ငွေကြေးအလွဲသုံးစား ပြုသည်ဟုဆိုကာ တိုင်ကြားခံထားရသည့် အိမ်မဲလွှတ်တော် ကိုယ်စားလှယ်အား လွှတ်တော်က သတိပေး လက်မှတ်ထိုးရန် ဆုံးဖြတ်ခဲ့မှုအပေါ် တိုင်ကြားသူက ဝေဖန်

အိမ်မဲမြို့နယ် ညောင်ကုန်းချောင်းဖျား ကျေးရွာမီးလင်းရေးအတွက် ဟုဆိုကာ တိုင်းဒေသကြီး လွှတ်တော်ကိုယ်စားလှယ် ဦးအောင်ကျော်မြိုင်က ငွေကျပ်သိန်း ၁၀၀ အား ကျေးရွာဒေသခံများထံမှ တောင်းခံခဲ့သည့် ဖြစ်စဉ်ကို အဂတိလိုက်စားမှု တိုက်ဖျက်ရေး ကော်မရှင်ထံ တိုင်ကြားခဲ့ရာတွင် ကော်မရှင်၏ စစ်ဆေးမှုအရ လွှတ်တော်ကိုယ်စားလှယ်မှာ လုပ်ပိုင်ခွင့်ကို အလွဲသုံးစားပြု၍ ငွေကျပ် သိန်း ၁၀၀ အား မမှန်မကန် တောင်းခံရယူခဲ့သော်လည်း ၎င်း၏ ကိုယ်ကျိုးအတွက် သုံးစွဲခဲ့မှု မရှိခြင်းနှင့် လာဘ်ပေးလာဘ်ယူ ပြုလုပ်ကြောင်း အထောက်အထား ခိုင်မာမှု မရှိသောကြောင့် ဟုဆိုကာ အဂတိလိုက်စားမှု တိုက်ဖျက်ရေးကော်မရှင်မှ အရေးယူဆောင်ရွက်ခြင်း မပြုဘဲ လွှတ်တော်မှသာ အရေးယူ ဆောင်ရွက်ရန် ဧရာဝတီတိုင်းဒေသကြီး လွှတ်တော်ဥက္ကဋ္ဌထံသို့ အကြောင်းကြားစာ ပြန်လည်ပေးပို့ခဲ့ပြီး လွှတ်တော်မှ စုံစမ်းစစ်ဆေးပြီးနောက် ခေါ်ယူသတိပေးလက်မှတ် ထိုးရန်သာ ဆုံးဖြတ်ခဲ့မှုအပေါ် အဂတိလိုက်စားမှု တိုက်ဖျက်ရေးကော်မရှင်ထံ တိုင်ကြားခဲ့သည့် ဦးသူရစိုးက ဘာလုပ်လုပ် မေမေ့ရဲ့ သားနိုင်တယ် ဆိုတာများ ဖြစ်နေပြီလားဟု မေးခွန်းထုတ်ခဲ့ကြောင်း သတင်းရရှိသည်။

ဖြစ်စဉ်မှာ အိမ်မဲမြို့နယ် တကောကျေးရွာ မီးလင်းရေးအတွက် ဘတ်ဂျက်ကျလာခဲ့သည့် ထရန်စဖော်မာမှာ တကောကျေးရွာတွင် လိုအပ်ခြင်း မရှိတော့သောကြောင့် ညောင် ကုန်းချောင်းဖျားကျေးရွာသို့ ဘတ်ဂျက်ခေါင်းစဉ် ပြောင်းလဲချထားခဲ့ကြောင်း၊ ယင်းကဲ့သို့ ချထားပြီးနောက် လွှတ်တော်ကိုယ်စားလှယ် ဖြစ်သူ ဦးအောင်ကျော်မြိုင်က ကျေးရွာသို့ သွားရောက်ကာ ကျေးရွာမီးလင်းရေးအတွက် လုပ်ဆောင်ပေးမယ်။ ဘတ်ဂျက်ခေါင်းစဉ်အ ပြောင်းအလဲကြောင့် လိုအပ်သည့် ကြိုးဖိုးများအား ကျေးရွာမှ ထည့်သွင်းပေးရမယ်ဆိုကာ ယင်းတွက်ချက်မှုများအရ သိန်း ၃၀၀ ခန့် ကုန်ကျမည်ဟု ပြောဆိုခဲ့ကြောင်း၊ ယင်းကုန် ကျငွေများမှာ နေအိမ်များအား သွယ်တန်းမည့် မီးကြိုးများ မီတာပုံးများ ပါဝင်ခြင်း မရှိသေးဘဲ တကောကျေးရွာမှာ ညောင်ကုန်းချောင်းဖျား ကျေးရွာသို့ ဘတ်ဂျက်ခေါင်းစဉ် ပြောင်းရွှေ့ခများ၊ မြို့နယ်အထွေထွေ အုပ်ချုပ်ရေးဦးစီးဌာနနှင့် တိုင်းအဆင့် တာဝန်ရှိသူများ အားပေးရမည့် ငွေကြေးများနှင့် လိုအပ်သည့် ကြိုးဖိုးများဖြစ်ကြောင်း ပြောဆိုခဲ့ကြောင်း၊ အဆိုပါပြောကြားချက်များကို ကျေးရွာဒေသ ခံများက အသံဖမ်း မှတ်တမ်းတင်ထားခဲ့ကြောင်း၊ ထို့နောက် ကျေးရွာမှ ကနဦး စု ဆောင်းရရှိငွေ ကျပ်သိန်း ၁၀၀ အား လာ ရောက်ယူဆောင်သွားခဲ့ကြောင်း၊ ကျေးရွာ ဒေသခံများက မီးလင်းရေးနှင့်ပတ်သက်၍ စုံစမ်းရာတွင် ကျေးရွာသို့ ချထားပေးသည့် ထရန်စဖော်မာနှင့် ကြိုးများမှာ နိုင်ငံတော် ဘတ်ဂျက်မှ အကုန်အကျခံကာ လုပ်ဆောင် ပေးခြင်းဖြစ်သည်ကို သိရှိရသောကြောင့် မြို့နယ် NLD ရုံးသို့ သွားရောက်တိုင်ကြားခဲ့ပြီး မကြာမီတွင် ဦးအောင်ကျော်မြိုင်က ကျေးရွာသို့ လာရောက်၍ ၎င်းယူဆောင်သွားသည့် ငွေကျပ်သိန်း ၁၀၀ အနက် သိန်း ၉၀ အား ပြန်လည်ပေးအပ်ခဲ့ပြီး ကျန်ရှိနေသေးသည့် ၁၀ သိန်းအား လစာထုတ်မှယူရန် ပြောဆိုခဲ့ပြီးနောက် ထပ်မံသွားရောက် ပေးအပ်ခဲ့ကြောင်း၊ အဆိုပါဖြစ်စဉ်အား သတင်းသွားရောက်ယူခဲ့သူ အိမ်မဲမြို့ခံ သတင်းသမားတစ်ဦးဖြစ်သူ ဦးသူရစိုးအား ဦးအောင်ကျော်မြိုင်က သတင်းမရေးရန်အတွက် ခေါ်ယူပြောဆိုခဲ့ပြီး ငွေကြေးပေးအပ်ရန် ညှိနှိုင်းမှုများကြောင့် ဦးသူရစိုးက အထက်ပါ ဖြစ်စဉ်နှင့်ပတ်သက်၍ အဂတိလိုက်စားမှု တိုက်ဖျက်ရေး ကော်မရှင်ထံ တိုင်ကြားခဲ့ခြင်းဖြစ်ကြောင်း၊ ယင်းတိုင်ကြားမှုကို ကော်မရှင်က ဧပြီ ၂၀ ရက်တွင် လျှို့ဝှက် လာရောက်စစ်ဆေးခဲ့ပြီးနောက် တိုင်ကြားခံရသူ ဦးအောင်ကျော်မြိုင်မှာ လုပ်ပိုင်ခွင့်အား အသုံးပြု၍ ငွေကျပ်သိန်း ၁၀၀ အား တောင်းခံခဲ့သည် မှန်ကန်သော်လည်း ၎င်းကိုယ်ကျိုးအတွက် အသုံးပြုခဲ့ခြင်း မရှိခြင်း၊ လာဘ်ပေးလာဘ်ယူ ပြုလုပ်ကြောင်း အထောက်အထား ခိုင်မာမှု မရှိသောကြောင့် ဟုဆိုကာ ကော်မရှင်အနေဖြင့် အရေးယူ မဆောင်ရွက်နိုင်သောကြောင့် တိုင်းဒေသကြီးလွှတ်တော်မှ  အရေးယူ ဆောင်ရွက်သွားရန် လွှတ်တော်ဥက္ကဋ္ဌထံသို့ အကြောင်းကြားစာ ပေးပို့ခဲ့ပြီး တိုင်ကြားသူ ဦးသူရစိုးထံသို့လည်း အကြောင်းပြန်ကြားလွှာ မိတ္တူပေးပို့ခဲ့ကြောင်း၊ ယင်းဖြစ်စဉ်အား လွှတ်တော်မှ စုံစမ်းစစ်ဆေးရေး ကော်မတီဖွဲ့၍ စစ်ဆေးပြီးနောက် လွှတ်တော်ကိုယ်စားလှယ် ဦးအောင်ကျော်မြိုင်က ပြည်သူများအကြား အထင်အမြင်လွဲမှားအောင် လုပ်ဆောင်ခဲ့သည် ဟုဆိုကာ နောက်နောင် ယခုကဲ့သို့ လုပ်ဆောင်မှုမျိုး မလုပ်ဆောင်ရန် လွှတ်တော်ဥက္ကဋ္ဌရှေ့တွင် လက်မှတ်ထိုး ကတိပြုရန် ဆုံးဖြတ်ခဲ့ကြောင်း သိရသည်။

“…ကိုယ့်တိုင်းပြည် ခေါင်းဆောင်ရဲ့ လျှောက်နေတဲ့လမ်း လမ်းညွှန်မှုက လာဘ်ပေးလာဘ်ယူမှုနဲ့ အဂတိကင်းစင်ဖို့ လုပ်နေတယ်။ လွှတ်တော်ကိုယ်စားလှယ်ကတော့ ကျေးရွာအစည်းအဝေးမှာ အစိုးရ၀န်ထမ်းတွေကို လာဘ်ပေးလာဘ်ယူလုပ်ဖို့ တိုက်တွန်းပြောဆိုနေတယ်။ အသံဖိုင်သက်သေ အစည်းအဝေးခန်းမထဲက လူသက်သေရှိတာတောင် သူဟာခံဝန်ကတိလက်မှတ် ထိုးရရုံပဲ အပြစ်သက်ရောက် ခဲ့တယ်ဆိုတော့ ကိုယ့်ခေါင်းဆောင်တွေ ပြောစကားနဲ့ လွဲချော်မှုတွေရှိနေတော့ ဒီအပြစ်ပေးမှုအပေါ် စိတ်ပျက်မိတယ်။ ဘာလုပ်လုပ် မေမေ့ရဲ့သား နိုင်တယ်ဆိုတာများ ဖြစ်နေပြီလား” ဟု ဦးသူရစိုးက ပြောကြားသည်။

လွှတ်တော်ကိုယ်စားလှယ် ဦးအောင်ကျော်မြိုင်အား စစ်ဆေးဆောင်ရွက်ခဲ့ခြင်းနှင့် ပတ်သက်၍ ဧရာဝတီတိုင်းဒေသကြီး လွှတ်တော်ဒုတိယဥက္ကဋ္ဌ ဦးစံမင်းအောင်က “စိစစ်ရေးကော်မတီက ပြန်တင်ပြတယ်။ အများပြည်သူ ထင်ယောင်ထင်မှား ဖြစ်ပေါ်စေခဲ့တဲ့အပေါ်မှာ စိစစ်ရေး ကော်မတီက ဥက္ကဋ္ဌကြီးရဲ့ရှေ့မှာ ၀န်ခံလက်မှတ်ရေးထိုးစေသင့် ပါတယ်လို့ တင်ပြလာတယ်။ အခုလာမယ့် လွှတ်တော်ပြန်စရင် လက်မှတ်ရေးထိုးစေမယ်ဟု ပြောကြားသည်။

ဆင်းရဲရခြင်းနှင့် အဂတိလိုက်စားခြင်း

Photo: The Media Times

“လူအများစုဟာချမ်းသာချင်ကြတယ်”

“ဟုတ်ကဲ့ ကိုဘသစ်။ မချမ်းသာချင်နေပါစေ။ ဆင်းတော့ မဆင်းရဲချင်ကြပါဘူး။ အနည်းဆုံး စားဝတ်နေရေး ပြေလည်ချင်တယ်”

ကိုဘသစ်က နိုင်ငံတကာအတွေ့အကြုံများတယ်။ အဲဒီမှာ လူတွေဟာ ချမ်းသာချင်ကြတာကို သူတွေ့သတဲ့။ အမေရိကန်လူမျိုးတွေဆိုရင် “American Dream”ကို တန်ဖိုးထားကြတယ်”တဲ့။

“ချမ်းသာဖို့မက်တဲ့ အိပ်မက်ပေါ့”

“ဒီလိုပြောလို့တော့ ရပါတယ်။ ဒါပေမဲ့ သူတို့ကတော့ အခြေခံလိုအပ်ချက်ကို ပြောတာပါ။”

“ဘာတွေက အခြေခံလိုအပ်ချက်လဲ”

“ရေခဲသေတ္တာ၊ ရေပူရေအေးရတဲ့ ဘုံဘိုင် (Running Water) ၊ လေအေးစက်၊ အပူပေးစက်တို့ပါပဲ။ နောက်ပိုင်းမှာ အ၀တ်လျှော်စက်နဲ့ ပန်းကန်ဆေးစက်တွေကိုပါ ထည့်ချင်ကြတယ်”

“အင်း အခြေခံလိုအပ်ချက် (Basic Needs) တွေကလည်း အတော်များတာပဲ။ကျွန်တော်တို့ဆီက ချမ်းသာတဲ့ လူတွေတောင် ဒီ အခြေခံလိုအပ်ချက်ကို ရတဲ့သူတွေ ရှားတယ်”

“မှန်ပါတယ်။ ကျွန်တော် မေ့နေလို့ အခြေခံလိုအပ်ချက်တွေထဲမှာ လူတစ်ကိုယ် ကားတစ်စီးဆိုတာလည်း ပါတယ်”

“ဒီအိပ်မက်တွေ တကယ်ပဲ ပြည့်စုံလား ကိုဘသစ်”

“ကျွန်တော်ကတော့ ပြည့်စုံတဲ့လူတွေ အများစုကိုပဲ တွေ့ခဲ့ပါတယ်။ ကျွန်တော့်အမြင် မှန်ချင်လည်းမှန် မှားချင်လည်းမှားမှာပေါ့။ သူတို့ဟာ“ American Dream” ကို တကယ်ရတယ်လို့ ဆိုနိုင်တယ်”

“ဘာကြောင့် ဒီလိုရတာလဲ”

“သူတို့ရဲ့အုပ်ချုပ်ရေးစနစ် ကောင်းတယ်။ တရားဥပဒေစိုးမိုးမှု (Rule of Law) ကြောင့်လို့ ဆိုချင်တယ်”

“တရားဥပဒေ စိုးမိုးနိုင်ဖို့အတွက် ကျွန်တော် ထင်တာတော့ ပြည်သူလူထုလည်း အရေးပါတယ် ထင်တယ်။ လူတွေကောင်းဖို့  ပညာတတ်ဖို့နဲ့ စည်းကမ်းရှိဖို့လည်း လိုတယ်”

“မှန်ပါတယ်။ ဒါတွေကို  ငယ်ငယ်ကတည်းက ကျောင်းတွေမှာ သင်ပေးလို့ရတယ်။ ဒါပေမဲ့ ထိရောက်စွာ အရေးယူဖို့အတွက် ကျွန်တော်တို့ စနစ်လေးတစ်ခုတော့ လိုတယ်။ အမေရိကန်လို နိုင်ငံတွေမှာ လူတိုင်းရဲ့အချက်အလက်တွေကို ကွန်ပျူတာထဲမှာ ဖိုင်နဲ့ထည့်ထားတယ်။ ကွန်ပျူတာပေါ်ပြီးတဲ့နောက် တစ်ပြည်လုံးမှာ ဘယ်သူ ဘာလုပ်နေတယ်ဆိုတာကို ကြည့်လို့ရတယ်။ ဘယ်အခါမှာ ဘယ်ရဲစခန်းကပဲဖြစ်ဖြစ် လူတစ်ယောက်ကို ရှာလို့ရတယ်။ လက်ဗွေရာနဲ့ ရှာလို့ရသလို ဓာတ်ပုံကနေ Face Recognizing နဲ့လည်း ရှာနိုင်တယ်။ လူတိုင်းအတွက် သူနဲ့ဆိုင်တဲ့ မှန်ကန်တဲ့ သတင်းအချက်အလက်တွေကို ထည့်ထားတယ်”

“ဒါက ဘယ်လိုအကျိုးရှိလဲ”

“ဥပမာ ကျွန်တော်တို့က ပလက်ဖောင်းမှာ ဈေးပေးမရောင်းဘူးလို့ တားမြစ်ထားတယ်။ ဒါပေမဲ့ ရောင်းတဲ့သူရှိတယ်။ ဒီလိုလာရောင်းရင် အဲဒီလူကို ဓာတ်ပုံရိုက်သွားပေါ့။ ပြီးတော့ သူ ဘယ်သူလဲဆိုတာကို ရှာလိုက်လို့ ရတယ်”

“ရှာတိုင်း တွေ့တာပဲလား”

“မတွေ့တာတွေတော့ ရှိနိုင်ပါတယ်။ ဒါပေမဲ့ ဒီလိုရှာတဲ့အခါ သူ လိပ်စာပြောင်းသွား တာမျိုး နာမည်ပြောင်းထားတာမျိုး စတဲ့ အခက်အခဲတွေ အများကြီးတွေ့နိုင်ပါတယ်။  ဘယ်လိုဖြစ်ဖြစ် တွေ့တော့ တွေ့ပါတယ်။ သူ ပြောင်းလဲထားတာလုပ်ရင် အပြစ်ပိုကြီးတာပေါ့။ ထားပါ။ ဒီလို ဥပဒေချိုးဖောက်သူကို  ရဲစခန်းကို လှမ်းခေါ်ပြီး သတိပေးနိုင်တယ်။ သူ့ရဲ့မှတ်တမ်း (Record) မှာ အမှတ် (Point) ပေးလိုက်တဲ့အကြောင်း ပြောပြရမယ်။ ဒီ Point တွေဟာ သူ့ဘ၀အတွက် အရေးကြီးတယ်။ သူ ဘာလုပ်လုပ် Point တွေဟာ သူ့နောက် အရိပ်လို လိုက်နေတော့မယ်။ ဒီတော့ သူ နောက်တစ်ကြိမ် ပလက်ဖောင်းပေါ်ဈေးရောင်းရင် ဒါမှမဟုတ် တစ်ခုခုခု မမှန်တာလုပ်ရင် Point တွေ ထပ်တက်တော့မယ်။ ဒီလိုလုပ်ရင် သူ့ကို နယ်နှင်ဒဏ်အထိ ပေးလို့ရတယ်”

“ဟုတ်လား၊ နယ်နှင်တာကတော့ ဆိုး တာပဲ”

“ကျွန်တော်တို့ဆီလည်း အရင်ခေတ်က လူဆိုးတွေကို နယ်နှင်တာတွေရှိတယ်။ လွန် ခဲ့တဲ့နှစ်တွေက ပညာရေးဝန်ကြီးတောင် ဆရာတွေ အပြစ်ရှိရင် နယ်စပ်ကို ပို့ပစ်မယ်ဆိုတဲ့သဘောမျိုး ပြောသွားသေးတာပဲ”

“နယ်ပို့ပစ်မယ်လို့ ပြောတာ ထင်ပါ တယ်”

“ထားပါတော့။ ကျွန်တော်က အပြစ်ပေးတဲ့အခါ ဒီလိုအဝေးကို ပို့တာမျိုးတွေပါတယ် ဆိုတာပြောချင်လို့ပါ။ ရုပ်ရှင်မင်းသား ချာလီချက်ပလင်တောင် ကွန်မြူနစ်ဝါဒကို ယုံကြည်တယ်ဆိုပြီး အမေရိကန်ပြည်ထောင်စုက နှင်ထုတ်တဲ့သဘောမျိုး ကြားဖူးတယ်”

“အပြစ်ချည်းပေးတာတော့ မဟုတ်ဘူး ထင်တယ်”

“အပြစ်ပေးသလို ထောက်ပံ့မှုလည်း ပြုလုပ်တယ်။ အလုပ်မရှိတဲ့လူတွေကို ထောက်ပံ့တယ်။ အသက်ကြီးတဲ့သူတွေကိုလည်း ထောက်ပံ့တယ်”

“ဒီလိုထောက်ပံ့ဖို့နဲ့ အပြစ်ပေးဖို့အတွက် လူတွေရဲ့ သတင်းအချက်အလက်တွေ ပြည့်ပြည့်စုံစုံ လိုမှာပေါ့”

“ဟုတ်ပါတယ်။ ကျွန်တော်တို့ ၂၀၁၀ သန်းခေါင်စာရင်းမှာ လူသန်း ၆၀ လို့ မှန်းထားတာ သန်း ၅၀ ကျော်ပဲ တွေ့ရတယ်။ ၁၀ သန်း စာရင်းပျောက်နေတယ်”

“ဒါက ပြဿနာအကြီးကြီးပဲ။ ပျောက်နေတဲ့သူတွေရှိသလို ပိုနေတဲ့သူတွေလည်း အများကြီးရှိမယ်ဆိုတာ စဉ်းစားလို့ရတယ်”

“ဒါပေါ့။ ကျွန်တော့်မိတ်ဆွေတွေ နိုင်ငံကူးလက်မှတ်တွေ လုပ်တဲ့အခါ တွေ့ရတာကိုပြောပြတယ်။ အထူးသဖြင့် သက်တမ်းတိုးတဲ့အခါတွေမှာ  သူတို့မှတ်ပုံတင်တွေနဲ့ သက်တမ်းတိုးပြီး ပတ်စပို့အသစ် ထုတ်ယူသွားပြီး ဖြစ်နေတာကို ခဏခဏဆိုသလို တွေ့နေရ တယ်”

