အမျိုးသမီး ဇာတ်ဆောင်ဆုရရှိခဲ့သည့် အကယ်ဒမီအိန္ဒြာကျော်ဇင် အကယ်ဒမီ ရွှေစင်ရုပ်၏ရွှေကြယ်အား လှူဒါန်းဖြစ်မည်ဟုဆို

၂၀၁၇ ခုနှစ်အတွက်ပေးအပ်ခဲ့သည့် အကယ်ဒမီထူးချွန်ဆုပေးပွဲတွင် အကောင်းဆုံး အမျိုးသမီးဇာတ်ဆောင်ဆုရရှိခဲ့သည့် အကယ်ဒမီအိန္ဒြာကျော်ဇင်သည် အကယ်ဒမီရွှေစင်ရုပ်၏ ရွှေကြယ်အား လှူဒါန်းဖြစ်မည်ဖြစ်ကြောင်း ပြောကြားခဲ့သည်။ ယခုနှစ်တွင် အကယ်ဒမီရွှေစင်ရုပ်၏ ရွှေကြယ်များအား ယခင် ရွှေနှစ်ကျပ်သားသာ ချီးမြှင့်ခဲ့ရာမှ ယခုအခါ ရွှေငါးကျပ်သားအထိ ပေးအပ်ချီးမြှင့်ခဲ့ခြင်းဖြစ်သည်။

“အကယ်ဒမီရွှေစင်ရုပ်က ရွှေကြယ်ကိုတော့ လှူဖြစ်ဖို့များပါတယ်။ ဘယ်နေရာကို လှူမယ်ဆိုတာတော့ သေချာမဆုံးဖြတ်ရသေးဘူး။ လှူမယ်လို့တော့ ရည်မှန်းထားပြီးသားပါ။ ဒီနှစ်မှာ ပရိသတ်တွေအားလုံးက ဇာတ်ကားစပြီး ရုံတင်ကတည်းက အားပေးကြ၊ အကယ်ဒမီအတွက် ကြိုပြီးရင်ခုန်ပေးကြတဲ့ ဒီဇာတ်ကားနဲ့ အကယ်ဒမီရခဲ့တဲ့အတွက် ပိုပျော်ရပါတယ်။ ပရိသတ်တွေရဲ့ ဆန္ဒကို ဖြည့်ဆည်းပေးနိုင်တာကြောင့်ပိုပြီး ပျော်ရွှင်ရတာပါ။ ကိုယ်ကိုယ်တိုင်အတွက်ကလည်း ဇာတ်ကားတွေ အရင်လိုအများကြီး ရိုက်ဖို့မဖြစ်နိုင်တဲ့အချိန်မှာ အခုလို ကိုယ်လည်း တကယ်အားရတဲ့ ဇာတ်ကားလေးနဲ့  ဆုရတဲ့အတွက် ပိုပျော်ရပါတယ်။ ဆုမရခဲ့တာလည်း ၁၃ နှစ်တောင် ဝေးခဲ့ပြီဆိုတော့ အသစ်တစ်ယောက်လို ခံစားမှုမျိုးလည်း ပြန်ဖြစ်တာပေါ့လေ” ဟု အကယ်ဒမီအိန္ဒြာကျော်ဇင်က  ဆိုသည်။

အကယ်ဒမီအိန္ဒြာကျော်ဇင်သည် ရင်ဘတ်ထဲကဓား ဇာတ်ကားတွင် လရိပ်ဝေး ဇာတ်ရုပ်ဖြင့် ပီပြင်စွာပုံဖော်နိုင်ခဲ့သည့်အတွက် အကောင်းဆုံး အမျိုးသမီးဇာတ်ဆောင်ဆုကို ဆွတ်ခူးခဲ့ခြင်းဖြစ်သည်။ အကယ်ဒမီ ပေးပွဲမတိုင်မီကတည်းကပင် ပရိသတ်များ ကြိုတင်မျှော်လင့်ထားသည့်အတိုင်း အကယ်ဒမီအိန္ဒြာကျော်ဇင်က အကယ်ဒမီထူးချွန်ဆုကို ဆွတ်ခူးနိုင်ခဲ့ခြင်းဖြစ်သည်။

ယခုနှစ်တွင် အကောင်းဆုံးအမျိုးသား ဇာတ်ဆောင်ဆုရရှိခဲ့သည့် အကယ်ဒမီ သရုပ်ဆောင်နေတိုးကလည်း ၎င်းရရှိခဲ့သည့် အကယ်ဒမီရွှေကြယ်အား လှူဒါန်းမည်ဖြစ်ကြောင်းကို အသိပေးပြောကြားထားခဲ့သည်။ အကယ်ဒမီ ဆုများရရှိခဲ့သည့် အနုပညာရှင်များဖြစ်သည့် အကယ်ဒမီအိန္ဒြာကျော်ဇင်၊ အကယ်ဒမီမြင့်မြတ်နှင့် အကယ်ဒမီနေတိုးတို့၏ ဂုဏ်ပြုပွဲများအား ပြုလုပ်ခဲ့ပြီးဖြစ်ကာ မြန်မာနိုင်ငံရုပ်ရှင်အစည်းအရုံးမှ ပြုလုပ်သည့် အကယ်ဒမီရရှိသူများအတွက် ဂုဏ်ပြု ညစာစားပွဲအစီအစဉ်ကိုလည်း မတ် ၂၄ ရက်ညပိုင်းတွင် ပြုလုပ်ခဲ့ပြီးဖြစ်သည်။

အကောင်းဆုံး အမျိုးသားဇာတ်ဆောင်ဆု အကယ်ဒမီရရှိခဲ့သည့် သရုပ်ဆောင်နေတိုး အကယ်ဒမီရွှေစင်ရုပ်မှ ရွှေကြယ်အား ဘုရားလှူဒါန်းမည်

အကောင်းဆုံးအမျိုးသားဇာတ်ဆောင်ဆု အကယ်ဒမီရရှိခဲ့သည့် သရုပ်ဆောင်အကယ်ဒမီနေတိုးသည် အကယ်ဒမီရွှေစင်ရုပ်မှ ရွှေကြယ်အား ဘုရားသို့လှူဒါန်းရန်စီ စဉ်ထားကြောင်းသိရသည်။ မည်သည့်နေရာတွင်လှူဒါန်းဖြစ်မည်မှာ မသေချာသေးသော်လည်း လှူဒါန်းရန်အတွက်ကိုမူ ရည်မှန်းပြီးဖြစ် ကြောင်းသိရသည်။

