ကျောက်ဖြူမြို့နယ်ရှိ သံဇစ်မြစ်ရေတွင် ခဲဓာတ်ပါဝင်မှု ၁၀ ဆအထိရှိနေပြီး ရေထုညစ်ညမ်းမှု အလွန်မြင့်မား နေခြင်းကြောင့် လူနှင့်တိရစ္ဆာန်များ အတွက် အန္တရာယ်ရှိနိုင်ဟု သိရ

ခဲဓာတ်ပါဝင်မှု ၁၀ ဆအထိ ရှိနေသည်ဆိုသော သံဇစ်မြစ် အစိတ်အပိုင်း တစ်နေရာကို တွေ့ရစဉ် (ပုံကြီး)၊ အနည်ကျနေသော ရေနမူနာကို တွေ့ရစဉ် (ပုံသေး)

ရခိုင်ပြည်နယ် ကျောက်ဖြူမြို့နယ်ရှိ သံဇစ်မြစ်ရေတွင် ခဲဓာတ်ပါဝင်မှု ၁၀ ဆ အထိရှိနေပြီး ရေထုညစ်ညမ်းမှု အလွန်မြင့် မားနေခြင်းကြောင့် လူနှင့် တိရစ္ဆာန်များအ တွက် အန္တရာယ်ရှိနိုင်ကြောင်း စိမ်းလန်းအမိ မြေအသင်း၏ သဘာဝပတ်ဝန်းကျင်ဓာတ်ခွဲ ခန်း၏ ထုတ်ပြန်ချက်အရ သိရသည်။

သြဂုတ်လအတွင်းက မဒေးကျွန်း ရေနံတင်ဆိပ်ကမ်းအရှေ့ဘက် အဆိုပါသံဇစ်မြစ်အတွင်း သုံးမိုင်ခန့်တွင် သဘာဝ အနေအထားနှင့် မတူဘဲ ညစ်ညမ်းနေသော အရည်များ ပါဝင်နေသည်ကို ဒေသခံများ သတိထားမိကြပြီးနောက် ယင်းရေများကို စမ်းသပ်မှုများပြုလုပ်ရန် ဆောင်ရွက်ခဲ့ကြသည်။

သို့သော်လည်း ဒေသခံများ ကျေနပ်လောက်သော အဖြေကို မရရှိခဲ့သည့်အတွက် ယင်းရေတွင် ပါဝင်နေသော အရာများနှင့် ပတ်သက်ပြီး စိမ်းလန်းအမိမြေအသင်း၏ သဘာဝပတ်ဝန်းကျင် ဓာတ်ခွဲခန်းသို့ သွားရောက်ပြီး စစ်ဆေးခဲ့ခြင်း ဖြစ်ကြောင်း သိရသည်။

ယင်းနှင့်ပတ်သက်ပြီး ဒေသခံတစ်ဦးဖြစ်သူ ဦးထွန်းနိုင်က “ရေတွေ နောက်နေတာဟာ သဘာဝအတိုင်း မဟုတ်ဘူး။ အဆီအချွဲတွေ ပါဝင်နေတယ်။ ဒါကြောင့် တစ်ခုခုနဲ့ ပတ်သက်ရမယ်လို့သာ ကျွန်တော်တို့က ပြောနိုင်တယ်။ ဘာကြောင့်ဆိုတာကို ကျွန်တော်တို့ မပြောနိုင်ပေမယ့် ကျွန်တော်တို့ သွားရောက် လေ့လာချက်အရ ငါးဖမ်းပိုက်တွေမှာ ဆီတွေ ချွဲနေတဲ့အတွက် ရက်တော်တော်ကြာ ဆေးကြောရတယ်လို့ ရေလုပ်သားတွေက ပြောတယ်။ ဂုံးသွားရှာတဲ့လူတွေရဲ့ ကိုယ်တွေမှာလည်း ဆီတွေချွဲလာတယ်လို့ ပြောတယ်။  ဒါဟာ ဆီလိုအရာမျိုး တစ်ခုခုပါဝင်နေတယ် ဆိုတာကို ငြင်းလို့မရပါဘူး။ ကျွန်တော်တို့က ရေနမူနာ ငါးနေရာလောက်ကို ယူထားတော့ အဲဒီရေတွေမှာ အနည်တွေကျတယ်။အနည် တွေဟာ ဆီလိုပျစ်ချွဲနေတာကို တွေ့ရတယ်။ ဒါကြောင့် အစိုးရအနေနဲ့ ဒီကိစ္စကို သေချာ ဖြေရှင်းပေးဖို့လိုတယ်။ တာဝန်ယူ ဖြေရှင်း ပေးဖို့လိုပါတယ်” ဟု ပြောကြားသည်။

စိမ်းလန်းအမိမြေ အသင်း၏ သဘာဝပတ်ဝန်းကျင် ဓာတ်ခွဲခန်းမှ ထုတ်ပြန်ချက်များအရ သံဇစ်မြစ်ရေ ညစ်ညမ်းမှု အလွန်မြင့်မားနေပြီး လူနှင့် ရေသတ္တ၀ါများ အန္တရာယ်ရှိနိုင်သော စံနှုန်းသတ်မှတ်ချက်ထက် ကျော်နေ သည်ကို တွေ့ရှိရကြောင်း၊ ပေးပို့လာသော နမူနာ၏ ရူပ-ဓာတု ဂုဏ်သတ္တိ ၁၆ မျိုးကို စမ်းသပ်စစ်ဆေးခဲ့ရာ သတ်မှတ်စံနှုန်းထက် ခဲဓာတ်မှာ ၁၀ ဆပါဝင်နေပြီး ဖီနောဓာတ်မှာ ၂၆ ဆ များနေသည်ကို တွေ့ရှိရကြောင်း ဖော်ပြထားသည်။

လက်ရှိအနေအထားတွင် အဆိုပါ နောက်ကျိနေသော ရေများသည် ကျောက်ဖြူမြို့နယ်မှတစ်ဆင့် မြေပုံမြို့နယ်နှင့် အမ်းမြို့နယ်များ အတွင်းရှိ မြစ်ချောင်းများသို့လည်း ပျံ့နှံ့နေသည်ကို တွေ့ရှိရကြောင်း သိရပြီး ယင်းရေ ပျံ့နှံ့ရောက်ရှိသော နေရာများတွင် ငါး၊ ပုစွန်များ ဖမ်းဆီး၍ မရနိုင်ကြောင်းလည်း ကွင်းဆင်း လေ့လာသူများက ဆိုသည်။

“အဲဒီရေရှိတဲ့နေရာမှာ ငါးပုစွန် ဖမ်းဆီးလို့ မရနိုင်ဘူး ဆိုပြီးတော့ ပြောကြတယ်။ တံငါသည်တွေရဲ့ ပြောစကားသာဖြစ်တယ်။ ဒါပေမဲ့ အဲဒီနောက်ကျိနေတဲ့ ရေတွေမရောက်တဲ့ နေရာတွေမှာတော့ ပုံမှန်ငါးဖမ်းဆီး ရရှိနိုင်တာမျိုးကို တွေ့ရတယ်။ ဒါကြောင့် အစိုးရအနေနဲ့ အကောင်းဆုံး ဖြေရှင်းချက်ပေးဖို့ လိုပါတယ်။ အခုက ဓာတ်ခွဲခန်းက ထွက်လာတဲ့ အဖြေကလည်း ရထားပြီဆိုတော့ ဒေသခံတွေအတွက် ထိခိုက်ပါတယ်” ဟု ဦးထွန်းနိုင်က ပြောကြားသည်။

 

မြန်မာနိုင်ငံ အရှေ့တောင်ပိုင်းရှိ ရေကာတာများကြောင့် မြေယာဆုံးရှုံးခြင်း၊ ရေလွှမ်းခြင်း၊ အသက်မွေးဝမ်းကျောင်း ထိခိုက်ခြင်းနှင့် ပတ်သက်၍ ဒေသခံများ သတင်းစာရှင်းလင်း

ဒေသခံများက ဇူလိုင် ၁၀ ရက်တွင် သတင်းစာ ရှင်းလင်းပွဲ ပြုလုပ်နေစဉ်

မြန်မာနိုင်ငံ အရှေ့တောင်ပိုင်းရှိ ရေကာတာများကြောင့် မြေယာဆုံးရှုံးခြင်း၊ ရေလွှမ်းခြင်း၊ အသက်မွေးဝမ်းကျောင်း ထိခိုက်ခြင်းနှင့် ပတ်သက်၍ ဒေသခံများက ဇူလိုင် ၁၀ ရက် နံနက်ပိုင်းက ရန်ကုန်မြို့ရှိ Orchid Hotel တွင် သတင်းစာ ရှင်းလင်းပွဲ ပြုလုပ်ခဲ့သည်။

အဆိုပါပွဲကို ကရင်လူ့အခွင့်အရေးအဖွဲ့ (KHRG) နှင့် ကရင်မြစ်ချောင်းများ စောင့်ကြည့်ရေးကွန်ယက် (KRW) တို့မှ ဦးဆောင်ကျင်းပခြင်းဖြစ်ပြီး မြန်မာနိုင်ငံအရှေ့တောင်ပိုင်းရှိ ရေကာတာများဖြစ်သည့် ဟတ်ကြီး၊ သောက်ရေခပ် (၁)၊ သောက်ရေခပ် (၂)၊ ရွှေကျင်၊ ပသိ၊ ဘီလင်းစသည့် ရေကာတာများ အနီးတွင် နေထိုင်သည့် ဒေသခံများက ထိခိုက်ခံစားရမှုများကို ရှင်းလင်းပြောကြားခဲ့ပြီး ‘ရေကာတာသည် ဖွံ့ဖြိုးရေးလော၊ ပျက်စီးခြင်းလော’ ခေါင်းစဉ်ဖြင့် ရေအားလျှပ်စစ် စီမံကိန်းများကြောင့် ဆိုးကျိုးသက်ရောက် မှုများနှင့် အကြုံပြုချက်များ ပါဝင်သည့် အစီရင်ခံစာကို မိတ်ဆက်ခြင်း ပြုလုပ်ခဲ့ကြောင်း သိရသည်။

