နှစ်ဆန်း ၁ ရက်နေ့ ဖွင့်လှစ်မည့် မောင်တော ရခိုင်ရိုးရာသင်္ကြန် ဗဟိုမဏ္ဍပ်တွင် ဖျော်ဖြေရေးအဖွဲ့များ အစမ်းလေ့ကျင့်

ဓာတ်ပုံ – သားရွှေဦး (ကစ္ဆပ)

နှစ်ဆန်း ၁ ရက်နေ့ ဖွင့်လှစ်မည့် မောင်တော ရခိုင်ရိုးရာသင်္ကြန် ဗဟိုမဏ္ဍပ်တွင် ဖျော်ဖြေရေးအဖွဲ့များ အစမ်းလေ့ကျင့်မှုကို ဧပြီလ ၁၆ ရက်နေ့ ညနေပိုင်းက ပြုလုပ်ခဲ့ကြောင်း သိရသည်။

မောင်တောမြို့တွင် ခရိုင်ထွေအုပ်ရုံးရှေ့ရှိ ရခိုင်ရိုးရာသင်္ကြန် ဗဟိုမဏ္ဍပ်ကို ဧပြီ ၁၇ ရက်နေ့ နေ့လည် ၁၂ နာရီတွင် ဖွင့်လှစ်မည်ဖြစ်ကြောင်း သိရသည်။

မောင်တောမြို့တွင် မြန်မာနှစ်ဆန်း (၁) ရက်ဖြစ်သော ဧပြီ ၁၇ ရက်နေ့တွင် နံနက်ပိုင်း၌ မောင်တောမြို့လုံးကျွတ် သက်ကြီးပူဇော်ပွဲကို မြို့မိမြို့ဖများ ဦးဆောင်ကျင်းပမည်ဖြစ်ပြီး နေ့လည် ၁၂ နာရီအချိန်တွင် ခရိုင်ထွေအုပ်ရုံးရှေ့ရှိ ရခိုင်ရိုးရာသင်္ကြန် ဗဟိုမဏ္ဍပ်ကို ဖွင့်လှစ်မည်ဖြစ်ကာ ဧပြီ ၁၇ ရက်နေ့မှ ဧပြီ ၁၉ ရက်နေ့အထိ မြို့ပေါ်ရပ်ကွက်အသီးသီးရှိ ရေလောင်းမဏ္ဍပ်များ ဖွင့်လှစ်ရေကစားကြမည်ဖြစ်ပြီး ဧပြီ ၂၀ ရက်နေ့တွင် မောင်တောမြို့နယ်တောင်ပိုင်း ကျောက်ပန်းတူ ပင်လယ်ကမ်းခြေတွင် ရခိုင်အဆိုတော်များဖြင့် စင်တင်တေးဂီတဖျော်ဖြေပွဲ အပါအဝင် ကမ်းခြေသင်္ကြန်ကို ကျင်းပမည်ဖြစ်ကြောင်းလည်း သိရသည်။

မောင်တောမြို့တွင် ဧပြီ ၁၄ ရက်နေ့မှ ၁၆ ရက်နေ့အတွင်း လူကြီးများမှာ ဘုန်းတော်ကြီးကျောင်းများသို့ သွားရောက်ကာ သီလဆောက်တည်ခဲ့ကြပြီး လူငယ်တစ်ချို့မှာ ဘူးသီးတောင်မြို့ သွားရောက်ရေပက်ခံထွက်ခဲ့ကြသည်။

မနက်ဖြန်စတင်မည့် မောင်တောသင်္ကြန်သို့ ဘူးသီးတောင်မြို့မှ ရေပက်ခံကားများ လာရောက်ကြမည်ဖြစ်ကြောင်းလည်း သိရသည်။

 

မုံရွာမြို့ ချင်းတွင်းသင်္ကြန် အကြတ်နေ့သည် ပြီးခဲ့သည့် အကြိုနေ့ အကျနေ့များထက် ပိုမိုစည်ကား

ဓာတ်ပုံ – ကောင်းခန့်လင်း(မုံရွာ)

စစ်ကိုင်းတိုင်းဒေသကြီး မုံရွာခရိုင် မုံရွာမြို့ ချင်းတွင်းမြစ် သဲသောင်ပြင်တွင် ခုနှစ်ရက်ကြာ ကျင်းပပြုလုပ်နေသည့် ချင်းတွင်းသင်္ကြန် အကြတ်နေ့သည် ပြီးခဲ့သည့် အကြိုနေ့ အကျနေ့များထက် ပိုမိုစည်ကား သိရသည်။

ယင်းသင်္ကြန်အကြတ်နေ့တွင် မုံရွာမြို့တွင်သာမကဘဲ အနယ်နယ်အရပ်ရပ်က လာရောက် ရေကစားသူများလည်း အဆိုပါ ချင်းတွင်းသင်္ကြန်သို့ လာရောက် လည်ပတ်ကြကြောင်း၊ ပွဲတော်ကျင်းပရာ နေရာတွင် တိုးဝှေ့၍ မရလောက်အောင် စည်ကားသိုက်မြိုက်နေကြောင်း သိရသည်။

မုံရွာမြို့ ချင်းတွင်းသင်္ကြန်အား နာမည်ကျော် အဆိုတော်များဖြစ်သည့် နီနီခင်ဇော်၊ မာရီကိုး၊ ထွန်းထွန်း၊ နိုင်းဝမ်း ၊ ဝီလျှံ ၊ ဒီဖြိုး၊ ရိုးရဲ၊ မဲလုံး၊ ကေဇင်၊ ဇာတ်မင်းသားများဖြစ်သည့် ဖိုးချစ်၊ စန္ဒကူး စသည့် အဆိုတော်များက ၄င်းတို့အား သတ်မှတ်ပေးထားသည့် မဏ္ဍပ်စဉ်တွင် အလှည့်ကျ သီဆိုကပြခဲ့ကြကြောင်း သိရသည်။

ချင်းတွင်းသင်္ကြန်အတွင်း ထည့်သွင်းပြထားသည့် ဇုန်ကြီး ငါးခုရှိကြောင်း၊ ယင်းဇုန်ကြီး ငါးခုသည် ပြခန်းဇုန်၊ ကလေးငယ်များ အားကစားကွင်းဇုန်၊ ရေကစားမဏ္ဍပ်များဇုန်၊ သဲပန်းပု အနုပညာပြခန်း၊ နားနေ စားသောက် အပန်းဖြေဇုန်တို့ ဖြစ်ကြောင်း၊ ကလေးငယ်များ ပြခန်းဇုန်သည် အခကြေးငွေဖြင့် ဝင်ရောက် ရေကစားကြရပြီး နားနေ စားသောက် အပန်းဖြေဇုန်တွင် ယာယီ တည်ဆောက်ထားသည့် ထန်းရွက်တဲများသည် လွန်ခဲ့သည့် နှစ်ရက်ခန့်က မိုးသက်လေပြင်း တိုက်ခတ်ခဲ့မှုကြောင့် ပျက်ဆီးမှုအချို့ရှိခဲ့ကြောင်းလည်း သိရသည်။

ထို့အပြင် ချင်းတွင်းသင်္ကြန်သို့ လာရောက် ရေကစားကြသူများအတွက် အခမဲ့စားသုံးနိုင်ရန် ရည်ရွယ်ကာ စတုဒီတာမဏ္ဍပ်များ တည်ဆောက်ထားရှိပြီး တစ်နေကုန် ဧည့်ခံကျွေးမွေးလျှက်ရှိကြောင်း၊ ရေကစားလာသူများ မနာမကျန်းဖြစ်ပေါ်ခဲ့ပါက ကျန်းမာရေးကူညီမှု အသင်းများကလည်း အချိန်နှင့်တပြေးညီ ဆေးရုံသို့ ပို့ဆောင်ပေးနေကြောင်း သိရသည်။

ခုနှစ်ရက်ကြာ ကျင်းပပြုလုပ်နေသည့် ချင်းတွင်းသင်္ကြန်သို့ ညပိုင်းတွင် ဒေါင်းတွန်သံ၊ ဒေါင်းမျိုးဆက်၊ ကာဒိုင်း စသည့် သံချပ်အဖွဲ့များက လာရောက်ယှဉ်ပြိုင်ကြပြီး မုံရွာမြို့တွင်းရှိ ရေကစားမဏ္ဍပ်များတွင်လည်း ယာဉ်ကြောပိတ်ဆို့သည့်အထိ ရေကစားကြသူများဖြင့် အလွန်စည်ကားနေကြောင်း သိရသည်။

မုံရွာမြို့ ချင်းတွင်းမြစ် သဲတောင်ပြင်တွင် ကျင်းပပြုလုပ်နေသည့် ချင်းတွင်းသင်္ကြန်အား ဧပြီလ ၁၁ ရက်မှ ဧပြီလ ၁၇ ရက်အထိ ခုနှစ်ရက်ကြာ ကျင်းပသွားမည် ဖြစ်ကြောင်း သိရသည်။

တောင်ကြီး မိုးကုတ်တရားစခန်းတွင် တရားစခန်းဝင်ရောက်သူ ယခင်နှစ်ကထက် လျော့နည်းပြီး လူငယ်လူရွယ် အများဆုံး ၀င်ရောက်

