ဟုမ္မလင်းမြို့နယ်ရှိ မင်းယားကုန်းကျေးရွာ မူလတန်းကျောင်း ဟောင်းနွမ်းပျက်စီးနေသော်လည်း ဆက်လက် အသုံးပြုနေရပြီး ကျောင်းသားကျောင်းသူများ ထိခိုက်ဒဏ်ရာရမည်ကို စိုးရိမ်နေရ

မင်းယားကုန်းကျေးရွာ အခြေခံပညာ မူလတန်းကျောင်းအား တွေ့ရစဉ်

ဟုမ္မလင်းမြို့နယ် ပုရစ်ဖာနိုင်းအုပ်စုရှိ မင်းယားကုန်းကျေးရွာ မူလတန်းကျောင်း ဟောင်းနွမ်းပျက်စီးနေသော်လည်း ဆက်လက် အသုံးပြုနေရပြီး ကျောင်းသားကျောင်းသူများ ထိခိုက်ဒဏ်ရာရမည်ကို စိုးရိမ်နေရကြောင်း သိရသည်။

မင်းယားကုန်းကျေးရွာ အခြေခံပညာ မူလတန်းကျောင်းတွင် ကျောင်းသားဦးရေ ၆၀ ကျော်ခန့် တက်ရောက်နေပြီး ကျောင်းဆောင် တစ်ဆောင်တည်းရှိကာ အမိုးအကာအရံများ ပျက်စီးနေကြောင်း မင်းယားကုန်းကျေးရွာ အခြေခံပညာ မူလတန်းကျောင်းမှ ကျောင်းအကျိုးတော်ဆောင် ကော်မတီဝင်တစ်ဦး၏ ပြောကြားချက်အရ သိရသည်။

“KG အတွက် အဆောင်အသေးလေး တစ်ဆောင်တော့ ရှိတယ်။ ကျန်တဲ့ အတန်းတွေကတော့ အခုအဆောင်မှာပဲ အကုန်ပေါင်းပြီး သင်နေရတာပေါ့။ ဒီကျောင်းဆောင်က နဂိုက ဇရပ်။ ဇရပ်ကိုမှ ဘုန်းကြီးကနေ ဦးစီးပြီးတော့ အငှားနဲ့ စာသင်တယ်ပေါ့နော်။ ပြီးတော့ တွဲဘက်ကျောင်းကနေ မူလတန်းကျောင်း ဖြစ်လာတာပေါ့။ တဖြည်းဖြည်းနဲ့ ကျောင်းသားဦးရေ များလာတော့ ကျောင်းဆောင်ကို နှစ်ခါပြန်ပြင်ပြီး ချဲ့ထားတာပေါ့။ သွပ်တွေကလည်း အပေါက်တွေနဲ့ ဆိုတော့ အခုလို မိုးရာသီဆိုရင် အဆင်မပြေဘူး။ မိုးယိုတာပေါ့။ ကျောင်းဆောင်က ကျဉ်း၊ ကျောင်းသားက များပြီး မိုးရွာရင် ပြောင်းရွှေ့ပြီး စာသင်ရတော့ ဆရာတွေရော ကလေးတွေရော ခက်ခဲတယ်။ မိုးမိတယ်။ လေပါရင် မိုးပက်တာလည်း ရှိတယ်။ ကျောင်းဆောင်က လူတစ်ရပ်ကျော်မြင့်ပြီး ဘေးတွေမှာလည်း အကာတွေ မရှိတော့ ကလေးတွေအတွက် ပြုတ်ကျမှာတို့ စိုးရိမ်ရ အန္တရာယ်များတာပေါ့။ အရင်နှစ်ကဆိုရင် ကလေးတစ်ယောက် လှေခါးကနေ ဆင်းနေတုန်း လှေခါးကျိုးကျပြီး ပြုတ်ကျဖူးတယ်။ အခုလည်း တချို့ကြမ်းခင်းနေရာတွေက ဆွေးနေတော့ ကိုယ့်ဘာသာကိုယ်ရော ရွာထဲက တတ်နိုင်တဲ့လူဆီက ပျဉ်လေးအလှူခံ ရွာက လက်သမားခေါ်ပြီး ဖာထေးထားရတယ်” ဟု မင်းယားကုန်းကျေးရွာ မူလတန်းကျောင်း အကျိုးတော်ဆောင် ကော်မတီဝင်တစ်ဦးမှ ပြောကြားသည်။

မင်းယားကုန်းကျေးရွာ အခြေခံပညာ မူလတန်းကျောင်းအား တွေ့ရစဉ်

မင်းယားကုန်းကျေးရွာ အခြေခံပညာ မူလတန်းကျောင်းတွင် ကျောင်းတွင်း ပရိဘောဂများလည်း လုံလောက်မှု မရှိသည့်အပြင် ရွာသားများမှလည်း ထောက်ပံ့နိုင်ခြင်း မရှိကြောင်း သိရသည်။

“ကျောင်းသား စာသင်ခုံနဲ့ ဆရာစားပွဲတွေလည်း အပြည့်အစုံမရှိဘူး။ စာသင်ခုံတွေဆိုရင် အဟောင်းတွေကိုပဲ ပြင်ပြီး သုံးနေရတာ ရွာက အိမ်ခြေ ၅၀ ကျော်ရုံလောက်ပဲရှိပြီး ရွာသားတွေကလည်း တစ်နေ့လုပ် တစ်နေ့စားပဲ များတယ်။ ဒါကြောင့်ကျောင်းကို ပြင်ဆောက်ဖို့ရော အသစ်ဆောက်ဖို့ရော မတတ်နိုင်ကြဘူး။ ကျောင်းဆောင်သစ် ဆောက်လုပ်ပေးဖို့ မနှစ်ကတည်းက တင်ထားပါတယ်၊ ဒီလ ၇ လပိုင်းမှာ ကျမယ်လို့ ကြားပေမယ့် မကျလာဘူး၊ ၃ လပိုင်းလောက်မှ ကျမယ်လို့ ပြန်ကြားတယ်” ဟု ကျောင်းအကျိုးတော်ဆောင် ကော်မတီဝင်မှ ဆက်လက် ပြောကြားသည်။

မင်းယားကုန်းကျေးရွာ အခြေခံပညာ မူလတန်းကျောင်းအား တွေ့ရစဉ်

ဟုမ္မလင်းမြို့နယ်အတွင်း အခြေခံပညာ မူလတန်းကျောင်းပေါင်း ၃၀၀ ကျော်ခန့်ရှိပြီး ပြုပြင်ဆောက်လုပ်ပေးရန် လိုအပ်နေသည့်ကျောင်းများ များစွာရှိနေကြောင်း ဟုမ္မလင်းမြို့နယ် ပြည်သူ့လွှတ်တော် ကိုယ်စားလှယ် ဦးမျိုးညွန့်၏ ပြောကြားချက်အရ သိရသည်။

မင်းယားကုန်းကျေးရွာ အခြေခံပညာ မူလတန်းကျောင်းအား တွေ့ရစဉ်

“ဟုမ္မလင်းမြို့နယ်အတွင်းမှာ ကျောင်းပေါင်း ၃၀၀ ကျော်ရှိတယ်။ ပြုပြင်ဆောက်လုပ်ပေးဖို့ လိုနေတဲ့ကျောင်းတွေ အများကြီး။ ဒီလိုကျောင်းတွေကို ပြုပြင်ပေးဖို့ အသစ်ဆောက်လုပ်ပေးဖို့ နှစ်တိုင်းတော့ ၂၀ ကျော်လောက် လျှောက်ပေးနေတာ။ မနှစ်ကတော့ အများဆုံးပဲ။ မနှစ်ကဆိုရင် ဟုမ္မလင်းမြို့နယ်အတွင်း ကျောင်းပေါင်း ၂၀ ကျော် ၃၀ လောက် ပါတယ်။ ကျောင်းက များတော့ အစိုးရဘက်ကလည်း တခါတည်းနဲ့ အပြီးတော့ မချပေးနိုင်ဘူးပေါ့။ တစ်နှစ်ချင်း တစ်နှစ်ချင်း ချပေးနေတယ်။ ကျန်တဲ့ကျောင်းတွေလည်း ဆက်လျှောက်ပေးထားတယ် ကျလာမှာပါ” ဟု ဦးမျိုးညွန့်မှ ပြောကြားသည်။

