ကန့်ဘလူမြို့နယ်တွင် သိမ်းဆည်းယာမြေများ ပြန်လည်ရရှိရေး ထွန်တုံးတိုက်ပွဲ ပြုလုပ်ခဲ့ခြင်းကြောင့် တောင်သူငါးဦးအပေါ် ပုဒ်မ ၆ (၁) အပါအ၀င် ပုဒ်မသုံးခုဖြင့် အမှုဖွင့်ဖမ်းဆီး တရားစွဲဆိုထားမှုကို အမြန်ဆုံး ပယ်ဖျက်ပေးရေး ဒေသခံတောင်သူများ သတင်းစာရှင်းလင်း

စစ်ကိုင်းတိုင်းဒေသကြီး ကန့်ဘလူခရိုင် ကန့်ဘလူမြို့နယ်တွင် လယ်ဆည်ဝန်ကြီးဌာန က သိမ်းဆည်းထားသည့် ယာမြေများ ပြန်လည်ရရှိရေး မြေမွန်နှင့် ဘူးကုန်းကျေးရွာ ဒေသခံ တောင်သူများက ထွန်တုံးတိုက်ပွဲ ပြုလုပ်ခဲ့ခြင်းကြောင့် တောင်သူငါးဦးအပေါ် ပြစ်မှုဆိုင်ရာ ဥပဒေပုဒ်မ ၄၄၇၊ ၄၂၇၊ ပုဒ်မ ၆ (၁) တို့ဖြင့် အမှုဖွင့်ဖမ်းဆီး တရားစွဲဆိုထားမှုကို အမြန်ဆုံးပယ်ဖျက်ပေးရန် အတွက် ဖမ်းဆီးခံထားရသည့် တောင်သူများ၏ မိသားစုဝင်များက မေ ၂၁ ရက် နံနက်ပိုင်းက မန္တလေးမြို့သို့ လာရောက်၍ သတင်းစာရှင်းလင်း ခဲ့ကြသည်။

လက်ရှိအချိန်၌ ပုဒ်မသုံးခုဖြင့် ဖမ်းဆီးထိန်းသိမ်းခံထားရပြီး အချုပ်နှင့် အမှုရင်ဆိုင် နေရသည်မှာ တစ်နှစ်ခန့် ကြာမြင့်လာပြီ ဖြစ်သောကြောင့် ဒေသခံတောင်သူများမှာ အခက်အခဲမျိုးစုံတို့ဖြင့် ကြုံတွေ့နေရသဖြင့် စွဲဆိုထားသော ပုဒ်မများကို အမြန်ဆုံးပယ်ဖျက်ပေးရန်နှင့် သိမ်းဆည်းယာမြေများ ပြန်လည်ရရှိရေးအတွက် ဖမ်းဆီးတရားစွဲဆို ခံထားရသည့် တောင်သူများ၏ မိသားစုဝင်များက  ရှင်းလင်းပြောကြား ခဲ့ကြသည်။

ထွန်တုံးတိုက်ပွဲ ပြုလုပ်ခဲ့မှုကြောင့် ဖမ်းဆီးတရားစွဲဆိုခြင်း ခံထားရသည့် ဒေသခံ တောင်သူငါးဦး၏ မိသားစုဝင်များနှင့် ဒေသခံတောင်သူများက ကနဦးအနေဖြင့် ပုဒ်မ ၄၄၇၊ ၄၂၇ တို့ဖြင့် အမှုဖွင့် တရားစွဲဆိုခြင်း ခံခဲ့ရပြီးနောက် အမှုရုံးချိန်း သွားရောက်ရင်ဆိုင်ရာတွင် ဒေသခံတောင်သူ ငါးဦးတို့အား ပုဒ်မ ၆ (၁) ဖြင့် ထပ်မံတရားစွဲဆိုခဲ့ပြီးနောက် ဖမ်းဆီးခံခဲ့ရကာ ရွှေဘိုအကျဉ်းထောင်သို့ ပို့ဆောင်ခံခဲ့ရကြောင်း၊ ရွှေဘိုအကျဉ်းထောင်မှ ကန့်ဘလူမြို့နယ် တရားရုံးသို့ ရုံးထုတ်ရာတွင် လမ်းခရီး ဝေးကွာလွန်းခြင်း၊ ဒေသခံတောင်သူများအတွက် အခက်အခဲများ ဖြစ်ပေါ်ခဲ့သဖြင့် ရွှေဘိုမြို့နယ် တရားရုံးသို့ ရုံးပြောင်းလျှောက်ထားခဲ့ကာ လက်ရှိအချိန်တွင် အမှုအား ရွှေဘိုမြို့နယ် တရားရုံးတွင် အမှုရင်ဆိုင် နေရဆဲဖြစ်ကြောင်း ဒေသခံတောင်သူများထံမှ သိရသည်။ အဆိုပါ တောင်သူငါးဦး၏ အမှုကို မေ ၂၅ ရက်တွင် ရွှေဘိုမြို့နယ် တရားရုံးတွင် ထပ်မံချိန်းဆိုထားကြောင်း သိရသည်။

“ပုဒ်မ ၆ (၁) နဲ့ အမှုဖွင့်ဖမ်းဆီးခံထားရတာ တစ်နှစ်ပြည့်တော့မယ်။ အမှုက ဘာမှ ထူးခြားမလာသေးဘူး။ တောင်သူတွေက အရမ်းနစ်နာနေရတယ်။ မိသားစုဝင်တွေကလည်း ယာမြေတွေ အသိမ်းခံထားရတဲ့အပြင် ထောင်ထဲက တောင်သူတွေ အတွက်ပါ ရုန်းကန်နေကြရတယ်။ ကြုံရာအလုပ်တွေပဲ လုပ်နေကြရတာပါ။ အခက်အခဲတွေ အများကြီး ကြုံနေရပါတယ်။ ဒါကြောင့် စွဲဆိုထားတဲ့ ပုဒ်မတွေကို အမြန်ဆုံး ပယ်ဖျက်ပေးပါလို့ တောင်းဆိုချင်ပါတယ်။ တောင်သူတွေရဲ့ အခက်အခဲတွေကို ကူညီပေးစေချင်ပါတယ်။ သိမ်းဆည်းယာမြေတွေ ပြန်ရဖို့အတွက် သက်ဆိုင်ရာ ဌာနတွေကို စာတွေတင်ပြခဲ့ပေမဲ့ ဘာမှမထူးခြားသေးပါဘူး။ သိမ်းဆည်းယာမြေတွေကိုလည်း အမြန်ဆုံးပြန်လည် ရချင်ပါတယ်” ဟု ဖမ်းဆီးခံထားရသည့် တောင်သူများ၏ မိသားစုဝင်များက ပြောကြားသည်။

သိမ်းဆည်းယာမြေများအတွင်း ၀င်ရောက်၍ ထွန်တုံးတိုက်ပွဲ ပြုလုပ်သည်ဟုဆိုကာ ဒေသခံတောင်သူ ငါးဦးကို ပြစ်မှုဆိုင်ရာ ဥပဒေပုဒ်မ ၄၄၇၊ ၄၂၇ တို့ဖြင့် ကနဦး အမှုဖွင့်ခဲ့သဖြင့် အာမခံဖြင့် အမှုရင်ဆိုင်ခဲ့ရာ ၂၀၁၇ ခုနှစ် မေ ၂၉ ရက်တွင် ပုဒ်မ ၆(၁) ဖြင့် တရားလိုဘက်မှ ထပ်မံအမှုဖွင့်သဖြင့် အာမခံမရဘဲ တောင်သူငါးဦးမှာ ဖမ်းဆီးခံခဲ့ရကြောင်း အမှုအား အခမဲ့လိုက်ပါ ဆောင်ရွက် ပေးနေသည့် တရားလွှတ်တော်ရှေ့နေထံမှ သိရသည်။