“မဖြစ်နိုင်ပါဘူး”

“ဖြစ်တဲ့သူတွေ အများကြီးပဲတဲ့။ ဒါ အကျင့်ပျက်ခြစားမှုကို အခြေခံတာပဲ။ ဒါဟာ

နိုင်ငံသားမဟုတ်သူ တစ်ယောက်ယောက်ကို နိုင်ငံကူးလက်မှတ် ထုတ်ပေးလိုက်တာပဲပေါ့။ “

“ဘာလို့ ဒီလိုပြောနိုင်တာလဲ”

“ခင်ဗျား စဉ်းစားကြည့်လေ။ နိုင်ငံသားတစ်ယောက်အနေနဲ့ နိုင်ငံကူးလက်မှတ် လျှောက်ရတာ ဘာမှ မခက်ဘူး။ သူ့လုပ်နည်းလုပ်ဟန်အတိုင်း လိုက်နာမယ်ဆိုရင် တစ်ပတ်နှစ်ပတ်မှာ ဒီလက်မှတ်ထွက်ပါတယ်။ မထွက်လည်း တစ်လပေါ့။ မှတ်ပုံတင်အတုနဲ့လုပ်ရင် အန္တရာယ်ကြီးတယ်။ မိသွားရင် ထောင်ကျမယ်။ တကယ်တော့ လူဝင်မှုကြီးကြပ်ရေးက လူတွေဟာ မှတ်ပုံတင်တစ်ခုကို ကိုင်ကြည့်လိုက်တာနဲ့ အတုလား အစစ်လား ဆိုတာ သိတာပဲ”

“သူတို့က Professional  တွေလေ။သူတို့ ကျွမ်းကျင်တဲ့နေရာပဲ”

“ဒီတော့ ဒီလို နိုင်ငံကူးလက်မှတ် သက်တမ်းတိုးတာ အလိမ်အညာ ဟုတ် မဟုတ် သူတို့ သိကို သိတယ်။ သူတို့နဲ့ ပူးပေါင်းလုပ်မှပဲ ဒီလိုနိုင်ငံကူးလက်မှတ် မသမာသူလက်ထဲ ရောက်နိုင်တယ်”

“ဌာနဆိုင်ရာတွေကတော့ သူတို့ကို ဒီလိုစွပ်စွပ်စွဲစွဲ ပြောတာကို ကြိုက်မှာ မဟုတ် ဘူး”

“ဘယ်ကြိုက်မလဲ။ ခိုင်မာတဲ့ အထောက်အထားလိုတယ်”

“ဟုတ်ပါတယ်။ ကျွန်တော်တို့လည်း ဒီလိုကြားနေတာ တွေ့နေတာတွေကို ပြောပြတာပါ။ ဒါပေမဲ့ ဌာနဆိုင်ရာအနေနဲ့ တာဝန်အများကြီးရှိတယ်ဆိုတာကို မမေ့ဖို့လိုတယ်။ အထူးသဖြင့် ဒီလို အပြင်လူတွေလက်ထဲ Passport စာအုပ် ရောက်သွားတာမျိုးတွေဟာ တိုင်းပြည် အန္တရာယ်အများကြီးရှိတယ်။ တကယ်တော့ လူဝင်မှုကြီးကြပ်ရေးဌာနဟာ နိုင်ငံရဲ့ တံခါးမှူးပဲ”

“တံခါးမှူး ခြစားတာ အရေးပါတယ်။ ပုံပြင်ထဲမှာတောင် တံခါးမှူး ခြစားတဲ့ အကြောင်း ဖတ်ဖူးတယ်”

“ပြောပါဦး”

“ခင်ဗျား ကြားဖူးမှာပါ။ တစ်ခါက နိုင်ငံ တစ်နိုင်ငံမှာ ငါး အင်မတန်ကြိုက်တဲ့ ဘုရင်တစ်ပါးရှိတယ်။ သူဟာ ငါးမပါရင် ထမင်းပွဲတော်မတည်ဘူးတဲ့”

“သူက သြဇာရော အာဏာရော ပိုက်ဆံရော ရှိတာကိုး။ တချို့လည်း ဒီလို သြဇာအာ ဏာရှိလာရင် ဘယ်အရက်မပါရင် ထမင်းမစားဘူးဆိုပြီး အရက်ကို ခုံမင်တာရှိတာပဲ”

“ဟုတ်ပါတယ်။ သူ  နေ့တိုင်း ငါးဟင်းစားရပါတယ်။ ဒါပေမဲ့ တစ်ရက်မှာ မုန်တိုင်းကျနေတော့ ဘယ်သူမှ ငါးမရှာဘူး။ ဘုရင့်စားတော်ကဲလည်း ငါးဝယ်လို့မရဖြစ်နေတယ်။ ဒီလိုဖြစ်နေတုန်းမှာ တံငါသည်တစ်ယောက်ဟာ ငါးတစ်ကောင်ကို ထမ်းပြီး နန်းတော်ထဲကို ၀င်လာတယ်။ တံခါးစောင့်က တွေ့တော့ သူ့ကို ရပ်ခိုင်းလိုက်တယ်။ ပြီးတော့ ဘုရင်ဆီ ၀င်ရောက်ပြီး ငါးကိုဆက်ဖို့ သူနဲ့ညှိရတယ်”

“ဟုတ်ရဲ့လား ဆရာကိုဘသစ်ရယ်၊ အရင်ခေတ်က ညှိတာတွေ မပေါ်သေးဘူး ထင်တယ်”

“မယုံလည်းပုံပြင်မှတ်ပေါ့ဗျာ။ တံခါးမှူးက ဘုရင် သူ့ကို ဆုတော်လာဘ်တော် အများကြီး ချမှာကိုသိတော့ သူ့ကို ထက်ဝက်ပေးဖို့ တောင်းတာပဲ”

“ကျွန်တော် ဒီပုံပြင်ကို သိပြီ။ တံခါးမှူးကဆုရရင် သူ့ကို ထက်ဝက်ပေးဖို့ တောင်းတာ မဟုတ်လား”

“ဟုတ်တယ်။ ဘုရင့်ဆီ ၀င်ခွင့်ပြုလိုက်တော့ ဘုရင်ကလည်း တံခါးမှူး ထင်သလို ဘာဆုလိုချင်လဲဆိုပြီး ဆုချဖို့လုပ်တယ်။ ဒီတော့ တံငါသည်က သူ့ကို ကြိမ်ဒဏ် ၁၀၀ ပေးဖို့ကိုသာ တောင်းဆိုတယ်”

“ကြိမ်ဒဏ်ကို တောင်းတယ်ဆိုတော့ စင်ကာပူဖြစ်မှာပဲ”

“ဖြစ်နိုင်ပါတယ်။ ဘုရင်က ဒီကောင် အရူးပဲဆိုပြီး ကြိမ်ဒဏ် အချက် ၁၀၀ သက် သက်ညှာညှာလေး ပေးစေဆိုပြီး အမိန့်ချလိုက်တယ်”

“မှန်တာပေါ့။ တချို့အရူးတွေဟာ အရိုက်ခံရတာကို သဘောကျတယ်”

“တကယ်တော့ တံငါသည်ဟာ မရူးပါဘူး။ သူ့ကို ပေးတဲ့ ကြိမ်ဒဏ် အချက် ၅၀ ပြည့်တော့ သူက ရပ်ခိုင်းလိုက်တယ်။ ဘုရင်ကတော့ ဒီကောင် မခံနိုင်ဘူး။ ဒါကြောင့် ရပ်ခိုင်းတယ်လို့ ထင်တယ်။ ဒါပေမဲ့ တံငါသည်က သူ့ကို ကြိမ်ဒဏ်ပေးတာ ရပ်ပါ။ ကျန်တစ်ဝက် အချက် ၅၀ ကိုတော့ သူ့ပါတနာကို ပေးပါ လို့ တောင်းဆိုတယ်။ ဘုရင်က သူ့လို ရူးတဲ့ကောင်မှာ ပါတနာရှိသေးလားဆိုပြီး အံ့သြ သွားတယ်။ “ကဲ၊ ခေါ်ခဲ့ကွာ။ ရှေ့တော်သွင်းစေ”လို့ဆိုတော့ တံငါသည်ဟာ တံခါးမှူးကို သွားခေါ်တော့တာပါပဲ။ တံခါးမှူးက ဘုရင့်အာဏာသားတွေပါ လာခေါ်တော့ မငြင်းရဲဘူး။သူ့ကို ကြိမ်ဒဏ်ချမှတ်ဖို့ ပြောတော့ ဘုရင်က ဘာကြောင့်လဲဆိုတာ မေးတယ်။ ဒီတော့ တံငါသည်က အကျိုးအကြောင်း ပြောပြတယ်။ သူရဲ့တံခါးမှူး အကျင့်ပျက်မှုကိုသိတော့ ကြိမ်ဒဏ် အချက် ၅၀ ကို ပြင်းထန်စွာ ရိုက်စေကာ အလုပ်က ထုတ်ပယ် လိုက်တယ်။ ပြီးတော့သူ့နေရာမှာ တံငါသည်ကို ခန့်ထားလိုက်လေတယ်”

“ကောင်းဗျာ။ ဒါနဲ့ တံခါးစောင့်ရာထူးကိုရတဲ့ တံငါသည် ပျော်ပါ့မလား”

“ပုံပြင်ကိုးဗျာ။ တကယ်တော့ ကိုယ့် အလုပ်ကိုယ်လုပ်တာ အကောင်းဆုံးပဲပေါ့။

ကျွန်တော်သာ ဘုရင်ဖြစ်ရင် တံငါသည်ကို တစ်ခုတော့ ပြောချင်တယ်”

“ဘာပြောမလဲ”

“မင်းဟာ အတော်ဉာဏ်များတာပဲလို့”

“အင်း ဘုရင်စနစ်တွေမှာ ဘုရင်ခန့်တဲ့ ရာထူးရဖို့ ကြံဖန်ရတာတွေ အများကြီးပေါ့။ မဟာဗန္ဓုလတောင် မောင်ရစ်ဘ၀က ဘာမဆိုင် ညာမဆိုင် ညီလာခံမှာ မင်းချင်းတစ်ယောက်ကို ထထောင်းသေးတာပဲ”

“အဂတိလိုက်စားတာဟာ အင်မတန် ထိခိုက်တယ်။ အုပ်ချုပ်ရေးကို ပျက်ပြားစေတယ်။ ဒီတော့လည်း ဆင်းရဲမွဲတေစေပါတယ်”

“ဆင်းရဲတွင်းက လွတ်ဖို့အတွက် အဂတိလိုက်စားတာကို တိုက်ဖျက်ဖို့လိုတာကိုတော့

ကျွန်တော် သဘောကျပါတယ်။ ဒါပေမဲ့ မှန်ကန်တဲ့ ဆောင်ရွက်ချက်တွေတော့ လိုတယ်။ လူတွေအားလုံး သိနေတာပဲလေ။ ဒါကို ကျွန်တော်တို့က တစ်ယောက်ယောက်ကို တာဝန်ပေးပြီး ကော်မရှင်ဖွဲ့ရုံနဲ့ မပြီးဘူး”

“ဒါတော့ ခင်ဗျားလည်း သိတယ်။ ကျွန်တော်လည်း သိတယ်”

အဂတိလိုက်စားမှုဖြင့် တရားစွဲဆိုထားသည့် နေပြည်တော်စည်ပင် ဌာနမှူးနှစ်ဦးကို မန္တလေးတိုင်း တရားလွှတ်တော် စွဲချက်တင်အမိန့်ချ

အဂတိလိုက်စားမှုဖြင့် နေပြည်တော် စည်ပင်ဌာနမှူး နှစ်ဦးအား မန္တလေးတိုင်း တရားလွှတ်တော်တွင် တရားစွဲဆိုထားရာ ဇွန် ၁၂ ရက်က စွဲချင်တင် အမိန့်ချမှတ်ခဲ့ကြောင်း သတင်းရရှိသည်။

၂၀၁၇ ခုနှစ် အောက်တိုဘာ ၃၁ ရက်မှ စတင်ပြီး မန္တလေးတိုင်းဒေသကြီး တရားလွှတ်တော်တွင် တရားစွဲခဲ့ခြင်းဖြစ်သည့် အဆိုပါ အမှုကို ဇွန် ၁၂ ရက်တွင် ၎င်းတို့ကို စွဲဆိုထားသည့် အမှုနှစ်ခုစလုံးအတွက် စွဲချက်တင် အမိန့်ချခဲ့ခြင်းဖြစ်သည်။

ဝက်အရောင်းအ၀ယ် သားသတ်လုပ်ငန်းလိုင်စင် ရရှိထားသူနှစ်ဦးက ဈေးများဌာနမှူး ဦးမင်းလွင်စိုးနှင့် တိရစ္ဆာန် ကုသရေးနှင့် သားသတ်ရုံများဌာနမှ ဌာနမှူး ဒေါက်တာခိုင်စိုးလှအား ငွေကြေးပေးခဲ့ရကြောင်း၊ အဆိုပါ ငွေပေးရမှုနှင့် ပတ်သက်၍ တိုင်ကြားခဲ့သဖြင့် စစ်ဆေးခဲ့သည့် အမှုဖြစ်သည်။

စစ်ဆေးချက်အရ ဦးမင်းလွင်စိုးသည် ဦးမျိုးခက်ထံမှ ကျပ် ၁၀ သိန်းနှင့် ဦးဘိုဘိုဟန်ထံမှ ကျပ်သိန်း ၂၀ ကိုလည်းကောင်း၊ ဒေါက်တာ ခိုင်စိုးလှသည် ဦးမျိုးခက်ထံမှ ကျပ် ၁၅ သိန်းနှင့် ဦးဘိုဘိုဟန်ထံမှ ကျပ်သိန်း ၄၀  ကို လည်းကောင်း ရယူခဲ့ကြောင်း စစ်ဆေးပေါ်ပေါက်သဖြင့် လုပ်ပိုင်ခွင့်အာဏာကို အလွဲသုံးပြီး ငွေကြေး ရယူခဲ့သောကြောင့် အဂတိလိုက်စားမှု တိုက်ဖျက်ရေးဥပဒေ ပုဒ်မ ၅၆ ဖြင့် အမှုဖွင့် ဖမ်းဆီးခဲ့ခြင်းဖြစ်သည်။

ဌာနမှူးနှစ်ဦးသည် သားသတ်လုပ်ငန်းရှင် နှစ်ဦးစလုံးထံမှ ငွေကြေးရယူခဲ့ခြင်း ဖြစ်သောကြောင့် အဂတိလိုက်စားမှု တိုက်ဖျက်ရေးဥပဒေ ပုဒ်မ ၅၆ ဖြင့် အမှုနှစ်မှုအတွက် မန္တလေးတိုင်း တရားလွှတ်တော်တွင်  အောက်တိုဘာ ၃၁ ရက်က စ တင်စွဲဆိုခဲ့သည့် အမှုဖြစ်သည်။

ထို့နောက် ဦးမင်းလွင်စိုးနှင့် ဒေါက်တာ ခိုင်စိုးလှအား တစ်ဦးချင်း အမှုအလိုက် ရုံးထုတ်စစ်ဆေးခဲ့ပြီး စွဲချက်တင်အမိန့် ချမှတ်ခဲ့ခြင်းဖြစ်သည်။

အဂတိ၊ ပွင့်လင်းမြင်သာမှုနှင့် မည်သူမျှ လက်မခံနိုင်သောကိစ္စ

အဂတိလိုက်စားမှု တိုက်ဖျက်ရေးကော်မရှင်ဥက္ကဋ္ဌ ဦးအောင်ကြည် (အလယ်) အား မေ ၂၃ ရက်က ပြုလုပ်သည့် အမျိုးသားလွှတ်တော် အစည်းအဝေးအပြီးတွင် တွေ့ရစဉ်

“ကျွန်တော် ၀န်ကြီးချုပ်ရာထူးက ထွက်ခွာသွားချိန်မှာ ကျွန်တော့်ရဲ့ ကိုယ်ပိုင်ဥစ္စာပစ္စည်းတွေကို စစ်ဆေးပါ။ ၀န်ကြီးချုပ် မဖြစ်ခင်ကထက် တစ်ကျပ်ပိုရှိနေတာ တွေ့တယ်ဆိုရင် ကျွန်တော့်ကို သူခိုးလို့ ကြေညာပါ။ ကျွန်တော်ခံပါ့မယ်”

(၀န်ကြီးချုပ်ဟောင်း ဦးနု )

လွတ်လပ်ရေးရပြီးနောက်ပိုင်း မြန်မာနိုင်ငံရဲ့ ပထမဆုံး ၀န်ကြီးချုပ်ဖြစ်သူ ဦးနုက သူအဂတိ ကင်းရှင်းကြောင်းကို ရဲရဲကြီး အာမခံခဲ့ဖူးပါတယ်။ ၁၉၆၂ ခုနှစ် မြန်မာနိုင်ငံမှာ ဦးနေ၀င်း အာဏာသိမ်းပြီးနောက်ပိုင်း အုပ်ချုပ်ရေးပိုင်း တာဝန်ယူခဲ့တဲ့ ခေတ်အဆက်ဆက် အစိုးရ အဖွဲ့ဝင်တွေကြားမှာ အဂတိနဲ့ ပတ်သက်လို့ သတ္တိရှိရှိ အာမခံရဲတဲ့ ၀န်ကြီးချုပ်ဟောင်း ဦးနုလို ပုဂ္ဂိုလ်မျိုး မမြင်ရတာ နှစ်ပေါင်း ၅၆ နှစ်ကျော် ကြာခဲ့ပါပြီ။

ဆိုရှယ်လစ်ခေတ်၊ န၀တ၊ နအဖခေတ်၊ ဦးသိန်းစိန်ခေတ်နဲ့ အခု NLD အစိုးရ လက်ထက်အထိ အဂတိနဲ့ ပတ်သက်လို့ အစိုးရအဖွဲ့ဝင် တွေထဲက ရဲရဲကြီး အာမခံရဲတဲ့သူ မထွက်ပေါ်လာသေးပါဘူး။ မြန်မာနိုင်ငံမှာ စစ်အုပ်ချုပ်ရေးကနေ ဒီမိုကရေစီ အကူးအပြောင်း ကာလလို့ ခေါ်ဆိုကြတဲ့ ဦးသိန်းစိန် အစိုးရ လက်ထက်မှာလည်း အဂတိမကင်းတဲ့ ဖြစ်စဉ်တွေက သူတို့အစိုးရ ဆင်းသွားပြီးချိန်မှာ တစ်ခုပြီးတစ်ခု ပေါ်ပေါက်လာပါတယ်။ ဥပမာ မြန်မာနိုင်ငံ ကျောက်မျက်ရတနာ လုပ်ငန်းရှင်များ အသင်းချုပ် ရန်ပုံငွေထဲကနေ အမေရိကန်ဒေါ်လာ သန်း ၈၀ ကျော်ကို အစိုးရ အဖွဲ့ဝင်ဟောင်းတွေနဲ့ အသင်းချုပ် တာဝန်ရှိသူတွေ ပူးပေါင်းပြီး အလွဲသုံးစား ပြုလုပ်ခဲ့မှုအပေါ် စုံစမ်းဖော်ထုတ် အရေးယူပေးဖို့ တိုင်ကြားတာတွေ၊ မကွေးတိုင်းဒေသကြီး ရေနံလက်ယက်တွင်း လုပ်ငန်းရှင်တွေက ဒေသဖွံ့ဖြိုးရေးအတွက် ထည့်ဝင်ခဲ့တဲ့ ငွေကျပ် ၂ ဒသမ ၈ ဘီလျံ ရန်ပုံငွေကို အစိုးရအဖွဲ့သစ်ထံ လွှဲပြောင်း မပေးခဲ့မှုတွေက သိသာထင်ရှားလှတဲ့ ဖြစ်စဉ်တွေ ဖြစ်ပါတယ်။

နောက်ပိုင်း မကွေးတိုင်းကိစ္စကို ပြည်ထောင်စုဝန်ကြီးရဲ့ အကြံပြုချက်အတိုင်း ပြည်ထောင်စုအစိုးရရဲ့ ပြည်ထောင်စု စာရင်းစစ်ချုပ်နဲ့ အထူးစုံစမ်းစစ်ဆေးရေး ဦးစီးဌာန (စစစ) တို့က စစ်ဆေးရာမှာ ပျောက်ဆုံးနေတဲ့ ငွေကျပ် ၂ ဒသမ ၈ ဘီလျံ မဟုတ်ဘဲ ငွေကျပ် ၇ ဒသမ ၄၅၉ ဘီလျံကျော်ကြောင်း တွေ့ရှိခဲ့ပါ တယ်။ လက်ရှိအချိန်မှာတော့ အဲဒီငွေတွေကို အရစ်ကျ ပြန်ဆပ်ခဲ့ပြီး ဖြစ်ပေမယ့် သမိုင်းမှာတော့ အမည်းစက်က ဖျောက်ဖျက်လို့ မရတော့ပါဘူး။

၂၀၁၅ ရွေးကောက်ပွဲအပြီးမှာ ဒေါ်အောင်ဆန်းစုကြည် ဦးဆောင်တဲ့ အစိုးရတစ်ရပ် ပေါ်ထွက်လာပါတယ်။ ဒေါ်အောင်ဆန်းစုကြည် အနေနဲ့ သူ့အစိုးရအဖွဲ့ကို အဂတိကင်းစင်တဲ့ အစိုးရတစ်ရပ်ဖြစ်ဖို့ လုပ်ဆောင်သွားမယ်လို့ ကြွေးကြော်ခဲ့ပါတယ်။ ၂၀၁၅ ရွေးကောက်ပွဲ မတိုင်မီ နိုဝင်ဘာ ၅ ရက်က တက္ကသိုလ်ရိပ်သာလမ်း၊ ခြံအမှတ် (၅၄)မှာ ပြုလုပ်တဲ့ NLD ပါတီရဲ့ ရွေးကောက်ပွဲနဲ့ ပတ်သက်တဲ့ သတင်းစာ ရှင်းလင်းပွဲမှာ အဂတိကင်းစင်တဲ့ အစိုးရအဖွဲ့အဖြစ် ဖွဲ့စည်းမယ်လို့ ဒေါ်အောင်ဆန်းစုကြည်က ပြောကြားခဲ့တာပါ။

