မြန်မာစိန်တလုံး သရက်သီးကို ဈေးကွက်သစ်အနေဖြင့် တောင်ကိုရီးယားနိုင်ငံက သရက်သီးအနှစ် ထုတ်လုပ်ရန် ၀ယ်ယူနေ

မြန်မာ့သရက်သီးများကို ဈေးကွက်တင်ပို့ရန် ပြင်ဆင်နေစဉ်

မြန်မာစိန်တလုံးသရက်သီး လက်ရှိတင်ပို့နေတဲ့ စင်ကာပူ၊ ထိုင်း၊ ဒူဘိုင်း၊ ဂျာမနီ၊ တရုတ်အပြင် တောင်ကိုရီးယာက သရက်သီးအနစ် ထုတ်လုပ်ဖို့ ၀ယ်ယူနေသည်ဟု မြန်မာ့သရက်ဈေးကွက်နှင့် နည်းပညာဖွံ့ဖြိုးတိုးတက်ရေးအသင်း အတွင်းရေးမှူး ဦးကျော်စိုးနိုင်က ပြောကြားသည်။

“ကုမ္ပဏီတွေက စ၀ယ်နေကြပြီး အေးဂျင့်တွေကလည်း ၀ယ်လာကြပြီး ဈေးကွက်အနေနဲ့က ခိုင်မာလာတယ်။ ပြည်တွင်းမှာလည်း တရုတ်ဈေးကွက်က လာဝယ်နေကြပြီး သရက်စိုက်တဲ့ဒေသတွေမှာ ခြံထဲလာဝယ်နေကြတယ်။ ဈေးကွက်က ပြည်တွင်းဈေးကွက်၊ တရုတ်ဈေးကွက် နောက်အိတ်စ်ပို့ရယ် သုံးခုအပြိုင်ရှိတော့ ဈေးကွက်ကသာ လာစရာရှိတယ်။ သရက်သီးကို ဒီနှစ်အလုံး လိုက်ပို့တာရယ်၊ အစိမ်းပို့တာ စင်ကာပူ၊ ရုရှားရယ်ပို့တယ်။ ကိုရီးယားကနေ သရက်သီး ၀ယ်ချင်ပါတယ်။ Fresh Fruit ပေါ့။ အနှစ်ဈေးကွက်က ကိုရီးယားဈေးကွက်ပေါ့။ နေပြည်တော်မှာလည်း ကိုရီးယားက အနှစ်လုပ်တဲ့စက် ထိုင်ထားတာဆိုတော့ အဲဒီမှာလည်း ၀ယ်ကြတယ်။ ကိုရီးယားမှာ အနှစ်ထုတ်လုပ်ဖို့အတွက် ၀ယ်ကြတာရှိတယ်။ ပြီးခဲ့တဲ့နှစ်တုန်းက လေတိုက်သွားတဲ့အတွက် ပျက်စီးတာများတယ်။ စစ်ကိုင်းတိုင်း ကျောက်ဆည်နယ်ဘက်တွေမှာ ဆုံးရှုံးမှုများတယ်။ အဲဒီတော့ ကျန်သရက်ကတော့ အရည်အသွေးကောင်းကောင်းနဲ့ ဈေးကောင်းရမယ်လို့ မြင်တယ်” ဟု ကိုကျော်စိုးနိုင်က ဆိုသည်။

အဆိုပါ သရက်သီးတင်ပို့မူတွင် တရုတ်ကို မူဆယ်လမ်းကြောင်းမှတစ်ဆင့် တင်ပို့ပြီး ၂၀၁၇ သရက်ရာသီတွင် သရက်သီးတန်ချိန် နှစ်သိန်းနီးပါးတင်ပို့ခဲ့ပြီး ဈေးနှုန်းအမြင့်ဆုံးမှာ တစ်ဖာလျှင် ယွမ် ၁၇၀ ရပြီး အနိမ့်ဆုံးဈေးမှာ တစ်ဖာလျှင် ၈၀ အထိရကြောင်း သိရသည်။ တရုတ်ပြည်ပို့ခဲ့သည့်အထဲမှာ စိန်တလုံး၊ ဟင်္သာရင်ကွဲအပြင် မယ်သီဆင်ပေါင် သရက်မျိုးတွေပါ စမ်းပြီးပို့နေကြောင်း၊ အဓိကပို့နေသည်မှာ စိန်တလုံးသရက်ဖြစ်ကြောင်း သိရသည်။ ယခင်နှစ်များက ရာသီဥတုဖောက်ပြန်မူကြောင့် စိန်တလုံးသရက်သီး ပို့နှုန်းကျခဲ့ကြောင်း၊ စင်ကာပူက အမြဲတမ်းအမှာရှိပြီး တစ်တန်ကို ကွာလတီအကောင်းဆုံးဆို ၁၅ သိန်းရပြီး အနိမ့်ဆုံးဈေး ၁၀ သိန်း ၀န်းကျင်ရကြောင်း သိရသည်။ စင်ကာပူကို တင်ပို့ရာတွင် အသီး၏ ကွာလတီကို အထူးဂရုစိုက်ပို့ရသောကြောင့် လိုသလောက်မရတာတွေရှိကြောင်း သိရသည်။

