မြစ်ခုနစ်စင်း၊ ဆည်ကိုးခု ရှိနေသည့် ရန်ကုန်တိုင်းအတွင်း ဖြစ်လာနိုင်သော သဘာဝဘေးကြိုတင်ကာကွယ်ရန် ပြင်ဆင်နေသကဲ့သို့ ဆွာချောင်းတမံပြိုကျမှု အရေးပေါ်ကိစ္စအဖြစ် သတ်မှတ်၍ ပြည်ထောင်စုအစိုးရ ကိုင်တွယ်နေဟုဆို

မြစ်ရေကြီးမှုကြောင့် ရန်ကုန်မြို့ ကမ်းနားလမ်းတစ်ဝိုက် ရေကြီးရေလျှံနေသည်ကို သြဂုတ်လဆန်းပိုင်းက တွေ့ရစဉ် (ဓာတ်ပုံ-ကြည်နိုင်)

မြစ်ခုနစ်စင်းနှင့် ဆည်ကိုးခုရှိနေသည့် ရန်ကုန်တိုင်းဒေသကြီးအတွင်း ဖြစ်လာနိုင်သည့် သဘာဝဘေးကြိုတင်ကာကွယ်ရန် ပြင်ဆင်နေသကဲ့သို့ သြဂုတ် ၂၉ ရက် နံနက်က ဖြစ်ပွားခဲ့သည့် ဆွာချောင်းတမံပြိုကျမှုကိုလည်း အရေးပေါ်ကိစ္စအဖြစ် သတ်မှတ်၍ ပြည်ထောင်စုအစိုးရက ကိုင်တွယ်နေသည် ဟု ရန်ကုန်တိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ပြောကြားသည်။

အဆိုပါပြောကြားမှုကို စက်တင်ဘာ ၁ ရက်က ကုန်သည်စက်မှုအသင်းချုပ်တွင် ပြုလုပ်သည့် “ရန်ကုန်တိုင်းဒေသကြီး စီးပွားရေး လုပ်ငန်းများအတွက် အထောက်အကူ ဖြစ်စေမည့် ဘဏ္ဍာရေးဆိုင်ရာစီမံခန့်ခွဲမှုများ” ဟောပြောပွဲတွင်  ရန်ကုန်တိုင်းဒေသကြီးအတွင်း မြစ်ချောင်းများ၊ ဆည်များဖြင့် ဆက်စပ်နေသည့် အခြေအနေတွင် ဖြစ်လာနိုင်သည့် ဘေးရန်များ ကြိုတင်ကာကွယ်ရန် ဆွေးနွေးနေကြောင်းနှင့် ဘတ်ဂျက်သုံးစွဲရန် ကြိုတင်စီမံရသည့်အကြောင်းများ ပြောကြားရာတွင် ဦးမြင့်သောင်းက ထည့်သွင်းပြောကြားခဲ့ခြင်း ဖြစ်သည်။

“ဒီနေ့ပဲ တိုက်တိုက်ဆိုင်ဆိုင်ပဲ။ ကျွန်တော်တို့ရဲ့ စီးပွားရေးမူဝါဒမဟုတ်ပေမယ့်လည်း အရေးပေါ်ရှိလာတဲ့အခြေအနေပေါ့။ သဘာဝဘေးအန္တရာယ်ဖြစ်လာတဲ့ အခြေအနေပေါ့။ ဒီနေ့အစည်းအဝေးတက်ပြီး ကျွန်တော် ပြန်လာပါတယ်။ ရန်ကုန်မြို့မှာ မြစ်အားဖြင့် မြစ်ခုနစ်စင်းနဲ့ ဆက်စပ်နေတယ်။ ဆည်တွေကလည်း ငမိုးရိပ်ဆည်တို့၊ ဂျိုးဖြူဆည်တို့အပါအ၀င် ကိုးခုကနေ ရေယူနေရ တယ်။ ဒါတွေကနေ သဘာဝဘေးမှာ ဘယ်ဆည်ကနေ စိုးရိမ်စရာဖြစ်လာမလဲ။ ဘယ်မြစ်ချောင်းတွေကနေ စိုးရိမ်စရာဖြစ်လာမလဲဆိုတာကို ဒီနေ့အစည်းအဝေးလုပ်ခဲ့ကြတယ်။ အဲဒီအစည်းအဝေး လုပ်ရုံတင်မကဘဲ ကျွမ်းကျင်တဲ့ ပုဂ္ဂိုလ်တွေကနေ တစ်စုံတစ်ခု ထိခိုက်ခဲ့မယ်။ ဖြစ်ခဲ့မယ်ဆိုရင် ဘယ်လိုကာကွယ်ကြမလဲ။ ဘယ်လိုကိုင်တွယ်ကြမလဲဆိုတာကို အရန်အတားအဖြစ် စဉ်းစားထားကြသလိုပဲ ကျွန်တော်တို့ စီမံ/ဘဏ္ဍာကလည်း အရေးပေါ် ရန်ပုံငွေကို ဘယ်လောက်လောက်သုံးလို့ ရနိုင်သလဲဆိုတာကိုလည်း ချန်ထားရတယ်။ ဒီတစ်လအတွင်းမှာ ဘယ်လောက်တော့ သုံးလို့ရနိုင်တယ်ဆိုတာကို ချိန်ထားရတယ်။ ဒီလိုဖြစ်လာကာမှ အမေကယ်ပါ၊ အဘကယ်ပါ မရပါဘူး။ ကြိုတင်ပြီးတော့ စီမံကိန်းနဲ့ ဘတ်ဂျက်ဆိုတာ ချိတ်ဆက်ထားရပါတယ်။ ဒါနဲ့ မလောက်တော့ဘူးဆိုရင် ကျွန်တော်တို့ ပြည်ထောင်စုမှာ အရေးပေါ်ရန်ပုံငွေ တောင်းဖို့ ကိစ္စမျိုး စီစဉ်နိုင်အောင်လည်း စီစဉ်ကြပါတယ်။ ဆွာကိစ္စဆိုရင်လည်း ပြည်ထောင်စုမှာ အရေးပေါ်ကိစ္စအနေနဲ့ စီစဉ်ဆောင်ရွက်လျက်ရှိပါတယ်” ဟု ဦးမြင့်သောင်းက ပြောကြားသည်။

