ရန်ကုန်မြို့တွင်း တစ်ကီလိုမီတာအတွက် ကုန်စည်သယ်ယူပို့ဆောင်ရေး စရိတ်သည် စိုက်ပျိုးထုတ်လုပ်ရာ မူရင်းဒေသမှ ရန်ကုန်မြို့သို့ ရောက်ရှိသည့် တစ်ကီလိုမီတာအတွက် ကျသင့်သော သယ်ယူပို့ဆောင်ရေး စရိတ်ထက် ခြောက်ဆမှ ရှစ်ဆအထိ များနေ

ရန်ကုန်မြို့ ကမ်းနားလမ်းတွင် ကုန်သေတ္တာယာဉ်များ သွားလာနေသည်ကို တွေ့ရစဉ် (ဓာတ်ပုံ-ကြည်နိုင်)

ရန်ကုန်မြို့အတွင်း တစ်ကီလိုမီတာအတွက် ကုန်စည်သယ်ယူပို့ဆောင်ရေး စရိတ်သည် စိုက်ပျိုးထုတ်လုပ်ရာ မူရင်းဒေသမှ ရန်ကုန်မြို့သို့ရောက်ရှိသည့် တစ်ကီလိုမီတာအတွက် ကျသင့်သော သယ်ယူပို့ဆောင်ရေး စရိတ်ထက် ခြောက်ဆမှ ရှစ်ဆအထိ များပြားနေကြောင်း ကမ္ဘာ့ဘဏ်အဖွဲ့၏ ကုန်သွယ်ရေးနှင့် ယှဉ်ပြိုင်နိုင်စွမ်းကဏ္ဍမှ  အထောက်အပံ့ပြုထားသော စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ပြန်တမ်းဝင် အရာရှိများ ပြုစုထားသည့် မြန်မာနိုင်ငံ၏ အဓိကပြည်ပပို့ကုန်ဖြစ်သော ပဲတီစိမ်း၊ မတ်ပဲ၊ ပဲစင်းငုံ၊ ကုလားပဲတို့နှင့် စပ်လျဉ်း၍ အမျိုးသား ကုန်သွယ်ရေး လမ်းကြောင်းတစ်လျှောက် ထောက်ပံ့ပို့ဆောင်ရေး လုပ်ဆောင်မှုအား လေ့လာအကဲဖြတ်ခြင်း စာတမ်းတွင် သုံးသပ်ထားသည်။

ရန်ကုန်မြို့တွင်း ပျမ်းမျှကုန်သေတ္တာတင်ယာဉ် မောင်းနှင်မှုနှုန်းသည် သိသိသာသာ နှေးကွေးသည့်အပြင် ငါးဈေးအနီးနှင့် ပင်လယ်ဆိပ်ကမ်းအနီး နေရာများတွင် ယာဉ်သွားလမ်း ပိတ်ဆို့မှုများသဖြင့် ပြည်ပပို့ကုန် လုပ်ငန်းရှင်များသည် မောင်းနှင်ချိန်နှင့် ပတ်သက်၍ မရေရာ မသေချာမှုများ တွေ့ကြုံရသဖြင့် ထိခိုက်နစ်နာ လျက်ရှိသည်။

မုံရွာ၊ ရွှေဘို၊ ပဲခူးမြို့များနှင့် ရန်ကုန်မြို့အကြား သွားလာရာ အမျိုးသား ကုန်သွယ်ရေးလမ်း တစ်လျှောက်နှင့် ရန်ကုန်မြို့အနီး အနားရှိ စက်မှုဇုန်များမှ သင်္ဘောဆိပ်များသို့သွားရာ လမ်းတစ်လျှောက်တွင် ရပ်နားချိန် မပါဘဲ သယ်ယူပို့ဆောင်ရေး သက်သက်အတွက် ကြာသည့်အချိန်သည် ခရီးစဉ်အစမှ အဆုံးအထိ သွားလာလျှင် ကြာသည့်အချိန် စုစုပေါင်း ၇၄ ရာခိုင်နှုန်းမှ ၉၁ ရာခိုင်နှုန်းအထိ အသီးသီးရှိသည်။ ခရီးစဉ်အစမှ အဆုံးအထိ ကြာမြင့်ချိန် စုစုပေါင်း၏ ရှစ်ရာခိုင်နှုန်းမှ ၂၆ ရာခိုင်နှုန်းအထိသည် လမ်းတံတား ဖြတ်သန်းမှုအတွက် အသုံးပြုခ ပေးဆောင်ခြင်း၊ ဘီးခွန်ဆောင်ခြင်း၊ လက်မှတ်ဖြတ်ပိုင်း ပြသရန်တို့အတွက် လမ်းအသုံးပြုခ ကောက်ခံသော ဂိတ်စခန်းများ၌ စောင့်ဆိုင်းရသည့် အချိန်များဖြစ်သည်။

