လိုင်စင်ရလုပ်ငန်း မဟုတ်သော ပုဂ္ဂိုလ်အဖွဲ့အစည်းများက Online Application များဖြင့် တရားမ၀င် ၀န်ဆောင်မှုများ ဆောင်ရွက်နေကြောင်း တွေ့ရှိပါက လောင်းကစားဥပဒေဖြင့် အရေးယူနိုင်ရန် ပြည်ထဲရေး ၀န်ကြီးဌာနနှင့် ပူးပေါင်းဆောင်ရွက်နေ

မွန်ပြည်နယ် မဲဆန္ဒနယ် အမှတ် (၂) အမျိုးသားလွှတ်တော် ကိုယ်စားလှယ် ဒေါ်နွယ်နွယ်အောင် တင်သွင်းသည့် ရှမ်းကိုးမီး ဖဲကစားနည်း (ခေါ်) Shan Koe Mee Zingplay အား တွေ့ရစဉ် (ဓာတ်ပုံ – Shan Koe Mee Zingplay Facebook Page)

ဆက်သွယ်ရေး ၀န်ဆောင်မှုလုပ်ငန်း လိုင်စင်ရကုမ္ပဏီများက လောင်းကစားဥပဒေနှင့် ငြိစွန်းသည့် ဆောင်ရွက်မှုများ ပြုလုပ်နေကြောင်း အထောက်အထား ခိုင်လုံပါက ဆက်သွယ်ရေးဥပဒေ၊ လောင်းကစား ဥပဒေများနှင့် အရေးယူနိုင်သည့်အပြင် လိုင်စင်ရလုပ်ငန်း မဟုတ်သော အခြားပုဂ္ဂိုလ်၊ အဖွဲ့အစည်းများမှ Online Application များဖြင့် တရားမ၀င် ၀န်ဆောင်မှုများ ဆောင်ရွက်နေကြောင်း တွေ့ရှိပါက လောင်းကစားဥပဒေ၊ တည်ဆဲဥပဒေများဖြင့် အရေးယူနိုင်ရန် ပြည်ထဲရေး ၀န်ကြီးဌာနနှင့် ပူးပေါင်းဆောင်ရွက်နေကြောင်း ပို့ဆောင်ရေးနှင့် ဆက်သွယ်ရေး ၀န်ကြီးဌာန ဒုတိယ၀န်ကြီး ဦးကျော်မျိုးက ပြောကြားသည်။

ဇွန်လ ဒုတိယပတ်က ပြုလုပ်သည့် အမျိုးသားလွှတ်တော် အစည်းအဝေးတွင် မွန်ပြည်နယ် မဲဆန္ဒနယ် အမှတ် (၂) အမျိုးသားလွှတ်တော် ကိုယ်စားလှယ် ဒေါ်နွယ်နွယ်အောင်က မြန်မာနိုင်ငံအတွင်း လက်ကိုင်ဖုန်း၊ Facebook မှတစ်ဆင့် ကြော်ငြာစည်းရုံးပြီး ကျောင်းသား လူငယ်များနှင့် ပြည်သူများအကြား ထိုးဖောက် ၀င်ရောက်လာသည့် လောင်းကစားနည်း တစ်မျိုးဖြစ်သော ရှမ်းကိုးမီး ဖဲကစားနည်း (ခေါ်) Shan Koe Mee Zingplay သည် ပြည်သူများထံမှ လောင်းကြေးငွေများကို နည်းအမျိုးမျိုးဖြင့် ရယူနေပါသဖြင့် အဆိုပါလောင်း ကစားနည်းကို တားမြစ်ပိတ်ပင်ရန်နှင့် လောင်းကစားဒိုင်များကို ထိရောက်စွာ ဖော်ထုတ်အရေးယူရန် အစီအစဉ် ရှိ၊ မရှိ မေးမြန်းခဲ့သည်။

ဒုတိယ၀န်ကြီး ဦးကျော်မျိုးက “မိုဘိုင်းဆက်သွယ်ရေး အော်ပရေတာများ အပါအ၀င် ဆက်သွယ်ရေး ၀န်ဆောင်မှုလုပ်ငန်း လိုင်စင်ရ ကုမ္ပဏီတွေက လောင်းကစားဥပဒေနဲ့ ငြိစွန်းတဲ့ ဆောင်ရွက်မှုတွေ ပြုလုပ်နေတယ်လို့ အထောက်အထား ခိုင်လုံပါက ၀န်ကြီးဌာနအနေနဲ့ ဆက်သွယ်ရေး ဥပဒေပုဒ်မ ၅၇ အရ စီမံခန့်ခွဲရေးဆိုင်ရာ နည်းလမ်းတွေနဲ့ အရေးယူနိုင်တဲ့နည်းတူ ပြည်ထဲရေး ၀န်ကြီးဌာန အနေနဲ့လည်း လောင်းကစားဥပဒေ၊ တည်ဆဲဥပဒေတွေနဲ့ အရေးယူ ဆောင်ရွက်သွားနိုင်မှာ ဖြစ်ပါတယ်။ ထို့ပြင် လိုင်စင်ရလုပ်ငန်း မဟုတ်သော အခြားပုဂ္ဂိုလ်၊ အဖွဲ့အစည်းတွေက Online Application တွေနဲ့ တရားမ၀င် ၀န်ဆောင်မှုတွေ ဆောင်ရွက်နေတယ်လို့ စိစစ်တွေ့ရှိရပါက ပြည်ထဲရေး ၀န်ကြီးဌာနမှ လောင်းကစား ဥပဒေ၊ တည်ဆဲဥပဒေတွေနဲ့ အရေးယူနိုင်ရေးအတွက် ပူးပေါင်းဆောင်ရွက်သွားမှာ ဖြစ်ပါတယ်” ဟု  ပြောကြားသည်။

 

နိုင်ငံခြားသားများ မတရား ၀င်ရောက်ကာကွယ်တားဆီးရေးအဖွဲ့က ကောက်ယူထားသည့် မောင်တောခရိုင်ရှိ နတလကျေးရွာများတွင် နေထိုင်သူစာရင်းများကို လ၀ကသို့ လောလာဆယ် လွှဲပြောင်းနိုင်ခြင်း မရှိသေးဟု ပြည်ထဲရေးဒုတိယ၀န်ကြီး ပြောကြား

နိုင်ငံခြားသားများ မတရား ၀င်ရောက် ကာကွယ်တားဆီးရေးအဖွဲ့မှ ကောက်ယူထားသည့် မောင်တောခရိုင်ရှိ နတလကျေးရွာများ တွင် နေထိုင်သူစာရင်းများအား အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဝန် ကြီးဌာန (လ၀က) သို့ လောလာဆယ်တွင် လွှဲပြောင်းနိုင်ခြင်းမရှိသေးဟု ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်ချုပ်အောင်သူက ပြောကြားသည်။

