လှည်းကူးမြို့နယ်တွင် အိမ်အကူ အမျိုးသမီးအား ဥပဒေအရာရှိ အမျိုးသမီးက သေဆုံးသည်အထိ ညှဉ်းပန်းနှိပ်စက်ခဲ့သည်ဟု ဆိုသည့်အမှု နှစ်ဖက်ရှေ့နေ ပါဝါတင်

အိမ်အကူ အမျိုးသမီးအား နှိပ်စက်သည်ဟု စွပ်စွဲခံရသည့် ဥပဒေအရာရှိ အမျိုးသမီး (မိုးကာအကျီ ၀တ်ထားသူ) အား ဇွန် ၂၈ ရက် ရုံးချိန်း၌ တွေ့ရစဉ်

လှည်းကူးမြို့နယ်တွင် အိမ်အကူ အမျိုးသမီးအား သေဆုံးသည်အထိ ညှဉ်းပန်းနှိပ်စက်ခဲ့သည်ဟု ဆိုသည့်အမှုတွင် နှစ်ဖက်ရှေ့နေများမှာ ဇွန် ၂၈ ရက်တွင် တောင်ပိုင်းခရိုင် တရားရုံး၌ ပါဝါတင်ခဲ့သည်။

နှစ်ဖက်ရှေ့နေ ပါဝါတင်ရာတွင် နှိပ်စက်ခံရသဖြင့် သေဆုံးခဲ့သည်ဟု ဆိုသည့် အိမ်အကူ အမျိုးသမီးဘက်မှ လိုက်ပါ ဆောင်ရွက်နေသည့် ရှေ့နေများ တရားရုံးသို့ မရောက်ရှိသေးချိန်၌ ဥပဒေအရာရှိ အမျိုးသမီးအား ရုံးထုတ်ခဲ့သည်။

အိမ်အကူ အမျိုးသမီးဘက်မှ လိုက်ပါ ဆောင်ရွက်ပေးနေသည့် ရှေ့နေ ဒေါ်စန်းစန်းမြင့်က “ဥပဒေအရာရှိနဲ့ ကျူးလွန်သူဘက်က ရှေ့နေရှိရင် ပါဝါတင်လို့ ရတာကတော့ ဟုတ်ပါတယ်။ ဒါပေမဲ့ တရားသူကြီးကို ကျွန်မဘက်က နှစ်နာရီလောက် တရားရုံးကို ရောက်မယ်လို့ တင်ပြထားတယ်။ သူတို့က ကျွန်မ မရှိဘဲ ကျူးလွန်သူကို ရုံးထုတ်ပြီး ပါဝါတင်သွားပါတယ်။ နောက်ဒါမျိုး မဖြစ်ဖို့တော့ ဆုတောင်းထားပါတယ်”ဟု ပြောကြားသည်။

ရုံးချိန်းအား လာမည့် ဇူလိုင် ၁၁ ရက်သို့ ပြန်လည် ချိန်းဆိုထားပြီး အဆိုပါ ရုံးချိန်း၌ အမှုမှ တရားလို အုတ်ဖိုကျေးရွာ အုပ်ချုပ်ရေးမှူးအား စစ်ဆေးမည်ဖြစ် ကြောင်း သိရသည်။

အိမ်အကူ အမျိုးသမီးအား သေဆုံးသည်အထိ ညှဉ်းပန်းနှိပ်စက်ခဲ့သည်ဟု ဆိုသည့် ဥပဒေအရာရှိ အမျိုးသမီးမှာ ရုံးထုတ်လာသည့်အချိန်တွင် မျက်နှာအား Mask ဖြင့် အုပ်ထားခြင်း၊ မိုးကာအင်္ကျီ ၀တ်ကာ ခေါင်းစွပ်ဆောင်းထားခြင်းနှင့် ဦးထုပ်ဆောင်းခြင်းများ ပြုလုပ်ထားခဲ့သည့်အပြင် ၎င်းအား ရဲတပ်ဖွဲ့ဝင်အများအပြားက ကာထားပေးခြင်းများ ပြုလုပ်ခဲ့ကြောင်း သိရသည်။

