အခွန် နှစ်ရာခိုင်နှုန်းမှ ၁၅ ရာခိုင်နှုန်းအထိ ပေးဆောင်ရမည့် ပင်ရင်းမှနုတ်ယူသည့် အခွန်သတ်မှတ်ချက်အသစ် ထုတ်ပြန်ခဲ့ပြီး အစိုးရနှင့် အကျိုးတူပူးပေါင်းဆောင်ရွက်သည့် လုပ်ငန်းအဖွဲ့အစည်းများ၏ နိုင်ငံတော်အတွင်း ပေးချေငွေများအပေါ် ကင်းလွတ်ခွင့်ပြု

ရန်ကုန်မြို့ ပန်းဆိုးတန်းလမ်းရှိ ပြည်တွင်းအခွန်များ ဦးစီးဌာနရုံးကို တွေ့ရစဉ်

အခွန် နှစ်ရာခိုင်နှုန်းမှ ၁၅ ရာခိုင်နှုန်း အထိပေးဆောင်ရမည့် ပင်ရင်းမှ နုတ်ယူသည့် အခွန် (၀င်ငွေခွန်အား ကြိုတင်ကောက်ခံသည့် အခွန်) သတ်မှတ်ချက်အသစ်ကို စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်းက အမိန့်ကြော်ငြာစာအမှတ် ၄၇/၂၀၁၈ ဖြင့် ထုတ်ပြန်လိုက်ပြီး အစိုးရနှင့်အကျိုးတူ ပူးပေါင်းဆောင်ရွက်သည့် လုပ်ငန်းအဖွဲ့အစည်းများ၏ နိုင်ငံတော်အတွင်း ပစ္စည်းဝယ်ယူခြင်း၊ လုပ်ငန်းဆောင်ရွက်ပေးစေခြင်း၊ ၀န်ဆောင်မှု ဆောင်ရွက်ပေးစေခြင်းတို့အတွက် ပေးချေငွေများအပေါ် ကင်းလွတ်ခွင့်ပြုထားကြောင်း သိရသည်။

စီမံကိန်းနှင့် ဘဏ္ဍာရေးဝန်ကြီးဌာနသည် ၀င်ငွေခွန်ဥပဒေပုဒ်မ ၁၆၊ ပုဒ်မခွဲ (ခ) ပါ လုပ်ပိုင်ခွင့်ကို ကျင့်သုံး၍ ပြည်ထောင်စု အစိုးရအဖွဲ့၏ သဘောတူညီချက်ဖြင့် လစာခေါင်းစဉ်မှအပ သတ်မှတ်ပေးချေငွေ အမျိုးအစားများနှင့်စပ်လျဉ်း၍ ငွေထုတ်ပေးရန် တာဝန်ရှိသူက ငွေထုတ်ပေးချိန်တွင် သတ်မှတ်ရာခိုင်နှုန်းများအတိုင်း ကျသင့်သောဝင် ငွေခွန်ကို နုတ်ယူပေးသွင်းရန်သတ်မှတ်ခြင်း ဖြစ်သည်။

အတိုးပေးငွေများနှင့်ပတ်သက်၍ ပြည်တွင်းနေနိုင်ငံသားနှင့် ပြည်တွင်းနေနိုင်ငံခြားသားများကို ကင်းလွတ်ခွင့်ပြုထားပြီး ပြည်ပနေနိုင်ငံခြားသားများအတွက် ၁၅ ရာခိုင်နှုန်းကောက်ခံရန် သတ်မှတ်ထားသည်။ လိုင်စင်၊ ကုန်အမှတ်တံဆိပ်၊ မူပိုင်အခွင့်အရေးစသည်တို့ကို အသုံးချခွင့်ပြုမှုဆိုင်ရာပေးချေ ငွေများအတွက် ပြည်တွင်းနေနိုင်ငံသားနှင့် ပြည်တွင်းနေနိုင်ငံခြားသားများကို ၁၀ ရာခိုင်နှုန်း၊ ပြည်ပနေ နိုင်ငံခြားသားများအတွက် ၁၅ ရာခိုင်နှုန်းကောက်ခံရန် သတ်မှတ်ထားသည်။