ဇွန် ၆ ရက်ကပြုလုပ်သည့် အမျိုးသား လွှတ်တော်အစည်းအဝေးတွင် ရခိုင်ပြည်နယ် မဲဆန္ဒနယ်အမှတ် (၈) အမျိုးသားလွှတ်တော် ကိုယ်စားလှယ် ဦးကျော်ကျော်ဝင်းက ရခိုင် ပြည်နယ် မောင်တောခရိုင်နှင့် ရသေ့တောင်မြို့နယ်အတွင်းရှိ (နတလ) ကျေးရွာများ၌ နေထိုင်ကြသည့် နိုင်ငံသား၊ တိုင်းရင်းသားများ၏ လူဦးရေနှင့် အိမ်ထောင်စု ပုံစံ ၆၆၆ စာရင်းများအား နိုင်ငံခြားသားများ မတရား ၀င်ရောက် ကာကွယ်တားဆီးရေးအဖွဲ့ (မဖက) မှ အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနသို့ မည်သည့်အ ချိန်တွင် စနစ်တကျ လွှဲပြောင်းပေးမည်ကို သိရှိလိုကြောင်း မေးမြန်းခဲ့သည်။

အဆိုပါမေးမြန်းမှုနှင့်ပတ်သက်ပြီး ဒုတိယ၀န်ကြီးက “ရခိုင်ပြည်နယ် မောင်တောခရိုင်ရှိ နတလကျေးရွာမှာ နေထိုင်သည့် တိုင်းရင်းသားများအနေဖြင့် နိုင်ငံသားအခွင့်အရေးများ ဆုံးရှုံးမှုမရှိစေဖို့ အိမ်ထောင်စုစာရင်း နိုင်ငံသား စိစစ်ရေးကတ်ပြားဆောင်ရွက်ခြင်း လုပ် ငန်းများအား အခါအားလျော်စွာ ကွင်းဆင်း စစ်ဆေးဆောင်ရွက်လျက်ရှိကြောင်း၊ ဒေသခံတိုင်းရင်းသားများ၊ အခြားဒေသများမှ တိုင်းရင်းသားများ ပြောင်းရွှေ့လိုပါက ခွင့်ပြုချက်ဖြင့် သက်ဆိုင်ရာ အလုပ်သမား လူဝင်မှုကြီး ကြပ်ရေးနှင့် ပြည်သူ့အင်အားဦးစီးမှူးရုံးမှ လုပ်ထုံးလုပ်နည်းနှင့်အညီ စိစစ်ပြီး ပြောင်းရွှေ့ပုံစံ ၁၀ အား လက်ရှိ လူဝင်မှုကြီးကြပ်ရေး ဌာနခွဲ (၄) အနေဖြင့် မတရားဝင်ရောက်သူများ တားဆီးကာကွယ်ရေးအဖွဲ့ (မကဖ) တွင် ထိန်းသိမ်းထားရှိသည့် အိမ်ထောင်စုလူဦးရေ စာရင်း ၆၆/၆ ကို လောလောဆယ်လွှဲပြောင်း ပေးနိုင်ခြင်း မရှိသေးပါဘူး”ဟု ပြောကြားသည်။

ဆက်လက်၍ မောင်တောခရိုင်တွင် တိုင်းရင်းသား နတလကျေးရွာ ၃၆ ရွာရှိပြီး လူဦးရေ ကျား ၇၀၅၉ ဦး၊ မ ၇၀၂၉ ဦး စုစု ပေါင်း ၁၄၀၈၈ ဦးရှိကြောင်း၊ အဆိုပါတိုင်း ရင်းသား နတလကျေးရွာရှိ အိမ်ထောင်စု လူဦးရေစာရင်းပုံစံ ၆၆/၆ အား လူဝင်မှုကြီး ကြပ်ရေးမှ ထုတ်ပေးထားကြောင်း၊ နှစ်စဉ်လူဦးရေ စိစစ်လျက်ရှိကြောင်း၊ အမှတ် (၁) နယ် ခြားစောင့်ရဲကွပ်ကဲမှုအဖွဲ့တွင် ထမ်းဆောင် လျက်ရှိသည့် လူဝင်မှုကြီးကြပ်ရေးဌာနခွဲ (၄) နှင့် ယင်းလက်အောက်ရှိ နိုင်ငံခြားသားများ တရားမ၀င် ၀င်ရောက်မှုတားဆီးကာကွယ် ရေးအဖွဲ့ (မကဖ) တွင် ထိန်းသိမ်းထားရှိသော အိမ်ထောင်စုလူဦးရေစာရင်းပုံစံ ၆၆ ကို ကောက်ယူရာတွင် လူဦးရေစာရင်းသိရှိနိုင်ရန်အတွက် ထုတ်ပေးထားခြင်းဖြစ်ကြောင်း၊ သက်ဆိုင်ရာ လူဝင်မှုကြီးကြပ်ရေးနှင့် ပြည်သူ့အင်အားဌာန၏ ပုံစံ ၆၆/၆ အား နှောင့်ယှက်မှုမရှိဘဲ အခြေအနေအရပ်ရပ်ဆောင်ရွက်ရန် လိုအပ်သဖြင့် သီးခြားဆောင်ရွက်ခြင်းသာဖြစ်ကြောင်း၊ သက်ဆိုင်ရာ လူဝင်မှုကြီးကြပ်ရေး နှင့် ပြည်သူ့အင်အားဦးစီးဌာန မြို့နယ်ရုံးများသို့ လွှဲပြောင်းရန် အစီအစဉ်မရှိကြောင်း ဒုတိယ၀န်ကြီးက ပြောကြားသည်။

