နိုင်ငံတော်သမ္မတ လွတ်ငြိမ်းချမ်းသာခွင့် အမိန့်ဖြင့် ခန္တီးအကျဉ်းထောင်မှ အကျဉ်းသား ၂၈၅ ဦး လွှတ်ပေးခဲ့ပြီး အခမဲ့ပြန်နိုင်ရန် ခန္တီးခရိုင်မြို့နယ် စီမံခန့်ခွဲမှုကော်မတီမှ စီစဉ်ဆောင်ရွက်ပေးခဲ့

လွတ်မြောက်ခဲ့သော အကျဉ်းသားများအား အမြန်ရေယာဉ်ဖြင့် ပြန်နိုင်ရန် စီစဉ်ပေးနေစဉ်

နိုင်ငံတော်သမ္မတ လွတ်ငြိမ်းချမ်းသာခွင့် အမိန့်ဖြင့် ခန္တီးအကျဉ်းထောင်မှ အကျဉ်းသား ၂၈၅ ဦး လွှတ်ပေးခဲ့ပြီး အခမဲ့ပြန်နိုင်ရန် ခန္တီးခရိုင်မြို့နယ် စီမံခန့်ခွဲမှုကော်မတီမှ စီစဉ်ဆောင်ရွက်ပေးခဲ့ကြောင်း သိရသည်။

နိုင်ငံတော်သမ္မတ လွတ်ငြိမ်းချမ်းသာခွင့် အမိန့်ဖြင့် ခန္တီးအကျဉ်းထောင်မှ အကျဉ်းသား ၂၈၅ ဦးကို ဧပြီ ၁၇ ရက်က လွှတ်ပေးခဲ့ပြီး အကျဉ်းသားအများစုမှာ အိမ်ပြန်ရန် ခရီးစရိတ် အခက်အခဲ ရှိနေကြသဖြင့် ခန္တီးခရိုင်မြို့နယ် စီမံခန့်ခွဲမှုကော်မတီမှ စီစဉ်ဆောင်ရွက်ပေးခဲ့ရခြင်းဖြစ်ကြောင်း ခန္တီးခရိုင် အုပ်ချုပ်ရေးမှူး ဦးဇော်ဇော်က ပြောကြားသည်။

“လွတ်ငြိမ်းချမ်းသာခွင့်အမိန့်နဲ့ ခန္တီးအကျဉ်းထောင်က အကျဉ်းသား ၂၈၅ ဦး လွှတ်ပေးလိုက်တယ်။ လွှတ်ပေးလိုက်တော့ အများစုက အိမ်ပြန်ဖို့ခရီးစရိတ် အခက်အခဲ ရှိကြတာပေါ့။ ပုံမှန်လွတ်တာဆိုရင် မိဘတွေ၊ ဆွေမျိုးသားချင်းတွေက လာကြိုကြတယ်။ အခုက ဗြုန်းစားကြီးဆိုတော့ လာကြိုမယ့် လူလည်းမရှိ ပြန်ရမယ့်နေရာကလည်းဝေးတော့ အခက်တွေ့ကြတာပေါ့။ ခါတိုင်းတော့ အကျဉ်းဦးစီးဌာနက ထောက်ပံ့ပေးပေမဲ့ အခုကလူများတော့ တစ်ယောက်ကို ကျပ် ၁၀၀၀ လောက်ပဲ ထောက်ပံ့ပေးနိုင်တယ်။ ဒါနဲ့မနေ့က သူတို့လွတ်တော့ လတ်တလော နေစရာနေရာနဲ့ စားဖို့ကို ဘုန်းကြီးကျောင်းမှာ အကူအညီတောင်းပြီး စီစဉ်ပေးလိုက်တယ်။ ဒီနေ့မနက်တော့ အမြန်ယာဉ်နဲ့ပြန်နိုင်အောင် စီစဉ်ပေးလိုက်တယ်။ ပိုက်ဆံရှိတဲ့လူတွေကြတော့လည်း သူတို့ဟာ သူတို့ လက်မှတ်ဝယ်ပြီး ပြန်ကြတာပေါ့။ လက်မှတ်ဝယ်ပြီးပြန်နိုင်တာ ၂၅ ယောက်ပဲရှိတယ်။ တချို့ကြတော့ မပြန်သေးဘူး။ သူတို့ နီးစပ်ရာ ဆွေမျိုးတွေ အသိတွေအိမ်မှာ နေကြသေးတယ်။ အကျဉ်းသား ၁၈၀ ယောက်မှာ မုံရွာကို ၃၄ ယောက်၊ ဟုမ္မလင်းကိုတော့ အမြန်ယာဉ်နှစ်စင်းပေါ့။ ပုံမှန်ထွက်တဲ့ ပထမတစ်စီးမှာ ၅၆ ယောက်နဲ့ နောက်တစ်စင်းမှာ ၉၀ ကျော်လောက်။ အဲဒီ ၉၀ ယောက်ကို ဒီက မော်တော်ယာဉ်တစ်စင်းကို အကူအညီတောင်းပြီး ဆီငါးပေပါစီစဉ်ပြီး ထည့်ပေးလိုက်တယ်” ဟု ခန္တီးခရိုင်အုပ်ချုပ်ရေးမှူး ဦးဇော်ဇော်က ပြောကြားသည်။

လွတ်မြောက်ခဲ့သော အကျဉ်းသားများသည် ကျန်းမာရေးချို့တဲ့မှုမရှိသဖြင့် ဆေးဝါးကူညီထောက်ပံ့မှု မလိုအပ်သောကြောင့် မပေးအပ်ခဲ့ရကြောင်း သိရသည်။

သမ္မတ၏ လွတ်ငြိမ်းချမ်းသာခွင့်ဖြင့် မြန်မာနှစ်ဆန်းတစ်ရက်နေ့တွင် နိုင်ငံတစ်ဝန်းရှိ အကျဉ်းထောင်အသီးသီးမှ အကျဉ်းသား ၈၅၄၁ ဦး ပြန်လည်လွတ်မြောက်ပြီး နိုင်ငံရေးအကျဉ်းသား ၃၆ ဦး ပါဝင်

ဧပြီ ၁၇ ရက် (နှစ်ဆန်းတစ်ရက်နေ့) တွင် သမ္မတ၏လွတ်ငြိမ်းချမ်းသာခွင့်ဖြင့် မန္တလေး အိုးဘိုထောင်မှ ပြန်လည်လွတ်မြောက်လာသူအချို့နှင့် စောင့်ကြိုနေကြသူများကို တွေ့ရစဉ် (ဓာတ်ပုံ-ဌေးလှအောင်)

နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် မြန်မာနှစ်ဆန်းတစ်ရက်ဖြစ်သည့် ဧပြီ ၁၇ ရက်တွင် နိုင်ငံတစ်ဝန်းရှိ အကျဉ်းထောင် အသီးသီးမှ အကျဉ်းသား ၈၅၄၁ ဦး ပြန်လည်လွတ်မြောက်ခဲ့ပြီး နိုင်ငံရေးအကျဉ်းသား ၃၆ ဦး ပါဝင်ကြောင်း သတင်းရရှိသည်။

အဆိုပါ လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာသည့် အကျဉ်းသား ၈၅၄၁ ဦးတွင် နိုင်ငံခြားသား အကျဉ်းသား အကျဉ်းသူ ၅၁ ဦးပါဝင်ကြောင်း သိရသည်။

မန္တလေးဗဟိုအကျဉ်းထောင် (အိုးဘို) မှ ပြန်လည်လွတ်မြောက်လာသူများအား ကြိုဆိုနေစဉ် (ဓာတ်ပုံ-ဌေးလှအောင်)

နိုင်ငံတော်သမ္မတ၏ နိုင်ငံသားပြစ်ဒဏ် လွတ်ငြိမ်းသက်သာခွင့်ပြုသည့် အမိန့်အမှတ် (၁၇/၂၀၁၈) တွင် မြန်မာနှစ်သစ်ကူးအခါသမယ အထိမ်းအမှတ်အားဖြင့်လည်းကောင်း၊ ပြည်သူလူထု နှလုံးစိတ်ဝမ်းအေးချမ်းစေရေးနှင့် လူသားချင်းစာနာထောက်ထားမှုကို အလေးထားသောအားဖြင့်လည်းကောင်း အကျဉ်းထောင်၊ စခန်းအသီးသီးတွင် အကျဉ်းကျခံနေကြရသော နိုင်ငံသားအကျဉ်းသားအကျဉ်းသူ စုစုပေါင်း ၈၄၉၀ အား ရာဇ၀တ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁) အရ စည်းကမ်းသတ်မှတ်ချက်မထားဘဲ လွတ်ငြိမ်းသက်သာ ခွင့်ပြုခဲ့ကြောင်း နိုင်ငံတော်သမ္မတရုံး၏ ထုတ်ပြန်ချက်အရ သိရသည်။

ထို့ပြင် နိုင်ငံတော်သမ္မတ ဦးဝင်းမြင့်က အမိန့်အမှတ် (၁၈/၂၀၁၈) ဖြင့် မြန်မာနှစ်သစ်ကူး အခါသမယ အထိမ်းအမှတ်အားဖြင့် လည်းကောင်း၊ နိုင်ငံအချင်းချင်း မိတ်ဝတ်မပျက်ဆက်ဆံရေးကို ရှေးရှုသောအားဖြင့်လည်းကောင်း၊ လူသားချင်း စာနာထောက်ထားမှုကို အလေးထားသောအားဖြင့်လည်းကောင်း အကျဉ်းထောင် အသီးသီးတွင် အကျဉ်းကျခံနေကြရသော နုိုင်ငံခြားသား အကျဉ်းသား၊ အကျဉ်းသူ စုစုပေါင်း ၅၁ ဦးအား ရာဇ၀တ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁) အရ စည်းကမ်းသတ်မှတ်ချက်မထားဘဲ လွတ်ငြိမ်းသက်သာ ခွင့်ပြု၍ ပြည်နှင်ဒဏ်ပေးလိုက်ကြောင်း သိရသည်။

ရန်ကုန်မြို့ အင်းစိန်အကျဉ်းထောင်မှ ပြန်လည်လွတ်မြောက်လာသူအချို့အား ကြိုဆိုနေစဉ် (ဓာတ်ပုံ-စည်သူ)

နိုင်ငံတော်သမ္မတ၏ ပြစ်ဒဏ်လွတ်ငြိမ်းခွင့် ရရှိသူများစာရင်းမှာ အသက် ၈၀ နှစ်နှင့် အထက် ၂၇ ဦး၊ အသက် ၇၅ မှ ၈၀ နှစ်အကြား ၂၉ ဦး၊ ကျန်းမာရေးမကောင်းသူ ၁၄ ဦး၊ လ၀ကအက်ဥပဒေ ၁၃ (၁) အရ နိုင်ငံခြားသား ၄၄ ဦး၊ မူးယစ်ပုဒ်မ ၁၅ ဖြင့် ပြစ်ဒဏ်ကျ ၁၄၆၂ ဦး၊ မူးယစ်ပုဒ်မ ၁၆ (ဂ) ဖြင့် ပြစ်ဒဏ်ကျ ၃၂၂၀ (ပြစ်ဒဏ်ကျခံရန်ကျန် သုံးနှစ်နှင့်အောက်)၊ မူးယစ်ပုဒ်မ ၁၅/၁၆ (ဂ) ဖြင့် ပြစ်ဒဏ်ကျ ၁၆၈၀ (ပြစ်ဒဏ်ကျခံရန် ကျန်သုံးနှစ်နှင့် အောက်)၊ တပ်မတော်အက်ဖြင့် ပြစ်ဒဏ်ကျ ၁၈၈၀၊ ရဲစည်းကမ်းထိန်းသိမ်းရေးပြစ်ဒဏ်ကျ ၁၄၁ ဦး၊ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) တင်ပြထားသောစာရင်းဝင် နိုင်ငံရေးအကျဉ်းသား ၃၆ ဦး၊ နိုင်ငံသားအကျဉ်းသူ တစ်ဦးနှင့် ဗီယက်နမ်အကျဉ်းသား ခုနစ်ဦးတို့ဖြစ်ကြောင်း နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေး၏ Facebook စာမျက်နှာတွင် ရေးသားမှုအရ သိရသည်။

မုံရွာအကျဉ်းထောင်မှ လွတ်မြောက်လာသူများအား ကြိုဆိုနေစဉ် (ဓာတ်ပုံ-ကောင်းခန့်လင်း)

သာယာဝတီအကျဉ်းထောင်မှ သေဒဏ်လေးခုနှင့် နှစ်အကန့်အသတ်မရှိ ထောင်ဒဏ်ကျခံနေရသည့် ကိုသံချောင်းအပါအ၀င် နိုင်ငံရေးအကျဉ်းသား သုံးဦး၊ စုစုပေါင်း အကျဉ်းသား အကျဉ်းသူ ၅၈ ဦး လွတ်မြောက်

ပဲခူးတိုင်းဒေသကြီး အနောက်ပိုင်း သာယာဝတီအကျဉ်းထောင်မှ သေဒဏ်လေးခုနှင့် နှစ်အကန့်အသတ်မရှိ ထောင်ဒဏ်ကျခံနေရသည့် ရဲဘော်သံချောင်း အပါအ၀င် နိုင်ငံရေးအကျဉ်းသား သုံးဦး စုစုပေါင်း အကျဉ်းသားအကျဉ်းသူ ၅၈ ဦး လွတ်ငြိမ်းချမ်းသာ ခွင့်ပြုခဲ့ကြောင်း သိရသည်။

မိတ္ထီလာအကျဉ်းထောင်မှ ပြန်လည်လွတ်မြောက်လာသူများအား ကြိုဆိုနေစဉ် (ဓာတ်ပုံ-၀ဏ္ဏ)

အဆိုပါ လွတ်ငြိမ်းခွင့်အား နိုင်ငံတော်သမ္မတရုံး အမိန့်အမှတ် ၁၇/၂၀၁၈ ပြစ်ဒဏ်လွတ်ငြိမ်း သက်သာခွင့်အမိန့်အရ သာယာဝတီအကျဉ်းထောင်မှ အကျဉ်းသား ၅၈ ဦး လွတ်မြောက်ရာတွင် နိုင်ငံရေးအကျဉ်းသားများဖြစ်သည့် ရဲဘော်သံချောင်း၊ ဗိုလ်မှူးဝင်းနိုင်ကျော်နှင့် ဦးကျော်လှိုင်တို့ သုံးဦးပါဝင် လွတ်မြောက်ခဲ့ခြင်းဖြစ်ကြောင်း သိရသည်။

“ကျွန်တော်လွတ်တယ်ဆိုတာကို မယုံနိုင်သေးဘူး။ အခုချိန်က ကျွန်တော် ဘယ်လိုအခြေအနေမှာ ရပ်တည်ရမယ်ဆိုတာ မသိသေးတဲ့အတွက် ဘာမှတော့ ပြောလို့မရသေးပါဘူး” ဟု ရဲဘော်သံချောင်းက မီဒီယာများသို့ ပြောကြားသည်။

ရဲဘော်သံချောင်းသည် န၀တအစိုးရ လက်ထက်ကတည်းက သေဒဏ်လေးခုနှင့် ထောင်ဒဏ်နှစ် အကန့်အသတ်မရှိ ကျခံနေရသူဖြစ်ပြီး အငြိမ်းစားဗိုလ်မှူး ၀င်းနိုင်ကျော်မှာ သေဒဏ်နှင့် ထောင်ဒဏ် ၂၈ နှစ် ကျခံနေရသူတစ်ဦးဖြစ်ကြောင်း သိရသည်။

ပုသိမ်အကျဉ်းထောင်မှ ပြန်လည်လွတ်မြောက်လာသူများ (ဓာတ်ပုံ-နီလာစိုး)

နိုင်ငံတော်သမ္မတ၏ ပြစ်ဒဏ်လွတ်ငြိမ်းသက်သာခွင့် အမိန့်ဖြင့် ထားဝယ်အကျဉ်းထောင်မှ ၆၄ ဦး လွတ်မြောက်

တနင်္သာရီတိုင်းဒေသကြီး ထားဝယ်မြို့ရှိ ထားဝယ်အကျဉ်းထောင်တွင် နိုင်ငံတော်သမ္မတ၏ ပြစ်ဒဏ်လွတ်ငြိမ်းသက်သာခွင့်ဖြင့် မြန်မာနှစ်ဆန်းတစ်ရက်နေ့ဖြစ်သည့် ဧပြီ ၁၇ ရက်က အကျဉ်းသား ၆၄ ဦး လွတ်မြောက်ခဲ့ကြောင်း သိရသည်။

နိုင်ငံတော်သမ္မတရုံးက ထုတ်ပြန်ခဲ့သည့် နိုင်ငံတော်သမ္မတ၏ လွတ်ငြိမ်းချမ်းသာခွင့် အမိန့်ဖြင့် ထားဝယ်အကျဉ်းထောင်မှ လွှတ်ပေးခဲ့သည့် အကျဉ်းသားများထဲ၌ အမျိုးသား ၅၈ ဦးနှင့် အမျိုးသမီးခြောက်ဦး စုစုပေါင်း ၆၄ ဦးအား မွန်းလွဲ ၁ နာရီခွဲတွင် လွှတ်ပေးခဲ့ကြောင်း ထားဝယ်အကျဉ်းထောင် တာဝန်ရှိသူထံမှ သိရသည်။

“နိုင်ငံတော်သမ္မတ လွတ်ငြိမ်းခွင့်နဲ့ ထားဝယ်အကျဉ်းထောင်ကနေ အကျဉ်းသား ၅၈ ဦး၊ အကျဉ်းသူ ခြောက်ဦး ပေါင်း ၆၄ ဦးကို မွန်းလွဲ ၁ နာရီခွဲတွင် ဌာနဆိုင်ရာ တာဝန်ရှိသူတွေက သြ၀ါဒပေးပြီး လွှတ်ပေးခဲ့တယ်။ ထောက်ပံ့ကြေးအဖြစ် တစ်ဦးကို နိုင်ငံတော်ကျခံငွေ ၁၀၀၀ ကျပ်စီ ပေးခဲ့ပါတယ်” ဟု ထားဝယ်အကျဉ်းထောင် တာဝန်ရှိသူက ပြောကြားသည်။ လွတ်ငြိမ်းချမ်းသာခွင့် အမိန့်ဖြင့် ထားဝယ်အကျဉ်းထောင်မှ လွှတ်ပေးခဲ့သည့် အကျဉ်းသားများထဲ၌ မည်သည့်ပြစ်ဒဏ်ဖြင့် ကျခံနေသူများ ပါဝင်ကြောင်းကိုမူ ပြောခွင့်မရှိကြောင်း ထားဝယ်အကျဉ်းထောင် တာဝန်ရှိသူက ပြောကြားသည်။

ထားဝယ်အကျဉ်းထောင်မှ လွတ်မြောက်လာသူများအား ကြိုဆိုနေစဉ် (ဓာတ်ပုံ-ဖြိုးဇင်)

ပခုက္ကူအကျဉ်းထောင်မှ အကျဉ်းသား ၂၁ ဦးနှင့် အကျဉ်းသူတစ်ဦး စုစုပေါင်း ၂၂ ဦး လွတ်မြောက်

နိုင်ငံတော်သမ္မတ လွတ်ငြိမ်းချမ်းသာခွင့်ဖြင့် ဧပြီ ၁၇ ရက် နံနက်က ပခုက္ကူအကျဉ်းထောင်မှ အကျဉ်းသား ၂၁ ဦးနှင့် အကျဉ်းသူတစ်ဦး စုစုပေါင်း ၂၂ ဦး လွတ်မြောက်ခဲ့ကြောင်း သိရသည်။

နိုင်ငံသမ္မတ လွတ်ငြိမ်းချမ်းသာခွင့်ဖြင့် လွတ်မြောက်လာသူများအား လွတ်ပေးသည့် အခမ်းအနားကို ပခုက္ကူအကျဉ်းထောင်တွင် ပြုလုပ်ခဲ့ပြီး တာဝန်ခံအရာရှိ၊ အခြားအဆင့်ဝန်ထမ်းများနှင့် ဌာနဆိုင်ရာအရာရှိများ တက်ရောက်ခဲ့ကြောင်း သိရသည်။

လွတ်ငြိမ်းချမ်းသာခွင့်ရရှိသည့် အကျဉ်းသားများအား အကျဉ်းထောင်တာဝန်ခံအရာရှိက နိုင်ငံတော်အကြီးအကဲများ၏ စေတနာကို နားလည်ရမည်ဖြစ်ကြောင်း၊ နိုင်ငံတော်၏ စေတနာကို နားလည်ပါက ဥပဒေနှင့်အညီ ကောင်းမွန်စွာ နေထိုင်သွားရန်လိုကြောင်း၊ နိုင်ငံတော်အတွက် တစ်စုံတစ်ရာ လုပ်မပေးနိုင်စေကာမူ နိုင်ငံတော်ဂုဏ်သိက္ခာ မကျဆင်းစေရန် နေထိုင်သင့်ပြီး ထောင်သို့ နောက်တစ်ခါ ပြန်မရောက်ရန် စည်းကမ်းကျစွာ နေထိုင်ဖို့လိုကြောင်း ဆုံးမစကားပြောကြားပြီး ထောင်ထွက်လက်မှတ်နှင့် ထောက်ပံငွေများ ပေးအပ်ခဲ့သည်။

ပခုက္ကူအကျဉ်းထောင်မှ လွတ်မြောက်လာသူ ၂၂ ဦးတွင် တပ်မတော်အက်ဖြင့် ပြစ်ဒဏ်ကျခံရသူခြောက်ဦး၊ မူးယစ်ဆေးဝါးနှင့်ဆိုင်သောပုဒ်မများဖြင့် ပြစ်ဒဏ်ကျခံနေရသူ ၁၆ ဦး ပါဝင်ကြောင်း သိရသည်။

စစ်တွေအကျဉ်းထောင်မှ လွတ်မြောက်လာသူများအား ကြိုဆိုနေစဉ် (ဓာတ်ပုံ-သန်းလှိုင်)

နိုင်ငံတော်သမ္မတ လွတ်ငြိမ်းချမ်းသာခွင့်ဖြင့် မိတ္ထီလာအကျဉ်းထောင်မှ အကျဉ်းသား ၆၄ ဦး လွတ်မြောက်

၂၀၁၈ ခုနှစ် ဧပြီ ၁၇ ရက်၊ အင်္ဂါနေ့ (မြန်မာနှစ်ဆန်းတစ်ရက်) က နိုင်ငံတော်သမ္မတ လွတ်ငြိမ်းချမ်းသာခွင့်ဖြင့် မိတ္ထီလာအကျဉ်းဦးစီးဌာနမှ အကျဉ်းသား ၅၄ ဦး၊ အကျဉ်းသူ ၁၀ ဦး စုစုပေါင်းအကျဉ်းသား ၆၄ ဦး လွတ်မြောက်လာခဲ့ကြောင်း သိရသည်။ “ကျွန်တော် တပ်မတော်အက်ဥပဒေနဲ့ အကျဉ်းကျတာပါ။ ထောင်သုံးနှစ်ကျတာ။ ၁၁ လကျန်သေးတယ်။ အခုလို လွတ်လာတာ အရမ်းဝမ်းသာတယ်။ တပ်မတော်ထဲမှာတုန်းက ကျွန်တော်က ဗိုလ်ကြီးအဆင့်နဲ့ ဆေးမှူးတာဝန်ထမ်းဆောင်ခဲ့တာပါ။ ဇာတိက မုံရွာပြန်မှာပါ” ဟု ဒေါက်တာရဲရင့် (ဗိုလ်ကြီးဟောင်း) က ပြောကြားသည်။

ပခုက္ကူအကျဉ်းထောင်မှ ပြန်လည်လွတ်မြောက်လာသူများအား တွေ့ရစဉ် (ဓာတ်ပုံ-သက်ထိန်ဝင်း)

မြစ်ကြီးနား အကျဉ်းထောင်တွင် ပြစ်ဒဏ်ကျခံနေရသော အကျဉ်းသား အကျဉ်းသူ ၄၇၀ လွတ်ငြိမ်းချမ်းသာခွင့်ဖြင့် လွတ်မြောက်

မြစ်ကြီးနား အကျဉ်းထောင်တွင် ပြစ်ဒဏ်ကျခံနေသော အကျဉ်းသား အကျဉ်းသူ ၄၇၀ လွတ်ငြိမ်းချမ်းသာခွင့်ဖြင့် နှစ်ဆန်းတစ်ရက်တွင် လွတ်မြောက်ခဲ့ကြောင်း သိရသည်။

အဆိုပါ လွတ်မြောက်လာသူများတွင် မူးယစ်မှုဖြင့် ပြစ်ဒဏ်ကျခံနေရသူ အများဆုံး ပါဝင်ပြီး ကချင်ပြည်နယ်တွင် မြစ်ကြီးနားထောင်၊ ဗန်းမော်ထောင်၊ မိုးညှင်းထောင်၊ ပူတာအိုထောင်နှင့် မလိခ (ပိတောင်) စခန်းမှ လွတ်ငြိမ်းချမ်းသားခွင့်ဖြင့် လွတ်မြောက်လာသူ စုစုပေါင်း ၉၇၅ ဦး လွတ်မြောက်ခဲ့ကြောင်း သိရသည်။