“အကယ်ဒမီရွှေစင်ရုပ်က ရွှေကြယ်ကတော့ ဘုရားကိုလှူဖို့ဆုံး ဖြတ်ထားတယ်။ ဘယ်နေရာမှာလှူ ဖြစ်မယ်တော့ သေချာမသိသေးဘူး။ အခုကစိတ်လှုပ်ရှားနေတာနဲ့ သေချာ မစဉ်းစားရသေးဘူး။ လှူဖို့တော့ ဆုံးဖြတ်ထားပြီးသားပါ။ ဒီအကယ်ဒမီဆုက ပရိသတ်တွေအားလုံးက ဇာတ်ကားရုံတင်ကတည်းကပဲ တစ်ခဲနက် ရစေချင်တယ်လို့ပြောကြတဲ့ဆုလည်းဖြစ်တော့ ပိုပြီးတော့လည်း တန်ဖိုးထားရသလို ကျွန်တော့်အတွက်လည်းပိုပျော်ရပါတယ်။ တကယ်လည်းရချင်ခဲ့တယ်။ အခုလို ဆုရတဲ့အတွက်လည်း အရမ်းပျော်ပါတယ်။ ပရိသတ်များကပေးတဲ့ ချစ်ခြင်းမေတ္တာကြောင့် ရလာတဲ့ ဒီဆုကကျွန်တော့်အတွက်တော့ ခွန်အားတွေဖြစ်စေပါတယ်။ ဒီခွန်အားတွေကိုအသုံးပြုပြီးတော့ အနုပညာအတွက် အကောင်းဆုံး ဖန်တီးနိုင်အောင် ဆက်လက်ကြိုးစားသွားမယ်လို့ ကတိပြုပါတယ်” ဟု သရုပ်ဆောင် အကယ်ဒမီနေတိုးကဆိုပါသည်။

အကယ်ဒမီနေတိုးသည် ၂၀၁၇ ခုနှစ်အတွက်ပေးအပ်ခဲ့သည့် မြန်မာ့ရုပ်ရှင်ထူးချွန်ဆုပေးပွဲတွင် ‘တာတေကြီး’ ဇာတ်ကားဖြင့် အကောင်းဆုံးအမျိုးသားဇာတ်ဆောင်ဆုကို ရရှိခဲ့ခြင်းဖြစ်သည်။ ယင်းဆုမှာ သရုပ်ဆောင်အကယ်ဒမီနေတိုးအတွက် တတိယမြောက်အကယ်ဒမီ ထူးချွန်ဆုဖြစ်ကြောင်းသိရသည်။ အကယ်ဒမီနေတိုးသည် ယခင်ကရရှိခဲ့သည့်အကယ်ဒမီထူးချွန်ဆု ရွှေစင်ရုပ်များ၏ရွှေကြယ်များကိုလည်း လှူဒါန်းခဲ့ကာ ယခုတစ်ကြိမ်တွင်လည်း ထပ်မံလှူဒါန်းရန် စီစဉ်ထားခြင်းဖြစ်သည်။

သရုပ်ဆောင်အကယ်ဒမီနေတိုးသည် လတ်တလောတွင် ‘ဘယ်တော့မှအရှုံးမပေးဘူး’ ဇာတ်ကား၌ ပါဝင်သရုပ်ဆောင်လျက်ရှိကာ ယင်းဇာတ်ကားကို ပြင်ဦးလွင်မြို့၌ သွားရောက်ရိုက်ကူးနေခြင်းဖြစ် ကြောင်းသိရသည်။ နေတိုးသည် သင်္ကြန်တွင်လည်း နေအိမ်တွင်ပင် တရားထိုင်ခြင်းဖြင့် ဖြတ်သန်းရန် စီစဉ်ထားကြောင်း သိရသည်။

၂၀၁၇ ခုနှစ်အတွက်ပေးအပ်ခဲ့တဲ့ အကယ်ဒမီထူးချွန်ဆုပေးပွဲနဲ့ ထူးခြားမှုများ

ဒီနှစ်မှာ ရွေးချယ်ပြုလုပ်ခဲ့တဲ့ အကယ်ဒမီထူးချွန်ဆုပေးပွဲနဲ့ ထူးခြားချက်တွေကို စုစည်းဖော်ပြလိုက်ပါတယ်။

■ ဇာတ်ကားအရေအတွက်များပြားမှုနဲ့ ဆန်ခါတင်စာရင်း ထုတ်ပြန်မထားတဲ့ အကယ်ဒမီ

အခုနှစ် အကယ်ဒမီထူးချွန်ဆုပေးပွဲရဲ့ ထူးခြားမှုတစ်ခုအနေနဲ့ကတော့ ဇာတ်ကားအရေအတွက် များပြားလွန်းတာဖြစ်ပါတယ်။ ဆယ်စုနှစ်တစ်ခုအတွင်းမှာ ဇာတ်ကားအရေအတွက် အများဆုံးပါဝင်ခဲ့တာဖြစ်ပြီး ဇာတ်ကား ၅၃ ကားထဲက အကယ်ဒမီထူးချွန်ဆုတွေကို ရွေးချယ်ပေးအပ်ခဲ့ရတာလည်း ဖြစ်ပါတယ်။ ဒါ့အပြင်အကယ်ဒမီဆုတွေကို ရွေးချယ်စိစစ်ရာမှာ အရင်နှစ်တွေက ပထမအဆင့် စိစစ်အကဲဖြတ်မှုတွေအပြီးမှာ ဒုတိယအဆင့်ကို တက်ရောက်သွားတဲ့ အကယ်ဒမီဆန်ခါတင်စာရင်းကို ထုတ်ပြန်ကြေညာခဲ့ပေမယ့် အခုနှစ်မှာတော့ ထုတ်ပြန်ခြင်းမရှိခဲ့တာဖြစ်ပါတယ်။ အခုနှစ်မှာ ဇာတ်ကား ၅၃ ကား ပြသခဲ့တဲ့အနက် ၂၀ ရာခိုင်နှုန်းသာ ဒုတိယဆင့်ကို ပါဝင်ခဲ့တယ်လို့သာ အကဲဖြတ်အဖွဲ့ဝင်တွေက ထုတ်ပြန်ခဲ့ပါတယ်။

