တောင်ကြီးမြို့တွင် GE တပ်မှ ဒုအရာခံဗိုလ်နှင့် တပ်ကြပ်ကြီး အပါအ၀င် လေးလောင်းပြိုင် လူသတ်မှု ဖြစ်ပွား

တောင်ကြီးမြို့တွင် GE တပ်မှ ဒုအရာခံဗိုလ်နှင့် တပ်ကြပ်ကြီး အပါအ၀င် လေးလောင်းပြိုင် လူသတ်မှု ဖြစ်ပွားခဲ့ကြောင်း သိရသည်။

အသတ်ခံရသူများတွင် ဒုအရာခံဗိုလ်နှင့် တပ်ကြပ်ကြီး အပါအ၀င် အမျိုးသမီး တစ်ဦးနှင့် မိန်းကလေးငယ် တစ်ဦးတို့လည်း ပါဝင်ကြောင်း သိရပြီး သြဂုတ် ၂၀ ရက်က အသတ်ခံရခြင်းဖြစ်ကြောင်း သိရသည်။

အသတ်ခံရသည့် နေရာမှာ တောင်ကြီးမြို့ ရွှေဘုန်းပွင့်အတက်လမ်း တောင်ကြီး ဆေးတက္ကသိုလ် အနောက်ဘက်ရှိ လှိုဏ်ဂူအနီးတွင် ဖြစ်ပွားခဲ့ခြင်းဖြစ်သည်ဟု တောင်ကြီးမြို့ခံများ၏ ပြောကြားချက်အရ သိရသည်။

အဆိုပါ လူသတ်မှုတွင် အသုံးပြုသည့် လက်နက်များနှင့် ပတ်သက်ပြီး သေနတ်ဖြင့် လည်းကောင်း ဓားဖြင့် ခုတ်သတ်သည်ဟုလည်းကောင်း ပြောဆိုနေကြပြီး အမှုနှင့် ပတ်သက်၍ တပ်မတော်ဘက်မှ ကိုင်တွယ်သွားမည်ဟုလည်း ကနဦးသတင်းများအရ သိရသည်။

“GE တပ်ကလို့ ပြောတယ်။ နေရာကို အတိအကျ မသိဘူး။ ရွှေဘုန်းပွင့်အတက်လမ်း ဆေးတက္ကသိုလ်နောက် လှိုဏ်ဂူနားလို့လည်း ပြောတယ်။ နာမည်တွေတော့ ရထားပြီ။ အတိအကျ မထုတ်ပြန်သေးတော့ မပြောရဲသေးဘူးဖြစ်နေတယ်။ခု ရဲစခန်းကို သွားနေတယ်” ဟု တောင်ကြီးမြို့ တရားဥပဒေ စိုးမိုးရေး ကွန်ရက်မှ ဦးဝင်းနိုင်စိုးက ပြောကြားသည်။

အဆိုပါဖြစ်စဉ်ကို တပ်မတော်ဘက်နှင့် တောင်ကြီးမြို့နယ် ရဲတပ်ဖွဲ့မှ သတင်းထုတ်ပြန်ပေးခြင်း မရှိသေးဘဲ မွန်းလွဲ ၂ နာရီကျော်သည်အထိ တောင်ကြီးမြို့မရဲစခန်းတွင် သတင်းထောက်များ ထိုင်စောင့်နေရသေးကြောင်း သိရသည်။

ထိုဖြစ်စဉ်နှင့် ပတ်သက်ပြီး အသေးစိတ်သိရှိထားခြင်းမရှိသေးကြောင်း၊ ကြေးနန်းလည်း မရောက်လာ သေးကြောင်း၊ အသေးစိတ်မသိရှိသည့်အတွက် မြေပြင်အခြေအနေနှင့် ကွဲလွဲမှုဖြစ်ပေါ်နိုင်သဖြင့် ပြောဆို နိုင်ခြင်း မရှိကြောင်း၊ တောင်ကြီးမြို့နယ် အထွေထွေအုပ်ချုပ်ရေးဦးစီးဌာနမှ တာဝန်ရှိသူတစ်ဦးက ပြောကြား သည်။

အမှုနှင့် ပတ်သက်ပြီး ညနေ ၅ နာရီခန့်အထိ သက်ဆိုင်ရာ ရဲတပ်ဖွဲ့၊ တပ်မတော် စသည်တို့မှ အသေးစိတ် တရားဝင် သတင်းထုတ်ပြန်ခြင်းမရှိသေးဘဲ ယင်းအမှုနှင့် ပတ်သက်၍ Eleven Media Group မှ ဆက်လက်စုံစမ်းလျက်ရှိကာ ရရှိသောသတင်းအချက်အလက်များကို ဆက်လက်ဖော်ပြပေးသွားမည်ဖြစ်ပါသည်။

တိုက်ကြီးမြို့နယ်တွင် လူနှစ်ဦးက အမျိုးသားတစ်ဦးအား ကြိုးဖြင့်ချည်နှောင်ပြီး ဓားဖြင့်အချက်ပေါင်းများစွာ ထိုးသတ်မှု ဖြစ်ပွား

တိုက်ကြီးမြို့နယ်တွင် အမျိုးသားတစ်ဦးအား လူနှစ်ဦးက ကြိုးဖြင့်ချည်နှောင်ပြီး ဓားဖြင့်အချက်ပေါင်းများစွာ ထိုးသတ်မှု ဖြစ်ပွားခဲ့ကြောင်း သြဂုတ် ၁၈ ရက်တွင် မြောက်ပိုင်းခရိုင် ရဲတပ်ဖွဲ့မှ စုံစမ်းသိရသည်။

သြဂုတ် ၁၇ ရက် နံနက် ၈ နာရီခန့်တွင် ပဲခူးတိုင်းဒေသကြီး သာယာဝတီမြို့နယ်နေ ဦး …. (၅၈ နှစ်) သည် နေအိမ်၌ ရှိနေစဉ် တိုက်ကြီးမြို့နယ် ပန်းပင်တန်းကျေးရွာအုပ်စုရှိ ရာဘာစိုက်ပျိုးခြံ နေ့စားအလုပ်သမားအဖြစ် အလုပ်လုပ်နေသည့် သားဖြစ်သူ ကိုခင်စိုး (၂၆ နှစ်) မှာ ဓားထိုးခံရသဖြင့် သေဆုံးကြောင်း သတင်းရသဖြင့် သွားရောက်ခဲ့ကြောင်း သိရသည်။

ထို့နောက် ဦး…. မှာ သားဖြစ်သူ အသတ်ခံရသည့် ကိစ္စနှင့်ပတ်သက်ပြီး စုံစမ်းရာ သားဖြစ်သူ ကိုခင်စိုးမှာ အဆိုပါတဲ၌ သြဂုတ် ၁၆ ရက်ညပိုင်းတွင် အလုပ်အတူ လုပ်ကိုင်သူများဖြစ်သည့် ရန်ပိုင်စိုးနှင့် စိုးသူ (၂၅ နှစ်) တို့နှင့်အတူ အရက်အတူ သောက်ခဲ့ကြောင်း သိရသည်။

ထိုသို့ အရက်အတူသောက်ရာမှ ကိုခင်စိုးအား ရန်ပိုင်စိုးနှင့် စိုးသူတို့က ခြေထောက်နှစ်ချောင်းကို နိုင်လွန်ကြိုးဖြင့် တုပ်နှောင်ပြီး လက်နှစ်ဖက်အား အင်္ကျီစဖြင့် နောက်ပြန်ချည်နှောင်ကာ ဓားဖြင့်ထိုးသတ်ခဲ့ကြောင်း သိရသည်။

ကိုခင်စိုးမှာ ၀မ်းဗိုက်ထိုးသွင်းဒဏ်ရာ သုံးချက်၊ ဆီးခုံထိုးသွင်းဒဏ်ရာ တစ်ချက်၊ လည်ပင်းပြတ်ရှဒဏ်ရာ သုံးချက်၊ ၀ဲမျက်ခုံး ပြတ်ရှဒဏ်ရာ တစ်ချက်၊ အောက်နှုတ်ခမ်းနှင့် မေးစေ့တွင် ပြတ်ရှဒဏ်ရာ သုံးချက်၊ ၀ဲပါးပြတ်ရှဒဏ်ရာသုံးချက် ရရှိကာ သေဆုံးခဲ့ကြောင်း သိရသည်။

“အရက်အတူ ထိုင်သောက်ရာကနေ စကားများပြီး တစ်ယောက်ကို နှစ်ယောက်က သတ်တာပါ။ သေဆုံးတဲ့ အလောင်းကို တွေ့ရှိချိန်မှာတော့ ခြေထောက်ကို ကြိုးနဲ့ချည်ထားပြီး အင်္ကျီစနဲ့ လက်ကိုလည်း ချည်ထားတယ်။ လည်ပင်းမှာလည်း ဓားစိုက်ဝင်နေတာပါ။ ကျုးလွန်သူ နှစ်ဦးအနက် တစ်ဦးကို ဖမ်းဆီးထားပါတယ်” ဟု မြောက်ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

အဆိုပါဖြစ်စဉ်မှ ကျုးလွန်သူနှစ်ဦးအနက် စိုးသူကို ဖမ်းဆီးထားပြီး ရန်ပိုင်စိုးအား ဖမ်းဆီးရမိရန် ဆောင်ရွက်နေပြီး ၎င်းတို့နှစ်ဦးအား ဥက္ကံနယ်မြေရဲစခန်းက ရာဇသတ်ကြီးပုဒ်မ ၃၀၂/၁၁၄ ဖြင့် အမှုဖွင့်ထားသည်။