“ကျွန်မတို့က ၂၀၀၀ ခုနှစ်လောက်မှာ မြေတွေကို သိမ်းပါတယ်။ တကယ် စီမံကိန်းလုပ်တာက ၂၀၀၂/၂၀၀၃ ခုနှစ်လောက်မှ စီမံကိန်းလုပ်ပါတယ်။ ၂၀၁၁ ခုနှစ်မှာတော့ ရေအားလျှပ်စစ် စီမံကိန်းဖွင့်ပွဲ လုပ်ခဲ့ပါတယ်။ အဲဒီအချိန်အထိ ကျွန်မတို့ကို လျော်ကြေး၊ နစ်နာကြေး ဘာတစ်ခုမှ မပေးခဲ့ပါဘူး။ ကျွန်မတို့ ရွှေကျင်ဒေသခံတွေ စီးပွားရေးဖြစ်တဲ့ ဥယျာဉ်၊ ခြံ၊ မြေတွေက ရွှေကျင်ရေအားလျှပ်စစ်ရှိခဲ့လို့ ရေမြုပ်ခဲ့တယ်။ လူမျိုးစု တိုင်းရင်းသားတွေနဲ့ ရွာပေါင်း ၃၁ ရွာ ရေမြုပ်ခံခဲ့ရပါတယ်” ဟု ရွှေကျင်ဒေသခံ တစ်ဦးဖြစ်သည့် ဒေါ်အေးအေးမြင့်က ပြောကြားသည်။

ရွှေကျင်ဒေသမှ မြေယာများ၏ တစ်နှစ်တာဝင်ငွေသည် တစ်ဧကလျှင် ၁၀ သိန်းမှ သိန်း ၃၀ အထိရှိကြောင်း၊ ရေကျင်ရေအားလျှပ်စစ် လုပ်ပြီးနောက်တွင် မည်သည့်နစ်နာမှု လျော်ကြေးမှ မရရှိခဲ့ကြောင်း၊ အရပ်သား အစိုးရ တက်လာချိန်တွင် တစ်ဧကလျှင် လျော်ကြေး ၁၅ သိန်း ဆွေးနွေးညှိနှိုင်း သတ်မှတ်ခဲ့သော်လည်း လျော်ကြေး လေးသိန်းနှစ်သောင်းသာ လျော်ကြေးပေးခဲ့ကြောင်း၊ နိုင်ငံတော် သမ္မတက သိမ်းဆည်းခံ မြေယာများကို ဥပဒေနှင့်အညီ စိစစ်၍ လျော်ကြေးများ ပြန်ပေးမည်ဟု ပြောကြားထားသဖြင့် မြေယာလျော်ကြေးများကို ပွင့်ပွင့်လင်းလင်း ဆောင်ရွက်ပေးရန် တောင်းဆိုကြောင်း၊ ရွှေကျင်ရေကာတာနှင့် ပတ်သက်ပြီး မြေယာလျော်ကြေးပေးရာတွင် မျှတမှု မရှိခြင်းနှင့် ပွင့်လင်းမြင်သာမှု မရှိခြင်း၊ ဆွေးနွေးတိုင်ပင်မှု မရှိခြင်း၊ ဧကလျှော့ပေးခြင်းများရှိကြောင်း ဒေါ်အေးအေးမြင့်က ပြောကြားသည်။

အလားတူ မြန်မာနိုင်ငံ အရှေ့တောင်ပိုင်းရှိ ရေကာတာများနှင့် စီမံကိန်းများကြောင့် လူမှုဘ၀ ထိခိုက်နိုင်ခြင်းများ၊ မြေယာများ ဆုံးရှုံးခံရနိုင်ခြင်း၊ ရေလွှမ်းနိုင်ခြင်း၊ အသက်မွေးဝမ်းကြောင်း ထိခိုက်နိုင်ခြင်းနှင့် လျော်ကြေးငွေ မရရှိခြင်း စသည့်အကြောင်း အရာများကို ဒေသအသီးသီးမှ ဒေသခံပြည်သူများက သတင်းစာ ရှင်းလင်းပွဲ၌ ရှင်းလင်းပြောကြားသည်။

ထို့နောက် ကရင်မြစ်ချောင်းများကွန်ရက် (KRW) နှင့် ကရင်လူ့အခွင့်အရေးအဖွဲ့ (KHRG) တို့ ပူးပေါင်းပြုစုခဲ့သည့် ‘ရေကာတာသည် ဖွံ့ဖြိုးရေးလော၊ ပျက်စီးရေးလော’ ရေကာတာ တည်ဆောက်ခြင်းကြောင့် ဒေသခံများအပေါ် ဆိုးကျိုးသက်ရောက်မှုများ အစီရင်ခံစာကို မိတ်ဆက်ထုတ်ပြန်ခဲ့သည်။

“ကျွန်တော်တို့အနေနဲ့ အစီရင်ခံစာက ရရှိတဲ့ အချက်အလက်တွေကို ပညာရှင်တွေကိုလည်း ပေးမယ်။ မီဒီယာတွေကိုလည်း ပေးမယ်။ အဲဒီလို ဖြန့်ဝေခြင်းအားဖြင့် မြန်မာနိုင်ငံ အရှေ့တောင်ပိုင်းမှာ ဖြစ်နေတဲ့ ရေကာတာနဲ့ ပတ်သက်တဲ့ အခြေအနေတွေကို ပိုသိရမယ်။ ထို့နည်းတူပဲ ကျွန်တော်တို့ရရှိတဲ့ သတင်းအချက်အလက် စာအုပ်တွေကို ဆုံးဖြတ်ချက်ချနိုင်တဲ့ သူတွေဆီ တစ်ဆင့်ချင်းစီ လက်ဆင့်ကမ်းပြီး ပေးသွားမယ့် အစီအစဉ်တွေ ရှိပါတယ်” ဟု ကရင်မြစ်ချောင်းများကွန်ရက် (KRW) မှ စောသာဘိုးက ပြောကြားသည်။

ယင်းအစီရင်ခံစာတွင် ရေကာတာစီမံကိန်းများနှင့် လူမှုဘ၀ ထိခိုက်နိုင်ခြင်းများ၊ မြေယာများ ဆုံးရှုံးခံရခြင်း၊ ရေလွမ်းနိုင်ခြင်း၊ အသက်မွေးဝမ်းကြောင်း ထိခိုက်နိုင်ခြင်းနှင့် လျော်ကြေးငွေမရရှိခြင်း၊ နေရပ်ရွှေ့ပြောင်း ခံရခြင်း၊ ညှိနှိုင်းဆွေးနွေးမှုများတွင် ပါဝင်ခွင့်အားနည်းခြင်း၊ ပြန်လည်အစားထိုး မရနိုင်သော ဆုံးရှုံးနစ်နာမှုများ၊ တရားမျှတမှု မရှိသော လျော်ကြေး၊ ရေကာတာ စီမံကိန်းကြောင့် အဓမ္မနေရပ်ရွေ့ပြောင်း နေထိုင်ရခြင်း၊ လက်နက်ကိုင်တိုက်ပွဲနှင့် မိုင်းအန္တရာယ်များနှင့် အကျိုးအမြတ် ခွဲဝေပေးခြင်း ယန္တရားများ ထားရှိရန် ပျက်ကွက်ခြင်း စသည်တို့ကို ရေးသားဖော်ပြထားသည်။

အလားတူ ရေအားလျှပ်စစ် ဖော်ဆောင်ရေးကဏ္ဍ ကောင်းမွန်လာအောင် ပြန်လည်ပြုပြင်ရာတွင် မူဝါဒရေးဆွဲသူများနှင့် ရေအားလျှပ်စစ်စီမံကိန်း ဖော်ဆောင်သူများအတွက် အကြံပြုချက်များ၊ မြန်မာပြည် အရှေ့တောင်ပိုင်းရှိ လူနည်းစု တိုင်းရင်းသားများအား ရေအားလျှပ်စစ် စီမံကိန်းများသည် မည်ကဲ့သို့ ဆိုးကျိုးသက်ရောက်မှု ဖြစ်စေကြောင်းကို သုတေသန ပြုလုပ်ထားသော ရလဒ်များအပေါ် မူတည်ပြီး ပေးထားသော အကြံပြုချက်များ၊ မြန်မာနိုင်ငံ၏ ဥပဒေနှင့် အုပ်ချုပ်မှုနည်းစနစ်သည် နိုင်ငံတကာ၏ အကောင်းဆုံးစံနှုန်း၊ ကျင့်ထုံးများအရ မည်သည့်အချက်နှင့် ဆန့်ကျင်နေသည်ကို တိုင်းတာ ဖော်ပြထားမှုများ စသည့် အကြံပြုချက်များ အစီရင်ခံစာတွင် ပါဝင်ကြောင်း သိရသည်။

 

ဂါဘွန်၏ မြို့တော် အလျင်အမြန် တိုးတက်မှု၌ နစ်နာသူမှာ သဘာဝပတ်ဝန်းကျင်ဖြစ်နေ

မေ ၁၇ ရက်က လိုင်ဘရီဗီးမြို့ရှိ အန်ဂွန်ဂျီခရိုင်တွင် လမ်းတစ်လမ်းပေါ် ဖြတ်သန်းသွားသူ တစ်ဦးကို တွေ့ရစဉ် (Photo : AFP)