ပြည်ထောင်စုအဆင့် အဖွဲ့အစည်းများ၊ ပြည်ထောင်စုဝန်ကြီးဌာနများ၊ နေပြည်တော်ကောင်စီ၊ တိုင်းဒေသကြီး /ပြည်နယ်အစိုးရအဖွဲ့များ၊ နိုင်ငံပိုင်လုပ်ငန်းများ၊ စည်ပင်သာယာရေးအဖွဲ့များက တင်ဒါစနစ် သို့မဟုတ် လေလံစနစ် သို့မဟုတ် ဈေးပြိုင်ခေါ်ယူသည့် စနစ်သို့မဟုတ် ကန်ထရိုက်စာချုပ် သို့မဟုတ် သဘောတူစာချုပ် သို့မဟုတ် အခြားစနစ်တစ်ခုခုဖြင့် နိုင်ငံတော်အတွင်း ပစ္စည်းဝယ်ယူခြင်း၊ လုပ်ငန်းဆောင်ရွက်ပေးစေခြင်း၊ ၀န်ဆောင်မှုဆောင်ရွက်ပေးစေခြင်းတို့အတွက် ပေးချေငွေများအတွက် ပြည်တွင်းနေနိုင်ငံသားနှင့် ပြည်တွင်းနေ နိုင်ငံခြားသားများအတွက် နှစ်ရာခိုင်နှုန်း၊ ပြည်ပနေနိုင်ငံခြားသားအတွက် ၂ ဒသမ ၅ ရာခိုင်နှုန်းကောက်ခံရန် သတ်မှတ်ထားသည်။

နိုင်ငံတော်နှင့်အကျိုးတူ ပူးပေါင်းဆောင်ရွက်သည့် စီးပွားရေးလုပ်ငန်းများ၊ အစုစပ်လုပ်ငန်း၊ ဖက်စပ်လုပ်ကိုင်သည့်လုပ်ငန်း၊ ကုမ္ပဏီ၊ တစ်ဦးချင်းပုဂ္ဂိုလ်တို့ စုပေါင်းထားသည့်အဖွဲ့အစည်း၊ တည်ဆဲဥပဒေတစ်ရပ်ရပ်အရ မှတ်ပုံတင်၍ ဖွဲ့စည်းထားသည့်အဖွဲ့အစည်း သို့မဟုတ် အသင်းအဖွဲ့၊ သမ၀ါယမ အသင်းနှင့် နိုင်ငံခြားကုမ္ပဏီများ၊ နိုင်ငံခြားသားပိုင်လုပ်ငန်းများက ကန်ထရိုက်စာချုပ် သို့မဟုတ် သဘောတူစာချုပ် သို့မဟုတ် အခြားစနစ်တစ်ခုခုဖြင့် နိုင်ငံတော်အတွင်း ပစ္စည်းဝယ်ယူခြင်း၊ လုပ်ငန်းဆောင်ရွက်ပေးစေခြင်း၊ ၀န်ဆောင်မှုဆောင်ရွက်ပေးစေခြင်းတို့အတွက် ပေးချေငွေများအတွက် ပြည်တွင်းနေ နိုင်ငံသားနှင့် ပြည်တွင်းနေနိုင်ငံခြားသားများအတွက် ကင်းလွတ်ခွင့်ပြုထားပြီး ပြည်ပနေ နိုင်ငံခြားသားများအတွက် ၂ ဒသမ ၅ ရာ ခိုင်နှုန်းကောက်ခံမည်ဟု သတ်မှတ်ထားပြီး အမိန့်ကြော်ငြာစာတွင် အသေးစိတ်သတ်မှတ်ချက်များ ထပ်မံပါဝင်သည်။