မိတ္ထီလာကန်ပတ်လမ်းတွင် ထိုင်နေသော လူငယ်များက လက်ခုပ်တီးခေါ်သည် ဟုဆိုကာ ဓားဖြင့်ထိုးသဖြင့် တက္ကသိုလ်ကျောင်းသား တစ်ဦးသေဆုံးပြီး မသင်္ကာဖွယ် လူငယ်လေးဦးအား ဖမ်းဆီးစစ်ဆေးလျက်ရှိ

မိတ္ထီလာကန်ပတ်လမ်းတွင် ထိုင်နေသော လူငယ်ခြောက်ဦးက လက်ခုပ်တီးခေါ်သည် ဟုဆိုကာ စကားများ ရန်ဖြစ်ပြီး ဓားဖြင့် ထိုးသဖြင့် တက္ကသိုလ်ကျောင်းသား တစ်ဦးသေဆုံးခဲ့ပြီး နှစ်ဦးဒဏ်ရာ ရရှိခဲ့ကာ ကျူးလွန်သူ ဟုယူဆရသူ လူငယ်လေးဦးအား ဖမ်းဆီးထိန်းသိမ်း စစ်ဆေးလျက်ရှိကြောင်း မိတ္ထီလာမြို့ အမှတ်(၂) နယ်မြေရဲစခန်းမှ သိရသည်။

သြဂုတ် ၃ ရက် ည ၉ နာရီကျော်က မိတ္ထီလာမြို့ လျှော်ဖြူကန် ကျေးရွာနေ ဦးဖိုးချို (၅၀ နှစ်) သည် သားဖြစ်သူ ဇော်ဝင်းနိုင် မိတ္ထီလာ ကန်ပတ်လမ်းတွင် ဓားထိုးခံရသဖြင့် ဆေးရုံရောက်နေကြောင်း သိရသဖြင့် လိုက်သွားရာ ဇော်ဝင်းနိုင်မှာ ဆေးရုံတွင် ဓားထိုးဒဏ်ရာဖြင့် သေဆုံးသွားသဖြင့် သူငယ်ချင်းများအား မေးမြန်းရာ ဇော်ဝင်းနိုင် (၁၈ နှစ်) တတိယနှစ် (ပထ၀ီ) မိတ္ထီလာ တက္ကသိုလ်သည် သူငယ်ချင်းများ ဖြစ်သော သူရကိုကို (၁၈ နှစ်)၊ သီဟဇော် (၁၈ နှစ်) တို့အပါအ၀င် သူငယ်ချင်းခြောက်ဦး မိတ္ထီလာကန်ပတ်လမ်း ဓမ္မသုခကန်ဦးစေတီ အနီးတွင် ထိုင်နေစဉ် ကိုပိုင်က အရှေ့ဘက်မှလာသော လူငယ်သုံးဦးအား လက်ခုပ်တီးခေါ်လိုက်ရာ လူငယ်သုံးဦးမှာ အနီးရောက်ရှိလာပြီး ဘာလို့လက်ခုပ်တီး ခေါ်တာလဲ ဟုဆိုကာ လူငယ်သုံးဦးအနက် ဓားကိုင်ထားသော လူငယ်က သူရကိုကိုအား ခြေဖြင့်ကန်သဖြင့် သွေးထွက်ဒဏ်ရာရရှိပြီး ဇော်ဝင်းနိုင်က လူမှားနေကြောင်း ပြောနေစဉ် ဓားဖြင့်ထိုးသဖြင့် ဇော်ဝင်းနိုင်မှာ ၀ဲဘက်ရင်ဘတ်တွင် ထိုးသွင်းဒဏ်ရာတစ်ချက်၊ သီဟဇော်တွင် ဘယ်ဘက်ပခုံး ပြတ်ရှဒဏ်ရာ (မစိုးရိမ်ရ၊ ပြင်ပလူနာ) စသည့်ဒဏ်ရာများ ရရှိခဲ့ပြီး ဇော်ဝင်းနိုင်မှာ ဆေးရုံအရောက်တွင် သေဆုံးသွားခဲ့သဖြင့် ဓားဖြင့်ထိုးသူ အမည်မသိ လူငယ်များအား အရေးယူပေးပါရန် ဦးဖိုးချိုက တရားလိုပြုလုပ် တိုင်တန်းခဲ့ခြင်း ဖြစ်ကြောင်း ကနဦး စစ်ဆေးချက်အရ သိရသည်။

“လူငယ်လေးယောက်တော့ ဖမ်းထားတယ်။ မသင်္ကာဖွယ်ပေါ့လေ။ ရန်ငြိုးရန်စတော့ မရှိလောက်ပါဘူး။ လူငယ်တွေဆိုတော့ လက်ခုပ်တီးတာကို မထီမဲ့မြင့် လုပ်တယ်ဆိုပြီး ဖြစ်တဲ့သဘောတော့ရှိတယ်။ စစ်နေတုန်းမို့ အတည်ပြုပြောလို့ မရသေးပါဘူး” ဟု မိတ္ထီလာမြို့ အမှတ်(၂) နယ်မြေရဲစခန်းမှူး ရဲအုပ်ဇော်ဝင်းက သြဂုတ် ၄ ရက် မနက်ပိုင်းက ပြောကြားသည်။

အဆိုပါ အမှုအား မိတ္ထီလာမြို့ အမှတ် (၂) နယ်မြေရဲစခန်းက (ပ)အမှတ် ၂၆၉/၂၀၁၈ ရာဇသတ်ကြီးပုဒ်မ ၃၀၂/၃၂၆/၁၁၄ ဖြင့် အမှုဖွင့်အရေးယူ ဆောင်ရွက်လျက်ရှိကြောင်း သိရသည်။

 

အရက်မူးပြီး ရန်ရှာသည့်ခင်ပွန်းအား ဇနီးဖြစ်သူက ဓားဖြင့်ထိုးသတ်မှု ရွှေပြည်သာမြို့နယ်တွင် ဖြစ်ပွား

အရက်မူးပြီး ရန်ရှာသည့် ခင်ပွန်းအား ဇနီးဖြစ်သူက ဓားဖြင့်ထိုးသတ်မှု ရွှေပြည်သာ မြို့နယ်တွင် ဖြစ်ပွားခဲ့ကြောင်း ဇူလိုင် ၃၁ ရက် တွင် မြောက်ပိုင်းခရိုင် ရဲတပ်ဖွဲ့မှ သိရသည်။

ဇူလိုင် ၃၀ ရက် ညပိုင်းတွင် ရွှေပြည်သာမြို့နယ် (ဏ/၁၄) ရပ်ကွက် ပန်းခြံ (၂၁) ပေါ်ဆန်းမွှေး (၄) လမ်းရှိ နေအိမ်တွင် အမျိုးသားတစ်ဦး ဒဏ်ရာဖြင့် သေဆုံးနေကြောင်း သတင်းရသဖြင့် သက်ဆိုင်ရာ ရဲတပ်ဖွဲ့က သွားရောက် စစ်ဆေးရာ သေဆုံးသူမှာ ကို…. (၃၂ နှစ်) ဖြစ်ကြောင်း၊ ရဲတပ်ဖွဲ့က စစ်ဆေးရာ သေဆုံး သူမှာ အခင်းဖြစ်ပွားသည့်ညတွင် အရက်အလွန်အကျွံသောက်ကာ နေအိမ်သို့  ပြန်လာခဲ့ကြောင်း၊ နေအိမ်သို့ ရောက်ချိန်တွင် ကို…. မှာ ၎င်း၏ဇနီးဖြစ်သူ ဒေါ်စိမ့်စိမ့်အေး (၄၇ နှစ်) အား ထမင်းစားလိုသည်ဟု ပြောဆိုခဲ့ကြောင်း၊ ထိုသို့ပြောဆိုသည့် အချိန်တွင် ဒေါ်စိမ့်စိမ့်အေးက ကို…. ထမင်းစားရန် စီစဉ်ပေးပြီး အိပ်ရာဝင်ခဲ့ကြောင်း၊ ယင်းနောက် ခဏအကြာတွင် ကို….က  ၎င်း၏ ဇနီးဖြစ်သူ ဒေါ်စိမ့်စိမ့်အေး၏ ခြေထောက်အားဆွဲပြီး အမျိုးမျိုး ရန်ရှာပြောဆို နေခဲ့ကြောင်းနှင့် ယင်းသို့ပြောဆိုသဖြင့် ဒေါ်စိမ့်စိမ့်အေးမှာ အရိုးအသွား ၁၁ လက်မခန့်ရှိ သစ်သားရိုးတပ် ဦးချွန်စတီးဓားဖြင့် ကို…. ၏ ယာဘက်ရင်အုံအား တစ်ချက်ထိုးသတ် ခဲ့ခြင်းဖြစ်သည်။

