ကရင့်အမျိုးသား အာဇာနည်နေ့ အခမ်းအနား ဟင်္သာတ၌ ကျင်းပခဲ့မှုနှင့် ပတ်သက်၍ ဦးဆောင်သူ လေးဦးအား တရားစွဲဆိုရန် ဧရာဝတီတိုင်းဒေသကြီးအစိုးရ ညွှန်ကြား

ကရင့်အမျိုးသား အာဇာနည်နေ့အခမ်းအနား ဟင်္သာတ၌ ကျင်းပခဲ့မှုနှင့်ပတ်သက်၍ ဦးဆောင်သူလေးဦးကို တရားစွဲဆိုရန် ဧရာဝတီတိုင်းဒေသကြီး အစိုးရမှ ညွှန်ကြားထားကြောင်း သိရသည်။

အဆိုပါကိစ္စ၌ ဦးဆောင်သူများအား တရားစွဲဆိုနိုင်ရေး တိုင်းအစိုးရအဖွဲ့ထံ ဥပဒေအကြံပြုချက် တင်ပြခဲ့ရာ ရပ်/ကျေးဥပဒေအား တတိယအကြိမ် ပြင်ဆင်သည့် ဥပဒေပုဒ်မ (၂၆) အရ တရားစွဲဆို ဆောင်ရွက်သွားရန် ပြန်လည်ညွှန်ကြား ထားခြင်းဖြစ်ကြောင်း မြို့နယ်အုပ်ချုပ်ရေးမှူး လက်မှတ်ရေးထိုး ထုတ်ပြန်ထားသည့်စာအရ သိရသည်။

“ဒီပွဲက နှစ်စဉ်နှစ်တိုင်း လုပ်လာတာ။ ဒီနှစ်ကျမှ သူတို့ကတားတယ်။ အကျိုးအကြောင်း ရှင်းပြပေမယ့် လက်မခံဘူး။ သူတို့က ကရင်မှာ အာဇာနည်ရှိတယ် ဆိုတာကို လက်မခံတဲ့ သဘောပဲ။ သူတို့က တင်ပြတဲ့အပေါ်မှာ တိုင်းဒေသကြီးအစိုးရရဲ့ ညွှန်ကြားချက်အရ ကျွန်တော်တို့ကို တရားစွဲမယ်ဆိုပြီး ရပ်ကွက်အုပ်ချုပ်ရေးမှူးကိုခိုင်းတော့ ရပ်ကွက်အုပ်ချုပ်ရေးမှူးက စာလာပို့တယ်။ တိုင်းရင်းသား စည်းလုံးညီညွတ်မှု မပြိုကွဲရေးဆိုတဲ့ သူတို့ရဲ့ ဆောင်ပုဒ်ရှိတယ်လေ။ ကျွန်တော်တို့ရဲ့ ရိုးရာယဉ်ကျေးမှုတွေ၊ နေ့ကြီးရက်ကြီးတွေ လုပ်တဲ့အပေါ်မှာ သူတို့က ဟန့်တားနှောင့်ယှက် ပိတ်ပင်တယ်ဆိုတာ တိုင်းရင်းသား စည်းလုံးညီညွတ်မှု မပြိုကွဲရေး ဆိုတာကို ဆန့်ကျင်ရာလည်း ရောက်တယ်။ ဒါမဖြစ်သင့်တဲ့ အလုပ်တစ်ခုလို့ပဲ မြင်တယ်။ ဒီပွဲအခမ်းအနားမှာလည်း ကိုယ့်အမျိုးသားရေးနဲ့ ပတ်သက်တဲ့ အကြောင်းပဲပြောတယ်။ ရိုးရာယဉ်ကျေးမှုနဲ့ ပတ်သက်တဲ့အကြောင်း ပြောတယ်။ ကလေးတွေ ရှေ့ဆက်သွားရမယ့် အနာဂတ်အတွက် ပညာရေးအကြောင်း ပြောတယ်။ ဥပဒေကို ထိပါးတဲ့ အကြောင်းအရာတွေလည်း မပါဘူး။ အာဏာပိုင် အဖွဲ့အစည်းတွေကို ထိပါးစော်ကားတဲ့ အကြောင်းတွေလည်း မပါဘူး” ဟု ဟင်္သာတမြို့နယ် ကရင်ပြည်သူ့ပါတီဥက္ကဋ္ဌ စောကျော်ကြီးက ပြောကြားခဲ့သည်။

အခမ်းအနား ကျင်းပချိန်နှင့် ကျင်းပပြီးနောက် အရေးယူခံရမည်ဟု သက်ဆိုင်ရာမှ ထုတ်ပြန်ခဲ့သည့် ခေါင်းဆောင်များ စာရင်းတွင် KNU ကရင်အမျိုးသား အစည်းအရုံး (ဗဟို) မှ ဖဒိုမန်းငြိမ်းမောင်လည်း ပါဝင်ခဲ့ပြီး တရားစွဲဆိုရန် ညွှန်ကြားလာချိန်၌ ဖဒိုမန်းငြိမ်းမောင် ပါဝင်ခြင်း မရှိတော့ဘဲ စောအောင်မွန်စိုး အပါအ၀င် လေးဦးကိုသာ တရားစွဲဆိုမည်ဟု ဖော်ပြထားကြောင်း သိရသည်။

“အခုဟာက ရပ်ကွက်ကို ပြန်ပြီးညွှန်ကြားတာ။ ရပ်ကွက်အုပ်ချုပ်ရေးမှူးက ဗမာလူမျိုး ဖြစ်နေတယ်လေ။ လုပ်တာက ကရင်တွေက လုပ်တယ်။ အဓိပ္ပာယ်ကောက်လွဲလို့ရှိရင် ပြဿနာတွေတက်မယ်။ တိုင်းဒေသကြီး အစိုးရက ဘာမှနားလည်မှု မရှိဘူး။ အမြော်အမြင်လည်း မရှိဘူး။ တိုင်းပြည်အုပ်ချုပ်တာ ဒီလောက်မှ နားမလည်ရင် အလကားပဲ။ လူမျိုးတစ်မျိုး၊ တိုင်းရင်းသား တစ်မျိုးရဲ့ ထူးမြတ်တဲ့နေ့ကို တစ်ဦးကိုတစ်ဦး နားလည်နိုင်ရမယ်။ အစိုးရကြွေးကြော်ထားတဲ့ အမျိုးသား သင့်မြတ်ရေးဆိုတာ ဘာအဓိပ္ပာယ်ရှိလဲ။ ဘာမှအဓိပ္ပာယ် မရှိဘူး။ ဒီဧရာဝတီတိုင်းအစိုးရက ဘာမှနားမလည်ဘူး။ ကျန်တဲ့ဒေသတွေမှာ လုပ်နေတာပဲ။ နားလည်ပေးတာပဲ။ ကျွန်တော်ပြောပြမယ်။ ဥပမာတစ်ခု။ အရှေ့တောင်တိုင်း စစ်ဌာနချုပ်ဒေသ တစ်ခုမှာ TNLA ကလာပြီးတော့လုပ်တယ်။ နောက်ဆုံးကျတော့ တိုင်းမှူးက နားလည်မှုပေးလိုက်တယ်။ ပဋိပက္ခမဖြစ်ရင် တော်ပြီဆိုပြီး။ ဒါလက်နက်ကိုင် အင်အားစုအချင်းချင်းတောင် နားလည်နိုင်သေးတာပဲ။ ပဋိပက္ခ မဖြစ်အောင်၊ ယုံကြည်မှု ပျက်ပြားမှုဖြစ်စေမယ့် ဟာတွေကို ရှောင်ရှားပြီးလုပ်တယ်။ ဘာမဟုတ်တဲ့ အသေးအဖွဲ ကိစ္စတွေကို တစ်ဦးကို တစ်ဦး နားလည်မှု၊ ရိုသေမှုနဲ့ မသွားဘဲနဲ့ ဒီလိုပဲ အာဏာရှိတိုင်း လျှောက်လုပ်မယ်ဆိုရင် ဒီတိုင်းပြည်က အလကားပဲ။ ပျက်စီးဖို့က နီးနေပြီ။ တိုင်းပြည် ဒီလောက်အကျပ်အတည်း ဖြစ်နေတာ သူတို့နားမလည်ဘူးလား။ ဒီတိုင်းဒေသကြီး အစိုးရက။ အခက်အခဲ ဒီလောက်ကြုံနေတဲ့ တိုင်းပြည်တစ်ခုက အမျိုးသား စည်းလုံးညီညွတ်ရေး အင်မတန် လိုအပ်တဲ့အချိန်မှာ ဘာမှမဟုတ်တဲ့ ဒီအသေးအဖွဲ ကိစ္စတွေက လူမျိုးရေး အဓိကရုဏ်း ဖြစ်သွားနိုင်တယ်” ဟု KNU ကရင်အမျိုးသား အစည်းအရုံး(ဗဟို)မှ ဖဒိုမန်းငြိမ်းမောင်က ပြောကြားသည်။

