လှိုင်သာယာမြို့နယ်တွင် လုယက်မှု ကျုးလွန်သူအား ရဲတပ်ဖွဲ့က ဖမ်းဆီးစဉ် ဓားဖြင့်ပြန်လည် ခုခံသဖြင့် သေနတ်ဖြင့် ပစ်ခတ်ရာ လုယက်သူသေဆုံး

လှိုင်သာယာမြို့နယ်တွင် လုယက်မှုကျူးလွန်သူ အမျိုးသားအား ရဲတပ်ဖွဲ့မှ ဖမ်းဆီးစဉ် ဓားဖြင့်ပြန်လည် ခုခံသဖြင့် သေနတ်ဖြင့် ပစ်ခတ်ရာ လုယက်သူ သေဆုံးမှု ဇူလိုင် ၂၈ ရက်တွင် ဖြစ်ပွားခဲ့ကြောင်း မြောက်ပိုင်းခရိုင် ရဲတပ်ဖွဲ့မှ စုံစမ်းသိရှိရသည်။

ဇူလိုင် ၂၈ ရက် နံနက် ၁ နာရီခန့်တွင် လှိုင်သာယာမြို့နယ် အတွင်းရှိ စက်မှုဇုန်မှ လုံခြုံရေး ၀န်ထမ်းဖြစ်သူ ဦးနိုင်လင်းသည် အလုပ်မှ နေအိမ်သို့ ပြန်လာစဉ် စက်မှုဇုန်(၂) ဦးရွှေအိုးလမ်းသို့ အရောက်တွင် လူတစ်ဦးက ၎င်း၏လည်ပင်းအား ဓားဖြင့်ထောက်ပြီး ငွေကျပ်နှစ်သောင်းအား လုယက်ပြီး ထွက်ပြေးခဲ့သဖြင့် ဦးနိုင်လင်းက သက်ဆိုင်ရာ ရဲစခန်းသို့ သွားရောက် တိုင်ကြားခဲ့ကြောင်း သိရသည်။

လုယက်မှု ကျူးလွန်သူအား ရဲတပ်ဖွဲ့က ဖမ်းဆီးရမိရေး ဆောင်ရွက်ရာ စက်မှုဇုန်(၃) ဦးမြဲလမ်းတွင် လုယက်မှု ကျူးလွန်သူအား ဓားကိုင်ဆောင်ထားသဖြင့် ရဲတပ်ဖွဲ့က အသာတကြည် အဖမ်းခံရန် ပြောဆိုခဲ့ကြောင်း သိရသည်။

ထိုသို့ ပြောဆိုခဲ့သော်လည်း လုယက်မှု ကျူးလွန်သူမှာ ကိုင်ဆောင်ထားသည့် အရိုး အသွား ၁၀ လက်မခန့်ရှိဓားဖြင့် ခုခံရန်ပြုသဖြင့် ရဲတပ်ကြပ်တစ်ဦးက MA13 မောင်းပြန်သေနတ်ဖြင့် တားဆီးကာကွယ်ခဲ့ကြောင်း သိရသည်။

ထိုစဉ် လုယက်မှုကျူးလွန်သူမှာ ရဲတပ်ကြပ်ကြီး တစ်ဦးအား ဓားဖြင့်ထိုးခဲ့သဖြင့် ရဲတပ်ဖွဲ့ဝင်များအား အသက်အန္တရာယ် ဖြစ်စေရန် ရန်ပြုတိုက်ခိုက်လာသဖြင့် သေနတ်ဖြင့် ပစ်ခတ်ဖမ်းဆီးခဲ့ကြောင်း သိရသည်။

လုယက်မှု ကျူးလွန်သူမှာ သေနတ်ဒဏ်ရာ ရရှိသဖြင့် လှိုင်သာယာဆေးရုံသို့ တင်ပို့ကုသစဉ် ဆေးရုံ၌ သေဆုံးသွားခဲ့ပြီး လုယက်မှု ကျူးလွန်သူမှာ ဆန်းလင်းဦး (၂၅ နှစ်) ဖြစ်ကြောင်း သိရသည်။

