သံလွင်မြစ်ရေ ပြန်လည်ကျဆင်းနေပြီဖြစ်သော်လည်း စိုးရိမ်ရေမှတ်ထက်တွင် ရှိနေကာ ကယ်ဆယ်ရေးစခန်းများ ရုပ်သိမ်းနိုင်ခြင်းမရှိသေး

ဘားအံမြို့အမှတ် ၅ ရပ်ကွက်အတွင်း သံလွင်မြစ်ရေ ပြန်လည်ကျဆင်းနေသည်ကို တွေ့ရစဉ်

စက်တင်ဘာ ၁၀ ရက် နံနက် ၉ နာရီတိုင်း ထွာချက်အရ သံလွင်မြစ်ရေချိန်မှာ ၎င်း၏ စိုးရိမ်ရေမှတ်အထက် ၈၅၂ စင်တီမီတာတွင် ရှိနေပြီး မြစ်ရေကျဆင်းသော်လည်း ကယ်ဆယ်ရေးစခန်းများ ရုပ်သိမ်းနိုင်ခြင်း မရှိသေးကြောင်း သိရသည်။

“အခုမြစ်ရေက စတုတ္ထအကြိမ် ပြန်လည်ကျဆင်းနေတာဖြစ်တယ်။ လောလောဆယ် မြစ်ရေက တက်လိုက်ကျလိုက် အနေအထားရှိတော့ မြစ်ရေအခြေအနေကို စောင့်ကြည့်နေပါတယ်။ မြစ်ရေကျတယ်ဆိုပေမဲ့ လုံးလုံးကြီး ကျသွားတာ မဟုတ်တော့ နေအိမ်တွေ မပေါ်သေးသလို လမ်းတွေလည်း ရေမြုပ်တုန်းဆိုတော့ ကယ်ဆယ်ရေးစခန်းတွေ ရုပ်သိမ်းလို့မဖြစ်သေးဘူးလေ။ မြစ်ရေက ပြန်လည်မတက်နိုင်ဘူး။ တစ်ထစ်ချပြောလို့မရဘူး။ တော်သလင်းလပြည့်ရေ ကျန်သေးတယ်။ မြစ်အထက်ပိုင်း မိုးကောင်းလာရင် ရေက တက်လာနိုင်သေးတယ်” ဟု ဘားအံမြို့ဒေသခံတစ်ဦးက သုံးသပ်ပြောကြားသည်။

သံလွင်မြစ်သက်ရောက်ရာ ဘားအံမြို့တွင် မြန်မာနိုင်ငံ မြစ်ရေကြီးမှုကာလဖြစ်သည့် ဇူလိုင် ၂၁ ရက်မှစတင်၍ မြစ်ရေလွှမ်းမိုးမှု ဖြစ်ပေါ်ပြီး ရေကြီးကာလနှစ်လနီပါးရှိကာ မြစ်ရေမှာ တက်လိုက်၊ ဆုတ်လိုက် အနေအထား ဖြစ်ပေါ်လျက်ရှိပြီး ရေကြီးရေလွှမ်းမိုးမှု ဆက်လက်ဖြစ်ပေါ်နေကြောင်း သိရသည်။

မြစ်ရေကြီးမှုကာလအတွင်း ကရင်ပြည်နယ်၌ သံတောင်ကြီးဒေသမှလွဲ၍ မြို့နယ်ခြောက်မြို့နယ်လုံး ရေကြီးနစ်မြုပ်မှု ဖြစ်ပေါ်ခြင်းကြောင့် ကယ်ဆယ်ရေးစခန်း ၅၀ ကျော် ဖွင့်လှစ်ခဲ့ရပြီး လူဦးရေ စုစုပေါင်း ၅၀၀၀၀ နီးပါး ရေဘေးခိုလှုံခဲ့ရကာ ထပ်မံ၍ အရေးပေါ် ရေဘေးကယ်ဆယ်ရေးစခန်းများကို တိုးမြှင့် ဖွင့်လှစ်မှုရှိကြောင်း သိရသည်။

“ရေက တောက်လျှောက်ကျဆင်းဖို့ အရေးကြီးတယ်။ လူတွေအားလုံး အလုပ်ပျက် အကိုင်ပျက် စိတ်ဆင်းရဲရသလို ရေပြန်လည် ကျဆင်းပြီးရင် ထူထောင်ဖို့ကိစ္စကလည်း အတော်လေး ခေါင်းစားပါတယ်။ ရေတိုက်စားမှုကြောင့် နေအိမ်တွေလည်း ရစရာမရှိအောင် ပျက်စီးနေပါပြီ။ တစ်နေ့လုပ် တစ်နေ့စားသူဆိုတော့ စားရေးသောက်ရေးအတွက် အကြွေးအများကြီးတင်ခဲ့တယ်။ ကိုယ်မှမဟုတ်ဘူး။ လူတွေအားလုံး ဒုက္ခရောက်ကြရတာပါ။ နောက်နှစ်တွေမှာ ဒီလိုအဖြစ်မျိုး မဖြစ်ဖို့ ဆုတောင်းရတော့မှာ ဖြစ်ပါတယ်” ဟု ဘာအံမြို့ ရေဘေးကယ်ဆယ်ရေးစခန်းတစ်ခုမှ အသက် ၅၀ ကျော် ရေဘေးဒုက္ခရောက်သူတစ်ဦးက ပြောကြားသည်။

သံလွင်မြစ်ရေ ပြန်လည်ကျဆင်းစပြုနေသော်လည်း ဘားအံမြို့နယ်အတွင်း ကယ်ဆယ်ရေးစခန်း ၁၅ ခု၌ ရေဘေးသင့်သူအိမ်ထောင်စု ၁၆၀၄ စု၊ လူဦးရေ ကျား၊ မစုစုပေါင်း ၈၅၂၃ ဦးမှာ ရေဘေးခိုလှုံလျက်ရှိကြောင်း သိရသည်။

