တေးသံရှင် ကေကေမိုး၏ ငယ်စဉ်ဘ၀ အမှတ်တရဖြတ်သန်းရာ

 

အခုတစ်ပတ်အနုပညာရှင်တွေရဲ့ ငယ်စဉ်ဘ၀အမှတ်တရဖြတ်သန်းရာကဏ္ဍမှာတော့ လတ်တလောရေပန်းစားနေတဲ့ တေးသီချင်းလေးတွေဖြစ်တဲ့ ‘ကျွန်မ’ ၊ ‘မောင်မငိုရဘူးနော်’ သီချင်းတွေရဲ့တေးသံရှင်ကေကေမိုးကို ရွေးချယ်ထားပါတယ်။ ခံစားမှုအားကောင်းကောင်းနဲ့ တေးသီချင်းတွေကို သီဆိုတတ်သူတစ်ဦးဖြစ်သလို တေးသံရှင်ချောစုခင်ရဲ့ ညီမ၀မ်းကွဲတစ်ဦးလည်းဖြစ်ပါတယ်။ ငယ်စဉ်ကလေးဘ၀ကတည်းက ဂီတကို ရူးသွပ် ၀ါသနာပါသူတစ်ဦးဖြစ်သလို ဂီတလမ်းကြောင်းပေါ်မှာ ဖြေးဖြေးမှန်မှန် ချီတက်နေသူတစ်ဦးလို့လည်း ဆိုရမှာပါ။ ဒီတစ်ပတ်မှာတော့ ကေကေမိုးပြောပြခဲ့တဲ့ ငယ်စဉ်ဘ၀အမှတ်တရတွေနဲ့ ဂီတလမ်းကြောင်းပေါ်က အမှတ်တရတွေကို ဝေမျှပေးချင်ပါတယ်။

 

တေးသံရှင်ကေကေမိုးက ရန်ကုန်ဇာတိဖြစ်သလို စက်တင်ဘာ ၉ ရက် ၁၉၉၈ ခုနှစ်မှာမွေးဖွားခဲ့တာပါ။ မွေးချင်းမောင်နှမလေးယောက်အနက် နို့ညှာ သမီးတစ်ယောက်လည်းဖြစ်ပါတယ်။ ငယ်စဉ် ကလေးဘ၀မှာတော့ ဆော့ကစားမက်သူ တစ်ယောက်ဖြစ်သလို သီချင်းဆိုရတာကို ငယ်စဉ်ကတည်းက နှစ်သက်လွန်းသူ တစ်ယောက်ဖြစ်တယ်လို့လည်း ဆိုပါတယ်။

“ငယ်ငယ်က အဆော့မက်တယ်။ သီချင်းဆိုတာကတော့ ကလေးဘ၀ကတည်းက အရမ်းကြိုက်တာ။ သီချင်းနားထောင်ရတာလည်းကြိုက်တယ်။ မချောစုက အစ်မ၀မ်းကွဲဆိုတော့ မချောစုရှိုးပွဲတွေသွားရင်လိုက် သွားဖြစ်တာများတယ်။ မချောစု၊ မတင်ဇာမော်၊ မမီမီ ၀င်းဖေ၊ မလေးလေးဝါးတို့သီချင်းတွေနဲ့ ကြီးပြင်းလာတယ်လို့ ပြောလို့ရပါတယ်” လို့ ကေကေမိုးက ဆိုပါတယ်။

ကျောင်းပညာရေးအနေနဲ့တော့ သာမန်အဆင့်လောက်ပဲရှိခဲ့သလို ကျောင်းတက်စဉ်တစ်လျှောက်မှာလည်း ငါးတန်းကျောင်းသူဘ၀ကတည်းက ကျောင်းကပွဲတွေမှာ သီချင်းဆိုခဲ့တယ်လို့ဆိုပါတယ်။ တက္ကသိုလ်ဝင်တန်း အောင်မြင်ပြီးချိန်မှာတော့ ဂီတလမ်းကြောင်း ပေါ်ကို ဆက်လက်လျှောက်လှမ်းဖြစ်ခဲ့တယ်လို့ ပြောပြခဲ့ပါတယ်။ ဒါ့အပြင် ငယ်စဉ်ကလေးဘ၀မှာ ကလေးတေးသံရှင်တွေ စုစည်းထုတ်ဝေတဲ့ တေးအယ်လ်ဘမ်မှာလည်း ပါဝင်ခဲ့ဖူးတယ်လို့ ဆိုပါတယ်။ အဝေးသင်တက္ကသိုလ်တက် ရောက်ရင်း စူပါစတားတေးသီချင်းဆိုပြိုင်ပွဲမှာ ၀င်ရောက်ယှဉ်ပြိုင်ခဲ့ပါတယ်။

“စူပါစတားသီချင်းဆိုပြိုင်ပွဲမှာ ၀င်ပြိုင်ခဲ့ဖူးတယ်။ အဲဒီတုန်းက ကိုအောင်ထက်တို့ ဂျူဝဲလ်တို့နဲ့တူတူပဲ။ ဒီပြိုင်ပွဲကနေ ဆရာမြင့်မိုးအောင်တို့နဲ့ ဆုံခွင့်ရပြီး Theme Song တွေ၊ ကြော်ငြာသီချင်းတွေ ဆိုခွင့်ရတယ်။ အဲဒီပိုက်ဆံလေးတွေစု၊ ရှိုးလေးတွေမှာဆိုခွင့်ရတဲ့ ပိုက်ဆံလေးတွေစုပြီး အယ်လ်ဘမ်ထုတ်ဖြစ်ခဲ့တယ်။ အခက်အခဲတွေရှိခဲ့ပေမယ့် ဖြစ်အောင်ကြိုးစားမယ်ဆိုတဲ့ စိတ်တစ်ခုတည်းနဲ့ပဲ ကြိုးစားခဲ့ပါတယ်” လို့ ကေကေမိုးက အမှတ်တရဆိုပါတယ်။

‘ကျွန်မ’ တေးသီချင်းနဲ့ပတ်သက်လို့ “ဒီသီချင်းလေးက ကိုဝေကြီးရေးပြီး ကိုဖြိုးပြည့်စုံက ကေကေနဲ့လိုက်တယ်ဆိုလို့ ဆိုဖြစ်သွားတဲ့သီချင်းပါ။ သီချင်းထဲက ကောင်မလေးရဲ့ခံစားချက်ကို ထည့်ပြီးဆို ဖြစ်ခဲ့တာ။ ကေကေရဲ့အသံက ကရုဏာအသံလည်းပါတော့ ပရိသတ်တွေက သတိထားမိကြတယ်။ ဒီသီချင်းလေးကိုပရိသတ်တွေက ကြိုက်ကြတယ်ဆိုတော့ ၀မ်းသာရပါတယ်။ အခုပြိုင်ပွဲမှာ ယှဉ်ပြိုင်တယ်ဆိုတော့လည်း ချမ်းမြေ့မောင်ချိုမှ မဟုတ်ပါဘူး။ ဘယ်သူမဆို ပြိုင်ပွဲဆိုတာ စိတ်ဖိစီးမှုအနည်းနဲ့အများ ရှိတတ်ပါတယ်။ ဒါကိုကိုယ်တိုင်လည်း ပြိုင်ပွဲဝင်ခဲ့ဖူးတော့ သိတယ်။ ဘာပဲဖြစ်ဖြစ် အကောင်းဆုံးသီဆိုခဲ့တာပဲလေ။ ကေကေရဲ့သီချင်းလေးကို ဒီလိုပြိုင်ပွဲတွေမှာသီဆိုတဲ့အတွက် ဂုဏ်ယူရပါတယ်” လို့ ပွင့်ပွင့်လင်းလင်း ဆိုခဲ့ပါတယ်။

ကေကေမိုးအတွက် နောက်ထပ် အမှတ်တရတေးသီချင်းဆိုရင်တော့ မကြာခင်ကရုံတင်ပြသခဲ့တဲ့ ငါ့ကိုနမ်းတဲ့မုန်တိုင်း ဇာတ်ကားထဲက မောင်မငိုရဘူးနော် သီချင်းပါ။ လွှမ်းပိုင်ရေးသားပေးထားသလို ဇာတ်လမ်းရဲ့ Theme နဲ့လိုက်ဖက်တဲ့အပြင် ခံစားမှုအပြည့်နဲ့ဆိုဟန်ကြောင့် ပရိသတ်တွေရဲ့ပါးစပ်ဖျားကို ရောက်ရှိစေခဲ့တဲ့သီချင်း တစ်ပုဒ်လည်းဖြစ်ပါတယ်။ ဒီသီချင်းလေးကိုလည်း ကေကေမိုးက အမှတ်တရဖြစ်ရတယ်လို့ဆိုပါတယ်။ ကိုဘိုဆန်းတို့ လာပြလို့ ဆိုပေးဖြစ်ပေမယ့် ဇာတ်ကားပြသချိန်မှာ ပရိသတ်တွေ ကြိုက်ကြတယ် ဆိုတာကြောင့် တကယ်ကိုပျော်ရွှင်ရပါတယ်လို့ ပြောပြခဲ့ပါတယ်။

တေးသံရှင်ကေကေမိုးက လတ်တလောမှာတော့ သြဂုတ်လအတွင်း ထွက်ရှိမယ့် M United Collection အယ်လ်ဘမ်မှာ တေးသီချင်းသစ်တစ်ပုဒ် သီဆိုထားသလို ဒုတိယမြောက်တစ်ကိုယ်တော်ခွေလည်း ထွက်ရှိနိုင်ဖို့ကြိုးစားနေတယ်လို့ ဆိုပါတယ်။

တေးသံရှင်ကေကေမိုးက “ကေကေအတွက်အသစ်တစ်ယောက်အနေနဲ့ အနုပညာရှင်တွေထဲမှာ ကူညီပေးကြသူတွေလည်း ရှိပါတယ်။ ဘယ်လိုအခက်အခဲပဲဖြစ်ပါစေ ကြိုးစားမှုကိုမရပ်ဘူးလို့ အမြဲတွေးတယ်။ ခဏတာရပ်တန့်ခဲ့တဲ့ အချိန်တစ်ခုရှိခဲ့ပေမယ့် အခုချိန်မှာ တော့လုံးဝမရပ်တန့်ဘဲ ကြိုးစားနေပါတယ်။ ပရိသတ်တွေရဲ့အားပေးမှုကလည်း ကေကေအတွက် တကယ်ကိုအားဖြစ်ရပါတယ်။ ရှေ့ဆက်ပြီးတော့လည်း သီချင်းတွေဆက်တိုက်ဖန်တီးနိုင်ဖို့ ကြိုးစားသွားမှာပါ။ ကိုယ့်စိတ်ထဲမှာ တကယ်ဖြစ်ချင်တဲ့အရာကို ဆက်တိုက်သာကြိုးစားနေမယ်ဆိုရင် တစ်နေ့မှာတော့ ကိုယ်ဖြစ်ချင်တာတွေ အရာထင်လာမယ်လို့ယုံကြည်ပါတယ်” လို့ လည်း သူ့ရဲ့ခံယူချက်ကို မျှဝေပေးခဲ့ပါတယ်။

အခုတစ်ပတ်မှာ ဖတ်ရှုခဲ့ကြရတာက တေးသံရှင်ကေကေမိုးရဲ့ ငယ်စဉ်ဘ၀ အမှတ်တရတွေနဲ့ ဂီတလမ်းကြောင်းပေါ် လျှောက်လှမ်းမှုအတွေ့အကြုံတွေပါ။ သူ့ရဲ့ ဖြတ်သန်းမှု၊ ခံယူချက်တွေကနေ လူငယ်တစ်ယောက်ရဲ့ စိတ်ဓာတ်ခွန်အားနဲ့ အားမာန်ကိုလည်းတွေ့မြင်နိုင်မှာပါ။ နောက်တစ်ပတ်တွေမှာလည်း ဘယ်အနုပညာရှင်တွေက စိတ်ဝင်စားစရာအမှတ်တရတွေ ပြန်လည်မျှဝေပေးမယ်ဆိုတာကို စောင့်မျှော်ဖတ်ရှုပေးပါဦးလို့…။

Royal Club Music Tour အဖြစ် ရန်ကုန်မြို့တွင် ပထမဆုံးပြုလုပ်သည့် Iron Cross အဖွဲ့၏ ဖျော်ဖြေပွဲသို့ ပရိသတ်ထောင်ချီ လာရောက်ကြည့်ရှုအားပေး

ဓါတ်ပုံ – နေ၀န်းထက်

မြန်မာနိုင်ငံ၏ နာမည်အကျော်ကြားဆုံ ရော့ခ်တီးဝိုင်းအဖွဲ့ Iron Cross ၏ ဖျော်ဖြေပွဲကို ရန်ကုန်မြို့၊ Myanmar Event Park ၌ ဇွန် ၁၆ ရက်ညပိုင်းတွင် ပြုလုပ်ခဲ့ပြီး လာရောက်ကြည့်ရှုသူ ပရိသတ်ထောင်ချီ ရှိခဲ့သည်။ အဆိုပါဖျော်ဖြေပွဲသည် Royal Club Music Tour အဖြစ် ရန်ကုန်မြို့တွင် ပထမဆုံးပြုလုပ်သည့် Iron Cross အဖွဲ့၏ ဖျော်ဖြေပွဲလည်း ဖြစ်ကြောင်း သိရသည်။