“စီးပွားရေးနဲ့ ပတ်သက်လို့၊ ငွေရေးကြေးရေးနဲ့ ပတ်သက်လို့ အထူးသတိထားဖို့ လိုပါတယ်။ အဂတိ လိုက်စားမှုဆိုတာ အဲဒီက စတာပဲ။ အစိုးရက အဂတိလိုက်စားမှု မကင်းရင် စီးပွားရေးကလည်း အဂတိ လိုက်စားမှုကင်းမှာ မဟုတ်ပါဘူး။ သန့်ရှင်းတဲ့ အစိုးရနဲ့စပြီး သန့်ရှင်းတဲ့ စီးပွားရေးစနစ်ကို ထူထောင်ဖို့ အစီအစဉ် ရှိပါတယ်” လို့ ဒေါ်အောင်ဆန်းစုကြည်က ဆိုပါတယ်။

ဒါ့အပြင် ၂၀၁၅ ရွေးကောက်ပွဲအပြီး နိုဝင်ဘာ ၂၈ ရက်က တော်ဝင်နှင်းဆီမှာ ပြုလုပ်တဲ့ ဒေါ်အောင်ဆန်းစုကြည်နဲ့ NLD အနိုင်ရ လွှတ်တော်ကိုယ်စားလှယ်တွေ တွေ့ဆုံပွဲမှာလည်း ငွေရေးကြေးရေး ပြဿနာကို ဖြေရှင်းရာမှာ မှားသွားပါက ဥပဒေအရ အရေးယူမှာဖြစ်ပြီး ရဲဘော်ရဲဘက် ဖြစ်တာကြောင့် ထောင်ဝင်စာ လာတွေ့မှာဖြစ်ကြောင်း ဒေါ်အောင်ဆန်းစုကြည်က ပြောကြားခဲ့တယ်လို့ သိရပါတယ်။

NLD ပါတီရဲ့ ၂၀၁၅ ခုနှစ် ရွေးကောက်ပွဲ မတိုင်မီ ကြေညာစာတမ်းမှာလည်း “အဂတိကင်းစင်သော လူ့အသိုင်းအ၀ိုင်း ဖော်ဆောင်ရန် လိုအပ်သကဲ့သို့ ထိရောက်စွာ ဆောင်ရွက်မည်” လို့ ဖော်ပြထားပါတယ်။ ဒီလို ရွေးကောက်ပွဲ ကြေညာစာတမ်းမှာလည်း အတိအလင်း ဖော်ပြခဲ့သလို  NLD အစိုးရမဖွဲ့မီ အချိန်ကတည်းက ဒေါ်အောင်ဆန်းစုကြည် အနေနဲ့ သတိပေး ပြောကြားမှုတွေ လုပ်ဆောင်ခဲ့ပေမယ့်လည်း အစိုးဖွဲ့ပြီး မကြာခင် သင်္ကြန်ကာလမှာ အဂတိလိုက်စားမှုနဲ့ ပတ်သက်လို့ သွေးတိုးစမ်းတဲ့ ကိစ္စတစ်ခု ဖြစ်လာပါတယ်။ ၂၀၁၆ ခုနှစ် သင်္ကြန်ကာလမှာ အစိုးရအဖွဲ့ဝင် အရေးကြီး ပုဂ္ဂိုလ်တစ်ယောက်ရဲ့ ကိုယ်ရေးအရာရှိကို ငွေကျပ်သိန်း ၅၀ လက်ဆောင်ပေးတဲ့ကိစ္စ ဖြစ်ပေါ်ခဲ့ပေမယ့် ထိထိရောက်ရောက် အရေးယူခြင်း မရှိတဲ့အပြင် သတိပေးရုံသာ လုပ်ခဲ့တာကြောင့် ပြည်သူတွေကြားမှာ ဝေဖန်စရာ ဖြစ်ခဲ့ပါတယ်။

ဒီကိစ္စဖြစ်ပွားပြီးနောက်ပိုင်း အဲဒီအချိန်တုန်းက နိုင်ငံတော်သမ္မတရုံး ပြည်ထောင်စုဝန်ကြီး ဒေါ်အောင်ဆန်းစုကြည် လက်မှတ်ရေးထိုးထားတဲ့ “လက်ဆောင်ပစ္စည်း လက်ခံခြင်းနှင့် ပတ်သက်သည့် လမ်းညွှန်ချက်” ကို ဗဟိုရုံးတွေ၊ ပြည်ထောင်စု ၀န်ကြီးဌာနတွေနဲ့ ပြည်နယ်၊ တိုင်းအစိုးရတွေဆီ ၂၀၁၆ ဧပြီ ၁ ရက်နေ့စွဲနဲ့ ပေးပို့ဖြန့်ဝေခဲ့ပါတယ်။ အဲဒီလမ်းညွှန်ချက်ထဲမှာ အစိုးရ အဖွဲ့ဝင်များ အနေနဲ့ မိမိရာထူးကြောင့် ပေးအပ်တယ်လို့ ယူဆရတဲ့ အဖွဲ့အစည်း၊ လူပုဂ္ဂိုလ်များ ထံကနေ ပေးအပ်တဲ့ လက်ဆောင်ပစ္စည်းများကို လက်ခံခြင်း မပြုရလို့ သတ်မှတ်ပြီး ကျန်ပုဂ္ဂိုလ် အဖွဲ့အစည်းများ ပေးပါက တစ်ကြိမ်ကို ကျပ်နှစ်သောင်းခွဲထက် မပိုဘဲ တစ်နှစ်အတွင်း ကျပ်တစ်သိန်းထက်မပိုတဲ့ လက်ဆောင်ပစ္စည်းများနဲ့ အခါကြီး ရက်ကြီးတွေမှာ ဂါရ၀ပြု ပေးအပ်ပါက ကျပ်တစ်သိန်းထက်မပိုတဲ့ လက်ဆောင်ပစ္စည်းများကိုသာ ခြွင်းချက်အဖြစ် လက်ခံခွင့်ပြုတယ်လို့ ပါရှိပါတယ်။

ဒီလို “လက်ဆောင်ပစ္စည်း လက်ခံခြင်းနှင့် ပတ်သက်သည့် လမ်းညွှန်ချက်” ထုတ်ပြန်ပြီး မကြာခင် အချိန်မှာပဲ လွှတ်တော်ဘက်ပိုင်းကလည်း  ၂၀၁၆ ခုနှစ် သြဂုတ် ၁၀ ရက်က ကျင်းပခဲ့တဲ့ ဒုတိယအကြိမ် ပြည်သူ့လွှတ်တော် အစည်းအဝေးမှာ “နိုင်ငံတစ်ဝန်း အဂတိလိုက်စားမှုများ ထင်ရှားသိသာစွာ ကျဆင်းလျော့ပါးရေး ထိထိရောက်ရောက် ကိုင်တွယ်ဖြေရှင်း ဆောင်ရွက်ပေးရန် ပြည်ထောင်စုအစိုးရသို့ တိုက်တွန်းကြောင်း” အဆိုကို ကန့်ကွက်သူမရှိ အတည်ပြုခဲ့ပါတယ်။ ဒီအဆိုကို နှစ်ရက်ကြာ အချိန်ယူပြီး လွှတ်တော်မှာ လွှတ်တော်ကိုယ်စားလှယ် ၃၂ ဦးက တက်တက်ကြွကြွ ထောက်ခံဆွေးနွေးခဲ့ပြီးတဲ့ နောက်မှာတော့ အတည်ပြုဖို့ မဲခွဲဆုံးဖြတ်ရာမှာ ထောက်ခံမဲ ၃၇၀ မဲရရှိကာ ကန့်ကွက်မဲ မရှိ၊ ကြားနေမဲ မရှိဘဲ ပြည်သူ့လွှတ်တော်က အတည်ပြု နိုင်ခဲ့တာ ဖြစ်ပါတယ်။

“အဆိုကို လွှတ်တော်က အတည်ပြုလိုက်နိုင်တယ် ဆိုတော့ ဒီအဂတိလိုက်စားမှု တိုက်ဖျက်ရေးကို အစိုးရက ထိထိရောက်ရောက် ကိုင်တွယ်ဆောင်ရွက်ဖို့ တာဝန်ရှိသွားတဲ့ သဘောဖြစ်သွားပြီ” လို့ အဆိုရှင်ဖြစ်သူ ဒေါက်တာသန်းဝင်းက လွှတ်တော်အစည်းအဝေး အပြီးမှာ မီဒီယာတွေကို ပြောပါတယ်။

ဒါကြောင့်လည်း ၂၀၁၇ ခုနှစ် ဇူလိုင် ၁၀ ရက်က ကျင်းပခဲ့တဲ့ မြန်မာနိုင်ငံ၊ နိုင်ငံ့ဝန်ထမ်း ပြုပြင်ပြောင်းလဲမှုဆိုင်ရာ မဟာဗျူဟာစီမံချက် ထုတ်ပြန်ကြေညာတဲ့ အခမ်းအနားမှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မိန့်ခွန်းပြောကြားရာမှာ စိန်ခေါ်မှုတွေအနက် အဓိက အကျဆုံးက အဂတိလိုက်စားမှု ဖြစ်တယ်လို့ ထည့်သွင်း ပြောကြားခဲ့ပါတယ်။

“စိန်ခေါ်မှုတွေအနက် အဓိက အကျဆုံးကတော့ အဂတိလိုက်စားမှုပဲ ဖြစ်ပါတယ်။ အဂတိ လိုက်စားမှုဟာ တိုင်းတာဖို့ ခက်သလို၊ သတိပြုမိဖို့လည်း ခက်ပါတယ်။ ဒီကိစ္စဟာ ပြဿနာ တစ်ခုအဖြစ် တည်ရှိနေသေးတာကတော့ ယုံမှားသံသယ မရှိနိုင်ပါဘူး။ အဂတိလိုက်စားမှုဟာ အယုံအကြည်ရှိမှု၊ ကောင်းမွန်တဲ့ အုပ်ချုပ်မှုနဲ့ ပြည်သူ့ဝန်ထမ်း ယန္တရားကြီး တစ်ခုလုံးရဲ့ ဂုဏ်ရှိမှုတို့ကို တိုက်စားဖျက်ဆီးပါတယ်။ ထို့ပြင် အဂတိ လိုက်စားခြင်းဟာ လူအနည်းငယ်ရဲ့ အကျိုးကို အများအကျိုး အထက်မှာ ထားရှိခြင်း ဖြစ်တာကြောင့် ဒီမိုကရေစီရဲ့ ဗဟိုမူဖြစ်တဲ့ ပြည်သူကို ကိုယ်စားပြုတဲ့ အုပ်ချုပ်ရေးကို ထိပါးစေပါတယ်” လို့ ဒေါ်အောင်ဆန်းစုကြည်က ဆိုပါတယ်။

အဲဒီနောက်ပိုင်းမှာ NLD အစိုးရလက်ထက်မှာ သမ္မတဟောင်း ဦးသိန်းစိန် ဖွဲ့စည်းခဲ့တဲ့ အဂတိ လိုက်စားမှု တိုက်ဖျက်ရေး ကော်မရှင်အနေနဲ့ အမြင့်ဆုံး တရားစွဲဆိုမှုအဖြစ် သိန်းထောင်ချီ လာဘ်စားမှုကြောင့် ကရင်ပြည်နယ် အုပ်ချုပ်ရေးမှူး ဦးပြုံးချိုနဲ့ ပြည်ထဲရေး အရာရှိများ အပါအ၀င် စုစုပေါင်း လူခြောက်ဦးကို ဖမ်းဆီးခဲ့ပါတယ်။ ဖမ်းဆီးခံရသူ ခြောက်ဦးကတော့ အရင်အစိုးရ လက်ထက်မှာ ဒုတိယ အမြဲတန်း အတွင်းဝန် တာဝန်ယူခဲ့ဖူးတဲ့ ဦးပြုံးချိုဟာ လက်ရှိမှာ ကရင်ပြည်နယ် အုပ်ချုပ်ရေးမှူးဖြစ်ပြီး နောက်ထပ် ပါဝင်သူတွေကတော့  ပြည်ထဲရေး ၀န်ကြီးဌာန ၀န်ကြီးရုံးက ဒုတိယရဲမှူးကြီးတစ်ဦး၊ ပြည်ထဲရေးဝန်ကြီးဌာနက ဒုတိယညွှန်ကြားရေးမှူးတစ်ဦး၊ ဦးစီးအရာရှိ တစ်ဦးနဲ့ မြေပိုင်ရှင် ကိုယ်စားလှယ် လွှဲအပ်ခံထားရသူနှစ်ဦး ပါတယ်လို့  နိုင်ငံတော် အတိုင်ပင်ခံရုံး ၀န်ကြီးဌာနနဲ့ သမ္မတရုံး ၀န်ကြီးဌာန ပြောရေးဆိုခွင့်ရှိသူ ဦးဇော်ဌေးက ဆိုပါတယ်။

ဒုတိယအကြိမ် ပြည်သူ့လွှတ်တော်မှာ အဆိုကို အတည်ပြုခဲ့ပြီး တစ်နှစ်နဲ့ သုံးလကျော်အကြာမှာ အဂတိလိုက်စားမှု တိုက်ဖျက်ရေး ကော်မရှင်အသစ်ကို ၂၀၁၇ ခုနှစ် နိုဝင်ဘာ ၂၃ ရက်က သမ္မတဦးထင်ကျော်က ပြန်လည်ဖွဲ့စည်း ပေးခဲ့ပါတယ်။ ကော်မရှင်သစ်ရဲ့ ဥက္ကဋ္ဌအဖြစ် အရင်ပြန်ကြားရေး ပြည်ထောင်စု ၀န်ကြီးဟောင်းဖြစ်သူ ဦးအောင်ကြည်ကို တာဝန်ပေးအပ် လိုက်ပါတယ်။ NLD အစိုးရသက်တမ်း နှစ်နှစ်နီးပါး ရှိလာတဲ့ အချိန်ရောက်မှ  အဂတိလိုက်စားမှု တိုက်ဖျက်ရေး ကော်မရှင်ကို အသစ်ပြန်လည် ဖွဲ့စည်းတာပါ။

အဂတိလိုက်စားမှု တိုက်ဖျက်ရေး ကော်မရှင်ကို အသစ်ပြန်လည် ဖွဲ့စည်းလိုက်ပြီး မကြာခင် ကမ္ဘာလုံးဆိုင်ရာ အဂတိလိုက်စားမှု အခြေအနေ စောင့်ကြည့်လေ့လာရေးအဖွဲ့ (Transparancy International) ကနေ ထုတ်ပြန်လိုက်တဲ့  ၂၀၁၇ ခုနှစ်အတွက် မြန်မာနိုင်ငံရဲ့ အဂတိလိုက်စားမှု အခြေအနေပြ အညွှန်းကိန်းက နိုင်ငံပေါင်း ၁၈၀ အနက် အဆင့် ၁၃၀ မှာ ရှိခဲ့ပါတယ်။ ပြောရရင် NLD အစိုးရ နှစ်နှစ်သက်တမ်းအတွင်း ၂၀၁၆ ခုနှစ်ကထက် ၂၀၁၇ ခုနှစ်မှာ အဆင့်ခြောက်ဆင့် တက်လာတာပါ။  မြန်မာနိုင်ငံရဲ့ အဆင့်က ၁၃၀ ဆိုပေမယ့် အဂတိလိုက်စားမှု တိုက်ဖျက်ရေးမှာ အောင်မှတ် မရသေးပါဘူး။ ဘာကြောင့်လဲဆိုတော့ အဂတိလိုက်စားမှု အလိုက်စားဆုံး နိုင်ငံတွေကို အနီရောင်နဲ့ ဖော်ပြတဲ့အထဲမှာ မြန်မာနိုင်ငံက ပါဝင်နေပါသေးတယ်။

NLD အစိုးရလက်ထက်မှာ အဂတိလိုက်စားမှုနဲ့ ပတ်သက်လို့ ကော်မရှင်အသစ်ဖွဲ့ပြီး ထိထိရောက်ရောက် လုပ်ဆောင်လာတာကို တွေ့ရပါတယ်။ ဒါ့အပြင် ပြီးခဲ့တဲ့ ၂၀၁၈ ခုနှစ် ဇန်န၀ါရီ ၂၂ ရက်နဲ့ ၂၃ ရက်က ရန်ကုန်မြို့ Park Royal ဟိုတယ်မှာ UNODC တို့ ပူးပေါင်းပြီး အဂတိလိုက်စားမှု တိုက်ဖျက်ရေးနဲ့ ပတ်သက်လို့ နယ်ပယ်အသီးသီးက ပညာရှင်တွေရဲ့ Promote Integrity to Counter Corruption စာတမ်းဖတ်ပွဲကို ကျင်းပပေးခဲ့ပါတယ်။

“ဒီဘုံရန်သူကို တွန်းလှန်တဲ့ နေရာမှာ ကျွန်တော်တို့ အဂတိလိုက်စားမှု တိုက်ဖျက်ရေးကော်မရှင် တစ်ခုတည်းနဲ့လည်း မရဘူး။ အစိုးရဌာနဆိုင်ရာများ ပါဝင်ရုံမျှနဲ့လည်း မရပါဘူး။ လူထုလူတန်းစား အဖွဲ့အစည်း အသီးသီး၊ အသက်အရွယ် ကြီးငယ်လတ် အသီးသီး၊ ပြည်သူလူထု တစ်ရပ်လုံး ပါဝင်လာမှ တွန်းလှန်နိုင်မှာ ဖြစ်ပါတယ်” လို့ မြန်မာနိုင်ငံ အဂတိလိုက်စားမှု တိုက်ဖျက်ရေး ကော်မရှင်ဥက္ကဋ္ဌ ဦးအောင်ကြည်က ပြောကြားခဲ့ပါတယ်။

မြန်မာနိုင်ငံမှာ အဂတိလိုက်စားမှု တိုက်ဖျက်ရေးအတွက် ငါးကြီးကြီးဖမ်းပြီး ကြော်ပစ်တဲ့ နည်းလမ်းကို အသုံးပြုဖို့ စီးပွားရေးပညာရှင် ဦးမြင့်က အကြံပြု ပြောကြားပါတယ်။

“တကယ်လုပ်နေတဲ့ဟာ ပြရမယ်။ ပြတဲ့အခါ အများအားဖြင့် ဘယ်လိုလုပ်ကြသလဲဆိုရင် ဥပမာက ငါးကြီးကြီး အချို့ကို ကြော်လိုက်ပါ” လို့ ဦးမြင့်က ဆိုပါတယ်။

ဒီလိုအချိန်မှာပဲ NLD အစိုးရ လက်ထက်မှာ နိုင်ငံရေးအရ အကြီးမားဆုံးသော အပြောင်းအလဲတစ်ခု ဖြစ်ပေါ်လာခဲ့ပါတယ်။ အဲဒီအပြောင်းအလဲကတော့ NLD အစိုးရ သက်တမ်း နှစ်နှစ်ပြည့်ခါနီး အချိန်မှာ သမ္မတဟောင်း ဦးထင်ကျော် နုတ်ထွက်ခဲ့ပြီး သမ္မတသစ်အဖြစ် ဦးဝင်းမြင့်ကို တင်မြှောက်ခဲ့ပါတယ်။ ဒါဟာ NLD အစိုးရအနေနဲ့ နိုင်ငံရေးကစားပွဲကို အငြိမ်ကစားနေရာကနေ အလှုပ်ကစားဖို့ ခြေလှမ်းစလိုက်တာလို့ နိုင်ငံရေးလေ့လာ စောင့်ကြည့်သူတွေက သုံးသပ်ကြပါတယ်။

သမ္မတသစ် ဦးဝင်းမြင့်အနေ နဲ့ ၂၀၁၈ ခုနှစ် မတ် ၂၈ ရက်က ကျင်းပတဲ့ ပြည်ထောင်စု လွှတ်တော်မှာ ကျမ်းသစ္စာ ကျိန်ဆိုခဲ့ပြီး ပထမဦးဆုံး မိန့်ခွန်းပြောကြားရာမှာ ဦးစားပေး ရည်မှန်းချက်ပန်းတိုင် သုံးခုနဲ့ အကောင်အထည်ဖော်မယ့် လုပ်ငန်းစဉ် ရှစ်ချက်ကို ပြောကြားခဲ့ပါတယ်။

သမ္မတ ဦးဝင်းမြင့်အနေနဲ့ အကောင်အထည်ဖော်မယ့် လုပ်ငန်းစဉ် ရှစ်ချက်ထဲမှာ အဂတိလိုက်စားမှု ပိုမိုတိုက်ဖျက်ရေးကို လုပ်ဆောင်သွားမယ်လို့ ထည့်သွင်းပြောကြား ခဲ့ပါတယ်။ သူပြောကြားခဲ့တဲ့ စကားအတိုင်း ဧပြီ ၁၁ ရက်မှာတော့ နိုင်ငံတော်သမ္မတအိမ်တော် ဧည့်ခန်းမမှာ အဂတိလိုက်စားမှု တိုက်ဖျက်ရေး ကော်မရှင်ဥက္ကဋ္ဌနဲ့ အဖွဲ့ဝင်တွေကို တွေ့ဆုံခဲ့ပါတယ်။ ဒီလိုတွေ့ဆုံရာမှာ အဂတိလိုက်စားမှု တိုက်ဖျက်ရေး ကော်မရှင်အနေနဲ့ လုပ်ငန်းတာဝန်တွေကို တိတိကျကျ မှန်မှန်ကန်ကန် ပိုမိုလုပ်ဆောင်သွားဖို့ တိုက်တွန်းခဲ့ပါတယ်။ ကော်မရှင်အနေနဲ့ လုပ်ငန်းဆောင်ရွက်ရာမှာ လုပ်ပိုင်ခွင့်အာဏာ အရှိန်အ၀ါရှိသူတွေရဲ့ ၀င်ရောက်စွက်ဖက်မှုတွေ၊ စွပ်စွဲခံရသူဘက်က အကာအကွယ်ပေးမှုတွေ ရှိပါက ပွင့်ပွင့်လင်းလင်း တင်ပြဖို့ကိုလည်း သမ္မတက ပြောကြားခဲ့ပါတယ်။

