လျှပ်စစ်နှင့် စွမ်းအင်ဝန်ကြီးဌာန အနေဖြင့် လုပ်ငန်း အကောင်အထည်ဖော် ဆောင်ရွက်ရာတွင် JICA ၊ World Bank ၊ ADB စသည်တို့မှ ချေးငွေ ၁၄ ခု ရယူ ဆောင်ရွက်နေကြောင်း ဒုတိယ၀န်ကြီး ပြောကြား

လျှပ်စစ်နှင့် စွမ်းအင်ဝန်ကြီးဌာန အနေဖြင့် လုပ်ငန်း အကောင်အထည်ဖော် ဆောင်ရွက်ရာတွင် JICA ၊ World Bank ၊ ADB စသည်တို့မှ ချေးငွေ ၁၄ ခု ရယူကာ ဆောင်ရွက်နေကြောင်း လျှပ်စစ်နှင့်စွမ်းအင်ဝန်ကြီးဌာန ဒုတိယ၀န်ကြီး ဒေါက်တာထွန်းနိုင်က ပြောကြားသည်။

မေ ၃၁ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် ၂၀၁၇ ခုနှစ် မတ် ၃၁ ရက်အထိ ပြည်ထောင်စုလွှတ်တော်၏ အတည်ပြုချက်ဖြင့် ရယူထားသည့် ပြည်ပချေးငွေများနှင့် စပ်လျဉ်းပြီး ဆောင်ရွက်ပြီးစီးမှု အခြေအနေများကို ရှင်းလင်းစဉ် ပြောကြားခဲ့ခြင်း ဖြစ်သည်။

ဝန်ကြီးဌာန အနေဖြင့် အကောင်အထည်ဖော် ဆောင်ရွက်နေသော ချေးငွေ ၁၄ ခုတွင် JICA ချေးငွေ ခုနစ်ခု ဂျပန်ယန်း ၁၀၈ ဒသမ ၈၅၀ ဘီလျံ၊ World Bank ချေးငွေ နှစ်ခု အမေရိကန်ဒေါ်လာ ၄၅၀ သန်း၊ ADB ချေးငွေ နှစ်ခု အမေရိကန်ဒေါ်လာ သန်း ၁၄၀၊ China Development Bank ချေးငွေ အမေရိကန်ဒေါ်လာ ၁၆ ဒသမ ၄၀၈ သန်း၊ Exam Bank of Korea ချေးငွေ အမေရိကန်ဒေါ်လာ သန်း ၁၀၀၊ ဂျာမနီချေးငွေ ယူရို ၂၃ ဒသမ ၈၈၃ သန်းတို့ ပါဝင်ကြောင်း ဒုတိယ၀န်ကြီးက ပြောကြားသည်။

အဆိုပါ ချေးငွေများတွင် JICA ချေးငွေ ခုနစ်ခုအနက် ရန်ကုန်မြို့ရှိ ဓာတ်အားပေးစက်ရုံများ၊ ဓာတ်အားခွဲရုံနှင့် ဓာတ်အားလိုင်းများ ပြုပြင်ခြင်း၊ သာကေတ ဓာတ်အားပေးစက်ရုံ အဆင့်မြှင့်တင်ခြင်း လုပ်ငန်းများကို Marubeni Co, Ltd နှင့် Pre-Engineering လုပ်ငန်းများကို စတင် ဆောင်ရွက်နေပြီ ဖြစ်သည့်အပြင် 230 KV ခွဲရုံ လေးရုံ အဆင့်မြှင့်တင်ခြင်း လုပ်ငန်းများကိုလည်း ဆောင်ရွက်လျက်ရှိကြောင်း ပြောကြားသည်။

အမျိုးသား လျှပ်စစ်ဓာတ်အား ပို့လွှတ်ရေးကွန်ရက် ဖွံ့ဖြိုးတိုးတက်မှု စီမံကိန်း အဆင့် (၁)အား JICA ချေးငွေဖြင့် ဆောင်ရွက်မည့် 500 KV မိတ္ထီလာခွဲရုံနှင့် တောင်ငူခွဲရုံ ဓာတ်အားလိုင်း စီမံကိန်းအတွက် ချေးငွေပမာဏ ဂျပန်ယန်း ၂၄ ဒသမ ၆၇၈ ဘီလျံမှ ၂၀၁၈ ခုနှစ် ဧပြီ ၃၀ ရက်အထိ ဂျပန်ယန်း ၀ ဒသမ ၄၀၃ ဘီလျံသာ ထုတ်ယူထားပြီး Consultant လုပ်ငန်းများအတွက် စာချုပ်ချုပ်ဆိုခဲ့ကာ လုပ်ငန်းတင်ဒါများကိုလည်း နိုင်ငံပိုင် သတင်းစာများက ခေါ်ယူကာ ဆောင်ရွက်ခဲ့ကြောင်း ဒုတိယ၀န်ကြီးက ပြောကြားသည်။

ထို့အတူ အဆင့် (၂) ဖြစ်သည့် 500 KV ဘုရားကြီး-လှိုင်သာယာ ဓာတ်အားလိုင်း၊ 500 KV ဘုရားကြီးခွဲရုံနှင့် လှိုင်သာယာခွဲရုံအတွက် ဂျပန်ယန်း ၄၁ ဒသမ ၁၁၅ မှ ဂျပန်ယန်း ၀ ဒသမ ၀၄၆ ဘီလျံသာ ထုတ်ယူထားကြောင်း၊ ကျန်စီမံကိန်း လေးခုအတွက် ချေးငွေများ ထုတ်ယူထားခြင်း မရှိသေးကြောင်း၊ Consultant တင်ဒါများ စိစစ်နေပြီး လုပ်ငန်းတင်ဒါများ ခေါ်ယူရန် ပြင်ဆင် ဆောင်ရွက်လျက်ရှိကြောင်း ဒုတိယ၀န်ကြီးက ပြောကြားသည်။

China Development Bank ချေးငွေဖြင့် ဆောင်ရွက်နေသည့် 230 KV အသုတ်-ပုသိမ် ဓာတ်အားလိုင်း (၃၀ ဒသမ ၂၅ မိုင်)၊ ဓာတ်အားခွဲရုံ နှစ်ရုံမှာ ချေးငွေပမာဏ အမေရိကန်ဒေါ်လာ ၁၆ ဒသမ ၄၀၈ သန်းအနက် ထုတ်ယူသုံးစွဲမှု ပမာဏသည် အမေရိကန်ဒေါ်လာ ၁၅ ဒသမ ၃၃၉ သန်း ရှိကြောင်း၊ လုပ်ငန်းအားလုံး ၁၀၀ ရာခိုင်နှုန်း ပြီးစီးပြီ ဖြစ်သည့်အတွက် ၂၀၁၅ ခုနှစ် နိုဝင်ဘာလမှ စတင်ကာ ဓာတ်အား ပို့လွှတ်နိုင်ခဲ့ကြောင်း၊ ၂၀၁၅ ခုနှစ်မှစ၍ ချေးငွေများကို စေ့ရက် ရောက်သည့်အတိုင်း ပြန်လည်ပေးဆပ်လျက် ရှိကြောင်း၊ ကမ္ဘာ့ဘဏ် ချေးငွေဖြင့် ဆောင်ရွက်လျက်ရှိသည့် ၁၁၈ ဒသမ ၉ မဂ္ဂါဝပ် သထုံ သဘာဝဓာတ်ငွေ့နှင့် စွန့်ပစ်အပူသုံး ဓာတ်အားပေးစက်ရုံ စီမံကိန်းအတွက် ချေးငွေပမာဏ အမေရိကန်ဒေါ်လာ သန်း ၁၄၀ ရရှိခဲ့ကြောင်း၊၂၀၁၈ ခုနှစ် ဧပြီလကုန်အထိ အမေရိကန်ဒေါ်လာ ၈၂ ဒသမ ၇၄၁ သန်း ထုတ်ယူ သုံးစွဲခဲ့ပြီးဖြစ်ကာ ၂၀၁၈ ခုနှစ် ဇွန်လအတွင်း ဆောင်ရွက်ပြီးစီးမည် ဖြစ်ကြောင်း ဒေါက်တာထွန်းနိုင်က ပြောကြားသည်။

ထို့ပြင် အာရှဖွံ့ဖြိုးရေးဘဏ် ချေးငွေဖြင့် ဆောင်ရွက်မည့် ရန်ကုန်၊ မန္တလေး၊ စစ်ကိုင်းနှင့် မကွေးတိုင်းဒေသကြီးများ ဓာတ်အား ဖြန့်ဖြူးမှု တိုးတက်ရေး စီမံကိန်းအတွက် ချေးငွေပမာဏ အမေရိကန်ဒေါ်လာ သန်း ၆၀ ရရှိခဲ့သည့်အနက် ၃၈ ဒသမ ၅၈၆ သန်း ထုတ်ယူ သုံးစွဲခဲ့ပြီးဖြစ်ကာ ရန်ကုန်၊ မန္တလေး၊ စစ်ကိုင်း၊ မကွေးမြို့ကြီးများတွင် 66 KV ၊ 33 KV ဓာတ်အားခွဲရုံများ အဆင့်မြှင့်တင်ခြင်း၊ သစ်သားတိုင်များအား ကွန်ကရစ်တိုင်များဖြင့် အစားထိုး လဲလှယ်ခြင်း၊ ACSR ကြိုးလဲလှယ်ခြင်း၊ ABC ကြိုးလဲခြင်း၊ Switch Bay လဲလှယ်ခြင်း လုပ်ငန်းများကို ဆောင်ရွက်လျက် ရှိကြောင်း၊ Exam Bank of Korea ချေးငွေဖြင့် ဆောင်ရွက်လျက်ရှိသည့် 500 KV တောင်ငူ – ကမာနက် (ဘုရားကြီး) ဓာတ်အားလိုင်း ၁၁၇ မိုင် တည်ဆောက်ခြင်း စီမံကိန်းအတွက် ချေးငွေပမာဏ အမေရိကန်ဒေါ်လာ သန်း ၁၀၀ မှ ၀ ဒသမ ၅၉၄ သန်း ထုတ်ယူသုံးစွဲခဲ့ကာ Consultant လုပ်ငန်းများအတွက် ပြည်ပကုမ္ပဏီ သုံးခုနှင့် စာချုပ်ချုပ်ဆို၍ စီမံကိန်းလုပ်ငန်းများ ဆောင်ရွက်ရန် တင်ဒါခေါ်ယူပြီး ဖြစ်ကြောင်း ဒုတိယ၀န်ကြီးက ပြောကြားသည်။