မြန်မာနှစ်သစ်ကူး အခါသမယ အထိမ်းအမှတ်အားဖြင့်လည်းကောင်း၊ ပြည်သူလူထု နှလုံးစိတ်ဝမ်း အေးချမ်းစေရေးနှင့် လူသားချင်းစာနာထောက်ထားမှုကို အလေးထားသောအားဖြင့်လည်းကောင်း၊ အကျဉ်းထောင်/စခန်း အသီးသီးတွင် အကျဉ်းကျခံနေကြရသော နိုင်ငံသားများအား နိုင်ငံတော်သမ္မတမှ လွတ်ငြိမ်းချမ်းသာ ခွင့်ပြုခဲ့ခြင်းဖြစ်သည်။

ပေါင်းတည်အကျဉ်းထောင်မှ တပ်မတော်အက်ဖြင့် ထောင်ဒဏ်ကျခံနေရသူ ၁၅ ဦး လွတ်မြောက်

ပဲခူးတိုင်းဒေသကြီး (အနောက်ပိုင်း)၊ ပေါင်းတည်အကျဉ်းထောင်မှ တပ်မတော်အက်ဖြင့် ထောင်ဒဏ်ကျခံနေရသူ ၁၅ ဦး လွတ်မြောက်ခဲ့ကြောင်း သိရသည်။

လွတ်ငြိမ်းခွင့်ရရှိသူ ၁၇ ဦးအနက် နှစ်ဦးမှာ လွတ်ရက်စေ့ဖြင့် ကြိုတင်လွတ်မြောက်သွားပြီဖြစ်ကာ ၁၅ ဦးမှာ ဧပြီ ၁၇ ရက် နေ့လယ် ၁၁ နာရီခန့်က လွတ်မြောက်ခဲ့ကာ တပ်မတော်အက်ဥပဒေ ၃၇(၁) ဖြင့် ထောင်ဒဏ်ကျခံနေရသူများဖြစ်ကြောင်း သိရသည်။

အလားတူ ပဲခူးတိုင်းဒေသကြီး (အနောက်ပိုင်း)၊ သာယာဝတီခရိုင် အကျဉ်းထောင်မှလည်း ရဲဘော်သံချောင်း အပါအ၀င် နိုင်ငံရေးအကျဉ်းသားသုံးဦး၊ အကျဉ်းသား အကျဉ်းသူပေါင်း ၅၈ ဦး လွတ်မြောက်ခဲ့ကြောင်း သိရသည်။ ပေါင်းတည်အကျဉ်းထောင်မှာ အကျဉ်းသားဦးရေ ၅၀၀ ဆံ့ကာ လက်ရှိတွင် အကျဉ်းသားဦးရေ ၃၂၆ ဦးရှိကြောင်း သိရသည်။

နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် မုံရွာအကျဉ်းထောင်မှ အကျဉ်းသား ၄၁ ဦး လွတ်မြောက်

စစ်ကိုင်းတိုင်းဒေသကြီး မုံရွာခရိုင် မုံရွာအကျဉ်းထောင်တွင် ဧပြီ ၁၇ ရက် မွန်းလွဲ ၁ နာရီခန့်က နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် မုံရွာအကျဉ်းထောင်မှ အကျဉ်းသား ၄၁ ဦး လွတ်မြောက်ခဲ့ကြောင်း သိရသည်။

မုံရွာအကျဉ်းထောင်မှ နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် လွှတ်ပေးခဲ့သည့် အကျဉ်းသားများထဲတွင် ပုဒ်မအမျိုးမျိုးဖြင့် အကျဉ်းကျခံနေရသူများအား လွှတ်ပေးခဲ့ကြောင်း သိရသည်။

စစ်ကိုင်းတိုင်းဒေသကြီးတွင် အကျဉ်းထောင် ငါးခုရှိကြောင်း၊ ယင်းအကျဉ်းထောင် ငါးခုသည် မုံရွာအကျဉ်းထောင်၊ ရွှေဘိုအကျဉ်းထောင်၊ ကသာအကျဉ်းထောင်၊ ကလေးအကျဉ်းထောင်နှင့် ခန္တီးအကျဉ်းထောင်တို့တွင် အကျဉ်းကျနေသည့် အကျဉ်းသားအချို့အား နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် အကျဉ်းသားအချို့အား လွှတ်ပေးမည်ဖြစ်ကြောင်း ကနဦးသတင်းများအရ သိရသည်။

မုံရွာအကျဉ်းထောင်မှ ဧပြီ ၁၇ ရက်တွင် လွတ်မြောက်လာသည့် အကျဉ်းသားများသည် အမျိုးသားသုံးဦးနှင့် တရုတ်နိုင်ငံသားနှစ်ဦးအား အကျဉ်းထောင်မှ ပြန်လွှတ်ပေးခဲ့ကြောင်း သိရသည်။

မြိတ်ခရိုင်အကျဉ်းထောင်မှ ပြန်လည်လွတ်မြောက်လာသူများအား ကြိုဆိုနေစဉ် (ဓာတ်ပုံ-ဇော်မိုးဦး)

နိုင်ငံတော် လွတ်ငြိမ်းချမ်းသာခွင့်ဖြင့် ပုသိမ်မြို့ အကျဉ်းထောင်မှ နှစ်ပေါင်း ၁၀၁ နှစ် ထောင်ဒဏ်ကျခံခဲ့ရသည့် ABSDF မှ ဦးသန်းကိုဦး အပါအ၀င် ၄၇ ဦး ပြန်လည်လွတ်မြောက်

နိုင်ငံတော် လွတ်ငြိမ်းချမ်းသာခွင့်ဖြင့် ပုသိမ်အကျဉ်းထောင်မှ နှစ်ပေါင်း ၁၀၁ နှစ် ထောင်ဒဏ်ကျခံခဲ့ရသည့် ABSDF မှ ဦးသန်းကိုဦး အပါအ၀င် ၄၇ ဦး ပြန်လည်လွတ်မြောက်ခဲ့ကြောင်း သိရသည်။

“ပုသိမ်အကျဉ်းထောင်ကနေ ကျား ၄၆ ဦး မတစ်ဦးနဲ့ စုစုပေါင်း ၄၇ ဦး လွတ်မြောက်ခဲ့ပါတယ်။ သင်္ကြန်အကြိုကလည်း အများလွှတ်တယ်ဆိုတော့ မဆိုးဘူးပေါ့။ ပုသိမ်အကျဉ်းထောင်က တော်တော်များများလွတ်တော့ အကျဉ်းသားတွေလည်း ၀မ်းသာကြတာပေါ့။ နိုင်ငံတော်အစိုးရကိုလည်း အများကြီး ကျေးဇူးတင်ကြပါတယ်။ အခုလို နှစ်သစ်အခါသမယမှာ ကောင်းပါတယ်” ဟု ပုသိမ်အကျဉ်းထောင် ဒုထောင်ပိုင် ဦးတင့်လွင်က ပြောကြားသည်။ ပုသိမ်အကျဉ်းထောင်မှ မွန်းလွဲ ၂ နာရီကျော်တွင် လွတ်မြောက်ခဲ့ပြီး လာရောက်ကြိုဆိုသူများလည်း ရှိခဲ့သည်။

မြန်မာနိုင်ငံတစ်ဝန်းရှိ အကျဉ်းထောင်များတွင် လွတ်ငြိမ်းချမ်းသာခွင့်ဖြင့် လွှတ်မည်ဆိုသောကြောင့် မိသားစုများ လာရောက် စောင့်ဆိုင်းနေသူများလည်း ရှိခဲ့ကြသည်။

နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် ကသာအကျဉ်းထောင်မှ အကျဉ်းသား ၁၀၇ ဦး လွှတ်ပေး

စစ်ကိုင်းတိုင်းဒေသကြီး ကသာခရိုင် ကသာအကျဉ်းထောင်တွင် ဧပြီ ၁၇ ရက်က နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် ကသာအကျဉ်းထောင်မှ အကျဉ်းသား ၁၀၇ ဦး လွှတ်ပေးလိုက်ကြောင်း သိရသည်။

ယင်းအကျဉ်းထောင်မှ လွတ်မြောက်လာသူများထဲတွင် မူးယစ်ဆေးဝါးအမှုဖြင့် လွတ်မြောက်လာသူ အများဆုံးဖြစ်ကြောင်း အကျဉ်းသားလွှတ်ပေးသည့် ကသာအကျဉ်းထောင်သို့ စစ်ကိုင်းတိုင်းဒေသကြီး လွှတ်တော်ဥက္ကဋ္ဌ ဦးသန်း၊ ကသာမြို့နယ် တိုင်းဒေသကြီးလွှတ်တော်ကိုယ်စားလှယ် ဦးညီညီထွန်းနှင့် သက်ဆိုင်ရာဌာနဆိုင်ရာမှ အကြီးအကဲများလည်း လာရောက်အားပေးခဲ့ကြကြောင်း သိရသည်။

ကသာအကျဉ်းထောင်မှ လွတ်မြောက်လာသည့် အကျဉ်းသားများသည် အမျိုးသား ၈၈ ဦး၊ အမျိုးသမီး ၁၉ ဦး စုစုပေါင်း ၁၀၇ ဦး ဖြစ်ကြောင်း သိရသည်။

ဟင်္သာတခရိုင်အကျဉ်းထောင်မှ ပြန်လည်လွတ်မြောက်လာသူများအား ကြိုဆိုနေစဉ် (ဓာတ်ပုံ-အောင်ကျော်မျိုး)

နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် ဘားအံအကျဉ်းထောင်နှင့် ဘ၀သစ်စိုက်ပျိုးမွေးမြူရေးစခန်းမှ အကျဉ်းသား ၁၅၆ ဦး လွှတ်ပေး

ဘားအံအကျဉ်းထောင်တွင် ပြစ်ဒဏ်ကျခံနေရသော အကျဉ်းသား ၅၆ ဦး၊ အကျဉ်းသူ ၂၈ ဦး၊ ဘ၀သစ်စိုက်ပျိုးမွေးမြူရေးစခန်း (လက္ခဏ) မှ အကျဉ်းသား ၇၂ ဦး၊ စုစုပေါင်း ၁၅၆ ဦးတို့ ယနေ့ မွန်းလွဲတစ်နာရီကျော်အချိန်က လွတ်မြောက်လာကြောင်း သိရသည်။

နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် သရက်အကျဉ်းထောင်နှင့် ဘ၀သစ်စိုက်ပျိုးမွေးမြူ ရေးစခန်းမှ အကျဉ်းသား ၄၄ ဦး လွှတ်ပေး

သရက်အကျဉ်းထောင်တွင် အကျဉ်းသား ၄၂ ဦးနှင့် အကျဉ်းသူနှစ်ဦး လွတ်မြောက်ခဲ့ပြီး နှစ်ရှည် ထောင်ဒဏ်ချခံနေရသည့် နိုင်ငံရေးအကျဉ်းသား ဦးစိုင်းဖုန်းတင့် ပါဝင်ကြောင်း သိရပါသည်။

လားရှိုးအကျဉ်းထောင်တွင် ပြစ်ဒဏ်ကျခံနေရသော အကျဉ်းသား၊ အကျဉ်းသူ ၁၆၂ ဦး လွတ်မြောက်

ရှမ်းပြည်နယ် (မြောက်ပိုင်း) လားရှိုး အကျဉ်းထောင်တွင် ပြစ်ဒဏ်ကျခံနေရသော အကျဉ်းသား ၁၁၉ ဦး၊ အကျဉ်းသူ ၄၃ ဦး စုစုပေါင်း ၁၆၂ ဦးသည် နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် လွတ်မြောက်ခဲ့ကြောင်း သိရသည်။

မန္တလေးဗဟိုအကျဉ်းထောင်(အိုးဘို) မှ ပြစ်ဒဏ်ကျခံနေရသည့် အကျဉ်းသား၊ အကျဉ်းသူ စုစုပေါင်း ၄၆၀ လွတ်ငြိမ်းချမ်းသာခွင့်ဖြင့် လွတ်မြောက်

မန္တလေးဗဟိုအကျဉ်းထောင် (အိုးဘို)မှ ပြစ်ဒဏ်ကျခံနေရသည့် အကျဉ်းသား/သူ စုစုပေါင်း ၄၆၀ နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် မြန်မာနှစ်ဆန်းတစ်ရက် (ဧပြီ ၁၇ ရက်) မွန်းလွဲပိုင်းက လွတ်မြောက်ခဲ့ကြောင်း သိရသည်။

နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် ဧပြီ ၁၇ ရက်က မန္တလေးဗဟိုအကျဉ်းထောင်မှ အကျဉ်းသား ၄၂၈ ဦး၊ အကျဉ်းသူ ၃၂ ဦး လွတ်မြောက်ခဲ့ကာ မတရားအသင်း အက်ဥပဒေ ၁၇ (၁)၊ ၂၁ (က) ဖြင့် သေဒဏ်ကျခံနေရသည့် အကျဉ်းသားတစ်ဦး ပါဝင်ခဲ့ကြောင်း သိရသည်။ ထို့ပြင် ထုံးဘိုကုန်ထုတ်လုပ်ရေးစခန်း (၁) မှ အကျဉ်းသား ၁၈၁ ဦး၊ ထုံးဘိုကုန်ထုတ်လုပ်ရေးစခန်း (၂) မှ အကျဉ်းသား ၁၃၆ ဦး၊ ကျောက်ချောကုန်ထုတ်လုပ်ရေးစခန်းမှ အကျဉ်းသူ ၁၅၁ ဦး လွတ်မြောက်ခဲ့ကြောင်း သိရသည်။

“ကျွန်တော့်အနေနဲ့ အခုလို လွတ်မြောက်လာလိမ့်မယ်လို့ မျှော်လင့်မထားပါဘူး။ ၀မ်းသာလားဆိုတော့ ထောင်ထဲမှာကျန်နေခဲ့တဲ့ မတရားသေဒဏ်ပြစ်ဒဏ် အပြစ်ပေးခံထားရတဲ့သူတွေ အများကြီး ကျန်နေပါသေးတယ်။ ကျွန်တော်က ထောင်ထဲမှာ ၂၀၁၁ ခုနှစ်ကနေ အခု ၂၀၁၈ အထိ နေခဲ့ရပါတယ်။ ပြစ်မှုကတော့ KNU အဖွဲ့အစည်းနဲ့ ဆက်သွယ်ခဲ့တယ် ဆိုပြီးတော့ တပ်မ ၇၁ ကနေ ၁၇ (၁)၊ ၂၁ (က)နဲ့ စွဲဆိုပြီး သေဒဏ်ချမှတ်ခံခဲ့ရတာ ဖြစ်ပါတယ်” ဟု သေဒဏ်ချမှတ်ခံခဲ့ရပြီး ပြန်လည်လွတ်မြောက်လာခဲ့သူ ကိုသိန်းဇော်က ပြောကြားသည်။

စစ်တွေအကျဉ်းထောင်မှ လွတ်ငြိမ်းချမ်းသာခွင့်ဖြင့် လွတ်မြောက်သူ ၈၇ ဦးရှိပြီး နိုင်ငံရေးနှင့် ဆက်နွှယ်သူ သုံးဦး ပါဝင်

စစ်တွေအကျဉ်းထောင်မှ လွတ်ငြိမ်းချမ်းသာခွင့်ဖြင့် လွတ်မြောက်သူ ၈၇ ဦးရှိခဲ့ရာ နိုင်ငံရေးနှင့်ဆက်နွှယ်သူ သုံးဦးပါဝင်ခဲ့ကြောင်း သိရပြီး အကျဉ်းသားများအား ၃ နာရီ ၃၅ မိနစ်ခန့်တွင် စတင်လွှတ်ပေးခဲ့ခြင်းဖြစ်ကြောင်း သိရသည်။

မြတန်ဆောင်းဆရာတော်က “နိုင်ငံရေး အကျဉ်းသား အားလုံးကိုလည်း လွှတ်ပေးစေချင်တာပေါ့။ ဒါပေမဲ့ အခုက နိုင်ငံရေးအကျဉ်းသား နည်းနည်းလေးသာပါတယ်။ ရခိုင့်တပ်မတော်ကလည်း သုံးယောက်ကျန်သေးတယ်။ ဒေါက်တာအေးမောင်၊ ဝေဟင်အောင်ကျန်တယ်။ ပြီးတော့ မိုင်းပေါက်ကွဲမှုနဲ့ အဖမ်းခံရသူတွေကိုလည်း လွှတ်ပေးစေချင်တယ်။ ဒီမှာလွတ်ပြီး မြောက်ဦးထပ်ပြီးတော့ ရမန်ယူတယ်ဆိုတာမျိုးကလည်း တအားကြီး လက်လွတ်စပယ်နိုင်လွန်းအားကြီးတယ်။ မင်းမဲ့ဆန်တယ်လို့မြင်တယ်။ ဒီကိစ္စအပေါ်မှာ သက်ဆိုင်သူတွေ အနေနဲ့ ပြန်ပြီးစဉ်းစားပေးစေချင်ပါတယ်” ဟု ပြောကြားသည်။

အလားတူစွာပင် မတရားအသင်းနှင့် ဆက်သွယ်သည်ဟုဆိုကာ ဖမ်းဆီးခံရပြီး ထောင်ငါးနှစ်ကျခဲ့သူ ကိုထွန်းထွန်းနိုင်ကလည်း အကျဉ်းသားများအား လွှတ်ပေးသည့်အတွက် ကျေးဇူးတင်ကြောင်း၊ မတရားအသင်းဆိုသည်မှာ မဟုတ်မှန်ကြောင်း၊ အဖမ်းခံခဲ့ရစဉ်က နှိပ်စက်ခြင်းများ ရှိသော်လည်း ထောင်အတွင်း နှိပ်စက်ခံခဲ့ရခြင်းမျိုး မရှိခဲ့ကြောင်း ပြောကြားသည်။

နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် မြိတ်ခရိုင်အတွင်း အကျဉ်းသား ၂၉၃ ဦးကို လွှတ်ပေးခဲ့ပြီး မူးယစ်ဆေးဝါးအမှုဖြင့် အကျဉ်းကျခံနေရသူ အများစု ပါဝင်ခဲ့

မြန်မာနှစ်ဆန်းတစ်ရက်နေ့ (ဧပြီ ၁၇ ရက်) တွင် နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် အကျဉ်းသားများအား လွှတ်ပေးခဲ့ရာ မြိတ်ခရိုင်အတွင်းအကျဉ်းသား ၂၉၃ ဦး ပါဝင်ခဲ့ပြီး မူးယစ်ဆေးဝါးအမှုဖြင့် အကျဉ်းကျခံနေရသူ အများစု ပါဝင်ခဲ့ကြောင်း သိရသည်။

ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်သမ္မတရုံး အမိန့်စာအမှတ် ၁၇/ ၂၀၁၈ ကျင့် ၄၀၁ (ခ )အရ လွတ်ငြိမ်းချမ်းသာ ခွင့်ပေးရာတွင် အကျဉ်းထောင်/စခန်းအသီးသီးတွင် အကျဉ်းကျခံနေရ နိုင်ငံသားအကျဉ်းသား/သူ ၈၄၉၀ လွတ်ငြိမ်းချမ်းသာ ခွင့်ရခဲ့ကြောင်း သိရသည်။ လွတ်ငြိမ်းချမ်းသာခွင့်ပေးရာတွင် မြိတ်ခရိုင်အတွင်းရှိ အကျဉ်းထောင်နှင့် စခန်းအသီးသီးမှ အကျဉ်းသား/သူ ၂၉၃ ဦး ပါဝင်ခဲ့ပြီး အများစုမှာ မူးယစ်ဆေးဝါးအမှုများဖြင့် အကျဉ်းကျခံနေရသူများဖြစ်ကြောင်း သိရသည်။ “ဒီနေ့ကျွန်တော်တို့ မြိတ်အကျဉ်းထောင်ကနေ ကျား ၄၇ ဦး၊ မ ၉ ဦး အားလုံးပေါင်း ၅၇ ဦး လွှတ်ပေးလိုက်တာပါ။ လွတ်ငြိမ်းချမ်းသာခွင့်ပေးတဲ့အပိုင်းမှာ အများစုကတော့ မူးယစ်ဆေးသုံးစွဲတဲ့အမှု ပြစ်ဒဏ်ကျခံနေရတဲ့သူတွေ များပါတယ်။ အသက်ကြီး အကျဉ်းသူတစ်ဦးပါတယ်။ အသက် ၆၀ ကျော် အဖွားတစ်ဦးပါတယ်။ အားလုံးပေါင်းလိုက်ရင် ၅၇ ဦးပါ။ နိုင်ငံရေးအကျဉ်းသား မရှိပါဘူး။ စည်းကမ်းသတ်မှတ်ချက်မထားဘဲနဲ့ ဆောင်ရွက်တာပါ ၄၀၁( ခ ) ဆိုတဲ့ အဓိပ္ပာယ်ပါ” ဟု မြိတ်အကျဉ်းထောင်မှ လက်ထောက်ညွန်ကြားရေးမှူး ဦးနိုင်စိုးလင်းက ဆိုသည်။

ဟင်္သာတအကျဉ်းထောင်၌ ပြစ်ဒဏ်ကျခံနေရသူ ၂၃ ဦး လွတ်ငြိမ်းချမ်းသာခွင့်ဖြင့် လွတ်မြောက်

ဟင်္သာတအကျဉ်းထောင်၌ ပြစ်ဒဏ်ကျခံနေရသူ ၂၃ ဦး လွတ်ငြိမ်းချမ်းသာခွင့်ဖြင့် လွတ်မြောက်ခဲ့ကြောင်း သိရသည်။

အဆိုပါ အကျဉ်းသားများကို ဧပြီ ၁၇ ရက်၊ မြန်မာနှစ်ဆန်းတစ်ရက်နေ့ မွန်းလွဲ ၃ နာရီခွဲခန့်က လွှတ်ပေးခဲ့ခြင်းဖြစ်ပြီး အကျဉ်းသား ၂၁ ဦးနှင့် အကျဉ်းသူ နှစ်ဦး ပါဝင်ခဲ့ကြောင်း သိရသည်။

လွတ်မြောက်ခဲ့သူများမှာ မူးယစ်ပုဒ်မဖြင့် ပြစ်ဒဏ်ကျခံနေရသူ ၁၂ ဦး၊ စစ်စည်းကမ်းဖောက်ဖျက်မှုဖြင့် ပြစ်ဒဏ်ကျခံနေရသူ ရှစ်ဦးနှင့် ရဲစည်းကမ်းဖောက်ဖျက်မှုဖြင့် ပြစ်ဒဏ်ကျခံနေရသူ သုံးဦးတို့ဖြစ်ကြောင်း သိရသည်။ ဟင်္သာတအကျဉ်းထောင်မှ လွတ်မြောက်ခဲ့သူများမှာ အနိမ့်ဆုံးပြစ်ဒဏ် ခြောက်လမှ အမြင့်ဆုံးပြစ်ဒဏ် ၁၂ နှစ်အထိ ပြစ်ဒဏ်ချမှတ်ခြင်းခံခဲ့ရသူများဖြစ်ကြောင်း သိရသည်။

လွတ်မြောက်ခဲ့သူများအနက် အမြင့်ဆုံးပြစ်ဒဏ် ၁၂ နှစ် ချမှတ်ခြင်းခံရသူမှာ ကချင်ပြည်နယ်မှဖြစ်ပြီး ဘိန်းဖြူသုံးစွဲမှုနှင့် ၎င်းကိုယ်ပေါ်မှ ဘိန်းဖြူ ၀ ဒသမ ၀၇၁ ဂရမ် တွေ့ရှိမှုဖြင့် ဖမ်းဆီးခံခဲ့ရသူဖြစ်ကာ ၂၀၁၄ ခုနှစ် ဇန်န၀ါရီ ၂ ရက် နိုင်ငံတော်သမ္မတရုံး အမိန့်အရ မူလပြစ်ဒဏ် ၁၂ နှစ်၏ လေးပုံ တစ်ပုံဖြစ်သော လျှော့ရက်ပေါင်း ၁၀၈၀ ရက်အား လျှော့ပေါ့ခံစားခွင့် ရရှိထားသူဖြစ်ကြောင်း သိရသည်။

ဘူးသီးတောင် အကျဉ်းထောင်မှ ဘင်္ဂလားဒေ့ရ်ှနိုင်ငံသား ၂၃ ဦး အပါအ၀င် အကျဉ်းသားစုစုပေါင်း ၅၈ ဦး လွှတ်ပေး

ဧပြီ ၁၇ ရက်က နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် ရခိုင်ပြည်နယ် မောင်တောခရိုင် ဘူးသီးတောင် အကျဉ်းထောင်မှ ဘင်္ဂလားဒေ့ရ်ှနိုင်ငံသား ၂၃ ဦး အပါအ၀င် အကျဉ်းသားစုစုပေါင်း ၅၈ ဦး လွှတ်ပေးလိုက်ကြောင်း သိရသည်။

