အမျိုးသမီးငယ် တစ်ဦးအား သားမယား ပြုကျင့်ခဲ့သော အမျိုးသားကို ထောင် ၁၃ နှစ် ချမှတ်

အမျိုးသမီးတစ်ဦးအား ဆိုင်ကယ်ဖြင့် တင်ခေါ်ပြီး သားမယားပြုကျင့်ခဲ့သော အမျိုးသားအား အရှေ့ပိုင်းခရိုင် တရားရုံး၌ ပုဒ်မ နှစ်ခုဖြင့် ထောင် ၁၃ နှစ် ချမှတ်ခဲ့သည်။

ထိုသို့ အမိန့်ချမှတ်ရာတွင် ကျူးလွန်သူ မြတ်ထွန်း (၄၀နှစ်) အား အမှု စစ်ဆေးချက်များအရ ပြစ်မှုကျူးလွန်ကြောင်း ပေါ်ပေါက်သဖြင့် ရာဇသတ်ကြီး ဥပဒေပုဒ်မ ၃၇၆ အရ ထောင် ၁၀ နှစ်၊ ပုဒ်မ ၃၆၃ အရ ထောင်သုံးနှစ်တို့ကို သီးခြားစီ ကျခံစေရန် စက်တင်ဘာ ၄ ရက်က အမိန့်ချမှတ်ခဲ့ခြင်း ဖြစ်သည်။

မေ ၆ ရက်တွင် တရားလို၏ သမီး မ…..အား ဈေးဝယ်ခိုင်းရာမှ နေအိမ်သို့ ပြန်ရောက်ခြင်း မရှိ၍ လိုက်လံရှာဖွေခဲ့သည်။

မေ ၇ ရက်တွင် သမီးဖြစ်သူ မ…..မှာ သန်လျင်မြို့နယ် ထမလုံကျေးရွာတွင် ရောက်နေကြောင်း သိရသဖြင့် တရားလိုမှ သွားရောက် ခေါ်ဆောင်ပြီး သမီးအား မေးမြန်းရာ ၎င်းအား တစ်ရပ်ကွက်တည်းနေ မြတ်ထွန်းမှ စကားပြောစရာရှိ၍ ခဏလိုက်ခဲ့ရန် ခေါ်ဆောင်ခဲ့သဖြင့် ဆိုင်ကယ်ဖြင့် လိုက်သွားခဲ့ကြောင်း၊ ယင်းနောက် ၉၃ ရပ်ကွက် ဘုရားလေးလမ်း အနီးရှိ လယ်ကွင်းသို့ ရောက်သော် မြတ်ထွန်းမှ ချစ်ကြောင်း၊ ကြိုက်ကြောင်းပြော၍ သားမယားအဖြစ် တစ်ကြိမ် ပြုကျင့်ခဲ့ခြင်း ဖြစ်ကြောင်း သိရသည်။

မြောင်းမြမြို့တွင် ပထွေးဖြစ်သူက မယားပါသမီးအား ရှစ်နှစ်ခန့် ကြာသည်အထိ အကြိမ်ကြိမ် သားမယားပြုကျင့်မှု ဖြစ်ပွား

မြောင်းမြမြို့နယ် ဆင်ကူးကျေးရွာအုပ်စု …. ကျေးရွာတွင် ပထွေးဖြစ်သူက မယားပါ သမီးဖြစ်သူအား ရှစ်နှစ်ခန့်ကြာသည်အထိ ခြိမ်းခြောက်ကာ အကြိမ်ကြိမ် သားမယားပြုကျင့်နေမှုကို မိခင်ဖြစ်သူမှ မခံမရပ်နိုင်ဖြစ်ကာ တိုင်ကြားခဲ့မှုဖြစ်စဉ်တစ်ခု ဇူလိုင် ၂၄ ရက်က ဖြစ်ပွားခဲ့ကြောင်း သတင်းရရှိသည်။