သြဂုတ် ၂၉ ရက်က ဆွာတမံမှ ဆည်ရေတိုးခြင်းကြောင့် လူလေးဦးသေဆုံးမှုဖြစ်ပွားခဲ့ပြီး နှစ်ဦးပျောက်ဆုံးလျက်ရှိရာ ခလရ ၄၈ တပ်မှ ဗိုလ်မှူးတစ်ဦး ပျောက်ဆုံးစာရင်းတွင်ပါဝင်နေပြီး သြဂုတ် ၃၁ ရက်အထိ ပြန်လည်မတွေ့ရှိသေးကြောင်း တောင်ငူခရိုင် ရဲတပ်ဖွဲ့မှူးရုံးမှတ်တမ်းများအရ သိရသည်။

သြဂုတ် ၂၉ ရက် နံနက် ၄ နာရီဝန်းကျင်ခန့်က တောင်ငူခရိုင် ရေတာရှည်မြို့နယ် ဆွာမြို့ရှိ ဆွာချောင်းတမံ၏ ရေပိုလွှဲမြောင်း နံရံပြိုကျမှုဖြစ်ပွားခဲ့ရာ ဆည်ရေများ တစ်ဟုန်ထိုး စီးဆင်းမှုဖြစ်ပွားခဲ့သည်။ ဆည်ရေများမှာ ဆည်အောက်ဘက်ရှိ ဆွာမြို့ ရေတာရှည်မြို့နယ် ရပ်ကွက်ကျေးရွာများအထိ ရေကြီးနစ်မြုပ်မှုဖြစ်ပွားခဲ့သည့်အပြင် ရန်ကုန်-မန္တလေး အမြန်လမ်းမကြီးနှင့် ရန်ကုန်-မန္တလေးလမ်း ဟောင်းများပေါ် ရေကျော်လွှမ်းမိုးမှု ဖြစ်ပွားခဲ့သည်။

ထိုကဲ့သို့ ရေကြီးခြင်းများကြောင့် သြဂုတ် ၂၉ ရက်တွင် ရေတာရှည်မြို့နယ်အတွင်းရှိ ကျေးရွာအုပ်စုပေါင်း ၁၇ အုပ်စုမှ ကျေးရွာပေါင်း ၈၅ ရွာတို့မှ ရေဘေးသင့်ပြည်သူပေါင်း ၆၀,၀၀၀ ကျော်အထိရှိခဲ့ပြီး ဆည်ရေ တိုးခြင်းကြောင့် ရေစီးဖြင့်မျောပါပျောက်ဆုံး သူ ခြောက်ဦးခန့်ရှိခဲ့ကြောင်း သတင်းများ ထွက်ပေါ်ကာ သြဂုတ် ၃၀ ရက်တွင် ရေနစ်သေဆုံးသူ သုံးဦး၊ သြဂုတ် ၃၁ ရက်တွင် တစ်ဦး စုစုပေါင်း သေဆုံးသူလေးဦး ပြန်လည် တွေ့ရှိ ခဲ့ကြောင်း သိရသည်။

တောင်ငူခရိုင်ရဲတပ်ဖွဲ့မှူးရုံး၏ လူပျောက်ဆုံးမှတ်တမ်းများအရ ဆွာတမံမှ ဆည်ရေတိုးခြင်းကြောင့် ရေစီးဖြင့်မျောပါ ပျောက်ဆုံး သူ ၁၀ ဦးအထိရှိခဲ့ရာ တပ်မတော်အရာရှိများ ဖြစ်သည့် ဆွာမြို့ ခလရ (၈၄) တပ်မှ ဗိုလ်မှူး မြတ်စံ၊ ဗိုလ်ကြီးဝဏ္ဏစိုးတို့ နှစ်ဦးအပါအ၀င် ဆွာမြို့မှ အရပ်သားရှစ်ဦးအထိပါဝင်ခဲ့ပြီး အဆိုပါ ၁၀ ဦးအနက် ဗိုလ်ကြီးဝဏ္ဏစိုး၊ ဒေါ်တင်ငွေ (၄၀ နှစ်)(ဘ)ဦးထွန်းရီ၊ အေးသာယာရွာ ဆွာမင်းလမ်းအုပ်စု၊ ဦးထွန်းမြင့် (၅၀ နှစ်) (ဘ)ဦးချစ်အင်ဒိုင်းရွာ ရေတာရှည်မြို့နယ် နှင့် ၁၂ ဘီးယာဉ်တစ်စီးမှ (စပယ်ယာ) ဖြစ်သူ (အမည်၊ နေရပ်၊ လိပ်စာစိစစ်ဆဲ)တို့ လေးဦးအား အကောင်းပကတိအတိုင်း ပြန်လည်တွေ့ရှိခဲ့ကြောင်း၊ သို့ဖြစ်ရာ ပျောက်ဆုံး သူ ၁၀ ဦး အနက် လေးဦးအား ကောင်းမွန် စွာပြန်လည်တွေ့ရှိကာ လေးဦးသေဆုံးလျက် တွေ့ရှိကာ ဗိုလ်မှူးမြတ်စံအပါအ၀င် နှစ်ဦး မှာ သြဂုတ် ၃၁ ရက်အထိ ပျောက်ဆုံးနေဆဲ ဖြစ်ကြောင်း သိရသည်။

ဇွန်လမှ သြဂုတ်လအတွင်း မွန်ပြည်နယ်၌ ဖြစ်ပေါ်ခဲ့သော သဘာဝဘေးအန္တရာယ်များကြောင့် ကျပ်သန်းပေါင်း ၁၃၄၁၉ ကျော်ဖိုး ပျက်စီးဆုံးရှုံးခဲ့

ဇူလိုင်လ နောက်ဆုံးအပတ်မှ သြဂုတ်လဆန်းပိုင်းအထိ မွန်ပြည်နယ်အတွင်း မိုးသည်းထန်းစွာရွာသွန်းပြီး ရေကြီးရေလျှံမှုများဖြစ်ပေါ်ခဲ့ကာ ကျိုက်မရောမြို့နယ် ၀ါးပျံကုန်းကျေးရွာရှိ ရေမြုပ်နေသည့် လယ်ယာမြေများကို တွေ့ ရစဉ်၏

ဇွန်လမှ သြဂုတ်လအတွင်း မွန်ပြည်နယ်၌ ဖြစ်ပေါ်ခဲ့သော သဘာဝဘေးအန္တရာယ်များကြောင့် ကျပ်သန်းပေါင်း ၁၃၄၁၉ ကျော်ဖိုး ပျက်စီးဆုံးရှုံးခဲ့ကြောင်း မွန်ပြည်နယ်အစိုးရ အဖွဲ့ရုံးထံမှ သိရသည်။

