၂၀၁၈-၂၀၁၉ ခုနှစ် ပြည်ထောင်စု၏အခွန်အကောက်ဥပဒေကြမ်းတွင် စီးကရက်၊ ဆေးပေါ့လိပ်နှင့် အရက်အမျိုးမျိုးအတွက် အခွန်နှုန်းထားများ တိုးမြှင့်ကောက်ခံထား

သြဂုတ် ၂၄ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးအား တွေ့ရစဉ်

ပြည်ထောင်စုအစိုးရအဖွဲ့ကိုယ်စား စီမံကိန်းနှင့် ဘဏ္ဍာရေးဝန်ကြီးဌာနက တင်သွင်းသော ၂၀၁၈-၂၀၁၉ ခုနှစ် ပြည်ထောင်စု၏ အခွန်အကောက်ဥပဒေကြမ်းတွင် စီးကရက်၊ ဆေးပေါ့လိပ်နှင့် အရက်အမျိုးမျိုးတို့ အတွက် အခွန်နှုန်းထားများ တိုးမြှင့်ကောက်ခံထားကြောင်း သိရသည်။

နေပြည်တော်၌ သြဂုတ် ၂၄ ရက်က ပြုလုပ်သော ဒုတိယအကြိမ် ပြည်ထောင်စု လွှတ်တော် န၀မပုံမှန်အစည်းအဝေး ၁၂ ရက် မြောက်နေ့တွင် ၂၀၁၈-၂၀၁၉ ခုနှစ် ပြည်ထောင်စု၏ အခွန်အကောက်ဥပဒေကြမ်းနှင့် စပ်လျဉ်း၍ စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက လွှတ်တော်သို့ တင်သွင်းခဲ့ခြင်းဖြစ်သည်။

“၂၀၁၈-၂၀၁၉ ခုနှစ် ပြည်ထောင်စုရဲ့ အခွန်အကောက် ဥပဒေမူကြမ်းနဲ့ ပတ်သက် ပြီး အဓိကအားဖြင့် ထူးခြားချက်နှစ်ချက်ရှိပါ တယ်။ ပထမအချက်မှာ အထူးကုန်စည်ခွန်နှုန်းထားတွေကို တိုးမြှင့်သတ်မှတ်ခြင်းဖြစ်ပြီး ဒုတိယအချက်မှာ ယခင်က ၀င်ငွေခွန်ကင်းလွတ်ခွင့် ပြုပေးထားသော ၀င်ငွေပမာဏကို ပြောင်းလဲသတ်မှတ်ခြင်းဖြစ်ပါတယ်။ ပြည်ထောင်စုအစိုးရအဖွဲ့သည် နိုင်ငံတော်က ချ မှတ်ထားတဲ့ စီးပွာရေးမူဝါဒနဲ့ ဘဏ္ဍာရေးမူဝါဒကို ပိုမိုထိရောက်စွာ ဖော်ဆောင်နိုင်စေရန်အလို့ငှာ အချို့သော အထူးကုန်စည်ခွန် နှုန်းထားတွေကို လက်ရှိကောက်ခံလျက်ရှိတဲ့ နှုန်းထားတွေအစား ဂျီဒီပီတိုးတက်မှုနဲ့ ငွေ ကြေးဖောင်းပွမှုတိုးနှုန်းတို့ကိုအခြေခံပြီး နှုန်းထားအသစ်နဲ့ အနည်းငယ်တိုးမြှင့်ပြီး ပြောင်းလဲ သတ်မှတ်ဆောင်ရွက်မည်ဖြစ်ပါတယ်”  ဟု ဦးမောင်မောင်ဝင်းက ပြောကြားသည်။

၂၀၁၈- ၂၀၁၉ အခွန်အကောက်ဥပဒေကြမ်းတွင် တိုးမြှင့်သတ်မှတ်ထားသည့် အထူးကုန်စည်ခွန်များမှာ စီးကရက်အမျိုးမျိုးတွင် အလိပ် ၂၀ ပါ တစ်ဘူးရောင်းဈေးသည် ကျပ် ၆၀၀ အဆင့်ဖြစ်လျှင်  တစ်လိပ်လျှင် အခွန် ခြောက်ကျပ်နှုန်း၊ အလိပ် ၂၀ ပါ တစ်ဘူး ရောင်းဈေးသည် ၆၀၁ ကျပ်မှ ကျပ် ၈၀၀ အဆင့်ဖြစ်လျှင် အခွန် ၁၄ ကျပ် ၊ အလိပ် ၂၀ ပါ တစ်ဘူးရောင်းဈေးသည် ၈၀၁ ကျပ်မှ ကျပ် ၁၀၀၀ အဆင့်ဖြစ်လျှင် အခွန် ၁၉ ကျပ်၊ အလိပ် ၂၀ ပါ တစ်ဘူးရောင်းဈေးသည် ၁၀၀၁ ကျပ်နှင့်အထက်ဖြစ်လျှင် အခွန် ၂၁ ကျပ်နှင့် ဆေးပေ့ါလိပ်တစ်လိပ်လျှင် အခွန်တစ်ကျပ်အဖြစ်တင်ပြထားပြီး ၂၀၁၈ ခုနှစ် အခွန်အကောက်ဥပဒေတွင် စီးကရက်အမျိုး မျိုးတွင် အလိပ် ၂၀ ပါ တစ်ဘူးရောင်းဈေးသည် ကျပ် ၅၀၀ အဆင့်ဖြစ်လျှင်  တစ်လိပ်လျှင် အခွန် လေးကျပ်နှုန်း၊ အလိပ် ၂၀ ပါ တစ်ဘူး ရောင်းဈေးသည် ကျပ် ၅၀၁ ကျပ်မှ ကျပ်  ၇၀၀ အဆင့်ဖြစ်လျှင် အခွန်  ကိုးကျပ် ၊ အလိပ် ၂၀ ပါ တစ်ဘူးရောင်းဈေးသည် ၇၀၁ ကျပ်မှ ကျပ် ၉၀၀ အဆင့်ဖြစ်လျှင် အခွန် ၁၃ ကျပ်၊ အလိပ် ၂၀ ပါတစ်ဘူးရောင်းဈေးသည် ၉၀၁ ကျပ်နှင့် အထက်ဖြစ်လျှင် အခွန် ၁၆ ကျပ် နှင့် ဆေးပေ့ါလိပ်တစ်လိပ်လျှင် အခွန် ၂၅ ပြားအဖြစ် သတ်မှတ်ထားသည်။

ထို့ပြင် အရက်အမျိုးမျိုးကိုလည်း ၂၀၁၈ -၂၀၁၉ အခွန်အကောက် ဥပဒေကြမ်းတွင်  တစ်လီတာတန်းဖိုးကျပ် ၁၀၀၀ အထိဖြစ်လျှင် အခွန် ၁၂၂ ကျပ်မှ တစ်လီတာတန်ဖိုးတိုးမြှင့်လာသည်နှင့်အမျှ အခွန်နှုန်းထားများကို တိုးမြှင့်ထားကာ တစ်လီတာတန်ဖိုး ကျပ် ၂၉၀၀၁ နှင့် အထက်ဖြစ်လျှင် အခွန်နှုန်းသည် တစ်လီတာတန်ဖိုး၏ ရာခိုင်နှုန်း ၆၀ အဖြစ် တင်ပြထားကာ ၂၀၁၈ ခုနှစ် အခွန်အကောက်ဥပဒေတွင် တစ်လီတာတန်ဖိုး ကျပ် ၇၅၀ အထိ အဆင့်ဖြစ်လျှင် အခွန် ၉၁ ကျပ်အဖြစ် သတ်မှတ်ထားကာ တစ်လီတာတန်ဖိုး ကျပ် ၂၆၀၀၁ နှင့်အထက်ဖြစ်ပါက အခွန်သည်  တစ်လီတာတန်ဖိုး၏ ရာခိုင်နှုန်း ၆၀ အဖြစ် သတ်မှတ်ထားသည်။

အခွန်တိမ်းရှောင်ရန် အားထုတ်ခြင်းများကို ခုနစ်နှစ်ထက်မပိုသော ထောင်ဒဏ်နှင့် ငွေဒဏ်ကျခံစေရန် ပြဋ္ဌာန်းချက် ထည့်သွင်းရေးဆွဲထားသည့် အခွန်ဆိုင်ရာ စီမံအုပ်ချုပ်မှုဥပဒေကြမ်းနှင့် ပတ်သက်၍ လွှတ်တော်ကော်မတီများနှင့် သက်ဆိုင်ရာဝန်ကြီးဌာန မေ ၁၅ ရက်တွင် အစည်းအဝေးပြုလုပ်မည်

အခွန်တိမ်းရှောင်ရန် အားထုတ်ခြင်းများကို ခုနစ်နှစ်ထက်မပိုသော ထောင်ဒဏ်နှင့် ငွေဒဏ်ကျခံစေရန် ပြဋ္ဌာန်းချက်ထည့် သွင်းရေးဆွဲထားသည့် အခွန်ဆိုင်ရာစီမံအုပ်ချုပ်မှု ဥပဒေကြမ်းနှင့်ပတ်သက်၍ လွှတ်တော်ကော်မတီများနှင့် သက်ဆိုင်ရာဝန်ကြီးဌာနတို့ မေ ၁၅ ရက်တွင် အစည်းအဝေးပြုလုပ်မည်ဖြစ်ကြောင်း ပြည်ထောင်စုလွှတ်တော် ဥပဒေကြမ်းပူးပေါင်းကော်မတီ၏ သတင်းထုတ်ပြန်ချက်အရ သိရသည်။