ကန့်ဘလူမြို့နယ် ဘူးကုန်းကျေးရွာပိုင် ကွင်းအမှတ် (၈၅၂)၊ ကွင်းအမှတ် (၈၅၄) တို့မှ ယာမြေဧက ၁၁၂၉ ဧကအား ၁၉၈၀ ခုနှစ်ကျော် ကာလများအတွင်းက လယ်ယာစိုက်ပျိုးရေးနှင့် ဆည်မြောင်း ၀န်ကြီးဌာနက သိမ်းဆည်းသွားခဲ့ကြောင်း ယင်းသို့သိမ်းဆည်း သွားခဲ့သော်လည်း ဒေသခံ တောင်သူများကို မြေယာလျော်ကြေးနှင့် သီးနှံလျော်ကြေး တစ်စုံတစ်ရာ ပေးလျော်ခဲ့ခြင်း မရှိခဲ့ကြောင်း၊ ယာမြေများ သိမ်းဆည်းခံခဲ့ရပြီးနောက် ဒေသခံတောင်သူများမှာ လုပ်ကိုင်စားသောက်ရန် ခက်ခဲသွားခဲ့သဖြင့် သိမ်းဆည်းယာမြေများ ပြန်လည်ရရှိရေးအတွက် သက်ဆိုင်ရာ အစိုးရဌာနများသို့ စာပေးပို့ အသနားခံခဲ့သော်လည်း ထူးခြားမှု မရှိခဲ့သဖြင့် ၂၀၁၇ ခုနှစ် ဧပြီလအတွင်းက ယာမြေများ ပြန်လည်ရရှိရန်အတွက် ကန့်ဘလူခရိုင် အထွေထွေအုပ်ချုပ်ရေးနှင့် ရဲတပ်ဖွဲ့တို့ထံသို့ အကြောင်းကြားစာပေးပို့၍ အဆိုပါ သိမ်းဆည်းယာမြေများအတွင်း မျိုးစေ့ချ စိုက်ပျိုးမှုများ ပြုလုပ်ခဲ့ကြောင်း ဒေသခံတောင်သူများက ပြောကြားသည်။

ကန့်ဘလူမြို့နယ် မြေမွန်ကျေးရွာနှင့် ဘူးကုန်းကျေးရွာမှ ဒေသခံတောင်သူများ ပိုင်ဆိုင်သည်ဆိုသည့် ယာမြေဧက ၁၃၀၀ ကျော် ကို ၁၉၈၀ ခုနှစ်ကျော်အတွင်းက သိမ်းဆည်းခဲ့ပြီးနောက် ယခင်အစိုးရ လက်ထက်တွင် ၁၈၅ ဧကအား ပြန်လည်စွန့်လွှတ်ခဲ့ကြောင်း၊ သို့သော် ကျန်ရှိနေသည့် ယာမြေဧက ၁၁၂၉ ဧကအား ပြန်လည်စွန့်လွှတ်ပေးခြင်း မရှိသဖြင့် ဒေသခံတောင်သူများက အစိုးရဌာနများသို့ စာပေးပို့ အသနားခံခဲ့ကြောင်း၊ လက်ရှိအချိန်တွင် အဆိုပါ သိမ်းဆည်းယာမြေများအနက် ယာမြေဧက ၄၁၀ ခန့်အား ဒေသခံတောင်သူများကို လုပ်ပိုင်ခွင့်မပြုဘဲ အခြားကုမ္ပဏီတစ်ခုသို့ လုပ်ကိုင်ခွင့် ချပေးမည် ဆိုသဖြင့် ဒေသခံတောင်သူများက ယင်းတို့၏ ဘိုးဘွားပိုင်ယာမြေများ ပြန်လည် ရရှိရေးအတွက် မျိုးစေ့ချ စိုက်ပျိုးခြင်းများ ပြုလုပ်ခဲ့ကြောင်း ဒေသခံတောင်သူများထံမှ စုံစမ်းသိရသည်။

 

ထွန်တုံးတိုက်ပွဲပြုလုပ်မှုကြောင့် အလုပ်နှင့်ထောင်ဒဏ် ၁၆ လ ချမှတ်ခံထားရသည့် နောင်ချိုမြို့နယ် ဒေသခံတောင်သူ ၁၀ ဦး လွတ်မြောက်လာပြီး သိမ်းဆည်းယာမြေများ ပြန်လည်ရရှိရေး ဆက်လက်လုပ်ဆောင်မည်ဟုဆို

၂၀၁၇ ခုနှစ် ဧပြီလအတွင်းက ထောင်ဒဏ်ချမှတ်ခံခဲ့ရသည့် ဒေသခံတောင်သူများအား တွေ့ရစဉ်

ရှမ်းပြည်နယ်မြောက်ပိုင်း နောင်ချိုမြို့နယ်တွင် ကော်ဖီစီမံကိန်းအတွက် သိမ်းဆည်းထားသည့် ယာမြေများအတွင်း ၀င်ရောက်ထွန်ယက်ခဲ့မှုကြောင့် အလုပ်နှင့် ထောင်ဒဏ် ၁၆ လ ချမှတ်ခံထားရသည့် ဒေသခံတောင်သူ ၁၀ ဦး ပြန်လည်လွတ်မြောက်ခဲ့ပြီး သိမ်းဆည်းခံယာမြေများ ပြန်လည်ရရှိရေးအတွက် ဆက်လက်လုပ်ဆောင်သွားမည်ဖြစ်ကြောင်း တောင်သူများက ပြောကြားသည်။

ကော်ဖီစီမံကိန်းအတွက် သိမ်းဆည်းထားသည့် ယာမြေများအနက် စီမံကိန်းအတွက် အသုံးမပြုဘဲ လစ်လပ်လျက်ရှိသည့် ယာမြေများပေါ်တွင် ဒေသခံများက ထွန်ယက်စိုက်ပျိုးခြင်းများ ပြုလုပ်ထားပြီး သိမ်းဆည်းယာမြေများ ပြန်လည်ရရှိရေးအတွက် သက်ဆိုင်ရာ မြေယာစိစစ်ရေးကော်မတီများထံသို့ စာတင်ပြမှုများ ဆက်လက်လုပ်ဆောင်သွားမည်ဖြစ်ကြောင်း ဒေသခံတောင်သူများက ပြောကြားသည်။

“ကျွန်တော်တို့ တောင်သူတွေကတော့ လက်ရှိမှာ လစ်လပ်နေတဲ့နေရာတွေမှာ ကြံတို့၊ ပြောင်းတို့ စိုက်ထားပါတယ်။ သိမ်းဆည်းယာမြေတွေ တရားဝင်ပြန်ရချင်တယ်။ လယ်ယာမြေ လုပ်ပိုင်ခွင့်ရဖို့အတွက် မြေယာစိစစ်ရေးကော်မတီတွေကို စာတင်ပြသွားဖို့ရှိတယ်။ ကော်ဖီစီမံကိန်းဆိုပေမယ့် တကယ် စိုက်ပျိုးထားတာ မရှိသလောက်ပါပဲ။ စီမံကိန်းမလုပ်ဘဲ လစ်လပ်ပိုလျှံနေတဲ့ မြေယာတွေအများကြီးပါ။ ဒီယာမြေတွေဆိုတာက ကျွန်တော်တို့တောင်သူတွေ ဘိုးဘွားအစဉ်အဆက် လုပ်ကိုင်လာခဲ့ကြတဲ့ ယာမြေတွေပါ။ ဒါကို ကျူးကျော်ထွန်ယက်တယ်ဆိုပြီး ကျွန်တော်တို့ တောင်သူတွေကို တရားစွဲတယ်။ ထောင်ဒဏ်ချမှတ်ခံရတယ်။ တရားမျှတမှုကတော့ လုံးဝမရှိဘူး။ ထောင်ထဲမှာ တစ်နှစ်နီးပါးနေခဲ့ရတယ်။ သိမ်းဆည်းယာမြေတွေ ပြန်ရဖို့အတွက် ဆက်ပြီးတော့ လုပ်ဆောင်သွားမှာပါ” ဟု ထောင်ဒဏ်ချမှတ်ခံရပြီး ပြန်လည်လွတ်မြောက်လာသည့် တောင်သူ ဦးဖိုးယုံက ပြောကြားသည်။