၂၀၁၇-၂၀၁၈ တွင် သရက်သီးစိုက် တောင်သူတွေ သရက်သီးကို အရင်နှစ်တွေကထက် အသီးကွာလတီကောင်းအောင် ပြင်ဆင်ထားကြသည်ဟု သရက်စိုက် တောင်သူများထံမှ သိရသည်။

မြန်မာသရက်မျိုးဖြစ်သည့် ဟန်မြင်းမိုရ် စိန်တလုံးသရက်မျိုးကို မြန်မာမျိုးရင်းဖြစ်ကြောင်း မှတ်ပုံတင်ရန် ပြင်ဆင်နေကြကြောင်း သိရသည်။ မြန်မာနိုင်ငံတွင် နှစ်စဉ် သရက်စိုက်ဧက တစ်သိန်းခန့် တိုးတက်လျက်ရှိပြီး မန္တလေးတိုင်းဒေသကြီးတွင် ယခုနှစ်၌ သရက်စိုက်ဧက တစ်သိန်းခန့်ရှိကြောင်း မြန်မာ့သရက်ဈေးကွက်နှင့် နည်းပညာဖွံ့ဖြိုးတိုးတက်ရေးအသင်းထံမှ သိရသည်။

မြန်မာသရက်ဈေးကွက် ရေရှည်တည်မြဲရန် သရက်သီး ရင့်မှည့်ချိန်ရက်ကို သုတေသနပြု လုပ်ဆောင်မည်

မြန်မာနိုင်ငံမှထွက်ရှိသည့် စိန်တလုံး သရက်သီး အပါအ၀င် အခြားသရက်သီးများကို ရင့်မှည့်ချိန်မဟုတ်ဘဲ ခူးယူ၍ ပြည်ပတင်ပို့ရောင်းချမူကြောင့် မြန်မာသရက်ဈေးကွက်ကြာရင် ထိခိုက်လာနိုင်သော်ကြောင့် မြန်မာသရက်ဈေးကွက် ရေရှည်တည်မြဲရန်အတွက် သရက်သီး ရင့်မှည့်ချိန်ရက်ကို သုတေသနပြု လုပ်ဆောင်မည်ဟု မြန်မာသရက်ဈေးကွက်နှင့် နည်းပညာဖွံ့ဖြိုးတိုးတက်ရေး အသင်းထံမှ သိရသည်။

အဆိုပါ သရက်သီးများ မရင့်မှည့်ဘဲ ပြည်ပတင်ပို့ရောင်းချမူကြောင့် ယမန်နှစ်က မြန်မာစိန်တလုံး သရက်ချဉ်ပါသည်ဟု ပြဿနာ ရှိခဲ့ဖူးကြောင်း၊ ယခုနှစ်တွင်လည်း သရက်နှင့်ပတ်သက်ပြီး မူဆယ်ကုန်စည်ဒိုင် အသင်းကနေ ဧပြီ ၁၅ ရက်နောက်ပိုင်းမှ ပြည်ပတင်ပို့ရောင်းချရန် ကြေညာချက်ထုတ် မေတ္တာရပ်ခံထားသည်။ စိန်တလုံးရင့် မှည့်ရက်ကို တိတိကျကျ မဟုတ်သော်လည်း အများစု ရင့်မှည့်ရက်ရောက်ရန် လိုပါကြောင်း၊ အကယ်၍ မရင့်သောအသီးများ ပို့ပါများလာလျှင် မြန်မာသရက်သီး နာမည်ပျက်သွားပြီး နောက်ဆုံး ပြည်ပပို့ကုန်အိတ်စ်ပို့ဈေးကွက်ပါ ပျက်စီးသွားနိုင်သည့်အတွက် သရက်သီး မည်သည့်ရက်ပိုင်းတွင် အများဆုံးရင့်သည်နှင့် ပတ်သက်ပြီးသိဖို့ မြန်မာနိုင်ငံ နယ်ပေါင်းစုံမှာရှိတဲ့ အသင်းဝင်တွေ ပူးပေါင်းပြီး ဧပြီ ၂၀ ရက်ကစပြီး သုတေသန ပြုလုပ်သွားမည်ဟု မြန်မာသရက်ဈေးကွက်နှင့် နည်းပညာ ဖွံ့ဖြိုးတိုးတက်ရေးအသင်းဥက္ကဋ္ဌ ဦးကိုကိုက ပြောကြားသည်။