ပြည်တွင်းအခွန်များ ဦးစီးဌာနညွှန်ကြားရေးမှူးချုပ်သည် ပြည်ထောင်စုအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီးဌာန၏ သဘောတူညီချက်ဖြင့် လုပ်ထုံးလုပ်နည်းများ၊ သတ်မှတ်ချက်များ၊ လုပ်ငန်းသဘောသဘာဝများ စသည်တို့ကို ပြင်ဆင်၊ ခွဲခြားသတ်မှတ်ပေးနိုင်သည်။ စီမံကိန်းနှင့် ဘဏ္ဍာရေးဝန်ကြီးဌာန၏ ၂၀၁၇ ခုနှစ် မေ ၂၂ ရက်တွင် ထုတ်ပြန်ခဲ့သည့် အမိန့်ကြော်ငြာစာအမှတ် ၅၁^၂၀၁၇ ကို ယခုအမိန့်ကြော်ငြာစာဖြင့် ပယ်ဖျက်လိုက်ပြီး ၂၀၁၈ ခုနှစ် ဇူလိုင် ၁ ရက်မှစ၍ အကျိုးသက်ရောက်စေရမည်ဖြစ်ကြောင်း သိရသည်။

ရသင့်ရထိုက်သော အခွန်ပမာဏနှင့် ရနေသည့်အခွန်ပမာဏ ကွာခြားချက်များရှိနေကြောင်း စီမံ/ဘဏ္ဍာ ဒုတိယ၀န်ကြီး ပြောကြား

အစိုးရအနေဖြင့် ရသင့်ရထိုက်သော အခွန်ပမာဏနှင့် ရနေသည့် အခွန်ပမာဏသည် ကွာခြားချက်များရှိနေကြောင်း စီမံကိန်း နှင့် ဘဏ္ဍာရေးဒုတိယ၀န်ကြီး ဦးမောင်မောင်ဝင်းက ဇွန် ၁၃ ရက်ကပြုလုပ်သော ပြည်သူ့လွှတ်တော်အစည်းအဝေး ခေတ္တရပ်နားချိန်တွင် မီဒီယာများအား ပြောကြားသည်။

“ပြင်ပ အဖွဲ့အစည်းတွေကတော့ သူတို့ခန့်မှန်းချက်နဲ့ နိုင်ငံတော်က တကယ်ရတဲ့ငွေနဲ့ အဲဒီလိုကွာကြတယ်။ ကွာတယ်ဆိုတာကလည်း သဘာဝကျပါတယ်။ တကယ်ရတာက ဒီလောက်ပဲရတယ်။ ရသင့်တာက ဒီလောက်ရ တယ်။ ဥပမာ အခွန်မကောက်နိုင်ဘဲ လွတ်နေတဲ့ တရားမ၀င်ကုန်သွယ်မှုတွေ ဘာတွေ ကျောက်စိမ်းတွေ ခိုးထွက်သွားတယ်။ သစ်တွေ ခိုးထွက်သွားတယ်။ ဒါတွေဆိုရင် မရဘူး။ နိုင်ငံတော်က ဘာမှမရလိုက်ဘူး။ ခိုးထွက်သွားတယ်။ တကယ်တမ်း ဟိုဘက်နိုင်ငံရောက်သွားတယ်။ ဒါတွေက ရသင့်တာတွေ မရဘူး။ ဒါမျိုးတွေ ဖြစ်လိမ့်မယ်။ ဒါတွေက သူ့ခန့်မှန်း ချက်နဲ့ သူရှိလိမ့်မယ်။ တိတိကျကျခန့်မှန်းဖို့ ခက်ပါတယ်။ အဖွဲ့အစည်းတွေကတော့ အခြားသောနိုင်ငံတွေက စာရင်းတွေကိုပါ ကြည့်ပြီးတော့မှ ခန့်မှန်းတာမျိုးတွေဖြစ်တယ်။ ကိန်းဂဏန်းအရတော့ ခန့်မှန်းချက်တွေ ယူဆချက် တွေသာဖြစ်တယ်။ အတည်ပြုလို့ မရဘူး။ Informal နဲ့ Formal  နဲ့က ဒီလိုပဲကွာနေမှာ။ ဖြစ်ရပ်ကတော့ တကယ်ရှိတာပေ့ါ။ Informal က ရှိနေတယ်”  ဟု ဦးမောင်မောင်ဝင်းက ပြောကြားသည်။