ရှမ်းပြည်နယ်မြို့တော်၊ တောင်ကြီးမြို့တွင်ရှိသော မိုးကုတ် ၀ိပဿနာ တရားစခန်းတွင် ယခုနှစ် ၂၀၁၈ ခုနှစ် သင်္ကြန်တွင်း ပိတ်ရက် ၅ ရက်သာ ရရှိသဖြင့် ယခင်နှစ်ကထက် လေးပုံတစ်ပုံ လူလျော့နည်းခဲ့ပြီး၊ စုစုပေါင်း ယောဂီဦးရေ ၅၈၄ ဦးတွင် လူငယ် လူရွယ် အများဆုံး ၀င်ရောက်ခဲ့ကြောင်း မိုးကုတ်တရားစခန်း အလုပ်အမှုဆောင် အဖွဲ့ထံမှ သိရသည်။

တောင်ကြီးမိုးကုတ် ၀ိပဿနာစခန်းတွင် ယခင်နှစ် ၂၀၁၇ ခုနှစ် သင်္ကြန်ကာလတွင်း လူဦးရေပေါင်း ၈၀၀ ၀င်ရောက်ခဲ့ခြင်းဖြစ်ပြီး၊ ယခုနှစ် ယောဂီ ဦးရေ ၅၈၄ ဦးသာ ၀င်ရောက်ခဲ့သဖြင့် လေးပုံသုံးပုံသာ ၀င်ရောက်နိုင်ခဲ့ကြောင်း၊ အထူးသဖြင့် တက္ကသိုလ်ဝင်တန်းဖြေဆိုသူ လူငယ်လူရွယ်များ အများစုဖြစ်ကြောင်း သိရသည်။

အဆိုပါ သင်္ကြန်ကာလတွင်း တရားစခန်းကို ဧပြီလ ၇ ရက်မှ စတင်လက်ခံခြင်းဖြစ်ပြီး၊ အနည်းဆုံး ၁၀ ရက် အပြည့် နေနိုင်မှသာ တရားစခန်းသို့ ၀င်ရောက်နိုင်မည့် စည်းကမ်းချက်ကြောင့်၊ စီးပွားရေး လုပ်ငန်းရှင်များနှင့် ကုမ္ပဏီဝန်ထမ်းများ၊ ဌာနဆိုင်ရာ ၀န်ထမ်းများတို့သည် ခွင့်ရက်မရသောကြောင့် တရားစခန်း ၀င်နိုင်ခြင်း မရှိသည့် အတွက် ယခုနှစ် လူနည်းပါးခြင်းဖြစ်ကြောင်း၊ တောင်ကြီးတွင် အခြားသော တရားစခန်း ၅ ခု သည်လည်း လူဦးရေ တိုးချဲ့လက်ခံလာနိုင်သဖြင့်လည်း ဖြစ်ကြောင်း တောင်ကြီး မိုးကုတ် ၀ိပဿနာ တရားစဉ်နှင့် လုပ်ငန်းစဉ် ပြန့်ပွားရေးအဖွဲ့ခွဲ အမှတ် (၂၅) ၏ အတွင်းရေးမှူးဖြစ်သူ ဦးညွန့်ဝင်းက ပြောသည်။

“၀ါထပ်နှစ်ဆိုရင် တရားစခန်းပွဲ ဆယ်ပွဲကျင်းပပါတယ်။ ၀ါမထပ်နှစ်ဆိုရင် တရားစခန်းပွဲ ၉ ပွဲ ကျင်းပပါတယ်။ ဒီနှစ်က ၀ါထပ်တဲ့အတွက်ကြောင့် တရားစခန်းပွဲ ဆယ်ပွဲ ကျင်းပပြုလုပ်တဲ့အတွက်ကြောင့် နည်းနည်းလေး ရက် ကြပ်သွားတာဖြစ်ပါတယ်။ ဧပြီလ ၆ ရက်မှာ ယောဂီအရောက်၊ ၇ ရက်နေ့မှာစခဲ့တာ ဒီနေ့ဆိုရင် ၈ ရက်မြောက် နေ့ဖြစ်ပါတယ်။ ရှေ့မှာ ဈေးကလည်း မပိတ်တဲ့ အတွက်ကြောင့် ဈေးသူဈေးသားများလည်း အခါရှေ့ဈေး ဆိုတော့ တရားစခန်း မ၀င်နိုင်ပါဘူး။ ၀န်ထမ်းများကလည်း ရုံးဖွင့်ရက် ၅ ရက်ပဲ ရတဲ့အတွက် ဒ်ီစခန်းပွဲနဲ့ ဆိုရင် ၄ ရက်ပဲ လာညှိပါတယ်။ စခန်းပွဲကလည်း မူအရ ဆယ်ရက်စခန်းပွဲဖြစ်တဲ့အတွက်ကြောင့် လေးငါးရက်နဲ့ လက်မခံတဲ့အတွက် ရှေ့နှစ်တုန်းကလို ယောဂီမ များပါဘူး။ ယောဂီ ၅၈၄ ဦး ပဲ တရားဝင်နိုင်ပါတယ်” ဟု တောင်ကြီး မိုးကုတ် ၀ိပဿနာ တရားစဉ်နှင့် လုပ်ငန်းစဉ် ပြန့်ပွားရေးအဖွဲ့ခွဲ အမှတ် (၂၅) ၏ အတွင်းရေးမှူး ဖြစ်သူ ဦးညွန့်ဝင်းက ပြောသည်။

ရှမ်းပြည်နယ် တောင်ပိုင်းတွင် မိုးကုတ် ၀ိပဿနာ တရားစခန်းခွဲပေါင်း ၁၃ ခု ရှိပြီး၊ အဓိကအားဖြင့် မိုးကုတ် တရားဝိပဿနာ တရားစဉ်နှင့် လုပ်ငန်းစဉ် ပြန့်ပွားရေး တို့ကိုသာ ဆောင်ရွက်ခြင်း ဖြစ်ကြောင်း သိရသည်။

တောင်ကြီးမြို့နယ်တွင် မိုးကုတ်ပိပဿနာ တရားစခန်း၊ မဟာစည်တောစခန်းသာ တရားရိပ်သာ၊ ရှမ်းပိဋကတ် ကမ္မဌာန်းကျောင်း၊ ပညာဗောဓိ တရားရိပ်သာနှင့် စွန်းလွန်း ၀ိပဿနာ ရိပ်သာ တရားရိပ်သာ စသည့် တရားစခန်း ၅ ခု ရှိပြီး၊ အေးသာယာမြို့တွင် ချမ်းမြေ့ ၀ိပဿနာ တရားရိပ်သာ ဆိုပြီး တရားစခန်းများ ရှိကြောင်း သိရသည်။

 

 

မုံရွာချင်းတွင်းသင်္ကြန်တွင် ထည့်သွင်းထားသည့် တိုင်းရင်းသားရိုးရာပြခန်းဇုန်အား တိုင်းရင်းသား ခြောက်မျိုးတို့နှင့်အတူ ဖွင့်လှစ်

မုံရွာချင်းတွင်း သင်္ကြန်ဖွင့်ပွဲကို ဧပြီ ၁၁ ရက် နံနက်ပိုင်းက ချင်းတွင်းမြစ်သဲသောင်ပြင်တွင် ပြုလုပ်စဉ်

ဧပြီ ၁၁ ရက်မှ ဧပြီ ၁၇ ရက်အထိ ခုနစ်ရက်ကြာ ကျင်းပမည့် မုံရွာချင်းတွင်းသင်္ကြန်တွင် ထည့်သွင်းထားသည့် တိုင်းရင်းသားရိုးရာ ပြခန်းဇုန်အား တိုင်းရင်းသားခြောက်မျိုးတို့နှင့်အတူ စည်ကားသိုက်မြိုက်စွာ ဖွင့်လှစ်ခဲ့ကြောင်း သိရသည်။

ဧပြီ ၁၁ ရက် နံနက်ပိုင်းက ချင်းတွင်းမြစ် သဲသောင်ပြင်တွင် အဆိုပါဖွင့်ပွဲအား ကျင်းပခဲ့ခြင်းဖြစ်ကြောင်း၊ ရှေးဦးစွာ စစ်ကိုင်းတိုင်းဒေသကြီးအစိုးရအဖွဲ့မှ ဖဲကြိုးဖြတ်ဖွင့်လှစ်ခြင်း၊ တက်ရောက်လာသည့် တိုင်းရင်းသားများက ၎င်းတို့၏ ရိုးရာအကများဖြင့် ကပြခဲ့ကြကြောင်း ဒီမိုကရေစီနိုင်ငံတော်သစ်အား သမ္မတသစ်နှင့်အတူ ပြည်သူများက ၀မ်းသာအားရချီတက်ကြမည်ဟု စစ်ကိုင်းတိုင်းဒေသကြီးအစိုးရအဖွဲ့ဝင် လူမှုရေးဝန်ကြီး ဒေါက်တာဇော်ဝင်းက ပြောကြားသည်။

“စည်စည်ကားကားနဲ့ မိုးခြောက်လေခြောက်နဲ့ ကျင်းပပြီးစီးသွားတဲ့အတွက် ၀မ်းသာပါတယ်။ လာရောက်တဲ့ပရိသတ်ကလည်း ထင်တာထက်ကို များပြားပါတယ်။ Paramotor ကနေ စပြီးဖွင့်တယ်။ ပြီးတော့ တိုင်းရင်းသားအကတွေနဲ့လည်း ကပြခဲ့ကြတယ်။ သင်္ကြန်အပြီးအထိ စဉ်ဆက်မပြတ် ဖျော်ဖြေသွားမှာပါ။ ဒီမိုကရေစီနိုင်ငံတော်သစ်ကို သမ္မတသစ်ကြီးနဲ့အတူ ပြည်သူတွေဝမ်းသာအားရ ချီတက်ကြပါစို့။ အောင်အောင်မြင်မြင် မရောက်ရောက်အောင် ချီတက်ကြပါစို့လို့ ပြောကြားရင်း နှစ်ဟောင်းက အညစ်အကြေးတွေကို နှစ်သစ်မှာ ဆေးကျောသုတ်သင်ပြီး သမ္မတသစ်ကြီးနဲ့ နိုင်ငံတော်သစ်ဆီသို့ သွားကြပါစို့လို့ ပြောကြားလိုပါတယ်” ဟု ၎င်းက ပြောကြားသည်။