အခွန်ဆိုင်ရာ စီမံအုပ်ချုပ်မှုဥပဒေကြမ်းနှင့် ပတ်သက်၍ ဥပဒေကြမ်းပူးပေါင်းကော်မတီ၊ ပြည်သူ့ငွေစာရင်း ပူးပေါင်းကော်မတီ၊ ဥပဒေရေးရာနှင့် အထူးကိစ္စရပ်များလေ့လာ ဆန်းစစ်သုံးသပ်ရေးကော်မရှင်၊ ပြည်ထောင်စု တရားလွှတ်တော်ချုပ်ရုံး၊ စီမံကိန်းနှင့် ဘဏ္ဍာရေးဝန်ကြီးဌာန၊ ပြည်ထောင်စုရှေ့နေချုပ်ရုံး၊ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်တို့မှ တာဝန်ရှိသူများအပါအ၀င် နေပြည်တော်ရှိ လွှတ်တော်ဝင်းအတွင်း အစည်းအဝေးပြုလုပ်မည်ဖြစ်သည်။

အခွန်ဥပဒေများ၏ စီမံအုပ်ချုပ်မှုဆိုင်ရာများကို ပြန်လည်သုံးသပ်ပြင်ဆင် စုစည်းရန်နှင့် အခွန်များကို ထိရောက်စွာ ကောက်ခံနိုင်စေရန် ရည်ရွယ်၍ အခွန်ဆိုင်ရာစီမံအုပ်ချုပ်မှု ဥပဒေကြမ်းကို ရေးဆွဲထားခြင်းဖြစ်သည်။

ရှင်းလင်းလွယ်ကူသည့် အခွန်စနစ်ဖြစ်ရန်အတွက် အခွန်ဆိုင်ရာ စီမံအုပ်ချုပ်မှုဥပဒေကြမ်းကို ရေးဆွဲထားခြင်းဖြစ်ကြောင်း ပြည်တွင်းအခွန်များဦးစီးဌာနမှ ညွှန်ကြားရေးမှူးချုပ် ဦးမင်းထွဋ်က The Daily Eleven သတင်းစာကို ပြောကြားထားသည်။

“ရှင်းလင်းလွယ်ကူတဲ့ အခွန်စနစ်ကို ဖြစ်အောင်လုပ်တာလေ။ အခွန်ထမ်းက သူ့ရဲ့လုပ်ထုံးလုပ်နည်းနဲ့ ပတ်သက်ရင် ဒီစာအုပ်ကိုဖတ်လိုက်တာနဲ့ ဘာလုပ်ရမယ်။ ဥပမာ အယူခံဝင်မယ်ဆို ဘယ်လိုလုပ်ရမယ်။ ယခင်တုန်းကဆိုရင် အယူခံဝင်မယ်ဆိုရင် ၀င်ငွေခွန်ဆိုရင် ၀င်ငွေခွန်နဲ့ပတ်သက်တဲ့ အယူခံမှုကို သွားဖတ်ရမယ်။ ကုန်သွယ်ခွန်ဆို ကုန်သွယ်ခွန်နဲ့ပတ်သက်တဲ့ အယူခံမှုကို သွားဖတ်နေရမယ်။ အခုဆိုလို့ရှိရင်တော့ အယူခံရမယ့်ကိစ္စဆိုရင် ဒီစာအုပ်ထဲ ဖတ်လိုက်တာနဲ့ ဘယ်လိုအယူခံရမယ်။ ပြန်အမ်းငွေနဲ့ပတ်သက်ရင် ပြန်အမ်းငွေက ဘယ်လိုရပိုင်ခွင့်တွေရှိတယ်။ ဘယ်လိုလုပ်ရမယ်။ ဒီလိုမျိုးပဲ လုပ်ထုံးလုပ်နည်းတွေ အကုန်လုံး တစ်နေရာတည်းမှာ စုထားတဲ့အတွက် အခွန်ထမ်းအတွက်က သိပ်မရှုပ်ထွေးတော့ဘူးဗျာ။ နောက်တစ်ခုက ဒီမှာပြည့်ပြည့်စုံစုံ လုပ်ထားတဲ့အခါကျတော့ ယခင်တုန်းကတော့ ဥပဒေတွေရှိတယ်။ နည်းဥပဒေတွေရှိတယ်။ စည်းမျဉ်းတွေရှိတယ်။ မိန့်ညွန်ကြားချက်တွေက တစ်တွဲကြီးလိုက်ဖတ်ရတာရှိတာကိုး။ အခုကျတော့ ဒီမှာ ပြည့်ပြည့်စုံစုံ တစ်ခါတည်း ထည့်ပေးလိုက်တဲ့အတွက် အခွန်ထမ်းက ပိုပြီးတော့ ရှင်းလင်းသွားတာပေါ့” ဟု ပြည်တွင်းအခွန်များဦးစီးဌာနမှ ညွှန်ကြားရေးမှူးချုပ် ဦးမင်းထွဋ်က ပြောကြားသည်။

အခွန်ဆိုင်ရာ စီမံအုပ်ချုပ်မှုဥပဒေကြမ်း၏ အခန်း (၁၀) ပြစ်မှုပြစ်ဒဏ်တွင် ပုဒ်မ ၇၇ ၌ မည်သူမဆို အခွန်းစည်းကြပ်ခြင်း၊ ပေးဆောင်စေခြင်း၊ ကောက်ခံခြင်းကို တမင်တိမ်းရှောင်ခြင်း သို့မဟုတ် တိမ်းရှောင်ရန် အားထုတ်ခြင်း သို့မဟုတ် ယင်းပုဂ္ဂိုလ်အနေဖြင့် ရပိုင်ခွင့်မရှိသည့် အခွန်ပြန်အမ်းငွေကိုရရှိရန် တမင်ကြံရွယ်ချက်ဖြင့် တောင်းခံခြင်းပြုကြောင်း ပြစ်မှုထင်ရှား စီရင်ခြင်းခံရလျှင် ထိုသူကို ခုနစ်နှစ်ထက်မပိုသော ထောင်ဒဏ်ကိုဖြစ်စေ၊ ကျပ်နှစ်သိန်းငါးသောင်းနှင့် ယင်းကာလအတွက် ယင်းပုဂ္ဂိုလ်ပေးဆောင်ရမည့် အခွန်၏ ၁၀၀ ရာခိုင်နှုန်းနှင့်ညီမျှသော ငွေပမာဏတို့အနက် များရာဒဏ်ကြေးငွေဖြစ်စေ၊ ဒဏ်နှစ်ရပ်လုံးကိုဖြစ်စေ ကျခံစေရမည်ဟု ရေးဆွဲထားသည်။

ဒုတိယအကြိမ် ပြည်ထောင်စုလွှတ်တော် အစည်းအဝေး နှစ်နှစ်တာကာလအတွင်း ဥပဒေပေါင်း ၆၀ နီးပါး အတည်ပြု ပြဋ္ဌာန်းထားပြီးဖြစ်ကြောင်း ပြည်ထောင်စုလွှတ်တော်၏ သတင်းထုတ်ပြန်ချက်များအရ သိရသည်။

ပြည်ထောင်စုလွှတ်တော် အဋ္ဌမပုံမှန်အစည်းအဝေးတွင် အခွန်နှင့်သက်ဆိုင်သည့် ဥပဒေကြမ်းသုံးခုကို ဆွေးနွေးအတည်ပြုမည်ဖြစ်ပြီး ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီ အစည်းအဝေး မေ ၈ ရက်တွင် စတင်မည်

ပြည်ထောင်စုလွှတ်တော် အဋ္ဌမပုံမှန်အစည်းအဝေးတွင် အခွန်နှင့်သက်ဆိုင်သည့် ဥပဒေကြမ်းသုံးခုအား ဆွေးနွေးအတည်ပြုမည်ဟု ဥပဒေကြမ်း ပူးပေါင်းကော်မတီအတွင်းရေးမှူး ဒေါက်တာမြတ်ဥာဏစိုးက The Daily Eleven သတင်းစာကို ပြောကြားသည်။

ပြည်ထောင်စုလွှတ်တော် အဋ္ဌမပုံမှန်အစည်းအဝေးများအား မေ ၁၄ ရက်တွင် စတင်မည်ဖြစ်ပြီး ဥပဒေကြမ်း ပူးပေါင်းကော်မတီအနေဖြင့် ဥပဒေကြမ်းများအပေါ် ဆွေးနွေးမည့် အစည်းအဝေးအား မေ ၈ ရက်တွင် စတင်မည်ဖြစ်ကြောင်း သိရသည်။

ဒေါက်တာမြတ်ဥာဏစိုးက “ဥပဒေကြမ်း ပူးပေါင်းကော်မတီအနေနဲ့ ဆောင်ရွက်ဖို့ ဥပဒေကြမ်းလေးခုရှိပါတယ်။ အဲဒီဥပဒေတွေကတော့ ဘတ်ဂျက်နှစ်ပြင်လိုက်တဲ့အတွက် ဘဏ္ဍာငွေ အရအသုံးဆိုင်ရာ ရေးဆွဲခြင်းဥပဒေ၊ အခွန်အယူခံခုံအဖွဲ့ဥပဒေ၊ အခွန်ဆိုင်ရာ လုပ်ထုံးလုပ်နည်းဥပဒေနဲ့ သမ္မတဆီက သဘောထားမှတ်ချက်နဲ့ ပြန်ပို့ထားတဲ့ တောရိုင်းတိရစ္ဆာန်မဲ့ သဘာဝနယ်မြေ ထိန်းသိမ်းစောင့်ရှောက်ရေးဥပဒေများ ဆောင်ရွက်ဖို့ရှိပါတယ်” ဟု ပြောကြားသည်။

