လွှတ်တော် ကိုယ်စားလှယ်များကို မိဘမဲ့ကလေးများကဲ့သို့ စည်ပင် တည်းခိုဆောင်တွင် အခန်းငှားဘ၀ဖြင့် ရေရှည် အပ်နှံမထားသင့်ကြောင်း ပြည်သူ့လွှတ်တော် ကိုယ်စားလှယ် ပြောကြား

စက်တင်ဘာ ၄ ရက်က လွှတ်တော်အစည်းအဝေး တက်ရောက်လာသည့် ကိုယ်စားလှယ်များကို တွေ့ရစဉ် (ဓာတ်ပုံ-စည်သူ)

လွှတ်တော် ကိုယ်စားလှယ်များကို မိဘမဲ့ကလေးများကဲ့သို့ စည်ပင် တည်းခိုဆောင်တွင် အခန်းငှားဘ၀ဖြင့် ရေရှည် အပ်နှံမထားသင့်ကြောင်းနှင့် လွှတ်တော်ကိုယ်စားလှယ် အဆောင်များ ဖြစ်ပေါ်လာနိုင်ရေး ဆောင်ရွက်ရန် လိုအပ်နေပြီ ဖြစ်ကြောင်း မြေပုံမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးဖေသန်းက ပြောကြားသည်။

နေပြည်တော်၌ စက်တင်ဘာ ၁၂ ရက်က ပြုလုပ်သော ဒုတိယအကြိမ် ပြည်သူ့လွှတ်တော် န၀မပုံမှန် အစည်းအဝေး ၁၇ ရက်မြောက်နေ့တွင် ပြည်သူ့လွှတ်တော် လွှတ်တော် အခွင့်အရေးကော်မတီ၏ အစီရင်ခံစာနှင့် ပတ်သက်ပြီး ဆွေးနွေးရာတွင် ဦးဖေသန်းက အထက်ပါအတိုင်း ပြောကြားခဲ့ခြင်း ဖြစ်သည်။

“ကျွန်တော်တို့ဟာ ဒီလောက် ကြီးကျယ်ခမ်းနားတဲ့ လွှတ်တော်ကြီးမှာ တိုင်းပြည်တာဝန် ထမ်းဆောင်နေရတဲ့ ပြည်သူ့ ကိုယ်စားလှယ်တွေကို စည်ပင် တည်းခိုဆောင်မှာ အခန်းငှားနေရခြင်းဟာ အမြင်မတော် ဆင်တော်နဲ့ ခလောက်ဆိုသလို ကြည့်မကောင်းပါဘူး။ အခုဆို အိမ်ရှင်က အိမ်ငှားကို လွှတ်တော် အစည်းအဝေးပြီးရင် တစ်ရက်ပိုနေရင် တစ်ရက်စာ ပေးရမယ်လို့ နို့တစ်စာ ထုတ်ထားတာကြောင့် လွှတ်တော်အစည်းအဝေးကို တစ်ရက်ကြိုလာလို့မရ။ တစ်ရက် နောက်ကျ ထွက်သွားလို့မရ အခက်အခဲ ကြုံတွေ့နေရပါတယ်။ ဒါတွေကို အဆင်ပြေအောင် ဆောင်ရွက်ဖို့ လိုပါတယ်။ ပြည်သူ့လွှတ်တော်ဆိုင်ရာ ဥပဒေအပိုဒ် ၆ မှာ ဖော်ပြထားတဲ့ ဂုဏ်ထူးဝိသေသနဲ့ ပြည့်စုံတဲ့ အများက ကြည်ညိုလေးစားထိုက်တဲ့ ပုဂ္ဂိုလ်များကို မိဘမဲ့ကလေးများလို စည်ပင် တည်းခိုဆောင်မှာ အခန်းငှားဘ၀နဲ့ ရေရှည်အပ်နှံ မထားသင့်ပါကြောင်းနှင့် လွှတ်တော် ကိုယ်စားလှယ်များရဲ့ ဂုဏ်သိက္ခာကို ရှေးရှုပြီး လွှတ်တော် ကိုယ်စားလှယ် အဆောင်တွေ ဖြစ်ပေါ်လာနိုင်ရေး လွှတ်တော် အခွင့်အရေးကော်မတီက လွှတ်တော်ဥက္ကဋ္ဌထံ တင်ပြပြီး စတင်ဆောင်ရွက်ရန် လိုအပ်နေပြီ ဖြစ်ပါကြောင်း တင်ပြပါတယ်”ဟု ပြည်သူ့လွှတ်တော် ကိုယ်စားလှယ် ဦးဖေသန်းက ပြောကြားသည်။

