လျှပ်စစ်မီးကောင်းသည်၊ ဗို့အားပြည့်သည်ဟု ပြည်သူများ ယုံကြည်လက်ခံသည်အထိ ဆောင်ရွက်ပြီးမှ လျှပ်စစ်ဓာတ်အားခ ပြောင်းလဲရန် ဆောင်ရွက်မည်ဖြစ်ပြီး နိုင်ငံတော်အနေဖြင့် ၂၀၁၇-၂၀၁၈ ခုနှစ်တွင် ကျပ် ၄၅၂ ဘီလျံ စိုက်ထုတ်သုံးစွဲခဲ့ဟု သိရ

လျှပ်စစ်မီးကောင်းသည်၊ ဗို့အားပြည့်သည်ဟု ပြည်သူများ ယုံကြည်လက်ခံသည်အထိ ဆောင်ရွက်ပြီးမှ လျှပ်စစ်ဓာတ်အားခ ပြောင်းလဲရန် ဆောင်ရွက်မည်ဖြစ်ပြီး နိုင်ငံတော်အနေဖြင့် ၂၀၁၇-၂၀၁၈ ခုနှစ်တွင် ကျပ် ၄၅၂ ဘီလျံ စိုက်ထုတ်သုံးစွဲခဲ့ရကြောင်း လျှပ်စစ်နှင့်စွမ်းအင် ၀န်ကြီးဌာန အမြဲတမ်းအတွင်းဝန် ဦးတင်မောင်ဦးက ပြောကြားသည်။

မေ ၁၅ ရက်တွင် ပြန်ကြားရေးဝန်ကြီးဌာန အစည်းအဝေးခန်းမတွင် အစိုးရ၏ ဒုတိယတစ်နှစ်သက်တမ်း ကာလအတွင်း လျှပ်စစ်နှင့်စွမ်းအင် ၀န်ကြီးဌာန၏ ဆောင်ရွက်မှုများကို ရှင်းလင်းစဉ်ပြောကြား ခဲ့ခြင်းဖြစ်သည်။

အဆိုပါ ရှင်းလင်းပွဲတွင် သတင်းထောက်တစ်ဦးက လျှပ်စစ်ဓာတ်အားခတက်မည်ဆိုသည့် အခြေအနေကရော ဘယ်လိုရှိလဲ။ သိချင်ပါတယ်ဟု မေးမြန်းခဲ့သည်။

အဆိုပါ မေးမြန်းမှုကို အမြဲတမ်းအတွင်းဝန်က “လျှပ်စစ်ဓာတ်အားခ တက်မလား ဆိုတာကတော့ လောလောဆယ် တက်မယ်လို့တော့ မရှိသေးပါဘူး။ ကျွန်တော်တို့ နိုင်ငံတော်အနေနဲ့ ပြောမယ်ဆိုရင် ၂၀၁၇-၂၀၁၈ မှာဆိုရင် ကျပ် ၄၅၂ ဘီလျံ စိုက်ထုတ်သုံးစွဲရပါတယ်။ နှစ်စဉ်ထုတ်လုပ်မှု တိုးလာတဲ့အမျှ ပိုပိုပြီးတော့ စိုက်ရမှာ ဖြစ်တဲ့အတွက် ဒါကို ဘယ်လိုလုပ်ရမလဲဆိုတာ စဉ်းစားသုံးသပ်မှာ ဖြစ်ပါတယ်။ ဆင်းရဲတဲ့ ပြည်သူကိုလည်း ၀န်မပိစေချင်ပါဘူး။ အဲဒီအတွက် နည်းလမ်းပေါင်းစုံနဲ့ ဘယ်လိုအလွှာကို ဘယ်လိုနှုန်းနဲ့ တိုးရမယ် ဆိုတာကို သုံးသပ်နေပါတယ်။ ဒီလိုမလုပ်ခင်မှာ ကျွန်တော်တို့မှာ ဘာလဲဆိုတော့ ယုံကြည်စိတ်ချရတဲ့ လျှပ်စစ်ဖြစ်ဖို့အတွက် ပြည်သူကို ချပြဖို့အတွက် ဒီတစ်နှစ်တာကာလမှာ ကြိုးစားဆောင်ရွက်နေပါတယ်။ ပြည်သူယုံကြည် လက်ခံလာအောင်ပေါ့။ ပြည်သူကမှ မီးလည်းကောင်းတယ်၊ ဗို့အားလည်း ကောင်းတယ်ဆိုပြီး ဖြစ်လာမှ ဓာတ်အားခကို ပြောင်းလဲဖို့ ဆောင်ရွက်မှာ ဖြစ်ပါတယ်။ လောလောဆယ်မှာတော့ စဉ်းစားသုံးသပ် နေကြတုန်းပဲ ဖြစ်ပါတယ်” ဟု ပြောကြားသည်။

အစိုးရသက်တမ်း နှစ်နှစ်တာ ကာလအတွင်း ဓာတ်အားပေးစက်ရုံများ ပြီးစီးမှုအနေဖြင့် စက်ရုံခြောက်ရုံမှ ၇၅၀ ဒသမ ၈ မဂ္ဂါဝပ်အထိ ထုတ်လုပ်နိုင်ခဲ့ကြောင်း၊ ဓာတ်အားပို့လွှတ်ရေးအပိုင်း အနေဖြင့် ၂၃၀၊ ၁၃၂၊ ၆၆ ကေဗွီဓာတ်အားလိုင်း ၃၁ လိုင်း (၁၅၉၈) မိုင်၊ ခွဲရုံ ၁၂၇ ရုံ ၂၃၇၈ အမ်ဗွီအေ ပြီးစီးခဲ့ကြောင်း၊ ၃၃ ကေဗွီ၊ ၁၁ ကေဗွီဓာတ်အားလိုင်းများ အနေဖြင့် ၆၄၅၃ မိုင်နှင့်ခွဲရုံများ အနေဖြင့် ၃၄၉၉ အမ်ဗွီအေအထိ ဆောင်ရွက်နိုင်ခဲ့ကြောင်း၊ ကျေးရွာ ၂၇၁၈ ရွာ၊ အိမ်ထောင်စု ၇၀၆၀၉၇ စု လျှပ်စစ်ဓာတ်အား သုံးစွဲနိုင်ခဲ့ကြောင်း၊ ဓာတ်အားဖြန့်ဖြူးရေးလိုင်းများ၏ ဓာတ်အားပျောက်ဆုံးမှု အနေဖြင့် ၂၀၁၅-၂၀၁၆ ခုနှစ်တွင် ၁၇ ရာခိုင်နှုန်း ရှိခဲ့ရာမှ ယခုနှစ်တွင် ၁၄ ရာခိုင်နှုန်းသာ ရှိသည့်အတွက် သုံးရာခိုင်နှုန်း လျှော့ချနိုင်ခဲ့ကြောင်း အမြဲတမ်း အတွင်းဝန်က ပြောကြားသည်။

လက်ရှိတွင် လျှပ်စစ်ဓာတ်အား လိုအပ်ချက် မဂ္ဂါဝပ် ၄၅၀၀ ခန့်ရှိပြီး ထုတ်လုပ်နိုင်မှုသည် မဂ္ဂါဝပ် ၃၃၀၀ ခန့်သာရှိကြောင်း၊ လျှပ်စစ်ဓာတ်အား လိုအပ်ချက် ပြည့်မီရန် ကြိုးစားဆောင်ရွက်နေကြောင်း၊ လက်ရှိတွင် စက်တပ်ဆင်အင်အား အနေဖြင့် ရေအားလျှပ်စစ်မှ ၅၈ ရာခိုင်နှုန်း၊ သဘာဝဓာတ်ငွေ့မှ ၃၇ ရာ ခိုင်နှုန်းကျော်၊ ကျောက်မီးသွေးမှ ၂  ဒသမ ၁၇ ရာခိုင်နှုန်း၊ ဒီဇယ်စက်များဖြင့် ထုတ်လုပ်မှုများရှိကြောင်း၊ လျှပ်စစ်နှင့်စွမ်းအင် ၀န်ကြီးဌာန အနေဖြင့် National Electricity Master Plan ရေးဆွဲလျက်ရှိကြောင်း၊ ၂၀၂၀ ပြည့်နှစ်တွင် Master Plan အရ ၄၅၃၁ မဂ္ဂါဝပ် လိုအပ်မည်ဖြစ်ကြောင်း၊ ၂၀၃၀ ပြည့်နှစ်တွင်  ၁၄၅၃၂ မဂ္ဂါဝပ်အထိ လိုအပ်မည် ဖြစ်ကြောင်း၊ ထို့အတွက် လျှပ်စစ်ဓာတ်အား ထုတ်လုပ်မှုကို တိုးတက်အောင် ဆောင်ရွက်မည်ဖြစ်ကြောင်း၊ နွေရာသီကာလတွင် လျှပ်စစ်ဓာတ်အား လိုအပ်ချက်သည် ၂၀၁၇-၂၀၁၈ ခုနှစ် နွေရာသီကာလတွင် မဂ္ဂါဝပ် ၃၅၀၀ ကျော်အထိ တိုးတက်သုံးစွဲလာသည်ကို တွေ့ရကြောင်း၊ နှစ်အလိုက် အနေဖြင့် ၁၂ ရာခိုင်နှုန်းမှ ၁၆ ရာခိုင်နှုန်းအထိ တိုးတက်သုံးစွဲလာမည် ဖြစ်ကြောင်း၊ ဓာတ်အားပေးစက်ရုံများ ပြီးစီးရန်အတွက် စီမံချက်ချ ဆောင်ရွက်လျက်ရှိကြောင်း၊၂၀၁၈ ခုနှစ်တွင် ၄၄၉ မဂ္ဂါဝပ်၊ ၂၀၁၉ ခုနှစ်တွင် ၁၅၀ မဂ္ဂါဝပ်၊ ၂၀၂၀ပြည့်နှစ်တွင် ၅၆၃ မဂ္ဂါဝပ်နှင့် ၂၀၂၁ ခုနှစ်တွင် ၂၇၃၁ မဂ္ဂါဝပ်၊ ၂၀၂၂ ခုနှစ် တွင် မဂ္ဂါဝပ် ၇၀၁ ထုတ်လုပ်မည်ဖြစ်ကြောင်း အမြဲတမ်း အတွင်းဝန်က ပြောကြားသည်။

 

ရေအားလျှပ်စစ်မှ ဓာတ်အားထုတ်လုပ်နိုင်မှု မဂ္ဂါဝပ် လေးသောင်းခန့်ရှိပြီး ၂၀၃၀ ပြည့်နှစ်တွင် တစ်နိုင်ငံလုံး မီးလင်းရန် ဆောင်ရွက်နေကြောင်း လျှပ်စစ်နှင့် စွမ်းအင်ဝန်ကြီးဌာန အမြဲတမ်းအတွင်းဝန် ပြောကြား

ကယားပြည်နယ် လောပိတ ရေအားလျှပ်စစ်စက်ရုံ တစ်နေရာကို တွေ့ရစဉ် (ဓာတ်ပုံ- မခိုင်)

ရေအားလျှပ်စစ်မှ ဓာတ်အားထုတ်လုပ်နိုင်မှုသည် မဂ္ဂါဝပ်လေးသောင်းခန့် အထိရှိပြီး ၂၀၃၀ ပြည့်နှစ်တွင် တစ်နိုင်ငံလုံး မီးလင်းရန် ဆောင်ရွက်နေကြောင်း လျှပ်စစ်နှင့် စွမ်းအင်ဝန်ကြီးဌာန အမြဲတမ်းအတွင်းဝန် ဦးတင်မောင်ဦးက ပြောကြားသည်။

မေ ၁၅ ရက်တွင် ပြန်ကြားရေး ၀န်ကြီးဌာန အစည်းအဝေးခန်းမတွင် လျှပ်စစ်နှင့် စွမ်းအင်ဝန်ကြီးဌာန၏ ဒုတိယတစ်နှစ်တာ ကာလအတွင်း ဆောင်ရွက်နေမှုများနှင့် ပတ်သက်၍ ရှင်းလင်းစဉ် ပြောကြားခဲ့ခြင်းဖြစ်သည်။