ဇွန်လနှင့် ဇူလိုင်လအတွင်း သဘာဝဘေးအန္တရာယ်များကြောင့် မွန်ပြည်နယ်၌ လူ ၁၅ ဦးသေဆုံးခဲ့ကြောင်း၊ လူနေအိမ်ပေါင်း ၃၀၃ လုံး၊ စာသင်ကျောင်းပေါင်း ၂၈ ကျောင်း၊ ဘုန်းတော်ကြီးကျောင်းပေါင်း ကိုးကျောင်းပျက်ဆီးခဲ့ကြောင်း၊ နေအိမ်အဆောက်အအုံ ၂၃၃၂ လုံးမှာ အုတ်နံရံများပြိုကျခြင်း အပါအ၀င်၊ အဆောက်အအုံများ၏ အခြားအစိတ်အပိုင်းများ ပျက်စီးခဲ့ကြောင်း၊ တာတမံ တစ်ခုပြိုကျပျက်စီးခြင်း၊ ကျေးလက်လမ်းနှင့် ခရိုင်ချင်းဆက်လမ်းများပေါ်ရှိ တံတားအစင်းပေါင်း ၂၀ ခန့်နှင့် မြို့ပေါ်လမ်းများ၊ ကျေးလက်လမ်းများအပါအ၀င် လမ်းပေါင်း ၁၃ လမ်းခန့်ပျက်စီးခဲ့ကြောင်း၊ လယ်ယာမြေများ ပျက်စီးဆုံးရှုံးမှုအနေဖြင့် သြဂုတ် ၁၇ ရက် အထိ လယ်ဧကပေါင်း ၂၆၇၆၅ ဧကပျက်စီးခဲ့ကြောင်း၊ ကျိုက်မရောမြို့နယ်အတွင်း  လတ်တလော ရေပြန်မကျသေးသည့်အတွက် ကျိုက်မရောမြို့နယ်အတွင်းမှ  လယ်ယာမြေ ပျက်စီးဆုံးရှုံးမှုစာရင်းတွေ ထပ်တက်လာပါက လက်ရှိစာရင်းထက် ပိုများလာနိုင်ကြောင်းနှင့် ပြည်နယ်ချုပ်အနေဖြင့် စုစုပေါင်း ကျပ် ၁၃၄၁၉ ဒသမ ၃၂၅ သန်းခန့် ပျက်စီးဆုံးရှုံးခဲ့ကြောင်း မွန်ပြည်နယ်အစိုးရအဖွဲ့ရုံး ညွှန်ကြားရေးမှူး ဦးမြင့်သန်းဝင်းက ပြောကြားသည်။

၎င်းကဆက်လက်ပြီး “မွန်ပြည်နယ်အတွင်းမှာ သဘာဝဘေးအန္တရာယ်နဲ့ ပတ်သက်လို့ဇွန်လမှာလည်း တစ်ကြိမ်ဖြစ်ပွားခဲ့တယ်။ အဲဒီအကြိမ်မှာ မော်လမြိုင်မြို့နယ် အပါအ၀င် မြို့နယ်ပေါင်း ခုနစ်မြို့နယ်လောက် သဘာဝဘေး ဖြစ်ပွားခဲ့ပါတယ်။ နောက်ဇူလိုင်လမှာ တစ်ကြိမ်ထပ်ဖြစ်တယ်။ အဲ့ဒီအကြိမ်မှာ အဓိက ဘီးလင်းမြို့နယ်အပါအ၀င် မြို့နယ်ပေါင်း ခုနစ်မြို့နယ်လို့ ထပ်မံပြီးတော့ ရေကြီးရေလျှံမှုတွေ ဖြစ်ပွားခဲ့ပါတယ်။ လတ်တလောမှာ ပြည်နယ်အစိုးရရဲ့ အစီအ စဉ်နဲ့ရော၊ ပြည်ထောင်စုအစိုးရရဲ့ အစီအစဉ်နဲ့ရော ပြန်လည်ထူထောင်ရေးလုပ်ငန်းတွေ လုပ်ဆောင်ပေးနေပါတယ်။ လတ်တလော ပြန်လည်ထူထောင်ရေးလုပ်ငန်းတွေအတွက် ကျပ်သန်းပေါင်း ၃၈၈ ဒသမ ၉၁၂ သန်းဖိုး လောက်ဆောင်ရွက်ပေးထားပါတယ်။ ကျန်လိုအပ်နေတဲ့ ပျက်စီးဆုံးရှုံးမှုတွေအတွက်ကို ပြည်နယ်အစိုးရရဲ့အစီအမံနဲ့ တတ်နိုင်သလောက် ဆောင်ရွက်ပေးနေပါတယ်။ ပြည်နယ်အစိုးရအနေနဲ့ မတတ်နိုင်တဲ့ကိစ္စတွေကို ပြည်ထောင်စုအစိုးရအဖွဲ့ထံ တင်ပြပေးထားပါတယ်” ဟု ပြောကြားသည်။

“ဇူလိုင်လအတွင်းမှာ ဖြစ်ပေါ်ခဲ့တဲ့ သဘာဝဘေးက ဘီးလင်းမြို့နယ်အတွင်းမှာ အဖြစ်များခဲ့ပါတယ်။ လက်ရှိ ဘီးလင်းမြို့နယ်အတွင်းမှာ ပြန်လည်ထူထောင်ရေး အပိုင်းအနေနဲ့ ရေဖုံးလွှမ်းခြင်းခံလိုက်ရတဲ့ ရေတွင်း၊ ရေကန်တွေအားလုံးကို ပြည်နယ်အစိုးရ အဖွဲ့အစီအစဉ်နဲ့ ရေတွင်းထဲက ရေတွေကို ပြန်စုပ်ထုတ်ပေးတာတွေ၊ ပြန်မှုတ်ထုတ်ပေးတာတွေ၊ နောက်ရေသန့်ဆေးခပ်ပေးတာတွေ ဆောင်ရွက်ပေးနေပါတယ်။ ကျန်းမာရေး အပိုင်းအနေနဲ့ကလည်း မွန်ပြည်နယ် ကျန်းမာရေးဦးစီးဌာနကနေ တာဝန်အပြည့်အ၀ယူပြီးတော့ ဆောင်ရွက်ပေးနေပါတယ်။ ပျက်ဆီးဆုံးရှုံးမှုတွေများပြားတဲ့အတွက်ကို ပြည်ထောင်စုအစိုးရအဖွဲ့က အစီအစဉ်နဲ့ရော ပြည်နယ်အစိုးရအဖွဲ့အစီအစဉ်နဲ့ပါ အတတ်နိုင်ဆုံး ဆောင်ရွက်ပေးနေပါတယ်” ဟု ဦးမြင့်သန်းဝင်းက ပြောကြားသည်။

