မြန်မာ့ဝက်ဝံထိန်းသိမ်းရေးစီမံကိန်းကို လေးနှစ်စီမံကိန်းအဖြစ် တစ်နိုင်ငံလုံးတွင် ဆောင်ရွက်မည်

ထမံသီဘေးမဲ့တောတွင် ယခင်က တပ်ဆင်ခဲ့သော ကင်မရာထောင်ချောက်မှ ရရှိသောဝက်ဝံပုံ (ဓာတ်ပုံ – ထမံသီဘေးမဲ့တော အုပ်ချုပ်ရေးမှူးရုံး)

မြန်မာ့ဝက်ဝံထိန်းသိမ်းရေး စီမံကိန်းအား လေးနှစ်စီမံကိန်းအဖြစ် တစ်နိုင်ငံလုံးတွင် ဆောင်ရွက်မည်ဖြစ်ကြောင်း မတ် ၁၃ ရက်က နေပြည်တော် အမရဟိုတယ်တွင် ပြုလုပ်သည့် မြန်မာ့ဝက်ဝံထိန်းသိမ်းရေး ဆက်စပ်ပတ်သက်သူများ အစည်းအဝေးတွင် ညွှန်ကြားရေးမှူးချူပ် ဦးညီညီကျော်က ပြောကြားသည်။

မြန်မာ့ဝက်ဝံထိန်းသိမ်းရေး ဆက်စပ်ပတ်သက်သူများ အစည်းအဝေးသည် နိုင်ငံတကာပူးပေါင်းစီမံကိန်းဖြစ်သည့် သစ်တောဦးစီးဌာနနှင့် အီတလီအခြေစိုက် INGO တစ်ခုဖြစ်သည့် Istituto OIKOS အဖွဲ့နှင့် လက်မှတ်ရေးထိုးလျက်ရှိသည့် မြန်မာနိုင်ငံအတွင်း မလေးဝက်ဝံမျိုးစိတ် ထိန်းသိမ်းရေးလုပ်ငန်းများ ပူးပေါင်းဆောင်ရွက်ရေးစီမံကိန်း၏ ၂၀၁၆ ခုနှစ်မှ ၂၀၂၀ ပြည့်နှစ်အထိ လေးနှစ်စီမံကိန်းအဖြစ် တစ်နိုင်ငံလုံးတွင် ဆောင်ရွက်မည်ဖြစ်ကြောင်း သိရသည်။

စီမံကိန်းပထမပိုင်း ၂၀၁၆ ခုနှစ်မှ ၂၀၁၇ ခုနှစ်အတွင်း ရခိုင်ပြည်နယ်နှင့် စစ်ကိုင်းတိုင်းဒေသကြီးအတွင်း ၀က်ဝံမျိုးစိတ်များ ပျံ့နှံ့ကျက်စားမှု၊ နေရင်းဒေသအခြေအနေ၊ ဂေဟစနစ်အခြေအနေ၊ ၀က်ဝံများ၏ကောင်ရေအချိုးအစားနှင့် ပေါက်ဖွားမှုအခြေအနေ၊ ကျရောက်နေသည့် ခြိမ်းခြောက်မှုများနှင့် ဒေသခံပြည်သူများ၏ ဇီဝမျိုးစုံမျိုးကွဲများ ဆက်နွှယ်နေမှု၊ ပဋိပက္ခများ စသည့်အချက်အလက်များကို ကွင်းဆင်းလေ့လာလုပ်ငန်းများ ဆောင်ရွက်ခဲ့ကြောင်း၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ညွှန်ကြားရေးမှူးချူပ် ဦးညီညီကျော်က ပြောကြားသည်။