“လျှပ်စစ်နှင့် စွမ်းအင်ဝန်ကြီးဌာန အနေဖြင့် ၂၀၃၀ တွင် တစ်နိုင်ငံလုံး မီးလင်းရေး လုပ်မယ်လို့ သိရပါတယ်။ ကျောက်မီးသွေးတို့၊ တချို့ရေအားလျှပ်စစ် ထုတ်လုပ်ရေးတွေမှာ ဆန္ဒပြကြတာတွေ ရှိသည့်အတွက် အဆိုပါ ရည်မှန်းချက် ပြည့်မီနိုင်ပါ့မလား” ဟု သတင်းထောက်တစ်ဦးက မေးမြန်းခဲ့သည်။

အဆိုပါ မေးမြန်းမှုကို အမြဲတမ်းအတွင်းဝန်က “၂၀၃၀ ရည်မှန်းချက်ကတော့ ကျွန်တော်တို့ရဲ့ ပြည်သူတော်တော်များများက ဆန့်ကျင်ကန့်ကွက်နေတော့ လောလောဆယ်မှာ ကျောက်မီးသွေးကို ဆောင်ရွက်နိုင်ခြင်း မရှိသေးပါဘူး။ ရေအားလျှပ်စစ်ကတော့ လက်ရှိလုပ်နေတာက မဂ္ဂါဝပ် ၁၇၀၀ လောက် ရှိပါတယ်။ ရေအားလျှပ်စစ် ထုတ်လုပ်နိုင်မှုက မဂ္ဂါဝပ်လေးသောင်းလောက် ရှိပါတယ်။ ဘတ်ဂျက်အခက်အခဲ၊ နယ်မြေမငြိမ်းချမ်းမှု စသည်ဖြင့် ဒီလိုအခြေအနေတွေပေါ် မူတည်ပြီးတော့ မဆောင်ရွက်နိုင်သေးတာ ဖြစ်ပါတယ်။ ဒါတွေလည်း လုပ်ဖို့ရှိပါတယ်။ ကျောက်မီးသွေးကတော့ လက်ရှိမှာ တီကျစ်စက်ရုံကပဲ ထုတ်လုပ်ပါတယ်။ ပြည်သူတွေ ကျေနပ် နားလည်လာတဲ့ အချိန်မှာတော့ ကျောက်မီးသွေးကနေ လျှပ်စစ်ထုတ်မယ့် စက်ရုံတည်ဖို့ ကြိုးစားမှာပါ။ သူတို့ရဲ့ အယူအဆက တစ်မျိုးဖြစ်နေတယ်။ ထိခိုက်တယ် ဆိုပြီးတော့ပေါ့။ သူတို့ယုံကြည်အောင် သက်သေပြပြီး ဆောင်ရွက်နေရတဲ့ အနေအထား ရှိပါတယ်။ ရေရှည်မှာတော့ ကျောက်မီးသွေးလည်း သုံးရမှာပါ။ ဘာလို့လဲဆိုတော့ ကမ္ဘာမှာလည်း လုပ်နေပါတယ်။ လောလောဆယ်မှာတော့ ပြည်သူ့အစိုးရ ဖြစ်တဲ့အတွက် ကျောက်မီးသွေးကို လောလောဆယ် မဆောင်ရွက်သေးပါဘူး။ လက်ရှိဓာတ်အား လိုအပ်ချက်ကို ဘာနဲ့ ဖြည့်ဆည်းနေလဲဆိုတော့ Gas တွေက ၂၀၂၀-၂၀၂၁ မှာဆိုရင် လက်ရှိထုတ်လုပ်နေတဲ့ Gas တွေက ကျလာမှာ ဖြစ်တဲ့အတွက် LNG တင်သွင်းပြီးတော့ ဓာတ်အားထုတ်လုပ်ဖို့ ဆိုပြီးတော့ မဂ္ဂါဝပ် ၃၀၀၀ ဖြည့်ဆည်းဖုိ့ ကြိုးစားနေပါတယ်။ စီမံချက်တွေအတိုင်း လေအား၊ ရေအား၊ ပြည်လည်ပြည့်ဖြိုးမြဲစွမ်းအင် စသည်ဖြင့် ပေါင်းစပ်ပြီး ဆောင်ရွက်သွားမှာ ဖြစ်ပါတယ်” ဟု ပြောကြားသည်။

သတင်းထောက် တစ်ဦးကလည်း “လေတိုက်မိုးရွာပြီဆိုရင် မီးပျက်တဲ့အလေ့အထ ဖြစ်နေတယ်ပေါ့။ နွေရာသီ ရောက်လာတော့လည်း ဓာတ်အားသုံးစွဲမှု များလာတော့ မီးပျက်တာတွေ ရှိနေတော့ မီးမပျက်အောင် ဘယ်လိုစီမံထားပါသလဲ။ စက်မှုဇုန်တွေကိုရော မီးဘယ်လိုပေးဖို့ စီမံထားပါသလဲ။ မီးမရရှိသေးတဲ့ ကျေးလက်ဒေသတွေ၊ တိုင်းရင်းသားဒေသတွေကို ဘယ်အချိန်လောက်မှာ  မီးလင်းဖို့ ရှိမလဲ” မေးမြန်းမှုကို အမြဲတမ်း အတွင်းဝန်က “လေတိုက်မိုးရွာတိုင်း မီးပျက်တယ်ဆိုတာ မှန်ပါတယ်။ အခုဆိုရင် ကြိုတင်ပြီးတော့ သစ်ပင်သစ်ကိုင်း ခုတ်ထွင်ရှင်းလင်းတာမျိုး၊ အရင်တုန်းက လျှပ်စစ်ကြိုးတွေက Insulation မပါဘူး။ အဲဒီအတွက် ရန်ကုန်၊ မန္တလေးစတဲ့ မြို့တွေမှာ လဲလှယ်ခြင်း လုပ်ငန်းတွေ ဆောင်ရွက်နေပါတယ်။ အဲဒီလို လဲလှယ်ပြီးရင်တော့ လေတိုက်၊ မိုးရွာလို့ဖြစ်တဲ့ ဓာတ်အားပြတ်တောက်မှုတွေက အများကြီး သက်သာသွားမှာ ဖြစ်ပါတယ်။ ပြီးခဲ့တဲ့ မတ်လကုန်လောက်မှာ လေတိုက်လို့ မီးတိုင်ပေါင်း ၃၀ လောက် လဲပါတယ်။ ပြန်လည် ပြုပြင်ခြင်းတွေ ဆောင်ရွက်လို့ နှစ်ရက်အတွင်းမှာ ပြီးစီးခဲ့ပါတယ်။ လျှပ်စစ်နဲ့ ပတ်သက်တာတွေကို ကြိုတင်စီမံ ဆောင်ရွက်နေပါတယ်။ နောက်ပိုင်းဆိုရင် မီးမပျက်အောင် ကြိုးစားဆောင်ရွက်လျက် ရှိပါတယ်။ ၂၀၂၁-၂၀၂၂ မှာ မဂ္ဂါဝပ် ၃၀၀၀ ရဖို့အတွက် ကျွန်တော်တို့ရဲ့ တာဝန်ပါ။ ဒါကို ရဖို့အတွက် ဆောင်ရွက်နေပါတယ်။ အချို့နေရာတွေမှာ သုံးစွဲမှုနဲ့ ထုတ်ပေးနိုင်မှု မမျှတာတွေ ရှိနေပါတယ်။ တစ်နှစ်၊ နှစ်နှစ် အတွင်းမှာ ရအောင် ကြိုးစားနေပါတယ်။ အရင်က Supply က Demand နောက်ကို လိုက်နေရပါတယ်။ နောက်ပိုင်းဆိုရင်တော့ ကျွန်တော်တို့က လိုအပ်တဲ့ဟာကို ဖြည့်စွမ်းနိုင်မှာပါ။ ၀န်ကြီးဌာနရဲ့ မူက မည်သူမဆို ထရန်စဖော်မာ လျှောက်ရင် ခွင့်ပြုပေးနေပါတယ်။ အခုကတော့ ရသလောက် မောင်းနှင်ထုတ်လုပ်ပေးလျက် ရှိပါတယ်” ဟု ပြန်လည်ဖြေကြားသည်။

ထို့ပြင် လျှပ်စစ်မီးမရသေးသည့် ကျေးလက်ဒေသများ လျှပ်စစ်မီးရရှိရန်အတွက် ကမ္ဘာ့ဘဏ် အကူအညီဖြင့် ကျေးရွာပေါင်း ခြောက်သောင်းကျော် ရှိသည့်အနက် ကျေးရွာပေါင်း ၃၀၀၀၀ ခန့် မီးရအောင် ဆောင်ရွက်နိုင်ခဲ့ကြောင်း၊ ရာခိုင်နှုန်း ၄၀ လောက်သာ လျှပ်စစ်မီးရရှိပြီး ကျေးရွာ ရာခိုင်နှုန်း ၆၀ ခန့် မီးမရသေးကြောင်း၊ အဆိုပါကျေးရွာများ လျှပ်စစ်မီး ရရှိရန်အတွက် ဆောင်ရွက်နေကြောင်း၊ ကမ္ဘာ့ဘဏ် အကူအညီနှင့် ရွာပေါင်းငါးထောင်ကျော်ကို မီးပေးနိုင်ရန် ပစ္စည်းများ ရောက်နေပြီဖြစ်ကြောင်း၊ ထို့ကြောင့် ယခုတစ်နှစ်၊ နှစ်နှစ်အတွင်း ရွာပေါင်း ၅၀၈၀ လည်း မီးလင်းမည်ဖြစ်ကြောင်း၊၂၀၃၀ ပြည့်နှစ်မှာ တစ်နိုင်ငံလုံး မီးရရှိရေး ဦးတည်ဆောင်ရွက် လျက်ရှိကြောင်း၊ နိုင်ငံတော် ဘတ်ဂျက်ဖြင့် ရွာများအကုန်လုံးကို မီးရအောင် လုပ်ပေးရန် အခက်အခဲရှိကြောင်း၊ ထို့အတွက် နိုင်ငံတကာ ချေးငွေအကူအညီ၊ ကမ္ဘာ့ဘဏ်၊ JICA၊ အေဒီဘီ အစရှိသည်တို့မှ ချေးငွေများဖြင့် တစ်နိုင်ငံလုံး မီးရရှိအောင် ဆောင်ရွက်လျက် ရှိကြောင်း အမြဲတမ်း အတွင်းဝန်က ပြောကြားသည်။

“လျှပ်စစ်အနေနဲ့တော့ ပုဂ္ဂလိကနဲ့ ပူးပေါင်းဆောင်ရွက်တာတွေ ရှိပါတယ်။ စီမံကိန်းတွေမှာဆိုရင် ပုဂ္ဂလိကနဲ့ ပူးပေါင်းပြီး လုပ်ဖို့လည်း တာစူနေပါတယ်။ ကျွန်တော်တို့ လုပ်ရတာမှာ အခက်အခဲတွေ ရှိပါတယ်။ အဲဒီအတွက် ပုဂ္ဂလိကနဲ့ ဘယ်လိုပုံစံနဲ့သွားမလဲ ဆိုတာကို အတိအကျ မဆွေးနွေး မဆုံးဖြတ်ရသေးပါဘူး။ သူတို့ရဲ့ Proposal ကို ကြည့်ပြီးတော့ ဆောင်ရွက်သွားမှာ ဖြစ်ပါတယ်” ဟု အမြဲတမ်းအတွင်းဝန် ဦးတင်မောင်ဦးက ပြောကြားသည်။

 

မကွေးမြို့နှင့် ရေနံချောင်းမြို့တို့တွင် လျှပ်စစ်မီး ခုနစ်ရက်ဆက် ပြတ်တောက်မှုသည် နှစ် ၁၀၀ တွင်မှ တစ်ကြိမ်သာဖြစ်သည့် အဖြစ်မျိုးဖြစ်ခဲ့ပြီး နောက်နောင်တွင် ထိုသို့မဖြစ်ရန် ကာကွယ်သွားမည်ဟုဆို

မကွေး ပင်မဓာတ်အားခွဲရုံအတွင်း ပျက်စီးသွားသည့် ထရန်စဖော်မာများအား အစားထိုး လဲလှယ်ထားသည်ကို မေ ၇ ရက်က တွေ့ရစဉ်