“အဲဒီအပြင်ကို ဘီးလင်းမြို့နယ်အတွက် မျိုးစပါးတင်း ၂၀၀၀ ၀ယ်ယူထားတာရှိပါတယ်။ နောက်တစ်ခါ ဆန်ကုန်သည်ကြီးများ အသင်းကရော၊ လယ်ယာစိုက်ပျိုးရေးဝန်ကြီးဌာနကပါ မျိုးစပါးတွေပေးပို့ထားတာတွေလည်း ရှိပါတယ်။ ကျွန်တော်တို့ တစ်ဧကကို တစ်တင်းနှုန်းနဲ့ အမြန်ပြန်လည်စိုက်ပျိုးနိုင်အောင် စီစဉ်ပေးထားပါတယ်။ အားလုံး မျိုးစပါးတင်းပေါင်း ၁၁၀၀၀ ကျော်ကို ဘီးလင်းမြို့နယ်အတွက် လတ်တလော ဖြန့်ဖြူးပေးထားပါတယ်။ ကျန်တဲ့မြို့နယ်များအတွက်ကိုလည်း ပျက်ီးဆုံးရှုံးမှုတွေဖြစ်ပေါ်ခဲ့တဲ့ လယ်မြေတွေရဲ့ စာရင်းတွေကို သက်ဆိုင်ရာဌာနတွေကနေ စာရင်းတိတိကျကျကောက်ယူပြီးတော့ ရေပြန်ကျချိန်မှာ အချိန်မီပြန်လည် စိုက်ပျိုးနိုင်ရေးအတွက်ကိုလည်း ဆောင်ရွက်နေပါတယ်” ဟု ဦးမြင့်သန်းဝင်းက ဆိုသည်။

ဇွန်မှ သြဂုတ်လအတွင်း သဘာဝဘေးအန္တရာယ်တစ်ခုဖြစ်သည့် ရေကြီးရေလျှံမှုဖြစ်စဉ်များကြောင့် မွန်ပြည်နယ်အတွင်း၌ ရေဘေးသင့် အိမ်ထောင်စုပေါင်း ၂၆၈၂၆ မှ လူဦးရေ ၁၃၀၂၆၀ ဦး ရေဘေးသင့်ခဲ့သည့်အပြင် ကျွဲ၊ နွား၊ ၀က် စသည့် တိရိစ္ဆာန်များ သေကျေမှုများလည်းရှိခဲ့ကြောင်း သိရသည်။

သဘာဝဘေးအန္တရာယ်များနှင့် တာဝန်ခံမှု

သဘာဝဘေးအန္တရာယ်များသည် တစ်ကမ္ဘာလုံးနီးပါး၌ ပို၍အဖြစ်များလာပြီး ပို၍လည်း ပျက်စီးဆုံးရှုံးမှု များပြားလာနေသည်။ ယင်းကဲ့သို့သော အနေအထားတွင် သဘာဝဘေးအန္တရာယ်များနှင့် ပတ်သက်၍ မကောင်းသော ရိုက်ခတ်ချက်များကို အနည်းဆုံးဖြစ်အောင် လျှော့ချနိုင်ရန် ပြင်ဆင်ထားမှုများနှင့် အဆင်သင့် ဖြစ်နေရမှုများပို၍ လိုအပ်လာကြောင်း တောင်းဆိုမှုများ ဖြစ်ပေါ်လာသည်။ သဘာဝဘေးအန္တရာယ်တစ်ရပ် ရိုက်ခတ်ပြီးသည်နှင့် ယင်းနောက်ပိုင်း အမြော်အမြင်ရှိသည့် စီမံခန့်ခွဲမှုတစ်ရပ်သည် ထိခိုက်ခံခဲ့ရသော လူအသီးသီးနှင့် လူ့အသိုင်းအ၀ိုင်းအသီးသီးတို့အား ပုံမှန်ဘ၀သို့ လျင်မြန်စွာ ပြန်လည်ရောက်ရှိနိုင်ရေးအတွက် အထောက်အကူ ပြုနိုင်သည်။ ယင်းတို့အားလုံးသည် အစိုးရအဖွဲ့များ၊ အမျိုးမျိုးသော နိုင်ငံတော်အင်စတီကျူးရှင်းများ၊ ပြည်တွင်းနှင့် နိုင်ငံတကာရှိ အစိုးရမဟုတ်သော အဖွဲ့အစည်းများ၊ ပုဂ္ဂလိကလုပ်ငန်းများနှင့် လူ့အသိုင်းအ၀ိုင်းဆိုင်ရာ အဖွဲ့များ အစရှိသည့် သက်ဆိုင်ရာ အဖွဲ့အစည်းအသီးသီးတို့၏ လုပ်ဆောင်ချက်များပေါ်၌ မူတည်နေသည်။ တစ်ဖက်၌လည်း ၀င်ရောက်ဆောင်ရွက်မှု အမျိုးမျိုးနှင့်ပတ်သက်သော ရလဒ်များသည် ရင်းမြစ်များ၊ အစီအမံများ၊ ပူးပေါင်းဆောင်ရွက်မှုများ အရည်အသွေးဆိုင်ရာ ထိန်းချုပ်မှုနှင့် စောင့်ကြည့်ကွပ်ကဲမှုတို့အပေါ်၌ မူတည်နေသည်။ ထို့ကြောင့် အမှန်တကယ် သဘာဝဘေးဒဏ်သင့်သူများနှင့် သဘာဝဘေးဒဏ် ကျရောက်ခံရဖွယ်ရှိ သူများ၏ ဘ၀အခွင့်အလမ်းများသည် အတိုင်းအတာ ကျယ်ပြောသော အင်စတီကျူးရှင်း တစ်ရပ်လုံး၏ စွမ်းဆောင်ရည်ပေါ်၌ မူတည်လျက်ရှိသည်။

အဓိက သက်ဆိုင်သူများ၏ စွမ်းဆောင်ရည်ကို အကောင်းဆုံးဖြစ်အောင် မည်သို့မည်ပုံ ပြုလုပ်မည်နည်းဟူသည့် အရေးကြီသော မေးခွန်းတစ်ရပ် ပေါ်ထွက်လာသည်။ ယင်းကိစ္စနှင့်ပတ်သက်၍ ထိရောက်သော တာဝန်ခံမှုဆိုင်ရာ လုပ်ငန်းစဉ်များကို အင်စတီကျူးရှင်းဆန်အောင် ပြုလုပ်ရေးသည် ရှေ့ဆက်လုပ်ဆောင်ရမည့် နည်းလမ်းတစ်ရပ် ဖြစ်လာသည်။ တာဝန်ခံမှု လုပ်ငန်းစဉ်များသည် တုံ့ပြန်ရေး၊ နာလန်ထရေး၊ ပြန်လည်ထူထောင်ရေး၊ ပြန်လည်တည်ဆောက်ရေး၊ ကာကွယ်ရေး၊ လျော့ပါးသက်သာစေရေးနှင့် ကြိုတင်ပြင်ဆင်ရေးတို့ဟူသည့် သဘာဝဘေးအန္တရာယ်စီမံခန့်ခွဲရေး အဆင့်အသီးသီး၌ အရေးပါသော အခန်းကဏ္ဍမှ ပါဝင်သည်။ ယင်းကဲ့သို့သော လုပ်ငန်းစဉ်များ ချို့တဲ့ခြင်းသည် အနေအထားများစွာတို့၌ ၀င်ရောက်ဆောင်ရွက်ခြင်းနှင့် ပတ်သက်၍ ထိရောက်မှုကို လျော့ကျစေသည်။