“မြန်မာနိုင်ငံအနေနဲ့ တောရိုင်းတိရစ္ဆာန်များနဲ့ သဘာဝအပင်များကို နေရင်းဒေသတွေမှာ ရေရှည်တည်တံ့စေဖို့ ထိန်းသိမ်းကာကွယ်နိုင်ရန် သဘာဝထိန်းသိမ်းရေးနယ်မြေများ သတ်မှတ်ပြီး ကာကွယ်စောင့်ရှောက်လျက် ရှိပါတယ်။ တောဆင်ရိုင်းများ၊ ကျားများ၊ အချို့သောလိပ်၊ ကျေးငှက် စတဲ့သတ္တ၀ါမျိုးစိတ်တွေကို အထူးပြုကာကွယ်သတ်မှတ်ပေးထားတဲ့ ဆင်ဘေးမဲ့တော၊ ကျားထိန်းသိမ်းရေးနယ်မြေ၊ လိပ်မျိုးစိတ်များထိန်းသိမ်းရေးဥယျာဉ်နဲ့ ဘေးမဲ့တောတွေ သတ်မှတ်ထားတာ ရှိပါတယ်” ဟု ဦးညီညီကျော်က ပြောကြားသည်။

ဆက်လက်၍ ၀က်ဝံမျိုးစိတ်များနေရာ အတော်များများတွင် ပျံ့နှံ့ကျက်စားတွေ့ရှိရတာကြောင့် အထူးပြုကာကွယ်သည့်နယ်မြေ သတ်မှတ်ထားခြင်းမရှိကြောင်း၊ သတ်မှတ်ပြီးဖြစ်သည့် အမျိုးသားဥယျာဉ်၊ တောရိုင်းတိရစ္ဆာန်ဘေးမဲ့တောနဲ့ သဘာဝကြိုးဝိုင်းအတွင်း၊ သစ်တောနယ်မြေများဖြစ်သည့် ကြိုးဝိုင်းတော၊ ကြိုးပြင်ကာကွယ်ရေးတောများတွင် ဥပဒေအရ ကာကွယ်ထားသည့် တောရိုင်းတိရစ္ဆာန်အဖြစ် သတ်မှတ်ထားကြောင်း ဦးညီညီကျော်က ပြောကြားသည်။

ဇီဝမျိုးစုံမျိုးကွဲဆိုင်ရာ အချက်အချာကျမှုအရလည်း အပင်နှင့်သတ္တ၀ါမျိုးစိတ်များကို သာမက ၎င်းတို့၏နေရင်းဒေသများ၊ ဂေဟစနစ်များ ရေရှည်တည်တံ့စေရေးကို ကာကွယ်ထိန်းသိမ်းရေး နိုင်ငံတော်မှမူဝါဒ၊ ဥပဒေ၊ နည်းဥပဒေများ၊ မဟာဗျူဟာများ၊ ရည်မှန်းချက်ပန်းတိုင်များနှင့် လုပ်ငန်းစီမံချက်များ ရေးဆွဲထုတ်ပြန်ထားရှိပြီးဖြစ်ကြောင်း သိရသည်။

ထုတ်ပြန်ပြဋ္ဌာန်းချက်များနှင့်အညီ နှစ်တို၊ နှစ်ရှည် လုပ်ငန်းစီမံချက်များရေးဆွဲပြီး သစ်တောဦးစီးဌာနနှင့်အတူ ဆက်စပ်အစိုးရဌာနများ၊ ဒေသတွင်းအဖွဲ့အစည်းများနှင့် မိတ်ဖက်ဖြစ်သည့် ပြည်တွင်းပြည်ပအစိုးရမဟုတ်သည့် အဖွဲ့အစည်းများပူးပေါင်း၍ ထိန်းသိမ်းရေးလုပ်ငန်းများ အကောင်အထည်ဖော်လျက်ရှိကြောင်း အချက်အလက်များအရ သိရသည်။