မကွေးတိုင်းဒေသကြီး မကွေးမြို့မကြီး ကန်ကျေးရွာအနီးရှိ ပင်မလျှပ်စစ်ဓာတ်အားခွဲရုံ အတွင်းရှိ Phase ထရန်စဖော်မာနှစ်လုံး ပျက်စီးခဲ့ခြင်းကြောင့် မကွေးမြို့နှင့် ရေနံချောင်းမြို့တို့တွင် လျှပ်စစ်မီး ခုနစ်ရက်ဆက် ပြတ်တောက်မှုသည် နှစ် ၁၀၀ တွင်မှ တစ်ကြိမ်သာဖြစ်သည့် အဖြစ်မျိုးဖြစ်ခဲ့ပြီး နောက်နောင်တွင် ထိုသို့မဖြစ်ရန် ကာကွယ်မှုများ ဆောင်ရွက်သွားမည်ဟု တိုင်းဒေသကြီး အစိုးရအဖွဲ့ သဘာဝသယံဇာတ၊ လျှပ်စစ်နှင့် စွမ်းအင်ဝန်ကြီး ဦးမြင့်ဇော်က Eleven Media Group သို့ ပြောကြားသည်။

မကွေးမြို့ ပင်မလျှပ်စစ်ဓာတ်အားခွဲရုံ အတွင်းရှိ ထရန်စဖော်မာပေါ်သို့ ဧပြီ ၃၀ ရက် နံနက် ၆ နာရီကျော်က ရှဥ့်တက်ရာမှ Ground ကျပြီး ထရန်စဖော်မာနှစ်လုံး ပျက်စီးခဲ့ရကြောင်း ယင်းလျှပ်စစ်ခွဲရုံမှ ခွဲရုံမှူး ဦးဇော်ဖိုးလှိုင်က Eleven Media Group သို့ ပြောကြားသည်။

ထရန်စဖော်မာများ ပျက်စီးခဲ့မှုကြောင့် မကွေးမြို့ လျှပ်စစ်ဓာတ်အားခွဲရုံမှ လျှပ်စစ်ပမာဏ ၇၅ ရာခိုင်နှုန်းခန့် ပြတ်တောက်လျက်ရှိကြောင်း၊ ထို့ကြောင့် ကျန်ရှိလျှပ်စစ်လိုင်း တစ်လိုင်းဖြင့် မကွေးမြို့ပေါ် ရပ်ကွက်များနှင့် ရေနံချောင်းမြို့အတွက် အုပ်စုလေးစုခွဲ၍ တစ်နေ့လျှင် ၆ နာရီ (သုံးနာရီ နှစ်ကြိမ်ခွဲကာ) အလှည့်ကျ လျှပ်စစ်မီး ပေးဝေလျက်ရှိကြောင်း လျှပ်စစ်မီး စတင်ပြတ်တောက်ခဲ့သည့် ဧပြီ ၃၀ ရက် ညနေပိုင်းမှစ၍ မကွေးမြို့ပေါ် ရပ်ကွက်အချို့တွင် ရေအခက်အခဲများ ကြုံတွေ့လာရပြီး ဆေးရုံ၊ စာသင်တိုက်၊ စာသင်ကျောင်း စသည့်နေရာများအတွက် လူမှုရေး ပရဟိတအဖွဲ့များ၊ ဌာနဆိုင်ရာများက ရေလှူဒါန်းပေးနေရကြောင်း သိရသည်။

“ဒီနေ့ (မေ ၇ ရက်နေ့) ညနေ စက်စမ်းအဖွဲ့၊ မီးလွှတ်မယ့်အဖွဲ့ နေပြည်တော်ကနေ ရောက်မယ်။ ပြီးတော့ သူတို့ညမှာ စစ်ဆေးမယ်။ စစ်ဆေးပြီးတော့ အဲဒီထရန်စဖော်မာတွေထဲကို မီးထည့်ကြည့်မယ်။ အဲလိုမီးထည့်တာ ခြောက်နာရီအထိ ထည့်လို့မှ ထရန်စဖော်မာတွေထဲမှာ ဘာမှအပြစ် အနာအဆာတွေ မရှိတော့ဘူး။ အိုကေပြီဆိုရင် ဒါလွှတ်တော့မှာပဲ” ဟု လျှပ်စစ်ဝန်ကြီး ဦးမြင့်ဇော်က ပြောကြားသည်။

ရာသီဥတု ပူပြင်းလွန်းချိန်တွင် လျှပ်စစ်မီး ရက်ရှည်ပြတ်တောက်၍ ရေအခက်အခဲများ ကြုံတွေ့နေရခြင်းနှင့် ပတ်သက်၍ မကွေးမြို့ပေါ်ရှိ ပြည်သူအချို့က အစိုးရအဖွဲ့ကို ဝေဖန်မှုများ ရှိနေကြောင်း သိရသည်။

ယင်းအခြေအနေများနှင့် ပတ်သက်၍ ဦးမြင့်ဇော်က “ကျွန်တော်တို့ တိုင်းအစိုးရကလည်း မီးကို မပြတ်စေချင်ပါဘူး။ ၀န်ထမ်းတွေကလည်း ဒီလောက်မပြတ်စေချင်ဘူး။ ဒါပေမဲ့ အနှစ် ၁၀၀ လောက်မှ ဖြစ်တတ်တဲ့ အဖြစ်အပျက် ဖြစ်သွားတာကို။ အဲဒီအဖြစ်အပျက်မျိုး ပြီးခဲ့တဲ့ နှစ်,နှစ်က မင်းဘူးမှာ ဖြစ်သွားတယ်။ မြွေတက်လို့ အဲဒီလိုပဲ ထရန်စဖောမာတစ်လုံး လဲလိုက်ရတယ်။ အဲဒီအဖြစ်မျိုးကို မဖြစ်အောင် ဆိုပြီးတော့ ကျွန်တော်တို့က ပြည်ထောင်စုရော၊ ကျွန်တော်တို့ရော ၀န်ကြီးဌာန တစ်ခုလုံးက ကာကွယ်ပါဆိုပြီးတော့ သွပ်ပြားတွေနဲ့ မြွေတို့၊ ရှဥ့်တို့ မတက်နိုင်အောင်  ကာကွယ်ထားပါတယ်။ ဒါပေမဲ့ ဒီတစ်ခါက အောက်ကနေ တက်တာမဟုတ်ဘူး။ အပေါ်ကနေ ပြုတ်ကျတာဆိုတော့ ဖြစ်ခဲတဲ့ အဖြစ် ဖြစ်ပျက်သွားတာပါ။ အစိုးရအဖွဲ့တင် မကဘူး မကွေးမှာရှိတဲ့ အောင်မြေပရဟိတ အဖွဲ့တွေကရော အမြန်ဆုံး မီးလင်းနိုင်ရေး၊ ဖြစ်နိုင်ရင် ရေမပြတ်ရေးအတွက်ကို အချိန်နဲ့ တစ်ပြေးညီ ကြိုးစားနေကြပါတယ်။ နောက်ကိုလည်း သင်ခန်းစာယူပြီး အပေါ်ကနေ မကျအောင် ဘယ်လိုကာကွယ်မလဲဆိုတာ ပြင်ဆင်ရမှာပါ” ဟု ပြောကြားသည်။

လျှပ်စစ်မီး ရက်ရှည်ပြတ်တောက်နေမှုကြောင့် မကွေးမြို့ပေါ်ရှိ စက်ပစ္စည်းဆိုင်များတွင် မီးစက်များ အ၀ယ်လိုက်နေကြောင်း၊ မကွေးမြို့နေ ပြည်သူအချို့သည် ရေချိုးရန်အတွက် မီးလာသည့် အပိုင်းအလိုက် ဆွေမျိုးနီးစပ်နှင့် မိတ်ဆွေများအိမ်သို့ သွားရောက်ရခြင်း၊ ဧရာဝတီမြစ်သို့ဆင်း၍ ရေချိုးရခြင်းများ ရှိလာကြောင်း၊ လျှပ်စစ်ခွဲရုံအတွင်း လုပ်ငန်းလုပ်ကိုင် နေသူများအတွက် မကွေးမြို့ပေါ်မှ စာသင်တိုက်များ၊ လူမှုရေး ပရဟိတအဖွဲ့များက  စားသောက်ဖွယ်ရာများ ကူညီလှူဒါန်း ပေးလျက်ရှိကြောင်း သိရသည်။

အမျိုးသား လျှပ်စစ်ဓာတ်အားရရှိရေး စီမံကိန်းနှင့် ပတ်သက်၍ တင်ဒါခေါ်ယူရေးဆိုင်ရာ ကိစ္စရပ်များ အပါအ၀င် Quality Insurance အတွက် တာဝန်ယူတာဝန်ခံကြောင်း ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန ညွှန်ကြားရေးမှူးချုပ် ပြောကြား

အမျိုးသား လျှပ်စစ်ဓာတ်အားရရှိရေး စီမံကိန်း (မဟာဓာတ်အားလိုင်းပြင်ပ) နှင့် ပတ်သက်၍ တင်ဒါခေါ်ယူရေးဆိုင်ရာ ကိစ္စရပ်များ အပါအ၀င် Quality Insurance အတွက် တာဝန်ယူ တာဝန်ခံကြောင်း ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန ညွှန်ကြားရေးမှူးချုပ် ဦးခန့်ဇော်က မေ ၄ ရက်က ပြုလုပ်သည့် သတင်းစာရှင်းလင်းပွဲတွင် ပြောကြားသည်။

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနနှင့် ကမ္ဘာ့ဘဏ်တို့ ပူးပေါင်း၍ အမျိုးသား လျှပ်စစ်ဓာတ်အားရရှိရေး စီမံကိန်း (National Electrification Project-Off Grid) ၏ Supply, Installation Maintenance of Solar PV Systems for Households and Public Facilities နှင့်ပတ်သက်၍ သတင်းစာ ရှင်းလင်းပွဲကို မေ ၄ ရက်က ပြုလုပ်ရာ စီမံကိန်းနှင့် ပတ်သက်၍ ညွှန်ကြားရေးမှူးချုပ်က အထက်ပါအတိုင်း ပြောကြားခဲ့ခြင်း ဖြစ်သည်။

“ဒီစီမံကိန်းနဲ့ ပတ်သက်ပြီးတော့ တင်ဒါခေါ်ယူရေးဆိုင်ရာ ကိစ္စရပ်တွေကို Quality Insurance နဲ့ ပတ်သက်တဲ့ ကိစ္စရပ်တွေ၊ တင်ဒါစည်းမျဉ်း စည်းကမ်းပိုင်းဆိုင်ရာ ကိစ္စရပ်တွေကို ဦးစီးဌာနကိုယ်စား စီမံကိန်းကြီးကိုယ်စား ကျွန်တော်တာဝန်ယူပါတယ်။ တာဝန်ခံကြောင်းလည်း အသိပေးချင်ပါတယ်” ဟု ညွှန်ကြားရေးမှူးချုပ် ဦးခန့်ဇော်က ပြောကြားသည်။

ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနက ၂၀၁၈-၂၀၁၉ ဘဏ္ဍာနှစ်အတွက် ဆိုလာများ ချပေးရာတွင် ဂျာမနီ (သို့မဟုတ်) ဂျပန်ပစ္စည်းများ ဖြစ်ကြောင်း၊ အရည်အသွေး ကောင်းကြောင်းကို ကျေးလက်ဦးစီးမှူးက ရှင်းပြခဲ့သော်လည်း မေ ၂ ရက်က မြို့နယ်ကျေးလက်ရုံးသို့ ပစ္စည်းများ ရောက်ရှိချိန်တွင် ဈေးကွက်မရှိသော တရုတ်ပစ္စည်းများ ဖြစ်နေသည်ကို တွေ့ရှိရကြောင်း၊ ထို့ပြင် ဌာနမှ သတ်မှတ်သောဈေးနှင့် အပြင်ပေါက်ဈေးမှာလည်း အရမ်းကွာဟနေသည်ကို တွေ့ရှိနေရကြောင်းနှင့် သက်ဆိုင်ရာ ၀န်ကြီးဌာနနှင့် အောက်ခြေဌာနများက အစိုးရသစ်၏ ဂုဏ်သိက္ခာကို စော်ကားနေသည်ဟုများ မသိရော့လေသလားဟု ဧရာဝတီတိုင်းဒေသကြီး ညောင်တုန်းမြို့နယ် မဲဆန္ဒနယ် (၁) မှ တိုင်းဒေသကြီး လွှတ်တော်ကိုယ်စားလှယ် ဒေါ်နီနီမိုးက ၎င်း၏ လူမှုကွန်ရက် စာမျက်နှာတွင် မေ ၃ ရက်က ရေးသားခဲ့သည်။