ဂျာမနီချေးငွေဖြင့် ဆောင်ရွက်မည့် ရှမ်းပြည်နယ် တောင်ကြီးခရိုင်၊ လွိုင်လင်ခရိုင်၊ လင်းခေးခရိုင်အတွင်းရှိ ကျေးရွာများ လျှပ်စစ်ဓာတ်အားရရှိရေး စီမံချက်အတွက် ချေးငွေယူရို၂၃ ဒသမ ၈၈၃ သန်းကို စာချုပ် ချုပ်ဆိုထားသော်လည်း ထုတ်ယူသုံးစွဲခြင်း မရှိသေးကြောင်း၊ လျှပ်စစ်ကဏ္ဍ အနေဖြင့် အကောင်အထည်ဖော် ဆောင်ရွက်လျက်ရှိသည့် ချေးငွေ စီမံကိန်း ၁၄ ခု၊ အခြားဝန်ကြီးဌာနများနှင့် ပူးပေါင်းကာ ချေးငွေရယူ၍ အကောင်အထည်ဖော် ဆောင်ရွက်လျက်ရှိသည့် စီမံကိန်း နှစ်ခု၊ ယင်းစီမံကိန်း ၁၆ ခုအား ချေးငွေစာချုပ်ပါ စည်းကမ်းချက်များအား လိုက်နာ ဆောင်ရွက်လျက်ရှိကြောင်း ဒုတိယ၀န်ကြီးက ပြောကြားသည်။

၂၀၀၈-၂၀၀၉ ဘဏ္ဍာနှစ်မှ စတင်တည်ဆောက်ခဲ့သည့် သံတွဲမြို့နယ် သူဌေးရေအားလျှပ်စစ် စီမံကိန်း ၁၀ နှစ်အကြာတွင် ၄၈ ရာခိုင်နှုန်းခန့်သာ ပြီးစီးကြောင်း သိရ

သူဌေး ရေအားလျှပ်စစ် စီမံကိန်း လုပ်ငန်းခွင် တစ်နေရာကို ဖေဖော်ဝါရီလဆန်းပိုင်းက တွေ့ရစဉ် (ဓာတ်ပုံ-သန်းမောင်ဦး)

၂၀၀၈-၂၀၀၉ ဘဏ္ဍာနှစ်မှ စတင်တည်ဆောက်ခဲ့သည့် သံတွဲမြို့နယ် သူဌေးရေအားလျှပ်စစ် စီမံကိန်း ၁၀ နှစ်အကြာတွင် ၄၇ ဒသမ ၇၇ ရာခိုင်နှုန်းခန့် ပြီးစီးနေပြီဖြစ်ကြောင်း ပြန်ကြားရေး ၀န်ကြီးဌာနမှ သတင်းထုတ်ပြန်ချက်အရ သိရသည်။

သူဌေးရေအားလျှပ်စစ် စီမံကိန်းတွင် တည်ဆောက်မည့် ပင်မတမံ အမျိုးအစားမှာ ဇုန်အမျိုးအစား (ကျောက်ဖြည့်တမံ) ဖြစ်ပြီး ကန်ရေပြည့် ရေသိုလှောင်ပမာဏမှာ ၆ ဒသမ ၉၆ သိန်း ဧကပေ သိုလှောင်နိုင်မည်ဖြစ်ကာ ယခုအခါ စီမံကိန်း၏ ၄၇ ဒသမ ၇၇ ရာခိုင်နှုန်းခန့် ပြီးစီးနေပြီ ဖြစ်ကြောင်းလည်း သတင်းထုတ်ပြန်ချက်အရ သိရသည်။ အဆိုပါ သူဌေးချောင်း ရေအားလျှပ်စစ် စီမံကိန်းမှာ အရှည်မိုင် ၇၀ ခန့်ရှည်လျားသည့် သူဌေးချောင်းအား လျှပ်စစ်နှင့်စွမ်းအင် ၀န်ကြီးဌာနအောက်ရှိ ရေအားလျှပ်စစ် အကောင်အထည်ဖော်ရေး ဦးစီးဌာန တည်ဆောက်ရေးအဖွဲ့ (၄) မှ နော်ဝေနိုင်ငံ၏ နည်းပညာ အကူအညီရယူကာ တည်ဆောက်နေခြင်းဖြစ်ပြီး စီမံကိန်း တည်ဆောက်ရေးကဏ္ဍ ကိုးခုအတွက် တွက်ချက်မှုအရ နိုင်ငံတော်စရိတ် ကျပ်သန်းပေါင်း ၃၅၄၆၀၁ ဒသမ ၂၅ ဖြင့် နိုင်ငံတော်၏ နှစ်စဉ် ခွင့်ပြုရန်ပုံငွေဖြင့် ဆောင်ရွက်နေရာ နည်းပညာပိုင်းဆိုင်ရာ လုပ်ငန်းများအတွက် နော်ဝေ Nor wegian Water Resources and Energy Directorcte (NVE) ၏ အထောက်အပံ့အရ လည်းကောင်း၊ မြို့ပြဆိုင်ရာ တည်ဆောက်မှု လုပ်ငန်းအတွက် နိုင်ငံတော် ရန်ပုံငွေမှ လည်းကောင်း စက်မှုလျှပ်စစ် တပ်ဆင်ခြင်းဆိုင်ရာ လုပ်ငန်းများအား တရုတ်နိုင်ငံ EHIN Bank တို့၏ချေးငွေဖြင့် ပါဝင်တည်ဆောက်ခဲ့ခြင်း ဖြစ်ကြောင်းလည်း သိရသည်။

သူဌေးရေအားလျှပ်စစ် စီမံကိန်းအား ဖေဖော်ဝါရီလဆန်းပိုင်းက တွေ့ရစဉ် (Photo : than maung oo)

လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ ရခိုင်ပြည်နယ်ဝန်ကြီးချုပ် ဦးညီပုတို့သည် မေ ၅ ရက် မွန်းလွဲပိုင်းက သူဌေးရေအားလျှပ်စစ် စီမံကိန်း၏ လုပ်ငန်းဆောင်ရွက်နေမှု အခြေအနေများအား သွားရောက်ကြည့်ရှု စစ်ဆေးခဲ့ကြောင်း သိရသည်။ ပြည်ထောင်စုဝန်ကြီးနှင့် အဖွဲ့သည် အမှတ် (၂) ရေလွှဲဥမင်လိုဏ် အ၀င်ပိုင်းနှင့် ရေထိန်းတံခါးပြွန် တူးဖော်ခြင်းလုပ်ငန်း၊  ကွန်ကရစ် သွန်းလောင်းခြင်းလုပ်ငန်း ဆောင်ရွက်ပြီးစီးမှု အခြေအနေ၊ ဥမင်လိုဏ်ခိုင်ခံ့ခြင်း လုပ်ငန်းဆောင်ရွက်နေမှု အခြေအနေနှင့် အထွက်ပိုင်း ကွန်ကရစ် သွန်းလောင်းနေမှု အခြေအနေများအား ဥမင်လိုဏ်တစ်လျှောက် လိုက်လံကြည့်ရှု စစ်ဆေးခဲ့ပြီး အမှတ် (၁) ရေလွှဲဥမင်လိုဏ် ဖောက်လုပ်ပြီးစီးနေမှု အခြေအနေအား မော်တော်ယာဉ်များဖြင့် ဖြတ်သန်းကြည့်ရှု စစ်ဆေးခဲ့ကြောင်း သိရသည်။

ထို့ပြင် တမံအုတ်မြစ်စိမ့် ရေတားနံရံလုပ်ငန်း ဆောင်ရွက်ပြီးစီးမှု၊ ပင်မတမံအောက်ခြေမြေကြီး၊ ကျောက်သား တူးဖော်ခြင်းလုပ်ငန်း ဆောင်ရွက်နေမှု၊ စီမံကိန်းလုပ်ငန်းများအလိုက် ဆောင်ရွက်နေမှု အခြေအနေများအား ကြည့်ရှုစစ်ဆေး ခဲ့ကြောင်းလည်း သိရသည်။ သူဌေးရေအားလျှပ်စစ် စီမံကိန်းသည် သူဌေးချောင်းပေါ်တွင် ရေလှောင်တမံ တည်ဆောက်ပြီး ၁၁၁ မဂ္ဂါဝပ်ဓာတ်အားပေး စက်ရုံတစ်ရုံ တည်ဆောက်၍ နှစ်စဉ်ပျမ်းမျှ လျှပ်စစ်ဓာတ်အား ကီလိုဝပ်နာရီသန်းပေါင်း ၃၈၆ သန်း ရခိုင်ပြည်နယ်အတွင်း ဒေသများသို့ လျှပ်စစ်ဓာတ်အား တိုးမြှင့်ဖြန့်ဖြူး ပေးနိုင်ရန်နှင့် နိုင်ငံတော် ဓာတ်အားစနစ်သို့ ချိတ်ဆက်ကာ ပို့လွှတ်ဖြန့်ဖြူးနိုင်ရေး ရည်ရွယ်၍ အကောင်အထည်ဖော် ဆောင်ရွက်လျက်ရှိကြောင်း သိရသည်။

၂၀၀၈-၂၀၀၉ ဘဏ္ဍာနှစ်မှ စတင်တည်ဆောက်ခဲ့သည့် ရခိုင်ပြည်နယ် သံတွဲမြို့နှင့် ၁၂ မိုင်အကွာရှိ သူဌေးချောင်း ရေအားလျှပ်စစ်စီမံကိန်း အကောင်အထည်ဖော် ဆောင်ရွက်လျက်ရှိရာ ၂၀၂၃-၂၀၂၄ ခုနှစ်တွင် ပြီးစီးမည်ဖြစ်ကြောင်း သိရသည်။

 