နိုင်ငံတော် အကြည်ညိုပျက်စေမည့်ကိစ္စ၊ တရားဥပဒေ စိုးမိုးရေးနှင့် နယ်မြေလုံခြုံရေးကို ထိပါးစေမည့် ကိစ္စရပ်များ အခမ်းအနား၌ လုပ်ဆောင်ခဲ့ကြခြင်း မရှိဘဲ အာဏာပိုင်များကိုလည်း တက်ရောက်ရန် ပြောကြားခဲ့သော်လည်း တားမြစ်ခဲ့သဖြင့် ကရင်လူမျိုးများက မခံမရပ်နိုင်ဖြစ်ခဲ့ပြီး ဆူပူမှု မဖြစ်ပေါ်စေရန် ထိန်းထိန်းသိမ်းသိမ်း ဆောင်ရွက်ခဲ့ကြောင်း၊ ယခုကိစ္စသည် ထိလွယ်ရှလွယ်ရှိသည့် အနေအထား ဖြစ်သည်ကို တိုင်းအစိုးရမှ နားလည်ရန် လိုအပ်ကြောင်း ဖဒိုမန်းငြိမ်းမောင်က ဆက်လက် ပြောကြားသည်။

ဟင်္သာတမြို့နယ် ကရင်ပြည်သူ့ပါတီရုံး၌ သြဂုတ် ၁၂ ရက်က ပြုလုပ်ခဲ့သည့် ကျောင်းသား ကျောင်းသူများအား ဂုဏ်ပြုဆုချီးမြှင့်ခြင်းနှင့် ၀ါခေါင်လ ကရင်ရိုးရာ ချည်ဖြူဖွဲ့မင်္ဂလာ အခမ်းအနားတွင် ကရင်အာဇာနည်နေ့ အခမ်းအနားနှင့် လွမ်းသူ့ပန်းခွေချ အလေးပြုခြင်းကို ထည့်သွင်းဆောင်ရွက်ခဲ့မှုအပေါ် ဦးဆောင်သူ လေးဦးအား အရေးယူရန် သက်ဆိုင်ရာက ညွှန်ကြားထားခြင်း ဖြစ်ကြောင်း သိရသည်။

ယင်းကိစ္စနှင့်ပတ်သက်ပြီး ဧရာဝတီတိုင်းဒေသကြီး ကရင်တိုင်းရင်းသားရေးရာဝန်ကြီး ဂါ့မိုးမြတ်မြတ်သူထံ စက်တင်ဘာ ၁၈ ရက် မွန်းလွဲပိုင်းနှင့် ညနေပိုင်းတွင် ဆက်သွယ်ခဲ့သော်လည်း ဖုန်းလက်ခံဖြေကြားသူက ၀န်ကြီးအစည်းအဝေးတက်နေကြောင်းသာ ဖြေကြားသဖြင့် မေးမြန်းခွင့်မရခဲ့ပေ။ ထို့ပြင် ဧရာဝတီတိုင်းဒေသကြီးဝန်ကြီးချုပ် ဦးလှမိုးအောင်ထံ ဆက်သွယ်ရာတွင်လည်း ဖုန်းလက်ခံဖြေကြားခြင်း မရှိခဲ့ပေ။

ခွဲစိတ်ခန်းသုံးကိရိယာ ၀မ်းဗိုက်ထဲ ကျန်ခဲ့သဖြင့် ၂၆ နှစ်ကြာ ဝေဒနာ ခံစားခဲ့ရသည့်အတွက် ပေါ့ဆစွာ ခွဲစိတ်ခဲ့သည့် ဆရာဝန်အား အရေးယူပေးရန် တိုင်ကြားမှု တစ်လကျော်သည်အထိ စုံစမ်းစစ်ဆေးမှုမရှိသေး

ခွဲစိတ်ခန်းသုံးကိရိယာ ၀မ်းဗိုက်ထဲကျန်ခဲ့သဖြင့် ၂၆ နှစ်ကြာ ဝေဒနာ ခံစားခဲ့ရသည့်အတွက် ပေါ့ဆစွာ ခွဲစိတ်ခဲ့သည့် ဆရာဝန်အား အရေးယူပေးရန် တိုင်ကြားထားမှု တစ်လကျော် ကြာသည်အထိ စုံစမ်းစစ်ဆေးမှု မရှိသေးကြောင်း သိရသည်။

အဆိုပါ ဖြစ်စဉ်နှင့်ပတ်သက်၍ စံနမူနာပြ ထိရောက်စွာ အရေးယူပေးရန် နိုင်ငံတော်သမ္မတနှင့် တာဝန်ရှိသူများထံ လူနာရှင် မိသားစုက အထောက်အထားများနှင့် တိုင်ကြားထားမှုအပေါ် စုံစမ်းစစ်ဆေးမှု မရှိသေးခြင်းဖြစ်သည်။

“ပြည်ထောင်စုအဆင့်ကိုရော၊ တိုင်းဒေသကြီးအဆင့်ကိုပါ ကျွန်တော်တို့ စာတင်ခဲ့တာ တစ်လကျော်ပါပြီ။ စာတင်တုန်းကလည်း ခွဲစိတ်မှု မှတ်တမ်းတွေကအစ သေသေချာချာ တင်ထားတာ။ အခုထိ စုံစမ်းစစ်ဆေးမှု တစ်စုံတစ်ရာ မရှိသေးဘူး။ ကျွန်တော်တို့က စုံစမ်းစစ်ဆေးစေချင်လို့ တင်ပေးထားတာ။ ကျွန်တော့်အဖေဆိုရင် ကျန်းမာရေးလည်း တော်တော်မကောင်းဘူး။ စီးပွားရေးလည်း ချွတ်ခြုံကျခဲ့ရတယ်။ အလုပ်လည်း ထွက်ခဲ့ရတယ်။ ဌာနဆိုင်ရာတွေက စုံစမ်းစစ်ဆေးတာ မရှိတဲ့အပြင် လွှတ်တော် ကိုယ်စားလှယ်တွေကလည်း သတင်းတောင် လာမမေးတော့ ကျွန်တော်တို့ စိတ်မကောင်း ဖြစ်ရတာပေါ့။ အလေးထား စေချင်တာပေါ့။ လွှတ်တော် ကိုယ်စားလှယ်တွေလည်း နည်းနည်းအလေးထား စေချင်တာပေါ့။ နှစ်ရှည်လများ ခံစားခဲ့ရတယ်။ ဘယ်သူ့အကူအညီမှ မယူခဲ့ဘူး။ အခုအခြေအနေကတော့ တော်တော်ကြီး အခက်အခဲရောက်လို့ စီးပွားရေး အရလည်း တော်တော်ကြီးဆိုးဆိုး ဖြစ်နေလို့ အရင်တုန်းက ခွဲပေးခဲ့တဲ့ ဆရာကြီးကိုသွားပြီး အကူအညီ တောင်းခဲ့တယ်။ ဆရာကြီး ကျွန်တော်တို့ကို ပြန်ငဲ့ကြည့်ပေးပါဆိုတော့ သူကလျစ်လျူရှုတယ်။ တာဝန်ခံမှု မရှိဘူးပေါ့။ အဓိက,ကတော့ တာဝန်ခံမှုမရှိတဲ့အတွက် ဌာနဆိုင်ရာတွေကို တိုင်ကြားရတာပါ” ဟု လူနာ၏ သားဖြစ်သူ ကိုရှိုင်းထက်အောင်က ပြောကြားသည်။

