ထောက်ကူပေးမှုဖြင့် အစ္စရေးနှင့် တည်တံ့သော သဘောတူညီချက် ရရှိနိုင်မည်ဟု မျှော်လင့်ချက် မြင့်တက်စေခဲ့သည်။ အစ္စရေးနှင့် ဟားမားစ်တို့သည် ၂၀၀၈ ခုနှစ်နောက်ပိုင်း စစ်ပွဲသုံးကြိမ် ဖြစ်ပွားခဲ့သည်။

Ref: AFP

၂၀၁၄ စစ်ပွဲနောက်ပိုင်း အစ္စရေး၏ အပြင်းထန်ဆုံးဗုံးကြဲတိုက်ခိုက်မှုများ ဖြစ်ပွားပြီးနောက် အပစ်အခတ်ရပ်စဲရေး သဘောတူညီချက် ရရှိ

အစ္စရေး၏ဗုံးကြဲတိုက်ခိုက်မှုအတွင်း ပျက်စီးခဲ့သည့် ဂါဇာမှ အဆောက်အအုံအပျက်အစီးတစ်ခုကို ဇူလိုင် ၁၅ ရက်က တွေ့ရစဉ် (Photo: AFP)

အစ္စရေးသည် ၂၀၁၄ ခုနှစ်စစ်ပွဲနောက်ပိုင်း ဂါဇာသို့ အပြင်းထန်ဆုံးဗုံးကြဲတိုက်ခိုက်မှုများကို ဇူလိုင် ၁၄ ရက်က လုပ်ဆောင်ခဲ့ရာ သေဆုံးခဲ့သည့် ပါလက်စတိုင်းနှစ်ဦး ရှိခဲ့သည်။ တစ်ချိန်တည်းမှာပင် ဂါဇာဘက်မှလည်း အစ္စရေးသို့ ဒုံးကျည်ဒါဇင်ပေါင်းများစွာဖြင့် ပြန်လည်ပစ်ခတ်ခဲ့ကြသည်။

သို့သော် အဆိုပါနေ့နှောင်းပိုင်းတွင်  အီဂျစ်နှင့် အခြားသူများ၏ အကူအညီဖြင့် အပစ်အခတ်ရပ်စဲရေးသဘောတူညီချက် ရရှိသွားပြီဟု ဟားမားအုပ်စုက ထုတ်ပြန်ခဲ့သည်။ ထိုအပစ်အခတ်ရပ်စဲရေးသည် လက်ရှိအချိန်အထိ ဆက်လက်တည်မြဲနေသေးကြောင်းလည်း သိရသည်။

လပေါင်းများစွာ တင်းမာမှုများ မြင့်တက်လာပြီးနောက် ဖြစ်ပွားခဲ့သည့် ယခု အပြန်အလှန် ပစ်ခတ်တိုက်ခိုက်မှုများသည် ဂါဇာကမ်းမြောင်တွင် လေးကြိမ်မြောက် စစ်ပွဲဖြစ်ပွားနိုင်သည့် အခြေအနေများကိုပင် မြင့်တက်စေခဲ့သည်။

ဂါဇာဘက်မှ ပစ်ခတ်လိုက်သည့် ဒုံးကျည်အများအပြားအနက် တစ်စင်းသည် ဂါ ဇာနယ်စပ်အနီးရှိ ဆဒါရော့မြို့မှ နေအိမ်တစ်လုံးကို ထိမှန်ခဲ့ရာ အစ္စရေးလေးဦး ဒဏ်ရာ ရရှိခဲ့သည်ဟု အာဏာပိုင်များက ပြောကြားခဲ့သည်။ ဂါဇာအနောက်ပိုင်းရှိ အဆောက်အအုံတစ်ခုသို့ ထိမှန်ခဲ့သော အစ္စရေး၏ ဗုံးကြဲတိုက်ခိုက်မှုတစ်ခုကြောင့် အသက် ၁၅ နှင့် ၁၆ နှစ် အသီးသီးရှိသည့် ပါလက်စတိုင်းနှစ်ဦး သေဆုံးခဲ့သည်ဟု ဂါဇာကျန်းမာရေးဝန်ကြီး ဌာနက ထုတ်ပြန်ခဲ့ပြီး ဂါဇာတစ်ဝန်းတွင် ဒဏ်ရာရရှိသူ ၂၅ ဦး ရှိခဲ့သည်ဟု သိရသည်။