ဖြစ်စဉ်မှာ ဆင်ကူးကျေးရွာအုပ်စု … ကျေးရွာနေ ပညာရေးဝန်ထမ်းတစ်ဦးဖြစ်သူ ဒေါ်….အသက် (၄၉ နှစ်) မှာ ပထမအိမ်ထောင်နှင့် ကွဲကွာပြီးနောက် … ကျေးရွာနေ ဦးဇော်ဌေး အသက် (၄၂ နှစ်) အဖ ဦးဟန်ညွန့်ဆိုသူနှင့် ထပ်မံအိမ်ထောင်ပြုခဲ့ကြောင်း၊ ယင်းသို့အိမ်ထောင်ပြုချိန်တွင် ဒေါ်… မှာ ပထမအိမ်ထောင်ဖြင့်ရရှိခဲ့သူ အသက် တစ်နှစ်အရွယ် မ…မှာလည်း ပါလာခဲ့ပြီး ဦးဇော်ဌေးနှင့်လည်း သမီးတစ်ဦး ထပ်မံမွေးဖွားခဲ့ကြောင်း၊ ၂၀၁၀ ပြည့်နှစ် ဒီဇင်ဘာလခန့်တွင် ဒေါ်…မှာ သင်တန်းများ တက်ရောက်ရန်အတွက် ရက်အတန်ကြာ ခရီးသွားလာခဲ့ရပြီး ဒေါ်… ခရီးသွားနေစဉ်အတွင်း ဦးဇော်ဌေးမှာ အသက် (၁၄) နှစ်အရွယ်သို့ ရောက်ရှိနေပြီဖြစ်သည့် မယားပါသမီးဖြစ်သူ မ… အား သားမယားအဖြစ် အကြိမ်ကြိမ် ပြုကျင့်ခဲ့ကြောင်း၊ ဒေါ်… နေအိမ်သို့ ပြန်ရောက်လာချိန်တွင် မ…မှာ မိခင်ဖြစ်သူအား ပထွေးဖြစ်သူက သားမယားအဖြစ် ပြုကျင့်ကြောင်း တိုင်ကြားခဲ့သော်လည်း ဦးဇော်ဌေးမှာ သားအမိ နှစ်ဦးစလုံးအား သတ်ပစ်မည်ဟု ခြိမ်းခြောက်ခဲ့သောကြောင့် သက်ဆိုင်ရာတာဝန်ရှိသူများထံ တိုင်ကြားရဲခြင်းမရှိခဲ့ကြောင်း၊ ဦးဇော်ဌေး၏ အကြိမ်ကြိမ် သားမယားပြုကျင့်မှုများကြောင့် မ… မှာ ကိုယ်ဝန်ရရှိခဲ့သေးပြီး ကိုယ်ဝန်ဖျက်ချခံရမှုကြောင့် မြောင်းမြဆေးရုံသို့ တက်ရောက် ဆေးကုခဲ့ရသေးကြောင်း၊ ယင်းနောက် ဦးဇော်ဌေးက မ… တက္ကသိုလ်ဝင်တန်း တက်ရောက်နေချိန်များ၊ တက္ကသိုလ် တက်ရောက်နေချိန်များနှင့် အခြားသောဒေသများသို့ အလုပ်သွားရောက် လုပ်နေစဉ် အချိန်များတွင်လည်း မ… ရှိသည့်နေရာများသို့ လိုက်လံကာ အရှက်ခွဲမည်ဟု ခြိမ်းခြောက်ပြီး နေအိမ်သို့ ပြန်လာစေခဲ့ကာ သားမယားအဖြစ် အကြိမ်ကြိမ် ထပ်မံပြုကျင့်ခဲ့ကြောင်း၊ ဦးဇော်ဌေး၏ ခြိမ်းခြောက် အနိုင်ကျင့်မှုများကြောင့် ဇနီးဖြစ်သူဒေါ်….မှာ သမီးဖြစ်သူအတွက် မခံမရပ်နိုင်သောကြောင့် ယခုကဲ့သို့ အမှုဖွင့် တိုင်ကြားရခြင်းဖြစ်သည်။

“ဇော်ဌေးက ကလေးအသက် ၁၄ နှစ်လောက်မှာ သားမယားအဖြစ် ပြုကျင့်ပါတယ်။ ဒါပေမဲ့ အဲဒီအချိန်က ကလေးရဲ့ အရှက်ကို ကာကွယ်ချင်လို့ အစောပိုင်းမှာတော့ အမှုဖွင့်မတိုင်ပေမဲ့ အခုနောက်ပိုင်းမှာတော့ မခံမရပ်နိုင်ဖြစ်လာလို့ မြောင်းမြရဲစခန်းကို လာရောက် တိုင်ကြားတဲ့အတွက် မြောင်းမြရဲစခန်းက အမှုဖွင့် အရေးယူ ဆောင်ရွက်ထားပါတယ်” ဟု ဧရာဝတီတိုင်းဒေသကြီး ရဲတပ်ဖွဲ့မှူးရုံးမှ ဒုရဲမှူးကြီး ခင်မောင်လတ်က ပြောကြားသည်။

ယင်းဖြစ်စဉ်နှင့်ပတ်သက်၍ မြောင်းမြမြို့မရဲစခန်းမှ မယားပါသမီးဖြစ်သူအား အကြိမ်ကြိမ် သားမယားအဖြစ် ပြုကျင့်သည်ဟု စွပ်စွဲခံရသူ ဦးဇော်ဌေးအား (ပ) ၁၀၆၇/၂၀၁၈ ရာဇသတ်ကြီးပုဒ်မ ၃၇၆ ဖြင့် အမှုဖွင့် အရေးထားကြောင်း သိရသည်။

အသက် ၆၀ အမျိုးသားက ၁၁ နှစ်အရွယ် မိန်းကလေးအား သားမယားပြုကျင့်မှုဖြစ်ပွား

ပဲခူးတိုင်းဒေသကြီး တောင်ငူမြို့နယ် ကင်းဆိပ်ကျေးရွာအုပ်စု၊ ဘွဲ့နှင်းကုန်းရွာတွင် အသက် ၆၀ အရွယ်ရှိ အမျိုးသားမှ အသက် ၁၁ နှစ်အရွယ် မိန်းကလေးအား သားမယားပြုကျင့်မှု ဇွန် ၁၉ ရက် မွန်းလွဲပိုင်းက ဖြစ်ပွားခဲ့ပြီး သားမယားပြုကျင့်သူအမျိုးသားအား ဖမ်းဆီးထားကြောင်း တောင်ငူမြို့အမှတ်(၂) နယ်မြေရဲစခန်းမှ သိရသည်။