“ပြစ်မှုကျူးလွန်သူက ၂၀၁၇ ခုနှစ်ထဲမှာ ရန်ကုန်ရဲအက်ဥပဒေနဲ့ ထောင်နှစ်လကျဖူးတယ်။ ပြီးတော့ ၂၀၁၈ ထဲမှာ သီရိမင်္ဂလာဈေးထဲမှာ ဓားကိုင်ဆောင်ပြီး ရမ်းကားလို့ လက်နက်များ အက်ဥပဒေ ၁၉ (င)နဲ့ ထောင်လေးလကျပြီး ပြီးခဲ့တဲ့သုံးရက်ကမှ ထောက်က လွတ်လာတဲ့သူပါ” ဟု မြောက်ပိုင်းခရိုင်ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ဓားဖြင့် ထိုးခံရသဖြင့် ရဲတပ်ကြပ်ကြီးမှာ ၀ဲလက်ခုံတွင် ဓားဒဏ်ရာ ရရှိခဲ့ကြောင်း သိရသည်။

 

ရန်ကုန်တိုင်းဒေသကြီးအတွင်းရှိ မြို့နယ်သုံးမြို့နယ်အတွင်း ဆိုင်ကယ်အသုံးပြုပြီး လုယက်မှု ၂၂ မှု ကျုးလွန်သူလေးဦးအား ဖမ်းဆီးရမိ

ရန်ကုန်တိုင်းဒေသကြီးအတွင်းရှိ မြို့နယ်သုံးမြို့နယ်အတွင်း ဆိုင်ကယ်အသုံးပြုပြီး လုယက်မှု ၂၂ မှု ကျုးလွန်သူလေးဦးအား ဖမ်းဆီးရမိခဲ့ကြောင်း ဇူလိုင် ၂၆ ရက်တွင် အရှေ့ပိုင်းခရိုင် ရဲတပ်ဖွဲ့မှ သိရသည်။

ဇူလိုင် ၁၅ ရက် နံနက် ၁၁ နာရီခန့်တွင် မ….သည် သူငယ်ချင်းဖြစ်သူနှင့်အတူ စက်ဘီးစီး၍ ဒဂုံမြောက်မြို့နယ် ၁၆ ရပ်ကွက်ရှိ မြို့ဦးစေတီသို့သွားစဉ် နတ်စင်မှတ်တိုင်အရောက်၌ အနောက်မှ လူငယ်သုံးဦးစီးလာသည့် ဆိုင်ကယ်မှ ၎င်းတို့အနီးကပ်လာပြီး စက်ဘီးရှေ့ခြင်းအတွင်း ထည့်ထားသည့် လက်ကိုင်ဖုန်းနှင့် ပိုက်ဆံအိတ်အား လုယူထွက်ပြေးခဲ့သည်။ ယင်းသို့ လုယူထွက်ပြေးခဲ့သဖြင့် မ….က ပတ်ဝန်းကျင်အား အော်ဟစ်အကူအညီတောင်းရာ ပြည်သူများက ၀ိုင်းဝန်းဖမ်းဆီးသဖြင့် ဆိုင်ကယ်ပေါ်မှ စည်သူထွန်း (ခ) စည်သူအား ဖမ်းဆီးရမိခဲ့ပြီး ကျန်နှစ်ဦးမှာ ထွက်ပြေးသွားခဲ့ကြောင်း သိရသည်။

ထွက်ပြေးသွားသည့်နှစ်ဦးအား ရဲတပ်ဖွဲ့မှ ဖမ်းဆီးရမိရေး ဆောင်ရွက်ရာ အခင်းဖြစ်ပွားသည့်ညပိုင်း၌ ဒဂုံဆိပ်ကမ်းမြို့နယ် ၈၇ ရပ်ကွက်၌ သက်ပိုင်ထွေးနှင့် သရဲလေးတို့အား ဖမ်းဆီးရမိခဲ့သည်။ ဖမ်းဆီးမိသည့် စည်သူထွန်း၊ သက်ပိုင်ထွေးနှင့် သရဲလေးတို့အား ရဲတပ်ဖွဲ့က စစ်ဆေးရာ လုယက်မှုများ ကျုးလွန်ရာတွင် ဒဂုံဆိပ်ကမ်းမြို့နယ်နေ မြင့်ဝင်းဆိုသူလည်း ပါဝင်ကြောင်း သိရသည်။