“ကနဦး စစ်ဆေးချက်မှာ ခင်ပွန်းကို ဓားနဲ့ထိုးသတ်ခဲ့သူက လိမ်လည်ထွက်ဆိုတာပါ။ သူက နေအိမ်မှာ အိပ်နေတုန်း သူ့ခင်ပွန်းက အရက်မူးပြီး ရောက်လာတယ်။ သူ့ခင်ပွန်းက အိမ်တံခါးကို ဖွင့်တဲ့အချိန် အသံကြားတော့ အိမ်ရှေ့ထွက်ကြည့်တာ သူ့ခင်ပွန်းက ထိုးသွင်းဒဏ်ရာ တစ်ချက်ရထားပြီး သေဆုံးနေတယ်ဆိုပြီး ထွက်ဆိုတာ။ ဒါပေမဲ့ ရဲတပ်ဖွဲ့က မသင်္ကာလို့ စခန်းကိုခေါ်ပြီး အသေးစိတ် စစ်ဆေးတော့ ဓားနဲ့ထိုးသတ်တဲ့ အမျိုးသမီးက သူ့ခင်ပွန်းက သူ့ကိုရန်အမျိုးမျိုးရှာလို့ ဓားနဲ့ထိုးသတ်လိုက်တယ်။ သတ်ပြီးတော့ ဓားကို  မီးဖိုခန်းထဲပြန်ထားပြီး သွေးတွေကို ရေဆေးခဲ့တယ်ဆိုပြီး ၀န်ခံထွက်ဆိုခဲ့တာပါ” ဟု မြောက်ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက ပြောကြားသည်။ ဖြစ်စဉ်အား လှော်ကားရဲစခန်းမှ (ပ)၄၅၈/၂၀၁၈၊ ရာဇသတ်ကြီးပုဒ်မ ၃၀၂ ဖြင့် အမှုဖွင့်ထားကြောင်း သိရသည်။

အောင်မြေသာစံမြို့နယ်တွင် ဖြစ်ပွားသည့် လူသတ်မှုမှာ တိုက်ခန်းအရောင်းဝယ်ပြုမည်ဟု ဟန်ဆောင်ကာ လက်ဝတ်လက်စားများ ယူဆောင်သတ်ခဲ့ခြင်းဖြစ်ပြီး ကျူးလွန်သူ သုံးဦးလုံးကို ဖမ်းဆီးရမိ

သားအမိနှစ်ဦးအနက် သမီးဖြစ်သူ ထိုးသွင်းဒဏ်ရာဖြင့် သတ်ဖြတ်ခံခဲ့ရသည့် ခြောက်ထပ်တိုက်အား တွေ့ရစဉ် (ဓာတ်ပုံ – မင်းမင်းစိုး)

မန္တလေးမြို့ အောင်မြေသာစံမြို့နယ်၊ ၈၁ လမ်း၊၂၄လမ်းနှင့်၂၅ လမ်းကြားရှိ ခြောက်လွှာတွင် ဖြစ်ပွားခဲ့သည့် လူသတ်မှုမှာ တိုက်ခန်းအရောင်းဝယ်ပြုမည့် ဟန်ဆောင်ကာ လက်ဝတ်လက်စားများ ယူဆောင် သတ်ခဲ့ခြင်းဖြစ်ကာ ကျူးလွန်သူ သုံးဦးလုံးကို ဖမ်းဆီးရမိပြီဖြစ်ကြောင်း ခရိုင်ရဲတပ်ဖွဲ့မှူးရုံးမှ သတင်းရရှိသည်။

“ကျူးလွန်သူ သုံးဦးလုံးကို ဖမ်းဆီးရမိပါပြီ။ တိုက်ခန်းအရောင်းအ၀ယ်ကို အကြောင်းပြုပြီး  လုယက်လူသတ်မှု ကျူးလွန်ခဲ့ကြတာပါ။ သေဆုံးသူရဲ့တိုက်ခန်းကို ၀ယ်မယ့်သူဟန်ဆောင်ပြီး လက်ဝတ်လက်စားတွေယူ လူသတ်ခဲ့ကြတာပါ။ သက်သေခံဓားရော၊ ပစ္စည်းတွေရော သိမ်းဆည်းရမိပါပြီ” ဟု မန္တလေး ခရိုင်ရဲတပ်ဖွဲ့မှူး ဒုရဲမှူးကြီး မျိုးအောင်က ပြောကြားသည်။

လူသတ်မှု ကျူးလွန်ရာတွင် ပါဝင်သူ တစ်ဦးဖြစ်သူ ချစ်ကောင်း (ခ) ကောင်းခန့်ကို မဟာအောင်မြေ မြို့နယ်တွင် မူးယစ်ဆေးဝါးများနှင့်အတူ ဖမ်းမိခဲ့ပြီး လူသတ်မှုတွင် ပါဝင်ပတ်သက်သည်ဟု ယူဆရသူ အမျိုးသမီးဖြစ်သူ မသီတာဦးတို့ကို ဇူလိုင် ၂၇ ရက် နံနက်က စောပိုင်းတွင် ဖမ်းဆီးရမိခဲ့ပြီး အဓိက တရားခံဟု ယူဆရသည့် သန်းထွန်း (၅၃ နှစ်)ကို ဇူလိုင် ၂၇ ရက် ည ၁၀ နာရီခွဲခန့်က ၁၂ လမ်းနှင့် ၇၃ လမ်းထောင့်တွင် လည်းကောင်း အသီးသီး ဖမ်းဆီးရမိခဲ့သည်ဟု မန္တလေးတိုင်း ရဲတပ်ဖွဲ့၏ ထုတ်ပြန်ချက်အရ သိရသည်။

သေဆုံးသူ မအေးမိဇော် (၂၈ နှစ်) နှင့်အတူ မိခင်ဖြစ်သူ ဒေါ်ဥမ္မာကျော် (၇၃ နှစ်) တို့ အတူနေထိုင်သည့် အဆိုပါ ၈၁ လမ်း၊ ၂၄ လမ်းနှင့် ၂၅ လမ်းကြားရှိ တိုက်ခန်းခြောက်လွှာတွင် ဇူလိုင်၂၆ ရက် ညနေ ၆ နာရီခန့်က လူသတ်မှု ဖြစ်ပွားခဲ့ခြင်း ဖြစ်ကြောင်း သိရသည်။

ယင်းအခန်းတွင် နေထိုင်သည့် ကလေးငယ် ကျူရှင်မှ ပြန်လာစဉ် တိုက်ခန်းတံခါး ဖွင့်မရသဖြင့် ဘေးတိုက်ခန်းများသို့ အကူညီတောင်းခဲ့ကြောင်း၊ တံခါးအား ဖွင့်မရသဖြင့် ရပ်ကွက်လူကြီးထံသို့ အကြောင်းကြားကာ တံခါးဖျက်ဆီးပြီး ၀င်ရောက်ခဲ့ရာ သားမိနှစ်ဦးအနက် မိခင်မှာ တံခါးဝထိပ်တွင် စောင်များ၊ ခေါင်းအုံးများဖြင့် အသက်ရှူရပ်အောင် လုပ်ထားသော်လည်း အသက်ရှင်လျက် ရှိနေခဲ့ပြီး သမီးဖြစ်သူမှာမူ ထိုးသွင်းဒဏ်ရာများဖြင့် သေဆုံးနေသည်ဟု ပြည်ကြီးကျက်သရေ အရှေ့ရပ်ကွက် လူကြီးထံမှ သိရသည်။

သေဆုံးသူ အမျိုးသမီးသည် အရောင်းအ၀ယ် လုပ်ကိုင်သူဖြစ်ကြောင်း သိရပြီး ယင်းအခန်းသို့ လင်မယားနှစ်ယောက် လာလေ့ရှိကြောင်း၊ လက်ဝတ်လက်စား ၁၅ မျိုးကို ယူဆောင်သွားခဲ့ကြောင်း သိရပြီး  သေဆုံးသူ အမျိုးသမီး၏ လက်ကိုင်ဖုန်းမှ ခေါ်ဆိုထားသော ဖုန်းများမှတစ်ဆင့် ခြေရာခံ ဖမ်းဆီးရမိခဲ့ခြင်း ဖြစ်ကြောင်း ရဲတပ်ဖွဲ့မှ ထုတ်ပြန်ထားသည်။

အဆိုပါ လူသတ်မှုကို အောင်မြေသာစံ မြို့မရဲစခန်းတွင် ရာဇသတ်ကြီး ပုဒ်မ ၃၀၂ ဖြင့် ဦးမောင်မောင်အေးက တရားလိုပြုလုပ် အမှုဖွင့်ထားကြောင်း သိရသည်။

 

သရုပ်ဆောင်အောင်ရဲထွေးကို သတ်ဖြတ်မှုကြောင့် ဖမ်းဆီးခံထားရသူ သုံးဦးအား ကာယကံရှင် မိသားစုဝင်များက အမှုပိတ်သိမ်းပေးခြင်းကြောင့် ပြန်လွှတ်

သရုပ်ဆောင် အောင်ရဲထွေး အသတ်ခံရမှုမှ ဖမ်းဆီးထားသူ သုံးဦးအား ၂၀၁၈ ဇန်န၀ါရီ ၅ ရက်နေ့ ရုံးထုတ်တွင် တွေ့ရစဉ်

သရုပ်ဆောင် အောင်ရဲထွေးကို သတ်ဖြတ်မှုကြောင့် ဖမ်းဆီးခံထားရသူ သုံးဦးအား ကာယကံရှင် မိသားစုဝင်များက အမှုပိတ်သိမ်းပေးခြင်းကြောင့် ပြန်လည်လွတ်မြောက်ခဲ့ကြောင်း သိရသည်။

Facebook တွင် ဟာသဗီဒီယိုများကြောင့် နာမည်ကြီးလာသည့် သရုပ်ဆောင် အောင်ရဲထွေးမှာ ဇန်န၀ါရီ ၁ ရက် (နှစ်သစ်ကူးည) တွင် ပါတီပွဲတစ်ခု၌ လူတစ်စုက ရိုက်နှက်ခဲ့ခြင်းကြောင့် ဇန်န၀ါရီ ၂ ရက်တွင် ဆေးရုံ၌ သေဆုံးခဲ့ခြင်းဖြစ်သည်။

ထိုသို့ သေဆုံးမှုနှင့် ပတ်သက်ပြီး ကျူးလွန်သူများဖြစ်သည့် သန်းထွဋ်အောင်(ခ)သားကြီး၊ ပြည့်ဖြိုးအောင်(ခ) အောင်လေးနှင့် ကျော်ဇောဟန်(ခ)ကျော်ဇော တို့သုံးဦးအား ရဲတပ်ဖွဲ့မှ ဖမ်းဆီးထားခြင်း ဖြစ်သည်။