ဖြစ်စဉ်မှာ ဇွန် ၁၉ ရက် မွန်းလွဲ ၁ နာရီ ခန့်က တောင်ငူမြို့နယ် ကင်းဆိပ်ကျေးရွာအုပ်စု၊ ဘွဲ့နှင်းကုန်းရွာနေ ဒေါ်—မှ သမီး ဖြစ်သူ မ—- (၁၁နှစ်) အား ၎င်းတို့နေအိမ် မျက်စောင်းထိုးတွင် နေထိုင်သူ ဦးစိန်ပွား အသက်(၆၀နှစ်) (ဘ) ဦးညွန့်နေအိမ်ခြံအတွင်းရှိ ရေတွင်း၌ အ၀တ်သွားလျှော်ခိုင်းခဲ့ကြောင်း သိရသည်။ ထိုသို့ အ၀တ်သွားလျှော်ခိုင်းပြီး ခဏအကြာတွင် ဒေါ်—၏အစ်ကိုဖြစ်သူ ဦးခင်မောင်လတ်မှ ဦးစိန်ပွားနေအိမ်သွားရောက်လည်ပတ်ခဲ့ရာ ဦးစိန်ပွား၏ နေအိမ် အိပ်ခန်းအတွင်းရှိ အိပ်ရာထဲ၌ ဦးစိန်ပွားနှင့်အတူ မ—–(၁၁နှစ်)အား တွေ့ရှိခဲ့ရသဖြင့် မ—(၁၁နှစ်) ၏ မိခင်ဖြစ်သူ ဒေါ်—အား ပြန်ပြောပြခဲ့ကြောင်း သိရသည်။ အဆိုပါ အခြေအနေနှင့်ပတ်သက်ပြီး မိခင်ဖြစ်သူ ဒေါ်—-မှသမီးဖြစ်သူ မ—–(၁၁ နှစ်) အား ပြန်လည်မေးမြန်းခဲ့ရာ မ—-မှ အ၀တ်လျှော်နေစဉ် ဦစိန်ပွားက ကုတင်ပေါ်သို့ ဆွဲခေါ်သွားပြီး လက်ကိုချုပ်ကိုင်၊ ပါးစပ်အား စောင်နှင့်ပိတ်ကာ အလိုမတူဘဲ သားမယားပြုကျင့်ခဲ့ခြင်းဖြစ်ကြောင်း သိရသည်။

အဆိုပါဖြစ်စဉ်နှင့်ပတ်သက်ပြီး ဒေါ်– ၏ တိုင်ကြားချက်အရ သားမယားပြုကျင့်သူ ဦးစိန်ပွားအား တောင်ငူအမှတ်(၂) နယ်မြေရဲ စခန်းမှ (ပ)၅၄၀/၂၀၁၈၊ (အမှုကြီးအမှတ်စဉ် ၆/၂၀၁၈)အရ အမှုဖွင့်ဖမ်းဆီးထားကြောင်း သိရသည်။

သားမယားပြုကျင့်မှုဖြင့် အဖမ်းခံထားရသော အချုပ်သားတစ်ဦး မိမိကိုယ်မိမိ အဆုံးစီရင်မှု တောင်ငူမြို့နယ် မြို့သစ်နယ်မြေရဲစခန်းတွင် ဖြစ်ပွား

အသက်မပြည့်သေးသူ အိမ်နီးချင်းအား သားမယားပြုကျင့်မှုဖြင့် မေ ၁၁ ရက်က တောင်ငူမြို့နယ် မြို့သစ်နယ်မြေရဲစခန်းတွင် ဖမ်းဆီးခံထားရသော အချုပ်သားတစ်ဦးမှာ မေ ၁၃ ရက် နံနက်ပိုင်းက အိမ်သာထဲ၌ မိမိကိုယ်ကိုယ် အဆုံးစီရင်မှု ဖြစ်ပွားခဲ့ကြောင်း တောင်ငူခရိုင် ရဲတပ်ဖွဲ့မှူးရုံးမှ သိရသည်။

“ပ-၁၄၈၊ ၃၇၆ အမှုက တရားခံပေါ့။ စခန်းတာဝန်ရှိသူတွေကို ဘယ်လိုမှမဆောင်ရွက်ပါဘူး။ သူက အိမ်သာဆေးရင်သုံးတဲ့ ဘရပ်တံနဲ့ပေါ့။ သူ့ကိုယ်သူ ဗိုက်ကိုထိုးတာပေါ့။ ထိုးတော့ တောင်ငူဆေးရုံကိုပို့တယ်။ တောင်ငူဆေးရုံရောက်တော့မှ ရရှိတဲ့ဒဏ်ရာနဲ့ သေဆုံးသွားတယ်ပေါ့။ အဲဒါကိုတော့ သေမှုသေခင်းနဲ့ ဖွင့်ထားပါတယ်” ဟု တောင်ငူခရိုင် ရဲတပ်ဖွဲ့မှူးရုံးမှ ရဲအုပ်စိုးမင်းက ပြောကြားသည်။

ဖြစ်စဉ်မှာ မေ ၁၃ ရက် နံနက် ၃ နာရီ ၁၅ မိနစ်ခန့်က မြို့သစ်နယ်မြေရဲစခန်း၏ အချုပ်ခန်းတွင် (ပ) ၁၄၈/၂၀၁၈၊ ပြစ်မှုပုဒ်မ ၃၇၆ ဖြင့် မေ ၁၁ ရက်မှ ၂၅ ရက်အထိ ချုပ်မိန့်ရမန်ရယူထားသည့် ၀င်းမြင့် ၅၃ နှစ်(ဘ) ဦးစိန်ထွန်း သာယာကုန်းပိုင်း၊ ဒိုးအင်းကျေးရွာ အုပ်စုနေသူသည် အိပ်ယာနိုးပြီး အိမ်သာတက်စဉ် အိမ်သာခွက်ဆေးသည့် ဘရပ်တံဖြင့် အိမ်သာအုတ်နံရံခံ၍ ၎င်း၏ရင်ညွန့်အား ထိုးသွင်းခဲ့ကြောင်း၊ ထိုးသွင်းဒဏ်ရာရရှိ၍ ညည်းညူသံကြားသဖြင့် သွားရောက်စစ်ဆေးခဲ့ရာမှ ဒဏ်ရာဖြင့်လဲကျနေသည်ကို တွေ့ရှိ၍ တောင်ငူနည်းပညာပရဟိတ လူနာတင်ယာဉ်ဖြင့် တောင်ငူဆေးရုံသို့ ပို့ဆောင်ကုသစဉ် နံနက် ၄ နာရီကျော်ခန့်တွင် သေဆုံးသွားခဲ့ခြင်းဖြစ်ကြောင်း ရဲမှတ်တမ်းများအရ သိရသည်။