ထို့ပြင် မြန်မာနှင့်ဘင်္ဂလားဒေ့ရ်ှနိုင်ငံတို့သည် နယ်နိမိတ်အားဖြင့် ၁၆၈ မိုင် ထိစပ်လျက်ရှိကြောင်း၊ ယင်းသို့ ထိစပ်နေသည့်အတွက် တစ်ဖက်နိုင်ငံမှ ခိုးဝင်မှုများတားဆီး ကာကွယ်ရန်အတွက် ကုန်ပစ္စည်းများ တရားမ၀င် သွင်းထုတ်မှုများ တားဆီးကာကွယ်ရန် နယ်စပ်ဒေသတွင် တရားဥပဒေစိုးမိုးပြီး နယ်စပ်သတင်းများ ရရှိရန် စသည့်ရည်ရွယ်ချက်များဖြင့် ၁၉၉၂ ခုနှစ်၌ တပ်မတော်၊ ရဲတပ်ဖွဲ့၊ လူဝင်မှုကြီးကြပ်ရေးဌာန စသည်တို့ပါဝင်သော နယ်စပ်ဒေသ လူဝင်မှုစစ်ဆေးရေးကွပ်ကဲမှုအဖွဲ့ (နစက) ကို ဖွဲ့စည်းခဲ့ကြောင်း၊ နစ ကအား မောင်တောမြို့နယ် ကျီးကန်ပြင်တွင် အခြေစိုက်ဖွင့်လှစ်ပြီး မောင်တော၊ ဘူးသီးတောင်၊ ရသေ့တောင်မြို့နယ်များတွင် နယ်မြေစခန်းများဖွင့်လှစ်ခဲ့ကြောင်း၊ တိုင်းရင်းသား ကျေးရွာများတွင် နေထိုင်သည့် အိမ်ထောင်စုစာရင်း၊ ဘင်္ဂါလီစာရင်းများကို စနစ် တကျထိန်းသိမ်းပြီး တစ်နှစ်တစ်ကြိမ် လူဦးရေစာရင်း၊ လူဝင်လူထွက်စစ်ဆေးခြင်းတို့ဖြင့် တစ်ဖက်နိုင်ငံမှ ခိုးဝင်မှုများကို တားဆီးကာကွယ်ဆောင်ရွက်နိုင်ခဲ့ကြောင်း၊ အဆိုပါ နစက အဖွဲ့အား ၂၀၁၇ ခုနှစ်တွင် ဖျက်သိမ်းခဲ့ကြောင်း၊ နယ်ခြားစောင့်ကွပ်ကဲမှုအဖွဲ့ကို ပြန်လည်ဖွဲ့စည်းခဲ့ကြောင်း၊ ကျေးရွာများရှိ လူဦးရေစာရင်းများကို ကောက်ယူကာ စစ်ဆေးလျက်ရှိကြောင်း၊ နိုင်ငံသားစိစစ်ရေးကတ်ပြားများကို အခါအားလျော်စွာ ကွင်းဆင်းစစ်ဆေးလျက်ရှိခြင်း၊ နိုင်ငံသားများ၏ အခွင့်အရေးများကို ပြည့်ပြည့်၀၀ ခံစားရရှိလျက်ရှိကြောင်း ပြည်ထဲရေးဝန်ကြီးဌာန ဒုတိယ၀န်ကြီးက ပြောကြားသည်။

ပြည်သူများအတွက် လမ်း၊တံတား တည်ဆောက်ခြင်းများကို စိတ်မ၀င်စားဘဲ သိန်း ၄၀ တန် စားပွဲခုံ၊ သိန်း ၁၀၀၀ တန်ကား ၀ယ်မည်ဆိုသည့် အတွေးများသာရှိကြောင်း လွှတ်တော်ကိုယ်စားလှယ် ပြောကြား

ကျင်းပလျက်ရှိသည့် ရန်ကုန်တိုင်းဒေသကြီး လွှတ်တော်အစည်းအဝေးကို တွေ့ရစဉ် (ဓာတ်ပုံ- ပြည့်ဇြိုးအောင်)

ပြည်သူများအတွက် လမ်း၊ တံတားတည်ဆောက်ခြင်းများ စိတ်မ၀င်စားဘဲ မိမိဌာနအတွက် သိန်း ၄၀ တန်စားပွဲခုံ၊ သိန်း ၁၀၀၀ တန် ကားဝယ်မည်ဆိုသည့် အတွေးများသာ ရှိနေကြောင်း ကျောက်တံတားမြို့နယ် မဲဆန္ဒနယ် အမှတ် (၁) လွှတ်တော်ကိုယ်စားလှယ်က ဒေါ်ကြည်ပြာက ပြောကြားသည်။

ဇွန် ၁ ရက်ကပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ဆဋ္ဌမပုံမှန်အစည်းအဝေး (၃၈ ရက်မြောက်နေ့) တွင်၂၀၁၈-၂၀၁၉ ရန်ကုန်တိုင်းဒေသကြီး၏ အရအသုံးခန့်မှန်းခြေငွေစာရင်း (လျာထားချက်) ဆွေးနွေးမှုနှင့်ပတ်သက်၍ မီဒီယာ များ၏မေးမြန်းမှုအား ဖြေကြားရာတွင် ဒေါ်ကြည်ပြာက ထိုသို့ ပြောကြားခဲ့ခြင်းဖြစ်သည်။

“ကျွန်မတို့နိုင်ငံက လက်ရှိမှာ ဆင်းရဲတယ်။ မိသားစုတစ်စုလိုပဲ စဉ်းစားမယ်ဆိုရင်တောင် မရှိသေးတဲ့အချိန်မှာ အားလုံးခြိုးခြိုးခြံခြံသုံးတဲ့ ပုံစံမျိုးဖြစ်စေချင်တယ်။ သူတို့ဘာသာ သူ ရှိတာ မရှိတာ စိတ်မ၀င်စားဘူး။ ပြည်သူအတွက် လမ်းတွေ၊ တံတားတွေခင်းတာ စိတ်မ၀င်စားဘူး။ ငါတို့ဌာနအတွက် ရသင့်တာ ဆုံလည်စားပွဲကြီး သုံးလိုက်မှာပဲ။ သိန်း ၄၀ တန်စားပွဲကြီး ၀ယ်လိုက်မှာပဲ။ Ford ကားကို သိန်း ၁၀၀၀ နဲ့ ၀ယ်သုံးလိုက်မှာဆိုတဲ့ အတွေးမျိုးတွေကို မိသားစုစိတ်ဓာတ်လေးနဲ့ဖြစ်ဖြစ် နည်းနည်းစဉ်းစားပြီးတော့ မျှမျှတတ လေး သုံးစေချင်တယ်”ဟု ဒေါ်ကြည်ပြာက ပြောကြားသည်။

ဌာနဆိုင်ရာများက တိုင်းပြည်၏လည်ပတ်မှုကဏ္ဍတွင် လိုအပ်နေသည့်ယန္တရားဖြစ်သဖြင့် သုံးသင့်သည့်ကို သုံးစေချင်ကြောင်း၊ သို့သော် ဆွေးနွေးချက်များအတိုင်း မသုံးသင့်သည့်များကို တွေ့နေရပြီး နှစ်စဉ်ပြောသော်လည်း ပုံမှန်တင်ပြနေရကြောင်း၊ ၀န်ထမ်းများ အနေဖြင့်လည်း အစိုးရသစ်၏ ပေါ်လစီကို လိုက်၍ ဒုတိယနှစ်တွင်လည်း ပြောင်းလဲလာခြင်းမျိုး မရှိသဖြင့် ထပ်ဆွေးနွေးနေရကြောင်း ဒေါ်ကြည်ပြာက ပြောကြားသည်။

