မန္တလေးတိုင်းဒေသကြီးတွင် သိမ်းဆည်းယာမြေများမှ ပြန်လည်စွန့်လွှတ်ပြီး မြေ ၁၅၈၀၉ ဧကအနက် မြေဧက ၆၄၀၀ ကျော်ကို မူလတောင်သူများထံ ပြန်လည်ပေးအပ်ခဲ့ပြီး ကျန်ရှိမြေဧက ၉၃၀၀ ကျော်ကို ယခုနှစ်မကုန်မီ အပြီးပေးအပ်သွားမည်

မန္တလေးတိုင်းဒေသကြီးအတွင်းရှိ ကြက်သွန်နီစိုက်ခင်းလုပ်ငန်းခွင်တစ်ခုကို မေလအတွင်းက တွေ့ရစဉ်

မန္တလေးတိုင်းဒေသကြီးတွင် သိမ်းဆည်း ယာမြေများမှ ပြန်လည်စွန့်လွှတ်ခဲ့သည့် စိုက်ပျိုးမြေ ၁၅၈၀၉ ဧကအနက် မြေ ဧက ၆၄၀၀ ကျော်ကို မူလတောင်သူများထံ သို့ ပြန်လည်လွှဲပြောင်းပေးအပ်ခဲ့ပြီး အမှုတွဲ စိစစ်ဆောင်ရွက်ရန်ကျန်ရှိနေသည့် မြေဧက ၉၃၀၀ ကျော်ကို၂၀၁၈ ခုနှစ်မကုန်မီကာလအတွင်း အပြီးပေးအပ်သွားမည်ဖြစ်ကြောင်း မန္တလေးတိုင်းဒေသကြီး လယ်ယာမြေနှင့် အခြား မြေများ သိမ်းဆည်းခံရမှုများ ပြန်လည် စိစစ်ရေးကော်မတီဥက္ကဋ္ဌ ၀န်ကြီးချုပ် ဒေါက်တာ ဇော်မြင့်မောင်က ပြောကြားသည်။

မန္တလေးတိုင်းဒေသကြီးအတွင်းရှိ သိမ်းဆည်းမြေယာပြဿနာများနှင့်ပတ်သက်၍ တိုင်ကြားလာသည့် မြေယာအမှုတွဲများနှင့် အခြားမြေယာအမှုတွဲများကို စိစစ် ဆောင်ရွက်လျက်ရှိပြီး လယ်ယာမြေနှင့် အခြားမြေများ သိမ်းဆည်းခံရမှုများ ပြန်လည်စိစစ်ရေးဗဟိုကော်မတီမှ ပြန်လည် ပေးပို့လာသည့် မြေယာအမှုတွဲများ၊ တိုင်း ဒေသကြီး အစိုးရအဖွဲ့ထံသို့ တိုင်ကြားလားသည့်မြေယာအမှုတွဲများကို ဖြေရှင်းဆောင်ရွက်ထားရှိမှုမှာ ရာခိုင်နှုန်း ၅၀ ခန့် ဖြေရှင်းဆောင်ရွက်ပြီးဖြစ်ကြောင်း ၀န်ကြီးချုပ် ဒေါက်တာဇော်မြင့်မောင်ကပြောကြားသည်။

“မန္တလေးတိုင်းဒေသကြီးအတွင်းမှာ သိမ်းဆည်းမြေယာတွေနဲ့ပတ်သက်ပြီး ဖြေရှင်းဆောင်ရွက်ပေးနေပါတယ်။ ဒီလိုဖြေ ရှင်းဆောင်ရွက်ပေးတဲ့နေရာမှာလည်း ဖြေရှင်း ဆောင်ရွက်ပြီးသွားပေမယ့် ပြန်လည် တိုင်ကြားလာတဲ့ အမှုတွဲတွေရှိနေတဲ့အတွက် ဆက်လက်ဖြေရှင်းဆောင်ရွက်ပေးနေရတာတွေ ရှိပါတယ်။ စွန့်လွှတ်မြေတွေကို မူလလက်ငုတ် တောင်သူတွေထံကို ပြန်လည် ပေးအပ်တဲ့အခါမှာ သီးစားချထားတာတွေ၊ ကျူးကျော်ဝင်ရောက်နေတာတွေလည်း ရှိနေပါတယ်။ ဒါတွေကိုလည်း ဖြေရှင်းနေရပါတယ်။ မန္တလေးတိုင်းဒေသကြီးအတွင်းမှာ သိမ်းဆည်းယာမြေတွေထဲကနေ ပြန်လည်စွန့်လွှတ်ပြီးမြေ ၁၅၈၀၉ ဒသမ ၆၇ ဧကရှိပါတယ်။ အဲဒီထဲက မြေဧက ၆၄၃၀ ဒသမ ၀၂ ဧကကို မူလလက်ငုတ်တောင်သူတွေထံ ပြန်လည်အပ်နှံပြီးဖြစ်ပါတယ်။ ကျန်ရှိနေတဲ့ မြေဧက ၉၃၇၉ ဧကကို ယခုနှစ် ဒီဇင်ဘာမတိုင်ခင် အပြီးအပ်နှံပေးသွားမှာ ဖြစ်ပါတယ်”ဟု မန္တလေးတိုင်းဒေသကြီး လယ်ယာမြေနှင့်အခြားမြေများ သိမ်းဆည်းခံရမှုများ ပြန်လည်စိစစ်ရေးကော်မတီဥက္ကဌ တိုင်းဒေသကြီးဝန်ကြီးချုပ် ဒေါက်တာဇော်မြင့်မောင်က ပြောကြားသည်။