သံလွင်မြစ်ရေ မြင့်တက်ပြီး စတုတ္ထအကြိမ် ရေကြီးရေလျှံမှုဖြစ်ပေါ်ခြင်းကြောင့် ဘားအံမြို့နယ်အတွင်း ရေဘေးကယ်ဆယ်ရေးစခန်းများ တိုးမြှင့်ဖွင့်လှစ်

သံလွင်မြစ်ရေ ရုတ်တရက်မြင့်တက်လာပြီး စတုတ္ထအကြိမ်ရေကြီးရေလွှမ်းမိုးမှု ဖြစ်ပေါ်ခြင်းကြောင့် ဘားအံမြို့နယ်အတွင်း ရေဘေးကယ်ဆယ်ရေးစခန်းများ ထပ်မံတိုးမြှင့် ဖွင့်လှစ်ရပြီး ကယ်ဆယ်ရေးအထောက်အပံ့များ လိုအပ်လျက်ရှိကြောင်း သိရသည်။

သံလွင်မြစ်ရေချိန်သည် စက်တင်ဘာ ၇ ရက် နံနက် ၁၀ နာရီ တိုင်းထွာချက်အရ ၎င်း၏ စိုးရိမ်ရေမှတ် ၇၅၀ စင်တီမီတာအထက် ၉၁၁ စင်တီမီတာသို့ရောက်ရှိနေပြီး သံလွင်မြစ်အရှေ့၊ အနောက်နှင့် ဘားအံမြို့ မြေနိမ့် ရပ်ကွက်များအတွင်း ရေကြီးရေလျှံမှုဖြစ်ပေါ်နေကာ မိုးဆက်လက်ကောင်းမွန်ပါက မြှင့်တက်လာဖွယ် အခြေအနေရှိကြောင်း သိရသည်။

“မြစ်ရေက ကျဆင်းတော့မလိုလိုနဲ့ ပြန်ပြီးမြင့်တက်နေတယ်။ နေပူတာတောင် မြစ်ရေ တိုးတိုးလာတာထူးခြားသလို တစ်ကြိမ်မှ မကြုံဖူးတဲ့ စံချိန်တင်မြစ်ရေချိန်ကာလရှည်ရေကြီးရေလွှမ်းမှုက ပိုပြီးထူးခြားလာတယ်။ မြစ်တွေထဲမှာ အပြစ်အနာအဆာအကင်းဆုံး သံလွင်မြစ်ဟာ ဘာကြောင့်ဖောက်လှဲဖောက်ပြန်ဖြစ်လာသလဲဆိုတာ ဆန်းစစ်ဖို့တော့လိုအပ်လာပြီ” ဟု အသက် ၇၀ ကျော် အငြိမ်းစားကျောင်းဆရာတစ်ဦးက ဆိုသည်။

စတုတ္ထအကြိမ် သံလွင်မြစ်ရေပြန်လည်မြင့်တက်မှုကြောင့် သံလွင်မြစ်အနောက်ခြမ်း၊ လှာကာကျေးရွာအုပ်စု၊ ကူးဆိပ်ရပ်ကွက်၊ သုဓမ္မရံသီဘုန်းကြီးကျောင်းနှင့် လှာကာဘုန်း တော်ကြီးကျောင်း၊ ကူးဆိပ်၂၊ အမကကျောင်း များတွင် အရေးပေါ်ရေဘေးကယ်ဆယ်ရေး စခန်းများ ဖွင့်လှစ်ထားရကြောင်း သိရသည်။

“ဒုတိယအကြိမ် မြစ်ရေတက်စဉ်က ကလေးတွေ ပညာရေးနှောင့်နှေးမှာစိုးလို့  စာသင်ကျောင်းတချို့ကို ကယ်ဆယ်ရေးစခန်း အဖြစ်ကနေ ရုပ်သိမ်းခဲ့တဲ့အတွက် စခန်း ၁၃ ခုကနေ ရှစ်ခုအထိ လျှော့ချခဲ့ပေမယ့် တတိယအကြိမ် မြစ်ရေ ပြန်တက်လာလို့ စခန်းနှစ်ခုကို ထပ်မံတိုးချဲ့ပေးရပြီး အခုစတုတ္ထအကြိမ် ရေ အတက်မှာ နောက်ထပ်စခန်းနှစ်ခု ပြန်လည် ဖွင့်လှစ်ပေးရပါတယ်” ဟု ဘားအံမြို့နယ်အ ထွေထွေအုပ်ချုပ်ရေးရုံးမှ တာဝန်ရှိသူတစ်ဦးက ပြောကြားသည်။

 

 

သံလွင်မြစ်ရေ မြင့်တက်မှုကြောင့် ဖားဆောင်းမြို့နယ်ရှိ သံလွင်မြစ်ကမ်းနံဘေး ကျေးရွာအချို့ရှိ နေအိမ်နှင့် စိုက်ခင်းများ ရေနစ်မြုပ်

သံလွင်မြစ်ရေ မြင့်တက်မှုကြောင့် ဖားဆောင်းမြို့နယ် တစ်နေရာတွင် နေအိမ်တစ်လုံး ရေမြုပ်နေသည်ကို တွေ့ရစဉ်

ကယားပြည်နယ် ဖားဆောင်းမြို့နယ်ရှိ သံလွင်မြစ်ကမ်းဘေး ကျေးရွာအချို့တို့တွင် သံလွင်မြစ်ရေ မြင့်တက်သောကြောင့် နေအိမ်များနှင့် စိုက်ခင်းများ ရေနှစ်မြုပ်သဖြင့် စားဝတ်နေရေး ခက်ခဲမည်ကို စိုးရိမ်နေကြရကြောင်း သိရသည်။