ရန်ကုန်တိုင်းဒေသကြီးအတွင်း မိုးဦးကာလ သစ်ပင်သစ်ကိုင်းခုတ်ခြင်းနှင့် ဟောင်းနွမ်းဓာတ်အားလိုင်းကြိုးများ လဲလှယ်ခြင်းကို မေ ၈ ရက်မှ ၁၀ ရက်အထိ ပြုလုပ်မည်ဖြစ်သဖြင့် မြို့နယ်အချို့တွင် အချိန်ပိုင်း မီးဖြတ်မည်

ရန်ကုန်တိုင်းဒေသကြီးအတွင်း မိုးဦးကာလ သစ်ပင်သစ်ကိုင်းခုတ်ခြင်းနှင့် ဟောင်းနွမ်းဓာတ်အားလိုင်းကြိုးများ လဲလှယ်ခြင်းကို မေ ၈ ရက်မှ ၁၀ ရက်အထိ ပြုလုပ်မည်ဖြစ်သဖြင့် မြို့နယ်အချို့တွင် အချိန်ပိုင်း မီးဖြတ်မည်ဖြစ်ကြောင်း ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းက သတင်းထုတ်ပြန်ထားသည်။

ရန်ကုန်တိုင်းဒေသကြီးအတွင်းရှိ ခရိုင်နှင့် မြို့နယ်များတွင် (၆၆) ကေဗွီ၊ (၃၃) ကေဗွီ ဓာတ်အားခွဲရုံများ၊ Distribution Transformer များ ထိန်းသိမ်းပြုပြင်ခြင်းလုပ်ငန်းများ၊ မိုးဦးကာလ လျှပ်စစ်အန္တရာယ်ကင်းရှင်းရေးအတွက် ဓာတ်အားလိုင်းနှင့် မလွတ်ကင်းသော သစ်ပင်၊ သစ်ကိုင်း ခုတ်ထွင်ရှင်းလင်းခြင်းနှင့် ရေရှည်ဓာတ်အား တည်ငြိမ်ပြည့်ဝစွာ ပေးနိုင်ရေးအတွက် ဟောင်းနွမ်း၍ ၀န်အားမနိုင်တော့သော (၁၁) ကေဗွီဓာတ်အား လိုင်းကြိုးများအား လျှပ်ကာပါသော ဓာတ်အားလိုင်းကြိုးအသစ်များဖြင့် လဲလှယ်ခြင်းများကို မေ ၈ ရက်မှ ၁၀ ရက်တို့တွင် နံနက် ၉ နာရီမှ ၁၂ နာရီအထိ ဆောင်ရွက်သွားမည်ဖြစ်ကြောင်း သိရသည်။

ထိုသို့လုပ်ငန်းများ ဆောင်ရွက်နေချိန်အတွင်း ရန်ကုန်တိုင်းဒေသကြီးအတွင်းရှိ အင်းစိန်၊ မင်္ဂလာဒုံ၊ လှိုင်သာယာ၊ ရွှေပြည်သာ၊ လှည်းကူး၊ မှော်ဘီ၊ တိုက်ကြီး၊ ထောက်ကြန့်၊ ဥက္ကံ၊ ဒါးပိန်၊ ဖောင်ကြီး၊ အင်းတိုင်၊ မြောင်းတကာ၊ ရွှေလင်ပန်း၊ ထန်းတပင်၊ မြောက်ဥက္ကလာပ၊ ရွှေပေါက္ကံ၊ တွံတေး၊ ဒလ၊ ကော့မှူး၊ ကွမ်းခြံကုန်း၊ သန်လျင်မြို့နယ်များတွင် အချိန်ပိုင်း ဓာတ်အားပြတ်တောက်မှု အနည်းငယ်ရှိနိုင်ကြောင်း သတင်းထုတ်ပြန်ထားသည်။

ဓာတ်အား ယာယီပြတ်တောက်ရခြင်းများအတွက် လူမှုရေးအခက်အခဲများ ပေါ်ပေါက်လာနိုင်မှုများအပေါ် နားလည်ခွင့်လွှတ်ပေးပါရန် ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းက အများပြည်သူများထံသို့ အသိပေးထားကြောင်း သိရသည်။

အမျိုးသားလျှပ်စစ်ဓာတ်အားရရှိရေး စီမံကိန်းအရ ညောင်တုန်းမြို့နယ်အတွင်း ကျေးရွာလေးရွာတွင် တပ်ဆင်အသုံးပြုမည့် ဆိုလာပြားများမှာ ဒေသခံများကို ပြောကြားခဲ့စဉ်က ထုတ်လုပ်သည့်နိုင်ငံနှင့် အမှန်တကယ်ချပေးရာတွင် ပစ္စည်းထုတ်လုပ်သည့်နိုင်ငံ ကွာခြားမှုများ ရှိနေသောကြောင့်ဟုဆိုကာ ဒေသခံများက စီမံကိန်းအားငြင်းဆို

အမျိုးသားလျှပ်စစ်ဓာတ်အားရရှိရေး စီမံကိန်းအရ ကမ္ဘာ့ဘဏ်ချေးငွေ ဒေါ်လာသန်း ၉၀ နှင့် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနတို့ ပူးပေါင်းဆောင်ရွက်နေသည့် မဟာဓာတ်အားလိုင်း ပြင်ပကျေးရွာများ မီးလင်းရေးအတွက် တစ်အိမ်သုံးဆိုလာစနစ်များ တပ်ဆင်ရေးစီမံကိန်းအား အကောင်အထည်ဖော်ရာတွင် တစ်အိမ်သုံးဆိုလာစနစ် တပ်ဆင်ရန် အဆိုပြုခဲ့သည့် ညောင်တုန်းမြို့နယ်အတွင်းရှိ ကျေးရွာလေးရွာမှ ဒေသခံများက ကျေးရွာမီးလင်းရေးအတွက် တပ်ဆင်ပေးမည့် ဆိုလာပြားနှင့် ဘက်ထရီများမှာ သက်ဆိုင်ရာတာဝန်ရှိသူများက ဒေသခံများကို ပြောကြားခဲ့သည့် ထုတ်လုပ်သည့်နိုင်ငံနှင့် တကယ်တမ်းချထားပေးသည့် ပစ္စည်းများအား ထုတ်လုပ်သည့်နိုင်ငံမှာ ကွာခြားနေသောကြောင့်ဟုဆိုကာ ယင်းစီမံကိန်းအား ငြင်းဆိုခဲ့ကြကြောင်း သတင်းရရှိသည်။

ဖြစ်စဉ်မှာ ညောင်တုန်းမြို့နယ်အတွင်းရှိ ဦးဂျိုးလေးစုကျေးရွာ၊ ချောင်းမကြီးကျေးရွာ၊ ကုန်းတန်းကျေးရွာ၊ မင်းလမ်းစုကျေးရွာများတွင် အမျိုးသားလျှပ်စစ်ဓာတ်အားရရှိရေး စီမံကိန်းအရ ဆိုလာပြားများ တပ်ဆင်အသုံးပြုနိုင်ရန် ညောင်တုန်းမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနနှင့် တိုင်းဒေသကြီး လွှတ်တော်ကိုယ်စားလှယ်များက လာရောက်ဆွေးနွေးခဲ့ကြောင်း၊ ယင်းကဲ့သို့ ဆွေးနွေးခဲ့စဉ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာန တာဝန်ရှိသူက ကျေးရွာများတွင် တပ်ဆင်ပေးမည့် ဆိုလာပြားများနှင့် စက်ကိရိယာများမှာ ဂျပန်နိုင်ငံနှင့် ဂျာမနီနိုင်ငံများမှ ထုတ်လုပ်သည့် ပစ္စည်းများဖြစ်မည်ဟု ပြောဆိုခဲ့ကြောင်း၊ အမျိုးသားလျှပ်စစ်ဓာတ်အားရရှိရေး စီမံကိန်း မဟာဓာတ်အားလိုင်း ပြင်ပမီးလင်းရေး စီမံကိန်းလုပ်ငန်းစဉ်များအရ ဆိုလာပြားများ တပ်ဆင်ရေးအတွက် ကျေးရွာလူထုမှ ကုန်ကျငွေ၏ ၁၀ ရာခိုင်နှုန်းမှ ရာခိုင်နှုန်း ၂၀ အထိ ထည့်သွင်းကျခံပေးရမည်ဖြစ်ကြောင်း၊ ကျေးရွာဒေသခံများနှင့် တာဝန်ရှိသူများ ညှိနှိုင်းချက်အရ ကျေးရွာများက တစ်အိမ်ထောင်လျှင် ကျပ်တစ်သိန်းငါးသောင်းအား ကျခံပေးမည်ဟု ကတိပြုခဲ့ကြောင်း၊ ဆိုလာပြားများ တပ်ဆင်ပေးရန်အတွက် ပစ္စည်းများရောက်ရှိချိန်၌ ဒေသခံများက သွားရောက်ကြည့်ရှုရာ မူလဆွေးနွေးပြောကြားခဲ့စဉ်က ဂျပန်နိုင်ငံနှင့် ဂျာမနီနိုင်ငံမှ ထုတ်လုပ်သည့် ပစ္စည်းများဆိုသည်မှာ တရုတ်နိုင်ငံထုတ်ပစ္စည်းများသာ ဖြစ်နေသောကြောင့် ယင်းစီမံကိန်းကို လက်ခံရန် ငြင်းဆိုခဲ့ကြကြောင်း သိရသည်။

“သူတို့နဲ့ ကျွန်တော်တို့ဆွေးနွေးခဲ့စဉ်က ဂျာမနီ သို့မဟုတ် ဂျပန်ဖြစ်မယ်လို့ ပြောသွားပြီးမှ အခု တရုတ်တွေဖြစ်နေလို့ ကျွန်တော်တို့က ငြင်းလိုက်တာပါ။ ကျွန်တော်တို့က ကျေးလက်ရုံးကို ပိုက်ဆံသွားသွင်းတော့ ပစ္စည်းတွေ ရောက်နေတာက တရုတ်ပစ္စည်းတွေဖြစ်နေလို့ မယူတော့တာ။ တရုတ်ဖြစ်ဆိုပေမဲ့ ဂျပန်နည်းပညာပါ။ ကောင်းပါလိမ့်မယ်။ ကျွန်တော်တို့ ပြည်သူတွေ အမှတ်မှားတာလို့ပြောတယ်။ ဒါပေမဲ့ သိရတာနဲ့ရတာနဲ့မတူလို့ ကျွန်တော်တို့ရွာတွေက မယူတော့တာ” ဟု မင်းလမ်းစုကျေးရွာမှ ဒေသခံ ကိုကျော်စွာဝင်းက ပြောကြားသည်။