ဖြစ်စဉ်မှာ နောင်ချိုမြို့နယ် နမ့်လင်းခန်းကျေးရွာမှ ဒေသခံတောင်သူများ၏ ယာမြေဧက ၃၆၀ ကျော်အား ၂၀၀၃ ခုနှစ်က လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနက ကော်ဖီစီမံကိန်းအတွက် သိမ်းဆည်းခဲ့ကြောင်း၊ ယင်းသို့ သိမ်းဆည်းသွားခဲ့သော်လည်း စီမံကိန်းအတွက် အမှန်တကယ် အကောင်ထည်ဖော် လုပ်ဆောင်မှုမှာ ဧကအနည်းငယ်သာ ဖော်ဆောင်ခဲ့ပြီး ကျန်ယာမြေများမှာ ပလပ်မြေအဖြစ် ကျန်ရှိခဲ့ကြောင်း၊ ယင်းသို့ လစ်လပ်လျက်ရှိသည့် ယာမြေများအား ဒေသခံတောင်သူများက ၂၀၁၄ ခုနှစ် နိုဝင်ဘာက ၀င်ရောက်၍ သိမ်းဆည်းယာမြေများ ပြန်လည်ရရှိရေးအတွက် ထွန်တုံးတိုက်ပွဲပြုလုပ်ကာ ထွန်ယက်စိုက်ပျိုးခဲ့ကြကြောင်း မြေယာအခင်းဖြစ်စဉ် မှတ်တမ်းများအရ သိရသည်။ ထို့ပြင် ဒေသခံတောင်သူများ၏ ယာမြေများအား စတင်သိမ်းဆည်းသွားစဉ် အချိန်က မြေယာလျော်ကြေး၊ သီးနှံလျော်ကြေး တစ်စုံတစ်ရာပေးလျော်ခဲ့ခြင်း မရှိခဲ့ကြောင်း ဒေသခံတောင်သူများက ဆိုသည်။

ထိုသို့ ကော်ဖီစီမံကိန်းအတွင်း ၀င်ရောက်ထွန်ယက်ခဲ့မှုနှင့် ပတ်သက်၍ နမ့်လင်းခန်း ကျေးရွာအုပ်ချုပ်ရေးမှူး အပါအ၀င် ဒေသခံတောင်သူ ၁၀ ဦးအား ကော်ဖီစီမံကိန်းအတွင်း ၀င်ရောက်၍ ထွန်တုံးတိုက်ပွဲ ပြုလုပ်ခဲ့သည်ဟုဆိုကာ ပြစ်မှုဆိုင်ရာ ဥပဒေပုဒ်မ ၄၄၇၊ ၄၂၇၊ ၂၉၄၊ ၅၀၆ တို့ဖြင့် စီမံကိန်းတာဝန်ခံ ဦးစိုးသိန်းက အဆိုပါ ၂၀၁၄ ခုနှစ် ဒီဇင်ဘာ၌ တရားလိုပြုလုပ်ကာ အသီးသီးအမှုဖွင့်ခဲ့ကြောင်း၊ ထိုသို့အမှုဖွင့်ခံရပြီး တစ်နှစ်ကျော် အချိန်ကာလအတွင်း ဒေသခံတောင်သူများမှာ ရုံးချိန်းအကြိမ်ရေ ၅၀ ကျော်ဖြင့် အမှုရင်ဆိုင်ခဲ့ရပြီးနောက် ၂၀၁၇ ခုနှစ် ဧပြီ ၂၄ ရက်တွင် နောင်ချိုမြို့နယ် တရားရုံးက ဒေသခံတောင်သူ ၁၀ ဦးအား အလုပ်နှင့်ထောင်ဒဏ် ၁၆ လ ကျခံစေရန် အမိန့်ချမှတ်ခဲ့ကြောင်း သိရသည်။

ကျောက်ဆည်မြို့နယ်တွင် ဌာနပေါင်းစုံက သိမ်းဆည်းထားသည့်ယာမြေများ ပြန်လည်ရရှိရေးအတွက် ဒေသခံတောင်သူများ သတင်းစာရှင်းလင်း

မန္တလေးတိုင်းဒေသကြီး ကျောက်ဆည်ခရိုင်၊ ကျောက်ဆည်မြို့နယ်တွင် မဆလအစိုးရလက်ထက်အတွင်း ဌာနပေါင်းစုံက သိမ်းဆည်းသွားခဲ့သည့် ယာမြေများမှာ လက်ရှိအချိန်တွင် စီမံကိန်းအကောင်အထည်ဖော် ဆောင်ရွက်ခြင်းမရှိဘဲ သီးစားချထားနေသဖြင့် ဒေသခံတောင်သူများက သိမ်းဆည်းယာမြေများ ပြန်လည်ရရှိရေးအတွက် ထွန်တုံးတိုက်ပွဲပြုလုပ်ကာ ၀င်ရောက်ထွန်ယက်မှုများ ပြုလုပ်သွားမည်ဖြစ်ကြောင်း မေ ၁၃ ရက် နံနက်ပိုင်းက မန္တလေးမြို့ရှိ မီဒီယာစင်တာ၌ သတင်းစာရှင်းလင်းပြောကြားသည်။

ကျောက်ဆည်မြို့နယ်၊ ဆူးလေကုန်းအုပ်စု၊ လေးဆယ်ကုန်းအုပ်စု၊ ရဲမအူအုပ်စု စသည့်ကျေးရွာများမှ ဒေသခံတောင်သူ ၂၀ ကျော်တို့၏ ယာမြေဧက ၂၀၀ ကျော်ကို မဆလအစိုးရလက်ထက်က တိမွေးကုဌာန၊ ခယက၊ မယက၊ ပြည်ခိုင်ဖြိုးအသင်းအပါအ၀င် ဌာနပေါင်းစုံတို့က စီမံကိန်းအကြောင်းပြ သိမ်းဆည်းသွားခဲ့ကြောင်း၊ ထိုသို့ယာမြေများ သိမ်းဆည်းခံခဲ့ရပြီးနောက် ဒေသခံတောင်သူများမှာ ကြုံရာအလုပ်များလုပ်ကိုင်၍ ခက်ခဲစွာဖြင့် အသက်မွေးခဲ့ရကြောင်း၊ လက်ရှိအချိန်တွင် သိမ်းဆည်းယာမြေများကို စီမံကိန်းအတွက် အကောင်အထည်ဖော် ဆောင်ရွက်ထားခြင်းမရှိသည့်အပြင် သီးစားစနစ်ဖြင့် လွှဲပြောင်းချထားပေးမှုများ ပြုလုပ်နေသဖြင့် ဒေသခံတောင်သူများက ပြန်လည်လုပ်ကိုင်ခွင့်ရရှိရန်အတွက် နိုင်ငံတော်၏အတိုင်ပင်ခံပုဂ္ဂိုလ်၊ လယ်ယာမြေနှင့် အခြားမြေများသိမ်းဆည်းခံရမှု ပြန်လည်စိစစ်ရေးဗဟိုကော်မတီ အစရှိသည့် သက်ဆိုင်ရာဌာနများထံသို့ အသနားခံစာ ပေးပို့တင်ပြထားကြောင်း သိရသည်။

“ကျွန်တော်တို့တောင်သူတွေကတော့ ကိုယ့်ယာမြေကိုယ်ပြန်ပြီးတော့ လုပ်ကိုင်ခွင့်ရချင်တယ်။ ပြန်ရဖို့အတွက် စာတွေတင်ပြထားတယ်။ လာရောက်စိစစ်ပေမဲ့လည်း အခုအချိန်အထိ ဘာမှမထူးခြားသေးဘူး။ နောက်လထဲမှာလဲ ဘာမှထူးခြားမလာဘူးဆိုရင် ကျွန်တော်တို့တောင်သူတွေက သိမ်းဆည်းယာမြေတွေထဲမှာ ထွန်တုံးတိုက်ပွဲလုပ်ပြီးတော့ ထွန်ယက်စိုက်ပျိုးသွားမှာပါ” ဟု ယာမြေသိမ်းဆည်းခံ တောင်သူတစ်ဦးဖြစ်သူ ဦးအေးကျော်က ဆိုသည်။

ယာမြေသိမ်းဆည်းခံ တောင်သူများက သိမ်းဆည်းယာမြေများ ပြန်လည်ရရှိရေးအတွက် သက်ဆိုင်ရာဌာနအသီးသီးထံသို့ တိုင်ကြားစာများ ပေးပို့ထားကြောင်း၊ ယင်းသို့ တိုင်ကြားအသနားခံစာများ ပေးပို့ခဲ့မှုကြောင့် သက်ဆိုင်ရာက ကွင်းဆင်းစစ်ဆေးမှုများ ပြုလုပ်ခဲ့သော်လည်း ဒေသခံတောင်သူများမှ ပြန်လည်လုပ်ကိုင်ခွင့် မရရှိသေးသဖြင့် ထွန်တုံးတိုက်ပွဲပြုလုပ်ကာ ထွန်ယက်စိုက်ပျိုးသွားမည်ဖြစ်ကြောင်း ဒေသခံတောင်သူများက ရှင်းလင်းပြောကြားခဲ့ကြသည်။

ပခုက္ကူ-ကျွန်းချောင်း မီးရထားလမ်းတည်ဆောက်စဉ် သိမ်းဆည်းခံခဲ့ရသည့် မြေယာများထဲမှ ၇၆ ဒသမ ၅၈ ဧကအတွက် တစ်ဧကလျှင် ကျပ် ၁၅ သိန်းဖြင့် လျော်ကြေးငွေပေးအပ်