စက်တင်ဘာ ၅ ရက်မှ သံလွင်မြစ်ရေသည် စိုးရိမ်ရေမှတ် ကျော်လွန်မြင့်တက်ခဲ့ပြီး စက်တင်ဘာ ၆ ရက် မွန်းတည့် ၁၂ နာရီတွင် စိုးရိမ်ရေမှတ်အတွင်းသာ ရှိနေသေးကြောင်း သိရသည်။

မြစ်ရေတက်မှုကြောင့် နှမ်း၊ ငှက်ပျော၊ ပဲ၊ ငရုတ်စသည့် သီးနှံခင်းများ ရေနစ်မြုပ်ပြီး ဆုံးရှုံးမှု အရေအတွက်ကိုမူ မသိရှိသေးရကြောင်း သိရသည်။

“နှမ်းစည်းတွေကို သူတို့ရိတ်ပြီးတော့ ထောင်ထားပြီးပြီ။ ခါဖို့ရာ အနေအထား ရှိပါတယ်။ ကျွန်တော်တို့က ရေလွတ်တဲ့နေရာ ရွှေ့ပေးတယ်ပေါ့။ တချို့ရေမြုပ်တဲ့အိမ်တွေကျတော့ ကျွန်တော်တို့က အထုပ်အပိုးတွေ သယ်ပြီးတော့ ရွှေ့ပေးရတယ်။ ပျက်စီးဆုံးရှုံးတဲ့ တန်ဖိုးကတော့ ချောင်းဘေးမှာပဲစိုက်တဲ့ နှမ်းခင်းတွေ အဓိက အများဆုံး ပျက်စီးတာပေါ့နော်။ တန်ကြေးအများဆုံး ပျက်စီးတာပေါ့။ ကျန်တဲ့ဟာကတော့ အိမ်သုံးသီးနှံဖြစ်တဲ့ ဗူးတို့၊ ဖရုံတို့၊ သခွားတို့၊ ငရုတ်စိုက်ခင်းတို့ ပျက်စီးတာ ရှိပါတယ်။ အဲဒါလေးတွေကလည်း တန်ဖိုးနည်းတယ်ဆိုပေမဲ့ သူတို့ စားဝတ်နေရေး တစ်နှစ်စာတွက် ဖြစ်ပါတယ်” ဟု ရေနစ်မြုပ်ရာတွင် ကယ်ဆယ်ရေး၌ ပါဝင်ခဲ့သော ဖားဆောင်း ကြံ့ခိုင်ရေးပါတီဥက္ကဋ္ဌက ပြောကြားသည်။

နန့်ဟူးကုန်း၊ ကျောက်ပဲညို၊ ခဲမဖြူ၊ ရှမ်းဝမ်အောင်း စသည့်ကျေးရွာများ အပါအ၀င် စုစုပေါင်းအိမ်ထောင်စု ၃၁ စု၊ လူဦးရေ ၁၂၈ ဦးအား ပြောင်းရွှေ့ပေးပြီး မြို့နယ်သဘာဝဘေးအန္တရာယ် စီမံခန့်ခွဲမှု ကော်မတီမှ တောင်သူများ ရိတ်သိမ်းပြီး နှမ်းသီးနှံများအား ရေလွတ်ရာသို့ ပြောင်းရွှေ့ရာတွင် ကူညီပေးရကြောင်း သိရသည်။

လွိုင်ကော်မြို့နှင့် မိုင် ၉၀ ဝေးသော ဖားဆောင်းမြို့နယ်သည် ဒေသခံ ကရင်၊ ကယား၊ ရှမ်းလူမျိုးများ အများဆုံးနေထိုင်ကြကာ တောင်ယာလုပ်ငန်းအပြင် သံလွင်မြစ်အား အမှီပြု၍ ငါးဖမ်းခြင်းဖြင့် အသက်မွေးဝမ်းကျောင်းပြုကြသည်ဟု သိရသည်။

ကယားပြည်နယ် ဖားဆောင်းမြို့နယ်တွင် သံလွင်မြစ်ရေတက်လာသောကြောင့် မြစ်ကမ်းအနီးနေအိမ်များ ပြောင်းရွှေ့နေကြရ

ဖားဆောင်းမြို့နယ်တွင် သံလွင်မြစ်ရေတက်လာသောကြောင့် မြစ်ကမ်းအနီးနေထိုင်သောအိမ်များ ပြောင်းရွှေ့နေစဉ်

ကယားပြည်နယ် ဖားဆောင်းမြို့နယ်တွင် စက်တင်ဘာ ၅ ရက် နံနက်ပိုင်းမှစတင်ကာ သံလွင်မြစ်ရေ တက်လာသောကြောင့် မြစ်ကမ်းအနီး နေထိုင်သောအိမ်များ ပြောင်းရွှေ့နေကြရကြောင်း ဒေသခံများထံမှ သိရသည်။

“သံလွင်မြစ်ရေက ဒီမနက်ပိုင်း တက်လာတာ။ ပြီးခဲ့တဲ့လကလည်း တက်သေးတယ်။ ပြန်ကျသွားတာ။ အခုက တစ်နာရီကို တစ်လက်မလောက် တက်နေတယ်။ ရေမြုပ်အိမ် ၁၂ အိမ် ပြောင်းရွှေ့နေတယ်။ ကျောက်ပဲညိုရွာ။ ခဲမဖြူ။ ရှမ်းဝမ်အောင်း။ နန့်ဟူကုန်းရွာတွေတော့ ရေ၀င်ကုန်ပြီ။ ကယ်ဆယ်ရေးအဖွဲ့တွေလည်း လာတယ်။ ကယ်ဆယ်ရေးလုပ်နေပြီ” ဟု ဖားဆောင်းမြို့နေ စိုင်းလှဦးက ပြောကြားသည်။