ယင်းဖြစ်စဉ်နှင့်ပတ်သက်ပြီး ကိုဝင်းမြင့် သေဆုံးခြင်းမှာ ဓမ္မတာအတိုင်းသေဆုံးခြင်း ဟုတ် မဟုတ် စစ်ဆေးနိုင်ရန် စခန်းမှူးရဲအုပ် အောင်လင်းမှ တရားလိုလုပ်ကာ သေမှုသေခင်း အမှတ်စဉ် (၂/၂၀၁၈)ဖြင့် အမှုဖွင့် စစ်ဆေးဆောင်ရွက်လျက်ရှိကြောင်း သိရသည်။

မိမိကိုယ်ကို အဆုံးစီရင်ခဲ့သူကိုဝင်းမြင့်မှာ ပြီးခဲ့သည့် ဧပြီ ၁၉၊ ၂၀၊ ၂၉ ရက်များတွင် အိမ်နီးချင်းဖြစ်သူ အသက် ၁၄ နှစ်အရွယ် မိန်းကလေးငယ်တစ်ဦးအား သားမယားပြုကျင့်ခဲ့ပြီးနောက် ထွက်ပြေးသွားခဲ့ရာ မေ ၁၁ ရက် နံနက်အစောပိုင်းတွင် မြို့သစ်နယ်မြေ ရဲစခန်းတာဝန်ရှိသူများက ၀င်းမြင့်အား ဖမ်းဆီးရမိခဲ့ပြီး ပုဒ်မ ၃၇၆ ဖြင့် အမှုဖွင့်အရေးယူကာ ရဲစခန်းတွင် ချုပ်နှောင်ထားစဉ် နှစ်ရက်ခန့်တွင် မိမိကိုယ်ကိုယ် အဆုံးစီရင်ခဲ့ခြင်းဖြစ်ကြောင်း ရဲမှတ်တမ်းများအရ သိရသည်။

မော်ဒယ်အမျိုးသမီးကို သားမယား နှစ်ကြိမ် ပြုကျင့်မှုဖြင့် အဆိုတော် အစ္စဏီကို တာမွေမြို့မရဲစခန်းတွင် အမှုဖွင့် ဖမ်းဆီး

ဓာတ်ပုံ – ပြည်ထဲရေးဝန်ကြီးဌာန

မော်ဒယ်အမျိုးသမီးကို သားမယား နှစ်ကြိမ် ပြုကျင့်မှုဖြင့် အဆိုတော် အစ္စဏီကို တာမွေမြို့မရဲစခန်းတွင် အမှုဖွင့် ဖမ်းဆီး ထားကြောင်း ပြည်ထဲရေးဝန်ကြီးဌာနက ဧပြီ ၁၃ ရက်တွင် သတင်းထုတ်ပြန်ထားသည်။

ဖြစ်စဉ်မှာ ၂၀၁၈ ခုနှစ်၊ ဧပြီလ ၁၁ ရက်နေ့ ၁၁ နာရီ အချိန် မော်ဒယ် မ—–(ခ)——-(၂၇)နှစ်သည် သူငယ်ချင်းများနှင့်အတူ ဆယ်လီအရက်ဘားသို့ရောက်ရှိနေစဉ် ဧပြီလ ၁၂ ရက် နံနက် ၂ နာရီ ၄၅ မိနစ်အချိန်၌ ရည်းစားဟောင်းဖြစ်သူ ဟန်ထွန်းဇော်(ခ) အစ္စဏီ(၃၂)နှစ်မှ ဘားအတွင်းဝင်ရောက် ပြဿနာ ရှာနေသဖြင့် မော်ဒယ် မ—–(ခ)——-မှ ၎င်းငှားရမ်းနေထိုင်သည့် တိုက်ခန်းသို့ ကားငှား၍ ပြန်လာခဲ့ရာ ဟန်ထွန်းဇော်(ခ)အစ္စဏီမှလည်း ၎င်းယာဉ်ဖြင့် အတူလိုက်ပါလာခဲ့ပါသည်။