ပခုက္ကူ-ကျွန်းချောင်း မီးရထားလမ်း တည်ဆောက်စဉ် သိမ်းဆည်းခံခဲ့ရသည့် မြေယာများထဲမှ ၇၆ ဒသမ ၅၈ ဧကအတွက် တစ်ဧကလျှင် ကျပ် ၁၅ သိန်းဖြင့် မြေသိမ်းဆည်းခံခဲ့ရသည့် ပခုက္ကူမြို့နယ်တွင်းမှ တောင်သူများအား ဧပြီ ၈ ရက်က လျော်ကြေးပေးအပ်ခဲ့ကြောင်း သိရသည်။

ပခုက္ကူ-ကျွန်းချောင်း မီးရထားလမ်း တည်ဆောက်စဉ် မြေယာသိမ်းဆည်းခံခဲ့ရသည့် တောင်သူများမှာ လျော်ကြေးငွေမရရှိဘဲ မြေများသိမ်းဆည်းခံခဲ့ရသည့်အတွက် သက်ဆိုင်ရာသို့ တင်ပြတောင်းဆိုရာမှ ယခုကဲ့သို့ လျော်ကြေးငွေ ပေးအပ်ခဲ့ခြင်းဖြစ်ကြောင်း သိရသည်။

“အခုလျော်ကြေးပေးတဲ့ အပိုင်းကတော့ ပခုက္ကူ-ကြံခင်း မီးရထားလမ်းရဲ့ လမ်းပိုင်းတစ်ခုဖြစ်တဲ့ ပခုက္ကူ-ကျွန်းချောင်းလမ်းပိုင်းမှာ မြန်မာ့မီးရထားက ရယူအသုံးပြုခဲ့တဲ့ မြေတွေအတွက် လျော်ကြေးပေးခြင်းဖြစ်ပါတယ်။ အဲဒီမှာ အခုပါတာက စုစုပေါင်း ကျေးရွာအုပ်စု ခြောက်စု ဒေသခံတောင်သူ ၉၆ ဦးရဲ့ ၇၆ ဒသမ ၅၈ ဧကအတွက်ဖြစ်ပါတယ်။ လျော်ကြေးပေးရာမှာလည်း ဒေသရဲ့ တစ်ဧက ၁၅ သိန်းသတ်မှတ်နှုန်းနဲ့ ကျပ် ၁၁၄၈၇၀၀၀၀ ကို လျော်ကြေးပေးခြင်းဖြစ်ပါတယ်” ဟု မြန်မာ့မီးရထားတိုင်းအမှတ် (၁၀) မှ အင်ဂျင်နီယာမှူး ဦးကျော်လင်းက ပြောကြားသည်။

မြန်မာ့မီးရထား တိုင်းအမှတ် (၁၀) မှ အင်ဂျင်နီယာမှူး ဦးကျော်လင်းက ယခုပေးလျော်ခြင်းမှာ ပခုက္ကူ-ကြံခင်း မီးရထားလမ်းပိုင်း သိမ်းဆည်းမြေများအတွက် ဒုတိယအကြိမ် ပေးလျော်ခြင်းဖြစ်ကြောင်း၊ မြေယာလျော်ကြေးပေးအပ်ရန် ကျန်ရှိနေသေးကြောင်း၊ သက်ဆိုင်ရာ ဘဏ္ဍာနှစ်အလိုက် လျော်ကြေးငွေများတောင်းခံ၍ မြေသိမ်းဆည်းခံရသည့် တောင်သူများအား ဆက်လက်ပေးလျော်သွားမည်ဖြစ်ကြောင်း တက်ရောက်လာသူအား ပြောကြားသည်။

“မြေအသိမ်းခံရတာတော့ ၁၉၉၄-၉၅ လောက်ကပါ။ အခုလျော်ကြေးရတာကလည်း ရထားလမ်းအတွက် သိမ်းတဲ့မြေတွေပဲရသေးတယ်။ အဲဒီမြေတွေအတွက် ဒီနေ့မှလျော်ကြေးရတာပါ။ မြို့ရှောင်လမ်းဖောက်တာနဲ့ တက္ကသိုလ်အတွက် သိမ်းဆည်းထားတဲ့ မြေတွေအတွက် ယနေ့အထိ လျော်ကြေးမရသေးပါဘူး” ဟု မြင့်ချိုင့်ကျေးရွာမှ တောင်သူဦးမြမောင်က ပြောကြားသည်။

ပခုက္ကူ-ကြံခင်း မီးရထားလမ်းဖောက်လုပ်ရာတွင် ပခုက္ကူမြို့နယ်အတွင်းရှိ ကျေးရွာများမှ တောင်သူများ၏ လယ်ယာမြေအများအပြား သိမ်းဆည်းခံခဲ့ရပြီး သိမ်းဆည်းစဉ်က လျော်ကြေးငွေမရရှိခဲ့သည့်အတွက် နစ်နာမှုများအား လယ်ယာမြေနှင့် အခြားမြေများ သိမ်းဆည်းခံရမှု စုံစမ်းစစ်ဆေးကော်မရှင်ထံ တိုင်ကြားခဲ့ရကြောင်း သိရသည်။

ပခုက္ကူ-ကျွန်းချောင်း ရထားလမ်းပိုင်းအတွက် သိမ်းဆည်းခံရသည့် မြေယာများထဲမှ ပခုက္ကူမြို့နယ်အတွင်းရှိ ကျေးရွာများမှ တောင်သူ ၈၇ ဦး၏ မြေ ၉၆ ဒသမ ၃၅ ဧကအတွက် လျော်ကြေးငွေ ၁၄၄ ဒသမ ၅၂၅ သန်း ပေးအပ်ပြီးဖြစ်ကြောင်း သိရသည်။

ပခုက္ကူမြို့နယ်အတွင်းရှိ တောင်သူများမှာ ယခင်စစ်အစိုးရလက်ထက်တွင် စီမံကိန်းအမျိုးမျိုးကြောင့် မြေအများအပြား သိမ်းဆည်းခံခဲ့ရပြီး အချို့မြေများမှ လျော်ကြေးငွေ၊ အချို့မြေများမှာ မြေများပြန်လည်ရရှိခဲ့သော်လည်း အချို့မှာ လျော်ကြေးတစ်စုံတစ်ရာ မရရှိကြောင်း သိရသည်။

ယာမြေသိမ်းဆည်းခံတောင်သူများက မန္တလေးတိုင်းဒေသကြီးအစိုးရအဖွဲ့နှင့် တွေ့ဆုံခွင့်ရရှိရန် လာရောက်တောင်းဆိုခဲ့သော်လည်း တွေ့ဆုံခွင့်မရရှိခဲ့

ယာမြေသိမ်းဆည်းခံတောင်သူများ ဇန်န၀ါရီ ၃၀ ရက်က တိုင်းဒေသကြီးအစိုးရအဖွဲ့နှင့် တွေ့ဆုံဆွေးနွေးခွင့်ရရှိရန်အတွက် တောင်းဆိုနေစဉ်

မန္တလေးတိုင်းဒေသကြီးအတွင်း သိမ်းဆည်းမြေယာပြဿနာများ တောင်သူများ အမှုဖွင့်ဖမ်းဆီးထိန်းသိမ်းခံနေရမှုများ အစရှိသည့် မြေယာပြဿနာများနှင့်ပတ်သက်၍ ယာမြေသိမ်းဆည်းခံတောင်သူများက ဇန်န၀ါရီ ၃၀ ရက် နံနက်ပိုင်းက တိုင်းဒေသကြီးအစိုးရအဖွဲ့နှင့် တွေ့ဆုံဆွေးနွေးခွင့်ရရှိရန်အတွက် လာရောက်တောင်းဆိုခဲ့သော်လည်း တွေ့ဆုံဆွေးနွေးလိုသူများကို စာတင်ပြရန်သာ အကြောင်းပြန်ခဲ့ကြောင်း ဒေသခံတောင်သူများက ပြောကြားသည်။