အမှုနှင့် ပတ်သက်ပြီး သေဆုံးခဲ့သည့် အောင်ရဲထွေး၏ မိသားစုဝင်များက ရဲစခန်းတွင် (ပ)၅/၂၀၁၇ ရာဇသတ်ကြီး ပုဒ်မ ၃၀၂၊ ၁၁၄ ဖြင့် အမှုဖွင့်ထားကြောင်း ရဲတပ်ဖွဲ့က ထုတ်ပြန်ခဲ့သည်။

ယင်းသို့အမှုဖွင့်ထားရာမှ ဇူလိုင် ၂၅ ရက်တွင် မိသားစုဝင်များက အမှုရုပ်သိမ်းပေးရန် စာတင်သဖြင့် အရှေ့ပိုင်းခရိုင် တရားရုံးမှ ရာဇ၀တ်ကျင့်ထုံး ဥပဒေပုဒ်မ-၄၉၄(က)ဖြင့် အမှုရုပ်သိမ်းကြောင်း အမိန့်ချပြီး ဖမ်းဆီးထားသူ သုံးဦးအား ပြန်လွှတ်ပေးခဲ့ခြင်းဖြစ်ကြောင်း သိရသည်။

“တရားလိုနဲ့ ကွယ်လွန်သူရဲ့ မိဘနှစ်ပါးကနေ သက်ဆိုင်ရာဥပဒေရုံးကို အမှုရုပ်သိမ်းခွင့် လျှောက်တာပါ။ ဒီလျှောက်ထားတာနဲ့ ပတ်သတ်ပြီး ခရိုင်ဥပဒေရုံးကနေပြီးတော့ ဇူလိုင် ၂၅ ရက်နေ့ရက်စွဲနဲ့ အမှုရုပ်သိမ်းပေးဖို့ဆိုပြီး လျှောက်ထားတာ။ လျှောက်ထားချက်တွေကို သုံးသပ်ပြီးမှ ဒီအမှုတွဲမှာ ပေါ်ပေါက်နေတဲ့ အခြေအနေ ရုပ်သိမ်းရတဲ့ အခြေအနေတို့ကို သုံးသပ်ပြီးတော့မှ သက်ဆိုင်ရာ တရားစွဲအဖွဲ့အစည်းရဲ့ လျှောက်ထားချက်တွေဟာ ဥပဒေနဲ့အညီ လျှောက်ထားချက်ဖြစ်တယ် ဆိုပြီးတော့ မှတ်ချက်နဲ့ တင်ပြတာတွေ့ရတယ်။ အဲ့ဒါနဲ့ ပတ်သတ်ပြီး ရာဇ၀တ်ကျင့်ထုံး ဥပဒေပုဒ်မ-၄၉၄(က)အရ စွဲဆိုတဲ့ အမှုကို ရုပ်သိမ်းခွင့်ပြုတာပါ။ လျှောက်တဲ့နေ့မှာပဲ ရုပ်သိမ်းခွင့်ပြုတာပါ။ ဥပဒေနဲ့အညီ လျှောက်ထားတာလို့ တရားရုံးက သုံးသပ်ပြီး စွဲချက်မတင်ပဲ ရုပ်သိမ်းပေးလိုက်တာပါ။ စွပ်စွဲခံရသူ သုံးဦးလုံး လွှတ်သွားပါပြီ” ဟု အရှေ့ပိုင်းခရိုင် တရားရုံးမှ တာဝန်ရှိသူတစ်ဦးက ပြောကြားသည်။

အဆိုပါအမှုမှာ အရှေ့ပိုင်းခရိုင်တရားရုံး၊ ဒုတိယခရိုင်တရားသူကြီး (၆) တရားခွင်မှ တရားရုံးအမှု အမှတ် ၃၄/၂၀၁၈ ဖြင့် လက်ခံစစ်ဆေးနေခြင်းဖြစ်ပြီး လက်ရှိအချိန်တွင် စွဲချက်မတင်ရသေးကြောင်း အရှေ့ပိုင်းခရိုင် တရားရုံးမှ တာဝန်ရှိသူတစ်ဦး၏ ပြောကြားချက်အရ သိရသည်။

ရာဇ၀တ်ကျင့်ထုံး ဥပဒေပုဒ်မ-၄၉၄(က)နှင့် ပတ်သက်၍ တရားလွှတ်တော်ရှေ့နေ ဦးဌေးက “တရားလိုဘက်က ရုပ်သိမ်းလွှာတင်လို့ တရားရုံးက လက်ခံရင် အမှုက ပိတ်သိမ်းလို့ရပါတယ်။ ရဲတပ်ဖွဲ့တို့  ဥပဒေရုံးတို့က ထောက်ခံချက်တွေနဲ့ တရားရုံးကို တင်ရတယ်။ လာဘ်ပေးလာဘ်ယူတွေတော့ ရှိကြတယ်။    အမှုမှာ ပီပြင်တဲ့ဟာကို ပိတ်သိမ်းတယ် ဆိုတာတော့ မရှိပါဘူး။ အကြောင်းကြောင်းကြောင့် သက်သေတွေကလည်း အမှန်တိုင်း မထွက်နိုင်ဘူး။ သက်သေလည်း မမှန်ကန်ဘူး။ အဲ့ဒီအကြောင်းပြချက်တွေနဲ့ ရုပ်သိမ်းလွှာတင်ရတယ်။ တရားရုံးတွေကပေးတဲ့ အစဉ်အလာတွေလည်း ရှိတယ်။ အမှုကြီးတွေကျတော့ ရုပ်သိမ်းလွှာတင်လည်း အမြဲတမ်းပေးတာမဟုတ်ဘူး။ အကြောင်းပြချက်တွေက ခိုင်လုံရတယ်။ လုပ်ထုံးလုပ်နည်းနဲ့ တင်ရတယ်။ အထူးသဖြင့် လာဘ်ပေး လာဘ်ယူတွေက များတယ်။  ပိုက်ဆံပေးလို့ ရုပ်သိမ်းတယ် ဆိုတာကတော့ ဥပဒေအရ ပြောပိုင်ခွင့် မရှိဘူး။ အကြောင်းပြချက် ခိုင်လုံပြီး ပြဋ္ဌာန်းချက်နဲ့အညီ ဆိုရင်တော့ ရုပ်သိမ်းပေးတာရှိတယ်” ဟု ပြောကြားသည်။

ထိုသို့ ဖမ်းဆီးထားသူ သုံးဦးအား ပြန်လွှတ်ပေးသည့် ဖြစ်စဉ်နှင့် ပတ်သက်၍ သေဆုံးသူ သရုပ်ဆောင် အောင်ရဲထွေး၏ မိသားစုဝင်တစ်ဦးက “သိတဲ့သူမရှိဘူး။ အပြင်ထွက်သွားတယ်” ဟု ပြန်လည် ဖြေကြားသည်။

အမှုနှင့် ဖမ်းဆီးခံထားရသူများ၏ ထွက်ဆိုချက်များအရ ၎င်းတို့သုံးဦးသည် The One Entertainment  ၀င်းအတွင်း ပြုလုပ်သော ပါတီပွဲသို့ ရောက်ရှိစဉ် VVIP စင်ပေါ်၌ ကခုန်နေသည့် အမျိုးသားတစ်ဦးမှာ ၎င်းတို့နှင့် ယခင်က ခိုက်ရန်ဖြစ်ဖူးသူတစ်ဦး ဖြစ်ကြောင်း သိရပြီး ဒေါသဖြင့် စင်ပေါ်သို့တက်၍ ၀ိုင်းဝန်းထိုးကြိတ် ကန်ကျောက်စဉ် အဆိုပါ အမျိုးသားမှာ လဲကျသွားခဲ့ခြင်း ဖြစ်သည်ဟု ရဲတပ်ဖွဲ့က ထုတ်ပြန်ခဲ့သည်။

လှိုင်မြို့နယ်၌ ဖြစ်ပွားခဲ့သော သုံးလောင်းပြိုင် လူသတ်မှုနှင့် ပတ်သက်၍ အမျိုးသားတစ်ဦးနှင့် အမျိုးသမီး တစ်ဦးကို နောက်တိုးတရားခံအဖြစ် သတ်မှတ်ပေးရန် တရားရုံးသို့လျှောက်ထား

လှိုင်မြို့နယ် လှိုင်သီရိအိမ်ရာတွင် ၂၀၁၇ နိုဝင်ဘာ ၁၁ ရက်က ဖြစ်ပွားခဲ့သော သုံးလောင်းပြိုင်လူသတ်မှုမှ အခင်းဖြစ်ပွားသည့် နေအိမ်ဝန်းကျင်ကို တွေ့ရစဉ် ( ဓာတ်ပုံ – သီဟအောင်)

လှိုင်မြို့နယ်တွင် ဖြစ်ပွားခဲ့သော သုံးလောင်းပြိုင် လူသတ်မှုနှင့် ပတ်သက်၍ အမျိုးသားတစ်ဦးနှင့် အမျိုးသမီး တစ်ဦးကို နောက်တိုးတရားခံအဖြစ် သတ်မှတ်ပေးရန် အနောက်ပိုင်းခရိုင် တရားရုံးသို့ ဇူလိုင် ၂၄ ရက်တွင် သေဆုံးခဲ့သူများ၏ မိသားစုဝင်က လျှောက်ထားကြောင်း သိရသည်။