စစ်ကိုင်းတိုင်းဒေသကြီးအတွင်း နေထိုင်ကြသည့် တိုင်းရင်းသားများနှင့်ပတ်သက်၍ ရိုးရာယဉ်ကျေးမှု အစားအသောက်များအား တစ်ခါမှမပြုလုပ်ဖူးကြောင်း၊ ချင်းတွင်းသင်္ကြန် ပြုလုပ်လိုက်ခြင်းကြောင့် ယင်းတိုင်းရင်းသားများသည် ထိုနေရာတွင် လာရောက်ဆုံကြကြောင်း၊ တိုင်းရင်းသားများသည် ထိုကဲ့သို့ဆုံစည်းခွင့်ရသည့်အတွက်၊ ၎င်းတို့၏ ရိုးရာယဉ်ကျေးမှုအစားအသောက်များအား ပြသခွင့်ရသည့်အတွက် အင်မတန်မှ ၀မ်းသာကြကြောင်း စစ်ကိုင်းတိုင်းဒေသကြီးအစိုးရအဖွဲ့ဝင် ရှမ်းတိုင်းရင်းသားရေးရာဝန်ကြီး ဒေါ်နန်းမွှေးမွှေးခင်က ဆိုသည်။

“ချင်းတွင်းသင်္ကြန်နဲ့ ပတ်သက်ပြီးတော့ ကျွန်မတို့က မုံရွာမှာရောက်တာ နှစ်နှစ်ရှိပြီ။ အခုလို စည်စည်ကားကားနဲ့ကတော့ ဒါဟာ ပထမဆုံးအကြိမ် ကြုံဖူးခြင်းဖြစ်တယ်။ ခါတိုင်းနှစ်တွေက ကျင်းပခဲ့တဲ့သင်္ကြန်တွေမှာတော့ မြန်မာ့ရိုးရာပဲ ပြသကြတာပေါ့နော်။ အခုဟာက တိုင်းရင်းသားတွေပါလာတဲ့ အတွက်ကြောင့်မို့လို့ ကျွန်မအနေနဲ့ ၀မ်းသာပါတယ်။ ကျွန်မတို့ တိုင်းရင်းသားတွေ ပြောချင်တာကတော့ ငြိမ်းချမ်းရေးပါပဲ။ ငြိမ်းချမ်းရေးသွားဖို့အတွက်ကတော့ ကျွန်မတို့ အပြန်အလှန်လေးစားမှုပါ။ အပြန်အလှန်လေးစားမှုဟာ သိပ်ကိုအရေးကြီးပါတယ်။ အပြန်အလှန်လေးစားမှုရမှ ကျွန်မတို့က ယုံကြည်မှုကို တည်ဆောက်လို့ရမှာ ဖြစ်ပါတယ်။ ယုံကြည်မှုကို တည်ဆောက်လို့ရမှ ကျွန်မတို့ သွားချင်တဲ့ ဒီမိုကရေစီဖက်ဒရယ် ပြည်ထောင်စုကို သွားနိုင်မှာဖြစ်တယ်။ ဒါကြောင့်မို့လို့ တိုင်းရင်းသားတွေရိုးရာတွေကို ကျွန်မတို့ တိုင်းအစိုးရအဖွဲ့အနေနဲ့ လုပ်ပေးခြင်း ဖြစ်ပါတယ်။ အခုလို လုပ်ပေးခြင်းအားဖြင့် ကျွန်မစောစောက ပြောခဲ့သလို တစ်ယောက်နဲ့တစ်ယောက် ယုံကြည်မှုတွေရမှာ ဖြစ်ပါတယ်” ဟု ဒေါ်နန်းမွှေးမွှေးခင်က ဆက်လက် ပြောကြားသည်။

စစ်ကိုင်းတိုင်းဒေသကြီးတွင် တိုင်းရင်းသားအချို့နေထိုင်ကြပြီး မုံရွာမြို့တွင် တိုင်းရင်းသားများ အရောက်အပေါက်နည်းပါးကြောင်း၊ အစိုးရသည် ငြိမ်းချမ်းရေးအား လုပ်ဆောင်နေကြောင်း၊ တိုင်းရင်းသားများကလည်း ငြိမ်းချမ်းရေးညီလာခံများအား ၀ိုင်းဝန်းလုပ်ဆောင်နေကြောင်း ချင်းတိုင်းရင်းသား ရေးရာဝန်ကြီး ဦးလာလ်ထောထန်းက ပြောကြားသည်။

“တိုင်းရင်းသားလက်နက်ကိုင်တွေကလည်း ငြိမ်းချမ်းရေးကို လိုလားနေတယ်။ လူထုကလည်း ဒီငြိမ်းချမ်းရေးကို တောင်းဆိုတယ်။ ဒါပေမဲ့လည်း တစ်ယောက်နဲ့တစ်ယောက်က ငြိမ်းချမ်းရေးလုပ်ငန်းစဉ်တွေမှာ မတူညီတာရယ် နားလည်မှုလွဲနေတာတွေ ရှိတယ်။ ထင်သလောက်မမြန်ဘူး ဖြစ်နေတယ်။ တဖြည်းဖြည်းနဲ့တော့ ငြိမ်းချမ်းရေး ရလာမှာပါ” ဟု ဦးလာလ်ထောထန်းက ပြောကြားသည်။

စစ်ကိုင်းတိုင်းဒေသကြီးအတွင်း နေထိုင်ကြသည့် တိုင်းရင်းသားများသည် နာဂတိုင်းရင်းသား၊ ရှမ်းနီတိုင်းရင်းသား၊ ချင်းတိုင်းရင်းသား၊ ကဒူးတိုင်းရင်းသား၊ ကနန်းတိုင်းရင်းသားများနှင့် ကချင်တိုင်းရင်းသားတို့ဖြစ်ကြောင်း၊ ယင်းတိုင်းရင်းသားများသည် ခုနစ်ရက်ကြာ ကျင်းပမည့် မုံရွာချင်းတွင်းသင်္ကြန်တွင် ၎င်းတို့၏ ရိုးရာအ၀တ်အထည်များ၊ အစားအသောက်များ၊ ရိုးရာအသုံးအဆောင်များအား ပြသထားကြောင်း သိရသည်။

မုံရွာချင်းတွင်းသင်္ကြန်တွင် ဇုန်ငါးခုထည့် သွင်းထားပြီး စတုဒိသာမဏ္ဍပ်များ၊ အခကြေးငွေဖြင့် ၀ယ်ယူစားသောက်၍ရရှိသည့် စားသောက်ဆိုင်များ၊ အပန်းဖြေထန်းလက်တဲများ တည်ဆောက်ထားရှိကြောင်း၊ ထို့ပြင် လုံခြုံရေးကိုလည်း အထူးကြပ်မတ်ဆောင်ရွက်ထားကြောင်း သိရသည်။

ပထမဆုံး မော်လမြိုင်လမ်းလျှောက် သင်္ကြန်ကို ကမ်းနားလမ်းတွင် သုံးရက်ကျင်းပမည်

မွန်ပြည်နယ်တွင် ပထမဆုံးမော်လမြိုင် လမ်းလျှောက်သင်္ကြန်ကို ယခုနှစ် မဟာသင်္ကြန်ကာလတွင် သုံးရက်(အကျ၊ အကြတ်၊ အတက်) မွန်းလွဲ ၁ နာရီမှ ညနေ ၄ နာရီထိ ကမ်းနားလမ်း မင်္ဂလာအဆင့်မြင့်ဘုရင့်ရုံ လမ်းထောင့်မှ ထားဝယ်တံတားထိ ကျင်းပမည်ဖြစ်ပြီး ယင်းလမ်းအတွင်း ဗဟိုမဏ္ဍပ်၏ သီဆို၊ ကပြဖျော်ဖြေမှု၊ စတုဒိသာကျွေးမွေးခြင်း၊ ရေပက်ကစားခြင်းများ ပြုလုပ်မည်ဖြစ်ကြောင်း မွန်ပြည်နယ်ဝန်ကြီးချုပ် တက်ရောက်သည့် သင်္ကြန်အစည်းအဝေးကို ဧပြီ ၁၁ ရက်က ဆုံးဖြတ်ကြောင်း သိရသည်။

မော်လမြိုင်ကမ်းနားလမ်း၏ မြောက်ဘက် အတ္ထရံဟိုတယ်လမ်းမှ မြို့တောင်ဘက် ကျောက်မီးသွေးရုံလမ်းနှင့် သိပံ္ပကျောင်းလမ်းကို ဗဟိုပြုကာ တစ်လမ်းမောင်းပြုလုပ်ထားပြီး လမ်းများ၏အစတွင် လမ်းကြောင်းအမှတ်အသား၊ သတိပေးချက်၊ ယာဉ်တားတို့ကို ချထားမည်ဖြစ်ရာ ယာဉ်ကြောမပိတ်ဆို့ရန်နှင့် အန္တရာယ်ကင်းရန်၊ အချက်ပြအမှတ်အသားများအတိုင်း လိုက်နာကြရန် လိုအပ်ကြောင်း ၀န်ကြီးဗိုလ်မှူးကြီး ၀န်းနိုင်ဦးက ဆိုသည်။