ဇွန် ၁၆ရက် ညနေ ၆နာရီဝန်းကျင်ခန့်ကပင် Iron Cross အဖွဲ့၏ ရော့ခ်ဂီတသံစဉ်များနှင့် စီးမျောရန် ရောက်ရှိနေသည့် ပရိသတ်များစွာတို့က Myanmar Event Park အနီးတစ်ဝိုက်တွင် Iron Cross အဖွဲ့ အမှတ်တံဆိပ်ပါရှိသည့် တီရှပ်များကို ၀တ်ဆင်ပြီး ဖျော်ဖြေပွဲကြည့်ရှုရန် ရောက်ရှိနေကြသည်။

ည ၇နာရီခန့်တွင် ထောင်နှင့်ချီသည့် ပရိသတ်များက စည်းကမ်းတကျဖြင့် ဖျော်ဖြေပွဲပြုလုပ်ရာ စင်မြင့်ရှေ့တွင် ရောက်ရှိနေခဲ့ပြီး Iron Cross အဖွဲ့၏ ဖျော်ဖြေမှုကို အားပေးရန်အတွက် အဆင်သင့်ဖြစ်နေခဲ့ပြီ ဖြစ်သည်။

ည ၇ နာရီကျော်တွင် Iron Cross အဖွဲ့၏ အသက်ငယ်ဆုံးသော ပင်တိုင်တေးသံရှင်ဖြစ်ပြီး အားကောင်းလှသည့် အသံပါဝါဖြင့် ပရိသတ်များကို နှစ်ပေါင်းများစွာ ဖမ်းစားနိုင်ခဲ့သည့် တေးသံရှင်မျိုးကြီးက IC အဖွဲ့အတွက် စတင်ဖျော်ဖြေခဲ့ပြီး ပရိသတ်များထံမှ တေးသံရှင်မျိုးကြီး၏ အမည်ကို သံပြိုင်ဟစ်အော်အားပေးခဲ့သည်။ ယင်းနောက်တွင် Iron Cross အဖွဲ့၏ ဖျော်ဖြေပွဲများတွင် ဖျော်ဖြေနေကြ ပုံစံများအတိုင်း လေးဖြူ၊ အငဲ၊ မျိုးကြီး၊ ၀ိုင်ဝိုင်း ပင်တိုင်တေးသံရှင် လေးဦး၏ အလှည့်ကျ တစ်ဦးချင်း ဖျော်ဖြေမှုများ၊ ချစ်စမ်းမောင်၊ ခရမ်း၊ ဗညားတို့၏ လက်စွမ်းပြ တီးခတ်ဖျော်ဖြေမှုများဖြင့် ပရိသတ်များ၏ လက်ခုပ်သံကို သိမ်းကြုံးရယူနိုင်ခဲ့သည်။

ထိုသို့ ဖျော်ဖြေမှုများဖြင့် Iron Cross အဖွဲ့၏ ဖျော်ဖြေမှု ဇာတ်ရှိန် တဖြည်းဖြည်းမြင့်တက်လာခဲ့ပြီး IC အဖွဲ့၏ အဓိက အခရာ တေးသံရှင်အဖြစ် ဆိုနိုင်သည့် လေးဖြူနှင့် အငဲတို့၏ နှစ်ယောက်တွဲ ဖျော်ဖြေမှုများ ပြုလုပ်စဉ်တွင် ဖျော်ဖြေပွဲ၏ ဇာတ်ရှိန်သည် အမြင့်ဆုံး အနေအထားသို့ ရောက်ရှိနေခဲ့ပြီး ထောင်နှင့်ချီသည့် ပရိသတ်များ၏ သံပြိုင်သီဆို အားပေးမှုများက Iron Cross အဖွဲ့၏ ဖျော်ဖြေမှု နှင့်အတူ ရော့ခ်ဂီတ ဖျော်ဖြေပွဲတစ်ပွဲ၏ ပုံရိပ်ကို အကောင်းဆုံး ပုံဖော်ပေးနေသကဲ့သို့ ဖြစ်ခဲ့သည်ကို တွေ့ရသည်။

Iron Cross Live In Yangon ဖျော်ဖြေပွဲသည် Iron Cross အဖွဲ့မှ အဖွဲ့သားများ၏ အားပါးတရဖျော်ဖြေမှုများ၊ ပရိသတ်များ၏ တခဲနက်ဖျော်ဖြေမှုများနှင့်အတူ ည ၁၀နာရီကျော်တွင် အဆုံးသတ်ခဲ့သည်။ ယခုဖျော်ဖြေပွဲသည် ခြောက်လခန့် Iron Cross အဖွဲ့၏ ဖျော်ဖြေပွဲနှင့် ဝေးကွာနေခဲ့သည့် ရန်ကုန်မြို့မှ ပရိသတ်များအတွက် စိတ်ကျေနပ်စရာ ဖျော်ဖြေပွဲတစ်ပွဲ ဖြစ်ခဲ့ကြောင်း သိရသည်။

သရုပ်ဆောင်၊ အဆိုတော်ပွင့်နှင့် တွေ့ဆုံခြင်း

 ရုပ်ရှင်အနုပညာနယ်ပယ်မှာ ထင်ရှားတဲ့ခန္ဓာကိုယ်နဲ့အတူ ချစ်စရာကောင်းတဲ့အမူအရာတွေပိုင်ဆိုင်ထားတဲ့ အနုပညာရှင်တစ်ဦးကတော့ ပွင့်ပါ။ သူမရဲ့သရုပ်ဆောင်မှုတွေအပေါ်မှာ ပရိသတ်တွေရဲ့ချစ်ခင်အားပေးမှုနဲ့အတူ အောင်မြင်တဲ့အနုပညာခရီးလမ်းတစ်ခုကို ပရိသတ်တွေရင်ထဲ ရောက်အောင်လျှောက်လှမ်းနိုင်ခဲ့သူ ပွင့်အနေနဲ့ သူ့ရဲ့ဒုတိယမြောက် အနုပညာအိပ်မက်လို့ တင်စားထားတဲ့ဂီတအနုပညာနယ်ပယ်ဘက်မှာလည်း ‘ဘေဘီပွင့်’ဆိုတဲ့ တစ်ကိုယ်တော်တေးစီးရီးသစ်နဲ့အတူ ခြေချဝင်ရောက်လာခဲ့ပြန်ပါတယ်။ သူမရဲ့သီဆိုမှုနဲ့သီချင်းတွေကို ပရိသတ်တွေက လက်ခံခဲ့ကြပြီလည်းဖြစ်တဲ့ ပွင့်နဲ့တွေ့ဆုံခဲ့တဲ့ခဏတာအတွင်း ‘ဘေဘီပွင့်’ စီးရီးနဲ့ပတ်သက်တဲ့ သူမရဲ့ကြိုးစားမှုတွေ၊ ရင်ခုန်မျှော်လင့်မှုတွေနဲ့ အနုပညာခြေလှမ်းတွေအကြောင်း မေးမြန်းဖြစ်ခဲ့ပါတယ် …

 

မေး- ‘ဘေဘီပွင့်’ ဆိုတဲ့ စီးရီးလေးထုတ်ဖြစ်ခဲ့တဲ့ အကြောင်းလေးပြောပါဦး။

ဖြေ – ဂီတအနုပညာကို ပွင့်ငယ်ငယ်တည်းက ၀ါသနာပါတယ်။ ဒါပေမဲ့ ပရိသတ်တွေက ပွင့်ကို ရုပ်ရှင်ဘက်မှာ အရင်လက်ခံ အားပေးခဲ့ကြတဲ့အခါ ကိုယ်ကဂီတ အနုပညာအလုပ်တွေလုပ်လိုက်တော့မှ ပရိသတ်စိတ်ထဲမှာ အမြင်တစ်မျိုး မြင်သွားမှာစိုးတာနဲ့လုပ်ရေး မလုပ် ရေးစဉ်းစားရင်း အချိန်ကြာသွားခဲ့တယ်။ ဒါပေမယ့်လည်း ဂီတက ကိုယ့်ရဲ့ အနုပညာ အိမ်မက်တစ်ခုဖြစ်တယ်၊ နယ်တွေမှာ သီချင်းသွားဆိုတဲ့အခါ ပရိသတ်တွေက အသံကောင်းတယ် အားပေးကြသလို စီးရီးထုတ်ဖို့လည်း ပြောကြတယ်၊ အနုပညာအသိုင်း အ၀ိုင်းမှာဆိုရင်လည်း ကိုနိုင်ဇော်တို့နဲ့ ပွဲတွေဆိုတဲ့အခါ သူတို့က သူများသီချင်းတွေ ဆိုမယ့်အစား ကိုယ်ပိုင်သီချင်းတွေလုပ်ဖို့ အားပေးကြတယ်။ ဒီလိုနဲ့ပဲ စီးရီးလေးထုတ်ဖို့ သေချာတဲ့ဆုံးဖြတ်ချက်ချနိုင်ခဲ့တာပါ။

မေး – ‘ဘေဘီပွင့်’ စီးရီးကို လုပ်မယ်မလုပ်ဘူး။ အချိန်အကြာကြီး စဉ်းစားခဲ့ရတာဆိုတော့ ဒီစီးရီးအတွက် ပွင့် ဘက်က ဘယ်လိုတွေပြင်ဆင်ကြိုးစားခဲ့ရလဲ။

ဖြေ –   ရုပ်ရှင်ဘက်မှာ အနုပညာအလုပ်တွေ စလုပ်တုန်းကတော့ ကိုယ်က ကလေးဆိုတော့ ကိုယ်လုပ်ချင်တာကို ကိုယ်လုပ်တတ်သလို လုပ်ခဲ့လိုက်တယ်။ ပရိသတ်တွေရဲ့အားပေးချစ်ခင်မှုကို ကံကောင်းစွာပဲရခဲ့တယ်။ ဂီတ အနုပညာအလုပ်တွေလုပ်တဲ့အခါကျတော့ ပရိသတ်တွေက ကိုယ့်ကို အသိအမှတ်ပြုပြီးသား ချစ်ပြီးသားဖြစ်တဲ့အတွက် ကိုယ့်အတွက် တကယ်ကို စွန့်စားပြီးလုပ်ရတယ်။ အဲဒီအတွက် အဆိုပိုင်းနဲ့ပတ်သက်ပြီး သေချာ လေ့လာလေ့ကျင့်တယ်။ သီချင်းအပ်တဲ့အခါမှာလည်း နာမည်ကြီးတေးရေးဆရာတွေဆီမှာ ကိုယ်ဖြစ်ချင်တဲ့ ပုံစံ၊ ဖြစ်သင့်တဲ့ပုံစံလေးတွေ ကိုယ်နဲ့လိုက်ဖက်တဲ့ သီချင်းလေးတွေရအောင် သေချာတိုင်ပင် ရွေးချယ်တယ်။ အဲဒီသီချင်းတွေကိုလည်း ဆရာသမားတွေနဲ့ သေချာ သင်ယူလေ့ကျင့်ပြီး ကိုယ်မှာပိုင်ဆိုင်တဲ့ အသံကိုယ်ဆိုနိုင်တာ အားလုံးနဲ့ အကောင်း ဆုံးဖြစ်အောင် သီဆိုခဲ့ပါတယ်။

မေး – ကိုယ့်သီချင်းတွေ ကိုယ်ပြန်နားထောင်တဲ့အခါ စိတ်တိုင်းကျဖြစ်ရဲ့လား။ ပရိသတ်တုံ့ပြန်မှုတွေကရော ဘယ်လိုရှိလဲ။

ဖြေ – လူဆိုတာတော့ လောဘရှိတဲ့သူဆိုတော့ ငါဒီနေရာကို ဒီလိုလေးဆိုလိုက်ရင်ကောင်းသား ဆိုတာမျိုး၊ ဒီထက်ပိုကောင်းအောင် လုပ်ချင်တယ်ဆိုတာမျိုးတော့ရှိပါတယ်။ ရုပ်ရှင်ဘက်မှာလည်း ခုထိ ကိုယ့်သရုပ်ဆောင်မှုအပေါ်မှာလည်း အရမ်းအားရတယ်ဆိုတာမျိုး မရှိပါဘူး။ ‘ဘေဘီပွင့်’ စီးရီးမှာ ကိုယ့်ရဲ့အပြင်ပုံစံက သွက်သွက်လက်လက်ရှိတာ၊ စကားပြောမြန်တာတွေကြောင့် သီချင်းအမြူးလေးတွေကို ပိုအားရပြီး သီချင်းအနှေးလေးတွေကို စိတ်ပူခဲ့တယ်။ ဒါပေမယ့်  ပရိသတ်တွေက ကိုယ်စိတ်ပူခဲ့တဲ့ သီချင်းတွေကို ပိုပြီး နှစ်သက် အားပေးနေကြတာတွေ့တော့ အရမ်းဝမ်းသာတယ်။ ကျန်တဲ့ သီချင်းလေးတွေကိုလည်း အားပေးနှစ်သက်ကြတာဖြစ်လို့ ပွင့်ကျေနပ် ၀မ်းသာရပါတယ်။

မေး – ခုချိန်ခါက အရမ်းအောင်မြင်နေတဲ့ အဆိုတော်တွေတောင်မှ စီးရီးတစ်ခွေထုတ်ဖို့ တော်တော်စဉ်းစားရတဲ့ အချိန်မျိုးဖြစ်တော့ ‘ ဘေဘီပွင့်’ စီးရီးအတွက်ရော ပွင့်ဘက်က ဘယ်လိုစွန့်စားခဲ့ရလဲ။