သံလွင်မြစ်ကြောင်းအတိုင်း အဖွဲ့နှစ်ဖွဲ့ခွဲ၍ ရေ၀င်အိမ်ထောင်စုများအား မြို့နယ်အုပ်ချုပ်ရေးမှူး၊ မြို့နယ်သဘာဝဘေးအန္တရာယ် စီမံခန့်ခွဲမှုကော်မတီဝင်များ၊ နယ်မြေခံတပ်ရင်းတပ်ဖွဲ့များ၊ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ရပ်မိရပ်ဖများက ၀မ်အောင်း (ရှမ်း) ကျေးရွာနှင့် ခဲမဖြူကျေးရွာများသို့ ရေလွတ်ရာနေရာများသို့ ပြောင်းရွှေ့ပေးခြင်း၊ ရေမြုပ်စိုက်ခင်းများအား စာရင်းကောက်ခြင်းများ ဆောင်ရွက်နေကြောင်း သိရသည်။

စုစုပေါင်း အိမ်ထောင်စု ၃၁ စု၊ လူဦးရေ ၁၂၈ ဦးအား ပြောင်းရွှေ့ပေးပြီး မြို့နယ်သဘာဝဘေးအန္တရာယ် စီမံခန့်ခွဲမှုကော်မတီမှ တောင်သူများ ရိတ်သိမ်းပြီး နှမ်းသီးနှံများအား ရေလွတ်ရာသို့ ပြောင်းရွှေ့ရာတွင် ကူညီပေးခဲ့ကြောင်း သိရသည်။ သံလွင်တံတား စုပေါင်းဂိတ်တွင် သက်ဆိုင်ရာက ရေဘေးအန္တရာယ် သတိပေးခြင်းများ ဆောင်ရွက်လျက်ရှိကြောင်း သိရသည်။ လွိုင်ကော်မြို့နှင့် မိုင် ၉၀ ဝေးသော ဖားဆောင်းမြို့နယ်သည် ဒေသခံကရင်၊ ကယား၊ ရှမ်းလူမျိုးများ အများဆုံးနေထိုင်ကြကာ တောင်ယာလုပ်ငန်းအပြင် သံလွင်မြစ်အားအမှီပြု၍ ငါးဖမ်းခြင်းဖြင့် အသက်မွေးဝမ်းကျောင်းပြု နေထိုင်ကြသည်ဟု သိရသည်။

သံလွင်မြစ်သက်ရောက်ရာ ဘားအံမြို့တွင် တစ်လကျော်ကြာသည့်တိုင် မြစ်ရေကျဆင်းလာခြင်း မရှိဘဲ ရေကြီးမှု ဆက်လက်ဖြစ်ပေါ်နေပြီး မြစ်ရေချိန်မှာ စိုးရိမ်ရေမှတ် အထက်တွင် ဆက်လက်ရှိနေ

နေအိမ်မစွန့်ခွာလိုသူတစ်ဦး နေအိမ်အတွင်း ဆင့်ထိုးပြီး ချက်ပြုတ်နေစဉ်

သံလွင်မြစ် သက်ရောက်ရာ ဘားအံမြို့တွင် ဇူလိုင် ၂၁ ရက်မှစတင်၍ ရေကြီးရေလွှမ်းမှု ဖြစ်ပေါ်ခဲ့ပြီး တစ်လနှင့် ၁၁ ရက်ကြာသည့် တိုင်မြစ်ရေကျဆင်းလာခြင်း မရှိဘဲ ရက်ရှည်ရေကြီးမှု ဖြစ်ပေါ်နေကာ စက်တင်ဘာ ၁ ရက် နံနက် ၈ နာရီ တိုင်းထွာချက်အရ သံလွင်မြစ်ရေ မှာ ၈၆၂ စင်တီမီတာ ရှိသဖြင့် စိုးရိမ်ရေအမှတ် အထက်တွင် ဆက်လက် တည်ရှိနေကြောင်း သိရသည်။

“ဒီနှစ်မြစ်ရေကြီးမှုက ရက်ကာလရှည် ကြာနေသလို နှစ်ပေါင်း ၅၃ နှစ်အတွင်း တစ်ခါမှ မကြုံဖူးတဲ့ စိုးရိမ်ရေ အမှတ်အထက် ၉၃၈ စင်တီမီတာကို ရောက်ရှိလာတာဟာ သံလွင်မြစ်ရဲ့ထူးခြားဖြစ်စဉ်လို့ မှတ်ယူရမှာ ဖြစ်ပါတယ်။ ဒီလိုဖြစ်ပေါ်မှုဟာ သံလွင်မြစ်ဖျားပိုင်းက ပြောင်းလဲမှုတစ်ခုမက တည်ရှိလာလို့လည်း ဖြစ်လာနိုင်ပါတယ်” ဟုသံလွင်မြစ်ကို လေ့လာစောင့်ကြည့်နေသူ ဒေသခံတစ်ဦးက ဆိုသည်။

သံလွင်မြစ်သည် မြန်မာနိုင်ငံမြစ်ရေကြီးမှု ဒုတိယကာလအတွင်း နှစ်စဉ်မြစ်ကြီးမှု ဖြစ်ပေါ်လေ့ရှိကာ၂၀၁၅ ခုနှစ်မှ စတင်၍ မြစ်ရေသက်ရောက်ရာ ဘားအံမြို့တွင် ရေကြီးနစ်မြုပ်မှု ဖြစ်ပေါ်လာခဲ့ခြင်းမရှိဘဲ ယခုနှစ် ဇူလိုင် ၂၁ ရက်မှစတင်၍ မြစ်ရေကြီးမှု ဖြစ်ပေါ်လာခြင်းဖြစ်ကြောင်း၊ ရေကြီးလွှမ်းမိုးမှုကာလ အနေဖြင့် နှစ်စဉ်ရက်သတ္တ နှစ်ပတ်ကျော်ထိသာ ကြာမြင့်လေ့ရှိပြီး ယခုနှစ်တွင် တစ်လခွဲနီးပါးကြာမြင့်ပြီး ရက်ရှည်ရေကြီးမှု ဖြစ်ပေါ်နေသည်က ထူးခြားမှုဖြစ်နေကြောင်း ဒေသခံတစ်ဦးက ဆိုသည်။