ဘတ်ဂျက်နှစ်ပြင်ခဲ့သည့်အတွက် ဘဏ္ဍာငွေ အရအသုံးဆိုင်ရာ ဥပဒေရေးဆွဲရာတွင် ဘတ်ဂျက်နှင့်သက်ဆိုင်မှုများအား ပြည်ထောင်စုလွှတ်တော်သို့ မည်သည့်အချိန်တွင် ပေးပို့ရမည်ဆိုသည့် အချက်များ ပါဝင်လာမည်ဖြစ်ကြောင်း ဒေါက်တာမြတ်ဥာဏစိုးက ပြောကြားသည်။

ဒုတိယအကြိမ် ပြည်ထောင်စုလွှတ်တော် အစည်းအဝေး နှစ်နှစ်တာကာလအတွင်း ဥပဒေပေါင်း ၆၀ နီးပါး အတည်ပြုပြဋ္ဌာန်းနိုင်ခဲ့ကြောင်း၊ ပထမအကြိမ် ပြည်ထောင်စုလွှတ်တော် သက်တမ်းငါးနှစ်အတွင်း ဥပဒေပေါင်း ၁၉၆ ခု အတည်ပြုပြဋ္ဌာန်းနိုင်ခဲ့ကြောင်း သိရသည်။

ပထမအကြိမ် ပြည်ထောင်စုလွှတ်တော် ငါးနှစ်သက်တမ်းဖြစ်သည့် ၂၀၁၁ ခုနှစ်တွင် ဥပဒေပေါင်း ၁၅ ခု၊ ၂၀၁၂ ခုနှစ်တွင် ဥပဒေ ၁၂ ခု၊ ၂၀၁၃ ခုနှစ်တွင် ဥပဒေ ၃၇ ခု၊ ၂၀၁၄ ခုနှစ်တွင် ဥပဒေ ၃၃ ခု၊ ၂၀၁၅ ခုနှစ်တွင် ဥပဒေ ၇၄ ခု၊ ၂၀၁၆ ခုနှစ်တွင် ဥပဒေ ၂၅ ခု အတည်ပြုပြဋ္ဌာန်းနိုင်ခဲ့ကြောင်း၊ ဒုတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေးကို ၂၀၁၆ ခုနှစ်တွင် ဥပဒေ ၁၉ ခု၊ ၂၀၁၇ ခုနှစ်တွင် ဥပဒေ ၂၉ ခု၊ ၂၀၁၈ ခုနှစ်အတွင်းတွင် ဥပဒေ ၁၁ ခု အတည်ပြုပြဋ္ဌာန်းနိုင်ခဲ့ကြောင်း သိရသည်။

ဥပဒေကြမ်းများအား အတည်ပြုပြဋ္ဌာန်းရာတွင် ဒေသခံလူထု၏ဆန္ဒ၊ ပြည်သူလူထုနှင့် ကင်းကွာမှုရှိမရှိ စသည်တို့ကို စိစစ်ပြီး ဆွေးနွေးအတည်ပြုကြောင်း၊ အတည်ပြုထားသည့် ဥပဒေများအား အကောင်အထည်ဖော်သည့်သူများမှ အားနည်းမှုများရှိပါက ပြည်သူများအတွက် တိုက်ရိုက်အကျိုးရှိမှု အားနည်းမည်ဟုမြင်ကြောင်း လွှတ်တော်ကိုယ်စားလှယ်တစ်ဦးက ပြောကြားသည်။

ထို့အပြင် အဋ္ဌမပုံမှန်အစည်းအဝေးတွင် အမျိုးသားလွှတ်တော်တွင် ဆောင်ရွက်မည့် ဥပဒေကြမ်းကိုးခု ရှိကြောင်း၊ ပြည်သူ့လွှတ်တော်ဘက်မှ ပြင်ဆင်ချက်များဖြင့် အတည်ပြုပြီး ပေးပို့ထားသည့် သစ်တောဥပဒေ (၂၀၁၇) ကို ပြင်ဆင်သည့်ဥပဒေကြမ်း အလုပ်သမားအငြင်းပွားမှု ဖြေရှင်းရေးဥပဒေ၊ တောင်သူလယ်သမားရေးရာကော်မတီက တင်သွင်းထားသည့် မြေသိမ်းဥပဒေကြမ်း၊ ရုပ်မြင်သံကြားနဲ့ အသံထုတ်လွှင့်ခြင်းဆိုင်ရာ ဥပဒေကြမ်း၊ ရုပ်မြင်သံကြားနဲ့ ဗီဒီယိုထုတ်လုပ်ခြင်းဆိုင်ရာ ဥပဒေကြမ်း၊ မြန်မာ့သမိုင်းကော်မရှင်ဥပဒေကို ပြင်ဆင်သည့်ဥပဒေကြမ်း၊ မြန်မာနိုင်ငံသွားနှင့် ခံတွင်းကောင်စီဥပဒေကို ပြင်ဆင်သည့်ဥပဒေကြမ်း၊ အဂတိလိုက်စားမှုတိုက်ဖျက်ရေး ဥပဒေကြမ်းများကို အတည်ပြု ဆောင်ရွက်ရန်ရှိကြောင်း သိရသည်။

သတ္တမပုံမှန် အစည်းအဝေးကာလတွင် အတည်ပြုနိုင်ခြင်းမရှိခဲ့သည့် အဂတိလိုက်စားမှု တိုက်ဖျက်ရေးဥပဒေကြမ်းအား လွှတ်တော်ပြန်စချိန်တွင် အမျိုးသားလွှတ်တော်၏ အဆုံးအဖြတ်ရယူပြီး အတည်ပြုမည်ဖြစ်ကြောင်း၊ အလုပ်သမားအငြင်းပွားမှု ဖြေရှင်းရေးဥပဒေကြမ်း၊ သစ်တောဥပဒေ ဥပဒေကြမ်းများကို ဦးစားပေးအနေဖြင့် ဆောင်ရွက်ဖွယ်ရှိကြောင်း သိရသည်။

လက်ရှိတွင် အမျိုးသားလွှတ်တော် ဥပဒေကြမ်းကော်မတီ အစည်းအဝေးအနေဖြင့် မေ ၂ ရက်မှစတင်ကာ ဥပဒေကြမ်းကော်မတီ အစည်းအဝေးများပြုလုပ်ကာ ဥပဒေကြမ်းများ ဆွေးနွေးမှုများပြုလုပ်နေကြောင်း သိရသည်။

လမ်းများပျက်စီးမှုမှာ ကုန်တင်ယာဉ်များကြောင့်ဖြစ်သဖြင့် ဘီးခွန်များကို အင်ဂျင်ပါဝါဖြင့် ကောက်ခံမည့်အစား အိမ်စီးကားနှင့်ကုန်တင်ကားဟူ၍ နှစ်ပိုင်းခွဲပြီး ကောက်ခံသင့်ကြောင်း တိုင်းဒေသကြီးလွှတ်တော်ကိုယ်စားလှယ် ပြောကြား

ရန်ကုန်မြို့အတွင်း သွားလာနေသည့် ကုန်တင်ယာဉ်များနှင့် ကိုယ်ပိုင်ယာဉ်အချို့အား တွေ့ရစဉ်

ဘီးခွန်များကို အင်ဂျင်ပါဝါဖြင့် ကောက်ခံမည့်အစား အိမ်စီးကားနှင့် ကုန်တင်ကားဟူ၍ နှစ်ပိုင်းခွဲပြီးကောက်ခံသင့်ကြောင်း ရွှေပြည်သာမြို့နယ် မဲဆန္ဒနယ်အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဦးရန်အောင်မင်း (ခ) ဦးဂေးမောင်က ပြောကြားသည်။

အဆိုပါကိစ္စအား မတ် ၂၉ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ဆဋ္ဌမပုံမှန်အစည်းအဝေး ၁၉ ရက်မြောက်တွင် ၂၀၁၈ ခုနှစ် ရန်ကုန်တိုင်းဒေသကြီး၏ အခွန်အခဥပဒေကြမ်းနှင့် စပ်လျဉ်းပြီး ဦးရန်အောင်မင်း (ခ) ဦးဂေးမောင်က ဆွေးနွေးရာတွင် ထည့်သွင်းပြောကြားခဲ့ခြင်းဖြစ်သည်။

