လာမည့်နှစ်နွေရာသီတွင် လျှပ်စစ်ဓာတ်အား လုံလောက်စွာဖြန့်ဖြူးပေးနိုင်ရေး သဘာဝဓာတ်ငွေ့သုံး ဓာတ်အားပေးစက်ရုံစီမံကိန်းများဖြစ်သည့် ၁၁၈ မဂ္ဂါဝပ်ရှိ သထုံ၊ ၁၀၆ မဂ္ဂါဝပ်ရှိ သာကေတ၊ ၂၂၅ မဂ္ဂါဝပ်ရှိ မြင်းခြံဓာတ်အားပေးစက်ရုံစီမံကိန်းတို့ကို တည်ဆောက်ရန်စီစဉ်

အထက်နမ့်ထွမ်ရေအားလျှပ်စစ်စီမံကိန်းကို တွေ့ရစဉ် (ဓာတ်ပုံ-MOEE)

လာမည့်နှစ် နွေရာသီတွင် လျှပ်စစ်ဓာတ်အား လုံလောက်စွာဖြန့်ဖြူးပေးနိုင်ရေးအတွက် သဘာဝဓာတ်ငွေ့သုံး ဓာတ်အားပေးစက်ရုံစီမံကိန်းများဖြစ်သည့် ၁၁၈ မဂ္ဂါဝပ်ရှိ သထုံဓာတ်အားပေးစက်ရုံစီမံကိန်း၊ ၁၀၆ မဂ္ဂါဝပ်ရှိ သာကေတဓာတ်အားပေးစက်ရုံစီမံ ကိန်းနှင့် ၂၂၅ မဂ္ဂါဝပ်ရှိ  မြင်းခြံဓာတ်အားပေးစက်ရုံစီမံကိန်းတို့ကို တည်ဆောက်ရန် စီစဉ် ဆောင်ရွက်လျက်ရှိကြောင်း လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်က ပြောကြားသည်။

မြန်မာနိုင်ငံတွင် လျှပ်စစ်ဓာတ်အားကို  မဂ္ဂါဝပ် ၃၁၉၀ ခန့်သာ သုံးစွဲနိုင်သေးကြောင်း၊ လျှပ်စစ်ဓာတ်အားကို နှစ်စဉ်တိုးတက်သုံးစွဲနေသည့် အတွက်ကြောင့် ၂၀၂၀ ပြည့်နှစ်တွင် မဂ္ဂါဝပ်ပေါင်း ၄၅၀၀ ကျော် သုံးစွဲလာမည်ဖြစ်ကြောင်း၊ ထပ်မံလိုအပ်နေသည့် လျှပ်စစ် ဓာတ်အားကို တိုးတက်ထုတ်လုပ်ပေးမှသာ လျှပ်စစ်မရရှိသေးသည့် အိမ်ထောင်စုပေါင်း ၆ ဒသမ ၅ သန်းသည် ၂၀၃၀ ပြည့်နှစ်တွင် လျှပ်စစ်မီး ရရှိလာမည်ဖြစ်ကြောင်း သိရသည်။

ထပ်မံလိုအပ်နေသည့် လျှပ်စစ်ဓာတ်အားကို ထုတ်လုပ်နိုင်ရန် အထက်ကျိုင်းတောင်း စီမံကိန်း ၅၁ မဂ္ဂါဝပ်၊ အထက်ရဲရွာ စီမံကိန်း မဂ္ဂါဝပ် ၂၈၀ စသည့် ရေအားလျှပ်စစ် စီမံကိန်းများကို အချိန်မီပြီးစီးနိုင်ရေးအတွက် ကြိုးစားတည်ဆောက်လျက်ရှိသည့်အပြင် ကျောက်ဖြူ ဓာတ်အားပေးစက်ရုံစီမံကိန်း ၁၃၅ မဂ္ဂါဝပ်၊ ကန်ပေါက်ဓာတ်အားပေးစက်ရုံ စီမံကိန်း မဂ္ဂါဝပ် ၁၂၃၀၊ မီးလောင်ချိုင့် ဓာတ်အားပေးစက်ရုံစီမံကိန်း မဂ္ဂါဝပ် ၁၃၉၀၊ ရွာမ ဓာတ်အားပေးစက်ရုံစီမံကိန်း မဂ္ဂါဝပ် ၁၅၀၊ ပုထိုးလုံဓာတ်အားပေးစက်ရုံစီမံကိန်း ၁၂ မဂ္ဂါဝပ်၊ မြန်အောင်ဓာတ်အားပေးစက်ရုံစီမံကိန်း မဂ္ဂါဝပ် ၂၀၊ အလုံ (တိုးချဲ့) ဓာတ်အားပေးစက်ရုံ စီမံကိန်း ၃၅၆ မဂ္ဂါဝပ် စသည့် LNG ဓာတ်ငွေ့သုံး ဓာတ်အားပေးစက်ရုံစီမံကိန်းများကို တည်ဆောက်ရန် စီစဉ်ဆောင်ရွက်လျက်ရှိကြောင်း ပြည်ထောင်စုဝန်ကြီး ဦးဝင်းခိုင်က ပြောကြားသည်။

၂၀၁၇ ခုနှစ်အတွင်း သဘာဝဓာတ်ငွေ့ နှင့် ကျောက်မီးသွေးတို့မှ လျှပ်စစ်ဓာတ်အား ထုတ်လုပ်မှုမှာ ယခင်နှစ်ထက် ၁၃ ရာခိုင်နှုန်း တိုးတက်လာပြီး လေးနှစ်ဆက်တိုက် ဓာတ်အားထုတ်လုပ်မှုမြင့်တက်လျက်ရှိကြောင်း လျှပ်စစ်နှင့် စွမ်းအင်ဝန်ကြီးဌာန ဒုတိယ၀န် ကြီး ဒေါက်တာထွန်းနိုင်၏ ၂၀၁၇ ခုနှစ် ဒီဇင်ဘာအထိ လျှပ်စစ်ခရီး၊ လေးနှစ်တာ- ပြည်သူသို့ အစီရင်ခံစာတွင် ဖော်ပြထားသည်။

နှစ်အလိုက် သဘာဝဓာတ်ငွေ့သုံးနှင့် ကျောက်မီးသွေးသုံး လျှစ်စစ်ထုတ်လုပ်ပေးခဲ့သည့်ပမာဏကို လေလာကြည့်ပါက ၂၀၁၄ ခုနှစ်တွင် ၄၈၇၂၈၀၈၊ ၂၀၁၅ ခုနှစ်တွင် ၆၂၁၅၄၇၂၊ ၂၀၁၆ ခုနှစ်တွင် ၇၅၄၅၇၉၄၊ ၂၀၁၇ ခုနှစ်တွင် ၈၅၁၆၉၄၇ တို့ဖြစ်သည်။

၂၀၁၇ ခုနှစ်အတွင်း၌မူ ဇန်န၀ါရီတွင် ၇၇၃၂၆၀၊ ဖေဖော်ဝါရီတွင် ၆၆၇၃၀၆၊ မတ်တွင် ၇၆၇၂၀၁၊ ဧပြီတွင် ၇၃၇၀၂၁၊ မေတွင် ၇၈၇၈၈၁၊ ဇွန်တွင် ၇၆၉၇၇၂၊ ဇူလိုင်တွင် ၆၅၄၆၁၇၊  သြဂုတ်တွင် ၆၅၃၇၁၈၊ စက်တင်ဘာတွင် ၆၂၆၃၀၄၊ အောက်တိုဘာတွင် ၆၂၈၄၈၀၊ နိုဝင်ဘာတွင် ၆၆၇၇၈၂ နှင့် ဒီဇင်ဘာတွင် ၇၈၃၆၀၅ ဖြစ်ပြီး မေတွင် အများဆုံး ထုတ်လုပ်ခဲ့သည်။

 

ရိုဘော့တစ် ယိမ်း

(၁)

ဂျပန်နိုင်ငံသည် ရိုဘော့ထ် (Robot) ခေါ် စက်ရုပ်နှင့်ပတ်သက်၍ စွန့်ဦးတီထွင်သူများဟု ဆိုစမှတ်ပြုနိုင်သည်။ ရိုဘော့ထ်ဟူသည်မှာ လူကပရိုဂရမ်အစီအစဉ် ရေးသားလျက် ခိုင်းစေပါက လိုရာကိစ္စပြီးမြောက်အောင် စွမ်းဆောင်ပေးနိုင်သောအရာတို့ ဖြစ်သည်။  တစ်နေ့ကပဲ စက်ရုပ်များအ ကြောင်း၊ စက်ရုပ်အများအပြား ညီညာယိမ်းကသည့် ပုံများကို ကြည့်ရှုခဲ့ရသေးသည်။  မိန်းကလေးစက်ရုပ်များ ပရိုဂရမ်အတိုင်း ညီညီညာညာ ယိမ်းကသည်မှာ အလွန်တရာ လှပကာ စွဲမက်ချင်စဖွယ်ကောင်းသည်မှာ ငြင်းနိုင်မည်မထင်။

အမှန်တရားတစ်ခုကို ပြောရမည်ဆိုလျှင် နှလုံးသားထဲမှ ခံစားချက်ဟူသည်မှာလူတိုင်းနီးပါးထံတွင် ပုံစံအမျိုးမျိုးဖြင့် တည်ရှိနေတတ်သည်။  အနုကဗျာ စာပေများရေးသားလျက်ရှိသူများ၏ နှလုံးသားတို့ကသာ ထိုအရာများအား ခံစားတတ်သည် မဟုတ်၊ အနုကဗျာ စာပေတို့အား ဖတ်ရှုသူ အများအပြားသည်လည်း အထိုက်အလျောက်တော့ ခံစားတတ်ကြသည်ဟုပြောရပေမည်။  စာပေကဗျာ ရေးသားခြင်းအပြင် အနုပညာအစိတ်အပိုင်း တစ်ရပ်ဖြစ်သည့် စည်းချက်ကျကျ ခြေလက်ချိုး၍ ကခုန်ခြင်းအနုပညာနှင့် ပတ်သက်၍  ပွင့်လင်းစွာ ၀န်ခံရစတမ်းဆိုလျှင် မိမိသည်  ကိုယ်တိုင်မတတ်စွမ်းသည်မှာ မှန်သော်လည်း ယင်း၏ အလှအပအတိမ်အနက်ကိုမူ တရှိုက်မတ်မတ် ခံစားတတ်သူတစ်ယောက်တော့ ဖြစ်ခဲ့သည်။