လွတ်မြောက်လာသူ အကျဉ်းသားများတွင် လ၀က အက် ၁၃ (၁) ဖြင့် အကျဉ်းကျခံနေသည့် ဘင်္ဂလားဒေ့ရ်ှနိုင်ငံသား အမျိုးသား ၂၃ ဦး၊ တိုင်းရင်းသားအမျိုးသား ၁၆ ဦး၊ ဘင်္ဂါလီ အမျိုးသား ၁၂ ဦးနှင့် ဘင်္ဂါလီအမျိုးသမီး ၇ ဦး စုစုပေါင်း ၅၈ ဦးဖြစ်ကြောင်း သိရသည်။

ပြစ်ဒဏ်မှလွှတ်ပေးခဲ့သည့် ဘင်္ဂလားဒေ့ရ်ှနိုင်ငံသားများအား နှစ်နိုင်ငံ ညှိနှိုင်း ပြည်နှင်မည်ဖြစ်ကြောင်းလည်း သိရသည်။

မြောက်ပိုင်း ပါဂျောင်လူသတ်မှုနှင့် ပတ်သက်ပြီး အဓိက တာဝန်ရှိသူတစ်ဦးဖြစ်သည့် ABSDF စစ်ရေးတာဝန်ခံဟောင်း ရဲဘော်သံချောင်း လွတ်ငြိမ်းချမ်းသာခွင့်ဖြင့် သာယာဝတီထောင်မှ ပြန်လည်လွတ်မြောက်

လွတ်ငြိမ်းချမ်းသာခွင့်ဖြင့် သာယာဝတီထောင်မှ ပြန်လည်လွတ်မြောက်လာသည့် ရဲဘော်သံချောင်း (လယ်-ဂျင်းအင်္ကျီအပြာနှင့်) အား တွေ့ရစဉ်

မြောက်ပိုင်း ပါဂျောင်လူသတ်မှုနှင့် ပတ်သက်ပြီး အဓိက တာဝန်ရှိသူတစ်ဦးဖြစ်သည့် ABSDF စစ်ရေးတာဝန်ခံဟောင်း ရဲဘော်သံချောင်း (ခ) မြင့်စိုး (ခ) စ၀်ခွန်ကျော်သည် နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် ဧပြီ ၁၇ ရက်တွင် သာယာဝတီထောင်မှ ပြန်လည် လွတ်မြောက်လာကြောင်း သတင်းရရှိသည်။

“ကျွန်တော် လွတ်တယ်ဆိုတာကို မယုံနိုင်သေးဘူး။ အခုချိန်မှာ ကျွန်တော် ဘယ်လိုအခြေအနေမှာ ရပ်တည်ရမယ်ဆိုတာ မသိသေးတဲ့အတွက် ဘာမှတော့ပြောလို့မရသေးပါဘူး” ဟု ရဲဘော်သံချောင်းက မီဒီယာများအား ပြောကြားသည်။

ထိုသို့ ပြန်လည်လွတ်မြောက်လာသည့် ရဲဘော်သံချောင်း အနေဖြင့် မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF) မြောက်ပိုင်းပါဂျောင်ဒေသတွင် ၁၉၉၂ ခုနှစ်က ABSDF ရဲဘော်ကျောင်းသားများ အသတ်ခံရသည့်ကိစ္စရပ် အပေါ် တာဝန်ယူ ဖြေရှင်းပေးရန် တောင်းဆိုမှုများ ရှိနေသည်။

“ကိုသံချောင်းနဲ့ ပတ်သက်ပြီး ပြောရရင် နှစ်ပိုင်းခွဲပြောရမယ်။ ကိုသံချောင်း (ခ) ကိုမြင့်စိုးလို့ခေါ်တဲ့သူဟာ မန္တလေးတက္ကသိုလ်ကျောင်းထွက်၊ ABSDF ကျောင်းသားတပ်မတော်ဘ၀မှာတော့ သူဟာ သံချောင်းဆိုတဲ့ နာမည်နဲ့ နာမည်ကြီးလာပြီး စစ်ရေးတာဝန်ခံ တစ်ယောက်လည်းဖြစ်တယ်။ အဲဒီအချိန်မှာတော့ ကိုသံချောင်းဟာ လူလေးစားခံရတဲ့ ပုဂ္ဂိုလ်တစ်ယောက်ပါပဲ။ သူ့ကို တော်တော်များများက နှစ်သက်ကြတယ်။ ဒါပေမဲ့ ပါဂျောင်သတ်ဖြတ်မှု အရေးအခင်းမှာတော့ သူဟာ စစ်ရေးတာဝန်ခံအဖြစ် တာဝန်ရှိသူတစ်ယောက် ဖြစ်ခဲ့တယ်” ဟု မြန်မာပြည်မြောက်ပိုင်း ကျောင်းသားတပ်မတော် ABSDF ၏ ဗဟိုကော်မတီဝင် (ဟောင်း) ဦးညီညီကျော် (၈၈) က ပြောကြားသည်။

ရဲဘော်သံချောင်း လွတ်မြောက်ရေးအတွက် ယခင်ဦးသိန်းစိန်လက်ထက်ကတည်းကပင် ရှမ်းအဖွဲ့အစည်းအချို့နှင့် ရှမ်းပြည်ပြန်လည် ထူထောင်ရေးကောင်စီ (RCSS) တို့ ကြိုးစားမှုများ ရှိသော်လည်း ထိုစဉ်အချိန်က ရဲဘော်သံချောင်းအား ABSDF မြောက်ပိုင်းတွင် ဖြစ်ခဲ့သည့် ပါဂျောင်လူသတ်မှုဖြင့် ပြင်ပတွင် တရားစွဲခံထားရသည့်အပြင် အခြားသော ကန့်ကွက်မှုများ ရှိသောကြောင့် လွတ်ငြိမ်းချမ်းခွင့်တွင် ပါဝင်မလာခြင်းဖြစ်ကြောင်း သိရသည်။

“ကြိုးလေးကြိုး ကျနေတဲ့ တရားခံတစ်ယောက်ကို အလွယ်တကူပဲ လွှတ်ပေးခဲ့တယ်။ ဘယ်လိုအကြောင်းပြချက်နဲ့ လွှတ်ပေးတယ်ဆိုတာ ဘယ်လိုမှ စဉ်းစားမရဘူး။ ၁၉၉၂ ခုနှစ် ပြည်ထောင်စုနေ့မှာ AB မြောက်ပိုင်းပါဂျောင်မှာ အသတ်ခံလိုက်ရတဲ့ ကျောင်းသား ၁၅ ယောက် အပါအ၀င် မျိုးဝင်းတို့ သံချောင်းတို့ ညှဉ်းပန်းနှိပ်စက်ခံရပြီး အသတ်မခံရဘဲ ပြန်လည်လွတ်မြောက်လာတဲ့ AB ရဲဘော်ဟောင်းတွေကို စော်ကားလိုက်တာပဲလို့ မြင်တယ်” ဟု Jason Bo Facebook အကောင့်ပိုင်ရှင်က ရေးသားထားသည်။

သို့ရာတွင် သာယာဝတီထောင်၌ အကျဉ်းချခံရသည့်ကိစ္စရပ်သည် ၎င်းအား ကျောင်းသားတပ်မတော်မှ ကိုသံချောင်းဟုမမြင်ဘဲ ဗိုလ်မှူးစပ်ခွန်ကျော်ဘ၀ဖြင့် SSA (ရှမ်းလက်နက်ကိုင်အဖွဲ့) တွင် တာဝန်ထမ်းဆောင်စဉ်က ကချင်ပြည်နယ် မိုးညှင်းဘက်တွင် စစ်ကြောင်းဖြင့် သွားနေစဉ် ဖြစ်ခဲ့သည့် အဖြစ်အပျက်ကြောင့် အကျဉ်းချခံခဲ့ရခြင်းဖြစ်ကြောင်း ဦးညီညီကျော်က ဆက်လက်ပြောကြားသည်။

လွတ်ငြိမ်းချမ်းသာခွင့်ဖြင့် သာယာဝတီထောင်မှ ပြန်လည်လွတ်မြောက်လာသည့် ရဲဘော်သံချောင်းအား သတင်းထောက်တစ်ဦးမှ အင်တာဗျူးပြုလုပ်နေစဉ်

“အဲဒီလို အကျဉ်းချခံရတဲ့ကိစ္စဟာ ကျောင်းသားတပ်မတော်နဲ့ ဆက်စပ်မှု ရှိတယ်လို့တော့ ကျွန်တော်က မမြင်ဘူး။ သူ့ရဲ့ ပြစ်ဒဏ်တွေမှာ သေဒဏ်နဲ့ ထောင်တစ်သက်လွတ်ရက် မရှိပါနေတယ်လို့ ကျွန်တော်တို့ သိထားတယ်။ ဒါတွေဟာ လမ်းမှာ ဖြစ်ပျက်ခဲ့တဲ့ သတ်ဖြတ်မှုတွေ၊ တခြားသော ကျွန်တော်တို့ မသိနိုင်တဲ့ အကြောင်းခြင်းရာတွေကြောင့် ပြစ်ဒဏ်ချခံရတာဖြစ်တဲ့အတွက် သူ့ကို နိုင်ငံရေးအကျဉ်းသားအဖြစ်၊ ကျောင်းသားအဖြစ် ကျွန်တော်ကတော့ မမြင်တဲ့အတွက် အခုလို နှစ်ပိုင်းခွဲပြောရတာ ဖြစ်ပါတယ်။ သူ့ကို ထောက်ပြလို့ရတဲ့ အမှားတစ်ခုကတော့ ၁၉၉၀ မှာ ဖြစ်ခဲ့တဲ့ အဖြစ်အပျက်တစ်ခုပါ။ မြစ်ကြီးနားက ကိုမြင့်လို့ခေါ်ပါတယ်။ ကိုမြင့်ဟာ ၇၅ အလုပ်သမားသပိတ်မှာ တာဝန်ယူခဲ့သူဖြစ်ပြီး စစ်တောင်းစက္ကူစက်ကလို့ သိထားပါတယ်။ ၈၈ အရေးအခင်း ကျောင်းသားတပ်မတော်မှာ ဦးစီးအနေနဲ့ တာဝန်ယူခဲ့တဲ့ အဲဒီကိုမြင့်ကို စွပ်စွဲချက် ခိုင်ခိုင်မာမာမရှိ၊ ဘာသက်သေမျှ မရှိဘဲ တပ်ရဲ့အလယ်ကောင်၊ ကျောင်းသူ ကျောင်းသားတွေအားလုံးရှေ့မှာ ကိုသံချောင်း ကိုယ်တိုင်ပစ္စတိုနဲ့ နားထင်ကိုတေ့ပြီး ပစ်သတ်ခဲ့တဲ့ ဖြစ်စဉ်ရှိပါတယ်။ ဒါဟာ ကိုသံချောင်းရဲ့ လူသတ်မှုမှာ ငြင်းလို့မရတဲ့ လူသတ်မှုပဲ ဖြစ်ပါတယ်။ နောက် ပါဂျောင်သတ်ဖြတ်မှုမှာ လူ ၁၀၇ ယောက် အဖမ်းခံရတဲ့အထဲက နှိပ်စက်မှုတွေ၊ အကြောင်းအမျိုးမျိုးတွေကြောင့် ၃၅ ယောက် သေဆုံးပါတယ်။ ထူးခြားတဲ့ ဖြစ်ရပ်ကတော့ ၁၉၉၂ ဖေဖော်ဝါရီ ၁၂ ရက်မှာ အစုလိုက်အပြုံလိုက် သတ်ဖြတ်မှုဖြစ်ခဲ့တယ်။ အဲဒီလို သတ်ဖို့အတွက် ဒီသေဒဏ်ကို လက်မှတ်ထိုးတဲ့ လူရှစ်ဦးထဲမှာ ကိုသံချောင်းဟာ တစ်ဦးအပါအ၀င် ဖြစ်ပါတယ်။ အဲဒီ သတ်မိန့်ပြန်တမ်းကို ဖတ်ခဲ့တာလည်း သူကိုယ်တိုင်ပဲလို့ ကျွန်တော်တို့ သိထားပါတယ်။ ဒါတွေကြောင့် ဒီကိစ္စနဲ့ ပတ်သက်ရင်တော့ သူဟာတာဝန်ရှိသူတစ်ယောက် ဖြစ်ပါတယ်။ ဒီကိစ္စနဲ့ ပတ်သက်ပြီး ဖြေရှင်းရပါလိမ့်မယ်။ ဒီကနေ့ လွတ်လာတာနဲ့ ပတ်သက်ပြီး ပုဂ္ဂိုလ်ရေးအနေနဲ့ ဘာဝေဖန်ချက်မှ မပေးလိုပါဘူး။ လက်ရှိ SSA အဖွဲ့ရဲ့ ပုဂ္ဂိုလ်တစ်ယောက်ဖြစ်နေတဲ့အတွက် ဒီတိုင်းရင်းသားလက်နက်ကိုင် အဖွဲ့အစည်းရဲ့သဘောထား၊ AAPP ရဲ့ သဘောထားကိုဘာမှ စွက်ဖက်ပြီး မပြောချင်ပါဘူး။ ဒါပေမဲ့ ကျောင်းသားဘ၀က၊ ကျောင်းသား တပ်မတော်မှာ ရှိခဲ့စဉ်က သတ်ဖြတ်မှုတွေနဲ့ ပတ်သက်လို့ တာဝန်ရှိသူတစ်ယောက်အနေနဲ့ တာဝန်ယူပြီး ဖြေရှင်းပေးစေချင်တယ်လို့ ကျွန်တော်တို့က ပြောချင်ပါတယ်” ဟု ဦးညီညီကျော် (၈၈) က ပြောကြားသည်။

ယခုကဲ့သို့ ရဲဘော်သံချောင်းအား သာယာဝတီထောင်တွင် ထောင်ဒဏ်ချမှတ်ထားခြင်းသည် စစ်အာဏာရှင်ကို တော်လှန်ခြင်းဖြစ်သောကြောင့် လွှတ်ပေးသင့်သော်လည်း မြောက်ပိုင်းတွင် ၎င်းကျူးလွန်ခဲ့သည့် ကိစ္စများကို အမှန်အတိုင်း ရင်ဆိုင်ရန်လိုကြောင်း တရားလွှတ်တော်ရှေ့နေ ဦးသိန်းသန်းဦးက ပြောကြားသည်။

“သူတို့ကို အပြစ်ပေးထားတဲ့ ကိစ္စကတော့ စစ်အာဏာရှင်ကို တော်လှန်လို့ အကျဉ်းကျခံရတာဆိုတော့ အဲဒီအတွက်က အပြစ်မရှိပါဘူး။ လွှတ်ပေးသင့်ပါတယ်။ အဲဒါကို ဘာမှပြောစရာ မရှိပါဘူး။ ဒါပေမဲ့ မြောက်ပိုင်း AB မှာ သူကျုးလွန်ခဲ့တဲ့ ကိစ္စတွေကိုတော့ အမှန်အတိုင်း ရင်ဆိုင်ပါလို့ ပြောစရာရှိပါတယ်။ မျိုးဝင်းနဲ့ အပေါင်းအပါတွေပေါ် သူကျုးလွန်ခဲ့တဲ့ သတ်ဖြတ်မှုတွေ၊ တရားမဲ့မှုတွေကိုတော့ သူရင်ဆိုင်ဖြေရှင်းမှရမယ်။ ဖြေရှင်းပါလို့လည်း တောင်းဆိုချင်တယ်။ အမှားအမှန် ဒါကအရေးကြီးတယ်။ ကျောင်းသားအဖွဲ့အစည်း၊ ဒီမိုကရေစီ အဖွဲ့အစည်းတွေဆိုတာ ကိုယ်ကျုးလွန်ခဲ့တဲ့ ကိစ္စတွေအပေါ် ဖုံးကွယ်တယ်ဆိုတာ မဖြစ်ရဘူး။ ခြေမ,မကောင်း ခြေမ၊ လက်မ,မကောင်း လက်မပဲ၊ တာဝန်လည်း ယူရလိမ့်မယ်။ ဖင်ပိတ်ငြင်းပြီး ဒီကောင်တွေက ထောက်လှမ်းရေးတွေပါဆိုပြီး လုပ်လို့တော့ မရဘူး။ ဒီမိုကရေစီလိုလားတဲ့ ကျောင်းသားတပ်မတော်ဆိုတာ တခြားအဖွဲ့အစည်းတွေလို ဖြစ်လို့မရဘူး။ အပြစ်ရှိရင် ရှိသလို၊ အပြစ် မရှိရင် မရှိသလို ဒီကိစ္စတွေကို ဖော်ထုတ်ရမယ်။ အဲဒီအတွက် ဒီကိစ္စကိုဖြေရှင်းပေးပါလို့ သံချောင်းတင်မကဘူး။ တာဝန်ရှိတဲ့သူတွေကို ပြောချင်တယ်” ဟု တရားလွှတ်တော်ရှေ့နေ ဦးသိန်းသန်းဦးက ပြောကြားသည်။

၁၉၉၂ ခုနှစ် ပြည်ထောင်စုနေ့တွင် ကချင်ပြည်နယ် ပါဂျောင်ဒေသတွင် ကျောင်းသားရဲဘော်အချင်းချင်း ညှဉ်းပန်းနှိပ်စက်မှုများကြောင့် ကျဆုံးသွားခဲ့ရသည့် ABSDF ကျောင်းသားရဲဘော်များအတွက် (၂၆) နှစ်ပြည့် အောက်မေ့ဖွယ်အခမ်းအနားကို ၂၀၁၈ ခုနှစ် ဖေဖော်ဝါရီ ၁၂ ရက်က မန္တလေးမြို့ ပြည်ကြီးတံခွန်မြို့နယ် ဘုံပျံတောရကျောင်းတိုက် မြ၀တီမင်းကြီးကျောင်းရှိ ကျဆုံးကျောင်းသားရဲဘော်များ၏ အထိမ်းအမှတ်ရင်ပြင်တွင် ပြုလုပ်ခဲ့ပြီး ပါဂျောင်ဒေသတွင် ကျောင်းသားရဲဘော်အချင်းချင်း စစ်ထောက်လှမ်းရေးဟု စွပ်စွဲကာ ညှဉ်းပန်း နှိပ်စက်မှုများကြောင့် ကျဆုံးသွားခဲ့ရသည့် ကျောင်းသားရဲဘော်များနှင့် ပတ်သက်၍ ကျူးလွန်ခဲ့သူများအနေဖြင့် ABSDF ၏ ဂုဏ်သိက္ခာအတွက် တာဝန်ယူမှု အပါအ၀င် အမှန်တရားကို ဖော်ထုတ်ဝန်ခံသင့်ပြီဖြစ်ကြောင်းနှင့် အဆိုပါဖြစ်စဉ်များအပေါ် တာဝန်ရှိနေသည့် ABSDF မှ တာဝန်ရှိသူများ အနေဖြင့် ကျူးလွန်သူများအား ဖော်ထုတ်အရေးယူမှုများ ပြုလုပ်သင့်ကြောင်း မြောက်ပိုင်းပြန် ABSDF ကျောင်းသားရဲဘော်များက တောင်းဆိုခဲ့ကြသည်။

နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် မြိတ်ခရိုင်အတွင်း အကျဉ်းသား ၂၉၃ ဦးကို လွှတ်ပေးခဲ့ပြီး မူးယစ်ဆေးဝါးအမှုဖြင့် အကျဉ်းကျခံနေရသူ အများစုပါဝင်ခဲ့

မြန်မာနှစ်ဆန်းတစ်ရက်နေ့ (ဧပြီလ ၁၇ ရက်နေ့) တွင် နိုင်ငံတော်သမ္မတ၏ လွတ်ငြိမ်းချမ်းသာခွင့်အမိန့်ဖြင့် အကျဉ်းသားများအား လွှတ်ပေးခဲ့ရာ မြိတ်ခရိုင်အတွင်း အကျဉ်းသား ၂၉၃ ဦး ပါဝင်ခဲ့ပြီး မူးယစ်ဆေးဝါးအမှုဖြင့် အကျဉ်းကျခံနေရသူ အများစုပါဝင်ခဲ့ကြောင်း သိရသည်။

ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတရုံးအမိန့်စာအမှတ် ၁၇/၂၀၁၈ ကျင့် ၄၀၁ (ခ) အရ လွတ်ငြိမ်းချမ်းသာခွင့်ပေးရာတွင် အကျဉ်းထောင်/စခန်း အသီးသီးတွင် အကျဉ်းကျခံနေရသည့် နိုင်ငံသားအကျဉ်းသား/သူ ၈၄၉၀ လွတ်ငြိမ်းချမ်းသာခွင့် ရခဲ့ကြောင်း သိရသည်။

“ဒီကနေ့ ကျွန်တော်တို့ မြိတ်အကျဉ်းထောင်ကနေ ကျား ၄၇ ဦး၊ မ ၉ ဦး အားလုံးပေါင်း ၅၇ ဦး လွှတ်ပေးလိုက်တာပါ။ လွတ်ငြိမ်းချမ်းသာခွင့်ပေးတဲ့အပိုင်းမှာ အများစုကတော့ မူးယစ်ဆေးသုံးစွဲတဲ့ အမှုနဲ့ ပြစ်ဒဏ်ကျခံနေရတဲ့သူတွေ များပါတယ်။ အသက်ကြီးအကျဉ်းသူတစ်ဦးပါတယ်။ အသက် ၆၀ ကျော် အဖွားတစ်ဦးပါတယ်။ အားလုံးပေါင်းလိုက်ရင် ၅၇ ဦးပါ နိုင်ငံရေးအကျဉ်းသားမရှိပါဘူး။ စည်းကမ်းသတ်မှတ်ချက်မထားဘဲနဲ့ ဆောင်ရွက်တာပါ။ ၄၀၁(ခ)ဆိုတဲ့ အဓိပ္ပါယ်ပါ” ဟု မြိတ်အကျဉ်းထောင်မှ လက်ထောက်ညွန်ကြားရေးမှူး ဦးနိုင်စိုးလင်းက ပြောကြားခဲ့သည်။ မြိတ်ခရိုင်အတွင်းမှ အကျဉ်းသားများကို လွှတ်ပေးရာတွင် မြိတ်အကျဉ်းထောင်မှ ၅၆ ဦး၊ ကျောက်ဖြူတောင်အကျဉ်းစခန်းမှ ၁၀၁ ဦး၊ ပုလော၊ ပလောက်(နတ်စင်ကုန်း) အကျဉ်းစခန်းမှ ၄၄ ဦး၊ ဆင်ဖြူရှင်အကျဉ်းစခန်း (တနင်္သာရီ) မှ ၉၂ ဦးတို့အား လွတ်ငြိမ်းချမ်းသာခွင့်ပေးခဲ့ကြောင်း သိရသည်။

မန္တလေး ဗဟိုအကျဉ်းထောင် (အိုးဘို) မှ ပြစ်ဒဏ်ကျခံနေရသည့် အကျဉ်းသား/သူ စုစုပေါင်း ၄၆၀ ဦး လွတ်ငြိမ်းချမ်းသာခွင့်ဖြင့် လွတ်မြောက်

မန္တလေး ဗဟိုအကျဉ်းထောင် (အိုးဘို) မှ ပြစ်ဒဏ်ကျခံနေရသည့် အကျဉ်းသား/သူ စုစုပေါင်း ၄၆၀ ဦးသည် နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် မြန်မာနှစ်ဆန်းတစ်ရက် (ဧပြီ ၁၇ ရက်) မွန်းလွဲပိုင်းက လွတ်မြောက်ခဲ့ကြကြောင်း သိရသည်။

နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် ဧပြီ ၁၇ ရက်က မန္တလေး ဗဟိုအကျဉ်းထောင် (အိုးဘို) မှ အကျဉ်းသား ၄၂၈ ဦး၊ အကျဉ်းသူ ၃၂ ဦးတို့ လွတ်မြောက်ခဲ့ကာ မတရားအသင်းအက်ဥပဒေ ၁၇(၁) ၊၂၁ (က) ဖြင့် သေဒဏ် ကျခံနေရသည့် အကျဉ်းသားတစ်ဦး ပါဝင်ခဲ့ကြောင်း သိရသည်။ ထို့ပြင် ထုံးဘိုကုန်ထုတ်လုပ်ရေးစခန်း (၁) မှ အကျဉ်းသား ၁၈၁ ဦး၊ ထုံးဘိုကုန်ထုတ်လုပ်ရေးစခန်း (၂) မှ အကျဉ်းသား ၁၃၆ ဦး၊ ကျောက်ချော ကုန်ထုတ်လုပ်ရေးစခန်းမှ အကျဉ်းသူ ၁၅၁ ဦး လွတ်မြောက်ခဲ့ကြောင်း သိရသည်။