တင်းမာမှုများမြင့်တက်လာခြင်းကို ရပ်တန့်ရန် အပစ်အခတ်ရပ်စဲရေးအတွက် အီဂျစ်ဘက်မှာ ကမ်းလှမ်းလာမှုကို သဘောတူညီခဲ့သည်ဟု ဂါဇာဒေသကို အုပ်ချုပ်နေသော ဟားမားအဖွဲ့၏ ပြောခွင့်ရပုဂ္ဂိုလ် ဖော်ဇီဘာဟွန်းက ဇူလိုင် ၁၄ ရက်နှောင်း ပိုင်းတွင် ထုတ်ပြန်ခဲ့သည်။

အစ္စရေးစစ်တပ်ပြောခွင့်ရပုဂ္ဂိုလ်ကမူ တစ်စုံတစ်ရာ တုံ့ပြန်ပြောကြားရန် ငြင်းဆန်ခဲ့သည်။ သို့သော် ၎င်းတို့စစ်တပ်သည် မြေပြင် အခြေအနေများကို မူတည်ပြီး ဆက်လက်လုပ်ဆောင်သွားမည်ဟု ဆိုသည်။ အစ္စရေး၏ပြောကြားချက်အရ ဂါဇာဘက်မှ ဒုံးကျည်နှင့် မော်တာကျည် ၁၀၀ ၀န်းကျင်ပစ်ခတ်လာခဲ့ပြီး အများစုမှာ မော်တာကျည်များဖြစ်သည်ဟု သိရသည်။ ဟားမားတို့ကမူ အစ္စရေးက ဗုံးကြဲတိုက်ခိုက်ခဲ့သဖြင့် ပြန်လည်တုံ့ပြန်ခဲ့ခြင်းဖြစ်သည်ဟု ဆိုသည်။

■ အပြင်းထန်ဆုံးထိုးနှက်ချက်

ယခုကဲ့သို့ တင်းမာမှုများ မြင့်တက်လာခြင်းအတွက် အစ္စရေးက ဟားမားအဖွဲ့ကို အပြစ်တင်ခဲ့ပြီး နယ်စပ်တွင် လပေါင်းများစွာ ဖြစ်ပွားခဲ့သည့် ဆန္ဒပြပွဲများ၊ အချင်းများမှုများ ကို ထောက်ပြခဲ့သည်။ ထို့ပြင် ဂါဇာဘက်မှ  လွှတ်လိုက်သော ဗုံးများကို သယ်ဆောင်လာသည့် စွန်များ၊ မိုးပျံပူဖောင်းများကြောင့် အစ္စရေးလယ်ကွက်များတွင် မီးလောင်မှုအများ အပြားဖြစ်ပွားခဲ့ရသည်။ ယင်းဖြစ်စဉ်များက ဟားမားအပေါ် အရေးယူရန် အစ္စရေး အစိုးရနှင့် စစ်တပ်အပေါ် ဖိအားများ ဖြစ်ခဲ့သည်။

ဟားမားတို့သည် ၂၀၁၄ ခုနှစ် စစ်ပွဲ နောက်ပိုင်း အပြင်းထန်ဆုံး ထိုးနှက်ခံလိုက်ရသည်ဟု အစ္စရေးဝန်ကြီးချုပ် ဘင်ဂျမင်နေ တန်ယာဟုက ပြောကြားခဲ့ပြီး လိုအပ်ပါက ၎င်းတို့၏ တိုက်ခိုက်မှုအားကို ထပ်မံတိုးမြှင့် သွားမည်ဟုလည်း ဆိုသည်။

သွေးထွက်သံယို နယ်စပ်ဆန္ဒပြမှုများဖြစ်ပွားပြီးနောက် အစ္စရေးက ဂါဇာကို ဗုံးကြဲတိုက်ခိုက်

ဇူလိုင် ၁၃ ရက်တွင် အစ္စရေး၏ ဂါဇာစီးတီးနှင့် နယ်စပ်အနီး ပါလက်စတိုင်းများ၏ ဆန္ဒပြမှုကို တွေ့ရစဉ်