နေအိမ်သို့အရောက်တွင် ဟန်ထွန်းဇော်(ခ) အစ္စဏီမှ မော်ဒယ် မ—–(ခ)——၏ အင်္ကျီအား အတင်းဆွဲချွတ်သဖြင့်ရုန်းကန်စဉ် ဦးခေါင်းဖြင့် မှန်ဗီဒိုအားတိုက်မိခဲ့၍ ဦးခေါင်း နာကျင်ခဲ့သည့် အပြင် တစ်ကိုယ်လုံးအား ဖျစ်ညှစ်ခြင်း၊ ယာလက်ညှိုး၊ လက်ခလယ်နှင့် လက်သူကြွယ်တို့၏ လက်သည်းခွံများကို လှန်ချိုးသဖြင့် နာကျင်၍သတိမေ့နေစဉ် သားမယားအဖြစ်နှစ်ကြိမ်ပြုကျင့်ခဲ့ကြောင်းနှင့် သတိပြန်ရလာစဉ် ပတ်ဝန်းကျင်အား အကူအညီတောင်းခံရန် ကြိုးစားခဲ့ရာ ဟန်ထွန်းဇော် (ခ) အစ္စဏီမှ ၎င်း၏ယာခြေထောက်အား ဗီဒိုမှန်ကွဲစဖြင့် ခြစ်ခဲ့၍ ပြတ်ရှဒဏ်ရာ (မစိုးရိမ်ရ) ရရှိခဲ့ ကြောင်း၊ ထို့နောက် မော်ဒယ် မ—–(ခ)——မှ အိမ်သာအသုံးပြုမည်ဟု အကြောင်းပြကာ အိမ်သာ တံခါးအား လော့ချပြီး သူငယ်ချင်းဖြစ်သူ မ——–ထံ ဖုန်းဖြင့် အကူအညီတောင်းခံခဲ့ရာ နံနက် ၅ နာရီ ၃၀ မိနစ်အချိန်တွင် မ——-နှင့် ရပ်ကွက်အုပ်ချုပ်ရေးအဖွဲ့များ ရောက်ရှိလာပြီး ၎င်းအားကယ်တင်နိုင် ခဲ့ကြောင်းနှင့် ဧပြီလ ၁၂ ရက်နေ့ ၁၀ နာရီ ၃၀ မိနစ်အချိန်တွင် မော်ဒယ် မ—–(ခ)——မှ တိုင်တန်းခဲ့ကြောင်း ထုတ်ပြန်ချက်တွင် ဖော်ပြထားသည်။

လက်ရှိတွင် ဟန်ထွန်းဇော် (ခ) အစ္စဏီ(ဖမ်းမိ)အား တာမွေမြို့မရဲစခန်းမှ (ပ)၃၆၂/၂၀၁၈၊ရာဇသတ်ကြီးပုဒ်မ ၃၇၆/၃၂၅/၃၂၄(မုဒိမ်းမှု/တုံးသော လက်နက်ဖြင့် ပြင်းထန်နာကျင်စေမှု/ချွန်သောလက်နက်ဖြင့် သာမန်နာကျင်စေမှု)ဖြင့် အမှုဖွင့် စစ်ဆေးလျက်ရှိကြောင်း ထုတ်ပြန်ချက်အရ သိရသည်။

မိတ္ထီလာမြို့ ရတနာမာရ်အောင်ရပ်ကွက်တွင် ခေတ္တလာရောက်နေထိုင်သော ဥာဏ်ရည်မမီ ကလေးငယ်တစ်ဦး သားမယားပြုကျင့်ခံရသဖြင့် အမှုဖွင့်

မိတ္ထီလာမြို့ ရတနာမာရ်အောင်ရပ်ကွက်နေ အဒေါ်ဖြစ်သူထံ ခေတ္တလာရောက်နေထိုင်သော ဥာဏ်ရည်မမီကလေးငယ် သားမယားပြုကျင့်ခံရသဖြင့် အမှုဖွင့်တိုင်ကြားမှုဖြစ်ပွားခဲ့ကြောင်း သိရသည်။

ဖြစ်စဉ်မှာ မတ် ၁၉ ရက် မွန်းလွဲပိုင်းက မိတ္ထီလာမြို့ ရတနာမာရ်အောင်ရပ်ကွက် နယ်မြေ (၅) နေ ဒေါ်….သည် ရပ်ကွက်အတွင်းရှိ ယိုထုတ်သည့်လုပ်ငန်းတွင် လုပ်ကိုင်နေစဉ် အိမ်နီးချင်းဖြစ်သူ မ….ရောက်ရှိလာပြီး ခေါ်ဆောင်သွားသဖြင့် လိုက်ပါသွားခဲ့ရာ အိမ်နီးချင်းနေအိမ်တွင် လွန်ခဲ့သောငါးလခန့်ကမှစ၍ လာရောက်နေထိုင်သော အတူနေတူမ မ….(၁၂ နှစ်၊ မွေးရာပါဥာဏ်ရည်မမီ) အားတွေ့ရှိသဖြင့် မ….အား အကျိုးအကြောင်းမေးမြန်းရာ ရပ်ကွက်အတွင်းရှိ အကင်ဆိုင်တွင် တစ်ဦးတည်းထိုင်နေစဉ် အမည်၊ နေရပ်လိပ်စာမသိ အမျိုးသားတစ်ဦးရောက်ရှိလာပြီး နေရာမမှတ်မိသော နေအိမ်တစ်လုံးအတွင်း ခေါ်ဆောင်ကာ သားမယားပြုကျင့်သဖြင့် နာကျင်နေကြောင်း ပြောကြားသဖြင့် တူမဖြစ်သူအား သားမယားအဖြစ်ပြုကျင့်ခဲ့သူ အမည်မသိအမျိုးသားအား အရေးယူပေးပါရန် မြို့မရဲစခန်းတွင် အဒေါ်ဖြစ်သူက တရားလိုပြုလုပ်တိုင်တန်းခဲ့ခြင်းဖြစ်ကြောင်း ကနဦးစစ်ဆေးချက်အရ သိရသည်။