ထို့ပြင် အခွန်မရသည့် နယ်ပယ်များတွင် တရားမ၀င် မှောင်ခိုလုပ်ငန်းများသာမက ကုန်သွယ်မှုကဏ္ဍအပါအ၀င် ကုန်သွယ်လုပ်ငန်းခွန်ကောက်သည့် စားသောက်ဆိုင်များတွင် အခွန်ပေးသည့် ဆိုင်များရှိသကဲ့သို့ မပေးသည့် ဆိုင်များလည်းရှိပြီး အဆိုပါကိစ္စများကို အခွန်ရအောင်ကြိုးစားပြီး လုပ်ဆောင်နေကြောင်း ဒုတိယ၀န်ကြီးက ပြောကြားသည်။

“ဒီလိုနိုင်ငံတော်ရဲ့ တန်ဖိုးရှိတဲ့ အရင်းအမြစ်တွေကနေပြီး ဗုံးပေါလအော သုံးခွင့်ရနေပါလျက်နဲ့ နိုင်ငံတော်ကို တိကျတဲ့ အခွန်ပေးဆောင်ဖို့ကို ကြပ်ကြပ်မတ်မတ်ရှိဖို့တော့ အရေးတကြီး လိုအပ်လျက်ရှိပါတယ်။ ဆင်းရဲသား ပြည်သူလူထုနဲ့ လူလတ်တန်းစားကို ၀န်ပိစေခြင်း မရှိတဲ့ အခွန်နှုန်းထားနဲ့ အခွန်ချဲ့ထွင်ခြင်းကိုသာ အဓိကထားလုပ်ဆောင်သင့်ပါတယ်” ဟု ကျောက်တန်းမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါ်အေးမြမြမျိုးက လွှတ်တော်အစည်းအဝေးတွင် ပြောကြားသည်။

မြန်မာပြည်သူလူထုသည် အလွန်အပေး အကမ်းရက်ရောကြသူများဖြစ်ပြီး အများပြည်သူအကျိုးရှိမည့် ကိစ္စရပ်များနှင့် လူမှုရေးကိစ္စရပ်များတွင် ထောက်ပံ့ပေးလိုကြကြောင်း၊ ကမ္ဘာ့ပေးကမ်းမှု ညွှန်းကိန်း၏ ထိပ်ဆုံးတွင်ရပ်တည်နေပြီး နိုင်ငံသားများပေးကမ်းမှုရက်ရောပြီး နိုင်ငံသားတာဝန်ဟု သဘောပေါက်ထားပါ လျက် မည်သည့်အတွက်ကြောင့် အခွန်ရရှိမှု လျော့နည်းနေသည်ကို လေ့လာရန်လိုအပ်ကြောင်း လွှတ်တော်ကိုယ်စားလှယ် ဒေါ်အေးမြမြမျိုးက ပြောကြားသည်။

အမေရိကန်၏သွင်းကုန်စည်းကြပ်ခွန်များချမှတ်မှုအား တရုတ်က ဒေါ်လာဘီလျံ ၅၀ ရှိ သွင်းကုန်စည်းကြပ်ခွန်များ ပြန်လည်ပြဋ္ဌာန်းပြီး တုံ့ပြန်

ဇွန် ၁၅ ရက်က ရှန်ဟိုင်းရှိ 2018 CES ပြပွဲ၌ CT6 Cadillac ကားတစ်စီးရှေ့တွင် အမျိုးသမီးတစ်ဦးက ဓာတ်ပုံရိုက်နေစဉ် (Photo: AP)

အမေရိကန်သမ္မတ ဒေါ်နယ်ထရန့်က ဒေါ်လာဘီလျံများစွာ တန်ဖိုးရှိသော တရုတ်သွင်းကုန်များအား စည်းကြပ်ခွန်များ ထပ်မံချမှတ်ကြောင်း ဇွန် ၁၅ ရက်တွင် ကြေညာပြီး ကုန်သွယ်ရေးစစ်ပွဲကို မီးမွှေးခဲ့ရာ ပေကျင်းကလည်း အလျင်အမြန်ပင် ပြန်လည်တုံ့ပြန်ခဲ့သည်။ ထိုလုပ်ရပ်ကြောင့် ကမ္ဘာ့စီးပွားရေးအင်အားအကြီးဆုံး နှစ်နိုင်ငံအကြား ပိုမိုကျယ်ပြန့် သော ထိပ်တိုက်တွေ့မှုကို ဈေးကွက်များနှင့် စက်မှုလုပ်ငန်းများက စိုးရိမ်ခဲ့ကြသည်။