“ရုံးထုတ်ချိန်မှာ မျက်နှာမမြင်အောင် ကာတာတွေ မလုပ်ဖို့ ကျွန်တော်ရဲ့ အမှုသည်ကို ပြောထားပါတယ်။ ဒါပေမဲ့ သူက အခုချိန်မှာ ကြောက်နေတယ်။ ရင်ဆိုင်ဖို့ အဆင်သင့် မဖြစ်သေးဘူးလို့ သိရတယ်”ဟု ဖမ်းဆီးခံထားရသူ ဥပဒေအရာရှိ အမျိုးသမီးဘက်မှ လိုက်ပါ ဆောင်ရွက်ပေးနေသည့် ရှေ့နေတစ်ဦးက ပြောကြားသည်။

အဆိုပါအမှုမှာ ထူးခြားဖြစ်စဉ် ဖြစ်သဖြင့် ရုံးချိန်းသို့ လူအများအပြား လာရောက် ကြည့်ရှုခဲ့သည်ကို တွေ့ရသည်။

ဖြစ်စဉ်မှာ တွံ့တေးမြို့နယ် ခတ္ထိယတိုက်နယ် ခတ္ထိယကျေးရွာအုပ်စု အုတ်ဖိုကျေးရွာနေ သေဆုံးသူ မခင်စန္ဒာဦး (ခ) မကရင်မ (၃၈နှစ်) မှာ ပြီးခဲ့သည့် ခြောက်လခန့်က လှည်းကူးမြို့နယ် အင်းတိုင် သံချပ်ကာတပ်ရင်းရှိ နေအိမ် တစ်အိမ်တွင် အိမ်အကူအဖြစ် လုပ်ကိုင်ခဲ့ကြောင်း၊ အဆိုပါ နေအိမ်တွင် လုပ်ကိုင်နေစဉ် ဆွဲကြိုးခိုးသည်ဟု စွပ်စွဲခံရပြီး နေအိမ်မှ အိမ်ရှင်အမျိုးသမီး ဖြစ်သည့် ဥပဒေအရာရှိ ဒေါ်သိင်္ဂီစု (၃၂ နှစ်) က ခြေထောက်ဖြင့် ကန်ကာ ကျောက်ပြင်ဖြင့် ထုကြောင်း ရဲတပ်ဖွဲ့က ထုတ်ပြန်ထားသည်။

မကရင်မ၏ အလောင်းကို ရဲတပ်ဖွဲ့က တွံတေးဆေးရုံသို့ ပို့အပ် စစ်ဆေးစေရာ ဦးခေါင်းယာချိုစောင်းရှိ ဦးနှောက်သွေးကြောများ ပုံမှန်ထက် ဖောင်းကားနေခြင်း၊ ၀မ်းညိုမည်းဒဏ်ရာ၊ အူတစ်လက်မခန့် ပေါက်ပြဲ ဒဏ်ရာများ တွေ့ရှိသည်ဟု မှုခင်းဆရာဝန်၏ စစ်ဆေးချက်အရ သိရသည်။

နှိပ်စက်ညှဉ်းပန်းခံရသဖြင့် သေဆုံးခဲ့သည်ဟုဆိုသည့် အိမ်အကူအမျိုးသမီး၏ သားသမီးလေးဦးမှာ လက်ရှိအချိန်တွင် တွံတေးမြို့နယ် ခတ္ထိယတိုက်နယ် ခတ္ထိယကျေးရွာအုပ်စု အုတ်ဖိုကျေးရွာ၌ နေထိုင်လျက်ရှိပြီး ၎င်းတို့၏ စားဝတ်နေရေးအား ရပ်ရွာနေသူများမှ ကူညီထားကြောင်း သိရသည်။

လှည်းကူးမြို့နယ် ညောင်နှစ်ပင်ဇုန် (၃) အပိုင် ကန်ပေါင်လမ်းနံဘေးတွင် ထိုးသွင်းဒဏ်ရာများဖြင့် သေဆုံးနေသည့် အမျိုးသားအလောင်း တွေ့ရှိ