“ကျူးလွန်ခံရတဲ့ ကလေးက ဥာဏ်ရည်မမီဘူးဗျာ။ ဒေသခံလည်းမဟုတ်ဘူး။ ရန်ကုန်ကနေ အဒေါ်ဆီလာနေတာ ခြောက်လလောက်ရှိပြီ။ ရပ်ကွက်ထဲလျှောက်သွားနေတာ မသင့်တော်ဘူးဆိုပြီး ဒီလကုန် ရန်ကုန်ပြန်ပို့မလို့ စီစဉ်နေတုန်းဖြစ်သွားတာ။ ဖြစ်စဉ်ကိုမေးတော့ အိမ်တစ်အိမ်ထဲ အရက်မူးနေတယ်ဆိုတာပဲ ပြောနေတယ်။ ကျွန်တော်တို့လည်း မုန့်ဝယ်ကျွေး၊ မုန့်ဖိုးပေး အမျိုးမျိုးချော့မေးတာပဲ။ ဒါပေမဲ့ သေသေချာချာမပြောနိုင်ဘူး ဖြစ်နေတယ်။ ဖြစ်စဉ်ကတော့ မှန်ကန်တယ်။ ကျူးလွန်တဲ့လူနဲ့နေရာကို ကွက်ကွက်ကွင်းကွင်း မပြောနိုင်တော့ ခက်နေတယ်။ အခုလက်ရှိ ကလေးရဲ့ကျန်းမာရေးအခြေအနေကတော့ မနေ့ည ၁၀ နာရီအထိ ခရိုင်ဆေးရုံကြီးမှာ စစ်ဆေးမှုတွေ လုပ်နေတယ်။ အသက်အန္တရာယ်တော့ စိုးရိမ်စရာမရှိပါဘူး” ဟု မိတ္ထီလာမြို့ ရတနာမာရ်အောင်ရပ်ကွက် အုပ်ချုပ်ရေးမှူး ဦးဇော်ကြီးက ပြောကြားသည်။

ဝမ်းတွင်းမြို့နယ် သခွတ်မြင့်ကျေးရွာတွင် တက္ကသိုလ်ဝင်တန်းကျောင်းသားက လေးနှစ်အရွယ် မိန်းကလေးအား သားမယားပြုကျင့်မှု ဖြစ်ပွား

ဝမ်းတွင်းမြို့နယ် သခွတ်မြင့်ကျေးရွာတွင် တက္ကသိုလ်ဝင်တန်းကျောင်းသားက လေးနှစ်အရွယ် ကလေးငယ်အား သားမယားပြုကျင့်မှုဖြစ်ပွားသဖြင့် အရေးယူပေးပါရန် တိုင်တန်းမှုဖြစ်ပွားခဲ့ကြောင်း သိရသည်။

မတ် ၂ ရက် နံနက်အရုဏ်တက်ချိန်တွင် ၀မ်းတွင်းမြို့နယ် သခွတ်မြင့်ကျေးရွာနေ မ—- (၃၅) နှစ်သည် ဆွမ်းချက်ရန် အိပ်ရာထစဉ် သမီးဖြစ်သူ မ—– လေးနှစ်မှ အိမ်သာတက်ချင်သဖြင့် လိုက်ပို့ပေးခဲ့စဉ် နာကျင်သည်ဟုပြော၍ စစ်ဆေးခဲ့ရာ ဒဏ်ရာများတွေ့ရှိရသဖြင့် မေးမြန်းခဲ့ပြီး မတ် ၁ ရက်က တစ်ရွာတည်းနေ မောင်—-(၁၅) နှစ် တက္ကသိုလ်ဝင်တန်းကျောင်းသား၏ အဘိုးအဘွားနေအိမ်အတွင်း ဒန်းသွားစီးစဉ် မောင်—— က နေအိမ်အနောက်ခန်းအတွင်းခေါ်ကာ သားမယားပြုကျင့်ခဲ့ကြောင်း ပြောသဖြင့် မိခင်ဖြစ်သူက ရွှေတောင်နယ်မြေ ရဲစခန်းတွင် မောင်——အား အရေးယူပေးပါရန် တရားလိုပြုလုပ် တိုင်တန်းခဲ့ခြင်းဖြစ်ကြောင်း ကနဦးစစ်ဆေးချက်အရ သိရသည်။

“အသက်မပြည့်သေးတဲ့ ကောင်လေးကို မန္တလေး လူငယ်လေ့ကျင့်ရေးသင်တန်းကျောင်းမှာ တရားသူကြီးအမိန့်အရ သွားပို့ထားပါတယ်။ ကောင်လေးကတစ်ရွာတည်း နေတဲ့ကောင်မလေးကို ကျူးလွန်လိုက်တာပါ။ ကောင်လေးက ငယ်စဉ်ကတည်းက အဘိုးအဘွားနဲ့ပဲ နေတာပါ။ ကလေးမလေးရဲ့ ကျန်းမာရေးအခြေအနေ ကောင်းပါတယ်။ စိုးရိမ်စရာ မရှိပါဘူး။ အခြားတော့ ပြောစရာမရှိသေးပါဘူး” ဟု ရွှေတောင်ရဲစခန်းမှ စခန်းမှူးရဲအုပ်ဘုန်းကျော်က မတ် ၄ ရက် နံနက်ပိုင်းက ပြောကြားသည်။