အမှန်တကယ်၌ တာဝန်ခံမှုရှိခြင်းသည် ကောင်းသောအုပ်ချုပ်ရေး၏ မရှိမဖြစ် အစိတ်အပိုင်းတစ်ရပ် ဖြစ်သည်။ ဘဏ္ဍာရေးဆိုင်ရာ တာဝန်ခံမှုရှိခြင်းသည် အဂတိလိုက်စားမှုနှင့် ပြည်သူ့ရင်းမြစ်များ အလဟဿဖြစ်ရခြင်းတို့ကို ဖယ်ရှားနိုင်ရန်နှင့်  ရည်ရွယ်ထားသည့် လူအုပ်စုများထံသို့ အကျိုးကျေးဇူးများ ရောက်ရှိရေး သေချာစေရန် အရေးကြီးသည်။ လေ့လာချက်များအရ အများပူးပေါင်းလုပ်ဆောင်မှု၌ တာဝန်ခံမှု ချို့တဲ့ခြင်းသည် ဆက်ဆံ/ဆက်သွယ်ရေး ချို့တဲ့ခြင်းကြောင့်ဖြစ်ကြောင်း တွေ့ရှိရသည်။ အခြားလေ့လာချက်များအရ ဘေးဒဏ်ခံရသူများနှင့် အရပ်ဘက်လူ့အဖွဲ့အစည်းများအား လူမှုရေးဆိုင်ရာ တာဝန်ခံမှုနှင့် ဘေးတိုက်နှင့် အထပ်အောက် တာဝန်ခံမှုတို့ကဲ့သို့သော ချမှတ်ထားသည့် သတ်မှတ်ချက်များနှင့် ကိုက်ညီခြင်းမရှိသောကြောင့်ဖြစ်ကြောင်း တွေ့ရှိရသည်။ အထွေထွေသဘောအရ တကယ့်လက်တွေ့ရလဒ်များအားဖြင့် ၀င်ရောက်ဆောင်ရွက်မှုများ၏ အမှန်တကယ်ထိရောက်မှုများကို တိုင်းတာရန် အထက်အောက်သို့ တာဝန်ခံမှုများ ဖွံ့ဖြိုးလာရန် လိုအပ်သည်ဟု ဆိုနိုင်သည်။

မည်သို့ပင်ဆိုစေကာမူ ၀င်ရောက်ဆောင်ရွက်မှု အစီအစဉ်များထဲသို့ ထိရောက်သော တာဝန်ခံမှု လုပ်ငန်းစဉ်များကို ထည့်သွင်းတည်ဆောက်နိုင်ပါက အားနည်းချက်များ ဖြစ်ပေါ်လာနိုင်ခြေများစွာကို ရှောင်ရှားနိုင်လိမ့်မည်ဖြစ်ပါကြောင်း The Daily Eleven  သတင်းစာက ရေးသားအပ်ပါသည်။

(ဇူလိုင်လ ၃၁ ရက်ထုတ် The Daily Eleven သတင်းစာ အယ်ဒီတာ့အာဘော်)

နှစ်ပေါင်း ၄၀ အတွင်း မြန်မာနိုင်ငံသို့ အင်အားပြင်းထန်သည့် မုန်တိုင်း စုစုပေါင်း ၁၁ ခု ၀င်ရောက်

မြန်မာနိုင်ငံသည် မုန်တိုင်းကြောင့် ထိခိုက်ဆုံးရှုံးနိုင်သည့် နိုင်ငံတစ်နိုင်ငံဖြစ်ပြီး နှစ်ပေါင်း ၄၀ အတွင်း အင်အားပြင်းထန်သည့် မုန်တိုင်း ၁၁ ခုအထိ ၀င်ရောက်ခဲ့ကြောင်း ဒီဇင်ဘာ ၁၂ ရက်က နေပြည်တော်ရှိ Park Royal Hotel ၌ ပြုလုပ်သည့် မြန်မာနိုင်ငံရှိ ကမ်းရိုးတန်းဒေသများကို အများဆုံး ထိခိုက်ဆုံးရှုံး စေနိုင်သည့် အပူပိုင်း ဆိုင်ကလုန်းမုန်တိုင်းနှင့် စပ်လျဉ်း၍ အရေးပေါ်တုံ့ပြန်မှု လုပ်ငန်းများကို သတ်မှတ်ဖော်ထုတ်နိုင်ရေး အတွက် ကြိုတင်ပြင်ဆင်ခြင်းဆိုင်ရာအလုပ်ရုံဆွေးနွေးပွဲတွင် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက အဖွင့်အမှာစကား ပြောကြားရာတွင် ထည့်သွင်းပြောကြားသည်။

မိမိတို့နိုင်ငံသည် မုန်တိုင်းကြောင့် ထိခိုက်ဆုံးရှုံးနိုင်ခြေ မြင့်မားသည့် နိုင်ငံတစ်နိုင်ငံဖြစ်ကြောင်း၊ ရှည်လျားသည့် ပင်လယ်ကမ်းရိုးတန်း ရှိခြင်းနှင့် ရာသီဥတု ဖောက်ပြန် ပြောင်းလဲလာခြင်းတို့သည် ဘေးအန္တရာယ် ဖြစ်ပွားမှုကို တွန်းအားပေးလျက်ရှိကြောင်း၊ မြန်မာနိုင်ငံတွင် လွန်ခဲ့သည့် နှစ်ပေါင်း ၄၀ အတွင်း အင်အားပြင်းထန်သည့် မုန်တိုင်းစုစုပေါင်း ၁၁ ခု တိုက်ခတ်ခဲ့ကြောင်း၊ မှတ်တမ်း အချက်အလက်များအရ မြန်မာနိုင်ငံတွင်  ပြီးခဲ့သည့် ဆယ်စုနှစ်များအတွင်း ဆိုင်ကလုန်းမုန်တိုင်း ဖြစ်ပွားမှု အကြိမ်အရေအတွက် သိသိသာသာ မြင့်တက်လာခဲ့ကြောင်း၊ ရရှိခဲ့ပြီးသည့် အတွေ့အကြုံများအရ မုန်တိုင်းနှင့် ဆက်စပ်သည့် ရေကြီးမှု၊ မြေပြိုမှု၊ မုန်တိုင်းဒီရေနှင့် မိုးကြိုးပစ်မှု အန္တရာယ်များကိုပါ တွေ့ကြုံခဲ့ရကြောင်း၊ သို့ဖြစ်ရာ မိမိတို့အနေနှင့် ဘေးအန္တရာယ် ကျရောက်လာပါက အရေးပေါ်တုံ့ပြန်မှု အစီအစဉ်များ ရေးဆွဲရာတွင် ထည့်သွင်းစဉ်းစား ဆောင်ရွက်ရန် ဖြစ်ကြောင်း ပြည်ထောင်စုဝန်ကြီးက ပြောကြားသည်။