ဖြေ – စွန့်စားမှုဆိုတာထက် စီးပွားရေးအရ ရှုံးမယ်ဆိုတာတော့ ပွင့်တို့သိပြီးသားပါ။ အကြီးကြီး ရှုံးမလား သေးသေးလေးရှုံးမလားဆိုတာပဲ မသိရတာပါ။ သိပေမဲ့လည်း ကိုယ့်အနုပညာ သစ်တစ်ခုနဲ့ ထပ်ပြီး ပေးဆပ်ချင်သလို ကိုယ့်ရဲ့ အနုပညာအိပ်မက်တစ်ခုကို လည်းပုံဖော်တာဖြစ်တဲ့အတွက် ပေါ်ပင်အနေနဲ့ စီးရီးတစ်ခွေထုတ်တယ်ဆိုတာမျိုးပွင့် မလုပ်ပါဘူး။ ဒီစီးရီးကနေပြီး ဂီတအနုပညာနဲ့ ပတ်သက်ရင်လည်း ပွင့်ရဲ့ အရမ်းကြိုးစားထားတယ်ဆိုတဲ့ ပရိသတ်တွေရဲ့ အသိအမှတ်ပြုမှုကိုပဲလိုချင်တယ်။ နောက်ပြီး  ကိုယ်တွေက ပိုက်ဆံတွေပေါနေတာမဟုတ်တော့ ကိုယ့်ရဲ့အရှုံးကို ကာဗာဖြစ်တာမျိုးလောက်တော့ လိုချင်တယ်။ ဒါပေမဲ့လည်း ပရိသတ်တွေက ပွင့်ရဲ့ သီချင်းတွေကို ကြိုက်တယ် ကိုယ့်ကို တေးသံရှင်တစ်ယောက်အဖြစ်လည်း အသိအမှတ်ပြုတယ်ဆိုတာက ပွင့်အလိုချင်ဆုံး ဆုလာဘ်ပါပဲ။ တတ်နိုင်ရင် မူရင်း ခွေလေး အားပေးပါလို့လည်း ဒီကနေ ပရိသတ်တွေကို တောင်းဆိုပါတယ်။

မေး – ရုပ်ရှင်ဘက်မှာရော ပွင့်အတွက် အနုပညာပိုင်းအရ ဘယ်လိုအခွင့်အလမ်းကောင်းတွေ ရနေပြီလဲ။

ဖြေ – ပွင့်တို့အနေအထားက ရုပ်ရှင်ဘက်မှာ ကိုယ်က ဇာတ်ကို ရွေးချယ်ခွင့်မရှိပါဘူး။ ကိုယ့်ကိုရွေးချယ်ပြီး ရောက်လာတဲ့ဇာတ်တွေကိုပဲ အကောင်းဆုံးကြိုးစားပါတယ်။

မေး- နောက်ပိုင်း ဂီတနဲ့ ရုပ်ရှင်ဘယ်ဘက်ကို ပိုဦးစားပေးမလဲ။

ဖြေ – အဲဒါကတော့ ပြောရခက်ပါတယ်။ နှစ်ခုလုံးက ကိုယ်ငယ်ငယ်လေးတည်းက မက်ခဲ့ရတဲ့ အိမ်မက်တွေပါ။ ကိုယ်က နှစ်ခုလုံးကို ကိုယ့်ဘက်ကတော့ အကောင်းဆုံးကြိုးစားလုပ်ချင်ပါတယ်။

မေး – ပွင့်ကို အားပေးနေတဲ့ ပရိသတ်တွေကို ပြောချင်တဲ့စကား။

ဖြေ – ပွင့် ဒီနေ့အနုပညာလောကမှာ ရပ်တည်နေနိုင်တာ ပရိသတ်တွေအားပေးမှုကြောင့်ပါ။ အဲဒီလို ရပ်တည်နိုင်အောင် ချစ်ပေး အားပေးကြတာကျေးဇူးတင်ပါတယ်။ ဂီတဘက်မှာလည်း ပွင့်ရပ်တည်ခွင့်ရအောင် ပွင့်ကို ချစ်ခင်အားပေးကြပါလို့ တောင်းဆိုချင်ပါတယ်။

လွယ်အိတ်ကြီးလွယ်တဲ့ ကလောင်ဆဲလ်တွေ

အနုပညာဆိုတဲ့ စကားအနက်ဟာ အင်မတန်ကျယ်ဝန်းပါတယ်။ ဒဿန နယ်ပယ်၊ ရသနယ်ပယ်၊ စာပေနယ်ပယ်၊ ဘာသာစကားနယ်ပယ်၊ ၀ါဂီနစ်နယ်ပယ် စသဖြင့် နယ်ပယ်အလိုက် သန်ရာသန်ရာကို အထူးပြု ဖွင့်ဆိုခဲ့ကြလေတော့ ဒီနေ့ထိ ပွဲမပြီးသေးတဲ့၊ နောင်လည်း ပွဲသိမ်းမှာ မဟုတ်သေးတဲ့ စကားပဲဖြစ်ပါတယ်။ ဒီစာစုဟာ အဲဒီလို အကွဲကွဲအပြားပြားသော အဓိပ္ပာယ်သတ်မှတ်ချက် ‘ဘောင်’ တွေအပေါ် ကြောင်းကျိုးဝေဖန်မှု ပြုမှာ မဟုတ်ဘဲ အလွန်ထူးခြားတဲ့ ကြားခံနယ်ပယ် Medium အချင်းချင်း အောင်မြင်စွာ ရောယှက်သွားတဲ့ အနုပညာပစ္စည်းတစ်ခုအကြောင်း မုဒိတာပွားမှာပါ။

 

Animated Music Video ခြေရာကောက်

အင်နီမေးရှင်း ကာတွန်းရုပ်လေးတွေကို ခြေရာကောက်ကြည့်ရင် ပြင်သစ်လူမျိုး သိပ္ပံကျောင်းဆရာ ချားလ်စ်အင်မလီရေးနာ့ဒ်ဟာ ၁၈၇၇ မှာ အင်နီမေးရှင်းပြသနိုင်တဲ့ Praxinoscope ကို တီထွင်ပြီး ၁၈၉၂ မှာ ပထမဆုံး အင်နီမေးရှင်း Pauvre Pierrot ကို အများ ပြည်သူထံ တင်ဆက်နိုင်ခဲ့ပါတယ်။ သူ့ဖန်တီးမှုဟာ ဓာတ်ပုံဖလင်လို ရိုက်ထားတာမျိုး မဟုတ်ဘဲ အကြည်သားမီဒီယမ်မှာ တိုက်ရိုက်ရေးဆွဲတာမျိုးဖြစ်ပြီး ၁၉၀၀ ပြည့်နှစ်လည်း ရောက်ရော ပရိသတ်ငါးသိန်းကျော် ကြည့်ရှုပြီးဖြစ်ပါတယ်။

ကျွန်တော်တို့ငယ်ငယ်က စိတ်ဝင်တစားဝယ်ရတဲ့ စက္ကူတွေကို လက်မနဲ့ဖိ၊ လွှတ်လိုက်တိုင်း လှုပ်တဲ့ အရုပ်လှုပ် ကာတွန်းစာအုပ် Flip Book စပေါ်တာ ၁၈၈၆ ခုနှစ်ပါ။ကျွန်တော်တို့ ဘယ်လောက်နောက်ကျခဲ့ပြီဆိုတာ သိသာစေတဲ့ Time-Line တစ်ခုပေါ့။

ဓာတ်ပုံဖလင်ကြားခံ (Animated Projection) ကို ၁၉၀၆ ခုနှစ်မှာ သတင်းစာ ကာတွန်းဆရာ ဂျေစတူးဝပ်ဘလက်တန်က ဖန်တီးနိုင်ခဲ့တယ်။ တစ်ခါ ၁၉၀၈ ခုနှစ်မှာ ပြင်သစ်ဒါရိုက်တာ အင်မလီကိုးရဲ့ ရုပ်ရှင်နဲ့ အလားသဏ္ဌာန်တူတဲ့ Fantasmagorie ကို တင်ဆက်နိုင်ခဲ့ပါပြီ။ သူတို့ဆီမှာတော့ ၁၉၂၀ ကနေ ၁၉၆၀ အတွင်း နှစ်ကာလတွေဟာ ကာတွန်းရုပ်ရှင်ရဲ့ ရွှေခေတ်လို့ တင်စားကြပါတယ်။

ပထမဆုံး Anime Music Video (AMV) ကို ၁၉၈၂  မှာ အသက် ၂၁ နှစ်သား Jim Kaposztas က စတင်ခဲ့ပါတယ်။ ဒီဖန်တီးမှုကို ပြန်ကြည့်တဲ့အခါ သာမန်ညောင်ည အားထုတ်မှုနဲ့မဟုတ်ဘဲ ဗီဒီယိုဖန်တီးခြင်းနဲ့ တည်းဖြတ်မှုများစွာ ပေါင်းစည်းရောယှက်နေတဲ့ လာရာလမ်းကို မြင်ကြရမှာပါ။ ဥပမာအနေနဲ့ပြောရရင် အကြမ်းတည်းဖြတ် (Raw Editing)၊ အထူးပြုလုပ်ချက် တည်းဖြတ် (FX Effects Editing)၊ အချိန်နာရီတည်းဖြတ် (Timing Editing)၊ ရုပ်သံ စီးဆင်းပုံတည်းဖြတ် (Flow Editing)၊ အရုပ်လှုပ်ပုံ တည်းဖြတ် (Animation Editing) နဲ့ နောက်ခံဖြုတ်ပယ် တည်းဖြတ် (Masking) တို့ မလွဲမသွေ ပေါင်းစပ်ပါဝင်နေပါတယ်။

 

BIG BAG

၂၀၀၀ ပြည့်နှစ်ဝန်းကျင်နဲ့ အဲဒီနောက်ပိုင်း မြန်မာ့ဂီတလောကမှာ အသစ်အသစ်သော ဂီတပုံစံတွေ၊ အသစ်အသစ်သော တေးရေးသူတွေ၊ အသစ်အသစ်သော အဆိုတော်တွေ ပေါ်ထွက်လာခဲ့ပါတယ်။ ချားချား၊ ဂိုးဂိုး၊ ရော့ခ်အင်ရိုးကနေ ဟစ်ပ်ဟော့ပ်၊ အီလက်ထရို၊ အင်စထျူမဲန့်တယ်အထိ ကမ္ဘာနဲ့အညီ ရင်ပေါင်တန်းဖန်တီးမှုတွေ ပွင့်ထွက်လာတာ အရှိတရားပါပဲ။

ကျားပေါက် ဒါမှမဟုတ် KP လို့ သူ့ပရိသတ်က ချစ်စနိုးအခေါ်ခံရတဲ့ အဆိုတော် ဟန်ထူးလွင်ဟာ BIG BAG ဆိုတဲ့ တီးဝိုင်းရဲ့ ပဲ့ကိုင်တစ်ဦးဖြစ်ပြီး သူယုံကြည်ရာ ဂီတပုံသဏ္ဌာန်ကို စိုက်လိုက်မတ်တတ် ပုံဖော်ခဲ့သူ ဖြစ်ပါတယ်။

သူနဲ့ BIG BAG ဟာ ဂီတနဲ့ သီချင်းအနုပညာကို Professional ကျကျ ပုံဖော်ရာမှာ ပါရမီသက်သာမက ပညာသက်ပါ ဖြည့်ဆည်းနိုင်သူဖြစ်ကြောင်း သူ့ Works တွေက အထင် အရှားဖော်ပြလျက်ပါ။ လက်ရှိအချိန်မှာ The Voice Myanmar ရဲ့ အကဲဖြတ်အဖြစ်သာမက နြတ New York City လို့ အမည်ပေးထားတဲ့ ကမ္ဘာအနှံ့ တစ်နိုင်ငံ တစ်ပုဒ် သီချင်းဖန်တီးမှုအတွက် ထိပ်တန်းဂီတအဖွဲ့ Queen ရဲ့ မန်နေဂျာ Jim Beach ရဲ့ကမ်းလှမ်းမှုကို ဒီနှစ်အတွင်း လက်ခံဖန်တီးနေသူလည်း ဖြစ်ပါတယ်။

ဂီတပုံစံသစ်၊ အဆိုပုံစံသစ်နဲ့ ဟန်ထူးလွင်လို့  နာမည်တစ်ခု ပရိသတ်ကြား ထူထောင်နိုင်ပြီးနောက်ပိုင်း ထပ်ပေါက်ခဲ့တဲ့ သီချင်းတစ်ပုဒ်ကတော့ Anger Management အယ်လ်ဘမ်ထဲက ‘သတိရနေတယ်’ ဆိုတဲ့တေးပါပဲ။ ဖန်တီးပုံအသစ်၊ ဆိုဟန် ကွဲပြားစွာပေါ်ထွက်ခဲ့တဲ့ ဒီသီချင်းဟာ လူငယ်တွေ အထပ်ထပ်နားထောင်ခဲ့ရုံမက ကလေးတွေရဲ့ပါးစပ်ဖျားမှာကို သတိတရ ခဏခဏ အဆိုခံခဲ့ရတာပါ။

 