အဝေးပြေးလမ်းရှိ လမ်းအသုံးပြုခ ကောက်ခံသော ဂိတ်စခန်းအချို့တွင် ကုန်တင်ကားများသည် ပျမ်းမျှအားဖြင့် မိနစ် ၃၀ ခန့် ကြာသည်အထိ စောင့်ဆိုင်းရလေ့ရှိပြီး ရန်ကုန်-မန္တလေး အဝေးပြေးလမ်းမ တစ်လျှောက်ရှိ ဖြတ်သန်းခ ကောက်ခံသည့် ဂိတ်စခန်းများ အားလုံးကို ဖယ်ရှားလိုက်မည် ဆိုပါက သယ်ယူပို့ဆောင်ရေးအတွက် ကြာမြင့်ချိန်သည် ငါးနာရီမှ ခြောက်နာရီခန့်အထိ လျော့နည်းသက်သာ သွားလိမ့်မည်ဟု ခန့်မှန်းထားသည်။

ထောက်ပံ့ပို့ဆောင်ရေးနှင့် ပတ်သက်၍ အလွန်အရေးပါသော အကြောင်းကိစ္စများကို ရန်ကုန်တိုင်းဒေသကြီးတွင်သာ တွေ့ရှိရပြီး ပထမအချက်မှာ ရန်ကုန်တိုင်းဒေသကြီး အစိုးရက ပြည်ပပို့ကုန်နှင့် သွင်းကုန်များ သယ်ယူပို့ဆောင်သည့် ကုန်သေတ္တာယာဉ်များအား ရန်ကုန်မြို့၏ မြို့တွင်းလမ်းများတွင် ည ၈ နာရီ၊ ၉ နာရီမှ နံနက် ၆ နာရီအတွင်းသာ အသုံးပြုရန် ကန့်သတ်ထားခြင်း၏ အကျိုးသက်ရောက်မှုများ ဖြစ်သည်။ ယင်းကဲ့သို့ အချိန်ကန့်သတ်ချက်များ ရှိနေခြင်းသည် သယ်ယူပို့ဆောင်ရေးနှင့် ကုန်ပစ္စည်းရောင်း ၀ယ်ဖောက်ကားရေးတို့နှင့် သက်ဆိုင်သော ကုန်ကျစရိတ်များကို ပိုမိုမြင့်မားလာစေပြီး ၎င်းအချက်က စိုက်ပျိုးသူ တောင်သူများနှင့် ၀ယ်ယူစားသုံးသူများအား သွယ်ဝိုက်သောနည်းဖြင့် ဆိုးကျိုးသက်ရောက်မှု ရှိစေခြင်း ဖြစ်သည်။

ဒုတိယအချက်မှာ နိုင်ငံခြားပို့ကုန်များအား အကောက်ခွန် စစ်ဆေးမှု မပြုလုပ်မီ ပင်လယ်ကူး သင်္ဘောဆိပ်ကမ်းတွင် စောင့်ဆိုင်းနေရသော အချိန်သည် ၎င်းဆိပ်ကမ်းတွင်  အမျိုးမျိုးသော လုပ်ဆောင်မှုများ အားလုံး လုပ်ဆောင်ရန် ကြာမြင့်ချိန် စုစုပေါင်း၏ ၃၇ ရာခိုင်နှုန်း အထိရှိနေပြီး အကောက်ခွန်စစ်ဆေးခြင်း၊ အခြားထောက်ပံ့ ပို့ဆောင်မှုနှင့် ၀န်ဆောင်မှုများသည်လည်း အရေးပါလျက်ရှိကာ ကုန်သေတ္တာမချမီ စောင့်ဆိုင်းချိန်သည် ကြာမြင့်ချိန် စုစုပေါင်း၏ ၁၂ ရာခိုင်နှုန်း ရှိကြောင်း သိရသည်။