မန္တလေးတိုင်းဒေသကြီးအတွင်း သိမ်းဆည်းမြေယာပြဿနာများနှင့် တောင်သူများ အမှုဖွင့်တရားစွဲဆိုခံနေရမှုများ၊ ဖမ်းဆီးထိန်းသိမ်းခံနေရမှုများအပါအ၀င် မြေယာပြဿနာများနှင့်ပတ်သက်၍ သက်ဆိုင်ရာတိုင်းဒေသကြီးအစိုးရအဖွဲ့ မြေယာစိစစ်ရေးအဖွဲ့များက အမြန်ဆုံးဖြေရှင်း ဆောင်ရွက်ပေးရန်အတွက် တိုင်းဒေသကြီးအစိုးရအဖွဲ့နှင့် တွေ့ဆုံဆွေးနွေးခွင့်ရရှိရန်အတွက် ယာမြေသိမ်းဆည်းခံတောင်သူများက တောင်းဆိုခဲ့ခြင်းဖြစ်သည်။

“မန္တလေးတိုင်းဒေသကြီးအစိုးရအဖွဲ့နဲ့ တွေ့ဆုံဆွေးနွေးခွင့်ရရှိဖို့အတွက် အကြိမ်ကြိမ်စာတင်ပြခဲ့ပါတယ်။ ဒါပေမဲ့ အကြောင်းအမျိုးမျိုးပြပြီးတော့ တွေ့ဆုံခွင့်မရခဲ့ဘူး။ ဒီနေ့မှာလည်း ကျွန်တော်တို့ ယာမြေသိမ်းဆည်းခံတောင်သူတွေက သူတို့ရဲ့မိသားစုဝင်တွေ ဖမ်းဆီးတရားစွဲဆိုခံထားရတာကြောင့် အခက်အခဲဖြစ်နေတာတွေ၊ အမှုရင်ဆိုင်နေရတာတွေ စတဲ့လယ်ယာမြေပြဿနာတွေကို တိုင်းအစိုးရအဖွဲ့နဲ့ တွေ့ဆုံဆွေးနွေးခွင့်ရရှိဖို့ လာရောက်တောင်းဆိုကြတာပါ။ တွေ့ဆုံဖို့အတွက် စာလည်းတင်ပြထားပါတယ်။ အစိုးရဘက်က အကြောင်းပြန်လိုက်တာက ဆွေးနွေးလိုသူတွေအနေနဲ့ ဘယ်သူတွေက ဆွေးနွေးကြမယ်ဆိုတာ စာထပ်တင်ပြပါဆိုလို့ ကျွန်တော်တို့ စာပြန်တင်သွားမှာပါ။ အခု ဖမ်းဆီးထိန်းသိမ်းခံထားရတဲ့ တောင်သူအချို့ဟာ ထောင်ထဲမှာ ကျန်းမာရေးမကောင်းလို့ ထောင်ဆေးရုံမှာ ဆေးကုနေရတာတွေလည်းရှိနေတယ်” ဟု တိုင်းဒေသကြီးအစိုးရအဖွဲ့နှင့် တွေ့ဆုံဆွေးနွေးခွင့်ရရှိရန် စာတင်ပြခဲ့သည့် မြေယာအရေးလှုပ်ရှားသူ ကိုလင်းထင်စိုးက ပြောကြားသည်။

မြေယာပြဿနာများအပါအ၀င် တောင်သူများ အမှုဖွင့်ဖမ်းဆီးခံထားရမှုများနှင့်ပတ်သက်၍ မန္တလေးတိုင်းဒေသကြီးအစိုးရအဖွဲ့ ၀န်ကြီးချုပ်နှင့် တွေ့ဆုံဆွေးနွေးခွင့်ရရှိရန်အတွက် ပြင်ဦးလွင်မြို့နယ်အတွင်းမှ ယာမြေသိမ်းဆည်းခံတောင်သူများ၊ ပုသိမ်ကြီးမြို့နယ်အတွင်းမှ တောင်သူများ အစရှိသည့် သိမ်းဆည်းယာမြေပြဿနာများကြောင့် အမှုဖွင့်ဖမ်းဆီးခံထားရသည့် တောင်သူများ၏ မိသားစုဝင်များ၊ အမှုရင်ဆိုင်နေရသည့် တောင်သူများ ယာမြေသိမ်းဆည်းခံတောင်သူများက ၎င်းတို့၏ အခက်အခဲများကို ၀န်ကြီးချုပ်ထံ တင်ပြဆွေးနွေးခွင့်ရရှိရန်အတွက် တောင်းဆိုခဲ့ကြကြောင်း သိရသည်။

“ကျွန်မတို့ကတော့ ဖမ်းဆီးခံထားရတဲ့ တောင်သူတွေကို အမြန်ဆုံးပြန်လွှတ်ပေးစေချင်ပါတယ်။ အခုချိန်မှာ လုပ်ကိုင်စားစရာ မြေမရှိတော့တဲ့အတွက် အခက်အခဲတွေဖြစ်နေကြတယ်။ သိမ်းဆည်းယာမြေတွေကိုလည်း အမြန်ဆုံးပြန်လိုချင်ပါတယ်” ဟု ပြင်ဦးလွင်မြို့နယ်အတွင်းမှ ယာမြေသိမ်းဆည်းခံ တောင်သူတစ်ဦးက ဆိုသည်။

မန္တလေးတိုင်းဒေသကြီးမှာ မြေယာပြဿနာ အများဆုံးဖြစ်ပွားနေသည့် တိုင်းဒေသကြီးများအနက် တစ်ခုအပါအ၀င်ဖြစ်ပြီး ဒေသခံတောင်သူများမှာ ၎င်းတို့၏သိမ်းဆည်းမြေယာများ အမြန်ဆုံးပြန်လည်ရရှိရေးအတွက် ထွန်တုံးတိုက်ပွဲများ ပြုလုပ်ခဲ့မှုကြောင့် အမှုဖွင့်တရားစွဲဆိုခံရခြင်း၊ ဖမ်းဆီးထိန်းသိမ်းခံရခြင်းများနှင့် ရင်ဆိုင်နေရသည့်အပြင် ဇန်န၀ါရီ ၁၂ ရက်က ငါန်းဇွန်မြို့နယ် ငါန်းမြာကြီးကျေးရွာမှ တောင်သူ ၁၇ ဦးကို မြေနုကျွန်းခွဲဝေရာတွင် ကန့်ကွက်တားဆီးမှုများ ပြုလုပ်ခဲ့မှုကြောင့်ဟုဆိုကာ ငါန်းဇွန်မြို့နယ်တရားရုံးက ရာဇသတ်ကြီးဥပဒေပုဒ်မ ၃၅၃ ဖြင့် အလုပ်နှင့်ထောင်ဒဏ်ခြောက်လ ချမှတ်ခဲ့သည်။ ထို့ပြင် မန္တလေးတိုင်းဒေသကြီးအတွင်း သိမ်းဆည်းမြေယာပြဿနာများနှင့် ပတ်သက်၍ အမှုရင်ဆိုင်နေရသည့် တောင်သူဦးရေ ၄၀၀ ၀န်းကျင်ခန့်ရှိနေပြီး ထောင်ဒဏ်ချမှတ်ခံထားရသည့် တောင်သူများနှင့် အကျဉ်းထောင်အချုပ်ဖြင့် အမှုရင်ဆိုင်နေရသည့် တောင်သူဦးရေမှာ ၃၀ ၀န်းကျင်ခန့်ရှိကြောင်း မြေယာအရေး လှုပ်ရှားမှုပြုလုပ်နေသည့် အဖွဲ့အစည်းများထံမှ သိရသည်။

တပ်မတော်မှ ပြန်လည်စွန့်လွှတ်ခဲ့သည့် မင်္ဂလာဒုံမြို့နယ်ရှိ လယ်မြေဧက ၇၀၀ ကျော်ပေါ်တွင် စီမံကိန်းတစ်ခု အကောင်အထည်ဖော်ရန် တိုင်များစိုက်ထူမှုအပေါ် မူလလယ်ပိုင်ရှင်များ လက်မခံဘဲကန့်ကွက်

မင်္ဂလာဒုံမြို့နယ်ရှိ လယ်မြေဧက ၇၀၀ ကျော်ပေါ်တွင် တိုင်များစိုက်ထူသည့်အပေါ် ကန့်ကွက်ခဲ့ကြသည့် မူလလယ်ပိုင်ရှင်များအား ဇန်န၀ါရီ ၅ ရက်က တွေ့ရစဉ်

တပ်မတော်မှ ပြန်လည်စွန့်လွှတ်ခဲ့သည့် မင်္ဂလာဒုံမြို့နယ်ရှိ လယ်မြေဧက ၇၀၀ ကျော် ပေါ်တွင် စီမံကိန်းတစ်ခု အကောင်အထည် ဖော်ရန်တိုင်များ စိုက်ထူမှုအပေါ် မူလလယ် ပိုင်ရှင်များက လက်မခံဘဲ ကန့်ကွက်နေကြောင်း သိရသည်။