အမှုနှင့်ပတ်သက်၍ လက်ရှိတွင် တရားခံအဖြစ် တရားစွဲဆိုခံထားရသူ သုံးဦးရှိပြီး နောက်တိုးတရားခံအဖြစ် သတ်မှတ်ပေးရန် လျှောက်ထားခံရသူ နှစ်ဦးမှာ သေဆုံးသူ ဒေါ်ကေသီလှိုင်၏ ကျောင်းတက်နေသည့် သမီးကြီးကို သွားရောက်ခေါ်ဆောင်ခဲ့သည့် အမျိုးသမီးနှင့် အမျိုးသားတို့ဖြစ်ကြောင်း သိရသည်။

“လျှောက်ထားရတဲ့ အကြောင်းကတော့ အမှုတွဲပါ ပေါ်ပေါက်ချက် အတိုင်းပဲ။ ဒီလူနှစ်ယောက်ကိုပါ ထပ်ပြီးထည့်ပေးဖို့ လျှောက်တာပေါ့။ အမှုတွဲမှာ ဘာပေါ်ပေါက်လဲဆိုတော့ ဇွဲလင်းထက်က တရားသူကြီးရှေ့မှာ ဖြောင့်ချက်ပေးထားတာ ရှိတယ်လေ။ အဲဒီဖြောင့်ချက်ထဲမှာ ဘာပါလဲဆိုတော့ လူသတ်ပြီးတော့ မကေသီလှိုင်ရဲ့ဖုန်းကို ယူပြီးတော့ အိအိမွန်နဲ့ ဆိုင်ကကောင်လေး တစ်ယောက်ကို လွှတ်ပြီးတော့ ဒီကျန်ခဲ့တဲ့ ကျောင်းတက်နေတဲ့ သမီးကြီးကို သွားခေါ်ခိုင်းတယ်တဲ့။ သူက ဖြောင့်ချက်ပေးတယ်။ အဲဒီအချက်အပေါ်မှာ မူတည်ပြီးတော့ ဒီဟာက သူနောက်ထပ် လူတစ်ယောက်ကို ထပ်ပြီးတော့ ခေါ်ခိုင်းတယ်။ ရည်ရွယ်ချက်ကတော့ ဒီသမီးကြီးကိုပါ ထပ်ပြီးတော့ လူသတ်ရန်အကြံနဲ့ လူခိုးမှုပေါ့။ အဲဒီအကြောင်းနဲ့ လျှောက်တာပါ” ဟု သေဆုံးသူများ၏ မိသားစုဝင် ကိုလှမျိုးထွန်းက ဆိုသည်။

အမှုနှင့်စပ်လျဉ်း၍ မှုခင်းဖြစ်ပြီး ရှစ်လအကြာတွင် နောက်ဆုံး တရားလိုပြသက်သေအဖြစ် အမှုစစ် ရဲအရာရှိဖြစ်သူ လှိုင်မြို့မရဲစခန်းမှ ဒုရဲမှူးသိန်းဆွေမြင့်ကို ပြီးခဲ့သည့် ဇူလိုင် ၁၀ ရက်က အနောက်ပိုင်းခရိုင် တရားရုံး ရုံးခန်းအမှတ်(၅) တွဲဖက်ခရိုင်တရားသူကြီး(၄) ဦးညီညီအေး၏ တရားခွင်တွင် စစ်ဆေးခဲ့ကြောင်း သိရသည်။

“သွားခေါ်တဲ့သူ နှစ်ယောက်ကတော့ ငြင်းတယ်။ သူတို့မသိပါဘူးပေါ့လေ။ ကိုယ့်မိန်းမက ခိုင်းလို့ပါ ဆိုပြီးတော့ ပြောတယ်။ ပြောတော့ အရေးမယူဘူး။ ရဲကလည်း လွှတ်ပေးလိုက်တယ်။ အမှန်တကယ်ဆိုရင် ဘာမှမလုပ်ဘူး ဆိုရင်တောင်မှ ဒီကလေးပျောက်တဲ့ အမှုကို ဒီလူသတ်မှုထဲမှာ ထည့်ထားရမယ်လေ။ အခုဟာက လုံးဝကို မထည့်ဘဲနဲ့ အမေနဲ့ ညီမကို သတ်ပြီးတော့ ကျန်ခဲ့တဲ့သမီးကြီးကိုပါ ဒါဖမ်းထားတာပဲလေ။ ဒါပြန်ပေးဆွဲတဲ့ သဘောပဲလေ။ ဒါကို ရဲတပ်ဖွဲ့က ထည့်မပြောဘဲ ဖုံးကွယ်ထားတယ် (Yangon Police တွင် သတင်းထုတ်ပြန်စဉ်က)။ ပြီးတော့ ဒီကလေးကို ခေါ်သွားပြီးတော့ လူကြီးတွေကို အကြောင်းလည်း မကြားဘူး။ ကိုယ်လည်း သေသွားတာမှ မဟုတ်တာလေ။ ကိုယ်လည်းထောင်ထဲမှာ ရှိနေတာ လာတွေ့လို့ရတာပဲ။ ဘယ်ထောင်လဲဆိုတာ သူတို့သိနေတာပဲ။ ပြီးတော့ ဘေးအခန်းမှာ အဘိုးတွေ၊ အဘွားတွေရှိတယ်။ မြောက်ဒဂုံမှာလည်း အဘွားရှိတယ်။ အဲဒါတွေကို လုံးဝအကြောင်းမကြားဘဲနဲ့ ဒီကလေးကို ခေါ်ထားတယ်ဆိုတာ သူတို့ရဲ့ ရည်ရွယ်ချက်က ဘာလဲဆိုတာ မသိဘူး။ အမှုဖြစ်မှ ရဲတပ်ဖွဲ့က လိုက်ရှာမှ တွေ့ရတာ။ ဒီကလေးကို ပြန်တွေ့တယ်ဆိုတဲ့ အကြောင်းလည်း ရဲတပ်ဖွဲ့က ထင်ထင်ရှားရှား မရေးထားဘူး။ ကောမန့်ထဲမှာပဲ ပြန်ရေးထားတာ။ သားအမိနှစ်ယောက်ရယ်၊ အိမ်မှာလာနေတဲ့ ကောင်မလေးရယ်ကို သတ်ပြီးတော့ ကျန်တဲ့သမီးကိုပါ ထပ်ပြီးတော့ ခေါ်သွားတယ်ဆိုတဲ့ အကြောင်းကိုပါ လူတွေကို ထုတ်မပြောဘူး။ အမှန်က လူသတ်ပြီးတော့မှ ထပ်ပြီးတော့ ပေါ်လာတဲ့အကြံ။ ဖြစ်နိုင်တာက ထပ်သတ်ဖို့လည်း ဖြစ်နိုင်တယ်။ တစ်ယောက်မှ မကျန်အောင် ထပ်သတ်ဖို့လည်း ဖြစ်နိုင်တယ်။ နောက်တစ်ခုက အိမ်ပြန်လာလို့ အလောင်းတွေတွေ့ရင် သူတို့ခြေရာလက်ရာ ဖျောက်လို့မရခင်မှာ ရဲတွေသိသွားမှာ စိုးလို့လည်း ဖြစ်နိုင်တယ်” ဟု ကိုလှမျိုးထွန်းက ပြောကြားသည်။

ထို့ပြင် မိဘများအနေဖြင့် မိမိ၏သားသမီးကို မည်မျှရင်းနှီးသူကဖြစ်စေ လာရောက် ခေါ်ဆောင်ပါက လိုက်မသွားရန် မှာထားသင့်ကြောင်း၊ အုပ်ထိန်းသူများကို အကြောင်းကြားပြီးမှ ခေါ်သွားရန်လိုကြောင်း၊ မြန်မာပြည်တွင် ကလေးပျောက်ဖို့ ဆိုသည်မှာ လွယ်ကူသကဲ့သို့ ဖြစ်နေကြောင်း ကိုလှမျိုးထွန်းက ဆက်လက် ပြောကြားသည်။

အဆိုပါ မှုခင်းဖြစ်စဉ်မှာ ၂၀၁၇ ခုနှစ် နိုဝင်ဘာ ၁၅ ရက် ညပိုင်းတွင် လှိုင်မြို့နယ်ရှိ တိုက်ခန်းတစ်ခန်း၏ အပြင်ဘက်မှ အခန်းတံခါးများမှာ သော့ပိတ်ထားပြီး လှေကားထိပ်တွင် အပုပ်နံ့များ ထွက်နေကာ အ၀ါရောင် အရည်များ ကျဆင်းနေကြောင်း အဆိုပါတိုက်တွင် နေထိုင်သူများက သက်ဆိုင်ရာသို့ ဆက်သွယ်ခဲ့ရာမှတစ်ဆင့် ပေါ်ပေါက်ခဲ့သည့်အမှု ဖြစ်ကြောင်း သိရသည်။

အဆိုပါအမှုမှ မအေးမာဦး (၂၅ နှစ်)၊ မကေသီလှိုင် (၄၀ နှစ်) နှင့် ၎င်းသမီးဖြစ်သူ မသာယာထွန်း (၉ နှစ်) တို့သုံးဦးကို လစာတိုးတောင်းရာမှတစ်ဆင့် စကားများကာ သတ်ခဲ့သည်ဟု ဇွဲလင်းထက်က ၀န်ခံထားပြီး ၎င်း၏ မိန်းမဖြစ်သူ ခင်ခင်ဖြိုး (၂၁ နှစ်) မှာ လူသတ်မှုမှ ရရှိခဲ့သည့် သက်သေခံပစ္စည်းများ ဖျောက်ဖျက်ရာတွင် အတူတူပါဝင်မှု၊ လက်ဝတ်လက်စား ပစ္စည်းများ ရောင်းချရာတွင် ဇွဲလင်းထက်၏မိခင် ဒေါ်ရီတင်(၅၃ နှစ်) က ပါဝင်ခဲ့မှုတို့ဖြင့် ၎င်းတို့သုံးဦးအား ရဲတပ်ဖွဲ့က ဖမ်းဆီးခဲ့သည်။ ဇွဲလင်းထက်၊  ခင်ခင်ဖြိုး၊ ဒေါ်ရီတင်တို့ကို ရာဇသတ်ကြီး ဥပဒေပုဒ်မ ၃၀၂/၃၉၄/၂၀၁/၄၁၄ တို့ဖြင့် အနောက်ပိုင်းခရိုင် တရားရုံးတွင် တရားစွဲဆိုထားကြောင်း သိရသည်။