ဟုမ္မလင်းမြို့နယ်ရှိ တရားမ၀င်ရွှေမျောအချို့ကို စစ်ကိုင်းတိုင်းဒေသကြီး ၀န်ကြီးချုပ်၏သား ဆိုသူနှင့် သက်ဆိုင်ရာက သွားရောက်ဖမ်းဆီးပြီး ငွေကြေးတောင်းခံသည် ဆိုခြင်းမှာ မဟုတ်မှန်ကြောင်း ဟုမ္မလင်းမြို့နယ် အမှတ်(၂) သတ္တုတူးဖော်ရေးရုံးမှ တာဝန်ရှိသူ ပြောကြား

ဟုမ္မလင်းမြို့နယ်ရှိ တရားမ၀င်ရွှေမျော အချို့ကို စစ်ကိုင်းတိုင်းဒေသကြီး ၀န်ကြီးချုပ်၏သား ဆိုသူနှင့် သက်ဆိုင်ရာမှ သွားရောက်ဖမ်းဆီးပြီး ငွေကြေးတောင်းခံခဲ့သည် ဆိုခြင်းမှာ မဟုတ်ကြောင်း ဟုမ္မလင်းမြို့နယ် အမှတ် (၂) သတ္တုတူးဖော်ရေးရုံးမှ တာဝန်ရှိသူတစ်ဦး ပြောကြားချက်အရ သိရသည်။

စစ်ကိုင်းတိုင်းဒေသကြီး ဟုမ္မလင်းမြို့နယ် လောင်ဖောင်ကျေးရွာအုပ်စု လွင်ကြီးကျေးရွာအနီး ခဲနန်းရွှေမှော်ရှိ တရားမ၀င် ရွှေတူးဖော်နေသူများကို စစ်ကိုင်းတိုင်းဒေသကြီး ၀န်ကြီးချုပ်၏သား ဆိုသူနှင့် ဟုမ္မလင်းမြို့နယ်မှ တာဝန်ရှိသူအချို့ ဇွန် ၂၅ ရက်က သွားရောက်ဖမ်းဆီးကာ ငွေကြေးတောင်းခံခဲ့သည် ဟု Facebook လူမှုကွန်ရက် စာမျက်နှာတွင် ပျံ့နှံ့ခဲ့သည်။

ထိုကိစ္စနှင့် ပတ်သက်ပြီး သွားရောက်ဖမ်းဆီးခဲ့သည့် အဖွဲ့ကို ဦးဆောင်ခဲ့သူ ဟုမ္မလင်းမြို့နယ် အမှတ် (၂)  သတ္တုတူးဖော်ရေးရုံးမှ တာဝန်ရှိသူတစ်ဦးကို သွားရောက်မေးမြန်းခဲ့ရာ တရားမ၀င် ရွှေတူးဖော်နေမှု ပြုလုပ်နေကြောင်း တိုင်တန်းချက်အရ တိုင်းဒေသကြီးအစိုးရ၏ ညွှန်ကြားချက်ဖြင့် သွားရောက် ဖမ်းဆီးခဲ့ခြင်း ဖြစ်ကြောင်း ပြောကြားခဲ့သည်။

“အခုသွားဖမ်းတဲ့နေရာက စံကုဋေသိန်းကုမ္ပဏီရဲ့ လျှောက်ထားဆဲလုပ်ကွက် လေးဧက (လုပ်ကွက်နှစ်ကွက်)။ အဲဒီနေရာမှာ တရားမ၀င် ရွှေတူးဖော်တာတွေ လုပ်ကိုင်နေတဲ့အတွက် အဲဒါကို လိုအပ်သလို အရေးယူ ဆောင်ရွက်ပေးနိုင်ပါရန်ဆိုပြီး တိုင်းဒေသကြီး အစိုးရအဖွဲ့ကို ကုမ္ပဏီက စာတင်လိုက်တယ်။ တိုင်းဒေသကြီး အစိုးရအဖွဲ့ကနေမှ ခရိုင်စီမံခန့်ခွဲမှု ကော်မတီနဲ့ မြို့နယ်စီမံခန့်ခွဲမှု ကော်မတီကို လိပ်မူပြီးတော့ စိစစ်တင်ပြပါဆိုပြီးတော့ ပြန်ချပေးလိုက်တယ်။ ပြန်ချပေးလိုက်တော့ မြို့နယ်စီမံခန့်ခွဲမှု ကော်မတီက ကျွန်တော် ခေါင်းဆောင်တဲ့အဖွဲ့ကို သူက ဖွဲ့ပေးလိုက်တယ်။ တာဝန်ပေးလိုက်တယ်။ အဲဒီကုမ္ပဏီက အဖွဲ့နဲ့ ကျွန်တော်တို့ တွေ့တဲ့အချိန်မှာ ဘယ်လို ဖြစ်တာလဲ မေးတော့ သူတို့လျှောက်ထားတဲ့နေရာမှာ တရားမ၀င်တွေ တူးနေတယ်ပေါ့ အဲဒီတူးနေတာကို တားပေးဖို့ပေါ့။ ဆိုတော့ ကျွန်တော်က ခင်ဗျားတို့ ဘယ်လိုဖြစ်စေချင်လဲ။ ဖမ်းဆီးစေချင်တာလား ဒါမှမဟုတ်ရင်လည်း မလုပ်ရင်ပြီးရောလား ဆိုတော့ သူတို့က မဖမ်းဆီးစေချင်ဘူး မလုပ်ရင်ပြီးတာပဲ အဲဒီနေရာမှာ သူတို့တရားဝင် ကျလာခဲ့ရင် လုပ်စရာ မကျန်မှာစိုးလို့။ အဲဒီနေရာမှာ တရားမ၀င် လုပ်နေတဲ့ လူတွေကို ဖမ်းဆီးအရေးယူတာမျိုး မလုပ်စေချင်ဘူး နောက်ကို အဲဒီနေရာမှာ မလုပ်ရင် ပြီးတာပဲဆိုပြီး ပြောတယ်။ အဲဒါနဲ့ ကျွန်တော်တို့က လောင်ဖောင်ကျေးရွာအုပ်စု အုပ်ချုပ်ရေးမှူးကတစ်ဆင့် အဲဒီနေရာမှာ မလုပ်ဖို့ တိုင်းဒေသကြီး အစိုးရအဖွဲ့မှာ တိုင်စာတက်ထားတယ်။ အဲဒါကိုစစ်ဖို့ ကျွန်တော်တို့အဖွဲ့ကို တာဝန်ပေးထားတယ်။ အဲဒါကို ကျွန်တော်တို့က လာစစ်တဲ့အခါမှာ တွေ့ရင် အရေးယူရမှာ။ ဒါကြောင့်အဲဒီနေရာမှာ မလုပ်ဖို့ အုပ်ချုပ်ရေးမှူးကို ပြောထားတယ်။ ပြောထားပြီးတော့ အုပ်ချုပ်ရေးမှူးလည်း တားတော့တားတာပေါ့။ ဒါပေမဲ့ မရဘူး။ သူတို့က လျော့မသွားတဲ့အပြင် ထပ်တောင်တိုးလာတယ်။ ဆိုတော့ တားလို့မရဘူးပေါ့။ ကျွန်တော်တို့ အဲဒီနေရာမှာ မြေပြင်သတင်းရယူတဲ့ အခါမှာ ဖောင် (ရွှေတူးဖော်သည့်စက်ပစ္စည်း) ၃၀ လောက်ရှိတယ်။ တစ်ဖောင်မှာ လုပ်ကိုင်တဲ့လူ ငါးယောက်လောက် ရှိတယ်ပေါ့နော်။ လူ ပေါင်းက ၁၅၀ လောက်ရှိတယ်ပေါ့။ အဲဒီအခါ ဒီလုပ်ငန်းခွင်မှာ အသုံးပြုတဲ့ တုတ်၊ ဓား၊ ခွတွေ စသဖြင့်ရှိနိုင်တယ်။ ဒါကြောင့် လုံခြုံရေး အင်အား လိုအပ်ပါတယ်။ ဒါကြောင့် လုံခြုံ ရေးအင်အားရရှိရေး၊ ဖမ်းဆီးပစ္စည်းများဖြုတ် သိမ်းရေးနဲ့ တခြားပြုလုပ်ဖို့ လုပ်သားအင်အား လုံလောက်စွာရရှိရေး၊ စက်နှင့်စက်ပစ္စည်းများ အတင်အချပြုလုပ်ရန်နှင့် သယ်ယူပို့ဆောင်ရန် ကရိန်းကားများနှင့် ကုန်သယ်ယာဉ်များ ရရှိရေး ကြိုတင်စီမံဆောင်ရွက်၍ မြို့နယ်ကြီး ကြပ်ရေးအဖွဲ့ဖြင့် ဖမ်းဆီးအရေးယူ ဆောင်ရွက်သင့်ပါသည်ဆိုပြီး စီခန့်ကို စာပြန်တင်ပြီး ၂၅ ရက်မှာ သွားဖမ်းကြတယ်” ဟု ဟုမ္မလင်းမြို့နယ် အမှတ် (၂) သတ္တုတူးဖော်ရေးရုံးမှ တာဝန်ရှိသူတစ်ဦးက ပြောကြားသည်။