“လယ်မြေကို တပ်က ၁၉၉၂ ခုနှစ်က သိမ်းသွားတာ။ ပြန်ပေးမယ် ဆိုတာကို ၂၀၁၃ ခုနှစ်ကတည်းက ကြားခဲ့ရတာ။ လက်ထဲကိုတော့ အခုထိ မရောက်သေးပါဘူး။ စီမံကိန်းလုပ်မယ် ဆိုတာကို အခုလိုမြင်မှ တွေ့ရတာ။ လျော်ကြေးပေးမယ် ဆိုတာတွေ လာပြီးညှိတာတွေလည်း မလုပ်ကြဘူး။ တိုင်လာစိုက်တော့ ဘယ်ကလာလုပ်တာလဲ ဘာလုပ်မှာလဲမေးတော့ ဒီမှာ ကာဝင်းလုပ်မှာဆိုပြီး ပြောတယ်။ အဲဒီတော့ တို့လယ်သမားတွေက ဘာလုပ်ရမှာလဲဆိုတော့ ၀န်ကြီးချုပ် ဦးဖြိုးမင်းသိန်းက လုပ်ခိုင်းတယ်ဆိုပြီး ပြောတယ်” ဟု မူလလယ်ပိုင်ရှင် ဒေါ်လှလှဝင်းက ပြောကြားသည်။

“အဲဒါက ပြီးခဲ့တဲ့ တစ်ပတ်လောက်က တိုင်းဒေသကြီးအစိုးရက ခွင့်ပြုချက်ရတယ်ဆိုပြီး ကုမ္ပဏီတစ်ခုက တိုင်တွေဝင်စိုက်တယ်။ လယ်သမားတွေက ကျွန်တော်ကို့ အကြောင်းကြားတယ်။ လယ်မြေတွေကို သိမ်းလို့မရဘူး။ သိမ်းမယ်ဆိုရင် ပြည်ထောင်စု အဆင့်ကပဲ သိမ်းလို့ရတယ်။ အမျိုးသား ဒီမိုကရေစီအဖွဲ့ချုပ်က တာဝန်ရှိသူတွေက တိုင်းအစိုးရကို ပြီးခဲ့တဲ့ရက်ပိုင်းက သွားတွေ့တယ်။ သွားတွေ့ရတာက လယ်သမားတွေက တဲလေးတစ် တဲဆောက်တယ်။ သိမ်းပိုက်ခံခဲ့ရတဲ့ လယ်တွေကို ပြန်ပေးဖို့ လုပ်နေတဲ့အချိန်မှာ ကုမ္ပဏီတစ်ခုက သိမ်းဖို့လုပ်နေတာကို စောင့်ကြည့်မယ်ဆိုပြီး လယ်သမားတွေက လယ်စောင့်တဲလေးလုပ်တယ်။ လယ်စောင့်တဲလေး လုပ်တာကို စကားက ကားသွားပြီး သပိတ်စခန်းဖွင့်တယ်ဆိုပြီး သတင်းက ထွက်သွားတယ်။ တိုင်းဝန်ကြီးချုပ်ရဲ့ အမိန့်နဲ့လို့ ပြောတာပဲ ရဲအင်အား တစ်ရာလောက် ချက်ချင်းရောက်လာတယ်။ လယ်သမားတွေက တဲကိုဖျက်ရင် တိုင်ကိုလည်း ဖျက်ပေးဆိုပြီးပြောတယ်။ တိုင်တွေက ကုတ်နံပါတ်တွေနဲ့ အခိုင်အမာ လုပ်ထားတာ၊ စနစ်တကျကို စိုက်ထူသွားတာ။ ပါတီကလူတွေရော လယ်သမားတွေရယ် တိုင်းဒေသကြီး အစိုးရအဖွဲ့ကို သွားတွေ့တာ ဦးဖြိုးမင်းသိန်းနဲ့တော့ မတွေ့ခဲ့ရဘူး။ ၀န်ကြီးအချို့နဲ့ တွေ့ခဲ့ရတယ်။ တွေ့တော့ မေးတာ ဒီကုမ္ပဏီကို ခိုင်းထားတာရှိလား ဆိုတော့ မရှိဘူး ပြောတယ်။ အဲဒီတော့ တဲဖျက်မယ်ဆိုရင် တိုင်တွေပါ ဖျက်ပေးဆိုပြီး ပြောတော့ တိုင်းဘက်က တာဝန်ရှိသူတွေက တဲကိုတော့ ဖျက်ပေး ငုတ်တိုင်ကို မဖျက်နဲ့ဆိုပြီး ပြောတယ်။ အဲဒီကွင်းကြီးပေါ်မှာ စီမံကိန်းရှိလို့ ဆိုပြီးပြောတယ်။ အဲဒီတော့ ဒီဘက်က တာဝန်ရှိသူတွေက စီမံကိန်းကိုတော့ လက်မခံနိုင်ဘူး။ လယ်တွေကို ပြန်ပေးပြီးတော့မှ ပြန်သိမ်းရင်သိမ်း၊ စီမံကိန်းရှိတယ်ဆိုပြီး လယ်တွေကို ၀င်လုပ်တာ၊ ကုမ္ပဏီတစ်ခုကို ပေးလိုက်တာတော့ လက်မခံနိုင်ဘူး။ လုပ်ရင်လည်း ပြည်ထောင်စု အစိုးရကနေပြီးတော့ လက်ရှိ တည်ဆဲမြေသိမ်း ဥပဒေမှာလည်း ပြီးသားဖြစ်နေတဲ့ မြေသိမ်းဖို့ ရည်ရွယ်ချက်ရှိနေတယ် ဆိုတာကို ကြေညာရမယ်။ အဲဒီလို ကြေညာပြီးတော့မှ ပြန်တမ်းထုတ်ပြီးတော့ သိမ်းရမယ်။ ဒီလို လုပ်လို့မရဘူး။ နောက်ဆုံးတော့ သူတို့ အမိန့်ပေးလိုက်တယ်နဲ့တူတယ်။ တဲကိုလည်း ဖျက်သွားတယ်၊ တိုင်တွေကိုလည်း နုတ်သွားတယ်” ဟု မင်္ဂလာဒုံမြို့နယ် ပြည်သူ့လွှတ်တော် ကိုယ်စားလှယ် ဦးအောင်လှိုင်ဝင်းက ပြောကြားသည်။

မင်္ဂလာဒုံမြို့နယ်ရှိ လယ်မြေဧက ၇၀၀ ကျော်ပေါ်တွင် တိုင်များစိုက်ထူသည့်အပေါ် ကန့်ကွက်ခဲ့ကြသည့် မူလလယ်ပိုင်ရှင်များ (ပုံကြီး) နှင့် လယ်ယာမြေများ (ပုံသေး) ကို တွေ့ရစဉ်

ထို့ပြင် လွန်ခဲ့သည့် သုံးလခန့်က ရန်ကုန်တိုင်းမှ တာဝန်ရှိသူများက မင်္ဂလာဒုံမြို့ နယ်ရှိ လယ်မြေများကို လာရောက် စစ်ဆေးရာ၌ လယ်သမားများရှေ့တွင် အဆိုပါမြေ၌ စီမံကိန်းရှိသည့်အတွက် မြေများကို သိမ်းမည်ဖြစ်ကြောင်း၊ လျော်ကြေးတော့ ရမည်ဟု ပြောကြားခဲ့ကြောင်း၊ ယင်းကဲ့သို့ ပြောကြားမှုနှင့် ပတ်သက်၍ လက်မခံနိုင်ကြောင်း၊ နိုင်ငံတော် သမ္မတ၏ ၁/၂၀၁၆ ထုတ်ပြန်ချက်ထဲတွင် လယ်မြေပြဿနာများ ဖြေရှင်း၍ မပြီးမချင်း နောက်ထပ် လယ်သိမ်းဖို့ မလုပ်ရန် ပါရှိသဖြင့် ပြဿနာကို အရင်ရှင်းပြီး နိုင်ငံတော်မှ အများပြည်သူ အလို့ငှာ သိမ်းသည်ဆိုမှသာ ဖယ်ရှားရမည်ဖြစ်ကြောင်း ဦးအောင်လှိုင်ဝင်းက ပြောကြားသည်။