“ကျွန်တော့်အနေနဲ့ အခုလို လွတ်မြောက်လာလိမ့်မယ်လို့ မျှော်လင့်မထားပါဘူး။ ၀မ်းသာလားဆိုတော့ ထောင်ထဲမှာ ကျန်နေခဲ့တဲ့ မတရားသေဒဏ်ပြစ်ဒဏ် အပြစ်ပေးခံထားရတဲ့သူတွေ အများကြီး ကျန်နေပါသေးတယ်။ ကျွန်တော့်က ထောင်ထဲမှာ ၂၀၁၁ ခုနှစ်ကနေ အခု ၂၀၁၈ အထိ နေခဲ့ရပါတယ်။ ပြစ်မှုကတော့ KNU အဖွဲ့အစည်းနဲ့ ဆက်သွယ်ခဲ့တယ်ဆိုပြီးတော့ တပ်မ ၇၁ ကနေ ၁၇(၁)၊၂၁(က)နဲ့ စွဲဆိုပြီး သေဒဏ် ချမှတ်ခံခဲ့ရတာ ဖြစ်ပါတယ်” ဟု သေဒဏ်ချမှတ် ခံခဲ့ရပြီး ပြန်လည် လွတ်မြောက်လာခဲ့သူ ကိုသိန်းဇော်က ပြောကြားသည်။

နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် မုံရွာအကျဉ်းထောင်တွင် အကျဉ်းသား (၄၁) ဦး လွတ်မြောက်

စစ်ကိုင်းတိုင်းဒေသကြီး မုံရွာခရိုင် မုံရွာအကျဉ်းထောင်တွင် ဧပြီလ ၁၇ ရက် နေ့လည် ၁ နာရီခန့်က နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် မုံရွာအကျဉ်းထောင်မှ အကျဉ်းသား ၄၁ ဦး လွတ်မြောက်လာကြောင်း သိရသည်။

မုံရွာအကျဉ်းထောင်မှ နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် လွှတ်ပေးလိုက်သည့် အကျဉ်းသားများထဲတွင် ပုဒ်မအမျိုးမျိုးဖြင့် အကျဉ်းကျခံနေရသူများအား ပါဝင်ခဲ့ကြောင်း သိရသည်။

“အပိုက်ခွဲ (၁) ဆိုပြီး စာထဲမှာပါတယ်။ အဲဒါနဲ့ ပက်သက်ပြီးတော့ ဗဟိုကနေပြီးတော့ ကျွန်တော်တို့ဆီကို လွှတ်မယ့် အကျဉ်းသားတွေရဲ့နာမည်နဲ့ စာရင်းတွေကို Fax ထိုးလာပါတယ်။ ပုဒ်မတွေကတော့ ပေါင်းစုံပါဘဲ။ မူးယစ်ဆေးဝါးအမှုနဲ့အကျဉ်းကျနေသူတွေလည်း ပါတယ်။ တပ်မတော်အက်လည်း ပါတယ်။ ရဲအက်လည်း ပါတယ်။ ကျွန်တော်တို့ မုံရွာအကျဉ်းထောင်ကနေ လွှတ်ပေးတာကတော့ ၄၁ ဦးပါ။ အဲဒီ ၄၁ ဦးထဲကမှ တရုတ်နိုင်ငံသား နှစ်ယောက်လည်း ပါတယ်”ဟု မုံရွာအကျဉ်းထောင်မှ ထောင်ပိုင် ဦးခင်မောင်ထွန်းက ပြောကြားသည်။

စစ်ကိုင်းတိုင်းဒေသကြီးတွင် အကျဉ်းထောင် ငါးခုရှိကြောင်း၊ ယင်းအကျဉ်းထောင် ငါးခုသည် မုံရွာအကျဉ်းထောင်၊ ရွှေဘိုအကျဉ်းထောင်၊ ကသာအကျဉ်းထောင်၊ ကလေးအကျဉ်းထောင်နှင့် ခန္တီးအကျဉ်းထောင်တို့ဖြစ်ပြီး အကျဉ်းကျနေသည့် အကျဉ်းသားအချို့အား နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် လွှတ်ပေးမည်ဖြစ်ကြောင်း ကနဦးသတင်းများအရ သိရသည်။

မွန်ပြည်နယ်အတွင်းရှိ အကျဉ်းထောင်၊ ကုန်ထုတ်စခန်းများမှ အကျဉ်းသား၊ အကျဉ်းသူ စုစုပေါင်း (၅၈၉) ဦး လွတ်ငြိမ်းချမ်းသာခွင့်ဖြင့် လွတ်မြောက်မည်

မွန်ပြည်နယ်အတွင်းရှိ အကျဉ်းထောင်၊ ကုန်ထုတ်စခန်းများမှ အကျဉ်းသား၊ အကျဉ်းသူ စုစုပေါင်း (၅၈၉) မှာ ဧပြီလ (၁၇) ရက် (မြန်မာနှစ်ဆန်း ၁ ရက်နေ့) ၌ လွတ်ငြိမ်းချမ်းသာခွင့်ဖြင့် လွတ်မြောက်ကြမည်ဖြစ်ကြောင်း သိရသည်။

၎င်းတို့မှာ ကျိုက်မရောအကျဉ်းထောင် (မော်လမြိုင်) မှ ကျား (၁၀၄) ဦး၊ မ (၂)ဦး၊ သထုံအကျဉ်းထောင်မှ ကျား (၁၃) ဦး၊ ကျိုက်ထိုမြို့နယ်ရှိ အင်္ဂပူကုန်ထုတ်စခန်းမှ ကျား (၉၄) ဦး၊ မုပ္ပလင် ကုန်ထုတ်စခန်းမှ ကျား (၄၆) ဦး၊ မ (၆၀) ဦး၊ ဘီးလင်းမြိုနယ်ရှိ တောင်စွန်းကုန်ထုတ်စခန်းမှ ကျား (၄၂) ဦး၊ ပေါင်မြို့နယ်ရှိ ဇင်းကျိုက်ကုန်ထုတ်စခန်းမှ ကျား (၅၄) ဦး၊ ရင်းငြိမ်ကုန်ထုတ်စခန်းမှ ကျား (၅၈) ဦး၊ အင်းဗြောင်ကုန်ထုတ်စခန်းမှ ကျား (၁၁၆) ဦး စုစုပေါင်း (၅၈၉) ဦး လွတ်ငြိမ်းချမ်းသာခွင့်ဖြင့် လွတ်မြောက်ကြမည်ဖြစ်ကြောင်း သိရသည်။

တရားဥပဒေစိုးမိုးရေးကို အထောက်အကူပြုမယ့် လွတ်ငြိမ်းချမ်းသာခွင့်ပေးပါ

NLD အစိုးရက ၂၀၁၇ ခုနှစ် ဧပြီ ၁၂ ရက်တွင် ပေးအပ်သည့် လွတ်ငြိမ်းချမ်းသာခွင့်နေ့တွင် စစ်ကိုင်းတိုင်းဝန်ကြီးချုပ်နှင့် လွှတ်တော်ကိုယ်စားလှယ်များကို ဝေဖန်ရေးသားမှုနှင့် NLD ပါတီဝင်အချင်းချင်း ၆၆ (ဃ) ဖြင့် တရားစွဲဆိုခံရသူ ကိုဝေယံကောင်းအပါအ၀င် အကျဉ်းသား ၄၁ ဦး ကသာအကျဉ်းထောင်မှ လွတ်မြောက်လာသည်ကို တွေ့ရစဉ်

၁၉၅၆ ခုနှစ် မေလမှာ ကျင်းပခဲ့တဲ့ ဆဋ္ဌမသင်္ဂါယနာတင်ပွဲနဲ့ သာသနာနှစ် ၂၅၀၀ ပြည့်တဲ့ပွဲ အထိမ်းအမှတ်အဖြစ် ၀န်ကြီးချုပ်ဦးနုက အထူးလျှော့ရက်တွေ ထုတ်ပြန်ပြီးတော့ အကျဉ်းသားတွေကို လွတ်ငြိမ်းခွင့်ပေးအပ်ခဲ့တာ မြန်မာနိုင်ငံရဲ့ အစိုးရအဆက်ဆက် လွတ်ငြိမ်းချမ်းသာခွင့်ရဲ့ ကနဦးမှတ်တမ်းပါ။

မြန်မာနိုင်ငံရဲ့ လွတ်ငြိမ်းချမ်းသာခွင့် မှတ်တမ်းတွေကို ပြန်ကြည့်မယ်ဆိုရင် ရှေးမြန်မာမင်းအဆက်ဆက်က နုတ်မိန့်နဲ့ လွတ်ငြိမ်းချမ်းသာခွင့်ပေးအပ်ခဲ့တာတွေ သူ့ကျွန်ဘ၀က လွတ်ငြိမ်းချမ်းသာခွင့်တွေ ရှိနိုင်ပေမဲ့ မှတ်တမ်းအဖြစ် ထုတ်ဝေမှုက ရှားပါးပါတယ်။

အနီးစပ်ဆုံး လွတ်ငြိမ်းချမ်းသာခွင့်ပေးအပ်တဲ့ ဖြစ်စဉ်တွေကို ရှာဖွေကြည့်မယ်ဆိုရင် ၁၉၅၆ ခုနှစ်ကနေ ၂၀၀၉ ခုနှစ်အထိ ၂၁ ကြိမ်ရှိ ခဲ့ပါတယ်။ ဦးသိန်းစိန်အစိုးရ လက်ထက်မှာ လွတ်ငြိမ်းချမ်းသာခွင့်ကို ၁၁ ကြိမ်တိတိ ပေးအပ်ခဲ့ပါတယ်။

လွတ်ငြိမ်းချမ်းသာခွင့်လို့ အသံကြားတာနဲ့ လူတွေအားလုံးက မှုခင်းဖြစ်ပွားမှုနဲ့ တွဲမြင်ကြတာဖြစ်ပေမဲ့ တကယ်တမ်းမှာတော့ အကျဉ်းကျခံနေရသူတွေအားလုံးမှာ  ပြစ်ဒဏ်ကျူးလွန်ခြင်းမရှိဘဲ မမှန်ကန်၊ မမျှတတဲ့ တရားစီရင်ရေးနဲ့ အာဏာအလွဲသုံးစား လုပ်သူတွေရဲ့ ကျော့ကွင်းမှာမိခဲ့ပြီး ပြစ်မှုပြစ်ဒဏ် မမျှသူတွေလည်း ရှိနေပါတယ်။

ဒါ့အပြင် ဘ၀နေ၀င်ချိန် နီးကပ်နေသူတွေ၊ ပြစ်မှုကျူးလွန်ခဲ့တာကို နောင်တကြီးစွာရပြီး အေးချမ်းစွာ နေထိုင်နေသူတွေဟာလည်း လွတ်ငြိမ်းချမ်းသာခွင့်ကို ခံစားထိုက်သူတွေ ဖြစ်ပါတယ်။

ဒါပေမဲ့ လက်ရှိအစိုးရလက်ထက်မှာတော့ လွတ်ငြိမ်းချမ်းသာခွင့်ဆိုတာကို တိတိပပ ပေးအပ်တာမျိုး ပြည်သူတွေ မမြင်ရသေးပါဘူး။ ဒီလိုမမြင်ရသေးပေမဲ့ နိုင်ငံရေးနဲ့ ဆက်နွှယ်တဲ့ နိုင်ငံရေးအကျဉ်းသားတွေ အပါအ၀င် ၁၉၉ ဦးကို ၂၀၁၆ ခုနှစ် ဧပြီ ၈ ရက်မှာ ပထမအကြိမ် လွှတ်ပေးမှု၊ ဧပြီ ၁၇ ရက်မှာပဲ ကျဉ်းသား ၈၃ ဦး ပြန်လွှတ်ပေးမှု၊ ၂၀၁၇ ခုနှစ် ဧပြီ ၁၂ ရက်မှာ လွတ်ငြိမ်းချမ်းသာခွင့်ပေးခဲ့တဲ့ အကျဉ်းသား ၁၈၈၈ ဦး၊ မေ ၂၃ ရက်မှာ လွှတ်ပေးခဲ့တဲ့ နိုင်ငံသားအကျဉ်းသား ၁၈၆ ဦးနဲ့ နိုင်ငံခြားသားအကျဉ်းသား ၇၃ ဦး ပြန်လွှတ်ပေးမှုအပြင် သြဂုတ် ၇ ရက်မှာ တက္ကသိုလ်ဝင်တန်းစာမေးပွဲကို ဂုဏ်ထူးတွေနဲ့ အောင်မြင်ခဲ့တဲ့ မရွှန်းလဲ့ဝေအပါအ၀င် ကျောင်းသား၊ ကျောင်းသူခုနစ်ဦးကို လွတ်ငြိမ်းချမ်းသာခွင့်နဲ့ ပြန်လွှတ်ပေးခဲ့တဲ့ ဖြစ်စဉ်တွေ ရှိခဲ့ပါတယ်။

သမိုင်းထဲက လွတ်ငြိမ်းချမ်းသာခွင့် ၂၁ ကြိမ်

ဝန်ကြီးချုပ်ဦးနုက ဆဋ္ဌမ သင်္ဂါယနာတင်ပွဲနဲ့ သာသနာနှစ် ၂၅၀၀ ပြည့်တဲ့ပွဲ အထိမ်းအမှတ်အဖြစ် ပေးအပ်ခဲ့ပြီးနောက်မှာ ၁၉၆၃ ခုနှစ် ဧပြီ ၃ ရက်မှာ အထွေထွေ လွတ်ငြိမ်းချမ်းသာခွင့် ထုတ်ပြန်ခဲ့ပြီး အကျဉ်းသား ၁၂၀၀၀ ခန့်ကို ပြန်လွှတ်ပေးခဲ့ပါတယ်။ အဲဒီလို ပြန်လွှတ်ပေးခဲ့မှုမှာ နိုင်ငံရေး အကျဉ်းသား ၂၃ ဦး၊ သတင်းစာဆရာ ငါးဦး၊ ကျောင်းသား ၁၃ ဦး၊ ကေအင်န်ဒီအိုငါးဦးနဲ့ တရားစွဲဆိုခံနေရသူ လေးဦးကို ပြန်လွှတ်ပေးခဲ့တာကို တွေ့ရပါတယ်။

၁၉၇၁ ခုနှစ် ဇွန် ၂၇ ရက်မှာ မြန်မာ့ဆို ရှယ်လစ်လမ်းစဉ်ပါတီရဲ့ ပထမအကြိမ် ညီလာခံအထိမ်းအမှတ်အဖြစ် ရာဇ၀တ်ပြစ်ဒဏ်တွေ လျှော့ချခြင်းဆိုင်ရာ ကြေညာချက်ထုတ်ပြန်ခဲ့ပြီး ၁၉၈၀ ပြည့်နှစ် မေ ၂၈ ရက်မှာ တစ်နိုင်ငံလုံးမှာရှိတဲ့ အကျဉ်းထောင် အသီးသီးနဲ့ ရဲဘက်စခန်းတွေက အကျဉ်းသား ၃၉၄၄ ဦးကို ပြန်လွှတ်ပေးခဲ့ပါတယ်။

မြန်မာတစ်နိုင်ငံလုံး လူထုအုံကြွမှုဖြစ်ခဲ့တဲ့ ၁၉၈၈ ခုနှစ်မှာ အကျဉ်းသားတွေကို ထောင်ဖွင့်လွှတ်ပေးခဲ့တာ ထူးခြားတဲ့ လွှတ်ပေးမှု ဖြစ်ခဲ့ပါတယ်။ ဒါ့အပြင် ၁၉၈၈ ခု နှစ် ပြစ်မှုတွေ ပိတ်သိမ်းတာ၊ ပြစ်ဒဏ်ပြောင်းလဲလျှော့ပေါ့တာ၊ ကြား နာစစ်ဆေးဆဲ ပြစ်မှုဆိုင်ရာ အမှုတွေ ပိတ်သိမ်းပြီး ကန့်သတ်လွတ်ငြိမ်းချမ်းသာခွင့် ပေးအပ်ခဲ့ပါတယ်။

သမိုင်းတစ်လျှောက်မှာ အများဆုံး လွတ်ငြိမ်းချမ်းသာခွင့်ပေး အပ်ခဲ့တဲ့ အစိုးရက နိုင်ငံတော်ငြိမ်ဝပ်ပိပြားမှု တည်ဆောက်ရေးအစိုးရ အဖွဲ့ဖြစ်ပြီး ၁၉၈၉ ခုနှစ် ဇူလိုင် ၂၁ ရက်မှာ အကျဉ်းသား ၂၈၄၅၃ ဦးကို ပြန်လွှတ်ပေးခဲ့တာပါ။ ဒါ့အပြင် နိုင်ငံတော်လုံခြုံရေးကို ထိခိုက်မှုမရှိတဲ့ နိုင်ငံသားအကျဉ်းသား ၂၂၆၄ ဦးနဲ့ နိုင်ငံခြားသားအကျဉ်းသား ၁၄၇ ဦးကို ၁၉၉၂ ခုနှစ် ဧပြီ ၂၄ ရက်မှာ ပြန်လွှတ်ပေးခဲ့သလို ၁၉၉၃ ခုနှစ် ဇန်န၀ါရီ ၁ ရက်မှာလည်း ပြစ်ဒဏ်များ ပြောင်းလဲလျှော့ပေါ့ခြင်းဆိုင်ရာ အမိန့်ထုတ်ပြန်ပြီးတော့ ကန့်သတ် လွတ်ငြိမ်းချမ်းသာခွင့်နဲ့ ၁၇၀၈ ဦးကို ပြန်လွှတ်ပေးခဲ့ပါတယ်။

လွတ်ငြိမ်းချမ်းသာခွင့်သမိုင်းမှာ ဒုတိယအများဆုံးအဖြစ် ပြန်လွှတ်ပေးခဲ့တာက ၁၉၉၅ ခုနှစ် မတ် ၂၅ ရက်မှာ တပ်မတော်ရွှေရတု အထိမ်းအမှတ်အဖြစ် အကျဉ်းသား ၂၃၉၀၁ ဦးကို လွတ်ငြိမ်းချမ်းသာခွင့် ပေးခဲ့ပါတယ်။

သမိုင်းတစ်လျှောက် လွတ်ငြိမ်းချမ်းသာခွင့် အပေးဆုံးအဖြစ် မှတ်တမ်းဝင်နေတာက နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ ဖြစ်ပြီးတော့ ၁၉၉၇ ခုနှစ် ဇန်န၀ါရီ ၁၂ ရက်မှာ အကျဉ်းသား ၄၃၆၇ ဦး အထိ လွှတ်ပေးခဲ့ရာကနေ ၂၀၀၉ ခုနှစ် စက်တင်ဘာ ၁၇ ရက် အထိ ၁၂ ကြိမ်တိတိ လွှတ်ပေးခဲ့တာပါ။

ဒီလိုလွှတ်ပေးခဲ့ရာမှာ ထူးခြားမှုအဖြစ်  ၂၀၀၄ ခုနှစ်မှာ ဖျက်သိမ်းခဲ့တဲ့ ဦးခင်ညွန့်ဦးဆောင်တဲ့ အမျိုးသားထောက်လှမ်းရေးအဖွဲ့ရဲ့ မလျော်ကန်တဲ့ ဆောင်ရွက်မှုတွေပါ ၀င်နိုင်တယ်လို့ ပြန်လည်သုံးသပ်ပြီး ၂၀၀၄ ခုနှစ် နိုဝင်ဘာ ၁၈ ရက်မှာ နိုင်ငံရေးအကျဉ်းသား ၃၉၃၇ ဦး၊ နိုဝင်ဘာ ၂၅ ရက်မှာ အကျဉ်းသား ၅၃၁၁ ဦးနဲ့ ၂၀၀၄ ခုနှစ် ဒီဇင်ဘာ ၁၀ ရက်မှာပဲ အကျဉ်းသား ၅၀၇၀ ဦး ကို သုံးကြိမ်တိုင် ပြန်လွှတ်ပေးခဲ့မှုပါ။

နအဖအစိုးရရဲ့ လူသားချင်း စာနာမှုဆိုင်ရာ အကျဉ်းသားတွေကို လွတ်ငြိမ်းချမ်းသာခွင့်ပေးခဲ့တဲ့ ဖြစ်စဉ်လေးကြိမ်တိတိရှိပြီး  ၂၀၀၄ ခုနှစ် ဒီဇင်ဘာ ၃၁ ရက်မှာ ၅၇ နှစ်မြောက် လွတ်လပ်ရေးနေ့အထိမ်း အမှတ်အဖြစ် အကျဉ်းသား ၅၅၈၈ ဦး၊ ၂၀၀၇ ခုနှစ် ဇန်န၀ါရီ ၂ ရက်မှာ ၅၉ နှစ်မြောက် လွတ်လပ်ရေးနေ့ အထိမ်းအမှတ်အဖြစ် အကျဉ်းသား ၂၈၃၁ ဦး၊ ၂၀၀၈ ခုနှစ် စက်တင်ဘာ ၂၃ ရက်မှာ အကျဉ်းသား ၉၀၀၂ ဦးနဲ့ ၂၀၀၉ ခုနှစ် ဖေဖော်ဝါရီ ၂၁ ရက်မှာ အကျဉ်းသား ၆၃၁၃ ဦးကို လွတ်ငြိမ်းချမ်းသာခွင့် ပေးအပ်ခဲ့ပါတယ်။

ဒီလို အကျဉ်းသား ၂၃၇၃၄ ဦး ကို လူသားချင်းစာနာမှုအရ လွတ်ငြိမ်းချမ်းသာခွင့် ပေးအပ်ရာမှာ အကျင့်စာရိတ္တကောင်းမွန်လာတဲ့ အကျဉ်းသားတွေကို ငဲ့ညှာမှု၊ သူတို့ရဲ့ မိသားစုတွေကို ငဲ့ညှာမှု၊ နိုင်ငံ့စေတနာ၊ မေတ္တာကိုနားလည်ပြီး မိမိအကျိုး၊ ဒေသအကျိုးနဲ့ နိုင်ငံ့အကျိုး ထမ်းဆောင်ဖို့ခေါင်းစဉ်၊ နိုင်ငံတော်တည်ဆောက်ရေးမှာ တစ်ဖက်တစ်လမ်းက ပါဝင်ဖို့ ခေါင်းစဉ်တွေနဲ့ လွှတ်ပေးခဲ့တာ ဖြစ်ပါတယ်။

ဒီလိုလွှတ်ပေးမှုတွေအပြင် ၂၀၀၅ ခု နှစ် ဇူလိုင် ၃ ရက်မှာ အကျဉ်းသား ၄၁၀ ဦး၊ တရုတ်နိုင်ငံရဲ့ မေတ္တာရပ်ခံချက်အရ ၂၀၀၆ ခုနှစ် မေ ၂၇ ရက်၊ ဇွန် ၇ ရက်၊ ဇွန် ၁၇ ရက်၊ သြဂုတ် ၁၆ ရက်နဲ့ ဒီဇင်ဘာ ၃၀ ရက်တွေမှာ တရုတ်နိုင်ငံသား အကျဉ်းသား၊ အကျဉ်းသူ ၆၇၈ ဦး ကို ပြန်လွှတ်ပေးခဲ့မှု၊ အမျိုးသားညီလာခံ အောင်မြင်စွာ ကျင်းပပြီးစီးမှု အထိမ်းအမှတ်အဖြစ် ၂၀၀၇ ခုနှစ် နိုဝင်ဘာ ၁၅ ရက်မှာ ထိုင်းနိုင်ငံသား ၃၃ ဦးပါဝင်တဲ့ အကျဉ်းသား ၈၅၈၅ ဦးကို ပြန်လွှတ်ပေးခဲ့မှုနဲ့ ၂၀၀၉ ခုနှစ် စက်တင်ဘာ ၁၇ ရက်မှာ ပြစ်မှုဆိုင်ရာကျင့်ထုံး ဥပဒေ ပုဒ်မ ၄၀၁ ပုဒ်မခွဲ(၁) အရ အကျဉ်းသား ၇၁၁၄ ဦးကို အငြိမ်းစား ဗိုလ်ချုပ်မှူးကြီးသန်းရွှေ ဦးဆောင်တဲ့ နအဖအစိုးရက ၁၂ ကြိမ်တိုင်တိုင် ပြန်လွှတ်ပေးခဲ့ပါတယ်။