အဓိကမျိုးစိတ်များ သို့မဟုတ် အရေးကြီးမျိုးစိတ်များဟု ပြော၍ရသည့် ရှားပါးမျိုးစိတ်များဖြစ်သော ဆင်၊ ကျား၊ ၀က်ဝံ စသည့်သတ္တ၀ါမျိုးစိတ်များသည် နေရင်းဒေသခေါ်သည့် Habitats များ ကျဉ်းမြောင်းပျက်စီးလာခြင်း၊ လျော့နည်းလာခြင်းတို့က အဓိကခြိမ်းခြောက်လာမှုနှင့် လက်တွေ့ရင်ဆိုင် ကြုံတွေ့နေရသည့်အန္တရာယ်သည် တရားမ၀င် အမဲလိုက်သတ်ဖြတ်၍ တရားမ၀င် ကူးသန်းရောင်းဝယ်ခံနေရကြောင်း ဦးညီညီကျော်က ပြောကြားသည်။

ရေနံ၊ သဘာဝဓာတ်ငွေ့၊ တွင်းထွက်နှင့် ကျောက်မျက်ရတနာများကို ပြည်သူအကျိုး ဖြစ်ထွန်းစေရန် မူဝါဒများ မပြည့်စုံသရွေ့ ထုတ်လုပ်မှုများ ဆိုင်းငံ့ထားရန်လိုကြောင်း အမျိုးသားလွှတ်တော်၌ လွှတ်တော်ကိုယ်စားလှယ် ဆွေးနွေး

ပြန်လည်အစားထိုး ဖြည့်တင်း၍ မရနိုင်သည့် သဘာဝ သယံဇာတများဖြစ်သော ရေနံ၊ သဘာဝဓာတ်ငွေ့၊ တွင်းထွက်နှင့် ကျောက်မျက်ရတနာများကို ပြည်သူ အကျိုးဖြစ်ထွန်းစေရန် မူဝါဒများ မပြည့်စုံသရွေ့ ထုတ်လုပ်မှုများ ဆိုင်းငံ့ထားရန်လိုကြောင်း အမျိုးသားလွှတ်တော်၌ ရခိုင်ပြည်နယ် မဲဆန္ဒနယ်အမှတ် (၁၁) မှ ဒေါ်ထုမေက ဆွေးနွေးသည်။

ဖေဖော်ဝါရီ ၆ ရက်က ပြုလုပ်သည့် အမျိုးသားလွှတ်တော် အစည်းအဝေးတွင် ရန်ကုန်တိုင်းဒေသကြီး မဲဆန္ဒနယ် အမှတ် (၉)မှ ဦးဖေချစ် တင်သွင်းထားသည့် ပြည်ထောင်စုသမ္မတ မြန်မာနိုင်ငံတော်၏ သဘာဝသယံဇာတများ ပျက်စီးဆုံးရှုံးနေခြင်းကို အမျိုးသားရေး တာဝန်တစ်ရပ် အနေဖြင့် ထိန်းသိမ်းကာ ကွယ်စောင့်ရှောက်ပေးရန် အဆိုအား ဆွေးနွေးစဉ် ဒေါ်ထုမေက ယင်းကဲ့သို့ ပြောကြားခဲ့ခြင်းဖြစ်သည်။

ဒေါ်ထုမေက “မြန်မာနိုင်ငံအတွင်း ပြန်လည်အစားထိုး ဖြည့်တင်း၍ မရနိုင်တဲ့ သဘာဝ သယံဇာတတွေဖြစ်တဲ့ ရေနံ၊ သဘာဝဓာတ်ငွေ့၊ တွင်းထွက်နဲ့ ကျောက်မျက်ရတနာတွေကို ပြည်သူတွေရဲ့ အကျိုးဖြစ်ထွန်းစေဖို့ မူဝါဒတွေ မပြည့်စုံသရွေ့ ထုတ်လုပ်မှုတွေကို ဆိုင်းငံ့ထားဖို့လိုပါတယ်။ သဘာဝသစ်တောတွေ  ပြုန်းတီးတာနဲ့ ပတ်သက်ပြီးတော့လည်း ဇုန်တွေအလိုက် စနစ်တကျ စိုက်ပျိုးနိုင်ဖို့ သက်ဆိုင်ရာ ၀န်ကြီးဌာနက အချိန်မီ လုပ်ဆောင်ဖို့ လိုပါတယ်။ ထိန်းသိမ်းခြင်း ဆိုတာက မလိုအပ်ဘဲ မထုတ်လုပ်တာ၊ အလွန်အကျွံ မထုတ်လုပ်ခြင်း၊ ကာကွယ်ခြင်း အနေဖြင့် တရားမ၀င် မထုတ်လုပ်အောင် ဆောင်ရွက်ခြင်း၊ စောင့်ရှောက်ခြင်းတွေက အရေးကြီးပါတယ်။ သဘာဝသယံဇာတတွေ ပျက်စီးဆုံးရှုံးအောင် တရားမ၀င်သော တစ်နည်းနည်းနဲ့ ကိုယ်ကျိုးစီးပွား ဆောင်ရွက်လျက်ရှိတဲ့ မည်သည့်အဖွဲ့အစည်း မဆို၊ မည်သူ့ကိုမဆို စံပြအနေနဲ့ အရေးယူ ဆောင်ရွက်မှုတွေကို ပြုလုပ်ဖို့ လိုအပ်ပါတယ်” ဟု ဆွေးနွေးသည်။