မြင့်ဝင်းအား ဇူလိုင် ၁၉ ရက်တွင် ဒဂုံဆိပ်ကမ်းမြို့နယ် ၈၇ ရပ်ကွက်အတွင်း၌ ဖမ်းဆီးရမိခဲ့ပြီး ၎င်းတို့လေးဦးမှာ ဧပြီ၊ မေ၊ ဇွန်၊ ဇူလိုင်လများက ဆိုင်ကယ် အသုံးပြုပြီး ဒဂုံဆိပ်ကမ်းမြို့နယ် ပဲခူးမြစ်လမ်းမပေါ်တွင် လမ်းလျှောက်နေသူ အမျိုးသားတစ်ဦးထံမှ လက်ကိုင်ဖုန်း တစ်လုံး၊ စက်ဘီးစီးနေသူ အမျိုးသမီးထံမှ လက်ကိုင်ဖုန်းတစ်လုံးတို့အား လုယက်ခဲ့ကြောင်း သိရသည်။

၎င်းတို့လေးဦးမှာ အဆိုပါလများအတွင်းက ဒဂုံအရှေ့မြို့နယ် စက်မှုဇုန်အတွင်းရှိ မက္ခရာမင်းသားကြီးလမ်းမပေါ်တွင် စက်ဘီးစီးနေသူ အမျိုးသမီးထံမှ ရွှေဆွဲကြိုး၊ ရွှေဆွဲသီး၊ ရွှေလက်ကောက်နှင့် ပိုက်ဆံအိတ်တစ်လုံးတို့နှင့် ဖုန်းလုယက်မှုရှစ်မှုအား ထပ်မံကျူးလွန်ခဲ့ကြောင်း သိရသည်။

အငှားယာဉ်မောင်းပါ နှစ်ဦးက အမျိုးသမီးဆရာဝန်တစ်ဦးကို ရိုက်နှက်၍ လက်ဝတ်ရတနာများနှင့် ငွေများလုယက်မှု တောင်ဥက္ကလာပမြို့နယ်တွင် ဖြစ်ပွား

တောင်ဥက္ကလာပမြို့နယ်ရှိ အငှားယာဉ်တစ်စီးပေါ်တွင်  အမျိုးသမီးဆရာဝန်တစ်ဦး ကို အငှားယာဉ်မောင်းပါ နှစ်ဦးက ရိုက်နှက်၍  လက်ဝတ်ရတနာများနှင့် ငွေများကို လုယူထွက်ပြေးမှု ဖြစ်ပွားခဲ့ကြောင်း ဇူလိုင် ၂၂ ရက်တွင် ရန်ကုန်တိုင်းဒေသကြီး ရဲတပ်ဖွဲ့မှ သိရသည်။

ဇူလိုင် ၂၁ ရက် နံနက် ၁၁ နာရီခန့်တွင် တောင်ဥက္ကလာပမြို့နယ် (၄) ရပ်ကွက်နေ ဒေါက်တာ ……. (၃၈) နှစ်သည် ယင်း မြို့နယ် ဝေဇယန္တာလမ်းမကြီးထောင့် တစ်နေရာ၌ ယာဉ်ငှားရန်အတွက် စောင့်ဆိုင်းနေစဉ် အသက် ၃၅ နှစ်အရွယ် အနက်ရောင်  တီရှပ်၊ ကွာတားဘောင်းဘီ ၀တ်ထားသော အမျိုးသားတစ်ဦးက  အငှားယာဉ် တစ်စီးကို မောင်းနှင်ကာ ရောက်ရှိလာခဲ့ကြောင်း သိရသည်။

ယင်းသို့ရောက်ရှိလာပြီး အဆိုပါ အငှားယာဉ်မောင်း အမျိုးသားက ယာဉ်အား ငှားမလားဟု မေးသဖြင့် ဒေါက်တာ……..က အလုံမြို့နယ် ဗဟိုအမျိုးသမီး ဆေးရုံကြီးသို့ ကျပ် ၃၅၀၀ ဖြင့် ငှားရမ်းခဲ့၍ ယာဉ်၏ နောက်ခန်းမှ လိုက်ပါ စီးနင်းခဲ့ကြောင်း သိရသည်။

ငှားရမ်းစီးနင်း လိုက်ပါလာခဲ့ပြီးနောက် ယာဉ်မောင်းအမျိုးသားက အိမ်တွင် ပစ္စည်းဝင်ယူရန် ရှိသည်ဟု ပြောဆိုပြီး ဝေဇယန္တာလမ်းမကြီးမှ (၃) ရပ်ကွက်အတွင်းသို့ ချိုးကွေ့မောင်းနှင်ခဲ့ကာ ငွေကြာယံ ဘုန်းကြီးကျောင်းရှေ့ (၁၃) လမ်း အရောက်တွင် ယာဉ်အား ရပ်၍ ယာဉ်နောက်ခန်းသို့ ကူးလာကာ ဒေါက်တာ…….၏ လည်ပင်းအား ညှစ်ခဲ့ကြောင်း သိရသည်။