အဆိုပါဖြစ်စဉ်မှ လူနာအား ၁၉၉၂ ခုနှစ်က သြဂုတ် ၂၀ ရက်က ဟင်္သာတဆေးရုံကြီး၌ ခွဲစိတ်ခဲ့ခြင်းဖြစ်ပြီး ဝေဒနာနှစ်ရှည် ခံစားခဲ့ရပြီးနောက် ၂၆ နှစ်အကြာ ခွဲစိတ်မှု ပြုလုပ်ချိန်၌ ၀မ်းဗိုက်ထဲတွင် ခြောက်လက်မခန့် အရွယ်ရှိ ခွဲစိတ်ခန်းသုံး သွေးကြောဖမ်းကိရိယာ ရှိနေမှုကို တွေ့ရှိခဲ့ခြင်းဖြစ်သည်။

ယင်းကိစ္စနှင့် ပတ်သက်၍ တိုင်ကြားခံထားရသည့် ဒေါက်တာဦးဦးဟန်အား The Daily Eleven သတင်းစာမှ ပြီးခဲ့သည့် သြဂုတ် ၃ ရက်က မေးမြန်းခဲ့ရာတွင် “လူနာက အူပုပ်သွားတာကိုး။ သူပြောတာ အူပုပ်တယ်ဆိုတော့ အရေးပေါ်ခွဲတဲ့ အခါမျိုးမှာ ၂၆ နှစ်ကြာပြီဆိုတော့ မမှတ်မိဘူး။ သူ့ကို ကျွန်တော်က ပွင့်ပွင့်လင်းလင်းပြောရရင် အသက်ကယ်လိုက်တာပေါ့ဗျာ။ မခွဲဘဲနေရင် သေမှာပဲလေ။ ဆရာဝန်၊ ဆရာမတွေကတော့ ကျွန်တော် ခွဲတာဖြစ်ဖြစ်၊ ဘယ်သူပဲ ခွဲတာဖြစ်ဖြစ် အရေးပေါ် အသက်ကယ်ပေးတဲ့ သဘောပါ။ ဘယ်သူကမှ ဒီဟာကြီးကို နမော်နမဲ့တော့ မလုပ်ပါဘူး။ ဒါတွေဟာ ဆရာမတွေက ခွဲခန်းမှာ ရေရတာပေါ့။ ဒီပစ္စည်းတွေက အကုန်ရေရပါတယ်။ ဘယ်လို ဘယ်လို ကျန်ခဲ့တယ်၊ ဘယ်သူတွေခွဲလို့ ဘာတွေဖြစ်လဲဆိုတာ စာရွက်စာတမ်းလေး ကြည့်ချင်တာပေါ့။ ဆေးရုံက Record တွေ တောင်းမလို့ဗျ။ ၂၆ နှစ်ဆိုတော့ Record တွေက ရှိချင်မှလည်း ရှိတော့မှာ။ သူတို့ အဲဒါကြောင့် ဆင်းရဲသွားတာ၊ ကျွန်တော့်ကို ထောက်ပံ့ပေးပါ လို့ပြောတော့ ထောက်ပံ့စရာ မရှိဘူးလေ။ ကျွန်တော်လည်း ပင်စင်စား တစ်ယောက်ပဲ။ အဲဒီအချိန်မှာ ဆရာဝန်တွေဟာ ရုန်းကန်ပြီးတော့ အတော်ခွဲနေရတဲ့အချိန် မီးမလာ လက်နှိပ်ဓာတ်မီးနဲ့ခွဲ မီးပြတ်တယ်ဆိုရင် ဖြစ်တဲ့နည်းနဲ့ခွဲ၊ မခွဲရင် သေမှာကိုး။ အဲဒီအချိန်မှာ လမ်းပန်းဆက်သွယ်ရေးကလည်း ကောင်းတာ မဟုတ်ဘူးလေ။ ပုသိမ်မပို့ဘဲနဲ့၊ ပြောရရင် ပိုက်ဆံမရှိရှာဘူး၊ ဖြစ်တဲ့နည်းနဲ့ ခွဲပေးတာ။ ဘယ်သူခွဲလည်း မသိဘူး။ ကျွန်တော်က ဖြစ်စဉ်လေး ပြောပြတာပါ။ သူတို့ကတော့ ကျွန်တော်ခွဲတယ် ပြောတာပေါ့နော်” ဟု ဖြေကြားသည်။

ဝမ်းဗိုက်ထဲ၌ ခွဲစိတ်ခန်းသုံး ကိရိယာ ကျန်ခဲ့သည့် ယင်းဖြစ်စဉ်နှင့် ပတ်သက်၍ ဧရာဝတီတိုင်းဒေသကြီး ဟင်္သာတမြို့နယ် လယ်ကြီးကွင်းအုပ်စု ရွာသစ်တောင်ကျေးရွာတွင် နေထိုင်သူ အသက် ၅၀ အရွယ်ရှိ လူနာ ဦးဝင်းခိုင် ကိုယ်တိုင် လက်မှတ်ရေးထိုးကာ နိုင်ငံတော်သမ္မတနှင့် တာဝန်ရှိသူတို့ထံ ၂၀၁၈ ခုနှစ် သြဂုတ် ၂ ရက်ကတည်းက မိသားစုက  အသနားခံ တင်ပြတိုင်ကြားထားခြင်း ဖြစ်ကြောင်း သိရသည်။

 

ဟင်္သာ တတက္ကသိုလ်အနီးတွင် လူသတ် အလောင်းဖျောက်မှု နှစ်နှစ်ခွဲနီးပါး ကြာသည်အထိ အမိန့်ချမှတ်နိုင်ခြင်း မရှိသေး

အခင်းဖြစ်ပွားခဲ့သည့် လယ်ကွင်းစပ်၌ တာဝန်ရှိသူများနှင့်အတူ အလောင်းအား စစ်ဆေးတူးဖော်နေစဉ်

ဟင်္သာတ တက္ကသိုလ်အနီး ချစ်သူလမ်းကြား၌ လူသတ် အလောင်းဖျောက်မှု နှစ်နှစ်ခွဲနီးပါး ကြာသည်အထိ ဟင်္သာတခရိုင် တရားရုံး၌ စစ်ဆေးနေဆဲဖြစ်ပြီး အမိန့်ချမှတ်နိုင်ခြင်း မရှိသေးကြောင်း သိရသည်။

ယင်းအမှုကို ၂၀၁၆ ခုနှစ် မတ် ၃၁ ရက်ကတည်းက ရာဇသတ်ကြီး ပုဒ်မ ၃၀၂/၂၀၁ ဖြင့် ရဲက တရားစွဲဆို တင်ပို့ထားခြင်းဖြစ်ပြီး တရားလို အပါအ၀င် သက်သေ ၄၅ ဦးကို စစ်ဆေးမှုအပြီး တစ်နှစ်နီးပါးအကြာတွင် တရားရုံးက စွဲချက် တင်ထားကြောင်း သိရသည်။