မန္တလေးတိုင်းဒေသကြီး လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနအနေဖြင့် တိုင်းဒေသကြီးအတွင်း လယ်ယာမြေ လုပ်ပိုင်ခွင့်ပြုလက်မှတ် ပုံစံ(၇)ထုတ်ပေးခြင်းနှင့် လယ်ယာမြေမှတ်ပုံတင်ခြင်းလုပ်ငန်းများကို ၂၀၁၆-၂၀၁၇ ဘဏ္ဍာရေးနှစ်တွင် ဦးပိုင်ပေါင်း ၁၇၉၉၉၃၀၊ ၂၀၁၇-၂၀၁၈ ဘဏ္ဍာရေးနှစ်တွင် ဦးပိုင်ပေါင်း ၁၈၂၅၆၁၆၊ ကျန်ရှိနေသည့် ဦးပိုင်ပေါင်း ၆၂၅၀၉ ကို ၂၀၁၉ ခုနှစ် မတ်လအတွင်း အပြီး ဆောင်ရွက်နိုင်ရေးအတွက် ကြပ်မတ် ဆောင်ရွက်လျက်ရှိကြောင်း သိရသည်။

မန္တလေးတိုင်းဒေသကြီးတွင် သိမ်းဆည်းယာမြေများ၊ ပြန်လည်စွန့်လွှတ်မြေများကို မူလတောင်သူများထံသို့ပြန်လည်စွန့်လွှတ်ပေးအပ်ရာတွင် အချို့သောမြေယာအမှုကိစ္စရပ်များတွင် သက်ဆိုင်ရာဝန်ကြီး ဌာနက ပြန်လည်စွန့်လွှတ်ပေးခဲ့သော်လည်း မူလတောင်သူများထံသို့ရောက်ရှိရန် အချိန်ကြန့်ကြာနေခြင်း၊ မူလတောင်သူများထံသို့ မရောက်ရှိဘဲ အခြားသူများထံသို့ရောက်ရှိနေခြင်း၊ မူလလုပ်ကိုင်ခဲ့သည့်တောင်သူများ နှင့် လက်ရှိ လုပ်ကိုင်နေသူများအကြားအငြင်းပွားနေမှုများ၊ ၀င်ရောက်ကျူးကျော်နေမှုများကိုရှင်းလင်းနေရသည့် အမှုများအစရှိသည့် အချက်များကြောင့် အချိန်ကြာမြင့်နေမှုများ ရှိနေကြောင်း လယ်ယာမြေနှင့်အခြားမြေ များ သိမ်းဆည်းခံရမှုများပြန်လည်စိစစ်ရေး ဗဟိုကော်မတီဥက္ကဋ္ဌ ဒုတိယသမ္မတ(၂) ဦးဟင်နရီဗန်ထီးယူက မြစ်သားမြို့၌ မေလက ပြုလုပ်ခဲ့သည့် သိမ်းဆည်းယာမြေများပြန်လည်စွန့်လွှတ်ပေးအပ်ပွဲ အခမ်းအနားတွင် ထည့်သွင်းပြောကြားထားသည်။

မန္တလေးတိုင်းဒေသကြီးမှာ သိမ်းဆည်းယာမြေပြဿနာအများဆုံးဖြစ်ပွားနေသည့် တိုင်းဒေသကြီးများအနက် တစ်ခုအပါအ၀င် ဖြစ်ကာ ယခင်အစိုးရလက်ထက်များအတွင်းက ဒေသခံတောင်သူများထံမှ မြေယာများ သိမ်းဆည်းခဲ့ရာတွင် မြေသိမ်းဥပဒေနှင့်အညီသိမ်းဆည်းခဲ့မှုအားနည်းခြင်း၊ ဥပဒေနှင့်မညီဘဲ သိမ်းဆည်းသွားခြင်း၊ လျော်ကြေးမဲ့ဖြင့်သိမ်းဆည်းခြင်း အစရှိသည့်လုပ်ထုံးလုပ်နည်းများဖြင့် လုပ်ဆောင်မှု အားနည်းခဲ့ ခြင်း များကြောင့် မူလတောင်သူများမှာ အခက်အခဲများနှင့်ကြုံတွေ့နေရဆဲဖြစ်ကြောင်း သိရသည်။