မြန်မာနိုင်ငံအနေဖြင့် သဘာဝသယံဇာတ စီမံခန့်ခွဲမှုကဏ္ဍတွင် မှန်ကန်ကောင်းမွန်သည့် စီမံမှုခိုင်မာရန် လိုအပ်ပြီး ခိုင်မာသည့် ထိန်းကျောင်းစောင့်ကြည့်မှုများ၊ လက်တွေ့ ဆောင်ရွက်နိုင်စွမ်း၊ အစိုးရအနေဖြင့် ဆောင်ရွက်လိုစိတ်တို့ ပေါင်းစပ်ဖြစ်ပေါ်နေခြင်း အခြေအနေကောင်းကို ဖန်တီးရန် လိုအပ်လျက်ရှိကြောင်း၊ အတိတ်ကာလများက သဘာဝသယံဇာတများ ထုတ်ယူသည့် စီမံကိန်းများ၊ ပုံစံစနစ်များကို လေ့လာကြည့်ပါက နိုင်ငံအကျိုးပြု၊ ပြည်သူအကျိုးပြု စီမံကိန်းဟုဆိုနိုင်သည့် စံပြအဖြစ် တစ်ခုမျှမတွေ့ရကြောင်း ဒေါ်ထုမေက ဆွေးနွေးသည်။

“ကျွန်မရဲ့ မဲဆန္ဒနယ်မြေဖြစ်တဲ့ ရခိုင်ပြည်နယ်မှာဆိုရင် ရခိုင်ကမ်းလွန်ကထွက်တဲ့ ရွှေသဘာဝဓာတ်ငွေ့ကို တရုတ်နိုင်ငံကို ရောင်းချခြင်း အပါအ၀င် အခြားသော အကြီးစား နိုင်ငံခြားရင်းနှီးမြှုပ်နှံခြင်းတွေကြောင့် နိုင်ငံခြားဝင်ငွေကို အများဆုံး ရှာပေးနေတဲ့ ပြည်နယ်တစ်ခု ဖြစ်ပါတယ်။သို့သော်လည်း ရခိုင်ပြည်နယ်ဟာ ဖွံ့ဖြိုးတိုးတက်တဲ့ ပြည်နယ်အဖြစ် ဦးမော့လာခြင်း မရှိသေးပါဘူး။ သဘာဝသယံဇာတ စိန်ခေါ်ချက်တို့ဖြင့် စီမံကိန်းများ အကောင်အထည်ဖော်ခြင်းကြောင့် ရခိုင်လူထုလူမှုစီးပွား အပေါ်မှာ ဆိုးကျိုးသက်ရောက်မှုများ ရှိနေပြီး နစ်နာဆုံးရှုံးမှုတွေ၊ သဘာဝပတ်ဝန်းကျင် ဂေဟစနစ် ထိခိုက်ပျက်စီးမှုတွေ ရှိနေပါတယ်။ ပိုက်လိုင်းစီမံကိန်းကြောင့် လယ်ယာမြေတွေ ဆုံးရှုံးခဲ့ရသလို ပွင့်လင်းမြင်သာမှု မရှိတဲ့အတွက် နစ်နာမှုတွေ ရှိပါတယ်။ နိုင်ငံတော် အစိုးရအနေနဲ့ သစ်ထုတ်လုပ်ရေးကို တစ်နှစ်မျှ ရပ်တန့်ထားဖို့ မူဝါဒချမှတ် ထားသော်လည်း အမ်းမြို့နယ် အပါအ၀င် အခြားမြို့နယ်တွေမှာ တရားမ၀င် သစ်ခိုးထုတ်မှုတွေကို အစိုးရအနေနဲ့ အရေးယူ ဆောင်ရွက်မှု အားနည်းဆဲလို့ ထောက်ပြလိုပါတယ်” ဟု ဒေါ်ထုမေက ဆွေးနွေးသည်။