ထိုသို့သွားရောက် ဖမ်းဆီးရာတွင် တရားမ၀င် ရွှေတူးဖော်နေသူများ မရှိတော့သဖြင့် ဖမ်းဆီးမိခြင်း မရှိခဲ့ကြောင်းနှင့် ကုမ္ပဏီမှလူသည် စစ်ကိုင်းတိုင်းဝန်ကြီးချုပ်၏ သားဖြစ်သည်ကို မသိရှိခဲ့ကြောင်း ဆက်လက်ပြောကြားသည်။

“ကျွန်တော်တို့ ရောက်သွားတဲ့အချိန်မှာ ဖောင် (ရွှေတူးဖော်သည့်စက်ပစ္စည်း) တွေလည်း မရှိတော့ဘူး။ လူတွေရော စက်ပစ္စည်းတွေရော မရှိတော့ဘူး။ ဆိုတော့ ကျွန်တော်တို့ ဖမ်းဆီးလို့မရခဲ့ဘူး။ နောက်ပြီး ကျွန်တော်တို့နဲ့ အတူသွားတဲ့ လူကလည်း လူတွေပြောနေကြသလို ၀န်ကြီးချုပ်သား ဆိုပြီးတော့ တစ်ခွန်းမှ မပြောဘူး။ ၀န်ကြီးချုပ်သား ဆိုပြီးတော့ ခေါ်သွားတာလည်း မဟုတ်ဘူး။ အဲဒါတွေက သူတို့အထင်နဲ့ လျှောက်ရေးတာတွေ။ သူကဒီနေရာမှာ လုပ်နေတာကြာပြီ။ ဒါပေမဲ့ သူက၀န်ကြီးချုပ်ရဲ့သား ဆိုတာကို ကျွန်တော်တို့ မသိဘူး။ သူကိုယ်တိုင်ကလည်း မပြောဘူး။ နောက် အခုသွားလုပ်တဲ့ ကိစ္စကလည်း ၀န်ကြီးချုပ်သား အကွက်မို့လို့ သူခေါ်လို့လုပ်တာ မဟုတ်ဘူး။ ခုနကပြောသလို တာဝန်ပေးချက်အရ သွားရတာ” ဟု ဟုမ္မလင်းမြို့နယ် အမှတ် (၂) သတ္တုတူးဖော်ရေးရုံးမှ တာဝန်ရှိသူတစ်ဦးက ပြောကြားသည်။

ထိုကိစ္စနှင့် ပတ်သက်၍ ခဲနန်းရွှေမှော်တွင် ရွှေတူးဖော်နေသူ ဒေသခံတစ်ဦးက “အဲဒီနေရာက စံကုဋေသိန်း ကုမ္ပဏီရဲ့ လျှောက်ထားဆဲ အကွက်ပါ။ တရားဝင်လုပ်ခွင့်တော့ မကျသေးဘူး။ ၂၅ ရက်နေ့ကတော့ ၀န်ကြီးချုပ်သားနဲ့ သက်ဆိုင်ရာတွေလာပြီး အဲ့ဒီနေရာအနီးမှာ တရားမ၀င် ရွှေတူးနေတဲ့ လူတွေကို လာဖမ်းသွားတယ်လို့ ကြားလိုက်တယ်” ဟု ပြောကြားသည်။

 

ဟုမ္မလင်းမြို့နယ်ရှိ တရားမ၀င် ရွှေတူးဖော်နေမှုများ ပပျောက်စေရန် ယခင်နည်းလမ်းနှင့် မတူသော အစီအစဉ်သစ်များ ရေးဆွဲလုပ်ဆောင်သွားမည်ဟု သိရ

ဟုမ္မလင်းမြို့နယ် အတွင်းရှိ ရွှေတူးဖော်မှုလုပ်ငန်း အချို့ကို တွေ့ရစဉ်

စစ်ကိုင်းတိုင်းဒေသကြီး ဟုမ္မလင်းမြို့နယ်ရှိ တရားမ၀င် ရွှေတူးဖော်နေမှုများ ပပျောက်စေရန် ယခင်နည်းလမ်းနှင့် မတူသော အစီအစဉ်သစ်များ ရေးဆွဲလုပ်ဆောင် သွားမည်ဟု စစ်ကိုင်းတိုင်းဒေသကြီး ရှမ်းတိုင်းရင်းသားရေးရာဝန်ကြီး ဒေါ်နန်းမွှေးမွှေးခင်၏ ပြောကြားချက်အရ သိရသည်။

စစ်ကိုင်းတိုင်းဒေသကြီး အတွင်းရှိ တရားမ၀င် ရွှေတူးဖော်နေမှုများ ပပျောက်စေရန်အတွက် စစ်ကိုင်းတိုင်းဒေသကြီး ၀န်ကြီးချုပ်မှ စစ်ကိုင်းတိုင်းဒေသကြီး ၀န်ကြီးများအား တာဝန်ပေးအပ်ခဲ့ရာ ရှမ်းတိုင်းရင်းသား ရေးရာဝန်ကြီး ဒေါ်နန်းမွှေးမွှေးခင်အား ဟုမ္မလင်းမြို့နယ် အတွင်းရှိ တရားမ၀င် ရွှေတူးဖော်မှုများ ပပျောက်ရန်အတွက် လုပ်ဆောင်ရန် တာဝန်ပေးအပ်ခဲ့သည်။

ရှမ်းတိုင်းရင်းသားရေးရာဝန်ကြီး ဒေါ်နန်းမွှေးမွှေးခင်က ဟုမ္မလင်းမြို့နယ်ရှိ တရားမ၀င် ရွှေတူးဖော်နေမှုများ လုံးဝပပျောက်စေရန်အတွက် ယခင်လုပ်ကိုင်ခဲ့သော နည်းလမ်းများနှင့်မတူသည့် စီမံကိန်းများကို ရေးဆွဲနေပြီး တရားမ၀င် ရွှေတူးဖော်မှုများအား ဖမ်းဆီးရာတွင် လိုအပ်ချက်များ ပြင်ဆင်ဖြည့်စွက်ခြင်း၊ ဒေသခံများအား အသိပညာပေးခြင်းနှင့် တစ်ဘက်တွင်လည်း ဒေသခံများ လက်လုပ်လက်စား တူးဖော်ခွင့် ရရှိနိုင်ရန် စီစဉ်ဆောင်ရွက်ခြင်း စသည်တို့ကို တစ်ပြိုင်နက် အကောင်အထည်ဖော် လုပ်ဆောင်သွားမည်ဟု ပြောကြားသည်။