■ ပထမဆုံးအကြိမ် ကျင်းပခဲ့တဲ့နေရာ

အခုနှစ် အကယ်ဒမီထူးချွန်ဆုပေးပွဲကို တော့အရင်နှစ်တွေက ကျင်းပခဲ့ဖူးတဲ့နေရာတွေမှာ ကျင်းပခဲ့တာမဟုတ်ဘဲ ရန်ကုန်မြို့ မင်းဓမ္မလမ်းမှာရှိတဲ့ Myanmar Event Park မှာပြုလုပ်ခဲ့တာလည်းဖြစ်ပါတယ်။ ဒီနေရာမှာ ပထမဆုံးအကြိမ် ကျင်းပခဲ့တာဖြစ်သလို ပွဲကျင်းပရာနေရာ Red Carpet လျှောက်လမ်းမှာ ၂၀၁၇ အတွင်းပြသခဲ့တဲ့ ရုပ်ရှင်ဇာတ်ကားကောင်းတချို့ရဲ့ ပိုစတာပုံတူပန်းချီကားတွေကို ချိတ်ဆွဲပြသခဲ့တာလည်း ဖြစ်ပါတယ်။ ထူးခြားတဲ့အမြင်တစ်မျိုးနဲ့ ပရိသတ်တွေကို တွေ့မြင်စေခဲ့တယ်လို့လည်း ဆိုရမှာဖြစ်ပါတယ်။

■ အနုပညာရှင်တွေရဲ့ ရင်သွေးငယ်တွေကို ပွဲထုတ်သွားမယ့် အကယ်ဒမီအကူမောင်မယ်အဖြစ် ပါဝင်စေတဲ့အစီအစဉ်

အကယ်ဒမီပွဲကျင်းပခဲ့တဲ့ အစဉ်အလာတစ်လျှောက်မှာ အကယ်ဒမီဗန်းကိုင်များကလည်း အစဉ်အလာကြီးခဲ့ကြသူများလို့ ဆိုရမှာဖြစ်ပါတယ်။ အကယ်ဒမီဗန်းကိုင်အနေနဲ့ ဘယ်မျိုးဆက်သစ်အနုပညာရှင်က ပါဝင်ခွင့်ရတယ်ဆိုတာကို အကယ်ဒမီပွဲကျင်းပချိန်တိုင်းမှာ စောင့်ကြည့်အားပေးခဲ့ကြရပြီး အကယ်ဒမီဗန်းကိုင်အဖြစ် ပါဝင်ခဲ့ရာက အနုပညာလောကထဲ ရောက်ရှိအောင်မြင်နေသူ အများအပြားလည်း ရှိနေတာဖြစ်ပါတယ်။ အခုနှစ်မှာတော့ အကယ်ဒမီဗန်းကိုင်တွေကို လျှောက်လွှာခေါ်ယူခြင်းမပြုတော့ဘဲ အနုပညာရှင်များရဲ့ ရင်သွေးငယ်တွေထဲကသာ ရွေးချယ်ပွဲထုတ်ဖို့ စီစဉ်ထားတာပါ။ ၀ါရင့်အနုပညာရှင်များရဲ့ မျိုးဆက်သစ် ရင်သွေးငယ်တွေက အကယ်ဒမီအကူမောင်မယ်တွေအနေနဲ့ ပါဝင်ခဲ့ပါတယ်။

■ လူငယ်မျက်နှာသစ် ဖန်တီးသူများရဲ့ ‘ည’ ဇာတ်ကားအတွက် ပရိသတ်ရင်ခုန်မျှော်လင့်မှု

ဖန်တီးမှုအသစ်တွေကို တခဲနက်အားပေးကြသလို အပြောင်းအလဲဆိုတာကို လက်ခံယုံကြည်ပေးခဲ့ကြတဲ့ ၂၀၁၇ နဲ့ ၂၀၁၈ ကာလများက မြန်မာ့ရုပ်ရှင်အတွက် ကြီးမားတဲ့အပြောင်းအလဲကာလတစ်ခုလို့ ဆိုရမှာပါ။ ထိပ်တန်းမင်းသားမင်းသမီးတွေ ပါဝင်မှုကိုကြည့်ပြီး ဇာတ်ကားရွေးချယ်ကြည့်ရှုမှုပုံစံကနေ အသစ်အသစ်သောဖန်တီးမှုတွေကို လက်ခံအားပေးဖို့ အစပြုလာတဲ့နှစ်ကာလတွေလို့လည်း ဆိုရမှာဖြစ်ပါတယ်။ အခုနှစ် အကယ်ဒမီထူးချွန်ဆုပေးပွဲမှာတော့ လူငယ်မျက်နှာသစ် အနုပညာရှင်တွေရဲ့ ဖန်တီးအားထုတ်မှုအနုပညာ ‘ည’ ဇာတ်ကားအတွက် ပရိသတ်များက ရင်ခုန်မျှော်လင့်ပေးခဲ့ကြပါတယ်။ ပထမဆုံးဇာတ်ကားဖြစ်ပေမယ့် အကောင်းဆုံးဖန်တီးမှုတွေနဲ့ ပရိသတ်တွေကို ဆွဲဆောင်နိုင်ခဲ့တဲ့ ‘ည’ ဇာတ်ကားရဲ့ ဇာတ်ညွှန်း၊ ဒါရိုက်တာ၊ တည်းဖြတ်ထူးပိုင်ဇော်ဦး၊ director of photography ကိုသိဒ္ဓိအပါအ၀င် လူငယ်ဖန်တီးသူတွေအတွက် ရင်ခုန်မျှော်လင့်ပေးခဲ့ကြတာဖြစ်ပါတယ်။

■ ခေတ်နှောင်းဝတ်ဆင်မှု ဟန်ပန်ကို တစ်ကျော့ပြန်ဆင်ယင်မှု များပြားခဲ့တဲ့ အကယ်ဒမီပွဲတက်ဖက်ရှင်