ထို့ပြင် ဇွန် ၁ ရက်ကပြုလုပ်သည့် လွှတ်တော် အစည်းအဝေးတွင် တိုင်းဒေသကြီးအစိုးရအဖွဲ့၏ ဧည့်ခံကျွေးမွေးစရိတ်၊ လွှတ်တော်၏ ဧည့်ခံကျွေးမွေးစရိတ်အပြင် ဌာနဆိုင်ရာများ၏ ဧည့်ခံကျွေးမွေးစရိတ်များနှင့် ပတ်သက်၍ ကိုယ်စားလှယ်များက ဝေဖန်ခဲ့ကြသည်။

လှိုင်မြို့နယ် မဲဆန္ဒနယ် အမှတ် (၁)လွှတ်တော်ကိုယ်စားလှယ် ဦးကျော်ကျော်ထွန်းက “နှစ်စဉ်မှာလည်း ရန်ကုန်တိုင်းဒေသကြီး အစိုးရအဖွဲ့ရဲ့ ဧည့်ခံကျွေးမွေးစရိတ်က သန်း ၄၀၊ လွှတ်တော်ရဲ့ ဧည့်ခံကျွေးမွေးစရိတ် က သန်း ၃၀ နဲ့ ထွေအုပ်၊ စည်ပင် အခြားဌာန တွေပေါင်းရင် သန်း ၁၀၀ လောက် ဧည့်ခံနေတာ တွေ့ရပါတယ်။ ဒါပေမဲ့ ကျွန်တော်တို့ ထွေအုပ်ရုံးတွေမှာ အစည်းအဝေးတက်တဲ့အခါ တစ်ခါတလေမှာ ရေသန့်တောင် တိုက်တာ မရှိပါဘူး။ လွှတ်တော်မှာလည်း ၁၀၀ တန်ရေဘူးနဲ့ ကော်ဖီမစ်တွေပဲ ဧည့်ခံတာတွေ့ ရတာပါ။ အစိုးရအဖွဲ့ အစည်းအဝေးတွေ မှာလည်း ဒီလိုပါပဲ။ ကျွန်တော်တို့ရဲ့ပါတီမှာ အစကတည်းက ညွှန်ကြားထားပါတယ်။ ကျွန်တော်တို့ သွားတဲ့နေရာတွေမှာ ရေပဲတိုက်ပါလို့ပြောတာ ရေတိုက်ရင်တောင် ကျေနပ်ပါတယ်။ ဒါကြောင့်မို့ ဧည့်ခံကျွေးမွေးစရိတ်တွေ ကို ပြန်လည်စိစစ်စေချင်ပါတယ်။ ဒါတွေဟာ လိုအပ်သလား။ မလိုအပ်ဘူးလား။ လူကြီးတွေလာလာ၊ လွှတ်တော်ကိုယ်စားလှယ်တွေ သွားသွား ရေလောက်ပဲသောက်ပြီး ပြန်တာပါ။ ချတဲ့ပစ္စည်းတွေက အလကားပိုလျှံနေတာ တွေ့ရပါတယ်” ဟု ပြောကြားသည်။

ထို့ပြင် မြို့တော်ဂေါက်ကွင်းအတွက် ၁၀၇ ဒသမ ၆၅ သန်း၊ စက်ရုံမော်တော်ယာဉ်များအတွက် ကားများဝယ်မည့် ၁၁၇ ဒသမ ၈၂၉ သန်း၊ ရုံးသုံးပရိဘောဂများ ၀ယ်ယူရန် ၈၈ ဒသမ ၃၁၇ သန်း၊ ရုံးသုံးယာဉ်ဝယ်ယူရန် ၂၆၄၄ သန်းများကို စိစစ်ဖြတ်တောက်စေလိုကြောင်း ၎င်းက ဆွေးနွေးပြောကြားသည်။

လွှတ်တော်ကိုယ်စားလှယ်များ၏ ဆွေးနွေးတင်ပြချက်များနှင့်ပတ်သက်၍ တိုင်းဒေသကြီးအဆင့် အဖွဲ့အစည်းများက ဇွန်လ ၄ ရက်တွင်ပြုလုပ်မည့် လွှတ်တော် အစည်းအဝေး၌ ပြန်လည်ရှင်းလင်းမည်ဖြစ်ပြီး လွှတ်တော်၏ အဆုံးအဖြတ် ရယူမည်ဖြစ်သည်။

ရန်ကုန်တိုင်းဒေသကြီး အစိုးရအဖွဲ့ဝန်ကြီးများအနေဖြင့် မေးခွန်းများ ပြန်လည်ဖြေကြားရာတွင် ပြည့်စုံစွာဖြေကြားသင့်ပြီး လွှတ်တော်ကို အလေးအနက်ထားသင့်ကြောင်း တိုင်းဒေသကြီး လွှတ်တော်ကိုယ်စားလှယ်အချို့ ဝေဖန်

မေ ၂၄ ရက်က ရန်ကုန်တိုင်းဒေသကြီး လွှတ်တော်အစည်းအဝေးသို့ တက်ရောက်လာသည့် အစိုးရအဖွဲ့ဝင်အချို့ကို တွေ့ရစဉ် (ဓာတ်ပုံ- ဆန်းထူးအောင်)

ရန်ကုန်တိုင်းဒေသကြီးအစိုးရအဖွဲ့ ၀န်ကြီးများအနေဖြင့် မေးခွန်းများပြန်လည် ဖြေကြားရာတွင် ပြည့်စုံစွာဖြေကြားသင့်ပြီး လွှတ်တော်ကို အလေးအနက်ထားသင့်ကြောင်း တိုင်းဒေသကြီး လွှတ်တော်ကိုယ်စားလှယ်အချို့က ဝေဖန်ပြောကြားသည်။

လွှတ်တော်တွင် လေးလကြာ တင်ပြထားသည့် မေးခွန်းနှင့်ပတ်သက်ပြီး သက်ဆိုင်ရာဝန်ကြီး လာရောက်ပြီး မပြည့်မစုံဖြေကြားခြင်းမှာ လွှတ်တော်ကို အလေးမထားရာရောက်ကြောင်း ပန်းဘဲတန်းမြို့နယ် မဲဆန္ဒနယ် အမှတ် (၁) လွှတ်တော်ကိုယ်စားလှယ် ဦး သန်းနိုင်ဦးက  ပြောကြားသည်။