နောက်ဆုံးအချက်မှာ ရန်ကုန်မြို့တွင်း ထောက်ပံ့ပို့ဆောင်ရေး စနစ်သည် ယုံကြည်အားထားရမှု မရှိသည့်အတွက် ကုန်ကျစရိတ် တိုးမြင့်စေသည်သာမက တစ်ကီလိုမီတာတွင် ပျမ်းမျှကုန်သေတ္တာတင်ယာဉ် မောင်းနှင်နိုင်မှု အမြန်နှုန်းကိုလည်း လျော့ကျစေပြီး ကုန်သွယ်ရေး လုပ်ငန်းများအတွက် စက်မှုဇုန်များ၊ ကုန်သေတ္တာစခန်းများ၊ ဆိပ်ကမ်း၊ ထောက်ပံ့ပို့ဆောင်ရေးအတွက် လိုအပ်သည့် အခြေခံ အဆောက်အအုံ ပံ့ပိုးမှုများနှင့် စည်းမျဉ်းစည်းကမ်းများတွင် အခက်အခဲများ ဖြစ်ပေါ်နေခြင်းဖြစ်ကြောင်း ယင်းစာတမ်းတွင် သုံးသပ်ထားသည်။

 

မော်တော်ယာဉ်များသာ အသုံးပြုနေရသဖြင့် မြင့်တက်နေသည့် သယ်ယူပို့ဆောင်ရေးစရိတ် လျှော့ချနိုင်ရန် မီးရထားများဖြင့် သယ်ယူပို့ဆောင်နိုင်ရန် ဆောင်ရွက်မည်

မော်တော်ယာဉ်များသာ အသုံးပြုနေရသဖြင့် မြင့်တက်နေသည့် သယ်ယူပို့ဆောင်ရေး ကုန်ကျစရိတ်များကို လျှော့ချနိုင်ရန် မီးရထားများဖြင့် သယ်ယူပို့ဆောင်နိုင်ရေး ဆောင်ရွက်သွားမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ပြောကြားသည်။

“သယ်ယူပို့ဆောင်ရေး ကုန်ကျစရိတ် (Logistics Course) က အများကြီးမြင့်တယ်။ ကျွန်တော်တို့ ကားတွေပဲ သုံးနေရတယ်။ ရထားလမ်းတွေ ရှိနေပါလျက်နဲ့ ကျွန်တော်တို့ မသုံးနိုင်ဘူး။ ရထားလမ်းကြီးတွေ အထင်ကရ ရှိနေတယ်။ ဒါပေမဲ့ တစ်နေ့မှ တစ်ခေါက်ပဲ ပြေးနိုင်တယ်။ ဒီပစ္စည်းကို ရှိနေလျက်နဲ့ မသုံးနိုင်ရင် ကျွန်တော်တို့ ဆုံးနေတာ။ အဲဒါမျိုးကို ပြန်အသုံးချမယ်။ ဘယ်မှာအသုံးချမလဲဆိုရင် Logistics ဘက်မှာ ပြန်အသုံးချနိုင်ရင် သယ်ယူပို့ဆောင်ရေး ကုန်ကျစရိတ် လျှော့ချနိုင်မယ်။ ဒါကိုလည်း ကျွန်တော်တို့ ဆောင်ရွက်ဖို့ရှိတယ်” ဟု ဦးကျော်ဝင်းက ပြောကြားသည်။

မြန်မာနိုင်ငံ၏ မီးရထားလမ်းအရှည်မှာ ၂၀၁၅-၂၀၁၆ ဘဏ္ဍာနှစ်တွင် သံလမ်းမိုင် ၄၉၃၃ မိုင်ရှိခဲ့ပြီး ၂၀၁၆-၂၀၁၇ ဘဏ္ဍာနှစ်တွင် ခုနစ်မိုင်မြင့်တက်ကာ ၄၉၄၀ မိုင် ဖြစ်လာခဲ့သည်။ စီးနင်းသည့် ခရီးသည်အရေအတွက်မှာ ၂၀၁၅-၂၀၁၆ ဘဏ္ဍာနှစ်တွင် ၄၂ ဒသမ ၀၅ သန်း ရှိခဲ့ပြီး ၂၀၁၆-၂၀၁၇ ဘဏ္ဍာနှစ်တွင် ၄၃ ဒသမ ၃၂ သန်း မြင့်တက်ကာ ခရီးတစ်ကီလိုမီတာလျှင် ခရီးသည် ၇၀၀၁ ဦး စီးနင်းသွားရောက်ခဲ့ကြောင်း သိရသည်။