ထို့ပြင် ပြည်ထောင်စုဝန်ကြီးက မုန်တိုင်းကျရောက်မှုနှင့် ပတ်သက်ပြီး နိုင်ငံတော်အဆင့်၊ တိုင်းဒေသကြီး/ပြည်နယ် အဆင့်နှင့် ဒေသန္တရအဆင့်များတွင်ပါ ကြိုတင်ပြင်ဆင်မှုများကို ဆောင်ရွက်ရမည် ဖြစ်ကြောင်း၊ မုန်တိုင်းဘေးအန္တရာယ် ဖြစ်ပွားနိုင်ခြေ မြင့်မားသည့် ဧရာဝတီတိုင်းဒေကြီး၊ ရန်ကုန်တိုင်း ဒေသကြီး၊ ရခိုင်ပြည်နယ်တို့တွင် မုန်တိုင်းဒဏ်ခံ အဆောက်အအုံများကို အရွယ်အစားအမျိုးမျိုး ဆောက်လုပ်ထားပြီး ဖြစ်ကြောင်း၊ ထို့ပြင် မုန်တိုင်းဖြစ်ပေါ်မှုနှင့် အခြားသော ဘေးအန္တရာယ်များအတွက် ကြိုတင်သတိပေးချက် စနစ်များ ထူထောင်ထားပြီး ရပ်ရွာအခြေပြု ဘေးအန္တရာယ်ဆိုင်ရာ စီမံခန့်ခွဲမှု အစီအစဉ်များကိုလည်း ပိုမိုတိုးတက် ကောင်းမွန်အောင် ဆောင်ရွက်လျက်ရှိကြောင်း ပြောကြားသည်။

ဆက်လက်ပြီး ၎င်းမှ ဒေသတွင်းအဆင့်မှာ ဆိုလျှင်လည်း ဘေးအန္တရာယ် စီမံခန့်ခွဲမှုဆိုင်ရာ အာဆီယံ သဘောတူစာချုပ်ဖြစ်သည့် Disaster Management and Emergency Response – AADMER တွင် မြန်မာနိုင်ငံက ပါဝင်လက်မှတ်ရေးထိုးထားပြီး ဘေးအန္တရာယ် ကြိုတင်ပြင်ဆင်မှု၊ တုံ့ပြန်ဆောင်ရွက်မှုဆိုင်ရာ အာဆီယံဒေသတွင်း ပူးပေါင်းဆောင်ရွက်မှု မြင့်မားစေရေး အတွက်လည်း ဆောင်ရွက်လျက်ရှိကြောင်း၊ ယခုအလုပ်ရုံ ဆွေးနွေးပွဲသည် မြန်မာနိုင်ငံ၊ AHA Center နှင့်ဒေသတွင်း မိတ်ဖက်နိုင်ငံများ၏ နိုင်ငံတော်အဆင့် ဘေးအန္တရာယ် ရင်ဆိုင်တုံ့ပြန်မှုဆိုင်ရာ စွမ်းဆောင်ရည် မြင့်မားစေရေး၊ ဒေသတွင်း နိုင်ငံများအချင်းချင်း ပူးပေါင်းဆောင်ရွက်မှုနှင့် စည်းလုံးညီညွတ်မှု မြင့်မားစေရေး၊ One ASEAN : One Response ဆောင်ပုဒ်နှင့်အညီ အာဆီယံနိုင်ငံများ အချင်းချင်း ထိရောက်ကောင်းမွန်သည့် ပူးပေါင်းဆောင်ရွက်မှုများကိုပါ ရရှိစေနိုင်ရန် မျှော်မှန်းထားကြောင်း ပြောကြားသည်။

 

ဘေးဒဏ် ရင်ဆိုင်တုံ့ပြန်နိုင်စွမ်း တည်ဆောက်ခြင်းမူဝါဒများမှ လက်တွေ့ဆောင်ရွက်ခြင်းဆိုင်ရာ သင်ခန်းစာများရရှိမှု အလုပ်ရုံဆွေးနွေးပွဲ ပြုလုပ်

နေပြည်တော်တွင်ပြုလုပ်သည့် ဘေးဒဏ်ရင်ဆိုင် တုံ့ပြန်နိုင်စွမ်းတည်ဆောက်ခြင်းမူဝါဒများမှ လက်တွေ့ဆောင်ရွက်ခြင်းဆိုင်ရာ သင်ခန်းစာများရရှိ မှုအလုပ်ရုံဆွေးနွေးပွဲအား တွေ့ရစဉ်

ဝန်ကြီးဌာနများမှ အကောင်အထည်ဖော်နေသော သဘာဝဘေးတုံ့ပြန်မှုနှင့် ပတ်သက်သည့် မူဝါဒများအပေါ် သုံးသပ်ဆွေးနွေးသည့် ဘေးဒဏ်ရင်ဆိုင် တုံ့ပြန်နိုင်စွမ်းတည်ဆောက်ခြင်း မူဝါဒများမှ လက်တွေ့ဆောင်ရွက်ခြင်းဆိုင်ရာ သင်ခန်းစာများရရှိ မှုအလုပ်ရုံဆွေးနွေးပွဲကို နေပြည်တော်ရှိသင်္ဂဟ ဟိုတယ်တွင် ဒီဇင်ဘာ ၄ ရက်က ပြုလုပ်ခဲ့ကြောင်း သတင်းရရှိသည်။