ဇာတ်စင်ပေါ်ရှိ ကားလိပ်အဖွင့်တွင် ဦးဆုံးတင်ဆက်လေ့ရှိသော တစ်ပင်တိုင် အကကို တင်ဆက်မှုအကမျိုးစုံအနက် စာရေးသူ အနှစ်သက်ဆုံး အကတစ်မျိုးဖြစ်သည်။  ခြေချိုး လက်ချိုး အကပညာအား မည်သို့မှ တတ်ကျွမ်း နားလည်နိုင်ခြင်းမရှိသော်လည်း အနုပညာဓာတ်ခံ၏ လှုံ့ဆော်မှုကြောင့် ထင်သည်  နှစ်သက်စွဲလမ်းခြင်း အထွတ်အထိပ်သို့ ရောက်သွားစေသည်။  ပြီးတော့ ကဗျာစာပေ သမားတစ်ယောက်အဖို့ တစ်ပင်တိုင်အကမျိုးမှာ တစ်ကိုယ်တော်အစွမ်းအစကို  ပြသခွင့်ပေးသော တစ်နည်းအားဖြင့် အခြားပါဝင်သူများ မရှိသဖြင့် သူတို့အား ငဲ့စောင်း၍ ကြည့်နေရန်မလိုသော အကမျိုးဖြစ်သည့် အားလျော်စွာ ပိုမို၍ တီထွင်ကြံဆလက်စွမ်း ပြနိုင်သည့် အနုပညာတစ်ရပ်ဖြစ်သည့်အတွက် ပို၍ပင်နှစ်သက်ဖွယ်ဖြစ်လာသည်။  ပွဲ၏နောက်ပိုင်းအစီအစဉ်တွင် တင်ဆက်လေ့ရှိသော ယိမ်းအကမျိုးမှာမူ လုပ်လီလုပ်လဲ့  ယိမ်းနွဲ့လှုပ်ရှား ဟန်မှန်သမျှတွင် ပါဝင်သူ အားလုံးတစ်ယောက်မျှမကျန် စည်းချက်ကျကျ ညီညာမှုရှိရန် အရေးကြီးပေသည်။  အကယ်၍ ပါဝင်သူတစ်ဦးတလေက စည်းဝါးကျိုးကာ တတ်ကျွမ်းမှုမရှိ ကိုးရိုးကားရားဖြစ်မည်ဆိုလျှင် ယိမ်းအကတစ်ခုလုံး၏ ရသခံစား၍မရအောင်ပင် ပျက်စီးသွားမည်ဖြစ်သည်။ စာရေးသူ၏အမြင်တွင် ယိမ်းအက၌  လွတ်လပ်မှုအားနည်းသော ထိန်းချုပ်မှုမျိုးရှိသည်။  တစ်ပင်တိုင်ကဲ့သို့ လက်စွမ်းပြရန် အခွင့်အလမ်း နည်းပါးသည်၊ တေးသွားအတိုင်းသာ စီးမျောလိုက်ရုံမှတစ်ပါး တီထွင်ကြံဆခွင့် မရှိဟုဆိုရမည်။

(၂)

မြန်မာနိုင်ငံအတွင်း အာဏာရှင်ခေတ်အဆက်ဆက် တစ်လျှောက်လုံး အနုပညာကဗျာစာပေတို့သည် ဖူးပွင့်ဝေဆာချင်တိုင်း ဖူးပွင့်ဝေဆာရန် အခွင့်မသာခဲ့ကြ။  အညှောက် အတက်၊ အခက်ချိုးချိုး၊ အငြိုးကြီး စွာဖြင့် နှိပ်ကွပ်ရာတွင် မွှေးပျံ့ကြိုင်လှိုင်မည့် အဖူးအပွင့်တို့ မြေသို့ ကြွေသက်ကြရ၏။  ကဗျာစာပေ တိုးတက်ဖွံ့ဖြိုးမှု တုံ့ဆိုင်းသည့် ကာလတစ်လျှောက် စာကောင်းပေကောင်းများအား စာရေးဆရာ၊ ကဗျာဆရာများက မဖြစ်ဖြစ်သည့်နည်းဖြင့် ရေးသားထုတ်ဝေကြသည်။ လစဉ်ထုတ် မဂ္ဂဇင်းစာအုပ်အမျိုး အစားရော အရေအတွက်ပါ မြန်မာ့စာပေသမိုင်းတွင် မှတ်တမ်းတင်ခံရလောက်အောင် များပြားလှသည်သာမက စာပေအဆင့်သည်လည်း မြင့်မားလှသည်ဟုဆိုရပေမည်။  ဖိနှိပ်ကျပ်တည်းမှုများကြားမှ ထိုးဖောက် ကာ ပြည်သူတို့ဘက်တွင် ရပ်တည်သည့် စာပေကဗျာများအား မဖြစ်မနေ ထုတ်လုပ်ခဲ့ကြသည်။ ယင်းအထဲတွင်မှ ပြည်သူ့ဘက်တော်သားယောင်ယောင် ယုံကြည်ချက်၊ ခံယူချက် တိတိပပ မရှိသောအချို့ ကဗျာစာပေသမားများလည်း မရှိမဟုတ်၊ ရှိခဲ့သည်။  သူတို့သည် ဆင်းရဲတွင်းနက်နေသော တိုင်းပြည်၏ အဖြစ်သနစ်အမှန်ကို ထင်ဟပ်သည့် စာရေးသားမှု မပြုဘဲ ရာသီသဘာဝ ရှုခင်းအားလုံး သာယာချမ်းမြေ့၊ လှပ၍နေသည်ဟုအထင် အမြင်လွဲမှားစေရန် အများပြည်သူကို လှည့်စားရင်း ဘုန်းတော်ဘွဲ့ဆန်ဆန်၊ အားလုံးကောင်းပါသည်ခင်ဗျားဟူသော စာများ အား တွင်တွင်ရေးဖွဲ့ခဲ့ကြသည်ကိုတွေ့မြင်ခဲ့ကြရသည်။

ယင်းကို စာရေးသူက ထိုထိုသောသူတို့အား ခြေချိုး လက်ချိုး၊ ကွေးညွှတ်ကာ၊ ၀တ်စုံတူပုံစံတူ၊ ကကွက်တူ၊ တညီတညွတ်တည်း ကရသော ယိမ်းအကအဖြစ် စာတစ်ပုဒ်ဖြင့် ခိုင်းနှိုင်းရေးဖွဲ့ခဲ့သည်။ ကြာတော့လည်း  ကြာပြီဖြစ်သည်။  ကြာပင် ကြာခဲ့ပြီဟု ဆိုရစေကာမူ လူတို့၏သဘော၊ အထူးသဖြင့် အာဏာရှင်တို့၏ သဘောမှာ လက်ဝယ်ရယူဆုပ်ကိုင်ထားသော အာဏာကို မည်သည့်အခါမျှ လက်လွှတ်ဆုံးရှုံးခြင်းကိုခံ မည်မဟုတ်၊ တတ်စွမ်းသမျှ ဆုပ်ကိုင်ထားလိုသည့် သဘောရှိသည်။ ယင်းသို့အာဏာ၏ အရသာကို မြည်းစမ်းသိရှိပြီး ဖြစ်သောကြောင့်လည်း အစဉ်ထာဝရ ဆုပ်ကိုင်ကာ လက်မလွှတ်နိုင်ခြင်းလည်း ဖြစ်ပေသည်။ လက်ထဲရှိ အာဏာကို လက်လွတ်ဆုံးရှုံးမသွားစေရန် မည်သို့လုပ်ဆောင်လေ့ရှိသနည်း။

စာရေးသူ တင်ပြခဲ့သလို အနုစာပေကဗျာလောကတွင် ဆင်းရဲမွဲတေသော ပြည်သူအများစု၏ ဘ၀ကို ထင်ဟပ်သည့်  ကဗျာစာပေများအား ကိုယ်စားပြု ရေးသီခြင်း မပြုဘဲ ဘုန်းတော်ဘွဲ့ဆန်ဆန် အားလုံး သာယာဝပြောလျက် ရာသီသဘာဝရှုမျှော်ခင်းတစ်ခုလုံး စိမ်းလန်းစိုပြည်နေကြောင်းသာ ရေးဖွဲ့ကာ အမှန်တရားကို မျက်ကွယ်ပြုပြီး တညီတညွတ်တည်း ယိမ်းကသလို ရေးသားကြသူများမှာ မယုံနိုင်စရာ ဒုနှင့်ဒေးပင် ဖြစ်နေခဲ့သည်။

(၃)

ဇာတ်ဆရာ ညွှန်ကြား ခိုင်းစေသည့်အတိုင်း တစ်သဝေမတိမ်း ပုံတူ ကွက်တူ လှုပ်ရှား ယိမ်းနွဲ့နေချိန်တွင် ပို၍ဆိုးသည်မှာ ပါဝင် ကပြသူတစ်ဦးတစ်ယောက်က ဆိုင်းချက်လွတ်သော်လည်းကောင်း၊ အကျွမ်းတ၀င်  တတ်မြောက်မှု မရှိသော်လည်းကောင်း ဖောက်ဖျက်လိုက်ပါက ယိမ်းအက၏ အနုပညာရသ လုံးဝပျက်ပြားသွားမည် ဖြစ်သည်။

‘လျှပ်စစ်သည် တကယ်တော့ အနုပညာတစ်ရပ်ဖြစ်သည်’ ဟုအစချီ၍ လျှပ်စစ်၏ သိမ်မွေ့မှုအနုပညာအကြောင်း ဆောင်းပါးကိုလွန်ခဲ့သည့် တစ်နှစ်ကျော်က ရေးခဲ့သည်။  ယင်းဆောင်းပါး၌ လျှပ်စစ်သည် အီလက်ထရွန်အမှုန်များ၏ ရွေ့ရှားမှုဖြစ်ရာ အနုစိတ်မြူမှုန်ပစ္စည်းများ၏ ဖွဲ့စည်းလှုပ်ရှား မှုဖြစ်သဖြင့် လျှပ်စစ်ဆိုင်ရာအနုပညာသည်  သိမ်မွေ့လှသည်ဟုရေးသားခဲ့သည်။  အကယ်၍ လျှပ်စစ်စွမ်းအားကို ပို့လွှတ်လိုင်းပေါ်တင်၍ ယင်းလိုင်းတွင် တစ်စုံတစ်ရာ အပြစ်ဖြစ်ပါက လျှပ်စစ်ဓာတ်အားပေးစက်ရုံရှိ လျှပ်ထုတ်စက်များသည် အချင်းချင်း သဟဇာတဖြစ်မှုမှ သွေဖည်ကာ စက်များ ပရမ်းပတာဖြစ်လျက် လျှပ်စစ်စွမ်းအားစနစ်တစ်ခုလုံးကိုရပ်တန့်သွားစေမည်ဖြစ်သည်။   ယင်းဖြစ်စဉ်မှာ အနုပညာယိမ်းအက ကခြင်းနှင့် အလားသဏ္ဌာန်တူနေသည်ဖြစ်ရာ စည်းဝါး ဆိုင်းချက်နှင့် အချက်ကျကျ အံဝင်မနေဘဲ ‘လွတ်’ သွားသကဲ့သို့ အက၏ အလှရှာမရဘဲ ပွဲပျက်သွားစေသည်။  သာဓကတစ်ခုကို တင်ပြရလျှင် လွန်ခဲ့သော နှစ် ၃၀ ခန့်က လျှပ်စစ် ဖြန့်ဖြူးရေးစနစ်တစ်ခုအတွက် တပ်ဆင်အသုံးပြုရန် လျာထားတွက်ချက်ထားသည့် ပစ္စည်းကိရိယာကို ချေးငွေမလုံလောက် ဟူသောအကြောင်းပြချက်ဖြင့် တာဝန်ရှိသူ အကြီးအကဲကိုယ်တိုင်က ကိရိယာအရေအတွက် လျှော့ချသုံးစွဲရန် အမိန့်ရှိဆုံးဖြတ်ချက်ချခဲ့သော သာဓကရှိခဲ့ဖူးသည်။  သို့ဖြစ်ရကား အကြောင်းအမျိုးမျိုးကြောင့် အသုံးပြုသင့်သည့် လျှပ်စစ်ပစ္စည်းကိရိယာများ လျှော့ချ သုံးစွဲမှုသည် လူ ၁၀ ယောက်ဖြင့် ကပြရမည့် ယိမ်းအကတွင် လူအရေအတွက် လျှော့ပြီး ခုနစ်ယောက်ဖြင့် ကခိုင်းသကဲ့သို့ ကိုးရိုးကားရားဖြစ်ကာ အနုပညာ၏သိမ်မွေ့မှုရသ ပျက်စီးသွားစေခဲ့သည်။