ဂါဇာကမ်းမြောင်ဒေသရှိ ဟားမားစ်တို့ကို ဇူလိုင် ၁၄ ရက် အစောပိုင်းက လေကြောင်းမှ ပစ်မှတ်ထားတိုက်ခိုက်ခဲ့သည်ဟု အစ္စရေးစစ်တပ်က ထုတ်ပြန်ခဲ့သည်။ ပါလက်စတိုင်း ဆယ်ကျော်သက်တစ်ဦး ပစ်သတ်ခံခဲ့ရပြီး အစ္စရေးစစ်သားတစ်ဦးအပါအ၀င် လူအများအပြားဒဏ်ရာရရှိခဲ့သော နယ်စပ်တိုက်ခိုက်မှုများအပြီးတွင် အစ္စရေးက လေကြောင်းမှ ဗုံးကြဲတိုက်ခိုက်မှု ပြုလုပ်ခဲ့ခြင်း ဖြစ်သည်။

အစ္စရေးက ဗုံးကြဲတိုက်ခိုက်နေစဉ်မှာပင် ဂါဇာကမ်းမြောင်ဘက်မှ ပစ်လိုက်သော ရော့ကတ်နှင့်မော်တာကျည်များသည် အစ္စရေးတောင်ပိုင်းသို့ ကျရောက်ခဲ့သည်။

ဇူလိုင် ၁၃ ရက်က ဂါဇာနယ်စပ်၌ဖြစ်ပွားခဲ့သော ဆန္ဒပြပွဲများအတွင်း  အသက် ၁၅ နှစ် အရွယ် ယောက်ျားလေးတစ်ဦး ပစ်သတ်ခံခဲ့ရပြီး ပါလက်စတိုင်း ၂၂၀ ဒဏ်ရာရရှိခဲ့သည်ဟု ဟားမားစ်တို့ အုပ်ချုပ်နေသော ဂါဇာဒေသထဲရှိ ကျန်းမာရေးဝန်ကြီးဌာနက ထုတ်ပြန်ခဲ့သည်။

အစ္စရေးဂျက်လေယာဉ်များသည် ဂါဇာတောင်ပိုင်းနှင့် မြောက်ပိုင်း၌ရှိသည့် အကြမ်းဖက်မှုအတွက် အသုံးပြုသော ဟားမားစ်၏လိုဏ်ခေါင်းနှစ်ခုနှင့် ကမ်းရိုးတန်း နယ်နိမိတ်တစ်လျှောက်ရှိ အခြား အခြေခံ အဆောက်အအုံတို့ကို ဗုံးကြဲတိုက်ခိုက်ခဲ့သည်ဟု  အစ္စရေးစစ်တပ်က Twitter တွင် ထုတ်ပြန်ခဲ့သည်။ ဗုံးကြဲခဲ့သည့် နေရာများထဲတွင် မီးကွင်းပစ်တိုက်ခိုက်မှုများလုပ်ဆောင်ရန် ပြင်ဆင်သည့်နေရာများနှင့် ဟားမားစ်၏ အကြမ်းဖက်သင်တန်း အဆောက်အအုံတစ်ခုတို့ ပါဝင်သည်ဟု သိရသည်။

ဇူလိုင် ၁၄ ရက်က နယ်စပ်လုံခြုံရေးစည်းရိုးတစ်လျှောက်တွင် ဖြစ်ပွားခဲ့သာ အကြမ်းဖက် အဓိကရုဏ်းများအတွင်းသွေး ထိုး လှုံ့ဆော်ခဲ့သည့် လုပ်ရပ်များအတွက် လက်တုံ့ပြန်ခြင်းဖြစ်သည်ဟုလည်း အစ္စရေးစစ်တပ်က ဆိုသည်။

ဟားမားစ်တို့၏ စစ်ရေးအခြေခံအဆောက်အအုံများ ပျက်စီးခဲ့သော ထိုဗုံးကြဲ တိုက်ခိုက်မှုများအတွင်း သေဆုံးဒဏ်ရာရသူမရှိဟု ဂါဇာမှ မျက်မြင်သက်သေတစ်ဦးက ပြောကြားခဲ့သည်။ ယင်းဗုံးကြဲမှုများဖြစ်ပွားနေစဉ် ဂါဇာရှိ စစ်သွေးကြွများက အစ္စရေးဘက်သို့ မော်တာကျည် ၃၁ ချက်ပစ်ခတ်ခဲ့ပြီး ယင်းတို့ထဲမှ ခြောက်စင်းကို အစ္စရေး၏ Iron Drone လေကြောင်းကာကွယ်ရေးစနစ်က ကြားဖြတ်ပစ်ချနိုင်ခဲ့သည်။ အစ္စရေးမီဒီယာများတွင် ဖော်ပြချက်အရ ဒဏ်ရာရသူ မရှိဟု သိရသည်။