အမေရိကန်ကုန်ပစ္စည်းများအား ပိုမိုဝယ်ယူသွားမည်ဟု တရုတ်၏ကမ်းလှမ်းမှုများသည် ကုန်သွယ်ရေးမျှခြေမညီမျှမှု တစ်ရှိန်ထိုးမြင့်တက်နေမှုနှင့် ပေကျင်း၏ ရန်လိုသော စက်မှုလုပ်ငန်းဖွံ့ဖြိုး တိုးတက်ရေးဆိုင်  ရာမူဝါဒများအား ထရန့်၏ မကျေနပ်ချက်များကို သက်သာစေရန် မစွမ်းနိုင်ခဲ့ပေ။ အမေရိကန်သည် တရားမမျှတသော စီးပွားရေးလုပ်ထုံးလုပ်ငန်းများမှတစ်ဆင့် ၎င်းတို့၏ နည်းပညာများနှင့် ဥာဏပစ္စည်း မူပိုင်ခွင့်များ ဆုံးရှုံးနေမှုကိုဆက်ပြီး လက်သင့်မခံတော့ကြောင်း ထရန့်က ပြောကြားခဲ့သည်။

ထရန့်က တရုတ်အား စည်းကြပ်ခွန်များ ထပ်မံပြဋ္ဌာန်းမှုသည် ကနဦး ကြေညာခဲ့သည့် ဒေါ်လာဘီလျံ ၅၀ ကို အပြည့်အ၀ မလွှမ်းခြုံခဲ့ပေ။ အမေရိကန်က ဒေါ်လာ ၃၄ ဘီလျံတန် ဖိုးရှိသော တရုတ်ကုန်ပစ္စည်း ၈၁၈ မျိုးကို ဇူလိုင် ၆ ရက်မှစတင်၍ သွင်းကုန်ခွန်များ ပြဋ္ဌာန်းသွားမည်ဖြစ်ပြီး နောက်ထပ် ဒေါ်လာ ၁၆ ဘီလျံတန်ဖိုးရှိ ကုန်ပစ္စည်းများအား စည်းကြပ်ခွန်များချမှတ်ရန် သုံးသပ်နေကြောင်း အမေရိကန်ကုန်သွယ်ရေး ကိုယ်စားလှယ် ရောဘတ်လိုက်သီဇာက ပြောကြားခဲ့ရာ စုစုပေါင်း ဒေါ်လာဘီလျံ ၅၀ အထိကို သက်ရောက်နိုင်ခြေရှိမည်ဖြစ်သည်။ သို့သော် ကုမ္ပဏီများက ခြွင်းချက်များ ရရှိနိုင်ရန်အတွက် ကြိုးပမ်းနိုင်သောကြောင့် နောက်ဆုံး စုစုပေါင်း တန်ဖိုးသည် ယင်းပမာဏထက် နည်းပါးနိုင်သည်။

ပေကျင်းကလည်း ဒေါ်လာ ၃၄ ဘီလျံအထိ တန်ဖိုးရှိသော ၀ါရှင်တန်၏ စိုက်ပျိုးရေး ထုတ်ကုန်များနှင့် မော်တော်ယာဉ်များ အပါအ၀င် သွင်းကုန်  ၅၄၅ မျိုးအား ဇူလိုင် ၆ ရက်မှ စတင်၍ စည်းကြပ်ခွန်များ တန်ပြန် ကောက်ခံသွားမည်ဖြစ်ကြောင်း အစိုးရ သတင်းအေဂျင်စီ ဆင်ဟွာက ထုတ်ပြန်ခဲ့သည်။ နောက်ပိုင်းတွင် နောက်ထပ်ကုန်ပစ္စည်း ၁၁၄ မျိုးကို စည်းကြပ်ခွန်များ ပြဋ္ဌာန်းသွားမည်ဟု တရုတ်အစိုးရကောင်စီက ထုတ် ပြန်ခဲ့ကြောင်း ဆင်ဟွာက ဖော်ပြခဲ့သည်။