“ဒါဟာ သဘာဝပတ်ဝန်းကျင် ကပ်ဘေးဆိုက်တာပဲ” ဟုမာဂလိုရာ -ဒီဆီရီ မောင်ဂန်ဂါက ပျော့အိစို စွတ်နေသော မြေပေါ်၌ ခြေလှမ်းကျဲကျဲဖြင့် သွားနေစဉ် ပြောကြားခဲ့သည်။ ဂါဘွန်နိုင်ငံ၏မြို့တော် လိုင်ဘရီဗီးအနီးရှိ အဆိုပါမြေနေရာပေါ်မှ လမုပင်များမှာ ဖွံ့ဖြိုးတိုးတက်ရေး လုပ်ငန်းတို့ကြောင့် ရှင်းလင်းခံလိုက်ရသည်။ ထို့ကြောင့် အကြမ်းမခံတော့သည့် ဂေဟစနစ်အတွက် ခြိမ်းခြောက်မှု ဖြစ်လာပြီဖြစ်သည်။

“ဒီနေရာက လမုပင်တွေ လုံးဝ ရှင်းခံလိုက်ရတယ်။ ဘူဒိုဇာအရာတွေတောင် ကျန်နေသေးတယ်” ဟု ဂါဘွန်အမျိုးသား ဥယျာဉ်များဆိုင်ရာ အမျိုးသားအေဂျင်စီမှ ကျွမ်းကျင်သူ တစ်ဦးဖြစ်သော မောင်ဂန်ဂါက ပြောခဲ့သည်။ အန်ဂွန်ဂျီနတွန် ရပ်ကွက်ထဲရှိ ထိုလမ်းကြောင်းအ တိုင်းလျှောက်သွားလျှင် လူချမ်းသာ များပိုင်ဆိုင်သော အိမ်ကြီးရခိုင်များ ရှိသည့် အခြမ်းသို့ ရောက်သွားမည် ဖြစ်သည်။

လိုင်ဘရီဗီးမြို့တော်သည် ထိန်းမနိုင်သိမ်းမရ တိုးချဲ့မှုများကို ပြုလုပ်နေသောကြောင့် တစ်ချိန်က လမုပင်တို့ထူထပ်စွာ ပေါက်ရောက် ခဲ့သည့် ရွှံ့ညွန်မြေများပေါ်၌ လက်ရှိ တွင် အဆောက်အအုံများ အပြိုင်အဆိုင် ထိုးထွက်လာကြပြီဖြစ်သည်။ ထို့ကြောင့် ကြမ်းတမ်း၍ ချုံထူသော လမုပင်ငယ်များမှာလည်း တစ်စ တစ်စနှင့် ရှင်းလင်းခံနေရပြီ ဖြစ်သည်။

ထိုသို့ လမုပင်များ ရှင်းခံနေရခြင်းသည် ကမ်းရိုးတန်းမြို့ လိုင်ဘရီဗီးအတွက် ဂေဟဆိုင်ရာ သိုလှောင်မှုများ လျော့ပါးသွားခြင်းဖြစ်ပြီး ရေကြီးခြင်းကဲ့သို့ သဘာဝဘေး အန္တရာယ်များနှင့် ကြုံရပါက မြို့၏ အကာအကွယ်မှာလည်း အားနည်းသွားပြီဖြစ်ကြောင်း ကျွမ်းကျင်သူများက ပြောနေကြသည်။

“လမုပင်တွေဟာ သူတို့ရဲ့ ရှည်လျားလှတဲ့ အမြစ်တွေနဲ့ ရေကိုထိန်းနိုင်သလို ကမ်းရိုးတန်း တိုက်စားခံရ မှုကိုလည်း ကာကွယ်ပေးပါတယ်။ ဒါ့အပြင် ရေနေသတ္တ၀ါတွေကိုလည်း ပြုစုပျိုးထောင်ပေးနိုင်ပါတယ်” ဟု လိုင်ဘရီဗီးရှိ Omar Bongo တက္ကသိုလ်မှ ပထ၀ီပညာရှင် မီဒတ်အိုဘိုင် အီဘာနီဂါက ပြောကြားခဲ့သည်။

“လမုပင်တွေကို ရှင်းပြီး အဲဒီနေရာမှာ အိမ်တွေဆောက်နေကြတယ်။ ဂါဘွန်က လူချမ်းသာတွေဟာ ကိုယ့်ပြဿနာ ကိုယ်ဖန်တီး နေကြတာပဲ” ဟု မောင်ဂန်ဂါကဆိုသည်။

အဆောက်အအုံဆောက်ရန် မသင့်

“ဒီက မြေကြီးတွေဟာ သစ်ဆွေးမြေတွေဖြစ်ပြီး အထဲမှာ ရေတွေရှိနေတယ်” ဟု မောင်ဂန်ဂါက ပြောနေစဉ် ၎င်း၏ဘွတ်ဖိနပ်များသည် ရွှံ့ထဲသို့ နစ်ဝင်သွားသည်။

“သစ်ဆွေးမြေတွေဟာ ရေကြီးတာကို ကာကွယ်နိုင်ပါတယ်။  ရေမြှုပ်လိုမျိုးပေါ့။ ဒါပေမဲ့ အဲဒီမြေကြီးကို ကွန်ကရစ်တွေနဲ့ ဖုံးလိုက်မယ်ဆိုရင်တော့ ရေတွေဟာ မြေကြီးထဲ မစိမ့်ဝင်နိုင်တော့ဘဲ မြင့်တက်လာပါလိမ့်မယ်။ ကမ္ဘာကြီးကလည်း ပူနွေးလာတာ ဖြစ်တဲ့အတွက် ဒီအိမ်တွေ ရေမြုပ်မှာကတော့ မလွဲဧကန်ပါပဲ” ဟု မောင်ဂန်ဂါက အပူချိန်များ မြင့်တက်လာခြင်းနှင့်အတူ ပင်လယ်ရေမျက်နှာပြင် မြင့်တက်လာမည့် အန္တရာယ်ကို ရည်ညွှန်း ပြောကြားခဲ့သည်။

“ဒီမြေပေါ်မှာ အဆောက်အအုံ ဆောက်လို့မရဘူး။ ဒါကိုလူတွေက နားမလည်ကြဘူး” ဟု ၎င်းက ဆိုသည်။ ရေနံကြွယ်ဝသော ဂါဘွန်နိုင်ငံသည် အီကွေတာအနီးတွင်ရှိသော အာဖရိကနိုင်ငံငယ်လေးတစ်ခု ဖြစ်သည်။ စတုရန်းကီလိုမီတာ ၂၇၀၀၀၀ (စတုရန်းမိုင် ၁၀၄၀၀၀) ကျယ်ဝန်းသော ဂါဘွန်သည် ဂေဟဗေဒ ထိန်းသိမ်းရေး လုပ်ငန်းများကြောင့် ချီးမွမ်းမှုများကိုလည်း ရရှိထားသည်။

ဂါဘွန်ထဲတွင် အမျိုးသားဥယျာဉ် ၁၃ ခုရှိပြီး ယင်းတို့ အားလုံးပေါင်းသည် နိုင်ငံ့ကုန်းမြေဧရိယာ၏ ၁၁ ရာခိုင်နှုန်းရှိသည်။ ထို့ပြင် ကာကွယ်ပေးထားသော ပင်လယ်ဇုန် ၂၀ လည်းရှိသည်။ ယင်းတို့သည် ဗဟိုအာဖရိက၏ စံနှုန်းနှင့် နှိုင်းယှဉ်ပါက အလွန်ခိုင်မာသည့် အောင်မြင်မှုဖြစ်သည်။

ဂါဘွန်နိုင်ငံထဲရှိ လမုပင်များသည် ဂီနီပင်လယ်ကွေ့ ဒေသတစ်ခုလုံးတွင်ရှိသော လမုပင်များ၏ ထက်ဝက်ခန့်ရှိသည်။ ယင်းတို့အနက် အများစုမှာ လိုင်ဘရီဗီးမြို့စွန်တွင် ရှိနေခြင်း ဖြစ်သည့်အတွက် မြို့ပြ၏ ခိုင်မာသော အကာအကွယ်များ ဖြစ်ကြသည်။

“အတ္တလန္တိတ်ချိုင့်ဝှမ်းဒေသ တစ်ခုလုံးမှာ အဆင့်အတန်းပြည့်မီပြီး ကာကွယ်မှု ရရှိထားတဲ့ နေရာတွေ လုံးလုံးလျားလျား ၀န်းရံခံရတာ လိုင်ဘရီဗီးမြို့တော် တစ်ခုပဲ ရှိပါတယ်” ဟု ANPN မှ ကျွမ်းကျင်သူ မာသီယူဒီခရော့က ဆိုသည်။

ဥပဒေမရှိဘူး

ဂါဘွန်နိုင်ငံ၏ ဥပဒေသည် မြေကို ဦးစွာအသုံးပြုထားသူများအား ဦးစားပေးလေ့ရှိသည်။ ယင်း၏အဓိပ္ပာယ်မှာ အချင်းချင်းနား လည်မှုဖြင့် မြေကွက်များကို လဲလှယ်ပြီး မြို့ပြစီမံကိန်းဆိုင်ရာ အမျိုးသား အေဂျင်စီကလည်း ထိုအကြောင်းကို စာရင်းမှတ်ပေးရုံသာဖြစ်ကြောင်း စစ်တမ်းအင်ဂျင်နီယာ ပီးယားဘွန်ဂိုလီက ဆိုသည်။

“မြို့ပြစီမံကိန်းနဲ့ ပတ်သက်ပြီး ဥပဒေတွေမှာ ဖော်ပြမှုအချို့ ရှိပေမယ့် သက်ရောက်မှုတော့ မရှိပါဘူး။ ဥပမာအားဖြင့် ပြောရမယ်ဆိုရင် အဆောက်အအုံအသစ်ဆောက်ရင် သဘာဝပတ်ဝန်းကျင်အပေါ်သက် ရောက်မှုနဲ့ပတ်သက်ပြီး လေ့လာမှု တွေလုပ်ဖို့ ဥပဒေက ထောက်ခံထားပါတယ်။ ဒါပေမဲ့ အဲသလို မလုပ်ကြပါဘူး” ဟု ၎င်းက ဆိုသည်။ ယင်းဖြစ် စဉ်သည် ဈေးကစားခြင်း၊ ခြစားမှု ထူပြောခြင်းများကြောင့် ပို၍ပင် ဆိုးရွားလာခဲ့သည်။