အဆိုပါ လွှတ်တော် ကိုယ်စားလှယ်များ တည်းခိုနေထိုင်မှုနှင့် ပတ်သက်၍ လွှတ်တော် အခွင့်အရေးကော်မတီ အနေဖြင့် တိုက်ရိုက် သက်ဆိုင်ခြင်းမရှိဘဲ အစိုးရက ဆောင်ရွက်သော ကိစ္စဖြစ်ကြောင်းနှင့် လာမည့် ဘတ်ဂျက်နှစ်မှစ၍ လွှတ်တော်ပြီးချိန်တွင် ဆက်နေမည်ဆိုပါက အခန်းခ ကောက်ခံမည့်ကိစ္စနှင့် ပတ်သက်၍ စည်ပင် ဧည့်ရိပ်သာအနေဖြင့် လွှတ်တော် ကိုယ်စားလှယ်များထံသို့ ပြီးခဲ့သည့် တစ်ပတ်က ပန်ကြားလွှာပေးခဲ့ခြင်း ဖြစ်ကြောင်း ပြည်သူ့လွှတ်တော်၊ လွှတ်တော် အခွင့်အရေးကော်မတီ အတွင်းရေးမှူး ဒေါက်တာလှမိုးက ပြောကြားသည်။

“ကိုယ်စားလှယ် တစ်ယောက်မှာ တစ်ရက်မှာ နေ့တွက် နှစ်သောင်း ရတယ်။ နှစ်သောင်းမှာ နေထိုင်စရိတ်က ၅၀၀၀။ ခရီးစရိတ်က ၅၀၀၀။ စားသောက်စရိတ်က ၁၀၀၀၀။ အဲဒီအတွက် ၅၀၀၀ နဲ့ စည်ပင်ရိပ်သာထဲ ထားပေးတာ။ သူများဆိုရင် ၁၁၀၀၀၊ ၁၂၀၀၀ ယူတဲ့အချိန် ကိုယ်စားလှယ်တွေကို ၅၀၀၀ နဲ့ ထားပေးတာပေ့ါ။ အဲဒီလို ထားပေးတဲ့အချိန်မှာ လွှတ်တော်ပြီးသွားတဲ့ အချိန်မှာ အရင်တုန်းကတော့ လွှတ်တော် ကိုယ်စားလှယ်တွေက ဒီဝန်းထဲမှာ ဆက်ပြီး နေနေကြတယ်။ နေနေကြတဲ့ အခါကျတော့ လွှတ်တော်ပြီးသွားပြီး ဆိုရင် ပြန်ကြရမှာပဲလေ။ နေ့တွက်လည်း မရတော့ဘူး။ စည်ပင်ရိပ်သာထဲကလည်း လွှတ်တော် ပြီးသွားတဲ့အတွက် မထားတော့ဘူး။ သို့သော် ရှေ့ပိုင်းမှာ တချို့ ကိုယ်စားလှယ်တွေက ဆက်ပြီး နေကြတယ်ပေါ့။ မပြန်ကြတော့ဘူး။ ဒီမှာပဲ တစ်နှစ်ပတ်လုံး နေကြတယ်။ အဲဒီလိုနေကြတဲ့အခါမှာ စည်ပင်က ဘာကို ပြန်သတ်မှတ်ပေးလဲ ဆိုတော့ အခုလာမယ့် ဘတ်ဂျက်နှစ်ကနေ စပြီး လွှတ်တော်ပြီးသွားတဲ့ အချိန်မှာ ဒီမှာဆက်နေတဲ့ သူတွေကို အခန်းခ ဆက်ကောက်ပါ့မယ် ဆိုတာမျိုး ပန်ကြားလွှာလေး ထုတ်တယ်” ဟု ဒေါက်တာလှမိုးက ပြောကြားသည်။