ယင်းဖြစ်စဉ်နှင့်ပတ်သက်၍ ဒေသခံများနှင့် သွားရောက်ဆွေးနွေးစဉ်က လိုက်ပါခဲ့သူ ညောင်တုန်းမြို့နယ် မဲဆန္ဒနယ်မှ လွှတ်တော်ကိုယ်စားလှယ် ဒေါ်နီနီမိုးကလည်း ၎င်း၏ Facebook စာမျက်နှာပေါ်တွင် တရုတ်နိုင်ငံထုတ်ပစ္စည်များ ဖြစ်နေသည်ကို ဝေဖန်ပြောကြားခဲ့ပြီးနောက် National Electrification Project ၏ Facebook Page မှလည်း ဒေါ်နီနီမိုး၏ ရေးသားချက်အား ပြန်လည်တုံ့ပြန်ခဲ့ပြီးနောက် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနကလည်း နေပြည်တော်တွင် သတင်းစာရှင်းလင်းပွဲတစ်ခု ပြုလုပ်ရှင်းလင်းခဲ့ကြောင်း သိရသည်။

“အစ်မတို့ ၂၀၁၇၊ ၁၁ လပိုင်းလောက်မှာ ကျေးလက်ဦးစီးမှူးနဲ့ ကျေးရွာကို ကွင်းဆင်းရတယ်။ အဲဒါမှာ 60W က ဘယ်နှလုံးယူမှာလဲ။ 100W က ဘယ်နှလုံးယူမှာလဲ မေးပြီးတော့ စီမံကိန်းလုပ်ငန်းအကြောင်းကို ရှင်းပြတယ်။ ရှင်းပြတာမှာ ဦးစီးက 60W ဆို ငါးသောင်း၊ 100W ဆို တစ်သိန်းခွဲဆိုပြီး ပြောတယ်။ စီမံကိန်းရဲ့မူဝါဒအရ ကျေးရွာက ၂၀ ရာခိုင်နှုန်း၊ ဌာနက ၂၀ ရာခိုင်နှုန်း၊ ကျန်တဲ့ ၆၀ ရာခိုင်နှုန်းက ကမ္ဘာ့ဘဏ်ချေးငွေကနေပေါ့။ အဲဒီလိုတွက်လိုက်တော့ ပစ္စည်းတန်ဖိုးက ခုနစ်သိန်းခွဲကျတယ်။ ရွာက တစ်သိန်းခွဲ စိုက်ရမယ်ပေါ့။ မြို့နယ်ဦးစီးကလည်း ဂျာမနီနဲ့ ဂျပန်ဆိုလာဆိုတဲ့ဟာမျိုး ပြောသွားတဲ့အခါမှာ ကျေးရွာကလည်း ခုနစ်သိန်းခွဲတန်တဲ့ဟာဆိုတော့ ဂျပန်၊ ဂျာမနီဟုတ်မှာဆိုပြီး ယူလိုက်တယ်။ ငွေသွင်းတဲ့အခါမှကျတော့မှ တရုတ်ပစ္စည်းဖြစ်နေတော့ ရွာက လုံးဝမယူတော့တာ။ သူတို့မယူတော့လို့ အစ်မတို့ကို လှမ်းအကြောင်းကြားလို့ အစ်မတို့ကသိရတာ။ အစ်မရဲ့ Facebook စာမျက်နှာမှာလည်း ပြောတုန်းကတစ်မျိုးဖြစ်ပြီး အခုတစ်မျိုးဖြစ်နေတာကို သိရလို့ ရေးလိုက်တာပေါ့။ အခုလို ငြင်းဆိုလိုက်တာက ပြည်သူတွေရဲ့သဘောပေါ့။ သူတို့ဘက်က ရှင်းထားတာရှိသေးတယ်။ အနည်းဆုံးဈေးနဲ့ တင်ဒါအောင်တာကို ဆွဲလိုက်ရတာဆိုတာ အနည်းဆုံးဈေးနဲ့ဆိုရင် အခုပြောတာက 100W ကို သုံးသိန်းခုနစ်သောင်းနဲ့ တင်ဒါအောင်သွားတယ်လို့ပြောတယ်။ ပြည်သူဆီက ကောက်ထားတုန်းကကျတော့ ခုနစ်သိန်းခွဲလောက်ကျတယ်ဆိုပြီး တင်ဒါမအောင်ခင်ကတည်းက ကောက်ထားတာဆိုတော့ ဈေးကကွာဟမှုတွေလည်း ရှိနေတယ်။ အဲဒါကို မေးစရာရှိလာတာ” ဟု တိုင်းဒေသကြီး လွှတ်တော်ကိုယ်စားလှယ် ဒေါ်နီနီမိုးက ပြောကြားသည်။

ယင်းအငြင်းပွားမှုနှင့် ပတ်သက်၍ ဧရာဝတီတိုင်းဒေသကြီး ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူး ဦးစိုးသန်းကလည်း မေ ၅ ရက်တွင် မီဒီယာများနှင့် တွေ့ဆုံပြောကြားခဲ့ရာတွင် မြို့နယ်ဦးစီးမှူးမှာ ကျေးရွာဒေသခံများနှင့် သွားရောက်တွေ့ဆုံစဉ်က ဒေသခံများအား ဂျာမနီနှင့် ဂျပန်နိုင်ငံများမှ ပစ္စည်းများကဲ့သို့ အရည်အသွေးကောင်းမွန်သည့် ပစ္စည်းများဖြစ်သည်ဟု ပြောဆိုခဲ့ခြင်းအား ဒေသခံများက နားလည်မှုလွဲခဲ့ခြင်းသာဖြစ်ကြောင်း ပြန်လည်ဖြေရှင်းပြောကြားခဲ့သည်။

၂၀၁၈ ခုနှစ် နွေကာလ အမြင့်ဆုံးလျှပ်စစ်ဓာတ်အား ထုတ်လုပ်မှုအဖြစ် မဂ္ဂါဝပ် ၃၂၉၀ ရောက်ရှိခဲ့ပြီး ရန်ကုန်မြို့တွင် မဂ္ဂါဝပ် ၁၃၇၀၊ မန္တလေးမြို့တွင် မဂ္ဂါဝပ် ၅၅၀ ကျော်အထိ သုံးစွဲမှုရှိနေ

၂၀၁၈ ခုနှစ် နွေကာလတွင် အမြင့်ဆုံးလျှပ်စစ်ဓာတ်အား ထုတ်လုပ်မှုအဖြစ် မဂ္ဂါဝပ် ၃၂၉၀ အထိရောက်ရှိခဲ့ပြီး ရန်ကုန်တွင် မဂ္ဂါဝပ် ၁၃၇၀၊ မန္တလေးတွင် မဂ္ဂါဝပ် ၅၅၀ ကျော်အထိ သုံးစွဲမှုရှိနေကြောင်း လျှပ်စစ်နှင့် စွမ်းအင်ဝန်ကြီးဌာနမှ သိရသည်။

မြန်မာနိုင်ငံ၏ သုံးနှစ်အတွင်း မတ်လ၌ အသုံးပြုခဲ့သည့် အမြင့်ဆုံးလျှပ်စစ်ပမာဏများမှာ ၂၀၁၆ ခုနှစ်တွင် ၂၆၇၃ မဂ္ဂါဝပ်၊ ၂၀၁၇ ခုနှစ်တွင် ၂၈၈၉ မဂ္ဂါဝပ်၊ ၂၀၁၈ ခုနှစ် မတ်လတွင် ၃၂၉၀ ဒသမ ၈ မဂ္ဂါဝပ်အထိ ဖြစ်ပေါ်ခဲ့ခြင်းဖြစ်သည်။ မတ်လ ကာလတူချင်း နှိုင်းယှဉ်ပါက ၂၀၁၇ ခုနှစ်တွင် ၂၀၁၆ ခုနှစ်ထက် ၂၁၆ မဂ္ဂါဝပ်၊ ၂၀၁၈ ခုနှစ်တွင် ၂၀၁၇ ခုနှစ်ထက် ၄၀၁ မဂ္ဂါဝပ်၊ ၂၀၁၆ ခုနှစ်နှင့် နှိုင်းယှဉ်ပါက ၂၀၁၈ ခုနှစ်တွင် ၆၁၇ မဂ္ဂါဝပ် တိုးမြင့်လာခြင်းဖြစ်သည်။

ပြီးခဲ့သည့် ၂၀၁၇ ခုနှစ်အတွင်း အမြင့်ဆုံးလျှပ်စစ်ဓာတ်အား ထုတ်လုပ်မှုအဖြစ် ၂၀၁၇ ခုနှစ် နိုဝင်ဘာတွင် ၃၁၈၉ မဂ္ဂါဝပ်အထိရှိခဲ့ကာ ပြီးခဲ့သည့်ဒီဇင်ဘာမှ ဖေဖော်ဝါရီလဆန်းအထိ ရာသီဥတုအခြေအနေကြောင့် လျှပ်စစ်ဓာတ်အားသုံးစွဲမှု လျော့ကျခဲ့ပြီး ဖေဖော်ဝါရီလဆန်းအထိ မဂ္ဂါဝပ် ၂၇၀၀-၂၈၀၀ ၀န်းကျင်သာ ထုတ်လုပ်မှုရှိခဲ့သည်။ ထို့နောက် ဖေဖော်ဝါရီဒုတိယပတ်မှစတင်ကာ ဒေသအချို့တွင် ရာသီဥတုပူပြင်းလာခဲ့ပြီး လျှပ်စစ်ဓာတ်အားသုံးစွဲမှုများလည်း မြင့်တက်ခဲ့ကာ အမြင့်ဆုံးဓာတ်အား ထုတ်လုပ်မှု မဂ္ဂါဝပ် ၃၀၀၀ ကျော် ပြန်လည်ဖြစ်ပေါ်ခဲ့သည်။