မန္တလေးတိုင်းဒေသကြီး မဲဆန္ဒနယ် အမှတ် (၂) မှ ဦးထွန်းထွန်းဦးက ယခုအဆိုသည် အလွန်ကျယ်ပြန့်ကြောင်း၊ သဘာဝ သယံဇာတ တစ်ခုဖြစ်သည့် ကျောက်မျက်ကဏ္ဍမှ ကျောက်စိမ်းကဏ္ဍကိုပင် နိုင်နင်းအောင် ထိန်းသိမ်းကာကွယ် စောင့်ရှောက်ရန် ခက်ခဲလျက်ရှိသည်ကို ထောက်ပြဆွေးနွေးလိုကြောင်း၊ အဖိုးတန် အရည်ကျောက်အဆင့် အများအပြား ထွက်ရှိသည်မှာ မြန်မာနိုင်ငံသာရှိကြောင်း၊ ထွက်ရှိသည့် ကျောက်စိမ်း အားလုံးနီးပါးအား တရုတ်နိုင်ငံကိုသာ ရောင်းချနေရကြောင်း၊၂၀၁၄ ခုနှစ် တရုတ်နိုင်ငံ၏ သွင်းကုန်စာရင်းအရ တရားဝင်တင်သွင်းသည့် ကျောက်စိမ်းတန်ဖိုးသည် အမေရိကန် ဒေါ်လာ ၁၂ ဒသမ ၃ ဘီလျံရှိသည်ဟု သိရကြောင်း၊ မြန်မာနိုင်ငံမှ ထုတ်လုပ်မှု စုစုပေါင်း၏ သုံးပုံတစ်ပုံခန့်သာ တရုတ်နိုင်ငံသို့ တရားဝင် တင်ပို့ထားခြင်း ဖြစ်ကြောင်း၊၂၀၀၅ခုနှစ် မှ ၂၀၁၄ ခုနှစ်အထိ မြန်မာနိုင်ငံ၏ ကျောက်စိမ်းထုတ်လုပ်မှု ပမာဏသည် ကီလိုဂရမ် ပေါင်း ၃၆၁ သန်းအထိရှိပြီး ထိုဆယ်နှစ်အတွင်း တရုတ်နိုင်ငံသို့ တရားဝင် တင်သွင်းသည့် ကျောက်စိမ်းပမာဏသည် ကီလိုဂရမ် ၇၂ သန်းသာ ရှိသည့်အတွက် တရုတ်နိုင်ငံသို့ တရားမ၀င် နည်းလမ်းဖြင့် ရောက်ရှိသွားသည့် ပမာဏကို ခန့်မှန်းကြည့်နိုင်ကြောင်း၊ တရားဝင်သယ်ပို့ ရောင်းချပါက နိုင်ငံတော်ကို ပေးဆောင်ရမည့် အခွန်များကို တိမ်းရှောင်လိုခြင်း၊ တရားမ၀င် တူးဖော်မှုများ စသည့် အကြောင်းများကြောင့် ဖြစ်ကြောင်း ဆွေးနွေးသည်။