“တရားလိုနဲ့ လိုပြ သက်သေတွေရဲ့ ထွက်ဆိုချက်အရ ၁၄.၃.၂၀၁၇ ရက်နေ့မှာ (၁) တရားခံ သန်းဇော်ရော (၂) တရားခံ မနှင်းပွင့်ဖြူ (ခ) နှင်းချယ်ရီ အပေါ်မှာ ရာဇသတ်ကြီး ပုဒ်မ ၃၀၂ (၁) (ခ)/ ၃၄ နဲ့ စွဲချက် တင်ခဲ့တယ်။ စွဲချက် တင်တဲ့အပေါ်မှာ တရားခံတွေက အပြစ်မရှိကြောင်း ငြင်းဆိုတယ်။ ကိုယ်တိုင် သက်သေအဖြစ် အစစ်ခံမယ်။ ခံပြ သက်သေတွေ တင်ပြမယ်ဆိုပြီးတော့ သူတို့ရှေ့နေတွေက တင်ပြလာတယ်။ တင်ပြလာတဲ့အပေါ် ဆက်လက်ပြီးတော့ တရားခံ စစ်ဆေးဖို့ အဆင့်မှာပဲ (၁) တရားခံရော၊ (၂) တရားခံရောက ကျွန်မတို့ခရိုင်တရားရုံးက စွဲချက်တင်တဲ့ ရာဇသတ်ကြီးပုဒ်မ ၃၀၂(၁)(ခ)/၃၄ အပေါ်မှာ ဧရာဝတီတိုင်းဒေသကြီး တရားလွှတ်တော်ကို စွဲချက်တင်တာနဲ့ ပတ်သက်ပြီး ပြင်ဆင်မှု တက်ရောက်သွားတယ်။ ပြင်ဆင်မှု တက်ရောက်သွားတော့ ဧရာဝတီတိုင်းဒေသကြီး တရားလွှတ်တော်ကနေပြီးတော့ ရာဇသတ်ကြီးပုဒ်မ ၃၀၂(၁)(ခ)/၃၄ နဲ့ပဲ ဆက်လက်ပြီးတော့ အတည်ပြုခဲ့တယ်”ဟု ဟင်္သာတခရိုင် တရားရုံးမှ ဒုတိယ ခရိုင်တရားသူကြီး ဒေါ်တင်ကြူကြူဝင်းက ပြောကြားသည်။

စွဲချက်တင်အမိန့်ကို ဧရာဝတီတိုင်းဒေသကြီး တရားလွှတ်တော်က အတည်ပြုခဲ့ပြီးနောက် ဟင်္သာတခရိုင် တရားရုံးက (၁) တရားခံကို စစ်ဆေးခဲ့ပြီး (၂) တရားခံကို စစ်ဆေးမည့်အဆင့်တွင် ရှေ့နေက ၄င်းအမှုသည်၏ ထုချေနိုင်စွမ်း ရှိ၊ မရှိ စိတ်ကျန်းမာရေး အခြေအနေကို စစ်ဆေးပေးရန် တောင်းဆိုမှု ရှိလာသဖြင့် ဟင်္သာတဆေးရုံကြီးရှိ စိတ်ရောဂါကု ဆရာဝန်ကြီးနှင့် စစ်ဆေးစေရာ ရန်ကုန်စိတ်ရောဂါကုဆေးရုံ ကြီး၌ ပြသသင့်သည်ဟု ထင်မြင်ချက်ပေးခဲ့ကြောင်း ဒုတိယခရိုင် တရားသူကြီးထံ မှ သိရသည်။

“အဲဒီ့ ဆေးစာအရ သူ့ကို ရန်ကုန် စိတ်ရောဂါကု ဆေးရုံကြီးမှာ စိတ်ပေါသွပ်ခြင်းကြောင့် ထုချေနိုင်စွမ်း ရှိ၊ မရှိ လျှောက်ထားတဲ့အပေါ် ခွင့်မပြုတဲ့အမိန့် ချခဲ့ပါတယ်။ (၁) တရားခံလည်း ရှိနေတဲ့အတွက် ဒီအမှုက ၂၀၁၆ ခုနှစ်၊ မတ်လ ကတည်းက စွဲတင်လာတဲ့ အမှုဖြစ်တာကြောင့် တရားခံ မနှင်းပွင့်ဖြူ အနေနဲ့ အမှုစတင် ဖြစ်ပွားစဉ်တုန်းက စိတ်ရောဂါဝေဒနာ ရှိတယ်လို့ မတင်ပြခဲ့ဘူး။ မြို့နယ် တရားရုံးမှာလည်း ဒီအမှုနဲ့ ပတ်သက်လို့ ဖြောင့်ချက်ပေးခဲ့တယ်။ ဖြောင့်ချက်ပေးစဉ် အခါကလည်း ဝေဒနာ ခံစားနေရတယ်လို့ မပေါ်ပေါက်ဘူး။ ဒါကြောင့်မို့လို့ ကျွန်မက သူ့ကို ဆက်စစ်သွားမယ် ဆိုပြီးတော့ အမိန့်ချခဲ့တယ်။ ဒီအမိန့်နဲ့ ပတ်သက်ပြီးတော့ မနှင်းပွင့်ဖြူ (ခ) နှင်းချယ်ရီရဲ့ ရှေ့နေက အမိန့်အပေါ်မှာ ဧရာဝတီတိုင်းဒေသကြီး တရားလွှတ်တော်ကို ရာဇ၀တ်ပြင်ဆင်မှု ထပ်တက်တယ်။ တက်သွားတဲ့အခါ ဧရာဝတီတိုင်းဒေသကြီး တရားလွှတ်တော်က တရားခံ မနှင်းပွင့်ဖြူ (ခ) နှင်းချယ်ရီကို စိတ်ရောဂါကု ဆေးရုံကိုပြသဖို့ ဟင်္သာတဆေးရုံက စိတ်ရောဂါကု ဆရာဝန်ကြီးရဲ့ထင်မြင်ချက်အရရော၊ ဆေးစာအရရော တရားခံကို ဥပဒေပါ အခွင့်အရေး ပေးသင့်တယ်လို့ သုံးသပ်ပြီး ရန်ကုန် စိတ်ရောဂါကုဆေးရုံကြီးကို ပို့ဆောင်ပြီးတော့ သက်သေထွက်ဆိုချက် ပေးနိုင်၊ မပေးနိုင် စစ်ဆေးသင့်ကြောင်း အမိန့်ချတဲ့အတွက်ကြောင့် ကုသဖို့အတွက် စေလွှတ်ထားတဲ့ အဆင့်ဖြစ်ပါတယ်”ဟု ဒုတိယခရိုင် တရားသူကြီး ဒေါ်တင်ကြူကြူဝင်းက ဆက်လက်ပြောကြားသည်။

အဆိုပါ လူသတ် အလောင်းဖျောက်မှုမှ လူသေအလောင်းကို ၂၀၁၆ ခုနှစ်၊ မတ်လ ၃ ရက်၊ နံနက် ၉ နာရီခွဲခန့်က ဟင်္သာတတက္ကသိုလ်အနီး ချစ်သူလမ်းကြားနံဘေး လယ်ကွင်းစပ်၌ လယ်ပိုင်ရှင်က မသင်္ကာဖွယ်ရာ အနေအထားတွေ့ရှိခဲ့ရာမှ တာဝန်ရှိသူများထံ အကြောင်းကြားခဲ့ပြီးနောက် တူးဖော်တွေ့ရှိခဲ့ခြင်း ဖြစ်သည်။

ဟင်္သာတမြို့နယ် ဥသျှစ်ကုန်းကျေးရွာ၌ ကမ်းပြိုမှုကြောင့် သာသနိက အဆောက်အအုံများနှင့် လူနေအိမ်များ ဖျက်ရွှေ့နေရ

ကမ်းပြိုမှုကြောင့် ဟင်္သာတမြို့နယ် ဥသျှစ်ကုန်းကျေးရွာရှိ ရွာကျောင်းဘုန်းတော်ကြီးကျောင်း ဖျက်ရွှေ့ထားရသည်ကို တွေ့ရစဉ်