“အခု ဒီလပိုင်းထဲမှာပဲ မိတ္ထီလာနားက ကျေးရွာမှာ အသက်(၁၁)နှစ်ကလေးကို န၀မတန်းကျောင်းသားက သားမယားပြုကျင့်မှု ဖြစ်ပွားခဲ့တယ်။ အခုတစ်ခါ ၀မ်းတွင်းမြို့နယ် ထဲကကျေးရွာမှာ လေးနှစ်သမီးကို တက္ကသိုလ် ၀င်တန်းကျောင်းသားက သားမယားကျင့်မှု ဖြစ်တယ်။ ဒီဖြစ်စဉ်တွေကို လေ့လာကြည့်တော့ သားသမီးတွေကို အင်တာနက်တွေ ပေးသုံးတယ်။ ဖုန်းထဲကနေ မကောင်းတဲ့ဟာ တွေကြည့်ပြီး လက်တည့်စမ်းလိုက်တယ်။ ဒီသဘောလေးတွေ သွားတွေ့ရတယ်။ အစိုးရအနေနဲ့ ဖုန်းဆိုင်တွေကနေ ညစ်ညမ်းကား တွေ ၁၀၀၀ ဖိုးသုံးပုဒ် ကူးပေးနေတာတွေ၊ Facebook ၊ အင်တာနက်ဝက်ဘ်ဆိုက်တွေ ကနေ ညစ်ညမ်းကားတွေ ကြည့်နေတာတွေကို တားဆီးဖို့ နည်းလမ်းတစ်ခုခုရှာသင့်ပြီ။ နောက်တစ်ခုက ယောက်ျားလေးတွေက လက်တည့်စမ်းချင်တဲ့အရွယ် လိင်ပညာပေးတွေ ထိထိရောက်ရောက် မလုပ်နိုင်တော့ နှစ်ဖက်စလုံး ဒုက္ခရောက်ကုန်ကြပြီ” ဟု မိတ္ထီလာမြို့ နန်းတော်ကုန်းရပ်ကွက်တွင် နေထိုင်သူတစ်ဦးက ပြောကြားသည်။

အဆိုပါအမှုအား ၀မ်းတွင်းမြို့နယ် ရွှေတောင်ရဲစခန်းမှ (ပ)၁၅/ ၂၀၁၈ ရာဇသတ် ကြီးပုဒ်မ ၃၇၆/ ၃၇၃ ဖြင့်အမှုဖွင့်စစ်ဆေးလျက်ရှိကြောင်း သိရသည်။

ဗိုလ်တထောင်မြို့နယ်ရှိ ဆောက်လက်စ တိုက်အတွင်း အသက် ၅၅ နှစ်အရွယ် အမျိုးသမီးအား သားမယားပြုကျင့်ပြီး ငွေနှင့် ရွှေထည်များ လုယူသွားသူကို ဖမ်းဆီးရမိ

Photo: Yangon Police

ဗိုလ်တထောင်မြို့နယ်အတွင်းရှိ ဆောက်လက်စတိုက်အတွင်း အသက် ၅၅ နှစ်အရွယ် အမျိုးသမီးအား သားမယားပြုကျင့်ပြီး ငွေနှင့် ရွှေထည်များ လုယူသွားသူကို ဖမ်းဆီးရမိခဲ့ကြောင်း သက်ဆိုင်ရာရဲစခန်းမှ စုံစမ်းသိရသည်။

အဆိုပါ အမျိုးသားမှာ အသက် ၂၅ နှစ် ၀န်းကျင်ရှိပြီး ၎င်းအား အခင်းဖြစ်ပွားပြီး တစ်ရက်အကြာတွင် ပုဇွန်တောင်မြို့နယ်၌ ဖမ်းဆီးရမိခဲ့ခြင်း ဖြစ်သည်။

ဖြစ်စဉ်မှာ ဖေဖော်ဝါရီ ၁၃ ရက်၊ မွန်း လွဲ ၂ နာရီတွင် ဗိုလ်တထောင်မြို့နယ်၊ ၄၂ လမ်း၊ အမှတ် ၁၅ ရှိ ဆောက်လက်စ တိုက်တွင် နေထိုင်သည့် ဒေါ်… ၅၅ နှစ်သည် အဆိုပါတိုက်၏ ပထမထပ်တွင် ရှိနေစဉ် အမည်မသိ အမျိုးသားတစ်ဦး ရောက်ရှိလာခဲ့ကြောင်း၊ အဆိုပါ အမျိုးသားက အလုပ်လာရှာခြင်းဖြစ်ကြောင်း ပြောဆိုသဖြင့် ဒေါ် ….က ယင်းအမျိုးသားအား ဆက်လက် စကားပြောနေခဲ့ကြောင်း၊ ယင်းသို့ စကားပြောနေစဉ် အဆိုပါ အမျိုးသားက ဒေါ်…. အား ပိုက်ဆံထုတ်ပေးရန်နှင့် မပေးပါက “မုဒိမ်းကျင့်မယ်၊ ထောင်က ထွက်လာတာ”ဟု ပြောဆို၍ ဒေါ် ….မှာ ပိုက်ဆံ နှစ်သိန်း ထုတ်ပေးခဲ့ကြောင်း၊ ဒေါ်… ၀တ်ဆင်ထားသည့် ကျောက်ဖြူ နားကပ်အား ယင်းအမျိုးသားက ထပ်မံတောင်း၍ ချွတ်ပေးခဲ့ရကြောင်း သိရသည်။