ကုန်တန်ချိန်မှာ ၂၀၁၅-၂၀၁၆ ဘဏ္ဍာနှစ်တွင် ၁ ဒသမ ၉၈ သန်း ရှိခဲ့သော်လည်း ၂၀၁၆-၂၀၁၇ ဘဏ္ဍာနှစ်တွင် ၁ ဒသမ ၇၅ သန်းသာ ရှိခဲ့ကြောင်း သိရသည်။

ပို့ဆောင်ရေးနှင့် ဆက်သွယ်ရေးဝန်ကြီး ဌာနအနေဖြင့် ကုန်စည်ပို့ဆောင်မှုနှင့် ခရီးသွားလာမှု လွယ်ကူလျင်မြန်စေရေးအတွက် ကုန်းလမ်း၊ မီးရထား၊ ရေကြောင်း၊ လေကြောင်း ပို့ဆောင်ရေးလုပ်ငန်းများဖြင့် ဆောင်ရွက်နေပြီး ပို့ဆောင်ရေးလုပ်ငန်းနှင့် ဆက်စပ်လုပ်ငန်းများ ပိုမိုတိုးတက်စေရေးအတွက် ပြည်တွင်းပြည်ပ ပုဂ္ဂလိက ရင်းနှီးမြှုပ်နှံသူများနှင့် ပူးပေါင်းဆောင်ရွက်ခြင်းများ လုပ်ဆောင်နေသော်လည်း သယ်ယူပို့ဆောင်မှုကဏ္ဍတွင် ကျယ်ပြန့်လာသည့် ပုဂ္ဂလိက သယ်ယူပို့ဆောင်ရေးလုပ်ငန်းများနှင့် ယှဉ်ပြိုင်နိုင်မှု နည်းပါးနေပြီး နိုင်ငံပိုင် သယ်ယူပို့ဆောင်ရေး လုပ်ငန်းများ၏ သယ်ယူပို့ဆောင်ရေးကဏ္ဍမှာ နည်းပါးနေကြောင်း သိရသည်။

သယ်ယူပို့ဆောင်ရေး ပိုမိုအဆင်ပြေစေရန်အတွက် ဆောင်ရွက်မည့် Master Plan အရ စီမံကိန်း ၁၄၂ ခု ဆောင်ရွက်မည်ဖြစ်ပြီး စုစုပေါင်း ဒေါ်လာ ၄၈ ဘီလျံခန့် ရင်းနှီးမြှုပ်နှံမည်

ရန်ကုန်မြို့ပတ် မီးရထားလမ်းပိုင်း တစ်နေရာအား တွေ့ရစဉ် (ဓာတ်ပုံ-ကျော်ဇင်ဖြိုး)

မြန်မာနိုင်ငံ၏ သယ်ယူပို့ဆောင်ရေး ပိုမိုအဆင်ပြေစေရန်အတွက် ဆောင်ရွက်မည့် ပို့ဆောင်ရေး Master Plan အရ စီမံကိန်းပေါင်း ၁၄၂ ခုကို ဆောင်ရွက်သွားမည်ဖြစ်ပြီး စုစုပေါင်း အမေရိကန်ဒေါ်လာ ၄၈ ဘီလျံခန့် ရင်းနှီးမြှုပ်နှံသွားမည်ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာနမှ သိရသည်။

“ဒီ Master Plan မှာပါတဲ့ လိုအပ်တဲ့စီမံကိန်းပေါင်း ၁၄၂ ခုရှိပါတယ်။ အဲဒီတွက်ချက်မှုအရ ၄၈ ဘီလျံလောက် ရင်းနှီးမြှုပ်နှံမှုတွေ လိုအပ်လျက်ရှိတယ်ဆိုတာ ပြပါတယ်။ ဒီလုပ်ငန်းတွေဆောင်ရွက်မယ်ဆိုရင် ခန့်မှန်းခြေတွက်ချက်မှုအနေနဲ့ GDP တက်လာနိုင်တဲ့မျှော်မှန်းမှုကို ဒါ ADB တို့ အခြားနိုင်ငံတကာအဖွဲ့အစည်းတွေက တွက်ချက်ထားပါတယ်။ ဒီ Transport Master Plan နဲ့ဆက်စပ်ပြီး ဆောင်ရွက်တဲ့ Master Plan တွေလည်းရှိပါတယ်။ ဒါတွေအားလုံးက ပို့ဆောင်ရေးနဲ့ပတ်သက်တဲ့ စီမံကိန်းများဖြစ်ပါတယ်” ဟု ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယအထွေထွေမန်နေဂျာ ဒေါက်တာမျိုးငြိမ်းအေးက ပြောကြားသည်။