ထို့ပြင် လျှပ်စစ်ကဲ့သို့သော အင်ဂျင်နီယာ နည်းပညာလောကတွင် သက်ဆိုင်ရာနည်းပညာနှင့် မသက်ဆိုင်၊ မအပ်စပ်သူများ စီမံခန့်ခွဲမှုနယ်ပယ်သို့  ၀င်ရောက်နေရာယူစေရန် ပြုလုပ်ခြင်းကိစ္စသည်လည်း ခေါင်း၊ ခါး၊  ခြေ၊ လက်ပင် စည်းဝါးတကျ မချိုးမကွေး တတ်သူများယိမ်းအကတွင် ပါဝင်ဖျော်ဖြေ ခြင်းနှင့်တူနေတော့သည်။  ယင်းအံမ၀င် ခွင်မကျသည့် ပြဿနာများသည် နိုင်ငံ၏ ယန္တရားလည်ပတ်မှု နယ်ပယ်ပေါင်းစုံတွင် ယနေ့တိုင် တိုးတက်ဖွံ့ဖြိုးသည့် အရွေ့ကို ဆွဲဟန့်  ကန့်သတ်လျက်ရှိနေသေးကြောင်း သုံးသပ်မိကြပေလိမ့်မည်။

(၄)

လူ့လောကဇာတ်စင်ပေါ်၌ ယိမ်းကခြင်းမှာ ဇာတ်ဆရာ၏အလိုကျ မလွဲမသွေ ခြေလက်လှုပ်ချိုးရခြင်းဖြစ်၍ စာရေးသူကတော့ မနှစ်သက်၊ သစ္စာတရားစစ်စစ်ကိုဖွေရှာသော လူအများစုသည်လည်း လက်ခံမည် မဟုတ်ဟုယူဆသည်။  ထို့ပြင် သစ္စာတရားဟူသည်မှာ တစ်စုံတစ်ဦးအား သစ္စာခံခြင်းနှင့် တစ်စုံတစ်ရာအပေါ် သစ္စာရှိခြင်းစသဖြင့် ကွဲပြားသည်ကိုသတိချပ်မိမည် ထင်သည်။  သစ္စာခံခြင်းဆိုသည်မှာ မိမိအတွက်  တစ်စုံတစ်ရာ အကျိုးကျေးဇူးပြုပေးဖူး၍  မိမိက မျက်စိစုံမှိတ် ထိုသူအပေါ်  သစ္စာခံခြင်းမျိုးဖြစ်သည်။  မည်သည့်အခြေအနေမျိုးတွင် ဖြစ်စေ၊ မည်သည့်ကိစ္စလုပ်ရပ်ကိုမျှ ငဲ့ကွက်ရန်မလိုဘဲ ထားသောသစ္စာမျိုးကိုသာ သစ္စာရှိခြင်းဟု ခေါ်ဆိုရပေသည်။

ရိုဘော့ထ် (Robot) ခေါ် စက်ရုပ်တစ်ရုပ်သည် ယင်းထဲသို့ ထည့်သွင်းလိုက်သော ပရိုဂရမ်အစီအစဉ်အတိုင်း၊ တစ်နည်းအားဖြင့် အစီအစဉ်ရေးသားသူ ကခိုင်းစေသည့် အတိုင်း လှုပ်ရှားဆောင်ရွက်ရသောကြောင့် အစီအစဉ်ရေးဆွဲသူအပေါ် သစ္စာရှိသည်ဟု ပြော၍မရ။  သစ္စာခံခြင်းသာဖြစ်သည်။  လူတို့၏ နေ့စဉ်သွားလာလှုပ်ရှားမှုကို အတုယူ၍ လူနှင့်တူသောစက်ရုပ်ကို ကြံဆတီထွင်ခဲ့သည့် သိပ္ပံပညာရှင်များသည် သူတို့ကိုယ်တိုင် တီထွင်တည်ဆောက်ခဲ့သည့် စက်ရုပ်ကဲ့သို့ သော သက်ရှိလူအများအပြား လောကထဲတွင် ရှိနေကြောင်း သတိမူမိကြမည်လား မသိ။  သူတို့တည်ဆောက်ခဲ့သည့် စက်ရုပ်များသည် စဉ်ဆက်မပြတ် ယိမ်းကခြင်းဖြင့်  အသက်မွေးနေကြောင်းကိုရော သတိမူမိကြမည်လားမသိ။

ရတနာဓာတ်ငွေ့ပိုက်လိုင်းအား တစ်စိတ်တစ်ပိုင်း Shut Down ပြုလုပ်မည်ဖြစ်သည့်အတွက် ရန်ကုန်မြောက်ပိုင်းနှင့် တောင်ပိုင်းတွင် အချိန်ပိုင်း ဓာတ်အားပြတ်တောက်နိုင်ကြောင်း အသိပေး

ရန်ကုန်မြို့အတွင်းရှိ အပူစွမ်းအင်သုံး ဓာတ်အားပေးစက်ရုံများသို့ သဘာဝဓာတ်ငွေ့ ပို့လျက်ရှိသော ရတနာဓာတ်ငွေ့ပိုက်လိုင်းအား တစ်စိတ်တစ်ပိုင်း Shut Down ပြုလုပ်မည်ဖြစ်သည့်အတွက် ရန်ကုန်မြောက်ပိုင်း နှင့် တောင်ပိုင်းတို့တွင် အချိန်ပိုင်းဓာတ်အား ပြတ်တောက်နိုင်ကြောင်း ရန်ကုန်လျှပ်စစ် ဓာတ်အားပေးရေးကော်ပိုရေးရှင်းမှ အသိပေးမှုပြုလုပ်ခဲ့သည်။

ယခုလ ၂၇ ရက်မှစ၍ ရန်ကုန်တိုင်းဒေသကြီးအတွင်းရှိ အပူစွမ်းအင်သုံးဓာတ်အားပေး စက်ရုံများသို့ သဘာဝဓာတ်ငွေ့ပေးပို့လျက်ရှိသော ရတနာသဘာဝဓာတ်ငွေ့ပိုက်လိုင်း၏ Partial Shut Down အား ၂၀၁၈ ခုနှစ် ဇန်န၀ါရီ ၂ ရက်အထိ ပြုလုပ်မည်ဖြစ်ကြောင်း သိရသည်။

အဆိုပါလုပ်ငန်းဆောင်ရွက်မှုကြောင့် ရန်ကုန်တိုင်းဒေသကြီးအတွင်းရှိ အပူစွမ်းအင်သုံး ဓာတ်အားပေးစက်ရုံများတွင် ဓာတ်အားထုတ်လုပ်မှု ၁၃၅ မဂ္ဂါဝပ်ခန့် လျော့နည်းသွားမည်ဖြစ်ကြောင်း၊ ဓာတ်အားပေးစက်ရုံများမှ လျော့နည်းထုတ်လုပ်မည့်ဓာတ်အားပမာဏများအား ဘီလူးချောင်း (၁)၊ ဘီလူးချောင်း (၂)၊ အထက်ပေါင်းလောင်း၊ ရဲရွာနှင့် ရွှေလီ (၁) ဓာတ်အားပေးစက်ရုံများမှ ပြန်လည်ဖြည့်တင်းမောင်းနှင်ပေးရန် စီစဉ်ထားပြီးဖြစ်ကြောင်း သိရသည်။

သို့သော်လည်း ၂၃၀ ကေဗွီလှိုင်သာယာခွဲရုံတွင် မြောင်းတကာ ဓာတ်အားအ၀င် Incoming Over Load ဖြစ်ပေါ်နိုင်ခြင်းကြောင့် လည်းကောင်း၊ လှော်ကားပင်မဓာတ် အားခွဲရုံများတွင် GT နှင့်တွဲဖက်၍ ဓာတ်အားပေးထားသော (၂၃၀/၃၃) Kv, 100 MVA ၀န်အားပိုလာနိုင်ခြင်းကြောင့် လည်းကောင်း၊ ရတနာ သဘာဝဓာတ်ငွေ့ပိုက်လိုင်း  Partial Shut Down ပြုလုပ်သည့် နေရက်များ၌ ၀န်အားအများဆုံး အသုံးပြုသည့်  နံနက် ၉ နာရီမှ ၁၀ နာရီအထိ တစ်ကြိမ်၊ ညနေ ၅ နာရီမှ ၇ နာရီအထိ တစ်ကြိမ် လှိုင်သာယာ ပင်မဓာတ်အားခွဲရုံနှင့် လှော်ကား ပင်မဓာတ်အားခွဲရုံတို့ရှိ ဓာတ်အားလိုင်းအချို့အား ဖီဒါအလိုက် ၀န်အားလျှော့ချမှုများရှိနိုင်၍ ရန်ကုန်မြောက်ပိုင်းခရိုင်နှင့် တောင်ပိုင်းခရိုင်ရှိ မြို့နယ်အချို့တွင် အချိန်ပိုင်းယာ ယီဓာတ်အားပြတ်တောက်နိုင်ကြောင်း ရန်ကုန် လျှပ်စစ်ဓာတ်အားပေးရေးကော်ပိုရေးရှင်းမှ သိရသည်။

လျှပ်စစ်ဓာတ်အားနှင့် ၀န်ဆောင်မှုအနေအထား

များမကြာသေးမီက စာရေးသူသည် စေတနာ့ဝန်ထမ်း လုပ်ဆောင်နေကျ အလုပ်တစ်ခုဖြစ်သော သင်တန်းတစ်ခုသို့ သွားရောက်ကာ လျှပ်စစ်အင်ဂျင်နီယာဘာသာရပ်နှင့် ပတ်သက်၍ ပို့ချပေးခဲ့သည်။ သင်တန်းမှာ လျှပ်စစ်ကျွမ်းကျင်မှု အခြေခံသင်တန်းဖြစ်ပြီး စက်မှုကြီးကြပ်စစ်ဆေးရေးဦးစီးဌာန၊ လျှပ်စစ် စစ်ဆေးရေးဌာနက ကြီးမှူးဖွင့်လှစ်ခြင်းဖြစ်သည်။ တစ်နှစ်လျှင် သုံးလေးကြိမ်ခန့် ဖွင့်လှစ်သင်ကြားပြီး သင်တန်းအဆင့်အားဖြင့် အနိမ့်အမြင့် ခွဲခြားထားရှိသည်။

လျှပ်စစ်အင်ဂျင်နီယာ ပညာရပ်ဆိုသည်မှာ အင်ဂျင်နီယာ ပညာရပ်များအနက် အလွန်သိရ၊ နားလည်ရခက်ခဲသော ပညာရပ်တစ်ခုဖြစ်ကြောင်း ပြောခဲ့၊ ရေးခဲ့ဖူးသည်။ ယင်းသို့ ဆိုလိုက်သဖြင့် လူအများက ကျေနပ်ခြင်း၊ ဘ၀င်ကျခြင်း မရှိလှ။ မှန်ပါသည်။ သိပ္ပံနှင့် ၀ိဇ္ဇာကဲ့သို့သော အခြားပညာရပ်များသည်လည်း သူ့အတိုင်းအတာနှင့်သူ လွယ်ကူစွာ သင်ယူတတ်မြောက်နိုင်သည့် ပညာရပ်များ မဟုတ်။ ခက်ခဲသည်ချည်းဖြစ်သည်။ စာရေးသူဆိုလိုသည်မှာ လျှပ်စစ်အင်ဂျင်နီယာပညာ သည် မျက်စိဖြင့်မမြင်ရ၊ ထိတွေ့ခြင်းငှာ မစွမ်းသာသော၊ အတွေးအမြင် (Concept) အားဖြင့် သိမ်မွေ့နက်နဲသည့် ပညာဖြစ်သည်ကိုဆိုလိုရင်းသာဖြစ်သည်။