လက်ရှိ အမြင့်ဆုံးလျှပ်စစ်ဓာတ်အား ထုတ်လုပ်မှု မဂ္ဂါဝပ် ၃၂၀၀ ကျော်ရှိသည့်အနက် ရန်ကုန်တိုင်းဒေသကြီးတွင် မဂ္ဂါဝပ် ၁၃၇၀ ကျော်၊ မန္တလေးတိုင်းဒေသကြီးတွင် မဂ္ဂါဝပ် ၅၅၀ ကျော်၊ အခြားဒေသများတွင် မဂ္ဂါဝပ် ၁၂၀၀ ကျော် သုံးစွဲလျက်ရှိပြီး ရန်ကုန်၊ မန္တလေးဒေသသုံးစွဲမှု၏ ၃၅-၄၀ ရာခိုင်နှုန်း၊ အခြားဒေသသုံးစွဲမှု၏ ၂၁ ရာခိုင်နှုန်းမှာ စက်မှုလုပ်ငန်းသုံးများဖြစ်သည်။

မြန်မာနိုင်ငံတွင် မီးသုံးစွဲသူ ၁၀ ဒသမ ၈၇၇ သန်းအနက် ၄ ဒသမ ၂၈၉ သန်း (၃၉ ဒသမ ၄ ရာခိုင်နှုန်း) လျှပ်စစ်မီးရရှိပြီး ၆ ဒသမ ၅၈၈ သန်းမီးရရှိရန် ကျန်ရှိနေခြင်းဖြစ်သည်။ မြို့အနေဖြင့် ၄၈၂ မြို့အနက် ဓာတ်အားစနစ်မှ မြို့ပေါင်း ၃၅၀ မီးရရှိပြီး အခြားနည်းလမ်းဖြင့် ကျန် ၁၃၂ မြို့ မီးရရှိထားသည်။ ကျေးရွာများအနေဖြင့် ၆၃၇၃၇ ရွာရှိသည့်အနက် ၃၂၂၂၈ ရွာမီးရရှိပြီး ၃၁၅၀၉ ရွာကျန်ရှိနေသေးကြောင်း သိရသည်။

မီးသုံးစွဲမှုအများဆုံး တိုင်းဒေသကြီးများဖြစ်သော ရန်ကုန်တိုင်းဒေသကြီးတွင် မီးသုံးစွဲသူအိမ်ထောင်စု ၁ ဒသမ ၅၈ သန်းအနက် ၁ ဒသမ ၃ သန်းမီးရရှိပြီး ၀ ဒသမ ၂၈ သန်းမီးရရှိရန် ကျန်ရှိနေခြင်းဖြစ်သည်။ မန္တလေးတိုင်းဒေသကြီးတွင်လည်း မီးသုံးစွဲသူ အိမ်ထောင်စု ၁ ဒသမ ၃၂ သန်းအနက် ၀ ဒသမ ၇ သန်းမီးရရှိပြီး ၀ ဒသမ ၆၂ သန်း မီးရရှိရန် ကျန်ရှိနေသေးကြောင်း သိရသည်။

လျှပ်စစ်မီးမရရှိသေးသည့် ကျေးရွာများအတွက် IFC၊ Norfund နှင့် Yoma Strategic တို့ပူးပေါင်းကာ Yoma Micro Power တွင် ရင်းနှီးမြှုပ်နှံသွားမည်

မြန်မာနိုင်ငံရှိ လျှပ်စစ်မရှိသေးသည့် ကျေးလက်ဒေသများအတွက် International Finance Corporation နှင့် ကနေဒါမှ လက်ရှိမိတ်ဖက်များဖြစ်သည့် Norfund နှင့် Yoma Strategic တို့နှင့်အတူ Yoma Micro Power တွင် ရင်းနှီးမြှုပ်နှံသွားမည်ဖြစ်ကြောင်း Yoma Strategic က ဧပြီ ၃ ရက်ကပြုလုပ်သည့် သတင်းစာရှင်းလင်းပွဲမှ သိရသည်။

အဆိုပါအဖွဲ့အစည်းသုံးခု၏ ရှယ်ယာနှင့် ကြွေးမြီဘဏ္ဍာရေး စုပေါင်းရင်းနှီးမြှုပ်နှံမှုသည် ဒေါ်လာ ၂၈ သန်းအထိရှိလာမည်ဖြစ်ကြောင်း ခန့်မှန်းထားသည်။

ယင်းကဲ့သို့ ရင်းနှီးမြှုပ်နှံမှုပြုလုပ်ပြီး နောက်ပိုင်းတွင် Yoma Strategic က ၃၅ ရာခိုင်နှုန်း၊ International Finance Corporation နှင့် Norfund တိုက ရာခိုင်နှုန်း ၃၀ စီပိုင်ဆိုင်ပြီး ယခုစီမံကိန်းအား ဦးဆောင်သူ Alakesh Chetia က ငါးရာခိုင်နှုန်း ပိုင်ဆိုင်သွားမည်ဖြစ်ကြောင်း ထုတ်ပြန်ချက်အရ သိရသည်။

Yoma Micro Power လုပ်ငန်းအတွက် ပြီးခဲ့သည့်နှစ်က စစ်ကိုင်းတိုင်းဒေသတွင် ကနဦးအနေဖြင့် ဓာတ်အားပေးစက်ရုံ ၁၀ ခု ဆောက်လုပ်ပြီးစီးခဲ့ပြီး ယခုနှစ်အတွင်း ဆက်သွယ်ရေးတာဝါတိုင်ပေါင်းများစွာနှင့် ကျေးလက်ဒေသများသို့ လျှပ်စစ်ဓာတ်အားများဖြန့်ဖြူးနိုင်ရန် ရည်မှန်းထားကြောင်း ထုတ်ပြန်ထားသည်။

ကျေးလက်ဒေသများ လျှပ်စစ်ရရှိရေးအတွက်ကို ဆိုလာစနစ်သုံး အသေးစား လျှပ်စစ်ဓာတ်အားပေးစက်ရုံများဖြင့် ဖြန့်ဖြူးပေးသွားမည်ဖြစ်သည်။

ကနဦးဆောင်ရွက်နေသည့် စစ်ကိုင်းတိုင်းဒေသကြီးအတွင်း ဆိုလာစနစ် အသေးစား လျှပ်စစ်ဓာတ်အားစက်ရုံများမှ ကျေးရွာပေါင်းလေးရွာနှင့် လူဦးရေ ၇၀၀ ကျော်ကို လျှပ်စစ်ဓာတ်အားပေးထားနိုင်ခဲ့ကြောင်း ဖော်ပြထားသည်။

လက်ရှိအချိန်တွင် မြန်မာနိုင်ငံအနေဖြင့် လျှပ်စစ်ဓာတ်အားရရှိမှုသည် တစ်နိုင်ငံလုံးအတိုင်းအတာအရ ရာခိုင်နှုန်း ၃၀ သာ လျှပ်ဓာတ်အားရရှိသုံးစွဲနိုင်ပြီး ကျန်ရှိနေသည့် ရာခိုင်နှုန်း ၇၀ မှာမူ လျှပ်စစ်ဓာတ်အား မရရှိသေးကြောင်း လျှပ်စစ်နှင့်စွမ်းအင်ဝန်ကြီးဌာနမှ သိရသည်။

တပ်ကုန်းမြို့နယ် ကရင်အောင်းကျေးရွာ မီးလင်းရေးလုပ်ဆောင်ရာတွင် လူထုဗဟိုပြု မီးလင်းရေးဌာနက ချပေးသည့်ငွေကြေးများကို ကျေးရွာအ၀ယ်တော်များက အလွဲသုံးစားလုပ်သည်ဟုဆိုကာ ကျေးရွာဒေသခံများက မန္တလေးမြို့တွင် လာရောက်သတင်းစာရှင်းလင်း

ကျေးရွာဒေသခံများ မန္တလေးမြို့သို့ လာရောက်သတင်းစာရှင်းလင်းနေစဉ်

မန္တလေးတိုင်းဒေသကြီး တပ်ကုန်းမြို့နယ် ညောင်တုန်းအိုင်အုပ်စု ကရင်အောင်းကျေးရွာ မီးလင်းရေးလုပ်ဆောင်ရာတွင် လူထုဗဟိုပြုဌာနက ချပေးသည့်ငွေကြေးများကို ကျေးရွာအ၀ယ်တော်များက အလွဲသုံးစားလုပ်သည်ဆိုကာ ကျေးရွာဒေသခံများက မတ် ၃၁ ရက် နံနက် ၁၀ နာရီက မန္တလေးမြို့ မီဒီယာစင်တာတွင် လာရောက်သတင်းစာရှင်းလင်းခဲ့ကြောင်း သိရသည်။

တပ်ကုန်းမြို့နယ် ကရင်အောင်းကျေးရွာ လူထုဗဟိုပြုဌာန အ၀ယ်တော်များဖြစ်ကြသည့် ဦးမျိုးမြင့်၊ ဦးမြကိုတို့ ဦးဆောင်သောအဖွဲ့သည် ကျေးရွာမီးလင်းရေးအတွက် လိုအပ်သည့် မီးကြိုး၊ ကြွေသီးများဝယ်ယူရာတွင် အရည်အသွေးနိမ့်ကျသည့်ပစ္စည်းများကို ၀ယ်ယူခြင်း၊ အရေအတွက်လျှော့ဝယ်ခြင်းများ ပြုလုပ်နေသည့်အတွက် ယခုလို လာရောက်သတင်းစာရှင်းလင်းရခြင်းဖြစ်ကြောင်း ကျေးရွာဒေသခံများထံမှ သိရသည်။