“ကျောက်စိမ်းထွက်ရှိရာ နေရာတွေဟာ စီမံခန့်ခွဲနိုင်ဖို့ခက်ခဲတဲ့ လက်နက်ကိုင်ပဋိပက္ခ ဖြစ်ပွားရာ ဒေသတွေ ဖြစ်ပါတယ်။ ကျောက်စိမ်းကရတဲ့ ၀င်ငွေအချို့ဟာ လက်နက်ကိုင် အဖွဲ့အစည်းတွေအတွက် အဓိက၀င်ငွေ အရင်းအမြစ် ဖြစ်နေပါတယ်။ ဒါကြောင့် ဒီရတနာ နယ်မြေတွေကို အပြိုင်ထိန်းချုပ်နိုင်ဖို့ ကြိုးစားရင်းနဲ့ မငြိမ်းချမ်းတဲ့ ဒေသတွေ ဖြစ်နေပါတယ်။ အကျိုးအမြတ် အလွန်ကြီးမားတဲ့ လုပ်ငန်းတွေ ဖြစ်တဲ့အတွက် အာဏာရှိသူတွေနဲ့ ပတ်သက်ဆက်နွှယ်နေတဲ့သူတွေ၊ အာဏာကပ်ပါး ငွေရှင်ခရိုနီကြီးတွေ၊ အခွင့်အထူးရ အပစ်ရပ် လက်နက်ကိုင် အဖွဲ့အစည်းတွေ၊ နိုင်ငံခြား ကျောထောက်နောက်ခံပြုကုမ္ပဏီကြီးတွေကပဲ အများစုကို လုပ်ကိုင်ခွင့်ရရှိပါတယ်။ ကျောက်စိမ်းထုတ်လုပ်ခြင်းကို ထိရောက်အောင် ထိန်းချုပ်မယ်၊ အကြီးစား ထုတ်လုပ်မှုတွေကို ခွင့်မပြုတော့ဘူးဆိုရင် အကြီးမားဆုံး အထိနာမယ့် သူတွေက အထက်က ပြောခဲ့တဲ့သူတွေ ဖြစ်ပါတယ်။ သူတို့က ဟန့်တားနှောင့်ယှက်နေမယ် ဆိုရင်တော့ ပဋိပက္ခတွေရှည်ကြာပြီး အလွန်ကိုခက်ခက်ခဲခဲ လုပ်ယူရပါလိမ့်မယ်” ဟု ဦးထွန်းထွန်းဦးက ဆွေးနွေးသည်။

သတ္တုတွင်းဌာန၏ စာရင်းများအရ ဖားကန့်ဒေသ တစ်ခုတည်းမှာပင် လုပ်ကွက် ၃၅၀၀၀ ဧကခန့်ရှိကြောင်း၊ ယခုအစိုးရ တက်ခါနီး ၂၀၁၆ ခုနှစ် အစောပိုင်းကာလတွင် လိုင်စင်များ ချထားခဲ့ကြောင်း၊ ကာလတိုကာလ အတွင်းမှာပင် စက်ယန္တရားကြီးများကို အသုံးပြုကာ တူးဖော်ထုတ်လုပ်နေကြောင်း၊ ယခုအစိုးရအနေဖြင့် လိုင်စင်သက်တမ်း ကုန်သည့်အခါ သက်တမ်းမတိုးပေးဘဲ ဆိုင်းငံ့ထားသည့်နည်းဖြင့် ထိန်းချုပ်ထားကြောင်း၊ အချို့သော လုပ်ကွက်များသည် ၂၀၂၀ ပြည့်နှစ်အထိ သက်တမ်းချထား ပေးခဲ့သည့်အတွက် မဟားတရား အလုအယက် ထုတ်ယူနေဆဲဖြစ်ကြောင်း ဦးထွန်းထွန်းဦးက ဆွေးနွေးသည်။