အဆိုပါစီမံကိန်း ၁၄၂ ခုအနက် လမ်းပိုင်းဆိုင်ရာကဏ္ဍတွင် စီမံကိန်း၄၈ ခု၊ မီးရထားလမ်းကဏ္ဍတွင် စီမံကိန်း ၁၄ ခု၊ ကုန်တွင်းရေကြောင်း သယ်ယူပို့ဆောင်ရေးကဏ္ဍတွင် စီမံကိန်း ၃၃ ခု၊ ရေကြောင်းကဏ္ဍတွင် စီမံကိန်း ၁၅ ခုနှင့် လေကြောင်းလိုင်းကဏ္ဍတွင် စီမံကိန်း ၃၂ ခု စုစုပေါင်း စီမံကိန်းပေါင်း ၁၄၂ ခုရှိကြောင်း သိရသည်။

မြန်မာနိုင်ငံ၏ မီးရထားလမ်းနှင့် အဝေးပြေးလမ်းမများ၏ ရာခိုင်နှုန်း ၆၀ သည် အရည်သွေးနိမ့်ကျနေကြောင်း၊ အဆိုပါ ပို့ဆောင်ဆက်သွယ်ရေး လမ်းပိုင်းဆိုင်ရာများကို ရင်းနှီးမြှုပ်မှုများဝင်ရောက်လာပြီး မီးရထားလမ်းများနှင့် အဝေးပြေးလမ်းမကြီးများ ရာနှုန်းပြည့်ကောင်းမွန်လာပါက လက်ရှိ သယ်ယူပို့ဆောင်ရေး ကုန်ကျစရိတ်ကို ရာခိုင်နှုန်း ၃၀ ခန့်အထိ လျှော့ချနိုင်မည်ဖြစ်ကြောင်း၊ နိုင်ငံ၏ GDP တွက်ချက်မှုမှာလည်း ၁၃ ရာခိုင်နှုန်းအထိ တိုးတက်လာမည်ဖြစ်သည်။

“အဲဒီလို ရင်းနှီးမြှုပ်နှံလိုက်မယ်ဆိုရင် ကျွန်တော်တို့ ပို့ဆောင်ရေးကုန်ကျစရိတ်ကိုလည်း လက်ရှိအနေအထားကနေ ရာခိုင်နှုန်း ၃၀ လောက် လျှော့ချနိုင်မယ်လို့ထင်ပါတယ်။ GDP တွက်ချက်မှုအနေအထားအရလည်း ၁၃ ရာခိုင်နှုန်းလောက် တိုးတက်လာမယ်လို့ မှန်းပါတယ်” ဟု ဒေါက်တာမျိုးငြိမ်းအေးက ပြောကြားသည်။

မြန်မာနိုင်ငံအနေဖြင့် ၂၀၁၂ ခုနှစ်တွင် National Transport Master Plan စီမံကိန်းတစ်ရပ်ကို ဆောင်ရွက်ခဲ့ကြောင်း၊ အဆိုပါ Master Plan အတွက် ဆောင်ရွက်ရမည့် အဓိကမူဝါဒပိုင်းဆိုင်ရာ၊ အခြေခံအဆောက်အအုံပိုင်းဆိုင်ရာ၊ မူဝါဒနှင့် အခြေခံအဆောက်အအုံပိုင်း နှစ်ခုပေါင်းကိုပါ စဉ်းစားလေ့လာပြီး ဆောင်ရွက်ထားကြောင်း သိရသည်။