“တရားမ၀င် ရွှေမျောလုပ်နေတာတွေနဲ့ ပတ်သက်ပြီး အန်တီတို့ တိုင်းဒေသကြီး အစိုးရအဖွဲ့က ၀န်ကြီးတွေကို ဒေသတွေခွဲပြီး မေ  ၄ ရက်ကတည်းကစပြီး ဖွဲ့စည်းတာဝန်ပေးခဲ့ တယ်။ ဒါနဲ့ပတ်သက်ပြီး အန်တီတို့ဘက်က တကယ့်ကို ထိထိရောက်ရောက် လုပ်ချင်တယ်။ ဒီလိုလုပ်မယ်ဆိုတဲ့အခါ အရင်ကလုပ်ခဲ့တဲ့ နည်းတွေအကုန် ပြောင်းပစ်ရမယ်။ အရင်ကလို သွားဖမ်းတယ်။ ပြန်လာတယ် ပြန်လုပ်ကြတယ် ဆိုတာမျိုး မဖြစ်အောင်ပေါ့။ ဒါကြောင့် အန်တီတို့က Plan အသစ်တွေဆွဲနေတယ်။ သွားဖမ်းတဲ့အခါ လုံခြုံရေးကအစ ဒီရဲအင်အားနဲ့ လုံလောက်သလား ထပ်တိုးဖို့လိုသလား တပ်မတော်အင်အား လိုသလား ဒါတွေကအစပေါ့။ နောက်တချက်က မြို့နယ်အုပ်ချုပ်ရေးပိုင်း အနေနဲ့ကရော သွားဖမ်းတဲ့အခါ စက်ပစ္စည်းတွေသယ်ဖို့ ထိန်းသိမ်းဖို့ ဘတ်ဂျက်ကိစ္စအစပေါ့။ ဒီလိုထိရောက်စွာ လုပ်နိုင်ဖို့ လိုအပ်တဲ့အချက်တွေ၊ သူတို့ရဲ့ သဘောထား အမြင်တွေ တောင်းတယ်။ အန်တီကိုယ်တိုင်ကလည်း မြေပြင်ကွင်းဆင်းပြီး ကြည့်ခဲ့တယ်။ ဒီလိုလုပ်တဲ့အခါ ဒေသခံတွေရဲ့ ပူးပေါင်းပါဝင်မှုက အရေးအကြီးဆုံးပဲ။ သူတို့မပါဘဲနဲ့ မအောင်မြင်နိုင်ဘူး။ သူတို့ဒေသမှာ ဒီလိုလာလုပ် နေတာကို မကြောက်မရွံ့ ရဲရဲဝံ့ဝံ့ တားဆီးနိုင်ရမယ်။ တချို့နေရာမှာတော့ ဒေသခံတွေလည်း ၀င်လုပ်နေတာရှိတယ်။ ဒါကြောင့် ပညာပေး လုပ်ငန်းတွေလည်း တဘက်ကလုပ်မယ်။ အခုသတ္တုဥပဒေကလည်း အသစ်ထွက်လာပြီ ပြစ်ဒဏ်တွေက အများကြီး ပြင်းထန်လာပြီ။ ဒါတွေကို လူထုသိအောင် ပြောပြရမယ်။ ဒေသခံ တချို့လူနည်းစုက သတ္တုဥပဒေရှိမှန်းကို မသိကြတာတွေရှိတယ်။ တချို့ကတော့ ရှိမှန်းသိတယ်။ ပြစ်ဒဏ်ကြီးမှန်း မသိကြဘူး။ ဒီတော့ ဥပဒေနဲ့ ပတ်သက်လို့လည်း ပညာပေးရမယ်။ တစ်ဖက်ကလည်း ဒေသခံတွေ လုပ်ကိုင်စားသောက်နိုင်အောင် လက်လုပ်လက်စား ရွှေတူးဖော်ခွင့် တပိုင်တနိုင်တွေ ချပေးနိုင်အောင် လုပ်သွားမယ်” ဟု ဒေါ်နန်းမွှေးမွှေးခင်က ဆိုသည်။

ဟုမ္မလင်းမြို့နယ်အတွင်း တရားမ၀င် ရွှေတူးဖော်မှု များစွာရှိနေပြီး ဟုမ္မလင်းမြို့နယ် အတွင်းရှိ ဥရုမြစ်၏ ချောင်းလက်တက်များဖြစ်သော ချောင်းကြီးချောင်း၊ နန်ထိန်ကွန်းချောင်း၊ နားမော်ချောင်းနှင့် နန်စံကားချောင်း အစရှိသည့် ချောင်းများအတွင်းနှင့် ချင်းတွင်းမြစ်အတွင်း စီးဝင်သည့် နတ်နန်းချောင်း အတွင်း တရားမ၀င် ရွှေတူးဖော်မှုများစွာ ရှိနေပြီး စွန့်ပစ်မြေစာများနှင့် ရေဆိုးများကြောင့် အဆိုပါ ချောင်းများအတွင်း ရေစီးဆင်းမှု ပျက်စီးကာ ရေဘေးကဲ့သို့ သဘာဝဘေး အန္တရာယ်ကို ကြုံတွေ့ခံစားနေရပြီး လယ်မြေပျက်စီးမှုများလည်း ဖြစ်ပေါ်နေကြောင်း ဟုမ္မလင်းမြို့နယ် ပြည်သူ့လွှတ်တော် ကိုယ်စားလှယ် ဦးမျိုးညွန့်ကလည်း ပြောကြားသည်။

 

တရားမ၀င်​​ရွှေတူး​ဖော်​မှု​ကြောင့်​ ဟုမ္မလင်းမြို့နယ်​ ဥရုမြစ်​၏ ​ချောင်းလက်​တက်​အားလုံး ပျက်​စီး​​နေပြီး ​ဒေသခံများ ရေ​ရှားပါးမှုနှင့်​ ရေ​ဘေးအန္တရာယ်​ ကြုံတွေ့​နေရ

ဥရုမြစ်၏ အဓိက​ချောင်းလက်တက်ဖြစ်သော ​ချောင်းကြီးချောင်းအတွင်း တရားမဝင် ​ရွှေတူးဖော်သည်ကို တွေ့ရစဉ်

စစ်​ကိုင်းတိုင်း​ဒေသကြီး ဟုမ္မလင်းမြို့နယ်​အတွင်းရှိ ဥရုမြစ်​၏ ချောင်းလက်​တက်​များအားလုံး တရားမ၀င်​​ ရွှေတူးဖော်​မှု​ကြောင့် ပျက်​စီး​​နေပြီး နောက်​ဆက်​တွဲ အ​နေဖြင့်​ ​ဒေသခံများမှာ ​ရေ​ရှားပါးမှုနှင့် ရေ​ဘေးအန္တရာယ်​ ကြုံတွေ့​နေရ​ကြောင်း သိရသည်​။

ဟုမ္မလင်းမြို့နယ်​ အတွင်းရှိ ဥရုမြစ်​၏ ​ချောင်းလက်​တက်​များဖြစ်​​သော ​ချောင်းကြီး​ချောင်း၊ နန်​ထိန်​ကွန်း​ချောင်း၊ နား​မော်​​ချောင်းနှင့်​ နန်​စံကား​ချောင်း အစရှိသည့်​ ​ချောင်းများအတွင်းနှင့်​ ချင်းတွင်းမြစ်​အတွင်း စီးဝင်​သည့်​ နတ်နန်း​ချောင်းအတွင်း တရားမ၀င်​​ ရွှေတူး​ဖော်​မှု များစွာရှိ​နေပြီး စွန့်​ပစ်​​မြေစာများနှင့်​ ​ရေဆိုးများ​ကြောင့်​ အဆိုပါ​ ချောင်းများအတွင်း ​ရေစီးဆင်းမှုပျက်​စီးကာ ​​ရေ​ဘေးကဲ့သို့ သဘာဝ​ဘေးအန္တရာယ်​ကို ကြုံတွေ့ခံစားနေရပြီး လယ်​​မြေပျက်​စီးမှုများလည်း ဖြစ်​​ပေါ်​နေ​ကြောင်း ဟုမ္မလင်းမြို့နယ်​ ပြည်​သူ့လွှတ်​​တော်​ကိုယ်​စားလှယ်​ ဦးမျိုးညွန့်​၏ ​ပြောကြားချက်​အရ သိရသည်​။