“ဘီးခွန်ကို အင်ဂျင်ပါဝါနဲ့ ခွဲခြားမယ့်အစားကို ဘီးခွန်မှာ ကိုယ်ပိုင်အိမ်စီးကားနဲ့ ကုန်တင်ယာဉ်ကိုခွဲခြားပြီးတော့ ကောက်ရင်မကောင်းလေဘူးလား၊ လမ်းတွေကို ကျိုးကြေပျက်စီးစေတာက ကုန်တင်ယာဉ်တွေကြောင့် ဖြစ်ပါတယ်။ အင်ဂျင်ပါဝါနဲ့ ခွဲခြားမယ်ဆိုရင် အိမ်စီးကားနဲ့ ကုန်တင်ယာဉ်တွေမှာ ဥပမာ အခုစီးတဲ့ကားတွေက အင်ဂျင်ပါဝါ ၂၀၀၀ နဲ့ ၃၀၀၀ ကြားမှာရှိနေပါတယ်။ သို့သော် ဟိုက်ဂျက်တို့ ဘာတို့ဆို 600 CC ပဲရှိတယ်။ သူဆောင်ရတဲ့အခွန်ကနည်းနေတယ်။ ဒီဟာကို ပြဋ္ဌာန်းတဲ့အခါ ဒီဟာကို ပြန်လည်သုံးသပ်စေချင်ပါတယ်။ လုပ်ငန်းသုံးကားတွေက နေ့တိုင်းနေ့တိုင်း စီးပွားရှာရတဲ့ကားဖြစ်တယ်။ ကိုယ်ပိုင်ကားတွေက တစ်နှစ်ပတ်လုံး ထွက်ချင်မှထွက်တာ၊ ကိုယ်ပိုင်ကားနဲ့ ကုန်တင်ကားကို ခွဲခြားစေချင်ပါတယ်” ဟု ဘီးခွန်နှုန်းထားအသစ်ကောက်ခံရာတွင် တစ်နှစ်လျှင် ကျပ် ၃၆၅၀၀ မှ ကျပ် ၁၀၉၅၀၀ အထိဖြစ်နေကြောင်း၊ ဘီးခွန်တိုးမြှင့်ကောက်ခံသည်ကို လက်ခံကြောင်း၊ ယခင်နှုန်းထားများသည် ခေတ်နှင့်ကိုက်ညီမှုမရှိကြောင်း၊ တိုးမြှင့်ကောက်ခံလိုက်သည့် အခွန်အခနှင့်လမ်း၊ တံတားများဆောက်နိုင်မည်ဖြစ်ပြီး တိုင်းဒေသကြီးအစိုးရအဖွဲ့ရန်ပုံငွေလည်း တိုးတက်မည်ဖြစ်သည့်အတွက် မပြောလိုကြောင်း ဦးရန်အောင်မင်း (ခ)ဦးဂေးမောင်က ဆိုသည်။

ဘီးခွန်နှင့်ပတ်သက်ပြီး ၂၀၁၇ ဥပဒေတွင် ကားအမျိုးအစားနှင့် အလေးချိန်ကို အခြေပြုသတ်မှတ်ထားကြောင်း၊ ၂၀၁၈ ဥပဒေတွင် အင်ဂျင်ပါဝါကို အခြေပြုသတ်မှတ်ကြောင်း၊ ယင်းနှစ်ခုသည် နှိုင်းယှဉ်ဖို့ခက်ခဲကြောင်း၊ ဘီးခွန်သုံးစွဲမှု တိုးမြှင့်ကောက်ခံသည်ကို လက်ခံကြောင်း၊ သို့သော်ကောက်ခံသည့်စနစ် အင်ဂျင်ပါဝါဖြင့် ကောက်ခံခြင်းကို ပြန်လည်စိစစ်သင့်ကြောင်း၊ ထူးခြားချက်အနေဖြင့် ၂၀၁၇ ဥပဒေတွင် ညအိပ်ခွန်နှင့် ယာဉ်ရပ်နားခများပါရှိခဲ့ပြီး ၂၀၁၈ ခုနှစ်တွင် မပါရှိကြောင်း ထို့ကြောင့် အခွန်အကောက်ဥပဒေကြမ်းနှင့် ပတ်သက်ပြီး ပြန်လည်စိစစ်သင့်ကြောင်း လသာမြို့နယ် မဲဆန္ဒနယ် အမှတ် (၁) မှ ဦးဇော်ဝင်းနိုင်က ပြောကြားသည်။

ရန်ကုန်တိုင်းအတွင်း မော်တော်ယာဉ်ဘီးခွန်များအား တန်ချိန်ဖြင့် ကောက်ခံရာမှ အင်ဂျင်ပါဝါဖြင့် ကောက်ခံမည်ဖြစ်ပြီး တစ်နှစ်လျှင် အနည်းဆုံးကျပ် ၃၆၅၀၀ မှ အများဆုံး ကျပ် ၁၀၉၅၀၀ အထိကျသင့်မည်ဖြစ်ကြောင်း မတ် ၂၁ ရက်တွင်ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော်ဆဋ္ဌမပုံမှန် အစည်းအဝေး (၁၅) ရက်မြောက်နေ့တွင် ၀န်ကြီး ဦးမြင့်သောင်းက ၂၀၁၈ ခုနှစ် ရန်ကုန်တိုင်းဒေသကြီး၏ အခွန်အခဥပဒေကြမ်းအား လွှတ်တော်သို့ ရှင်းလင်းတင်ပြခြင်းနှင့် ဥပဒေကြမ်းတင်သွင်းရာတွင် ထည့်သွင်းပြောကြားသည်။ ပြောင်းလဲကောက်ခံမည့်နှုန်ထားများသည် အင်ဂျင်ပါဝါ 600 CC အောက် တစ်ရက်လျှင်ကျပ် ၁၀၀၊ တစ်နှစ်လျှင် ကျပ် ၃၆၅၀၀၊ 600 CC မှ 1300 CC အထိ တစ်ရက် ကျပ် ၁၅၀၊ တစ်နှစ်လျှင် ကျပ် ၅၄၇၅၀၊ 1301 CC မှ 2000 CC ထိ တစ်ရက်ကျပ် ၂၀၀၊ တစ်နှစ်လျှင်ကျပ် ၇၃၀၀၀၊ 2001 CC မှ 4300 CC ထိ တစ်ရက်ကျပ် ၂၅၀ မှတစ်နှစ်လျှင် ၉၁၂၅ ကျပ်နှင့် 4301 CC နှင့်အထိ တစ်ရက်ကျပ် ၃၀၀၊ တစ်နှစ်လျှင် ကျပ် ၁၀၉၅၀၀ အထိကျသင့်မည်ဖြစ်ကြောင်း သိရသည်။

၁၉၉၇ ခုနှစ်ကစပြီး ကောက်ခံခဲ့သည့် ယခင်ဘီးခွန်နှုန်းထားများသည် မော်တော်ဆိုင်ကယ် တစ်နှစ်လျှင် ၉၃၅ ကျပ်၊ ဆလွန်း၊ ဆီဒင်၊ ဂျစ်၊ စတေရှင်ဝက်ဂွန်၊ မိုက်ခရိုဘတ်စ်က ကျပ် ၂၃၀၀၊ လိုက်ဗန် 1500 kg အထိ ကျပ် ၁၃၈၀၊ လိုက်ဗန် 1500 kg အထက် ကျပ် ၁၄၉၅၊ ပစ်ကပ် 1000 kg အထိကျပ် ၁၃၈၀၊ ပစ်ကပ် 1000 kg အထက် ၁၄၉၅ ကျပ်၊ လိုက်ထရက် 2000 မှ 3000 kg အထိ ၁၄၉၅ ကျပ်၊ ထရပ်နှင့် ထရပ်တာတွေအားလုံး 3000 kg မှ 10000 kg အထိကျပ် ၁၉၂၀ မှ ကျပ် ၄၃၂၀ အထိ၊ ထရေလာများသည် တန်ချိန် ၂၀ အထက်ကျပ် ၁၅၆၀၊ ဘတ်စ်ကား 3000 မှ 4000 kg အထိကျပ် ၁၈၀၀၊ 4000 kg အထက်ကျပ် ၂၀၄၀ ဖြင့် ကောက်ခံခဲ့ခြင်းဖြစ်သည်။

ပြည်သူများ လွယ်လင့်တကူ အခွန်ဆောင်နိုင်ရန် Online Tax Payment စနစ်ကို ဗဟိုဘဏ်ဖြင့် ချိတ်ဆက်ဆောင်ရွက်နေ

ပြည်သူများ လွယ်လင့်တကူ အခွန်ထမ်းဆောင်နိုင်ရန် Online Tax Payment စနစ်ကို မြန်မာနိုင်ငံတော်ဗဟိုဘဏ်ဖြင့် ချိတ်ဆက်ဆောင်ရွက်နေကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဒုတိယ၀န်ကြီး ဦးမောင်မောင်ဝင်းက ပြောကြားသည်။

“ပြည်သူတွေ လွယ်လင့်တကူ အခွန်ထမ်းဆောင်နိုင်ဖို့အတွက် Online Tax Payment System တစ်ခုကို မြန်မာနိုင်ငံတော်ဗဟိုဘဏ်နဲ့ ချိတ်ဆက်ဆောင်ရွက်နေပါတယ်။ အခွန်ထမ်းကြီးများဆိုင်ရာအခွန်ရုံး၊ အလယ်အလတ် အခွန်ထမ်းများဆိုင်ရာ အခွန်ရုံးများတွင် ပြင်ပပုဂ္ဂလိကဘဏ်တွေနဲ့ချိတ်ဆက်ပြီး အခွန်ထမ်းဆောင်နိုင်ပြီဖြစ်ပါတယ်” ဟု ဦးမောင်မောင်ဝင်းက ဆိုသည်။

လက်ရှိအခွန်စနစ်ဖြစ်သည့် ၀င်ငွေခွန်ကို အထူးပြုကောက်ခံနေမှုအစား ပြည်သူများအားလုံးပါဝင်သည့် အခွန်စနစ်ဖြစ်စေရေးအတွက် သွယ်ဝိုက်ခွန်များဖြစ်သည့် ကုန်သွယ်လုပ်ငန်းခွန်နှင့် အထူးကုန်စည်ခွန်များကို အထူးပြုကောက်ခံရန် ဗဟာဗျုဟာ ချမှတ်ဆောင်ရွက်နေကြောင်း သိရသည်။