မွန်ပြည်နယ် ကိုယ်စားပြုအလံကို အနီရောင်အောက်ခံ ရွှေရောင်ဟင်္သာပုံပါဝင်သည့်ပုံစံအား မွန်ပြည်နယ်လွှတ်တော်၌ မဲခွဲ၍အတည်ပြု

မွန်ပြည်နယ်လွှတ်တော်တွင် ပြည်နယ်အလံရွေးချယ်ရန် လွှတ်တော်ကိုယ်စားလှယ်တစ်ဦး ဆွေးနွေးနေသည်ကို တွေ့ရစဉ်

မွန်ပြည်နယ်ကိုယ်စားပြုအလံကို အနီ ရောင်အောက်ခံ၊ ရွှေရောင်ဟင်္သာကိုယ်ထည်၊ စာသားမပါ၊ (၆x၄) ပေအရွယ်ကို မွန်ပြည်နယ်လွှတ်တော်၌ မဲခွဲ၍ အတည်ပြုခဲ့သည်။

ဇွန် ၇ ရက်ကပြုလုပ်သော ဒုတိယအကြိမ် မွန်ပြည်နယ်လွှတ်တော် ဒသမပုံမှန်အစည်းအဝေးတွင် ဆွေးနွေးခဲ့ကြသော ပြည်ထောင်စု တိုင်းရင်းသားရေးရာဝန်ကြီးဌာနရုံးများတွင် မွန်ပြည်နယ် ကိုယ်စားပြုအလံသုံးစွဲရန် မွန်ပြည်နယ်အစိုးရရုံးမှ လွှတ်တော်ထံ သဘောထားတောင်းခံခဲ့သည့် အလံနှင့်ပတ်သက်၍ အောက်ခံအရောင်အပြာ၊ အနီ၊ မွန်ပြည်နယ် စာသားထည့် မထည့် ဟင်္သာအရောင်တို့ကို ဇွန် ၈ ရက်၌ ပြုလုပ်သော မွန် ပြည်နယ် လွှတ်တော်တွင် မွန်ပြည်နယ်ဝန်ကြီးချုပ်၊ လွှတ်တော်ဒုတိယဥက္ကဋ္ဌ၊ တိုင်းရင်းသား လူမျိုးရေးရာ ကော်မတီဥက္ကဋ္ဌအပါအ၀င် လွှတ်တော်ကိုယ်စားလှယ်ငါးဦးက ဆွေးနွေး အကြံပြုကြသည်။