“ကျွန်တော်တို့ရွာ မီးလင်းရေးအတွက် လူထုဗဟိုပြုစီမံကိန်းဌာနကနေ သိန်းသုံးရာချပေးပါတယ်။ ရွာမီးလင်းရေးအတွက် လိုအပ်တဲ့ပစ္စည်းတွေ ၀ယ်ယူရာမှာ တင်ဒါခေါ်ရမယ်ဆိုလို့ တင်ဒါခေါ်တော့ ဖြိုးကုမ္ပဏီက အောင်သွားပါတယ်။ နောက်ပစ္စည်းတွေဝယ်ယူတဲ့အခါ တင်ဒါခေါ်တုန်းက စာရင်းတွေနဲ့ ၀ယ်လာတဲ့ပစ္စည်းစာရင်းကို ပြန်တိုက်ကြည့်တဲ့အခါ ကွာဟနေမှုက ၆၄ သိန်းကျော်ပါတယ်။ ၄၀၀ ဗို့အား ဓာတ်အားလိုင်းကို Singale Pole Angle Iron စနစ်နဲ့ ရွာတွင်းလိုင်း တပ်ဆင်တဲ့အခါ ၉၅ မီးကြိုး ပေ ၁၃၀၀၀ ကျော် (၁၃၅၃၀) ၀ယ်ရမယ်လို့ တင်ဒါထဲမှာ ဖော်ပြထားပေမဲ့ တကယ်ဝယ်တဲ့အခါ ပေ ၅၀၀၀ ကျော် (၅၂၃၁) ပဲ ၀ယ်ထားပါတယ်။ ၇၀ မီးကြိုး ပေ ၉၀၀၀ ကျော် (၉၅၁၂) ၀ယ်ယူရမှာကိုလည်း ပေ ၇၀၀၀ ကျော် (၇၇၄၇) ပဲ ၀ယ်ယူထားပါတယ်။ နောက်တစ်ခုက အရည်အသွေးပိုင်းပါ။ ၉၅ ကြိုးတပ်ဆင်ရမယ့်နေရာမှာ ၇၀ ကြိုးပဲတပ်ဆင်ထားခြင်း၊ ၇၀ ကြိုးတပ်ဆင်ရမယ့်နေရာမှာ ၅၀ ကြိုးပဲ တပ်ဆင်ထားတဲ့အတွက် ရွာမှာ မီးဘေးအန္တရာယ် စိုးရိမ်ရမယ့်အလားအလာ ရှိပါတယ်။ ဒီလိုမျိုး တင်ဒါခေါ်ယူစဉ်က သတ်မှတ်ထားတဲ့စာရင်းနဲ့ ၀ယ်ယူတပ်ဆင်ပေးတဲ့စာရင်းက ကွဲလွဲမှုရှိနေတဲ့အတွက် တပ်ကုန်းပြည်သူ့လွှတ်တော် ကိုယ်စားလှယ်အပါအ၀င် ဌာနဆိုင်ရာအသီးသီးကို လာရောက်စစ်ဆေးအရေးယူပေးဖို့ လူကိုယ်တိုင်ရော၊ စာနဲ့ပါ တရားဝင်တိုင်တန်း အကြောင်းကြားခဲ့ပေမဲ့ တိုင်ကြားချက်တွေကို မြို့နယ်၊ ခရိုင်က တာဝန်ရှိသူတွေက ဘာမှအရေးယူဖြေရှင်းပေးတာမရှိဘဲ မီးလင်းရေးပဲ ဆက်လုပ်မယ်ဆိုပြီး အကြောင်းပြန်တဲ့အတွက် အခုလို သတင်းစာလာရောက် ရှင်းလင်းရတာပါ” ဟု ကရင်အောင်းကျေးရွာက ဦးမြ၀င်းက ပြောကြားသည်။

ကျေးရွာမီးလင်းရေးအတွက် တင်ဒါခေါ်ယူစဉ်ကတည်းက မြေပြင်အခြေအနေပေါ်မူတည်၍ လိုအပ်သလိုပြုပြင်ပြောင်းလဲ ဆောင်ရွက်နိူင်သည်ဆိုသည့် အချက်ပါရှိကြောင်း၊ တင်ဒါအောင်သွားသည့် ဖြိုးကုမ္ပဏီကလည်း ၎င်းတို့ဝယ်ယူတပ်ဆင်ထားသည့် ပစ္စည်းများ၏ အရည်အသွေးနှင့်စပ်လျဉ်း၍ အာမခံချက် အပြည့်အ၀ပေးထားသကဲ့သို့ လူထုဗဟိုပြုဌာနကလည်း စာရင်းဇယားများကို သေချာစွာစစ်ဆေးပြီးမှ လက်ခံခြင်းသာဖြစ်ကြောင်း စွပ်စွဲခံရသည့် မီးလင်းရေးကော်မတီမှ ဦးမြကိုက ပြောကြားသည်။

“အစက ရွာမှာ ထရန်စဖော်မာတစ်လုံးပဲထားဖို့ စီစဉ်ထားပေမဲ့ မြေပြင်အခြေအနေကို ပြန်လည်ဆန်းစစ်ပြီး ထရန်စဖော်မာနှစ်လုံးထားဖို့ ဆုံးဖြတ်လိုက်ပါတယ်။ ရွာအလယ်မှာ ထရန်စဖော်မာတစ်လုံးတည်း မထိုင်တော့ဘဲ နှစ်လုံးခွထိုင်ဖို့ လုပ်လိုက်တဲ့အခါ မိန်းကြိုးကနေ အိမ်တွေကို ပြန်ဆွဲတဲ့အခါ ၉၅ ကြိုးအစား ၇၀ ကြိုးကို အသုံးပြုလို့ရတာတွေ ရှိပါတယ်။ ဒါကိုလည်း လျှပ်စစ်ကျွမ်းကျင်သူတွေ ကိုယ်တိုင်တွက်ချက်ပြီး စစ်ဆေးထားတာပါ။ အခု သူတို့တိုင်တာကလည်း ခဏခဏပါပဲ။ အခု မီးကြိုးတွေဝယ်ယူတာကနေ ပိုတဲ့ငွေကြေး သိန်း ၆၀ ကျော်ကို ထရန်စဖော်မာဝယ်တဲ့အထဲမှာ ထည့်သွင်းအသုံးပြုသွားမှာ ဖြစ်ပါတယ်။ အခု သတင်းစာရှင်းလင်းပွဲ လုပ်တဲ့သူတို့တတွေလည်း နေပြည်တော်အထိ တက်တိုင်တာပဲ။ ခရိုင်နဲ့ မြို့နယ်က တာဝန်ရှိသူတွေအပြင် နေပြည်တော်က လျှပ်စစ်ဦးစီးကိုယ်တိုင် ကွင်းဆင်းစစ်ဆေးပြီး ပစ္စည်းစာရင်းတွေ၊ လုပ်ဆောင်တာတွေ မှန်ကန်ကြောင်း အတည်ပြုချက်ပေးထားခဲ့ပြီး ဖြစ်ပါတယ်။ နောက်ဆုံးပြောချင်တာကတော့ ကမ္ဘာ့ဘဏ်လိုအဖွဲ့အစည်းရဲ့ ငွေနဲ့လုပ်ရတာဟာ သူတို့ပြောသလို ပေါက်လွှတ်ပဲစားလုပ်ရတာ မဟုတ်ပါဘူး။ စာရင်းနဲ့ဇယားနဲ့လုပ်ရတာပါ။ ဦးတို့ရဲ့စာရင်းဇယားအားလုံးကိုလည်း လူထုဗဟိုပြုကို အပ်ပြီးသွားပြီဖြစ်ပြီး သူတို့ဘက်ကလည်း လက်ခံပြီးသားပါ။ ဦးတို့မှာ ဘာမဟုတ်တာမှ လုပ်မထားဘူးလို့ပဲ ပြောချင်ပါတယ်” ဟု ဦးမြကိုက ပြောကြားသည်။

ရန်ကုန်မြို့အတွင်း မြို့နယ် ၂၀ ခန့်၌ မတ် ၂၂ ရက် နံနက်ပိုင်းတွင် လျှပ်စစ်မီး ခေတ္တဖြတ်တောက်မည်

ရန်ကုန်မြို့ရှိ မြို့နယ် ၂၀ ခန့်တွင် မတ် ၂၂ ရက် နံနက်ပိုင်းတွင် အချိန်ပိုင်းဖြင့် လျှပ်စစ်မီး ခေတ္တဖြတ်တောက်မည်ဖြစ်ကြောင်း ရန်ကုန် လျှပ်စစ်ဓာတ်အားပေးရေးကော်ပိုရေးရှင်းက စုံစမ်းသိရသည်။

ယင်းကဲ့သို့ လျှပ်စစ်မီးဖြတ်တောက်ရခြင်းမှာ ဓာတ်အားလိုင်းများနှင့် မလွတ်ကင်းသည့် သစ်ပင်၊ သစ်ကိုင်းများကို ခုတ်ထွင်ရှင်းလင်းရန်ဖြစ်ကြောင်း သိရသည်။

“၁၀ တန်းစာမေးပွဲ ဖြေနေအချိန်တုန်းကတော့ မလုပ်ဘူးပေါ့။ အခု စာမေးပွဲတွေဖြေပြီးတော့ သစ်ပင်တွေခုတ်ဖို့ မီးခဏဖြတ်မှာ။ ၂၂ ရက် (ကြာသပတေးနေ့) မနက် ၉ နာရီကနေ မွန်းတည့် ၁၂ နာရီအထိဖြတ်မှာ။ သစ်ပင်ခုတ်မယ့် နေရာတစ်ကွက်ချင်းစီကိုပဲ မီးဖြတ်မှာ။ တစ်မြို့နယ်လုံးကို ဖြတ်မှာမဟုတ်ဘူး။ ဥပမာ အလုံမြို့နယ်ဆိုရင် ကမ်းနားလမ်းတစ်လျှောက်မှာ လုပ်မယ်ဆိုရင် အဲဒီနားတစ်ဝိုက်ကိုပဲ မီးဖြတ်မှာ” ဟု ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းမှ တာဝန်ရှိသူတစ်ဦးက ပြောကြားသည်။