ထိုသို့ ရေးသားထားမှုနှင့် ပတ်သက်၍ အမျိုးသား လျှပ်စစ်ဓာတ်အားရရှိရေး စီမံကိန်း (မဟာဓာတ်အားလိုင်းပြင်ပ) သည် ကမ္ဘာ့ဘဏ်ချေးငွေ ဒေါ်လာ သန်း ၉၀ နှင့် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန၏ နှစ်အလိုက် လျာထားဘတ်ဂျက်၊ ပြည်သူထည့်ဝင်ငွေတို့ဖြင့် ဆောင်ရွက်လျက်ရှိသော ကျေးလက်မီးလင်းရေးလုပ်ငန်း တစ်ခုဖြစ်ပြီး အဆိုပါ စီမံကိန်းမှ တပ်ဆင်ပေးမည့် တစ်အိမ်သုံး ဆိုလာစနစ်အတွက် တင်ဒါခေါ်ယူခြင်းတွင် ပြည်တွင်းပြည်ပ ကုမ္ပဏီများက ၀င်ရောက် ယှဉ်ပြိုင်နိုင်သော International Competitive စနစ် ကျင့်သုံးခဲ့ကြောင်း၊ ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနက စီမံကိန်း အကောင်အထည်ဖော်ရန် အတွက် တရားဝင် တည်ထောင်ထားသည့် National Electrification Project လူမူကွန်ရက်မှတစ်ဆင့် ဒေါ်နီနီမိုးအား လိပ်မူ၍ မေ ၃ ရက်က ရှင်းလင်းပြောကြားခဲ့သည်။

ထို့ပြင် အဆိုပြုလွှာ တင်သွင်းသည့် ကုမ္ပဏီများက ဆိုလာပစ္စည်းများအား ကမ္ဘာ့ဘဏ်အဖွဲ့နှင့် အမျိုးသား လျှပ်စစ်ဓာတ်အားရရှိရေး စီမံကိန်းအဖွဲ့မှ International Consultant များဦးစီးပြီး အရည်အသွေး စိစစ်အကဲဖြတ်မှုများ ပြုလုပ်ခဲ့ပြီး စစ်ဆေးအကဲဖြတ်ရာတွှင်လည်း ဆိုလာစနစ်များ အတွက် စံချိန်စံညွှန်း သတ်မှတ်ချက်များဖြစ်သည့် IEC/ISO စံချိန်စံညွှန်းများနှင့် ကိုက်ညီပြီး ဈေးနှုန်းအနည်းဆုံး တင်သွင်းနိုင်သည့် ကုမ္ပဏီကိုသာ ရွေးချယ်ခြင်းဖြစ်ကြောင်းနှင့် အဆိုပြုလွှာ တင်သွင်းသော ကုမ္ပဏီများအနေဖြင့် စီမံကိန်းမှ သတ်မှတ်ထားသော လုပ်ငန်းဆိုင်ရာ အတွေ့အကြုံများနှင့် ခိုင်မာမှုရှိသော ကုမ္ပဏီများဖြစ်ကြောင်း အထောက်အထားများဖြင့် တင်ပြစေခဲ့ပြီး အထောက်အထားများ မှန်ကန်ကြောင်း စိစစ်အကဲဖြတ်ပြီးမှသာ ရွေးချယ်ခဲ့ခြင်း ဖြစ်ကြောင်း ရှင်းလင်းချက်တွင် ပါရှိသည်။

ဆက်လက်ပြီး တစ်အိမ်သုံး ဆိုလာများအတွက် ဈေးနှုန်းအနည်းဆုံး တင်သွင်းသည့် ကုမ္ပဏီသည် တရုတ်ကုမ္ပဏီ ဖြစ်သော်လည်း သတ်မှတ်ထားသည့် Standard and Specification များနှင့် ကိုက်ညီသည့် ပစ္စည်းများကို တင်သွင်းလာခြင်းကြောင့် ရွေးချယ်ခံခဲ့ရခြင်းဖြစ်ပြီး တစ်အိမ်သုံး ဆိုလာစနစ်များနှင့် ဆက်စပ်ပစ္စည်းများသည် ဈေးကွက်တွင်မရှိဘဲ ကွက်ပျောက်ဖြစ်နေသော ပစ္စည်းများ မဟုတ်ဘဲ အာမခံသက်တမ်းအဖြစ် ဘက်ထရီသည် သုံးနှစ်သက်တမ်း၊ Solar Panel မှာ ၁၀ နှစ်သက်တမ်းရှိသော အရည်အသွေး အာမခံချက်ရှိသော ပစ္စည်းများလည်း ဖြစ်သည်ဟု ထပ်မံရှင်းလင်းသည်။

အဆိုပါကိစ္စနှင့်ပတ်သက်ပြီး ညောင်တုန်းမြို့နယ် မဲဆန္ဒနယ် (၁) မှ တိုင်းဒေသကြီး လွှတ်တော်ကိုယ်စားလှယ် ဒေါ်နီနီမိုးက ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန၊ အမျိုးသား လျှပ်စစ်ဓာတ်အားရရှိရေး စီမံကိန်း မန်နေဂျာ ဒေါက်တာဒေါ်စိုးစိုးအုန်းကို လိပ်မူ၍ NEP စနစ်ဖြင့် ဆိုလာများ စီမံဆောင်ရွက်သည့်အခါ ပြည်သူက ရာခိုင်နှုန်း ၂၀ သာ ထည့်ဝင်ရမည်ဆိုသည့် သတ်မှတ်ချက်ရှိသည်ကို သိရှိထားပြီး ပြည်သူများဆီက ကျပ်တစ်သိန်းခွဲ (၁၅၀၀၀၀) ကောက်ခံမည် ဆိုပါက ဆိုလာဈေးသည် ခုနစ်သိန်းခွဲတန်ကြေး မြင့်တက်သွားကြောင်းနှင့် အဆိုပါဈေးနှင့် ပစ္စည်းသည် မဲဆန္ဒနယ်မြေအတွင်းမှ လူထုကနှစ်သက်ပြီး တတ်နိုင်သည့်ဈေးနှုန်း မဟုတ်ပါကြောင်း လူမှုကွန်ရက် စာမျက်နှာမှတစ်ဆင့် မေ ၄ ရက်က ထပ်မံပြောကြားသည်။

အမျိုးသား လျှပ်စစ်ဓာတ်အားရရှိရေး စီမံကိန်း (NEP) ၏ တစ်အိမ်သုံး ဆိုလာစနစ် လုပ်ငန်းများ အကောင်အထည်ဖော် ဆောင်ရွက်ရာတွင် ပြည်သူအချိုးကျ ထည့်ဝင်ငွေ၊ ကမ္ဘာ့ဘဏ်ချေးငွေ၊ နိုင်ငံတော်ဘတ်ဂျက် ပူးပေါင်း၍ ဆောင်ရွက်ခဲ့ရာ ပြည်သူထည့်ဝင်ငွေအဖြစ် 60W ဆိုလာစနစ် အတွက် ကျပ် ၅၀,၀၀၀၊ 100W ဆိုလာစနစ်အတွက် ကျပ် ၁၅၀,၀၀၀ သက်မှတ်ထားပြီး ပြည်သူထည့်ဝင်ငွေ 60W စနစ်ကို အခြေခံ၍ စနစ်တန်ဖိုး၏ စီမံကိန်းထောက်ပံ့ ထည့်ဝင်မှုသည် ၆၀ ၀ပ်နှင့် ၁၀၀ ၀ပ် နှစ်မျိုးစလုံးကို ခန့်မှန်းခြေတန်ဖိုး တွက်ချက်ပြီး ၂၀၀၀၀၀ နှုန်းခန့်ဖြင့် တစ်ပြေးညီ ထောက်ပံ့ပေးခြင်း ဖြစ်ကြောင်းနှင့် ဆင်းရဲချမ်းသာမရွေး တန်းတူညီမျှ အခွင့်အရေး ရရှိနိုင်ရန် စနစ်အကြီးကို ၀ယ်ယူလိုသော အသုံးပြုသူများ အနေဖြင့် ပြည်သူထည့်ဝင်ငွေ ပိုမိုထည့်ဝင်ရမည် ဖြစ်ကြောင်း ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနက National Electrification Project လူမူကွန်ရက်မှတစ်ဆင့် ဒေါ်နီနီမိုးသို့ လိပ်မူ၍ အိတ်ဖွင့်ပေးစာအဖြစ် မေ ၄ ရက်က ပြန်လည် ရှင်းလင်းခဲ့ကြောင်း သိရသည်။

“လွှတ်တော်ကိုယ်စားလှယ်က အချက်အလက် သေချာမသိဘဲနဲ့ လုပ်လိုက်တယ်လို့ ထင်ပါတယ်။ ဒါမှမဟုတ်လည်း ဘေးကနေ ကြားစကား တစ်ခုတည်းနဲ့ ဌာနကို မစုံစမ်းဘဲနဲ့ လုပ်လိုက်တယ်လို့ ထင်တယ်။ အဲဒီလို ရေးလိုက်တဲ့ အချိန်မှာ တကယ်လုပ်နေတာနဲ့ ကွဲလွဲနေတာရှိတော့ ပြန်ဖြေရှင်းတာပါ။ ကျွန်တော်တို့ လှမ်းမေးကြည့်ပြီးပြီ။ အဲဒီလို မပြောဘူး။ နားလည်မှု လွဲတယ်လို့ ထင်သွားတာပေါ့။ ကျွန်တော်တို့ ပစ္စည်းက နိုင်ငံတကာသုံးတဲ့ အရည်အသွေးအတိုင်း ဖြစ်ရမယ်လို့ ပြောတာ။ အဲဒီအချိန်မှာ သူကနမူနာပစ္စည်း ယူသွားပြီး ပြတယ်။ ဒီလိုပစ္စည်းမျိုး ဒီလိုပစ္စည်းမျိုးတွေ ရမှာလို့ ပြောခဲ့တယ်။ ဒါကို ရွာသားတွေက နားလည်မှုလွဲပြီး ဒါမှမဟုတ် လွှတ်တော်ကိုယ်စားလှယ်က နားလည်မှု လွဲပြီးတော့ ဘယ်သူလွဲလဲတော့ မသိဘူးပေါ့။ နားလည်မှုလွဲပြီးတော့ ဂျာမနီထုတ်၊ ဂျပန်ထုတ်လို့ ထင်တာ။ တကယ်တမ်း တရုတ်ပစ္စည်း ဆိုပေမယ့် ဂျပန်ကတောင် တရုတ်ပစ္စည်းမှာပြီး သုံးနေရတာ ခုခေတ်မှာ” ဟု ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ ဒုတိယညွှန်ကြားရေးမှူး ဦးမျိုးမျိုးက ပြောကြားသည်။

အမျိုးသား လျှပ်စစ်ဓာတ်အားရရှိရေး စီမံကိန်း (မဟာဓာတ်အားလိုင်းပြင်ပ) အနေဖြင့် ယခင်နှစ်က ပြည်နယ်နှင့်တိုင်း ခုနစ်ခုရှိ ကျေးရွာပေါင်း ၂၇၀၀ ကျော်ကို ဆိုလာတစ်သိန်းခွဲနီးပါး ချထားခဲ့ပြီး ယခုနှစ်တွင် ပြည်နယ်နှင့် တိုင်း ၁၂ ခုရှိ ကျေးရွာ ၁၆၀၀ ကျော်တွင် ဆိုလာကိုးသောင်းနီးပါး ချပေးထားကြောင်း ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ သိရသည်။

အဆိုပါ ကိစ္စနှင့်ပတ်သက်၍ ဧရာဝတီတိုင်းဒေသကြီး ညောင်တုန်းမြို့နယ် မဲဆန္ဒနယ် (၁) မှ တိုင်းဒေသကြီး လွှတ်တော်ကိုယ်စားလှယ် ဒေါ်နီနီမိုးထံသို့ ဖုန်းဖြင့်ဆက်သွယ် မေးမြန်းသော်လည်း အဆက်အသွယ် မရရှိချေ။