ဓာတ်ပုံ – ကရုဏာရှင်အသင်း-လှည်းကူးမြို့

လှည်းကူးမြို့ ညောင်နှစ်ပင်ဇုန် ၃ အပိုင် ကန်ဘောင်လမ်းဘေးတွင် ထိုးသွင်းဒဏ်ရာ များဖြင့် သေဆုံးနေသည့် အမျိုးသားတစ်ဦး အလောင်းတစ်လောင်းအား ဇွန် ၁၉ ရက် နံနက်ပိုင်းက တွေ့ရှိခဲ့ကြောင်း  သိရသည်။

ဇွန် ၁၉ ရက် နံနက် ၈ နာရီခန့်တွင် လှည်းကူးမြို့နယ် ညောင်နှစ်ပင်ဇုန် ၃ အပိုင် ကန်ဘောင်လမ်းဘေး တစ်နေရာ၌ အမျိုးသား တစ်ဦးသေဆုံးနေသဖြင့် အလောင်းအား ဆေး ရုံသို့ ပို့ဆောင်ပေးရန် ကရုဏာရှင်အသင်း (လှည်းကူးမြို့) သို့ မြို့နယ်ရဲတပ်ဖွဲ့မှ အကြောင်းကြားခဲ့ကြောင်း သိရသည်။

“ကျွန်တော်တို့ကို သက်ဆိုင်ရာ ရဲတပ်ဖွဲ့က သေဆုံးနေတဲ့ အမျိုးသားအလောင်းကို ဆေးရုံပို့ပေးဖို့ မနက် ၈ နာရီလောက်မှာ ဖုန်းဆက်သွယ်ပါတယ်။ အခင်းဖြစ်ပွားရာ နေရာကို ရောက်ရှိတော့ သေဆုံးသူက အသက် ၂၅ နှစ်ဝန်းကျင်အရွယ် အမျိုးသားတစ်ဦးပါ။ သူ့မှာ ချွန်ထက်တဲ့ အရာနဲ့ ထိုးသွင်းခံထားရတဲ့ ဒဏ်ရာက တစ်ချက်မကပါဘူး။ သုံးလေးချက် လောက်ရှိမယ်” ဟု  သေဆုံးသည့် အလောင်းအား ဆေးရုံသို့ ပို့ဆောင်ပေးခဲ့သည့် ကရုဏာရှင်အသင်း (လှည်းကူးမြို့) မှ တာဝန်ရှိသူ တစ်ဦးက ပြောကြားသည်။

အမျိုးသား၏ အလောင်းအား လှည်းကူးမြို့နယ် ပြည်သူ့ဆေးရုံသို့ ပို့ဆောင်ထားကြောင်း သိရသည်။

အခင်းဖြစ်ပွားခဲ့သည့် နေရာမှာ လူသွားလူလာ နည်းပါးပြီး ညဘက်၌ လမ်းမီးများ ထွန်းထားခြင်း မရှိကြောင်း၊ အဆိုပါနေရာ အနီး၌ ကြက်ခြံနှင့် ရာဘာခြံအများစုရှိကြောင်း သိရသည်။

“လမ်းကတော့ လူတော်တော်ပြတ်တယ်။ ကျွန်တော်တို့အဖွဲ့က ကားတောင် တော်တော်ဝင်ရတယ်။ သေဆုံးနေတဲ့သူရဲ့ အလောင်းကို လမ်းဘေးချုံထဲမှာ တွေ့ရတာ။ အဲဒီနားမှာ ခြံရှိတယ်။ ခြံနားမှာ အရင်တုန်းက စိုက်ပျိုးရေးတွေ လာလုပ်ရင် သုံးတဲ့မြောင်းရှိတယ်။ မြောင်းထဲမှာ တွေ့တာ။ အလောင်းကို ခြံကလူက မှိုသွားခူးရင်းနဲ့ တွေ့တာလို့ သိရတယ်” ဟု ကရုဏာရှင်အသင်း (လှည်းကူးမြို့) မှ တာဝန်ရှိသူ တစ်ဦးက ပြောကြားသည်။