“ပြင်းထန်တင်းကျပ်တဲ့ မြို့ပြစည်းကမ်းတွေ၊ မြေထိန်းသိမ်းရေးမူ ၀ါဒတွေ မပြဋ္ဌာန်းဘူး ဆိုရင်တော့ ကျွန်တော်တို့ဟာ ရာသီဥတု ဖောက်ပြန်မှု၊ မြေအငြင်းပွားမှု၊ ကြီးထွားလာတဲ့ ဆင်းရဲမွဲတေမှု၊ ရောဂါ၊ သေခြင်းတရားတွေနဲ့ ထိပ်တိုက်ရင်ဆိုင်ရတော့မယ့် အန္တရာယ်ရှိနေပါတယ်” ဟု ပီးယားဘွန်ဂိုလီက ပြောခဲ့သည်။

Ref : AFP

ကမ္ဘာကြီး ပူနွေးလာခြင်းကြောင့် ဟင်းသီးဟင်းရွက်များ ပိုမိုရှားပါးလာနိုင်

ဖေဖော်ဝါရီ ၁၆ ရက်က ပါရီအနီး ဈေးတစ်ခုတွင် ဟင်းသီးဟင်းရွက်များ ရောင်းချနေမှုကို တွေ့ရစဉ် (Photo : AFP)

အကြမ်းခံနိုင်သော သီးနှံမျိုးကွဲများ၊ စိုက်ပျိုးမှု နည်းလမ်းသစ်များကို အသုံးမပြုပါ က ကမ္ဘာကြီး ပူနွေးလာမှုကြောင့် ကမ္ဘာတစ်ဝန်း၌ ဟင်းသီးဟင်းရွက်များ သိသိသာသာ ရှားပါးသွားလိမ့်မည်ဟု သုတေသီများက ဇွန် ၁၂ ရက်တွင် သတိပေးခဲ့သည်။

ဟင်းသီးဟင်းရွက်များသည် ကျန်းမာရေးနှင့် ညီညွတ်သော စားသောက်မှုပုံစံ တစ်ခုအတွက် မရှိမဖြစ် အရေးပါသည်။ သို့သော် ရေနည်းပါးခြင်းနှင့် ပိုမိုပူနွေးလာသော လေတို့ကြောင့် ယခုရာစုနှစ်ကုန်တွင်ပျမ်းမျှ ဟင်းသီးဟင်းရွက် အထွက်နှုန်းသည် သုံးပုံတစ်ပုံနီးပါး လျော့ကျသွားလိမ့်မည်ဟု အမျိုးသား သိပ္ပံအကယ်ဒမီ၏ အစီရင်ခံစာတွင် ဖော်ပြခဲ့သည်။

ကမ္ဘာကြီးပူနွေးမှုသည် လက်ရှိအလားအလာအတိုင်း ဆက်သွားမည် ဆိုပါက ၂၁၀၀ ပြည့်နှစ်တွင် အပူချိန်သည် ၇ ဒသမ ၂ ဖာရင်ဟိုက် ( ၄ ဆဲစီးယပ်) ထပ်မံမြင့်တက် လာမည်ဖြစ်သည်။ ထိုအခြေအနေသည် ပျမ်းမျှသီးနှံ အထွက်နှုန်းကို ၃၁ဒသမ ၅ ရာခိုင်နှုန်း လျော့ကျသွားစေနိုင်သည်။

ယင်းသို့ ထွက်နှုန်းလျော့ကျသွားမှုသည် ဥရောပ၊ အာဖရိကနေရာ အများစုနှင့် တောင်အာရှတို့တွင် အထူးသက်ရောက်မှု ရှိနိုင်သည်။ သဘာဝ ပတ်ဝန်းကျင်ဆိုင်ရာ ထိတွေ့မှုသည် သီးနှံအထွက်နှုန်းနှင့် အာဟာရ ပါဝင်မှုအပေါ် မည်သို့ သက်ရောက်မှု ရှိနိုင်သည် ဆိုခြင်းကို ၁၉၇၅ ခုနှစ်မှစ၍ လုပ်ဆောင်ထားသော အစီရင်ခံစာ ၁၇၄ ခုအား အခြေခံပြီး ယခုကဲ့သို့ ရှာဖွေတွေ့ရှိခဲ့ခြင်း ဖြစ်သည်။

“ကျွန်တော်တို့ရဲ့ ဆန်းစစ်သုံးသပ်ချက်တွေအရ ကျွန်တော်တို့ဟာ ပုံမှန်နည်းလမ်းကိုသုံးပြီး ဆက်လက် ချဉ်းကပ်နေမယ် ဆိုရင်တော့ သဘာဝပတ်ဝန်းကျင်ဆိုင်ရာ ပြောင်းလဲမှုကြောင့် ကမ္ဘာတစ်ဝန်းမှာ အရေးကြီးတဲ့ အစားအစာတွေဟာ သိသိသာသာ လျော့ကျသွားနိုင်ပါတယ်” ဟု လန်ဒန်ရှိ တစ်ကိုယ်ရည် သန့်ရှင်းမှုနှင့် အပူပိုင်း ဆေးဝါးကျောင်းမှ ဦးဆောင်သုတေသနပြုသူ ပေါလင်းစကီဘိခ်က ဆိုသည်။

သဘာဝပတ်ဝန်းကျင် ပြောင်းလဲမှု၏ ဒဏ်ကို ခံနိုင်ရည် မြင့်တက်လာစေရေး အတွက် စိုက်ပျိုးရေးကဏ္ဍကို ထောက်ပံ့လုပ်ဆောင်ပေးခြင်း အပါအ၀င် အရေးပေါ် ဆောင်ရွက်မှုများ လိုအပ်နေပြီဖြစ်ပြီး ယင်းသည် ကမ္ဘာတစ်ဝန်းမှ အစိုးရများ၏ ဦးစားပေး လုပ်ဆောင်ချက်တစ်ရပ် ဖြစ်လာသင့်သည်ဟု ၎င်းကဆက်လက် ပြောကြားခဲ့သည်။

အပူချိန် မြင့်တက်လာခြင်းသည် ပြောင်းပင်များ (ကမ္ဘာပေါ်တွင် ကျယ်ကျယ်ပြန့်ပြန့် အပေါက်ရောက်နိုင်ဆုံး သီးနှံ) ၏ အခြေအနေ မတည်ငြိမ်မှုကို ကြီးထွားစေသည့်အကြောင်း ဒုတိယမြောက် လေ့လာချက်တွင် တွေ့ရှိခဲ့သည်။ ယခင်လေ့လာမှုများတွင်လည်း ကမ္ဘာကြီး ပူနွေးလာမှုသည် ပြောင်းတို့၏ ကြီးထွားမှုကို လျော့ကျစေသည်ဟု သုတေသီများက အတည်ပြုခဲ့ပြီးဖြစ်သည်။ ကမ္ဘာပေါ်တွင် ပြောင်းတင်ပို့မှု အများဆုံး နိုင်ငံများမှာ အမေရိကန်၊ ဘရာဇီး၊ အာဂျင်တီးနားနှင့် ယူကရိန်းတို့ဖြစ်သည်။

Ref : AFP

အခြေခံရေနှင့်ဆိုင်သော ပတ်ဝန်းကျင်စီမံခန့်ခွဲမှုနှင့် ပတ်ဝန်းကျင်ထိခိုက်မှု ဆန်းစစ်ချက်အတွက် စွမ်းဆောင်ရည်ဖွံ့ဖြိုးမှုဆိုင်ရာ စီမံကိန်း၏ စီမံကိန်းပြီးမြောက်ခြင်း အလုပ်ရုံဆွေးနွေးပွဲ ကျင်းပ

မန္တလေးမြို့တော် စည်ပင်သာယာရေးကော်မတီ ခြောက်ထပ်ဆောင် အစည်းအဝေးခန်းမတွင် ၂၀၁၈ ခုနှစ် မေ ၉ ရက် နံနက် ၉ နာရီခွဲမှစတင်ကာ အခြေခံရေနှင့်ဆိုင်သော ပတ်ဝန်းကျင်စီမံခန့်ခွဲမှုနှင့် ပတ်ဝန်းကျင်ထိခိုက်မှု ဆန်းစစ်ချက်အတွက် စွမ်းဆောင်ရည် ဖွံ့ဖြိုးမှုဆိုင်ရာစီမံကိန်း၏ စီမံကိန်းပြီးမြောက်ခြင်း အလုပ်ရုံဆွေးနွေးပွဲ ကျင်းပခဲ့သည်။

“၂၀၁၄ ခုနှစ် ဒီဇင်ဘာလကနေစပြီး မြန်မာနိုင်ငံ သဘာဝသယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနနဲ့ ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေးအဖွဲ့ (JICA) တို့ရဲ့ နားလည်မှုစာချွန်လွှာအရ ဆောင်ရွက်ခဲ့တဲ့ စီမံကိန်းတစ်ခု ဖြစ်ပါတယ်။ ၂၀၁၅ ခုနှစ် ဇွန်လကနေ စီမံကိန်းကို စတင်ခဲ့ပြီး ဒီစီမံကိန်းမှာ အထက်မြန်မာပြည်အတွက် ပတ်ဝန်းကျင်ထိန်းသိမ်းရေးဌာန (မန္တလေး)၊ မန္တလေးမြို့တော် စည်ပင်သာယာရေးကော်မတီ၊ ရေနှင့်သန့်ရှင်းရေးဌာန၊ သန့်ရှင်းရေးဌာနတို့က အတိုင်ပင်ခံအင် ဂျင်နီယာအဖွဲ့ဝင်များအဖြစ် ပူးပေါင်းဆောင်ရွက်ခဲ့ကြပါတယ်။ မန္တလေးမြို့ ပြည်ကြီးတံခွန် မြို့နယ်အတွင်းမှာရှိတဲ့ ရေဆိုးစွန့်ပစ်မှု အခြေအနေတွေ၊ စွန့်ပစ်ရေတွေကြောင့် မန္တလေးမြို့ရဲ့ ပတ်ဝန်းကျင်က တောင်သမန်နဲ့ ဒုဋ္ဌ၀တီမြစ်တို့ရဲ့ ရေအရည်အသွေး အခြေအနေတွေကို အဓိက လေ့လာဆန်းစစ်ခဲ့ကြပါတယ်” ဟု မန္တလေးတိုင်းဒေသကြီးအစိုးရအဖွဲ့ သဘာဝ သယံဇာတနှင့် ပတ်ဝန်းကျင်ထိန်းသိမ်းရေး ၀န်ကြီးဌာန ၀န်ကြီးဦးမျိုးသစ်က ဆိုသည်။