Pencell

‘ကလောင်တံကိုင်သော ကလာပ်စည်းများ’လို့ တည့်တည့် ဘာသာပြန်ကြည့်ကြစို့။ တကယ်တော့ သူတို့ကိုင်တဲ့ ကလောင်က ပုံဆွဲမင်အပြည့်နဲ့ ကလောင်တွေပါ။ ကာတွန်း အော်ပီကျယ်ရဲ့ရင်သွေး လူငယ်ညီအစ်ကိုဖြစ်တဲ့ နိုဘယ်အောင်နဲ့ ဥာဏ်ကျယ်စေတို့ စုစည်းထားတဲ့ Animation Studio ဖြစ်ပါတယ်။ တကယ့်ကို စိတ်တူကိုယ်တူ ၀ါသနာတူ အိပ်မက်တူသူတွေ စုစည်းမိနေတဲ့ ပျော်ရွှင်ဖွယ်ရပ်ဝန်းတစ်ခုပါ။ တစ်ခါ ဒီနိုင်ငံမှာ လူသိနည်းပြီး ၀ါသနာကို အရင်းခံတဲ့ စီးပွားရေးလုပ်ငန်းအတွက် တကယ့်ကို ငွေရေးကြေးရေးရလဒ် ပေါ်အောင် သူတို့ ကြိုးပမ်းနေရဆဲကာလ ဖြစ်ပါတယ်။

လုပ်ငန်းရှင်တစ်ဦးဟာ သူ့ Product တစ်ခု ကြော်ငြာဖို့အတွက် နာမည်ကျော် မင်းသား၊ မင်းသမီးတစ်ယောက်ကို သိန်းသုံး၊ လေးဆယ်လောက် ပက်ခနဲ ပေးချေနိုင်ပေမယ့် အခုလို လူမပါ အရုပ်ကလေးတွေရဲ့ စက္ကန့် ၁၂၀ စာကို ဘယ်နှသိန်းလောက်များ ထိုက် တန်တယ်လို့ ဈေးဖြတ်မှာလဲ။ သူတို့ ရင်းလိုက်ရတဲ့ အတွေ့အကြုံတွေ၊ အချိန်တွေ၊ ဆည်းပူးမှုတွေ၊ ဖြည့်ဆည်းခြင်းတွေအတွက် ဘယ်လို တန်ဖိုးဖြတ်ကြမလဲ။ ဒါကြောင့် သူတို့တတွေဟာ အနုပညာတစ်ခုအဖြစ် အရေးပါဘောင်ဝင်အောင် ကြိုးစားနေကြဆဲဖြစ်ပြီး သူတို့ လုပ်ပြဖို့လိုသေးတယ်လို့ ခံယူကြပါတယ်။

 

သတိရတယ် AMV အဆိုတော်ဟန်ထူးလွင်နဲ့ လွယ်အိတ်ကြီးရဲ့တေးဂီတကို ကလောင်ဆဲလ်များက Animated Mudic Video အဖြစ် ဖန်တီးမှုဖြစ်ပါတယ်။ ပထမဆုံး တေးရေးဆရာ Mung Boih ရဲ့ ခံစားမှုက ‘ဘယ်အချိန် ဘယ်အခါ ဘယ်နေရာမှာမဆို အဆိုးဆုံးဆိုသော်ငြား မျှော်လင့်ခြင်းကို လျှော့ချမပစ်လိုက်ပါနဲ့’လို့ သူ Message ပေးချင်တာ ဒီသီချင်းပါပဲလို့ ပြောပါတယ်။

 

သတိရတယ်

‘တစ်ခုတည်းရှိတဲ့ နှလုံးသားနဲ့ တစ်ယောက်တည်း ငေးရင်း အခန်းပြင်ဘက် ငါ နားစွင့်ရင်း မင်းရဲ့စကားသံများ တစ်အိမ်လုံး တိတ်ဆိတ်ခြောက်ကပ်နေတယ်’

စာသား၊ ဂီတဖွဲ့စည်းပုံ၊ အဆိုပါးနပ်မှုတို့ရဲ့ ကောင်းခြင်း၊ နှစ်လိုဖွယ်ရသ ပေါ်လွင်ခြင်းတွေကို စိစစ်ဝေဖန်မှာ မဟုတ်ဘဲ ဒီသီချင်းအပေါ် AMV အဖြစ်  အသွင်ပြောင်းယူတဲ့ Pencell ရဲ့ ကြိုးစားအားထုတ်မှု ကောက်ကြောင်းကို နည်းနည်းကြည့်ကြရအောင်။

ပထမပိုဒ် စအ၀င်မှာ နာရီစင်နဲ့ လိပ်ပြာလေး။ ဒီ Music Video ဖန်တီးကတည်းက ကြိုက်သလို ခံစားနိုင်အောင် ဖွင့်ပေးထားချင်တဲ့ သဘောကို မိမိရရ စမြင်ရတယ်။ အဲဒီ အရုပ်နှစ်မျိုးရဲ့ နိမိတ်ဟာ အချိန်နဲ့စိတ်ကူးပဲလို့ အခုအခံ မရှိသူတိုင်း တွေးမိကြမယ်။ တစ်ခါ စက္ကန့်ပိုင်းအတွင်း ဇာတ်လိုက်လူငယ်ရဲ့အရုပ်ကို Bird-eye View ကနေပြီး ရိုက်ပြလိုက်တော့ အဆင်မပြေခြင်းတွေ၊ သိမ်ငယ် သေးနုပ်ခြင်းတွေ ကျွန်တော်တို့ ရသွားရော။

သူတို့ဖန်တီးမှုအတွက် စုစုပေါင်း ငါးလလောက် အချိန်ယူခဲ့ရပါတယ်။ ဒါရိုက်တာ ဥာဏ်ကျယ်စေ၊ Art ဒါရိုက်တာ နိုဘယ်အောင်၊ Lead Animator Kevin သက်နဲ့ အေးချမ်းအောင်တို့ဟာ သူတို့ရဲ့ Pencell အဖွဲ့ဝင် ၁၅ ယောက်နဲ့ ဒီ AMV ကို ထုတ်လုပ်ခဲ့တာဖြစ်ပါတယ်။ စုစုပေါင်း ၃ နာရီ ၅၇ မိနစ်၊ အသားတင်ပြသချိန် သုံးမိနစ်ခွဲကြာတဲ့ ဒီသီချင်းအတွက် တစ်စက္ကန့်ကို ၂၄ ပုံနှုန်း အရုပ်လှုပ်ဖို့ ပုံကားချပ်ပေါင်း ၅၀၀၀ ကျော် ဆွဲခဲ့ကြရတဲ့ လုပ်ငန်းပမာဏကို ချင့်တွက် ကြည့်နိုင်ပါတယ်။ လူတစ်ဦးချင်းစီရဲ့ ကွဲပြားတဲ့ ကိုယ်ပိုင်လက်ရာကနေ ဒီဇာတ်ကောင်လူငယ်ရဲ့ တစ်ခုတည်းသော စရိုက်ပုံဟန် Character Design Concept ရအောင် လုပ်သွားကြတဲ့ Team Work ဟာ မပျောက်ပျက်မယ့် မှတ်တိုင်ပါပဲ။

ထပ်မံထည့်သွင်းဆောင်ရွက်ရတဲ့ Works တွေထဲက တချို့ထုတ်နုတ်ပြရရင် နောက်ခံအယူအဆ Background Concept ၊ အကွက်လိုက်လှုပ်ရှားမှု Animation Frame by Frame ၊ သီချင်းဇာတ်လမ်းတစ်ခုလုံးရဲ့ Parts of the Story Board Sketch  စသဖြင့် အထူးပြုရာအစိတ်အပိုင်းတို့ ခြုံငုံပေါင်းစပ်တဲ့ ဟာမိုနီတစ်ခုရပါမှ ဒီ AMV ဖြစ်လာခဲ့တာပါ။

အရောင်သုံးစွဲမှုဆိုင်ရာ Color Concept အဖြစ် အနီနဲ့အစိမ်းကို ထူးထူးခြားခြား တွဲပေးထားပါတယ်။ မြင်နေကျမဟုတ်တဲ့ အနီနဲ့အစိမ်း ရလာဖို့အတွက် သူတို့ ဘယ်နှထပ်၊ ဘယ်နှခါ၊ ဘယ်နှညကုန်ခဲ့တယ်ဆိုတာ အင်နီမေးရှင်း ကြိုးစားဖူးသူတိုင်း စာနာမိကြပါလိမ့်မယ်။

ထူးထူးခြားခြား နောက်တစ်ကွက်ကတော့ ဒီဗီဒီယိုရဲ့ ဇာတ်ထွတ်လို့ ခေါ်နိုင်မယ့် Climax of AMV ပါ။ အဲဒီမှာ ဇာတ်လိုက်ဟာ တစ်စုံတစ်ရာကြောင့် ပေါက်ကွဲရမယ့် အကွက်။ ဒီပေါက်ကွဲမှုအတွက် ဘယ်အလှုပ်နဲ့ ဘယ်လိုပြမယ်ဆိုတာကို အိပ်မပျော်နိုင်အောင် စဉ်းစားခဲ့ရပါသတဲ့။ အနီရောင်တွေ၊ သွေးရောင်တွေနဲ့ သိပ်ကြေကွဲပြီး ရုဒ္ဒရသပုံအထိလည်း မပေါ်စေချင်၊ ပေါက်ကွဲမှလည်း ရမယ်ဆိုတဲ့ အခြေအနေမျိုးအတွက် သူတို့ဖန်တီးမှုကို စာရှုသူကိုယ်တိုင်သာ ကြည့်ပြီးဆုံးဖြတ်ပါတော့။ အမှတ်ထင်ထင် ကျန်ခဲ့တဲ့ အပေါ်တက်သွားတဲ့ လိုင်းအဖျော့တွေကို မြင်မိတယ်ဆိုရင် ကျွန်တော်တို့ ရင်ဘတ်ချင်း ပလပ်တပ်မိပြီလို့ ဆိုပါရစေ။

‘သတိရတယ်’ မိတ်ဆက် Screening Event ကို ၂၀၁၈ ခုနှစ် မေ ၁ ရက်မှာ ပြုလုပ်ခဲ့ပြီး နောက်တစ်နေ့မနက်ကစပြီး အများကြည့်ရှုနိုင်ဖို့ အွန်လိုင်းမီဒီယာကနေ လွှင့်တင်ပြီး ဖြစ်ပါတယ်။ ဒီစာရေးချိန်အထိ တစ်လအတွင်း သူတို့ Page မှာ ကြည့်ရှုသူ ၄၂၈,၉၆၇ နဲ့ Share၂၄ ,၀၀၀ ကျော် ရှိသွားပြီး ယူကျုမတော့ ၈၂,၅၅၄ ယောက် ကြည့်ရှုသွားခဲ့ပါပြီ။

အဲဒီပွဲမှာ မြန်မာကာတွန်းရုပ်ရှင်ရဲ့ အထင်ကရ ဆရာအော်ပီကျယ်က အမှတ်တရ စကားပြောခဲ့ရာမှာ -(၁) ဘာအနု ပညာပဲဖြစ်ဖြစ် အခြေခံမလွတ်ဖို့၊(၂) ကာ တွန်းရုပ်ရှင်ဟာ လှုပ်ရုံမက အသက်ဝင်ဖို့၊ (၃) စုစုစည်းစည်း ညီညီညွတ်ညွတ် လုပ်တတ် ဖို့၊ (၄) 2D ပလက်ဖောင်းမှသည် 3D အထိ တက်လှမ်းနိုင်အောင် ကြိုးစားဖို့ မုဒိတာစကား ဆိုခဲ့ပါတယ်။

 

နိဂုံးဆန္ဒ

ဒီစာကို ကျွန်တော်ရေးတဲ့ ရည်ရွယ်ချက်က တစ်စုံတစ်ယောက် သို့မဟုတ် တစ်စုတစ်ဖွဲ့ကို ချီးမွမ်းမြှင့်တင်ဖို့ မဟုတ်ဘဲ မှန်ကန် အားကောင်းတဲ့ Team Work တစ်ခုကို အားပေးချင်တာပါ။ အဲဒီလိုအလုပ်ကို အောင်မြင်ပြီးမြောက်အောင် လုပ်ပြ၊ လုပ်ရဲတဲ့ ကျွန်တော် တို့မျိုးဆက်တွေကို ပခုံးထမ်းတင်ပြီး မော့ကြည့်ချင်တာပါ။ သူတို့ တစ်ယောက်ချင်း Talent ကနေ စုစည်းညီညွတ်တဲ့ ထိရောက်မှုကို ဖော်နိုင်ခဲ့ကြတယ်။

ကျွန်တော်တို့ ရွှေပြည်ကြီးရဲ့ ပကတိ အခြေအနေတွေက စာရှုသူ သိပြီးသား။ ပေါင်းစည်းညီညွတ်မှုရဲ့ အရိပ်အယောင်တောင် မမြင်ရ၊ မကျင့်ကြံနိုင်ကြတာ နှစ်ရာချီပါတော့မယ်။ တစ်ဦးချင်းရဲ့ စွမ်းဆောင်ရည်ကနေ လုံးပေါင်းထိရောက်မှုကို သယ်ဆောင်နိုင်မှ အောင်မြင်တဲ့ စီမံခန့်ခွဲမှုလို့ လက်ခုပ်တီးကြမှာပါ။ အခုလို ကလောင်ကလာပ်စည်းလေးတွေက လွယ်အိတ်ကြီးကို ပိုင်ပိုင်နိုင်နိုင် လွယ်ပြလိုက်တာ မြန်မာ့အင်နီမေးရှင်းနဲ့ ကာတွန်းလောကအတွက် ကျန်ရစ်မယ့် မှတ်တိုင်အစစ်ပါ။ ကဲ၊ ကျွန်တော့်စာကို အင်နီမေးရှင်းသီအိုရီ စာအုပ်တစ်အုပ်ရဲ့ နိဒါန်းက ပထမဆုံး ၀ါကျနဲ့ အဆုံးသတ်ပါရစေ။