ရန်ကုန်တိုင်းဒေသကြီး မဲဆန္ဒနယ်အမှတ် (၉) မှ ဦးဖေချစ် တင်သွင်းထားသည့် ပြည်ထောင်စုသမ္မတ မြန်မာနိုင်ငံတော်၏ သဘာဝသယံဇာတများ ပျက်စီးဆုံးရှုံးနေခြင်းကို အမျိုးသားရေး တာဝန်တစ်ရပ် အနေဖြင့် ထိန်းသိမ်းကာကွယ် စောင့်ရှောက်ပေးရန်  အဆိုအား ဆွေးနွေးရန် လွှတ်တော်ကိုယ်စားလှယ် ၂၅ ဦးက အမည်စာရင်း ပေးသွင်းထားကြောင်း သိရသည်။

 

မြန်မာ့သနပ်ခါးကို သစ်တောခွန် ကင်းလွတ်ခွင့်ပြုပြီး လွတ်လပ်စွာ သယ်ယူရောင်းဝယ်နိုင်ကြောင်း ကြေညာချက် ထုတ်ပြန်ထားသော်လည်း ဖမ်းဆီးမှုများရှိနေ

ဈေးကွက်သို့ ပို့ဆောင်ရန် သနပ်ခါးတုံးများ ပြင်ဆင်နေသည်ကို တွေ့ရစဉ်

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန သစ်တောဦးစီးဌာနက သနပ်ခါး၊ ဖာလာ၊ ၀ဥ စသည့် သစ်မဟုတ်သော သစ်တောထွက် ပစ္စည်းများအား အခွန်ကောက်ခံနေခြင်းကို ကင်းလွတ်ခွင့်ပြုကြောင်း ကြေညာချက်တစ်စောင် ထုတ်ပြန်ထားသော်လည်း ဖမ်းဆီးမှုများ ရှိနေသေးကြောင်း အရာတော် သနပ်ခါး စိုက်ပျိုးထုတ်လုပ် ရောင်းချသူများအသင်း ဥက္ကဋ္ဌ ဦးကျော်မိုးက ပြောကြားသည်။

၂၀၁၇ ခုနှစ် စက်တင်ဘာ ၁၃ ရက်က သယံဇာတနှင့် သဘာဝပတ်ဝန်းကျင် ထိန်းသိမ်းရေး ၀န်ကြီးဌာန စီမံခန့်ခွဲမှု ကော်မတီ၏ (၂၇/၂၀၁၇) အစည်းအဝေး ဆုံးဖြတ်ချက်အရ သစ်တောနယ်မြေပြင်ပ ပုဂ္ဂလိကပိုင်မြေနှင့် ကိုယ်ပိုင်ဥယျာဉ်ခြံမြေများတွင် ပုဂ္ဂလိက လုပ်ငန်းရှင်များက ကိုယ်ပိုင်စိုက်ပျိုး ထုတ်လုပ်သော သနပ်ခါး၊ ဖာလာ၊ ၀ဥ စသည့် သစ်မဟုတ်သည့် သစ်တောထွက် ပစ္စည်းများအား သစ်တောဦးစီးဌာန၌ မှတ်ပုံတင်ခြင်းနှင့် ကူးသန်းရောင်းဝယ်ရန် အလို့ငှာ သယ်ယူပို့ဆောင်ခြင်းအတွက် သစ်တောဦးစီးဌာန၏ မျှောစာနှင့် ထောက်ခံချက် ရယူခြင်းတို့ကို ကင်းလွတ်ခွင့်ပြုကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေး ၀န်ကြီးဌာန သစ်တောဦးစီးဌာနက စက်တင်ဘာ ၂၅ ရက်တွင် ကြေညာချက်တစ်စောင် ထုတ်ပြန်ခဲ့သည်။