ကမ်းပြိုမှုကြောင့် သာသနိက အဆောက်အအုံများနှင့် လူနေအိမ်များဖျက်ရွှေ့နေရသည့် ဟင်္သာတမြို့နယ် အင်္ဂရမ်းအုပ်စုရှိ ဥသျှစ်ကုန်းကျေးရွာ၌ အကူအညီများ လိုအပ်နေကြောင်း သိရသည်။

င၀န်မြစ်ရေ တိုက်စားမှုကြောင့် အဆိုပါကျေးရွာ၌ ကမ်းပြိုမှုများ ဖြစ်ပေါ်နေခြင်းဖြစ်ပြီး ယခုနှစ်တွင် ယခင်ကထက် အခြေအနေ ပိုမိုဆိုးဝါးလာသဖြင့် စိုးရိမ်စရာ အခြေအနေ ရှိလာကြောင်း ဒေသခံများထံမှ သိရသည်။

“ကမ်းပြိုတာ သုံးနှစ်ရှိပါပြီ။ သုံးနှစ်မှာ အိမ်ခြေပေါင်း ၂၀၀ ကျော်လောက် ရွှေ့ပြောင်းလိုက်ရတယ်။ ဒီနှစ်က အဆိုးရွားဆုံးပါပဲ။  ဒီနှစ်မှာဆိုရင် အိမ်ခြေ ၇၀ ကျော်လောက် ရွှေ့ပြောင်းလိုက်ရတယ်။ သာသနာ့ အဆောက်အအုံတွေလည်း ပါသွားပြီ။ ဘုရားကြီးလည်း ပါသွားပြီ။ ကျေးလက်ဆေးပေးခန်း ဆိုရင်လည်း ကမ်းပါးနဲ့ နီးလာတဲ့အတွက် ဖျက်ရွှေ့လိုက်ရပြီ။ ဆုံးရှုံးနစ်နာမှုတွေက တော်တော်များနေပါတယ်။ တစ်ခါပြိုရင် ပေ ၅၀ လောက် ပြိုတယ်။ ဒီနှစ်ပိုင်းမှာဆို ပေ ၆၀၀ လောက်ပါသွားပြီ။ အခုအဆောက်အအုံတွေ၊ အိမ်ခြေတွေ ဆိုရင်လည်း ဆက်လက် ရွှေ့ပြောင်းရဖို့တွေ ရှိနေပါတယ်။ ပြိုဆဲပဲဖြစ်တဲ့အတွက် စိုးရိမ်ပူပန်ရတဲ့ အခြေအနေ ရှိနေပါတယ်” ဟု ဥသျှစ်ကုန်းကျေးရွာမှ ဒေသခံဦးစံဌေးက ပြောကြားသည်။

ကမ်းပြိုမှုကြောင့် အဆိုပါကျေးရွာရှိ စေတီတော် ရေခသွားပြီဖြစ်ပြီး ဘုန်းတော်ကြီးကျောင်း နှစ်ကျောင်းရှိ သာသနိက အဆောက်အအုံများလည်း အရေးပေါ် ဖျက်ရွှေ့ထားရကြောင်း သိရသည်။

ဟင်္သာတမြို့နယ် ဥသျှစ်ကုန်းကျေးရွာ ကမ်းပြိုမှုဖြစ်ပွားစဉ်

“လူနေအိမ်တွေတင် မဟုတ်ဘူး။ သာသနိက အဆောက်အအုံတွေလည်း ဖျက်ရွှေ့နေရတာကြောင့် ဒုက္ခရောက်နေပါတယ်။ ပထမဦးဆုံး ရွာကျောင်း ကျောင်းတိုက်ကဘုရားကြီး ရေခသွားတယ်။ ကျောင်းဆောင်တွေလည်း အားလုံးဖျက်လိုက်ရတယ်။ မြေနေရာလည်း မရှိတော့ဘူး။ ဦးပဉ္ဇင်းတို့ တောကျောင်း ကျောင်းတိုက်မှာလည်း သာသနိက အဆောက်အအုံတွေ ဖျက်နေရပြီ။ မြစ်ကမ်းပါးက ပေ ၅၀ အတွင်း ရောက်လာပြီ။ ကျန်တဲ့ အဆောက်အအုံတွေလည်း ထပ်ဖျက်ရတော့မယ်။ ဒါကြောင့်မို့လို့ အဖွဲ့အစည်းတွေ၊ ဒကာ၊ ဒကာမတွေ အနေနဲ့ ကူညီပံ့ပိုးပေးနိုင်မယ်ဆိုရင် ဦးပဉ္ဇင်းတို့ရွာကိုလာပြီး သာသနိက အဆောက်အအုံတွေကို ကူညီပံ့ပိုးပေးပါ၊ ၀ိုင်းဝန်းကူညီပေးကြပါလို့ ဦးပဉ္ဇင်းအနေနဲ့ မေတ္တာရပ်ခံချင်ပါတယ်” ဟု တောကျောင်း ကျောင်းတိုက်မှ ဦးပဉ္ဇင်း ဦးသောဘိတက မိန့်ကြားသည်။

ကမ်းပြိုမှု အခြေအနေမှာ ယခင်ကထက် ပိုမိုဆိုးရွားလာသဖြင့် ထိခိုက်ဆုံးရှုံးမှုများ ထပ်မံမဖြစ်ပေါ်စေရေး အတွက် နိုင်ငံတော်မှ မြစ်ကမ်းထိန်းလုပ်ငန်းများ စီမံဆောင်ရွက်ပေးရန် ဒေသခံများက လိုလားနေကြောင်း သိရသည်။

“င၀န်မြစ်မကြီးရဲ့ ဟိုဘက်ကမ်း အင်္ဂပူမြို့နယ် ကံဘက်အုပ်စုဘက်မှာ ချွန်းခံနေတဲ့အတွက် ဒီဘက်ကို ရေစွယ်ထိုးလို့ ကျွန်တော်တို့ ကျေးရွာမှာ ကမ်းပြိုမှုက တစ်နှစ်ထက်တစ်နှစ် ဆိုးလာတယ်။ နိုင်ငံတော်အနေနဲ့ မြစ်ကမ်းထိန်း လုပ်ငန်းတွေ၊ ရွာကိုကူညီပေးမှုတွေ ဆောင်ရွက်ပေးစေချင်ပါတယ်။ ဘယ်နှစ်မှာ လုပ်ပေးနိုင်မလဲ ဆိုတာ သိချင်ပါတယ်” ဟု ဒေသခံဦးမောင်လှိုင်က ပြောကြားသည်။

လက်ရှိတွင် ရွာ၏ထက်ဝက်နီးပါး အိမ်ခြေများ ပြောင်းရွှေ့ထားရပြီး ကမ်းပြိုမှုများ ထပ်မံဆိုးရွားလာပါက စာသင်ကျောင်းနှင့် နေအိမ်များ၊ သာသနိက အဆောက်အအုံများ ထပ်မံထိခိုက်လာနိုင်သဖြင့် ပြောင်းရွှေ့ရန် မြေနေရာပင် အခက်အခဲ ကြုံတွေ့လာနိုင်ကြောင်း ဒေသခံများထံမှ သိရသည်။

 

ဟင်္သာတမြို့နယ် နတ်မော်ချောင်းအတွင်း ကျောင်းသားတစ်ဦး ရေနစ်သေဆုံး

ဟင်္သာတမြို့နယ် နတ်မော်ချောင်းအတွင်း ကျောင်းသားတစ်ဦး ရေနစ်သေဆုံး

အမှတ် (၁၈) ခြေလျင်တပ်ရင်းမှ ကျောင်းသားတစ်ဦး ဟင်္သာတမြို့နယ် နတ်မော်ချောင်းအတွင်း ရေနစ်သေဆုံးမှု ဖြစ်ပွားခဲ့ကြောင်း သိရသည်။