“သင် တစ်ယောက်ကောင်း လုပ်မယ်ဆိုပါက ဤစာအုပ်ကို ဆက်မဖတ်ပါနဲ့တော့”

တေးသံရှင်သရုပ်ဆောင်လွှမ်းပိုင်နှင့်တွေ့ဆုံခြင်း

ဂီတဘက်တွင်အောင်မြင်နေရာမှ သရုပ်ဆောင်အလုပ်နှင့် တွဲဖက်လုပ်ကိုင်ကြသည့် အနုပညာရှင်များစွာရှိသည့်အနက် လူငယ်တေးသံရှင်လွှမ်းပိုင်လည်း တစ်ဦးအပါအ၀င်ဖြစ်သည်။ လွှမ်းပိုင်ပါဝင်သည့် ဗီဒီယိုဇာတ်ကားအချို့ ထွက်ရှိလာပြီးနောက် ပရိသတ်အားပေးမှုရရှိခဲ့ကာ ပထမဆုံး ရုပ်ရှင်ဇာတ်ကားအဖြစ် တေးသံရှင်သရုပ်ဆောင်ရဲရင့်အောင်၊ အကယ်ဒမီဖွေးဖွေး တို့နှင့်တွဲဖက်၍ ‘ငါ့ကိုနမ်းတဲ့မုန်တိုင်း’ ဇာတ်ကားတွင် ပါဝင်ထားသည်။ ‘ငါ့ကိုနမ်းတဲ့မုန်တိုင်း’ ကို ဇွန် ၁ ရက်တွင်စတင်ပြသရန်စီစဉ်ထားသည့်အပြင် ဇာတ်ကား စတင်ပြသချိန်တွင်လည်း မန္တလေးနှင့် ရန်ကုန်မြို့များမှပရိသတ်များနှင့် တွေ့ဆုံရန်စီစဉ်ထားသည်။ တေးသံရှင်လွှမ်းပိုင်က မိုးရာသီကာလအတွင်း တစ်ကိုယ်တော်အယ်လ်ဘမ်သစ် ထွက်ရှိရန် ပြင်ဆင်ထားသည့်အပြင် ပထမဆုံး တစ်ကိုယ်တော်ပွဲပြုလုပ်နိုင်ရန် စီစဉ်နေသူဖြစ်သည်။ လွှမ်းပိုင်နှင့်တွေ့ဆုံ၍ ရိုက်ကူးမှုအတွေ့အကြုံများ၊ ဂီတနှင့်ပတ်သက်သည့် ပြင်ဆင်ထားမှုများကို မေးမြန်းဖြစ်ခဲ့သည်။

 

မေး- ငါ့ကိုနမ်းမယ့်မုန်တိုင်း ရုပ်ရှင်ဇာတ်ကားရိုက်ကူးတဲ့  အမှတ်တရလေး အရင်ပြောပြပေးပါဦး။

ဖြေ- မှတ်မှတ်ရရဆိုရင် ဒီကား ပထမဆုံးရိုက်တဲ့နေ့ လုပ်ရတဲ့ဇာတ်ဝင်ခန်းပေါ့နော်။ နမူနာဗီဒီယိုဖိုင်မှာလည်းတွေ့မှာပါ။ နံရံကို လက်သီးနဲ့ထိုးရတဲ့ ဇာတ်ဝင်ခန်းပေါ့။ အဲဒီနေ့လေးကိုတော့ အမှတ်တရဖြစ်ရပါတယ်။ ကျွန်တော့်အခန်းကို စပြီးရိုက်မယ့်နေ့မတိုင်ခင်ညမှာ အိပ်မပျော်ဘူး။ နောက်နေ့ရှုတင်သွားတဲ့အခါ စိုးရိမ်ခဲ့တဲ့အတိုင်း သိပ်အဆင်မပြေဘူး။ စပြီးသရုပ် ဆောင်ရတဲ့အခန်းကလည်း မဖွေးနဲ့ဆုံတဲ့အခန်းဖြစ်သလို ဇာတ်ရဲ့ Tempo ကလည်း နည်းနည်းမြင့်တဲ့အတွက် မလုပ်နိုင်ဘူးလို့ထင်ခဲ့တယ်။ ဒီဝတ္ထုကလည်း ဖတ်ဖူးတဲ့သူတွေ ရှိမယ်လေ။ နောက်နေ့မှာတော့ ဒါရိုက်တာနှစ်ယောက်စလုံးက စိုးရိမ်စိတ်မထားဖို့ပြောခဲ့တယ်။ အဲဒီကနေမှ နောက်ပိုင်းဇာတ်ဝင်ခန်းတွေက တော်တော်လေး အဆင်ပြေသွားပါတယ်။

မေး – ဇာတ်ဝင်သီချင်းအသစ်တွေ ဆိုထားတယ်။ အဲဒါလေးတွေ လက်ဆောင်ပေးမယ်ဆိုတော့ ပြောပြပေးပါဦး။

ဖြေ – ဒီဇာတ်ကားထဲမှာ ဇာတ်ဝင်တေးသီချင်း အသစ်တွေပါတယ်။ ကျွန်တော်က နှစ်ပုဒ်ရေးထားပါတယ်။ တစ်ပုဒ်ကတော့ ကေကေမိုးဆိုထားပြီး တစ်ပုဒ်ကိုတော့ မရတနာမိုင်ဆိုထားပါတယ်။ တခြားသူတွေ ရေးပြီးဆိုထားတဲ့ သီချင်းသစ်တွေလည်းရှိပါတယ်။ ကိုဝေလ၊ ကိုသာဒီးလူ၊ ထက်ယံတို့လည်း ရေးပေးထားပါတယ်။ ဇာတ်ကားနဲ့တွဲဖက်ပြီး သီချင်းလေးတွေပါနားထောင်ခွင့်ရမှာပါ။ အဲဒီဇာတ်ဝင်သီချင်းလေးတွေကို အခွေအနေနဲ့စုစည်းပြီး ပရိသတ်တွေကို လက်ဆောင်ပေးသွားမယ့် အစီအစဉ်လည်း ပါပါတယ်။

မေး – အကြိုက်ဆုံး ဇာတ်ဝင်ခန်းဆိုရင်ရော ရှိလား။

ဖြေ – ကျွန်တော်စရိုက်တုန်းက အခက်အခဲတွေ၊ စိုးရိမ်မှုတွေကျော်လွန်ပြီး ကျွန်တော်နဲ့ ဒီ ဇာတ်ကောင်နဲ့တစ်သားတည်းဖြစ်လာချိန်မှာ ရိုက်ရတာပျော်လာတယ်။ အကြိုက်ဆုံး ဇာတ်ဝင်ခန်းဆိုရင်တော့ ကျွန်တော်နဲ့ မဖွေးနဲ့ သစ်ပင်အောက်မှာ စကားပြောတဲ့ ဇာတ်ဝင်ခန်းပါ။ ရိုက်ခဲ့တဲ့ဇာတ်ကားတွေထဲက ဇာတ်ဝင်ခန်းတွေထဲမှာ အကြိုက်ဆုံးဇာတ်ဝင်ခန်းပဲ။ ဒါရိုက်တာက ကဒ်လို့ပြောပြီးတာတောင် ကျွန်တော့်စိတ်ထဲမှာ ဆို့ဆို့နင့်နင့်ကြီး ခံစားနေရတုန်းပဲ။

မေး – နောက်ထပ်ဇာတ်ကား ရိုက်မယ်ဆိုရင် ဘယ်လိုဇာတ်ရုပ်မျိုးလေး သရုပ်ဆောင်ချင်လဲ။

ဖြေ – ထပ်ရိုက်ခွင့်ရမယ်ဆိုရင် ပညာမတတ်ဘဲ ချို့တဲ့ပြီး သဘာဝဆန်တဲ့ပုံစံမျိုးလေး ရိုက်ချင်တယ်။

မေး – ဗီလိန်နေရာမှာရော သရုပ်ဆောင်ချင်လား။

ဖြေ – ဒီဝတ္ထုကို စဖတ်ပြီးတဲ့အချိန်မှာ ဗီလိန်နေရာကို တော်တော်လေးကြိုက်တယ်။ တကယ့်ကိုမိုက်တဲ့ ကာရိုက်တာတစ်ခုပေါ့။ အခုရဲရင့်အောင်လုပ်ထားတာလည်း တော်တော်ကောင်းတယ်။ ကျွန်တော်သရုပ်ဆောင်ခွင့်ရရင်တောင် အဲဒီလောက် လုပ်နိုင်ချင်မှ လုပ်နိုင်မှာလေ။

မေး – ရုံတင်တဲ့အခါ ပရိသတ်တွေနဲ့တွေ့ဆုံသွားမယ့် အစီအစဉ်တွေရောရှိလား။

ဖြေ – ဟုတ်ရှိပါတယ်။ ရန်ကုန်မှာရော မန္တလေးမှာပါ လက်မှတ်ထိုးပွဲတွေလုပ်ပါမယ်။ မန္တလေးမှာက ဇွန် ၁ ရက်လုပ်မှာဖြစ်ပြီး ရန်ကုန်မှာတော့ ဇွန် ၂ ရက်မှာလုပ်ဖို့စီစဉ်ထားတယ်။

မေး- ဒီဇာတ်ကားကိုကြည့်မယ့် ပရိသတ်တွေအတွက် ဘယ်လိုရသမျိုးတွေ ရနိုင်တယ်လို့ထင်လဲ။

ဖြေ – ဒီဇာတ်ကားက ပရိသတ်တွေ ရင်ထဲကို ခံစားမှုတစ်ခုခု ကျန်ခဲ့မယ်လို့ထင်ပါတယ်။ ကျွန်တော်ရော ရဲရင့်အောင်ရောက အဆိုဘက်ကလာတဲ့ သူတွေဆိုတော့ ဒီဇာတ်ကားလေးကို ကြည့်ပြီး ကျွန်တော်တို့ရဲ့အားထုတ်မှုလေးတွေကို အားပေးပါဦးလို့ ပြောချင်ပါတယ်။

မေး – ဇာတ်ဝင်သီချင်းနှစ်ပုဒ်လည်း ရေးထားတယ်ဆိုတော့ အဲဒီသီချင်းတွေကို ဘယ်လိုဖန်တီးဖြစ်ခဲ့လဲ။

ဖြေ – ဒီဇာတ်ကားရဲ့ဝတ္ထုကို ဖတ်လိုက်တဲ့အခါ အချစ်ဇာတ်လမ်းလေးပေါ့။ ဇာတ်ဝင်သီချင်းပါရင် ပိုကောင်းမှာပဲလို့ စဉ်းစားမိတယ်။ အဲဒါနဲ့ပဲ သီချင်းရေးဖို့ကြိုးစားဖြစ်တယ်။ မောင်မငိုရ ဘူးနော်ဆိုတဲ့သီချင်းရော မင်းမျက်ဝန်းဆိုတဲ့ သီချင်းနှစ်ပုဒ်လုံးက မဖွေးဇာတ်ရုပ်အတွက် ခံစားပြီးရေးကြည့်ခဲ့တာပါ။ ပရိသတ်တွေလည်း နားဆင်ခွင့်ရတဲ့အခါ ကြိုက်မယ်လို့ ထင်ပါတယ်။

မေး – သရုပ်ဆောင်တာနဲ့သီချင်းဆိုရတာ ကွာခြားတဲ့ ခံစားချက်ဆိုရင်ရော။

ဖြေ – သီချင်းဆိုတဲ့ ခံစားချက်ကကျတော့ ကိုယ့်ပါဖောမန့်စ်နဲ့ ပရိသတ်နဲ့ တစ်ထပ်တည်းကျ အောင်ပြင်ဆင်ရတယ်။ ကြိုးစားရတယ်။ ရုပ်ရှင်ကျတော့ ပရိသတ်နဲ့ တိုက်ရိုက်တွေ့ရတာ မဟုတ်ပေမယ့် ပရိသတ်ရှေ့ ရောက်တဲ့အခါ သူတို့ကျေနပ်အောင် ပြင်ဆင်ကြိုးစားရပါတယ်။

မေး – နောက်ထပ် ဘယ်ဇာတ်ကားတွေ ရုံတင်ဖို့ရှိမလဲ။

ဖြေ – ငါ့ကိုနမ်းတဲ့မုန်တိုင်းပြီးရင် ကြွေ ဇာတ်ကားတင်မယ်။ ပြီးရင် ကိုယ်စောင့်နတ် ဇာတ်ကားနဲ့ ရပ်ကျော်ရွာကျော် ဇာတ်ကားရုံတင် ဖို့ရှိပါသေးတယ်။

မေး – ဒီဇာတ်ကားကို အားရကျေနပ်မှုရှိလား။

ဖြေ – လောလောဆယ်ထိတော့ အားရကျေနပ်မှုရှိပါတယ်။ ပရိသတ် တွေကကျွန်တော်တို့ရဲ့ကြိုးစားမှုအပေါ် အကဲဖြတ်ရမှာပါ။