၂၀၁၅ မှစတင်ကာ ၂၀၁၈ ခုနှစ်အထိ သုံးနှစ်တာကာလအတွင်း ဆောင်ရွက်ခဲ့သည့် စီမံကိန်းပြီးမြောက်ခြင်းဆိုင်ရာ အလုပ်ရုံဆွေးနွေးမှုများ၊ စီမံကိန်းနှင့်ပတ်သက်၍ လှုပ်ရှားဆောင်ရွက်ခဲ့မှုများ၊ မန္တလေးမြို့တွင် ရေနှင့်ဆိုင်ရာ သဘာဝပတ်ဝန်းကျင်အတွက် လုပ်ဆောင်ခဲ့မှုများ၊ မန္တလေးမြို့အတွက် ပိုမိုကောင်းမွန်သော ရေနှင့်ဆိုင်ရာ သဘာဝပတ်ဝန်းကျင် စီမံခန့်ခွဲမှုများကို ရှင်းလင်းပြောကြားခဲ့ကြောင်း၊ မန္တလေးမြို့၏ လက်ရှိ ရေနှင့် ဆိုင်ရာပတ်ဝန်းကျင်အခြေအနေများကို တက်ရောက်လာသည့် ဒေသခံများက အကြံပြုဆွေးနွေးမေးမြန်းမှုများ၊ ရေဆိုးသန့်စင်စက်ရုံ၏ လုပ်ဆောင်ချက်များကိုလည်း ရှင်းလင်းပြောကြားခဲ့ကြောင်း သိရသည်။

ပတ်ဝန်းကျင်ရေးရာ လေ့လာဆန်းစစ်ချက်အရ တနင်္သာရီတိုင်းဒေသကြီးသည် ပတ်ဝန်းကျင်ပျက်စီးမှု အဆိုးရွားဆုံး ဖြစ်ပြီး မန္တလေးတိုင်းမှာ ပတ်ဝန်းကျင်ပျက်စီးမှု အနည်းဆုံး ဖြစ်ကြောင်း အစီရင်ခံစာ တစ်စောင်တွင် ဖော်ပြ

တနင်္သာရီတိုင်းအတွင်းရှိ ဆီအုန်းစိုက်ခင်းအချို့ကို တွေ့ရစဉ်

၂၀၁၇ ခုနှစ်အတွက် ပြည်နယ်နှင့်တိုင်း ၁၃ ခု တွင် ပြုလုပ်သည့် ပတ်ဝန်းကျင်ရေးရာ လေ့လာဆန်းစစ်ချက်တွင် တနင်္သာရီတိုင်းဒေသကြီးသည် ပတ်ဝန်းကျင်ပျက်စီးမှု အဆိုးရွားဆုံးဖြစ်ပြီး မန္တလေးတိုင်းမှာ ပတ်ဝန်းကျင်ပျက်စီးမှု အနည်းဆုံးဖြစ်ကြောင်း မတ် ၃၀ ရက်တွင် ပြုလုပ်သည့် စိမ်းလန်းအမိမြေ ဖွံ့ဖြိုးတိုးတက်ရေးအသင်းမှ ပြုလုပ်သည့် ပြည်သူ့သဘောထားအမြင်များ အစီရင်ခံစာ သတင်းစာရှင်းလင်းပွဲမှ သိရသည်။

သစ်တောပြုန်းတီးမှုများနှင့် စားကျက်မြေ ဆုံးရှုံးခြင်းများ၊ ဇီဝမျိုးစုံကွဲများ ပျောက်ကွယ်ခြင်းများအနက် သစ်တောပြုန်းတီးမှုသည် မြို့နယ် ၁၃၀ အနက် ၃၅ မြို့နယ်တွင် ဆိုးရွားစွာ ဖြစ်ပွားလျက်ရှိကြောင်း ပတ်ဝန်းကျင် လေ့လာဆန်းစစ်ချက် အစီခံစာတွင် ဖော်ပြထားသည်။

အစီရင်ခံစာအရ ပတ်ဝန်းကျင်ပျက်စီးမှု အများဆုံး တိုင်းဒေသကြီးဖြစ်သည့် တနင်္သာရီတိုင်းဒေသကြီးတွင် ဆီအုန်းစီမံကိန်းကြောင့် မြေယာများ သိမ်းဆည်းခံနေရခြင်း၊ တရားမ၀င် သတ္တုတူးဖော်ခြင်း၊ စီးပွားဖြစ် စိုက်ခင်များကြောင့် သစ်တောပြုန်းတီးခြင်း၊ ကျွန်းများတွင် တရားဥပဒေစိုးမိုးမှု အားနည်းခြင်းများ ဖြစ်ပေါ်နေကြောင်း သိရသည်။

ထို့ပြင် တနသာင်္ရီတိုင်းဒေသကြီး ရေဖြူမြို့နယ်တွင် သစ်တောပြုန်းတီးမှုများနှင့် မြစ်ချောင်း တိမ်ကောလာမှုများ၊ မြေယာ သိမ်းဆည်းမှုများ၊ သရက်ချောင်းမြို့နယ်၌ လယ်ယာမြေများတွင် အိမ်ဆောက်နေခြင်းများ၊ ကော့သောင်းမြို့နယ်တွင် ဂေဟစနစ် ပျက်စီးခြင်းနှင့် အလုပ်အကိုင် ရှားပါးလာခြင်းများ နှင့် တနင်္သာရီမြို့နယ်တွင် မြေယာ အငြင်းပွားမှုများ ဖြစ်ပေါ်နေသည်ဟု အစီရင်ခံစာတွင် ဖော်ပြထားသည်။

တနင်္သာရီတိုင်းဒေသကြီးသည် ၂၀၁၄ ခုနှစ် အစီရင်ခံစာ စစ်တမ်းအရ ပတ်ဝန်းကျင် အခြေအနေအဆင့် (၁)၊ ၂၀၁၅ ခုနှစ် အစီရင်ခံစာ စစ်တမ်းအရ ပတ်ဝန်းကျင် အခြေအနေ အဆင့် (၂) ရရှိခဲ့ပြီး ၂၀၁၇ ခုနှစ်တွင် အဆိုးရွားဆုံး အခြေအနေ အဆင့် (၁၃) သို့ ကျဆင်းသွားကြောင်း သိရပြီး အကောင်းဆုံး ပတ်ဝန်းကျင်အခြေအနေ အဆင့် (၁) နေရာတွင် မန္တလေးတိုင်းက ရပ်တည်နေကြောင်း သိရသည်။

သို့သော် ရန်ကုန်တိုင်းဒေသကြီးမှာ ယင်းစစ်တမ်း ကောက်ယူရာတွင် ပါဝင်ခြင်း မရှိကြောင်း၊ လုပ်ကိုင်ခွင့် အခြေအနေများကြောင့် ပါဝင်ခြင်း မရှိကြောင်း အဆိုပါအသင်းမှ သိရသည်။

“စစ်တမ်းမှာ ရန်ကုန်တိုင်း မပါတာက လုပ်ရတဲ့ အခက်အခဲကြောင့်ပါ။ ပွဲတွေ လုပ်ပြီး ကောက်တာက ကျွန်တော်တို့ကို ကူညီပေးတဲ့ အဖွဲ့အစည်းတစ်ခု ရှိမှရတာပါ။ စိမ်းလန်းအမိမြေက နည်းပညာပိုင်းဆိုင်ရာ၊ ကောက်ခံရတာတွေကို စုစည်းပြီတော့ အစီရင်ခံစာ ထုတ်ပေးတာတွေ လုပ်တယ်။ အဓိက က ရန်ကုန်မှာရှိတဲ့ အရပ်ဘက် အဖွဲ့အစည်းတွေနဲ့ ကျွန်တော်တို့ အချိန်အနေအထားနဲ့ လုပ်ခွင့်မရခဲ့ဘူး” ဟု စိမ်းလန်းအမိမြေ ဖွံ့ဖြိုးတိုးတက်ရေးအသင်းမှ သဘာဝပတ်ဝန်းကျင်ဆိုင်ရာအရာရှိ ဦးအေးချမ်းမောင်က ပြောကြားသည်။

ယင်းစစ်တမ်းကို ၂၀၁၇ စက်တင်ဘာလမှ စတင်ကာ လေးလတာ လေ့လာမှုများ ပြုလုပ်ခဲ့ခြင်းဖြစ်ပြီး မန္တလေးတိုင်း၊ ရှမ်းပြည်နယ်၊ ကချင်ပြည်နယ်၊ စစ်ကိုင်းတိုင်း၊ မကွေးတိုင်း၊ ရခိုင်ပြည်နယ်၊ ဧရာဝတီတိုင်း၊ မွန်ပြည်နယ်၊ ချင်းပြည်နယ်၊ ပဲခူးတိုင်း၊ ကရင်ပြည်နယ်၊ ကယားပြည်နယ်၊ တနင်္သာရီတိုင်းတို့ရှိ မြို့နယ်ပေါင်း ၁၃၀ မှဒေသခံများ၊ အရပ်ဘက် အဖွဲ့အစည်းများနှင့် ဌာနဆိုင်ရာမှ လူဦးရေ ၃၉၅ ဦးမှ စစ်တမ်းကောက်ယူချက်များ ဖြစ်သည်ဟု သိရသည်။