ဒါ့အပြင် အဂတိလိုက်စားမှု တိုက်ဖျက်ရေး ကော်မရှင်က နိုင်ငံ့ဝန်ထမ်းတစ်ဦးဦးကို တရားစွဲဆို အရေးယူရာမှာ မကြန့်ကြာစေဖို့ ဌာနဆိုင်ရာတွေက ခွင့်ပြုချက် အမြန်ဆုံး ထုတ်ပေးရမယ်လို့ နိုင်ငံတော်သမ္မတရုံးက ၀န်ကြီးဌာနတွေကို ဧပြီ ၁၉ ရက်က ညွှန်ကြားခဲ့ပါတယ်။

သမ္မတနဲ့ ကော်မရှင်တို့ တွေ့ဆုံပြီး မကြာခင်မှာပဲ ရာထူးအမြင့်ဆုံး အစိုးရအရာထမ်း တစ်ဦးဖြစ်တဲ့ အစားအသောက်နှင့် ဆေးဝါးကွပ်ကဲရေး ဦးစီးဌာန (FDA) မှ ညွှန်ကြားရေးမှူးချုပ် ဒေါက်တာသန်းထွဋ်ကို အဂတိလိုက်စားမှုနဲ့ ဖမ်းဆီးအရေးယူ ခဲ့ပါတယ်။ ကျန်းမာရေးနှင့် အားကစားဝန်ကြီးဌာန လက်အောက်က စီမံကိန်းတွေနဲ့ ပတ်သက်လို့ အဆောက်အအုံ အရည်အသွေး ပြည့်မီမှုမရှိခြင်း၊ ဌာနအကြီးအကဲအချို့ရဲ့ ပြည်သူ့ဘဏ္ဍာတွေအပေါ် ကိုယ်ကျိုးသုံးစွဲမှုတွေကို ဖော်ထုတ်စစ်ဆေးပေးဖို့ တိုင်ကြားလာတဲ့အတွက် အဂတိလိုက်စားမှု တိုက်ဖျက်ရေး ကော်မရှင်ကနေ စုံစမ်းစစ်ဆေးရေးအဖွဲ့နဲ့ စစ်ဆေးခဲ့တယ်လို့ ကော်မရှင်ရုံးက ထုတ်ပြန်ပါတယ်။

ဒီလို စစ်ဆေးရာမှာ ဒေါက်တာသန်းထွဋ်အနေနဲ့ လုပ်ပိုင်ခွင့် အာဏာကို အလွဲသုံးစားပြုပြီး ၂၀၁၇ ခုနှစ်အတွင်း သူပိုင်ဆိုင်တဲ့ မြေကွက်ပေါ်မှာ ခြံစည်းရိုးကာရံခြင်း၊ တစ်ထပ်တိုက် နေအိမ်တစ်လုံး၊ ကားဂိုဒေါင်ပါ နှစ်ထပ်နေအိမ်တစ်လုံး၊ ဂိတ်တဲတစ်လုံး၊ ရေကူးကန် တစ်ခုနဲ့ ရေပန်းတစ်ခု စုစုပေါင်း တန်ဖိုးငွေ ကျပ်သိန်း ၁၅၀၀ ကျော်ကို တင်ဒါအောင်မြင်တဲ့ ကုမ္ပဏီဆီကနေ တောင်းခံရယူခဲ့တယ်လို့ စစ်ဆေးပေါ်ပေါက်တာကြောင့်၂၀၁၃ ခုနှစ် အဂတိလိုက်စားမှု တိုက်ဖျက်ရေး ဥပဒေပုဒ်မ ၅၆ နဲ့ အမှုဖွင့် အရေးယူခဲ့တာပါ။

သမ္မတ ဦးဝင်းမြင့်အနေနဲ့ အဂတိလိုက်စားမှု တိုက်ဖျက်ဖို့ နောက်ထပ် ခြေလှမ်းတစ်ခုအဖြစ် သမ္မတနဲ့ ပြည်ထောင်စုအဆင့် ပုဂ္ဂိုလ်တွေရဲ့ ပိုင်ဆိုင်မှုကို ပြည်ထောင်စုလွှတ်တော် နာယကဆီ တင်ပြထားပြီးပြီလို့ နိုင်ငံတော်သမ္မတရုံးက မေ ၈ ရက် ကြေညာခဲ့ပါတယ်။ ဒီလို အဂတိလိုက်စားမှု တိုက်ဖျက်ရေးအတွက် သမ္မတဦးဝင်းမြင့်က လုပ်ဆောင်နေပေမယ့်လည်း နိုင်ငံရေးနယ်ပယ်မှာ တာဝန်ရှိတဲ့ ပုဂ္ဂိုလ်တချို့အပေါ် အဂတိလိုက်စားမှုနဲ့ ပတ်သက်လို့ တိုင်ကြားမှုတွေ၊ မီဒီယာက ဖော်ပြမှုတွေ ရှိခဲ့ပေမယ့် အရေးယူမှုတွေ ပြုလုပ်ခြင်း မရှိတာကြောင့် ဝေဖန်မှုတွေလည်း ရှိနေပါတယ်။

အနီးစပ်ဆုံး ပြောရရင် NLD အစိုးရ လက်ထက်မှာ အိမ်မဲမြို့နယ် ညောင်ကုန်းချောင်းဖျားကျေးရွာ  မီးလင်းရေးအတွက်ဆိုပြီး တိုင်းဒေသကြီး လွှတ်တော်ကိုယ်စားလှယ် ဦးအောင်ကျော်မြိုင်က ကျေးရွာဒေသခံတွေဆီကနေ ကျပ်သိန်း ၁၀၀ တောင်းခံခဲ့တဲ့ဖြစ်စဉ်ကို အဂတိလိုက်စားမှု တိုက်ဖျက်ရေး ကော်မရှင်ဆီ တိုင်ကြားခဲ့တာပါ။ တိုင်ကြားမှုကို ကော်မရှင်က လျှို့ဝှက်စစ်ဆေးမှုအရ ဦးအောင်ကျော်မြိုင် အနေနဲ့ လုပ်ပိုင်ခွင့် အသုံးပြုပြီး ကျပ်သိန်း ၁၀၀ တောင်းခံခဲ့တာ မှန်ကန်ပေမယ့် ကိုယ်ကျိုးအတွက် အသုံးပြုခဲ့ခြင်း မရှိခြင်း၊ လာဘ်ပေးလာဘ်ယူ ပြုလုပ်ရာမှာ အထောက်အထား ခိုင်မာမှု မရှိတဲ့အတွက် ကော်မရှင်က အရေးမယူနိုင်တာကြောင့် တိုင်းဒေသကြီး လွှတ်တော်ကနေ အရေးယူ ဆောင်ရွက်ဖို့ အကြောင်းပြန်ခဲ့ တယ်လို့ သိရပါတယ်။

“လွှတ်တော်ကိုယ်စားလှယ်က ငွေကျပ်သိန်း ၁၀၀ ကို လုပ်ပိုင်ခွင့် အသုံးပြုပြီး မမှန်မကန် တောင်းယူခဲ့သော်လည်း ၎င်းကိုယ်ကျိုးအတွက် သုံးစွဲခဲ့ခြင်း မရှိကြောင်း ဆိုပြီးတော့ အဂတိ ကော်မရှင်က ထည့်ရေးထားတယ်။ လာဘ်ပေးလာဘ်ယူ မရှိကြောင်း ဆိုတော့ ဒီငွေကို သူ့အလိုလို ပြန်ပေးတာ မဟုတ်ဘူးလေ။ ရွာသားတွေက သိသွားတယ်။ သတင်းသမားတွေက သိသွားတယ်။ ရွာကိုဆင်းမေးကြပြီဆိုမှ သတင်းသမားနဲ့ ညှိနှိုင်းတယ်။ အဲဒါမရမှ နောက်ရက်မှာမှ ပြန်ပေးခြင်း ဖြစ်တယ်ပေါ့နော်။ အဲဒီတော့ ဒီလိုတောင်းတာလည်း မှန်တယ်။ ယူလည်းသွားတယ်။ ကိုယ်ကျိုးသုံးစွဲခဲ့တာ မရှိဘူးဆိုတဲ့ တစ်ချက်တည်းနဲ့ အဂတိက အရေးမယူတာ မဟုတ်သေးဘူး။ သူကိုယ်တိုင်က လာဘ်ပေးလာဘ်ယူပြုလုပ်ဖို့ ဘယ်ဌာနတွေကို ဘယ်လောက်ပေးရမယ်ဆိုပြီး ဒေသခံတွေကို အစည်းအဝေးမှာ ပြောခဲ့တဲ့ အသံဖိုင်တွေလည်း ရှိနေတယ်။ လူသက်သေတွေလည်း ရှိနေတယ်လေ။ ငွေပြန်ပေးတယ် ဆိုတာလည်း ပြဿနာ ဖြစ်ပေါ်ခဲ့လို့သာ ပြန်ပေးခဲ့တာ။ ဒါကို လွှတ်တော်က ဆက်လက် စစ်ဆေးမယ်လို့ဆိုတယ်။ ဒီစစ်ဆေးမှုကို စောင့်နေမှာပါ” လို့ တိုင်ကြားခဲ့သူ ဦးသူရစိုးက ဆိုပါတယ်။

ဒီဖြစ်စဉ်က အမှန်တကယ် ဖြစ်ခဲ့ပေမယ့် ကော်မရှင်ကနေ အရေးမယူဘဲ တိုင်းဒေသကြီး လွှတ်တော်ကို အရေးယူဆောင်ရွက်ဖို့ လွှဲပြောင်းပေးတဲ့အပေါ် ဝေဖန်မှုတွေကလည်း ရှိနေပါတယ်။

လက်ရှိအချိန်မှာတော့ အဂတိလိုက်စားမှုနဲ့ ပတ်သက်လို့ ကျော်စောသတင်း ထွက်နေသူတွေအပေါ် ကော်မရှင်အနေနဲ့ သတင်းရရှိပါက စုံစမ်းစစ်ဆေးနိုင်မယ့် အချက်ကို ဖြည့်စွက်ထားတဲ့ အဂတိလိုက်စားမှု တိုက်ဖျက်ရေးဥပဒေ ပြင်ဆင်တဲ့ ဥပဒေကြမ်းကို အမျိုးသားလွှတ်တော်မှာ ၂၀၁၈ ခုနှစ် မေ ၂၃ ရက်က အတည်ပြုခဲ့ပါတယ်။

“ခုအတည်ပြုလိုက်တဲ့ ဥပဒေနဲ့ အရင်ဥပဒေနဲ့က အများကြီး ကွာခြားသွားပါတယ်။ အလုပ်လုပ်လို့ရတဲ့ အနေအထား ဖြစ်သွားတာပေါ့။ အဂတိလိုက်စားမှု တိုက်ဖျက်ရေး ကော်မရှင်အနေနဲ့ အင်နဲ့အားနဲ့ လုပ်လို့ရတဲ့ အနေအထား ဖြစ်သွားတယ်လို့ မြင်ပါတယ်။ ဒီဥပဒေထဲမှာ ပေးတာယူတာနဲ့ ပတ်သက်ပြီးတော့ သက်ဆိုင်မယ်။ ဒါ့အပြင် နိုင်ငံတော်ရဲ့ ဘဏ္ဍာရန်ပုံငွေတွေ လုပ်ထုံးလုပ်နည်းနဲ့ မညီဘဲ ဆုံးရှုံးနေမယ်ဆိုရင် ဒါကလည်း အဂတိလိုက်စားမှု တိုက်ဖျက်ရေး ဥပဒေနဲ့ သက်ဆိုင်တယ်။ ငြိစွန်းနိုင်တယ်ဆိုတဲ့ အချက်တွေကြောင့် အများကြီး ကျယ်ပြန့်သွားမယ်။ နိုင်ငံတကာ အဆင့်နဲ့လည်း ညီသွားမယ်” လို့ အဂတိလိုက်စားမှု တိုက်ဖျက်ရေး ကော်မရှင်ဥက္ကဋ္ဌ ဦးအောင်ကြည်က မှတ်ချက်ပြုပါတယ်။

သမ္မတသစ်ဦးဝင်းမြင့်နဲ့ ကော်မရှင်သစ် လက်ထက်မှာ အဂတိလိုက်စားမှုနဲ့ ပတ်သက်လို့ ဖိဖိစီးစီး လုပ်ကိုင်လာတဲ့အတွက် လက်ရှိအချိန်မှာတော့ ပြည်ထောင်စုအဆင့် ငါးကြီးကြီးတွေကို ကြော်ပြနိုင်ဖို့ အခြေအနေကို ရောက်လာခဲ့ပြီ ဖြစ်ပါတယ်။

ပြီးခဲ့တဲ့ မေ ၁၂ ရက်က စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းကို အဂတိလိုက်စားမှုနဲ့ ပတ်သက်လို့ အဂတိလိုက်စားမှု တိုက်ဖျက်ရေးကော်မရှင်နဲ့ အထူးစုံစမ်းစစ်ဆေးရေး ဦးစီးဌာန (စစစ) တို့က စစ်ဆေးနေတယ်လို့ သတင်းတွေ ထွက်ပေါ်ခဲ့ပါတယ်။ အဂတိလိုက်စားမှု တိုက်ဖျက်ရေး ကော်မရှင်ဆီ တိုင်ကြားလာမှုအရ ကော်မရှင်နဲ့ အထူးစုံစမ်းစစ်ဆေးရေး ဦးစီးဌာနတို့က စီမံ/ဘဏ္ဍာ ပြည်ထောင်စုဝန်ကြီး ဦးကျော်ဝင်းကို စစ်ဆေးတဲ့အပြင် သူ့ရဲ့သားဖြစ်သူကိုပါ ဆက်စပ်စစ်ဆေးနေတယ်လို့ ကနဦး သတင်းထွက်ခဲ့ပါတယ်။

ဒီကိစ္စအပေါ်မှာ တရားဝင် သတင်းထုတ်ပြန်ပေးမယ်လို့ အဂတိလိုက်စားမှု တိုက်ဖျက်ရေးကော်မရှင် ပြန်ကြားရေး အဖွဲ့ခေါင်းဆောင် ဦးဟန်ညွန့်က ဆိုထားပါတယ်။ အဂတိလိုက်စားမှု တိုက်ဖျက်ရေး ကော်မရှင်ကနေ မေ ၁၃ ရက်မှာတော့ အဂတိလိုက်စားမှုနဲ့ ပတ်သက်လို့ စုံစမ်းစစ်ဆေးရေးအဖွဲ့ ခြောက်ဖွဲ့ ဖွဲ့စည်းပြီး စုံစမ်းစစ်ဆေးရေး လုပ်ငန်းတွေကို ဆောင်ရွက်နေသလို တိုင်ကြားစာတွေနဲ့ ပတ်သက်လို့ သတင်းအချက်အလက် ပြည့်စုံဖို့ ကြိုတင်စုံစမ်းမှု ၁၈ မှုကို ဆောင်ရွက်နေကြောင်း သတင်းထုတ်ပြန်ပါတယ်။ ဒါ့အပြင် အဂတိလိုက်စားမှု တိုက်ဖျက်ရေးဥပဒေ၊ နည်းဥပဒေပါ ပြဋ္ဌာန်းချက်တွေနဲ့အညီ ကော်မရှင်က စစ်ဆေးဆဲအမှုတွေကို လျှို့ဝှက်ထားရှိ ဆောင်ရွက်နေတာကြောင့် အမှုဖြစ်စဉ်တွေကို အသေးစိတ် မထုတ်ပြန်နိုင်သေးဘူးလို့ ထုတ်ပြန်ချက်ထဲမှာ ဖော်ပြထားပါတယ်။ နိုင်ငံတော် အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးကလည်း ပြည်ထောင်စုအဆင့် ပုဂ္ဂိုလ်တွေကို အဂတိကော်မရှင်ကနေ စုံစမ်းစစ်ဆေးနေတဲ့ သတင်းတွေနဲ့ ပတ်သက်လို့ အစိုးရဘက်က ဘာမှပြောဖို့ မရှိဘူးလို့ မှတ်ချက်ပေးပါတယ်။

“တချို့ဟာတွေကကျတော့ စုံစမ်းစစ်ဆေးဆဲဟာတွေ ဖြစ်တဲ့အတွက် ကော်မရှင်က အသေးစိတ် ထုတ်ပြန်မှာ မဟုတ်ဘူး။ အစိုးရဘက်ကလည်း ကော်မရှင်က Ongoing Process ဖြစ်နေတဲ့အချိန်မှာ ဘာမှပြောဖို့မရှိဘူး။ ဘာလဲဆိုတော့ အဂတိလိုက်စားမှု တိုက်ဖျက်ရေး ကော်မရှင်က Independent Body ဖြစ်တယ်။ သူ့အလုပ် သူလုပ်ပေါ့။ အဲဒီအတွက်တော့ ကျွန်တော်တို့က ဘာမှပြောဖို့မရှိဘူး” လို့ ဦးဇော်ဌေးက ဆိုပါတယ်။

ဒါ့အပြင် မေ ၂၂ ရက်မှာ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန ပြည်ထောင်စုဝန်ကြီး ဦးသိန်းဆွေကို ပြည်တွင်းစီးပွားရေး လုပ်ငန်းရှင် တစ်ဦးက အဂတိ လိုက်စားမှု တိုက်ဖျက်ရေး ကော်မရှင်ထံ တိုင်ကြားထားတယ်လို့ သတင်းထပ်ထွက်လာပါတယ်။ ဒီကိစ္စနဲ့ ပတ်သက်လို့ အလုပ်သမား ညွှန်ကြားရေး ဦးစီးဌာန ညွှန်ကြားရေးမှူးချုပ် ဦးဝင်းရှိန်ကို ဆက်သွယ်မေးမြန်းရာမှာ မသိဘူးလို့ ပြန်ဖြေကြား ထားပါတယ်။

ဒီလိုအဂတိလိုက်စားမှုနဲ့ ပတ်သက်လို့ ပြည်ထောင်စုအဆင့်ဝန်ကြီးတွေ တိုင်ကြားခံရတဲ့ အခြေအနေအပေါ် အစိုးရနဲ့ ကော်မရှင်ဘက်က ပွင့်လင်းမြင်သာစွာ ထုတ်ဖော်ပြောဆိုမှု မရှိခြင်းနဲ့ ပြည်သူသိအောင် ချပြခြင်း မရှိတဲ့အပေါ် နိုင်ငံရေး လေ့လာသူတွေက ဝေဖန်မှုတွေ ရှိလာပါတယ်။ “ဒီကိစ္စမှာ သက်ဆိုင်ရာ ပါတီအနေနဲ့ ပွင့်လင်းမြင်သာဖို့လိုတယ်။ ဘယ်ကိစ္စမှာတော့ ဘယ်လိုအဂတိ လိုက်စားမှုနဲ့ ပတ်သက်လို့ ဆိုရင်လည်း  ပြတ်ပြတ်သားသား အရေးယူမှုတွေ လုပ်သင့်တယ်” လို့ ရန်ကုန်တိုင်းဒေသကြီး လွှတ်တော်ကိုယ်စားလှယ်ဟောင်း ဒေါက်တာညိုညိုသင်းက ဆိုပါတယ်။

၁၉၉၀ ပြည်သူ့လွှတ်တော် ကိုယ်စားလှယ်များအဖွဲ့ အတွင်းရေးမှူး ဦးဒေးဗစ်လှမြင့်က “၀န်ကြီးချုပ်တွေ၊ ၀န်ကြီးတွေ၊ လွှတ်တော်ကိုယ်စားလှယ်တွေကို ဘယ်လိုကိစ္စရပ်တွေကြောင့် အရေးယူခံရတယ်။ ဘယ်လိုအပြစ်ဒဏ်တွေပေးတယ် ဆိုတာကို တိုင်းပြည်မှာရှိတဲ့ ပြည်သူလူထုကို ပွင့်လင်းမြင်သာစွာနဲ့ အသိပေးသင့်တယ်” လို့ ပြောကြားပါတယ်။

စီမံကိန်းနှင့် ဘဏ္ဍာရေး ၀န်ကြီးဌာန ပြည်ထောင်စုဝန်ကြီးကိစ္စမှာ ပြည်ထောင်စုအဆင့် ပုဂ္ဂိုလ်တချို့ကို ခေါ်ယူစစ်ဆေးနေသလို စီးပွားရေး လုပ်ငန်းရှင်တွေကိုလည်း ဆင့်ကဲစစ်ဆေးနေတယ်လို့ သတင်းတွေက ဆက်လက် ထွက်ပေါ်နေပါတယ်။

“ပြည်သူလူထုက ရွေးကောက်တင်မြှောက်လို့ အနိုင်ရလာတဲ့ ပြည်သူ့အစိုးရအနေနဲ့ အစိုးရအဖွဲ့ဝင်တွေဖြစ်တဲ့ ၀န်ကြီးချုပ်သော်လည်းကောင်း၊ ၀န်ကြီးသော်လည်းကောင်း၊ တိုင်းဒေသကြီး၊ ပြည်နယ်ဝန်ကြီးတွေ သော်လည်းကောင်း အပြစ်ရှိတယ် ဆိုရင်တော့ အဂတိလိုက်စားမှု၊ လာဘ်ပေးလာဘ်ယူမှုတွေ ကျူးလွန်တယ်ဆိုရင် ပြတ်ပြတ်သားသား တည်ဆဲဥပဒေတွေနဲ့ အရေးယူဖို့ကို ထောက်ခံတယ်” လို့ နိုင်ငံရေး အကျဉ်းသားဟောင်းများအဖွဲ့ ဗဟိုဦးဆောင် ကော်မတီဝင် ဦးထွန်းကြည်က ဆိုပါတယ်။