ဝန်ကြီးချုပ်ဒေါက်တာအေးဇံက မွန်ပြည်နယ်၏ ဓလေ့အရ သင်္ကြန်ကာလ ငါး၊ ခြောက်ရက်ကြာရာ သင်္ကြန်ကာလတွင် အသောက်အစား အပျော်ကျူးမှုများကို စည်းကမ်းတကျ ဖြစ်စေရန် လုပ်ဆောင်နေကြသော လုံခြုံရေး၊ အုပ်ချုပ်ရေး တာဝန်ရှိသူများသည် အလျှော့ပေးမှုမရှိဘဲ ရဲရဲဝင့်ဝင့်၊ မြန်မြန်ထက်ထက် တာဝန်များကို ဥပဒေအရ ဆောင်ရွက်ကြရန်၊ ယင်းတို့၏နောက်တွင် မားမားမတ်မတ် ရပ်တည်ကာလုံးဝတာဝန်ယူကြောင်း၊ အထူးသဖြင့် မော်လမြိုင်၊ ရိုးဂိုးသင်္ကြန်တို့ကို အထူးကြပ်မတ်ဆောင်ရွက်ရန်၊ ကမ်းနားလမ်းကို ဆိုင်ကယ်ဝင်ခွင့်ကန့်သတ်ထားမှ လမ်းလျှောက်သင်္ကြန်အောင်မြင်မည်ဖြစ်ကြောင်း၊ လူလာများသည့် ကျိုက်ထီးရိုးဘုရားဒေသနှင့် ကေလာသတောင်ကို ဂရုစိုက်ရန်လိုကြောင်း၊ အလားတူရေးမြို့နယ် ကဗျာဝ၊ သံဖြူဇရပ် စက်စဲ၊ ကျိုက္ခမီတို့ကိုလည်း အလေးထားရမည်ဖြစ်ကြောင်း ပြောကြားသည်။

ရန်ကုန်မြို့တော်စည်ပင်မှ ရေပေးဝေနေသည့် မြို့နယ်များရှိ မဏ္ဍပ်များ စည်ပင်ရေ အသုံးပြုခွင့်ရရှိမည်

ရန်ကုန်သင်္ကြန်အတွက် ဆောက်လုပ်ထားသည့် ရေကစားမဏ္ဍပ်တစ်ခုကို တွေ့ရစဉ် (ဓာတ်ပုံ-သီဟအောင်)

ရန်ကုန်မြို့တော်စည်ပင်မှ ရေပေးဝေနေသည့် မြို့နယ်များရှိ မဏ္ဍပ်များ စည်ပင်ရေ အသုံးပြုခွင့်ရရှိမည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီ ရေနှင့် သန့်ရှင်းရေးဌာနမှ ဌာနမှူး ဦးအောင်ဆန်းဝင်းက ပြောကြားသည်။

“မြို့နယ်တွေကို ရေပေးတဲ့အချိန်သုံးချိန် ခွဲပေးမှာပေါ့။ သူ့ဧရိယာထဲမှာရှိတဲ့ မဏ္ဍပ်တွေက အဲဒီအတိုင်းပဲ ရေရမှာဖြစ်တယ်။ သူတို့က ဦးတို့ဆီကို ရေဆက်သွယ်ခွင့်လျှောက်ရမှာ ဖြစ်တယ်။ ကျောက်တံတား၊ ပန်းဘဲတန်း၊ လမ်းမတော်၊ လသာ၊ ဒဂုံ အဲဒါတွေက တစ်နေ့ကို နှစ်ကြိမ် ပေးမှာပေါ့။ မနက် ၈နာရီက နေ ၁၁ နာရီ တစ်ကြိမ်၊ ညနေ ၃ နာရီကနေ ခြောက်နာရီတစ်ကြိမ် ပေးမယ်။ အဲဒီလိုပေးသွားမယ်။ အလုံ၊ ကြည့်မြင်တိုင်၊ စမ်းချောင်း အဲဒီသုံးမြို့နယ်က မနက် ၈ နာရီက နံနက် ၁၀ နာရီထိ တစ်ကြိမ်ပဲ ပေးပါမယ်။ တာမွေ၊ တောင်ညွှန့်၊ ပုဇွန်တောင်၊ ဗိုလ်တထောင်၊ အင်းစိန်၊ မရမ်းကုန်း၊ ရန်ကင်း၊ လှိုင်၊ ကမာရွတ် ကျန်တဲ့မြို့နယ်တွေကတော့ နဂိုပေးတဲ့ အချိန်အတိုင်း ပေးသွားမှာ ဖြစ်ပါတယ်။ မဏ္ဍပ်တွေက လျှောက်ထားမှုမပြုဘဲ သုံးစွဲရင်တော့ စစ်ဆေးတဲ့အဖွဲ့တွေက စစ်ဆေးပြီး ထပ်မံဒဏ်ကြေးပေးဆောင်ရမှာ ဖြစ်ပါတယ်” ဟု ရန်ကုန်မြို့တော် စည်ပင်သာယာရေးကော် မတီရေနှင့် သန့်ရှင်းရေးဌာနမှ ဌာနမှူး ဦးအောင်ဆန်းဝင်းက ပြောကြားသည်။

ယခုနှစ် သင်္ကြန်ကာလအတွင်း ရန်ကုန်မြို့တွင် ရေပြတ်လပ်မှုမရှိစေရန် အချိန်တိုးမြှင့်ရေပေးဝေမှုများနှင့် ပတ်သက်ပြီး ရန်ကုန်မြို့တော်စည်ပင်သာယာရေးကော်မတီမှ ထုတ်ပြန်ထားသည်။

ထုတ်ပြန်ချက်တွင် ၂၀၁၈ခုနှစ် မဟာသင်္ကြန်ကာလအတွင်း ပြည်သူများ ရေပြတ်လပ်မှုမရှိစေရန် ရန်ကုန်မြို့တော် စည်ပင်သာယာရေးကော်မတီ၊ အင်ဂျင်နီယာဌာန၊ (ရေနှင့်သန့်ရှင်းမှု) က စီစဉ်ထားရှိပြီး ဧပြီ ၁၃ ရက် သင်္ကြန်အကြိုနေ့မှ ဧပြီ ၁၆ရက် သင်္ကြန်အကျနေ့တွင် ကျောက်တံတား၊ ပန်းဘဲတန်း၊ လသာ၊ လမ်းမတော်နှင့် ဒဂုံမြို့နယ်များသို့ နံနက် ၈ နာရီမှ ၁၁ နာရီအထိ တစ်ကြိမ်၊ ညနေ ၃ နာရီမှ ၆ နာရီအထိ တစ်ကြိမ် နှစ်ကြိမ်ခွဲ၍ ရေပေးဝေမည်ဖြစ်ကြောင်း သိရသည်။

ထို့ပြင် အလုံ၊ ကြည့်မြင်တိုင်နှင့် စမ်းချောင်းမြို့နယ်တို့တွင် နံနက် ၈ နာရီမှ ၁၀ နာရီအထိ ရေပေးဝေသွားမည်ဖြစ်ကြောင်း၊ တာမွေ၊ မင်္ဂလာတောင်ညွန့်၊ ပုဇွန်တောင်၊ ဗိုလ်တထောင်၊ မင်္ဂလာဒုံ၊ အင်းစိန်၊ မရမ်းကုန်း၊ ရန်ကင်း၊ ကမာရွတ်၊ လှိုင်သာယာ၊ ရွှေပြည်သာ၊ မြောက်ဥက္ကလာ၊ သင်္ဃန်းကျွန်း၊ သာကေတ၊ ဒေါပုံ၊ ဒဂုံမြို့သစ် (မြောက်ပိုင်း)၊ ဒဂုံမြို့သစ် (တောင်ပိုင်း) နှင့် ဒဂုံမြို့သစ် (အရှေ့ပိုင်း) နှင့် ဒဂုံဆိပ်ကမ်းမြို့နယ်များသို့ မူလအတိုင်း ရေပေးဝေမည်ဖြစ်ကြောင်း သိရသည်။

ဧပြီ ၁၇ ရက်တွင် မြို့နယ်များအားလုံးသို့ ယခင်ရေပေးဝေအချိန်အတိုင်း ပြန်လည်ပေးဝေသွားမည်ဖြစ်ကြောင်း၊ သတ်မှတ်ရေ ပေးချိန်တွင် ရေပိုက်များ အရေးပေါ်ပြင်ဆင် ရန်လိုအပ်ပါက သက်ဆိုင်ရာမြို့နယ် စည်ပင်သာယာအုပ်ချုပ်ရေးမှူးရုံးတွင် တာဝန်ချထားသည့် ၀န်ထမ်းများထံ အကူအညီတောင်းခံနိုင်ပြီး အရေးတကြီးအကူအညီလိုအပ်ပါက ရန်ကုန်မြို့တော်စည်ပင်သာယာရေးကော်မတီ၊ အင်ဂျင်နီယာ (ရေနှင့်သန့်ရှင်းမှု) တယ်လီဖုန်း ၀၉-၂၅၀၂၈၃၈၂၃၊ ၀-၂၅၀၂၈၃၅၁၂၊ ၀၉၅၀၅၄၅၆၅၊ ၀၉၅၀၈၁၂၂၉ သို့ ဆက်သွယ် အကူအညီတောင်းခံနိုင်ကြောင်း သိရသည်။