“လေးလလောက်ကြာ ပြင်ဆင်ထားပြီး ဖြစ်တဲ့မေးခွန်းကို ၀န်ကြီးကို သက်ဆိုင်ရာ တာဝန်ရှိသူတွေ ဖြေကြားပေးလိုက်တယ်။ ဒါပေမဲ့ မပြည့်မစုံ လာဖြေတဲ့အခါကျတော့ လွှတ်တော်ကို သက်သက် အလေးမထားရာ ကျတယ်လို့ခံစားရပါတယ်။ နောက်ပိုင်းဆိုရင် တော့ သက်ဆိုင်ရာ တာဝန်ရှိတဲ့ဌာနတွေက ဒီမေးခွန်းတွေ ဖြေကြားပေးမယ့်သူတွေက သေသေချာချာ လေးလေးနက်နက် ထားသင့်တယ်။ ပြည်သူတွေက သတင်းသိပိုင်ခွင့်အရ သိသင့်တဲ့ကိစ္စတွေပါ။ အဲဒါမျိုးတွေဆိုရင်  ကြားမှာ ဒါတွေက နောက်ပြီးတော့ သူတို့ကို သံသယဖြစ်စရာတွေ ဖြစ်လာလိမ့်မယ်။ ဒါတွေက အဂတိတွေပါသလား။အခုဆိုရင်လည်း အဂတိလိုက်စားမှု တိုက်ဖျက်ရေးဆိုတာက Hot Issue လိုဖြစ်နေတာ။ အဲဒီလိုမျိုးတွေ မဖြစ်အောင် ထိန်းကျောင်းဖို့ တာဝန်က အကုန်လုံးမှာတာဝန်ရှိတယ်။မီဒီယာမှာရော လွှတ်တော်ကိုယ်စားလှယ်တွေမှာရော အကုန်လုံးက ၀ိုင်းပြီးတော့ ထိန်းကျောင်းပေးနေတာလေ။ ဒါမျိုးတွေကို လွှတ်တော်ကို လာဖြေတဲ့အခါကျရင်တော့ တိတိကျကျနဲ့ မှန်မှန်ကန် ကန်လာဖြေဖို့လိုပါတယ်”ဟု လွှတ်တော်ကိုယ်စားလှယ်ဦးသန်းနိုင်ဦးက ပြောကြားသည်။

မေ ၂၄ ရက်က ပြုလုပ်သည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ဆဋ္ဌမပုံမှန်အစည်းအဝေး (၃၁ ရက်မြောက်နေ့) တွင် ပန်းဘဲတန်းမြို့နယ် မဲဆန္ဒနယ် အမှတ် (၁) လွှတ်တော်ကိုယ်စားလှယ် ဦးသန်းနိုင်ဦးက “ရန်ကုန်တိုင်းဒေသကြီးအစိုးရ စီမံခန့်ခွဲခွင့်ရှိသည့် ရန်ကုန်မြစ်ကြောင်းတစ်လျှောက် ပြည်တွင်းရေကြောင်းပို့ဆောင်ရေး ကုန်ပို့စက် ယာဉ်/တွဲယာဉ်များ အဟောင်းများ၊ ဒလမှော်စက်ဝန်းကျင်ရှိ ပြည်တွင်းရေကြောင်း ပို့ဆောင်ရေးမြစ်ဝဌာနခွဲရှိ စက်ရေယာဉ်အဟောင်းများ၊ စက်ရှိ၊ စက်မဲ့တွဲရေ ယာဉ်များအား ရှင်းလင်းအောင် မည်သို့စီမံဆောင်ရွက်ထားသည်ကို သိရှိလိုကြောင်း” မေးခွန်းနှင့်ပတ်သက်ပြီး လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြန်လည်ဖြေ ကြားခဲ့သည်။

ထို့နောက် လွှတ်တော်ကိုယ်စားလှယ် ဦးသန်းနိုင်ဦးက ဆက်စပ်မေးခွန်းအနေဖြင့် ‘ဆာဗီယာနံပါတ်၊ တွဲယာဉ်နံပါတ်များကို မည်သို့ ပြန်လည်ထုတ်ပေးပါသနည်း၊ သင်္ဘော  အဟောင်းအပျက်များကို သံထည် အဟောင်းဈေးဖြင့် လေလံတင် ထုခွဲရောင်းချရာတွင် လိုင်စင်ပါ ထည့်သွင်းရောင်းပါသလားနှင့်   ရန်ကုန်တိုင်းဒေသကြီးအစိုးရ စီမံခန့်ခွဲခွင့်ရှိသည့် ရေကြောင်းပို့ဆောင်ရေးဦးစီးဌာနမှ  ပုဂ္ဂလိကသို့ ငှားရမ်းထားသောတွဲယာဉ် မည်မျှရှိ၍ တစ်နှစ်လျှင်ငှားရမ်းခနှုန်း မည်မျှဖြင့် ငှားရမ်းထားပါသလဲ’ ဟု မေးမြန်းရာ ၀န်ကြီး ဒေါ်နီလာကျော်က မေးမြန်းထားသည့် မေးခွန်းများကို ပြည့်စုံရန် ဌာနဆိုင်ရာကို မေးမြန်း၍ ပြည်လည်ပေးပို့ဖြေကြားပေးမည် ဖြစ်ကြောင်း ပြောကြားသည်။

“၀န်ကြီးတွေဆီကို မေးခွန်းရောက်ပြီဆိုရင် အောက်အဖွဲ့ကို မေးရတာပဲလေ။ အောက်ကပေးလိုက်တဲ့ဟာကို လွှတ်တော် မှာ လာမဖြေခင် ၀န်ကြီးတွေက သေချာစိစစ်သင့်ပါတယ်။ တိကျတဲ့အဖြေတစ်ခုရအောင် ကိုယ့်အောက်က အဖွဲ့အစည်းတွေကို ပြန်ပြီး တော့ ပြောသင့်ပါတယ်။ လွှတ်တော်မှာ မေးတယ်၊ ဖြေတယ်ဆိုတာကတော့ တစ်နိုင်ငံလုံးကို လွှင့်နေတာလေ။ အစိုးရရဲ့ပုံရိပ်လည်း ဖြစ်တယ်။ မေးခွန်းလေးခုမေးတာ တစ်ခုပဲ ဖြေသွားတယ်ဆိုတာကတော့ မကောင်းဘူးပေါ့။ အစိုးရရဲ့ပုံရိပ်လည်း ထိခိုက်ပါတယ်။နောက်နောင်တော့ ၀န်ကြီးတွေအနေနဲ့ အောက်ကရေးပေးတာနဲ့ မဟုတ်ဘဲနဲ့ သေချာ တိကျတဲ့အဖြေတစ်ခုရအောင် အားထုတ်သင့်ပါတယ်။ အစိုးရအဖွဲ့လုပ်ရမယ့် အလုပ်ထဲမှာ လွှတ်တော်မေးခွန်းကို ပြန်ဖြေရမယ်ဆိုတာက အလုပ်တစ်ခုပဲ။ ဒါက ၀န်ကြီးတွေ မဖြစ်မနေ လုပ်ကိုလုပ်ရမယ့်အလုပ်။ အဲဒါကို အလုပ်တစ်ခုလို သဘောထားပြီးလုပ်ဖို့ လိုတယ်။ အခုဆိုရင်လည်း မေးခွန်းတွေ အများကြီး ကျန်သေးတယ်။ တစ်ခါတလေ မေးခွန်းလေးနှစ်ခု သုံးခုပဲ။ လွှတ်တော်အနေနဲ့ မေး ခွန်းလေးနှစ်ခုသုံးခုလောက်ရဖို့ စောင့်နေရတယ်။ အဲဒါက အဓိပ္ပာယ်ကို မရှိဘူး။အစိုးရအဖွဲ့တစ်ဖွဲ့လုံးအနေဖြင့် ကိုယ့်အချိန်ကို စီမံခန့်ခွဲတဲ့နေရာမှာ လွှတ်တော်ရဲ့ မေးခွန်းတွေ ဖြေဖို့ဆိုတာမျိုးတွေ၊ လွှတ်တော်မှာ အတည်ပြုခဲ့တဲ့ အဆိုတွေ အကောင်အထည်ဖော်ဖို့ ဆိုတာမျိုးတွေ အဲဒါမျိုးတွေကို သူတို့စိတ်မှာကိုက လွှတ်တော်နဲ့ ပူးပေါင်းဆောင်ရွက်ရမယ်။ လွှတ်တော်ကို အလေးထားပြီးတော့ ကိုယ့်အချိန်စီမံခန့်ခွဲမှုကို အဲဒီဖယ်ထားပြီးတော့ လုပ်ရမယ်။ အဲဒီလိုမဟုတ်ဘဲနဲ့ အချိန် ရမှဖြေမယ်ဆိုလို့ကတော့ ဒီအတိုင်းပဲဖြစ်နေဦးမှာပဲ” ဟု သင်္ဃန်းကျွန်းမြို့နယ် မဲဆန္ဒနယ် အမှတ်(၁) လွှတ်တော်ကိုယ်စားလှယ် ဦးနေဘုန်းလတ်က ပြောကြားသည်။