“သေဆုံးသူရဲ့ ကိုယ်ရေးအချက်အလက်တွေကိုတော့ စုံစမ်းနေဆဲပါ။ သေဆုံးတာက ထိုးသွင်းဒဏ်ရာနဲ့ပါ။ အခုတော့ အမှုဖွင့်ပြီး ဆက်လက်စစ်ဆေး ဆောင်ရွက်နေပါတယ်” ဟု မြောက်ပိုင်းခရိုင် ရဲတပ်ဖွဲ့မှ ရဲအရာရှိ တစ်ဦးက ပြောကြားသည်။

အဆိုပါ ဖြစ်စဉ်အား ညောင်နှစ်ပင်နယ် မြေရဲစခန်းက ရာဇသတ်ကြီးပုဒ်မ ၃၀၂ ဖြင့် အမှုဖွင့်ထားပြီး ဆက်လက် စစ်ဆေးနေကြောင်း သိရသည်။

သီဟအောင်

ရန်ကုန်တိုင်းဒေသကြီး လှည်းကူးမြို့နယ်အတွင်းရှိ မြေဧက ၆၆၀ ကျော်တွင် အသေးစား စက်မှုဥယျာဉ်ဖော်ထုတ်ခြင်းနှင့် ငှားရမ်းခြင်းလုပ်ငန်းများဆောင်ရွက်ရန် MIC ခွင့်ပြုမိန့် New City Development Public ကုမ္ပဏီလီမိတက်ရရှိ

ရန်ကုန်တိုင်းဒေသကြီး လှည်းကူးမြို့နယ်အတွင်းရှိ မြေဧက ၆၆၀ ကျော်တွင် အသေးစားစက်မှုဥယျာဉ် ဖော်ထုတ်ခြင်းနှင့် ငှားရမ်းခြင်းလုပ်ငန်းများ ဆောင်ရွက်ရန်အတွက် မြန်မာနိုင်ငံရင်းနှီးမြှုပ်နှံမှုကော်မရှင် (MIC) ခွင့်ပြုမိန့်ကို New City Development Public Co.,Ltd က ရရှိခဲ့ကြောင်း ကော်မရှင်၏ ထုတ်ပြန်ချက်အရ သိရသည်။

ရန်ကုန်တိုင်းဒေသကြီး မြောက်ပိုင်းခရိုင် လှည်းကူးမြို့နယ် ဇရပ်ကွင်းကျေးရွာအုပ်စုကွင်းအမှတ် ၁၀၂၀၊ သရက်ကုန်းကွင်း၊ ဦးပိုင်အမှတ် ၃၃၊ ၃၅၊ ၃၆၊ ၃၇၊ ၄၂၊ ၄၃၊၄၄၊ ၄၅-ခ၊ ၅၃-က၊ ၅၃-ခ၊ ၅၃-ဃ၊ ၅၄၊ ၅၅ ရှိမြေ ၂၁၉ ဒသ မ ၃၃ ဧက၊ ကွင်းအမှတ် ၁၀၂၁၊ အင်းဂတောက်ကွင်း၊ ဦးပိုင်အမှတ် ၈၊ ၉-က၊ ၉-ခ၊ ၁၀၊ ၁၀-င၊ ၁၁-က၊ ၁၁-ခ၊ ၁၁-ဃ၊ သ-၉ ရှိမြေ ၂၆၄ ဒသမ ၂၈ ဧက၊ ကွင်းအ မှတ် ၁၀၂၂၊ ရဲမွန်ကလေးမြောက်ကွင်း၊ ဦးပိုင်အမှတ် ၂၁-က၊ ၂၁-ခ၊ ၂၂-က၊ ၂၂-ခ၊ ၂၂-ဃ ရှိမြေ ၁၈၂ ဒသ မ ၂၀ ဧက စုစုပေါင်း မြေဧရိယာ ၆၆၅ ဒသမ ၈၁ ဧကတွင် New City Development Public Co.,Ltd က မြန်မာနိုင်ငံသားရင်းနှီးမြှုပ်နှံမှုဖြင့် အသေးစား စက်မှုဥယျာဉ်ဖော်ထုတ်ခြင်းနှင့်ငှားရမ်းခြင်း လုပ်ငန်းများဆောင်ရွက်သွားမည် ဖြစ်ကြောင်း သိရသည်။