“အဲဒီ​ဒေသ​တွေက ဥရုမြစ်ရဲ့​ ချောင်းလက်​​တက်​​တွေဖြစ်​သလို ​ဒေသအတွင်း အားထားမှီခို​နေရတဲ့ ​​ချောင်းတွေလည်း ဖြစ်​တယ်။ ​ဒေသခံ​တွေက အဲဒါကိုမှီခိုပြီး စိုက်​ပျိုးတယ်။ လယ်​​ယာလုပ်​ကိုင်​တယ်​။ အခုကျတော့ အဲဒီ​ချောင်း​တွေထဲမှာ ​ချောင်းထဲအထိဆင်းပြီး ​တရားမ၀င် ရွှေတူးကြတယ်​။ ​စွန့်​ပစ်​​ရေဆိုး​တွေ၊ ​မြေစာ​တွေကို ​ချောင်းထဲမှာပဲ စည်းကမ်းမဲ့ စွန့်​ပစ်​တယ်​။ အဲဒီလိုလုပ်​​တော့ ​ချောင်းရဲ့​ရေလမ်း​ကြောင်း​တွေ ပိတ်ကုန်​တယ်​။ ​ရေက ဆက်​မစီးနိုင်​​တော့ဘူး။ တချို့နေရာ​တွေမှာ ​ရေ​တွေအိုင်​​နေပြီး၊ ​ဘေးနားမှာရှိတဲ့ လယ်မြေ​တွေထဲ ​ရေ​တွေဝင်ပြီး လယ်​​တွေပျက်​တယ်​။ တချို့လယ်​​တွေအ​ပေါ် စွန့်​ပစ်​​မြေစာ​တွေဖုံးလို့ ပျက်​ကုန်တယ်​။ ​နောက်​တစ်​ခုက အရင်​တုန်းက ​သောက်ရေသုံး​ရေ အသုံးပြုခဲ့ကြတဲ့ ​​​ချောင်း​ရေ​တွေက အခုဆို မသန့်ရှင်း​တော့ဘူး။ သုံးလို့မရ​တော့ဘူး။ ရေအရင်းအမြစ်​​တွေ ထိခိုက်​ပျက်​စီး​တော့ ​နွေရာသီမှာ​ ရေနည်းလာသလို မိုးရာသီ မိုးအရမ်းများလို့ ​ရေကြီး​တဲ့ အခါလည်း ​ရေ​ဘေးကြုံတွေ့ရတယ်။ ပြီးခဲ့တဲ့ ​​မေလကုန်မှာဆိုရင်​ မိုးအရမ်းများလို့  ချောင်းကြီး​ချောင်း ရေကြီးပြီး အနီးက ရွာ​တွေ​ ရေ၀င်​တယ်​။ အိမ်တွေရေမြုပ်​တယ်။ ​နောက်​ပြီး လူသေတယ်​လို့လည်း ကြားတယ်။ အရင်​က ဒီလိုမျိုး​တွေမဖြစ်​ဘူး။ အခုဒီလိုတွေ ဖြစ်​လာပြီ။ ​ဒါ​ကြောင့်​ ဒါ​တွေကို အမြန်​ဆုံး ထိထိ​ရောက်​​ရောက်​ တားဆီးသင့်​​နေပြီ။ တားဆီးနိုင်အောင်​လည်း တတ်​နိုင်​တဲ့ဘက်​က ကြိုးစား​ဆောင်​ရွက်​​နေတယ်​” ဟု ဦးမျိုးညွန့်​က ပြောကြားသည်​။

ဟုမ္မလင်းမြို့နယ်​ အတွင်းရှိ ချောင်းများအတွင်း တရားမ၀င်​​ ရွှေတူး​ဖော်​မှုများ​ကြောင့် ချောင်းများ ပျက်စီးနေခဲ့သည်​မှာ နှစ်​အတန်​ငယ်​ ကြာမြင့်​ခဲ့ပြီဖြစ်ကြောင်း ​ဒေသခံတစ်​​ဦးက ပြောကြားသည်​။

“အရင်​က​တော့ ​ချောင်း​ဘေးမှာပဲ လုပ်​ရာက​နေ အခုဆိုချောင်းထဲမှာ ဆင်းလုပ်​ကုန်​ကြပြီ။ ​မျောမြီး (ရွှေတူး​ဖော်​ရာမှ စွန့်​ပစ်​​သော​မြေစာ)တွေကိုလည်း ​ချောင်းထဲမှာပဲ ပစ်​​တော့ ချောင်း​တွေအကုန်​ပျက်စီးသွားပြီ။ အခု ဆိုဒီဘက်​​ဒေသက ​ချောင်း​တွေအကုန်​လုံး နီးပါးပျက်​စီး​နေတာတော်​​တော်​ကြာပြီ။ ဒီ ဒေသမှာ အရင်​က ​​ချောင်းရေကိုပဲ ​သောက်​ကြသုံးကြတယ်​။ အခု​တော့ ​သောက်​ဖို့မ​ပြောနဲ့ ချိုးရေ​တောင်​ မသုံးကြ​တော့ဘူး။ ရွာတွေမှာ ကိုယ်​ပိုင်​​ရေတွင်း၊ အ၀ီစိတွင်းတူးပြီး​တော့ပဲ သုံးရတယ်​။ မိုးရာသီ​ရေကြီးပြီဆိုလည်း ​ချောင်းနံဘေးတွေ အကုန်​​ရေလျှံပြီး ရွာ​တွေထဲအထိ​ ရေ၀င်​​ရေမြုပ်​တာ နှစ်​တိုင်းလိုဖြစ်​​နေပြီ” ဟု ​​ဒေသခံတစ်ဦးက ပြောကြားသည်။

ဟုမ္မလင်းမြို့နယ်​ အတွင်းရှိ ဥရုမြစ်​၏ ​ချောင်းလက်​တက်​များအတွင်း တရားမ၀င်​​ရွှေတူး​ဖော်​မှုများ လုံးဝမရှိ​စေ​ရေး ဆောင်​ရွက်​ရန်​ အစီအစဉ်​ရှိ မရှိကို ဟုမ္မလင်းမြို့နယ်​ ပြည်​သူ့လွှတ်​​တော်​ကိုယ်​စားလှယ်​ ဦးမျိုးညွန့် က ပြည်​သူ့လွှတ်​​တော်​တွင်​ တင်​ပြ​မေးမြန်း ခဲ့ရာ ပြည်ထဲရေး ဒုတိယ၀န်ကြီး ဗိုလ်ချုပ်အောင်စိုးက တရားမ၀င် ရွှေတူးဖော်မှု မပြုလုပ်စေရေးအတွက် ကျေးရွာအုပ်စု အုပ်ချုပ် ရေးမှူးများ၊ ရာအိမ်မှူးများ၊ ဆယ်အိမ်မှူးများမှ ၀ိုင်းဝန်းထိန်းသိမ်းကြရန်နှင့်‌ ထိန်းသိမ်း ၍မရပါက သက်ဆိုင်ရာဌာနများသို့ သတင်း ပို့ကြရန် ညွှန်ကြားခြင်း၊ တရားမ၀င်ရွှေတူး ဖော်မှုကြောင့် သဘာဝပတ်ဝန်းကျင် ထိခိုက် ပျက်စီးမှု အခြေအနေများ၊ တရားမ၀င် ရွှေတူး ဖော်ပါက အရေးယူခံနိုင်သည့်‌ မြန်မာ့သတ္တု တွင်း ဥပဒေနှင့် မြန်မာ့သတ္တုတွင်း ဥပဒေကို ပြင်ဆင်သည့်‌ ဥပဒေတို့ကို ပြဋ္ဌာန်းထားရှိ သည့် ပြစ်မှု၊ ပြစ်ဒဏ်များကိုလည်း ဒေသခံ ပြည်သူများ နားလည်သဘောပေါက်အောင် အသိပညာပေး စည်းရုံးဟောပြောခြင်းများကို တိုးမြှင့်‌ဆောင်ရွက် လျက်ရှိကြောင်း၊ တရားမ၀င် ဓာတ်သတ္တုထုတ်လုပ်မှု လျော့နည်းပပျောက်စေရန် ရည်ရွယ်ပြီး ထိရောက် သောပြစ်ဒဏ် ချမှတ်နိုင်ရေးအတွက် မြန်မာ့ သတ္တုတွင်း ဥပဒေကို ပြင်ဆင်သည့် ဥပဒေ ပုဒ်မ ၃၀ (က) တွင် ထောင်ဒဏ် ခုနစ်အစား ၁၀ နှစ်၊ ငွေဒဏ် ၅၀၀၀၀ အစား သိန်း ၅၀ အထိလည်းကောင်း၊ ပုဒ်မ ၃၀ (ခ)တွင် အ နည်းဆုံး ထောင်ဒဏ်တစ်လမှ အများဆုံး ထောင်ဒဏ်သုံးလအထိ ငွေဒဏ်တစ်သိန်း အထိလည်းကောင်း၊ ပုဒ်မ ၃၁ တွင် ငွေဒဏ် ၂၀၀၀၀ အစား ကျပ်သိန်း ၂၀ အထိလည်း ကောင်း၊ ပုဒ်မ ၃၂ တွင် ငွေဒဏ် ၁၀၀၀၀ အစား ကျပ် ၁၀ သိန်းထိလည်းကောင်း၊ ပုဒ်မ ၃၃ တွင် ငွေဒဏ်  ၅၀၀၀၀ အစား ငါးသိန်းအထိ ထောင်ဒဏ်နှင့် ငွေဒဏ်များကို တိုးမြှင့်ပြင်ဆင် ပြဋ္ဌာန်းထားပြီးဖြစ်ကြောင်း၊ တရားမ၀င် ရွှေတူး​ဖော်​မှု မရှိစေရေးအတွက် မြန်မာ့သတ္တုတွင်း နည်းဥပဒေနှင့်အညီ တိုင်းဒေသကြီး၊ ပြည်နယ်လုပ်ကွက် စိစစ်ချထားရေးအဖွဲ့မှ ရွှေလုပ်ကွက်များနှင့် စပ်လျဉ်းပြီး စိစစ်ဆောင်ရွက်လျက် ရှိကြောင်းနှင့်‌ တရားမ၀င် ရွှေတူး​ဖော်​​နေသူများကို ဥပဒေနဲ့အညီ အရေးယူ ဆောင်ရွက်လျက်ရှိကြောင်း ပြန်လည်ဖြေကြားခဲ့သည်။