“သနပ်ခါးရယ်၊ ၀ဥရယ်၊ ဖာလာရယ်ကို ပြည်တွင်းမှာ လွတ်လပ်စွာသွားလာဖို့ တရား ၀င် ခွင့်ပြုခဲ့ပါတယ်၊ တရားဝင်ခွင့်ပြုပေးခဲ့ပေ မယ့် အရာတော်မြို့နယ်က သနပ်ခါးအသင်း သားတွေဆိုရင် ကညွန့်ကွင်းမှာဆို ရဲကျင်း ကျေးရွာက ကိုဇော်လတ်ကို ကညွန့်ကွင်း သစ် တောက ဖမ်းဆီးပါတယ်။ နောက် မင်းလှမြို့ နယ်က ဒေါ်မာမာဦးရဲ့ သနပ်ခါးကို မင်းလှမြို့ အ၀င် သစ်တောဂိတ်ကနေ ဖမ်းဆီးပါတယ်။ နောက် ငြိမ်းစံရွာက ကျွန်တော်တို့ အရာတော် သနပ်ခါးအသင်းဝင်ကိုလည်း နေပြည်တော် အ၀င် ပျဉ်းမနားဂိတ်ကနေပြီးတော့ ဖမ်းဆီးပါ တယ်။ အဖမ်းခံရတဲ့သူတွေက ကျွန်တော့်ဆီ ကို ဖုန်းဆက်ပါတယ်။ ဖုန်းဆက်ပြီးတော့ ကျွန်တော် ဖြေရှင်းပေးလိုက်ရပါတယ်။ မင်းလှ မြို့နယ်မှာ အဖမ်းခံရတဲ့ မမာမာဦးကိုမေးတဲ့ အခါမှာ ဖမ်းတဲ့သစ်တောက တာဝန်ခံနဲ့ ကျွန်တော်ကို ဖုန်းချိတ်ပေးပါတယ်။ ဘာဖြစ် လို့ ဖမ်းတာလဲလို့ မေးတဲ့အခါ မှာ သူတို့ဆီမှာ အမိန့်ကြော်ငြာစာ တရားဝင် မရောက်သေးလို့ဆိုပြီး ပြောပါတယ်။ ဒါတွေဟာ တကယ်တမ်း နိုင်ငံတော်ကနေပြီးတော့ တရားဝင် ထွက်တဲ့စာတွေဟာ သက်ဆိုင်ရာ မိမိရဲ့ အောက်ခြေဌာနများကို အမြန်ဆုံး ကျွန်တော်တို့ ပို့ပေးစေချင်ပါတယ်” ဟု သနပ်ခါးစိုက်ပျိုး ထုတ်လုပ်ရောင်းချသူများ အသင်းဥက္ကဋ္ဌ ဦးကျော်မိုးက ပြောကြားသည်။

ထိုသို့ တရားဝင် ထုတ်ပြန်သော်လည်း အောက်ခြေဌာနများမှ တရားဝင် အမိန့်ကြော်ငြာစာ မရောက်ရှိသေး၍ ဖမ်းဆီးမှုများ ပြုလုပ်ဆောင်ရွက်ရခြင်း ဖြစ်ကြောင်း ပြောဆိုမှုများ ရှိသဖြင့် သယံဇာတနှင့် သဘာဝပတ်ဝန်းကျင် ထိန်းသိမ်းရေး ၀န်ကြီးဌာန သစ်တောဦးစီးဌာနမှ တရားဝင် ထုတ်ပြန်သော အမိန့်ကြော်ငြာစာကို သက်ဆိုင်ရာ ဌာနများနှင့် သနပ်ခါးအသင်း အဖွဲ့အစုများကို တရားဝင်ပေးပို့ အကြောင်းကြားစေလိုကြောင်း ၎င်းက ပြောကြားသည်။

မြန်မာနိုင်ငံတွင် သနပ်ခါးကို အရာတော်၊ ပခုက္ကူ၊ ရေစကြို၊ ပေါက်နှင့် မြိုင်စသည့် မြို့နယ်ငါးမြို့နယ်တွင် အဓိက စိုက်ပျိုးကြကြောင်း၊ ယခုအခါတွင် ပြည်ပမှ သနပ်ခါး အလှကုန်များ ၀င်ရောက်လာသဖြင့် ပြည်တွင်း  သနပ်ခါး ဈေးကွက်အတွက် စိန်ခေါ်မှုတစ်ရပ် ဖြစ်နေကြောင်း သိရသည်။