“ဒီလိုရက်ရှည်ရှည် ရေကြီးနေတော့ ရေရှည်ဘယ်လို ရပ်တည်ရမလဲ မသိတော့ဘူး။ ကယ်ဆယ်ရေးစခန်းမှာ မခိုလှုံချင်လို့ အိမ်ပေါ်မှာပဲ ဆင့်ကလေးထိုးပြီး ခြစ်ခြစ်ချုပ်ချုပ် နေရတဲ့ဒုက္ခက မသေးဘူးလေ။ သောက်စရာ ရေကမရှိ။ ရေတွင်းအားလုံးလည်း ရေမြုပ်နေတယ်။ ရေကြီးကာစက ထောက်ပံ့ကူညီတဲ့ လူငယ်လေးတွေ လှေနဲ့လာပြီး ထောက်ပံ့ကူညီလို့ အတော်လေး အသက်ရှူ ချောင်ခဲ့ပေမယ့် အခုကူညီ ထောက်ပံ့သူတွေ မလာကြတော့ဘူး” ဟု အမှတ် ၅ ရပ်ကွက် အောင်နန်း ၃ လမ်းတွင် နေအိမ်မစွန့်ခွာသူ ရေဘေးဒုက္ခသည် တစ်ဦးက ပြောကြားသည်။

ကရင်ပြည်နယ်အတွင်း နေ့စဉ်မိုးရွာသွန်းမှု ရှိနေသောကြောင့် မြစ်ရေချိန်မှာ စိုးရိမ်ရေမှတ် ၇၅၀ စင်တီမီတာတွင် ရှိနေကာ ဘားအံမြို့နယ် ကျေးရွာအုပ်စုများတွင် မိုးရေ၊ ကွင်းရေ၊ တောင်ကျရေများ ပေါင်းစပ်ကာ ရက်ရှည်ရေကြီးနစ်မြုပ်မှု ခံစားနေရကြောင်း သိရသည်။

 

သံလွင်မြစ်ရေ ပြန်လည်ကျဆင်းနေပြီ ဖြစ်သော်လည်း ၀ါခေါင်လပြည့် တက်ရေအခြေအနေ စောင့်ကြည့်နေရ

ဘားအံမြို့ အမှတ်၂ ရပ်ကွက် မြတ်လေးလမ်းတွင် သံလွင်မြစ်ရေ ကျဆင်းနေသည်ကို သြဂုတ်၂၃ ရက် နံနက်ပိုင်းက တွေ့ရစဉ်

သြဂုတ် ၂၃ ရက် ညနေ ၄ နာရီ တိုင်းထွာချက်အရ သံလွင်မြစ်ရေသည် ၈၆၃ စင်တီမီတာသို့ ရောက်ရှိနေပြီး စိုးရိမ်ရေမှတ်အထက် ရှိနေကာ မြစ်ရေပြန်လည် ကျဆင်းနေသော်လည်း ၀ါခေါင်လပြည့် တက်ရေအခြေအနေကို စောင့်ကြည့်နေရကြောင်း ဒေသခံများက ပြောကြားသည်။

“သံလွင်မြစ်က ဒီလိုပါပဲ။ ကျလိုက်တက်လိုက် သဘောမှာ ရှိနေတော့ ယုံစားလို့မရသေးဘူး။ အမြင့်ဆုံး တက်ရေဖြစ်တဲ့ ၀ါခေါင်လပြည့်ရေက ကျန်နေသေးတယ်။ အဲဒါကို စောင့်ကြည့်ရမှာပေါ့။ မြစ်ရေကျတယ် ဆိုတာက ခါတိုင်းနှစ်တွေလို တောက်လျှောက်ကြီး ကျဆင်းသွားတာမှ မဟုတ်တာ။ အခုမြစ်ရေ ပြန်လည်ကျဆင်းတယ် ဆိုပေမယ့် စိုးရိမ်ရေမှတ်မှာပဲ ရှိနေတယ်” ဟု ဘားအံမြို့ခံတစ်ဦးက ပြောကြားသည်။

ကရင်ပြည်နယ် မိုးလေ၀သနှင့် ဇလဗေဒညွှန်ကြားမှု ဦးစီးဌာနက ၎င်းတို့၏မှတ်တမ်းအရ သံလွင်မြစ်ရေသည် ၅၃ နှစ်အတွင်း အမြင့်ဆုံးအဖြစ် ၂၀၁၈ ခုနှစ်ဇူလိုင် ၃၀ ရက် နံနက် ၆ နာရီ တိုင်းထွာချက်အရ ၉၃၈ စင်တီမီတာ ရောက်ရှိခဲ့ပြီး ယခင် ၂၀၀၂ ခုနှစ် သြဂုတ် ၁၈ ရက်တွင် စံချိန်တင် ရောက်ရှိခဲ့သည့် ၉၃၆ စင်တီမီတာကိုချိုးကာ ၅၃ နှစ်အတွင်း အမြင့်ဆုံးဖြစ်ခဲ့ပြီး ရေကြီးရေလွှမ်းမိုးမှု ကာလမှာလည်း အရှည်ကြာဆုံး ဖြစ်ကြောင်း ထုတ်ပြန်ခဲ့သည်။