ကျိုက်ထိုမြို့နယ် ရန်ကုန်-မော်လမြိုင် ကားလမ်းနံဘေးရှိ စိမ်းလဲ့တင်ဥယျာဉ်အား လိုင်စင်ချပေးထားခြင်း မရှိသေးဟုဆို

ရန်ကုန်-မော်လမြိုင် ကားလမ်းနံဘေးရှိ စိမ်းလဲ့တင် အပန်းဖြေဥယျာဉ်အ၀င်အား ညနေ ၆ နာရီခန့်က တွေ့ရစဉ်

ကျိုက်ထိုမြို့နယ် ရန်ကုန်-မော်လမြိုင် ကားလမ်းနံဘေးရှိ စိမ်းလဲ့တင် အပန်းဖြေစခန်းကို လုပ်ကိုင်ခွင့်လိုင်စင် ချပေးထားခြင်းမရှိသေးကြောင်း မွန်ပြည်နယ်အစိုးရအဖွဲ့ဝင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာမင်းကြည်ဝင်းက ပြောကြားသည်။

“စိမ်းလဲ့တင်အပန်းဖြေစခန်းကို လိုင်စင်မချရသေးဘူး။ အပန်းဖြေစခန်းတွေနဲ့ ပတ်သက်ပြီး ကြီးကြပ်ရေးအဖွဲ့ရှိတယ်။ အဲဒီအဖွဲ့က အစီရင်ခံစာတက်လာလို့ရှိရင် သတ်မှတ်ဝင်ကြေးရှိထားပြီးဆိုတော့ ဥယျာဉ်အတွက် ဘယ်နှဧက၊ ဘယ်လောက်ကောက်သင့်လဲ။ တိရစ္ဆာန်ဥယျာဉ်အတွက် ဘယ်လောက်ကောက်သင့်လဲ။ နောက်တစ်ခုက Adventure Land။ ဒါကတော့ အပန်းဖြေဥယျာဉ်မှာ ပါပြီးသားဆိုတော့ ဒီဧကအပေါ်မှာ တစ်နှစ်အတွက် ဘယ်လောက်ကောက်သင့်လဲဆိုတာ ကြီးကြပ်ရေးအဖွဲ့က ဆုံးဖြတ်ချက်ချပြီးရင် ပြည်နယ်အစိုးရကို တင်လိုက်မယ်။ ပြည်နယ်အစိုးရအစည်းအဝေးမှာ သုံးသပ်ပြီးတော့ ဒါကိုလိုင်စင်ထုတ်ပေးရမှာပါ” ဟု ဒေါက်တာမင်းကြည်ဝင်းက ပြောကြားသည်။

ရန်ကုန်-မော်လမြိုင် လမ်းနံဘေးရှိ စိမ်းလဲ့တင် သဘာဝအပန်းဖြေစခန်း ဖွင့်ပွဲအခမ်းအနား ၂၀၁၇ ခုနှစ် နိုဝင်ဘာ ၂ ရက်က ပြုလုပ်စဉ်

စိမ်းလဲ့တင်မှ ဖွင့်လှစ်ထားသော မြေဧရိယာခုနစ်ဧကရှိ တိရစ္ဆာန်ဥယျာဉ်ငယ် တည်ထောင်ခွင့်ကို သဘာဝပတ်ဝန်းကျင်နှင့် သားငှက်တိရစ္ဆာန် ထိန်းသိမ်းရေးဌာနက ခွင့်ပြုခဲ့ခြင်းဖြစ်ပြီး ၂၀၁၈ ခုနှစ် မတ် ၃၁ ရက်တွင် သက်တမ်းကုန်ဆုံးမည်ဖြစ်ကြောင်း၊ စိမ်းလဲ့တင် အပန်းဖြေစခန်းငါးဧက၊ စိမ်းလဲ့တင် တိရစ္ဆာန်ဥယျာဉ်ခုနစ်ဧကနှင့် စိမ်းလဲ့တင် Adventure Land ၁၀ ဧကတို့ကို သဘာဝပတ်ဝန်းကျင် ထိန်းသိမ်းရေးစီမံချက်၊ သဘာဝဘေးအန္တရာယ် ကာကွယ်ရေးစီမံချက်နှင့် မီးဘေးအန္တရာယ် ကာကွယ်ရေးစီမံချက်များနှင့်အတူ လုပ်ငန်းလိုင်စင်ရရှိရေးအတွက် ၂၀၁၈ ခုနှစ် ဖေဖော်ဝါရီ ၄ ရက်က လျှောက်လွှာတင်ထားကြောင်း၊ အဆိုပါ စိမ်းလဲ့တင် Adventure Land နှင့် အပန်းဖြေစခန်းကို ကျိုက်ထိုမြို့နယ် ကြီးကြပ်ရေးအဖွဲ့က ကွင်းဆင်းစစ်ဆေးဆဲဖြစ်ကြောင်းနှင့် မြို့နယ်ကြီးကြပ်ရေးအဖွဲ့မှ စစ်ဆေးပြီးပါက ပြည်နယ်အစိုးရအဖွဲ့သို့ တင်ပြလာမည်ဖြစ်ကြောင်း ဒေါက်တာမင်းကြည်ဝင်းက ဆက်လက်ပြောကြားသည်။

အခကြေးငွေယူပြီး ဖွင့်လှစ်ထားသည့် ရေကူးကန်အပါအ၀င် အပန်းဖြေစခန်းများသည် အပန်းဖြေစခန်းများ၊ တိရစ္ဆာန်ဥယျာဉ်နှင့် ရုက္ခဗေဒဥယျာဉ် ဥပဒေပုဒ်မ ၄၄ နှင့်အညီ လုပ်ငန်းလိုင်စင်လျှောက်တင်ရမည်ဖြစ်ကြောင်း သိရသည်။

သို့သော်လည်း အဆိုပါ စိမ်းလဲ့တင်အပန်းဖြေစခန်းရှိ Adventure Land ကို ၂၀၁၇ ခုနှစ် နိုဝင်ဘာ ၂ ရက်က မွန်ပြည်နယ်ဝန်ကြီးချုပ် ဒေါက်တာအေးဇံနှင့် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာမင်းကြည်ဝင်းတို့ ဖွင့်လှစ်ခဲ့သည်။

မွန်ပြည်နယ်အတွင်း ဖွင့်လှစ်ထားသည့် အပန်းဖြေစခန်း၊ ကလေးကစားကွင်း၊ ရေကူးကန်၊ တိရစ္ဆာန်ဥယျာဉ်များမှာ ကျိုက်ထိုမြို့နယ်တွင် ဆောင်နိုင်ကြီးနှင့် စိမ်းလဲ့တင်၊ ပေါင်မြို့နယ်တွင် မုတ္တမမိသားစုကမ္ဘာ၊ မော်လမြိုင်မြို့နယ် မွန်မင်းလမ်းရေကူးကန်၊ မုဒုံမြို့နယ်ကျွန်းနှစ်ပင်နှင့် သံဖြူဇရပ်မြို့နယ်တွင် ၂၁ Paradise အပန်းဖြေစခန်းတို့ဖြစ်ကြောင်း သိရသည်။

မြန်မာ့ဝက်ဝံထိန်းသိမ်းရေးစီမံကိန်းကို လေးနှစ်စီမံကိန်းအဖြစ် တစ်နိုင်ငံလုံးတွင် ဆောင်ရွက်မည်

ထမံသီဘေးမဲ့တောတွင် ယခင်က တပ်ဆင်ခဲ့သော ကင်မရာထောင်ချောက်မှ ရရှိသောဝက်ဝံပုံ (ဓာတ်ပုံ – ထမံသီဘေးမဲ့တော အုပ်ချုပ်ရေးမှူးရုံး)

မြန်မာ့ဝက်ဝံထိန်းသိမ်းရေး စီမံကိန်းအား လေးနှစ်စီမံကိန်းအဖြစ် တစ်နိုင်ငံလုံးတွင် ဆောင်ရွက်မည်ဖြစ်ကြောင်း မတ် ၁၃ ရက်က နေပြည်တော် အမရဟိုတယ်တွင် ပြုလုပ်သည့် မြန်မာ့ဝက်ဝံထိန်းသိမ်းရေး ဆက်စပ်ပတ်သက်သူများ အစည်းအဝေးတွင် ညွှန်ကြားရေးမှူးချူပ် ဦးညီညီကျော်က ပြောကြားသည်။

မြန်မာ့ဝက်ဝံထိန်းသိမ်းရေး ဆက်စပ်ပတ်သက်သူများ အစည်းအဝေးသည် နိုင်ငံတကာပူးပေါင်းစီမံကိန်းဖြစ်သည့် သစ်တောဦးစီးဌာနနှင့် အီတလီအခြေစိုက် INGO တစ်ခုဖြစ်သည့် Istituto OIKOS အဖွဲ့နှင့် လက်မှတ်ရေးထိုးလျက်ရှိသည့် မြန်မာနိုင်ငံအတွင်း မလေးဝက်ဝံမျိုးစိတ် ထိန်းသိမ်းရေးလုပ်ငန်းများ ပူးပေါင်းဆောင်ရွက်ရေးစီမံကိန်း၏ ၂၀၁၆ ခုနှစ်မှ ၂၀၂၀ ပြည့်နှစ်အထိ လေးနှစ်စီမံကိန်းအဖြစ် တစ်နိုင်ငံလုံးတွင် ဆောင်ရွက်မည်ဖြစ်ကြောင်း သိရသည်။