မေး – ကြွေ ဇာတ်ကားကရော ဘယ်တော့လောက် ရုံတင်နိုင်မလဲ။

ဖြေ – ကြွေ ဇာတ်ကားက ဇူလိုင်လမှာရုံတင်မှာပါ။ အဲဒီ ဇာတ်ကားလေးကလည်း ကျွန်တော်အရမ်းကြိုက်တဲ့ ဇာတ်လမ်းဖြစ်သလို ကျွန်တော့်စိတ်ထဲမှာအမြဲခံစားရတဲ့ တက္ကသိုလ်ကျောင်းသားဘ၀ကို ပုံဖော်ထားတာဖြစ်လို့ အဲဒီဇာတ်ကားကိုလည်း ရင်ခုန်ပါတယ်။

မေး – တစ်ကိုယ်တော်ပွဲရော အခုနှစ်ထဲမှာလုပ်ဖြစ်မလား။

ဖြေ – ကျွန်တော့်ရဲ့တစ်ကိုယ်တော်ခွေသစ် တစ်ခွေကို  အခုနှစ်သြဂုတ်လလောက် ထွက်နိုင်ဖို့ပြင်ဆင်နေပါ တယ်။ သီချင်းတွေသွင်းနေတယ်။ အဲဒီခွေထွက်ပြီးတာနဲ့ တစ်ကိုယ်တော်ပွဲလုပ်ဖို့ ပြင်ဆင်သွားမှာပါ။

မေး – နောက်ထပ် ရိုက်ဖို့စီစဉ်ထားတာရော ရှိလား။

ဖြေ – တစ်ကားရိုက်ဖို့ စီစဉ်ထားတာရှိပါတယ်။ အခု လောလောဆယ် ဇာတ်ညွှန်းရေးနေပါတယ်။ အားလုံး ပြီးသွားလို့ ရိုက်ဖြစ်တာနဲ့ အသိပေးသွားမှာပါ။

မေး – ရဲရင့်အောင်နဲ့တွဲဖက်ရိုက်ရတဲ့အခါ ဘယ်လိုခံစားရလဲ။

ဖြေ – ကျွန်တော်ကလည်း ကျွန်တော်ပါဝင်ရတဲ့ ဇာတ်ရုပ်ကိုတစ်ထပ်တည်းကျအောင် ကြိုးစားနေရသလို ရဲရင့်အောင်လည်း သူပါဝင်ရတဲ့ဇာတ်ရုပ်ကိုပဲ စီးမျောနိုင်အောင် ကြိုးစားနေရတဲ့ ခံစားချက်တွေပဲရှိပါတယ်။ နှစ်ယောက်လုံးကတော့ ကိုယ်ပါဝင်ရတဲ့အခန်းကဏ္ဍကို အကောင်းဆုံးဖြစ်အောင် ကြိုးစားသရုပ်ဆောင် ခဲ့ရတယ်လို့ထင်ပါတယ်။

မေး – ပရိသတ်တွေကိုပြောချင်တဲ့ စကားလက်ဆောင်များရှိဦးမလား။

ဖြေ – ကျွန်တော်တို့ အတတ်နိုင်ဆုံး အကောင်းဆုံးဖြစ်အောင် ကြိုးစားထားတဲ့ဒီဇာတ်ကားလေးကို ရုံတင်တဲ့ အခါလည်း အားပေးစေချင်ပါတယ်။ ပရိသတ်တွေနဲ့တွေ့ဆုံသွားဖို့လည်း အစီအစဉ်တွေရှိတာကြောင့် တွေ့ဆုံချင်ပါတယ်လို့ပြောချင်ပါတယ်။

The Voice Myanmar သီချင်းဆိုပြိုင်ပွဲ၏ Coach လေးဦးနှင့် တွေ့ဆုံခြင်း

‘ဒီပြိုင်ပွဲကနေ အဆိုပညာကျွမ်းကျင်တဲ့ Talent ရှိတဲ့တစ်ယောက်ကို မွေးထုတ်ပေးဖို့ပါ။ ဘယ်သူ့ဆီက ထွက်ထွက်ပါ’

နိုင်ငံတကာသီချင်းဆိုပြိုင်ပွဲများအား တရားဝင်ခွင့်ပြုချက်ရယူကာ ပြည်တွင်းတွင်လည်း လူငယ်မျိုးဆက်သစ် ဂီတပညာရှင်များပေါ်ထွက်လာစေရန် ကျင်းပလျက်ရှိရာ၌ လက်ရှိတွင် ပရိသတ် စိတ်ဝင်စားမြင့်တက်လျက်ရှိသော The Voice Myanmar သီချင်းဆိုပြိုင်ပွဲ၏ Coach များအဖြစ် ဆောင်ရွက်လျက်ရှိသော တေးသံရှင်ကျားပေါက်၊ လင်းလင်း၊ ရန်ရန်ချန်း၊ နီနီခင်ဇော်တို့နှင့်တွေ့ဆုံ၍ ပြိုင်ပွဲဝင်များအတွက် လေ့ကျင့်ပြင်ဆင်ပေးထားမှုများ၊ ပြိုင်ပွဲအပေါ် သုံးသပ်ချက်များအားမေးမြန်းဖြစ်ခဲ့ပါသည်။

 

■ မေး- The Voice Myanmar  မှာ အခု Live စပြိုင်နေပြီဆိုတော့ Live အတွက် ပြင်ဆင်ထားမှုတွေ ပြောပြပေးလို့ရမလား။

ကျားပေါက် – ကျွန်တော်က Live အတွက် ပါဖောမန့်စ်တို့၊ အ၀တ်အစားတို့ထက် သီချင်းဆိုတဲ့အပိုင်းကိုပဲ များများပိုပြီး လေ့ကျင့် ပြင်ဆင်ပေးထားပါတယ်။

ရန်ရန်ချန်း – တချို့ပြိုင်ပွဲဝင်တွေအတွက်ပါ ဖောမန့်စ်ထည့်ရတာတွေရှိတယ်။ သူတစ်ယောက်တည်း ကြောင်နေနိုင်တဲ့သီချင်းမျိုး တွေ၊ ပါဖောမန့်စ်ပါမှ အဆင်ပြေနိုင်တာမျိုး တွေမှာပေါ့။

နီနီခင်ဇော်– နီနီနဲ့ ကိုရန်ချမ်းနဲ့က နည်းနည်းဆင်မယ်။ အကပါတဲ့သီချင်းလေးတွေကို တွဲဖက်တင်ဆက်နိုင်အောင် ပြင်ဆင်ထားပါတယ်။ သူတို့သီချင်းတွေနဲ့ လိုက်ဖက်တဲ့ Audio ပိုင်း၊ Lighting ပိုင်းတွေ ပြင်ဆင်ပေးထားပါတယ်။ Performer ကောင်းတစ်ယောက်ဖြစ်အောင် ပြင်ဆင်ပေးထားသလို သီချင်းဆိုတဲ့အပိုင်းမှာလည်း Coach တစ်ဦးချင်းစီက အကောင်းဆုံးလေ့ကျင့်ပေးထားပါတယ်။

 

■ မေး- Battle မှာ ဘယ်လို အခက်အခဲတွေ ကြားကရွေးချယ်ခဲ့ရလဲ။

ကျားပေါက် – ကျွန်တော်တို့က လူနှစ်ယောက် ရဲ့ Ability ကို ၂ နဲ့စားပြီး ဆုံးဖြတ်ရတယ်။ တစ်လျှောက်လုံး သူတို့နဲ့အတူနေတော့ သူတို့ကို သိတယ်။ ဘယ်လိုသီချင်း ရွေးပေးပေမယ့် အဆင်မပြေနိုင်တာ သိတယ်။ လူနှစ်ယောက်ကို တွဲပေးတယ်ဆိုတာလည်း တစ်ယောက်နဲ့တစ်ယောက် အရည်အချင်းညီတဲ့သူတွေက တွဲပေးထားတယ်။

လင်းလင်း – ကျွန်တော်တို့က လုပ်ပြနိုင်တာ၊ Train ပေးနိုင်သလောက်ပေါ့။ သိသလောက် တတ်သလောက်တော့ လုပ်ပေးတယ်။ ရာခိုင်နှုန်းအများစုက သူတို့အပေါ်ပဲ မူတည်တယ်။ တစ်ယောက်ချင်းစီရဲ့ ကြိုးစားအားထုတ်မှု၊ စိတ်ထည့်မှုဆိုတာ တစ်ယောက်နဲ့ တစ်ယောက်မတူဘူးလေ။ တွဲပေးတာကတော့ ရေပြင်ညီပါပဲ။

ရန်ရန်ချန်း – တစ်ယောက်နဲ့ တစ်ယောက်  အားလုံး လိုက်ဖက်ညီနေဖို့ဆိုတာတော့ မဖြစ်နိုင်ဘူး။ နောက်တစ်ခုက Battle အတွက်ချည်းပဲ စဉ်းစားခဲ့တာ မဟုတ်ဘူး။ နောက်အဆင့်အားလုံးအတွက်ပါ ထည့်စဉ်းစားခဲ့တာ။ တချို့အပုဒ်မှာ Battle ဖြစ်တဲ့အတွက် တစ်ယောက်က သာတယ်ဆိုတာမျိုး ဖြစ်ကောင်းဖြစ်နိုင်တယ်။ Coach အနေနဲ့ကတော့ သူတို့နဲ့အနီးစပ်ဆုံးနေလာတာ ဖြစ်တဲ့အတွက် သူတို့ရဲ့အားသာချက် အားနည်းချက် အကုန်သိတယ်။ တချို့ဟာတွေက လုပ်ယူလို့ မရတော့ဘူးလေ။

နီနီခင်ဇော် – Battle Round ဖြစ်တဲ့အတွက် တစ်ယောက်နဲ့တစ်ယောက် အတိုးအလျှော့တော့ လုပ်ပေးရတယ်။ ၂ နဲ့ပဲ အကုန်စားလိုက်ရတယ်။ အခု Live တက်သွားတဲ့အခါ နီနီတို့ ဘာကြောင့် သူတို့ကိုရွေးချယ်ခဲ့လဲဆိုတာ သိမှာပါ။ သီချင်းရွေးချယ်မှုကအစ အနီးကပ် ဆွေးနွေးတိုင်ပင်ပြီးတော့မှ ရွေးချယ်ထားတာဖြစ်တယ်။ လိုအပ်တဲ့ Arrangement တွေကိုလည်း Coach တစ်ယောက်ချင်းစီက ယှဉ်ပြိုင်ရသလို သေချာပံ့ပိုးပေးထားပါတယ်။ သူတို့ကြိုက်တဲ့ Music ကိုလည်း ရွေးချယ်ယှဉ်ပြိုင်တာ ဖြစ်ပါတယ်။

 

■ မေး – Coach အချင်းချင်း ယှဉ်ပြိုင်ရတဲ့အပိုင်းမျိုးလည်းဖြစ်နေတော့ တစ်ယောက်ချင်းစီက ကိုယ့်ပြိုင်ပွဲဝင်တွေကို Train ပေးရာမှာ ပိုပြီးတာဝန်ကြီးနေမလား။

လင်းလင်း – ပရိုဂရမ်တစ်ခုအနေနဲ့တော့ Coach တွေက တစ်ယောက်နဲ့ တစ်ယောက် ပြိုင်ရတဲ့သဘောတွေရှိတယ်။ ပရိုဂရမ်ရဲ့ သဘောတရားအရ အရမ်းညီညွတ်နေရင်တောင် ပြိုင်ခိုင်းမှာပဲ။ အဲဒါမှလည်း ပရိသတ်ရဲ့ စိတ်ဝင်စားမှုက ပိုများလာတာကိုး။ ကျွန်တော့် အမြင်နဲ့ပြောရရင်တော့ ကျွန်တော်တို့သိတဲ့တတ်တဲ့ အနုပညာတစ်ခုနဲ့ ဒါကိုပူးပေါင်းပါဝင်တာ။ တစ်ဦးချင်းစီရဲ့ လုပ်နိုင်စွမ်း၊ လုပ်နိုင်အားတွေကို မျှဝေပေးတာပဲရှိတယ်။

ကျားပေါက် – ကျွန်တော်ကတော့ ပြိုင်တယ်လို့ ဘယ်တော့မှသဘောမထားဘူး။ ဘယ်ပြိုင်ပွဲမှလည်း မနိုင်ဖူးဘူး။ ကျွန်တော့်အတွက် ဒီပွဲကဘယ်လို Enjoy ဖြစ်စေမလဲဆိုတာ အဓိကပဲ။

ရန်ရန်ချန်း – ဒါကိုပြိုင်တယ်လို့ လုံးဝသဘောမထားဘူး။ကိုယ့် Team အသီးသီးကို အဲဒီလိုပဲထားတယ်။ ပျော်ပျော်ပါးပါး နေခိုင်းတယ်။

နီနီခင်ဇော် – နီနီတို့အားလုံးရဲ့ Mission က တစ်ခုတည်းပါ။ ပြိုင်ပွဲကနေ အဆိုပညာ ကျွမ်းကျင်တဲ့ Talent ရှိတဲ့ တစ်ယောက်ကို မွေးထုတ်ပေးဖို့ပါ။ ဘယ်သူ့ဆီက ထွက်ထွက်ပါ။

 

■ မေး – အခုပြိုင်ပွဲဝင်တွေကို ပြိုင်ပွဲပြီးသွားတဲ့အခါမှာရော အနုပညာလုပ်ငန်းတွေအတွက် တွဲခေါ်ပေးသွားဖို့ အစီအစဉ်မျိုးတွေရော ရှိမလား။