အစ္စရေး၏ လေကြောင်းမှ တိုက်ခိုက်မှုများကို လက်တုံ့ပြန်သည့်အနေနှင့် မော်တာကျည်များဖြင့် ပြန်လည် ပစ်ခတ်ခဲ့ကြောင်း ဟားမားစ်ပြောခွင့်ရပုဂ္ဂိုလ် ဖော်ဇီဘာဟွန်းက ပြောကြားခဲ့သည်။

ဂါဇာဒေသအား ဆယ်စုနှစ်ပေါင်းများစွာ အစ္စရေး၏ပိတ်ဆို့ထားမှုနှင့် အစ္စရေး နိုင်ငံထူထောင်သော ၁၉၄၈ ခုနှစ်ဝန်းကျင်က ဖြစ်ပွားခဲ့သည့် စစ်ပွဲများအတွင်း စွန့်ခွာထွက်ပြေးခဲ့ရသော နယ်မြေများသို့ ပြန်လာ ခွင့်ရရှိရေးတို့အတွက်  ဂါဇာထဲရှိ ပါလက်စတိုင်းတို့က ဆန္ဒပြနေကြသည်မှာ လပေါင်းများစွာရှိပြီဖြစ်သည်။

မတ် ၃၀ ရက်ကတည်းက ဂါဇာနယ်စပ်တစ်လျှောက်တွင် ဆန္ဒပြပွဲများ၊ ပဋိပက္ခများဖြစ်ပွားခဲ့ကြပြီး ယင်းဖြစ်စဉ်များအတွင်း အစ္စရေး၏ပစ်ခတ်မှုကြောင့် သေဆုံးခဲ့သည့် ပါလက်စတိုင်း ၁၄၀ ထက်မနည်းရှိပြီဖြစ်သည်။ အစ္စရေးအာဏာပိုင်တို့ကမူ ၎င်းတို့ နယ်စပ်ကို ကာကွယ်ရန်၊ ထိုးဖောက်စိမ့်ဝင်မှုကို ရပ်တန့်ရန်အတွက် ကျည်အစစ်သုံး နှိမ်နင်းမှုသည် မဖြစ်မနေလိုအပ်သည်ဟု ကာကွယ်ပြောကြားခဲ့သည်။

ဂါဇာသည် စစ်ပွဲနှင့်နီးကပ်လာနေပြီဟု ကုလသမဂ္ဂအတွင်းရေးမှူးချုပ်က သတိပေး

ဖေဖော်ဝါရီ ၁၈ ရက်က ဂါဇာနှင့် နယ်စပ်အနီးတွင် အစ္စရေးစစ်သားများနှင့် တင့်ကားများက ကင်းလှည့်စောင့်ကြပ်နေကြစဉ် (Photo – AFP)

ဂါဇာသည် စစ်ပွဲဖြစ်လုနီးပါးအခြေအနေနှင့် နီးကပ်လာနေပြီဖြစ်ပြီး ဆန္ဒပြမှုများအတွင်း အစ္စရေးတို့၏ ကျည်အစစ်ဖြင့် ပစ်ခတ်မှုကြောင့် သေကြေဒဏ်ရာရခဲ့သည့် ပါလက်စတိုင်းဦးရေမှာ ထိတ်လန့်စရာကောင်းသည်ဟု ကုလသမဂ္ဂအတွင်းရေးမှူးချုပ် အန်တိုနီယိုဂူတာရက်စ်က သတိပေးခဲ့သည်။

အစ္စရေး-ပါလက်စတိုင်း ပဋိပက္ခတွင် အန္တရာယ်များပြီး ယိုင်နဲ့နေသည့် ယခုကဲ့သို့ အခြေအနေဖြစ်အောင် လုပ်ဆောင်ခဲ့သည့် ဘက်ပေါင်းစုံကို ပြတ်ပြတ်သားသား အပြစ်တင်ကြောင်းလည်း ဂူတာရက်စ်က လုံခြုံရေးကောင်စီသို့ ပြောကြားခဲ့သည်။