ဦးသိန်းစိန်လက်ထက်က လွတ်ငြိမ်းချမ်းသာ

ပွင့်လင်းမြင်သာမှုအပြည့်ဖြစ်လာတဲ့ ဦးသိန်းစိန်အစိုးရလက်ထက်မှာ ပြည်သူသိတဲ့ အကျဉ်းသား ပြန်လွှတ်ပေးမှု ၁၁ ကြိမ်အထိ ရှိခဲ့သလို အများဆုံးအဖြစ် ၅၄  ကြိမ်အထိ လွှတ်ပေးခဲ့တယ်လို့ သိရပါတယ်။ စုစုပေါင်း ၅၄ ကြိမ်မှာ မုဒိမ်းကျင့်၊ လူသတ်စတဲ့ တရားခံတွေကို လွှတ်ပေးခဲ့တာကြောင့် ဝေဖန်ခံခဲ့ရတဲ့ ဖြစ်စဉ်တွေ ရှိနေပါတယ်။ မှုခင်းဖြစ်ပွားမှု ပိုများလာတာဟာ ဒီလိုမုဒိမ်းကျင့် လူသတ်တရားခံတွေကို ပြန်လွှတ်ပေးလို့ဆိုတဲ့ စွပ်စွဲမှုတွေရှိခဲ့ပေမဲ့ အခြားတစ်ဖက်မှာလည်း ထွန်းသစ်စ မြန်မာ့ဒီမိုကရေစီကို ပိုမိုလေးနက်စေမှုအဖြစ် နိုင်ငံရေးအကျဉ်းသား အမြောက်အမြားကို ပြန်လွှတ်ပေးခဲ့တဲ့ ဖြစ်စဉ်တွေလည်း ရှိခဲ့ပါတယ်။

ဦးသိန်းစိန်ရဲ့ ဒီမိုကရေစီခရီးစဉ်ကို လျှောက်တဲ့လမ်းမှာ နိုင်ငံရေးအကျဉ်းသားတွေကို ပြန်လွှတ်ပေးခဲ့တာကြောင့် လက်ရှိအချိန်မှာဆိုရင် နိုင်ငံရေးအကျဉ်းသား ၂၀၀ ကျော်ပါတဲ့ လွှတ်တော်သစ်ကြီးနဲ့ အစိုးရအဖွဲ့ဟာ ၂၀၁၅ ရွေးကောက် ပွဲအောင်နိုင်မှုနဲ့အတူ ပေါ်ထွက်ခဲ့တာ မြင်နိုင်ပါတယ်။

ဦးသိန်းစိန်အစိုးရလက်ထက်က လွတ်ငြိမ်းချမ်းသာခွင့်တွေကို ပြန်လေ့လာမယ်ဆိုရင် အများဆုံးအဖြစ် အာဏာရအပြီး ၂၀၁၁ ခုနှစ် မေ ၁၆ ရက်မှာ အကျဉ်းသား ၁၄၇၅၈ ဦးကို လွတ်ငြိမ်းချမ်းသာခွင့်ပေးခဲ့ တာပါ။ ဒါ့အပြင် သေဒဏ်ကျခံနေ ရသူတွေကို တစ်သက်တစ်ကျွန်းနဲ့ မလွတ်မြောက်သေးတဲ့ ထောင်ဒဏ်ကျခံနေရတဲ့ အကျဉ်းသားတွေကို သာမန်လျှော့ပေါ့ရက်တွေအပြင် ထောင်ဒဏ်တစ်နှစ် လျှော့ပေါ့ခဲ့ပါတယ်။

ဒုတိယအကြိမ်အဖြစ် ၂၀၁၁ ခုနှစ် အောက်တိုဘာ ၁၁ ရက်မှာ နိုင်ငံသားအကျဉ်းသား ၆၃၅၉ ဦးနဲ့ ထိုင်းနိုင်ငံသားအကျဉ်းသား ရှစ်ဦးကို လွတ်ငြိမ်းချမ်းသာခွင့်ပေးပြီး ပြည်နှင်ဒဏ်ပေးခဲ့တာနဲ့ တတိယ အကြိမ်အဖြစ် လွတ်လပ်ရေးနေ့ကို ဂုဏ်ပြုတဲ့အနေနဲ့ ၂၀၁၂ ခုနှစ် ဇန်န၀ါရီ ၂ ရက်မှာ အကျဉ်းသား ၆၆၅၆ ဦးကို လွတ်ငြိမ်းချမ်းသာခွင့် ပြုခဲ့တဲ့အပြင် သေဒဏ်ကနေ နှစ်အကန့်အသတ်မရှိ ထောင်ဒဏ်၊ ထောင်ဒဏ် နှစ် ၃၀ အထက် ကျခံနေရတဲ့ အကျဉ်းသားတွေကို ထောင်ဒဏ်နှစ် ၃၀၊ ထောင်ဒဏ် နှစ် ၂၀ အထက်ကနေ နှစ် ၃၀ အထိ ကျခံနေရတဲ့ အကျဉ်းသားတွေကို ထောင်ဒဏ်နှစ် ၂၀ အပြင် ထောင်ဒဏ်နှစ် ၂၀ အောက်က အကျဉ်းသားတွေကို ကျခံနေရတဲ့ ထောင်ဒဏ်ရဲ့ လေးပုံတစ်ပုံအထိ လျှော့ချခဲ့ပါတယ်။

ဦးသိန်းစိန်အစိုးရလက်ထက် စတုတ္ထအကြိမ်မြောက်အဖြစ် ပေးအပ်ခဲ့တဲ့ အကျဉ်းသား ၆၅၁ ဦး လွတ်မြောက်မှုဟာ အထင်ကရ အခြေအနေများစွာကို ဖန်တီးပေးခဲ့တယ်လို့ ဆိုနိုင်ပါတယ်။ ဘာကြောင့်လဲဆိုရင် လက်ရှိ ပြည်သူ့လွှတ်တော်ကိုယ်စားလှယ် ဦးပြုံးချို၊ လွှတ်တော်နှစ်ကြိမ်ဆက် အမတ်ဒေါ်စန္ဒာမင်း၊ ဦးခွန်ထွန်းဦး စတဲ့သူတွေ အပါအ၀င် ၈၈ မျိုးဆက်ကျောင်းသား ခေါင်းဆောင်တွေဖြစ်တဲ့ ဦးမင်းကိုနိုင်၊ ဦးကိုကိုကြီး၊ ဦးမြအေးတို့အပြင် ဗိုလ်ချုပ်ကြီးဟောင်းခင်ညွန့်၊  ဦးဂမ္ဘီရ စသူတွေအားလုံး လွတ်မြောက်လာပြီး ဦးသိန်းစိန် လျှောက်လှမ်းနေတဲ့ ဒီမိုကရေစီခရီးလမ်းကို အရောင်တင်ပေးနိုင်ခဲ့လို့ပါ။

ပဉ္စမအကြိမ်မှာ နိုင်ငံသားအကျဉ်းသား ၄၆ ဦးနဲ့ နိုင်ငံခြားသား အကျဉ်းသား ၃၄ ဦး၊ ဆဋ္ဌမအကြိမ်မှာ နိုင်ငံခြားသားအကျဉ်းသား အပါအ၀င် ၅၁၄ ဦး၊ သတ္တမအကြိမ်မှာ အသက်အရွယ်ကြီးရင့်သူတွေ၊ ကျန်းမာရေးချို့တဲ့သူတွေနဲ့ နိုင်ငံခြားသား အကျဉ်းသားတွေ စုစုပေါင်း ၄၅၂ ဦးကို လွှတ်ပေးခဲ့သလို အဋ္ဌမအကြိမ်မှာ အကျဉ်းသား ၆၆ ဦးလွှတ်ပေးခဲ့ပါတယ်။ န၀မအကြိမ်မှာ နိုင်ငံခြားသားအကျဉ်းသားသုံးဦး ပါဝင်တဲ့အကျဉ်းသား ၉၃ ဦးနဲ့ ဒသမအကြိမ်မှာ ဦးသိန်းစိန်အစိုးရလက်ထက် ဒုတိယအများဆုံး အရေအတွက်အဖြစ် အကျဉ်းသား ၁၃၂၄၇ ဦးကို ၂၀၁၄ ခု နှစ် ဇန်န၀ါရီ ၂ ရက်မှာ လွှတ်ပေးခဲ့သလို သေဒဏ်ကျခံနေရာကနေ နှစ်အကန့်အသတ်မရှိ ထောင်ဒဏ်၊ နှစ်အကန့်အသတ်မရှိ ထောင်ဒဏ်နဲ့ ထောင်ဒဏ်တစ်သက် ကျခံနေရာကနေ ထောင်ဒဏ်နှစ် ၄၀ နဲ့ ထောင်ဒဏ်နှစ် ၄၀ အောက် ကျခံနေရတဲ့ အကျဉ်းသားတွေကို ထောင်ဒဏ်ရဲ့ လေးပုံတစ်ပုံအထိ လျှော့ပေါ့ပေးခဲ့ပြီး ၁၁ ကြိမ်မြောက် ပေးအပ်ခဲ့တဲ့ လွတ်ငြိမ်းချမ်းသာခွင့်မှာတော့ နိုင်ငံခြားသား ၂၁၀ အပါအ၀င် အကျဉ်းသား ၆၉၆၆ ဦးကို လွှတ်ပေးခဲ့ပါတယ်။

ဒီလို နိုင်ငံရေးအကျဉ်းသားများစွာ လွှတ်ပေးခဲ့ပြီးတော့ ဒီမိုကရေစီကို အမှန်တကယ် သွားရောက်နေကြောင်း ဖော်ပြနိုင်ခဲ့တယ်ဆိုပေမဲ့ ဝေဖန်စရာအဖြစ် မုဒိမ်းကျင့်၊ လူသတ်တဲ့တရားခံများစွာကို လွှတ်ပေးခဲ့တာကြောင့်လည်း ဦးသိန်းစိန်အစိုးရဟာ ဝေဖန်မှုများ စွာခံခဲ့ရပါသေးတယ်။ ပြည်သူတွေများစွာ အမှတ်တရဖြစ်ခဲ့သူက ဓားတင်မြင့်ပါ။ လွတ်ငြိမ်းချမ်းသာခွင့်နဲ့ ပြန်လွတ်လာပြီး ရာဇ၀တ်မှုတွေ ဆင့်ကာဆင့်ကာ ကျူးလွန်ပြီး အထပ်ထပ် လွတ်ငြိမ်းချမ်းသာခွင့်ရခဲ့တဲ့ ဓားတင်မြင့်ရဲ့ လွတ်ငြိမ်းဟာ ဦးသိန်းစိန်အစိုးရကို  အဝေဖန်ခံရဆုံးပါ။

ဦးသိန်းစိန်အစိုးရ လက်ထက်မှာ ပေးခဲ့တဲ့ လွတ်ငြိမ်းမှတ်တမ်းကို ပြန်ကြည့်မယ်ဆိုရင် လွတ်ငြိမ်းချမ်းသာခွင့် ပေးအပ်ခဲ့တဲ့အကျဉ်းသား ၁၁၅၄၇ ဦး ရှိတဲ့အထဲမှာ လူသတ်မှုကျူးလွန်သူ ၂၃၇၄ဦးနဲ့ မုဒိမ်းမှု ကျူးလွန်သူ ၁၇၂၆ ဦးပါဝင်ကြောင်း ပြောကြားခဲ့ ၂၀၁၆ ခုနှစ်ဇန်န၀ါရီ ၂၅ ရက်က အမျိုးသားလွှတ်တော်မှာ ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်မှူးချုပ်ကျော်ကျော်ထွန်းက ပြောကြားခဲ့ပါတယ်။

ဒါပေမဲ့ ဒီလိုလွတ်ငြိမ်းချမ်းသာခွင့် ပေးအပ်သူတွေထဲမှာ ပြစ်ဒဏ်ကျူးလွန်သူဟာ လူနည်းစုသာ ဖြစ်တယ်လို့လည်း ဗိုလ်မှူးချုပ် ကျော်ကျော်ထွန်းက ပြောကြားခဲ့ပါတယ်။

ဦးသိန်းစိန်အစိုးရလက်ထက် ၅၄ ကြိမ်အထိ အကျဉ်းသားလွှတ်ပေးမှုကို ပြန်ကြည့်မယ်ဆိုရင်ကာ လုံခေါ်ရမယ်ဆိုတဲ့ လွတ်ငြိမ်းပေးမှုက ငါးကြိမ်ပဲရှိပြီး သမ္မတလုပ်ပိုင်ခွင့် ကျင့်ထုံးဥပဒေ ပုဒ်မ ၄၀၁ ပုဒ် မခွဲ(၁)အရ ပြစ်ဒဏ်လွတ်ငြိမ်းခွင့်က (၄၉) ကြိမ်အထိ ရှိခဲ့တယ်လို့ ဗိုလ်မှူးချုပ်ကျော်ကျော်ထွန်းက ပြောကြားထားပြီး လွတ်ငြိမ်းချမ်းသာခွင့် (၅၄) ကြိမ်မှာ စုစုပေါင်း ၇၁၉၆၀ ဦးကို လွတ်ပေးခဲ့တဲ့အပြင်  အကျဉ်းသားများ စိစစ်ရေးကော်မတီကို ဖွဲ့စည်းပြီးတဲ့နောက် အစည်းအဝေး (၁၅) ကြိမ် ကျင်းပပြီးနောက်  နိုင်ငံတော်အစိုးရကို ဆန်ကျင်ကျူးလွန်တဲ့ ပြစ်မှုကျခံနေရသူ ၃၅၄ ဦးကို နိုင်ငံတော်သမ္မတရဲ့ လွတ်ငြိမ်းချမ်းသာခွင့်နှင့် ပြစ်ဒဏ်လွတ်ငြိမ်းခွင့်တွေမှာ ထည့်သွင်းလွတ်ပေးခဲ့တယ်လို့ ဗိုလ်မှူးချုပ် ကျော်ကျော် ထွန်းက ပြောပါတယ်။

လက်ရှိအခြေအနေမှာ ပြည်သူတွေက တောင်းဆိုနေတဲ့ လွတ်ငြိမ်းချမ်းသာခွင့်ဟာ ရာဇ၀တ်သား လူမိုက်တွေကို လွှတ်ပေးဖို့ တောင်းဆိုနေကြတာ မဟုတ်သလို ဦးသိန်းစိန်အစိုးရက လွှတ်ပေးခဲ့တဲ့ လွတ်ငြိမ်းချမ်းသာခွင့်ကြောင့် ရာဇ၀တ်မှုတွေ ပိုများလာတယ်ဆိုတာက ဦးသိန်းစိန်အစိုးရရဲ့ အခန်းကဏ္ဍကို မှေးမှိန်အောင်လုပ်တာဖြစ်သလို လက်ရှိ NLD အစိုးရနဲ့ NLD လွှတ်တော်မှာ နိုင်ငံရေးအကျဉ်းသားတွေ ပါလာအောင် ကြိုးပမ်းပေးခဲ့တဲ့ ပထမအကြိမ်လွှတ်တော်က လွှတ်တော်ကိုယ်စားလှယ်တွေရဲ့ အခန်းကဏ္ဍကို အသိအမှတ်မပြုချင်တဲ့ သဘောမျိုး မြင်နေရတယ်လို့ ပထမအကြိမ် ပြည်သူ့လွှတ်တော်ကိုယ်စားလှယ် ဦးသိန်းညွန့်က သုံးသပ်ပါတယ်။ ဦးသိန်းညွန့်ဟာ တိုင်းပြည်က လိုအပ်နေတဲ့ လွတ်ငြိမ်းချမ်းသာခွင့်ပေးဖို့ ပထမအကြိမ် ပြည်သူ့လွှတ်တော်မှာ ပထမဆုံးအဆို တင်သွင်းကြိုးပမ်းခဲ့သူဖြစ်သလို လက်ရှိအနိုင်ရပါတီမှာ ပါနေတဲ့ အစိုးရအဖွဲ့ဝင်တွေ ကိုယ်စားလှယ်တွေကို အဓိက လွတ်မြောက်အောင် ကြိုးပမ်းပေးခဲ့တဲ့ နိုင်ငံရေး  အကျဉ်းသားတွေ ပြန်လည်လွတ်မြောက်ဖို့ ဦးဆောင်ကြိုးပမ်းခဲ့သူလည်း ဖြစ်ပါတယ်။

“ပြီးခဲ့တဲ့ ဦးသိန်းစိန်အစိုးရလက်ထက် ဒုတိယအကြိမ်လွှတ်တော်အစည်းအဝေးမှာ ပြည်သူ့ လွှတ်တော်မှာစပြီးတော့ ကျွန်တော် လွတ်ငြိမ်းချမ်းသာခွင့် ပေးဖို့တင်ခဲ့တယ်။ အဲဒါက လွတ်ငြိမ်းချမ်းသာ ခွင့်ပေးဖို့ ပထမအကြိမ် ကြိုးပမ်းမှုပေါ့။ ကျွန်တော်တင်ပြီးတဲ့နောက်ပိုင်းမှာ ဦးသိန်းစိန်အစိုးရက သောင်းချီတဲ့ အကျဉ်းသားတွေ လွှတ်ပေးတဲ့အခါ နိုင်ငံရေးအကျဉ်းသားတွေ အမြောက်အမြား ပြန်လွတ်တယ်။ အဲဒီလိုလွတ်လာတဲ့ အပိုင်းကနေ ကျွန်တော်တို့ ဘာဆက်လုပ်လဲဆို ပိုပြီးတော့ ကျယ်ကျယ်ပြန့်ပြန့် လုပ်နိုင်ဖို့ဆိုရင် နိုင်ငံတော်ကာကွယ်ရေးနဲ့ လုံခြုံရေး ကောင်စီထောက်ခံချက်နဲ့ လွတ်ငြိမ်းချမ်းသာခွင့်ထပ် ပေးဖို့အတွက် ကျွန်တော်အဆို တင်သွင်းခဲ့တာရှိတယ်။ မှတ်မှတ်ရရ လွတ်ငြိမ်းချမ်းသာခွင့်နှစ်ကြိမ် ကျွန်တော်အဆို တင်ခဲ့တယ်။ အဲဒီလိုပဲ ဦးသိန်းစိန်အစိုးရကလည်း ၇၀၀၀၀  ကျော်လွှတ်ခဲ့တယ်။ ကျွန်တော်အဆိုတင်တဲ့အပေါ်မှာ။ နောက်တစ်ခါ ကျွန်တော်အပါအ၀င် နိုင်ငံရေး ပါတီခေါင်းဆောင်အချို့နဲ့ ကိုဘိုကြည် အပါအ၀င် နိုင်ငံရေးအကျဉ်းသား ကူညီပေးရေးအဖွဲ့ဝင်တွေ ပါဝင်တဲ့ နိုင်ငံရေးအကျဉ်းသား စိစစ်ရေးကော်မတီကို ဦးသိန်းစိန်အစိုးရက ဖွဲ့ပေးပြီးတော့ ဦးစိုးသိန်းက ဥက္ကဋ္ဌအဖြစ် ဦးဆောင်တယ်။ နိုင်ငံရေးအကျဉ်းသားနဲ့ ပတ်သက်ရင် လွှတ်တော်အတွင်းကရော၊ အစိုးရရဲ့ အုပ်ချုပ်မှုအာဏာအရ လွှတ်တော်အပြင်ဘက်မှာလည်း အကျဉ်းသားစိစစ်ရေးကော်မတီဖွဲ့ပြီးတော့ လွတ်နိုင်သမျှလွတ်အောင် ဆောင်ရွက်ပေးလိုက်တဲ့ အတွက်လည်း ဒီနေ့လွှတ်တော်မှာ နိုင်ငံရေးအကျဉ်းသား ၁၀၀ ကျော်ရောက်သွားတယ် ဆိုတာ ဦးသိန်းစိန်အစိုးရရဲ့ လွတ်ငြိမ်းချမ်းသာခွင့် ဆောင်ရွက်ပေးမှု၊ ကျွန်တော်တို့လွှတ်တော်က ဆောင်ရွက်ပေးတဲ့ အကျိုးဆက်တွေပေါ့။ အခုတော့ ကျွန်တော်နားမလည်တာ၊ သို့မဟုတ်လည်း အံ့သြတာ၊ သို့မဟုတ်လည်း စိတ်ပျက်တာကို ပြောရမယ်ဆိုရင် ကိုယ့်တုန်းက နိုင်ငံရေးအကျဉ်းသားတွေ ဖြစ်ခဲ့ပြီးတော့ အကျဉ်းထောင်ထဲမှာ နေခဲ့ပြီးတော့ အကျဉ်းသားတွေရဲ့ ဘ၀ကို သိခဲ့တဲ့လူတွေလက်ထက်ကျမှ အခုလွတ်လပ်ရေးနေ့ကြီး ပြီးသွားပြီ။ လွှတ်သင့်လွှတ်ထိုက်တဲ့ နိုင်ငံရေးအကျဉ်းသားတွေ လွတ်သင့်လွတ်ထိုက်တဲ့ အကျဉ်းသားတွေ လွတ်လာမလား ကြည့်လိုက်တော့ ဖြစ်မလာဘူး။ အဲဒီလိုပဲ ကျန်တဲ့ကိစ္စတော်တော်များများမှာလည်း ဦးသိန်းစိန်အစိုးရလက်ထက်နဲ့ နှိုင်းယှဉ်မယ်ဆိုရင် ပိုပြီးတော့ ဆိုးရွားလာတာ တွေ့ရတယ်။ ဦးသိန်းစိန်အစိုးရက မီဒီယာလွတ်လပ်ခွင့် အပြည့်ပေးတယ်။ မီဒီယာနဲ့ ပတ်သက်ပြီးတော့ ကျွန်တော်ကိုယ်တိုင်လည်း ပုဂ္ဂလိကသတင်းစာတွေ ထုတ်ဝေခွင့်ရအောင် ဆောင်ရွက်မေးမြန်းပေးခဲ့တာတွေ ရှိတယ်။ အခုကျတော့ အဲဒါတွေနဲ့ ပြောင်းပြန်တွေချည်းပဲ။ ကျွန်တော့်အနေနဲ့ တစ်လုံးတည်း ပြောရရင် အခုအစိုးရလက်ထက်မှာ နိုင်ငံရေးအကျဉ်းသားတွေနဲ့ ပတ်သက်ပြီးတော့ လွှတ်သင့်လွှတ်ထိုက်တာတွေ၊ နောက်တစ်ခါ နိုင်ငံရေး အကျဉ်းသားတွေ ထောင်ကပြန်ထွက်လာပြီဆိုရင် ထောင်ထဲကပါလာတဲ့ ရောဂါတွေနဲ့ အသက်တိုသွားတာတွေ။ ဥပမာ ပန်းချီဆရာ လေးစန်းဇော်ထွေးတို့လို အသက် ၄၄ နှစ်နဲ့ ကွယ်လွန်သွားတာတွေ။ အဲဒီလိုမျိုး ပြန်လွတ်လာတဲ့အခါ ကျန်းမာရေးစောင့်ရှောက်မှု ပေးမယ့်အဖွဲ့အစည်းမျိုးတွေကို NLD အစိုးရလက်ထက်မှာ လုပ်လာပေးလိမ့်မယ်လို့ ကျွန်တော်မျှော်လင့်ခဲ့တယ်။ တစ်ခုမှ ဖြစ်မလာခဲ့ဘူး။ တစ်လုံးတည်းပြောရရင် ကိုယ်ဖြတ်သန်းခဲ့တဲ့ဘ၀အတွက် ပြန်ပြီးကျေးဇူးဆပ်ရမယ့် အလုပ်တွေကို နိုင်ငံရေးအရကျေးဇူးဆပ်ရ မှာတွေအားလုံးကို ပျက်ကွက်ပြီးတော့ အခုဆိုအားလုံးသိတဲ့အတိုင်း ပြည်သူလူထုနဲ့ ကင်းကွာတဲ့စကားတွေ၊ ပြည်သူလူထုရဲ့ဘ၀ကို မစာနာတဲ့ စကားတွေနဲ့ပဲ သူတို့ရဲ့ နိုင်ငံရေးသက်တမ်းကို ခရီးဆက်နေပြီလို့ပဲ ကျွန်တော်ပြောပါရစေ”  လို့ ဦးသိန်းညွန့်က ဆိုပါတယ်။

သမ္မတလုပ်ပိုင်ခွင့်က လွတ်ငြိမ်းချမ်းသာခွင့်                  

လက်ရှိအခြေအနေမှာ လွတ်ငြိမ်းချမ်းသာခွင့် ပေးအပ်မယ်ဆိုရင် သမ္မတဦးထင်ကျော်အနေနဲ့ လွတ်ငြိမ်းချမ်းသာခွင့် နည်းလမ်းနှစ်ခုနဲ့ ပေးအပ်နိုင်ပါတယ်။

သမ္မတက လွတ်ငြိမ်းချမ်းသာခွင့် ပေးအပ်နိုင်တဲ့ အချက်တစ်ခုက ပြစ်ဒဏ်ချမှတ်ခြင်းခံထားရတဲ့  အကျဉ်းသားတွေကို ၂၀၀၈ ခုနှစ်ဖွဲ့ စည်းပုံအခြေခံဥပဒေပုဒ်မ ၂၀၄ ပုဒ်မခွဲ (က)  ‘ပြစ်ဒဏ်လွတ်ငြိမ်းခွင့် ပေးပိုင်ခွင့်ရှိသည်’ ဆိုတဲ့ ပြဋ္ဌာန်းချက်နဲ့ ပုဒ်မခွဲ (ခ) ‘အမျိုးသားကာကွယ်ရေးနှင့် လုံခြုံရေးကောင်စီ၏ ထောက်ခံချက်နှင့်အညီ လွတ်ငြိမ်းချမ်းသာခွင့် ပေးပိုင်ခွင့်ရှိသည်’ ဆိုတဲ့ ပုဒ်မနှစ်ခုအရ အကျဉ်းသူ၊ အကျဉ်းသားတွေကို ပြစ်ဒဏ်က လွတ်ငြိမ်းချမ်းသာခွင့် ပေးပိုင်ခွင့်ရှိပါတယ်။