ဒီလို ဝေဖန်မှုတွေ ရှိလာတဲ့အတွက် စီမံကိန်းနှင့် ဘဏ္ဍာရေးဝန်ကြီး ဦးကျော်ဝင်းကို တိုင်ကြားမှု ရှိတာကြောင့် စုံစမ်းစစ်ဆေးခဲ့ပြီး ရလဒ်ကို သမ္မတဆီ အစီရင်ခံတင်ပြဖို့ ဆောင်ရွက်နေတယ်လို့ အဂတိလိုက်စားမှု တိုက်ဖျက်ရေး ကော်မရှင်ဥက္ကဋ္ဌ ဦးအောင်ကြည်က မေ ၂၃ ရက်က ပြုလုပ်တဲ့ အမျိုးသားလွှတ်တော် အစည်းအဝေး အပြီးမှာ မီဒီယာတွေကို ပြောကြားခဲ့ပါတယ်။

“တိုင်ကြားမှု ရှိခဲ့ပါတယ်။ (တိုင်ကြားမှုနဲ့ ကိုက်ညီမှုရှိ မရှိ) ဒါ ပြောလို့ မရသေးဘူး။ ဆုံးဖြတ်ချက် ပြီးမှပဲ ကျွန်တော်တို့ တကယ့်တကယ် အဲဒီကိစ္စ ဆိုလို့ရှိရင် ပြီးသလောက် ဖြစ်နေပါပြီ။ ဒါအမြန်ဆုံး ကျွန်တော်တို့လုပ်တာ။ ကျွန်တော်တို့ဆီကို ရောက်လာတဲ့ တိုင်ကြားစာက ၃ ရက်နေ့မှာ ရောက်တယ်။ ၇ ရက်နေ့မှာ အဖွဲ့ဖွဲ့တယ်။ ပြီးတာနဲ့ အမြန်ဆုံးစစ်တယ်။ ခုနကပြောသလို သက်သေယူရတာရှိတယ်။ သက်သေတွေ စစ်ရတာရှိတယ်။ စာရွက်စာတမ်း ကြည့်ရတာတွေရှိတယ်။ အဲဒါပြီးသွားတဲ့အချိန်မှာ အခုဆို ပြီးသလောက် ဖြစ်နေပြီ။ မကြာခင်မှာ ပထမဆုံးလုပ်ရမယ့် အလုပ်က နိုင်ငံတော်သမ္မတနဲ့ ပြည်ထောင်စုလွှတ်တော်၊ ပြည်သူ့လွှတ်တော်၊ အမျိုးသားလွှတ်တော် ဥက္ကဋ္ဌတွေဆီကို အစီရင်ခံ တင်ရမယ်။ အဲဒါကို ဆောလျင်စွာ တင်နိုင်ဖို့အတွက် အပြင်းအထန် ကြိုးစားနေပါတယ်” လို့ ဦးအောင်ကြည်က ဆိုပါတယ်။

ကော်မရှင်ဥက္ကဋ္ဌ ဦးအောင်ကြည် ပြောကြားပြီး နှစ်ရက်အကြာ မေ ၂၅ ရက်မှာတော့ အဂတိလိုက်စားမှုနဲ့ တိုင်ကြားခံထားရတဲ့ စီမံကိန်းနှင့် ဘဏ္ဍာရေးဝန်ကြီး ဦးကျော်ဝင်းအနေနဲ့ သူ့ရဲ့သဘောဆန္ဒအရ ရာထူးကနေ နုတ်ထွက်ခွင့် ပြုလိုက်တယ်လို့ နိုင်ငံတော်သမ္မတရုံးက အမိန့်စာ ထုတ်ပြန်ပါတယ်။ နိုင်ငံတော်သမ္မတရုံးက ထုတ်ပြန်တဲ့ အမိန့်စာထဲမှာ ဦးကျော်ဝင်းရဲ့ သဘောဆန္ဒအရ ပြည်ထောင်စုဝန်ကြီး ရာထူးကနေ နုတ်ထွက်ခွင့် ပြုလိုက်တာဖြစ်ပြီး တခြားအကြောင်းအရာ ကိစ္စရပ်တွေကိုတော့ ထည့်သွင်းထားတာ မရှိပါဘူး။

သမ္မတရုံးကနေ အမိန့်စာ ထုတ်ပြန်ပြီးနောက်ပိုင်း ဒီအပေါ်မှာ ထင်မြင်ယူဆချက် အမျိုးမျိုး ရှိခဲ့သလို ဝေဖန်မှု အမျိုးမျိုးလည်း ထွက်ပေါ်လာခဲ့ပါတယ်။ ဘာကြောင့်လဲဆိုတော့ အဂတိလိုက်စားမှုနဲ့ တိုင်ကြားခံထားရတဲ့ ပြည်ထောင်စုအဆင့် ၀န်ကြီးတစ်ယောက်ကို ဘယ်လိုစိစစ်ပြီး ကျူးလွန်ခြင်း ရှိ၊ မရှိ မသိသေးချိန်မှာ အရင်အစိုးရ လက်ထက်တွေတုန်းကလို မိမိသဘော ဆန္ဒအလျောက် နုတ်ထွက်ခွင့်ပြုတဲ့ ပုံစံမျိုး လုပ်လာတာကြောင့် NLD အစိုးရအပေါ် ပြည်သူတွေက ဝေဖန်မှုတွေ မြင့်တက်လာပါတယ်။

ဒီကိစ္စနဲ့ပတ်သက်လို့  မြန်မာ့နိုင်ငံရေး လေ့လာသူ ဦးကိုကိုအောင်က “အသံမျိုးစုံထွက်​၊ စုံစမ်းစစ်​ဆေး ခံရ​တော့မှ ထိ​ရောက်​တဲ့ အ​ရေးယူမှုမရှိဘဲ နုတ်​ထွက်​ခွင့်​​ပေးလိုက်​ရင်​ နောက်​လူ​တွေလည်း ဒါမျိုးလုပ်ကြမှာပါ။ အကယ်​၍ ကြီးကြီးမားမား နှစ်နှစ်​​လောက် ​လာဘ်​စားခြစား သိန်းထောင်​ချီ၊ ​သောင်းချီ လာဘ်​စားပြီး မှ နုတ်​ထွက်ရလည်း ဘာအ​ရေးလဲ ဆိုတာမျိုး ဖြစ်လာမှာပါ။ လာဘ်စားတယ်​ မစားဘူး ဆိုတာ​တော့ စစ်ဆေးတဲ့ တာဝန်​ရှိသူ​တွေ အသိဆုံး ဖြစ်​မှာပါ” လို့ မှတ်ချက်ပြုပါတယ်။

လွန်ခဲ့တဲ့ နှစ်နှစ်တုန်းကတော့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေနဲ့ အစိုးရဖွဲ့ရာမှာ အဂတိကင်းတဲ့အစိုးရ ဖွဲ့မယ်လို့ ပြောကြားခဲ့ပါတယ်။ လက်ရှိ NLD အစိုးရသက်တမ်း နှစ်နှစ်ကျော် ဖြစ်လာချိန်မှာတော့ လွှတ်တော်ကိုယ်စားလှယ်တွေ၊ ၀န်ကြီးချုပ်တွေနဲ့ ပြည်ထောင်စု အဆင့်ရှိတဲ့ ၀န်ကြီးတွေကို အဂတိလိုက်စားမှုနဲ့ ပတ်သက်လို့ အဂတိလိုက်စားမှု တိုက်ဖျက်ရေး ကော်မရှင်ကို တိုင်ကြားမှုတွေ ရှိလာသလို ဆန္ဒဖော်ထုတ်ခြင်း၊ မီဒီယာကနေ ရေးသားဖော်ပြခြင်းတွေ ရှိလာပါတယ်။

ဒါပေမဲ့ လက်ရှိအချိန်အထိတော့ အဂတိလိုက်စားမှုနဲ့ ပတ်သက်လို့ လွှတ်တော်ကိုယ်စားလှယ်တွေ၊ ၀န်ကြီးချုပ်တွေနဲ့ ပြည်ထောင်စုအဆင့် ၀န်ကြီးတွေကို အရေးယူမှု တစ်စုံတစ်ရာ ပြုလုပ်နိုင်ခြင်း မရှိသေးသလို စုံစမ်းစစ်ဆေးရာမှာလည်း ပြည်သူသိအောင် ပွင့်လင်းမြင်သာစွာချပြမှု မရှိသေးပါဘူး။

လက်ရှိအချိန်မှာတော့ အဂတိလိုက်စားမှု တိုက်ဖျက်ရေးကော်မရှင်က အဂတိလိုက်စားမှုနဲ့ တိုင်ကြားခံထားရတဲ့ ပြည်ထောင်စုအဆင့် ပုဂ္ဂိုလ်တစ်ဦးကို စစ်ဆေးနေတာ ပြီးသလောက်ဖြစ်နေပြီး သမ္မတ၊ လွှတ်တော်ဥက္ကဋ္ဌတွေဆီ တင်ပြသွားဖို့ ရှိနေပါတယ်။

တကယ်လို့သာ တိုင်ကြားစာအတိုင်း အဂတိလိုက်စားမှု ရှိခဲ့တယ် ဆိုရင်တော့ စီးပွားရေးပညာရှင် ဦးမြင့်ပြောသလို NLD အစိုးရက ငါးကြီးကြီးကြော်ရမှာ ဖြစ်ပါတယ်။ ဘာကြောင့်လဲဆိုတော့ မြန်မာပြည်သူတွေ အနေနဲ့ အဂတိလိုက်စားမှုအပေါ် အရင်အစိုးရအဆက်ဆက် ကတည်းက လက်မခံခဲ့သလို အားမတန်လို့ မာန်လျှော့ခဲ့ရတဲ့ အခြေအနေမျိုး ဖြစ်ပါတယ်။ ပြည်သူတွေကိုယ်တိုင် ရွေးချယ်တင်မြှောက်ထားတဲ့ NLD အစိုးရ လက်ထက်မှာတော့ အစိုးရအဖွဲ့ဝင် တစ်ဦးဦးက အဂတိလိုက်စားမှုကို ကျူးလွန်ခဲ့မယ်ဆိုရင် ပြည်သူတွေအနေနဲ့ ဘယ်လိုမှ သည်းခံခွင့်လွှတ်နိုင်မှာ မဟုတ်ပါဘူး။

ဒါကြောင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တည်ဆောက်ချင်တဲ့ အဂတိကင်းတဲ့အစိုးရ ရည်မှန်းချက် ပြည့်ဝခြင်း ရှိ၊ မရှိဆိုတာ မကြာခင်ကာလမှာ အဖြေသိရမှာ ဖြစ်ပါတယ်။ အဲဒီအချိန်ကျရင်တော့ NLD အစိုးရအနေနဲ့ ငါးကြီးကြီးကြော်မလား၊ လျှော်မလား ဆိုတာ ပြည်သူအားလုံးက စောင့်ကြည့်နေကြမှာ ဖြစ်ပါတယ်။

 

စွပ်စွဲထားသည့် အချက်များမှာ မဟုတ်မှန်ကြောင်း အဂတိလိုက်စားမှုဖြင့် တရားစွဲဆို ခံထားရသည့် FDA ညွှန်ချုပ် မီဒီယာများအား ပြောကြား

အဂတိလိုက်စားမှုဖြင့် တရားစွဲဆိုခံထားရသည့် FDA ညွှန်ချုပ်အား မေ ၁၈ ရက်ရုံးချိန်းတွင် တွေ့ရစဉ်

စွပ်စွဲထားသည့် အချက်များမှာ မဟုတ်မှန်ကြောင်း အဂတိလိုက်စားမှုဖြင့် တရားစွဲဆိုခံထားရသည့် FDA ညွှန်ချုပ် မီဒီယာများအား ပြောကြားခဲ့သည်။

စီမံကိန်းများ လုပ်ကိုင်ခွင့် ချထားပေးမှုများသည် အဖွဲ့ဖြင့် ဆောင်ရွက်ရခြင်းကြောင့် မိမိသည် လုပ်ပိုင်ခွင့်ရှိသူ မဟုတ်ကြောင်းနှင့် စွပ်စွဲထားသည့် အိမ်ဆောက်ခိုင်းသည်ဆိုသော ခြံဝင်းမှာလည်း ၎င်းပိုင်ဆိုင်ခြင်း မဟုတ်ကြောင်း အဂတိလိုက်စားမှုဖြင့် တရားစွဲဆိုခံရသော FDA ညွှန်ချုပ် ဒေါက်တာသန်းထွဋ်က မေ ၁၈ ရက်ရုံးချိန်းတွင် မီဒီယာများအား ပြောကြားခဲ့သည်။

ကျန်းမာရေးနှင့် အားကစားဝန်ကြီးဌာန အစားအသောက်နှင့် ဆေးဝါးကွပ်ကဲရေး ဦးစီးဌာနမှ ညွှန်ကြားရေးမှူးချုပ် ဒေါက်တာသန်းထွဋ်သည် ကျပ်သိန်း ၁၅၀၀ ကျော် အဂတိလိုက်စားသည် ဟုဆိုကာ ဧပြီ ၂၀ ရက်က နေပြည်တော် ဇမ္ဗူသီရိမြို့နယ် အမှတ် (၁) မြို့မရဲစခန်းတွင် အဂတိလိုက်စားမှု တိုက်ဖျက်ရေး ဥပဒေဖြင့် အမှုဖွင့်ဖမ်းဆီး ခဲ့ခြင်းဖြစ်သည်။

ထိုသို့ အမှုဖွင့်ဖမ်းဆီးပြီးနောက် မန္တလေးတိုင်းဒေသကြီး တရားလွှတ်တော်သို့ တရားစွဲတင်ပို့ခဲ့ပြီး မေ ၄ ရက်မှစ၍ တရားလိုဖြစ်သူ အဂတိလိုက်စားမှု တိုက်ဖျက်ရေးကော်မရှင်မှ စုံစမ်းရေးမှူး ဦးသန်းဇော်ဝင်းကို စတင်စစ်ဆေး ခဲ့ခြင်းဖြစ်သည်။

ကျန်းမာရေးနှင့် အားကစားဝန်ကြီးဌာန လက်အောက်ရှိ စီမံကိန်းများနှင့် ပတ်သက်၍ အဆောက်အအုံများ အရည်အသွေး ပြည့်မီမှု မရှိခြင်း၊ ဌာနအကြီးအကဲအချို့၏ ပြည်သူ့ဘဏ္ဍာအပေါ် ကိုယ်ကျိုးသုံးစွဲခြင်းများကို ဖော်ထုတ်စစ်ဆေးပေးရန် တိုင်ကြားလာမှုအပေါ် အဂတိလိုက်စားမှု တိုက်ဖျက်ရေး ကော်မရှင်က စုံစမ်းစစ်ဆေးရေးအဖွဲ့ဖြင့် စစ်ဆေးခဲ့ကြောင်း အဂတိလိုက်စားမှု တိုက်ဖျက်ရေး ကော်မရှင်ရုံးက ထုတ်ပြန်ခဲ့သည်။

မေ ၁၈ ရက်ရုံးထုတ်တွင် ၎င်းက အဆိုပါဌာန၏ တာဝန်ကို ၂၀၁၅ ခုနှစ် ဒီဇင်ဘာမှစ၍ အစမ်းခန့်တာဝန် ပေးအပ်ခံခဲ့ရပြီး ၂၀၁၆ ခုနှစ် ဒီဇင်ဘာ အစိုးရသစ်လက်ထက်တွင် အတည်ပြု ခန့်အပ်ခံခဲ့ရကြောင်း၊ လုပ်သက်နှစ်နှစ်ခွဲခန့် ရှိပြီဖြစ်ကာ ၎င်းတာဝန်ယူသည့် အချိန်မှစ၍ မူဝါဒများ ချမှတ်ဆောင်ရွက်ခဲ့ကြောင်း ပြောကြားသည်။

ထို့ပြင် အန်ကယ်အခု ပြဿနာတက်တာ Laboratory (ဓာတ်ခွဲခန်း) ဆောက်တဲ့ ကိစ္စပါပဲ။ တည်ဆောက်မှုတွေ အတွက် အဆင့်ဆင့် တင်ရပါတယ်။ဘဏ္ဍာငွေပိုတင်လို့ ဘယ်လိုမှ မရပါဘူး။ တင်ဒါရွေးတဲ့အခါမှာ အန်ကယ်တစ်ယောက်တည်း ရွေးလို့မရပါဘူး။ ကော်မတီအဆင့်ဆင့်ကနေ ရွေးတာ။ အဆင့်မြင့်ဆုံး ၀န်ကြီးရုံးရဲ့ EC ကနေ အတည်ပြုရတာ။ ဒါကြောင့် မျှတစွာ ရွေးချယ်ရတာ ဖြစ်ပါတယ်။ သတင်းထဲမှာ သူတို့ကြေညာသလို ကွာလတီကိုလျှော့ပြီး လုပ်လို့ဘယ်ရမလဲ။ ကမ္ဘာ့ပညာရှင်တွေ ပါပါတယ်။ ကွာလတီကို တာဝန်ယူရတာလည်း ကုမ္ပဏီက ယူရတာပါ။ ကုမ္ပဏီက QC ငှားရတယ်။ နေပြည်တော် အစိုးရ ဖွဲ့ပေးထားတဲ့ ကြီးကြပ်ကော်မတီရှိတယ်။ အဲဒီတော့ ကွာလတီနဲ့ ပတ်သက်လို့ ထိန်းထားတာ အများကြီးပဲ။ အဲဒီလို အဖွဲ့နဲ့ ပေးထားတဲ့ အတွက်ကြောင့် အန်ကယ်ဟာ လုပ်ပိုင်ခွင့်ရှိသူ မဟုတ်ဘူး” ဟု FDA ညွှန်ချုပ်ဟောင်း ဒေါက်တာသန်းထွဋ်က မီဒီယာများကို ပြောကြားသည်။

ဆက်လက်ပြီး စွပ်စွဲထားသည့် အိမ်ဆောက်ခိုင်းထားသည်ဆိုသော မြေကွက်မှာလည်း ၎င်းပိုင်ဆိုင်ခြင်း မဟုတ်ကြောင်း၊ ရုံးချိန်းအသီးသီးတွင် ရင်ဆိုင်သွားမည်ဖြစ်ကြောင်း ထပ်မံပြောကြားသည်။

ကျန်းမာရေးနှင့် အားကစားဝန်ကြီးဌာန၊ အစားအသောက်နှင့် ဆေးဝါးကွပ်ကဲရေး ဦးစီးဌာန ညွှန်ကြားရေးမှူးချုပ် ဒေါက်တာသန်းထွဋ်သည် ၎င်း၏ လုပ်ကိုင်ခွင့် အခွင့်အာဏာကို အလွဲသုံးစားပြီး ၂၀၁၇ ခုနှစ်အတွင်း ၎င်းပိုင်ဆိုင်သည့် ဆောက်လုပ်ရေး လုပ်ငန်းသုံး ပစ္စည်းများနှင့် နေအိမ်အတွင်း အသုံးအဆောင် ပစ္စည်းများကို လည်းကောင်း၊ ၎င်းပိုင်ဆိုင်သည့် အခြားမြေကွက်ပေါ်တွင် ခြံစည်းရိုးကာရံခြင်း၊ တစ်ထပ်တိုက်နေအိမ် တစ်လုံး၊ ကားဂိုဒေါင်ပါ နှစ်ထပ်နေအိမ်တစ်လုံး၊ ဂိတ်တဲတစ်လုံး၊ ရေကူးကန်တစ်ခုနှင့် ရေပန်းတစ်ခု စုစုပေါင်း တန်ဖိုး ငွေ ၁၅၁၄၃၉၇၈၆ ကျပ်အား အဆောက်အအုံ ဆောက်လုပ်ရန် တင်ဒါအောင်မြင်သည့် ကုမ္ပဏီမှ တောင်းခံရယူခဲ့ကြောင်း စစ်ဆေးပေါ်ပေါက်ခဲ့သည် ဟုဆိုကာ အဂတိလိုက်စားမှု တိုက်ဖျက်ရေး ကော်မရှင်က ဒေါက်တာသန်းထွဋ်အား ၂၀၁၃ ခုနှစ် အဂတိလိုက်စားမှု တိုက်ဖျက်ရေး ဥပဒေပုဒ်မ ၅၆ ဖြင့် အမှုဖွင့်ဖမ်းဆီး တရားစွဲဆိုခဲ့ခြင်း ဖြစ်သည်။

ရင်းနှီးမြှုပ်နှံမှုတွေကို ဆုံးဖြတ်ရာမှာ အဂတိမဖြစ်ဖို့ သတ်မှတ်ချက်စံနှုန်းတွေက အရေးကြီးတယ်

မြန်မာနိုင်ငံ ရင်းနှီးမြှုပ်နှံမှုကော်မရှင်ရုံးအား ဇန်န၀ါရီ ၂၅ ရက်က တွေ့ရစဉ်

(၁)

“ပြီးခဲ့တဲ့ ကုန်ဆုံးခဲ့တဲ့ တစ်နှစ်တာကာလ ၂၀၁၆ ဟာ လေယာဉ်တစ်စင်းအနေနဲ့ ပြေးလမ်းမှာ ပြေးတယ်လို့ ယူဆရပါတယ်။ ဒီကနေ့ ဒီကာလကတော့ ပြေးလမ်းပေါ်ကနေပြီး ကမ္ဘာမြေကြီးရဲ့ ဆွဲအားကို ဆန့်ကျင်ပြီး တွန်းလှန်ပြီး ဂျက်ပါဝါနဲ့ လေထဲကို ထွက်ခွာတော့မယ့်နှစ်လို့ သတ်မှတ်ထားပါတယ်” လို့ NLD အစိုးရရဲ့ စီးပွားရေးပိုင်းဆိုင်ရာ အပြောင်းအလဲမှာ အရေးပါသူတစ်ဦးဖြစ်တဲ့ စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ၂၀၁၇ ခုနှစ် ဇွန် ၆ ရက်က ပြုလုပ်တဲ့ Myanmar Investment Forum မှာ ပြောကြားလိုက်ပါတယ်။ ဒီစကားဟာ မီဒီယာတွေကြားမှာ အတော်လေးရေပန်းစားခဲ့ပြီး မြန်မာ့စီးပွား ရေးတိုးတက်ပြောင်းလဲမှုကို လိုလားတဲ့ ပြည်သူတွေ ကြားမှာလည်း ပြောစရာ ဖြစ်ခဲ့ပါတယ်။