အဆိုပါဖြစ်စဉ်မှာ သြဂုတ် ၂၅ ရက်၊ နေ့လည်ပိုင်းက ဖြစ်ပွားခဲ့ခြင်းဖြစ်ပြီး မီးသတ်တပ်ဖွဲ့၊ ခ.လ.ရ(၁၈)နှင့် ဒေသခံများက ၀ိုင်းဝန်းရှာဖွေခဲ့သော်လည်း အလောင်းကိုသာ ဆယ်ယူရရှိခဲ့ကြောင်း သိရသည်။

“ကလေးကို သူ့အမေက မီးသွေးဝယ်ခိုင်းလိုက်တာ။ သူငယ်ချင်းတွေနဲ့တွေ့တော့ ရေဆင်းဆော့တာ။ သူငယ်ချင်း တစ်ယောက်က မြင်တော့ လှမ်းတားတယ်။ မဆင်းနဲ့ဆိုပြီး လှမ်းတားတာကို အတင်းဆင်းလာတယ် ပြောတယ်။ နစ်သွားတာကို စက်လှေပေါ်က အမျိုးသမီး တစ်ယောက်က မြင်တယ်။ ပထမတော့ နစ်မှန်း မသိဘူး။ နစ်မှန်းလည်း သိရော ဘေးကိုလည်း အော်တယ်။ ကုန်ထမ်းနေတဲ့ သူကလည်း သိသိချင်း ဆင်းဆယ်တယ်။ ဒါပေမဲ့ ဆွဲလို့ မရလိုက်ဘူး။ ကျွန်တော်တို့လည်း ကြားကြားချင်း ပြေးလာတော့ နစ်တဲ့နေရာကိုတော့ လှမ်းမြင်လိုက်တယ်။ အချိန်မီ ဆွဲလို့မရတော့ဘူး။ ရေစီးက သန်နေတယ်။ လူတွေအများကြီး ၀ိုင်းရှာမှ တွေ့တယ်။ တစ်နာရီခွဲလောက် ၀ိုင်းရှာလိုက်ရတာပေါ့။ အလောင်းပဲ ရတော့တာပေ့ါ” ဟု ဒေသခံ ကိုဝကြီးက ပြောကြားသည်။

ယင်းဖြစ်စဉ်၌ သေဆုံးသူသည် အမှတ် (၁၈)ခြေလျင်တပ်ရင်းမှ တပ်သားကျော်ဦး၏ သားဖြစ်သူ အသက် ၁၃ နှစ်အရွယ်ရှိ မောင်လင်းထက်မောင် ဆိုသူဖြစ်ပြီး ဟင်္သာတမြို့၊ အမှတ် (၁) အခြေခံပညာ အထက်တန်းကျောင်း၌ ဆဋ္ဌမတန်းတွင် ပညာသင်ကြားနေသူ ဖြစ်ကြောင်း သိရသည်။

အဆိုပါ ရေနစ်သေဆုံးမှုနှင့် ပတ်သက်၍ ဟင်္သာတမြို့၊ အမှတ်(၁)မြို့မရဲစခန်း၌ ဒုရဲအုပ်ထွန်းထွန်းက တရားလို ပြုလုပ်ကာ သေမှုသေခင်း အမှတ်စဉ် ၁၇/၁၈ ဖြင့် အမှုဖွင့် ဆောင်ရွက်ထားကြောင်း သိရသည်။

 

ဟင်္သာတခရိုင်တွင်း စံချိန်တင်ရေကြီးမှု၌ ထိခိုက်မှုများခဲ့သည့် တာတမံနေရာများတွင် မိုးရာသီမတိုင်ခင် ပြင်ဆင်မှုများဆောင်ရွက်

လေးမျက်နှာမြို့နယ် လက်သမားကျေးရွာအနီး ပန်းတာနှင့် မြစ်ကမ်းထိန်းလုပ်ငန်းခွင်အား မတ်လလယ်က တွေ့ရစဉ်

ဟင်္သာတခရိုင်တွင်း စံချိန်တင် ရေကြီးမှု၌ ထိခိုက်မှုများခဲ့သည့် တာတမံအဓိက နေရာများတွင် မိုးရာသီမတိုင်ခင် ပြင်ဆင်မှုများ ဆောင်ရွက်နေကြောင်း သိရသည်။

ဟင်္သာတခရိုင်သည် ဧရာဝတီနှင့် င၀န် မြစ်ရေကြီးမှုဒဏ် နှစ်စဉ်ခံရသည့်ဒေသဖြစ်ပြီး ၂၀၁၅ ခုနှစ်၌ ဟင်္သာတတွင် စံချိန်တင်အ မြင့်ဆုံးရေအမှတ် ရောက်ရှိခဲ့ကာ ၂၀၁၆ ခုနှစ်တွင် ဇလွန်၌ စံချိန်တင် အမြင့်ဆုံးရေအမှတ် ရောက်ရှိခဲ့ကြောင်း သိရသည်။

“ဇလွန်အရှေ့ဘက်ကမ်းတာက ၂၀၁၆ ရေကြီးချိန်မှာ ရေပေါက် ၈၀ ကျော်ပေါက်ခဲ့တယ်။ တာတမံ မကျိုးပေါက်အောင် အဲဒီ့မှာ သုံးရက်၊ သုံးညအတွင်း ဌာနနဲ့ ဒေသခံပြည်သူတွေ ပူးပေါင်းပြီး သဲအိတ်တစ်သိန်းခွဲသုံးပြီး ကာကွယ်ခဲ့ရတယ်။ အဲဒီရေကာတာကို မနှစ်က ဦးစားပေးအနေနဲ့ ပြင်ခဲ့ပြီးပါပြီ။ မိုးတွင်းမှာ ရေပေါက်လုံးဝ မပေါက်ခဲ့ဘူး။ နှစ်ပေါင်းများစွာ ရေကြီးမှုနဲ့ တာတမံပေါ် ယာဉ်၊ လူ၊ တိရစ္ဆာန်တို့ သွားလာမှုများတဲ့အတွက် တာထိပ်တွေ နိမ့်နေပါတယ်။ ၂၀၁၀ ACL ရဲ့ ရှိသင့်တဲ့ အတိုင်းအတာအောက်ကို ဇလွန်ဘက်မှာဆိုရင် နှစ်ပေကနေ လေးပေကြား အဆိုးဆုံး နိမ့်နေတယ်။ အဲဒီနေရာက ဧရာဝတီ-ဟင်္သာတတာ တာမိုင် ၁၅/၅ နဲ့ ၃၃/၀ ကြားဖြစ်ပါတယ်။ အဲဒီနေရာကို ၂၀၁၇-၁၈ ဘဏ္ဍာရေးနှစ်မှာ ဒီမတ်လကုန်အပြီး ပြင်ဆင်ပြီးပါပြီ။ ဟင်္သာတခရိုင်တွင်း အဆိုးဆုံးနေရာတွေ အားလုံးကို ပြင်ထားပြီးပါပြီ” ဟု ဟင်္သာတခရိုင် ဆည်မြောင်းနှင့် ရေအသုံးချမှု စီမံခန့်ခွဲရေး ဦးစီးဌာနမှ လက်ထောက်ညွှန်ကြားရေးမှူး ဦးသာယာက ပြောကြားသည်။

ရေကျချိန် မြေသားကျွံကျကမ်းပြိုပြီး မြစ်ကမ်းပါးနှင့် တာတမံနီးကပ်သည့် လေးမျက်နှာမြို့နယ်၊ လက်သမားရွာအနီး၌ ပန်းတာနှင့် မြစ်ကမ်းထိန်းလုပ်ငန်း ဆောင်ရွက်ထားပြီး တာတမံ အဆင့်မြှင့်တင် ပြုပြင်ခြင်း ဆောင်ရွက်ရန် လိုအပ်သည့် မြန်အောင်တာနှင့် ဧရာဝတီ-ဟင်္သာတတာ၌လည်း မိုးရာသီမတိုင်ခင်အပြီး လုပ်ငန်းများ ဆောင်ရွက်သွားရန်ရှိကြောင်း သိရသည်။