“တည်ဆဲအခွန်မူဝါဒတွေနဲ့ကိုက်ညီတဲ့ သွယ်ဝိုက်ခွန်တွေဖြစ်တဲ့ ကုန်သွယ်လုပ်ငန်းခွန်တွေနဲ့ အထူးကုန်စည်ခွန်တွေနဲ့ တိုက်ရိုက်ခွန်ဖြစ်တဲ့ ၀င်ငွေခွန်တွေကို အထူးအလေးထားပြီး ဖိဖိစီးစီးကောက်ခံသွားမှာ ဖြစ်ပါတယ်။ ပြည်တွင်းအခွန်များဦးစီးဌာနရဲ့ အခွန်ဆိုင်ရာ ပြုပြင်ပြောင်းလဲမှုတစ်ရပ်အဖြစ် ပြည်သူများပါဝင်တဲ့အခွန်စနစ် (All Inclusive Tax System) ဖြစ်ဖို့အတွက် တိုက်ရိုက်ခွန်ကို အထူးအလေးထားကောက်ခံနေမှုအစား သွယ်ဝိုက်ခွန်ကို အထူးအလေးထား ကောက်ခံဖို့အတွက် အခွန်ဆိုင်ရာမဟာဗျုဟာကို အထူးအလေးထား ဆောင်ရွက်လျက်ရှိပါတယ်။ အဆိုပါ အခွန်ဆိုင်ရာ မဟာဗျုဟာအရ လက်ရှိကုန်သွယ်လုပ်ငန်းခွန် ကောက်ခံခြင်းအစား တန်ဖိုးဖြည့်ခွန် (Value Added Tax) ကို ပြောင်းလဲကျင့်သုံးရမှာဖြစ်ပါတယ်” ဟု ဦးမောင်မောင်ဝင်းက ပြောကြားသည်။

ထိုသို့ အခွန်စနစ်ဆိုင်ရာ ပြုပြင်ပြောင်းလဲမှုအတွက် လက်ရှိတွင် ၀င်ငွေခွန်ဥပဒေကို အသစ်ပြန်လည်ရေးဆွဲနေပြီး မူကြမ်းအဆင့်ရောက်နေပြီဖြစ်ကာ လက်ရှိဝင်ငွေခွန် ခေါင်းစဉ်ခုနစ်မျိုးအနက် လေးမျိုးလျှော့ချထားပြီး ပြင်ဆင်ကောက်ခံမည့် ၀င်ငွေခွန်ခေါင်းစဉ်သုံးမျိုးမှာ စီးပွားရေးလုပ်ငန်းမှရငွေ၊ အခြေပစ္စည်းမှ မြတ်စွန်းငွေနှင့် လစာရငွေတို့သာ ပါဝင်မည်ဖြစ်သည်။

လက်ရှိ ၀င်ငွေခွန်ဥပဒေကို ၁၉၇၄ ခုနှစ်တွင် စတင်ပြဋ္ဌာန်းခဲ့ပြီး ၁၉၉၉ ခုနှစ်၊ ၂၀၁၄ ခုနှစ်တို့တွင် ၀င်ငွေခွန်ဥပဒေ ပြင်ဆင်သည့်ဥပဒေများဖြင့် ပြင်ဆင်ဖြည့်စွက်ခဲ့ခြင်းဖြစ်သည်။ ယင်းဝင်ငွေခွန်ဥပဒေပါ ၀င်ငွေခွန်ခေါင်းစဉ်ခုနစ်မျိုးမှာ လစာ၊ အသက်မွေးဝမ်းကျောင်းပညာလုပ်ငန်း၊ စီးပွားရေးလုပ်ငန်း၊ ပစ္စည်း၊ အခြေပစ္စည်းမှမြတ်စွန်းငွေ၊ ၀င်ငွေရလမ်း မဖော်ပြနိုင်သည့်ဝင်ငွေ၊ အခြားရလမ်းမှဝင်ငွေတို့ဖြစ်ကြောင်း သိရသည်။

၂၀၁၈ ခုနှစ် ပြည်ထောင်စု၏အခွန်အကောက်ဥပဒေကြမ်းတွင် အခွန်ကင်းလွတ်ခွင့် ပေးထားသည့် ပုဒ်မ ၂၅ အား ကျင့်သုံးရန် မသင့်လျော်ကြောင်းနှင့် သီးခြားဥပဒေတစ်ရပ်ဆိုပါက ပိုပြည့်စုံမည်ဟု ဥပဒေကြမ်းပူးပေါင်းကော်မတီဝင်အများစု လက်ခံထား

ပြည်ထောင်စု၏ အခွန်အကောက် ဥပဒေကြမ်းနှင့် ပတ်သက်၍ မတ် ၁၅ ရက်က ပြည်ထောင်စုလွှတ်တော် ဥပဒေကြမ်းပူးပေါင်းကော်မတီ အစည်းအဝေး ကျင်းပနေသည်ကို တွေ့ရစဉ် (Photo: Myanmar Union Parliament)

၂၀၁၈ ခုနှစ် ပြည်ထောင်စု၏ အခွန်အကောက် ဥပဒေကြမ်းတွင် အခွန်ကင်းလွတ်ခွင့် ပေးထားသည့် ပုဒ်မ ၂၅ အား ကျင့်သုံးရန် မသင့်လျော်ကြောင်းနှင့် သီးခြား ဥပဒေတစ်ရပ်ဆိုပါက ပိုပြည့်စုံမည်ဟု ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီဝင်အများစုက လက်ခံထားကြောင်း ကော်မတီဝင် ပြည်သူ့လွှတ်တော် ကိုယ်စားလှယ် ဦးနေမျိုးထွန်းက The Daily Eleven သတင်းစာကို ပြောကြားသည်။

“အခွန်အကောက်ကလည်း အခုဟာက လုပ်တာက ကျွန်တော်တို့ ဧပြီ ၁ ရက်ကနေ စက်တင်ဘာ ၃၀ ရက်အထိ ဆိုတော့ ဒီခြောက်လပဲ လုပ်တာပေါ့။ ခြောက်လ လုပ်တဲ့အခါ မှာ အခွန်ကင်းလွတ်သက်သာခွင့် (Tax Amnesty) ကို ခြောက်လထဲမှာ ထည့်မယ်ဆိုရင် သိပ်မပြည့်စုံဘူး။ တင့်လည်း မတင့်တယ်ဘူးပေါ့။ အဲဒီသဘောရှိပါတယ်။ အဲဒီတော့ ကျွန်တော်တို့က ကိုယ်စားလှယ်တွေ ဆွေးနွေးတဲ့အပေါ်မှာ ကြားနာတယ်။ ဥပဒေကြမ်းလည်း ကြားနာတယ်။ ပြောချင်တာကတော့ ဖျက်ခြင်း၊ မဖျက်ခြင်းက အစီရင်ခံစာ တင်ပြီးတော့ ကျွန်တော်တို့ အစည်းအဝေးထိုင်ပြီးတော့ ဖျက်ဖို့ မဖျက်ဖို့ ဆုံးဖြတ်မယ် တစ်အချက်။ ဖျက်တယ် ဆိုရင်တော့ အရင်အတိုင်း ထားရမှာပေါ့။ အဲဒီလိုရှိပါတယ်။ ဒီအပေါ်မှာ ဒီဥစ္စာက ဒီအထဲမှာ ကျင့်သုံးဖို့ မသင့်တော်ဘူးပေါ့။ သီးခြားဥပဒေ တစ်ရပ်ဆိုရင်တော့ ပိုပြည့်စုံမယ်ဆိုတာကို ကျွန်တော်တို့ ဥပဒေကြမ်း ပူးပေါင်းကော်မတီဝင်အများစုက လက်ခံထားပါတယ်။ ဒီအတိုင်းဖြစ်ဖို့ များပါတယ်။ အစည်းအဝေးမှာ ကျွန်တော်တို့ တင်ပြမယ်။ လွှတ်တော်ရဲ့ အဆုံးအဖြတ် ခံယူမယ်” ဟု ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီဝင် ဦးနေမျိုးထွန်းက ပြောကြားသည်။

၂၀၁၈ ခုနှစ် အခွန်အကောက် မူလဥပဒေကြမ်း၏ ပုဒ်မ ၂၅ နှင့် ဥပဒေကြမ်း ပူးပေါင်းကော်မတီက အသစ်ဖြည့်စွက်လိုက်သည့် အခန်း ၈ ရှိ ပုဒ်မအားလုံးကို ဖြုတ်ပြီး သီးခြား ဥပဒေကြမ်းအဖြစ် လွှတ်တော်ကို ပြန်လည် တင်သွင်းသင့်ကြောင်း မွန်ပြည်နယ် မဲဆန္ဒနယ် အမှတ် (၈) လွှတ်တော်ကိုယ်စားလှယ် ဦးမျိုးဝင်းက အကြံပြု ဆွေးနွေးခဲ့သည်။

ထို့ပြင် ပြည်ထောင်စု၏ အခွန်အကောက် ဥပဒေကြမ်းနှင့် ပတ်သက်သည့် ညှိနှိုင်းအစည်းအဝေးကို ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီက မတ် ၁၅ ရက်တွင် လွှတ်တော်ဝင်းအတွင်း၌ ကျင်းပခဲ့သည်။