၂၀၁၇ ခုနှစ်ဟာ Our Take Off Year ဖြစ်တဲ့အတွက် ရှိသမျှအစွမ်းအစတွေနဲ့ မီးကုန်ယမ်းကုန် ကြိုးစားပြီး စီးပွားရေးထောင်တက်နိုင်ဖို့ ဦးမော့လာဖို့ ကြိုးစားသွားမယ်လို့ မြန်မာနိုင်ငံ ရင်းနှီးမြှုပ်နှံမှုကော်မရှင် ဥက္ကဋ္ဌလည်းဖြစ်တဲ့ ဦးကျော်ဝင်းက ပြောကြားခဲ့တာပါ။ ဒါပေမဲ့ ၂၀၁၅ ခုနှစ် နိုဝင်ဘာ ၈ ရက် ရွေးကောက်ပွဲမှာ လူထုရဲ့ ထောက်ခံအားပေးမှုနဲ့ အနိုင်ရခဲ့တဲ့ NLD အစိုးရလက်ထက်မှာ လူထုကြား အဓိကအဝေဖန်ခံရဆုံး ဖြစ်ခဲ့ရတာကတော့ စီးပွားရေးကဏ္ဍပဲ ဖြစ်ပါတယ်။ အစိုးရရဲ့နှစ်နှစ်တာအတွင်း စီးပွားရေးပြောင်းလဲမှုတွေကို လူထုက အားမလို အားမရဖြစ်ခဲ့ပြီး အဘက်ဘက်က ကျပ်တည်းမှုတွေနဲ့ ရင်ဆိုင်လာရတဲ့အတွက် အစိုးရရဲ့ မူဝါဒပိုင်းဆိုင်ရာရော မဟာဗျူဟာပိုင်းဆိုင်ရာ ချမှတ်ဆောင်ရွက်မှုတွေအပေါ် မေးခွန်းထုတ်လာကြပါတယ်။ မီဒီယာတွေကလည်း မြန်မာ့စီးပွားရေး ပြိုလဲသွားနိုင်သလားဆိုတဲ့ အခြေအနေအထိ စိုးရိမ်စရာကောင်းလာတဲ့အချက်တွေကို ဘက်ပေါင်းစုံကနေ ယနေ့အချိန်အထိ ထောက်ပြဝေဖန်မှုတွေ လုပ်နေကြပါတယ်။

(၂)

နှစ်နှစ်တာကာလအတွင်းမှာ နိုင်ငံရဲ့ စီးပွားရေးအခြေအနေ အညွှန်းကိန်းတွေ၊ ကိန်းဂဏန်းဆိုင်ရာ အချက်အလက်တွေကပြောတဲ့ အခြေအနေတွေကလည်း ပြုပြင်ပြောင်းလဲမှုမှာ အများထင်ထားသလို မဖြစ်လာသေးဘူးဆိုတာ ပြနေပါတယ်။ ၂၀၁၆ ခုနှစ်အတွင်းကာလတွေဟာ အစိုးရရဲ့ ပထမဆုံးနှစ်ဖြစ်တဲ့အတွက် မျှော်လင့်သလောက် စီးပွားရေးတိုးတက်လာမှုမရှိတာကို လက်ခံပေမဲ့ ၂၀၁၇ ခုနှစ်မှာ မှန်ကန်တဲ့မူဝါဒတွေ ချမှတ်ပြီး အခု ၂၀၁၈ ခုနှစ်ကာလတွေက မြန်မာ့စီးပွားရေး သိသိသာသာ တိုးတက်ရမယ်လို့ ခန့်မှန်းခဲ့ကြပါတယ်။ ဒါပေမဲ့ ၂၀၁၇ ခုနှစ်အတွင်းမှာ မြန်မာ့စီးပွားရေးဟာ ပုံမှန်လည်ပတ်နိုင်တဲ့ အခြေအနေမှာ မတွေ့ရဘဲ ၂၀၁၆ ခုနှစ်ထက်ပိုတဲ့ စီးပွားရေးကျဆင်းမှုနဲ့ ရင်ဆိုင်ခဲ့ရတာဟာ အံ့သြစရာဖြစ်စေပါတယ်။ တချို့တွေက မြန်မာ့စီးပွားရေးအရှိန် အဟုန်နဲ့ တိုးတက်နေပါတယ်ဆိုပြီး အချက်အလက် ကိန်းဂဏန်းအမှားတွေနဲ့ ဟစ်ကြွေးနေတဲ့အချိန်မှာ စီးပွားရေးလုပ်သာကိုင်သာရှိတဲ့ Doing Business မှာတော့ အဆင့်တွေ ကျဆင်းခဲ့တာဟာ လက်ရှိစီးပွားရေး ပြုပြင်ပြောင်းလဲမှုမှာ ကြိုးနီစနစ်တွေရှိနိုင်သေးတယ်၊ မူဝါဒပိုင်းနဲ့ မဟာဗျူဟာပိုင်းမှာ စနစ်တကျ လုပ်ဆောင်နိုင်မှုအားနည်းနေတယ်ဆိုတဲ့ အခြေအနေကို ပြသရာရောက်စေပါတယ်။

၂၀၁၇ ခုနှစ်အတွင်းမှာ ထုတ်ပြန်ခဲ့တဲ့ စီးပွားရေးစစ်တမ်း သုံးစောင်အနက် အမေရိကန်အခြေစိုက် IRI (International Republican Institute) က ထုတ်ပြန်တဲ့ စစ်တမ်းမှာ ဦးသိန်းစိန်အစိုးရလက်ထက်က မြန်မာနိုင်ငံရဲ့ အခြေအနေအရပ်ရပ်ဟာ အကောင်းဘက်မှာ ရှိနေတယ်လို့ ဖြေဆိုသူ ၈၈ ရာခိုင်နှုန်းရှိပြီး လက်ရှိအစိုးရလက်ထက်မှာ ၇၅ ရာခိုင်နှုန်းသာရှိခဲ့တဲ့အတွက် ကောက်ခံမှုအချက်အလက် Result မှာ အကောင်းမြင်မှု ကျဆင်းသွားတယ်ဆိုတဲ့အချက်ကို ကောက်ချက်ဆွဲလို့ရသွားစေပါတယ်။ ဒါ့အပြင် ဦးသိန်းစိန်အစိုးရလက်ထက်က မြန်မာနိုင်ငံရဲ့ လက်ရှိအခြေအနေကို အဆိုးဘက်ရောက်နေတယ်လို့ ထင်မြင်ယူဆမှုဟာ စစ်တမ်းရဲ့ ခြောက်ရာခိုင်နှုန်းပဲရှိပေမဲ့ လက်ရှိအစိုးရမှာတော့ အဆိုးမြင်မှု ၁၆ ရာခိုင်နှုန်း မြင့်တက်ခဲ့တယ်လို့ စစ်တမ်းကဆိုပါတယ်။

မြန်မာ့စီးပွားရေးအပေါ် စစ်တမ်းကောက်ယူချိန်မှာ ကောင်းမွန်တယ်လို့ ဖြေဆိုသူဟာ ဦးသိန်းစိန်လက်ထက်က ၇၃ ရာ ခိုင်နှုန်းရှိခဲ့ပြီး NLD အစိုးရလက်ထက်မှာ ၅၃ ရာခိုင်နှုန်းသာရှိတယ်လို့ ဆိုပြန်ပါတယ်။

အခြားစစ်တမ်းတစ်စောင်ဖြစ်တဲ့ Myanmar Insider က သုံးလတစ်ကြိမ် ထုတ်ပြန်တဲ့ စီးပွားရေးဆိုင်ရာ ယုံကြည်မှုညွှန်းကိန်း စစ်တမ်းမှာတော့ ဦးသိန်းစိန်အစိုးရလက်ထက်က စီးပွားရေးစီမံခန့်ခွဲမှုကောင်းမွန်ခြင်း ၄၆ ရာခိုင်နှုန်း၊ ပုံမှန်အခြေအနေ ၂၇ ရာခိုင် နှုန်းနဲ့ စီမံခန့်ခွဲမှုမကောင်းတဲ့ အခြေအနေက ၁၉ ရာခိုင်နှုန်းလို့ ဖော်ပြခဲ့ပြီး NLD အစိုးရလက်ထက် စီးပွားရေးစီမံခန့်ခွဲမှု မကောင်းမွန်မှုကို ၅၈ ရာခိုင်နှုန်း၊ ပုံမှန်အခြေအနေလို့ ထင်မြင်ယူဆမှုမှာ ၂၇ ရာခိုင်နှုန်းကောင်းမွန်တယ်လို့ ယူဆထင်မြင်မှုမှာ ၁၂ ရာခိုင်နှုန်းသာ ရှိခဲ့တယ်လို့ ယခင်အစိုးရနဲ့ ယခုအစိုးရနှိုင်းယှဉ်တဲ့ စီးပွားရေးအခြေအနေစစ်တမ်းအရ သိရပါတယ်။ ဒါ့အပြင် နောင်လာမယ့် သုံးလအတွင်း စီးပွားရေးကျဆင်းမှု ပိုဆိုးမယ်လို့ ထင်မြင်မှု ၆၉ ရာခိုင်နှုန်း၊ ငွေကြေးဖောင်းပွမှု ပိုဆိုးသွားမယ်လို့ ထင်မြင်မှု ၇၇ ရာခိုင်နှုန်းနဲ့ မြန်မာကျပ်ငွေတန်ဖိုး ကျဆင်းသွားမယ်လို့ ထင်မြင်မှု ၆၉ ရာခိုင်နှုန်းအထိ ရှိနေတယ်လို့ စစ်တမ်းကဖော်ပြလိုက်တာဟာ မြန်မာ့စီးပွားရေးအတွက် စိုးရိမ်စရာအချက်တွေ ဖြစ်စေခဲ့ပါတယ်။

ဥရောပအခြေစိုက် ကမ္ဘာလုံးဆိုင်ရာ အတိုင်ပင်ခံကုမ္ပဏီ Roland Berger ရဲ့ စစ်တမ်းမှာ ၂၀၁၆ ခုနှစ်အတွင်း ကျဆင်းခဲ့တဲ့ စီးပွားရေးနဲ့ပတ်သက်တဲ့ထုတ်ပြန်မှု ပထမစစ်တမ်းမှာ မြန်မာ့စီးပွားရေးတိုးတက်မယ်လို့ ၇၃ ရာခိုင်နှုန်းက ယုံကြည်ပေမဲ့ ရှင်းလင်းတဲ့ စီးပွားရေးမူဝါဒမရှိတာ၊ ဥပဒေပြုကိစ္စရပ်တွေ မှန်းဆရခက်တာ၊ မူပိုင်ခွင့်ကာကွယ်ပေးမှု မရှိတာ၊ ကျွမ်းကျင်လုပ်သားရှားပါးတာဟာ စီးပွားရေးတိုးတက်ဖို့ အတားအဆီးတွေ ဖြစ်နေတယ်လို့ ဆိုထားပါတယ်။ ဒါ့အပြင် စစ်တမ်းကိုဖြေဆိုသူတွေရဲ့ ရာခိုင်နှုန်း ၉၀ ကျော်ဟာ အစိုးရရဲ့မူဝါဒတွေ ပွင့်လင်းမြင်သာမှုရှိရေး၊ တည်ငြိမ်တဲ့ လျှပ်စစ်ပံ့ပိုးမှုရရှိရေး၊ ပို့ဆောင်ရေး အခြေခံအဆောက်အအုံများ ကောင်းမွန်လာရေး၊ ဘဏ္ဍာရေးကဏ္ဍ ပြောင်းလဲရေး၊ မျှတတဲ့ယှဉ်ပြိုင်မှုများ မြှင့်တင်ပေးရေးနဲ့ ပညာရေးပြုပြင်ပြောင်းလဲရေး လုပ်ဆောင်ရန်လိုအပ်နေတယ်ဆိုတဲ့ အချက်တွေကို အကြံပြုထားကြပါတယ်။ ဒီလို ထောက်ပြမှုတွေကို ၂၀၁၇ ခုနှစ်အတွင်းမှာ ပီပီပြင်ပြင် ပြောင်းလဲပြင်ဆင်နိုင်မှု မရှိခဲ့တဲ့အတွက် စီးပွားရေးဆိုင်ရာ ယုံကြည်စိတ်ချရမှုမှာ ယခင်က ၇၃ ရာခိုင်နှုန်းကနေ ၂၀၁၇ ခုနှစ်မှာ ၄၉ ရာခိုင်နှုန်းကို သိသိသာသာ ကျဆင်းသွားခဲ့ရပါတယ်။

စစ်တမ်းတွေ၊ အချက်အလက်တွေဟာ အပြောင်းအလဲတွေရှိမယ်၊ ကွာဟမှုတွေရှိမယ်။ ဒါပေမဲ့ ပြုပြင်ပြောင်းလဲမှုတွေ ပြုလုပ်တဲ့နေရာမှာတော့ အလေးထားသင့်တဲ့ ကိန်းဂဏန်းဆိုင်ရာ အချက်အလက်အညွှန်းကိန်းတွေပဲ ဖြစ်ပါတယ်။ အခုလို နာမည်ကြီးအဖွဲ့အစည်းတွေရဲ့ စစ်တမ်းတွေ၊ ထောက်ပြမှုတွေဟာ အစိုးရတစ်ရပ်ရဲ့ အခြေအနေအရပ်ရပ်အပေါ် အတက်အကျ နှိုင်းဆလို့ရနိုင်ပါတယ်။

ဒီလို ကိန်းဂဏန်းအချက်အလက်တွေကပြောတဲ့ စီးပွားရေးဆိုင်ရာ အညွှန်းကိန်း ကျဆင်းမှုတွေဟာ ဘာကြောင့်လဲ။ အစိုးရရဲ့ စီးပွားရေးပိုင်းဆိုင်ရာ မူဝါဒမှာဘာတွေ လွဲမှားနေသလဲ။ မဟာဗျူဟာပိုင်းမှာရော ဘယ်လိုအားနည်းချက်တွေ ရှိနေသလဲ။ ဒါမှမဟုတ်ရင် ချမှတ်လိုက်တဲ့မူဝါဒနဲ့ မြေပြင်မှာ တကယ်ဆောင်ရွက်ခဲ့ရတဲ့ မဟာဗျူဟာပိုင်း ကွဲလွဲမှုတွေရှိနေသလား။ လူထုကြားမှာ စိုးရိမ်နေသလို မြန်မာ့စီးပွားရေး ဆိုးရွားမှု ရေချိန်မြင့်လာရတာဟာ အဂတိလိုက်စားမှုကို ထိထိရောက်ရောက် မဖြေရှင်းနိုင်လို့လား။အောက်ခြေမှာ ကြိုးနီစနစ်တွေကို ပြေလျော့သွားအောင် မလုပ်နိုင်တဲ့အပြင် အစိုးရ အပြောင်းအလဲ၊ မူဝါဒအပြောင်းအလဲကြားမှာ လုပ်ငန်းပိုင်းဆိုင်ရာ ဆုံးဖြတ်ချက်တွေ ချမှတ်တဲ့နေရာမှာ တာဝန်ယူမှု၊ တာဝန်ခံမှုတွေ ပျောက်ဆုံးနေတာကြောင့်လား။ မေးစရာမေးခွန်းတွေ အများကြီးဖြစ်လာပါပြီ။ သက်ဆိုင်ရာ အစိုးရတာဝန်ရှိသူတွေအနေနဲ့လည်း ဒီမေးခွန်းတွေကို စနစ်တကျကိုင်တွယ်ဖြေဆိုနိုင်မှ စီးပွားရေးဆိုင်ရာ ပြုပြင်ပြောင်းလဲမှုတွေရဲ့ လက်တွေ့အကျိုးဆက်ရလဒ်ကောင်းတွေကို ပြည်သူတွေ ခံစားနိုင်လိမ့်မယ်ဆိုတာကိုတော့ ငြင်းလို့မရနိုင်ပါဘူး။

(၃)

နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မြန်မာ့စီးပွားရေးတိုးတက်ကောင်းမွန်လာဖို့ မူဝါဒပိုင်းဆိုင်ရာမှာ တိုက်ရိုက်ကိုင်တွယ်လုပ်ဆောင်ပေးနေတာ တွေ့ရသလို စီးပွားရေးပြုပြင်ပြောင်းလဲမှုတွေအတွက် ၀န်ကြီးဦးကျော်ဝင်းရဲ့ စီမံကိန်း နဲ့ဘဏ္ဍာရေးဝန်ကြီးဌာနရဲ့ မဟာဗျူဟာပိုင်း ဆောင်ရွက်မှုတွေက များစွာအရေးပါပါလိမ့်မယ်။ အထူးသဖြင့် မြန်မာ့စီးပွားရေးနဲ့ပတ်သက်ရင် အရေးကြီးတဲ့ ရင်းနှီးမြှုပ်နှံမှုကဏ္ဍကို အဓိက ကိုင်တွယ်လုပ်ဆောင်ရတယ်။ အရေးပါတဲ့ဆုံးဖြတ်မှုတွေကိုပေးနေရတဲ့ မြန်မာနိုင်ငံရင်းနှီးမြှုပ်နှံမှုကော်မရှင်ရဲ့ ကဏ္ဍကလည်း အလွန်အရေးကြီးပါတယ်။ MIC လို့ ခေါ်တဲ့ မြန်မာနိုင်ငံရင်းနှီးမြှုပ်နှံမှု ရဲ့ ဥက္ကဋ္ဌအဖြစ်ကိုလည်း ၀န်ကြီး ဦးကျော်ဝင်း က တာဝန်ယူထားတာဖြစ်ပါတယ်။

အစိုးရရဲ့ စီးပွားရေးပေါ်လစီမှာ မြန်မာ နိုင်ငံရင်းနှီးမြှုပ်နှံမှုကော်မရှင်ရဲ့ ဆောင်ရွက်ချက်တွေဟာ အတိမ်းအစောင်းဖြစ်လို့မရသလို တာဝန်ယူမှုလည်းကြီးပါတယ်။ ဒါကြောင့် အရင်အစိုးရလက်ထက်မှာဆိုရင်လည်း MIC ဥက္ကဋ္ဌလုပ်ခဲ့တဲ့ ဦးစိုးသိမ်းဟာ ဝေဖန်မှုအခံရဆုံးဖြစ်သလို MIC ရဲ့ စီးပွားရေးဆိုင်ရာ ဆောင်ရွက်မှုနဲ့ ဆုံးဖြတ်ချက်တွေဟာ စီးပွားရေးနယ်ပယ်မှာသာမက လူအများရဲ့ စိတ်ဝင်စားမှုခံရပါတယ်။

လတ်တလောမှာတော့ MIC နဲ့ပတ်သက်ရင် ကမ်းလွန်ရေနံနဲ့ သဘာဝဓာတ်ငွေ့ ထောက်ပံ့ရေးစခန်းတွေ လုပ်ကိုင်ခွင့်တင်ထားတဲ့အခြေအနေနဲ့ပတ်သက်ပြီး လုပ်ငန်းရှင်တွေကြားမှာ အငြင်းပွားစရာ၊ မေးခွန်းထုတ်စရာဖြစ်နေတဲ့အခြေအနေကို စုံစမ်းသိ ရှိရပါတယ်။ လက်ရှိအချိန်မှာ ကမ်းလွန်ထောက်ပံ့ရေးစခန်းတွေကို လုပ်ကိုင်ခွင့်ရရှိတဲ့ ကုမ္ပဏီလေးခုအထိ ရှိနေတယ်။ အဲဒီအခြေအနေမှာ နောက်ထပ်ကုမ္ပဏီတစ်ခုကို လုပ်ကိုင်ခွင့်ထပ်ပေးဖို့ ရှိတယ်ဆိုတဲ့အပေါ် ၀ိဝါဒကွဲစရာတွေ ရှိနေပါတယ်။ ဒါနဲ့ပတ်သက်ပြီး  အစိုးရ၀န်ကြီးဌာနပဲဖြစ်ဖြစ်၊ MIC ပဲ ဖြစ်ဖြစ် သူတို့ရဲ့ လုပ်ထုံးလုပ်နည်းတွေ၊ စီးပွားရေးပိုင်းဆိုင်ရာ ဆောင်ရွက်ပုံအဆင့်ဆင့်အပေါ် အဂတိကင်းမှု၊ နိုင်ငံအတွက် အမှန်တကယ် အကျိုးရှိနိုင်မယ့်အခြေအနေတွေအပေါ် ချိန်ထိုးသုံးသပ်နိုင်ဖို့ စောင့်ကြည့်ခံရမှုတွေလည်း ရှိနေတယ်လို့ သိရပါတယ်။

ဒီနေရာမှာ မြန်မာ့စီးပွားရေးနဲ့ပတ်သက်ပြီး အခုလို ကြီးမားတဲ့ရင်းနှီးမြှုပ်နှံမှုလုပ်ငန်းတွေ၊ လူထုအတွက် အကျိုးသက်ရောက်မှု ရှိစေမယ့် လုပ်ငန်းတွေမှာ တာဝန်ရှိသူတွေ ရဲ့ Credibility ဟာ များစွာအရေးပါတာ အမှန်ပဲဖြစ်ပါတယ်။ ဒီနေရာမှာ စီးပွားရေးတိုး တက်ဖို့အတွက် နိုင်ငံတကာရင်းနှီးမြှုပ်နှံမှုတွေ အရေးပါသလို လူထုအကျိုးစီးပွား၊ အမျိုးသား အကျိုးစီးပွား၊ နိုင်ငံရဲ့ လုံခြုံမှုပိုင်းဆိုင်ရာနဲ့  သဘာဝပတ်ဝန်းကျင်ပိုင်းဆိုင်ရာ ခြုံငုံအကျိုးဖြစ်ထွန်းနိုင်မှုအပေါ် မှန်ကန်တဲ့ ဆုံးဖြတ်မှုတွေလည်း လိုတယ်ဆိုတဲ့အချက် ကိုလည်း ထောက်ပြချင်ပါတယ်။