“ကိုယ်စားလှယ်တွေဆိုတာကလည်း ထပ်ဆင့်မေးလေ့ရှိတဲ့ အခါမျိုးကျတော့ အဲဒီအတွက်ပါ ကြိုပြီးပြင်ရမယ့်အနေအထား ရှိတယ်။ ၀န်ကြီးတစ်ယောက်ရဲ့ တာဝန်အရဆိုရင်တော့ ဒီဟာ စနစ်တကျဖြေရမယ်ပေါ့။လွှတ်တော်နိုင်ငံရေးကလည်း ပွင့်ပွင့်လင်းလင်းပြောရရင် မြန်မာနိုင်ငံမှာက လွှတ်တော် နိုင်ငံရေး သိပ်အားမကောင်းတဲ့ ပုံစံမျိုး ဖြစ်နေတယ်။ တချို့ဝန်ကြီးတွေက ပြောတာက မေးခွန်းမေးရတာ လွယ်တယ်၊ သူတို့ဖြေရတာ အဖြေတစ်ခုရဖို့ လွယ်တာမဟုတ်ဆိုတဲ့ ပုံစံမျိုးပြောတယ်။ အမှန်တော့ ရအောင်လုပ်ရမှာက သူတို့တာဝန်လေ။ အဲဒါက ၀န်ကြီးတစ်ယောက်ရဲ့ လုပ်ပိုင်ခွင့်တာဝန်နဲ့ ၀တ္တရားပဲ။ လွှတ်တော်ကိုလည်း တလေးတစားနဲ့ မေးခွန်းတွေဖြေဖို့ရှိတယ်။ ဒီတစ်ခေါက်မှာ မေးခွန်းတွေ ဘယ်နှခုတပ်ထားတယ်။ အဲဒါတွေကို စနစ်တကျ ဘယ်လိုဖြေမယ်ဆိုတာမျိုး။ ကိုယ်စားလှယ်လွယ်လွယ်လေး မေးတာလေ။ ငါတို့လည်း ဒီလိုလေးပဲ ဖြေလိုက်မယ်ဆိုရင်တော့ သိပ်အဆင်မပြေဘူး။ ဒီမိုကရေစီသွားတဲ့အခါမှာ လွှတ်တော်နိုင်ငံရေး အားကောင်းဖို့လိုတယ်။ ကိုယ်စားလှယ်တွေဆိုတာ ပြည်သူနဲ့အများဆုံး ထိတွေ့နေတာပါ”ဟု ကျောက်တံတားမြို့နယ် မဲဆန္ဒနယ်အမှတ် (၁) လွှတ် တော်ကိုယ်စားလှယ် ဒေါ်ကြည်ပြာက ပြောကြားသည်။

ရန်ကုန်တိုင်းဒေသကြီးအစိုးရအဖွဲ့ ၀န်ကြီးများအနေဖြင့် တိုင်းဒေသကြီးလွှတ်တော် ကိုယ်စားလှယ်များမှ မေးမြန်းမှုများနှင့်ပတ်သက်ပြီး ပြည့်ပြည့်စုံစုံဖြေကြားပေးရန် ရန်ကုန်တိုင်းဒေသကြီး လွှတ်တော်ဥက္ကဋ္ဌ ဦးတင်မောင်ထွန်းက ဒုတိယအကြိမ် ရန်ကုန်တိုင်း ဒေသကြီးလွှတ်တော် ဆဋ္ဌမပုံမှန်အစည်းအဝေး စတင်ကျင်းပသည့်နေ့တွင် ပြောကြားထားသည်။

လာမည့်အမျိုးသားလွှတ်တော် အဋ္ဌမ ပုံမှန်အစည်းအဝေးကာလတွင် ဥပဒေကြမ်းကိုးခု ဆောင်ရွက်ရန်ရှိဟု ဥပဒေကြမ်းကော်မတီ အတွင်းရေးမှူး ပြောကြား

လာမည့် အမျိုးသားလွှတ်တော် အဋ္ဌမ ပုံမှန်အစည်းအဝေးကာလတွင် ဥပဒေကြမ်းကိုးခု ဆောင်ရွက်ရန်ရှိဟု ဥပဒေကြမ်းကော်မတီ အတွင်းရေးမှူး ဒေါက်တာမြတ်ဥာဏစိုး က မေ ၃ ရက်တွင် The Daily Eleven သတင်းစာကို ပြောကြားသည်။

ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော် အဋ္ဌမပုံမှန်အစည်းအဝေးများကို မေလ ၁၄ ရက်တွင် စတင်ကျင်းပမည်ဖြစ်သည်။