ကရင်ပြည်နယ်တွင် ဇူလိုင်တစ်လလုံး နေ့စဉ်မပြတ် မိုးရွာသွန်းမှုရှိပြီး သြဂုတ် ၂၃ ရက် အထိ နေပူရက် နှစ်ရက်သာ ရှိခြင်းကြောင့် ရေကြီးရေလွှမ်းမိုးမှု ဆက်လက်ဖြစ်ပေါ်လျက်ရှိကာ ကယ်ဆယ်ရေးစခန်းများကို ရုပ်သိမ်းနိုင်ခြင်း မရှိသေးကြောင်း သိရသည်။

“ဇူလိုင်တစ်လလုံးနဲ့ သြဂုတ်နောက်ဆုံးပတ်အတွင်း နေ့စဉ်မိုးရွာနေတာကြောင့် မြစ်ရေ မကျဆင်းနိုင်ဘူး။ ရေက နည်းနည်းကျ များများတက်နေတော့ လူနေအိမ်တွေလည်း မြုပ်လိုက်ပေါ်လိုက် ဖြစ်နေတယ်။ နေအိမ်ရှေ့ လူသွားလမ်းတွေ မပေါ်သေးဘူး။ သွားရေးလာရေး အရမ်းခက်ခဲသလို စားရေးသောက်ရေးလည်း အခက်အခဲ ကြုံတွေ့နေရတာလေ။ ဒီနှစ်ရေကြီးချက်က အရမ်းကြီးတယ်။ ဒီလိုမျိုးလည်း တစ်ခါမှ မကြုံတွေ့ဖူးတော့ အရမ်းစိတ်ဆင်းရဲ ရပါတယ်” ဟု ဘားအံမြို့ မြေနိမ့်ရပ်ကွက်မှ နေအိမ်မစွန့်ခွာလိုသူ ရေဘေးဒုက္ခသည် တစ်ဦးက ပြောကြားသည်။

သံလွင်မြစ်ရေချိန်၏ စိုးရိမ်ရေမှတ်မှာ ၇၅၀ စင်တီမီတာဖြစ်ပြီး သြဂုတ် ၂၃ ရက်တွင် မြစ်ရေပြန်လည် ကျဆင်းနေသော်လည်း ၀ါခေါင်လပြည့်တက်ရေ အခြေအနေကို စောင့်ကြည့်နေရသဖြင့် ကယ်ဆယ်ရေး စုရပ်စခန်း အသီးသီးတွင် ရေဘေးသင့်ပြည်သူများ ဆက်လက် ခိုလှုံနေရဆဲဖြစ်ကြောင်း သိရသည်။

 

သံလွင်မြစ်ရေ ဆက်လက်မြင့်တက်နေပြီး ၀ါခေါင်လပြည့်တက်ရေနှင့် ပေါင်းစပ်မိပါက ယခုလအတွင်း စံချိန်တင်ထားသည့် စိုးရိမ်ရေအမှတ် ၉၃၈ စင်တီမီတာ အထက်သို့ ကျော်လွန်နိုင်ဟုဆို

ကရင်ပြည်နယ်အတွင်း ရေကြီးရေလျှံဖြစ်မှုကြောင့် အခက်အခဲကြုံတွေ့နေရသူများကို ကူညီကယ်ဆယ်မှုအား ဇူလိုင်လအတွင်းက တွေ့ရစဉ်

သံလွင်မြစ်ရေချိန်သည် သြဂုတ် ၂၁ ရက် နံနက် ၆ နာရီ တိုင်းထွာချက်အရ ၉၁၂  စင်တီမီတာသို့ ဆက်လက် မြင့်တက်လျက်ရှိပြီး လာမည့်ဝါခေါင်လပြည့် တက်ရေနှင့် ပေါင်းစပ်မိပါက ယခုလအတွင်း စံချိန်တင်ထားသည့် စိုးရိမ်ရေအမှတ် ၉၃၈ စင်တီမီတာ အထက်သို့ ကျော်လွန်ရောက်ရှိနိုင်ကြောင်း ဒေသခံများက သုံးသပ်ပြောကြားသည်။

“ရေက ကျဆင်းသလိုလိုနဲ့ တစ်နေ့ တစ်နေ့ မြင့်တက်လာတယ်။ ရေသေရက်မှာတောင် ၉၀၀ ကျော်မှာရှိနေရင် အဲဒီရေအခံနဲ့ လပြည့်ရေပေါင်းစပ်ပြီး စံချိန်ချိုးထားတဲ့ ၉၃၈ စင်တီမီတာကို ကျော်လွန်ရောက်ရှိနိုင်ပါတယ်” ဟု ဘားအံမြို့ ကမ်းနားလမ်းမှ ဦးသန်းဌေးက ပြောကြားသည်။

သံလွင်မြစ်ရေနှင့် တောင်ကျချောင်းရေ စီးဆင်းမှုကြောင့် ကရင်ပြည်နယ်အတွင်း ဘားအံ-လှိုင်းဘွဲ-ကော့ကရိတ်-မြ၀တီနှင့် ဖာပွန်မြို့နယ်များတွင် (သြဂုတ် ၂၁ ရက် စာရင်းဇယားအရ) အိမ်ထောင်စု ၅၃၄၂ စု၊ လူဦးရေ ၂၄၉၄၅ ဦး ရေဘေးကယ်ဆယ်ရေး စုရပ်စခန်းတွင် ခိုလှုံလျက်ရှိကြောင်း သိရသည်။