ထို့ပြင် ရန်ကုန်မြို့တော်စည်ပင်သာယာရေးကော်မတီပိုင် ရေပိုက်လိုင်း၊ အင်းလျားကန်နှင့် ကန်တော်ကြီးကန်တို့မှ ရေကိုဆက်သွယ်ကစားလိုသည့်ကိစ္စရပ်များ စိစစ်ဆောင်ရွက်ပေးနိုင်ရန်အတွက် ရန်ကုန်မြို့တော်စည်ပင်သာယာရေးကော် မတီ၊ အင်ဂျင်နီယာဌာန၊ (ရေနှင့်သန့်ရှင်းမှု) သို့ ဧပြီ ၁၃ ရက် သင်္ကြန် အကြိုနေ့ မွန်းလွဲ ၁၂ နာရီ နောက်ဆုံးထားပြီး ယာယီရေဆက်သွယ်ရန်အတွက် ခွင့်ပြုမိန့်လျှောက်ထားကြရမည်ဖြစ်ကြောင်း သိရသည်။

ရေဆက်သွယ်မှုကို မြို့နယ်စည်ပင်သာယာ အုပ်ချုပ်ရေးမှူးရုံး အင်ဂျင်နီယာဌာန (ရေနှင့် သန့်ရှင်းမှု) ၀န်ထမ်းများအား ရေဆက်သွယ်မှုများ လိုက်နာဆောင်ရွက်ရန် စည်းကမ်းချက်များနှင့်အညီ ရေကစားမဏ္ဍပ်သို့ ရေဆက်သွယ်ဆောင်ရွက်ပေးမည်ဖြစ်ပြီး ခွင့်ပြုချက်မရှိဘဲ ကော်မတီပိုင် ရေပိုက်လိုင်းများ၊ အင်းလျားကန်၊ ကန်တော်ကြီးကန်နှင့် အခြားမြေစိုက်ကန်များမှ ရေကိုဆက်သွယ်ပြီး ရေကစားခြင်းမပြုရန်နှင့် ကော်မတီပိုင် မီးသတ်ပိုက်ခေါင်းများမှ ဆက်သွယ်ပြီး ရေကစားခြင်းလုံးဝ မပြုရန်နှင့် ပြုလုပ်ပါက တည်ဆဲဥပဒေများနှင့်အညီ အရေးယူသွားမည်ဖြစ်ကြောင်း သိရသည်။

သင်္ကြန်ကာလမတိုင်မီ အခြေခံစားသောက်ကုန်နှင့် သားငါးဈေးနှုန်းများ မြင့်တက်လျက်ရှိ

ရန်ကုန်မြို့ သိမ်ကြီးဈေးအတွင်းရှိ သားငါးဆိုင်တန်း တစ်နေရာကို တွေ့ရစဉ် (ဓာတ်ပုံ-ကြည်နိုင်)

သင်္ကြန်ကာလမတိုင်မီ ကုန်ဈေးနှုန်းဈေးကွက်အတွင်း အခြေခံစားသောက်ကုန်များဖြစ်သည့် ဆန်၊ ဆီနှင့် သားငါးဈေးနှုန်းများ မြင့်တက်လျက်ရှိကြောင်း ဈေးကွက်အတွင်းမှ သိရသည်။

ဆန်ဈေးနှုန်းအနေဖြင့် ရွှေဘိုပေါ်ဆန်း တစ်ပြည်လျှင် ယခင်ကျပ် ၂၂၀၀-၂၇၀၀ မှ ကျပ် ၂၃၀၀-၂၉၀၀၊ ယခင်တစ်အိတ်လျှင် ကျပ် ၅၃၀၀၀-၆၂၄၀၀မှ ယခုကျပ် ၆၉၀၀၀ အထိသို့လည်းကောင်း၊ ဖျာပုံဆန်သစ်ရှယ် တစ်ပြည်လျှင် ယခင်ကျပ် ၁၈၀၀-၂၀၀၀ မှ ယခုအခါတွင် ကျပ် ၁၉၀၀-၂၂၀၀ သို့လည်းကောင်း၊ တစ်အိတ်လျှင် ယခင်ကျပ် ၄၅၀၀၀ မှ ယခုအခါတွင် ကျပ် ၅၀၀၀၀ သို့လည်းကောင်း ဈေးနှုန်းမြင့်တက်လျက်ရှိသည်။

ဆန်ကြမ်းဈေးနှုန်းများအနေဖြင့် ဧည့်မထဆန်တစ်အိတ်လျှင် ယခင်ကျပ် ၂၄၀၀၀-၂၆၀၀၀ မှ ယခုအခါတွင် ကျပ် ၃၀၀၀၀ သို့လည်းကောင်း၊ ဇီရာဆန်တစ်အိန်လျှင် ယခင်ကျပ် ၂၄၀၀၀-၂၆၄၀၀ မှ ယခုအခါတွင် ကျပ် ၁၉၀၀၀ မှ ကျပ် ၃၀၀၀၀ ကြားသို့ ဈေးနှုန်းမြင့်တက်လျက်ရှိကြောင်း သိရသည်။

သား၊ ငါးဈေးနှုန်းများအနေဖြင့် မွေးမြူရေးကြက် တစ်ပိဿာလျှင် ယခင်ကျပ် ၅၀၀၀-၇၀၀၀ ကြားရှိရာမှ ယခုကျပ် ၆၀၀၀- ၈၀၀၀ သို့လည်းကောင်း၊ အိမ်ကြက်တစ်ပိဿာလျှင် ယခင်ကျပ် ၈၀၀၀-၁၁၀၀၀ ကြားမှ ယခုကျပ် ၁၀၀၀၀-၁၃၀၀၀ သို့ လည်းကောင်း၊ ၀က်သားတစ်ပိဿာလျှင် ယခင်ကျပ် ၆၀၀၀-၁၀၀၀၀ ကြားမှ ယခုကျပ် ၇၀၀၀ မှ ၁၂၀၀၀ သို့လည်းကောင်း၊ အမဲသားတစ်ပိဿာလျှင် ယခင်ကျပ် ၇၀၀၀-၁၂၀၀၀ ကြားရှိခဲ့ရာ ယခုအခါတွင် ကျပ် ၈၀၀၀-၁၃၀၀၀ သို့လည်းကောင်း ဈေးနှုန်းအသီးသီး မြင့်တက်လျက်ရှိသည်။

“ဆန်ဈေးတွေအနေနဲ့ ဆန်အမျိုးအစားလိုက် အနည်းဆုံးတစ်ပြည်ကို ကျပ် ၁၀၀ စီတက်တယ်။ အရင်တက်ဈေးထက် ပိုတက်သွားတာပေါ့။ အိတ်လိုက်ဈေးနဲ့ တွက်မယ်ဆိုရင် ပျမ်းမျှအနေနဲ့ ကျပ် ၂၀၀၀ ကနေ ၃၀၀၀ လောက်အထိ ဈေးတက်တယ်။ ဆန်ဈေးတွေက တစ်နှစ်မှာတစ်ပြည် ကျပ် ၁၀၀ ကနေ ၂၀၀ အတွင်း ဈေးတက်နေတာ။ အခုဆို ရွှေဘိုပေါ်ဆန်းက တော်တော်လေးကိုမှ ဈေးတက်သွားတာပဲကြည့်တော့။ ကျွန်တော့်အထင်ပေါ့ဗျာ။ ဆန်ဈေးနှုန်းတွေအနေနဲ့က ဈေးတက်ဖို့ပဲရှိတယ်” ဟု တာမွေမြို့နယ်ရှိ ဆန်လက်လီအရောင်းဆိုင်မှ ဆိုင်ပိုင်ရှင်က ပြောကြားသည်။

ငါးဈေးနှုန်းများအနေဖြင့်လည်း ယခင်ငါးမြစ်ချင်း တစ်ပိဿာလျှင် ကျပ် ၄၀၀၀ မှ ၅၀၀၀ ရှိခဲ့ရာ ယခုအခါတွင် တစ်ပိဿာ ကျပ် ၅၀၀၀-၅၅၀၀ သို့လည်ကောင်း၊ ငါးကျီးနှင့် ငါးခူ တစ်ပိဿာလျှင် ယခင်ကျပ် ၈၀၀၀-၁၁၀၀၀ မှ ယခုအခါတွင် တစ်ပိဿာကျပ် ၁၂၀၀၀ သို့လည်းကောင်း၊ ငါးကြင်းတစ်ပိဿာ ကျပ် ၅၀၀၀-၆၀၀၀ ရှိခဲ့ရာမှ ယခုအခါတွင် တစ်ပိဿာလျှင်ကျပ် ၇၀၀၀ သို့လည်းကောင်း ဈေးနှုန်းများအနေဖြင့် ကျပ် ၅၀၀ မှစတင်၍ မြင့်တက်နေခြင်းဖြစ်သည်။

“သားငါးဈေးနှုန်းတွေက တစ်ပိဿာ ၃၀၀၀၊ ၄၀၀၀ ဆိုတာ မရှိတော့ဘူး။ နောက်ပြီး အခုကသင်္ကြန်လည်းနီးပြီဆိုတော့ သားဈေး၊ ငါးဈေးတွေက ဈေးတက်တယ်။ နောက်ပြီး ပစ္စည်းရှားလာတာရယ်ကြောင့် ဈေးတွေက ထက်ဝက်စီမြင့်နေရတာ။ ဈေးကတက်နေပေမယ့် ဈေးပိတ်ရက်လည်းရှိတော့ ဒီပိတ်ရက်တွေအတွက် ဈေးကြီးလည်းတင်ရောင်းရတာတွေရှိတယ်။ သင်္ကြန်အတွက်ဆိုပြီး တစ်ပတ်စာလာဝယ်တဲ့ သူတွေကလည်းရှိတော့ ဒီရက်ပိုင်းအတွင်းကတော့ ရောင်းရပါတယ်” ဟု တာမွေမြို့နယ်ရှိ တာမွေဈေးအတွင်း သားငါးရောင်းချလျက်ရှိသော ဈေးသည်တစ်ဦးက ပြောကြားသည်။