အခုနှစ် အကယ်ဒမီထူးချွန်ဆုပေးပွဲမှာ အကယ်ဒမီပွဲတက်ဖက်ရှင်တွေကို ၀တ်ဆင်ခဲ့ကြရာမှာတော့ ခေတ်နှောင်းအမျိုးသမီးတွေ ၀တ်ဆင်ဟန်ကို အခြေခံတဲ့ ဟန်ပန်ဖက်ရှင်တွေကို အဓိကအသားပေး ၀တ်ဆင်ကြတာကို တွေ့မြင်ရပါတယ်။ အချို့နှစ်တွေရဲ့ အကယ်ဒမီထူးချွန်ဆုပေးပွဲတွေမှာ အနုပညာရှင်အချို့က မြန်မာဝတ်စုံကိုမှ သရုပ်ပျက်ဟန်ပန် ရောနှောဝတ်ဆင်ခဲ့ပေမယ့် အခုနှစ်မှာတော့ အနုပညာရှင်အားလုံးလိုလိုက မြန်မာဆန်ဆန်ကျက်သရေရှိရှိ ၀တ်စားဆင်ယင်မှုဟန်ပန်နဲ့ အကယ်ဒမီပွဲတက်ခဲ့ကြတာကို တွေ့မြင်ကြရမှာပါ။ ဒါကြောင့် ခုနှစ်အကယ်ဒမီပေးပွဲဖက်ရှင်တွေက တစ်မျိုးတစ်ဖုံ ပြောင်းလဲလာတဲ့ဖက်ရှင်တွေလို့လည်း ဆိုရမှာဖြစ်ပါတယ်။

■ ထူးထူးခြားခြား ထည့်သွင်းပေးအပ်ခဲ့တဲ့ ရုပ်ရှင်တစ်သက်တာဆု

အခုနှစ်ရဲ့ အကယ်ဒမီထူးချွန်ဆုပေးပွဲမှာ ထူးခြားမှုအနေနဲ့ ရုပ်ရှင်တစ်သက်တာ ဆုတစ်ဆုကိုလည်း ထည့်သွင်းပေးအပ်ခဲ့ပါတယ်။ ရုပ်ရှင်လောကအတွက် တန်ဖိုးထားလေးစားရသူတစ်ဦးကို ထိုက်တန်စွာ ချီးမြှင့်ပေးအပ်တဲ့ ဆုလည်းဖြစ်ပါတယ်။ ဆုကိုချီးမြှင့်ရာမှာတော့ လစဉ်တစ်လကို ကျပ်ငါးသိန်း ပေးအပ်ချီးမြှင့်သွားမှာဖြစ်ပြီး ရုပ်ရှင်အနုပညာနဲ့ အနုပညာအပေါ်ထားတဲ့ မြတ်နိုးတန်ဖိုးထားစိတ်ကိုပါ ဂုဏ်ပြုချီးမြှင့်တဲ့ဆုလည်းဖြစ်ပါတယ်။ အကယ်ဒမီသမိုင်းကြောင်းမှာ ပထမဆုံးအကြိမ် ပေးအပ်နိုင်ခဲ့တဲ့ဆုလို့လည်း ဆိုရမှာဖြစ်ပါတယ်။

■ ဆုအရေအတွက် ၁၁ ဆုလုံး ပြန်လည်ပေးအပ်နိုင်ခဲ့တဲ့ နှစ်

၁၉၅၂ ခုနှစ်က စတင်ပေးအပ်ခဲ့တဲ့ မြန်မာ့ရုပ်ရှင်ထူးချွန်ဆုတွေကို နှစ်အလိုက် ဆုအမျိုးအစားတွေ တိုးမြှင့်ပေးအပ်ခဲ့ရာမှာ ဆုအရေအတွက် ၁၁ ဆုထိ ပေးအပ်နိုင်ခဲ့ပေမယ့် နှစ်ကာလကြာမြင့်လာပြီးနောက် ကျန်ရှိခဲ့တဲ့နှစ်ကာလတချို့မှာ အနုပညာပိုင်းဆိုင်ရာ ဆုတချို့နဲ့ အတတ်ပညာပိုင်းဆိုင်ရာ ဆုတချို့ကို ချန်လှပ်ထားခဲ့တာလည်း ဖြစ်ပါတယ်။ အခုနှစ်မှာတော့ ထူးခြားမှုအနေနဲ့ အရင်သတ်မှတ်ထားခဲ့တဲ့ ဆုအမျိုးအစား ၁၁ ဆုလုံးကို ပေးအပ်ချီးမြှင့်နိုင်ခဲ့တဲ့ နှစ်တစ်နှစ်လို့လည်း ဆိုရမှာဖြစ်ပါတယ်။

၂၀၁၇ ခုနှစ်အတွက် ပေးအပ်ခဲ့တဲ့ မြန်မာ့ရုပ်ရှင်ထူးချွန်ဆုပေးပွဲကတော့ ပြီးမြောက်သွားခဲ့ပြီဖြစ်ပါတယ်။ အခုနှစ်မှာကျင်းပခဲ့တဲ့ အကယ်ဒမီထူးချွန်ဆုပေးပွဲမှာ ထူးခြားချက်အများအပြားပါဝင်ခဲ့သလို ပရိသတ်များရဲ့ရင်ခုန်မှုတွေ၊ မျှော်လင့်ချက်တွေနဲ့လည်း အများစုထပ်တူကျခဲ့တဲ့ နှစ်ဖြစ်ပါတယ်။ ဒါကြောင့် ရုပ်ရှင်ချစ်သူများအားလုံးလည်း ချစ်ခင်အားပေးရတဲ့ အနုပညာရှင်တွေနဲ့ထပ်တူ ပျော်ရွှင်ချမ်းမြေ့မယ်လို့ ယုံကြည်မိပါတယ်။

၂၀၁၇ ခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲ အခမ်းအနားသို့ နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် တက်ရောက်ခဲ့ပြီး အကယ်ဒမီထူးချွန်ဆု ၁၁ ဆုနှင့် ရုပ်ရှင်တစ်သက်တာ ထူးချွန်ဆုတို့ကိုပါ ထည့်သွင်းချီးမြှင့်ခဲ့

မတ် ၂၃ ရက်က ပြုလုပ်သည့် ၂၀၁၇ ခုနှစ်အတွက် မြန်မာ့ရုပ်ရှင်ထူးချွန်ဆုအကယ်ဒမီပေးပွဲအခမ်းအနားသို့ တက်ရောက်ချီးမြှင့်သော နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် မိန့်ခွန်းပြောကြားစဉ် (ဓာတ်ပုံ-နေ၀န်းထက်)