အဆိုပါ အလုပ်ရုံဆွေးနွေးပွဲတွင် သယံဇာနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ မွေးမြူရေး၊ ရေလုပ်ငန်းနှင့် ကျေးလက်ဒေသ ဖွံ့ဖြိုးရေးဝန်ကြီးဌာနတို့နှင့် မိတ်ဖက်အဖွဲ့အစည်းများဖြစ်သည့် ကုလသမဂ္ဂအဖွဲ့အစည်းများ၊ ပြည်တွင်းပြည်ပအဖွဲ့အစည်းများ၊ ဒေသခံပြည်သူများက ပါဝင်ဆွေးနွေးမည်ဖြစ်ကြောင်း သိရသည်။

အလုပ်ရုံဆွေးနွေးပွဲတွင် ၀န်ကြီးဌာနသုံးခုမှ သဘာဝဘေးနှင့် ပတ်သက်သည့်မူဝါဒများနှင့် ပတ်သက်ပြီး အကောင်အထည်ဖော်ရာတွင် တွေ့ရသည့် အားသာချက်အားနည်းချက်များ၊ ရှေ့ဆက်ဆောင်ရွက်မည့် အစီအမံများ၊ လက်တွေ့မြေပြင်တွင် အဓိကဆောင်ရွက်ရမည့် ကိစ္စများစသည့် အချက်သုံးချက်အပေါ်တွင် အဓိကထားဆွေးနွေးမည်ဖြစ်ကြောင်း သိရသည်။

“ဘေးအန္တရာယ် ရင်ဆိုင်တုံ့ပြန်နိုင်ခြင်းဆိုင်ရာ မူဝါဒကနေ လက်တွေ့အကောင်အထည်ဖော်ရာကနေ ရရှိတဲ့သင်ခန်းစာတွေကို သက်ဆိုင်ရာကဏ္ဍအသီးသီးက ပုဂ္ဂိုလ်တွေရဲ့ အတွေ့အကြုံ သတင်းအချက်အလက်တွေကို ဖလှယ်ပြီး ရာသီဥတုပြောင်းလဲမှုဒဏ် ခံနိုင်ရည်နဲ့ပတ်သက်လို့ ရှေ့ဆက်လက်ဆောင်ရွက်မယ့် အစီအစဉ်တွေကို အဓိကထားဆွေးနွေးသွားဖို့ ရည်ရွယ်ပါတယ်” ဟု သယံဇာတနှင့် သဘာဝပတ်ဝန်းကျင်ထိန်းသိမ်းရေး ၀န်ကြီးဌာန၊ ညွန်ကြားရေးမှူးချုပ် ဦးလှမောင်သိန်းက ပြောကြားသည်။

မြန်မာနိုင်ငံသည်၂၀၁၆ တွင် ထုတ်ပြန်သည့် နိုင်ငံတကာစစ်တမ်းများအရ သဘာဝဘေးကြောင့် ထိခိုက်ဆုံးရှုံးနိုင်ခြေတွင် အဆင့် ၁၅ ၌ ရှိနေသကဲ့သို့ အသင့်ဖြစ်မှုတွင်လည်း နိုင်ငံပေါင်း ၁၇၁ နိုင်ငံအနက် အဆင့်  ၁၅ တွင် ရပ်တည်လျက်ရှိကြောင်း၊ တစ်ကမ္ဘာလုံး အတိုင်းအတာအရ သဘာဝဘေးဒဏ် ဖြစ်ပွားမှုတွင်လည်းအဆင့် ၄၀ ကျော်တွင် ရှိနေကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ ညွှန်ကြားရေးမှူးဦးဝင်းထိန်ကျော်က ပြောကြားသည်။

ပြည်သူလူထုအနေဖြင့် သဘာဝဘေးဒဏ်နှင့် ပတ်သက်ပြီး ယခင်က သတိမပြုကြသော်လည်း ၂၀၀၈ ခုနှစ် နာဂစ်မုန်တိုင်းတိုက် ခတ်ပြီးနောက်ပိုင်းတွင်မှ သတိပြုမိကြပြီး ပူးပေါင်းဆောင်ရွက်မှုများ ပြုလုပ်လာကြကြောင်း၊ ဘေးအန္တရာယ်အသင့်ဖြစ်မှုတွင် ယခင်ထက် တဖြည်းဖြည်းတိုးတက်လာကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ ညွှန်ကြားရေးမှူး ဦးဝင်းထိန်ကျော်က ပြောကြားသည်။

“ကျွန်တော်တို့ အားစိုက်ဆောင်ရွက်ဖို့လိုတာက ဘေးအန္တရာယ်ကတားဆီးလို့ မရဘူး။ ကြိုတင်ပြင်ဆင်မှု၊ အဆင်သင့်ဖြစ်မှုနဲ့ ပြည်သူလူထုရဲ့အားနဲ့ ပူးပေါင်းဆောင်ရွက်ရမှာ ဖြစ်ပါတယ်။ ၀န်ကြီးဌာနတစ်ခုတည်းမှာလည်း တာဝန်ရှိတာ မဟုတ်ပါဘူး။ ၀န်ကြီးဌာနအားလုံးမှာ တာဝန်ရှိပါတယ်” ဟု ညွှန်ကြားရေးမှူးဦးဝင်းထိန်ကျော်က ပြောကြားသည်။

မြန်မာနိုင်ငံသည် အရှေ့တောင်အာရှ နိုင်ငံများအနက် သဘာဝဘေးအန္တရာယ် အားလုံးဖြစ်ပွားသည့် နိုင်ငံဖြစ်ကြောင်း၊ မြေငလျင်ဘေး၊ မီးဘေး၊ ရေဘေး၊ လေပြင်းမုန်တိုင်းဘေး၊ မိုးခေါင်ရေရှားဘေး၊ မိုးကြိုးဘေး၊ ဆူနာမီ၊ မုန်တိုင်းဒီရေဘေးစသည်တို့ အားလုံးဖြစ်ပွားကြောင်း၊ အရှေ့တောင်အာရှနိုင်ငံများနှင့် နှိုင်းယှဉ်ပါက အဆင့် ၂ ၊ ၃ ခန့် ရှိကြောင်း သိရသည်။

သဘာဝဘေးအန္တရာယ်ဆိုင်ရာ ကူညီထောက်ပံ့မှု လုပ်ငန်းများ ထိရောက်စွာ ဆောင်ရွက်နိုင်ရန် ကယ်ဆယ်ရေးနှင့် ပြန်လည်နေရာချထားရေး ဦးစီးဌာန မြို့နယ်အဆင့် ဦးစီးမှူးရုံးများ ဘဏ္ဍာငွေ ခွင့်ပြုချက် ရရှိပါက ယခုဘဏ္ဍာနှစ်မကုန်မီ ဖွင့်လှစ်မည်