လင်းလင်း – အဲဒါက သူတို့အပေါ်မူတည်တယ်။ အဲဒီလို တွဲခေါ်နိုင်မယ့်ကြိုးစားမှုမျိုး၊ Creation မျိုးတွေ့ရင် တွဲခေါ်သွားဖို့အဆင်သင့်ပဲ။ ဒီကမှမဟုတ်ဘဲ အပြင်မှာ မရှိရှိတဲ့သူကိုလိုက်ရှာပြီးသီချင်းတွေဆိုခိုင်း၊ အခွေ တွေထုတ်ပေးဆိုတာတွေ ရှိနေတာပဲလေ။ သူတို့ Creation နဲ့ ကျွန်တော်တို့နဲ့သာ ထပ်တူကျမယ်ဆိုရင် ဒီပြိုင်ပွဲကမှ မဟုတ်ဘူး။ အပြင်ကလူတွေထဲကလည်း ခေါ်တာမျိုး တွေ ရှိပြီးသားလေ။ အခုလည်း ဒီလိုပါပဲ။

ရန်ရန်ချန်း – ကျွန်တော့် Team ထဲက တစ်ယောက်ဆိုရင် Battle မှာ ပြုတ်သွားတယ်။ ဒါပေမဲ့ လင်းလင်းက အပြင်မှာလုပ်ဖို့ခေါ်ထားတယ်။ ဒီကနေတွေ့လည်း လုပ်ပေးမှာပါ။

 

■ မေး – အခုလက်ရှိ ကိုယ့်အဖွဲ့မှာရှိနေတဲ့ ပြိုင်ပွဲဝင်တွေအပေါ် အမြင်ဆိုရင်ရော။

လင်းလင်း – ကျွန်တော်က Vote ယဉ်ကျေးမှုကို နားမလည်ဘူး။ ကျွန်တော်တို့ သင်ပြပေးနိုင်တာသည် Music နဲ့ပတ်သက်တာပဲဖြစ်တယ်။ ပရိသတ်ကဘယ်လိုဆိုရင် Vote ပေးမလဲဆိုတာ သိပ်နားမလည်ဘူး။

ရန်ရန်ချန်း – ကျွန်တော် ပရိသတ်အားလုံးကို Request တစ်ခု လုပ်ချင်ပါတယ်။ Blind Audition မှာ ကျွန်တော်တို့ အသံတစ်ခု တည်းနားထောင်ခဲ့သလိုပဲ အခု Live မှာ ပရိသတ်အားလုံးလည်း Blind Audition လုပ်ကြည့်ကြပါ။ Vote ကိုလည်း နှလုံးသားနဲ့ပေးပါလို့။

နီနီခင်ဇော်– အခုနီနီတို့အားလုံးက Coach တွေ ကိုယ်စီဖြစ်ကြပြီးတော့ ပရိသတ်အားလုံးက Judge တွေဖြစ်ကြပါတယ်။

ကျားပေါက်– ကျွန်တော်တို့က Assist လုပ်ရုံပဲ။ ပရိသတ်မကြိုက်တဲ့သူ နှစ်ယောက်ထဲကမှ ကျွန်တော်တို့က ဘယ်သူ့ကို အကောင်း ဆုံးပြန်ပြုပြင်ပေးနိုင်မလဲဆိုတာ စဉ်းစားပြီး ရွေးချယ်ရတာ။ အဲဒါကြောင့် ပရိသတ်အားလုံးရဲ့ရွေးချယ်မှုကလည်း အရေးကြီးပါတယ်။

Zee Lay Zee Lay သီချင်းတေးသံရှင် Matteo နှင့် မြန်မာအနုပညာရှင်များစွာ ပါဝင်မည့် Bella Music Festival ရန်ကုန်နှင့် မန္တလေးမြို့တွင် ပြုလုပ်မည်

အွန်လိုင်းအသုံးပြုသူပရိသတ်များကြားတွင် အားပေးမှုများပြားသည့် Zee Lay Zee Lay သီချင်း၏တေးသံရှင် Matteo နှင့်မြန်မာအနုပညာရှင်များစွာတို့ ပူးပေါင်းဖျော်ဖြေမည့် Bella Music Festival ကို ရန်ကုန်နှင့်မန္တလေးမြို့များ၌ ဧပြီလဆန်း ကျင်းပရန် စီစဉ်ထားသည်ဟု သိရသည်။ အဆိုပါဂီတဖျော်ဖြေပွဲ ကို ဘိုဘိုအင်တာတိန်းမန့်မှ ဂျွန်လွင်က Bella အတွက် ပူးပေါင်းစီစဉ်ပေး ခြင်းဖြစ်ကြောင်း သိရသည်။

Bella Music Fesival ကို ရန်ကုန်မြို့၌ကျင်းပရာတွင် Matteo နှင့်အတူ တေးသံရှင်ဇော်ဝင်းထွဋ်၊ Big Bag ၊ Idiots ၊ ဝေလ၊ ရဲရင့်အောင်၊ အောင်ထက်၊ ဇွဲပြည့်၊ ၀ိုင်းစုခိုင်သိန်း၊ ဖြူဖြူကျော်သိန်းတို့ပါဝင် ဖျော်ဖြေမည်ဖြစ်ကြောင်း သိရသည်။   မန္တလေးမြို့၌ကျင်းပရာတွင် တေးသံရှင် Matteo နှင့်အတူ Big Bag ၊ Idiots ၊  ဝေလ၊ လွှမ်းပိုင်၊ ရဲရင့်အောင်၊  X-Box ၊ ဖြူဖြူကျော်သိန်း၊ Bobby Soxer တို့ပါဝင်ဖျော်ဖြေမည်ဖြစ် သည်။ ယင်းဂီတဖျော်ဖြေပွဲများကို ဧပြီ ၁ ရက်နှင့် ၇ ရက်တွင်ပြုလုပ်မည်ဖြစ်ကြောင်း သိရသည်။

”ကျွန်တော်တို့ ဘိုဘိုအင်တာတိန်းမန့်ရယ်၊ ကိုဂျွန်လွင်ရယ်ပေါင်းပြီး Bella အတွက် Bella Music Festival လုပ်ဖို့ရှိပါတယ်။ အခုအွန်လိုင်းမှာခေတ်စားနေတဲ့ ဇီလေဇီလေ သီချင်းရဲ့အဆိုတော်လည်း မြန်မာနိုင်ငံမှာလာပြီးဖျော်ဖြေမယ်။သူနဲ့အတူ မြန်မာတေးသံရှင်တွေအများကြီးပါဝင်ပါမယ်။ ပွဲကဧပြီ ၁ ရက်နဲ့ ၇ ရက်တွေမှာပြုလုပ်ဖို့အကြမ်းဖျင်း လျာထားပါတယ်။ ရန်ကုန်နဲ့ မန္တလေးမှာ လုပ်မှာပါ။ နိုင်ငံတကာအဆင့်မီ ဖျော်ဖြေပွဲပုံစံမျိုးဖြစ်အောင် တင်ဆက်သွားပါမယ်။ အားလုံးပျော် ကြဖို့ပြုလုပ်မယ့်ပွဲဖြစ်ပါတယ်။ အမိုက်စားဖျော်ဖြေမှုတွေနဲ့ ကြည့်ရှုခံစားရမှာပါ။ အသေးစိတ်အချက် တွေကိုတော့ပြန်ပြီး အသိပေးသွားပါမယ်”ဟု ဘိုဘိုအင်တာတိန်းမန့်မှ ကိုဘိုဆန်းက ဆိုသည်။

Bella Music Festival တွင် ပါဝင် ဖျော်ဖြေရန် မြန်မာနိုင်ငံသို့ လာရောက်မည့် Matteo မှာ Zee Lay Zee Lay ဟုမြန်မာပရိသတ်များကြားတွင်ရေပန်းစားနေသည့် ‘Panama’ တေးသီချင်း သီဆိုသူဖြစ်သည်။ အဆိုပါတေးသံရှင်မှာ မြန်မာနိုင်ငံတွင် ပထမဆုံးအကြိမ် လာရောက်ဖျော်ဖြေခြင်းဖြစ်ပြီး Panama သီချင်းအပါအ၀င် တေးသီချင်းများစွာဖြင့်ဖျော်ဖြေရန် စီစဉ်ထားခြင်းဖြစ်သည်။ တေးသံရှင်များစွာဖြင့် ပြုလုပ်သွားမည့် Bella Music Festival နှင့်ပတ်သက်သည့် အသေးစိတ်အချက်အလက်များကို ထပ်မံ ထုတ်ပြန်သွားမည်ဖြစ်ကြောင်းသိရသည်။ ယင်းဖျော်ဖြေပွဲအတွက် သီချင်းတိုက်မှုများကို မတ်လကုန်ပိုင်း တွင်ပြုလုပ်ရန်စီစဉ်ထားပြီး တေးသီချင်းအများအပြားဖြင့် ဖျော်ဖြေမည်ဖြစ်သည်။

TWICE အဖွဲ့၏ သီချင်းသစ် ဂျပန်သီချင်းရောင်းချမှုစာရင်း၏ နံပါတ် (၁) နေရာတွင် ဦးဆောင်

ကေပေါ့အမျိုးသမီးအဆိုတော် အဖွဲ့ TWICE ၏ သီချင်းသစ်သည် ဂျပန်သီချင်းရောင်းချမှုစာရင်း၏ နံပါတ် (၁) နေရာတွင် သုံးရက်ဆက်တိုက် ဦးဆောင်ခဲ့သည်ဟု ယင်းအဖွဲ့၏ အေဂျင်စီ JYP Entertainment က ဖေဖော်ဝါရီ ၁၀ ရက်တွင် ထုတ်ပြန်ခဲ့သည်။

ဖေဖော်ဝါရီ ၇ ရက်က ဖြန့်ချိခဲ့သည့် TWICE အဖွဲ့၏ ဂျပန်ဘာသာဖြင့် သီဆိုထားသော Candy Pop သီချင်းစီဒီသည် သုံးရက်အတွင်း ချပ်ရေ ၂၁၁,၄၇၃  ရောင်းချနိုင်ခဲ့သည်ဟု JYP က ထုတ်ပြန်ခဲ့သည်။

TWICE ၏ ယခင်က ဖြန့်ချိခဲ့သည့် ဂျပန်သီချင်း One More Time သည်လည်း ချပ်ရေ ၁၅၈,၇၃၃ ရောင်းချနိုင်ခဲ့သည်ဟု  သိရသည်။

TWICE အဖွဲ့သည် ဇန်န၀ါရီ ၁၇ ရက်တွင် ဂျပန်နိုင်ငံ Aichi စီရင်စုတွင် ဖျော်ဖြေပွဲ ပြုလုပ်ခဲ့သေးသည်။

Sixteen ရုပ်သံအစီအစဉ်မှ ရှာဖွေတွေ့ရှိခဲ့သည့် အမျိုးသမီး ကိုးဦးဖြင့် ဖွဲ့စည်းခဲ့သည့် TWICE အဖွဲ့သည် ၂၀၁၅ ခုနှစ် အောက်တိုဘာ က ဖြန့်ချိခဲ့သည့် The Story Begins EP ဖြင့် ဂီတလောကသို့ ၀င်ရောက်ခဲ့သည်။ ယင်းအဖွဲ့သည် ၂၀၁၆ ခုနှစ်တွင် Cheer UP သီချင်းဖြင့် အောင်မြင်မှုရရှိခဲ့သည်။

ယင်းသီချင်းသည် တောင်ကိုရီးယားနိုင်ငံ၏ အဓိကဂီတဆုပေးပွဲ နှစ်ခုဖြစ်သော Melon ဂီတဆုပေးပွဲနှင့် Mnet Asian ဂီတဆုပေးပွဲတို့တွင် တစ်နှစ်တာ အကောင်းဆုံးသီချင်းဆု ရရှိခဲ့သည်။

ယင်းအဖွဲ့သည် အချိန်တိုအတွင်း အောင်မြင်မှုရရှိခဲ့ပြီး ကိုရီးယား၏ အောင်မြင်မှုအရှိဆုံး အမျိုးသမီး အဆိုတော်အဖွဲ့ဖြစ်သော Girl Generation ၏ ခြေရာကို နင်းလာပြီဖြစ်သည်။

TWICE အဖွဲ့သည် ၂၀၁၈ ခုနှစ် ပြုံချန်ဆောင်းရာသီအိုလံပစ်ပွဲ ဖွင့်ပွဲအခမ်းအနားတွင် Likey သီချင်းဖြင့် ဖျော်ဖြေခဲ့သည်။ ယင်းအဖွဲ့၏ Heart Shaker သီချင်းဗီဒီယိုသည် Youtube တွင် ကြည့်ရှုမှုနှုန်း သန်း ၁၀၀ ကျော်ရရှိခဲ့သည်။

ဇော်ဝင်းထွဋ်နှင့် တွေ့ဆုံခြင်း

မြန်မာ့ ဂီတလောကရဲ့ ရော့ခ်ကာကြီးတစ်ဦးအဖြစ် ယနေ့တိုင် အောင်မြင်မှု အနုပညာမှတ်တိုင်တစ်ခု စိုက်ထူထားနိုင်ခဲ့သူ အနုပညာရှင်တစ်ဦးကတော့ ချစ်ခင်သူများက ညီထွဋ်ဟု ခေါ်ကြသည့် တေးသံရှင်ကြီး ဇော်ဝင်းထွဋ်ဖြစ်သည်။ အနုပညာအင်အားကောင်းကောင်းဖြင့် ဖျော်ဖြေတင်ဆက်မှုများ ပြုလုပ်လျက်ရှိပြီး မျိုးဆက်သစ်