ဒေါက်တာမြတ်ဥာဏစိုးက “အမျိုးသားလွှတ်တော်မှာ ဆောင်ရွက်ရမယ့် ဥပဒေကြမ်း ကိုးခုရှိတယ်။ ပြည်သူ့လွှတ်တော်ဘက်က ပြင်ဆင်ချက်နဲ့ပေးပို့ထားတဲ့ သစ်တောဥပဒေ (၂၀၁၇)ပေါ့။ အဲ့ဒီဥပဒေကြမ်းကို စတင်ဆွေး နွေးနေပါပြီ။ နောက်ပြီးတော့ အလုပ်သမား အငြင်းပွားမှုဖြေရှင်းရေး ဥပဒေ၊ တောင်သူ လယ်သမားရေးရာကော်မတီက တင်သွင်းထားတဲ့ မြေသိမ်းဥပဒေကြမ်း၊ ရုပ်မြင်သံကြားနဲ့ အသံထုတ်လွှင့်ခြင်းဆိုင်ရာ ဥပဒေကြမ်း၊ ရုပ်မြင်သံကြားနဲ့ ဗီဒီယိုထုတ်လုပ်ခြင်းဆိုင်ရာ ဥပဒေကြမ်း၊ မြန်မာ့သမိုင်းကော်မရှင် ဥပဒေကို ပြင်ဆင်တဲ့ဥပဒေ၊ မြန်မာနိုင်ငံ သွားနဲ့ ခံတွင်းကောင်စီ ဥပဒေကို ပြင်ဆင်သည့် ဥပဒေ၊ အဂတိလိုက်စားမှု တိုက်ဖျက်ရေး ဥပဒေကြမ်းတွေ ဆွေးနွေးအတည်ပြုဖို့ ရှိပါတယ်” ဟု ပြောကြားခဲ့သည်။

ဆက်လက်၍ “ဦးစားပေးအနေနဲ့က အဂတိလိုက်စားမှုတိုက်ဖျက်ရေး ဥပဒေကို စတုတ္ထအကြိမ်ပြင်ဆင်တဲ့ ဥပဒေကြမ်းပေါ့။ ဒီဥပဒေကြမ်းက ပြီးခဲ့တဲ့ သတ္တမပုံမှန်အစည်း အဝေးမှာ ကျန်ခဲ့တဲ့ ဥပဒေပေါ့။အဲ့ဒါပြီးရင်တော့ သစ်တောဥပဒေတို့၊ အလုပ်သမား အငြင်းပွားမှုဖြေရှင်းရေးဥပဒေတို့ ဒါတွေကတော့ ဦးစားပေးဆောင်ရွက်မယ့်ဥပဒေကြမ်းတွေဖြစ်ပါတယ်” ဟု ဒေါက်တာမြတ်ဥာဏစိုးက ပြောကြားခဲ့သည်။

ဒုတိယအကြိမ် အမျိုးသားလွှတ်တော် အဋ္ဌမ ပုံမှန်အစည်းအဝေးစတင်ချိန်တွင် အဂတိလိုက်စားမှုတိုက်ဖျက်ရေး ဥပဒေကြမ်းအား လွှတ်တော်၏ အဆုံးအဖြတ်ရယူပြီး အတည်ပြုဆောင်ရွက်ရုံသာ ကျန်ရှိတော့ကြောင်း၊ ကျန်သည့် ဥပဒေကြမ်းကိုးခုအား ဆွေးနွေးအတည်ပြုခြင်းများ ဆောင်ရွက်မည်ဖြစ်ကြောင်း သိရသည်။

အမျိုးသားလွှတ်တော် ဥပဒေကြမ်း ကော်မတီအစည်းအဝေးအား မေ ၂ ရက် တွင် စတင်ခဲ့ပြီး အဋ္ဌမပုံမှန်အစည်းအဝေးတွင် ဆောာင်ရွက်မည့် ဥပဒေကြမ်းများထဲမှ သစ်တောဥပဒေ (၂၀၁၇) ကို ပြင်ဆင်သည့် ဥပဒေကြမ်းအား စတင်ဆွေးနွေးနေပြီဖြစ်ကြောင်း၊ အမျိုးသားလွှတ်တော် ဥပဒေကြမ်း ကော်မတီ အစည်းအဝေးများကို မေ ၂ ရက်မှ စတင်ကာ လွှတ်တော်အစည်းအဝေးများ မစတင်မီ အချိန်ထိ ဆက်တိုက်ပြုလုပ်မည်ဖြစ်ကြောင်း၊ မေ ၂ ရက်တွင် လုပ်ငန်းအစည်းအဝေးအဖြစ် စတင်မည်ဖြစ်ကြောင်း၊ မေ ၈ ရက် တွင် ဥပဒေကြမ်းပူးပေါင်း ကော်မတီ အစည်းအဝေး စတင်မည်ဖြစ်ကြောင်း၊ မေ ၁၀ ရက် တွင် အခွန်နှင့်သက်ဆိုင်သည့် ဥပဒေကြမ်းများကို ဆွေးနွေးမည်ဖြစ်ကြောင်း အမျိုးသားလွှတ်တော် ဥပဒေကြမ်းကော်မတီဝင် လွှတ်တော်ကိုယ်စားလှယ် ဦးအောင်ကြည်ညွှန့်က ပြောကြားထားသည်။

ဒုတိယအကြိမ် အမျိုးသားလွှတ်တော် ပထမ ပုံမှန်အစည်းအဝေးကာလမှ သတ္တမ ပုံမှန် အစည်းအဝေးကာလအထိ အဆို ၁၅ ခု တင်သွင်းခဲ့သည့်အနက် အဆိုရှစ်ခု အတည်ပြုခဲ့ပြီး အတည်မပြုအဆိုသုံးခု၊ မှတ်တမ်းတင်သည့် အဆိုလေးခုရှိခဲ့ကြောင်း သိရသည်။

ဒုတိယအကြိမ် သတ္တမ ပုံမှန်အစည်းအဝေးအား ၂၀၁၈ ခုနှစ် ဇန်န၀ါရီ ၁၅ ရက်မှ မတ် ၂၉ ရက်အထိ ၃၃ ရက်ကြာ ကျင်းပခဲ့ခြင်းဖြစ်ပြီး ကြယ်ပွင့်ပြမေးခွန်း ၁၀၆ ခု  နှင့် ကြယ်ပွင့်မပြမေးခွန်း ၁၈၄ ခုအား လွှတ်တော်ကိုယ်စားလှယ်များက မေးမြန်းခဲ့ပြီး ပြည်ထောင်စုအဆင့်ဝင်များက ဖြေကြားခြင်းများ ဆောင်ရွက်ခဲ့ကြောင်း သိရသည်။

အမျိုးသားလွှတ်တော် သတ္တမပုံမှန် အစည်းအဝေးကာလအတွင်း အဆိုလေးခု တင်သွင်းခဲ့သည့်အနက် အတည်ပြုအဆို တစ်ခု၊ အတည်မပြုအဆို နှစ်ခုနှင့် မှတ်တမ်းတင် အဆိုတစ်ခုဖြစ်ကြောင်း သိရသည်။

စစ်မှုထမ်းဟောင်းများ ပင်စင်လျှော့ချမှုနှင့်ပတ်သက်ပြီး ထိုင်ဝမ်ဥပဒေပြုအမတ်များ ပါလီမန်တွင် ရန်ပွဲဖြစ်