စည်းကြပ်ခွန်များ ချမှတ်ရန် ဆုံးဖြတ်ချက်ချမှုကြောင့် ယခင် ကုန်သွယ်ရေးညှိနှိုင်းမှုများအတွင်း ရရှိခဲ့သောရလဒ်များသည် အကျုံးမ၀င်တော့သည့် သဘောဖြစ်ကြောင်း တရုတ်ကုန်သွယ်ရေးဝန်ကြီးဌာနက ထုတ် ပြန်ခဲ့သည်။ ထို့ပြင် အမေရိကန်၏ခေတ် နောက်ကျပြီး နောက်ပြန်ဆွဲသော အပြုအမူများအတွက် ဘုံတုံ့ပြန်မှုဆောင်ရွက်ကြရန် တရုတ်က အခြားနိုင်ငံများကိုလည်း တိုက်တွန်းခဲ့သည်။ တရုတ်၏ မည်သည့်တန်ပြန် တုံ့ပြန်မှုမဆို တရားမျှတမှုရှိမည်မဟုတ်ဘဲ အမေရိကန်၏ ထပ်မံပိတ်ဆို့မှုများ ကြုံရမည်ဖြစ်ကြောင်း အိမ်ဖြူတော်က သတိပေးခဲ့သည်။ ထရန့်က ပြီးခဲ့သော မတ်တွင် ကမ္ဘာလုံးဆိုင်ရာ သံမဏိနှင့်အလူမီနီယမ်သွင်းကုန် စည်းကြပ်ခွန်များ ချမှတ်ခဲ့မှုအား တရုတ်က  ၀က်သား၊ ၀ိုင်အပါအ၀င် အမေရိကန်ကုန်ပစ္စည်း ၁၂၈ မျိုးအား ဧပြီတွင် စည်းကြပ်ခွန်များ ပြန်လည်ပြဋ္ဌာန်းခဲ့သည်။

 

စီးပွားရေး လုပ်ငန်းရှင်တိုင်းသည် အစိုးရထံမှ ရနိုင်သမျှ အခွင့်အရေးကို တစ်ခုမကျန် ရအောင် ကြိုးစားတတ်ကြသော်လည်း ပေးဆောင်ရမည့် အခွန်ကိစ္စအား မသိကျိုးကျွန်ပြုတတ်ပြီး အခွန်ဆောင်ရန် ပျက်ကွက်ခြင်းသည် လုပ်လို့ရ၍ လုပ်နေခြင်းဖြစ်ကြောင်း ပြည်သူ့လွှတ်တော်ကိုယ်စားလှယ် ပြောကြား

မေ ၁၇ ရက်က ပြုလုပ်သည့် ပြည်သူ့လွှတ်တော် အစည်းအဝေးအပြီး ပြန်လည်ထွက်ခွာလာသည့် လွှတ်တော်ကိုယ်စားလှယ်များအား တွေ့ရစဉ်

စီးပွားရေးလုပ်ငန်းရှင်တိုင်းသည် အစိုးရထံမှ ရနိုင်သမျှ အခွင့်အရေးကို တစ်ခုမကျန်ရအောင် ကြိုးစားတတ်ကြသော်လည်း ပေးဆောင်ရမည့် အခွန်ကိစ္စကို မသိကျိုးကျွန်ပြုတတ်ပြီး အခွန်ဆောင်ရန် ပျက်ကွက်ခြင်းသည် လုပ်လို့ရ၍ လုပ်နေခြင်းဖြစ်ကြောင်း ၀က်လက်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးမြင့်သိန်းက ပြောကြားသည်။