 

ရှဥ့်တက်ရာမှ ထရန်စဖော်မာပျက်ပြီး မကွေးမြို့နှင့် ရေနံချောင်းမြို့တို့တွင် လျှပ်စစ်မီး ငါးရက်ဆက်ပြတ်တောက်ကာ ပြည်သူများ ရေအခက်တွေ့

မကွေးမြို့ လျှပ်စစ်ဓာတ်အားခွဲရုံအတွင်း လုပ်ငန်းဆောင်ရွက်နေကြစဉ် (ပုံကြီး) နှင့် ထရန်စဖော်မာပေါ် တက်ခဲ့သည့် ရှဥ့်ကို တွေ့ရစဉ် (ပုံသေး)

မကွေးတိုင်းဒေသကြီး မကွေးမြို့၊ မကြီးကန်ကျေးရွာအနီးရှိ ပင်မလျှပ်စစ်ဓာတ်အား ခွဲရုံအတွင်းရှိ ထရန်စဖော်မာပေါ်သို့ ဧပြီ ၃၀ ရက် နံနက် ၆ နာရီကျော်က ရှဥ့်တက်ရာမှ Phase ထရန်စဖော်မာနှစ်လုံး ပျက်စီးပြီး မကွေးမြို့နှင့် ရေနံချောင်းမြို့တို့တွင် လျှပ်စစ်မီး ငါးရက်ဆက် ပြတ်တောက်ကာ ပြည်သူများ ရေအခက်အခဲ ကြုံတွေ့နေရကြောင်း သိရသည်။

ပျက်စီးခဲ့သည့် ထရန်စဖော်မာများ နေရာတွင် အစားထုိုးရန် စစ်ကိုင်းတိုင်းဒေသကြီး ညောင်ပင်ကြီး လျှပ်စစ်ဓာတ်အားခွဲရုံမှ သယ်ဆောင်လာသည့် ထရန်စဖော်မာနှင့် ဆက်စပ်ပစ္စည်းများ မကွေးမြို့သို့ မေ ၄ ရက် နံနက်က ရောက်ရှိခဲ့ကြောင်း၊ သို့သော် မူလထရန်စဖော်မာများ ဖယ်ရှားရန်နှင့် အစားထိုးမည့် ထရန်စဖော်မာများ တပ်ဆင်ပြီး ဆီထည့်စမ်းသပ်ရန် မေ ၄ ရက်မှ နောက်ထပ် အနည်းဆုံး သုံးရက်ကျော် ကြာမြင့်ဦးမည်ဖြစ်ကြောင်း မကွေးမြို့ လျှပ်စစ်ခွဲရုံမှူး ဦးဇော်ဖိုးလှိုင်က The Daily Eleven သတင်းစာသို့ ပြောကြားသည်။

ယင်းသို့ ထရန်စဖော်မာများ ပျက်စီးခဲ့မှုကြောင့် မကွေးမြို့ လျှပ်စစ်ဓာတ်အားခွဲရုံမှ လျှပ်စစ်ပမာဏ ၇၅ ရာခိုင်နှုန်းခန့် ပြတ်တောက်လျက်ရှိကြောင်း၊ ထို့ကြောင့် ကျန်ရှိလျှပ်စစ်လိုင်း တစ်လိုင်းဖြင့် မကွေးမြို့ပေါ် ရပ်ကွက်များနှင့် ရေနံချောင်းမြို့အတွက် အုပ်စုလေးစုခွဲ၍ တစ်နေ့လျှင် ခြောက်နာရီ အလှည့်ကျ လျှပ်စစ်မီး ပေးဝေလျက်ရှိကြောင်း၊ လျှပ်စစ်မီး စတင်ပြတ်တောက်ခဲ့သည့် ဧပြီ ၃၀ ရက် ညနေပိုင်းမှစ၍ မကွေးမြို့ပေါ်ရပ်ကွက် အချို့တွင် ရေအခက်အခဲများ ကြုံတွေ့လာရပြီး ဆေးရုံ၊ စာသင်တိုက်၊ စာသင်ကျောင်း စသည့်အနေရာများအတွက် လူမှုရေး ပရဟိတအဖွဲ့များ၊ ဌာနဆိုင်ရာများက ရေလှူဒါန်း ပေးနေရကြောင်း သိရသည်။

“ကျွန်တော်တို့ တတ်နိုင်သမျှ နေ့နေ့ညည ကြိုးစားနေပါတယ်။ အဲဒီကနေမှ ၀န်အားအပြည့် မပေးနိုင်တောင်မှ အလင်းရောင်လေး ရရှိရေး၊ အဓိက ရေရရှိရေးအတွက် အလှည့်ကျမီးအားပေး စနစ်နဲ့ နိုင်တဲ့ဝန်ကို မျှပြီးပေးနေရပါတယ်” ဟု မကွေးမြို့ လျှပ်စစ်ဓာတ်အားခွဲရုံမှ ခွဲရုံမှူး ဦးဇော်ဖိုးလှိုင်က ပြောကြားသည်။

“ရာသီဥတုက ပူပြင်းလွန်းတဲ့ အချိန်မှာ မီးကရက်ဆက် ပြတ်သွားတော့ လူတွေမှာ နေစရာမရှိပါဘူး။ အဓိကတော့ ရေအခက်အခဲတွေ ဖြစ်ပါတယ်။ ကမ်းနားက မြစ်ရေသယ်ရောင်းသူတွေဆီမှာပေမယ့် သူတို့ကလည်း အလျဉ်မီအောင် မပေးနိုင်ပါဘူး။ လျှပ်စစ်မီးက ရနိုင်သမျှ အလှည့်ကျ ပေးထားတော့ မီးလာတဲ့ အချိန်လေးမှာ ရေအတွက် အဓိက စီစဉ်ရပါတယ်။ ဒါပေမဲ့ အဲဒီလာတဲ့အချိန်လေးမှာပဲ လူတွေက စုသုံးရတော့ အချိန်ပြည့်လည်း သုံးမရကြပါဘူး။ လျှပ်စစ်မီး ပြန်လည်ရရှိရေးအတွက် ဆောင်ရွက်ပေးနေသူတွေကိုလည်း ကိုယ်ချင်းစာပါတယ်” ဟု မကွေးမြို့ စိုးကောမင်းရပ်မှ ပြည်သူတစ်ဦးက ပြောကြားသည်။

မကွေးမြို့ ရွာသစ်ရပ်ကွက်မှ ဦးကျော်စွာက “အပြစ်လည်း မပြောချင်ပါဘူး။ ဒါတွေက စက်ပစ္စည်းရဲ့ သဘောတရားအရတော့ ဖြစ်မှာပါပဲ။ အခန့်မသင့်လို့ တိရစ္ဆာန်တွေကြောင့် ဖြစ်သွားတယ် ဆိုတာကတော့ သူတို့အမြဲတမ်း ပြောနေတာပေါ့။ မြွေဝင်တယ်၊ ကြွက်ဝင်တယ်၊ အခုတစ်ခါလည်း ရှဥ့်ဝင်တယ်။ အဲဒီလိုဟာမျိုးကို မဖြစ်အောင် ကျွန်တော်တို့က ဘယ်လိုကာကွယ် တားဆီးနိုင်မလဲ။ ကျွန်တော်က ပြည်သူတစ်ယောက်အနေနဲ့ နားမလည်ဘူး။ ဒါပေမဲ့ ဒါမျိုးတွေကို ကာကွယ်တားဆီးနိုင်မယ် ဆိုရင်တော့ ဒီလိုပြဿနာ မဖြစ်ပါဘူး” ဟု ပြောကြားသည်။

“လျှပ်စစ်မီး လေးငါးရက် ပြတ်သွားတယ် ဆိုတာက ကျွန်တော်တို့ မြို့ပေါ်နေ ပြည်သူတွေအနေနဲ့ မီးမရှိတာ၊ အလင်းရောင် မရှိတာက နေလို့ရပါတယ်။ သောက်သုံးရေ မရှိရင်တော့ နေလို့မရပါဘူး။  သုံးရေအတွက် အခုလို အတိုင်းအတာ တစ်ခုအနေနဲ့ သုံးနာရီခြားတစ်ခါ၊ ခြောက်နာရီခြားတစ်ခါ ပေးနေတာတော့ အဆင်ပြေပါတယ်။ ရေရှည် နောက်တစ်ကြိမ် ဒါမျိုးဖြစ်လာရင် ဘယ်လိုစီစဉ်မယ် ဆိုတာတော့ စဉ်းစားထားသင့်ပါတယ်။ ဒီလို အကြီးကြီး ဖြစ်မသွားအောင် ဘယ်လိုကာကွယ်မလဲ။ ဖြစ်သွားရင်ကော ဘယ်လိုအမြန်ဆုံး ဆောင်ရွက်ပေးမလဲ ဆိုတာကို လက်ရှိအစိုးရနဲ့ ၀န်ကြီးဌာနတွေ အနေနဲ့ ကျွန်တော်တို့ ပြည်သူတွေအတွက် ကြိုပြီးစဉ်းစားထားသင့်ပါတယ်” ဟု ဦးကျော်စွာက ဆက်လက် ပြောကြားသည်။

မကွေးမြို့ လျှပ်စစ်ဓာတ်အားခွဲရုံမှ ပျက်စီးသွားသည့် ထရန်စဖော်မာများအား အစားထိုးရန် နေပြည်တော်မှ လျှပ်စစ်ဝန်ထမ်းများလည်း လာရောက်ပူးပေါင်းလျက်ရှိကြောင်း  လျှပ်စစ်မီး ရက်ရှည်ပြတ်တောက် နေမှုကြောင့် မကွေးမြို့ပေါ်ရှိ စက်ပစ္စည်းဆိုင်များတွင် မီးစက်များလည်း အ၀ယ်လိုက်နေကြောင်း မကွေးမြို့နေ ပြည်သူအချို့သည် ရေချိုးရန်အတွက် မီးလာသည့် အပိုင်းအလိုက် ဆွေမျိုးနီးစပ်နှင့် မိတ်ဆွေများအိမ်သို့ သွားရောက်ရခြင်း ဧရာဝတီမြစ်သို့ဆင်း၍ ရေချိုးရခြင်းများ ရှိလာကြောင်း သိရသည်။

 

မိုဘိုင်းဖုန်းကွန်ရက်က လူဦးရေ၏ ရာခိုင်နှုန်း ၉၀ ကျော်ကို လွှမ်းခြုံမှုရှိလာချိန်တွင် လျှပ်စစ်ဓာတ်အား လွှမ်းခြုံမှုမှာ လူဦးရေ၏ ၃၄ ရာခိုင်နှုန်းသာ ရှိခြင်းကြောင့် စိန်ခေါ်မှုဖြစ်နေ

ဆက်သွယ်ရေး တာဝါတိုင် တစ်တိုင်အား တွေ့ရစဉ်

မြန်မာနိုင်ငံတွင် မိုဘိုင်းဖုန်းကွန်ရက် လွှမ်းခြုံမှုမှာ လူဦးရေ၏ ရာခိုင်နှုန်း ၉၀ ကျော်သို့ ရောက်ရှိလာချိန်တွင် လျှပ်စစ်ဓာတ်အားကွန်ရက် လွှမ်းခြုံမှုအနေဖြင့် လူဦးရေ၏ ၃၄ ရာခိုင်နှုန်းသာ ရှိနေခြင်းမှာ ဆက်သွယ်ရေး ကဏ္ဍအတွက် စိန်ခေါ်မှုတစ်ခု ဖြစ်လာနေကြောင်း တယ်လီနော၏ ဒစ်ဂျစ်တယ်မြန်မာ အစီရင်ခံစာတွင် ဖော်ပြချက်အရ သိရသည်။

လျှပ်စစ်ဓာတ်အား မရရှိသေးသော ကျေးလက်ဒေသများတွင် ဒီဇယ်သုံး ဓာတ်အားပေးစက်များအပေါ် မှီခိုရသဖြင့် သဘာဝပတ်ဝန်းကျင် ညစ်ညမ်းမှုနှင့် အသံဆူညံမှုတို့ကို ဖြစ်ပေါ်စေကြောင်း သိရသည်။ အသံဆူညံမှုကြောင့် ဖြစ်ပေါ်လာသော ပြည်သူလူထု၏ မကျေနပ်သံများကို ပို့ဆောင်ရေးနှင့် ဆက်သွယ်ရေး ၀န်ကြီးဌာနက အာရုံစိုက်လာခဲ့ကြောင်း သိရသည်။