သင်္ကြန်ကာလ နီးကပ်လာခြင်းနှင့် ကုန်စည်ကား၊ သင်္ဘောများ ဆိုက်ရောက်မှု နည်းပါးခြင်းကြောင့် ဈေးကွက်အတွင်း ဆန်၊ ဆီသား၊ ငါးဈေးနှုန်းများမှာ ယခုကဲ့သို့ဈေးနှုန်းမြင့်တက်နေခြင်းဖြစ်ကြောင်း သိရသည်။

ထို့ပြင် ဆီဈေးနှုန်းများအနေဖြင့် ပြည်တွင်းပဲဆီနှင့် ဆုံဆီဈေးနှုန်းများ ထူးထူးခြားခြား မြင့်တက်မှုမရှိသော်လည်း ပြည်ပမှတင်သွင်းလျက်ရှိသည့် စားအုန်းဆီဈေးနှုန်းများအနေဖြင့် တစ်ပိဿာလျှင် ယခင်ကျပ် ၁၉၀၀-၂၀၀၀ ရှိခဲ့ရာမှ ယခုအခါတွင် ကျပ် ၂၁၀၀ မှ ၂၃၀၀ သို့ဈေးနှုန်းမြင့်တက်လျက်ရှိကြောင်း သိရသည်။

ကြက်သွန်ဈေးနှုန်းများအနေဖြင့် ကြက်သွန်နီဈေးနှုန်းများမှာ ဈေးနှုန်းအနည်းငယ် ကျဆင်းလျက်ရှိသော်လည်း ကြက်သွန်ဖြူဈေးနှုန်းအနေဖြင့် ဈေးနှုန်းအတက်အကျမရှိ ယခင်အတက်ဈေးအတိုင်းသာ ရှိနေကြောင်း သိရသည်။ ဘဲဥဈေးနှုန်းများအနေဖြင့် ဘဲဥတစ်လုံးလျှင် ယခင် ၁၂၀-၁၆၀ မှ ယခုအခါတွင် ကျပ် ၁၅၀ မှ ၂၀၀ အထိဈေးနှုန်းမြင့်တက်လျက်ရှိသည်။

“အခုလို ပွဲတော်ရက်နားနီးရင် ကုန်ဈေးနှုန်းတွေက အကြောင်းအရာမရှိကို ဈေးတက်နေတာပဲ။ တစ်နှစ်ကို တစ်ခါကတော့ ဈေးတက်နေကျပါပဲ။ ဈေးမတက်တဲ့နှစ်လည်း တစ်နှစ်မှမရှိဘူး။ အခုအဆိုးဆုံးကတော့ ဆန်ဈေးတွေက အရမ်းကိုဈေးတွေ ခေါင်ခိုက်နေတာပါပဲ။ မြန်မာနှစ်ကူးလည်းတက်တယ်။ တရုတ်နှစ်ကူးလည်းတက်တယ်။ အင်္ဂလိပ်နှစ်ကူးလည်းတက်တယ်။ ဟိုဟာကြောင့်လည်း ဈေးတက်တယ်။ ဒီဟာကြောင့်လည်း ဈေးတက်တယ်။ အမြဲတမ်းကုန်ဈေးနှုန်းက တက်နေတာချည်းပါပဲ” ဟု သင်္ဃန်းကျွန်းမြို့နယ်မှ အိမ်ရှင်မ ဒေါ်လွင်လွင်အေးက ပြောကြားသည်။

ကုန်ဈေးနှုန်းများအနေဖြင့် ၂၀၁၄ ခုနှစ်မှ ဈေးနှုန်းသိသိသာသာ မြင့်တက်လာခြင်းဖြစ်ပြီး လေးနှစ်တာကာလအတွင်း ကုန်ဈေးနှုန်းများ နှစ်ဆ၊ သုံးဆခန့် ဈေးနှုန်းမြင့်တက်နေခြင်းဖြစ်သည်။

ကုန်ဈေးနှုန်းမြင့်တက်မှုအနေဖြင့် ၂၀၁၅ ခုနှစ် နိုဝင်ဘာလ ရွေးကောက်ပွဲပြီး ကာလအတွင်းမှစတင်ကာ သုံးနှစ်တာကာလအတွင်း ဈေးနှုန်းများအနေဖြင့် စံချိန်တင်မြင့်တက်ခဲ့ခြင်းဖြစ်သည်။ ထိုသို့မြင့်တက်ခဲ့သည့် ကုန်ဈေးနှုန်းများသည် ၂၀၁၆ ခုနှစ် ဧပြီ သင်္ကြန်မတိုင်မီကာလတွင် ဈေးနှုန်းထပ်မံမြင့်တက်လာခြင်းဖြစ်သည်။

အခြေခံစားသောက်ကုန်စည်များသည် ၂၀၁၃ ခုနှစ်မှ စတင်၍ ဈေးနှုန်းစတင်မြင့်တက်လာခြင်းသော်လည်း ၂၀၁၃-၂၀၁၄ ခုနှစ်အတွင်း စံချိန်တင်မြင့်တက်ခဲ့ခြင်းမရှိခဲ့ပေ။

သုံးနှစ်တာကာလ ကုန်စည်ဈေးနှုန်းများ မြင့်တက်ခြင်းအကြောင်းအရင်းများမှာအနေဖြင့် ၀န်ထမ်းလစာတိုးခြင်း၊ ဒေါ်လာဈေးမြင့်တက်ခြင်း၊ ကုန်ပစ္စည်းအ၀င်နည်းခြင်းနှင့် လမ်းပန်းဆက်သွယ်ရေး စသည့်အခက်အခဲများကြောင့် ယခုကဲ့သို့ ဈေးနှုန်းမြင့်တက်ခြင်းဖြစ်ပြီး ကုန်ဈေးနှုန်း တစ်ဟုန်ထိုးမြင့်တက်သည့်ဒဏ်ကို ၂၀၁၃ ခုနှစ် ဇွန်လမှစတင်၍ ခံစားလာရခြင်းဖြစ်သည်။

သုံးနှစ်တာကာလအတွင်း မြင့်တက်ခဲ့သည့် ကုန်ဈေးနှုန်းများမှာ တစ်ကြိမ်တစ်ခါမှ ဈေးနှုန်းသိသိသာသာ ပြန်လည်ကျဆင်းမရှိသေးဘဲ ဈေးနှုန်းအနည်းငယ်တက်လိုက်၊ ကျလိုက်အနေအထားဖြင့်ရှိနေခဲ့ပြီး ယခု ၂၀၁၈ ခုနှစ် မြန်မာနှစ်သစ်ကူးသင်္ကြန်ကာလ နီးကပ်လာသည်နှင့်အမျှ ကုန်ဈေးနှုန်းများမှာ အတက်ပြလျက်ရှိနေသည့် အနေအထားရှိနေကြောင်း ဈေးကွက်အတွင်းမှ သိရသည်။

သင်္ကြန်ကာလ နီးကပ်လာပြီ ဖြစ်သော်လည်း ရန်ကုန်မြို့တွင် စီးပွားဖြစ် သင်္ကြန်မဏ္ဍပ် တည်ဆောက်ခွင့် လက်မှတ် လာရောက်ထုတ်ယူသူ ၁၃ ဦးသာရှိ

ယခုနှစ်သင်္ကြန်အတွက် ပြည်လမ်းတွင် တည်ဆောက်နေသည့် စီးပွားဖြစ်မဏ္ဍပ် တစ်ခုကို တွေ့ရစဉ် (ဓာတ်ပုံ- သီဟအောင်)

သင်္ကြန်နား နီးကပ်လာပြီ ဖြစ်သော်လည်း ရန်ကုန်မြို့တွင် သင်္ကြန်မဏ္ဍပ် တည်ဆောက်ခွင့်လက်မှတ် လာရောက် ထုတ်ယူသူ ၁၃ ဦးသာ ရှိသေးကြောင်း ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာဌာန (လမ်းနှင့်တံတား) မှ လက်ထောက်အင်ဂျင်နီယာ ဦးသန်းဟုတ်က ပြောကြားသည်။

“ယနေ့အထိတော့ မဏ္ဍပ်တည်ဆောက်ခွင့်အတွက် လက်မှတ်လာရောက် ထုတ်တဲ့သူက ၁၃ ဦးပဲရှိသေးတယ်။ လျှောက်ထားတာကတော့ ၆၉ ဦးရှိတယ်။ ပါမစ်ထုတ်ပေးထားတဲ့သူက ၁၃ ဦးပေါ့” ဟု ဦးသန်းဟုတ်က ပြောကြားသည်။

မဏ္ဍပ်တည်ဆောက်ခွင့် လက်မှတ်များအား ဧပြီ ၁၀ ရက် နောက်ဆုံးထား လာရောက် ထုတ်ယူရမည်ဖြစ်ပြီး လာရောက် ထုတ်ယူခြင်း မပြုသူများ အနေဖြင့် မဏ္ဍပ်တည်ဆောက်ခွင့် ရရှိမည် မဟုတ်ကြောင်း သိရသည်။