ထားတော့။ အဆိုပါသင်တန်းတွင် လျှပ်စစ်၏ အခြေခံအကျဆုံးသီအိုရီ (သဘောတရား) ကို ပို့ချခဲ့သည်။ ဗို့အား၊ လျှပ်စီးနှင့် လျှပ်စစ်ခုခံမှု (Elevtrical Resistance) တို့၏ ဆက်စပ်မှု ညီမျှခြင်းမှအစ လျှပ်စစ်စွမ်းအား အပါအ၀င် ကြိုးတစ်ချောင်း၏ ခုခံမှုကြောင့် ဖြစ်ပေါ်သော အပူဆုံးရှုံးခြင်းအကြောင်းအထိ ပို့ချသည်။ ထိုမှတစ်ဆင့်တက်၍ လျှပ်စစ်ဓာတ်အား ထုတ်ပေးသည့် လျှပ်ထုတ်စက် (Generator) နှင့် လည်ပတ်သော စွမ်းအားကို စွမ်းဆောင်ပေးသည့်မော်တာ (Motor) ၊ ဗို့အားပမာဏမြှင့်တင်၊ နှိမ့်ချပေးသည့် ထရန်စဖော်မာ (Transformer) စက်ကိရိယာစသော စွမ်းအား စနစ်တစ်ခုတွင် မရှိမဖြစ်သည့် အခြေခံအကျဆုံး စက်ကိရိယာသုံးမျိုးအကြောင်းကို ပို့ချသည်။ ထရန်စဖော်မာဆိုသည်ကလည်း အမျိုးမျိုးရှိသေးသည်။ ဗို့အားကို မြှင့်တင်၊ နှိမ့်ချခြင်း၊ လျှပ်စီးကို လျှော့ချခြင်း စသည်တို့ကို ဆောင်ရွက်ပေးသော ထရန်စဖော်မာများ။

ပြီးတော့ လျှပ်စစ်စွမ်းအားကွန်ရက် စနစ်ကြီးတစ်ခုလုံးတွင် လျှပ်ထုတ်စက်ဖြင့် ထုတ်လုပ်ခြင်း၊ ထရန်စဖော်မာဖြင့် ဗို့အား ၂၃၀ ကီလိုဗို့ သိုမဟုတ် ၅၀၀ ကီလိုဗို့သို့ မြှင့်တင်ခြင်း၊ လိုင်းကြိုးကြီးများဖြင့် မိုင်ရာပေါင်းများစွာ ကွာဝေးသောနေရာသို့ ဓာတ်အားကို ပို့လွှတ်ခြင်း၊ ဓာတ်အားသုံးစွဲသူများထံ ရောက်ပါကလည်း တြိသွင် (Three phase) သို့မဟုတ် တစ်သွင် (Single phase) စနစ်ဖြင့် သွယ်တန်း ချိတ်ဆက်ပေးခြင်းစသည့် ထုတ်လုပ်၊ ပို့လွှတ်၊ ဖြန့်ဖြူး စနစ်သုံးရပ်အကြောင်းကိုလည်း ပြောသည်။

ထို့ပြင် ယနေ့ကာလ၏ ပူစပ်ပူလောင် ဖြစ်နေဆဲ အကြောင်းခြင်းရာတစ်ခုဖြစ်သည့် လျှပ်စစ်စွမ်းအား ပျောက်ရှဆုံးရှုံးခြင်း (Power Lose) အကြောင်းကိုလည်း တင်ပြဆွေးနွေးသည်။ တကယ်တော့ လိုင်းပေါ်စီးသည့် လျှပ်စီးသည် ပူစေသောဂုဏ်သတ္တိရှိသဖြင့် လျှပ်စီးပမာဏမြင့်မားလေ စွမ်းအားဆုံးရှုံးခြင်းများလေဟု သာမန်အားဖြင့် တွေးထင်မိကြပေမည်။ ပို့လွှတ်လိုင်းသာမက အခြားသောပစ္စည်း ကိရိယာ (ဥပမာ လျှပ်ထုတ်စက်၊ ထရန်စဖော်မာ စသည်…) ထဲတွင် လျှပ်စီးစီးခြင်းကြောင့် အပူစွမ်းအားအဖြစ် လေထဲသို့ လွင့်ပါပျောက် ဆုံးသွားမှုလည်း ရှိသေးသည်။ ယင်းဆုံးရှုံးခြင်းများကို နည်းပညာရပ်ဆိုင်ရာ စွမ်းအားဆုံးရှုံးခြင်းများဟု ခေါ်ဆိုနိုင်သည်။ နည်းပညာရပ်နှင့် သက်ဆိုင်ခြင်းမရှိသော ဆုံးရှုံးခြင်းကို ဖော်ပြရပါမူ အိမ်တွင်း အပါအ၀င် လုပ်ငန်းရှင်တို့ လျှပ်စစ်မီးကို မသမာစွာ ခိုးယူသွယ်တန်းခြင်း၊ တပ်ဆင်ထားသောမီတာကို မလည်ပတ်နိုင်အောင်ပြုလုပ်ခြင်း စသည့်အချက်များ ပါဝင်သည်။ ယင်းသို့သော နည်းပညာရပ်နှင့် မသက်ဆိုင်သည့် ဆုံးရှုံးခြင်းများမှာ စုစုပေါင်း၏ ထက်ဝက်မကဖြစ်နေသည်ဟု ကျွမ်းကျင်သူတို့က ဝေဖန်ထောက်ပြနေကြသဖြင့် ထိုကိစ္စအား ဖိဖိစီးစီး ဆောင်ရွက်ဖြေရှင်းပါက နိုင်ငံတော်အတွက် လေလွင့်နေသော ဘဏ္ဍာငွေများစွာ ပြန်လည်အဖတ်ဆယ်မိမည်ဖြစ်သည်။

ယနေ့ကာလ လတ်တလောဖြစ်ပေါ်နေသော အကြောင်းအရာတစ်ခုမှာ လျှပ်စစ်ဓာတ်အား ထုတ်လုပ်၊ ပို့လွှတ်၊ ဖြန့်ဖြူးရာတွင် လျှပ်စစ်နှင့်စွမ်းအင်ဝန်ကြီးဌာနအနေဖြင့် တစ်နှစ်လျှင် ကျပ်ဘီလျံချီ၍ ဘဏ္ဍာငွေစိုက် ထုတ်ကျခံနေရသည်ဆိုသည်။ သို့ဖြစ်၍ ယင်း ငွေကြေး စိုက်ထုတ်ကျခံနေရသည့် ဖြစ်စဉ် အားကုစားရန် တစ်စိတ်တစ်ပိုင်းအနေဖြင့် မီတာခများ ပြင်ဆင်သတ်မှတ်မည်ဟု သက်ဆိုင်ရာက ပြောကြားခဲ့သည်။ မီတာခ ပြင်ဆင်သတ်မှတ်ခြင်းသည် မီတာယူနစ်နှုန်းကို တိုးမြှင့်ခြင်းမဟုတ်ကြောင်းကိုလည်း တိတိပပ တင်ပြထားသည်။

ကျိုက်ဝိုင်းဘုရားလမ်းရှိ လျှပ်စစ်စစ်ဆေးရေးဌာန၏ လျှပ်စစ်ကျွမ်းကျင်မှုသင်တန်း၌ စာရေးသူ ပို့ချပြောကြားခဲ့သော အရေးပါသည့် သင်ခန်းစာတစ်ခုရှိသေးသည်။ မည်သည့် လျှပ်စစ်စွမ်းအား ကွန်ရက်စနစ်တွင်မဆို စွမ်းအားအရည်အသွေး (Power Quality) အပါအ၀င် ဗို့အား တည်ငြိမ်မှန်ကန်ရေး သည် အရေးကြီးဆုံးဖြစ်ကြောင်း၊ ဗို့အားတည်ငြိမ်မှုဆိုသည်မှာ ဗို့အားကျခြင်း၊ ရုတ်ခြည်းမြင့်တက်ခြင်း ဖြစ်ပေါ်ခြင်းမရှိသည့် အခြေအနေတစ်ရပ်ကိုဆိုလိုကြောင်း ထည့်သွင်းပို့ချခဲ့သည်။

လျှပ်စစ်မီတာခ ပြောင်းလဲသတ်မှတ်ခြင်းမပြုမီ ဗို့အားတည်ငြိမ်မှန်ကန်ခြင်းကဲ့သို့သော ၀န်ဆောင်မှုများ သုံးစွဲသူပြည်သူတို့ထံ ပေးနိုင်ရန် လျှပ်စစ်နှင့်စွမ်းအင်ဝန်ကြီးဌာနက ဆောင်ရွက်နေသည်ကို ယင်းဌာန၏ ဒုတိယ အမြဲတမ်းအတွင်းဝန်က ပြောကြားကြောင်း သတင်းအရသိရသည်။ (The Daily Eleven -၁၁-၁၁-၂၀၁၇ နေ့ထုတ်)။ ၀န်ဆောင်မှုများ ကောင်းအောင်လုပ်ပေးပြီးမှသာလျှင် မီတာခ ပြင်ဆင်နိုင်ဖို့ ပြုလုပ်ဆောင်ရွက်မည်ဟုလည်း ပြောသည်။ အချို့သောနေရာများ၌ ဗို့အား မပြည့်မီခြင်းများရှိကြောင်း၊ ယင်းကိစ္စအား ဒုတိယ၀န်ကြီးဦးစီး၍ ဗို့အားပြည့်မီစေရန် တိုင်းဒေသကြီးသုံးခုတွင် ဆောင်ရွက်ပြီးဖြစ် ကြောင်း ပြောသည်။