ရေပေါ်ရေအောက် အပြည်ပြည်ဆိုင်ရာ ဖိုက်ဘာချိတ်ဆက်မှုများနှင့်အတူ လှိုင်းနှုန်းစဉ်များ ခွင့်ပြုပေးခြင်း စသည့်လုပ်ဆောင်ချက်များကြောင့် သုံးနှစ်တာ ကာလအတွင်း လူဦးရေ၏ ရာခိုင်နှုန်း ၉၀ ကျော်ကို လွှမ်းခြုံနိုင်သည့် အရည်အသွေးမီ မိုဘိုင်းကွန်ရက် ဖြစ်လာခဲ့ကြောင်း သိရသည်။

မြန်မာအစိုးရအနေဖြင့် ၂၀၃၀ ပြည့်နှစ်တွင် အိမ်ထောင်စုတိုင်း လျှပ်စစ်ဓာတ်အား သုံးစွဲနိုင်စေရေး ရည်ရွယ်ချက်ကြီးမားစွာ ထားလျက် အမျိုးသား လျှပ်စစ်ဓာတ်အားရရှိရေး စီမံကိန်းကို အကောင်အထည်ဖော် ဆောင်ရွက်လျက်ရှိသကဲ့သို့ နိုင်ငံလုံးဆိုင်ရာ ငြိမ်းချမ်းရေး သဘောတူညီချက်ကို ရေးထိုးနိုင်ရေးအတွက် တိုင်းရင်းသား လက်နက်ကိုင် အဖွဲ့များနှင့် စိတ်အားထက်သန်စွာ စေ့စပ်ညှိနှိုင်းလျက်ရှိကြောင်း အဆိုပါ အစီရင်ခံစာတွင် ကိုးကားဖော်ပြထားသည်။ သို့မှသာ နိုင်ငံအစွန်အဖျား ဒေသများအထိ ဒီဂျစ်တယ် အခြေခံ အဆောက်အအုံ ရောက်ရှိနိုင်ပြီး ဈေးနှုန်းချိုသာစွာနှင့် လက်လှမ်းမီစွာ အသုံးပြုနိုင်မည်ဖြစ်ကြောင်း သိရသည်။

ထို့ပြင် ကျေးလက်ဒေသများ၌ ဒီဂျစ်တယ် အခြေခံအဆောက်အအုံများ တည်ဆောက်ရာတွင် ကြုံတွေ့ရသည့် စိန်ခေါ်မှု တစ်ခုမှာ ဥပဒေနှင့် စည်းမျဉ်းများအား အရေးယူ အကောင်အထည် ဖော်ရာတွင် ညီညွတ်ကိုက်ညီမှု မရှိဘဲ နှောင့်နှေးမှုများကြောင့် သုံးစွဲသူ ပြည်သူများနှင့် အလှမ်းဝေးကာ နိုင်ငံတော်၏ ဒီဂျစ်တယ် လက်လှမ်းမီနိုင်မှုအား ထိခိုက်နိုင်ခြေရှိကြောင်း သုံးသပ်ဖော်ပြထားသည်။

တည်ဆောက်ခွင့် ခွင့်ပြုမိန့်များ၊ ဖိုက်ဘာသွယ်တန်းခွင့်၊ သွင်းကုန်နှင့် အခွန်အခများနှင့် ပတ်သက်သည့် ကိစ္စရပ်များတွင် ညီညွတ်ကိုက်ညီမှု မရှိခြင်းတို့ကြောင့် ကျေး လက်အခြေခံ အဆောက်အအုံများ ဖော်ဆောင်ရာတွင် ဖြစ်နိုင်ခြေနှင့် အမြန်နှုန်းတို့ကို ထိခိုက်လျော့နည်း စေနိုင်ကြောင်း သိရသည်။ နယ်စပ်ဒေသများတွင် လုံခြုံရေးနှင့် ငြိမ်းချမ်းရေး အားနည်းခြင်းတို့ကြောင့် ကျေးလက်ဒေသများတွင် ဒီဂျစ်တယ်လက်လှမ်းမီမှုကို ပိုမိုရှုပ်ထွေးခက်ခဲစေကြောင်း အဆိုပါ အစီရင်ခံစာ၌ သုံးသပ်ထားသည်။

တိုင်းတာစစ်ဆေးမှုများအရ ဆက်သွယ်ရေးတာဝါ ပစ္စည်းများနှင့် ၎င်းတို့မှ ရေဒီယိုလှိုင်း ထုတ်လွှင့်မှုမှာ နိုင်ငံတကာ သတ်မှတ်ချက်များနှင့် ကိုက်ညီမှုရှိကြောင်း အတည်ပြုခဲ့သည်။ ရေဒီယိုလှိုင်း ထုတ်လွှင့်မှုမှာ နိုင်ငံတကာက အန္တရာယ်ရှိကြောင်း သတ်မှတ်ထားသော အဆင့်ထက် အဆပေါင်း ၁၀၀ ကျော် လျော့နည်းသည်ကို တွေ့ရှိရသည်ဟု ပြောကြားသည်။

သို့သော် တာဝါတိုင်များက ကျန်းမာရေးအပေါ် တိုက်ရိုက်ဆိုးကျိုး ဖြစ်ပေါ်စေခြင်းများ မရှိသည့်တိုင်အောင် တာဝါတိုင်များ၏ စွမ်းအင်စနစ်အတွက် မီးစက်မောင်းရာမှ ဖြစ်ပေါ်လာသည့် မီးခိုးငွေ့များ၊ ဆူညံသံများမှာ အနီးဝန်းကျင်တွင် နေထိုင်သူများကို စိတ်အနှောင့်အယှက် ဖြစ်စေကြောင်း ကြုံတွေ့ရသူတို့က ပြောကြားသည်။

 

မြန်မာ-တရုတ်-ဘင်္ဂလားဒေ့ရှ် သုံးနိုင်ငံအကြား လျှပ်စစ်ဓာတ်အား ကုန်သွယ်ရေးအတွက် ၀န်ကြီးအဆင့် ညှိနှိုင်းအစည်းအဝေး ပြုလုပ်ခဲ့ပြီး မူအားဖြင့် သဘောတူညီမှုရရှိ

နေပြည်တော်ရှိ Horizon Lake View ဟိုတယ်တွင် မြန်မာ-တရုတ်-ဘင်္ဂလားဒေ့ရှ် သုံးနိုင်ငံ ၀န်ကြီးအဆင့် ညှိနှိုင်းအစည်းအဝေး ပြုလုပ်စဉ်

မြန်မာ-တရုတ်-ဘင်္ဂလားဒေ့ရှ် သုံးနိုင်ငံအကြား လျှပ်စစ်ဓာတ်အား ကုန်သွယ်ရေးအတွက် ၀န်ကြီးအဆင့် ညှိနှိုင်းအစည်းအဝေးကို မတ် ၉ ရက်က နေပြည်တော်ရှိ Horizon Lake View ဟိုတယ်တွင် ပြုလုပ်ခဲ့ပြီး မူအားဖြင့် သဘောတူညီမှု ရရှိခဲ့ကြောင်း သိရသည်။

လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်က “ဒီနေ့ သုံးနိုင်ငံက စွမ်းအင်ဝန်ကြီးတွေ အားလုံးကတော့ မူအားဖြင့် အားလုံးသဘောတူပါတယ်။ ဒီအစည်းအဝေးမှာ ဆုံးဖြတ်တာကတော့ နိုင်ငံသုံးနိုင်ငံကတော့ Initiative ပေါ်မှာ သုံးနိုင်ငံက လက်ခံတယ်။ သဘောတူတယ်။ တစ်နိုင်ငံနဲ့ တစ်နိုင်ငံ လျှပ်စစ်တွေ ပိုတဲ့သူကလည်း လိုတဲ့သူကိုရောင်းမယ်။ တချို့တိုင်းပြည်တွေ ဖြတ်ရမယ် ဆိုရင်လည်း တချို့တိုင်းပြည်တွေကလည်း ဖြတ်ကျော်ပြီးတော့ ကိုယ့်တိုင်းပြည်လည်း ဒီလျှပ်စစ်ကိုယူမယ်။ ဒီလိုမျှပြီးသုံးတဲ့ အတွက်လည်း ကုန်ကျစရိတ်တွေမှာ အများကြီး သက်သာတာပေါ့” ဟု ပြောကြားသည်။

လျှပ်စစ်ဓာတ်အား ကုန်သွယ်ရေး ဆောင်ရွက်နိုင်ရန် နိုင်ငံတစ်နိုင်ငံစီမှ အဖွဲ့ဝင် ငါးဦးစီပါဝင်သည့် Joint Working Group ဖွဲ့စည်းဆွေးနွေးပြီး ၀န်ကြီးအဆင့် ဆက်လက် တွေ့ဆုံညှိနှိုင်းကာ သက်ဆိုင်ရာနိုင်ငံရှိ အစိုးရဆီ ပြန်လည်တင်ပြပြီးမှသာ ဆက်လက် အကောင်အထည်ဖော်သည့် အဆင့်သို့ ရောက်လာမည် ဖြစ်ကြောင်း သိရသည်။

“တစ်နိုင်ငံငါးယောက် စုစုပေါင်း ကော်မတီမှာ စုစုပေါင်း ၁၅ ယောက်ကနေပြီးတော့ ဒီလုပ်ငန်းကြီး အောင်မြင်ဖို့ လိုအပ်တဲ့ ဆောင်ရွက်ရမယ့် နည်းပညာပိုင်း၊ ဥပဒေပိုင်း၊ သင့်တင့်မျှတတဲ့ဈေးနှုန်း ဒါတွေဘယ်လို ဆောင်ရွက်ကြမလဲ ဆိုတာကို အဖွဲ့လိုက် အဖွဲ့လိုက် သတ်မှတ်ဆွေးနွေးပြီးတော့ အစည်းအဝေးတော့ နှစ်ကြိမ်၊ သုံးကြိမ်လောက်တော့ လုပ်ရဦးမှာပေါ့။ လုပ်ပြီးတော့မှ ၀န်ကြီးတွေကအခုလို နောက်တစ်ခါ ပြန်တွေ့ရမယ်။ အဲဒီကျတော့ တော်တော်လေး လိုအပ်တဲ့ အချက်အလက်တွေ ပြည့်စုံလို့ရှိပြီဆိုတဲ့ အချိန်မှာ သက်ဆိုင်ရာ မိမိတို့အစိုးရဆီ ပြန်တင်ပြပြီးတော့မှ ဆက်လက် အကောင်အထည်ဖော်ဖို့အထိ ရောက်လာမှာပါ” ဟု ပြည်ထောင်စုဝန်ကြီး ဦးဝင်းခိုင်က ပြောကြားသည်။

ဆက်လက်၍ “တစ်နိုင်ငံနဲ့ တစ်နိုင်ငံကို Flow လုပ်တာ။ ကိုယ်လိုတဲ့အချိန်မှာ သူ့ဘက်ကယူမယ်။ သူပိုတဲ့အခါမှာ သူတို့ဘက်ကို ပြန်ပေးမယ်။ အာဆီယံမှာလည်း ဒါမျိုးတွေ ရှိပါတယ်။ ဒါလုပ်ခြင်းအားဖြင့် တစ်နိုင်ငံနဲ့ တစ်နိုင်ငံ ရင်းနှီးမှုတွေ ပိုရတယ်။ တစ်ယောက်နဲ့တစ်ယောက် ဖွံ့ဖြိုးဖို့ အချိတ်အဆက်တွေ ဖြစ်သွားရော။ လူထုအချင်းချင်း ပူးပေါင်းပါဝင်မှုတွေ။ ရေရှည်ပြောမယ် ဆိုရင်တော့ ကိုယ့်တိုင်းပြည်ကိုလည်း ဘေးကပတ်ဝန်းကျင် တိုင်းပြည်မှာ ဓာတ်အားစနစ်တွေ ချိတ်ထားလိုက်ပြီပေါ့။ ဒါက ကျွန်တော်တို့ စပြီးဆောင်ရွက်တဲ့ အစည်းအဝေးဖြစ်တယ်။ ဒီနေ့က ဘာမှမဆုံးဖြတ်သေးပါဘူး” ဟု လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီးက ဆက်လက်ပြောကြားသည်။