လျှပ်စစ်မီးပြတ်တောက်မည့် မြို့နယ်များမှာ လမ်းမတော်၊ လသာ၊ ပန်းဘဲတန်း၊ လှိုင်၊ အလုံ၊ ကြည့်မြင်တိုင်၊ ကမာရွတ်၊ မရမ်းကုန်း၊ အင်းစိန်၊ မင်္ဂလာဒုံ၊ မှော်ဘီ၊ တိုက်ကြီး၊ လှည်းကူး၊ ရွှေပြည်သာ၊ လှိုင်သာယာ၊ သန်လျင် စသည့်မြို့နယ်များဖြစ်ကြောင်း သိရသည်။

ဓာတ်အားလိုင်းဖြင့် မလွတ်ကင်းသည့် သစ်ပင်သစ်ကိုင်းများကို ခုတ်ထွင်ရှင်းလင်းပြီးပါက ပုံမှန်အတိုင်း မီးပြန်ပေးမည်ဖြစ်ကြောင်း သိရသည်။

စစ်မှန်သော ထာဝရငြိမ်းချမ်းရေးမရသရွေ့ ကရင်ပြည်နယ်အတွင်း စွမ်းအင်နှင့် အကြီးစားဆောက်လုပ်ရေးစီမံကိန်းများ ရပ်တန့်ရန် ကရင်မြစ်ချောင်းများကွန်ရက် တောင်းဆို

ဟတ်ကြီးရေကာတာ တည်ဆောက်မည့်နေရာအနီး၌ ဆန္ဒထုတ်ဖော်မှု ပြုလုပ်စဉ်

စစ်မှန်သော ထာဝရငြိမ်းချမ်းရေးကို မဆွတ်ခူးနိုင်သေးသရွေ့ ကရင်ပြည်နယ်အတွင်း စွမ်းအင်နှင့် အကြီးစားဆောက်လုပ်ရေးစီမံကိန်းများကို ရပ်တန့်ရန် ကရင်မြစ်ချောင်းများကွန်ရက်မှ မတ် ၁၄ ရက်တွင်ကျရောက်သည့် အပြည်ပြည်ဆိုင်ရာ မြစ်ချောင်းများနေ့ အထိမ်းအမှတ် ထုတ်ပြန်ချက် ထုတ်ပြန်ကာ တောင်းဆိုလိုက်ကြောင်း သိရသည်။

သံလွင်မြစ်ဝှမ်းဒေသ၌ တည်ဆောက်ရန် လျာထားသည့် ရေကာတာစီမံကိန်းငါးခုသည် လွတ်လပ်စွာစီးဆင်းနေသည့် ကမ္ဘာ့မြစ်ကြီးထဲက တစ်စင်းဖြစ်သည့် သံလွင်မြစ်ကို ပျက်စီးခြင်းသို့ ပို့ဆောင်မည်ဖြစ်ကြောင်း၊ ထိုမျှမက အဆိုပါရေကာတာစီမံကိန်းကြီးများသည် ကမ္ဘာ့အရှည်ဆုံး ပြည်တွင်းစစ်ဖြစ်သည့် မြန်မာပြည်တွင်းစစ်ကို အဆုံးသတ်စေမည့် စစ်မှန်သော ငြိမ်းချမ်းရေးဖော်ဆောင်မှု အခွင့်အရေးကို ပျက်စီးစေမည်ဖြစ်ကြောင်း၊ ဤရေကာတာများကို တည်ဆောက်ပါက ပြည်တွင်းစစ်ဒဏ်ကို ကြာရှည်စွာခံစားလာရသော ပြည်သူများကို မြေမရှိ၊ ယာမရှိ၊ အိုးအိမ်မရှိသည့် အခြေအနေသို့ ပို့ဆောင်မည်ဖြစ်သလို ထိလွယ်ခိုက်လွယ်သော ဒေသများအတွင်း စစ်မီးမငြိမ်းသောဒေသများအဖြစ်သို့ ထာဝရပို့ဆောင်နိုင်ကြောင်း အဆိုပါထုတ်ပြန်ချက်တွင် ပါရှိသည်။

သံလွင်မြစ်အပေါ် တည်ဆောက်မည့် ရေကာတာစီမံကိန်းများကို အကောင်အထည်ဖော်ရန် လိုအပ်သည်ဟု NLD အစိုးရအဖွဲ့မှ အတည်ပြုပြောကြားခဲ့ပြီးနောက် နှစ်ပတ်ကျော်အကြာ ၂၀၁၆ ခုနှစ် စက်တင်ဘာလအတွင်းက ဘားအံနှင့် ဖာပွန်ခရိုင်ကြားတွင် တည်ရှိနေသည့် ဟတ်ကြီးရေကာတာ စီမံကိန်းနေရာ၏ အရှေ့ဘက် မနီးမဝေးနယ်မြေအတွင်း တပ်မတော်နှင့် ၎င်း၏နယ်ခြားစောင့်တပ်ဘက်မှ ဟတ်ကြီးရေကာတာစီမံကိန်းအတွက် အဓိကကျသည့်လမ်းမကို ထိန်းချုပ်ရန်ကြိုးပမ်းခြင်းနှင့်အတူ တိုက်ပွဲများဖြစ်ပွားခဲ့ကြောင်း၊ တိုက်ပွဲများကြောင့် ဒေသခံ ၅၀၀၀ ကျော်သည် အိုးအိမ်နေရပ်များကို စွန့်ခွာကာ ယာယီဒုက္ခသည်စခန်းများ၌ ဆင်းရဲနုံချာစွာ နေထိုင်နေရကြောင်း၊ အများစုမှာ ပဋိပက္ခ အချိန်မရွေးပြန်လည်ဖြစ်ပွားနိုင်သော အခြေအနေကြောင့် ယနေ့အထိ မိမိတို့ကျေးရွာများသို့ မပြန်နိုင်ဘဲရှိနေကြောင်း၊ ထို့ပြင် ဟတ်ကြီးရေကာတာ စီမံကိန်းနေရာ၏ အရှေ့ဘက်ခြမ်းနှင့် ဆက်သွယ်နိုင်ရန် မြေနီလမ်းတစ်ခုကိုလည်း အစိုးရက ယမန်နှစ်က ဖောက်လုပ်လာခဲ့ကြောင်း၊ ဤလမ်းကြောင့်နောင်တွင် ပဋိပက္ခများ ထပ်မံဖြစ်ပွားနိုင်သလို ဒေသခံများ၏ ဘ၀လုံခြုံရေးအတွက် ခြိမ်းခြောက်မှုဖြစ်နေပါကြောင်း၊ ကရင်မြစ်ချောင်းများကွန်ရက်၏ ထုတ်ပြန်ချက်တွင် ဖော်ပြပါရှိသည်။

အစိုးရ၏ ရေကာတာစီမံကိန်းများက ထောင်ပေါင်းများစွာသော ပြည်သူများကို မြေယာ၊ ဥစ္စာပစ္စည်း၊ အိုးအိမ်မရှိသည့် အခြေအနေသို့ ပို့ဆောင်မည်ဖြစ်သလို ပဋိပက္ခများကြောင့် ဒုက္ခသည်နှင့် ပြည်တွင်းပုန်းရှောင်ဘ၀သို့ ရောက်ရှိခဲ့ရသော ပြည်သူများစွာအတွက်လည်း အိမ်ပြန်ရန်မဖြစ်နိုင်တော့သည့် အခြေအနေသို့ ပို့ဆောင်မည်ဖြစ်ကြောင်း၊ နောက်ဆုံး၌ အဆိုပါစွမ်းအင်စီမံကိန်းများမှရသော လျှပ်စစ်ဓာတ်အားကို ပြည်ပသို့တင်ပို့ရောင်းချပြီး လွတ်လပ်စွာစီးဆင်းနေသည့် သံလွင်မြစ်ကြီးနှင့် ၎င်းအပေါ်မှီခိုနေသည့် ရှမ်း၊ ကရင်နီ (ကယား)၊ ကရင်နှင့် မွန်ပြည်နယ်မှ သန်းပေါင်းများစွာသော လူထုအတွက် လူမှုရေးနှင့် သဘာဝပတ်ဝန်းကျင်ဆိုင်ရာ ပြဿနာအမျိုးမျိုးကို သယ်ဆောင်လာမည်ဖြစ်ကြောင်း ထုတ်ပြန်တောင်းဆိုချက်တွင် ပါရှိသည်။

“တိုင်းရင်းသားဒေသခံပြည်သူလူထုရဲ့ အသက်သွေးကြောဖြစ်တဲ့ မြစ်ချောင်းတွေကို ရောင်းစားခြင်းအားဖြင့် ငြိမ်းချမ်းရေးကို ဘယ်တော့မှ ဆွတ်ခူးနိုင်မှာမဟုတ်ပါဘူး။ အဲဒါကြောင့် ဒီနေ့မှာကျရောက်တဲ့ အပြည်ပြည်ဆိုင်ရာ မြစ်ချောင်းများနေ့ အထိမ်းအမှတ်အဖြစ် ထုတ်ပြန်ကြေညာချက် ထုတ်ပြန်ပြီးတော့ တောင်းဆိုတာဖြစ်ပါတယ်” ဟု ကရင်မြစ်ချောင်းများ ကွန်ရက်တာဝန်ခံ ကိုစောသာဘိုးက ပြောကြားသည်။

မတ် ၁၄ ရက်တွင်ကျရောက်သည့် အပြည်ပြည်ဆိုင်ရာ မြစ်ချောင်းများနေ့အထိမ်းအမှတ်အဖြစ် ကရင်ပြည်နယ် ဖာပွန်မြို့နယ်ရှိ ဟတ်ကြီးရေကာတာ တည်ဆောက်မည့် နေရာအနီး၌ ဒေသခံပြည်သူများ၊ လူမှုအဖွဲ့အစည်းများမှ စုပေါင်းကာ ရေကာတာဆန့်ကျင်ရေး အထိမ်းအမှတ်အခမ်းအနား ပြုလုပ်ခဲ့ကြသည်။

အပြည်ပြည်ဆိုင်ရာမြစ်ချောင်းများနေ့ အထိမ်းအမှတ်အဖြစ် ကရင်ပြည်နယ်အတွင်း သံလွင်မြစ်ဝှမ်းရှိ ဒေသခံပြည်သူ ၅၀၀၀ ခန့်ဖြင့် အီတုထ၊ သုမွဲထာ၊ မဲလထ၊ ဟတ်ကြီးတောင်ကြားစသည့် နေရာလေးနေရာခွဲပြီး ရေကာတာဆန့်ကျင်ရေး အခမ်းအနားများကို ပြုလုပ်ခဲ့ကြကြောင်း သိရသည်။