စီမံကိန်းပထမပိုင်း ၂၀၁၆ ခုနှစ်မှ ၂၀၁၇ ခုနှစ်အတွင်း ရခိုင်ပြည်နယ်နှင့် စစ်ကိုင်းတိုင်းဒေသကြီးအတွင်း ၀က်ဝံမျိုးစိတ်များ ပျံ့နှံ့ကျက်စားမှု၊ နေရင်းဒေသအခြေအနေ၊ ဂေဟစနစ်အခြေအနေ၊ ၀က်ဝံများ၏ကောင်ရေအချိုးအစားနှင့် ပေါက်ဖွားမှုအခြေအနေ၊ ကျရောက်နေသည့် ခြိမ်းခြောက်မှုများနှင့် ဒေသခံပြည်သူများ၏ ဇီဝမျိုးစုံမျိုးကွဲများ ဆက်နွှယ်နေမှု၊ ပဋိပက္ခများ စသည့်အချက်အလက်များကို ကွင်းဆင်းလေ့လာလုပ်ငန်းများ ဆောင်ရွက်ခဲ့ကြောင်း၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ညွှန်ကြားရေးမှူးချူပ် ဦးညီညီကျော်က ပြောကြားသည်။

“မြန်မာနိုင်ငံအနေနဲ့ တောရိုင်းတိရစ္ဆာန်များနဲ့ သဘာဝအပင်များကို နေရင်းဒေသတွေမှာ ရေရှည်တည်တံ့စေဖို့ ထိန်းသိမ်းကာကွယ်နိုင်ရန် သဘာဝထိန်းသိမ်းရေးနယ်မြေများ သတ်မှတ်ပြီး ကာကွယ်စောင့်ရှောက်လျက် ရှိပါတယ်။ တောဆင်ရိုင်းများ၊ ကျားများ၊ အချို့သောလိပ်၊ ကျေးငှက် စတဲ့သတ္တ၀ါမျိုးစိတ်တွေကို အထူးပြုကာကွယ်သတ်မှတ်ပေးထားတဲ့ ဆင်ဘေးမဲ့တော၊ ကျားထိန်းသိမ်းရေးနယ်မြေ၊ လိပ်မျိုးစိတ်များထိန်းသိမ်းရေးဥယျာဉ်နဲ့ ဘေးမဲ့တောတွေ သတ်မှတ်ထားတာ ရှိပါတယ်” ဟု ဦးညီညီကျော်က ပြောကြားသည်။

ဆက်လက်၍ ၀က်ဝံမျိုးစိတ်များနေရာ အတော်များများတွင် ပျံ့နှံ့ကျက်စားတွေ့ရှိရတာကြောင့် အထူးပြုကာကွယ်သည့်နယ်မြေ သတ်မှတ်ထားခြင်းမရှိကြောင်း၊ သတ်မှတ်ပြီးဖြစ်သည့် အမျိုးသားဥယျာဉ်၊ တောရိုင်းတိရစ္ဆာန်ဘေးမဲ့တောနဲ့ သဘာဝကြိုးဝိုင်းအတွင်း၊ သစ်တောနယ်မြေများဖြစ်သည့် ကြိုးဝိုင်းတော၊ ကြိုးပြင်ကာကွယ်ရေးတောများတွင် ဥပဒေအရ ကာကွယ်ထားသည့် တောရိုင်းတိရစ္ဆာန်အဖြစ် သတ်မှတ်ထားကြောင်း ဦးညီညီကျော်က ပြောကြားသည်။

ဇီဝမျိုးစုံမျိုးကွဲဆိုင်ရာ အချက်အချာကျမှုအရလည်း အပင်နှင့်သတ္တ၀ါမျိုးစိတ်များကို သာမက ၎င်းတို့၏နေရင်းဒေသများ၊ ဂေဟစနစ်များ ရေရှည်တည်တံ့စေရေးကို ကာကွယ်ထိန်းသိမ်းရေး နိုင်ငံတော်မှမူဝါဒ၊ ဥပဒေ၊ နည်းဥပဒေများ၊ မဟာဗျူဟာများ၊ ရည်မှန်းချက်ပန်းတိုင်များနှင့် လုပ်ငန်းစီမံချက်များ ရေးဆွဲထုတ်ပြန်ထားရှိပြီးဖြစ်ကြောင်း သိရသည်။

ထုတ်ပြန်ပြဋ္ဌာန်းချက်များနှင့်အညီ နှစ်တို၊ နှစ်ရှည် လုပ်ငန်းစီမံချက်များရေးဆွဲပြီး သစ်တောဦးစီးဌာနနှင့်အတူ ဆက်စပ်အစိုးရဌာနများ၊ ဒေသတွင်းအဖွဲ့အစည်းများနှင့် မိတ်ဖက်ဖြစ်သည့် ပြည်တွင်းပြည်ပအစိုးရမဟုတ်သည့် အဖွဲ့အစည်းများပူးပေါင်း၍ ထိန်းသိမ်းရေးလုပ်ငန်းများ အကောင်အထည်ဖော်လျက်ရှိကြောင်း အချက်အလက်များအရ သိရသည်။

အဓိကမျိုးစိတ်များ သို့မဟုတ် အရေးကြီးမျိုးစိတ်များဟု ပြော၍ရသည့် ရှားပါးမျိုးစိတ်များဖြစ်သော ဆင်၊ ကျား၊ ၀က်ဝံ စသည့်သတ္တ၀ါမျိုးစိတ်များသည် နေရင်းဒေသခေါ်သည့် Habitats များ ကျဉ်းမြောင်းပျက်စီးလာခြင်း၊ လျော့နည်းလာခြင်းတို့က အဓိကခြိမ်းခြောက်လာမှုနှင့် လက်တွေ့ရင်ဆိုင် ကြုံတွေ့နေရသည့်အန္တရာယ်သည် တရားမ၀င် အမဲလိုက်သတ်ဖြတ်၍ တရားမ၀င် ကူးသန်းရောင်းဝယ်ခံနေရကြောင်း ဦးညီညီကျော်က ပြောကြားသည်။

ကနီမြို့နယ်တွင် သဘာဝပတ်ဝန်းကျင် ပျက်စီးနေသည့်နေရာများအား ပြန်လည်ထူထောင်ရန် မြန်မာနိုင်ငံ ၀ါးစိုက်ပျိုးသူများအသင်းနှင့် စစ်ကိုင်းတိုင်းဒေသကြီးအစိုးရအဖွဲ့တို့ ပူးပေါင်းကာ ၀ါးစိုက်ပျိုးရေးဇုန်တစ်ခု ဆောင်ရွက်မည်

စစ်ကိုင်းတိုင်းဒေသကြီး ယင်းမာပင်ခရိုင် ကနီမြို့နယ်တွင် သဘာဝပတ်ဝန်းကျင် ပျက်စီးနေသည့်နေရာများအား ပြန်လည်ထူထောင်ရန်အတွက် မြန်မာနိုင်ငံ ၀ါးစိုက်ပျိုးသူများအသင်းနှင့် စစ်ကိုင်းတိုင်းဒေသကြီးအစိုးရအဖွဲ့တို့ ပူးပေါင်းကာ ၀ါးစိုက်ပျိုးရေးဇုန်တစ်ခု ဆောင်ရွက်သွားမည်ဖြစ်ကြောင်း သိရသည်။

ယင်းမြို့နယ်တွင် ၀ါးစိုက်ပျိုးဇုန်ဆောင်ရွက်ရခြင်း၏ ရည်ရွယ်ချက်သည် ဒေသခံများ၏ အလုပ်အကိုင်အခွင့်အလမ်းရရှိစေရေးနှင့် သဘာဝပတ်ဝန်းကျင်ပျက်စီးနေမှုအား ပြန်လည်ထိန်းသိမ်းကာကွယ်ရန်အတွက်ဖြစ်ကြောင်း သိရသည်။

“ကျွန်တော်တို့စစ်ကိုင်းတိုင်းမှာက ၀ါးစိုက်ပျိုးရေးလုပ်ကိုင်သူများ အဖွဲ့နှစ်ဖွဲ့ရှိပါတယ်။ အထက်ပိုင်းမှာတစ်ဖွဲ့ပါ။ အောက်ပိုင်းမှာတစ်ဖွဲ့ပါ။ သူတို့ဘက်ကတော့ ကနီမြို့နယ်ထဲက မြေတွေကို စိတ်ဝင်စားကြတယ်လို့ပြောတယ်။ ဒါပေမဲ့ ကျွန်တော်တို့ သစ်တောဘက်ကလည်း ခွင့်ပြုပေးနိုင်တဲ့ မြေအမျိုးအစား ဟုတ်မဟုတ် ကွင်းဆင်းစစ်ဆေးခိုင်းထားပါတယ်။ ၀ါးဆိုတဲ့မျိုးက နှစ်အတိုတွင်းမှာ ငွေပြန်ရမယ်။ အရင်တုန်းကတော့ ၀ါးကို ၀ါးလောက်ပဲသုံးတော့ တန်ဖိုးကသိပ်မရကြဘူးလေ။ ၀ါးစိုက်ပျိုးသူများအဖွဲ့တွေက နည်းပညာတွေနဲ့ ၀ါးမစိုက်ပျိုးခင်မှာ သင်တန်းတွေပို့ချပေးသွားမယ်။ နည်းပညာဆိုတာ တန်ဖိုးမြင့်ကုန်ချောတွေထုတ်လုပ်နိုင်တဲ့ နည်းပညာကိုပြောတာပါ။ နောက်ဆုံးကတော့ ၀ါးကနေဖြတ်တောက်လိုက်တဲ့ လေလွင့်တဲ့ဝါးခြမ်းတွေကအစ ပြည်ပကို အိတ်စ်ပို့တင်ပို့နိုင်တဲ့အဆင့်အထိ ကူညီပေးမှာလို့ ဆွေးနွေးတယ်။ နောက်တစ်ခုကတော့ ကနီမြို့နယ်ထဲမှာ သဘာဝပတ်ဝန်းကျင် ပျက်စီးမှုများနေတဲ့အတွက် ဒါတွေကို ပြန်လည်ထူထောင်လိုတဲ့ ရည်ရွယ်ချက်လည်းပါတယ်” ဟု စစ်ကိုင်းတိုင်းဒေသကြီး သစ်တောရေးရာဦးစီးဌာန ညွှန်ကြားရေးမှူး ဦးခင်မောင်ဝင်းက ပြောကြားသည်။