ဒါ့အပြင် နိုင်ငံတော်သမ္မတဟာ ပြစ်မှုဆိုင်ရာ ကျင့်ထုံးဥပဒေ ပုဒ်မ ၄၀၁ ပုဒ်မခွဲ (၁) အရ နောက်တစ်ကြိမ် ပြစ်မှုထပ်မံကျုးလွန်ရင် ကျူးလွန်တဲ့ ပြစ်ဒဏ်အပြင် လွတ်ငြိမ်းမပေးမီက ကျခံရန် ကျန်ရှိတဲ့ ပြစ်ဒဏ်တွေကိုပါ ဆက်လက်ကျခံပါမည်ဆိုတဲ့ စည်းကမ်းချက်ထားတာမျိုး ဒါမှမဟုတ်  စည်းကမ်းချက် မထားဘဲနဲ့ အကျဉ်းသူ၊ အကျဉ်းသားတွေကျ ခံနေရတဲ့ ပြစ်ဒဏ်တွေ အပေါ်မှာ လျှော့ပေါ့ပြီး လွတ်ငြိမ်းသက်သာခွင့် ပေးနိုင်ပါတယ်။

အခြားသော တစ်ဖက်မှာဆိုရင် NLD အစိုးရတက်လာစမှာ ပြည်ထဲရေးဝန်ကြီးဌာနက အစိုးရတောင်းဆိုမှုကြောင့် တရားစွဲဆို ထားတဲ့အမှုတွေ ပိတ်ပေးခဲ့တာရှိသလို ၂၀၁၇ နှစ်ကုန်ပိုင်းမှာဆိုရင်လည်း တပ်မတော်ဟာ သတင်းမီဒီယာသမားတွေနဲ့ နိုင်ငံရေးဆိုင်ရာ အခြေအနေအရ တရားစွဲဆိုခဲ့တဲ့သူတွေကို အမှုတွေပိတ်သိမ်းပေးခဲ့တာကြောင့် နိုင်ငံကို ဦးဆောင်နေတဲ့ အဖွဲ့အစည်းတွေရဲ့ သဘောထား ကြီးမြင့်မှုအပေါ် နှိုင်းယှဉ်ဝေဖန်မှုတွေ ရှိလာခဲ့ပါတယ်။

“အဲဒီလိုတော့ မနှိုင်းယှဉ်ချင်ဘူး။ ဖြစ်ပေါ်နေတဲ့ နိုင်ငံရေးအခြေအနေအပေါ် မူတည်ပြီးတော့ အတိုးအဆုတ်ကို အကုန်လုံးက လုပ်နေကြတာ။ ကျွန်တော်ကတော့ Principle  ရိုးရိုးဖြောင့်ဖြောင့်ပဲ သွားစေချင်တာ။ နိုင်ငံရေးအခြေအနေနဲ့ မဆက်စပ်ဘဲပေါ့။ စပ် ဆက်သင့်တဲ့နေရာ ဆက်စပ်ပေါ့ဗျာ။  တချို့တချို့သော နေရာတွေက Principle အရသွားတာ ပိုကောင်းပါတယ်။ ကျွန်တော်ကတော့ တပ်မတော်နဲ့ အစိုးရ၊ အစိုးရနဲ့ တပ်မတော်တစ်ခုလုံးကိုပဲ ကျွန်တော်မြင်ချင်တာလေ။ နှိုင်းယှဉ်ပြီးတော့ မပြောချင်ဘူး။ အထူးဒီဘက်ကိစ္စဆို သေချာတယ်ဗျာ။ ကိုဝလုံးတို့ မီဒီယာသမားတွေ အဖမ်းခံထားရတဲ့ ကိစ္စကျတော့ ကျွန်တော်တို့က မကြိုက်ဘူး။ ဘာဖြစ်လို့လဲဆို သတင်းလွတ်လပ်ခွင့်အတွက်။ သတင်းသမားကတော့ သတင်းကိုရအောင်ယူမှာပဲ။ သတင်းသမားတွေကို ဒီလိုဖမ်းဆီးထိခိုက်ခြင်းဟာ ဒီမိုကရေစီ ကူးပြောင်းရေးကို ထိခိုက်စေတဲ့ ကိစ္စလို့ကျွန်တော်ကတော့ မြင်တယ်။ မြင်တဲ့အတွက်ကြောင့်မို့ ကျွန်တော်ကတော့ အဲဒါကိုမကြိုက်ဘူး။ ပြန်ခြုံပြောရရင်ဗျာ သတင်းသမားတွေမှ မဟုတ်ပါဘူး။ နိုင်ငံရေးကိစ္စအလို့ငှာ သဘောထားကွဲလွဲမှုကြောင့်ဖြစ်စေ၊ တစ်ခုခုကြောင့် ဖြစ်စေပေါ့ဗျာ။ ယုံကြည်ချက်၊ ခံယူချက်ကြောင့် ထောင်ကျတဲ့အကျဉ်းသားဆိုတာ ဒီလိုဒီမိုကရေစီ အသွင်ကူးပြောင်းရေးကာလမှာ ထောင်ထဲမှာ မရှိသင့်ဘူး။ အရပ်သားအစိုးရ အုပ်ချုပ်တဲ့အချိန်မှာ ပိုတောင်မှ မရှိသင့်ဘူး”လို့ ဦးသိန်းစိန်အစိုးရရဲ့ လွတ်ငြိမ်းနဲ့ ပြန်လွတ်လာခဲ့တဲ့ ၈၈ မျိုးဆက်ကျောင်းသားခေါင်းဆောင် ဦးမြအေးက ပြောပါတယ်။

နိုင်ငံက၀န်ပိနေတဲ့ အကျဉ်းသားကုန်ကျစရိတ်နဲ့ အကျဉ်းထောင်တွေထဲက လူသားချင်းစာနာမှု အခြေအနေ

သမ္မတက လွှတ်နိုင်တဲ့အခြေ အနေပြီးရင် လက်ရှိအကျဉ်းထောင်တွေထဲက အကျဉ်းသားအရေအတွက်ကို သိဖို့လိုပါတယ်။ ဒီနေရာမှာဆိုရင် အနီးစပ်ဆုံးဖြေဆိုထားတာက ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်ချုပ်အောင်စိုးက ၂၀၁၆ ခုနှစ် ဒီဇင်ဘာ  ၁၄ ရက်မှာ ပြောကြားထားပါတယ်။

ဗိုလ်ချုပ်အောင်စိုး ပြောကြားချက်အရ အကျဉ်းဦးစီးဌာနအောက်မှာ အကျဉ်းထောင် ၄၆ ခုရှိပြီး အကျဉ်းသားဝင်ဆံ့မှုက ၇၄၄၁၁ ဦး ဖြစ်ပါတယ်။ လက်ရှိအကျဉ်းသားနဲ့ အချုပ်သားဦးရေက ၇၄၈၉၃ ဦး ရှိနေတဲ့အတွက် အကျဉ်းထောင် ၀င်ဆံ့မှုထက် လူပေါင်း ၃၀၀၀ ကျော် ပိုနေတာကို တွေ့ရှိရတယ်လို့ ပြောကြားထားပါတယ်။  အကျဉ်းထောင် ၄၆ ခုမှာ အကျဉ်းသား ၅၈၀၀၀ ကို ထားရှိပြီး ပိုနေတဲ့ အကျဉ်းသား ၁၅၀၀၀ ကို စိုက်ပျိုးရေး၊ မွေးမြူရေးနဲ့ အသက်မွေးမှု အတတ်သင်စခန်း ၃၀ မှာ စခန်းတစ်ခု အကျဉ်းသား ၅၀၀ နဲ့ ၁၅၀၀၀ ခန့်ကို ရွေးချယ်ထားရှိတယ်လို့ ပြောကြားထားပါတယ်။

ဒါပေမဲ့ တစ်နှစ်ကျော် အကြာမှာတော့ မြန်မာနိုင်ငံက အကျဉ်းထောင် ၄၀ ကျော်မှာ အကျဉ်းသား အရေအတွက် ကိုးသောင်းကျော်ရှိနေတယ်လို့ ဆိုထားပါတယ်။ ဒီပမာဏသာ အမှန်ဆိုရင် အကျဉ်းထောင်တွေက ထားရှိသင့်တဲ့ ပမာဏထက် အကျဉ်းသား ၂၀၀၀၀ ကျော် ၃၀၀၀၀ လောက် ထားရှိနေရတဲ့ သဘောထား ဖြစ်ပါတယ်။

လက်ရှိမှာဆိုရင် အကျဉ်းထောင်တွေမှာ အကျဉ်းသားတစ်ဦးကို အရင် ၆၂၅ ကျပ်ဖိုး တစ်နေ့တာ စားစရိတ်အသုံးပြုနေရာကနေ ကျပ် ၁၀၀၀ အသုံးပြုနေပြီလို့ သိရပါတယ်။ အကျဉ်းသား ၉၀၀၀၀ အတွက် တစ်နေ့ကျပ် ၁၀၀၀ သုံးမယ်ဆိုရင် တစ်လကို ကျပ်သိန်း ၂၇၀၀ ဖြစ်ပြီးတော့ တစ်နှစ်ကိုဆို ကျပ် ၃ ဒသမ ၂ ဘီလျံကျော် ကုန်ကျစရိတ် ဖြစ်ပေါ်ခဲ့ပါတယ်။ ဒီလိုပမာဏ ဟာ ဘတ်ဂျက်လိုငွေမြင့်မားလွန်း နေတဲ့နိုင်ငံတစ်ခုအတွက်တော့ ဖိအားတစ်ရပ် ဖြစ်ပါတယ်။ ဒီလို ကုန်ကျစရိတ် မြင့်မားနေတဲ့အထဲမှာ အစိုးရ အဆက်ဆက်က မတရားအမှု ဆင်ဖမ်းဆီးခံခဲ့ရသူတွေ၊ နောင်တကြီးစွာရနေပြီး ဘ၀နေ၀င်ချိန်ကို စောင့်ဆိုင်းနေရသူတွေ၊ လယ်ကိုလည်း ပြန်မရတရားစွဲခံရပြီး ထောင်ဒဏ်ကျခံနေရတဲ့ လယ်သမားတွေ၊ နိုင်ငံရေးအကျဉ်းသားတွေ၊ တက်ကြွလှုပ်ရှားသူတွေ၊ အစိုးရက ဖမ်းဆီးထားခံရ၊ တရားစွဲဆိုခံထားရ  သူတွေကိုသာ စိစစ်ပြီးလွှတ်ပေးမယ်ဆိုရင် အတိုင်းထက်အလွန် တံခွန်နဲ့ကုက္ကားဆိုသလို လူလည်းနာလို၊ နတ်လည်းနှစ်သက်အစိုးရရဲ့ ဒီမိုကရေစီခရီးအတွက်လည်း အထောက်အပံ့ ဖြစ်စေမှာပါ။

နောက်တစ်ခုက မြန်မာနိုင်ငံ အမျိုးသားလူ့အခွင့်အရေးကော်မရှင်ရဲ့အခန်းကဏ္ဍကို ပြန်ကြည့်ဖို့ လိုပါတယ်။ မြန်မာနိုင်ငံ အမျိုးသားလူ့အခွင့်အရေး ကော်မရှင်ဟ ဆိုရင် စတင်ဖွဲ့စည်းချိန်ကနေ ဒီနေ့အထိ မြန်မာနိုင်ငံရဲ့ ပြည်နယ်နဲ့ တိုင်းဒေသကြီးများစွာက အကျဉ်းထောင်တွေ၊ ရဲစခန်းအချုပ်ခန်းတွေကို သွားရောက်ကြည့်ရှုပြီး လူ့အခွင့်အရေးဆိုင်ရာ စံနှုန်းများစွာကို လေ့လာသုံးသပ်ပြီး အစိုးရကို ပြန်တင်ပြပါတယ်။ ၂၀၁၄ ခုနှစ်က နေ ၂၀၁၇ ခု နှစ်အထိ လေ့လာခဲ့တဲ့ အကျဉ်းထောင်တွေက လူ့အခွင့်အရေးနဲ့ မညီလို့အစိုးရကို အကြံပြုချက်တွေကို လေ့လာမယ်ဆိုရင် အများစုဟာ ထောင်တွင်းမှာ လူဦးရေ အရမ်းများနေတာကြောင့် နေရေးခက်ခဲကျပ်တည်းစွာ နေနေရတာ၊  အစားအသောက်၊ ဆေးဝါး၊ ထောင်ဝင်စာတွေ့ ရမှု စတဲ့အခက်အခဲတွေက အဓိကအချက် ဖြစ်ပါတယ်။ ၂၀၁၇ ခုနှစ်အတွင်း မြစ်ကြီးနား အကျဉ်းထောင် သွားရောက်လေ့လာရာမှာဆိုရင် အကျဉ်းသားများ ပြားလွန်းတာ၊ အသက် ၇၀ ကျော် အကျဉ်းသား ၂၂ ဦးကို ပြန်လည်စေလွှတ်ပေးဖို့၊ မူးယစ်ဆေးဝါး ဥပဒေကျုးလွန်သူတွေထဲက ပမာဏ နည်းစွာမိသူတွေကို အသိပညာပေးပြီး လျှော့ရက်ပေးဖို့ တင်ပြခဲ့ပါတယ်။ အင်းစိန်ဗဟိုအကျဉ်းထောင်ကို သွားရောက်လေ့လာရာမှာလည်း လူဦးရေ ကျပ်တည်းမှုကို ဖြေလျှော့နိုင်ရေးအတွက် အကျဉ်းထောင်အတွင်း မြေနေရာလွတ်တွေ ကို အိပ်ဆောင်တွေ ထပ်မံတိုးချဲ့ဖို့ တင်ပြခဲ့သလို ထူးထူးခြားခြား အနေနဲ့ဆိုရင် လက်ရှိ အစိုးရလက်ထက် မြင်းခြံထောင်ဆူပူမှုရှိခဲ့ပါတယ်။

၂၀၁၆ ခုနှစ် အောက်တိုဘာတုန်းက  မြင်းခြံထောင်ဆူပူမှု ဘာကြောင့်ဖြစ်ခဲ့သလဲဆိုရင် မြင်းခြံထောင်မှာ အကျဉ်းသားတွေကို သတ်မှတ်ပမာဏထက်ပိုပြီးတော့ ထိန်းသိမ်းထားရတဲ့အတွက် နေရေး၊ စားရေးကျပ်တည်းရာကနေ အစပြုခဲ့တဲ့ ထောင်ဆူပူမှုပါ။ မြင်းခြံထောင်နဲ့ပတ်သက်ပြီး လိုအပ်ချက်တွေ အကြံပြုခဲ့ရာမှာဆိုရင်လည်း အကျဉ်းသားအင်အားများ ပြားကျပ်တည်းနေလို့ အိပ်ဆောင်တွေ ချဲ့ဖို့အပါအ၀င် အထွေထွေ မကျေနပ်ချက် အများအပြားကို နောက်တစ်ကြိမ် ဆူပူမှုမဖြစ်စေဖို့ ပြင်ဆင်သင့်တဲ့ အချက်တွေအဖြစ် အကြံပြုခဲ့ရပါတယ်။

“ကျပ်တည်းတာကတော့ ကျွန်တော်တို့ ထောင်စစ်တိုင်းစစ်တိုင်း ကျပ်တည်းတယ်ဆိုတာ တွေ့ရပါတယ်။ ကျွန်တော်တို့လည်း အကြံပြုပါတယ်။ သူတို့လည်း သိပါတယ်။ ကျွန်တော်တို့ အကြံမပြုလည်း သိပါတယ်ဗျာ။ ၁၀၀၀ ပဲ ဆံ့တဲ့အကျဉ်းထောင်မှာ ၁၅၀၀ ၊ ၂၀၀၀ နေရပြီ ဆိုကတည်းက သူတို့လည်း သိကြပါတယ်ဗျ။ ဒီပြဿနာကို ဖြေရှင်းဖို့ဆိုတာက ထောင်ကိုချဲ့မလား။ အသစ်ဆောက်မလား။ အထူးသဖြင့် ငွေနဲ့ပတ်သက်တဲ့ ပြဿနာ ဖြစ်ပါတယ်။ ကျွန်တော်တို့ အကြံပြုတဲ့အခါ ဒီအဆောင်တွေကို ထပ်ချဲ့ဖို့၊ တချို့နေရာတွေလည်း ထပ်ခိုးလေးတွေချဲ့ဖို့။ တချို့ ထောင်တွေကတော့ ထပ်ခိုးလေးတွေ လုပ်ကြပါတယ်။ တချို့ထောင်တွေက ထောင်ထဲမှာရှိတဲ့ အဆောက်အအုံဟောင်းတွေ လုံခြုံအောင်ပြုလုပ်ပြီး ခွဲထားတာရှိပါတယ်။ အဓိက,ကတော့ ငွေကြေးနဲ့ဘဏ္ဍာငွေ ပြဿနာ ဘတ်ဂျက်နဲ့ဆိုင်တာ ဖြစ်ပါတယ်။ တချို့၏ ကိစ္စတွေမှာ ဘတ်ဂျက်တွေ ဖြတ်တာတောက်တာရှိတော့ သူတို့မှာလည်း အခက်အခဲတွေ ရှိပါတယ်။ ကျွန်တော်တို့က မတင်ပြဘူး မဟုတ်ဘူး တင်ပြပါတယ်။ ဒါပေမဲ့လည်း တစ်ဖက်မှာလည်း အခက်အခဲတွေ ရှိနေပါတယ်” လို့ အမျိုးသား လူ့အခွင့်အရေးကော်မရှင်အဖွဲ့ဝင် ဦးယုလွင်အောင်က ပြောပါတယ်။

အခြားသောနိုင်ငံတွေကို အတုယူပါ

လက်ရှိအစိုးရ အာဏာရယူခဲ့တဲ့၂၀၁၆ ခုနှစ် ပတ်လည်မှာ အခြားသော နိုင်ငံတွေမှာလည်း လွတ်ငြိမ်းချမ်းသာခွင့်ပေးခဲ့တဲ့ ဖြစ်စဉ်တွေ ရှိနေပါတယ်။ အစိုးရတစ်ရပ်ရဲ့ သဘောထားကြီးမြတ်မှု၊ ကွဲကွာနေရတဲ့ မိသားစုတွေအပေါ် စာနာမှု၊ ဘ၀နေ၀င်ချိန်ရောက်တော့မယ့် ထိုက်သင့်တဲ့ထောင်ဒဏ်ခံခဲ့ပြီး သူတွေအပေါ် ကိုယ်ချင်းစာနာမှု၊ မသင့်လျော် မမှန်ကန်တဲ့နည်းနဲ့ အဖမ်းဆီးခံခဲ့ရသူတွေအတွက် အမျိုးသားပြန်လည်သင့်မြတ်ရေးစတဲ့ ခေါင်းစဉ်တွေနဲ့ နိုင်ငံတိုင်းက အစိုးရတွေဟာ နိုင်ငံ့အတွက် အဆိပ်အတောက် မဖြစ်စေမယ့် အကျဉ်းသားတွေကို လွတ်ငြိမ်းချမ်းသာခွင့် ပေးခဲ့ပါတယ်။

နိုင်ငံစုံက လွတ်ငြိမ်းချမ်းသာမှုပေးအပ်တဲ့ ပုံစံတွေအပေါ် ဥပမာပြရမယ်ဆိုရင်၂၀၁၇ ခုနှစ် ဇန်န၀ါရီ ၁၅ ရက်မှာ အကျဉ်းသား ၇၃၁ ဦးကို လွတ်ငြိမ်းချမ်းသာခွင့်ပေးခဲ့တဲ့ အယ်ဘေးနီးယားနိုင်ငံရဲ့ လွတ်ငြိမ်းချမ်းသာခွင့်ဟာ မြန်မာနိုင်ငံလိုမျိုး ပုံစံတူဖြစ်ပြီးတော့ လူဦးရေ ထူထပ်လာတဲ့ အကျဉ်းထောင်တွေနဲ့ ထိန်းသိမ်းရေးစခန်းတွေက အကျဉ်းသားရာပေါင်းများစွာကို လျှော့ချဖို့အတွက် လွတ်ငြိမ်းချမ်းသာခွင့်ကို ၂၀၁၆ ခုနှစ်ထဲမှာ အဆိုတင်သွင်းပြီး ၂၀၁၆ ခုနှစ် ဒီဇင်ဘာမှာ အတည်ပြုပြီး အမြန်ဆုံး လွှတ်ပေးခဲ့တာပါ။

အယ်ဘေးနီးယားရဲ့ လွတ်ငြိမ်းချမ်းသာခွင့် အစီအစဉ်ကို ပြန်ကြည့်မယ်ဆိုရင် ထောင်ဒဏ်နှစ်နှစ်အထိ ကျခံနေရတဲ့ အကျဉ်းသားတွေနဲ့ သတ်မှတ်ထောင်ဒဏ်ကျခံနေရတဲ့အထဲက ပြစ်ဒဏ်နှစ်နှစ်ပဲ ကျန်တော့တဲ့ အကျဉ်းသားတွေ အကျုံးဝင်ခဲ့သလို အသက် ၅၅ နှစ်အထက် အမျိုးသမီးအကျဉ်းသားတွေ၊ အသက် ၆၀ အထက် အမျိုးသား အကျဉ်းသားတွေနဲ့ အသက် ၁၈ နှစ်အောက် အကျဉ်းသားတွေလည်း လွတ်ငြိမ်းချမ်းသာခွင့်မှာ ပါဝင်ခဲ့ပါတယ်။

ဒါပေမဲ့ လွတ်ငြိမ်းချမ်းသာခွင့်မှာ မပါဝင်တာက အကြမ်းဖက်မှုတွေ၊ လူကုန်ကူးမှုနဲ့ မူးယစ်ဆေးဝါး ရောင်းဝယ်မှုတွေ၊ လိင်ပိုင်းဆိုင်ရာ အနိုင်ကျင့်မှုတွေ၊ နိုင်ငံပိုင်ရုံးတွင်း ပစ္စည်းအလွဲသုံးစားလုပ်တဲ့ အများပြည်သူဆိုင်ရာ တာဝန်ရှိသူတွေနဲ့ အကျင့်ပျက်ခြစားမှုနဲ့ ထောင်ဒဏ်ကျခံနေရသူတွေကိုတော့ အယ်ဘေးနီးယားအစိုးရဟာ လွတ်ငြိမ်း ချမ်းသာခွင့် မပေးခဲ့ပါဘူး။

မြန်မာနိုင်ငံနည်းတူ ပြည်တွင်း စစ်ဖြစ်နေတဲ့ ဆီးရီးယားနိုင်ငံဆိုရင် ၂၀၁၇ ခုနှစ် ဇွန် ၂၄ ရက်မှာ တိုင်းရင်းသားလူမျိုးတွေအကြား ပြန်လည်သင့်မြတ်စေရေးဆိုတဲ့ ခေါင်းစဉ်တွေနဲ့ အကျဉ်းသား ၆၇၂ ဦးကို ပြန်လွှတ်ပေးခဲ့ပါတယ်။ ဆီးရီးယား ပြည်တွင်းစစ် ဖြစ်ပွားချိန်ကနေစတင်ပြီး ဆီးရီးယားအစိုးရဟာ ထောင်သောင်းချီတဲ့ ဆီးရီးယားနိုင်ငံသားတွေကို ဖမ်းဆီးခဲ့ပြီး အတိုက်အခံပါတီက ပြန်လည်လွတ်မြောက်ခွင့်ပေးဖို့ တောင်းဆိုခဲ့တာကြောင့် ဆီးရီးယားအစိုးရဟာ တိုင်းရင်းသား လူမျိုးတွေအကြား ပြန်လည်သင့်မြတ်ရေးအတွက် ပမာဏများပြားတဲ့ လွတ်ငြိမ်းချမ်းသာခွင့်ပေးမှု  အကြိမ်ကြိမ် ပြုလုပ်ခဲ့တာဖြစ်ပါတယ်။ ဒါဟာ မြန်မာနိုင်ငံလို အမျိုးသား ပြန်လည်သင့်မြတ်ရေးလမ်းကြောင်းကို သွားလာနေတဲ့ နိုင်ငံအတွက် အတုယူရမှာဖြစ်ပြီးတော့ မသင့်လျော်တဲ့ စွပ်စွဲချက်တွေ၊ မတရားအသင်း ဆက်သွယ်မှုတွေ၊ မြေယာသိမ်းဆည်းခံလို့ ဆန္ဒပြရင်း ထောင်ဒဏ်ကျခံနေရတဲ့ တိုင်းရင်းသားများစွာအတွက် လွတ်ငြိမ်းချမ်းသာခွင့် သုံးသပ်ပေးအပ်သင့်တဲ့ လုပ်ဆောင်ချက်မျိုးပါ။