ဟုမ္မလင်းမြို့နယ်​တွင်​ မျက်​နှာတွင် အ၀တ်​များ စည်းထား​​သူ အမျိုးသား ၁၂ ဦးက ဓားကိုယ်​စီ ကိုင်​​ဆောင်​၍ နေအိမ်​​ဈေးဆိုင်​အတွင်း ၀င်​​ရောက်ပြီး ဓားပြတိုက်​မှုဖြစ်​ပွား

စစ်​ကိုင်းတိုင်း​ဒေသကြီး ဟုမ္မလင်းမြို့နယ်​ ​စေတီဆိပ်​​ကျေးရွာအနီးတွင်​ အမည်​မသိ အမျိုးသား ၁၂ ဦးက ဓားကိုယ်​စီ ကိုင်​​ဆောင်​၍ ဓားပြတို​က်​မှု ဖြစ်​ပွားခဲ့​ကြောင်း သိရသည်​။ ဟုမ္မလင်းမြို့နယ်​ ​စေတီဆိပ်ကျေးရွာနှင့်​ နံ့သာ​ကျေးရွာသွား ကားလမ်း၊ ​ဟွေ့​ကျောင်း​ရွှေ​မှော်​၊ နံ့သာအုပ်​စုရှိ ​ဒေါ်ရီရီဝင်း၏ ​ဈေးဆိုင်​တွင်​ ဇွန်​ ၈ ရက်က ဖြစ်​ပွားခဲ့ခြင်းဖြစ်​​ပြီး ထိုလူများက ​ငွေကျပ်​သိန်း ၅၀၊ ​ပွင့်စု​ရွှေ ၂၀ ကျပ်​သား၊ လက်​ကိုင်​ဖုန်းတစ်​လုံးနှင့် ဆိုင်ကယ်​တစ်​စီး ယူ​ဆောင်​သွားခဲ့​သည်​။

ဖြစ်​စဉ်​မှာ ​ဒေါ်ရီရီဝင်းသည်​ ​မောင်​ဖြစ်​သူ ကိုမင်း​ဇော်​ထွန်းနှင့်​အတူ နံ့သာ​ကျေးရွာအုပ်​စု၊ ​ဟွေ့ကျောင်း ရွှေမှော်တွင်​ ကုန်​စုံဆိုင်​ဖွင့်​လှစ်​ကာ ​ဈေး​ရောင်းလုပ်​ငန်းနှင့်​အတူ ​ရွှေပွင့်​စုဝယ်​ယူသည့်​လုပ်​ငန်း လုပ်ကိုင်နေကြပြီး ဇွန်​ ၈ ရက်​ ည ၈ နာရီ ​နေအိမ်​​ဈေးဆိုင်​တွင်​ အိပ်​​ပျော်​​နေကြစဉ်​ ​နေအိမ်​ဆိုင်​တံခါးမကြီးအား ဆွဲဖွင့်​သံကြားရသဖြင့်​ တရားလိုက လာကြပါဦးဟု ​အော်​ဟစ်​​နေစဉ်​ ​ဘောင်းဘီရှည်​များ ၀တ်​ထားကြပြီး မျက်နှာများအား အ၀တ်​များ စည်းထား​​သော အမည်​မသိ အမျိုးသား ၁၀ ဦးက အရှည်​တစ်​တောင်​ရှိ ဓားများ ကိုယ်​စီကိုင်​​ဆောင်​၍ ​နေအိမ်​အတွင်းသို့ ၀င်​​ရောက်​ခဲ့သဖြင့်​ ကိုမင်း​ဇော်​ထွန်းမှ ထကြည့်ရာ ၎င်းတို့အဖွဲ့မှ အမျိုးသားတစ်ဦးက ကိုမင်းဇော်​ထွန်း၏ ဦး​ခေါင်းအား ဓားဖြင့် ခုတ်​သည့်အပြင်​ ရင်​ဘတ်​အား ဓားဖြင့် လှမ်းထောက်​ထားခဲ့သဖြင့်​ ဦး​ခေါင်းယာဘက်​​ဘေး တစ်လက်​မခွဲရှိ ပြတ်​ရှဒဏ်​ရာနှင့်​ ရင်​ဘတ်​တွင်​ ပွန်းခြစ်ဒဏ်ရာတို့ ရရှိခဲ့သည်​။

အမည်​မသိ အမျိုးသားအဖွဲ့မှ အိပ်​ခန်းအတွင်းထား​သော သံ​သေတ္တာ​သော့အား ရိုက်​ဖျက်​ကာ သေတ္တာအတွင်းမှ ​ငွေကျပ်​သိန်း ၅၀၊ ပွင့်​စု​ရွှေ ၂၀ ကျပ်​သား (ကာလတန်​ဖိုး ၁၈၆ သိန်း)၊ ကိုမင်း​ဇော်​ထွန်း ကိုင်ဆောင်​သည့်​ VIVO NERO 5 အမျိုးအစား ဟန်းဆက်​တစ်လုံး၊ ​နေအိမ်​​ဈေးဆိုင်​ အ​နောက်​ဘက်​ တဲအတွင်းထားသည့်​ CANDA 125 အမျိုးအစား နက်​/နီ ​ရောင်​ ဆိုင်​ကယ်​တစ်စီးတို့ ယူ​ဆောင်​ပြီး ​စေတီဆိပ်ကျေးရွာသို့ ဆိုင်​ကယ်​များဖြင့်​ ​မောင်းထွက်​သွားသည်​ကို ​တွေ့ရှိရသဖြင့်​ တရားလိုမှ အပြင်ထွက်ကြည့်​စဉ်​ စုစု​ပေါင်း ဆိုင်​ကယ်​ခြောက်စီးဖြစ်​ပြီး တစ်စီးလျှင်​ လူနှစ်ဦး လိုက်​ပါစီးနင်းကာ အသက်​ ၂၅ နှစ်​အရွယ်​ရှိ အမျိုးသား ၁၂ ဦး ဖြစ်​သည်ကို တွေ့ရှိခဲ့ရ​ကြောင်း သိရသည်​။

နေအိမ်​​ ဈေးဆိုင်​အတွင်းသို့ ဓားကိုယ်​စီ ကိုင်​​ဆောင်ကာ ၀င်​​ရောက်​ပြီး ​ရွှေ​၊ ​ငွေနှင့် ပစ္စည်းများယူ​ဆောင်​၍ ကိုမင်း​ဇော်​ထွန်းအား ဒဏ်​ရာများရရှိအောင်​ ဓားဖြင့်​ခုတ်​သူ အမျိုးသား ၁၂ ဦးအား ဟုမ္မလင်းမြို့နယ်​ မိုင်းကိုင်းနယ်​​မြေရဲစခန်းတွင်​ (ပ) ၂၆/၂၀၁၈၊ ရာဇသတ်​ကြီး ဥပ​ဒေပုဒ်​မ ၃၉၅/၃၉၇ ဖြင့်​ အမှုဖွင့်​ စုံစမ်း​ဖော်​ထုတ်​​နေကြောင်း ဟုမ္မလင်း မြို့နယ်​ရဲတပ်​ဖွဲ့မှူးရုံးမှ သိရသည်။

ဧပြီလ တတိယ ၁၀ ရက်ပတ်အတွင်း ခန္တီး၊ ဟုမ္မလင်းနှင့် ဖောင်းပြင်မြို့များတွင် ချင်းတွင်းမြစ်ရေ နှစ်ပေမှ သုံးပေအထိ မြင့်တက်နိုင်ဟု မိုးလေ၀သနှင့်ဇလဗေဒ ညွှန်ကြားမှုဦးစီးဌာနမှ ထုတ်ပြန်