“အခွန်ကင်းလွတ် သက်သာခွင့် (Tax Amnesty) နဲ့ပတ်သက်လို့ နိုင်ငံတကာမှာ ရှိတယ်။ ကမ္ဘာမှာ နိုင်ငံ ၄၀ လောက်က Tax Amnesty ကျင့်သုံးခဲ့ကြတယ်ပေါ့။ အဲဒီတော့ Tax Amnesty မှာ ပြောရရင်တော့ မြန်မာနိုင်ငံရဲ့ ရင်းနှီးမြှုပ်နှံမှုက ဒီပေါ်မှာလည်း တည်နေတယ်ပေါ့။ ဒါပေမဲ့ မြန်မာနိုင်ငံမှာက ရှုပ်နေတာက သိတဲ့အတိုင်းပဲ။ တရားမ၀င်ရတဲ့ ငွေကြေးတွေ ရှိတာပေါ့။ ပုဒ်မ ၂၅ ဆိုတာ Tax Amnesty ကိုပဲ ပြောတာပါ။ ဆိုတော့ အခွန်ကို ဒါကင်းလွတ်ခွင့်ပေးတဲ့ သဘောပါပဲ။ အဲဒီအပိုင်းမှာက အခုဟာက ပုဒ်မတစ်ပိုဒ် တည်းနဲ့ ထည့်ထားတဲ့ ပုဒ်မ ၂၅ နဲ့ မရဘူးဆို ပြီးတော့ ဥပဒေကြမ်း ပူးပေါင်းအနေနဲ့ အခန်း (၈) ဆိုပြီးတော့ ပုဒ်မတွေ ခွဲပြီးတော့ လုပ်ပါတယ်။ အဲဒီလိုလုပ်တော့ ဆွေးနွေးတယ်။ Tax Amnesty နဲ့ ပတ်သက်လို့ ဆွေးနွေးတဲ့ ကိုယ်စားလှယ်တွေလည်း မှန်တယ်။ ဆွေးနွေးတဲ့အတိုင်း ကျယ်ကျယ်ပြန့်ပြန့် လုပ်ဖို့လိုတယ်” ဟု ဥပဒေကြမ်း ပူးပေါင်းကော်မတီဝင် ဦးနေမျိုးထွန်းက ဆိုသည်။

ဥပဒေကြမ်း ပူးပေါင်းကော်မတီဝင် ဦးနေမျိုးထွန်းက “ပုဒ်မ ၂၅ ဖျက်လိုက်ရင် အခန်း (၈) က မလိုတော့ဘူး။ အဲဒါကို မူလအတိုင်း ထားမယ်ပေါ့။ အရင်နှစ်ကအတိုင်း ထားမယ်ပေါ့။ ကိုယ်စားလှယ်တွေကလည်း ဘယ်ပုံစံနဲ့ ရေးဆွဲသင့်တယ် ဆိုတာလည်း တချို့ကျတော့ ထောက်ခံ ဆွေးနွေးတဲ့အပိုင်းတွေ ရှိတယ်။ ထောက်ပြပြီးတော့။ အဲဒီတော့ လွှတ်တော်ရဲ့ အဆုံးအဖြတ်ပေါ့ဗျာ” ဟု ဆက်လက် ပြောကြားသည်။

ပြည်ထောင်စုလွှတ်တော်က ထုတ်ပြန်ထားသည့် ဒုတိယအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေး ၁၆ ရက် မြောက်နေ့ဖြစ်သော မတ် ၁၉ ရက်တွင် ကျင်းပမည့် အစီအစဉ်တွင် ၂၀၁၈ ခုနှစ် ပြည်ထောင်စု၏ အခွန်အကောက် ဥပဒေကြမ်းနှင့် စပ်လျဉ်း၍ ဥပဒေကြမ်း ပူးပေါင်းကော်မတီ၏ လေ့လာတွေ့ရှိချက်နှင့် သဘောထားမှတ်ချက် အစီရင်ခံစာ အပါအ၀င် လွှတ်တော်ကိုယ်စားလှယ်များ၏ မူသဘော ဆွေးနွေးခြင်းအပေါ် သက်ဆိုင်ရာ ပြည်ထောင်စုအဆင့် အဖွဲ့အစည်းဝင်က ပြန်လည်ရှင်းလင်းဆွေးနွေးခြင်း အစီအစဉ် ထည့်သွင်း ဆွေးနွေးမည်ဖြစ်ကြောင်း သိရသည်။

ခရိုနီကြီးများ၏ ညည်းတွားမှုကြောင့် အခွန်ရှောင်ဆုကြေး အလောတကြီးပေးသနားမည့် အစီအစဉ်အပေါ် တာဝန်ကျေ အခွန်ထမ်းများနှင့် မျှော်လင့်တကြီး မဲပေးခဲ့ကြသော နင်းပြားပြည်သူများ စိတ်ဒဏ်ရာမရစေရန် အခွန်အကောက်ဥပဒေကြမ်းမှ ပုဒ်မများကို ပယ်ဖျက်ကာ နောင်အခါမှ ဥပဒေကြမ်းတစ်ခုအဖြစ် တင်သွင်းသင့်ကြောင်း NLD ပါတီ လွှတ်တော်ကိုယ်စားလှယ် ဆွေးနွေး

မတ် ၈ ရက်က ပြည်ထောင်စုလွှတ်တော် အစည်းအဝေးမစတင်မီ လွှတ်တော်ကိုယ်စားလှယ်များအား တွေ့ရစဉ် (ဓာတ်ပုံ-စိုးမင်းထိုက်)

ခရိုနီကြီးများ၏ ညည်းတွားမှုကြောင့် အခွန်ရှောင်ဆုကြေး အလောတကြီးပေးသနားမည့် အစီအစဉ်အပေါ် တာဝန်ကျေအခွန်ထမ်းများနှင့် မျှော်လင့်တကြီး မဲပေးခဲ့ကြသော နင်းပြားပြည်သူများ စိတ်ဒဏ်ရာမရစေရန် အခွန်ကောက်ဥပဒေကြမ်းမှ ပုဒ်မများကို ပယ်ဖျက်ကာ နောင်အခါမှ ဥပဒေကြမ်းတစ်ခုအဖြစ် တင်သွင်းသင့်ကြောင်း NLD ပါတီဝင် မွန်ပြည်နယ်မဲဆန္ဒနယ် အမှတ် (၈) မှ အမျိုးသား လွှတ်တော်ကိုယ်စားလှယ် ဦးမျိုးဝင်းက ပြည်ထောင်စုလွှတ်တော်တွင် ဆွေးနွေးသည်။

နေပြည်တော်၌ မတ် ၈ ရက်က ပြုလုပ်သော ပြည်ထောင်စုလွှတ်တော်အစည်းအဝေးတွင် ၂၀၁၈ ခုနှစ် ပြည်ထောင်စု၏ အခွန်အကောက်ဥပဒေကြမ်းနှင့် စပ်လျဉ်း၍ လွှတ်တော်ကိုယ်စားလှယ် ၂၉ ဦးက ဆွေးနွေးခဲ့သည်။ ယခင်အစိုးရလက်ထက်က အချိန်နှင့် မဟုတ်ဘဲ ငွေပမာဏဖြင့် ယခုကဲ့သို့ အခွန်အကောက်ဥပဒေနှင့်ရောကာ လုပ်ဆောင်ခဲ့သည့် အကျိုးဆက်သည် ဥပဒေ မပြဋ္ဌာန်းမီ မတ်လတွင် ဒေါ်လာဈေး ၁၀၀၀ ၀န်းကျင်မှ ဥပဒေပြဋ္ဌာန်းပြီးနောက် မေလအလွန်တွင် ဒေါ်လာဈေး ၁၂၀၀ ကျော်ဖြစ်ခဲ့ပြီး စက်တင်ဘာမှ ယခု နှစ်နှစ်ကြာသည်အထိ ဒေါ်လာဈေးသည် ၁၃၀၀ မှ ပြန်မဆင်းတော့ကြောင်း လွှတ်တော်ကိုယ်စားလှယ် ဦးမျိုးဝင်းက ပြောကြားသည်။