ဧပြီ ၂၀ ရက်က တိုင်ပေပါလီမန်အတွင်း အာဏာရ DPP ပါတီအမတ်များနှင့် ကူမင်တန်ပါတီအမတ်တို့ တွန်းထိုးသတ်ပုတ်နေကြသည်ကို တွေ့ရစဉ် (Photo: AFP)

စစ်မှုထမ်းဟောင်းများ၏ ပင်စင်များကို လျှော့ချရန် အကြံပြုမှုအတွက် ထိုင်ဝမ် ဥပဒေပြုအမတ်များသည် ဧပြီ ၂၀ ရက်တွင် ပါလီမန်ထဲ၌ ရန်ပွဲထဖြစ်ခဲ့သည်။ ယခုလ အစောပိုင်းတွင် အစိုးရအကြံပြုထားသော ဥပဒေကြမ်းကို ပါလီမန်တွင် ပထမဆုံးအကြိမ် ဆွေးနွေးမှု၌ ရန်ပွဲဖြစ်ခဲ့ခြင်းဖြစ်သည်။      စစ်မှုထမ်းဟောင်းများကို ပင်စင်လျှော့ ချမည့်အစီအစဉ်ကြောင့် ဖေဖော်ဝါရီလတွင်  ဆန္ဒပြမှုများ ဖြစ်ပွားခဲ့ပြီးဖြစ်သည်။ ဗိုလ်မှူး ကြီးဟောင်းတစ်ဦးသည် ဆန္ဒပြမှုတွင် နံရံသို့ ခုန်တက်စဉ် ပြုတ်ကျခဲ့ပြီးနောက် ဆေးရုံတွင် သေဆုံးသွားခဲ့သဖြင့် ဆန္ဒပြမှုသည် ကြေကွဲဖွယ်ဖြစ်ရပ်နှင့် အဆုံးသတ်ခဲ့ရသည်။

ပါလီမန်တွင် ဧပြီ ၂၀ ရက် ဆွေးနွေးမှု၌  အတိုက်အခံကူမင်တန်ပါတီမှ ဥပဒေပြုအမတ်များသည် စစ်မှုထမ်းဟောင်းများကို သမ္မတဆန်အင်းဝမ်က တောင်းပန်ရန် ကတ်ပြားများ ကိုင်ဆောင်ဆန္ဒပြခဲ့သည်။

အော်ဟစ်တွန်းထိုးခဲ့ကြသော အတိုက်အခံပါတီအမတ်များက စားပွဲများပေါ်ခုန်တက်ခဲ့ကြပြီး သမ္မတဆန်အင်းဝမ်၏ ဒီမိုကရက်တစ်ပါတီ (DPP)မှ အမတ်များနှင့် တွန်းထိုးသတ်ပုတ်ခဲ့ကြသည်။ ပင်စင်လျှော့ချ ရေးကို ကန့်ကွက်ဆန္ဒပြခဲ့သော ရာထူးကြီး စစ်မှုထမ်းဟောင်းများသည် လောဘကြီးသူ များဖြစ်ကြောင်း ပြောကြားခဲ့မှုအတွက် DPP ၏ ဥပဒေပြုအမတ် ထွမ်ယီကန်က တောင်းပန်ရန် ကူမင်တန်ဥပဒေပြုအမတ်များက တောင်းဆိုခဲ့သည်။

လွန်ခဲ့သည့်နှစ်နှစ်က ရွေးကောက်ပွဲ အနိုင်ရခဲ့ပြီး သမ္မတဖြစ်လာခဲ့သော ဆန်အင်းဝမ်အတွက် ပင်စင်လျှော့ချရေးနှင့်ပတ်သက် သည့် ဆန့်ကျင်ခံရမှုများသည် အဓိက စိန်ခေါ်မှုတစ်ခု ဖြစ်နေသည်။

အရပ်ဘက်ဝန်ထမ်းများကို ပစ်မှတ် ထားသည့် ပင်စင်ပြောင်းလဲမှုဥပဒေကို ယမန်နှစ်ဇွန်လက သီးခြားပြဋ္ဌာန်းအတည်ပြု ခဲ့ပြီးဖြစ်သည်။  ပြုပြင်ပြောင်းလဲမှုများသည် လူအများအပြားကို မကျေမနပ်ဖြစ်စေခဲ့ကြောင်း ယခုလအစောပိုင်းက ရုပ်သံအင်တာဗျူးတစ်ခုတွင် သမ္မတဆန်က ၀န်ခံထားသည်။ သို့သော်လည်း ပင်စင်စနစ် ရေရှည်တည်တံ့ရေးအတွက် ပြုပြင်ပြောင်းလဲမှုများအတိုင်း ဆောင်ရွက်မည်ဖြစ်ကြောင်း ဆန်အင်းဝမ်က ပြောကြားထားသည်။

ထိုင်ဝမ်၏ ပင်စင်စနစ်သည် အလုပ်အကိုင်အမျိုးမျိုးအတွက် ခွဲခြားထားပြီး အစိုးရ ကဏ္ဍမှ အငြိမ်းစားများသည် အခြားကဏ္ဍမှ အလုပ်သမားများထက် ပင်စင်ပို၍ရရှိကြသည်။ လက်ရှိစနစ်ကို အလုံးစုံမပြုပြင်ပါက ၂၀၂၀ ပြည့်နှစ်ခန့်တွင် ပင်စင်ရန်ပုံငွေများ ဒေ၀ါလီခံသွားရနိုင်ကြောင်း အစိုးရက သတိ ပေးထားသည်။

အစိုးရ၀န်ထမ်းများနှင့် စစ်ဘက်ဆိုင်ရာဝန်ထမ်းများ၏ စုဆောင်းငွေအပေါ် အတိုးနှုန်း ၁၈ ရာခိုင်နှုန်းပေးနေမှုကိုလည်း အဆင့်လိုက်ဖျက်သိမ်းမည်ဟုအစိုးရက အကြံပြုထားသည်။ ၂၀၁၆ ခုနှစ်တွင် သမ္မတ ဖြစ်လာခဲ့ပြီးနောက် ဆန်အင်းဝမ်သည် အငြင်းပွားဖွယ် ပြုပြင်ပြောင်းလဲမှုအများအပြားကို ဆောင်ရွက်ခဲ့သည်။

ထိုင်ဝမ်တွင် ပါလီမန်အစည်းအဝေးများ၌ သတ်ပုတ်မှုများသည် ဖြစ်လေ့ရှိပြီး ဥပဒေပြုအမတ်များက အာရုံစိုက်ခံရမှုအတွက် ဆောင်ရွက်ကြခြင်းဖြစ်ကာ ပြင်းထန်သော ဒဏ်ရာရမှုများဖြစ်ခဲ့သည်။