ကိုရီးယားနိုင်ငံအနေဖြင့် မြန်မာနိုင်ငံ၏ မီးရထားပို့ဆောင်ရေးကဏ္ဍ လာရောက်ရင်းနှီးမြှုပ်နှံလိုကြောင်းနှင့် လက်ရှိဆောင်ရွက်နေသည့် ကုမ္ပဏီများနှင့်လည်း ပူးပေါင်းဆောင်ရွက်လိုကြောင်း ဖေဖော်ဝါရီ ၈ ရက်က ရန်ကုန်မြို့ရှိ Lotte Hotel တွင်ပြုလုပ်သည့် Myanmar-Korea Investment Promotion Seminar တက်ရောက်လာသော ကိုရီးယားနိုင်ငံ မီးရထားအဖွဲ့အစည်းက တင်ပြခဲ့သည်။

လက်ရှိတွင် မြန်မာနိုင်ငံ၏ မီးရထားသယ်ယူပို့ဆောင်ရေးကဏ္ဍ၌ လမ်းပိုင်းဆိုင်ရာ အရည်သွေးမြှင့်တင်ရန်လိုအပ်နေပြီး အဆိုပါကဏ္ဍ၌ ကိုရီးယားနိုင်ငံ၏ ရင်းနှီးမြှုပ်နှံမှုများကို လာရောက်လုပ်ကိုင်စေလိုကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယအထွေထွေမန်နေဂျာ ဒေါက်တာမျိုးငြိမ်းအေးက ပြန်လည်ဖြေကြားသည်။

ရေကြောင်းသယ်ယူပို့ဆောင်ရေးလုပ်ငန်းများကို ရာနှုန်းပြည့်နိုင်ငံခြားသားပိုင်ကုမ္ပဏီများ ၀င်ရောက်လုပ်ကိုင်နေခြင်းကြောင့် နိုင်ငံသားအကျိုးစီးပွားနှင့် အလုပ်အကိုင်အခွင့်အလမ်းများ ဆုံးရှုံးနေသဖြင့် Joint Venture စနစ် ခွင့်ပြုပေးရန် တင်ပြ

ရေကြောင်းသယ်ယူပို့ဆောင်ရေးလုပ်ငန်းများ လုပ်ကိုင်နေသည့် ဆိပ်ကမ်းတစ်ခုကို တွေ့ရစဉ်

ရေကြောင်းဖြင့် သယ်ယူပို့ဆောင်ရေးလုပ်ငန်းများကို ရာနှုန်းပြည့်နိုင်ငံခြားသားပိုင် ကုမ္ပဏီများက ၀င်ရောက်လုပ်ကိုင်နေခြင်းကြောင့် နိုင်ငံသားအကျိုးစီးပွားနှင့်  အလုပ်အကိုင်အခွင့်အလမ်းများ ဆုံးရှုံးနေ ကြောင်း မြန်မာကုန်သွယ်ရေကြောင်းဆိုင်ရာ လုပ်ငန်းများ ဖွံ့ဖြိုးတိုးတက်ရေးအသင်းမှ ဥက္ကဋ္ဌ ဦးစန်းခိုင်လှက  ပြောကြားသည်။

ယင်းကဲ့သို့  ရေကြောင်းဖြင့် သယ်ယူပို့ ဆောင်ရေးလုပ်ငန်းများကို ရာနှုန်းပြည့်နိုင်ငံခြားသားပိုင်ကုမ္ပဏီများက ၀င်ရောက်လုပ်ကိုင်နေခြင်းကြောင့် နိုင်ငံသားအကျိုးစီးပွားနှင့် အလုပ်အကိုင်အခွင့်အလမ်းများ ဆုံးရှုံးနေသဖြင့် Joint Venture စနစ်အား ချမှတ်ခွင့်ပြုပေးပြီး လုပ်ထုံးလုပ်နည်းများကို ထုတ်ပြန်ပေးပါရန် ဒုသမ္မတသို့ တင်ပြခဲ့ကြောင်း သိရသည်။