အစ္စရေး-ပါလက်စတိုင်း အရေးအတွက် ဇွန် ၁၉ ရက်၌ ပြုလုပ်မည့် အစည်းအဝေး မတိုင်မီ ပြီးခဲ့သည့် သီတင်းပတ်က လုံခြုံရေးကောင်စီသို့ ပို့ခဲ့သော အစီရင်ခံစာ၌ ဂူတာရက်စ်က ယခုကဲ့သို့ ပြောကြားခဲ့ခြင်း ဖြစ်သည်။ ယင်းအစီရင်ခံစာအား အေအက်ဖ်ပီက ဇွန် ၁၈ ရက်တွင် ရရှိခဲ့ခြင်း ဖြစ်သည်။

“အခြေအနေတွေဟာ စစ်ပွဲချောက်ကမ်းပါးကို ဘယ်လောက်နီးကပ်နေပြီဖြစ်တဲ့ အကြောင်းအားလုံးကို သတိပေးသင့်ပါတယ်” ဟု ဂူတာရက်စ်က ဆိုသည်။

“မတ် ၃၀ ရက်ကတည်းက စတင်ခဲ့တဲ့ ဆန္ဒပြမှုတွေအတွင်းမှာ အစ္စရေးကာကွယ်ရေး အင်အားစုတွေရဲ့ ကျည်အစစ်အသုံးပြုမှုကြောင့် သေကျေဒဏ်ရာရခဲ့တဲ့ ပါလက်စတိုင်းအရေအတွက်ဟာ ကျွန်တော့်ကို ထိတ်လန့်စေပါတယ်” ဟု ဂူတာရက်စ်က ပြောကြားခဲ့သည်။ ကြက်ခြေနီအဖွဲ့၏ ထုတ်ပြန်ချက်အရ သေဆုံးခဲ့သည့် ပါလက်စတိုင်း ၁၃၂ ဦးထက်မနည်းရှိပြီး ဒဏ်ရာရသူ ၁၃၀၀၀ ကျော်ရှိကာ ယင်းတို့အနက် ၁၄၀၀ ခန့်မှာ ကျည်အချက်ပေါင်းများစွာ (အထူးသဖြင့် ခြေထောက်၌ ထိမှန်) မှန်ခဲ့ခြင်းဖြစ်သည်ဟု သိရသည်။

အစ္စရေးသည် ကိုယ့်ကိုယ်ကိုယ် အမြင့်ဆုံးထိန်းချုပ်နိုင်ရန်အတွက် တာဝန်ရှိပြီး အပြည်ပြည်ဆိုင်ရာ လူသားချင်းစာနာထောက်ထားမှုဆိုင်ရာ ဥပဒေနှင့်အညီ အရပ်သားများကို ကာကွယ်ရမည်ဖြစ်ကြောင်း ကုလသမဂ္ဂအကြီးအကဲက ထိုအစီရင်ခံစာ၌ ရေးသားခဲ့သည်။ “ဆန္ဒပြပွဲတွေအတွင်း လုံခြုံရေးအင်အားစုဟာ အထူးသဖြင့် ကလေးတွေ၊ ဂျာနယ်လစ်တွေ၊ ဆေးဘက်ဝန်ထမ်းတွေကို သတ်တာဟာ လုံးဝလက်ခံနိုင်စရာ မရှိပါဘူး” ဟုလည်း ၎င်းက ဆိုသည်။

ဧပြီလက ဆန္ဒပြပွဲများအတွင်း သတင်းယူရန်ရောက်ရှိနေသည့် ပါလက်စတိုင်း ဂျာနယ်လစ်နှစ်ဦး အသတ်ခံခဲ့ရသလို ဇွန်လအစောပိုင်းကလည်း အသက် ၂၁ နှစ်အရွယ် ဆေးဘက်ဆိုင်ရာ ၀န်ထမ်းတစ်ဦး အသတ်ခံခဲ့ရသည်။ ဂါဇာ၌ ဖြစ်ပွားခဲ့သည့် ထိုပစ်ခတ်မှုများကို အမှီအခိုကင်းကင်းဖြင့် စုံစမ်းစစ်ဆေးပေးရေးအတွက်လည်း ဂူတာရက်စ်က ထပ်လောင်းဆော်သြခဲ့သည်။ အစ္စရေးကမူ ထိုတောင်းဆိုချက်ကို ပယ်ချကာ ၎င်းတို့၏ နယ်စပ်များကို ကာကွယ်ရန်အတွက် ယခုကဲ့သို့ အင်အားသုံးရခြင်းဖြစ်သည်ဟု  ပြန်လည်ကာကွယ်နေသည်။