“လေးမျက်နှာမြို့နယ် လက်သမားရွာနားမှာ ပန်းတာနဲ့ မြစ်ကမ်းထိန်းလုပ်ငန်း ဆောင်ရွက်ထားပါတယ်။ အဲဒီနေရာက ရေကျချိန် ကမ်းပါးအက်ကြောင်းဖြစ်ပြီးတော့ မြေသားကျွံကျခဲ့တယ်။ တာနဲ့ ၃၈ ပေပဲ နီးတော့တဲ့အတွက် စိတ်ချရအောင် နောက်ကပန်းတာနဲ့ ရှေ့ကမြစ်ကမ်းထိန်း လုပ်ငန်းကို တစ်ပြိုင်တည်း လုပ်ဆောင်ထားတာ ဖြစ်ပါတယ်။ မြန်အောင်တာ တာမိုင် ၃၈ ကနေ ၄၁/၄ အထိ တာတမံ အဆင့်မြှင့်တင် ပြုပြင်ခြင်းလုပ်ငန်းကို မိုးမကျခင် မေလကုန်အပြီး ဆောင်ရွက်မှာပါ။ တစ်ချိန်တည်းမှာပဲ ဧရာဝတီ-ဟင်္သာတတာရဲ့ ဟင်္သာတမြို့ ဦးပါရဲ ဘုရားနားကနေ ကမ်းနားကြီးအထိနဲ့ တောင်လုံးစုရွာနားမှာလည်း တာတမံ အဆင့်မြှင့်တင် ပြုပြင်ခြင်း လုပ်ငန်းကို ဆောင်ရွက်မှာပါ” ဟု ဦးသာယာက ဆက်လက် ပြောကြားသည်။

မိုးတွင်းကာလ ရေဘေးမသင့်စေရန် တာတမံများဖြင့် ကာရံထားရသည့် ဟင်္သာတခရိုင်၌ မြို့နယ်ခြောက်မြို့နယ်ရှိပြီး တာတမံ ၁၀ ခု စုစုပေါင်း အလျားတာမိုင် ၂၀၃ မိုင်ရှိကြောင်း သိရသည်။

 

ပုသိမ်-ဟင်္သာတ လော်ကယ်ရထားတိုက်မိ၍ သံဃာတော်တစ်ပါး ပျံလွန်တော်မူ

အမှတ်(၁၈၇) အဆန် ပုသိမ်-ဟင်္သာတ လော်ကယ်ရထား တိုက်မိ၍ သံဃာတော်တစ်ပါး ပျံလွန်တော် မူခဲ့ကြောင်း သတင်းရရှိသည်။

ဖြစ်စဉ်မှာ မတ် ၂၉ ရက်၊ ည ၇ နာရီ ၄၅ မိနစ်ခန့်က ဟင်္သာတမြို့နယ်၊ နတ်မော်ကျေးရွာအုပ်စု၊ နတ်မော်-ဟင်္သာတကြား မိုင်တိုင်အမှတ် (၁၁၃/၁၃-၁၂) ၌ ဖြစ်ပွားခဲ့ခြင်းဖြစ်သည်။

ယင်းဖြစ်စဉ်၌ ပျံလွန်တော်မူခဲ့သော သံဃာတော်သည် တနင်္သာရီတိုင်းဒေသကြီး၊ ရေးမြို့နယ်၊ အဇင်းကျေးရွာ၊ မင်းစိတ်ကလေးကျောင်းမှ ဦးတေဇောဘာသဖြစ်ပြီး စိတ်ဝေဒနာ ခံစားနေရသူဖြစ်ကာ ရထားသံလမ်း အလယ်တွင် ထိုင်နေရာမှ ရထားတိုက်ခံရခြင်း ဖြစ်ကြောင်း ရဲတပ်ဖွဲ့၏ စစ်ဆေးတွေ့ရှိချက်အရ သိရသည်။

ယင်းဖြစ်စဉ်နှင့် ပတ်သက်၍ ဟင်္သာတ မြို့မရဲစခန်း၌ သေမှုသေခင်း အမှတ်စဉ် ၃/၁၈ ဖြင့် အမှုဖွင့် ဆောင်ရွက်ထားကြောင်း သိရသည်။

ဟင်္သာတနှင့် ပုသိမ်အကြား ရေကျော်သည့် ရထားလမ်းပိုင်း အဆင့်မြှင့်တင်ရန် ဘဏ္ဍာငွေ ကျပ် ၁၇၈ သန်း အသုံးပြုမည်

ဟင်္သာတနှင့် ပုသိမ်အကြား ရထားလမ်းပိုင်း ရေကျော်သည်ကို ၂၀၁၇ ခုနှစ်အတွင်းက တွေ့ရစဉ် (ဓာတ်ပုံ-မြို့ပြဌာန)

ဟင်္သာတနှင့် ပုသိမ်ကြားရှိ ရေကျော်သည့် ရထားလမ်းပိုင်း အဆင့်မြှင့်တင်ရန် ဘဏ္ဍာငွေ ကျပ် ၁၇၈ သန်း အသုံးပြုမည်ဖြစ်ကြောင်း တာဝန်ရှိသူများထံမှ သိရသည်။

လက်ရှိတွင် ရထားလမ်းပိုင်း အဆင့်မြှင့်တင်ရန် စတင်စီမံနေပြီဖြစ်ပြီးလာမည့် မိုးတွင်းကာလ မတိုင်ခင်အပြီး ဆောင်ရွက်သွားမည်ဖြစ်ကြောင်း သိရသည်။

“အသုတ်နဲ့ပုသိမ်ကြားဆိုရင် မိုးတွင်းဘက် ရေကြီးတဲ့အခါမှာ ရေမြှပ်တဲ့နေရာရှိတယ်။ ရထားသံလမ်းရဲ့အပေါ်ကို ခြောက်လက်မရေတက်လာပြီဆိုရင် ဒီရထားလမ်းကို ပိတ်လိုက်ရတယ်။ အဲဒီအနေအထားရှိတဲ့အတွက် လက်ရှိရထားသံလမ်းရဲ့ Top Level ကနေ တစ်ပေနဲ့ သုံးလက်မမြှင့်ဖို့ရှိပါတယ်။ အဲဒါကတော့ ပြည်ထောင်စုအစီအစဉ်နဲ့ လုပ်နေတာ။ ၂၀၁၇-၂၀၁၈ ဘတ်ဂျက်မှာလည်းပါပြီးတော့ ရထားလမ်းပိုင်းကို အဆင့်မြှင့်ဖို့စပြီး ဆောင်ရွက်နေပါပြီ” ဟု ဧရာဝတီတိုင်းဒေသကြီး အစိုးရအဖွဲ့ဝင် လျှပ်စစ်စွမ်းအင်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဦးဝင်းဌေးက ဆိုသည်။

အဆိုပါလုပ်ငန်း၌ ယိုးဒယားတက်-ဂုန်မင်းကြား ရထားလမ်းပိုင်းအတွက် ဘဏ္ဍာငွေ ၈၁ သန်း၊ ဂုန်မင်း-ဒါးကကြား ရထားလမ်းပိုင်းအတွက် ဘဏ္ဍာငွေ ၉၇ သန်း အသုံးပြုမည်ဖြစ်ကြောင်း မြန်မာ့မီးရထား တိုင်း (၉) မှ အင်ဂျင်နီယာမှူးက ပြောကြားသည်။