၂၀၁၇ ခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲအခမ်းအနားသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်ခဲ့ပြီး အကယ်ဒမီထူးချွန်ဆု ၁၁ ဆုနှင့် ပထမဆုံးအကြိမ် ပေးအပ်ခဲ့သည့် ရုပ်ရှင်တစ်သက်တာထူးချွန်ဆုတို့ကို ပေးအပ်ခဲ့ကြောင်းသိရသည်။ ၂၀၁၇ ခုနှစ်အတွက်ပေး အပ်ခဲ့သည့် မြန်မာ့ရုပ်ရှင်ထူးချွန်ဆုပေးပွဲအခမ်းအနားကို မတ်လ ၂၃ ရက်နေ့ ညနေပိုင်း တွင်ရန်ကုန်မြို့မင်းဓမ္မလမ်းရှိ Myanmar Event Park ၌ ပြုလုပ်ခဲ့ခြင်းဖြစ်ပြီး ရုပ်ရှင် အနုပညာရှင် အတတ်ပညာရှင်များ စုံလင်စွာ တက်ရောက်ခဲ့ခြင်းဖြစ်ကြောင်း သိရသည်။ ၂၀၁၇ ခုနှစ်အတွက်ပေးအပ်ခဲ့သည့် အကယ်ဒမီထူးချွန်ဆုပေးပွဲတွင် တစ်နှစ်တာအတွင်း ရုံတင်ပြသခဲ့သည့် ဇာတ်ကား ၅၃ ကားထဲမှ ဆန်ခါတင်ဇာတ်ကားအဆင့်ဆင့်အား စိစစ်ရွေးချယ်ပြီးနောက် ဆုများအား ရွေးချယ်ပေးအပ်ခဲ့ခြင်းဖြစ်သည်။ အကယ်ဒမီ ထူးချွန်ဆုပေးပွဲအခမ်းအနားတွင် နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က အမှာစကားပြောကြားပြီးနောက် ပြန်ကြားရေးဝန်ကြီးဌာနပြည်ထောင်စုဝန်ကြီး ဦးဖေမြင့်ကလည်း အမှာစကား ပြောကြားခဲ့သည်။ ထို့နောက်မြန်မာနိုင်ငံ ရုပ်ရှင်အစည်းအရုံးဥက္ကဋ္ဌ ဦးဇင်ဝိုင်းက ရုပ်ရှင်လောကသားများထံ အသိပေးပြော ကြားလိုသည်များအား ပြောကြားခဲ့သည်။

အကယ်ဒမီထူးချွန်ဆုများအား ရွေးချယ်ပေးအပ်ခဲ့ရာတွင် ဆုတစ်ခုချင်းစီအလိုက် ဆန်ခါတင်ဇာတ်ကားများအား ထုတ်နှုတ်ပြသခဲ့ပြီးနောက် ဆုရရှိသူများကို ကြေညာဆုချီးမြှင့်ခဲ့ခြင်းဖြစ်သည်။ ဆုရရှိသူများအနက် ပထမဦးစွာ ရုပ်ရှင်တစ်သက်တာထူးချွန်ဆုကို စည်သူဗိုလ်ကလေးတင့်အောင်အား ပေးအပ်ချီးမြှင့်ကြောင်းကို မှတ်တမ်းရုပ်ရှင်ပြသခြင်း၊ ဘဘဗိုလ်ကလေးတင့်အောင်ဖန်တီးခဲ့သည့် ရုပ်ရှင်လက်ရာများ ပြသခြင်းဖြင့်ကြေညာခဲ့ခြင်းဖြစ်ပြီး နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပေးအပ်ချီးမြှင့်ခဲ့သည်။

ဆက်လက်၍ ရုပ်ရှင်အသံဆုအား အသံဖမ်းပညာရှင်ဦးအေးမြင့်က ကြေညာခဲ့ ရာ၌ ထာဝရအမေ ဇာတ်ကားမှ သိန်းအောင်က ရရှိခဲ့ခြင်းဖြစ်သည်။ ယင်းဇာတ်ကားမှာ သိန်းအောင်အတွက် ပထမဆုံး အကယ်ဒမီ ဆွတ်ခူးရရှိခဲ့ခြင်းဖြစ်သည်။ ဆက်လက်၍ ရုပ်ရှင်တည်းဖြတ်ဆုကို ဇော်မင်း(ဟံသာမြေ) ကကြေညာပေးခဲ့ရာတွင် ထာဝရအမေ ဇာတ်ကားမှအိုဝင်က ရရှိခဲ့ခြင်းဖြစ်ပြီး ၎င်းသည်လည်း ပထမဆုံးအကယ်ဒမီဆုအား ဆွတ်ခူးရရှိခဲ့ခြင်းဖြစ်သည်။

ရုပ်ရှင်ဓာတ်ပုံထူးချွန်ဆုအား ဓာတ်ပုံပညာရှင်ဦးကြည်က ကြေညာခဲ့ရာ၌ သရဲ မ၊ ဘီလူးမနှင့်မိန်းမပျိုဇာတ်ကားမှ ကျောက်ဖြူ(ပဒေသာ)နှင့်ကိုနေ၀င်းတို့က တွဲဖက်အ ကယ်ဒမီအဖြစ်ရရှိခဲ့ခြင်းဖြစ်သည်။ ကျောက်ဖြူမှာ အကယ်ဒမီသုံးဆုရရှိခဲ့ပြီးဖြစ်ကာ ယခုဆုမှာ စတုတ္ထမြောက်အကယ်ဒမီဆုဖြစ်ပြီး ကိုနေ၀င်းမှာပထမဆုံးအကယ်ဒမီအဖြစ် ရရှိခဲ့ခြင်းဖြစ်သည်။ ယင်းဆုများအား ကြေညာအပြီးတွင် ဖျော်ဖြေရေးအစီအစဉ်များအဖြစ် ရုပ်ရှင်ဇာတ်ဝင်တေးသီချင်းများအား တေးသံရှင်များက ဖျော်ဖြေတင်ဆက်ခဲ့သည်။