ဟားမားစ်နှင့် အခြားစစ်သွေးကြွ အုပ်စုများကိုလည်း အစ္စရေးနယ်စပ်အနီးတွင် ဖောက်ခွဲရေးပစ္စည်းများကို မြှုပ်ထားခြင်းနှင့် မေ ၂၉ ၊ ၃၀ ရက်က အစ္စရေးဘက်သို့ ရော့ကတ်များဖြင့် ပစ်ခတ်ခဲ့သည့် လုပ်ရပ်များအတွက် ဂူတာရက်စ်က အပြစ်တင်ခဲ့သည်။

Ref ; AFP

အစ္စရေး စစ်လေယာဉ်များက ဂါဇာရှိ ဟားမားစ်စစ်ဘက်ဆိုင်ရာပစ်မှတ်များအား တိုက်ခိုက်

ဇွန် ၁၈ ရက်တွင် အစ္စရေး၏တိုက်ခိုက်မှုကြောင့် ဂါဇာစီးတီး၌ ပေါက်ကွဲမှုဖြစ်ပွားနေစဉ် (Photo – AFP)

အစ္စရေးနယ်မြေထဲသို့ မီးလောင်စေသည့် စွန်များလွှတ်တင်နေမှုကို တုံ့ပြန်ရန် အစ္စရေး စစ်လေယာဉ်များက ဂါဇာကမ်းမြောင် မြောက်ပိုင်းရှိ ဟားမားစ်စစ်ဘက်ဆိုင်ရာ ပစ်မှတ်ကိုးခုကို ဇွန် ၁၈ ရက်တွင် တိုက်ခိုက်ခဲ့ကြောင်း အစ္စရေးစစ်ဘက်က ထုတ်ပြန်ခဲ့သည်။

ထိုတိုက်ခိုက်မှုများသည် ဟားမားစ်တို့၏ စစ်ဘက်ဆိုင်ရာနေရာနှစ်ခု၊ လက်နက်ခဲယမ်းများ ထုတ်လုပ်သည့် နေရာတစ်ခုတို့ကို ပစ်မှတ်ထားခဲ့ခြင်းဖြစ်ကြောင်း အစ္စရေးစစ်ဘက်က ကြေညာချက်ထုတ်ပြန်ခဲ့သော်လည်း ထိုစီးနင်းတိုက်ခိုက်မှုများတွင် သေဆုံးဒဏ်ရာရမှုများ ရှိ၊ မရှိကို မဖော်ပြခဲ့ပေ။

မီးလောင်စေသော ပစ္စည်းများကို တပ်ဆင်ထားသည့် မီးပူဖောင်းများနှင့် စွန်များကို လွှတ်တင်မှုသည် မကြာသေးမီလများအတွင်း ပါလက်စတိုင်းများက အစ္စရေးကို နယ်စပ်၌ ဆန့်ကျင်ဆန္ဒပြမှုများ၏ သင်္ကေတဖြစ်လာခဲ့သည်။

ဇွန် ၁၆ ရက်က ဂါဇာကမ်းမြောင်တွင် နယ်စပ်မှတစ်ဆင့် အစ္စရေးထဲသို့ ထိုမီးလောင်စေတတ်သော ပူဖောင်းများလွှတ်တင်ရန် ကြိုးပမ်းနေသည့် ပါလက်စတိုင်းနှစ်ဦးသည် အစ္စရေးစစ်ဘက်၏ ပစ်ခတ်မှုကြောင့် ဒဏ်ရာရခဲ့ကြောင်း တာဝန်ရှိသူများက ပြောကြားခဲ့သည်။

ပြီးခဲ့သော မတ်လကုန်တွင် စတင်ဖြစ်ပွားခဲ့သော ပါလက်စတိုင်းများ၏ ဧရာမဆန္ဒပြမှုများ ဖြစ်ပွားခဲ့ပြီးနောက်ပိုင်း မီးလောင်မှု အကြိမ် ၃၀၀ ကျော်ကြောင့် လယ်ကွင်းများနှင့် ချုံတောဟက်တာ ထောင်ပေါင်းများစွာသည် ပျက်စီးခဲ့ကြောင်း အစ္စရေးမီးသတ်ဌာနက ထုတ်ပြန်ခဲ့သည်။