ကနီမြို့နယ်သည် နှစ်စဉ်နှစ်တိုင်း လေဘေး/ရေဘေး ကျရောက်သည့် မြို့နယ်တစ်ခုဖြစ်ကြောင်း၊ ထို့ပြင် စစ်ကိုင်းတိုင်းဒေသကြီးအတွင်း သဘာဝပတ်ဝန်းကျင်ပျက်စီးနေသည့် ဒေသများအား ၀ါးစိုက်ပျိုးရေးဇုန်များဖြစ်လာရန် ကြိုးစားနေကြောင်း၊ ယင်းဝါးစိုက်ပျိုးရေးဇုန်ကို စစ်ကိုင်းတိုင်းဒေသကြီးအစိုးရအဖွဲ့ကလည်း ပူးပေါင်းပါဝင်မည်ဖြစ်ကြောင်း မြန်မာနိုင်ငံ ၀ါးစိုက်ပျိုးသူများအသင်းဥက္ကဋ္ဌ (စစ်ကိုင်းတိုင်းဒေသကြီး) အောက်ပိုင်း မုံရွာမြို့ခံ ကိုသန့်ဇင်က ပြောကြားသည်။

“ကျွန်တော်တို့ ၀ါးစိုက်ပျိုးသူများအသင်းရဲ့ ရည်ရွယ်ချက်ကတော့ နှစ်ခုရှိပါတယ်။ ပထမကတော့ ဒေသခံတွေအတွက် အလုပ်အကိုင်အခွင့်အလမ်းရရှိဖို့ရယ် နောက်တစ်ခုကတော့ ကနီမြို့မှာက သဘာဝတ်ဝန်းကျင်တွေ ပျက်စီးနေတာတွေများလာနေတဲ့အတွက် ဒီပျက်စီးမှုတွေကို ကာကွယ်တဲ့အနေနဲ့ ဒီဝါးစိုက်ပျိုးရေးဇုန်လုပ်ဖို့ဆိုပြီး တိုင်းဒေသကြီးအစိုးရအဖွဲ့ကို ကျွန်တော်တို့အသင်းတို့က တင်ပြဆွေးနွေးထားပြီးဖြစ်ပါတယ်” ဟု မုံရွာမြို့ခံ ကိုသန့်ဇင်က ပြောကြားသည်။

ကနီမြို့နယ်ရှိ ဒေသခံများအနေဖြင့် စီးပွားဖြစ် ၀ါးစိုက်ပျိုးနိုင်ရေးအတွက် ၀ါးပင်စိုက်ပျိုးပုံ စိုက်ပျိုးနည်းများကိုလည်း မြန်မာနိုင်ငံ ၀ါးစိုက်ပျိုးသူများအသင်း (စစ်ကိုင်းတိုင်းဒေသကြီး)အောက်ပိုင်းအဖွဲ့က နည်းပညာများ ပံ့ပိုးကူညီပေးမည်ဖြစ်ကြောင်း၊ ထို့ပြင် ကနီမြို့နယ်တွင် မြေလွတ်မြေရိုင်း ဧကအများအပြား ကျန်ရှိနေသေးကြောင်း သိရသည်။

ပဲခူးရိုးမဒေသ တစ်ခုလုံးကို သစ်တောစီမံအုပ်ချုပ် လုပ်ကိုင်မှုစီမံကိန်း တစ်ကြိမ်စာ ၁၀ နှစ်အထိ ကျွန်းနှင့်သစ်မာ ထုတ်လုပ်ခြင်းမပြုဘဲ ထိန်းသိမ်းကာကွယ်ရန် ဆောင်ရွက်လျက်ရှိ

ပဲခူးရိုးမအတွင်းရှိ သစ်တောများကို တွေ့ရစဉ်(ဓာတ်ပုံ-ဆန်းထူးအောင်)

မြန်မာ့ကျွန်းသစ် မူရင်းဒေသဖြစ်သော ပဲခူးရိုးမတစ်ခုလုံးကို သစ်တောစီမံအုပ်ချုပ် လုပ်ကိုင်မှုစီမံကိန်း တစ်ကြိမ်စာ ၁၀ နှစ်အထိ ကျွန်းနှင့် သစ်မာထုတ်လုပ်ခြင်း မပြုဘဲ ထိန်းသိမ်းကာကွယ်သွားရန် စီစဉ်ဆောင်ရွက် လျက်ရှိကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေး ၀န်ကြီးဌာန သစ်တောဦးစီးဌာန ညွှန်ကြားရေးမှူးချုပ် ဒေါက်တာညီညီကျော်က ပြောကြားသည်။

မြန်မာနိုင်ငံ၏ သစ်တောဖုံးလွှမ်းမှုသည် ကုလသမဂ္ဂ စားနပ်ရိက္ခာနှင့် စိုက်ပျိုးရေးအဖွဲ့ (FAO) ၏ ၂၀၁၅ ခုနှစ် သစ်တောသယံဇာတ အကဲဖြတ်ဆန်းစစ်မှု အစီရင်ခံစာအရ နိုင်ငံဧရိယာ၏ ၄၂ ဒသမ ၉၂ ရာခိုင်နှုန်းသာ သစ်တောများ ဖုံးလွှမ်းလျက်ရှိပြီး ကမ္ဘာတွင် သစ်တောပြုန်းတီးမှုနှုန်း တတိယအများဆုံးနိုင်ငံ တစ်နိုင်ငံ ဖြစ်လာခဲ့ကြောင်း သိရသည်။

ထိုကဲ့သို့ အကြောင်းများကြောင့် နိုင်ငံတော်၏ အတိုင်ပင်ခံပုဂ္ဂိုလ်၏ လမ်းညွှန်မှုဖြင့် သစ်တောဦးစီးဌာန အနေဖြင့် သစ်တောများ ပြန်လည်တည်ထောင်ရေး စီမံကိန်း MRRP (၂၀၁၇-၂၀၁၈ မှ ၂၀၂၆-၂၀၂၇ အထိ) ကို ၂၀၁၇ ခုနှစ်မှ စတင်၍ နိုင်ငံတစ်ဝန်း အကောင်အထည်ဖော် ဆောင်ရွက်လျက်ရှိရာ ၂၀၁၆-၂၀၁၇ ဘဏ္ဍာရေးနှစ်တွင် ကျွန်းနှင့်သစ်မာ ထုတ်လုပ်ခြင်းကို လုံးဝရပ်နားခဲ့ပြီး ၂၀၁၇-၂၀၁၈ ဘဏ္ဍာရေးနှစ်မှစ၍ သတ်မှတ်နှစ်စဉ် တောထွက်ပမာဏအောက် သိသိသာသာ လျှော့ချထုတ်လုပ်သွားရန်နှင့် မြန်မာ့ကျွန်းသစ် မူရင်းဒေသဖြစ်သော ပဲခူးရိုးမဒေသ တစ်ခုလုံးကို သစ်တောစီမံအုပ်ချုပ် လုပ်ကိုင်မှု စီမံကိန်း တစ်ကြိမ်စာ ၁၀ နှစ်အထိ ကျွန်းနှင့် သစ်မာထုတ်လုပ်ခြင်း မပြုဘဲ အနားပေးခြင်း၊ ပြုစုထိန်းသိမ်း ကာကွယ်ခြင်းများ ဆောင်ရွက်သွားရန် စီစဉ်ဆောင်ရွက်လျက်ရှိကြောင်း ဒေါက်တာညီညီကျော်က ပြောကြားသည်။

MRRP စီမံကိန်းတွင် စိုက်ခင်းမူဝါဒ ရေးဆွဲခြင်း၊ သဘာဝတောတန်ဖိုးမြှင့် ထိန်းသိမ်းခြင်း၊ အစိုးရပိုင်နှင့် ပုဂ္ဂလိက သစ်တောစိုက်ခင်းများ တည်ထောင်ခြင်း၊ ဒေသခံပြည်သူ အစုအဖွဲ့ပိုင် သစ်တောတည်ထောင်ခြင်း၊ သီးနှံသစ်တော ရောနှောစိုက်ခင်းများ တည်ထောင်ခြင်း၊ ပျိုးပင်များဖြန့်ဝေခြင်း၊ သစ်စေ့နှင့် ပျိုးပင်ဌာနများ တည်ထောင်ခြင်း၊ ငါးနှစ်ပြည့်ပြီး စိုက်ခင်းဟောင်းများ ပြန်လည်ပြုစုခြင်း၊ သစ်စေ့ထုတ်ဧရိယာနှင့် မျိုးသန့်ဥယျာဉ် တည်ထောင်ခြင်း၊  ကြိုးဝိုင်းနှင့် ကြိုးပြင်ကာကွယ်တောများ တိုးချဲ့ဖွဲ့စည်းခြင်း၊ ရေရှိရေး ဆောင်ရွက်ခြင်း၊ အထူးစိမ်းလန်း စိုပြည်ရေး စိုက်ပျိုးခြင်း၊ ထင်းအစား အခြားလောင်စာ တိုးမြှင့်အသုံးချခြင်း၊ သင်တန်းပို့ချခြင်း၊ အသုံးချ သုတေသနများ ဆောင်ရွက်ခြင်းနှင့် တိုးချဲ့ပညာပေးခြင်း လုပ်ငန်းများပါဝင်ပြီး စီမံကိန်းတွင် သစ်တောစိုက်ခင်းပေါင်း ဧရိယာဧက ၃၅၀,၀၀၀ ကျော်ကို တည်ထောင်သွားမည် ဖြစ်ကြောင်း သိရသည်။