ဟုမ္မလင်းမြို့ ဆိပ်ကမ်းတစ်နေရာကို တွေ့ရစဉ်

ဧပြီလ တတိယ ၁၀ ရက်ပတ်အတွင်း ခန္တီး၊ ဟုမ္မလင်းနှင့် ဖောင်းပြင်မြို့များတွင် ချင်းတွင်းမြစ်ရေ နှစ်ပေမှ သုံးပေအထိ မြင့်တက်နိုင်သည်ဟု မိုးလေ၀သနှင့် ဇလဗေဒ ညွှန်ကြားမှုဦးစီးဌာနမှ ထုတ်ပြန်ထားကြောင်း သိရသည်။

ဧပြီ ၁၈ ရက်က ထုတ်ပြန်ခဲ့ခြင်းဖြစ်ပြီး ဧပြီ ၁၉ ရက် နံနက် ၆ နာရီခွဲတိုင်းထွာချက်အရ ချင်းတွင်းမြစ်ရေသည် ခန္တီးမြို့တွင် ၁၃ စင်တီမီတာမြင့်တက်ခဲ့ပြီး (၁၉၆ စင်တီမီတာ)၊ ဟုမ္မလင်းမြို့တွင် တစ်စင်တီမီတာ မြင့်တက်ခဲ့ကြောင်း (၂၁၃၄ စင်တီမီတာ) မိုးလေ၀သနှင့် ဇလဗေဒညွှန်ကြားမှုဦးစီးဌာမှ ထုတ်ပြန်ထားသည်။

သင်္ကြန်ကာလအတွင်းနှင့် သင်္ကြန်အပြီးကာလများတွင် ချင်းတွင်းမြစ်ရေ အနည်းငယ်မြင့်တက်လာလေ့ရှိပြီး ထိုသို့မြင့်တက်မှုသည် ပုံမှန်မြင့်တက်ခြင်းဖြစ်ကြောင်း ခန္တီးမြို့နယ် မိုးလေ၀သနှင့် ဇလဗေဒဦးစီးဌာနမှ ဦးစီးမှူး ဦးချစ်ထွေးထွန်းက ပြောကြားသည်။

“လောလောဆယ်မှာ သင်္ကြန်မိုးကလည်းရွာနေတော့ ရေကနည်းနည်းတော့ ပြန်တက်နေတာပေါ့။ အခုဆိုရင် ပေ၀က်လောက်နီးနီး ပြန်တက်နေတယ်။ နောက်ထပ်လည်း နည်းနည်းတော့ ဆက်တက်ဦးမယ့်သဘောရှိတယ်။ မိုးကလည်း တောက်လျှောက်ရွာနေတော့လေ။။ ဒါပေမဲ့ ဒီအချိန်ကတော့ ပုံမှန်တက်နေကြပါ။ သင်္ကြန် ၁၅ ရက်ဝန်းကျင်လောက်ဆို ရေကတစ်ပေခွဲ၊ တစ်ပေကတော့ ပုံမှန်တက်နေကျပဲ။ မိုးပြတ်သွားရင် ပြန်ကျပါတယ်။ နောက်ပိုင်း မေလကုန်ပြီး မုတ်သုံဝင်လို့ မိုးပြန်လိုက်လာမှ ပြန်တက်လာတာ။ အခုရေတက်တာက ပုံမှန်ရေတက်ဖြစ်လို့ အရမ်းကြီးစိုးရိမ်စရာတော့မရှိပါဘူး။ ဌာနက ထုတ်ပြန်ချက်မှာလည်း နှစ်ပေလောက်အထိပဲ ပေးထားတဲ့အပြင် မိုးလည်းအရမ်းကြီးမများနိုင်တော့ စိုးရိမ်စရာတော့မရှိပါဘူး” ဟု ခန္တီးမြို့နယ် မိုးလေ၀သနှင့် ဇလဗေဒဦးစီးဌာနမှ ဦးချစ်ထွေးထွန်းက ပြောကြားသည်။

ခန္တီးနှင့် ဟုမ္မလင်းမြို့နယ်များတွင် ချင်းတွင်းမြစ်ရေ အနည်းငယ်မြင့်တက်လာသဖြင့် မြစ်နံဘေးရှိ မရိတ်သိမ်းရသေးသော မြေပဲခင်းများ နစ်မြုပ်မည်ကို စိုးရိမ်နေကြကြောင်း သိရသည်။

၂၀၁၆ ခုနှစ်က ဧပြီလအတွင်း ချင်းတွင်းမြစ်ရေ ထူးထူးခြားခြားမြင့်တက်မှုကြောင့် ခန္တီးနှင့် ဟုမ္မလင်းမြို့နယ်များရှိ ချင်းတွင်းမြစ် နံဘေးစိုက်ပျိုးထားသော မြေပဲခင်းများ နစ်မြုပ်ပျက်စီးခဲ့ကြောင်း သိရသည်။

ဟုမ္မလင်း-နမ့်တောပြေးဆွဲနေသော ခရီးသည်တင်မှန်လုံယာဉ်တစ်စီး တိမ်းမှောက်ခဲ့ပြီး ခရီးသည်နှစ်ဦးဒဏ်ရာရ

ခရီးသည်တင် မှန်လုံယာဉ်တစ်စီး တိမ်းမှောက်မှုဖြစ်ပွားခဲ့စဉ် (ဓာတ်ပုံ-အောင်အောင်)

စစ်ကိုင်းတိုင်းဒေသကြီး ဟုမ္မလင်းမြို့နယ်ရှိ ဟုမ္မလင်း-နမ့်တောပြေးဆွဲနေသော ခရီးသည်တင်မှန်လုံယာဉ်တစ်စီး တိမ်းမှောက်ခဲ့ပြီး ခရီးသည်နှစ်ဦး ထိခိုက်ဒဏ်ရာရကာ သေဆုံးသူမရှိကြောင်း သိရသည်။

ဧပြီ ၆ ရက် ညနေ ၅ နာရီခွဲခန့်တွင် ဟုမ္မလင်း-နမ်တောသွားကားလမ်း ခေါက်ငိုးကျေးရွာနှင့် နောင်ခမ်းကျေးရွာအကြား နောင်ညိုချောင်းကူးတံတားပေါ်မှ တိမ်းမှောက်ခဲ့ခြင်းဖြစ်ကြောင်း သိရသည်။

ဖြစ်စဉ်မှာ ဟုမ္မလင်း-နမ့်တောပြေးဆွဲနေသော လမင်းသာမော်တော်ယာဉ်လိုင်းမှ ယာဉ်မောင်းအောင်ကျော်မိုး မောင်းနှင်သည့် ခရီးသည်ခြောက်ဦးပါ ခရီးသည်တင်မှန်လုံယာဉ်သည် နမ့်တော-ဟုမ္မလင်းသွားကားလမ်း ခေါက်ငိုးကျေးရွာနှင့် နောင်ခမ်းကျေးရွာအကြား နောင်ညိုချောင်းကူးတံတား အရောက်တွင် ကားယာဘက်ရှေ့ဘီးပေါက်ကာ အရှိန်မထိန်းနိုင်ဘဲ တံတား၏ယာဘက်ခြမ်း လက်ရန်းအား ပွတ်တိုက်မိပြီး ချောင်းအတွင်း ထိုးကျတိမ်းမှောက်သွားခဲ့ရာ ယာဉ်ပေါ်ပါသူ ခရီးသည်များအနက် ကျော်ငွေနှင့် မဌေးရီတို့တွင် ထိခိုက်ဒဏ်ရာများရရှိခဲ့ပြီး သေဆုံးသူမရှိကြောင်း သိရသည်။

“နှစ်ယောက်တော့ ဒဏ်ရာရလို့ ဆေးရုံတင်ရတယ်။ သိပ်ပြီးစိုးရိမ်စရာတော့ မရှိဘူးလို့သိရတယ်။ သေတဲ့လူတော့ မရှိဘူး” ဟု ဒဏ်ရာရသူများကို သယ်ယူပို့ဆောင်ပေးခဲ့သော နမ့်တောလူမှုကူညီရေးအသင်းမှ သိရသည်။ ထိုယာဉ်တိမ်းမှောက်မှုနှင့်ပတ်သက်၍ မော်တော်ယာဉ်အား ပေါ့လျော့စွာ မဆင်မခြင်မောင်းနှင်မှုကြောင့် ခရီးသည်ကို ထိခိုက်ဒဏ်ရာရရှိအောင် ပြုလုပ်သူ အောင်ကျော်မိုးအား ဟုမ္မလင်းမြို့နယ် မိုင်းကိုင်းနယ်မြေရဲစခန်းတွင် ယာဉ် (ပ) ၄/၂၀၁၈၊ ရာဇသတ်ကြီးဥပဒေပုဒ်မ ၃၃၇ ဖြင့် အမှုဖွင့် အရေးယူထားကြောင်း ဟုမ္မလင်းမြို့နယ် ရဲတပ်ဖွဲ့မှူးရုံးမှ သိရသည်။