“ဘာကြောင့် ပျက်စီးသွားနိုင်လဲဆိုတော့ ကျွန်တော်တို့ မြန်မာနိုင်ငံရဲ့သရက်စိုက်ပျိုးထုတ်လုပ်တာက ကမ္ဘာ့ ၁၀ နိုင်ငံထဲမှာ မပါဝင်သေးပါဘူး။ ဒါပေမဲ့ မြန်မာနိုင်ငံရဲ့ သရက်စိုက်ဧကတွေက တိုးချဲ့နေတာဖြစ်တယ်။ ၂၀၀၉-၂၀၁၇ ခုနစ်အထိ စာရင်းဇယားတွေအရ သရက်စိုက်ဧက ၆၀၀၀၀ ကျော်လောက် တိုးတက်လာတယ်။ နောင်အလာလားတွေအရ သရက်သီးထွက်နှုန်းတွေကလည်း အများကြီး ရှိနေတယ်။ ကျွန်တော်တို့ စိန်တလုံးသရက်သီး မကောင်းဘူး။ နာမည်ပျက်လို့ မရပါဘူး။ မကောင်းဘူးဆိုတဲ့ နာမည်မျိုးနဲ့ ပိတ်ပင်ခံရမျိုးဖြစ်လို့ မရသေးဘူး။ ကျွန်တော်တို့ အသင်းအနေနဲ့လုပ်ဖို့ ရည်ရွယ်ထားပါတယ်။ ဧပြီ ၁၀ ရက်၊ ဧပြီ ၁၅ ရက်၊ ဧပြီ ၂၀ ရက်၊ ဧပြီ ၂၅ ရက်စသဖြင့် နယ်ပေါင်းစုံမှာရှိတဲ့ အဓိက စိန်တလုံးသရက်သီးတွေကို ခူးပြီး ရင့် မရင့် စမ်းမယ်။ အဲဒီလို စမ်းသပ်တဲ့အခါမှာ နယ်ပေါင်းစုံကနေ ဘယ်ရက်မှာ သရက်သီးက ရင့်မှည့်တာမျိုး ရာခိုင်နှုန်းများတဲ့ ကာလလေးတစ်ခု ပေါ်လိမ့်မည့်လို့ ရည်ရွယ်ပါတယ်။ အဲဒီလို့ ရည်ရွယ် လုပ်ဆောင်လို့ နောင်မှာ သုသေတန တွေ့ရှိချက်အရ ဥပမာပေါ့ ဧပြီ ၂၀ ရက်ဝန်းကျင်မှ ရင့်မှည့်လာတယ်ဆိုရင် ကျွန်တော်တို့ ကုန်စည်ဒိုင်နဲ့ ခြံရှင်တွေ ညှိနှိုင်းပြီး ဧပြီ ၂၀ ရက်ထက်စောပြီး မရောင်းဖို့ ဆိုတာမျိုး သတ်မှတ်နိုင်ပါတယ်” ဟု မြန်မာသရက်ဈေးကွက်နှင့် နည်းပညာဖွံ့ဖြိုးတိုးတက်ရေးအသင်း ဥက္ကဋ္ဌ ဦးကိုကိုက ဆက်လက်ပြောကြားသည်။

မြန်မာ့သရက်ဈေးကွက်နှင့် နည်းပညာဖွံ့ဖြိုးတိုးတက်ရေးအသင်း အနေဖြင့် သရက်စိုက်ပျိုးတောင်သူများအား မြေယာပြုပြင်ခြင်းနှင့် မြေသြဇာများအကြောင်း၊ အပင်ပိုးမွှားများနှင့် ပိုးသတ်ဆေးများအကြောင်း၊ အပင်ရောဂါနှင့် ကုသနည်းများအကြောင်း၊ GAP (စိုက်ပျိုးရေးဆိုင်ရာ အလေ့ကျင့်ကောင်းများ)၊ ရိတ်သိမ်းချိန်လွန် သရက်သီး အသီးတင် အသီးများစေရန် နည်းပညာများ အကြောင်းတို့ကို သင်တန်းများပို့ချပေးလျက်ရှိပြီး စိန်တစ်လုံးသရက်မျိုးကွဲများ၊ ထွက်နှုန်းများ သိရှိနိုင်အောင် အသင်းသားများ ထည့်ဝင်ငွေဖြင့် ရန်ပုံငွေ တည်ထောင်ခဲ့ပြီး ယခုနှစ် သရက်သီးရာသီမှစတင်၍ သုတေသန ပြုလုပ်နေသည်ဟု အဆိုပါအသင်းမှ သိရသည်။