နေပြည်တော်၌ မေ ၁၇ ရက်က ပြုလုပ်သည့် ဒုတိယအကြိမ် ပြည်သူ့လွှတ်တော် အဋ္ဌမ ပုံမှန်အစည်းအဝေး စတုတ္ထနေ့တွင် ပြည်သူ့လွှတ်တော် ကိုယ်စားလှယ် ဦးမြင့်သိန်းက နိုင်ငံတော်အတွက် ရသင့်ရထိုက်သည့် အခွန်အကောက်များ အပြည့်အ၀ ရရှိရေးအ  တွက် ပွင့်လင်းမြင်သာစွာဖြင့် စနစ်တကျ စိစစ် ကြပ်မတ် ကောက်ခံပေးနိုင်ရေး ပြည်ထောင်စု အစိုးရအား တိုက်တွန်းကြောင်း အဆိုကို တင်သွင်းရာတွင် အထက်ပါအတိုင်း ပြောကြားခဲ့ခြင်းဖြစ်သည်။

“စီးပွားရေး လုပ်ငန်းရှင်တိုင်းဟာ အခွန် နဲ့ မကင်းကြောင်း ကောင်းကောင်း နားလည် ကြပေမဲ့ နိုင်ငံတော်ထံ အခွန်ပေးဆောင်ဖို့ ပျက်ကွက်နေခြင်းဟာ လုပ်လို့ရလို့ လုပ်နေကြခြင်းသာ ဖြစ်ပါတယ်။ နိုင်ငံတော်အစိုးရထံက ရနိုင်သမျှ အခွင့်အရေးကို တစ်ခုမကျန် ရအောင် ကြိုးစားတတ်ကြသော်လည်း ပေးဆောင်ရမယ့် အခွန်ကိစ္စရပ်ဘက်မှာတော့ မသိကျိုးကျွန် ပြုတတ်ကြပါတယ်။ ထိုပုဂ္ဂိုလ်တွေ အခွန်ထမ်း ပျက်ကွက်ခြင်းအတွက် ပညာပေး စည်းရုံးခြင်းမပြုဘဲ ဥပဒေအရ ထိထိရောက်ရောက် အရေးယူသွားဖို့ လိုပါတယ်” ဟု ဦးမြင့်သိန်းက ပြောကြားသည်။

ထို့ပြင် ၂၀၁၆-၂၀၁၇ ဘဏ္ဍာရေးနှစ် မကုန်မီ အခွန်ဆောင်ရန် ပျက်ကွက်နေသည့် ကုမ္ပဏီများကို တည်ဆဲ ဥပဒေများနှင့် အညီ အရေးယူတရားစွဲမည်ဖြစ်ကြောင်း နှိုးဆော် ထားသော်လည်း ယခုအချိန်အထိ အခွန်ပြေကျေအောင် ပေးဆောင်ကြပြီး ဖြစ် မဖြစ် မည် သူတို့ ကျန်ရှိပြီး မည်ကဲ့သို့ အရေးယူထားကြောင်းနှင့် တရားစွဲဆိုထားကြောင်း စသည်များကို ပြည်သူများသည် ပွင့်ပွင့်လင်းလင်း မမြင်တွေ့ရကြောင်း အဆိုရှင် ပြည်သူ့လွှတ်တော်ကိုယ်စားလှယ် ဦးမြင့်သိန်းက ပြောကြားသည်။

ဆက်လက်ပြီး အခွန်နှုန်းထားနည်းနည်း ဖြင့် အခွန်အခြေကို ချဲ့ထွင်ပြီး ရသင့်ရထိုက်သည့် အခွန်များပြည့်ဝစွာ ကောက်ခံရန် နိုင်ငံတော်အနေနှင့် မဟာဗျူဟာ အစီအစဉ်များ ချမှတ် ဆောင်ရွက်နိုင်သော်လည်း အခွန်တိမ်း ရှောင်သူများနှင့် အခွန်ဌာနများရှိ ၀န်ထမ်း များ၏ မလျော်မကန် ဆောင်ရွက်နေမှုများကိုလည်း တွေ့ရှိရပြီး အခွန်ကြွေးကျန်ခြင်း၊ အခွန်ပေးဆောင်ရန် ပျက်ကွက်ခြင်း၊ အခွန် တိမ်းရှောင်ခြင်း၊ အခွန် အမှတ်တံဆိပ်ကပ်နှိပ်ရန် ပျက်ကွက်ခြင်းများ ရှိနေခြင်းသည် အခွန်ပေးဆောင်ခြင်း အသိပညာပေး စည်း ရုံးဆောင်ရွက်မှု အားနည်းခြင်းဟုဆိုကာ စဉ်းစားစရာ ဖြစ်လာရသည်ဟု ၎င်းက ပြောကြားသည်။