ကရင်ပြည်နယ်အတွင်း ရေဘေးဖြစ်စဉ်ကြောင့် မြို့နယ်ငါးမြို့နယ်ရှိ ရေဘေးသင့်ပြည်သူ အိမ်ထောင်စု ၅၃၄၂ စုလူဦးရေ ၂၄၉၄၅ ဦးတို့အား ပြည်နယ် ဘေးအန္တရာယ်ဆိုင်ရာ စီမံခန့်ခွဲရေး ဦးစီးဌာနမှ ဆန်၊ ဆီ၊ ငါးသေတ္တာ၊ ကြက်ဥ၊ ခေါက်ဆွဲထုပ်၊ ရေသန့်ဘူး တန်ဖိုး ကျပ် ၆၇၃၆၄၀၀၀၊ ပြည်ထောင်စုဝန်ကြီးနှင့် ဒုတိယ၀န်ကြီး ကရင်ပြည်နယ်သို့ လာရောက်သည့် ခရီးစဉ်တွင် မျက်နှာသုတ်ပ၀ါ၊ ဆပ်ပြာ၊ တီရှပ်စသည့် ကယ်ဆယ်ရေး ပစ္စည်းခြောက်မျိုး တန်ဖိုး ကျပ်သိန်း ၁၁၁၅၉၀၀၀ ပေးအပ်ခဲ့ကြောင်း သိရသည်။

“ရေလွှမ်းမိုးမှု ကာလကလည်း ဒီနေ့ဆိုရင် တစ်လပြည့်ပါပြီ။ ရေကတော့ ကျရိပ်မမြင်သေးသလို တစ်နေ့ပြီးတစ်နေ့ မြင့်တက်လာနေတာ စိတ်ပျက်ဖို့ ကောင်းပါတယ်။ ရေလွှမ်းကာလ ကြာလာရင် အနယ်နယ် အရပ်ရပ်က ပရဟိတ အဖွဲ့တွေ လူပင်ပန်း စိတ်ပင်ပန်းဖြစ်ပြီး အားလျော့သွားနိုင်သလို ရေဘေးသင့် သူတွေလည်း စိတ်ဓာတ်ကျဆင်း လာနိုင်ပါတယ်” ဟု ဘားအံမြို့ခံ တစ်ဦးက ပြောကြားသည်။

လက်ရှိအချိန်တွင် ကရင်ပြည်နယ်အတွင်း မြစ်၊ ချောင်းများ၏ မြစ်ရေချိန် တိုင်းထွာချက်များအနက် ဂျိုင်းမြစ်သည် ကျုံဒိုးမြို့၌ စိုးရိမ်ရေအမှတ် ၅၅၀ စင်တီမီတာအောက် ၅၂၀ စင်တီမီတာသို့ ရောက်ရှိနေပြီး လှိုင်းဘွဲချောင်းသည် ယင်း၏စိုးရိမ်ရေအမှတ် ၉၈၀ စင်တီမီတာအနီး ၉၁၆ စင်တီမီတာသို့ ရောက်ရှိနေကာ သံလွင်မြစ်သည် ရွှေဂွန်းတိုက်နယ် ကျေးရွာ၌ စိုးရိမ်ရေအမှတ် ၉၈၀ စင်တီမီတာ အထက် ၁၁၅၈ စင်တီမီတာသို့ ရောက်ရှိနေပြီး ကျန်မြစ်များဖြစ်သည့် ဇမိမြစ်၊ ဟောင်သရောမြစ်၊ ယွန်းစလင်းမြစ်၊ သောင်ရင်းမြစ်တို့သည် ၎င်း၏စိုးရိမ်ရေမှတ်အောက်သို့ ရောက်ရှိနေကြောင်း သိရသည်။

ကရင်ပြည်နယ်အတွင်း မိုးဆက်လက် ကောင်းမွန်ပါက သံလွင်မြစ်ရေချိန်သည် လာမည့်ဝါခေါင်လပြည့်ရေနှင့် ပေါင်းစပ်ကာ ယခုလအတွင်း စံချိန်တင်ထားသည့် ၉၃၈ စင်တီမီတာ အထက်သို့ ကျော်လွန်နိုင်ဖွယ်ရှိကြောင်း သိရသည်။

သံလွင်မြစ်ရေချိန် စိုးရိမ်ရေမှတ်အထက်တွင် ဆက်လက်တည်ရှိနေပြီး ဘားအံမြို့တွင် ရေဘေးကယ်ဆယ်ရေးစခန်းများ တိုးမြှင့်ဖွင့်လှစ်ထား

ဘားအံမြို့ ရေဘေးကယ်ဆယ်ရေးစခန်းများတွင် ဆက်လက်ခိုလှုံနေသူများအား သြဂုတ် ၁၇ ရက်က တွေ့ရစဉ်

ဇူလိုင် ၂၁ ရက်မှစတင်၍သံလွင်မြစ်ရေသည် ၎င်း၏ စိုးရိမ်ရေအမှတ် ၇၅၀ စင်တီမီတာအထက်သို့ ရောက်ရှိခဲ့ပြီး ရေကြီးရေ လွှမ်းမိုးမှုဖြစ်ပေါ်ခဲ့ကာသြဂုတ် ၁၇ ရက်အထိ စိုးရိမ်ရေမှတ်အထက်တွင် ရှိသောကြောင့် ဘားအံမြို့တွင် ရေဘေးကယ်ဆယ်ရေးစခန်းများ တိုးမြှင့်ဖွင့်လှစ်ထားရကြောင်း သိရသည်။

“မြစ်ရေချိန်က ကျဆင်းရင် တစ်လက်မ လောက်ကျဆင်းပြီး မိုးရွာရင်ပြန်ပြီး မြင့်တက်လာတာလေ။ ရေလွှမ်းမိုးမှုကာလကလည်း တစ်လနီးပါးရှိလာပြီးဆိုတော့ လူတွေအားလုံး စိတ်ဓာတ်ကျဆင်းချင်တော့တယ်။ ဒီလို ရေကြီးမှုက တစ်ခါမှလည်းမတွေ့ကြုံဖူးဘူးလေ။ နှစ်စဉ်ရေကြီးကာလတွေက အလွန်ဆုံး သီတင်းနှစ်ပတ်လောက်ပဲ ကြာတတ်တယ်။ပြီးရင်ပြန်လည်ကျဆင်းသွားတာပဲ။ အခုက တစ်လနီးပါးလည်း ကြာလာပြီ။ ရေကျရိပ် မမြင်သေးဘူး” ဟု ဘားအံမြို့ရွှေယာဉ်မျှော်ဘုရား ကယ်ဆယ်ရေးစခန်းမှ ရေဘေးခိုလှုံသူ တစ်ဦးက ပြောကြားသည်။