“မွန်လူမျိုးတွေက လုံချည်အနီ၊ အင်္ကျီလည်း အနီ အဲဒီမှာ အနီရောင်နောက်ခံထည့်ဖို့၊ အဓိက မွန်ပြည်နယ်အတွက် ပြောလိုတဲ့အချက်က ဟင်္သာရယ်၊ သတ်မှတ်ထားတဲ့ အနီရောင်က၊ ကျွန်တော်တို့ မျက်စိ၊ မွန်လူမျိုးတွေရဲ့ မျက်စိမှာ ရော ခွဲခြားပြီးတော့ ရှင်းရှင်း လင်းလင်းမြင်ပါတယ်။ အသိမှတ်ပြုထားတဲ့ ကိစ္စဖြစ်တဲ့အတွက်ကြောင့် လွှတ်တော်ရဲ့တစ်ခဲနက် ထောက်ခံချက် လိုချင်တဲ့အတွက် တစ်ခဲနက်ထောက်ခံအတည်ပြုပေးကြပါလို့ လွှတ်တော်ဥက္ကဋ္ဌကြီးကတစ်ဆင့် လွှတ်တော်ကိုယ်စားလှယ်များ၊ တက်ရောက်လာသူများ၊ မွန် ပြည်နယ်သူပြည်နယ်သားများအားလုံးကို အနူးအညွတ် မေတ္တာရပ်ခံ တိုက်တွန်းနိုးဆော်အပ်ပါတယ်”ဟု မွန်ပြည်နယ်ဝန်ကြီးချုပ် ဒေါက်တာအေးဇံက ဆွေးနွေးခဲ့သည်။

ထို့အတူ တိုင်းရင်းသားလူမျိုးရေးရာ ကော်မတီဥက္ကဋ္ဌ ဦးထွန်းမင်းအောင်ကလည်း အနီရောင်အား ထောက်ခံပြီး အတည်ပြုပေးရန် ဆွေးနွေးခဲ့သည်။

ထိုသို့ဆွေးနွေးသူများအနက် မော်လမြိုင် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဦးမင်းထင်အောင်ဟန်က လတ်တလောတွင် အလံအား အောက်ခံ အပြာရောင်ကိုရွေးချယ်သင့်ကြောင်း အကြံ ပြုဆွေးနွေးခဲ့သဖြင့် လွှတ်တော်ဥက္ကဋ္ဌက မဲခွဲရန်ဆုံးဖြတ်ခဲ့သည်။

“ဒီကနေ့ ဆွေးနွေးသွားတဲ့ထဲမှာ ဆွေးနွေးသူအားလုံး အနီရောင်ကို ထောက်ခံပါတယ်၊ အနီရောင်ကို ကန့်ကွက်တဲ့သူတစ်ဦး ရှိပါတယ်။ ဒါကြောင့်မို့လို့ အချိန်ကိုငဲ့ညှာသောအားဖြင့် အနီရောင်အောက်ခံနှင့် ဟင်္သာ ကို၊ စာသားမပါ၊ အပြာရောင်ဆိုတဲ့အဆိုကို မဲခွဲဆုံးဖြတ်မှာဖြစ်ပါတယ်။ အချိန်ကိုငဲ့ညှာသောအားဖြင့် ဗြောင်ပဲ မဲခွဲမှာဖြစ်ပါတယ်” ဟု မွန်ပြည်နယ်လွှတ်တော်ဥက္ကဋ္ဌ ဒေါ်တင်အိက ပြောကြားသည်။

ထို့နောက် မွန်ပြည်နယ်အလံနှင့် ပတ်သက်ပြီး  အနီရောင်အောက်ခံ၊ အလယ်တွင် ဟင်္သာရွှေရောင်၊ မွန်ပြည်နယ်ဆိုသော စာသားမပါ၊ အရွယ်အစား ၆ x ၄ ပေ အလံကို သဘောတူပါသလားဟု လွှတ်တော်ဥက္ကဋ္ဌက မေးမြန်းရာ လွှတ်တော်ကိုယ်စားလှယ်များက သဘောတူကြောင်း သုံးကြိမ်ဖြေကြားသည်။

ဆက်လက်၍ လွှတ်တော်ကိုယ်စားလှယ်များက သဘောတူထောက်ခံကြသည့်အတွက် မွန်ပြည်နယ်အလံအား ၆ x ၄ ပေ အနီရောင် အခံ၊ ရွှေရောင်ဟင်္သာ၊ စာသားမပါအား အတည်ပြုကြောင်းကို မွန်ပြည်နယ်လွှတ်တော် ဥက္ကဋ္ဌ ဒေါ်တင်အိက ကြေညာခဲ့သည်။