မကြာသေးမီက ပြုလုပ်ခဲ့သည့် ဆန္ဒပြမှုများဖြစ်ပွားခဲ့ပြီးနောက်ပိုင်း ပါလက်စတိုင်းများက လွှတ်တင်ခဲ့သည့် စွန် ၆၀၀ ခန့်အနက် ၄၀၀ ခန့်အား ကြားဖြတ်ဖျက်ဆီးနိုင်ခဲ့ကြောင်း အစ္စရေးကာကွယ်ရေးဝန်ကြီး အဗစ်ဒေါလစ်ဘာမန်းက ပြောကြားခဲ့သည်။ ထိုကာလအတွင်း အစ္စရေးလုံခြုံရေးများ၏ ပစ်ခတ်နှိမ်နင်းမှုကြောင့် ပါလက်စတိုင်း ၁၃၀ ထက်မနည်း သေဆုံးခဲ့ရသည်။

အစ္စရေးနိုင်ငံထူထောင်သည့် ကာလ၀န်းကျင်ဖြစ်သည့် ၁၉၄၈ ခုနှစ်တွင် ၎င်းတို့၏ မိသားစုဝင်များ ထွက်ပြေးခဲ့ရသော သို့မဟုတ် မောင်းထုတ်ခံခဲ့ရသော ၎င်းတို့၏ နေအိမ်များသို့ ပြန်သွားခွင့်ရရှိရန် ပါလက်စတိုင်းများက တောင်းဆိုနေခြင်း ဖြစ်သည်။ အစ္စရေးက ၎င်း၏ အဓိကရန် ဘက်ဟုယူဆသည့် အစ္စလာမ္မစ် လှုပ်ရှားမှုအဖွဲ့ဟားမားစ်က ဂါဇာကမ်းမြောင်အား ထိန်းချုပ်ထားသည်။

Ref ;AFP

ဂါဇာနယ်စပ်တွင် ယခုသီတင်းပတ်အတွင်း အဖွဲ့ဝင် ၅၀ သေဆုံးခဲ့ဟု ဟားမားစ်အဖွဲ့ ထုတ်ပြန်

မေ ၁၅ ရက်က ဂါဇာကမ်းမြောင်နယ်စပ်တွင် အစ္စရေးစစ်သားများက ပါလက်စတိုင်းဆန္ဒပြသူများအား ဖမ်းဆီးနေစဉ် (Photo: AP)

ဂါဇာနယ်စပ်တွင် ယခုသီတင်းပတ်အတွင်း ဆန္ဒပြမှုများ၌ အစ္စရေး၏ပစ်ခတ်မှုကြောင့် သေဆုံးခဲ့သည့် ပါလက်စတိုင်း ၆၂ ဦးတွင် ၅၀ သည် ၎င်းတို့၏ အဖွဲ့ဝင်များဖြစ်ကြောင်း ဟားမားစ်အဖွဲ့ ထိပ်တန်းတာဝန်ရှိသူတစ်ဦးက မေ ၁၆ ရက်တွင် ပြောကြားခဲ့သည်။ ထိုသေဆုံးမှုများအတွက် ကမ္ဘာတစ်ဝန်းမှ ပြင်းပြင်းထန်ထန် ဝေဖန်မှုများအား ကာကွယ်ရန်နှင့် ထိုဆန္ဒပြလှုံ့ဆော်မှုများကို အစ္စလာမ္မစ်လှုပ်ရှားမှုအဖွဲ့ ဟားမားစ်က ဦးဆောင် စီစဉ်ခဲ့ကြောင်း သက်သေပြရန် အစ္စရေးက ကြိုးပမ်းနေချိန်တွင် ဟားမားစ်အဖွဲ့က ယင်းကဲ့သို့ ထုတ်ပြန်ခဲ့ခြင်းဖြစ်သည်။