ကရင်ပြည်နယ်အတွင်း မိုးဆက်တိုက်ရွာသွန်းမှုကြောင့် ဇူလိုင် ၂၁ ရက်မှစတင်၍ စိုးရိမ်ရေမှတ်အထက်သို့ ကျော်လွန်ရောက် ရှိကာ ဘားအံမြို့မြေနိမ့်ရပ်ကွက်အတွင်း ရေကြီးရေလွှမ်းမိုးမှု ဖြစ်ပေါ်ခဲ့ပြီး သြဂုတ် ၈ ရက် ၌စိုးရိမ်ရေအမှတ်အထက် ၈၃၁ စင်တီမီတာသို့ အနည်းငယ်ကျဆင်းမှုကြောင့် ရေဘေးခိုလှုံသူတချို့ နေအိမ်များသို့ ပြန်လည်နေထိုင်ခဲ့ပြီး ယင်းနေ့ ည ၁၂ နာရီတွင် မြစ်ရေချိန် ၇ စင်တီမီတာမြင့်တက်လာသဖြင့်ကယ်ဆယ် ရေးစခန်းများသို့ ပြန်လည်ခိုလှုံခဲ့ရကြောင်း သိရသည်။

“စာသင်ကျောင်းတချို့ကို ကယ်ဆယ်ရေးစခန်းကနေ ပြန်လည်ရုပ်သိမ်းပြီးကလေးတွေကို စာသင်ကြားစေပါတယ်။ ဒါကြောင့် ဘားအံမြို့နယ်အတွင်း ကယ်ဆယ်ရေးစခန်း ၁၃ ခုကနေ ရှစ်ခုအထိ လျော့နည်းလာရာကနေ အခု ဒုတိယအကြိမ်ရေပြန်တက်လာလို့ ကယ်ဆယ်ရေးစခန်း နှစ်ခုကိုထပ်မံတိုးမြှင့်ဖွင့်လှစ်ပေးရပါတယ်” ဟု ဘားအံမြို့နယ် အထွေထွေအုပ်ချုပ်ရေးဦးစီးဌာနမှ တာဝန်ရှိသူတစ်ဦးက ပြောကြားသည်။

ဘားအံမြို့တွင် သြဂုတ် ၁၃ ရက်မှစတင်၍ သံလွင်မြစ်ရေ ဒုတိယအကြိမ်ပြန်လည် မြင့်တက်မှုကြောင့် ရေဘေးကယ်ဆယ်ရေးစခန်းများ ထပ်မံတိုးမြှင့်ဖွင့်လှစ်ခဲ့ရာ ပြည်နယ် မိုးလုံလေလုံ အားကစားရုံကယ်ဆယ်ရေးစခန်း၌ အိမ်ထောင်စု ၂၁၄ စု (ကျား+မ) ၁၀၃၂ ဦး၊ ရွှေယာဉ်မျှော်ဘုရားကယ်ဆယ်ရေးစခန်းတွင် အိမ်ထောင်စု ၃၈၆ စု၊ (ကျား+မ)၂၁၅၂ ဦး၊ အစ္စလာမ္မစ်ကျောင်းတွင် အိမ်ထောင်စု ၁၆၆ စု(ကျား+မ)၈၀၉ ဦး၊ ဗလီဝတ်ပြုကျောင်းတွင် အိမ်ထောင်စု ၇၇ စု(ကျား+မ) ၄၀၂ ဦး၊ အမှတ် ၃ ရပ်ကွက် ဆိုင်ကလုံးစင်တာတွင် အိမ်ထောင်စု ၅၃ စု၊ (ကျား+မ) ၂၅၆ ဦး၊ မဲ ဘောင်ဘုန်းတော်ကြီးကျောင်းတွင် အိမ်ထောင်စု ၁၃၂ စု၊ (ကျား+မ) ၅၈၈ ဦး၊ ဓမ္မပီယ ဘုန်းတော်ကြီးကျောင်းတွင် အိမ်ထောင်စု ၈၁ စု၊ (ကျား+မ)၃၈၇ ဦး၊ အ.ထ.က ၃ အား ကစားရုံတွင် အိမ်ထောင်စု ၂၃၁ စု၊ (ကျား+မ) ၁၂၉၃ ဦး၊ ပြည်နယ်ကမ္မဋ္ဌာန်းကျောင်းတွင် အိမ်ထောင်စု ၆၈ စု၊(ကျား+မ)၃၀၀ ဦး၊ လှာကာဘုန်းတော်ကြီးကျောင်းတွင်အိမ်ထောင်စု ၂၇ စု၊ (ကျား+မ) ၁၄၅ ဦးတို့ ရေဘေးခိုလှုံ နေရဆဲဖြစ်ကြောင်း သိရသည်။

သံလွင်မြစ်ရေသည် သြဂုတ် ၁၇ ရက် နံနက် ၁၀ နာရီ တိုင်းထွာချက်အရစိုးရိမ်ရေမှတ် ၈၈၁ စင်တီမီတာသို့ ရောက်ရှိနေပြီး မိုးအားကောင်းမွန်ပါက ဆက်လက်မြင့်တက်ဖွယ်အခြေအနေရှိကြောင်း ပြည်နယ် မိုးလေ၀သနှင့် ဇလဗေဒညွှန်ကြားမှု ဦးစီးဌာန၏ထုတ်ပြန်ချက်အရ သိရသည်။