ထို့ပြင် လုပ်ငန်းများဆောင်ရွက်ရာတွင် နိုင်ငံတကာလုပ်ထုံးလုပ်နည်းများ (International Shipping Practices) နှင့် ကိုက်ညီမှုမရှိသဖြင့် နိုင်ငံခြားလုပ်ငန်းရှင်များနှင့် ဆက်ဆံရာတွင် အခက်အခဲဖြစ်နေရာ နိုင်ငံတကာ လုပ်ထုံးများနှင့် ချိန်ညှိရန်၊ မြန်မာနိုင်ငံတွင် ပြဋ္ဌာန်းကောက်ခံနေသည့် Port Tariff သည် နိုင်ငံတကာတွင် အများဆုံးဖြစ်နေခြင်းကြောင့် မြန်မာလုပ်ငန်းများ နိုင်ငံတကာ ဈေးကွက်အတွင်း ယှဉ်ပြိုင်ရာတွင် တားဖြစ်နေသဖြင့်နိုင်ငံတကာတွင် လုပ်ကိုင်နေသည့်နှုန်းထားများနှင့် ကိုက်ညီမှုရှိအောင် ပြန်လည်ပြင်ဆင်ပေးပါရန်  မြန်မာကုန်သွယ်ရေကြောင်းဆိုင်ရာ လုပ်ငန်းများ ဖွံ့ဖြိုးတိုးတက်ရေးအသင်းမှ ဥက္ကဋ္ဌ ဦးစန်းခိုင်လှက တင်ပြခဲ့သည်။

ရေကြောင်းမှ ကုန်စည်စီးဆင်းနိုင်ပါက   စရိတ်သက်သာနိုင်မည်ဖြစ်သည့်အတွက်  ရန်ကုန်တိုင်းဒေသကြီးနှင့် ဆိပ်ကမ်းများကို   အခြေပြုပြီး ရေကြောင်းဖြင့် တစ်နိုင်ငံလုံးသို့  ကုန်စည်သယ်ယူပို့ဆောင်နိုင်ရေး ဆွေးနွေး လျက်ရှိကြောင်း ရန်ကုန်တိုင်းဒေသကြီး ဦးဖြိုးမင်းသိန်းက ပြောကြားသည်။

“သင်္ဘောနဲ့ မြန်မာတစ်နိုင်ငံလုံးကို  ကုန်စည်တွေ ဖြန့်ကြက်နိုင်မယ်ဆိုရင် စရိတ်က  အများကြီး သက်သာသွားနိုင်စရာရှိပါတယ်။ ဒါကြောင့်မို့ ပြည်တွင်းရေကြောင်း ပို့ဆောင်ရေးကနေ ကုန်စည်ကို ရေကြောင်းနဲ့ ဆောင်ရွက်နိုင်ဖို့ ရန်ကုန်တိုင်းကို အခြေပြုပြီး ဆိပ်ကမ်းတွေကနေ အခြေပြုပြီး သင်္ဘောတွေဟာ အမြို့မြို့အနယ်နယ်ကို ထွက်နေတရှိတယ်။ ဧရာဝတီတိုင်းကို ထွက်နေတာရှိတယ်။ အထက်မြန်မာပြည်ကို ထွက်နေတာရှိတယ်။ ကမ်းရိုးတန်းတစ်ကြောကို ထွက်နေတာရှိတယ်။ ဒီသင်္ဘောရဲ့ ၀န်ဆောင်မှုကို ပိုပြီးတော့ စနစ်ကျအောင် ဆောင်ရွက်ပေးနိုင်မယ်ဆိုရင် Logistics နဲ့ပတ်သက်တဲ့ ဈေးနှုန်းတွေ သက်သာနိုင်စရာ ရှိပါတယ်” ဟု ဦးဖြိုးမင်းသိန်းက ပြောကြားသည်။

ရန်ကုန်ဆိပ်ကမ်းကို သင်္ဘောကြီးများ ဆိုက်ကပ်နိုင်သည့် ဆိပ်ကမ်းဖြစ်စေရန်အတွက် ပင်လယ်ဝဘက်အထိ တိုးမြှင့်ရွှေ့ပြောင်းနိုင်ရေး လေ့လာဆန်းစစ်မှုများ စတင်ဆောင်ရွက်နေပြီဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက  ပြောကြားသည်။

မြန်မာနိုင်ငံတွင် ဆိပ်ကမ်းကိုးခုရှိသည့် အနက် ရန်ကုန်ဆိပ်ကမ်းမှာ ကုန်စည် ရာခိုင်နှုန်း ၉၀ ကို  ဆောင်ရွက်နေခြင်းဖြစ်သည့်အတွက် ရန်ကုန်ဆိပ်ကမ်းကို ပိုပြီးအဆင့်မြှင့်တင်ရန်  စဉ်းစားရခြင်းဖြစ်ကြောင်း သိရသည်။