မေ ၁၄ ရက်က နယ်စပ်အနီးတွင် ပါလက်စတိုင်း ထောင်ပေါင်းများစွာက စုဝေးခဲ့ကြပြီး ဆန္ဒပြလူအနည်းစုက နယ်စပ်ခြံစည်းရိုးဆီသို့ ချဉ်းကပ်ခဲ့ကာ ထိုးဖောက်ဝင်ရောက်ရန် ကြိုးပမ်းခဲ့သည်။ ထိုဆန္ဒပြမှုများအား အစ္စရေးလုံခြုံရေးများက ပစ်ခတ်နှိမ်နင်းမှုတွင် ပါလက်စတိုင်း ၆၀ သေဆုံးခဲ့သည်။ ထို ချီတက် ဆန္ဒပြသူများသည် ၁၉၄၈ ခုနှစ်တွင် ဂျူးနိုင်ငံ အစ္စရေးထူထောင်သည့် ကာလအတွင်း အစ္စရေးက သိမ်းယူခဲ့သည့် ၎င်းတို့၏ နေအိမ်များသို့ ပြန်လည်သွားရောက်ခွင့်ပြုရန် တောင်းဆိုခဲ့ကြခြင်းဖြစ်သည်။ ထိုစစ်ပွဲတွင် ပါလက်စတိုင်း ၇၀၀၀၀၀ ကျော်သည် နေအိမ်မှ ထွက်ပြေးရခြင်း သို့မဟုတ် နှင်ထုတ်ခံရခြင်း ကြုံခဲ့ရသည့် မေ ၁၅ ရက်ကို ပါလက်စတိုင်းများက Nakba သို့မဟုတ် ကပ်ဘေးကျသည့်နေ့ဟု သတ်မှတ်ခဲ့သည်။ မေ ၁၅ ရက် တွင် ဆန္ဒပြမှုများ၌ အစ္စရေး၏ ပစ်ခတ်မှု ကြောင့်  ပါလက်စတိုင်း နှစ်ဦး ထပ်မံသေဆုံးခဲ့သည်။

ဟားမားစ်၏ သဘောထားတင်းမာသော ခေါင်းဆောင်တစ်ဦးဖြစ်သူ ယာယာဆင်ဝါက သီတင်းပတ်ခြောက်ပတ်ကျော် ကြာမြင့်လာသော ယင်းဆန္ဒပြမှုများသည် လက်နက်ကိုင်ခုခံမှုအဖြစ်သို့ ပြောင်းလဲနိုင်ကြောင်း သတိပေးခဲ့သည်။ မတ် ၃၀ ရက်တွင် စတင်ဖြစ်ပွားခဲ့သော နယ်စပ်ဆန္ဒပြမှုများနှင့် ပဋိပက္ခများအတွင်း ဂါဇာကမ်းမြောင် တစ်လျှောက် အစ္စရေး၏ ပစ်ခတ်မှုကြောင့် ပါလက်စတိုင်း ၁၁၆ ဦး သေဆုံးခဲ့ပြီးဖြစ်သည်။

ဂါဇာဘက်မှနေ၍ အစ္စရေးစစ်သားများအား ပစ်မှတ်ထားတိုက်ခိုက်မှုနှင့် အဆောက်အအုံတစ်လုံးကို ပစ်ခတ်မှုတို့ ဖြစ်ပွားခဲ့ပြီး နောက် အစ္စရေးက မေ ၁၆ ရက် ညသန်းခေါင်တွင် ဂါဇာရှိ ဟားမားစ်အဆောက်အအုံတစ်ခုအား လေကြောင်းမှ တိုက်ခိုက်ခဲ့ကြောင်း ထုတ်ပြန်ခဲ့သည်။ အကြမ်းဖက်သမားများ၏ အခြေခံအဆောက်အအုံနှင့် လက်နက်များ ထုတ်လုပ်သည့် စက်ရုံများ အပါအ၀င် ဂါဇာကမ်းမြောင် မြောက်ဘက်ရှိ  ဟားမားစ်တို့၏ ပစ်မှတ်များကို တိုက်ခိုက်ခဲ့ခြင်းဖြစ်ကြောင်း အစ္စရေးစစ်ဘက်က ထုတ်ပြန်ခဲ့သည်။ မေ ၁၇ ရက်တွင်လည်း ဂါဇာဘက်မှ ပစ်ခတ်မှုကြောင့် အစ္စရေးတင့်ကားများသည် ဟားမားစ်၏ နေရာသုံးခုကို ပြန်လည်ပစ်ခတ်ခဲ့ကြောင်းသိရသည်။