ဟုမ္မလင်းမြို့နယ်တွင် စိုက်ပျိုးရေးသိပ္ပံကျောင်းကို ကျပ်သန်းပေါင်း ၆၀၀၀ ကျော် အကုန်အကျခံ၍ ဆောက်လုပ်နေ

စစ်ကိုင်းတိုင်းဒေသကြီး ဟုမ္မလင်းမြို့နယ်တွင် စိုက်ပျိုးရေး သိပ္ပံကျောင်းကို ကျပ်သန်းပေါင်း ၆၀၀၀ ကျော် အကုန်အကျခံ၍ ဆောက်လုပ်နေကြောင်း သိရသည်။

ဟုမ္မလင်းမြို့နယ် ကက်သာကျေးရွာရှိ ဧက ၂၃၀ ရှိသော မြေအကျယ်အ၀န်းတွင် ၂၀၁၆-၂၀၁၇ ခုနှစ်မှ စတင်ဆောက်လုပ်ကာ ၂၀၁၈-၂၀၁၉ ခုနှစ်တွင် စတင်ဖွင့်လှစ် သင်ကြားနိုင်မည်ဖြစ်ကြောင်း သိရသည်။

စစ်ကိုင်းတိုင်းဒေသကြီး အထက်ပိုင်းတွင် ပထမဆုံးဆောက်လုပ်သော စိုက်ပျိုးရေးသိပ္ပံကျောင်းဖြစ်ပြီး ထိုကျောင်းတွင် စစ်ကိုင်းတိုင်းဒေသကြီး အထက်ပိုင်းမြို့နယ်များဖြစ်သော ကလေးဝ၊ မော်လိုက်၊ ဖောင်းပြင်၊ ဟုမ္မလင်းနှင့် ခန္တီးမြို့နယ်များမှ ကျောင်းသားကျောင်းသူများနှင့် နာဂကိုယ်ပိုင်အုပ်ချုပ်ခွင့်ရဒေသမှ ကျောင်းသားကျောင်းသူများ တက်ရောက်သင်ကြားနိုင်မည် ဖြစ်ကြောင်း သိရသည်။

“အခုပြောတဲ့ မြို့နယ်တွေအပြင် မြန်မာတစ်နိုင်ငံလုံးက စိတ်ဝင်စားတဲ့ ကျောင်းသားကျောင်းသူတွေလည်း လာတက်လို့ရပါတယ်။ ခုနကပြောတဲ့ မြို့နယ်တွေကတော့ အနီးအနားကဆိုတော့ လာရပိုလွယ်တာပေါ့။ ဒီဟုမ္မလင်းမှာ စိုက်ပျိုးရေး သိပ္ပံကျောင်းဖွင့်တယ်ဆိုတာကလည်း ဒီဘက်ဒေသကနေပြီး မြို့ကြီးတွေမှာ သွားတက်ရရင် လမ်းပန်းဆက်သွယ်ရေး ခက်ခဲလွန်းတာ ငွေကုန်ကြေးကျပိုများတာတွေကြောင့်ရယ်၊ နောက်ပြီး ဒီဘက်အရပ်ဒေသမှာ စိုက်ပျိုးရေးလုပ်ငန်းတွေကို စနစ်တကျ ထွန်းကားစေချင်တာ၊ ဒေသခံတွေက စိုက်ပျိုးရေးနဲ့ ပတ်သက်တဲ့ နည်းပညာတွေ ပိုမိုရရှိစေချင်တာတွေကြောင့် အစိုးရကနေပြီး အခုလို ဖွင့်ပေးလိုက်တာပါ” ဟု ဒေါ်စုစုထွေးက ပြောကြားသည်။

ထိုကျောင်းတွင် တစ်နှစ်လျှင် ကျောင်းသားကျောင်းသူ အနည်းဆုံး ၁၂၀ လက်ခံသင်ကြားပေးမည်ဖြစ်ပြီး တက္ကသိုလ်ဝင်တန်းတွင် သိပ္ပံဘာသာရပ်ဖြင့် အောင်မြင်သူများ၊ သိပ္ပံနှင့် ၀ိဇ္ဇာဘာသာပေါင်းစပ်အတွဲများဖြင့် အောင်မြင်ထားသော အသက် ၂၂ အောက် ကျောင်းသားကျောင်းသူများနှင့် အသက် ၃၅ နှစ်အောက် ၀န်ထမ်းများ တက်ရောက်နိုင်ပြီး ၀င်ခွင့်စာမေးပွဲဖြေဆိုရန် မလိုကြောင်း သိရသည်။

“သင်တန်းခေါ်တာကတော့ တခြားအသက်မွေးဝမ်းကျောင်း တက္ကသိုလ်တွေလိုပဲ လျှောက်လွှာနဲ့ခေါ်မယ်။ ဒါပေမဲ့ သူကကျတော့ တခြားဟာတွေနဲ့ မတူတာတစ်ခုက တက္ကသိုလ်စာမေးပွဲအောင်တဲ့နှစ်မှာ အဆင်မပြေလို့ မတတ်နိုင်သေးဘူး နောက်တစ်နှစ်မှ တက်မယ်ဆိုလည်း ရတယ်။ အမှတ်ကတော့ မကန့်သတ်ထားဘူး။ သိပွံနဲ့ သိပ္ပံနဲ့ ၀ိဇ္ဇာပေါင်းစပ်တွဲအောင်တဲ့ လူတိုင်းတက်လို့ရတယ်။ တက်တဲ့အခါမှာလည်း ဒီကျောင်းမှာပဲ ကျောင်းအိပ်ကျောင်းစားပုံစံနဲ့ တက်ရမယ်။ ကျောင်းဝင်းထဲမှာပဲ လယ်ကွင်းတွေ၊ ဥယျာဉ်ခြံတွေ၊ တောင်ယာတွေလုပ်ထားပြီး Field ဆင်းရင် အပြင်ထွက်စရာမလိုပဲ ကျောင်းဝင်းအတွင်းမှာပဲ ဆင်းရမယ်” ဟု ဒေါ်စုစုထွေးက ဆက်လက်ပြောကြားသည်။

သင်တန်းကာလ ပညာသင်ကြားနှစ်မှာ သုံးနှစ်ဖြစ်ပြီး သင်တန်းပြီးဆုံးပါက စိုက်ပျိုးရေးဒီပလိုမာ (Diploma in Agriculture) ဘွဲ့ရရှိမည်ဖြစ်ကာ လယ်ယာသီးနှံစိုက်ပျိုးရေး၊ ဥယျာဉ်ခြံသီးနှံစိုက်ပျိုးရေး၊ တိရစ္ဆာန်မွေးမြူရေး၊ စိုက်ပျိုးရေး ဓာတုဗေဒ၊ စိုက်ပျိုးရေးရုက္ခဗေဒ၊ သီးနှံကာကွယ်ရေး၊ လယ်ယာစက်မှုလက်မှု၊ စိုက်ပျိုးရေးတိုးချဲ့ ပညာပေးရေး၊ လယ်ယာမြေစီမံခန့်ခွဲမှုနှင့် စာရင်းအင်း၊ သင်္ချာ၊ ရူပ၊ အင်္ဂလိပ်စာ စသည့်ဘာသာရပ်များ သင်ကြားပေးမည်ဖြစ်ကြောင်း သိရသည်။

ဟုမ္မလင်းမြို့နယ် စိုက်ပျိုးရေး သိပ္ပံကျောင်းသည် စစ်ကိုင်းတိုင်းဒေသကြီးအတွင်း သုံးခုမြောက် ဆောက်လုပ်သော စိုက်ပျိုးရေးသိပ္ပံကျောင်းဖြစ်ပြီး အထက်ချင်းတွင်းဒေသတွင် ပထမဆုံးဆောက်လုပ်သော စိုက်ပျိုးရေးသိပ္ပံကျောင်းဖြစ်သည်။