၂၀၁၈ ခုနှစ် မြန်မာ့ရိုးရာ သင်္ကြန်မဏ္ဍပ်များ စားရင်းချုပ်သည် ပြည်လမ်းတွင် မဏ္ဍပ်ကြီး ခုနစ်ခု၊ မဏ္ဍပ်လတ် လေးခု၊ ဌာနဆိုင်ရာ မဏ္ဍပ် ၃၂ ခု၊ ဝေဇယန္တာလမ်းတွင် မဏ္ဍပ်ကြီးလေးခု၊ အရှေ့မြင်းပြိုင်ကွင်းလမ်းတွင် မဏ္ဍပ်ကြီးတစ်ခု၊ တက္ကသိုလ်ရိပ်သာလမ်းတွင် မဏ္ဍပ်ကြီးလေးခု၊ မဏ္ဍပ်လတ်တစ်ခု၊ မင်းဓမ္မလမ်းတွင် မဏ္ဍပ်ကြီးတစ်ခု၊ အနော်ရထာလမ်းတွင် မဏ္ဍပ်ကြီးတစ်ခု၊ မဏ္ဍပ်လတ်တစ်ခု၊ ကုန်သည်လမ်းတွင် မဏ္ဍပ်ကြီးတစ်ခု၊ ပါရမီလမ်းတွင် မဏ္ဍပ်လတ်နှစ်ခု၊ အင်းစိန်လမ်းတွင် မဏ္ဍပ်လတ်တစ်ခု၊ စက်မှု (၁) လမ်းတွင် မဏ္ဍပ်လတ်နှစ်ခု၊ ကန်တော်ကြီးပန်းခြံတွင် စတုဒီသာနှင့် လမ်းလျှောက်သင်္ကြန်နှစ်ခု၊ ဦးဥတ္တမပန်းခြံတွင် စတုဒိသာနှင့် လမ်းလျှောက်သင်္ကြန်တစ်ခု၊ မဟာဗန္ဓုလပန်းခြံတွင် စတုဒိသာနှင့် လမ်းလျှောက်သင်္ကြန် တစ်ခုတို့ဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့၏ ထုတ်ပြန်ချက်အရ သိရသည်။

ယခုနှစ်တွင် မဏ္ဍပ်တည်ဆောက်မည့်သူများ အနေဖြင့် လိုက်နာရမည့် အချက်များသည် သတ်မှတ်ခွင့် ပြုပေးသည့်နေရာ၊ သတ်မှတ်ခွင့်ပြုပေးသည့် အတိုင်းအတာ အတိုင်းသာ ဆောက်လုပ်ရမည်ဖြစ်ပြီး ခွင့်ပြုသည့် နေရာမှ ကျော်လွန်၍ လည်းကောင်း၊ ရွှေ့ပြောင်း၍လည်းကောင်း၊ ဆောက်လုပ်ခွင့် မပြုကြောင်း၊ လိုက်နာဆောင်ရွက်ခြင်း မရှိပါက မဏ္ဍပ်ဆောက်လုပ်ခွင့်အား ပြန်လည်ရုပ်သိမ်းသွားမည် ဖြစ်ကြောင်း သိရသည်။

ထို့ပြင် မဏ္ဍပ်ဆောက်လုပ်ရန်အတွက် ခွင့်ပြုချက်ရရှိသူမှ အခြားသူများကို ငှားရမ်းခြင်း၊ လွှဲပြောင်းရောင်းချခြင်း လုံးဝမပြုလုပ်ရန်နှင့် လျှောက်ထားသူကိုယ်တိုင် ဆောက်လုပ်အသုံးပြုရန် ဖြစ်ကြောင်း၊ လိုက်နာမှုမရှိပါက မူလခွင့်ပြုချက် ရရှိထားသော ပိုင်ရှင်မှ ၎င်းပေးသွင်းထားသည့် စပေါ်ငွေအနက် မဏ္ဍပ်ကြီးအတွက် ကျပ်သိန်း ၅၀ ကိုလည်းကောင်း၊ မဏ္ဍပ်အလတ်အတွက် ကျပ်သိန်း ၃၀ ကိုလည်းကောင်း ဒဏ်ကြေးအဖြစ် ပေးဆောင်ရမည် ဖြစ်ကြောင်း သိရသည်။

သင်္ကြန်မဏ္ဍပ် ဆောက်လုပ်ခြင်းကြောင့် လမ်းသား၊ စင်္ကြန်နှင့် ရေမြောင်းများ ပျက်စီးမှု ဖြစ်ပေါ်ပါက ပြန်လည်ပြင်ဆင်ရန်အတွက် ပျက်စီးမှု အတိုင်းအတာအလိုက် ကျသင့်တန်ဖိုးငွေအား ပေးသွင်းထားရှိသည့် စပေါ်ငွေမှ အင်ဂျင်နီယာ (လမ်းနှင့် တံတား) သို့ ပေးသွင်းရမည် ဖြစ်ကြောင်း၊ မဏ္ဍပ်ဆောက်လုပ်ခွင့်ပြုရန် လျှောက်ထားသူသည် သင်္ကြန်အပြီး ငါးရက်တွင် မဏ္ဍပ်များကို ပတ်ဝန်းကျင်ကို မထိခိုက်စေဘဲ သပ်ရပ်စွာ အပြီးအစီး ဖျက်သိမ်းပေးရမည်ဖြစ်ကြောင်း၊ နောက်ကျပါက တစ်ရက်လျှင် ဒဏ်ကြေးကျပ် ငါးသိန်း နေ့စဉ် ပေးဆောင်ရမည်ဖြစ်ကြောင်း သိရသည်။

မဏ္ဍပ်ဆောက်လုပ်မှုအား သင်္ကြန်အကြိုနေ့မတိုင်မီ သုံးရက်ခန့် အလိုတွင် မဏ္ဍပ်များအား အပြီးဆောက်လုပ်ရမည် ဖြစ်ကြောင်း၊ မဏ္ဍပ်များ ဆောက်လုပ်မှုကို မဏ္ဍပ်ကြံ့ခိုင်မှု စစ်ဆေးရေးကော်မတီ၏ ကြီးကြပ်ကွပ်ကဲမှုနှင့်အညီ ဆောက်လုပ်ရမည် ဖြစ်ကြောင်း သိရသည်။

 

မြန်မာနှစ်သစ်ကူးသင်္ကြန် ဆင်နွှဲရန် နေရပ်ပြန်လာသူ မြန်မာလုပ်သား သောင်းနှင့်ချီရှိနေကြောင်း သိရ

မြန်မာနှစ်သစ်ကူးသင်္ကြန် ဆင်နွှဲရန် နေရပ်ပြန်လာသူ မြန်မာလုပ်သားများအား မြ၀တီဘက်ခြမ်းတွင် တွေ့ရစဉ်

အတာသင်္ကြန်ခွင့်ရက် ဒုတိယမြောက်နေ့ ဖြစ်သော ဧပြီ ၆ ရက်တွင် နေရပ် မြန်မာနိုင်ငံသို့ ပြန်လာသူ မြန်မာရွှေ့ပြောင်းလုပ်သား သောင်းနှင့်ချီ၍ရှိကြောင်း သိရသည်။

ထိုင်းအစိုးရ၏ သင်္ကြန်ခွင့်ပြန်ရက် ၂၅ ရက်ကို နိုင်ငံဖြတ်ကျော် အထွေထွေ ၀န်ဆောင်စရိတ် အခမဲ့ ဆောင်ရွက်ပေးသည့် ဧပြီ ၅ ရက်မှစ၍ အလုံးအရင်းဖြင့် နေရပ်သို့ ပြန်လာနေကြရာ ဒုတိယနေ့တွင် နံနက် ၉ နာရီခန့်ကတည်းက တံတားပေါ်မှ ပြန်သူ ၇၀၀၀ ကျော်ရှိပြီဖြစ်ပြီး သောင်းရင်းဖြတ်ကျော် စက်လှေဂိတ်များမှ ပြန်လာကြသူများ ရှိကြောင်း သိရသည်။

နေရပ်ပြန်လာကြသူများမှာ လူငယ်များဖြစ်ပြီး သူငယ်ချင်း အပေါင်းသင်းများနှင့် ပျော်ပျော်ပါးပါး နှစ်သစ်ကူးပွဲ ဆင်နွှဲရန် ဖြစ်ကာ လူလတ်ပိုင်းများ အနေဖြင့် သားသမီး ရှင်ပြု၊ အလှူပြုလုပ်ရန် ပြန်လာခဲ့ကြသည်ဟု ဆိုသည်။

“ကျွန်တော်တို့ကတော့ ထိုင်းမှာလုပ်နေတာလည်း သုံးနှစ်ရှိပါပြီ။ အမေတို့နဲ့ ထားခဲ့တဲ့ သားလေးကို ရှင်ပြုချင်လို့ မဖြစ်မနေ ပြန်လာခဲ့တာ ဖြစ်ပါတယ်။ အမေ၊ အဖေနဲ့ သားလေးကို လွမ်းတာလည်း ပါတာပေါ့” ဟု  နေရပ်ပြန်လာသူ ချောင်းဆုံမြို့နယ်မှ ကိုချစ်ထွန်းက ပြောကြားသည်။