(၄)

စီးပွားရေးလုပ်ငန်းရှင်အချို့ထံက စုံစမ်းသိရတဲ့အချက်တွေအရ မြန်မာနိုင်ငံမှာ ကမ်းလွန်ထောက်ပံ့ရေးစခန်း တည်ဆောက် လုပ်ကိုင်ခွင့် ကုမ္ပဏီလေးခု ရရှိထားတယ်။  နောက်ထပ် ဈေးကွက်ယှဉ်ပြိုင်မှုအရ အပြိုင်အဆိုင်တွေ ထပ်ဖြစ်လာဖို့ ရင်းနှီးမြှုပ်နှံမှုတွေ ထပ်လက်ခံဖို့ အခြေအနေတွေရှိနေပြီ။ ဒီလို အခြေအနေမှာ သက်ဆိုင်ရာဝန်ကြီးဌာနတွေ နဲ့ MIC ဟာ သူတို့ရဲ့ ချမှတ်ထားတဲ့ လုပ်ငန်းအဆင့်ဆင့်မှာ စိစစ်ဆောင်ရွက်မှုတွေ လုပ်ရပြီဆိုရင် ဒေါ်လာသန်းရာနဲ့ချီ မြှုပ်နှံမှုတွေ လုပ်ရတဲ့ လုပ်ငန်းတွေနဲ့ပတ်သက်ပြီး နိုင်ငံအတွက်၊ လူထုအကျိုးစီးပွားအတွက်၊ မျှတတဲ့ ယှဉ်ပြိုင်မှုတွေအတွက် များစွာသတိထားရပါမယ်။

ဒီလို ကမ်းလွန်ထောက်ပံ့ရေးစခန်း လုပ်ကိုင်ခွင့်နဲ့ပတ်သက်ပြီး ရင်းနှီးမြှုပ်နှံမှုဆိုင်ရာ အတည်ပြုမိန့်ထုတ်ပေးရတဲ့အပိုင်းမှာ စံသတ်မှတ်ချက် Criteria တွေက များစွာ အရေးပါပါတယ်။ ဒီလိုပဲ အဲဒီ စံသတ်မှတ်ချက်တွေဟာ အများပြည်သူအတွက် ပွင့်လင်းမြင် သာမှုရှိရမှာဖြစ်သလို နိုင်ငံတကာစံနှုန်းနဲ့အညီ လိုက်နာနိုင်ဖို့ကလည်း အမျိုးသားအကျိုးစီးပွားအတွက် အရေးကြီးပါတယ်။ ရေနံ၊ သဘာဝဓာတ်ငွေ့နဲ့ ရေနံထွက်ပစ္စည်းတွေ တင်သွင်း၊ တင်ပို့၊ သယ်ယူ၊ သိုလှောင်၊ ဖြန့်ဖြူး၊ ရောင်းချတဲ့ လုပ်ငန်းတွေ လုပ်ဆောင်ရာမှာ လိုအပ်တဲ့ သိုလှောင်ကန်တွေ၊ ဆီတင် ဆီချ၊ ဆိပ်ခံတံတားတွေ၊ ပိုက်လိုင်းတွေ၊ ဆက်စပ် စက်ကိရိယာပစ္စည်းတွေနဲ့ အဆောက်အအုံတွေကို တည်ဆောက်တပ်ဆင်တဲ့ လုပ်ငန်းတွေမှာ အကောင်အထည်ဖော်ဆောင်ရွက်ဖို့ လုပ်ငန်းဆိုင်ရာ စံသတ်မှတ်ချက်တွေ ရှိပါတယ်။ ကမ်းလွန်ထောက်ပံ့ရေးအခြေစိုက်စခန်းဆိုင်ရာ ၀န်ဆောင်မှုလုပ်ငန်းတွေရဲ့ အခြေအနေဟာ ကြီးမားကျယ်ပြန့်ပါတယ်။

မြန်မာ့ကမ်းလွန်လုပ်ကွက်တွေကို အကြမ်းအားဖြင့် ရခိုင်ဒေသမြောက်ပိုင်း ကမ်းလွန်လုပ်ကွက်တွေ၊ ရခိုင်ကမ်းလွန်ဒေသတောင်ပိုင်းနဲ့ အလယ်ပိုင်း၊ ဧရာဝတီနဲ့ မုတ္တမ ပင်လယ်ကွေ့က ကမ်းလွန်လုပ်ကွက်တွေ၊ တနင်္သာရီဒေသတောင်ပိုင်း ကမ်းလွန်လုပ် ကွက်တွေဆိုပြီး သုံးပိုင်းခွဲခြားထားပါတယ်။ ဒီနေရာတွေမှာ OSB Offshore Supply Base လုပ်ငန်းတွေထားရှိဖို့ ပထ၀ီအနေအထားအရ ကမ်းလွန်လုပ်ကွက်တွေကို သင်္ဘော နဲ့ အချိန် ၂၄ နာရီအတွင်း ထောက်ပံ့မှုပြုနိုင် ရမှာဖြစ်ပါတယ်။ ဒါပေမဲ့ လက်ရှိမှာ နိုင်ငံအ တွင်းစံချိန်စံညွှန်းကိုက်ညီတဲ့ ကမ်းလွန် ထောက်ပံ့ရေးစခန်း လုံးဝမရှိခဲ့တဲ့အတွက် ကမ်းလွန်ရေနံနဲ့ သဘာဝဓာတ်ငွေ့ရှာဖွေတူးဖော်ရေးဆိုင်ရာ ထောက်ပံ့ရေးသင်္ဘောတွေဟာ စင်ကာပူနဲ့ ထိုင်းနိုင်ငံ ရနောင်းဆိပ်ကမ်းတွေအထိ အသွားအပြန် ပြုလုပ်နေကြရပါတယ်။ အဲဒီမှာ အချိန်အားဖြင့် ရက်သတ္တပတ်တစ်ပတ်လောက်အထိ ပိုမိုကြန့်ကြာစေတဲ့ အပြင် နိုင်ငံအတွက် ရသင့်ရထိုက်တဲ့အခွန် ဘဏ္ဍာတွေလည်း လက်လွတ်ဆုံးရှုံးရသလို ဖြစ်နေပြန်ပါတယ်။ ဒါ့ကြောင့် မြန်မာနိုင်ငံရဲ့ ကမ်းလွန်ရေနံနဲ့ သဘာဝဓာတ်ငွေ့ရှာဖွေ တူးဖော်ရေးလုပ်ငန်းမှာ OSB ခေါ် ကမ်းလွန် ထောက်ပံ့ရေးစခန်းတွေ မရှိမဖြစ်လိုအပ်နေတာလည်း အမှန်ပါပဲ။

ဒါပေမဲ့ နိုင်ငံတကာအဆင့်အတန်းမီ OSB လုပ်ငန်းဆောင်ရွက်မှုဟာ လွယ်ကူတဲ့ လုပ်ငန်းမဟုတ်ဘဲ အထက်ကပြောခဲ့သလို ငွေကြေးအပါအ၀င် ရင်းနှီးမြှုပ်နှံမှုများစွာ လိုအပ်ပါတယ်။ နိုင်ငံရဲ့စီးပွားရေးအရ အလားအလာကောင်းတဲ့ ဈေးကွက်တွေလည်း ရှိဖို့လိုပြန်ပါတယ်။ ဒီလိုအခြေအနေမှာ OSB လုပ်ငန်းလေးခုရှိနေတယ်ဆိုတာတောင် ဈေးကွက်လိုအပ်ချက်အခြေအနေမှန်နဲ့ ချိန်ထိုးစဉ်းစားဖို့ လိုအပ်နေပါတယ်။ ဘာကြောင့်လည်းဆိုရင် OSB လုပ်ငန်းတွေဟာ ရေနံနဲ့ သဘာဝဓာတ်ငွေ့ ရှာဖွေထုတ်လုပ်တဲ့ကုမ္ပဏီတွေရဲ့ လုပ်ငန်းအောင်မြင်မှု အခြေအနေနဲ့  သက်ဆိုင်နေတာကြောင့်လည်း ဖြစ်ပါတယ်။

ဒါ့အပြင် ဒေသတွင်းအခြားနိုင်ငံတွေရဲ့ ကမ်းလွန်ထောက်ပံ့ရေးအခြေစိုက်စခန်း တည်ထောင်ထားမှုအခြေအနေကိုကြည့်ရင် မလေးရှားနိုင်ငံမှာ နှစ်ခု၊ ထိုင်းနိုင်ငံမှာ သုံးခု၊ ဗီယက်နမ်မှာသုံးခု၊ စင်ကာပူမှာ တစ်ခု၊ အင်ဒိုနီးရှားမှာလေးခု၊ ဖိလစ်ပိုင်မှာ တစ်ခု ၊ အရှေ့ တီမောမှာ တစ်ခုပဲရှိတာ တွေ့ရပါတယ်။ ပင်လယ်ဧရိယာကြီးမားပြီး ကျွန်းပေါင်းများစွာ ရှိတဲ့ အင်ဒိုနီးရှားနိုင်ငံမှာပဲ ကမ်းလွန်ထောက်ပံ့ရေးအခြေစိုက်စခန်း လေးခုရှိနေတယ်လို့ သိရပါတယ်။ ဒါကြောင့် မြန်မာနိုင်ငံမှာ OSB လေးခုရှိနေပြီဆိုတာတောင် စံသတ်မှတ်မှုအရ စဉ်းစားစရာဖြစ်ပါတယ်။ ရင်းနှီးမြှုပ်နှံမှုဆိုင်ရာ စံသတ်မှတ်ချက်ထဲမှာလည်း မြန်မာနိုင်ငံရဲ့ကမ်းလွန်ထောက်ပံ့ရေးအခြေစိုက်စခန်း OSB လုပ်ကိုင်ခွင့်ဟာ နှစ်ခုခန့်သာ ရှိသင့်တယ်။ လိုအပ်တာထက် ပမာဏပိုမိုများ ပြားနေမယ်ဆိုရင် စီးပွားရေးရှုထောင့်အရရော လုံခြုံရေးရှုထောင့်အရပါ သင့်လျော်မှု မရှိဘူးဆိုတဲ့အချက်ကို တွေ့ရမှာဖြစ်ပါတယ်။

(၅)

အထက်ကပြောခဲ့တဲ့ အခြေအနေအရဆိုရင် OSB နဲ့ပတ်သက်တဲ့ ရင်းနှီးမြှုပ်နှံမှုပိုင်းကို တာဝန်ရှိသူတွေအနေနဲ့ စံချိန်စံညွှန်းတွေအပေါ် မူတည်ပြီး စိစစ်သုံးသပ်ဖို့လိုမှာ အမှန်ပဲဖြစ်ပါတယ်။ ဒါ လတ်တလော စုံစမ်း ကြားသိနေရတဲ့ ရင်းနှီးမြှုပ်နှံမှုပိုင်းဆိုင်ရာ မှာ ရှိနေတဲ့ အခြေအနေတစ်ခုနဲ့ ဥပမာပေး သုံးသပ်ရတာဖြစ်ပါတယ်။ ဘာပဲဖြစ်ဖြစ် အစိုးရအနေနဲ့ ပြည်တွင်းရော၊ နိုင်ငံတကာရင်းနှီးမြှုပ်နှံမှုတွေအပေါ် အလေးထားရမှာ မှန်သလို စီးပွားရေးပြုပြင်ပြောင်းလဲမှုတွေ မှာ စီးပွားရေးနဲ့ဆိုင်တဲ့ သုံးသပ်အကဲဖြတ်မှုတွေမှာ အဂတိရှင်းရှင်း၊ ဆုံးဖြတ်ချက်မှန်မှန်၊ ခိုင်မာတဲ့မူဝါဒအပေါ် အခြေခံတဲ့မဟာဗျူဟာ လုပ်ဆောင်မှုအဆင့်ဆင့်ကို လျစ်လျူမရှုမိဖို့ လိုပါတယ်။

ပွင့်လင်းမြင်သာမှုရှိရမှာဖြစ်သလို ဥပဒေတွေ၊ နည်းဥပဒေတွေ၊ လုပ်ထုံးလုပ်နည်းပိုင်းဆိုင်ရာ စည်းကမ်းသတ်မှတ်ချက်တွေ၊ စံသတ်မှတ်ချက်တွေအပေါ် အခြေပြုတဲ့ ဆုံးဖြတ်ဆောင်ရွက်မှုတွေကသာ အဂတိတရား ကင်းရှင်းတဲ့ဆောင်ရွက်ချက်တွေ ဖြစ်ပါလိမ့်မယ်။

မြန်မာနိုင်ငံရဲ့ သယံဇာတတူးဖော်ထုတ်လုပ်ရေး လုပ်ငန်းတွေကို နက်ရှိုင်းစွာ လေ့လာပါက အဂတိလိုက်စားမှုတွေဟာ အစိုးရ ကန်ထရိုက်ခွင့်ပြုချက်တွေ၊ အကျိုးခံစားခွင့်တွေ နဲ့ ရငွေတွေ၊ စည်းမျဉ်းစည်းကမ်းရှောင်လွှဲမှုတွေ စတဲ့ အခြေအနေအမျိုးမျိုးအောက်မှာ ဖြစ်ထွန်းပေါ်ပေါက်နေတယ်လို့ EITI အရပ်ဘက်ကိုယ်စားလှယ် ဒေါ်မိုးမိုးထွန်းက ဇန်န၀ါရီ ၂၂ ရက်က ပြုလုပ်တဲ့ ‘အဂတိလိုက်စားမှု တိုက်ဖျက်ဖို့ ကိုယ်ကျင့်သိက္ခာမြှင့်တင်စို့’ စာတမ်းဖတ်ပွဲမှာ ‘အဂတိလိုက်စားမှု တွန်း လှန်ဖို့ ပွင့်လင်းမြင်သာဖော်ဆောင်စို့’ စာတမ်းမှာ ထည့်သွင်းဖတ်ကြားသွားခဲ့ပါတယ်။

၂၀၁၇ ခုနှစ် မြန်မာနိုင်ငံရဲ့ သယံဇာတ စီမံအုပ်ချုပ်မှုအပေါ် NRGI (Natural Resource Governance Institute) ရဲ့ စစ်တမ်းအရ နိုင်ငံပေါင်း ၈၉ နိုင်ငံကို လေ့လာရာမှာ မြန်မာနိုင်ငံရဲ့ သယံဇာတစီမံအုပ်ချုပ်မှုအညွှန်းကိန်းဟာ ရေနံနဲ့ သဘာဝဓာတ် ငွေ့မှာ အဆင့် ၇၇ ဖြစ်ခဲ့ပြီး ကျောက်စိမ်း ကျောက်မျက်ကဏ္ဍမှာ ၈၉ နိုင်ငံနဲ့ ၈၃ နေရာ မှာသာရပ်တည်နိုင်ခဲ့လို့ ရမှတ် ၂၇ မှတ်သာ ရရှိပြီး အဆိုပါကဏ္ဍတွေကို စီမံအုပ်ချုပ်ရာ မှာ အလွန်ညံ့ဖျင်းတဲ့ အဆင့်သာရှိနေတယ် လို့ NRGI က အကဲဖြတ်ထားပါတယ်။

 

(၆)

NLD အစိုးရရဲ့ နှစ်နှစ်တာကာလအတွင်းမှာ စီးပွားရေးနဲ့ပတ်သက်ပြီး ရင်းနှီးမြှုပ်နှံမှု ဥပဒေတွေ၊ နိုင်ငံခြားသားနဲ့ မြန်မာနိုင်ငံသား နှစ်ခုရှိတာကို တစ်ခုတည်းပေါင်းဖို့ကိစ္စ၊ နည်းဥပဒေတွေထွက်ဖို့ကိစ္စ လုပ်ခဲ့တာတွေဟာ ကောင်းမွန်တဲ့ လုပ်ဆောင်မှုလို့ စီးပွား ရေးနယ်ပယ်က သုံးသပ်ကြပါတယ်။  ရင်းနှီးမြှုပ်နှံမှုဆိုင်ရာ ပရိုမိုးရှင်းတွေကို ထိထိရောက်ရောက် ဆောင်ရွက်နေသလို တစ်ဖက်မှာလည်း နိုင်ငံခြားရင်းနှီးမြှုပ်နှံမှုရော၊ ပြည်တွင်း ရင်းနှီးမြှုပ်နှံမှုမှာပါ အဂတိလိုက်စားမှုတွေကိုမရှိအောင် ဂရုတစိုက်လုပ်ဆောင်သင့်ပါတယ်။ ရင်းနှီးမြှုပ်နှံမှုတွေကို လက်ခံဆောင်ရွက်တဲ့အခါမှာ MIC အနေနဲ့ ရင်းနှီးမြှုပ်နှံကြတဲ့ ကုမ္ပဏီတွေရဲ့ လုပ်ငန်းပိုင်းဆိုင်ရာ အမှန်တကယ်အကောင်အထည်ဖော်မှု အခြေအနေ၊ တစ်နည်းအားဖြင့် မြေပြင် on ground အခြေအနေတွေကိုလည်း မပြတ်သုံးသပ်ဖို့ လိုပါတယ်။ အရေးအကြီးဆုံးအချက်ကတော့ ကော်မရှင်တွေအနေနဲ့ Key Performance Indicators (KPI) ဆန်းစစ် သုံးသပ်ချက်တွေ မရှိဘူးဆိုရင် မဟာဗျူဟာပိုင်းဆိုင်ရာ အောင်မြင်မှာ မဟုတ်ပါဘူး။

မြန်မာနိုင်ငံအနေနဲ့ သယံဇာတတူးဖော်ရေး လုပ်ငန်းတွေ၊ ရင်းနှီးမြှုပ်နှံမှုလုပ်ငန်းတွေမှာ ပွင့်လင်းမြင်သာမှုကနေတစ်ဆင့် အဂတိလိုက်စားမှုကို အနည်းနဲ့အများ လျှော့ချနိုင်ပါလိမ့်မယ်။ ကုမ္ပဏီတွေအပေါ် အစိုးရ လိုင်စင်ချပေးတဲ့ လုပ်ငန်းစဉ်တွေမှာ တစ်ဦးတစ်ယောက် လူတစ်စုအတွက်မဟုတ်ဘဲ ပွင့်လင်း မြင်သာစွာ ဖော်ပြဖို့ အစိုးရနဲ့ ကုမ္ပဏီကြားချုပ်ဆိုတဲ့ စာချုပ်ပါအချက်အလက်တွေ၊ ရွေးချယ်မှုတွေ ပြုလုပ်ရာမှာ ရှိပြီးသားဖြစ်တဲ့ စံချိန်စံညွှန်းတွေကို သတိပြုလုပ်ဆောင်နိုင်မှုကနေ နိုင်ငံအတွက်လိုအပ်နေတဲ့ စီးပွားရေးပြောင်းလဲမှု လမ်းကြောင်းမှန်ပေါ်သွားနိုင်ဖို့ လိုတယ်ဆိုတာကို အကြံပြုလိုပါတယ်။

လက်ရှိ အဂတိလိုက်စားမှု တိုက်ဖျက်ရေး ဥပဒေအရ Big Fish များ ရစရာ တွေ့စရာ အကြောင်းမရှိဘဲ အသေးအဖွဲ လာဘ်ပေးလာဘ်ယူမှုများသာ ကိုင်တွယ်နိုင်မည်ဖြစ်ကြောင်း အဂတိလိုက်စားမှု တိုက်ဖျက်ရေး ကော်မရှင်ဥက္ကဋ္ဌ ပြောကြား

အဂတိလိုက်စားမှု တိုက်ဖျက်ရေး ကော်မရှင်ဥက္ကဋ္ဌ ဦးအောင်ကြည်အား တွေ့ရစဉ်

လက်ရှိ အဂတိလိုက်စားမှု တိုက်ဖျက်ရေးဥပဒေအရ Big Fish များ ရစရာ တွေ့စရာ အကြောင်းမရှိဘဲ အသေးအဖွဲ လာဘ်ပေးလာဘ်ယူမှုများကိုသာ ကိုင်တွယ်နိုင်မည်ဖြစ်ကြောင်း အဂတိလိုက်စားမှု တိုက်ဖျက်ရေး ကော်မရှင်ဥက္ကဋ္ဌ ဦးအောင်ကြည်က ဇန်န၀ါရီ ၂၃ ရက်တွင် သတင်းမီဒီယာများသို့ ဖြေကြားသည်။

မြန်မာနိုင်ငံ၏ အကျင့်ပျက်လာဘ်စားမှုနှင့် ပတ်သက်၍ အဂတိလိုက်စားမှု တိုက်ဖျက်ရေး အောင်မြင်ရန် တိုင်းပြည်ရှိ လူသိထင်ရှားသော အကျင့်ပျက်ပုဂ္ဂိုလ်အချို့ကို ရုံးတင်စစ်ဆေး အပြစ်ပေးပြမည့် “ငါးကြီးကြီး တချို့ကိုကြော်ရန်” လိုအပ်နေကြောင်းနှင့် နိုင်ငံရေးရန်သူများကို အဂတိလိုက်စားမှု စွပ်စွဲချက်ဖြင့် သိက္ခာချမှုများ ရှိနေသဖြင့် ကြော်သည့်ငါးမှာ ကိုယ့်ကန်ထဲမှ ဖြစ်သင့်ကြောင်း စီးပွားရေးပညာရှင် ဒေါက်တာဦးမြင့်က ဇန်န၀ါရီ ၂၂ ရက်တွင် ရန်ကုန်မြို့ရှိ Park Royal ဟိုတယ်၌ကျင်းပသည့် ‘အဂတိလိုက်စားမှု တွန်းလှန်ဖို့ ကိုယ်ကျင့်သိက္ခာ မြှင့်တင်စို့’ ဆွေးနွေးပွဲတွင် ထည့်သွင်းပြောကြားမှုအပေါ် ကော်မရှင်အနေဖြင့် ငါးကြီးကြီးများ ဖမ်းမိနိုင်မည့် အခြေအနေတွင် ရှိမရှိ မီဒီယာများနှင့် ဇန်န၀ါရီ ၂၃ ရက်တွင် တွေ့ဆုံစဉ် ပြန်လည် မေးခွန်းထုတ်မှုအပေါ် ဦးအောင်ကြည်က တုံ့ပြန်ဖြေကြားခြင်းဖြစ်သည်။