မြန်မာနိုင်ငံရဲ့ အိမ်နီးချင်း ထိုင်းနိုင်ငံမှာဆိုရင်လည်း ထိုင်းဘုရင့်နန်းတက် အထိမ်းအမှတ်အဖြစ် အကျဉ်းသား ၃၀၀၀၀ ကို လွတ် ငြိမ်းချမ်းသာခွင့်ပေးအပ်ခဲ့ပြီး လွတ်လာသူအများစုဟာ ထောင်ဒဏ်နှစ် နှစ်ထက်မပိုတဲ့ ပြစ်ဒဏ်ကျခံခဲ့ရသူတွေပါ။ ဒါ့အပြင်နတ်ရွာစံဘုရင်ကြီး ဘူမိဘောအဒူလျာဒက်ရဲ့  အရိုက်အရာကို ဆက်ခံတဲ့ ၀ိဇယလောင်ကွန်းဟာ အကျဉ်းသား ၁၅၀၀၀၀ အထိ လွတ်ငြိမ်းချမ်းသာခွင့် ပေးခဲ့သလို အဲဒီလွတ်ငြိမ်းချမ်းသာခွင့်မှာ တော်ဝင်စော်ကားမှုနဲ့ ပြစ်ဒဏ်ချ မှတ်ခံရသူတွေကိုပါ အကျိုးခံစားဖို့ အကျုံးဝင်စေခဲ့ပါတယ်။ ပထမဦးဆုံးအကြိမ် ပြစ်ဒဏ်ကျခံရတဲ့ အမျိုးသမီးတွေ၊  ပြစ်ဒဏ်သုံးပုံတစ်ပုံ ကျခံပြီးသား အကျဉ်းသားအချို့နဲ့ မသန်စွမ်းသူ ဒါမှမဟုတ် အပြင်းဖျား နာနေသူ အကျဉ်းသားတွေကိုလည်း လွတ်ငြိမ်းချမ်းသာခွင့် ခံစားစေခဲ့ပါ တယ်။ နတ်ရွာစံသွားတဲ့ ထိုင်းဘုရင် ဘူမိဘောလက်ထက်မှာ အကျဉ်းသား လွတ်ငြိမ်းချမ်းသာခွင့်ပေးမှုတွေကို နှစ်တိုင်းလုပ်ဆောင်ခဲ့ပါတယ်။ မြန်မာနိုင်ငံအနေနဲ့ အတုယူသင့်မှုအဖြစ် ထိုင်းနိုင်ငံ အလုပ်သမားဦးစီးဌာနက ပြန်လည်လွတ်မြောက်လာတဲ့ အကျဉ်းသားတွေအ တွက်အလုပ်အကိုင် ဖန်တီးပေးဖို့အပြင် စွမ်းရည်ဖွံ့ ဖြိုးရေးဦးစီးဌာနက စွမ်းရည်မြှင့်တင်ပေးဖို့ပါ အသင့်ရှိနေခဲ့တာပါ။

ဒီနိုင်ငံတွေသာမက အခြားသော နိုင်ငံတွေမှာပါ လွတ်ငြိမ်းချမ်းသာခွင့် ပေးအပ်ကြသလို အချို့သော နိုင်ငံတွေမှာဆို အကျဉ်းထောင်တွေကိုပါ ပိတ်သိမ်းနေတဲ့အခြေအနေမှာ မြန်မာနိုင်ငံကတော့ ပြောင်းပြန်ပါ။

“လွတ်ငြိမ်းချမ်းသာခွင့်ဆိုတဲ့အခါမှာ အားလုံးကိုတော့ တစ်ပြိုင်တည်း ပေးလို့မရဘူး ။ ဘာဖြစ်လို့လဲဆို တချို့သောရာဇ၀တ်မှု ကျုးလွန်သူတွေက လူ့အဖွဲ့အစည်းရဲ့ တည်ငြိမ်အေးချမ်းသာယာမှုကို အနှောက်အယှက်ပေးတာတွေ ရှိတယ်။ အဲဒါမျိုးတော့ ပေးလို့မရဘူး။ ဒီနေရာမှာ ကိုယ့်ရဲ့ လယ်မြေဆုံးရှုံးလို့ ဆန္ဒပြတဲ့သူတွေ၊ လယ်ယာပြန်တောင်းတဲ့ သူတွေကို ချမှတ်ထားတဲ့ပြစ်ဒဏ်တွေတော့ ပယ်ဖျက်ပေးလိုက်စေချင်တယ်။ အဲဒီလိုမလွှတ်တော့ နိုင်ငံရေးအရပြောစရာ ဖြစ်လာတယ်။ အမှန်က လွှတ်သင့်တယ်နော် ။ အခြားအခြားသော အစိုးရတွေ လက်ထက်မှာ လွတ်ငြိမ်းချမ်းသာ ခွင့်တွေပေးခဲ့တယ်။ အဲဒီလိုလွှတ်တဲ့ အထဲမှာ နိုင်ငံရေးအကျဉ်းသားတွေကတော့ အနည်းစုဖြစ်တယ်။ လက်ရှိ နိုင်ငံရေးအစိုးရလက်ထက်မှာ လွှတ်သင့်တယ်လို့ ကျွန်တော်တို့က မျှော်လင့်တယ်။ သို့သော်ဖြစ်မလာဘူး။ အဲဒါတော့ မသင့်လျော်ဘူးလို့ ကျွန်တော်ကတော့မြင်တယ်။ ဆိုးရွားစွာ ပြစ်ဒဏ်ကျုးလွန်ခဲ့သူတွေကို မလွှတ်ပေးတာက တိုင်းပြည်တည်ငြိမ်အေးချမ်းရေးကို အထောက်အကူဖြစ်တယ်။ အဲဒီလိုမဟုတ်ဘဲ အားလုံးကို မလွှတ်ပေးဘူးဆိုတာက မဟုတ်တော့ဘူး။ လွှတ်သင့်ပါတယ်။ နိုင်ငံတကာမှာဆိုရင်လည်း လွတ်လပ်ရေးနေ့တွေဆို လွှတ်ကြတဲ့ အစဉ်အလာရှိပါတယ်”လို့ နိုင်ငံရေးအကျဉ်းသားအဖြစ် အကြိမ်ကြိမ် အကျဉ်းကျခံဖူးတဲ့ တရားလွှတ်တော်ရှေ့နေ ဦးရောဘတ်စန်းအောင်က သုံးသပ်ပါတယ်။

 

NLD အစိုးရစိစစ်လွှတ်ပေးသင့်တဲ့ အကျဉ်းသား

NLD  အစိုးရကို တောင်းဆိုနေကြတဲ့ လွတ်ငြိမ်းချမ်းသာခွင့်မပေးအပ်လို့ ဝေဖန်မှုတွေဟာ ဇန်န၀ါရီ ၄ ရက်က ကျရောက်တဲ့ လွတ်လပ်ရေးနေ့မှာ ဖြစ်ပါတယ်။

ပြည်သူတွေအားလုံး မျှော်လင့်နေတဲ့ လွတ်ငြိမ်းချမ်းသာခွင့်ကို ၆၉ နှစ်ပြည့် လွတ်လပ်ရေးနေ့မှာရော နှစ် ၇၀ ပြည့်လွတ်လပ်ရေးနေ့မှာပါ မပေးတာကြောင့် ဦးသိန်းစိန်အစိုးရရဲ့ လွတ်ငြိမ်းချမ်းသာခွင့်နဲ့ ပြန်လည် လွတ်မြောက်လာခဲ့သူ ၈၈ မျိုးဆက် ကျောင်းသားခေါင်းဆောင်တစ်ဦးဖြစ်တဲ့ ဦးမြအေးက စိတ်ပျက်မိတယ်လို့ ဝေဖန်ခဲ့ပါတယ်။

ဒါ့အပြင် SNLD အထွေထွေ အတွင်းရေးမှူး ဦးစိုင်းညွန့်လွင်ကလည်း “၂၀၁၈- ဇန်န၀ါရီ ၄ ရက် လွတ်လပ်ရေးနေ့ဆိုတော့ ထောင်ထဲမှာ နေခဲ့ရတဲ့နေ့တွေကို ပြန်အမှတ်ရနေမိတယ်။ အဲဒီလို နေ့ထူးနေ့မြတ် (အထူးသဖြင့် လွတ်လပ်ရေးနေ့) ဆိုတာ အကျဉ်းထောင်တွေထဲမှာ ရှိနေကြတဲ့ အကျဉ်းသားမှန်သမျှရဲ့ မျှော်လင့်ချက်ကြီးတွေနဲ့ နားစွင့်ခဲ့ကြရတဲ့ နေ့တစ်နေ့ ဖြစ်ပါတယ်။ ဘာဖြစ်လို့လဲဆိုတော့ အဲဒီနေ့တွေမှာ နိုင်ငံတော်သမ္မတကြီးတွေက လွတ်ငြိမ်းချမ်းသာခွင့် (သို့မဟုတ်) အကျဉ်းကျ နေ့ရက်တွေကို လျှော့ချပေးတဲ့ အလေ့အထနဲ့ အစဉ်အလာတွေ ရှိခဲ့ကြလို့ပဲ ဖြစ်ပါတယ်။ ထောင်ထဲမှာ အကျဉ်းသားဘ၀ ရောက်ဖူးခဲ့သူတိုင်း ဒီခံစားချက်ကို သိကြပါတယ်။ ကိုယ်မလွတ်တာတောင်မှ တခြားလူတွေ လွတ်သွားတာကို မြင်ရတဲ့အခါ အားရ၀မ်းသာနဲ့ အစိုးရမင်းများကို ၀ိုင်းပြီးကျေးဇူးတင်ကြရတာ အမောပါ။ ကိုယ်နဲ့ အတိုက်အခံဖြစ်နေတဲ့ အစိုးရကိုတောင် အဲဒီလို အခါသမယတွေမှာ အကျဉ်းသားလွတ်ငြိမ်းခွင့် ပေးခဲ့တဲ့အတွက် ချီးကျူးထောမနာ ပြုပေးကြစမြဲ ဖြစ်ပါတယ်။ အဲဒီလိုရက်တွေဟာ ဘယ်လိုအကျဉ်းသားပဲဖြစ်ဖြစ် အကျဉ်းသားအားလုံးရဲ့ မျှော်လင့်ချက်ပဲ ဖြစ်ပါတယ်။ အဲဒီနေ့ရက်တွေနား နီးကပ်လာရင် အကျဉ်းထောင်အမှုထမ်းတွေဆီကို ဘာများထူးခြားမှု ရှိနေပါသလဲဆိုပြီး စုံစမ်းမေးမြန်းကြရတာ အကျဉ်းသားတိုင်းရဲ့လုပ်ရိုးလုပ်စဉ် ဖြစ်ပါတယ်။ သေဒဏ်ကျခံထားရသူက သေဒဏ်က အသက်လွတ်သွားနိုင်သလို နှစ်ကြီးထောင်ဒဏ်သမားတွေလဲ နှစ်တွေ လျော့ကျသွားနိုင်ပါတယ်။ လွတ်နီးတွေဆိုရင်လဲ အချိန်မရွေး ချက်ချင်းလက်ငင်းလွတ် မြောက်သွားနိုင်တာမို့ အားလုံးက မျှော်နေကြတဲ့ နေ့ရက်တွေ ဖြစ်ပါတယ်။ ဒါပေမဲ့ အခု ဆောင်းပါးရေး နေချိန် (ဇန်န၀ါရီ ၅- ရက်)အထိ အကျဉ်းထောင်တွေဆီက လွတ်ငြိမ်းချမ်းသာခွင့်နဲ့ လွတ်မြောက်လာသူ ဆိုလို့တစ်ယောက်မှ သတင်းမကြားရသေးပါဘူး။ အေအေပီပီကို မေးကြည့်တော့လဲ သူတို့ဘာမှမကြားသေးဘူးလို့ အကြောင်းပြန်ပါတယ်။ ထောင်ထဲမှာရှိနေကြတဲ့ အကျဉ်းသားအပေါင်းတို့ကို ကျွန်တော်ကိုယ် ချင်းစာကြည့်လိုက်မိပါတယ်။ သူတို့ခမျာ ထုံးစံအတိုင်း သေချာပေါက် မျှော်လင့်နေကြမှာဆိုတာ အလွန်ကို သေချာပါတယ်။ မျှော်လင့်သလို ဖြစ်မလာတော့ရင် အလွန်ကိုပဲ စိတ်ထိခိုက်မှု ဖြစ်ကြရမှာပါ။ အထူးသဖြင့်ထောင်ထဲက အကျဉ်းသားတွေ အတွက်ကတော့ မျှော်လင့်နိုင်တာ အဲဒီနေ့ရက်လေးတွေပဲရှိခဲ့လို့ ဖြစ်ပါတယ်။ အစိုးရအဖွဲ့ရဲ့ နှစ်သစ်ကူး ဆွမ်းလောင်းလှူပွဲကြီး ခြိမ့်ခြိမ့်သဲသဲ ကျင်းပနေတာတွေ၊ လူပရိသတ်တစ် သိန်းကျော်တဲ့ တရားဓမ္မပွဲတွေ ကျင်းပနေတာတွေ့ရတော့ အကျဉ်းသားတွေအတွက်လည်း ထည့်စဉ်းစားလိမ့်မယ်လို့  ကျွန်တော်မျှော်လင့်ပေးခဲ့မိတာဟာ မမှားလောက်ဘူးလို့ ထင်ခဲ့ရပေမဲ့ တကယ့်လက်တွေ့မှာ တော့မှားသွားခဲ့ရပါတယ်။ နိုင်ငံရေး အကျဉ်းသားဘ၀ကို လုံးဝမရောက်ဖူးခဲ့တဲ့ အစိုးရမင်းများ လက်ထက်တုန်းကတောင်မှ နှစ်စဉ်နှစ်တိုင်းလိုလို လွတ်ငြိမ်းခွင့်တွေ ပေးခဲ့ပါတယ်။ လျှော့ရက်တွေ ပေးခဲ့ပါတယ်။  …အခုလို နိုင်ငံရေးအကျဉ်းသား ဘ၀နဲ့နေခဲ့ဖူးတဲ့ နိုင်ငံရေးပါတီကြီးရဲ့ အစိုးရအဖွဲ့လက်ထက်မှာ ဆိုရင်တော့ နိုင်ငံရေးအကျဉ်းသား လက်ကျန်တွေကိုလဲ မလွှဲမသွေလွတ်ပေးလိမ့်မယ်လို့ ကျွန်တော့်ဘက်က မျှော်လင့်ခဲ့မိပါတယ်။ ကျွန်တော့် မျှော်လင့်ချက်က မှားနေဆဲပါ။ နိုင်ငံရေးအကျဉ်းသား စိစစ်မှုတွေတောင် လုပ်တယ်မကြားရတော့ပါဘူး။ AAPP တို့လို နိုင်/ ကျဉ်းအဖွဲ့တို့လို အဖွဲ့အစည်းတွေရဲ့ စာရင်းအရ နိုင်ငံရေးအကျဉ်းသား တစ်ရာနီးနီး အကျဉ်းထောင်တွေထဲမှာ ကျန်နေဆဲလို့ သိရပါတယ် ။ AAPP က လုပ်တဲ့ နိုင်/ကျဉ်းစာရင်းတွေဆိုရင် မူလအမှုတွဲတွေအထိကို သေသေချာချာ လေ့လာပြီးမှ နိုင်ငံရေးအကျဉ်းသား စာရင်းထဲကို ထည့်သွင်းထားခဲ့တာ ဖြစ်ပါတယ်။ အဲဒီတုန်းက စိစစ်မှုတွေအရဆိုရင် တကယ့်လက်တွေ့ ဖြစ်ရပ်နဲ့ တရားစွဲခံရတဲ့ ပုဒ်မတွေ တခြားစီဖြစ်နေတာ အများအပြား တွေ့ခဲ့ရပါတယ်။ ထောင်ချဖို့ သက်သက်ပဲမို့ အကျဉ်းသားတွေရဲ့တရားစွဲတဲ့ ပုဒ်မတွေကိုကြည့်ပြီး သူတို့ကို လူဆိုးလူကောင်းအလွယ်တကူ ဆုံးဖြတ်လို့ မရနိုင်ပါဘူး။ သေသေချာချာ စိစစ်ထားခဲ့တဲ့ စာရင်းတွေ ဖြစ်ပါတယ်။ လက်ရှိ ပြည်ထောင်စုလွှတ်တော်ထဲမှာဆိုရင် နိုင်ငံရေးအကျဉ်းသားဖြစ်ခဲ့ဖူးတဲ့ လွှတ်တော်ကိုယ်စားလှယ်ပေါင်း ၁၂၀ လောက်ရှိတယ်ဆိုတဲ့ သတင်းတွေလည်း ကြားနေရပါတယ်။ ကိုယ်ကိုယ်တိုင် နိုင်ငံရေးအကျဉ်းသားဘ၀ ရောက်ခဲ့ဖူးတဲ့လူမှန်သမျှဟာ လက်ရှိထောင်ထဲမှာ ကျန်နေတဲ့ နိုင်ငံရေးအကျဉ်းသားတွေကို ကိုယ်ချင်းစာစိတ်ရှိနေမှာကတော့ သံသယရှိစရာ မလိုလောက်အောင် ယုံကြည်ရပါတယ်။ ဒါပေမဲ့ ဘာကြောင့်သူတို့နဲ့ ဘ၀တူတွေကိုခုထိ ဆွဲမထုတ်နိုင်သေးတာလဲ။ ဘာကြောင့် ကြိုးပမ်းအားထုတ်မှု ၀ါယမစိုက်တာတွေ မတွေ့ရသေးတာလဲ။ မေးစရာပါဘဲ။…နိုင်ငံရေးအကျဉ်းသား လွတ်မြောက်ရေးအတွက် ဆောင်ရွက်ပေးနိုင်တဲ့ လုပ်ပိုင်ခွင့်တွေဟာ အစိုးရမှာ အပြည့်အ၀ရှိတယ်လို့ ကျွန်တော်ယုံကြည်မိပါတယ်။ ဘယ်သူကမှ ၀င်ရောက်တားဆီး ပိတ်ပင်တာမျိုးလည်း မလုပ်နိုင်ဘူးလို့လည်း ခိုင်ခိုင်မာမာ ယူဆမိပါတယ်။ ဘာကြောင့် ဖြစ်မလာတာလဲဆိုတာ စိတ်မကောင်း ဖြစ်ရုံမှတစ်ပါး ကျွန်တော် စဉ်းစားမရတော့ပါဘူး။ စဉ်းစားကြည့်လေ။ နိုင်/ ကျဉ်းဟောင်း  ၁၂၀ က လက်ရှိ နိုင်/ ကျဉ်း ၁၀၀ အောက်ကို မကယ်နိုင်တာဟာ သမိုင်းကြောင်းမှာ ရေးရရင် အလွန်ကိုပဲ အကြည်းတန်လှပါပြီ။ ဘာတွေဖြစ်ကုန်ကြပြီလဲ။ ကိုင်း… ၀ိုင်းပြီးဖြေ ပေးကြပါဦး” နိုင်ငံရေးအကျဉ်းသား ဖြစ်ခဲ့ဖူးတဲ့ NLD အစိုးရနဲ့ NLD လွှတ်တော်ကို လူမှုကွန်ရက်ပေါ်ကနေ မေးခွန်းထုတ်ရေးသားခဲ့ပါတယ်။

လက်ရှိအချိန်မှာဆိုရင် မြန်မာနိုင်ငံ အမျိုးသားလူ့အခွင့်အရေး ကော်မရှင်ကလည်း ၂၀၁၇ ခုနှစ်အတွင်း လှည့်လည်စစ်ဆေးသင့်တဲ့ အကျဉ်းထောင် ၃၀ ကျော်ရဲ့ အခြေအနေတွေကြောင့် နိုင်ငံတော်သမ္မတက လွတ်ငြိမ်းချမ်းသာခွင့် ပေးအပ်သင့်တဲ့ အကျဉ်းသားစာရင်းပြုစုပြီးတော့ စာတမ်းတင်ပြဖို့အတွက် လုပ်ဆောင်နေပြီ ဖြစ်ပါတယ်။

“အခြေခံအကျဆုံးပြောရင် ကျွန်တော်မြင်တာကတော့ လွတ်ငြိမ်းချမ်းသာခွင့်ကို ပေးသင့်တယ်။ ဘာဖြစ်လို့အဲဒီလိုပြောရသလဲဆိုရင် ထောင်ထဲမှာဗျ နိုင်ငံရေးအကျဉ်းသားတွေရှိသလို တချို့ဘ၀မှာ တစ်စုံတစ်ရာသော အမှားတစ်ခုကို ကျုးလွန်ခဲ့မိလို့ ကျနေတဲ့သူတွေ အများကြီးရှိတယ်ဗျ။ ကျွန်တော်တို့ ထောင်ထဲဖြတ်သန်းဖူးတဲ့ အတွေ့အကြုံအရပေါ့။ တည့်တည့်ပြောရမယ်ဆိုရင် လူဆိုးတွေ လူမိုက်တွေကို လွတ်ငြိမ်းချမ်းသာခွင့် ပေးပါတောင်းဆိုနေတာ မဟုတ်ဘူး။ နိုင်ငံရေး အကျဉ်းသားတွေကို လွတ်ငြိမ်းချမ်းသာခွင့်ပေးပါ။ တခြားတခြားသောလူတွေ ထောင်ထဲမှာ ၁၅ နှစ်၊ အနှစ် ၂၀ နေပြီးတဲ့အခါကျရင် သူ့ဘ၀ကို ပြန်ပြီးတော့ ထိန်းသိမ်းပြုပြင်ဖို့အတွက် စဉ်းစားပေးစေချင်တယ်။ လူတစ်ယောက်ရဲ့ဘ၀ဟာ ထောင်ထဲမှာ အနှစ် ၂၀ လောက်နေပြီးရင်သူ့မှာ ဘာမှအသိဥာဏ် မရှိတော့ဘူး။ အသိဥာဏ်တွေ တုံးကုန်ပြီ။ နိုင်ငံတော်အတွက်လည်း စရိတ်တွေကုန်တယ်” လို့ ဦးမြအေးက ဆက်လက်သုံးသပ်ပါတယ်။

လက်ရှိမှာဆိုရင်လည်း နိုင်ငံရေးအကျဉ်းသားဟောင်းများအဖွဲ့က ပြုစုထားတဲ့စာရင်းတွေအရ အကျဉ်းထောင်အတွင်း ထောင်ဒဏ်ကျခံနေရသူ နိုင်ငံရေးအကျဉ်းသား ၄၅ ဦးရှိနေပြီး အချုပ်နဲ့ တရားရင်ဆိုင်နေရသူ ၄၉ ဦး၊ ပြင်ပက တရားရင်ဆိုင်နေရသူ ၁၂၇ ဦးအထိရှိနေပြီး ဒီအထဲမှာ မြေယာသိမ်းဆည်းခံရမှုကြောင့် ဖမ်းဆီးခံရသူတွေ ပါဝင်နေပါတယ်။