“တရားလို ဆရာဝန်မရဲ့ တိုင်တန်းချက် အရတော့ သူ လည်ပင်းညှစ်ခံနေရတဲ့ အချိန်မှာ အခြားအမျိုးသမီး တစ်ယောက် ရောက်လာတယ်။ ရောက်လာပြီး ဆရာဝန်မရဲ့ မျက်လုံးကို ပိတ်တယ်လို့ သိရတယ်။ ပြီးတော့ ယာဉ်မောင်း အမျိုးသားက အလူမီနီယံချောင်းရိုက်ပြီး လက်ဝတ်ရတနာနဲ့ ပိုက်ဆံတွေ လုယူတယ်။ ပြီးတော့ ဆရာဝန်မကို  ကားပေါ်က ဆင်းခိုင်းပြီး ထွက်ပြေးသွားတယ်လို့ သိရပါတယ်။ သက်ဆိုင်ရာ ရဲစခန်းက ရဲတာဝန်ရှိသူတွေကတော့ ကျူးလွန်သူတွေကို အမြန်ဆုံး ဖမ်းဆီးရမိဖို့ စုံစမ်းဆောင်ရွက်နေတယ်လို့ သိရပါတယ်” ဟု ရန်ကုန်တိုင်းဒေသကြီး ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ယင်းသို့ ရိုက်နှက်လုယက် ခံရမှုကြောင့် ဒေါက်တာ……. မှာ နဖူး၊ ဦးခေါင်းတို့တွင် ဖူးရောင်ဒဏ်ရာများ ရရှိခဲ့ပြီး သင်္ဃန်းကျွန်း စံပြဆေးရုံတွင် ဆေးကုသမှု ခံယူခဲ့ရကာ ၎င်းဝတ်ဆင်ထားသည့် ကျောက်စိမ်းလော့ကတ်သီးပါ ရွှေဆွဲကြိုး တစ်ကုံး၊ စိန်နားကပ် တစ်ရန်နှင့် ကိုင်ဆောင်ထားသည့် လက်ကိုင်ဖုန်းတစ်လုံး၊ ကျပ် ၅၀၀၀၀ တို့ ပါသွားကြောင်း သိရသည်။

အဆိုပါ ဖြစ်စဉ်ကို ဒေါက်တာ……က တောင်ဥက္ကလာပ မြို့မရဲစခန်းတွင် တိုင်တန်းအမှုဖွင့်ခဲ့ပြီး ရဲစခန်းက (ပ) ၈၁၈/၂၀၁၈ ရာဇသတ်ကြီးပုဒ်မ ၃၉၄/၁၁၄ ဖြင့် အမှုဖွင့်ကာ ဖမ်းဆီး ရမိရေး ဆောင်ရွက်လျက်ရှိကြောင်း သိရသည်။

မန္တလေးမြို့တွင် နေအိမ်အတွင်း ဓားကိုင်ဝင်ရောက်ပြီး ဆိုင်ကယ်ခိုးမှုများ ဖြစ်ပွားလျက်ရှိပြီး မေ ၂၂ ရက် တစ်ရက်တည်းမှာပင် ဓားခုတ်လုယက်မှု သုံးမှု ဆက်တိုက်ဖြစ်ပွား

ချမ်းမြသာစည်မြို့နယ်၊ လမ်း ၆၀ နှင့် သိပ္ပံလမ်းထောင့်တွင်​ဖြစ်ပွားခဲ့သည့် ဓားခုတ်မှုအား တွေ့ရစဉ် (ဓာတ်ပုံ – မနောကြာဖြူ လူမူကူညီရေးအသင်း)

မန္တလေးမြို့တွင် နေအိမ်အတွင်း ဓားကိုင်ဝင်ရောက်ကာ ဆိုင်ကယ်ခိုးမှုများ ယခုရက်ပိုင်းအတွင်း ဖြစ်ပွားလျက်ရှိပြီး မေ ၂၂ ရက် တစ်ရက်တည်းမှာပင် ဓားခုတ်လုယက်မှု သုံးခုဆက်တိုက် ဖြစ်ပွားခဲ့ကြောင်း သတင်းရရှိသည်။