မတ် ၂၀ ရက်က ပြုလုပ်ခဲ့သည့် မြန်မာနိုင်ငံ ရင်းနှီးမြှုပ်နှံမှုကော်မရှင်အစည်းအဝေး (၄/ ၂၀၁၈)က အဆိုပါ ရင်းနှီးမြှုပ်နှံမှု လုပ်ငန်းကို ခွင့်ပြုပေးခဲ့ခြင်း ဖြစ်သည်။

New City Development Public Co.,Ltd (မြို့တော်သစ်ဖွံ့ဖြိုးတိုးတက်ရေး အများပိုင်ကုမ္ပဏီလီမိတက်) ကို ၂၀၁၂ ခုနှစ် အောက်တိုဘာ ၂၄ ရက်တွင်မှတ်ပုံတင်ခဲ့ပြီး အဆိုပါကုမ္ပဏီတွင် ဒါရိုက်တာ ၁၀ ဦးပါဝင်ကြောင်း  ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာန၏ ၀က်ဘ်ဆိုက်တွင် ဖော်ပြထားချက်အရ သိရသည်။

မတ် ၂၀ ရက်က ပြုလုပ်ခဲ့သည့် မြန်မာနိုင်ငံ ရင်းနှီးမြှုပ်နှံမှုကော်မရှင် အစည်းအဝေး (၄/ ၂၀၁၈) တွင် အဆိုပါ အသေးစား စက်မှုဥယျာဉ်ဖော်ထုတ်ခြင်းနှင့် ငှားရမ်းခြင်းလုပ်ငန်းအပြင် ဘီယာထုတ်လုပ်ရောင်းချခြင်းလုပ်ငန်း၊ မော်တော်ယာဉ်တပ်ဆင် ထုတ်လုပ်ခြင်းလုပ်ငန်း၊ မှန်နှင့် ဆက်စပ်ပစ္စည်းများ ထုတ်လုပ်ဖြန့်ဖြူးရောင်းချခြင်း လုပ်ငန်း၊ တယ်လီကွန်းနှင့်ပတ်သက်သည့် လုပ်ငန်း၊ ဆက်သွယ်ရေးကွန်ရက် အထောက်အကူပြုတာဝါတိုင် တည်ဆောက်ခြင်းနှင့် ပြင်ဆင်မွမ်းမံခြင်းလုပ်ငန်း၊ မြန်မာ့ရိုးရာယဉ်ကျေးမှုနှင့် တောင်သမန်ကျေးလက်အပန်း ဖြေစခန်းလုပ်ငန်းတို့ကိုလည်း ခွင့်ပြုပေးခဲ့ကြောင်း သိရသည်။

ရင်းနှီးမြှုပ်နှံမှု အဆိုပြုလုပ်ငန်းများကို သက်ဆိုင်ရာတိုင်းဒေသကြီး / ပြည်နယ်အစိုးရအဖွဲ့၊ လုပ်ငန်းနှင့် ဆက်စပ်သည့် ပြည်ထောင်စုဝန်ကြီး ဌာနများ / အဖွဲ့အစည်းများမှ သဘောထားမှတ်ချက်၊ စိစစ်ခွင့်ပြုချက်များအပေါ် အခြေခံလျက် ကော်မရှင်အစည်းအဝေးမှ စိစစ်ခွင့်ပြုပေးခဲ့ခြင်းဖြစ်ကြောင်း သိရသည်။

မြန်မာနိုင်ငံရင်းနှီးမြှုပ်နှံမှု ကော်မရှင် အစည်းအဝေး(၄/ ၂၀၁၈) မှ ခွင့်ပြုပေးခဲ့သည့် ရင်းနှီးမြှုပ်နှံမှုလုပ်ငန်းများမှ အလုပ်အကိုင်အခွင့်အလမ်း ၁၀၄၄ ခု ဖန်တီးပေးနိုင်ခဲ့ကြောင်း ကော်မရှင်ကထုတ်ပြန်ခဲ့သည်။