လျှပ်စစ်ဒုဝန်ကြီး၏ ခရီးစဉ်တစ်လျှောက် လှည့်လည်ဆောင်ရွက်ခဲ့သော ဗို့အားပြည့်မီစေရေး လုပ်ငန်းအချို့အနက် တစ်ခုမှာ ပဲခူးမြို့အား အဓိကလျှပ်စစ်ဖြန့်ဖြူးပေးနေသည့် ၃၃ ကေဗီ ဓာတ်အားခွဲရုံတွင်ဖြစ်သည်။ ယင်းခွဲရုံ၌ ထရန်စဖော်မာ နှစ်လုံးရှိရာ သုံးစွဲသူများအတွက် ဗို့အားပိုမိုကောင်းမွန်စေရန် ထရန်စဖော်မာ၏ ဗို့အားပြောင်းကြိုးစ (Tap) ကို နံပါတ် (၄) သို့ ပြောင်းလဲချိတ်ဆက်လိုက်ခြင်းဖြင့် ဗို့အားအခြေအနေ ပိုမိုကောင်းမွန် မှန်ကန်လာသည်ဆိုသည်။ သာစည်မြို့အတွက် ၃၃ ကေဗွီဓာတ်အားခွဲရုံတွင်လည်း ဗို့အားပိုမိုမြှင့်တင်ရန် လိုအပ်သောကြောင့် ထရန်စဖော်မာ၏ ဗို့အားပြောင်းကြိုးစကိုနံပါတ် (၃) မှ နံပါတ် (၄) သို့ ပြောင်းလိုက်ပြီးသောအခါ လျှပ်စစ်သုံးနေသည့် နှမ်းကန်ကျေးရွာရှိ နေအိမ်တွင် မူလ ၂၀၀ ဗို့ရှိရာမှ ၂၁၀ ဗို့သို့လည်းကောင်း၊ ဘိုကုန်းရှိ နေအိမ်တစ်အိမ်တွင် မူလ ၁၈၀ ဗို့ရှိရာမှ ၁၉၀ ဗို့သို့လည်းကောင်း မြင့်တက်လာသည်ကို တွေ့ရ၏။ တစ်ဖန် ၀မ်းတွင်းမြို့အခြေအနေကို လေ့လာကြည့်ပါက ၀မ်းတွင်း၏ ၃၃ ကေဗွီ ဓာတ်အားခွဲရုံတွင် သပြေ၀ ပင်မခွဲရုံထံမှ ၃၃ ကေဗွီလိုင်းအရှည် ကိုးမိုင်ခန့်ဖြင့် ဓာတ်အားရယူနေကြောင်း သိရသည်။ ၀မ်းတွင်းမှတစ်ဆင့် နဘဲကန်သို့ ၁၈ မိုင်ရှည် လိုင်းဖြင့်လည်းကောင်း၊ ပင်းတလဲသို့ ၁၄ မိုင်ရှည်သည့် လိုင်းဖြင့်လည်းကောင်းဆွဲထားပြန်သဖြင့် ၀မ်းတွင်းသို့ အ၀င်ဗို့အားမှာ အတော်ပင် လျော့ကျနေပေသည်။ သို့ဖြစ်၍ ထိုနေရာ၌ ဗို့အားအခြေအနေကိုထိန်းရန် လျှပ်သိုအစုအဖွဲ့ (Capacitor Bank) တစ်ခု တပ်ဆင်ရန်လိုနေပြီဟု ဒုဝန်ကြီးကဆိုပါသည်။ ၀န်နည်းချိန်နှင့် ၀န်အပြည့်အ၀သုံးချိန်တွင် ဗို့အားများမှာ ၁၁ ဒသမ ၁၆ ကေဗွီနှင့် ၉ ဒသမ ၂ ကေဗွီအသီးသီးရှိနေသည်။ သို့ဖြစ်ရာ ထရန်စဖော်မာရှိ ဗို့အားပြောင်းကြိုးစတို့ကို သင့်တော်သလို ပြောင်းလိုက်ခြင်းဖြင့် ၀မ်းတွင်းနေ အိမ်တစ်အိမ်ရှိ ဗို့အားမှာ ၁၇၀ ဗို့မှ ၂၁၁ ဗို့သို့ မြင့်တက်သွားသည်ကိုတွေ့ရသည်။  ဒုတိယ ထရန်စဖော်မာကိုလည်း ကြိုးစနံပါတ် ပြောင်းချိတ်လိုက်သဖြင့် ယင်းမှ ဓာတ်အားရယူသုံးစွဲနေသော တမာကုန်းကျေးရွာနေ အိမ်တစ်အိမ်ရှိ ဗို့အားမှာ ၁၄၅ ဗို့မှ ၂၁၅ ဗို့သို့ မြင့်တက်သွားသည် ဆိုပါသည်။

မန္တလေး၊ နေပြည်တော် တပ်ကုန်း၊ မိတ္ထီလာ၊ သာစည်၊ ပျော်ဘွယ်စသဖြင့် မြို့အများအပြားကို ဖြတ်သန်း၍လည်းကောင်း၊ ရခိုင်ပြည်နယ် မြောက်ဦး၊ မြေပုံ၊ ပေါက်တော စသည် တို့ကို ဖြတ်သန်း၍လည်းကောင်း လှည့်လည် စစ်ဆေးပြုပြင်ဆောင်ရွက်နေမှုအား ကြိုဆိုရမည့်အပြင် ဗို့အားတည်ငြိမ်ခြင်းသာမက စွမ်းအားစနစ်တည်ငြိမ်မှု (Power System Stability) ရရှိစေရန် ထိန်းသိမ်းရေးသည်လည်း အရေးပါလှကြောင်း အများသိရှိပြီးဖြစ်ပေလိမ့်မည်။ ပြည်သူအတွက် ၀န်ဆောင်မှု ကောင်းအောင် ဆောင်ရွက်သည့်ကိစ္စသည် တကယ်တမ်းတွင် အချိန်ကာလ အတိုင်းအတာတစ်ခုယူ၍ လုပ်ဆောင်ရန်လိုအပ်မည့် ကိစ္စတစ်ရပ် ဖြစ်ပေသည်။

မီတာခကို ပြန်လည်ပြင်ဆင်သတ်မှတ်မည့်ကိစ္စမှာ ဓာတ်အားထုတ်လုပ်ဖြန့်ဖြူးသည့် လုပ်ငန်း အရှုံးပေါ်နေခြင်းကိစ္စမှတစ်ဆင့် ဖြစ်ပေါ်လာခြင်းဖြစ်သည်ဟု နားလည်သဘောပေါက်ထားပေရာ ယခင်အစိုးရလက်ထက်တွင် အရှုံးပေါ်ခဲ့သည့်ကိစ္စအား ပြန်လည်ဆန်းစစ်ရန် လိုနေသည်ဟုဝေဖန်သုံးသပ်မှု များစွာရှိနေသည်။ ယင်းအချိန်က ဖြစ်ပေါ်ခဲ့သည့် စီမံခန့်ခွဲမှုအလွဲအမှားများ၊ လုပ်ပိုင်ခွင့် အလွဲသုံးစားပြုမှုများ၊ လျှပ်စစ်ပစ္စည်းကိရိယာ ၀ယ်ယူ တင်သွင်းရာ၌ အရည်အသွေးစံနှုန်း မမီမှုများအစရှိသော ဖြစ်စဉ်တို့ကို အလုံးစုံ ပြန်လည်ဆန်းစစ်ကာ မည်သည့်ဖြစ်စဉ်ကြောင့် မည်ရွေ့မည်မျှ အရှုံးဖြစ်ပေါ်ခဲ့သည်ကို သိရှိခြင်းဖြင့် ယနေ့ကာလတွင် ထိုပမာဏကြီးမားသော အရှုံးဖြစ်ပေါ်ခဲ့မှုကို စိစစ်ရှောင်လွှဲသော စီမံချက်များ ချမှတ်နိုင်မည်ဖြစ်သည်။

ထို့ပြင် လျှပ်စစ်ဓာတ်အားကို မသမာသောနည်းများသုံးကာ သွယ်တန်းသုံးစွဲမှုများ၊ မီတာများအား တရားမ၀င် မမှန်မကန်ပြုပြင် အသုံးချမှုများ၊ အဂတိလိုက်စား ကိုယ်ကျိုးရှာမှုများ စသည်တို့မှာ ယနေ့တိုင် ပပျောက်မသွားဘဲ တည်ရှိနေဆဲဖြစ်သဖြင့် ယင်းကို ထိရောက်စွာ စစ်ဆေးဖော်ထုတ်ပါက ဘဏ္ဍာငွေ အလေအလွင့်များ ပြန်လည်အဖတ်ဆယ်နိုင်မည်ဟု ယူဆသည်။

သို့ဖြစ်၍ မီတာခနှုန်းထား အသစ်ပြင်ဆင်တွက်ချက်ရာတွင် ပြည်သူတို့အပေါ် ပိကျလာမည့် ၀န်ထုပ်အရွယ်အစားအား အဘက်ဘက်မှ လျှော့ချနိုင်မည်ဟု အခိုင်အမာ ယုံကြည်မျှော်လင့်မိပေသည်။

ဂျပန်ချေးငွေ ယန်းသုံးဘီလျံကျော် အသုံးပြုခဲ့သည့် သီလ၀ါဓာတ်အားခွဲရုံနှင့် သန်လျင်-သီလ၀ါ ဓာတ်အားလိုင်း စီမံကိန်း ပြီးစီး

ဂျပန်ချေးငွေ ယန်းသုံးဘီလျံကျော် အသုံးပြုခဲ့သည့် သီလ၀ါ ဓာတ်အားခွဲရုံနှင့် သန်လျင်-သီလ၀ါ ဓာတ်အားလိုင်းစီမံကိန်း ပြီးစီးကြောင်း လျှပ်စစ်နှင့်စွမ်းအင်ဝန်ကြီးဌာနက ထုတ်ပြန်ခဲ့သည်။

၂၃၀/၃၃/၁၁ ကေဗွီ သီလ၀ါဓာတ်အားခွဲရုံနှင့် ၂၃၀ ကေဗွီ သန်လျင်-သီလ၀ါ ဓာတ်အားလိုင်း (၁၀ ဒသမ ၀၇) မိုင်အား  Toenec Corporation မှတည်ဆောက်ရေး လုပ်ငန်းများကို ယခုလ သုံးပတ်မြောက်တွင် ပြီးစီးခဲ့ခြင်းဖြစ်ကြောင်း သိရသည်။

၂၀၁၆ ခုနှစ်မှ စတင်တည်ဆောက်ခဲ့သည့် ယင်းစီမံကိန်းမှာ ဂျပန်နိုင်ငံ၏ ODA ချေးငွေဖြင့် ဆောင်ရွက်ခဲ့ခြင်းဖြစ်ပြီး စီမံကိန်း  ကုန်ကျစရိတ်စုစုပေါင်းမှာ ဂျပန် ယန်း ၃၁၄၇ သန်းဖြစ်ကြောင်း၊ လက်ရှိတွင် ဓာတ်အားပို့ လွှတ်ခြင်းများ စတင်ဆောင်ရွက်ခဲ့ကာ သီလ၀ါ အထူးစီးပွားရေးဇုန်နှင့် အနီးတစ်ဝိုက်ဒေသများ ဓာတ်အားဖြန့်ဖြူးရေးအတွက် အထောက်အကူပြုမည့် စီမံကိန်းဖြစ်ကြောင်း သိရသည်။

လျှပ်စစ်နှင့်စွမ်းအင်ဝန်ကြီးဌာနမှ ဓာတ်အားပေးစက်ရုံ စီမံကိန်းအများအပြား အကောင်အထည်ဖော်လျက်ရှိပြီး ယင်းစီမံကိန်းများအနက်မှ ရန်ကုန်တိုင်းဒေသကြီးရှိ သာကေတ ၁၀၆ မဂ္ဂါဝပ် ဓာတ်အားပေးစက်ရုံ စီမံကိန်းကိုတည်ဆောက်နေပြီး ၂၀၁၈ ခုနှစ် နှစ်ဆန်းပိုင်းမှစတင်ကာ ဓာတ်အားပို့လွှတ်ခြင်းကို ဆောင်ရွက်မည်ဖြစ်ကြောင်း သိရသည်။

ရန်ကုန်တွင်သုံးစွဲနေသည့် လျှပ်စစ်အတွက် အဓိကပေးပို့နေသော ရတနာ သဘာဝဓာတ်ငွေ့ထုတ်လုပ်မှု ၂၀၂၀ ပြည့်နှစ်တွင် ကျဆင်းလာတော့မည်ဖြစ်၍ PTTEPI နှင့် ချုပ်ဆိုထားသည့် ကမ်းလွန်လုပ်ကွက်မှ လာမည့်နှစ်နှစ်အတွင်း ဓာတ်ငွေ့ကုဗပေ သန်း ၈၀ ထုတ်ယူနိုင်ရန် လိုအပ်