“လုပ်ထုံးလုပ်နည်းအတိုင်း လုပ်ရမှာ။ အဲဒါကို ဒီလယ်မြေတွေက အငြင်းပွားနေလို့ဆိုပြီး ပြောတယ်။ အငြင်းပွားတာကို ဖြေရှင်းပြီးပြီ။ အငြင်းပွားတာ ခင်ဗျားတို့ကိစ္စ မဟုတ်ဘူးလို့ ပြောလိုက်တယ်။ ဧကက ခုနစ်ရာကျော် လောက်ရှိတယ်။ ဇေကမ္ဘာဝင်းနားမှာကိုတင် ဧက နှစ်ရာကျော်လောက်ရှိတယ်။ ထောက်ကြန့်လောက်အထိပေါက်တဲ့ ကွင်းပြင်ကြီးဖြစ်တယ်။ ကျွန်တော်တို့က လက်မခံဘူး။ လယ်သမားလယ်မြေကို ဒီမြေကို ပြန်ရဖို့ ၂၅ နှစ်လောက် စောင့်ထားရတာ။ ပြောရမယ်ဆိုရင် တာဝန်ရှိသူက ပြန်ကျူးနေသလို ဖြစ်နေတယ်။ မြေသိမ်းဖို့ ရည်ရွယ်ချက် ရှိတယ်ဆိုရင် ပုံစံ ၄ နဲ့ထုတ်ပြန်၊ ပုံစံ ၆ နဲ့ သိမ်းမယ်ဆိုရင် သိမ်းတယ်ပေါ့။ ခုတော့ ဘာမှန်း ညာမှန်းမသိဘဲ လုပ်တာတော့ မဖြစ်သင့်ဘူးပေါ့” ဟု ဦးအောင်လှိုင်ဝင်းက ပြောကြားသည်။

မင်္ဂလာဒုံမြို့နယ်အတွင်း စီမံကိန်း ဖော်ဆောင်မည်ဟု သတင်းထွက်ပေါ်နေသည့် လယ်မြေဧကသည် ၇၀၉ ဒသမ ၁၄ ဧကရှိပြီး မူလလယ်ပိုင်ရှင် ၁၀၈ ဦးရှိကြောင်း သိရသည်။

“၁၉၅၄ မှာ ၀န်ကြီးချုပ် ဦးနုလက်ထက်မှာ လယ်ယာမြေတွေကို ဝေခြမ်းရေး လုပ်ခဲ့တယ်။ လယ်သမားတစ်ဦးက ၈ ဧက ၁၀ ဧက လောက်ရတယ်။ လယ်မသိမ်းခံရခင် အချိန်မှာ အဖေက သေသွားတယ်။ ၉၂ ခုနှစ်ကျတော့ တပ်က သိမ်းသွားတယ်။ ဦးသိန်းစိန် အစိုးရလက်ထက်မှာ လွှတ်တော်ကနေပြီးတော့ တိုင်စာတွေနဲ့ ပြန်တောင်းခဲ့တယ်။ သိမ်းမယ်ဆိုပြီး အမိန့်တော့ မထွက်ဘူး။ တရားဝင်စာလည်း မထုတ်ပြန်ဘူး။ ကောလာဟလလို့ ပြောရအောင်လည်း တိုင်တွေလာ စိုက်ခဲ့တယ်။ ကျွန်တော်တို့သိရတာ ဒီဇင်ဘာ ၃၁ ရက်မှ သိရတာ။ တိုင်တွေလာစိုက်တဲ့သူတွေနှုတ်က ပြောသွားတာကတော့ ဦးဖြိုးမင်းသိန်း အမိန့်နဲ့ လုပ်ရတာဆိုပြီး ပြောတယ်။ ကျွန်တော်တို့တော့ တိုက်ရိုက်မသိဘူး။ အရင် တပ်က သီးစားချလုပ်တဲ့သူတွေက ကျွန်တော်တို့ မူလလယ်ပိုင်ရှင်တွေကို လာမရှုပ်ကြဘူး။ သူတို့သီးစားချထားတယ် ဆိုတာသိတယ်။ ၁၉၉၂ မှာ အသိမ်းခံရတဲ့ လယ်သမားကို လာမရှုပ်ကြဘူး။ အဲဒါကို ဘာကြောင့် ရှုပ်တယ်ပြောတာလဲ။ တပ်က သိမ်းတုန်းက လယ်တွေကို အပ်ခဲ့ရတဲ့ လယ်သမားကြီး သုံးဦး ခုထိရှိသေးတယ်။ ကျွန်တော်တို့ လိမ်ထားတာမရှိဘူး။ မပေးချင်ဘူးဆိုရင် ဦးသိန်းစိန်အစိုးရ လက်ထက်ကတည်းက မပေးနဲ့ဗျာ။ ပြည်သူ့အစိုးရက ဘာလို့ မပေးနိုင်ရတာလဲ။ ကျွန်တော်တို့ကို အနိုင်မကျင့်နဲ့ဗျာ။ ကျွန်တော်တို့ ဒီလတစ်ရက်မှာ ဦးဖြိုးမင်းသိန်း အမိန့်နဲ့ ဆိုပြီးတော့ ကားကွင်း တည်ဆောက်မယ်ဆိုပြီး ဆန်းသစ်ကုမ္ပဏီက မြေတိုင်းတာတွေပါ လာလုပ်တယ်” ဟု ဦးထွန်းထွန်းက ဆိုသည်။

နိုင်ငံတော်သမ္မတ၏ ၁၄/၂၀၁၆ မြေ စစ်လုပ်ငန်းစဉ်အရ ဖြေရှင်းရန်အတွက် လွှတ်တော်ကိုယ်စားလှယ်များ၊ ဒုတိယသမ္မတ ဦးဟင်နရီဗန်ထီးယူထံ စာတင်ခဲ့ကြောင်း၊ ထို့ပြင် စိစစ်ချက်များကို ဒုတိယသမ္မတ ဦးဟင်နရီဗန်ထီးယူထံ တင်ပြခဲ့ကြောင်း၊ ထိုမှတစ်ဆင့် ညွှန်ကြားချက်များဖြင့် အကောင်အထည်ဖော်ရန် လယ်သမားများမှ စောင့်ဆိုင်းနေခြင်း ဖြစ်ကြောင်း၊ တပ်မှပြန်လည် စွန့်လွှတ်လိုက်သည့် မြေများကို လယ်သမားများမှ ပြန်လည်ရရှိရန် မျှော်လင့်နေကြောင်း၊ ထိုအချိန်တွင် အကျိုးအကြောင်း သိရှိရခြင်းမရှိဘဲ ကုမ္ပဏီတစ်ခုက မြေသိမ်းပိုက်သည့်ပုံစံ လုပ်ဆောင်ခဲ့သည့်အတွက် လယ်သမားများ စိုးရိမ်မှုများ ဖြစ်ပွားခဲ့ကြောင်း ပြည်ထောင်စု တိုင်းရင်းသား တောင်သူလယ်သမားသမဂ္ဂ အတွင်းရေးမှူး ဦးဇော်ရမ်းက ပြောကြားသည်။

“အခုလိုဖြစ်တာတွေက အရမ်းဝမ်းနည်းဖို့ကောင်းတယ်။ သမ္မတကြီးရဲ့ ၁၄/၂၀၁၆ အရ လယ်တွေပြန်ပေးရမှာ။ ပြီးခဲ့တဲ့ တစ်နှစ်ခွဲအတွင်းမှာ အမှုပေါင်း ၅၇၅၃ မှုမှာမှ ၅၄၃ မှုပဲ ရှင်းနိုင်တယ်။ နောက်တစ်ချက်ကတော့ ရန်ကုန်တိုင်းက ၁၈၂၃ မှုမှာ ၆၇ မှုပဲ ရှင်းနိုင်တယ်။ ဒါက လူထုမျှော်မှန်းတာထက် အများကြီး ကင်းကွာနေတယ်။ ဒီနေရာမှာ စီမံကိန်းလုပ်မယ် ဆိုရင်လည်း လွှတ်တော်တွေကို တင်ပြရမယ်။ မြေသိမ်းတဲ့ဟာတွေ ပါလာပြီရင် ရန်ကုန်တိုင်းဒေသကြီး အစိုးရရဲ့ လုပ်ကိုင်ခွင့် ဘောင်ထဲမှာ မရှိပါဘူး။ လက်ရှိအခြေအနေကို မှန်မှန်ကန်ကန်အတိုင်း ဖြစ်ဖို့ဆိုရင် ပြည်ထောင်စုအစိုးရရော၊ ပြည်သူ့လွှတ်တော် ကိုယ်စားလှယ်တွေရော လုပ်ရမှာပါ၊ ပြည်သူ့လွှတ်တော် ကိုယ်စားလှယ်တွေက လယ်စစ်လုပ်ငန်းစဉ်မှာ အဖွဲ့ဝင်အဖြစ် ပါပြီးသား။ လယ်သမားတွေက ပေးကားပေးပြီးမရဖြစ်ပြီး နှစ်ပေါင်းသုံးလေးဆယ်လယ် တွေပစ်ထားခဲ့ရတာ ဖြစ်တယ်။ သက်ဆိုင်တဲ့သူတွေက စာစာနာနာလုပ်ဖို့ ပြောချင်ပါတယ်” ဟု ဦးဇော်ရမ်းက ပြောကြားသည်။