မအူပင်မြို့နယ် ပေကုန်းကျေးရွာတွင် ဖြစ်ပွားခဲ့သည့် အသက် ၈၀ ကျော် အဘိုးအိုနှင့်အဘွားအို အသတ်ခံရသည့်အမှုတွင် ကျူးလွန်သူဟု ယူဆရသူအား ဖမ်းဆီးရမိ

မအူပင်မြို့နယ် ပေကုန်းကျေးရွာတွင် ဇူလိုင် ၁၅ ရက်က ဖြစ်ပွားခဲ့သည့် အသက် (၈၀) ကျော် အဘိုးအိုတစ်ဦးနှင့် အဘွားအိုတစ်ဦး လည်ပင်းပြတ်ရှဒဏ်ရာဖြင့် အသတ်ခံရသည့်အမှုတွင် ကျူးလွန်သူဟု ယူဆရသူအား ဇူလိုင် ၁၇ ရက်တွင် ဖမ်းဆီးရမိခဲ့ကြောင်း သတင်းရရှိသည်။

ဖြစ်စဉ်မှာ ဇူလိုင် ၁၅ ရက်တွင် ပေကုန်းကျေးရွာနေ ဦးတင်လှိုင် အသက် (၈၀) နှစ်နှင့် ၎င်း၏ ဇနီးဒေါ်ရီ အသက် (၈၁) နှစ်တို့မှာ ယင်းတို့၏ နေအိမ်မှာပင် လည်ပင်းပြတ်ရှ ဒဏ်ရာများနှင့် သေဆုံးနေသည် တွေ့ရှိရသောကြောင့် ကျေးရွာအုပ်ချုပ်ရေးမှူးမှတစ်ဆင့် ကျွဲဒုံးနယ်မြေရဲစခန်းသို့ အကြောင်းကြားခဲ့ကြောင်း၊ ကျွဲဒုံးနယ်မြေရဲစခန်းမှ အခင်းဖြစ်နေရာသို့ လာရောက်စစ်ဆေးခဲ့ပြီး အနီးဝန်းကျင် သက်သေများမှတစ်ဆင့် စုံစမ်းစစ်ဆေးရာတွင် ဦးတင်လှိုင်နှင့် ဒေါ်ရီတို့ သေဆုံးနေသည်ကို စတင်တွေ့ရှိခဲ့သည့် ဦးဝဏ္ဏစိုးအား အခင်းဖြစ်စဉ်နှင့် ပတ်သက်၍ မသင်္ကာသဖြင့် စုံစမ်းစစ်ဆေးရာ၌ ဦးဝဏ္ဏစိုးဝတ်ဆင်ထားသည့် အင်္ကျီတွင် သွေးစက်အချို့နှင့် ဘယ်ဘက်ဒူးခေါင်းတွင် ဒဏ်ရာမရှိဘဲ သွေးအနည်းငယ်ပေနေသည်ကို တွေ့ရှိခြင်း၊ ဦးဝဏ္ဏစိုး၏ နေအိမ်တွင် တွေ့ရှိရသည့်ပုဆိုးတွင် သွေးစက်များ တွေ့ရှိရခြင်း၊ နေအိမ်ရှိ ဓားတစ်လက်တွင် သွေးစက်များ တွေ့ရှိရခြင်းကြောင့် ဦးဝဏ္ဏစိုးအား ချုပ်ရက်ရမန်ယူ၍ ဖမ်းဆီးစစ်ဆေးရာတွင် ဦးဝဏ္ဏစိုးက ဦးတင်လှိုင်နှင့် ဒေါ်ရီတို့အား သတ်ခဲ့သည်ကို ၀န်ခံခဲ့ကြောင်း၊ သတ်ခဲ့ရသည့် အကြောင်းရင်းမှာ ဦးဝဏ္ဏစိုးအား ဦးတင်လှိုင်နှင့် ဒေါ်ရီတို့က လွန်ခဲ့သည့် တစ်နှစ်ခန့်မှ စတင်ကာ အငှားပေးလုပ်ကိုင်စေခဲ့သည့် ကွမ်းခြံအား ပြန်လည်တောင်းခံသောကြောင့် ဦးတင်လှိုင်နှင့် ဒေါ်ရီတို့နေအိမ်မှာပင် ဒေါ်ရီနှင့် အငြင်းပွားခဲ့ပြီး ဒေါ်ရီအား အသင့်ပါလာသော ဓားဖြင့် ခုတ်သတ်ခဲ့ကြောင်း၊ ဒေါ်ရီနှင့် အငြင်းပွားနေချိန်တွင် ဦးတင်လှိုင်မှာ အိပ်ရာမှ နိုးလာသောကြောင့် ဦးတင်လှိုင်ကိုပါ ထပ်မံသတ်ဖြတ်ခဲ့သည်ဟု ၀န်ခံခဲ့ကြောင်း သိရသည်။

“စတင်ပြီးတော့ အသတ်ခံရကြောင်းကို သတင်းပေးတဲ့ ဦးဝဏ္ဏစိုးက အသတ်ခံရသူနဲ့ဆို တူတော်တယ်။ ကျွန်တော်တို့ ဦးဝဏ္ဏစိုးကို မသင်္ကာလို့ စစ်ဆေးကြည့်တော့ သူ့အ၀တ်အစားတွေမှာ သွေးတွေစွန်းနေတာ။ အရင်က သေဆုံးသူတွေနဲ့ အငြင်းပွားမှုတွေ ရှိတာကိုသိရလို့ စစ်ဆေးတော့ ဦးဝဏ္ဏစိုးက သူ့ကိုပေးလုပ်ထားတဲ့ ကွမ်းခြံကိုပြန်တောင်းတာကြောင့် သတ်မိတာပါလို့ ၀န်ခံခဲ့တယ်” ဟု ဧရာဝတီတိုင်းဒေသကြီးရဲတပ်ဖွဲ့မှူးရုံးမှ ဒုရဲမှူးကြီး ဦးခင်မောင်လတ်က ပြောကြားသည်။

အဆိုပါဖြစ်စဉ်နှင့်ပတ်သက်၍ မအူပင်မြို့နယ် ကျွဲဒုံးနယ်မြေရဲစခန်းမှ (ပ) ၃၅/ ၂၀၁၈ ရာဇသတ်ကြီးပုဒ်မ ၃၀၂ ဖြင့် အမှုဖွင့် အရေးယူ ဆောင်ရွက်ထားပြီး ကျူးလွန်သူဟု စွပ်စွဲခံရသူ ဦးဝဏ္ဏစိုး အသက် (၄၁)နှစ် ဘ ဦးတင်ရွှေအား ဖမ်းဆီးထိန်းသိမ်း စစ်ဆေး ဆောင်ရွက်လျက်ရှိကြောင်း သိရသည်။

သက်ငယ်မုဒိမ်း တရားခံပြေး ရပ်ကွက်အုပ်ချုပ်ရေးမှူးကို ဖော်ထုတ်ခဲ့သည်ဟုဆိုသူ၏ ညီအား ရာအိမ်မှူး အပါအ၀င် ခြောက်ဦးက လူမြင်ကွင်းတွင် မင်းမဲ့စရိုက်ဆန်ဆန် ဓားဖြင့်ဝိုင်းခုတ်သတ်မှု တောင်ဒဂုံမြို့နယ်၌ ဖြစ်ပွား

သေဆုံးသူ သက်ဝေထူးအား ဓားဖြင့် ၀ိုင်းခုတ်ခဲ့သည့် နေရာအား တွေ့ရစဉ် (ပုံကြီး)နှင့် သေဆုံးသူ သက်ဝေထူး (ပုံသေး) (ဓာတ်ပုံ – အောင်မျိုးသန့်)

သက်ငယ်မုဒိမ်း တရားခံပြေးရပ်ကွက် အုပ်ချုပ်ရေးမှူး၏ အကြောင်းကို ဖော်ထုတ်ခဲ့သူ၏ညီအား ရာအိမ်မှူး အပါအ၀င် ခြောက်ဦးက လူမြင်ကွင်း၌ မင်းမဲ့စရိုက်ဆန်ဆန် ဓားဖြင့်ဝိုင်းခုတ်မှု ဒဂုံတောင်မြို့နယ်တွင် ဖြစ်ပွားခဲ့ကြောင်း သိရသည်။

ဇူလိုင် ၁၃ ရက် ည ၉ နာရီကျော်ခန့်တွင် ဒဂုံတောင်မြို့နယ် ၁၄၀ ရပ်ကွက် ရတနာ မေတ္တာလမ်းနေ သက်ဝေထူး (၃၆ နှစ်) အား အဆိုပါ ရပ်ကွက်အတွင်းရှိ ရာအိမ်မှူးနှင့် ၎င်း၏ဆွေမျိုးများက ဓားဖြင့်ဝိုင်းခုတ်သတ်ခဲ့ခြင်း ဖြစ်ကြောင်း မျက်မြင်တွေ့ရှိသူများနှင့် မိသားစုဝင်များက ပြောကြားသည်။