ရော့ခ်ဂီတသမားများကိုလည်း ချစ်ခင်ရင်းနှီးစွာဖြင့် တွဲခေါ်နိုင်ရန် ကြိုးစားသူတစ်ဦးဖြစ်သည့် ဇော်ဝင်းထွဋ်သည် THE JOURNEY လို့ခေါ်တဲ့ တေးစီးရီးအယ်လ်ဘမ်ကို ဒီဇင်ဘာ ၁ ရက်တွင် စတင်ဖြန့်ချိခဲ့သည်။ တစ်ချိန်က ရော့ခ်ဂီတသမိုင်းကြောင်းတွင် အောင်မြင်ခဲ့သည့်တေးသီချင်းများကို ပြန်လည်ထုတ်ဝေခဲ့သည့်အပြင် တေးသီချင်းသစ်များကို ပရိသတ်ထံရောက်ရှိရန် စီစဉ်နေသည့် ရော့ခ်ကာကြီး ဇော်ဝင်းထွဋ်၏ အနုပညာလှုပ်ရှားမှုများကို မေးမြန်းဖြစ်ခဲ့ပါတယ်။

 

မေး – THE JOURNEY စီးရီးလေး စီစဉ်ဖြစ်ခဲ့တဲ့ အကြောင်းလေးကို သိပါရစေ။

ဖြေ – ဒီခွေလေးကို လွန်ခဲ့တဲ့သုံးနှစ်လောက်ကတည်းက ကျွန်တော်တို့ စီစဉ်နေခဲ့တာပါ။ ကျွန်တော်ဆိုခဲ့တဲ့သီချင်းတွေထဲမှ တေးရေး တစ်ယောက်ချင်းစီရဲ့ သီချင်းတွေ ကို ပြန်စုပြီး တီးဝိုင်းနဲ့ အသစ်ပြန်တီးပြန်ဆိုပြီး လုပ်ထားတဲ့သီချင်းတွေပါ။ ကိုယ့်ဘ၀အ တွက် ကိုယ့်အနုပညာအတွက် အမှတ်တရ ဖြစ်အောင် ပြန်ပြီးလုပ်တဲ့သဘောပါပဲ။ ဒီစီးရီးကို The Journey လို့ နာမည်ပေးဖြစ်တာကလည်း ကျွန်တော်တို့ဖြတ်သန်းခဲ့တဲ့ သွားခဲ့တဲ့ ခရီးတွေကို ရည်ရွယ်တာပါ။  ဒီသီချင်းတွေက ကျွန်တော်နဲ့ မင်းချစ်သူ အတူဖန်တီးခဲ့ကြတဲ့ သီချင်းတွေထဲကမှ သီချင်းကောင်းတွေ ဘ၀နဲ့ပတ်သက်တဲ့ ဒဿနတွေပါတဲ့သီချင်းတွေကို ဦးစားပေးပြီး အရင်ထုတ်ထားတာပါ။ အတီးပိုင်းမှာလည်း ကျွန်တော်တို့တွေ အရင်နဲ့မတူတဲ့ပုံစံသစ်တွေပါမှာပါ။ ဒီခွေနဲ့ပတ်သက်ပြီး ကျွန်တော့်ဘက်က ဘာမှသိပ်ပြီး မျှော်လင့်ထားတာမရှိတဲ့အတွက် အမ်တီဗွီလည်း ရိုက်ဖြစ်မှာ မဟုတ်ပါဘူး။ ကျွန်တော့်ပရိသတ်တွေအတွက်ရော ကျွန်တော့်အတွက်ပါ အမှတ်တရဖြစ်ချင်တဲ့အတွက် တေးရေး၊ တီးဝိုင်းနဲ့ ထုတ်လုပ်သူတွေ မူပိုင်ခွင့်အတွက် Royalties စနစ်ကို လုပ်ချင်တဲ့အတွက်ပါ ဒီခွေလေးလုပ်ဖြစ်တာပါ။ ကိုယ်တိုင်လည်း အမှတ်တရ ပြန်ပြီးသိမ်းချင်တယ်။ ကိုယ့်အနုပညာကို အမှတ်တရ ပြန်ပြီးချန်ခဲ့ချင်တာကြောင့် လုပ်ဖြစ်ခဲ့တာပါ။

 

မေး – အခြားသော တေးရေးတွေတစ်ယောက်ချင်းစီရဲ့ သီချင်းတွေကိုရော ဘယ်လိုစီစဉ်နေလဲ။

ဖြေ – တေးရေးတစ်ယောက်ချင်းစီရဲ့ သီချင်းတွေကို ပြန်လုပ်နေပါတယ်။ အပုဒ်လေးငါးဆယ်လောက် ပြီးနေပြီ။ အဲဒီထဲကနေမှ မင်းချစ်သူသီချင်းတွေချည်း အပုဒ် ၂၀ ကို ခွေအရင်ထွက်ဖြစ်တာပါ။ ပြီးရင်တော့ တစ်ခွေချင်းထွက်မှာပါ။ ခူဆဲ (စောခူဆဲ) သီချင်းတွေဆိုရင်လည်း အများကြီးပဲလေ။ အကုန်လုံးကိုတော့ အသစ်ပြန်သွင်းဖို့လုပ်နေပါတယ်။ ပြန်တီး၊ ပြန်ဆို၊ ပြန်သွင်းတဲ့အခါမှာ ကိုယ်ပိုင်ဖြစ်တဲ့ပုံစံလေးတွေကို ပိုပြီးအလေးထားလုပ်ထားတယ်။ ဆင်တူနေတာလေးတွေကို ပြန်ဖယ်ပြီး ပုံစံသစ်လေးတွေ လုပ်ထားတယ်။

 

မေး     –         ခုနောက်ပိုင်းမှာ သီဆိုဖျော်ဖြေမှုတွေအပေါ် ဦးညီထွဋ်ရဲ့ ခံစားချက်က ဘယ်လိုတွေပြောင်းလဲသွားတာရှိလဲ။

ဖြေ      –         THE JOURNEY မှာပါတဲ့သီချင်းတွေရော နောက်ထပ် အသံသွင်း၊ ပြန်တီးလုပ်နေတဲ့ သီချင်းတွေကိုရော အသံသွင်းတဲ့အခါ အရင်တုန်းကလို အတီးသတ်သတ် တီး၊ ကိုယ်က အဆိုသီးသန့် အသံသွင်းပြီး စိတ်ကြိုက်မဖြစ်မချင်း ပြန်ဆိုတာမျိုးတွေ မလုပ်ဖြစ်ဘူး။ တီးဝိုင်းက တစ်ခါတီး ကိုယ်ကလည်း တစ်ခါတည်း ဆိုတယ်။ ဒီသီချင်းတွေဆိုတာကလည်း အကြိမ်များစွာ သီဆိုလာပြီးသားတွေဆိုတော့ တချို့နေရာလေးတွေမှာ ပုံစံလေးတွေ နည်းနည်းပြောင်းဆိုတယ်။ ဒါပေမဲ့ အရင်လိုပြန်ပြီးပြင်တာတွေ မလုပ်ဘဲ အသံသွင်းဖြစ်ခဲ့တာ။ သီဆိုဖျော်ဖြေမှုပိုင်းဆိုရင်လည်း  တီးဝိုင်းတွေအများကြီးနဲ့ အဆိုတော်တွေအများကြီး ဖျော်ဖြေရတာမျိုးကိုပဲ ကြိုက်နေတယ်။ ခုနောက်ပိုင်းမှာ တီးဝိုင်းတစ်ခုတည်းနဲ့ ကိုယ်တစ်ယောက် ဆိုရတာမျိုးဆိုရင် ပျင်းနေရော။ ဒါကြောင့် ဖျော်ဖြေပွဲတွေဆိုရင် တီးဝိုင်းလည်း အနည်းဆုံးနှစ်ဝိုင်းလောက်ပါမှ အဆိုတော်လည်း သုံးလေးငါးယောက် အနည်းဆုံးမှရှိမှ ဆိုချင်တော့တယ်။

 

မေး     –         အသစ်စီစဉ်ထားတဲ့ သီချင်းတွေရှိရင်လည်း သိချင်ပါတယ်။

ဖြေ      –         ‘ကောင်းသတင်း’ ဆိုတဲ့ Mini Album လေး စီစဉ်ထားပါတယ်။ အဲဒီ Album သီချင်းတွေအားလုံး သွင်းပြီးသွားပြီး အချောလည်းသပ်နေပြီ။ အဲဒီ စီးရီးလေးကိုတော့ ၂၀၁၈ ခုနှစ် နှစ်သစ်မှာ ပရိသတ်တွေကို လက်ဆောင်ပေးချင်တာကြောင့် ဇန်န၀ါရီ ၁ ရက်မှာ ထွက်ဖို့ပြင်ထားတယ်။

 

မေး     –         ‘ကောင်းသတင်း’ Mini Album လေးစီစဉ်ဖြစ်ခဲ့တဲ့ အကြောင်းကိုလည်း ပြောပြပေးပါဦး။

ဖြေ      –         ကိုဆောင်းဦးနဲ့က အွန်လိုင်းမှာလည်း အမြဲတွေ့ဖြစ်ပြီး အဆက်အသွယ်အမြဲရှိပါတယ်။ သူရေးပြီး ပို့ထားတဲ့ သီချင်းသစ်တွေချည်း ၁၂ ပုဒ်လောက်ရှိတယ်။ တစ်ပုဒ်မှတော့ မသွင်းရသေးဘူး။ အဲဒီထဲကနေ ကောင်းသောသတင်း၊ ကောင်းသောသီချင်းဆိုတဲ့ သီချင်းကိုတော့ ကိုယ်တစ်ယောက်တည်းဆိုရမှာ ပျင်းတဲ့အတွက် R ဇာနည်နဲ့ ဝေလတို့ကိုပါ ခေါ်ပြီးအသံသွင်းခဲ့တာ။ အဲဒီသီချင်းလေးဆိုပြီးတော့ မထူးပါဘူးဆိုပြီး နောက်ထပ် တစ်ယောက် တစ်ပုဒ်စီထပ်ထည့်ပြီး Mini Album လေးလုပ်ဖို့ စီစဉ်လိုက်တာပါ။ နှစ်သစ်မှာ ပရိသတ်တွေရော ကျွန်တော်တို့အတွက်ရော အမှတ်တရလေးဖြစ်မှာပါ။

 

မေး     –         ဖျော်ဖြေပွဲတွေအနေနဲ့ရော ဘယ်ပွဲတွေဆိုဖို့ရှိမလဲ။

ဖြေ      –         THE JOURNEY စီးရီးထွက်တဲ့ အထိမ်းအမှတ်အနေနဲ့ ပရိတ်တွေကို အားရပါးရဖျော်ဖြေမယ်။ ပျော်ပျော်ရွှင်ရွှင်တွေ့ဆုံမယ့်ပွဲလေးတော့ လုပ်ဖို့စီစဉ်နေပါတယ်။ ဒီဇင်ဘာ လဆန်းပိုင်းထဲမှာပဲ လုပ်ဖြစ်မှာပါ။ ရန်ကုန်မှာရော မန္တလေးမှာပါ လုပ်ဖို့စီစဉ်ထားပေမယ့် နေရာစီစဉ်နေတုန်းပါ။

 

မေး     –         ဒီနေ့ခေတ်ရဲ့ ရော့ခ်ဂီတရေစီးအပေါ် ဦးညီထွဋ်ရဲ့ အမြင်ကိုလည်း သိပါရစေ။

ဖြေ      –         ရော့ခ်ဂီတကရှိနေပေမဲ့ တကယ့်ရော့ခ်အင်ရိုးဂီတကို ပီပီပြင်ပြင်ဆိုတဲ့သူ နည်းနေတယ်လို့ ကျွန်တော် မြင်တယ်။

 

မေး     –         ရော့ခ်ဂီတရဲ့ မျိုးဆက်သစ်လူငယ်တွေအပေါ် ဘယ်လိုအားပေးချင်လဲ။

ဖြေ      –         သူတို့ကို ကျွန်တော်ပြောချင်တာက ကိုယ်ယုံကြည်ရာကို ကိုယ်လုပ်ပါ။ ကျွန်တော်တို့တုန်းကလည်း ဘယ်သူမှ မထောက်ပံ့ပေးဘဲ ကိုယ့်ဘာသာကိုယ် ရုန်းကန်ရင်း ဖြစ်လာခဲ့တာပါ။ ကမ္ဘာမှာလည်း တကယ့်နာမည်ကြီး ရော့ခ်တီးဝိုင်းတွေမှာ ငတ်ပြတ်နေတဲ့ ကောင်တွေရှိတယ်။ ကျွန်တော်တို့က ဒီဘ၀ကို ရွေးချယ်ပြီးပြီဆိုတော့ သတ္တိ ရှိရှိနဲ့ ဆက်ပြီးရပ်တည်ပါ။ ရော့ခ်အင်ရိုးက ကျွန်တော်တို့တွေကို ဘ၀မှာ ယုံယုံကြည်ကြည်နဲ့ ပျော်ပျော်ရွှင်ရွှင် နေသွားရအောင်တော့ လုပ်ပေးမှာပါ။

 

မေး     –         ပရိသတ်တွေအတွက် အမှတ်တရစကားလေး ပြောပေးပါ။

ဖြေ      –         ဒီနေ့အထိ အားပေးလာကြတဲ့အတွက် အမြဲတမ်း အမှတ်တရနဲ့ ကျေးဇူးတင်ပါတယ်။