“ဒီရေကာတာကြီး ဆောက်မယ်ဆိုရင် ကျွန်တော်တို့လို အခက်အခဲတွေအများကြီးရှိတာပေါ့။ နှစ်ရှည်၊ နှစ်တိုအသီးအနှံပင်တွေ အများကြီးစိုက်ထားတယ်။ နောက်နေအိမ်တွေကိုလည်း ကောင်းကောင်းဆောက်ထားပြီးပြီ။ ရေကာတာတကယ်ဖြစ်လာရင် ကျွန်တော်တို့ မနည်းဆုံးရှုံးပြီပေါ့။ နေရာတွေရွေ့ရမယ်ဆိုရင်လည်း ဘယ်ကိုဘယ်လိုသွားရွေ့ရမလဲ။ ကျွန်တော်တို့က လယ်ယာပဲလုပ်တတ်တာလေ။ တခြားဘာမှမလုပ်တတ်ဘူး။ အဲဒါတွေကြောင့် ဒီဟတ်ကြီးဒေသမှာ ရေကာတာဆောက်မှာကို လုံးဝမကြိုက်ပါဘူး” ဟု ဟတ်ကြီးဒေသ ဘောတလေကျေးရွာနေ စောထိန်လင်းက ပြောကြားသည်

အဆိုပါ ရေကာတာတည်ဆောက်မှု စီမံကိန်းများအား ဆန့်ကျင်ကန့်ကွက်ပွဲသို့ ကရင်ပြည်နယ် ဖာပွန်ခရိုင် ဟတ်ကြီးတောင်တန်းအနီးဝန်းကျင်၌ နေထိုင်နေကြသည့် ကျေးရွာပေါင်း ၅၀ ခန့်မှ ဒေသခံတိုင်းရင်းသားပြည်သူ ၁၅၀၀ ကျော် တက်ရောက်ခဲ့ကြသည်။

မြန်မာနိုင်ငံတွင် လျှပ်စစ်ဓာတ်အား လိုအပ်ချက်သည် တစ်နှစ်လျှင် ၁၆ ရာခိုင်နှုန်းခန့် တိုးတက်လျက်ရှိကြောင်း လျှပ်စစ်နှင့် စွမ်းအင်ဝန်ကြီးဌာန ဒုတိယ၀န်ကြီး ပြောကြား

မြန်မာနိုင်ငံတွင် လျှပ်စစ်ဓာတ်အား လိုအပ်ချက်သည် တစ်နှစ်လျှင် ၁၆ ရာခိုင်နှုန်းခန့် တိုးတက်လျက်ရှိကြောင်း လျှပ်စစ်နှင့် စွမ်းအင်ဝန်ကြီးဌာန ဒုတိယ၀န်ကြီး ဒေါက်တာထွန်းနိုင်က ပြောကြားသည်။

နေပြည်တော်၌ မတ် ၁၃ ရက်ကပြုလုပ်သော ဒုတိယအကြိမ် ပြည်သူ့လွှတ်တော် သတ္တမပုံမှန်အစည်းအဝေး ၂၇ ရက်မြောက်တွင် မြို့သစ်မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးသာအောင်က လျှပ်စစ်ဓာတ်အား ထုတ်လုပ်ရာတွင် လယ်သမားတို့၏ နှစ်စဉ်စိုက်ပျိုးရာမှ ထွက်ရှိလာသော အရိုး၊ အရွက်နှင့် ကိုင်းဖျားကိုင်းနားများကို အသုံးပြု၍ လျှပ်စစ်ဓာတ်အား ထုတ်လုပ်နိုင်ရန် အစီအစဉ် ရှိ၊ မရှိနှင့် စပ်လျဉ်းပြီး မေးခွန်းမေးမြန်းခဲ့မှုအပေါ် ဒုတိယ၀န်ကြီးက ထိုသို့ဖြေကြားခဲ့ခြင်းဖြစ်သည်။

ဇီဝလောင်စာသုံး ဓာတ်အားပေးစက်ရုံကို စဉ်ဆက်မပြတ် လည်ပတ်နိုင်စေရန်အတွက် ဇီဝလောင်စာသစ်ပင်များ စဉ်ဆက်မပြတ် စိုက်ပျိုး၍ လောင်စာစုဆောင်းထားခြင်းများ ပြုလုပ်ရန်လိုအပ်ပြီး၊ လယ်သမားများ နှစ်စဉ်စိုက်ပျိုးရာမှ ထွက်ရှိလာသော အရိုး၊ အရွက်နှင့် ကိုင်းဖျားကိုင်းနားများကိုသာ အသုံးပြုမည်ဆိုပါက မဂ္ဂါဝပ်အဆင့်ရှိသော ဇီဝလောင်စာသုံး ဓာတ်အားပေးစက်ရုံများ စဉ်ဆက်မပြတ် လည်ပတ်နိုင်ရေး ခဲယဉ်းမည်ဖြစ်ကြောင်း၊ လေ့လာမှုများအရ တစ်နာရီလျှင် ၁၀၀၀ ကီလိုဝပ် ဓာတ်အားထုတ်လုပ်နိုင်ရန်အတွက် သစ်တစ်တန်နှင့်ညီမျှသော ဇီဝလောင်စာ လိုအပ်မည်ဖြစ်ပြီး ယင်းလောင်စာအတွက် စိုက်ပျိုးမြေဧရိယာ ဧက ၇၀၀ ခန့် လိုအပ်မည်ဖြစ်ကြောင်း၊ တည်ဆောက်ရေးကုန်ကျစရိတ်သည် တစ်မဂ္ဂါဝပ်လျှင် အမေရိကန်ဒေါ်လာ လေးသန်းခန့် ကုန်ကျမည်ဖြစ်ကြောင်း၊ တစ်ယူနစ်ဓာတ်အားခ ဈေးနှုန်းသည် အမေရိကန် ဒေါ်လာ ၃၆ မှ ၄၀ ထိ ကျသင့်မည်ဖြစ်ပြီး မြန်မာကျပ်ငွေဖြင့် ကျပ် ၄၀၀ မှကျပ် ၅၀၀ ခန့်ကျသင့်မည်ဖြစ်သောကြောင့် ကျေးလက်ဒေသနေ ပြည်သူလူထုအတွက် ဓာတ်အားခဈေးနှုန်းများစွာ ကြီးမြင့်နေမည်ဖြစ်ကြောင်း ဒုတိယ၀န်ကြီးက ဆိုသည်။

ဆက်လက်ပြီး နိုင်ငံတော်ဓာတ်အားစနစ်နှင့် ချိတ်ဆက်နိုင်မည့် မဂ္ဂါဝပ်အဆင့်ရှိသည့် တပ်ဆင်ပမာဏကြီးမားသော ဇီဝလောင်စာသုံး ဓာတ်အားပေးစက်ရုံ တည်ဆောက်ရမည်ဆိုပါက နည်းပညာဆိုင်ရာ ဖြစ်မြောက်နိုင်စွမ်း ရှိ၊ မရှိနှင့် ဓာတ်အားစနစ်တည်ငြိမ်မှုအပေါ် အကျိုးသက်ရောက်မှုများကို လေ့လာဆန်းစစ် ဆောင်ရွက်သွားရမည်ဖြစ်ပြီး ပြန်လည်ပြည့်ဖြိုးမြဲ စွမ်းအင်တစ်ခုဖြစ်သော ဇီဝလောင်စာသုံး ဓာတ်အားပေးစက်ရုံ တည်ဆောက်မည်ဆိုပါက ဇီဝလောင်စာ စဉ်ဆက်မပြတ်ရရှိစေရေး သီးခြားစိုက်ပျိုးဧရိယာသတ်မှတ် ဆောင်ရွက်ရမည်ဖြစ်ကြောင်းနှင့် လတ်တလောအခြေအနေတွင် နိုင်ငံတော် ဓာတ်အားစနစ်ဖြင့် ချိတ်ဆက်နိုင်မည့် ဇီဝလောင်စာသုံး ဓာတ်အားပေးစက်ရုံ တည်ဆောက်ရန် အစီအစဉ်မရှိသေးကြောင်း လျှပ်စစ်နှင့် စွမ်းအင်ဝန်ကြီးဌာန ဒုတိယ၀န်ကြီး ဒေါက်တာထွန်းနိုင်က ပြောကြားသည်။

မြန်မာနိုင်ငံတွင် လျှပ်စစ်ဓာတ်အား လိုအပ်ချက်သည် တစ်နှစ်လျှင် ၁၆ ရာခိုင်နှုန်းခန့် တိုးတက်လျက်ရှိပြီး ၂၀၁၈ ခုနှစ် မတ်လတွင် အမြင့်ဆုံးဝန်အား ၃၂၀၈ မဂ္ဂါဝပ်အထိ လျှပ်စစ်ဓာတ်အား ထုတ်လုပ်သုံးစွဲနိုင်ခဲ့ကာ တိုးတက်လိုအပ်နေသော ဓာတ်အားကို ဖြည့်ဆည်းပေးနိုင်စေရန် ပြန်လည်ပြည့်ဖြိုးမြဲ စွမ်းအင်များဖြစ်သော ရေအား၊ လေအား၊ နေစွမ်းအင်တို့အပါအ၀င် ရနိုင်သမျှသော အရင်းအမြစ်များမှ ဓာတ်အားထုတ်လုပ်နိုင်ရေး စီမံဆောင်ရွက်လျက်ရှိရာ ထိုသို့စီမံဆောင်ရွက်ရာတွင် ဓာတ်အားစနစ် တည်ငြိမ်စေရေးကိုလည်း ထည့်သွင်းတွက်ချက်ရသဖြင့် ပြန်လည်ပြည့်ဖြိုးမြဲ စွမ်းအင်၏ ပါဝင်မှုအချိုးအစားသည် ကန့်သတ်ချက်များရှိနေကြောင်း ဒုတိယ၀န်ကြီးက ပြောကြားသည်။