“ယိုးဒယားတက်-ဂုန်မင်းဘူတာကြား မိုင်တိုင် ၁၆၀/၇ ကနေ ၁၆၃/ ၁၀ အထိ နှစ်စဉ် တာဘောင်တွေ ရေကျော်တာပေါ့။ ရေကျော်တဲ့တာဘောင်တွေကို တစ်ပေ သုံးလက်မ ကျောက်ကြီးတွေခုပြီးတော့ သံလမ်းကို အဆင့်မြှင့်တင်မှာပေါ့။ မိုးမတိုင်ခင်မှာ  လုပ်ငန်းပြီးစီးအောင် ဆောင်ရွက်သွားမှာပါ။ အရင်နှစ်တွေက ရေကျော်တဲ့အတွက် ရထားလမ်းကို ပိတ်ခဲ့ရပါတယ်။ ရထားပြေးဆွဲမှု ရပ်တန့်ခဲ့ရတယ်။ အခုလိုအဆင့်မြှင့်တင်လိုက်မယ်ဆိုရင် ရေကျော်တာ သံလမ်းကို မကျော်တဲ့အတွက် ရထားမပိတ်တော့ဘဲ အမြဲတစေခရီးသွားလာလို့ရမယ့် အနေအထား ဖြစ်သွားပါမယ်” ဟု မြန်မာ့မီးရထား တိုင်း (၉) မှ အင်ဂျင်နီယာမှူး (မြို့ပြ) ဦးအောင်အောင်ထွန်းက ပြောကြားသည်။

ဟင်္သာတနှင့် ပုသိမ်ကြား အဆိုပါရထား လမ်းပိုင်း၌ အမြင့်ဆုံးစံချိန်အဖြစ် ၂၀၁၅-၂၀၁၆ တွင် သံလမ်းအထက် ငါးပေသုံးလက်မအထိ ရေကျော်ခဲ့ပြီး တစ်လနှင့် ရက် ၂၀ ကြာ မီးရထားပြေးဆွဲမှု ရပ်တန့်ခဲ့ရသည်။

ပုသိမ်-ဟင်္သာတ-ကြံခင်းရထားလမ်းမှာ နှစ်ပေါင်း ၁၀၀ ကျော်သက်တမ်းရှိပြီဖြစ်ပြီး လက်ရှိတွင် တွဲဆိုင်း ခြောက်ဆိုင်း ရထားရှစ်စင်း နေ့စဉ် ပြေးဆွဲလျက်ရှိကြောင်း မီးရထားဌာနထံမှ သိရသည်။

ကျုံပျော်မြို့၌ ဆိုင်ခန်းများ ဖောက်ထွင်းခဲ့သည့် တရားခံနှစ်ဦးအား စစ်ဆေးမေးမြန်းရာမှ ဟင်္သာတနှင့် ဇလွန်၌ ကျူးလွန်ခဲ့သည့် အမှုများပါ ပေါ်ပေါက်

ဧရာဝတီတိုင်းဒေသကြီး ကျုံပျော်မြို့၌ ဆိုင်ခန်းများ ဖောက်ထွင်းခဲ့သည့် တရားခံနှစ်ဦးကို စစ်ဆေးမေးမြန်းရာမှ ဟင်္သာတနှင့် ဇလွန်၌ ကျူးလွန်ခဲ့သည့်အမှုများပါ ပေါ်ပေါက်ခဲ့ကြောင်း စုံစမ်းသိရသည်။

အဆိုပါ တရားခံနှစ်ဦးကို ကျုံပျော်မြို့၌ ဆိုင်ခန်းများ ဖောက်ထွင်းခဲ့သည့်နေ့၌ ဖမ်းဆီးရမိခဲ့ပြီးနောက် ရဲတပ်ဖွဲ့ တာဝန်ရှိသူများက စစ်ဆေးမေးမြန်းရာမှ အခြားအမှုများပါ ပေါ်ပေါက်ခဲ့ခြင်း ဖြစ်သည်။

“ကျုံပျော်မှာဖြစ်တာက တရားခံနှစ်ယောက်က သော့တွေကို ဖျက်တဲ့ Cutter နဲ့ ဆိုင်ခန်းခုနစ်ခန်းမှာ ၀င်ခိုးခဲ့တာပေါ့။ စစ်ဆေးပေါ်ပေါက်ချက်အရ ဟင်္သာတစခန်း အပိုင်ထဲက ခိုးထားတဲ့ ပစ္စည်းတွေလည်း ပေါ်တယ်။ ဇလွန်မှာ ဆိုင်ခန်းခုနစ်ခန်းကို ဖောက်ပြီး ခိုးယူခဲ့တာတွေလည်း ပေါ်ပေါက်ပါတယ်။ ဟင်္သာတစခန်းမှာ သူတို့နဲ့ဆက်စပ်ပြီး နောက်ထပ်တစ်ဦးလည်း ဖမ်းထားပါတယ်” ဟု ကျုံပျော်မြို့မရဲစခန်းမှူး ဒုရဲမှူး ခိုင်ကျော်ဦးကဆိုသည်။

လက်ရှိတွင် ဖမ်းဆီးထားသူ သုံးဦးအနက် နှစ်ဦးကို ကျုံပျော်မြို့မရဲစခန်း၌ ထိန်းသိမ်းထားပြီး ကျန်တစ်ဦးကို ဟင်္သာတမြို့မ ရဲစခန်း၌ ထိန်းသိမ်းထားကြောင်း သိရသည်။

“ဟင်္သာတနဲ့ ဇလွန်ဖြစ်စဉ်မှာ သုံးယောက် ကျူးလွန်တာခင်ဗျ။ ကျုံပျော်မှာတော့ နှစ်ယောက်ပဲ ကျူးလွန်တာပါ။ ဈေးဆိုင်ခန်းတွေကို ဦးတည်ပြီး ဖောက်တာဗျ။ ဖုန်းရောင်းဝယ်တဲ့ဆိုင်တွေနဲ့ ရွှေဆိုင်ပါ ပါပါတယ်။ ရွှေဆိုင်ကတော့ ဆိုင်ရှင်က အားလုံးယူသွားတဲ့အတွက် ပစ္စည်းပါသွားတာတော့ မရှိပါဘူး။ ရွှေဆိုင်က ကျုံပျော်မှာ ဖောက်တာ” ဟု ဒုရဲမှူးခိုင်ကျော်ဦးက ပြောကြားသည်။

အဆိုပါဖြစ်စဉ်များနှင့် ပတ်သက်၍ ရဲတပ်ဖွဲ့မှ ဖမ်းဆီးထားသူ သုံးဦးမှာ ဟင်္သာတမြို့နယ်၊ ကျုံဖားကျေးရွာတွင် နေထိုင်သူများဖြစ်သည်ဟု ထွက်ဆိုထားပြီး စစ်ဆေးမေးမြန်းမှုများ ဆက်လက် ဆောင်ရွက်နေသည်။

“ပုသိမ်ခရိုင်မှုကူအဖွဲ့နဲ့ ဟင်္သာတစခန်း အဖွဲ့ရယ်၊ ကျုံပျော်စခန်းအဖွဲ့ရယ် ပူးပေါင်းစစ်ဆေးနေပါတယ်။ နောက်ထပ်ပြစ်မှုတွေ ဘာတွေများ ကျူးလွန်ထားတာ ရှိလဲပေါ့။ ဆိုင်ခန်းတွေ ဖောက်တဲ့အထဲက ကျန်ရှိတဲ့ သက်သေခံပစ္စည်းတွေလည်း သိမ်းဆည်းရမိဖို့အတွက် ဆက်လက်ပြီး စစ်ဆေးနေတာပါ” ဟု ၎င်းက ဆက်လက် ပြောကြားသည်။

အမှုများကို ထွက်ဆိုခဲ့သည့် တရားခံနှစ်ဦးကို ကျုံပျော်မြို့၌ ဆိုင်ခန်းခုနစ်ခန်း ဖောက်ထွင်းပြီးချိန်တွင် ပြည်သူများက ၀ိုင်းဝန်းဖမ်းဆီးခဲ့ခြင်းဖြစ်ပြီး ထိုသို့ ဖမ်းဆီးချိန်၌ တရားခံတစ်ဦးက ဓားဖြင့်ထိုးခဲ့သဖြင့် ကျုံပျော်မြို့ခံတစ်ဦး ဓားရှပ်ထိဒဏ်ရာ ရရှိခဲ့ကြောင်း သိရသည်။