“ကျွန်တော် စသိတာက ကျွန်တော့်ဆီကို ဖုန်းလာတယ်။ မင်းညီပြဿနာ တက်နေပြီ။ လာရှင်းပေးပါဦး။ မင်းညီအန္တရာယ်များတယ်။ ဟိုဘက်က ဓားတွေနဲ့။ ကျွန်တော်လိုက်သွားတော့ သူတို့လမ်းနား ရောက်ခါနီးမှာ ရုတ်ရုတ်အသံတွေ ကြားရတယ်။ ဘာလဲဆိုတော့ လုပ်မယ့်လုပ်၊ သေအောင်သာ သတ်လိုက်တော့၊ အပြတ်ရှင်း။ ပြီးရင် အဲဒီကောင်အစ်ကို ဇော်ဇော်အောင်ကိုပါ သွားသတ်မယ်။ နိုင်ငံရေးယောင်ယောင် ဘာယောင်ယောင်နဲ့ သူ့အစ်ကိုကိုပါ သွားသတ်မယ်ဆိုပြီး ပြောနေတဲ့ အသံတွေ ကျွန်တော်ကြားရတယ်။ ပြီးတော့ အဲဒီကောင်ကိုသတ်။ ကရင်အမှုကို ဖော်ထုတ်ခဲ့တာ သူ့အစ်ကိုဆိုပြီး ပြောတယ်။ ကရင်ဆိုတာ ကျွန်တော်တို့ ရပ်ကွက်က အုပ်ချုပ်ရေးမှူး အဟောင်းပါ။ မုဒိမ်းမှုနဲ့ ထွက်ပြေးနေတာ။ … သတ်တဲ့ထဲမှာ ရာအိမ်မှူး နိုင်ဝင်းဆိုတဲ့သူပါတယ်။ ကျန်တာက သူ့အမျိုးတွေပါ။ ခြောက်ယောက်မှာ ငါးယောက်ကို ရဲက ဖမ်းမိထားတယ်။ တစ်ယောက်က အခင်းဖြစ်ပွားပြီး မနက်ကတောင် နာရေးအိမ်ရှေ့မှာ ဖြတ်သွား ဖြတ်လာတွေ ရှိနေတယ်” ဟု သေဆုံးသူ သက်ဝေထူး၏အစ်ကို ကိုဇော်ဇော်အောင်က ပြောကြားသည်။

အဆိုပါ ရပ်ကွက်၏ အုပ်ချုပ်ရေးမှူးဟောင်း ကရင်(ခ) ရန်နိုင်စိုး (ခ) FRC ဆိုသူမှာ သက်ငယ်မုဒိမ်းမှုဖြင့် ရဲတပ်ဖွဲ့က အလိုရှိကြောင်း ထုတ်ပြန်ကြေညာထားခြင်း ခံထားရသူဖြစ်ပြီး လက်ရှိအချိန်အထိ ဖမ်းဆီးရမိခြင်း မရှိသေးပေ။

ယင်းအမှုကို ဖော်ထုတ်ခဲ့သူအား သတ်ရန် ကြံစည်ခဲ့ခြင်းဖြစ်ပြီး လတ်တလောတွင် ညီဖြစ်သူအား ဓားဖြင့် ၀ိုင်းခုတ်ခဲ့ခြင်းဖြစ်ကြောင်း၊ ညီဖြစ်သူကို ဓားဖြင့် ၀ိုင်းခုတ်ခဲ့သူများအနက် တစ်ဦးမှာ ဖမ်းဆီးခံရခြင်း မရှိသေးကြောင်း ကိုဇော်ဇော်အောင်က ဆက်လက်ပြောကြားသည်။

ကျန်ရှိနေသူတစ်ဦးမှာ ရပ်ကွက်အတွင်း သွားလာလျက်ရှိခြင်းကြောင့် မြို့နယ်ရဲစခန်းမှ စခန်းမှူးနှင့် မြို့နယ်မှူးတို့အား ဖုန်းဆက် အကြောင်းကြားသော်လည်း ပထမအကြိမ်တွင်သာ ဖုန်းကိုင်ပြီး နောက်ပိုင်း၌ ဖုန်းကိုင်ခြင်း မရှိတော့ကြောင်း ၎င်း၏ ပြောကြားချက်အရ သိရသည်။

ယောက်ျားဖြစ်သူ ဓားဖြင့်အခုတ်ခံရသည့် အချိန်တွင် မလုပ်ရန် တောင်းပန်ခဲ့ကြောင်း၊ ဖြစ်စဉ်ဖြစ်ပွားချိန်တွင် အရက်သေစာ သောက်စားထားကြောင်း သက်ဝေထူး၏ဇနီး ဒေါ်သန္တာဝင်းက ပြောကြားသည်။

“ကျွန်မယောက်ျားကမူးပြီး ရာအိမ်မှူး ဦးနိုင်ဝင်းကို မိုက်လား၊ မိုက်ရင်ထွက်ခဲ့ဆိုပြီး စိန်ခေါ်တယ်။ သူက မူးရင်ပေါက်ကရတွေ ပြောတတ်တယ်။ သူ့အကျင့်ကိုလည်း တစ်ရပ်ကွက်လုံး သိတယ်။ ဖြစ်တဲ့အချိန်မှာက ဦးနိုင်ဝင်းတို့က သူ့အိမ်မှာ သူ့အမျိုးတွေနဲ့ အရက်သောက်နေကြတာ။ ကျွန်မယောက်ျားက အဲဒီလိုပြောပြီး အိမ်ကိုပြန်လာတယ်။ ပြန်လာတော့ သူ့နောက်ကနေ ဦးနိုင်ဝင်းနဲ့ သူ့ဆွေမျိုးတွေက ဓားတွေကိုင်ပြီး ပြေးလိုက်လာတယ်။ အဲဒီတော့ ကျွန်မက ရာအိမ်မှူးဆိုတဲ့ ဦးနိုင်ဝင်းကို တောင်းပန်တယ်။ မလုပ်ပါနဲ့ ကျွန်မကန်တော့ဆိုလည်း ကန်တော့ပါ့မယ် တောင်းပန်နေရင်းကြားက ကျွန်မယောက်ျားကို  အောင်ထက်ပိုင်ဆိုတဲ့ ကောင်လေးက ခဲနဲ့လှမ်းပေါက်တယ်။ အဲဒီလိုပေါက်တော့ ကျွန်မက ယောက်ျားကို အထဲကို ဆွဲခေါ်တယ်။ ကျွန်မယောက်ျားကလည်း မူးနေတော့ ဆွဲလို့မရဘူး။ အပြင်ကို ပြန်ထွက်တယ်။ ပြန်ထွက်တော့ သူတို့က ဓားနဲ့ဝိုင်းခုတ်လို့ ကျွန်မယောက်ျားက ဒဏ်ရာတွေနဲ့ အိမ်ရှေ့မှာ မှောက်လျက်လေး သေသွားခဲ့တယ်” ဟု သေဆုံးသူ သက်ဝေထူး (၃၆ နှစ်) ၏ဇနီး ဒေါ်သန္တာဝင်းက ဆိုသည်။

မှုခင်းဖြစ်ပွားခဲ့သည့် နေရာမှာ လမ်းကြိုလမ်းကြားဖြစ်ပြီး လမ်းအတွင်းပိုင်းဖြစ်ကာ လူသွားလူလာလည်း နည်းပါးကြောင်း သိရသည်။

သက်ဝေထူး(၃၆ နှစ်) အား ဓားဖြင့် ၀ိုင်းခုတ်သည့်အချိန်တွင် ဘေးပတ်ဝန်းကျင်၌ အမျိုးသမီး အများစုသာ ရှိနေပြီး ၀ိုင်းဝန်းအော်ဟစ် တားမြစ်ခဲ့သော်လည်း ၎င်းတို့အဖွဲ့မှာ “အခြောက်ကြီးက တော်တော် အာကျယ်နေတယ်။ အခြောက်ကြီးဆိုတာ (သေဆုံးသူရဲ့ အစ်ကို) ကို ပြောတယ်။ သူဘယ်လောက် အာဏာရှိလဲဆိုတာ ကြည့်မယ်။ သူ့ညီကို သတ်ပြီးပြီ။ သူ့အစ်ကိုကိုပါ ထပ်သတ်ရမယ်။ လုပ်ကြဆိုပြီး” အော်ဟစ်သွားခဲ့ကြောင်း ဖြစ်စဉ်အား မျက်မြင်တွေ့ရှိသူများ၏ ပြောကြားချက်အရ သိရသည်။

ဓားဖြင့် ၀ိုင်းခုတ်ခံရသဖြင့် သက်ဝေထူးမှာ ဦးခေါင်း၊ ခါးယာဘက်ခြမ်း၊ ယာပေါင်ရင်း၊ နောက်ကျောဝဲဘက်၊ ယာတင်ပါးအပေါ်တို့တွင် ဒဏ်ရာများရရှိကာ သေဆုံးခဲ့သည်။

ဖြစ်စဉ်နှင့် ပတ်သက်၍ ရဲမှတ်တမ်းတွင် သေဆုံးသူ သက်ဝေထူးမှာ အရက်မူးပြီး ရမ်းကားနေသည်ကို ရာအိမ်မှူးဖြစ်သူ ဦးနိုင်ဝင်းက ထိန်းသိမ်းတားဆီးစဉ် ဦးနိုင်ဝင်းအား သက်ဝေထူးက ပေါက်တူးဖြင့် လိုက်ခုတ်ခဲ့ကြောင်း၊ ထိုသို့ ခုတ်သဖြင့် ဦးနိုင်ဝင်းနှင့် မိသားစုက တုတ်၊ ဓားတို့ဖြင့် ပြန်လည်ခုခံရာမှ  သေဆုံးခဲ့ခြင်း ဖြစ်သည်ဟု ရဲတပ်ဖွဲ့၏ မှုခင်းမှတ်တမ်းများတွင် ဖော်ပြထားသည်ကို တွေ့ရသည်။