ပဲခူးတိုင်းဒေသကြီး တောင်ငူခရိုင် အုတ်တွင်းမြို့တွင် မေ ၄ ရက် ညပိုင်းက မိုးသည်းထန်ပြီး လေပြင်းတိုက်ခတ်မှုကြောင့် နှစ်ပေါင်း ၁၀၀ ကျော်သက်တမ်းရှိ သစ်ပင်ကြီးများ လဲပြိုနေစဉ်

သဘာဝဘေးအန္တရာယ်ဆိုင်ရာ ကူညီထောက်ပံ့မှုလုပ်ငန်းများ ထိရောက်စွာ ဆောင်ရွက်သွားနိုင်ရန် ကယ်ဆယ်ရေးနှင့် ပြန်လည်နေရာချထားရေး ဦးစီးဌာန မြို့နယ်အဆင့်ဦးစီးမှူး ရုံးများအား ဘဏ္ဍာငွေ ခွင့်ပြုချက်ရရှိပါက လက်ရှိဘဏ္ဍာ နှစ်မကုန်မီ ဖွင့်လှစ်မည်ဟု လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားသည်။

အမျိုးသားလွှတ်တော် ဆဋ္ဌမပုံမှန် အစည်းအဝေး စတုတ္ထနေ့တွင် စစ်ကိုင်းတိုင်းဒေသကြီး မဲဆန္ဒနယ် အမှတ် (၈) မှ ဦးကိုကိုနိုင်က သဘာဝဘေးအန္တရာယ် ကြိုတင်ကာကွယ်ရေး လုပ်ငန်းများ စနစ်တကျ ကြိုတင်ဆောင်ရွက်ရန် နှစ်စဉ် သဘာဝဘေးအန္တရာယ် ရင်ဆိုင်ကြုံတွေ့ ခံစားနေရသည့် မြို့နယ်များတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန၊ ကယ်ဆယ်ရေးနှင့် ပြန်လည်နေရာချထားရေး ဦးစီးဌာန၊ မြို့နယ်အဆင့် ဦးစီးမှူးရုံးများ အမြန်ဆုံး ဖွင့်လှစ်ပေးရန် အစီအစဉ်ရှိ၊ မရှိ မေးမြန်းခဲ့သည်။

အဆိုပါ မေးမြန်းမှုအား ပြည်ထောင်စုဝန်ကြီးက “အဲဒီရုံးတွေ ဖွင့်လှစ်ဖို့ ၂၀၁၇-၂၀၁၈ ဘဏ္ဍာနှစ် ဖြည့်စွက်ခွင့်ပြုငွေမှာ ထည့်သွင်းတောင်းခံထားပါတယ်။ ခွင့်ပြုချက်ရရှိပါက ဘဏ္ဍာနှစ်မကုန်မီ ရုံးများ ဖွင့်လှစ်သွားမှာ ဖြစ်ပါတယ်။ ပြည်သူတွေအတွက် သဘာဝဘေးအန္တရာယ်ဆိုင်ရာ ကူညီထောက်ပံ့မှု လုပ်ငန်းတွေကို ပိုမိုထိရောက်စွာ ဆောင်ရွက်သွားနိုင်မှာ ဖြစ်ပါတယ်” ဟု လွှတ်တော်သို့ ပြောကြားသည်။

ထိုသို့ဆောင်ရွက်နိုင်ရန်အတွက် ၂၀၁၇-၂၀၁၈ ဘဏ္ဍာနှစ်မှ ၂၀၂၃-၂၀၂၄ ဘဏ္ဍာနှစ်အထိ ခြောက်နှစ်တာ ကာလအတွင်း မြန်မာတစ်နိုင်ငံလုံးတွင် ခရိုင်ရုံးပေါင်း ၇၄ ရုံး၊ မြို့နယ်ရုံးပေါင်း ၃၃၀ အထိ တိုးချဲ့ဖွင့်လှစ်သွားမည် ဖြစ်ကြောင်း ပြည်ထောင်စုဝန်ကြီးက ပြောကြားသည်။

၂၀၁၇ ခုနှစ် အောက်တိုဘာလအထိ ခရိုင်ရုံး ၂၈ ရုံး၊ မြို့နယ်ရုံး တစ်ရုံးသာ ဖွင့်လှစ်နိုင်သည့်အတွက် သဘာဝဘေးအန္တရာယ်ကို ထိရောက်စွာ ရင်ဆိုင်တုံ့ပြန်နိုင်ရေးအတွက် မြို့နယ်အဆင့်အထိ ဦးစီးရုံးများ အမြန်တိုးချဲ့ ဖွင့်လှစ်နိုင်ရေးသည် အရေးကြီးသည့် လုပ်ငန်းတစ်ရပ်ဖြစ်ကြောင်း၊ ၂၀၁၇-၂၀၁၈ ဘဏ္ဍာနှစ်အတွင်း မြို့နယ်ရုံးများအဖြစ် ကချင်ပြည်နယ်တွင် တစ်ရုံး၊ ကယားပြည်နယ်တွင် သုံးရုံး၊ ကရင် ပြည်နယ်တွင် နှစ်ရုံး၊ မွန်ပြည်နယ်တွင် ငါးရုံး၊ ရခိုင်ပြည်နယ်တွင် ခုနစ်ရုံး၊ ရှမ်းပြည်နယ်တွင် ခုနစ်ရုံး၊ ရန် ကုန်တိုင်းဒေသကြီးတွင် လေးရုံး၊ မန္တလေးတိုင်းဒေသကြီးတွင် ငါးရုံး၊ ပဲခူးတိုင်းဒေသကြီးတွင် ငါးရုံး၊ မကွေးတိုင်းဒေသကြီးတွင် ငါးရုံး၊ စစ်ကိုင်းတိုင်း ဒေသကြီးတွင် သုံးရုံး၊ ဧရာဝတီတိုင်းဒေသကြီးတွင် ရှစ်ရုံး စုစုပေါင်း ၅၅ ရုံး တိုးချဲ့ဖွင့်လှစ်မည် ဖြစ်ကြောင်း၊ ခရိုင်ရုံးများအဖြစ် ကချင်ပြည်နယ်၊ ကရင်ပြည်နယ်၊ ချင်းပြည်နယ်၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးတို့တွင် တစ်ရုံးစီ၊ ရှမ်းပြည်နယ်တွင် နှစ်ရုံး စုစုပေါင်း ခရိုင်ရုံးခုနစ်ရုံး တိုးချဲ့ဖွင့်လှစ်မည် ဖြစ်ကြောင်း ပြည်ထောင်စုဝန်ကြီးက ပြောကြားသည်။