အကယ်ဒမီထူးချွန်ဆုများအား ဆက်လက်ကြေညာချီးမြှင့်ခဲ့ရာ၌ ရုပ်ရှင်တေးဂီတဆုကို ဒေါက်တာအင်ဒရူးကောင်းက ကြေညာပေးခဲ့ရာ ကွမ်းလုံရက် ၄၀ ဇာတ်ကားဖြင့် စန္ဒရားတင်ဝင်းလှိုင်က ရရှိသွားခဲ့သည်။ အကောင်းဆုံးဇာတ်ညွှန်းဆုအား ထပ်မံကြေညာရာတွင် အကယ်ဒမီဦးကြည်စိုးထွန်း ကကြေညာပေးခဲ့ပြီး ရင်ဘတ်ထဲကဓားဇာတ်ကားဖြင့် ဒါရိုက်တာအကယ်ဒမီဝိုင်းက ရရှိသွားခဲ့သည်။ ဒါရိုက်တာဝိုင်းသည် ဒါရိုက်တာအကယ်ဒမီဆုနှစ်ဆု ရရှိခဲ့ပြီးနောက် ပထမဆုံး ဇာတ်ညွှန်းအကယ်ဒမီဆုကိုရရှိခဲ့ခြင်းဖြစ်သည်။ ဆက်လက်၍ ဒါရိုက်တာဆုအား ဒါရိုက်တာဦးဝင်းဖေက ကြေညာခဲ့ရာတွင် ထာဝရအမေ ဇာတ်ကားဖြင့် ဒါရိုက်တာ အကယ်ဒမီစင်ရော်မောင်မောင်က ရရှိခဲ့သည်။ အကယ်ဒမီစင်ရော်မောင်မောင်သည် အကယ်ဒမီထူးချွန်ဆုနှစ်ဆုရရှိထားပြီး ယခုအခါ တတိယမြောက်အကယ်ဒမီဆုကိုရရှိခဲ့ခြင်းဖြစ်သည်။

အကယ်ဒမီထူးချွန်ဆုများအား ဆက်လက်ကြေညာပေးအပ်ခဲ့ရာတွင် အကောင်းဆုံးဇာတ်ကားဆုကို ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့်က ကြေညာပေးခဲ့ပြီး နေခြည်မှာရွှေရည် လောင်းဇာတ်ကား၏ထုတ်လုပ်သူ မင်္ဂလာဇော် ထုတ်လုပ်ရေးက ရရှိခဲ့ခြင်းဖြစ်သည်။ ယင်းဇာတ်ကားမှာ မင်္ဂလာဇော်ထုတ်လုပ်ရေးက ပထမဆုံး အကယ်ဒမီရရှိစေခဲ့သည့် ဇာတ်ကားလည်းဖြစ်သည်။ အကောင်းဆုံး အမျိုးသားဇာတ်ပို့ဆုကို အကယ်ဒမီနေအောင်ကကြေညာခဲ့ရာတွင် အမှောင်မှာရွာ တဲ့မိုးတိမ်(ကျွန်)ဇာတ်ကားဖြင့် သရုပ်ဆောင် မြင့်မြတ်က ဆွတ်ခူးခဲ့ပြီး ပရိသတ် အများအပြား ပျော်ရွှင်စေခဲ့သည်။ အဆိုပါဆုမှာ သရုပ်ဆောင်မြင့်မြတ်အတွက် ပထမဆုံး အကယ်ဒမီဆုဖြစ်သည်။

ထို့နောက် အမျိုးသမီးဇာတ်ပို့ဆုကို အကယ်ဒမီဒေါ်မြင့်မြင့်ခင်ကကြေညာခဲ့ရာတွင် သရဲမဘီလူးမနှင့် မိန်းမပျို ဇာတ်ကားဖြင့် သရုပ်ဆောင်ပိုင်ဖြိုးသုကရရှိခဲ့သည်။ သရုပ်ဆောင်ပိုင်ဖြိုးသုမှာလည်း ပထမဆုံး အကယ်ဒမီဆုအဖြစ် ဆွတ်ခူးသွားခဲ့ခြင်းဖြစ်သည်။ ဆက်လက်၍ အကောင်းဆုံး အမျိုးသားဇာတ်ဆောင်ဆုအား မင်းသားဦးကြည်စိုးက ဖွင့်ဖောက်ကြေညာခဲ့ရာတွင် သရုပ်ဆောင်နေတိုးက စရိုက်အမျိုးမျိုးဖြင့်ပီပြင်စွာ ပုံဖော်ခဲ့သည့် တာတေကြီးဇာတ်ကားတွင် တတိယမြောက် အကယ်ဒမီဆုကို ဆွတ်ခူးရရှိခဲ့သည်။

နောက်ဆုံးပိတ်ဆုအဖြစ် အကောင်းဆုံး အမျိုးသမီးဇာတ်ဆောင်ဆုအား အကယ်ဒမီဒေါ်ဝါ၀ါဝင်းရွှေက ကြေညာပေးခဲ့ရာတွင် ရင်ဘတ်ထဲကဓား ဇာတ်ကားတွင် ခင်ပွန်းဖြစ်သူအား နာကြည်းကာ အိမ်ထောင်ရေးအဆင်မပြေမှု၊ ဘ၀၏လောကဓံအား ခါးစည်းခံရသူအဖြစ် ပီပြင်စွာပုံဖော်ခဲ့သူ အကယ်ဒမီအိန္ဒြာကျော်ဇင်က ဒုတိယမြောက်အကယ်ဒမီအဖြစ် ဆွတ်ခူးရရှိခဲ့သည်။ ယခုနှစ်တွင် အကယ်ဒမီထူးချွန်ဆုများအား မူလသတ်မှတ်ထားသည့်ဆုအမျိုးအစား ၁၁ ခုလုံး ပေးအပ်ချီးမြှင့်ခဲ့ခြင်းဖြစ်ပြီး ပထမဆုံးအကြိမ် ရုပ်ရှင်တစ်သက်တာဆုကိုလည်း ထည့်သွင်းပေးအပ်ခဲ့သည်။ ကြိုတင်ရေပန်းစားခဲ့သည့် ရုပ်ရှင်အထူးဆုကိုမူ ထည့်သွင်းပေးအပ်ခဲ့ခြင်း မရှိကြောင်းသိရသည်။ အကယ်ဒမီထူးချွန်ဆုများတွင် ပရိသတ်မျှော်လင့်ရင်ခုန်ပေးကြသည့် အနုပညာရှင်အများစု ဆွတ်ခူးနိုင်ခဲ့ကြသည်ကိုတွေ့မြင်ရပြီး ပရိသတ်အများစုလည်း ပျော်ရွှင်ကျေနပ်ခဲ့ကြသည်။

ဓာတ်ပုံ-နေ၀န်းထက်၊ ကြည်နိုင်၊ ကျော်ဇင်ဖြိုး၊မျိုးထက်ပိုင်

၂၀၁၇ ခုနှစ်အတွက်ပေးအပ်မည့် အကယ်ဒမီထူးချွန်ဆုပေးပွဲ မတ် ၂၃ ရက် ညနေ ၃ နာရီတွင် စတင်မည်