သီလ၀ါ အထူးစီးပွားရေးဇုန်ရှိ သဘာဝဓာတ်ငွေ့ထိန်း/ဖြန့် စခန်းကို တွေ့ရစဉ်(ဓာတ်ပုံ-MoEP)

ရန်ကုန်တွင်သုံးစွဲနေသည့် လျှပ်စစ်ထုတ်လုပ်မှုအတွက် အဓိကပေးပို့နေသည့် ရတနာသဘာဝဓာတ်ငွေ့ထုတ်လုပ်မှုမှာ ၂၀၂၀ ပြည့်နှစ်တွင် ကျဆင်းလာတော့မည် ဖြစ်သဖြင့် PTTEPI နှင့် ချုပ်ဆိုထားသည့်  ကမ်းလွန်လုပ်ကွက်မှ လာမည့်နှစ်နှစ်အတွင်း  ဓာတ်ငွေ့ကုဗပေ သန်း ၈၀ ထုတ်ယူနိုင်ရန် လိုအပ်မည်ဖြစ်ကြောင်း လျှပ်စစ်နှင့်စွမ်းအင်ကဏ္ဍ ဖွံ့ဖြိုးရေးလုပ်ငန်းကော်မတီမှ ဦးကျော်ကျော်လှိုင်က နိုင်ငံတော် ဒုတိယသမ္မတသို့ တင်ပြခဲ့သည်ဟု ကုန်သည်စက်မှုအသင်းချုပ်က နိုဝင်ဘာ ၂၇ ရက်တွင် သတင်းထုတ်ပြန်သည်။

ရန်ကုန်တွင်သုံးစွဲနေသည့် လျှပ်စစ်ပမာဏ၏ အများစုကိုထုတ်လုပ်ပေးနေသည့် သဘာဝဓာတ်ငွေ့သုံး တာဘိုင်များသို့ ဓာတ်ငွေ့ပေးပို့နေသည့် ရတနာသဘာဝ ဓာတ်ငွေ့မြေသည် ၂၀၂၀ ပြည့်နှစ်မှစတင်၍ ထုတ်လုပ်မှုကျဆင်းလာမည်ဖြစ်သည်။

ထို့ကြောင့် PTTEPI နှင့် စာချုပ်ချုပ်ဆိုထားသော ကမ်းလွန်အကွက် အမှတ် M-3 ၏ အောင်သင်္ခ သဘာဝဓာတ်ငွေ့မြေမှ နှစ်နှစ်မှ သုံးနှစ်အတွင်းရရှိနိုင်သည့် ဓာတ်ငွေ့  ကုဗပေသန်း ၈၀ အား ထုတ်ယူနိုင်ရန် လို အပ်မည်ဖြစ်ကြောင်း ဦးကျော်ကျော်လှိုင်က တင်ပြသည်။

လျှပ်စစ်နှင့်စွမ်းအင် ၀န်ကြီးဌာနအနေဖြင့် လက်ရှိတွင် ရတနာစီမံကိန်းမှ သဘာဝ ဓာတ်ငွေ့ထုတ်လုပ်မှု ကျဆင်းလာသဖြင့် ပတ္တမြားစီမံကိန်းမှ ဖြည့်ဆည်းပေးနိုင်ရန် လုပ်ဆောင်နေသည်။

သဘာဝဓာတ်ငွေ့သိုက်များတွင် လက်ရှိ လုပ်ဆောင်နေသည့် ထုတ်လုပ်မှုအပေါ် ခွဲဝေခံစားသော စာချုပ် (Production Sharing Contract) သည် ဓာတ်ငွေ့သိုက်ကြီးမှသာ တွက်ချေကိုက်သဖြင့် ပမာဏနည်းသော ဓာတ်ငွေ့သိုက်များမှ ဓာတ်ငွေ့ထုတ်လုပ်ရောင်းချရာတွင် စီးပွားရေးတွက်ချေကိုက်စေရန် ပမာဏနည်းသောဓာတ်ငွေ့သိုက်များအတွက် စာချုပ်ပုံစံအသစ် Marginal Field Contract ရေးဆွဲရန် လိုအပ်နေကြောင်း ဦးကျော်ကျော်လှိုင်က ဆိုသည်။

ထို့ပြင် လိုအပ်လာမည်ဖြစ်သည့် သဘာဝဓာတ်ငွေ့အတွက် ကုန်းတွင်းပိုင်းလုပ်ကွက်မှာ ရှာဖွေရမည်ဖြစ်ပြီး ကုန်းတွင်းပိုင်းဒေသများ (ဥပမာ-ဧရာဝတီမြစ်ဝှမ်းဒေသ) တွင် ဓာတ်ငွေ့မြေများရှာဖွေရန် လိုအပ်မည်ဖြစ် ကြောင်း သိရသည်။

နှစ်စဉ်မြင့်တက်လာနေသည့် မြန်မာနိုင်ငံ၏ စွမ်းအင်လိုအပ်ချက်အတွက် Renewable(Clan) energy policy/ Strategy, Energy Regulatory commission policy / Strategy, IPP Policy, Corporatization Policy နှင့် Asian Energy Interconnection Policy များ ဖော်ဆောင်သွားရန် လိုအပ်နေကြောင်း လျှပ်စစ်နှင့်စွမ်းအင်ကဏ္ဍဖွံ့ဖြိုးရေး လုပ်ငန်းကော်မတီမှ ဦးဇေယျသူရမွန်က ဒုသမ္မတ ဦးမြင့်ဆွေသို့ တင်ပြခဲ့ကြောင်း သိရသည်။

ထို့ပြင် ရန်ကုန်မြို့ပြဧရိယာ (Yangon Metropolitan Area) အတွက် သီးခြား Tariff Policy တစ်ခုဖြင့် သတ်မှတ်ဆောင်ရွက်ရန်နှင့် ပုဂ္ဂလိကရင်းနှီးမြှုပ်နှံမှုဖြင့် ဆောင်ရွက်သော အသေးစားနှင့် အလတ်စား ရေအားလျှပ်စစ်စီမံကိန်းများအား ၀န်ကြီးဌာနလက်အောက်ရှိ သက်ဆိုင်ရာဌာနများမှ ကန်ထရိုက်စာချုပ်ဖြင့် တည်ဆောက်ရေး လုပ်ငန်းဆောင်ရွက်ပေးရန် လိုအပ်နေကြောင်း ဦးဇေယျသူရမွန်က တင်ပြထားကြောင်း သိရသည်။

Wifi Internet Service များ ခွင့်ပြုမိန့်ချပေးရာတွင် ဆက်သွယ်ရေးညွှန်ကြားမှု ဦးစီးဌာနက တိုင်းဒေသကြီးနှင့် ပြည်နယ်အစိုးရ၏ သဘောထားမှတ်ချက် တောင်းခံခြင်း မပြုဘဲ ဆောင်ရွက်ခဲ့ကြောင်း တိုင်းဒေသကြီးဝန်ကြီး ပြောကြား

ရန်ကုန်မြို့၊ တာမွေမြို့နယ်ရှိ ဓာတ်တိုင် တစ်တိုင်တွင် Wireless Wifi တပ်ဆင်ထားသည်ကို တွေ့ရစဉ်

Wifi Internet Service များ ခွင့်ပြုမိန့်ချပေးရာတွင် ဆက်သွယ်ရေးညွှန်ကြားမှု ဦးစီးဌာနမှ တိုင်းဒေသကြီးနှင့် ပြည်နယ်အစိုးရ၏ သဘောထားမှတ်ချက် တောင်းခံခြင်းမပြုဘဲ ဆောင်ရွက်ခဲ့ကြောင်း ရန်ကုန်တိုင်းဒေသကြီး လျှပ်စစ်၊ စက်မှု လက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က နိုဝင်ဘာ ၇ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ပဉ္စမပုံမှန် အစည်းအဝေး ၁၅ ရက်မြောက် နေ့တွင် ပြောကြားခဲ့ခြင်းဖြစ်သည်။

အဆိုပါကိစ္စအား စမ်းချောင်းမြို့နယ် မဲဆန္ဒနယ်အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဦးအောင်မျိုးက ရန်ကုန်မြို့ရှိ မြို့နယ်များတွင် တပ်ဆင်နေသည့် Wifi Internet Service ၀န်ဆောင်မှုပေးမည့် ပစ္စည်းများကို မည်သည့်အဖွဲ့အစည်းများက တာဝန်ယူ စစ်ဆေးခဲ့ပါသနည်း။ ထုတ်လွှင့်သည့် လှိုင်းအားများကြောင့် ကလေးသူငယ်များနှင့် ကိုယ်ဝန်ဆောင်မိခင်များ ကျန်းမာရေးထိခိုက်မှု ရှိ မရှိ၊ YESC မှ အခွန်၊ အခ မည်မျှရရှိသည်ကို သိလိုကြောင်း ကြယ်ပွင့်ပြ မေးခွန်းနှင့် ပတ်သက်၍ ၀န်ကြီးက ပြန်လည် ဖြေကြားရာတွင် ထည့်သွင်းပြောကြား ခဲ့ခြင်းဖြစ်သည်။

“Wifi Internet Service အသုံးပြု ပစ္စည်းများသည် ပြည်သူလူထု ကျန်းမာရေးကို ထိခိုက်နိုင်မှု မရှိနိုင်ပါ ဆိုတာကို တစ်ခါတုန်းက လွှတ်တော်မှာ ဖြေပါတယ်။ Wifi Internet တွေ၊ ဆက်သွယ်ရေး Fiber Cable တွေ ဆက်သွယ်မှုနဲ့ ပတ်သက်ပြီးတော့ ခွင့်ပြုမိန့်၊ ခွင့်ပြုချက်ကို ပေးနေတာကို ပို့ဆောင်ဆက်သွယ်ရေး ၀န်ကြီးဌာနရဲ့ ဆက်သွယ်ရေး ညွှန်ကြားမှု ဦးစီးဌာနက ပေးနေတာ ဖြစ်ပါတယ်။ ထိုသို့ပေးနေရာမှာလည်း ဆက်သွယ်ရေး ညွှန်ကြားမှု ဦးစီးဌာနကနေပြီးတော့ သက်ဆိုင်ရာ တိုင်းဒေသကြီး ပြည်နယ်အစိုးရတွေရဲ့ သဘောထားမှတ်ချက်ကို တောင်းခံခြင်းမရှိဘဲ ခွင့်ပြုမိန့်တွေ ပေးနေတာ ဖြစ်တဲ့အတွက် ကျွန်မတို့အနေနဲ့ ရန်ကုန်တိုင်းဒေသကြီး အစိုးရအဖွဲ့က ခေါ်ယူပြီး တွေ့ဆုံညှိနှိုင်းပြီး ဖြစ်ပါတယ်” ဟု ၀န်ကြီး ဒေါ်နီလာကျော်က ပြောကြားသည်။