မြန်မာ-တရုတ်-ဘင်္ဂလားဒေ့ရှ် သုံးနိုင်ငံအကြား လျှပ်စစ်ဓာတ်အား ကုန်သွယ်ရေးအတွက် ၀န်ကြီးအဆင့် ဆွေးနွေးပွဲသို့ မြန်မာနိုင်ငံမှ လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ တရုတ်ပြည်သူ့ သမ္မတနိုင်ငံ အမျိုးသားစွမ်းအင် အုပ်ချုပ်ရေး အဖွဲ့၏ Vice Administrator H.H.Mr.Li Fanrong၊ ဘင်္ဂလားဒေ့ရှ် ပြည်သူ့သမ္မတနိုင်ငံ လျှပ်စစ်စွမ်းအင်နှင့် သတ္တုအရင်းအမြစ် ၀န်ကြီးဌာန ၀န်ကြီး H.E.Dr.Tawfiqe- Elahi Chowdgury BB နှင့် စွမ်းအင်ဆိုင်ရာ အဆင့်မြင့် အရာရှိကြီးများ တက်ရောက်ခဲ့ကြောင်း သိရသည်။

 

လျှပ်စစ်ဓာတ်အား စတင်သုံးစွဲမည့် ကျေးလက်နေပြည်သူများအနေဖြင့် မီတာတစ်လုံးလျှင် ကျပ်သုံးသောင်းဝန်းကျင်ဖြင့် သုံးစွဲနိုင်ရန်ဆောင်ရွက်နေကြောင်း ပြည်ထောင်စုဝန်ကြီး ပြောကြား


လျှပ်စစ်မီးမရှိ၍ ဆိုလာပြားစနစ်ဖြင့် လျှပ်စစ်သုံးစွဲနေရသည့် အုတ်ဖိုမြို့နယ်အတွင်းရှိ အင်းဒေသကျေးလက်တစ်ခုမြင်ကွင်း

လျှပ်စစ်ဓာတ်အား စတင်သုံးစွဲမည့် ကျေးလက်နေပြည်သူများအနေဖြင့် မီတာတစ်လုံးလျှင် ကျပ်သုံးသောင်းဝန်းကျင်ဖြင့် သုံးစွဲနိုင်ရန် ဆောင်ရွက်နေကြောင်း ပြည်ထောင်စုဝန်ကြီး ဦးဝင်းခိုင်က ပြောကြားသည်။

မတ် ၉ ရက်က နေပြည်တော်ရှိ Horizon Lake View ဟိုတယ်တွင် ပြုလုပ်သည့် မြန်မာ-တရုတ်-ဘင်္ဂလားဒေ့ရှ် သုံးနိုင်ငံအကြား လျှပ်စစ်ဓာတ်အား ကုန်သွယ်ရေးအတွက် ၀န်ကြီးအဆင့်အစည်းအဝေးပွဲအပြီးတွင် သတင်းမီဒီယာများ၏ မေးမြန်းမှုကို အထက်ပါကဲ့သို့ ပြန်လည်ဖြေကြားခဲ့ခြင်းဖြစ်သည်။

လျှပ်စစ်နှင့် စွမ်းအင်ဝန်ကြီးဌာနအနေဖြင့် ပြန်လည်ဆန်းစစ်မှုများ ပြုလုပ်ရာတွင် နိုင်ငံအတွင်း မီးမရရှိသေးသည့် ကျေးရွာအများအပြားရှိနေပြီး မီးစတင်သုံးစွဲမည့်သူများအနေဖြင့် မီတာတန်ဖိုးမှာ သုံးစွဲမည့်သူများအနေဖြင့် အခက်အခဲဖြစ်နေကြောင်း ပြည် ထောင်စုဝန်ကြီးက ပြောကြားသည်။

“အခု ကျွန်တော်တို့တွေ Review လုပ်တယ်။ အရေးကြီးတာက နောက်ပိုင်း တိုင်းပြည်မှာလည်း မီးမရတဲ့ရွာ အများကြီး ကျန်သေးတယ်။ ရာခိုင်နှုန်း ၆၀ လောက်စပြီး  မီးသုံးမယ့်သူတွေက မီတာဖိုးကြီးမှာ သူတို့အတွက် အများကြီးအခက်အခဲဖြစ်တယ်။ ဒါကြီးကို မကျော်လွှားနိုင်ဘူး။ မီတာဖိုးကြီးက ဈေးကြီးလွန်းလို့။ အခုလုပ်လိုက်တဲ့စနစ်က ကျေးလက်က ကျေးလက်မီတာသုံးမယ်။တခြားဟာလည်း သုံးလို့ရတယ်။ သူ့တော့ Limit မလုပ်ထားဘူး။ ဒါပေမဲ့ သူ့အတွက်လည်း Save  ဖြစ်တယ်။ လိုအပ်တဲ့ လျှပ်စစ်ကို ဘေးအန္တရာယ်ကင်းကင်းပေးနိုင်တယ်။ ဒီလိုမီတာမျိုးလေးက ဒီလောက်ဈေးမကြီးဘူး။ ဒါဆို နှစ်သောင်း၊ သုံးသောင်းလောက်နဲ့ ပြီးသွားတဲ့ကိစ္စ” ဟု လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်က ပြောကြားသည်။

လျှပ်စစ်ဓာတ်အား အနည်းငယ်သုံးစွဲသူများက မီတာတန်ဖိုးကို ဈေးကြီးမပေးလိုကြောင်း၊ ယခင်က တစ်ပြည်လုံးတွင် မြို့သုံး၊ တောသုံး မီတာတစ်မျိုးတည်းသာရှိခဲ့ပြီး ပြည်သူလူထုဘက်က ပြန်ကြည့်ပါက မမျှတသည့်အတွက် ဈေးကြီးသည့်မီတာများ သုံးရန်မလိုကြောင်း ပြည်ထောင်စုဝန်ကြီးက ဆက်လက်ပြောကြားသည်။

“မီတာက ဈေးအများကြီးသက်သာသွားမယ်။ မီတာက အဓိက အခက်အခဲကြီး ဖြစ်နေတာ။ မီတာ ရှစ်သောင်း၊ ကိုးသောင်းက အများကြီး ဒုက္ခရောက်နေတာ။ မီတာဈေးကို အန္တရာယ်လည်း လုံးဝကင်းရမယ်။ လျှပ်စစ်ရဲ့ ဥပဒေနဲ့လည်း ကိုက်ညီရမယ်။ ဒီလိုမီတာကို လိုတဲ့လူထုဆီကို အရောက်ပို့ပေးရမယ်။ ဈေးအသက်သာဆုံး။ လျှပ်စစ်ကို သူတို့တွေ ဈေးသက်သက်သာသာနဲ့ စပြီးတော့ သုံးဖို့အတွက် အခက်အခဲကြီးမဖြစ်အောင်၊ ဒီဟာကို မြန်မြန်ကျော်လွှားလို့ရအောင်ပါ” ဟု ပြည်ထောင်စုဝန်ကြီး ဦးဝင်းခိုင်က ပြောကြားသည်။

မဂ္ဂါဝပ်စုစုပေါင်း ၃၀၀၀ ကျော်ထွက်ရှိမည့် LNG ရေနံဓာတ်ငွေ့ရည်သုံး လျှပ်စစ်ဓာတ်အားပေး စက်ရုံလေးရုံအား ပြည်ပကုမ္ပဏီလေးခုဖြင့် လေးနှစ်အတွင်း အပြီးတည်ဆောက်ရန်စီစဉ်ထား

လျှပ်စစ်မဂ္ဂါဝပ်စုစုပေါင်း ၃၀၀၀ ကျော် ထွက်ရှိမည့် LNG သုံး လျှပ်စစ်ဓာတ်အား ပေးစက်ရုံလေးရုံအား လေးနှစ်အတွင်း အပြီးတည်ဆောက်ရန်  ကုမ္ပဏီလေးခုကို လျှပ်စစ် နှင့် စွမ်းအင်ဝန်ကြီးဌာနက Notice to Proceed  ပေးအပ်ထားကြောင်း သိရသည်။

လက်ရှိတွင် တစ်နိုင်ငံလုံးအတိုင်းအတာဖြင့် လျှပ်စစ်သုံးစွဲမှု မဂ္ဂါဝပ် ၁၅၀၀ ခန့်ရှိပြီး အသုံးအများဆုံးအချိန်တွင် ၂၈၀၀ ခန့်ရှိကြောင်း၊ လျှပ်စစ်အသုံးပြုမှု ဆက်လက်တိုးတက်နေခြင်းကြောင့် လျှပ်စစ်နှင့် စွမ်းအင်ဝန်ကြီးဌာန၏ ခန့်မှန်းတွက်ချက်မှုအရ လာမည့် ၂၀၂၁ ခုနှစ်တွင် လျှပ်စစ်ဓာတ်အားလိုအပ်ချက် မဂ္ဂါဝပ် ၅၀၀၀ ခန့်အထိ ရှိလာနိုင်ကြောင်း၊ အဆိုပါကာလတွင် ပြည်တွင်း သဘာဝဓာတ်ငွေ့ ထွက်ရှိမှုလည်း ကျဆင်းမည်ဖြစ်ကြောင်း၊ ရေအားလျှပ်စစ်စီမံကိန်း မှာလည်း အချိန်ယူရသည့်အတွက် လိုအပ်ချက်ကို အမြန်ဆုံးဖြည့်တင်းရန် ယင်းစီမံကိန်းလေးခုကို အကောင်အထည်ဖော်ခြင်းဖြစ်ကြောင်း လျှပ်စစ်နှင့် စွမ်းအင်ဝန်ကြီးဌာန ဒုတိယအမြဲတမ်းအတွင်းဝန် ဦးစိုးမြင့်က ဆိုသည်။

လျှပ်စစ်နှင့် စွမ်းအင်ဝန်ကြီးဌာနက  ပြည်ထောင်စုအစိုးရ၏ ခွင့်ပြုချက်ဖြင့် တနင်္သာရီတိုင်းဒေသကြီးရှိ ကန်ပေါက် LNG ဓာတ်အားပေးစက်ရုံ စီမံကိန်းကို  TOTAL & SIEMENS A.G ၊ ဧရာဝတီတိုင်းဒေသကြီးရှိ မီးလောင်ဂျိုင် LNG ဓာတ်အားပေးစက်ရုံ စီမံကိန်းကို Zhefu& Supreme ကုမ္ပဏီ၊ အလုံ LNG ဓာတ်အားပေးစက်ရုံ စီမံကိန်းအတွက် TTCL Public Company Limited ၊ ရခိုင်ပြည်နယ် ကျောက်ဖြူ Combined Cycle Power Project ( CCPT) စီမံကိန်းအတွက်ှSinohydro & Supreme တို့အား အကောင်အထည်ဖော်ရန် ၂၀၁၇ ခုနှစ် ဇန်န၀ါရီ ၃၁ ရက်က  Notice to Proceed  ပေးအပ်ထားကြောင်း သိရသည်။

Notice to Proceed ထုတ်ပေးခြင်းဖြင့် စီမံကိန်းအကောင်အထည်ဖော်ရန် ပဏာမလုပ်ငန်းများဖြစ်သည့် လုပ်ငန်းစီမံချက်များ၊ ကြိုတင်လေ့လာမှုများ၊ ဒီဇိုင်းထုတ်ခြင်းများ နှင့် အကြိုအင်ဂျင်နီယာလုပ်ငန်းများကို စတင် လုပ်ဆောင်သွားနိုင်မည်ဖြစ်ကြောင်း၊ စီမံကိန်းအတွက် ဘဏ္ဍာငွေနှင့်လိုအပ်သော ဓာတ်အားရောင်းဝယ်ရေးစာချုပ်၊ စီမံကိန်းမြေနေရာငှားရမ်းခြင်းစာချုပ်၊ စီမံကိန်းအကောင်အထည်ဖော်ရန်အတွက် လိုအပ်သည့် လိုင်စင် နှင့် ပါမစ်များရရှိရေးအတွက် အသေးစိတ် ဆွေးနွေးညှိနှိုင်းရန် လိုအပ်ကြောင်းသိရသည်။