“ပွင့်ပွင့်လင်းလင်း ၀န်ခံရမယ် ဆိုရင်တော့ ကျွန်တော်တို့ လက်ရှိတည်ဆဲဥပဒေအရ ဆိုရင်တော့ Big Fish ကို ရစရာ တွေ့စရာ အကြောင်းမရှိပါဘူး။ တကယ်တမ်း လက်တွေ့လုပ်မယ်ဆိုရင် သူ့ရဲ့ကန့်သတ်ချက်တွေ အများကြီး ရှိပါတယ်။ ကျွန်တော်တို့က အသေးအဖွဲ လာဘ်ပေးလာဘ်ယူ ကိစ္စမျိုးလောက်ပဲ ကိုင်တွယ်နိုင်ဖို့ ရှိပါတယ်” ဟု ဦးအောင်ကြည်က ပြောကြားသည်။

လက်ရှိတွင် အစိုးရ၏ အဂတိလိုက်စားမှု တိုက်ဖျက်ရေး အောင်မြင်ရန်မှာ တိုင်းသူပြည်သားများ၏ ယုံကြည်လက်ခံမှုရှိရန် လိုအပ်ကြောင်း ဒေါက်တာဦးမြင့်က ပြောကြားသည်။

ပြည်သူများ လက်ခံယုံကြည်ရန် အကျင့်ပျက်ဆက်ဆံရေး၏ ဘက်နှစ်ဖက်ဖြစ်သော ၀ယ်လိုအားနှင့် ရောင်းလိုအားဘက်တွင်ရှိသည့် ကျုးလွန်သူများကို အစိုးရက အမှန်တကယ် အရေးယူ တိုက်ဖျက်နေကြောင်း ပြည်သူများ လက်ခံယုံကြည်စေရန် လိုအပ်သည်ဟု ဒေါက်တာဦးမြင့်က ရှင်းလင်းသည်။ ထိုသို့ ပြည်သူများ ယုံကြည်စေရေး လိုအပ်ချက်ကို ဖြည့်ဆည်းရန် “ငါးကြီးကြီးတချို့ကို ကြော်စေလိုကြောင်း” ဒေါက်တာဦးမြင့်က ပြောကြားပြီး ယင်းဆိုလိုရင်းမှာ တိုင်းပြည်ရှိ လူသိထင်ရှားသော အကျင့်ပျက်ပုဂ္ဂိုလ် အချို့ကို ရုံးတင်စစ်ဆေး အပြစ်ပေးပြရန် ဖြစ်ကြောင်း ဒေါက်တာဦးမြင့်က ပြောကြားသည်။ အိမ်နီးချင်းနိုင်ငံ အများစုတွင် နာမည်ကြီး အရာရှိကြီးများနှင့် စီးပွားရေး လုပ်ငန်းရှင်ကြီးများကို အဂတိလိုက်စားမှုစွဲချက်ဖြင့် လူသိရှင်ကြား ရုံးတင်စစ်ဆေးပြီး ပြစ်ဒဏ်ကျခံစေသည်များကို ပြုလုပ်နေကြောင်း တွေ့ရှိနေရပြီး မြန်မာနိုင်ငံတွင် ငါးကြီးကြီးတချို့ကို ကြော်ရန်မှာလည်း နိုင်ငံရေးရန်သူများကို အဂတိလိုက်စားမှု စွဲချက်ဖြင့် သိက္ခာချသည်များလည်း ရှိနေသဖြင့် နောက်ထပ်အကြံပြုချက် တစ်ခုမှာ  “ကြော်လိုက်သော ငါးကြီးများမှာ ကိုယ့်ကန်ထဲက ဖြစ်သင့်ကြောင်း” ဒေါက်တာဦးမြင့်က ပြောကြားသည်။

“အများယုံကြည် လက်ခံမှုကလည်း အရေးကြီးတယ်။ အဂတိလိုက်စားမှု တိုက်ဖျက်ရေးကို အစိုးရကိုယ်တိုင်က အလေးအနက် ဆောင်ရွက်နေကြောင်း လက်ခံယုံကြည်ဖို့ လိုပါတယ်။ အထူးသဖြင့် ကော်မရှင်ဆိုရင် တကယ်လုပ်နေတယ် ဆိုတာကို ပြရမယ်။ ပြတဲ့အခါကျရင် ဘယ်လိုလုပ်ရမလဲဆိုတော့ ငါးကြီးကြီးတချို့ကို ကြော်လိုက်ပါတဲ့။ တကယ်သိက္ခာ ပျက်နေတာတွေကို လုပ်ပြလိုက်ပါတဲ့။ ပြဿနာက ငါးကြော်တဲ့ဟာကလည်း သူများငါးပဲ ကြော်ချင်တယ်။ ကိုယ့်ငါးမကြော်ချင်ဘူး။ ကြော်လို့ရှိရင်လည်း ကိုယ့်ရေကန်ထဲက ငါးကိုကြော်ပါ” ဟု ဒေါက်တာဦးမြင့်က ပြောကြားသည်။

အဂတိလိုက်စားမှု တိုက်ဖျက်ရေး ကော်မရှင်အနေဖြင့် လက်ရှိ တည်ဆဲဥပဒေအရ ငါးကြီးကြီးများ ဖမ်းဆီးနိုင်မည့် အခြေအနေတွင်မရှိဘဲ အသေးအဖွဲ လာဘ်စားမှုများသာ ဖမ်းဆီးနိုင်မည့် အခြေအနေ ဖြစ်နေသော်လည်း ၂၀၁၈ ခုနှစ် လုပ်ငန်းစီမံချက်တွင် အဂတိလိုက်စားမှု တိုက်ဖျက်ရေး ပေါ်လစီ မူဘောင်များ၊ Legislation ပိုင်းများကို ဖွံ့ဖြိုး အောင်လုပ်ဆောင်ရမည် ဆိုသည့်အချက် ပါဝင်နေပြီး အဆိုပါအချက်မှာ အရေးပါကာ အဆိုပါဥပဒေ ပြင်ဆင်နိုင်မည်ဆိုပါက ကြီးမားသည့် Corruption များကိုပါ အရေးယူ ဆောင်ရွက်နိုင်သည့် အခြေအနေ ဖြစ်လာမည်ဖြစ်ကြောင်း ဦးအောင်ကြည်က ဆက်လက်ပြောကြားသည်။

“ကျွန်တော်တို့ရဲ့ ၂၀၁၈ လုပ်ငန်းစီမံချက်ထဲမှာ Policy မူဘောင်တေ၊ွ legislation နဲ့ပတ်သက်တဲ့ ကိစ္စတွေ ဒါတွေဖွံ့ဖြိုးတိုးတက်အောင် လုပ်ရမယ်ဆိုတဲ့ အချက်တစ်ချက်ပါတယ်။ အဲဒါ သိပ်အရေးကြီးတယ်။ ပြီးခဲ့တဲ့ ၁၉ ရက်က သတင်းစာထဲမှာ မူကြမ်းထည့်ပါတယ်။ ဥပဒေပြုရေးပိုင်းကလည်း ဒါကို အများကြီး စိတ်ဝင်စားစွာနဲ့ ဦးစားပေးပြီး ဆောင်ရွက်နေတာလည်း တွေ့ရပါတယ်။ ကျွန်တော်တို့ မျှော်လင့်ချက် အများကြီးရှိပါတယ်။ အဲဒီလိုသာ ကျွန်တော်တို့ ပြင်ဆင်နိုင်မယ်ဆိုရင် ကြီးမားတဲ့ Corruption ကိစ္စတွေလည်း အရေးယူ ဆောင်ရွက်နိုင်တဲ့ အနေအထား ဖြစ်လာပါလိမ့်မယ်” ဟု ဦးအောင်ကြည်က ဆက်လက်ပြောကြားသည်။

အဂတိလိုက်စားမှု တိုက်ဖျက်ရေးဥပဒေ ပင်မကြီးတစ်ခုလုံး ပြုပြင်ပြောင်းလဲရန်အတွက် လိုအပ်သည့် အချက်များ ရေးသားပြုစုထားပြီး ရက်ပိုင်းအတွင်း သက်ဆိုင်ရာ အာဏာပိုင်များထံ အကြံပြုချက်များ ပေးပို့ရန် အဆင်သင့်ဖြစ်ကြောင်း ကော်မရှင်အဖွဲ့ဝင် ပြောကြား

အဂတိလိုက်စားမှု တိုက်ဖျက်ရေးဥပဒေ ပင်မကြီးတစ်ခုလုံး ပြုပြင်ပြောင်းလဲရန်အတွက် လိုအပ်သည့်အချက်များကို ရေးသားပြုစုထားပြီး ရက်ပိုင်းအတွင်း သက်ဆိုင်ရာ အာဏာပိုင်များထံ အကြံပြုချက်များပေးပို့ရန် အဆင့်သင့်ဖြစ်ကြောင်း အဂတိလိုက်စားမှု တိုက်ဖျက်ရေးကော်မရှင်အဖွဲ့ဝင် ဦးဟန်ညွန့်က ဇန်န၀ါရီ ၆ ရက်က နေပြည်တော်ရှိ အဂတိလိုက်စားမှု တိုက်ဖျက်ရေးကော်မရှင်ရုံး၌ ပြုလုပ်သည့် သတင်းစာရှင်းလင်းပွဲတွင် ပြောကြားသည်။

“ဥပဒေရေးရာ အားကောင်းရန်အတွက် ဥပဒေပင်မကြီးတစ်ခုလုံးကို ပြုပြင်ပြောင်းလဲဖို့ လိုအပ်တဲ့အချက်တွေကို ကော်မရှင်အဟောင်းကရော၊ အသစ်ကပါ ရေးသားပြုစုပြီး ဖြစ်ပါတယ်။ ကျွန်တော်တို့ပြုစုတဲ့ ဥပဒေကြမ်းကို သက်ဆိုင်ရာ ပြည်သူ့လွှတ်တော်ကိုယ်စားလှယ်များမှ တစ်ဆင့် ဥပဒေကြမ်း ကော်မတီကတစ်ဆင့် ကျွန်တော်တို့ တင်ပြတဲ့အဆိုပြုချက်များကို အပြန်အလှန် ဝေဖန်ဆွေးနွေးကြမည် ဖြစ်ပါတယ်” ဟု ကော်မရှင်အဖွဲ့ဝင် ဦးဟန်ညွန့်က ပြောကြားသည်။

ဆက်လက်၍ ဥပဒေပြင်ဆင်ချက်နဲ့ ပတ်သက်ပြီးတော့ ကျွန်တော်တို့အနေနဲ့ ရက်ပိုင်းအတွင်းမှာပဲ သက်ဆိုင်တဲ့အာဏာပိုင်ထံသို့ အကြံပြုချက်များပေးပို့ရန် အဆင်သင့် ဖြစ်နေပြီ ဖြစ်ပါတယ်။ ပေးပို့မှာနော်။ ပြဋ္ဌာန်းမှာမဟုတ်သေးဘူး။ အဂတိလိုက်စားမှု တိုက်ဖျက်ရေးကော်မရှင်အနေနဲ့တော့ ဥပဒေပြင်ဆင်ရေးမှာ လက်မနှေးဘူးဆိုတဲ့သဘောပဲ ဖြစ်ပါတယ်။ အမြန်ဆုံးပြဋ္ဌာန်းဖို့ဆိုတာ အဆင့်ဆင့် Step by Step သွားရတဲ့အတွက် ဒီကနေ့ပြော မနက်ဖြန်ပြဋ္ဌာန်းဆိုတာတော့ မဟုတ်ပါဘူး။ ပြင်ပြီးသွားရင် လုပ်ပိုင်ခွင့်ဆိုတာထက် အဂတိလိုက်စားမှု တိုက်ဖျက်ရေးဆိုင်ရာ လုပ်ငန်းများကို ပိုမိုပီပြင်ပွင့်လင်းစွာ လုပ်ကိုင်နိုင်သည့် ရည်ရွယ်ချက်များဖြင့် ပြင်ဆင်ရန် တင်ပြထားခြင်း ဖြစ်ပါတယ်” ဟု ဦးဟန်ညွန့်က ပြောကြားသည်။

အဂတိလိုက်စားမှု တိုက်ဖျက်ရေးဥပဒေတွင် အားနည်းချက်၊ ချို့ယွင်းချက်များစွာ ရှိနေသည့်အတွက် ယခင်ကော်မရှင်အဟောင်းမှ ဥပဒေ၏ အားနည်းချက်၊ ချို့ယွင်းချက်များကို အများပြည်သူအကျိုးငှာ ပြင်ဆင်နိုင်ရန်အတွက် လိုအပ်သည့်ပြင်ဆင်ချက်များနှင့် အကြံပြုချက်များကို သီးခြားစာအုပ်ပြုစုကာ ကော်မရှင်အသစ်သို့ လွှဲပြောင်းပေးအပ်ထားကြောင်း သိရသည်။

ထို့ပြင် အဂတိလိုက်စားမှု တိုက်ဖျက်ရေးကော်မရှင်အသစ်အနေဖြင့် တာဝန်ယူသည့် နေ့မှစတင်ကာ ကော်မရှင်ရုံးအတွင်း အစည်းအဝေးများ ပြုလုပ်ခဲ့ပြီး ဆုံးဖြတ်ချက်များ ဆောင်ရွက်နိုင်ခဲ့ကြောင်း၊ အဂတိလိုက်စားမှု တိုက်ဖျက်ရေးဥပဒေအဟောင်းမှ အချက်အလက် ၂၀ ကျော် ပြင်ဆင်ရန် ဆောင်ရွက်ထားကြောင်း အဂတိလိုက်စားမှု တိုက်ဖျက်ရေးကော်မရှင်အဖွဲ့ဝင် ဦးဟန်ညွန့်က ပြောကြားသည်။

“အဂတိလိုက်စားမှုဆိုတာ ဘာလဲ။ ပေးသူ၊ ယူသူဆိုတာ ဘာလဲ။ အသေးစိတ် ဆောင်ရွက်ထားပါတယ်။ အချက်အလက်အသေးစိတ်တော့ မပြောပါရစေနဲ့။ ၂၀ ကျော်ပါလိမ့်မယ်။ ၂၀ ကျော်လို့ပဲ မှတ်ထားလိုက်ရင် အဆင်ပြေမယ်ထင်ပါတယ်” ဟု ဦးဟန်ညွန့်က ပြောကြားသည်။

ယာဉ်တိမ်းမှောက်မှုတွင် ငွေတောင်းခံခြင်းနှင့် မတရားအမှုဆင် တရားစွဲဆိုသူ ရဲအုပ်အား အဂတိလိုက်စားမှု တိုက်ဖျက်ရေးဥပဒေအရ အလုပ်နှင့်ထောင်ဒဏ်ငါးနှစ် အမိန့်ချ

မွန်ပြည်နယ်၊ ရေးမြို့နယ်တွင် ကန်တာ ယာဉ်တိမ်းမှောက်မှုနှင့်စပ်လျဉ်း၍ အမှုစစ်အရာရှိ ရဲအုပ်ကျော်သက်ခိုင်က ငွေတောင်းခံခြင်းနှင့် မတရားအမှုဆင် တရားစွဲဆိုခြင်းအား အရေးယူပေးပါရန် နစ်နာသူမှ အဂတိလိုက်စားမှု တိုက်ဖျက်ရေးကော်မရှင်သို့ တိုင်ကြားခဲ့မှုကို အဂတိလိုက်စားမှု တိုက်ဖျက်ရေး ဥပဒေ ပုဒ်မ ၅၆ ဖြင့် ယခုနှစ် ဇန်န၀ါရီ ၃၀ ရက်က မွန်ပြည်နယ် တရားလွှတ်တော်၌ တရားစွဲဆိုခဲ့ပြီး ဒီဇင်ဘာ ၂၀ ရက်တွင် အလုပ်နှင့် ထောင်ဒဏ်ငါးနှစ်ချမှတ်ခဲ့ကြောင်း အဂတိလိုက်စားမှုတိုက်ဖျက်ရေး ကော်မရှင်က ဒီဇင်ဘာ ၂၈ ရက်တွင် သတင်းထုတ်ပြန်သည်။

ယင်းဖြစ်စဉ်နှင့် ပတ်သက်ပြီး အဂတိလိုက်စားမှု တိုက်ဖျက်ရေးကော်မရှင်က စုံစမ်းစစ်ဆေးရေးအဖွဲ့ ဖွဲ့စည်းစစ်ဆေးခဲ့ရာ မွန်ပြည်နယ် ရေးမြို့၊ မြို့မရဲစခန်း အမှုစစ်အရာရှိ ရဲအုပ် ကျော်သက်ခိုင်သည် အမှုစစ်ရဲအရာရှိ၏ လုပ်ပိုင်ခွင့်ကို အသုံးပြုလျက် လာဘ်ငွေများ တောင်းခံရယူခဲ့ကြောင်း စစ်ဆေးပေါ်ပေါက်သဖြင့် ယခုကဲ့သို့ အမိန့်ချမှတ်ခဲ့ခြင်းဖြစ်ကြောင်း ကော်မရှင်၏ ထုတ်ပြန်ချက်တွင် ဖော်ပြထားသည်။

ထို့ပြင် မြေကွက်ခွဲဝေရောင်းချငွေမှ လာဘ်ငွေရယူခဲ့သည့် ကျေးရွာအုပ်စု အုပ်ချုပ်ရေးမှူးနှင့် မြို့နယ်အုပ်ချုပ်ရေးမှူးနှစ်ဦးကို အဂတိလိုက်စားမှုတိုက်ဖျက်ရေး ဥပဒေဖြင့် ရေးမြို့နယ် ခေါစာနယ်မြေရဲစခန်းတွင် အမှုဖွင့်လှစ်ထားပြီး တရားစွဲဆိုအရေးယူနိုင်ရေး ဆောင်ရွက်နေကြောင်း အဂတိလိုက်စားမှု တိုက်ဖျက်ရေးကော်မရှင်က ဒီဇင်ဘာ ၂၈ ရက်တွင် သတင်းထုတ်ပြန်သည်။

ဖြစ်စဉ်မှာ မွန်ပြည်နယ်၊ ရေးမြို့နယ်၊ ခေါဇာမြို့၊ ကျုံညဲရွာနေ နစ်နာသူတို့က ကျုံညဲကျေးရွာအုပ်စု၊ အုပ်ချုပ်ရေးမှူး ဦးထွန်းကြည်နှင့် ခေါဇာမြို့အုပ်ချုပ်ရေးမှူး ဦးနောင်နောင်လင်းတို့သည် ကျုံညဲကျေးရွာနေ ဦးစိုးအောင်နှင့် ဒေါ်ဝင်းအေးတို့ ပိုင်ဆိုင်သည့် ခြံမြေကွက်ပေါ်တွင် ပေ ၆၀ ပေ၄၀ ခြံကွက် (၁၅)ကွက် ဖြစ်ပေါ်စေရန် ဆောင်ရွက်ပေးရာတွင် ငွေကြေးတောင်းခံ၍ ပေးခဲ့ရခြင်းအပေါ် အရေးယူပေးပါရန် အဂတိလိုက်စားမှု တိုက်ဖျက်ရေးကော်မရှင်သို့ တိုင်ကြားခဲ့ကြောင်း သိရသည်။

တိုင်ကြားစာအရ အဂတိလိုက်စားမှု တိုက်ဖျက်ရေးကော်မရှင်က စုံစမ်းစစ်ဆေးရေး အဖွဲ့ဖွဲ့စည်း စစ်ဆေးခဲ့ရာ မွန်ပြည်နယ်၊ ရေးမြို့နယ် ခေါဇာမြို့အုပ်ချုပ်ရေးမှူး ဦးနောင်နောင်လင်းသည် လယ်ယာမြေကို အခြားနည်းအသုံးပြုခွင့် ရရှိရေးခွင့်ပြု ဆောင်ရွက်ပေးခွင့်မရှိဘဲ ခေါဇာမြို့၊ ကျုံညဲကျေးရွာတွင် ပေ ၆၀ ပေ ၄၀ မြေကွက် (၁၅) ကွက် ဖော်ထုတ်ရရှိရေး ဆောင်ရွက်ပြီး၊ မြေကွက်ရောင်းရ ငွေကျပ်သိန်း ၂၀ အနက်မှ ငွေကျပ် ၁၁ သိန်းကို လက်ခံရယူကာ ခွဲဝေပေးခဲ့ကြောင်း စစ်ဆေးပေါ်ပေါက်သဖြင့် မွန်ပြည်နယ်၊ ရေးမြို့နယ်၊ ခေါဇာမြို့ အုပ်ချုပ်ရေးမှူး ဦးနောင်နောင်လင်းအပေါ် ၂၀၁၃ ခုနှစ်၊ အဂတိလိုက်စားမှု တိုက်ဖျက်ရေးဥပဒေ ပုဒ်မ ၅၇ အရ လည်းကောင်း၊ ဦးထွန်းကြည်(ယခင် ကျုံညဲကျေးရွာအုပ်စု အုပ်ချုပ်ရေးမှူး) အပေါ် ၂၀၁၃ ခုနှစ်၊ အဂတိလိုက်စားမှုတိုက်ဖျက်ရေး ဥပဒေပုဒ်မ ၅၇/ ၆၃ အရလည်းကောင်း ရေးမြို့နယ် ခေါဇာနယ်မြေရဲစခန်းတွင် ဒီဇင်ဘာ ၂၆  ရက်တွင် အမှုဖွင့်လှစ်လျက် တရားစွဲဆို အရေးယူနိုင်ရေး ဆောင်ရွက်လျက်ရှိကြောင်း သိရသည်။