ထို့ပြင် ဆက်သွယ်ရေး ညွှန်ကြားမှု ဦးစီးဌာနက ခွင့်ပြုမိန့်ပေးလိုက်သည့် Wifi နှင့် ပတ်သက်၍ သော်လည်းကောင်း၊ Fiber Cable နှင့်ပတ်သက်၍ သော်လည်းကောင်း ဆက်သွယ်ရေး လုပ်ငန်းများတွင် ရန်ကုန်တိုင်း လျှပ်စစ်ဓာတ်အားပေးရေး ကော်ပိုရေးရှင်း၏ ဓာတ်တိုင်များတွင် လာရောက် တပ်ဆင်ထားမှုသည် ရန်ကုန်လျှပ်စစ် ဓာတ်အားပေးရေး ကော်ပိုရေးရှင်းမှ Wifi Internet Service လုပ်ငန်း လုပ်ကိုင်ခွင့်ပြုထားတဲ့ ကုမ္ပဏီများ၏ ယခင်အစိုးရ လက်ထက်က ရန်ကုန်လျှပ်စစ် ဓာတ်အားပေးရေး ကော်ပိုရေးရှင်း ဓာတ်တိုင်များ၌  Fiber Cable သွယ်တန်းခြင်း၊ ကြိုးမဲ့ Wifi တပ်ဆင်ခြင်းလုပ်ငန်းကို ကုမ္ပဏီငါးခုကို စာချုပ်ချုပ်ဆို ခွင့်ပြုထားပြီး ဖြစ်ကြောင်း ၎င်းကဆက်လက် ပြောကြားသည်။

“ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းအနေနဲ့ Cable သွယ်တန်းခြင်းအတွက် တစ်ကီလိုမီတာလျှင် တစ်လ ကျပ် ၃၀၀၀၀ နှုန်းနဲ့လည်းကောင်း၊ ဓာတ်တိုင် တစ်တိုင်လျှင် Wireless Wifi တပ်ဆင်ခြင်းအတွက် တစ်လလျှင် ကျပ် ၁၅၀၀၀ နှုန်းဖြင့် လည်းကောင်း ငှားရမ်းခ ရရှိပါတယ်။ ကုမ္ပဏီငါးခုအတွက် တစ်နှစ်လျှင် စုစုပေါင်း ငှားရမ်းခ ကျပ်သိန်း ၇၀၀ ကျော် YESC မှ ရရှိနေပါတယ်။ YCDC မှလည်း သီးခြားဓာတ်တိုင်နဲ့ မဟုတ်ဘဲနဲ့ YCDC မှတိုင်များ စိုက်ခွင့်ပြုပြီးတော့ ခွင့်ပြုထားတဲ့ တချို့သော ဆက်သွယ်ရေး ကုမ္ပဏီတွေလည်း ရှိပါတယ်။ ဒီအတွက် ရန်ကုန်တိုင်းဒေသကြီး အစိုးရအဖွဲ့ရုံးမှာ ဆက်သွယ်ရေး ညွှန်ကြားမှုဦးစီးဌာန၊ မြန်မာ့ဆက်သွယ်ရေးလုပ်ငန်း၊ YESC နဲ့ YCDC တို့ ညှိနှိုင်းပြီး အစည်းအဝေးလုပ်တာ နှစ်ကြိမ်ရှိသွားပြီ” ဟု ဒေါ်နီလာကျော်က ပြောကြားသည်။

၂၀၁၇ ခုနှစ် ဇူလိုင်လအထိ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း၏ လျှပ်စစ်တစ်ယူနစ် ကုန်ကျစရိတ် ပျမ်းမျှ ၆၆ ကျပ် ကျော်သာရှိပြီး ပြန်လည်ရောင်းချငွေမှာ ပျမ်းမျှ ၇၄ ကျပ် နီးပါးရှိသော်လည်း မီတာခတိုးမြှင့်ရန် စီစဉ်နေ

ရန်ကုန်မြို့ မြို့နယ်တစ်ခုအတွင်း လျှပ်စစ်လုပ်ငန်း ဆောင်ရွက်နေသည်ကို တွေ့ရစဉ်

၂၀၁၇ ခုနှစ် ဇူလိုင်လအထိ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း၏ လျှပ်စစ်တစ်ယူနစ် ကုန်ကျစရိတ်ပျမ်းမျှ ၆၆ ကျပ် ကျော်ရှိပြီး ပြန်လည် ရောင်းချငွေမှာ ပျမ်းမျှ ၇၄ ကျပ်နီးပါးရှိသော်လည်း မီတာခတိုးမြှင့်ရန် ဆောင်ရွက်နေကြောင်း သိရသည်။

နိုဝင်ဘာ ၇ ရက်က ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ပဉ္စမပုံမှန် အစည်းအဝေး ၁၅ ရက်မြောက်နေ့ အစည်းအဝေးတွင် သုံးခွမြို့နယ် မဲဆန္ဒနယ် အမှတ် (၁) လွှတ်တော်ကိုယ်စားလှယ် ဦးနေ ၀င်း၏ ရန်ကုန်တိုင်းဒေသကြီး အစိုးရအဖွဲ့ အနေဖြင့် ပြည်ထောင်စု အစိုးရထံမှ လျှပ်စစ်ဓာတ်အားကို မည်သည့်ဈေးနှုန်းဖြင့် ၀ယ်ယူရပြီး ပြည်သူလူထုထံ မည်သည့်နှုန်းထားဖြင့် ဖြန့်ဖြူးပေးနေသည်ကို ပြည်သူလူထုကိုယ်စား ရှင်းရှင်းလင်းလင်း သိရှိလိုပါကြောင်း၊ လျှပ်စစ်ဓာတ်အား ဖြန့်ဖြူးပေးရာတွင် ယခင်နှုန်းထားများ အတိုင်း သုံးစွဲနေမှုနှင့် ပတ်သက်၍ ဈေးနှုန်းပြန်လည် ပြင်ဆင်ပေးရန် အစီအစဉ် ရှိ မရှိ လျှပ်စစ်မီတာ (တစ်ယူနစ်) သုံးစွဲမှုတွင် အများပြည်သူနှင့် စီးပွားရေး လုပ်ငန်းရှင်များ၊ စက်မှုလုပ်ငန်းရှင်များ အစား (တန်ဖိုးရှိ လျှပ်စစ်မီး) အသုံးပြုနိုင်ရန် ထိန်းချုပ်မှုဖြင့် ဆောင်ရွက်ရန် အစီအစဉ်ရှိ မရှိနှင့် တစ်ယူနစ်တန်ဖိုး မည်မျှကောက်ခံနေသည်ကို သိရှိလိုကြောင်း စသည်ဖြင့် မေးမြန်းရာတွင် လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန် ကြီး ဒေါ်နီလာကျော်က မီတာခဈေးနှုန်း ပြန်လည် ပြင်ဆင်သတ်မှတ်နိုင်ရေး ပြည်ထောင်စုဝန်ကြီးဌာနက ဆောင်ရွက်နေသည်ဟု ပြန်လည် ဖြေကြားခဲ့သည်။

“ရန်ကုန်တိုင်းမှာ လျှပ်စစ်ဓာတ်အား ဖြန့်ဖြူးရေးနဲ့ ပတ်သက်ပြီး တာဝန်ယူနေတာက ရန်ကုန်လျှပ်စစ် ဓာတ်အားပေးရေး ကော်ပိုရေးရှင်း ဖြစ်ပါတယ်။ ရန်ကုန်လျှပ်စစ်ဓာတ် အားပေးရေး ကော်ပိုရေးရှင်းက ပြည်ထောင်စုအစိုးရရဲ့ အစီအစဉ်နဲ့ ဖြန့်ဖြူးပေးနေတဲ့ EPGE National Grip မှ လျှပ်စစ်ကို တစ်ယူနစ်လျှင် ၅၇ ကျပ်နှုန်းဖြင့် ၀ယ်ယူပြီး အများပြည်သူသို့ အိမ်သုံးမီတာမှာ တစ်ယူနစ်မှ ယူနစ် ၁၀၀ အထိ ၃၅ ကျပ်နှုန်း၊ ၁၀၁ ယူနစ်မှ ယူနစ် ၂၀၀ အထိ ကျပ် ၄၀ နှုန်း၊၂၀၁ ယူနစ် အထက် ကျပ် ၅၀ နှုန်းဖြင့် လည်းကောင်း၊ စက်မှုလုပ်ငန်းရှင်များ စက်မှုလက်မှုစီးပွား ရေးလုပ်ငန်းသုံး အနေဖြင့် တစ်ယူနစ်မှ ယူနစ် ၅၀၀ အထိ ၇၅ ကျပ်နှုန်း၊ ၅၀၁ ယူနစ်မှ တစ်သောင်းယူနစ်အထိ ကျပ် ၁၀၀ နှုန်း၊ ၁၀၀၀၁ ယူနစ်မှ ယူနစ် ၅၀၀၀၀ အထိ ၁၂၅ ကျပ်နှုန်း နှင့် ၅၀၀၀၁ ယူနစ်မှ နှစ်သိန်းယူနစ်အထိ ကျပ် ၁၅၀ နှုန်းဖြင့် ဓာတ်အား ပြန်လည်ဖြန့်ဖြူး ရောင်းချပေးလျက် ရှိပါတယ်” ဟု လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောကြားသည်။

ရန်ကုန်လျှပ်စစ်ဓာတ်အား ဖြန့်ဖြူးပေးရေး ကော်ပိုရေးရှင်း အနေဖြင့် ၅၇ ကျပ်ဖြင့် ၀ယ်ယူသော်လည်း ဌာနအနေဖြင့် ဖြန့်ဖြူးရောင်းချသည့် နေရာတွင် ကုန်ကျစရိတ်များရှိကြောင်း ၎င်းကဆက်လက် ပြောကြားသည်။

“ကေဗွီ ၂၃၀ ဓာတ်အားလိုင်းအထိ ပြည်ထောင်စုရဲ့ လျှပ်စစ်ဝန်ကြီးဌာနရဲ့ တာဝန်ဖြစ်ပြီးတော့ ၆၆ ကေဗွီအောက် ဓာတ်အားခွဲရုံများ အပါအ၀င် ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းမှ တာဝန်ယူ ဆောင်ရွက်ရတာ ဖြစ်ပါတယ်။ ရန်ကုန် လျှပ်စစ်ဓာတ်အားပေးရေး ကော်ပိုရေးရှင်း အနေနဲ့ ၂၀၁၇ ခုနှစ် ဇူလိုင်လအထိ ပျမ်းမျှတစ်ယူနစ် ကုန်ကျစရိတ်ဟာ  ၆၆ ဒသမ ၄၄ ကျပ်ဖြစ်ပြီးတော့ တစ်ယူနစ် ရောင်းချရငွေဟာ ပျမ်းမျှ ၇၃ ဒသမ ၆၃ ကျပ် ဖြစ်ပါတယ်။ ရရှိတဲ့ အမြတ်ငွေနဲ့ တိုးတက်လာတဲ့ မီးသုံးသူဦးရေ တိုးမြှင့်သုံးစွဲလာတဲ့ ၀န်အားများနှင့်အညီ ခွဲရုံများ၊ ဓာတ်အားလိုင်းများ တိုးချဲ့တည်ဆောက်ခြင်း၊ ပြုပြင်ထိန်းသိမ်းခြင်း လုပ်ငန်းများကို ဆောင်ရွက်ရပါတယ်။ လျှပ်စစ်ဓာတ်အားခ၊ သုံးစွဲခဈေးနှုန်း ပြန်လည်ပြင်ဆင် နိုင်ရေးအတွက် ပြည်ထောင်စုဝန်ကြီးဌာနမှ တာဝန်ယူ ညှိနှိုင်းဆောင်ရွက်လျက် ရှိပါတယ်” ဟု ၀န်ကြီး ဒေါ်နီလာကျော်က ဆက်လက်ပြောကြားသည်။