ဓားဖြင့် ၀ိုင်းခုတ်သတ်ခဲ့သူ ခြောက်ဦးအနက် ငါးဦးအား ရဲတပ်ဖွဲ့က အခင်းဖြစ်ပွားပြီး ညပိုင်း၌ ဖမ်းဆီးခဲ့ကြောင်း သိရသည်။

အမှုနှင့် ပတ်သက်ပြီး ဒဂုံတောင်ရဲစခန်းသို့ သွားရောက်မေးမြန်းခဲ့ရာ အမှုဖွင့်ထားသည့် ပုဒ်မနှင့် ဖမ်းဆီးထားသူ ငါးဦးရှိကြောင်းကိုသာ ပြန်လည်ဖြေကြားခဲ့ပြီး အခြားအချက်များကို မေးမြန်းမည် ဆိုပါက စခန်းမှူး မရှိသေးကြောင်း ပြန်လည်ဖြေကြားခဲ့သည်။

ဖမ်းဆီးထားသူများမှာ နိုင်ဝင်း (၄၃ နှစ်)၊ အောင်စိုး (၄၀ နှစ်)၊ သန်းနိုင်ဦး( ၁၉ နှစ်)၊ နေလင်း (၁၆ နှစ်)၊ ချစ်လှ (၆၀ နှစ်) တို့ဖြစ်ပြီး အောင်သက်ပိုင်ဆိုသူ လွတ်မြောက်နေခြင်း ဖြစ်သည်။

သန်းနိုင်ဦး (၁၉ နှစ်) နှင့် နေလင်း (၁၆ နှစ်) တို့မှာ နိုင်ဝင်း (၄၃ နှစ်) ၏ သားများဖြစ်ပြီး ချစ်လှ (၆၀ နှစ်) မှာ နိုင်ဝင်းနှင့် ယောက်ဖတော်စပ်ကြောင်း၊ အောင်စိုး (၄၀ နှစ်) မှာ ဦးချစ်လှ၏သားဖြစ်ပြီး လွတ်မြောက်နေသူ အောင်သက်ပိုင်မှာ မြေးဖြစ်ကြောင်း သေဆုံးသူ၏ အစ်ကိုဖြစ်သူ ကိုဇော်ဇော်အောင်၏ ပြောကြားချက်အရ သိရသည်။

သေဆုံးသူ သက်ဝေထူးအား ဓားဖြင့် ၀ိုင်းခုတ်သတ်ရာတွင် ပါဝင်သည့် နိုင်ဝင်းဆိုသူမှာ အဆိုပါ ရပ်ကွက်အတွင်းတွင် ရာအိမ်မှူးအဖြစ် တာဝန်ထမ်းဆောင် နေသည်မှာ တစ်နှစ်ခွဲကျော်ခန့် ရှိပြီဖြစ်ကြောင်း၊ ယင်းရပ်ကွက်တွင် နေထိုင်သူများနှင့် ရပ်ကွက်အုပ်ချုပ်ရေးအဖွဲ့မှ တာဝန်ရှိသူတစ်ဦး၏ ပြောကြားချက်များအရ သိရသည်။

အဆိုပါ ဖြစ်စဉ်အား ဒဂုံတောင်မြို့မ ရဲစခန်းက (ပ)၁၃၁၈/၂၀၁၈၊ ရာဇသတ်ကြီး ပုဒ်မ ၃၀၂/၁၁၄ ဖြင့် အမှုဖွင့်ထားကြောင်း သိရသည်။

 

သာကေတမြို့နယ် ရှုခင်းသာအတွင်းလမ်း နံဘေးတွင် အသတ်ခံထားရသည့် အမျိုးသားတစ်ဦး တွေ့ရှိမှုမှ ကျူးလွန်သူကို ဘိုကလေးမြို့နယ်တွင် ဖမ်းဆီးရမိ

သာကေတမြို့နယ် ရှုခင်းသာအတွင်းလမ်းရှိ ရေမြောင်းတစ်ခု နံဘေးတွင် အသတ်ခံထားရသည့် အမျိုးသားတစ်ဦး အလောင်းတွေ့ရှိမှုဖြစ်စဉ်မှ ကျူးလွန်သူအား ဧရာဝတီတိုင်းဒေသကြီး၊ ဘိုကလေးမြို့နယ်တွင် ဖမ်းဆီးရမိကြောင်း ဇူလိုင် ၁၁ ရက်တွင် ရန်ကုန်တိုင်းဒေသကြီး ရဲတပ်ဖွဲ့မှ သိရသည်။

ဖြစ်စဉ်မှာ သာကေတမြို့နယ်၊ ၁၀/ တောင် (၁၄) ရပ်ကွက်၊ စည်ပင်ဝင်း၊ ရှုခင်းသာ အတွင်းလမ်းနံဘေးရှိ ရေမြောင်းအစပ်တွင် ဇူလိုင် ၇ ရက် နံနက် ၆ နာရီခန့်က အမျိုးသားတစ်ဦး လဲကျနေကြောင်း သိရသဖြင့် သက်ဆိုင်ရာ တာဝန်ရှိသူများ သွားရောက် စစ်ဆေးရာ လဲကျနေသူမှာ သာကေတမြို့နယ် ၁၀/တောင် (၁၃) ရပ်ကွက်တွင် နေထိုင်သည့် ကို….(၃၉ နှစ်) ဆိုသူဖြစ်ကြောင်း သိရပြီး ၎င်းသည် ဦးခေါင်းနောက်စေ့ ပေါက်ပြဲ၊ နဖူးညိုမည်း၊ လည်ပင်းပွန်းရှ ဒဏ်ရာတို့ရရှိကာ သေဆုံးနေသည်ကို တွေ့ရှိခဲ့ရ ကြောင်း သိရသည်။

ထိုသို့ ဆောင်ရွက်ရာ ကျူးလွန်သူမှာ သာကေတမြို့နယ် (၆) ရပ်ကွက်နေ သန်းအေး ဆိုသူဖြစ်ကြောင်း သိရပြီး ၎င်းသည် ဇနီးဖြစ်သူကို ခေါ်ဆောင်၍ ဧရာဝတီတိုင်းဒေသကြီး၊ ဒေးဒရဲမြို့သို့ တိမ်းရှောင်သွားကြောင်း သိရသဖြင့် သက်ဆိုင်ရာ ရဲတပ်ဖွဲ့ဝင်များ ချိတ်ဆက်ဖမ်းဆီးရာ ၎င်းကို ဇူလိုင် ၁၀ ရက် ညနေ ၅ နာရီခန့်တွင် ဧရာဝတီတိုင်းဒေသကြီး၊ ဘိုကလေးမြို့နယ် ထော်ပိုင်ကျေးရွာအုပ်စု အေးချမ်းသာယာကျေးရွာ၌ ဖမ်းဆီးရမိခဲ့သည်။

“သန်းအေးကို ဖမ်းပြီးစစ်တော့ အခင်းဖြစ်နေ့က သေဆုံးသူရယ်၊ အခြားလူနှစ်ယောက်ရယ်၊ သူတို့လေးယောက် အရက်သောက်ကြတယ်လို့ ပြောတယ်။ သောက်နေတုန်း အခြားလူနှစ်ယောက်က အရင်ပြန်သွားတယ်။ သူတို့နှစ်ယောက်ပဲ ကျန်ခဲ့တယ်ပေါ့။ နောက်တော့ သူတို့ နှစ်ယောက်လည်း အတူပြန်လာရင်း လမ်းကိုရောက်တော့ နှစ်ယောက်စလုံးကလည်း အရက်သောက်ထားပြီး မူးနေကြတော့ စရင်းနောက်ရင်းပေါ့။ အဲဒီမှာ သေဆုံးသူက သန်းအေးကို ဖက်ပြီး နမ်းဖို့ လုပ်တယ်လို့ သိရတယ်။ အဲဒီမှာ မလုပ်ဖို့ပြောတာကို ထပ်ပြီးလုပ်တော့ လက်မှာကိုင်ထားတဲ့ အရက်ပုလင်းနဲ့ ရိုက်တယ်။ ပြီးရင် ပုလင်းကွဲ နဲ့ထိုးတယ်လို့ သိရတယ်။ ထိုးပြီး လမ်းဘေးမှာ တွေ့ရတဲ့ ကျောက်ခဲနဲ့ ထပ်ထုတယ်လို့ စစ်ဆေးသိရတယ်။ သေဆုံးသူက ဒရမ်တီးတဲ့ အလုပ်လုပ်တယ်လို့ သိရတယ်။ သန်းအေးကတော့ ပန်းထိမ်လုပ်တယ်” ဟု ရန်ကုန်တိုင်းဒေသကြီးရဲတပ်ဖွဲ့မှ ရဲအရာရှိတစ်ဦးက ဆိုသည်။

အဆိုပါဖြစ်စဉ်မှ ကျူးလွန်သူအား သာကေတနယ်မြေရဲစခန်းက (ပ) ၄၉၁/၂၀၁၈၊ ရာဇသတ်ကြီးပုဒ်မ ၃၀၂ ဖြင့် အမှုဖွင့်ထားပြီး ဖမ်းဆီး စစ်ဆေးလျက်ရှိကြောင်း သိရသည်။