 

သိမ်းဆည်းခံယာမြေများ အမြန်ဆုံးပြန်လည်ရရှိရေး ပြင်ဦးလွင်ဒေသခံ တောင်သူများ စုဝေးတောင်းဆို ဆန္ဒပြ

မန္တလေးတိုင်းဒေသကြီး ပြင်ဦးလွင်မြို့နယ်တွင် သိမ်းဆည်းခံယာမြေများ အမြန်ဆုံးပြန်လည်ရရှိရေးနှင့် မြေယာပြဿနာများအား အမြန်ဆုံးဖြေရှင်းပေးရန်အတွက် ဒေသခံတောင်သူများက ဒီဇင်ဘာ ၂၈ ရက် နံနက်ပိုင်းက ပြင်ဦးလွင်မြို့ရှိ ညံတောကွင်းအတွင်း စုဝေးတောင်းဆိုဆန္ဒပြခဲ့ကြသည်။

ဆန္ဒထုတ်ဖော်မှုကို ပြင်ဦးလွင်မြို့ ညံတောကွင်းအတွင်းရှိ ညောင်ပင်အောက်တွင် ယာမြေသိမ်းဆည်းခံတောင်သူများက ဗီနိုင်းဆိုင်းဘုတ်များဖြင့် တောင်းဆိုဆန္ဒထုတ်ဖော်ခဲ့ကြပြီး ကနဦးအနေဖြင့် ရုက္ခစိုးအား တိုင်တည်၍ သိမ်းဆည်းယာမြေများ ပြန်လည်ရရှိရေးအတွက် ဆုတောင်းခြင်း၊ သမ္မတဦးထင်ကျော် ကျန်းမာပါစေ၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကျန်းမာပါစေ၊ ပြည်သူ့လွှတ်တော်ဥက္ကဋ္ဌ ကျန်းမာပါစေ၊ တပ်မတော် ကာကွယ်ရေးဦးစီးချုပ် ကျန်းမာပါစေ၊ ပြင်ဦးလွင်မြို့နယ်အတွင်းရှိ သိမ်းဆည်းခံ ယာမြေများအရေးအား ဖြေရှင်းဆောင်ရွက်ပေးရာတွင် အားနည်းမှုရှိသည်ဟုဆိုကာ တိုင်းဒေသကြီးလွှတ်တော် ကိုယ်စားလှယ် ဦးအောင်မင်းအား အလိုမရှိကြောင်း အစရှိသဖြင့် ကြွေးကြော်ဆန္ဒထုတ်ဖော်ခဲ့ကြသည်။

“ကျွန်တော်တို့ ဒီကနေ့က လာရောက်စုဝေးနေရတာက ပြင်ဦးလွင်မြို့နယ်အတွင်းမှာ သိမ်းဆည်းမြေယာပြဿနာတွေက အများကြီးဖြစ်နေတာပါ။ ဒါကို သက်ဆိုင်ရာတာဝန်ရှိသူတွေက ဖြေရှင်းဆောင်ရွက်ပေးမှု အားနည်းတာ မြေယာပြဿနာတွေကို အမြန်ဆုံး ဖြေရှင်းဆောင်ရွက်ပေးဖို့ အေးအေးချမ်းချမ်းနဲ့ စုဝေးတောင်းဆိုနေတာပါ။ သိမ်းဆည်းယာမြေတွေကလဲ ယနေ့အချိန်အထိ တောင်သူတွေလက်ထဲမှာ ပြန်မရောက်သေးပါဘူး။ ပြင်ဦးလွင်က လွှတ်တော်ကိုယ်စားလှယ် ဦးအောင်မင်းကိုလဲ မြေယာအရေးနဲ့ ပတ်သက်ပြီး ဖြေရှင်းဆောင်ရွက်ရာမှာ ဘက်လိုက်မှုတွေရှိနေတဲ့အတွက် သူ့ကိုလဲ အလိုမရှိကြောင်း တောင်းဆိုတာဖြစ်ပါတယ်။ သိမ်းဆည်းခံယာမြေတွေ အမြန်ဆုံးပြန်လည်ရရှိရေးအတွက် ပြင်ဦးလွင်ဒေသခံတောင်သူတွေက အခုလို စုဝေးတောင်းဆိုနေကြတာဖြစ်ပါတယ်”ဟု ဆန္ဒထုတ်ဖော်မှုအား ဦးဆောင်သူတစ်ဦးဖြစ်သူ ဦးကိုကိုနိုင်က ပြောကြားသည်။

“ကျွန်တော့်ကို ဆန္ဒပြတယ်ဆိုတာ အခုခင်ဗျားတို့ပြောမှ သိတာဗျ။ သူတို့က ဘာကိုမကျေနပ်လို့ ပြကြတာလဲ ဘယ်အကြောင်းအရာကို မကျေနပ်တာလဲ တိတိကျကျလေးတော့ ပြောဖို့လိုတာပေါ့။ ကျွန်တော်တို့ ပြင်ဦးလွင်မြို့နယ်က မြေယာပြဿနာတွေ အများဆုံးဖြစ်ပွားနေတဲ့ နေရာတစ်ခုလဲဖြစ်ပါတယ်။ ဒါကြောင့် သိမ်းဆည်းခံ လယ်ယာမြေပြဿတွေကို ကျွန်တော့်အနေနဲ့ ကြိုးစားပြီးဆောင်ရွက်ပေးနေပါတယ်။ တောင်သူတွေဘက်ကနေ လိုက်ပါဆောင်ရွက်ပေးနေလို့ လုပ်ငန်းရှင်အချို့က ကျွန်တော်ကို တိုင်ကြားမှုပြုလုပ်ခဲ့လို့ ဗဟိုအထိသွားရောက်ဖြေရှင်းခဲ့ရပါသေး တယ်။ တောင်သူတွေအနေနဲ့ အချိန်မရွေး ကျွန်တော့်ကိုလာရောက်တွေ့ဆုံပြီး ဆွေးနွေးနိုင်ပါတယ်။ လက်ရှိအချိန်အထိ သိမ်းဆည်းမြေယာပြဿနာတွေ အရေးကိစ္စကို ဥပဒေနဲ့အညီဖြစ်စေဖို့ ဆောင်ရွက်နေပါတယ်”ဟု ပြင်ဦးလွင်မြို့နယ် တိုင်းဒေသကြီးလွှတ်တော် ကိုယ်စားလှယ် ဦးအောင်မင်းက ပြောကြားသည်။

ပြင်ဦးလွင်မြို့နယ်မှာ မြေယာပြဿနာ အများဆုံးဖြစ်ပွားလျက်ရှိသည့် မြို့နယ်များအနက် တစ်ခုအပါအ၀င်ဖြစ်ပြီး ယခင်အစိုးရလက်ထက်များအတွင်းက တပ်၊ ဌာနဆိုင်ရာ၊ ကုမ္ပဏီများက ဒေသခံတောင်သူများထံမှ စီမံကိန်းအကြောင်းပြကာ သိမ်းဆည်းခဲ့ခြင်းများရှိခဲ့ပြီး အချို့မှာ စီမံကိန်း အမှန်တကယ်အကောင်အထည်ဖော်ဆောင်ရွက်ခြင်း မရှိသဖြင့် ဒေသခံတောင်သူများက လစ်လပ်လျက်ရှိသည့် ယာမြေများအတွင်း ၀င်ရောက်ထွန်ယက်ခဲ့ရာမှ ပြဿနာများဖြစ်ပွားခဲ့ကာ တောင်သူများနှင့်မြေယာအရေး တက်ကြွလှုပ်ရှားသူများအား ပုဒ်မမျိုးစုံတို့ဖြင့် အမှုဖွင့်ခံရခြင်း ဖမ်းဆီးခံရခြင်းများ ဖြစ်ပေါ်လျက်ရှိကြောင်း သိရသည်။