၂၀၁၇ ခုနှစ်အတွက်ပေးအပ်မည့် မြန်မာ့ရုပ်ရှင် ထူးချွန်ဆုပေးပွဲကို မတ် ၂၃ ရက် ညနေ ၃နာရီတွင် ရန်ကုန်မြို့ Myanmar Event  Park ၌ ပြုလုပ်မည်ဖြစ်ကြောင်း သိရသည်။ အဆိုပါ မြန်မာ့ရုပ်ရှင်ထူးချွန်ဆုပေးပွဲ အခမ်းအနားတွင် ရုပ်ရှင်အနုပညာရှင် အတတ်ပညာရှင်များ အပါအ၀င် လူသုံးထောင်ခန့်အား ပွဲတက်ရောက်နိုင်ရန် စီစဉ်ထားကြောင်းလည်း သိရသည်။ ယခုနှစ်တွင် အကယ်ဒမီထူးချွန်ဆု ပေးအပ်ပွဲကျင်းပမည့် Myamar Event Park ၀င်ပေါက်၌ ခေတ်အဆက်ဆက် မြန်မာ့ဂန္ထ၀င်ရုပ်ရှင်ဇာတ်ကားများ၏ ပန်းချီကားများအား ချိတ်ဆွဲ ပြသထားရန်လည်း စီစဉ်ထားကြောင်း သိရသည်။

“အခုနှစ်မှာကျင်းပမယ့် အကယ်ဒမီ ထူးချွန်ဆုပေးပွဲမှာ လူသုံးထောင်ကို ဖိတ်ကြားနိုင်ဖို့ စီစဉ်ထားပါတယ်။ အဓိကတော့ ရုပ်ရှင်အနုပညာရှင် အတတ်ပညာရှင်တွေ စုံလင်စွာ ဖိတ်ကြားစေနိုင်ဖို့အတွက်ပါ။ နိုင်ငံတော်က တာဝန်ရှိသူတချို့လည်း တက် ရောက်ကြမှာဖြစ်ပါတယ်။ ဒီနှစ်မှာတော့ လုံခြုံရေးပိုင်းကိုလည်း စနစ်တကျပြင်ဆင်သွားရမှာပါ။ အခမ်းအနား ကျင်းပရာမှာတော့ တစ်နှစ်တစ်ကြိမ် ကျင်းပတဲ့ ရုပ်ရှင်ထူးချွန်ဆုပေးပွဲ ဖြစ်တာကြောင့် ကြီးကျယ်ခမ်းနားစွာ တင်ဆက်နိုင်အောင် အားလုံးဝိုင်းဝန်းပြင် ဆင်နေပါတယ်။ ဆုရွေးချယ်ရေးကော်မတီများကလည်း ဆုရသင့်ရထိုက်သူတွေရရှိစေဖို့အတွက် အကောင်းဆုံးရွေးချယ်စိစစ်အကဲ ဖြတ်မှုတွေပြုလုပ်နေပါတယ်။ ဖျော်ဖြေရေးပိုင်းတွေမှာလည်း ပွဲကျင်းပမယ့်အချိန်အတွင်းမှာ လိုက်ဖက်သင့်လျော်တဲ့ ဖျော်ဖြေ ရေးအစီအစဉ်တွေကို ထည့်သွင်းတင်ဆက်သွားမှာပါ။ အခမ်းအနားကိုတော့ ညနေ ၃ နာရီမှာစတင်မှာဖြစ်ပြီး MRTV 4 နဲ့ Channel 7 ရုပ်သံလိုင်းတွေကနေ တိုက်ရိုက် ထုတ်လွှင့်သွားမှာပါ” ဟု မြန်မာနိုင်ငံရုပ်ရှင်အစည်းအရုံးဥက္ကဋ္ဌ ဦးဇင်ဝိုင်းက ပြောကြားသည်။

၂၀၁၇ ခုနှစ်အတွက် ပေးအပ်မည့် မြန်မာ့ရုပ်ရှင်ထူးချွန်ဆုပေးပွဲတွင် တစ်နှစ်တာအတွင်း ရုံတင်ပြသခဲ့သည့် ရုပ်ရှင်ဇာတ်ကား ၅၃ ကားအတွင်းမှ အကောင်းဆုံးဆုများအား ရွေးချယ်ပေးအပ်မည်ဖြစ်ကာ ယခုနှစ်တွင် ယခင်သတ်မှတ်ထားသည့်ဆုအမျိုးအစား ၁၁ ခုစလုံးအား ရွေးချယ်ပေးအပ်ရန်စီစဉ်ထားသည်ဟု သိရသည်။

ထို့ပြင် ယခုနှစ် အကယ်ဒမီ ထူးချွန်ဆုပေးပွဲ၌ အထူးဆုနှင့် တစ်သက်တာထူးချွန်ဆုများကိုပါ ထည့်သွင်းပေးအပ်သွားရန် စီစဉ်ထားခြင်းဖြစ်ကြောင်း သိရသည်။ အကယ်ဒမီ ထူးချွန်ဆုပေးပွဲတွင် ဖျော်ဖြေရေးအစီအစဉ်များကိုပါ ထည့်သွင်းကျင်းပသွားရန် စီစဉ်ထားခြင်းဖြစ်ကြောင်း သိရသည်။

၂၀၁၇ ခုနှစ်အတွက် မြန်မာ့ရုပ်ရှင် ထူးချွန်ဆုပေးပွဲကို မတ်လဒုတိယပတ်ခန့်၌ ကျင်းပရန်လျာထားပြီး သတ်မှတ်ထားသည့် ဆုအရေအတွက် ၁၁ ဆုလုံး ချီးမြှင့်မည်