“နိုင်ငံရေးအကျဉ်းသားမှာ မုဒိမ်းကောင်မှမပါဘဲ။ နိုင်ငံရေးသမားဆို အကုန်လွှတ်ပေးဖို့ပဲ ကျွန်တော်တို့အဆိုတင်ခဲ့တာ။ နိုင်ငံရေး အကျဉ်းသားလား။ လူသတ်မှုလား။ အငြင်းပွားဖွယ်ကိစ္စတစ်ခုတော့ ကျွန်တော်တို့ ကြုံခဲ့တယ်။ ကြုံခဲ့ဖူးတော့ နိုင်ငံရေးအကျဉ်းသား စိစစ်ရေးကော်မတီမှာ လွှတ်သင့်မလွှတ်သင့်တောင် သဘောထားကွဲခဲ့တာပဲ။ အကျဉ်းသားလွှတ်ပေးမှုကို အင်မတန်မှစိစစ်ခဲ့ပါတယ်။ တစ်ခုတော့ ရှိတာပေါ့ဗျာ။ သောင်းချီပြီးလွှတ်တဲ့ အထဲမှာ အနည်းအကျဉ်းတော့ပါတာပေါ့။ တကယ်တမ်းပြောကြစတမ်းဆို သုတေသနလုပ်ထားမယ်ဆို ဦးသိန်းစိန်လွှတ်ပေးလိုက်တဲ့ လွတ်ငြိမ်းချမ်းသာ ၇၀၀၀၀ ကျော်ထဲမှာ မုဒိမ်းသမား၊ လူသတ်သမားက ရာခိုင်နှုန်းအနည်းငယ်ပဲ ပါလာလိမ့်မယ်။ အတိအကျထောက်ပြနိုင်တဲ့ ပြစ်မှုပြန်ကျုးလွန်သူက လက်ချိုးပြီးရေရင် တစ်ဒါဇင်မပြည့်ပါဘူး။ ကျန်တာက ဦးသိန်းစိန်အစိုးရကို တိုက်ခိုက်ချင်လို့၊ ဦးသိန်းစိန်ဆောင်ရွက်ပေးခဲ့တဲ့ လွတ်ငြိမ်းချမ်းသာခွင့်ကို သေးသိမ်အောင်၊ လွတ်ငြိမ်းချမ်းသာခွင့်ရအောင် လုပ်ပေးခဲ့တဲ့ ကျွန်တော်တို့ရဲ့ အခန်းကဏ္ဍကို အသိအမှတ်ပြုရမှာကိုကြောက်လို့ အဲဒီမုဒိမ်းကောင်တို့ ဘာတို့ပါလာတယ် ပြောနေတာပါ။ အခုလည်း ပြန်လွှတ်ပေးမယ်ဆို ဦးနေ၀င်းလက်ထက်ကတည်းက ချပေးထားတဲ့မူတွေရှိတာပဲ။ သူတစ်ပါးကို ထိခိုက်နစ်နာ အောင်လုပ်တဲ့အမှုတွေဆို လွတ်ငြိမ်းချမ်းသာခွင့် မပေးနဲ့ပေါ့။ ပေးရင်လည်း အခုနကပြောသလို လူသတ်မှုကျုးလွန်သူကို ကွင်းလုံးကျွတ် မလွှတ်ဘဲ တစ်သက်တစ်ကျွန်း ပြောင်းတာတို့၊ တစ်သက်တစ်ကျွန်း ကို ၁၀ နှစ်ပြောင်းတာတို့၊ ထောင်ဒဏ်လျှော့ချတာတို့လို သူတစ်ပါးထိ ခိုက်နစ်နာစေတဲ့သူတွေကို ပြစ်ဒဏ်လျှော့ချပြီးတော့ လုံးဝလွတ်ငြိမ်းချမ်းသာခွင့်မပေးတဲ့ နည်းတွေနဲ့လည်း လွတ်ငြိမ်းချမ်းသာခွင့် ပေးဖို့ဆောင်ရွက်လို့ရပါတယ်။ အခုကတော့ဗျာ။ နိုင်ငံရေးအရ ဘ၀မေ့တဲ့ ဇာတ်လမ်းတွေ အများကြီးစနေပြီနေလို့ ကျွန်တော်ကတော့ ဒီအတိုင်းပဲ မြင်တယ်” လို့ ဦးသိန်းညွန့်က ဆက်လက်ပြောကြားပါတယ်။

ဦးသိန်းစိန်အစိုးရလက်ထက်မှာ ပေးအပ်ခဲ့တဲ့ လွတ်ငြိမ်းချမ်းသာခွင့်တွေရဲ့ ဇာစ်မြစ်ကို ပြန်ကြည့်မယ်ဆိုရင် အစိုးရအဆက်ဆက်က မတရားတဲ့ ဥပဒေနဲ့ကျခံခဲ့ရတဲ့သူ များစွာကို ကယ်တင်ဖို့အတွက် နိုင်ငံရေးအကျဉ်းသားတွေ အပါအ၀င် အကျဉ်းသားတွေကို ပြန်လွှတ်ပေးခဲ့တာ ဖြစ်ပါတယ်။ မြန်မာနိုင်ငံရဲ့ တရားဥပဒေ စိုးမိုးရေးနဲ့ တရားစီရင်ရေးဟာ န၀တ၊ နအဖ အစိုးရလက်ထက်ကနေ တစ်လျှောက်လုံးပျက်သုဉ်းလာခဲ့တာ လက်ရှိအချိန်အထိပါပဲ။ အစိုးရက တရားစွဲဆိုတဲ့ အမှုမှန်သမျှကို တရားသူကြီးတွေက အကုန်ပြစ်ဒဏ်ချမှတ်နေခြင်းဟာ တရားစီရင်ရေးအပေါ် အုပ်ချုပ်ရေးမဏ္ဍိုင်ရဲ့ စိုးမိုးမှု ရှိနေဆဲဆိုတာ သွယ်ဝိုက်ညွှန်းဆိုနေပါတယ်။ ဒီလိုပျက်သုဉ်းနေတဲ့တရား စီရင်ရေးစနစ်အပြင် တရားမျှတမှု မရှိတဲ့ ဆက်သွယ်ရေးပုဒ်မ ၆၆(ဃ)၊ မတရားအသင်းဆက်သွယ်မှု ပုဒ်မ ၁၇(၁)၊ အီလက်ထရွန်နစ် ဆက်သွယ်ဆောင်ရွက်ရေး ဥပဒေ ပုဒ်မ ၃၃၊ ဆရာတော် ဦးပါမောက္ခအပါအ၀င် နိုင်ငံသားအများအပြားကို ဖမ်းဆီးထောင်ချခဲ့တဲ့ နိုင်ငံတော်အကြည်ညိုပျက်စေမှု ပုဒ်မ ၅၀၅ (ခ)၊ လက်ရှိ အစိုးရလက်ထက် ပြဋ္ဌာန်းခဲ့တဲ့ နိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုကို ကာကွယ်ပေးရေးဥပဒေ ပုဒ်မ ၈ (စ)၊ ရိုက်တာသတင်းထောက်နှစ်ဦးကို အမှုဆင်ဖမ်းတယ် ဝေဖန်ခံနေရပြီး သူတို့ကို တရားစွဲဆိုခဲ့တဲ့ ကိုလိုနီခေတ် လက်ကျန်မြန်မာနိုင်ငံအစိုးရ လျှို့ဝှက်ချက်အက်ဥပဒေစတဲ့ မတရားတဲ့ဥပဒေတွေ အများအပြားဟာ အသက်ဝင်နေဆဲ ဖြစ်ပါတယ်။ ဒီလို မတရားတဲ့ ဥပဒေအများအပြား အသက်ဝင်နေဆဲ ဖြစ်တာကြောင့် လက်ရှိအစိုးရအနေနဲ့ တိုင်းပြည်တည်ငြိမ်အေးချမ်းပြီး တရားဥပဒေ စိုးမိုးရေးကို အထောက်အကူဖြစ်စေမယ့် လွတ်ငြိမ်းချမ်းသာခွင့်တွေ မလွှဲမသွေပေးအပ်ဖို့လိုကို လိုအပ်ပါတယ်။ အကျဉ်းဦးစီးဌာနဆိုတာ လူတွေရဲ့ မှားယွင်းမှုကို ပြင်ဆင်ပေးတဲ့ ဌာနသာဖြစ်ပြီး လူတွေကို ပြစ်ဒဏ်ပေးတဲ့ ဌာနမဟုတ်ပါဘူး။ မတရားတဲ့ ပုဒ်မတွေနဲ့ တရားစွဲဆိုခံနေရတဲ့ သတင်းသမား၊ လယ်သမားပြည်သူ၊ နိုင်ငံရေးအကျဉ်းသား၊ ဆရာတော် သံဃာတော်တွေအတွက် လွတ်ငြိမ်းချမ်းသာခွင့် ပေးအပ်ဖို့လိုသလို အမှားတစ်ခုအတွက် နောင်တကြီးစွာ ရနေတဲ့သူတွေ၊ ဗိုလ်မှူးဝင်းနိုင်ကျော်ရဲ့ အသက် ၉၂ မိခင်အိုကြီးရဲ့ သားဖြစ်သူပြန်လွတ်ဖို့ ဘ၀နေ၀င်ချိန်နဲ့အတူ စောင့်ဆိုင်းနေတဲ့ မိသားစုတွေများစွာကို ပြန်လည်ကုစားပြင်ဆင်ပေးဖို့ လွတ်ငြိမ်းချမ်းသာခွင့်ဟာ မြန်မာနိုင်ငံအတွက် လိုအပ်ချက်တစ်ခုအဖြစ် ပေးဖို့လိုအပ်နေပါတယ်။

အစိုးရအဆက်ဆက်ဟာ လွတ်လပ်ရေးနေ့မှာ လွတ်ငြိမ်းချမ်းသာခွင့် အဓိကပေးအပ်ကြတယ်ဆိုပေမယ့် တိုင်းပြည်ရဲ့ လိုအပ်ချက်အရ အခြားနေ့များစွာမှာလည်း လွတ်ငြိမ်းချမ်းသာခွင့် ပေးအပ်တာကို တွေ့ရပါတယ်။ အနီးစပ်ဆုံး ဖေဖော်ဝါရီ ၁၂ ရက် ပြည်ထောင်စုနေ့မှာ ပေးအပ်နိုင်သလို မတ်  ၂၇ ရက်မှာ ကျရောက်တဲ့ တပ်မတော်နေ့မှာ ပေးလို့ရပါတယ်။ ဗိုလ်ချုပ်အောင်ဆန်း မွေးရက်ဖြစ်တဲ့ ဖေဖော်ဝါရီ ၁၃ မှာ ပေးလို့ရသလို တိုင်းပြည်က လိုအပ်တဲ့ လိုအပ်ချက်ကို ဖြည့်ဆည်းတာ ဖြစ်တာကြောင့် အစိုးရတိုင်းပေးအပ်တဲ့ လွတ်ငြိမ်းချမ်းသာခွင့် နေ့ရက်ဟာ မင်္ဂလာရက်ပါ။ ဒီလို မင်္ဂလာရက်တစ်ရက်ကို မတရားတဲ့ပုဒ်မတွေနဲ့ ကျခံနေရတဲ့ ပြည်သူများစွာအတွက် လွတ်ငြိမ်းချမ်းသာခွင့်ပေး အပ်မှုဆိုတဲ့ ဆုလာဘ်နဲ့ တိုင်းပြည်ကလိုအပ်နေတဲ့ တရားဥပဒေစိုးမိုးရေး အထောက်အကူပြုမယ့် လွတ်ငြိမ်းချမ်းသာခွင့်ကို NLD အစိုးရအနေနဲ့ အမြန်ဆုံးဆောင်ကြည်းပေးနိုင်ပါစေလို့ ဆန္ဒပြုလိုက်ပါတယ်။

အစိုးရက လွတ်ငြိမ်းချမ်းသာခွင့် ပေးအပ်သင့်သူများဆိုင်ရာ စာတမ်းပြုစုနေပြီး နိုင်ငံတော်သမ္မတသို့ တင်ပြရန် အမျိုးသားလူ့အခွင့်အရေးကော်မရှင် စီစဉ်

လက်ရှိအစိုးရ လက်ထက် လွတ်ငြိမ်းချမ်းသာခွင့် ပေးအပ်သင့်သူများအတွက် စာတမ်းပြုစုနေပြီး နိုင်ငံတော်သမ္မတသို့ တင်ပြသွားရန် စီစဉ်နေကြောင်း မြန်မာနိုင်ငံ အမျိုးသားလူ့အခွင့်အရေးကော်မရှင်အဖွဲ့ဝင် ဦးယုလွင်အောင်က ဇန်န၀ါရီ ၁၀ ရက်တွင် ပြောကြားသည်။

“လွတ်ငြိမ်းခွင့်ပေးတာနဲ့ ပတ်သက်ပြီး သူတို့မှာ “စံ” တွေ ရှိပါတယ်။ ဒီစံတွေအပေါ် မူတည်ပြီးတော့ လွတ်ငြိမ်းခွင့် ပေးသင့်သူတွေကို တင်ပြပြီးတော့ နိုင်ငံတော်အကြီးအကဲများကလည်း ဒါတွေကိုကြည့်ပြီးတော့မှ လွတ်ငြိမ်းတွေ ပေးအပ်နေတာ ဖြစ်ပါတယ်။ ကျွန်တော်တို့ကတော့ ဘယ်လိုလူတွေကို လွှတ်သင့်တယ် ဆိုတာကို အစီရင်ခံစာပေါ့။ စာတမ်းလေး တစ်စောင် ပြုစုဖို့ရှိပါတယ်။ ပြုစုပြီးတာနဲ့ တိုင်ပင်သင့်တဲ့ သူတွေကို တိုင်ပင်ပြီးတာနဲ့ နိုင်ငံတော်သမ္မတကြီးဆီ တင်ပြဖို့ အစီအစဉ် ဆွဲနေပါတယ်”ဟု ဦးယုလွင်အောင်က ပြောကြားသည်။

မြန်မာနိုင်ငံရှိ အကျဉ်းထောင် ၄၆ ခု၌ ထောင်ဝင်ဆံ့သည့် အရေအတွက် ၇၄၄၁၁ ဦးသာ ဖြစ်သော်လည်း လက်ရှိအခြေအနေတွင် အကျဉ်းထောင်များ၌ အကျဉ်းသား ၉၀၀၀၀ ခန့် ရှိနေသည်။

ထို့ပြင် မြန်မာနိုင်ငံ အမျိုးသားလူ့အခွင့်အရေးကော်မရှင်မှ လက်ရှိအစိုးရ လက်ထက် ထောင်ဆူပူမှု ဖြစ်ပေါ်ခဲ့သည့် မြင်းခြံအကျဉ်းထောင် အပါအ၀င် မြန်မာနိုင်ငံတစ်ဝန်းရှိ အကျဉ်းထောင်များသို့ သွားရောက်လေ့လာကာ အကျဉ်းထောင်များ လူ့အခွင့်အရေး စံနှုန်းများနှင့် ကိုက်ညီစေရန် အကြံပြုရာတွင် ထောင်ဝင်ဆံ့ ဦးရေထက် အကျဉ်းသား ပိုမိုများပြားနေသည့်အတွက် ကျပ်တည်းစွာ နေထိုင်နေရသည့်အချက်မှာ အဓိက အကြောင်းအချက်တစ်ခုအဖြစ် ပါဝင်နေကြောင်း မြန်မာနိုင်ငံ အမျိုးသားလူ့အခွင့်အရေးကော်မရှင် မှ သိရသည်။

မြန်မာနိုင်ငံ၏ မှတ်တမ်းများအရ ပါလီမန် ဒီမိုကရေစီခေတ်တွင် ၀န်ကြီးချုပ်ဦးနု လက်ထက်မှစ၍ ဦးသိန်းစိန်အစိုးရ လက်ထက်အထိ အထွေထွေ လွတ်ငြိမ်းချမ်းသာခွင့် ပေးအပ်ရာတွင် လွတ်လပ်ရေးနေ့နှင့် အခြားသောနေ့များ၌ လွတ်ငြိမ်းချမ်းသာခွင့်များစွာ ပေးအပ်ခဲ့ပြီး လက်ရှိအစိုးရ လက်ထက်တွင် အရေအတွက် အနည်းငယ်နှင့် လူအနည်းငယ်ကိုသာ လွတ်ငြိမ်းချမ်းသာခွင့် ပေးအပ်ခဲ့ပြီး လက်ရှိအစိုးရ လက်ထက်တွင် ၂၀၁၈ ခုနှစ် ဇန်န၀ါရီ ၄ ရက်၌ ကျရောက်ခဲ့သည့် နှစ် (၇၀) ပြည့် လွတ်လပ်ရေးနေ့တွင် လွတ်ငြိမ်းချမ်းသာခွင့် ပေးအပ်မှုမရှိသဖြင့် ဝေဖန်ခံရမှုများ ရှိနေသည်။

“အထွေထွေ လွတ်ငြိမ်းချမ်းသာခွင့် ဆိုတာက ကာလုံရဲ့ သဘောတူညီချက်နဲ့ပဲ ပေးလို့ရတာဗျ။ ဒါပေမဲ့ သမ္မတက ကျင့်ထုံးဥပဒေ ပုဒ်မ ၄၀၁ အရ လွတ်ငြိမ်းသက်သာခွင့်တော့ ပေးလို့ရတယ်။ ကျွန်တော်တို့လည်း မျှော်လင့်တယ်။ လွတ်လပ်ရေးနေ့မှာ ရစေချင်တာ။ ဒါပေမဲ့ အဲဒါက မဖြစ်ခဲ့ဘူး။ မဖြစ်ခဲ့တဲ့အပေါ်မှာတော့ တော်တော်လေးလည်း စိတ်ပျက်မိတယ်။ ဘာဖြစ်လို့လဲဆိုတော့ ကျွန်တော့်ရဲ့ သဘောအရတော့ နိုင်ငံရေးအကျဉ်းသားဆိုရင် ထောင်ထဲမှာ တစ်ယောက်မှ မရှိစေချင်ဘူး။ သဘောထား ကွဲတာလည်း ရှိမယ်။ သဘောထား တူတာလည်း ရှိမယ်။ သဘောထားကွဲတိုင်း ထောင်ချစရာ မလိုဘူးလို့ ကျွန်တော်မြင်တယ်။ အဲဒီဟာမျိုး မဖြစ်စေချင်ဘူး။ ကျွန်တော်တို့ အစိုးရလက်ထက်မှာ အဲဒီဟာမျိုး ပိုပြီးတော့ မဖြစ်ချင်ဘူး။ အမြင်ကွဲလွဲမှုတွေကို နားလည်မှုပေးတဲ့ ကိစ္စရပ်တွေ ပိုပြီးမျှော်လင့်မိတယ်။ ဒါပေမဲ့ ကျွန်တော်တို့ ထင်သလို ဖြစ်မလာတဲ့အပေါ်မှာ စိတ်ပျက်မိတယ်”ဟု ဦးသိန်းစိန်အစိုးရ၏ လွတ်ငြိမ်းချမ်းသာခွင့်နှင့် ပြန်လည်လွတ်မြောက်ခဲ့သူ ၈၈ မျိုးဆက် ကျောင်းသားခေါင်းဆောင် တစ်ဦးဖြစ်သည့် ဦးမြအေးက ပြောကြားသည်။

ဦးသိန်းစိန်အစိုးရ လက်ထက်တွင် လွတ်ငြိမ်းချမ်းသာခွင့် ပေးအပ်ခဲ့သည့် အကြိမ်အရေအတွက် ၅၄ ကြိမ်အထိ ရှိခဲ့ပြီး အဆိုပါဖြစ်စဉ်များတွင် ကာလုံခေါ်ရန် သတ်မှတ်သည့် လွတ်ငြိမ်းပေးမှု ငါးကြိမ်သာရှိကာ နိုင်ငံတော်သမ္မတ၏ လုပ်ပိုင်ခွင့် ကျင့်ထုံးဥပဒေ ပုဒ်မ ၄၀၁ ပုဒ်မခွဲ (၁)အရ ပြစ်ဒဏ်လွတ်ငြိမ်းခွင့် ပေးအပ်ခဲ့မှု ၄၉ ကြိမ်အထိ ရှိခဲ့ကြောင်း သိရသည်။

“ပြည်ထောင်စုသမ္မတ မြန်မာနိုင်ငံတော်အစိုးရသစ် တာဝန်ယူစဉ် ကာလအတွင်းမှာ နိုင်ငံတော်သမ္မတကြီးအနေဖြင့် ဒီမိုကရေစီ အသွင်ကူးပြောင်းရေးကာလတွင် နိုင်ငံသားတိုင်း နိုင်ငံ့အကျိုးပြုလုပ်ငန်းစဉ်တွင် ပါဝင်ထမ်းဆောင်ခွင့် ရရှိစေရေး၊ အမျိုးသားပြန်လည် စည်းလုံးညီညွတ်ရေးကို အားပေးမြှင့်တင်နိုင်ရေး၊ နိုင်ငံသားတို့၏ ကာယ၊ ဉာဏလုပ်အားများကို နိုင်ငံ့အတွက် အကျိုးရှိစွာ အသုံးပြုခွင့် ရရှိစေရေး၊ အကျဉ်းကျခံသူများ၏ မိသားစုများအပေါ်တွင် လူသားချင်း စာနာထောက်ထားပြီး လူသစ်၊ စိတ်သစ်၊ ဘ၀သစ်နှင့် မိသားစု အနာဂတ်သစ်များ ပြန်လည် ဖော်ဆောင်ခွင့် ရရှိရေးတို့အတွက် အကျဉ်းသားများကို ကျင့်ထုံးဥပဒေပုဒ်မ ၄၀၁ ပုဒ်မခွဲ (၁) အရ ပြစ်ဒဏ်လွတ်ငြိမ်းခွင့် ၄၉ ကြိမ်၊ လွတ်ငြိမ်းချမ်းသာခွင့် ငါးကြိမ် စုစုပေါင်း ၅၄ ကြိမ်ဖြင့် အကျဉ်းသား ကျား ၆၁၇၇၇ ဦး၊ မ ၁၀၁၈၃ ဦး စုစုပေါင်း ၇၁၉၆၀ကို လွှတ်ပေးခဲ့ပြီး ဖြစ်ပါကြောင်း၊ နိုင်ငံတော်အစိုးရကို ဆန့်ကျင်ကျူးလွန်သော ပြစ်မှုများကျုးလွန်၍ ပြစ်ဒဏ်ကျခံရသူများကို နိုင်ငံရေးအကျဉ်းသား ဟု အမည်တပ်ပြီး လွတ်ငြိမ်းချမ်းသာခွင့်ဖြင့် ပြန်လည်လွှတ်ပေးရန် ပြည်တွင်း/ပြည်ပ အဖွဲ့အစည်းအချို့က ဖိအားပေး တောင်းဆိုမှုများကြောင့် ပြည်ထောင်စုဝန်ကြီးဌာနများ မှ ကိုယ်စားလှယ်ခြောက်ဦး၊ အရပ်ဘက် အဖွဲ့ အစည်းမှ ကိုယ်စားလှယ် ခုနစ်ဦး၊ နိုင်ငံရေးပါတီများမှ ကိုယ်စားလှယ်ခြောက်ဦး ပါဝင်သော အကျဉ်းသားများ စိစစ်ရေးကော်မတီ ကို ၁၉-၂-၂၀၁၃ ရက်နေ့တွင် စတင်ဖွဲ့စည်းခဲ့ပြီးနောက် အစည်းအဝေး ၁၅ ကြိမ် ကျင်းပကာ နိုင်ငံတော်အစိုးရကို ဆန့်ကျင်ကျုးလွန်သော ပြစ်မှုများ ကျူးလွန်ပြီးတော့ ပြစ်ဒဏ်ကျခံနေရသူ အကျဉ်းသား ၃၄၁ ဦး၊ အကျဉ်းသူ ၁၃ ဦး စုစုပေါင်း ၃၅၄ ဦးကို နိုင်ငံတော်သမ္မတ၏ လွတ်ငြိမ်းချမ်းသာခွင့်နှင့် ပြစ်ဒဏ်လွတ်ငြိမ်းခွင့်တို့မှာ ထည့်သွင်းလွှတ်ပေးခဲ့ပြီး ဖြစ်ပါကြောင်း”ဟု ဗိုလ်မှူးချုပ်ကျော် ကျော်ထွန်းက ပထမအကြိမ် ပြည်သူ့လွှတ်တော် (၁၂) ကြိမ်မြောက် ပုံမှန်အစည်းအဝေး ၇၈ ရက်မြောက်နေ့တွင် ပြောကြားသည်။

ထိုသို့ လွှတ်ပေးမှုများ ရှိနေသော်လည်း လက်ရှိအစိုးရ လက်ထက်တွင် နိုင်ငံရေးနှင့် ဆက်နွှယ်သည့် နိုင်ငံရေးအကျဉ်းသားများ အပါအ၀င် ၁၉၉ ဦးကို ၂၀၁၆ ခုနှစ် ဧပြီ ၈ ရက်၌ ပထမအကြိမ် လွှတ်ပေးမှု၊ ဧပြီ ၁၇ ရက်တွင် အကျဉ်းသား ၈၃ ဦးကို ဒုတိယအကြိမ် လွှတ်ပေးမှု၊ ၂၀၁၇ ခုနှစ် ဧပြီ ၁၂ ရက်တွင် လွတ်ငြိမ်းချမ်းသာခွင့် ပေးခဲ့သည့် အကျဉ်းသား ၁၈၈၈ ဦး၊ မေ ၂၃ ရက်တွင် ပြန်လွှတ်ပေးခဲ့သည့် နိုင်ငံသားအကျဉ်းသား ၁၈၆ ဦးနှင့် နိုင်ငံခြားသားအကျဉ်းသား ၇၃ ဦး ပြန်လွှတ်ပေးမှုနှင့် ၂၀၁၇ ခုနှစ် သြဂုတ် ၇ ရက်တွင် တက္ကသိုလ်ဝင်တန်း စာမေးပွဲတွင် ဂုဏ်ထူးများဖြင့် အောင်မြင်ခဲ့သည့် မရွှန်းလဲ့ဝေ အပါအ၀င် ကျောင်းသား ကျောင်းသူ ခုနစ်ဦးကို ပြန်လွှတ်ပေးမှုသာ ရှိခဲ့သည်။ ထိုသို့ အစိုးရ အဆက်ဆက် ပေးအပ်ခဲ့သည့် လွတ်လပ်ရေးနေ့ လွတ်ငြိမ်းချမ်းသာခွင့်ကို လက်ရှိအစိုးရ နှစ်နှစ်ကာလဖြစ်သည့် ၂၀၁၇ ခုနှစ်နှင့် ၂၀၁၈ ဇန်န၀ါရီ ၄ ရက်တို့တွင် ပေးအပ်မှုမရှိသဖြင့် ဝေဖန်မှုများ ရှိနေသည်။