အခွန်ဥပဒေနှင့် အခွန်ဆိုင်ရာ စီမံခန့်ခွဲမှု အားနည်းချက်များကြောင့် နိုင်ငံ့အခွန်ငွေများ အပြည့်အ၀ မရရှိသည့်အတွက် ကောက်ခံသင့် ကောက်ခံထိုက်သော အခွန်များကို ထိထိရောက်ရောက် ကောက်ခံနိုင်ရေး၊ အခွန် တိမ်းရှောင်မှု အခွန်ငွေ ထိမ်ချန်မှု၊ တရားမ၀င် ကုန်စည်တင်သွင်းမှု၊ ထုတ်လုပ်ရောင်းဝယ် ဖောက်ကားမှုများကို ထိထိရောက်ရောက် ကာကွယ် တားဆီးရေးအတွက် အဆိုတင်သွင်းရခြင်းဖြစ်ကြောင်း အဆိုရှင်က ပြောကြားသည်။

“ဖွဲ့စည်းပုံ အခြေခံဥပဒေပုဒ်မ ၃၈၉ အရ နိုင်ငံသားတိုင်းဟာ အခွန်အကောက်တွေကို ပေးဆောင်ဖို့ တာဝန်ရှိတယ်လို့ ပြဋ္ဌာန်းထားလို့လည်း နိုင်ငံတော်ရဲ့ အခွန်တွေ ပြည့်ပြည့်၀၀ ရရှိရေးဟာ အစိုးရအဖွဲ့အစည်းတွေ သာမက ပြည်သူတွေမှာလည်း တာဝန်ရှိမှာ ဖြစ်ပြီး ယခုအဆိုဟာ အခွန်ကို တိုးမြှင့်ကောက်ခံဖို့ အဆိုပြုတင်ပြခြင်းမဟုတ်ဘဲ တည်ဆဲ ဥပဒေတွေအရ နိုင်ငံတော်က ရသင့်ရထိုက်ပြီး အားနည်းချက် အမျိုးမျိုးကြောင့် လစ်ဟင်းနေတဲ့ ကွက်လပ်တွေကို ပြန်လည်စိစစ်ပြီး စနစ်တကျ ပိုမို ဖြည့်တင်းဆောင်ရွက်သွား နိုင်ဖို့ တင်ပြရတာဖြစ်တယ်”  ဟု အဆိုရှင်ဝက် လက်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးမြင့်သိန်းက ပြောကြားသည်။

ပြည်သူ့လွှတ်တော် ကိုယ်စားလှယ် ဦးမြင့်သိန်း တင်သွင်းသည့် နိုင်ငံတော်အတွက် ရသင့်ရထိုက်သည့် အခွန်အကောက်များ အပြည့်အ၀ ရရှိရေးအတွက်  ပွင့်လင်းမြင်သာစွာဖြင့် စနစ်တကျ စိစစ်ကြပ်မတ် ကောက်ခံပေးနိုင်ရေး ပြည်ထောင်စုအစိုးရကို တိုက်တွန်း ကြောင်းအဆိုကို ပြည်သူ့လွှတ်တော် ကိုယ်စားလှယ်တစ်ဦးက ထောက်ခံဆွေးနွေးခဲ့ပြီး လက်ခံဆွေးနွေးရန် သင့်မသင့် လွှတ်တော် အဆုံးအဖြတ် ရယူရာတွင် လွှတ်တော်က လက်ခံ ဆွေးနွေးရန် သဘောတူခဲ့သည်။