၂၀၁၆ ခုနှစ်အတွက် ပေးအပ်ခဲ့သည့် မြန်မာ့ရုပ်ရှင် ထူးချွန်ဆုပေးပွဲအား တွေ့ရစဉ်

၂၀၁၇ ခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲကို မတ်လဒုတိယပတ်၌ ကျင်းပရန် လျာထားပြီး သတ်မှတ်ထားသည့်ဆု အရေအတွက် ၁၁ ဆုလုံး ပေးအပ်မည်ဖြစ်ကြောင်း သိရသည်။ အကယ်ဒမီ ထူးချွန်ဆုပေးအပ်ချီးမြှင့်နိုင်ရန် အကယ်ဒမီထူးချွန်ဆု စိစစ်အကဲဖြတ်အဖွဲ့အား ဒီဇင်ဘာအတွင်း ဖွဲ့စည်းရန် စီစဉ်ထားကြောင်း သိရသည်။ အကယ်ဒမီ စိစစ်အကဲဖြတ်အဖွဲ့ဝင်များအနေဖြင့် ယခင် သတ်မှတ်ထားပြီးဖြစ်သည့် စိစစ် အကဲဖြတ်စည်းမျဉ်းများဖြင့်သာ အကယ်ဒမီဆုများအား စိစစ်ရွေးချယ်မည်ဖြစ်သော် လည်း သတ်မှတ်ထားသည့် ဆုအရေအတွက်  ၁၁ ဆုလုံးအား ရွေးချယ်ပေးရန် မြန်မာနိုင်ငံ ရုပ်ရှင်အစည်းအရုံးအနေဖြင့် အတိအလင်း သတ်မှတ်သွားမည်ဖြစ်ကြောင်း သိရသည်။

“အကယ်ဒမီထူးချွန်ဆုတွေကို စိစစ် အကဲဖြတ်ဖို့အတွက် ဒီဇင်ဘာလအတွင်းမှာပဲ စိစစ်အကဲဖြတ်အဖွဲ့ကို ဖွဲ့စည်းသွားပါမယ်။ အဖွဲ့ဝင်တွေအနေနဲ့ ယခင်သတ်မှတ်ထားပြီးသား စည်းမျဉ်းစည်းကမ်းများနဲ့သာ အကယ်ဒမီဆုတွေကို စိစစ်ရွေးချယ်မှာဖြစ်ပေမဲ့ သတ်မှတ်ထားတဲ့ဆုအမျိုးအစား ၁၁ ခုလုံးကို စိစစ်ရွေးချယ်ပေးဖို့ အတိအလင်းပြောကြားသွားမှာပါ။ အကယ်ဒမီဆိုတာ တစ်နှစ်တာလုံးအတွက် အကောင်းဆုံးဆုတွေကို ရွေးချယ်ပေးအပ်တာဖြစ်လို့ ရုံတင်ပြသခဲ့တဲ့ ဇာတ်ကားတွေထဲက သတ်မှတ်ဆုအမျိုးအ စားအလိုက် အကောင်းဆုံးသူတွေကို ရွေးချယ်ပေးအပ်မှာဖြစ်ပါတယ်။ ယခင်နှစ်များကလို ဘယ်ဆုကတော့ ချန်ခဲ့တယ်၊ ဘယ်ဆုကတော့ ကျန်ခဲ့တယ်ဆိုတာမျိုး မရှိဘဲ ဆုအမျိုးအစားအားလုံးကို ရွေးချယ်ပေးအပ်မှာ ဖြစ်ပါတယ်။ အကယ်ဒမီပွဲကိုတော့ မတ်လ ဒုတိယပတ်မှာ ကျင်းပဖို့ ရည်ရွယ်ထားပါတယ်”ဟု မြန်မာနိုင်ငံရုပ်ရှင်အစည်းအရုံး ဥက္ကဋ္ဌ ဦးဇင်ဝိုင်းက ဆိုသည်။

အကယ်ဒမီထူးချွန်ဆုစိစစ်အကဲဖြတ် ခြင်းနှင့်ပတ်သက်၍ ဒါရိုက်တာမောင်မျိုးမင်း (ရင်တွင်းဖြစ်) ကလည်း “အကယ်ဒမီနဲ့ပတ်သက်လို့ကတော့ စိစစ်အကဲဖြတ်အဖွဲ့က တော်တော်အရေးကြီးပါတယ်။ ၀ါရင့်အနုပညာရှင်တွေနဲ့ ဖွဲ့စည်းတယ်ဆိုပေမဲ့ လက်ရှိ အနုပညာဖန်တီးမှုပုံစံတွေကို မသိတာမျိုး၊ အံဝင်ခွင်ကျ မဖြစ်တော့တာမျိုးလည်း ရှိနိုင်တယ်။ ဦးမျိုးတို့လည်း တစ်နေ့ အသက်ကြီးရင် ဒါမျိုးဖြစ်မှာပါပဲ။ ဒါတွေက ထည့်စဉ်းစားရမယ့်အချက်ပါ။ တစ်နှစ်တာလုံးရဲ့အကောင်းဆုံးဆုကို ပေးတာဖြစ်တဲ့အတွက် ဆု အမျိုးအစားအားလုံးကိုလည်း မဖြစ်မနေပေးသင့်တယ်။ ဒါတွေက ပြုပြင်သွားရမယ့် အချက်တွေပါ”ဟု သုံးသပ်ခဲ့သည်။

မြန်မာ့ရုပ်ရှင်ထူးချွန်ဆု အကယ်ဒမီအတွက် စိစစ်အကဲဖြတ်အဖွဲ့ ဖွဲ့စည်းနိုင်ရန် ရုပ်ရှင်အနုပညာရှင် အတတ်ပညာရှင်များအား ရွေးချယ်လျက်ရှိပြီး ယခုနှစ်တွင် ရုံတင် ပြသခဲ့သည့် ဇာတ်ကားအရေအတွက်မှာ ယခင်နှစ်များကထက် နှစ်ဆနီးပါး ပိုမိုများ  ပြားလာသဖြင့် အချိန်ယူစိစစ်ရွေးချယ်ရမည် ဖြစ်ကြောင်း သိရသည်။ အကယ်ဒမီထူးချွန်ဆုများအား ၂၀၁၃ ခုနှစ်မှစတင်ကာ မြန်မာ နိုင်ငံရုပ်ရှင်အစည်းအရုံးက တာဝန်ယူပေးအပ်ခဲ့ရာ၌ နှစ်စဉ်တိုင်းတွင် ဆုများရွေးချယ် ပေးအပ်မှုအပေါ် ဝေဖန်မှုအချို့ ထွက်ပေါ် ခဲ့ပြီး ယခုနှစ်တွင်မူ ရုပ်ရှင်အစည်းအရုံးအမှု ဆောင်သစ်အဖွဲ့၏ ပထမဆုံးအကယ်ဒမီ ပေးပွဲအဖြစ် ကျင်းပနိုင်ရန် စတင်ပြင်ဆင်နေခြင်းဖြစ်သည်။