နေရပ်ပြန်သူ များပြားရခြင်းနှင့် ပတ်သက်၍ မြန်မာရွှေ့ပြောင်း လုပ်သားများအား ကူညီဆောင်ရွက်ပေးနေသူ KTG လူမှုကူညီရေးရုံးမှ မန်နေဂျင်းဒါရိုက်တာ ကိုသာကြီးက “ဒီနေ့မနက်မှာပဲ တံတားက ပြန်လာတာ ၇၀၀၀ ကျော်သွားပါပြီ။ ဒါထိုင်းအစိုးရရဲ့ အခမဲ့ ၀န်ဆောင်ခကြောင့်လို့ ပြောရပါမယ်။ ဒါပေမဲ့ ဧပြီ ၃၀ ရက်မတိုင်ခင် ထိုင်းကို ပြန်ဝင်ဖို့တော့ လိုပါတယ်” ဟု ပြောကြားသည်။

ထို့အတူ မြန်မာနိုင်ငံဘက်ခြမ်း၌လည်း နေရပ်ပြန် မြန်မာနိုင်ငံသား ရွှေ့ပြောင်းလုပ်သားများ၏ ပတ်စ်ပို့စာအုပ်များကို ငွေကြေးတစ်စုံတစ်ရာ မယူဘဲ အခမဲ့ ပြည်ဝင်ခွင့် တံဆိပ်တုံး ထုပေးလျက်ရှိကြောင်း သိရသည်။

နေရပ်ပြန် မြန်မာရွှေ့ပြောင်းလုပ်သားများ များပြားခြင်းကြောင့် မြို့တွင်း၌ ယာဉ်ကြောပိတ်ဆို့မှုများ ဖြစ်ပေါ်လျက်ရှိကာ ယာဉ်လိုင်းမဲ့ ပြင်ပမှ ပြေးဆွဲသော ခရီးသည်ပို့ဆောင်ရေး ကားခဈေးနှုန်းမှာလည်း အနည်းငယ် မြင့်တက်စပြုနေပြီ ဖြစ်ကြောင်း သိရသည်။ ထို့အတူ တစ်ဖက်တွင်လည်း  မိသားစု ၀မ်းရေး ဖြေရှင်းရန် လုပ်အားခ ပိုမိုရရှိသည့် ထိုင်းနိုင်ငံဘက်သို့ နေ့စဉ်ရာနှင့်ချီ ထွက်ခွာလျက်ရှိကြောင်း သိရသည်။

သင်္ကြန်ကာလအတွင်း ခရီးသွားလာရာတွင် နစ်နာမှုမရှိစေရန် ရည်ရွယ်၍ စားသုံးသူရေးရာဦးစီးဌာနက မန္တလေးမြို့ရှိ အဝေးပြေးကားကွင်းများတွင် အသိပညာပေးဆွေးနွေးမှုပြုလုပ်

စားသုံးသူရေးရာဦးစီးဌာနက မန္တလေးမြို့ရှိ အဝေးပြေးကားဝင်းတစ်ခုတွင် အသိပညာပေး ဆွေးနွေးနေစဉ်

သင်္ကြန်ကာလအတွင်း ခရီးသွားလာရာတွင် ပြည်သူများနစ်နာမှုမရှိစေရန် ရည်ရွယ်၍ စားသုံးသူရေးရာဦးစီးဌာနမှ မန္တလေးမြို့ရှိ အဝေးပြေးယာဉ်ရပ်နားစခန်းများတွင် အသိပညာပေးဆွေးနွေးခြင်းများ ဆောင်ရွက်လျက်ရှိရာ ဧပြီ ၃ ရက် မွန်းလွဲပိုင်းက မန္တလေးပြည်ကြီး မျက်ရှင်ကားကြီးကွင်းတွင် အသိပညာပေး ဆွေးနွေးမှုပြုလုပ်ခဲ့ကြောင်း သိရသည်။

သင်္ကြန်ကာလအတွင်း ခရီးသွားပြည်သူများအနေဖြင့် ခရီးသွားလာရာတွင် ယာဉ်စီးခနှုန်းထားများ ပိုမိုတောင်းခံခြင်းမပြုရန်၊ မူလ၀ယ်ယူထားသောခုံနံပါတ်နှင့် ယာဉ်စီးနင်းရာတွင် လွဲမှားခြင်း၊ ခရီးသည်အားသတ်မှတ်နေရာသို့ ရောက်ရှိအောင် ပေးပို့မှုမရှိခြင်း၊ ခရီးစဉ်များအားအချိန်နှင့် တစ်ပြေးညီထွက်ခွာမှုမရှိခြင်း၊ လက်မှတ်ဝယ်ယူရာ၌ ကြော်ငြာထားသည့်ရက်များတွင် အမှန်တကယ် ၀ယ်ယူရရှိမှုမရှိခြင်းနှင့် စားသုံးသူပြည်သူများ နစ်နာမှုမရှိစေရန် ဌာနဆိုင်ရာများနှင့် ပူးပေါင်း၍ ကြိုတင်ဆောင်ရွက်ထားရန် ကြိုတင်ဆောင်ရွက်ခြင်းများ လုပ်ဆောင်လျက်ရှိပြီး ပြည်သူများအနေဖြင့် အဆင်မပြေမှုများဖြစ်ပေါ်ပါက စားသုံးရေးရာအဖွဲ့များသို့ တိုင်ကြားနိုင်ရန် အသိပညာပေးဆွေးနွေးခြင်းဖြစ်ကြောင်း သိရသည်။

“ယာဉ်လိုင်းတွေမှာ စားသုံးသူကာကွယ်ပေးရေး ဟောပြောပွဲလာလုပ်တာပါ။ ရည်ရွယ်ချက်အနေနဲ့ နှစ်ချက်ရှိပါတယ်။ စားသုံးသူကာကွယ်ပေးရေးနဲ့ ပတ်သက်ပြီးမှ အသိပညာတွေသိရှိဖို့နဲ့ လက်ရှိသူတို့က ၀န်ဆောင်မှုပေးတဲ့ လုပ်ငန်းရှင်တွေဖြစ်တဲ့အတွက် လိုက်နာရမယ့်ကျင့်ဝတ်တွေ၊ စည်းကမ်းတွေကို စားသုံးသူကာကွယ်ပေးရေးဥပဒေနဲ့အညီ သိရှိပြီး လုပ်ကိုင်ဆောင်ရွက်ပေးနိုင်ဖို့နဲ့ နောက်တစ်ချက်က မကြာခင်မှာ သင်္ကြန်ကာလ ရုံးပိတ်ရက်ချိန်မှာ ခရီးသွားလာမယ့်သူတွေ များတယ်။ အဲလိုချိန်မှာ ဖြစ်လေ့ဖြစ်ထရှိတဲ့ အဆင်မပြေမှုတွေ၊ နစ်နာမှုတွေမဖြစ်အောင်လို့ ရည်ရွယ်ကျင်းပတာပါ” ဟု စားသုံးသူရေးရာဦးစီးဌာန မန္တလေးတိုင်းဒေသကြီး ဦးစီးမှူး ဦးမြင့်ဇော်ဦးက ပြောကြားသည်။

ခရီးသွားပြည်သူများအနေဖြင့် သင်္ကြန်ကာလအတွင်း ခရီးသွားလာရာတွင် နစ်နာမှုများရှိပါက တိုင်းဒေသကြီးအတွင်းရှိ စားသုံးသူရေးရာရုံးများသို့ တိုင်ကြားနိုင်ပြီး တိုင်ကြားမှုများအား ဥပဒေနှင့်အညီ စစ်ဆေးအရေးယူခြင်းများ ဆောင်ရွက်သွားမည်ဖြစ်ကြောင်း၊ အများပြည်သူသိရှိရန် အသိပညာပေးဆွေးနွေးပွဲများကိုလည်း တိုင်းဒေသကြီးအတွင်းရှိ ဂိတ်များတွင် ရက်ပိုင်းအတွင်း ခရိုင်၊ မြို့နယ်အဖွဲ့များဖြင့် ဆောင်ရွက်သွားမည်ဖြစ်ကာ မန္တလေးမြို့ရှိ ခရီးသွားလာမှုများသော ပြည်ကြီးမျက်ရှင်ကားကွင်း၊ ချမ်းမြရွှေပြည်ကားကွင်းနှင့် မန္တလာသီရိကားကွင်းများတွင် အဓိကထားဆောင်ရွက်မည်ဖြစ်ကြောင်း သိရသည်။

ထို့အတူ မန္တလေးတိုင်းဒေသကြီး ယာဉ်လုပ်ငန်းကြီးကြပ်မှုကော်မတီ (အဝေးပြေး) မှလည်း သင်္ကြန်ပွဲတော်ကာလတွင် မန္တလေးမြို့ရှိ အဝေးပြေးယာဉ်ရပ်နားစခန်းဂိတ်များမှ ရန်ကုန်၊ နေပြည်တော်၊ ပြည်၊ တောင်ကြီး၊ ပုဂံညောင်ဦး စသည့် ခရီးစဉ်များနှင့် တခြားခရီးစဉ်များအား ထွက်ခွာပြေးဆွဲမည့် အဝေးပြေးခရီးသည်တင် မော်တော်ယာဉ်အသင်းများအနေဖြင့် လက်မှတ်ခနှုန်းထားများအား ပုံမှန်ထက်ပိုမိုတောင်းခံခြင်းမပြုရန်နှင့် ဈေးပိုမိုရောင်းချပါက ဒဏ်ငွေ ကျပ် ၅၀၀၀၀ ပေးဆောင်ရန် ယာဉ်လိုင်းများသို့ အသိပေးအကြောင်းကြားစာ ထုတ်ထားကြောင်း သိရသည်။