“ကျုးလွန်ခံရတဲ့ အမျိုးသမီးက အဲဒီ ဆောက်လက်စတိုက် ပထမထပ်မှာ။ သူ့သား တစ်ယောက်နဲ့ အလုပ်သမားတစ်ယောက်က ခြောက်လွှာမှာ အုတ်စီ အချောသတ်လုပ်ငန်း လုပ်နေတာ။ ကျုးလွန်သူက ငွေကို တောင်းတော့ အဲဒီအမျိုးသမီးက ပေးတယ်။ ပြီးတော့ နားကပ်ကို ထပ်တောင်းတယ်။ အခင်းဖြစ်တယ်ကြားလို့ ကျွန်တော်တို့ သွားကြည့်တော့ အမျိုးသမီးက ရင်လျားနဲ့။ အင်္ကျီကလည်း ဖြဲခံထားရတယ်။ ပြီးတော့ ပါးစပ်ထဲကိုလည်း အ၀တ်စတွေ ထည့်ထားတယ်။ လည်ပင်းကို ပုဆိုးပိုင်းနဲ့တုတ်ပြီး သားမယားပြုကျင့်တာပါ။ သူ့ကိုတော့ အခင်းဖြစ်တဲ့လမ်းမှာ တပ်ထားတဲ့ စီစီတီဗီမှတ်တမ်းကနေ ခြေရာခံ လိုက်ဖမ်းဆီးတာပါ။ သူက ပြစ်မှုမကျူးလွန်ခင်တုန်းက အဲဒီလမ်းထဲက အရက်ဆိုင်မှာ ထိုင်သောက်တယ်။ ပြီးမှ ထလာပြီး အခုလိုကျုးလွန်တာပါ။ အခင်းဖြစ်ပွားတဲ့ တိုက်ရှေ့မှာလည်း ကွမ်းယာဆိုင် တစ်ဆိုင်ရှိပါတယ်။ ဖြစ်သွားချိန်က မိနစ် ၄၀ ကျော်လောက်ပဲ ကြာလိုက်မယ်”ဟု ဗိုလ်တထောင်မြို့နယ်၊ အမှတ် (၇) ရပ်ကွက်မှ အုပ် ချုပ်ရေးမှူး ဦးသန်းဝင်းက ပြောကြားသည်။

ဖြစ်စဉ်အား ဗိုလ်တထောင်မြို့မ ရဲစခန်းက (ပ) ၆၃/၂၀၁၈၊ ရာဇသတ်ကြီးပုဒ်မ -၃၇၆/၃၈၄ဖြင့် ဖမ်းဆီး အမှုဖွင့် စစ်ဆေးနေသည်။

သမီးအရင်းကို သားမယားအဖြစ် အကြိမ်ကြိမ် ပြုကျင့်သည့် ဖခင်အား ဘားအံခရိုင်တရားရုံးက အလုပ်နှင့် ထောင်ဒဏ် နှစ် ၂၀ ချမှတ်

သမီးအရင်းကို သားမယား အကြိမ်ကြိမ် ပြုကျင့်ခဲ့သည့် ဖခင်အား အောက်တိုဘာ ၂၄ ရက်က ဘားအံခရိုင် တရားရုံးမှ အလုပ်နှင့် ထောင်ဒဏ် နှစ်၂၀ ချမှတ်ခဲ့ကြောင်း သိရသည်။

ဖြစ်စဉ်မှာ ဘားအံမြို့နယ် သံလွင်မြစ် အနောက်ခြမ်း လှာကာကျေးရွာအုပ်စု —- ကျေးရွာတွင်နေထိုင်သည့် တရားလို ကို —-  (၁၇ နှစ်) သည် သြဂုတ် ၃၁ ရက် ညနေ ၄ နာရီတွင် ငါးဖမ်းရာမှအိမ်သို့ ပြန်လာစဉ် အတူနေထိုင်သော ၎င်း၏ညီမ မ—-  (၁၄ နှစ်) မှ သားမယားအဖြစ် ပြုကျင့်ခံရကြောင်း ပြောပြသဖြင့် ဆက်လက် မေးမြန်းရာ သူမအား သြဂုတ် ၁၇ ရက်က ဖခင်ဖြစ်သူ ဦးကြည်လွင်က နင်းနှိပ်ခိုင်းသဖြင့် နင်းနှိပ်အပြီး အိပ်ရာဝင်ခဲ့ကြောင်း၊ မိနစ်အနည်းငယ် အကြာတွင် ဦးကြည်လွင်က လာနှိုးပြီး သားမယား ပြုကျင့်ခဲ့ကြောင်း သိရသည်။

ထိုသို့ပြုလုပ်ခြင်းကို အခြားလူများကို တိုင်ပြောပါက သတ်ပစ်မည်ဟု ဦးကြည်လွင်က ခြိမ်းခြောက် ပြောဆိုသဖြင့် မည်သူ့ကိုမျှ မပြောခဲ့ကြောင်း၊ တရားလို—-နှင့် ညီမ ဖြစ်သူမ —– တို့၏မိခင်မှာ ဖေဖော်ဝါရီက သံလွင်မြစ်ကမ်း ကျုံပိုက်ကျေးရွာ မြစ်ကမ်းထိန်းနံရံ တည်ဆောက်စဉ် မြေပိသေဆုံးခဲ့သူ ဖြစ်ကြောင်း သိရသည်။

ဖြစ်စဉ်နှင့် ပတ်သက်၍ ဦးကြည်လွင် (၅၉ နှစ်) အား ဘားအံမြို့မရဲစခန်း စခန်းမှူး တင်မောင်ဦးက စက်တင်ဘာ ၂၇ ရက်တွင် စွဲချက်အမှတ် ၁၃၅၈/၂၀၁၇ဖြင့် ဘားအံခရိုင် တရားရုံးသို့ တရားစွဲ တင်ပို့ခဲ့ခြင်းဖြစ်ကြောင်း သိရသည်။