“ဒီအတွက် ဘယ်သူ တာဝန်ယူ တာဝန်ခံခဲ့လဲ။ တာဝန်ယူဖို့ဝေးလို့ ကိုယ်လုပ်ထားတာ မဟုတ်တဲ့အတိုင်း မှိန်းနေကြပါတယ်။ ဒီလိုတာဝန်ယူမှု တာဝန်ခံမှုမရှိတဲ့ အလေ့အထတွေကို ဒီဘက်ခေတ်မှာ အဆက်ဖြတ်ဖို့ လိုပါပြီ။ အခု ဒီလိုထပ်မဖြစ်စေချင်လို့ ကျယ်ကျယ်ပြန့်ပြန့် ဆွေးနွေးချိန်ရဖို့ ဒီဟာကို နောက်ဆုတ်ဖို့ တောင်းဆိုနေခြင်း ဖြစ်ပါတယ်။ ဒီလောက်အရေးကြီးတာကို ပုဒ်မတစ်ခု စာကြောင်း ၁၀ ကြောင်းလောက်နဲ့ ၀န်ကြီးဌာနက လွှတ်တော်တင် ဥပဒေကြမ်းကော်မတီက အစည်းအဝေး ခြောက်ကြိမ်နဲ့ အခန်းတစ်ခု ဖြစ်အောင်ရေး ကိုယ်စားလှယ်တွေက တစ်ဦးကို ခြောက်မိနစ်နဲ့ ကမျောကသော ဆွေးနွေးအင်ဒိုနဲ့ဆို လမ်းကြိတ်စက်နဲ့ ပြိုင်ကားလို Speed က ကွာလှပါတယ်။ အခုဥပဒေက အဖြစ်သဘောသာရှိပြီး ဒါကို အကောင်အထည်ဖော်မယ့် အဖွဲ့အစည်းကလည်း ကိုယ့်လောက်တောင် ကိုယ်မနိုင်တဲ့ လူဝေဖန်ခံနေရတဲ့ အဖွဲ့ဖြစ်တာကတစ်ကြောင်း၊ တကယ်လို့ ဆိုးကျိုးတွေ ကြီးကြီးမားမားဖြစ်လာခဲ့ရင် အတည်ပြုလိုက်တဲ့ ကိုယ့်လွှတ်တော်လည်း တာဝန်မကင်းတာမို့ ပြောဆိုနေရခြင်း ဖြစ်ပါတယ်။ မူးယစ်ဆေးဝါး၊ ငွေမည်း၊ အဂတိ တရား၊ ပနားမားပေပါထဲက လျှို့ဝှက်အကောင့်၊ လက်ကြီးသမားတွေ၊ မကောင်းတာမှန်သမျှ ရွှေခါးပတ်၊ ငွေခါးပတ် ချန်ပီယံဆု တွေပဲချိတ်နေတဲ့ ဒီနိုင်ငံမှာ ခရိုကြီးတွေ၊ သူဌေးကြီးတွေရဲ့ ညည်းတွားသံကြောင့်ဒီလို အလောတကြီးနဲ့ အခွန်ရှောင် ဆုကြေးပေးသနားမယ့် အစီအစဉ်အပေါ် တာဝန်ကျေ အခွန်ထမ်းတွေ၊ ၂၀၁၅ မှာ မျှော်လင့်တကြီးနဲ့ မဲပေးခဲ့ကြတဲ့ နင်းပြားပြည်သူတွေကို စိတ်ဒဏ်ရာမရစေဖို့ ဒီလွှတ်တော်ကြီးက အသေအချာ တွေးဆပြီး လောလောဆယ်ဒီပုဒ်မတွေကို ပယ်ဖျက်ပြီး နောင်အခါမှ ဥပဒေကြမ်းတစ်ခုအဖြစ် လွှတ်တော်ထဲ တင်သွင်းနိုင်အောင် ကြိုးစားပေးကြပါ” ဟု ဦးမျိုးဝင်းက ပြောကြားသည်။

ထို့ပြင် ၂၀၁၈ ခုနှစ် အခွန်အကောက် ဥပဒေ မူလဥပဒေကြမ်းက ပုဒ်မ ၂၅၊ ဥပဒေ ကြမ်းကော်မတီက အသစ်ဖြည့်စွက်လိုက်သည့် အခန်း (၈) မှ ပုဒ်မအားလုံးကို ယခုဥပဒေမှ ယာယီဖြုတ်ထုတ်ကာ နောက်ဆုတ်ပြီး သီးခြားဥပဒေကြမ်းအဖြစ် လွှတ်တော်ကို ပြန်လည်တင်သွင်းသင့်ကြောင်း  ၎င်းက ပြောကြားသည်။

“ဒီပရိုဂရမ်ရဲ့ အဓိကကရည်ရွယ်ချက်က အခွန်ရှောင်သူတွေဆီက အခွန်ရအောင် အမြန်ကောက်မှာဖြစ်လို့ သူတို့စဉ်းစားတွေ ဝေချိန်မရအောင် အချိန်တိုတိုထားမယ်။ စီးပွားရေးသမားတွေဖြစ်လို့ အခွန်နှုန်းလျှော့ထားတဲ့ မက်လုံးပေးမယ်။ ဒီမုန့်ကို မယူရင်နောက်မှာ တုတ်ပဲရမယ်ဆိုတဲ့သဘောနဲ့ နောက်ကျရင်ချမှတ်မယ့် အပြစ်ဒဏ်တွေ ကြေညာမယ်။ ဒါအနှစ်ချုပ်သဘောပါပဲ။  တိုင်းပြည်ဘယ်လိုတိုးတက်မယ် ဘာညာဆိုတာ အပြောသာရှိတာပါ။ တစ်ခဏတာ အခွန်ရလိုက်ပေမဲ့ ရေရှည်မှာတော့ ဒီလိုအခွင့်အရေး နောက်တစ်ခါလာဦးမလားလို့ မျှော်တဲ့အခွန်ရှောင်သူတွေ များမလာအောင် အကြိတ်အနယ် ထိန်းနေကြရတာပါ။ ဘယ်လိုဖြစ်လို့ ဒီလောက် Impact များတဲ့ ပရိုဂရမ် တစ်ခုကို အတိအကျနဲ့ အတည်ပြုရတဲ့ အခွန်အကောက်ဥပဒေနဲ့ ရောပြီးတင်တာလဲလို့။ ဒီတစ်ခုတည်းကိုက အင်မတန် ဆွေးနွေးရမယ့် ကိစ္စပါ။ ဒီလို ရောပြီးတင်တော့ အခွန်အကောက်ဘက်လည်း မလှည့်နိုင်၊ ဒီအပေါ်မှာလည်း ကျယ်ကျယ်ပြန့်ပြန့် မဆွေးနွေးနိုင်တော့ပါဘူး။ စိတ်ထဲတောင် တစ်မျိုးခံစားရပါတယ်” ဟု ဦးမျိုးဝင်းက ပြောကြားသည်။

၂၀၁၈ ခုနှစ် ပြည်ထောင်စု၏ အခွန်အကောက်ဥပဒေကြမ်းနှင့် ပတ်သက်၍ ပြည်တွင်းနေ နိုင်ငံသားနှင့် ပြည်ပနေနိုင်ငံသားများ ပြည်ပမှ ၀င်ငွေရလမ်းတစ်ခုခု သို့မဟုတ် စီးပွားရေးရလမ်းတစ်ခုခုကို ဆောင်ရွက်ခဲ့သော်လည်း အကြောင်းအမျိုးမျိုးကြောင့် အခွန်ပေးဆောင်ရန် လစ်ဟင်းခဲ့သော သို့မဟုတ် လျော့နည်းပေးဆောင်ခဲ့သည့် ၀င်ငွေများ၊ မြေ၊ အိမ်၊ ရွှေ၊ စိန် စသည့် ပစ္စည်းများ၊ အခွန်စည်းကြပ်မှုမှ ကင်းလွတ်သည့်ပစ္စည်းများကို သတ်မှတ်ထားသည့်ပုံစံဖြင့် သတ်မှတ်ထားသည့်ကာလအတွင်း ပေးဆောင်ပါက သုံးရာခိုင်နှုန်း၊ ငါးရာခိုင်နှုန်းပေးဆောင်ရုံဖြင့် တရားဝင်ဖြစ်သည့် ပုဒ်မ ၂၅ ကို ကန့်ကွက်ကြောင်း NLD ပါတီဝင် စစ်ကိုင်းတိုင်းဒေသကြီး မဲဆန္ဒနယ်အမှတ် (၅) မှ လွှတ်တော်ကိုယ်စားလှယ် ဦးရဲထွဋ်က ဆွေးနွေးသည်။

“ဒီပုဒ်မကို ရေးဆွဲသူတွေက ဘယ် Idea နဲ့ ရေးဆွဲတယ်တော့ ကျွန်တော်မသိဘူး။ သို့ပေမဲ့ ဒီဟာသာ အတည်ဖြစ်ခဲ့မယ်ဆိုရင် တိုင်းပြည်မှာ ဆိုးကျိုးတွေအများကြီး ဖြစ်မယ်။ အစိုးရအနေနဲ့ နိုင်ငံတော်အနေနဲ့ ရင်းနှီးမြှုပ်နှံမှုတွေ ဖွံ့ဖြိုးရေးလုပ်ငန်းတွေ လုပ်ဖို့အတွက် ရန်ပုံငွေတွေ၊ ဘဏ္ဍာငွေတွေ အများကြီးလိုတယ်ဆိုတာ သဘောပေါက်ပါတယ်။ အဲဒီလို လိုတဲ့အတွက် ဘယ်သူတွေက လော်ဘီလုပ်ပြီးတော့ ပြဋ္ဌာန်းတယ်ဆိုတာတော့ ကျွန်တော်မသိပါဘူး။ ပြင်ပမှာလည်း တော်တော်ဂယက် ရိုက်နေပါတယ်။ မူလဥပဒေကြမ်းအတိုင်းသာ အတည်ပြုမယ်ဆိုရင်တော့ တိုင်းပြည်မှာ တော်တော်လေး ဒုက္ခရောက်နိုင်တယ်။ ဘာကြောင့်လဲဆိုတော့ ပြည်သူတွေအများစုက ဘယ်လိုပဲပြောပြော တစ်ချိန်က လက်လုပ်မှ ပါးစပ်လှုပ်ရတဲ့ အနေအထားရှိတယ်။  အခုခပ်များများက လက်လှုပ်ရင်တောင် ပါးစပ်မလှုပ်နိုင်တဲ့ အနေအထားရှိတယ်။ အဲဒီလိုရှိ နေတဲ့အချိန်မှာ လူတစ်စုကြောင့်၊ လူနည်းနည်းလေးကြောင့်၊ ခရိုနီတစ်စုကြောင့်သူတို့ ၀င်ငွေတွေကို ငွေမည်းတွေကို တရားဝင်ဖြစ်အောင် လုပ်ပေးဖို့အတွက် သုံးရာခိုင်နှုန်း၊ ငါးရာခိုင်နှုန်းရတာနဲ့ ဒါကို တရားဝင်ဖြစ်အောင် လုပ်ပေးလိုက်မယ်ဆိုရင် တစ်ခေတ်တစ်ခါက ထီလက်မှတ်ဝယ်သလို ဖြစ်နေပါလိမ့်မယ်။ တစ်ချိန်တုန်းက ငွေမည်းရှိတဲ့သူတွေ တရားမ၀င်ငွေရှိတဲ့သူတွေဟာ ထီလက်မှတ်လိုက် ၀ယ်ကြပါတယ်။ ငါးသိန်းဆု၊ ၁၀ သိန်းဆု၊  သိန်း ၅၀ ဆု စသဖြင့် ထီလက်မှတ်ဝယ်ပြီး ထီလက်မှတ်ကိုပြပြီးတော့ အကုန်သုံးတယ်။ အဲဒီတော့ ဒီနေ့ ဒီဟာကို တရားဝင်ငွေ လုပ်လိုက်ရင် သူတို့မှာ ရှိတဲ့ငွေရဲ့ပမာဏ ဘယ်လောက်အပ်မယ်ဆိုတာလည်း ကျွန်တော်တို့မှာ ဥပဒေတွေလည်းမရှိဘူး။ စိစစ်မယ့်အဖွဲ့တွေလည်း မရှိဘူး” ဟု ဦးရဲထွဋ်က ပြောကြားသည်။