ပြောင်းလဲသတ်မှတ်မည့် လျှပ်စစ်မီတာခ နှုန်းထားများကို မကြာမီကြေညာမည်ဖြစ်ပြီး မီတာခတိုးမြှင့်သကဲ့သို့ ၀န်ဆောင်မှု ပိုကောင်းအောင် တိုးမြှင့်ပေးနိုင်ရန်လည်း စီမံနေကြောင်း လျှပ်စစ်နှင့် စွမ်းအင်ဝန်ကြီးဌာန ဒုတိယ အမြဲတမ်းအတွင်းဝန် ဦးဌေးအောင်က အောက်တိုဘာ ၁၂ ရက်တွင် ပြုလုပ်သော လျှပ်စစ်နှင့် စွမ်းအင် ၀န်ကြီးဌာန၏ သတင်းစာရှင်းလင်းပွဲ၌ ပြောကြားထားသည်။

မီတာခ ပြောင်းလဲသတ်မှတ်ရေးနှင့် ပတ်သက်၍လည်း အလွှာပေါင်းစုံနှင့် အံဝင်ခွင်ကျဖြစ်စေရန် စဉ်းစားဆောင်ရွက်နေကြောင်း၊ ယူနစ်အလိုက် သတ်မှတ်ပြောင်းလဲမည် သို့မဟုတ် အလွှာအလိုက် သတ်မှတ်ပြောင်းလဲမည်ကို စဉ်းစားနေကြောင်း ၎င်းက ပြောကြားထားသည်။

မီတာခ ပြောင်းလဲသတ်မှတ်ရေးနှင့် ပတ်သက်၍ လက်ရှိနှုန်းထားထက် သုံးဆအထိ တိုးမြှင့်သတ်မှတ်ရန် မဖြစ်နိုင်ဘဲ အခြေခံလူတန်းစားများအတွက် သင့်လျော်သည့် နှုန်းထားသာ ဖြစ်မည်ဖြစ်ကြောင်း လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်က စက်တင်ဘာ ၂၁ ရက်တွင်ပြုလုပ်သော NDC စွမ်းအင်ကဏ္ဍ အကောင်အထည်ဖော်ရေးဆိုင်ရာ အမျိုးသားအဆင့် အလုပ်ရုံဆွေးနွေးပွဲ၌ ပြောကြားထားသည်။

လျှပ်စစ်နှင့် စွမ်းအင်ဝန်ကြီးဌာန အနေဖြင့် မီတာခနှုန်းထား ပြောင်းလဲသတ်မှတ်ရေးအတွက် ဆောင်ရွက်နေသည်မှာ နောက်ဆုံးအဆင့် ရောက်ရှိနေပြီ ဖြစ်ကြောင်း၊ ၀န်ကြီးဌာန တာဝန်ရှိသူများ၊ တိုင်းဒေသကြီး ပြည်နယ်ဝန်ကြီးများ၊ နည်းပညာ ကျွမ်းကျင်သူများ၊ ပြည်တွင်းပြည်ပ အဖွဲ့အစည်းများဖြင့် နောက်ဆုံးအဆင့် အပြီးသတ်ဆွေးနွေးမှု ပြုလုပ်ကာ မကြာမီကျင်းပမည့် လွှတ်တော်တွင် တင်ပြသွားမည် ဖြစ်ကြောင်း၊ အများပြည်သူ သိရှိရန်လည်း ထုတ်ပြန်ပေးမည် ဖြစ်ကြောင်း သိရသည်။

 

အမှိုက်မှထွက်ရှိသည့် မီသိန်းဓာတ်ငွေ့ကို စုထုတ်ပြီး လျှပ်စစ်ထုတ်ယူသည့် စီမံကိန်းကို ယနေ့အထိ ဆောင်ရွက်နိုင်ခြင်း မရှိသေးသော်လည်း နောင်တွင် အမှိုက်မှ စွမ်းအင်ထုတ်လုပ်သည့်လုပ်ငန်းကို BOT (သို့မဟုတ်) PPP စနစ်ဖြင့်ဆောင်ရွက်ရန် ပြင်ဆင်နေ

ရန်ကုန်မြို့တွင် ပထမဆုံး စတင်တည်ဆောက်သည့် အမှိုက်မှစွမ်းအင် ထုတ်လုပ်သည့်စက်ရုံအား တွေ့ရစဉ် (ဓာတ်ပုံ-ထက်ရှိုင်း)

အမှိုက်ကထွက်ရှိသည့် မီသိန်းဓာတ်ငွေ့ကို စုထုတ်ပြီး လျှပ်စစ်ထုတ်ယူသည့် စီမံကိန်းကို ၂၀၁၂ ခုနှစ်မှ စတင်ဆောင်ရွက်ရန် ပြင်ဆင်ခဲ့ပြီး ယနေ့အထိ ဆောင်ရွက်နိုင်ခြင်း မရှိသေးသော်လည်း နောင်တွင် အမှိုက်မှ စွမ်းအင်ထုတ်လုပ်သည့် လုပ်ငန်း (Waste to Energy) ကို  BOT (သို့မဟုတ်) PPP စနစ်ဖြင့် ဆောင်ရွက်ရန်ပြင်ဆင်နေကြောင်း ရန်ကုန်မြို့တော်ဝန် ဦးမောင်မောင်စိုးက ရန်ကုန်တိုင်းဒေသကြီး လွှတ်တော်တွင် ပြောကြားသည်။

“အမှိုက်ကနေ မီသိန်းဓာတ်ငွေတွေ စုထုတ်ပြီးတော့ လျှပ်စစ်ထုတ်ယူဖို့ စီမံကိန်းကို ၂၀၁၂ ခု နှစ်မှာ စတင်ဆောင်ရွက်ဖို့ စတင် ပြင်ဆင်ခဲ့ပေမယ့် ယနေ့အထိ ဆောင်ရွက်နိုင်ခြင်း မရှိပါဘူး။ နောင်အမှိုက်ကနေ စွမ်းအင်ထုတ်တဲ့ လုပ်ငန်းတွေကို BOT (သို့မဟုတ်) PPP စနစ်ဖြင့် ဆောင်ရွက်ရန် ပြင်ဆင်နေပါတယ်”  ဟု ရန်ကုန်မြို့တော်ဝန် ဦးမောင်မောင်စိုးက ပြောကြားသည်။

လှိုင်သာယာမြို့နယ်၊ ထိန်ပင် နောက်ဆုံးစွန့်ပစ်အမှိုက်ပုံကြောင့် ရေထုညစ်ညမ်းမှုကို လျော့ချနိုင်ဖို့အတွက် ၂၀၁၇-၂၀၁၈ ခုနှစ်တွင် အမှိုက်ကနေ စိမ့်ထွက်လာမည့် အရည်များကို ပြင်ပကို မစီးဆင်းစေရန်အတွက် အနက် ၁၀ ပေနှင့် အကျယ် ၁၂ ပေရှိ တဲ့ ရေမြောင်းတွေ တူးဖော်ပြီး ယင်းရေမြောင်းများက အရည်များစီးဆင်းစေပြီး ထိန်းပင်သုဿန်၏ နောက်ကျောမြေနေရာတွင် ပေ ၅၀ ပတ်လည်ရှိသည့် ကန်ငါးကန်တူးထားကြောင်းနှင့် ယင်းကန်များတွင် သဘာဝလေ နှင့် နေရောင်စွမ်းအင် အသုံးပြုပြီး အပေါ်ယံ ရေမျက်နှာမြင့်ကနေ အနည်ထိုင်စေသည့်နည်းအပြင် အောက်စီဂျင်ပြည့်ဝစွာ ပျော်နိုင်ရန်အတွက် စနစ်တစ်ခုကို တပ်ဆင်ပြီး ပြုပြင်သန့်စင်သည့်နည်းစဉ်များကို ခေတ်မီစနစ်များ နှင့် တိုးမြှင့်ဆောင်ရွက်နေကြောင်း ရန်ကုန်မြို့တော်ဝန်၏ ပြောကြားချက်အရ သိရသည်။

နောင်တွင် အမှိုက်က စွမ်းအင်ထုတ်လုပ်သည့် နည်းလမ်းသည် မြေထုညစ်ညမ်းမှုကို လျှော့ချနိုင်မည့်အပြင် မြေအသုံးချမှုကိုလည်း တိုးမြှင့်ဆောင်ရွက်နိုင်မည်ဖြစ်သည်။

“နောင်လာမယ့် ဘဏ္ဍာရေးနှစ်တွေမှာ နောက်ဆုံး စွန့်ပစ်အမှိုက်ပုံတွေကို ပတ်ဝန်း ကျင်ထိခိုက်မှု မရှိစေဘဲနဲ့ စနစ်တကျ စီမံခန့် ခွဲနိုင်ဖို့အတွက် နှစ်အလိုက် လျာထားချက်တွေမှာ ရှိပါတယ်။၂၀၁၈-၂၀၁၉ ဘဏ္ဍာရေး နှစ်မှာ ထိန်ပင်အမှိုက်ပုံမှာ Senitary Landfill System နဲ့ အမှိုက်တစ်လွှာ မြေကြီးတစ်လွှာ စွန့်ပစ်တဲ့စနစ်ကို Pilot Project အနေနဲ့ နှစ်ဧက ပြုလုပ်ပြီးနေပါတယ်။ ထွက်ရှိလာမယ့်အရည်တွေကို သန့်စင်မှု ပြုလုပ်နိုင်ရန်အတွက် ရေဆိုးသန့်စင်သည့် ကန်တစ်ခုပြုလုပ်ပြီး ၂၀၁၉-၂၀၂၀ ဘဏ္ဍာရေးနှစ်မှာ Senitary Landfill System နဲ့ အမှိုက်တစ်လွှာ မြေကြီးတစ်လွှာ စွန့်ပစ်တဲ့စနစ်ကို ဒုတိယနှစ်ဧက ထပ်မံပြုလုပ်ပြီးတော့ ထွက်ရှိ လာတဲ့ အရည်တွေကို သန့်စင်မှု ပြုလုပ်နိုင်ရန် အတွက် ရေဆိုးသန့်စင်သည့် ကန်တစ်ခု ၂၀၁၉-၂၀၂၀ ဘဏ္ဍာရေးနှစ်မှာလည်း သစ်ကိုင်းသစ်ခက်တွေ ကြီးမားတဲ့အမှိုက်တွေကို ဖိသိပ်ခြေမွတဲ့ စနစ်ကို ဆောင်ရွက်ပြီးတော့ Senitary Landfill System ကို အဆင့်မြှင့် ဆောင်ရွက်သွားဖို့ စီစဉ်ထားပါ တယ်။၂၀၂၀-၂၀၂၁ ခု နှစ်မှာ ထိန်ပင်အမှိုက်ပုံရဲ့ အသုံးပြုပြီးတဲ့နေရာတွေမှာ စနစ်တကျ ပိတ်သိမ်း ဆောင်ရွက်ပြီးတော့ Senitary Landfill System စနစ်တွေကနေ တတိယအကြိမ် ထပ်မံပြုလုပ်ဖို့အတွက် စီစဉ်ထားပါတယ်။အမှိုက်ပုံကနေ မြေဆွေးလုပ်တဲ့ စနစ်ကိုလည်း အစီအမံတွေ ရှိပါတယ်”ဟု မြို့တော်ဝန်က ပြောကြားသည်။