“လတ်တလော ဖြည့်ဆည်းပေးဖို့အတွက် ရေအားလျှပ်စစ်ကိုသွားမယ်ဆိုရင် ရေအားလျှပ်စစ်က ချက်ချင်းထုတ်လို့ ချက်ချင်းမရနိုင်ဘူး။ မရနိုင်တော့ လက်ရှိလတ်တလော ပြည်သူရဲ့လိုအပ်ချက်ကို ဖြည့်ဆည်းပေးဖို့ အတွက် ကုမ္ပဏီလေးခုက အဆိုပြုထားတာကို ကျွန်တော်တို့က ဆောင်ရွက်ပေးလိုက်တာ။ ဘယ်တော့စထုတ်မှာလဲဆိုတော့ ၂၀၂၁မှာ မဖြစ်မနေလိုမှာ ဖြစ်တဲ့အတွက် အဲဒီအချိန်ဇယားအတိုင်းဝင်အောင် ကျွန်တော်တို့ စီမံဆောင်ရွက်နေပါတယ်”  ဟု လျှပ်စစ်နှင့် စွမ်းအင်ဝန်ကြီးဌာန ဒုတိယအမြဲတမ်းအတွင်းဝန် ဦးစိုးမြင့်က ပြောကြားသည်။

ကန်ပေါက် LNG ဓာတ်အားပေးစက်ရုံစီမံကိန်းမှာ  ၄၈ လအတွင်း ပြီးစီးပါက လျှပ်စစ်ဓာတ်အားထုတ်လုပ်မှု မဂ္ဂါဝပ် ၁၂၃၀ ထွက်ရှိမည်ဖြစ်ကြောင်း၊ မီးလောင်ဂျိုင် LNG ဓာတ်အားပေးစက်ရုံစီမံကိန်းမှာ ၄၂ လအတွင်း ပြီးစီးပါက မဂ္ဂါဝပ် ၁၃၉၀ ခန့် ထွက်ရှိမည်ဖြစ်ကြောင်း၊ အလုံ LNG ဓာတ်အားပေးစက်ရုံ စီမံကိန်းမှာ ၂၈ လအတွင်း ပြီးစီးပါက ၃၅၆ မဂ္ဂါဝပ် ထွက်ရှိမည်ဖြစ်ကြောင်း၊ ကျောက်ဖြူ Combined Cycle Power Project ( CCPT )  စီမံကိန်းမှာ ၂၈ လအတွင်း ပြီးစီးပါက ၁၃၅  မဂ္ဂါဝပ်ခန့်ထွက်ရှိမည်ဖြစ်ကြောင်း (စုစုပေါင်း) မဂ္ဂါဝပ် ၃၀၀၀ ခန့်ကို ဓာတ်အားစနစ်အတွင်းသို့ ပံ့ပိုးပေးနိုင်မည်ဖြစ်ကြောင်း သိရသည်။

ယခုကဲ့သို့ Mass Production ဖြစ်သည့်  Utility Scale  နှင့် Liquified Natural Gas -LNG တင်သွင်းခြင်း စီမံကိန်းများသည် ယခင်ကမရှိခဲ့ဘဲ ပြည်တွင်းရှိ Natural Gas ကိုသာ အသုံးပြုခဲ့ကြောင်း၊ မြန်မာနိုင်ငံ၏ Generation Mix သည် ရေအားနှင့် သဘာဝ ဓာတ်ငွေ့ နှစ်မျိုးတည်းရှိရာမှ LNG ကို သင့်တော်သည့် အချိုးအစားဖြင့် ပါဝင်ထုတ်လုပ်နိုင်အောင် ထည့်သွင်းခြင်းဖြစ်ကြောင်း သိရသည်။

 

 

သုံးစွဲမှု အနည်းအများပေါ် မူတည်ပြီး မီတာခကောက်ခံနိုင်ရန် မီတာတပ်ဆင်မှုကို အမျိုးအစားလေးခု ဆောင်ရွက်မည်ဖြစ်ပြီး မီတာခနှုန်းထားကိုလည်း ပြင်ဆင်မည်ဟုဆို

ရန်ကုန်မြို့တွင် လျှပ်စစ်မီး ပြုပြင်နေသူ တစ်ဦးအား တွေ့ရစဉ် (ဓာတ်ပုံ- ကျော်ဇင်ဖြိုး)

လျှပ်စစ်သုံးစွဲမှုနည်းသော ပြည်သူများ ပိုမိုအဆင်ပြေစေရန်နှင့် လျှပ်စစ်သုံးစွဲမှု အနည်းအများအပေါ် မူတည်ပြီး မီတာခ ကောက်ခံနိုင်ရန်အတွက် မီတာလေးမျိုး (Four Meter System) ဖြင့် ဆောင်ရွက်မည်ဖြစ်ပြီး မီတာခကိုလည်း ပြင်ဆင်သတ်မှတ်မည် ဖြစ်ကြောင်း ဖေဖော်ဝါရီ ၈ ရက်က ရန်ကုန်မြို့ရှိ Lotte Hotel တွင် ပြုလုပ်သည့် Myanmar-Korea Investment Promotion Seminar အခမ်းအနားတွင် လျှပ်စစ်နှင့် စွမ်းအင်ဝန်ကြီးဌာနမှ လက်ထောက်အတွင်းဝန် ဦးမင်းမင်းဦးက ပြောကြားသည်။

“မီတာလေးမျိုးရှိတယ်။ အဲဒီမီတာလေးမျိုးမှာ သာမာန်ပြည်သူတွေသုံးတဲ့ မီတာမျိုး နောက်ထက် ဒီထက်ပိုပြီး ယူနစ်များများသုံးချင်တဲ့ လူမျိုးအတွက် ပုံစံတစ်မျိုး သူ့ဂရိတ်တွေတော့ ရှိတာပေါ့။ အသေးစိတ်ကိုတော့ ကျွန်တော်အကုန်လုံး အလွတ်မရဘူး။ ဒီလိုလေးမျိုး ပြန်လည်တက်ဆင်ဖို့ရှိတယ်။ အဲဒီလိုမျိုး ပြန်လည်တပ်ဆင်တဲ့ အခါမှာလည်း ဘာလို့ မီတာခ အနည်းဆုံးနဲ့ တပ်ဆင်ဖို့ရှိတယ်ဆိုတာ ပြည်သူတွေ အနည်းဆုံး သုံးနိုင်တဲ့ ပြည်သူတွေရှိတယ်။ အဲဒီလိုမျိုး တပ်ဆင်တဲ့အခါမှာ အရင်တုန်းက မီတာတစ်မျိုးထဲ နှစ်မျိုးထဲပဲ ဖြစ်တဲ့အတွက်ကြောင့်မို့ မီတာတပ်ဆင်တဲ့အခါမှာ နည်းနည်းလေးသုံးတဲ့သူလည်း အများကြီး ပေးရတယ်။ အခုက နည်းနည်းသုံးတဲ့သူလည်း တပ်ဆင်ခနည်းနည်းပဲ ပေးရတဲ့စနစ်မျိုးကို ပြောင်းမယ်။ အဓိကတော့ အနည်းလေးသုံးတဲ့ ပြည်သူတွေကို သက်သာစေချင်လို့” ဟု လျှပ်စစ်နှင့် စွမ်းအင်ဝန်ကြီးဌာနမှ လက်ထောက်အတွင်းဝန် ဦးမင်းမင်းဦးက ပြောကြားသည်။

လက်ရှိအချိန်တွင် မီတာခ ပြန်လည်ပြင်ဆင်ရန်အတွက် လက်ရှိအတွင် မီတာခနှုန်းထားများကို ပြန်လည်သုံးသပ် တွက်ချက်မှုများ ဆောင်ရွက်နေပြီး သက်ဆိုင်ရာဝန်ကြီးဌာန၊ ပြည်နယ်နှင့် တိုင်းဒေသကြီး အစိုးရ လွှတ်တော်တို့မှ အားလုံးသဘောတူညီမှု ရရှိမှုဖြင့်သာ ပြောင်းလဲဆောင်ရွက်သွားမည် ဖြစ်ကြောင်း သိရသည်။

“မီတာလေးမျိုးပုံစံနဲ့ ထုတ်ပြန်မယ်ဆိုတာဟုတ်တယ်။ မီတာခက ဘယ်လိုပြင်ဆင် သတ်မှတ်မလဲ ဆိုတာကတော့ ဒါက အခုမှ ဈေးနှုန်းကို ပြန်လည်သုံးသပ် နေတုန်းပဲ ရှိပါတယ်။ ဈေးနှုန်းပြန်လည် သုံးသပ်ရတဲ့ နေရာမှာလည်း ပြန်လည်တွက်ချက်ရတာ ရှိပါတယ်။ ပြီးရင်လည်း သက်ဆိုက်ရာ ၀န်ကြီးဌာနတွေ ပြည်နယ်နဲ့ တိုင်းအစိုးရတွေ လွှတ်တော်တို့ အဲ့ဒါတွေအကုန်လုံး သဘောတူပြီး အခြေနေရောက်တော့မှာမှ ပြုပြင်ပြောင်းလဲမှာ ဘယ်တော့ပြုပြင် ပြောင်းလဲမှာလည်း ဆိုတာက လောလောဆယ်မှာ ပြောလို့မရသေးဘူး” ဟု ဦးမင်းမင်းဦးက ပြောကြားသည်။

လက်ရှိအချိန်တွင် မီတာတပ်ဆင်မှုမှာ အိမ်သုံးမီတာနှင့် လုပ်ငန်းသုံး (ပါဝါ) မီတာ နှစ်မျိုးသာရှိသည်။ ထို့ကြောင့် မီတာသုံးစွဲသည့်ပြည်သူများ မီတာခ သက်သာစေရန် မီတာအသုံးပြုသည့် နှုန်းထားအပေါ် လိုက်ကာ အဆင့်လေးဆင့် သတ်မှတ်ပြီး မီတာတပ်ဆင်မှု ပုံစံလေးမျိုး ခွဲခြားသွားရန် ရည်ရွယ် ဆောင်ရွက်ခြင်ြး ဖစ်ကြောင်း သိရသည်။

“Four meter system လုပ်မယ်။ လူထုရွေးချယ်စရာရှိတယ်။ ရွေးချယ်ခွင့်ရှိတယ်။ ဈေးလည်းတော်တော် သက်သာသွားမယ်။ ဆိုလိုတာကတော့ နှစ်သောင်းခွဲ သုံးသောင်း ၀န်ကျင်လောက်ပေါ့။ လူထုအတွက် မီတာနဲ့ ပတ်သက်လို့ အတော်လေး အဆင်ပြေသွားမယ်” ဟု လျှပ်စစ်နှင့် စွမ်းအင် ၀န်ကြီးဌာန ပြည်ထောင်စုဝန်ကြီး ဦးဝင်းခိုင်က ပြောကြားသည်။

မြန်မာနိုင်ငံတွင် လျှပ်စစ်မီးသုံးစွဲသူ ၁၀ ဒသမ ၈၇၇ သန်းအနက် ၄ ဒသမ၂၈၉ သန်း (၃၉ ဒသမ ၄ ရာခိုင်နှုန်း) လျှပ်စစ်မီးရရှိပြီး ဖြစ်ကာ ၆ ဒသမ ၅၈၈ သန်း လျှပ်စစ်မီးရရှိရန် ကျန်ရှိနေသေးကြောင်း၊ မြို့နယ်အားဖြင့် ၄၈၂  မြို့အနက် ဓာတ်အားစနစ်ကို မြို့ပေါင်း ၃၅၀ မှ ရရှိပြီးဖြစ်ကြောင်း လျှပ်စစ်နှင့် စွမ်းအင်ဝန်ကြီးဌာနမှ သိရသည်။

မြန်မာနိုင်ငံတွင် နှစ်အလိုက် လျှပ်စစ်ဓာတ်အား သုံးစွဲမှုနှုန်းထားသည် ၁၅ ရာခိုင်နှုန်းရှိပြီး ယင်းတိုးတက်မှု နှုန်းများအရ လာမည့် ၂၀၂၀-၂၀၂၁ ဘဏ္ဍာနှစ်$ ၄၅၃၁ မဂ္ဂါဝပ်အထိ သုံးစွဲရမည်ဖြစ်ကြောင်း သိရသည်။