ဆက်လက်၍ ဦးရဲထွဋ်က အခွန်စည်းကြပ်မှုလုပ်ရာတွင် အန္တရာယ်များစွာရှိကြောင်း၊ ငွေမည်းများ၊ မူးယစ်ဆေးဝါးရောင်းချရသည့် ၀င်ငွေများ၊ ဘာသာရေးအစွန်းရောက်များ၏ ၀င်ငွေများ ၀င်ရောက်လာနိုင်ပြီး အိမ်နီးချင်းတိုင်းပြည်မှ ငွေမည်းများ အများအပြား ၀င်ရောက်လာနိုင်သောကြောင့် စီးပွားရေး ပြိုလဲသွားမည်ဖြစ်ကြောင်း ဆွေးနွေးပြောကြားသည်။

အမျိုးသားဒီမိုကရေစီ အဖွဲ့ချုပ်ပါတီ ကိုယ်စားလှယ် ဒေါက်တာခင်မောင်မောင်က “အခွန်ရှောင်သူတွေအတွက် အဲဒီလို လျှော့ပေးလိုက်မယ်ဆိုရင် ကျွန်တော်တို့နိုင်ငံထဲကို ပြည်ပကနေ တိတ်တဆိတ်ဝင်လာမယ့် တရားမ၀င် ၀င်ရောက်လာမယ့် ငွေတွေကိုလည်း ထည့်သွင်းစဉ်းစားသင့်ပါတယ်။ ဘာသာရေးအရ နောက်ကနေ ထောက်ပံ့နေတဲ့ ဘာသာရေး အဖွဲ့အစည်းတွေကို ထောက်ပံ့နေတဲ့ငွေတွေ ၀င်လာနိုင်တယ်။ အိမ်နီးချင်းစီးပွားရေး ဖွံ့ဖြိုးတဲ့နိုင်ငံက လုပ်ငန်းရှင်ကြီးတွေက ကျွန်တော်တို့နိုင်ငံရဲ့ ပိုင်ဆိုင်မှုတွေကို သိမ်းပိုက်ဝယ်ယူတာတွေလည်း ဖြစ်နိုင်တဲ့အတွက် အသေအချာစဉ်းစားဖို့ လိုနေပါတယ်” ဟု ဆွေးနွေးခဲ့သည်။

ကယားပြည်နယ် မဲဆန္ဒနယ်အမှတ် (၉) မှ ဦးစိုးသိန်းက သုံးရာခိုင်နှုန်း၊ ငါးရာခိုင်နှုန်း၊ ခုနစ်ရာခိုင်နှုန်း စသည့်ကန့်သတ်ချက်များ အနေဖြင့် ငွေကြေးပမာဏအနည်းအများ အပေါ်အခြေပြုပြီး အခွန်နှုန်းထား ခွဲခြားသတ်မှတ်ပေးနိုင်ပါက အခွန်ပိုမိုရရှိနိုင်မည်ဖြစ်ကြောင်း၊ အချို့သော ဆောက်လုပ်ရေး လုပ်ငန်းရှင်များအနေနှင့် တိုင်းရင်းသား အမည်ခံကာ ပြည်ပနိုင်ငံများမှ ငွေမည်းများကို ငွေဖြူများအသွင်လုပ်ကိုင်နေခြင်း၊ ဆော်ဒီအာရေဗျမှ ငွေကြေးအကူအညီများဖြင့် လုပ်ငန်းရှင်အချို့ကို နောက်ကွယ်မှ ပံ့ပိုးခြင်းများရှိကြောင်း ပြောကြားသည်။

လှိုင်မြို့နယ်မဲဆန္ဒနယ်မှ ဦးအောင်ကျော်ကျော်ဦးက “အခန်း (၇) ပုဒ်မ ၂၅ မှာ ပြဋ္ဌာန်းထားတဲ့ အခွန်လွတ်ငြိမ်းချမ်းသာခွင့်အကြောင်း ဆွေးနွေးမှာ ဖြစ်ပါတယ်။ ၀င်ငွေရလမ်း မဖော်ပြနိုင်တဲ့၊ စည်းကြပ်မှုက လွတ်ကင်းနေတဲ့ဝင်ငွေတွေကို အခွန်လွတ်ငြိမ်းချမ်းသာခွင့်၊ အခွန်သက်သာခွင့်ပေးရာမှာ အကျိုးအပြစ်၊ အကောင်းအဆိုးတွေများစွာ ရှိပါတယ်။ ကောင်းကျိုးကတော့ အခွန်တိုးလာမယ်။ နည်းမှန်လမ်းမှန် ဆောင်ရွက်နိုင်ရင် အခွန်အခြေခံကို ချဲ့ထွင်နိုင်မယ်။ ငွေကြေးစီးဆင်းမှု ပိုကောင်းလာမယ်။ ရင်းနှီးမြှုပ်နှံမှု၊ အလုပ်အကိုင်အခွင့်အလမ်း တိုးလာနိုင်တယ်။ ဆိုးကျိုးကတော့ အခွန်ယဉ်ကျေးမှု ပျက်သွားနိုင်ပါတယ်။ ဥပဒေနဲ့အညီ ၀င်ငွေခွန် ပုံမှန်ပေးဆောင်နေတဲ့ အခွန်ထမ်းကြီးများ၊ ၀န်ထမ်းများအပေါ် မျှတမှုမရှိဘဲ အခွန်တိမ်း ရှောင်သူတွေများစွာ မျက်နှာသာပေးသလို ဖြစ်သွားနိုင်ပါတယ်။ တည်ငြိမ်မှု ပျက်ပြားစေနိုင်ပါတယ်။ ဥပဒေလိုက်နာရေး၊ အခွန်ပေးဆောင်ရေး၊ အခွန်ပေးဆောင်သူများ အသိအမှတ်ပြုရေး၊ အခွန်ဥပဒေနဲ့ လုပ်ထုံးလုပ်နည်းများ ရှင်းလင်းလွယ်ကူရေး ဆောင်ရွက်နေချိန်မှာ အခွန်လျော့နည်းပေးဆောင်သူတွေကို အထူးနည်းပါးတဲ့နှုန်းနဲ့ ပေးဆောင်ခွင့်ပြုတာဟာ ဥပဒေလိုက်နာသူတွေနဲ့ ပုံမှန်ပေးဆောင်နေသူတွေကို စိတ်အားပျက်စေပြီး အခွန်လျော့နည်းပေးဆောင်ဖို့ လမ်းပြသလို ဖြစ်နိုင်ပါတယ်။ ဒီအပုဒ်လေးတစ်ပိုဒ် ပြဋ္ဌာန်းရုံနဲ့မလုံလောက်ပါဘူး။ သီးခြားဥပဒေတစ်ရပ် ပြဋ္ဌာန်းသင့်ပါတယ်” ဟု ဆွေးနွေးခဲ့သည်။

လွှတ်တော်ကိုယ်စားလှယ်များ၏ ဆွေးနွေးမှုအပြီးတွင် ပြည်ထောင်စုလွှတ်တော် နာယက ဦးမန်းဝင်းခိုင်သန်းက ဥပဒေကြမ်း ပူးပေါင်းကော်မတီ၊ ပြည်သူ့ငွေစာရင်း ပူးပေါင်းကော်မတီတို့ပူးပေါင်းပြီး သက်ဆိုင်ရာ လွှတ်တော်ကော်မတီ၊ ကော်မရှင်များ၊ ပြည်ထောင်စုအဆင့်ဌာန အဖွဲ့အစည်းများ၊ အစိုးရမဟုတ်သော ပြည်တွင်းစီးပွားရေး အဖွဲ့အစည်းများ၊ ဆွေးနွေးခဲ့သည့်  ပြည်ထောင်စု လွှတ်တော်ကိုယ်စားလှယ်များနှင့် ပြန်လည်ဆွေးနွေးညှိနှိုင်းကာ သဘောထားမှတ်ချက် အစီရင်ခံစာ ထပ်မံတင်သွင်းရန် ဆုံးဖြတ်ကြောင်း ပြောကြားသည်။