မေ ၁၂ ရက်က ချမ်းအေးသာစံမြို့နယ်၊ ၃၄ လမ်းနှင့် ၃၅ လမ်းကြား၊ ၈၅ လမ်းနှင့် ၈၆ လမ်းကြားရှိ နေအိမ်တစ်ခုတွင် ခြံဝင်းတံခါး သော့မခတ်မိသောကြောင့် ထိုင်းအမျိုးအစား ဆိုင်ကယ် Scoppy ငါးစီး (စုစုပေါင်းတန်ဖိုး ကျပ် ၈၂ သိန်းကျော်) ပျောက်ဆုံးမှု ဖြစ်ပွားခဲ့ကြောင်း တိုင်းရဲတပ်ဖွဲ့မှူးရုံးမှ သိရသည်။

ထိုသို့ နေအိမ်တစ်အိမ်ထဲမှ ဆိုင်ကယ်ငါးစီး ခိုးယူခံရမှု ဖြစ်ပွားပြီးနောက် ရက်ပိုင်းအတွင်းမှာပင် မန္တလေးမြို့ နေအိမ်တစ်ခုအတွင်း ဓားကိုင်ဆောင်ထားသည့် အမျိုးသားခြောက်ဦး ၀င်ရောက်ပြီး ဆိုင်ကယ်ခိုးယူမှု ထပ်မံဖြစ်ပွားခဲ့ကြောင်း၊ အဆိုပါ အုပ်စုလိုက် ဓားကိုင်ပြီး ခိုးယူမှု မူဗီဖိုင်မှာ လူမှုကွန်ရက်တွင် ပျံ့နှံ့ခဲ့ရာ ယင်းသို့ဓားကိုင်ခိုးယူမှုမှာ အိမ်ရှင်သာ နိုးလာပါက ပြန်လည် ရန်ပြုနိုင်သောကြောင့် မြို့သူမြို့သားများ အနေဖြင့် စိုးရိမ်မှုများ ရှိခဲ့ကြောင်း စုံစမ်းသိရှိရသည်။

“တစ်အိမ်တည်း ဆိုင်ကယ်ငါးစီး ပျောက်တာရော၊ အင်တာနက်မှာ တက်လာတဲ့ ဓားကိုင်ဆိုင်ကယ် ခိုးယူမှုတွေနဲ့ ပတ်သက်ပြီး စုံစမ်းစစ်ဆေးမှုတွေ ပြုလုပ်ခဲ့ပါတယ်။ ဆိုင်ကယ် ၁၈ စီးနဲ့ အမျိုးသား ခြောက်ဦးကို ဖမ်းဆီးထားပါတယ်။ အခုဖမ်းမိတဲ့ ဆိုင်ကယ်တွေထဲမှာတော့ အဲဒီဖြစ်စဉ်က ဆိုင်ကယ်တွေ မပါသေးဘူး” ဟု အမှတ်(၆) ရဲစခန်းမှူး ရဲအုပ်ခင်သန်းက ပြောကြားသည်။

ထိုသို့ ဓားများဖြင့် အိမ်တွင်းဝင်ရောက် ခိုးယူသူ ခြောက်ဦးနှင့် ပတ်သက်၍ မသင်္ကာသူများကို ခေါ်ယူစစ်ဆေး နေသည်ဟုလည်း မဟာအောင်မြေမြို့နယ် ရဲတပ်ဖွဲ့မှူးထံမှ သိရသည်။

ထို့ပြင် မေ ၂၂ ရက် နံနက် ၁ နာရီ မထိုးမီကလည်း ချမ်းမြသာစည်မြို့နယ် လမ်း ၆၀ နှင့် သိပ္ပံလမ်းထောင့်တွင် ဆိုင်ကယ်ရပ် စကားပြောနေသည့် အမျိုးသားနှင့် အမျိုးသမီးတို့နှစ်ဦးထံ အမည်မသိ အမျိုးသား ခြောက်ဦး ရောက်ရှိလာပြီး အသင့်ပါလာသည့် ဓားဖြင့်ခုတ်ကာ ငွေနှင့်ဖုန်း ယူဆောင်သွားသည့်ဖြစ်စဉ်၊ အဆိုပါ ဓားကိုင်ဆောင်ထားသည့် လူငယ်ခြောက်ဦးမှပင် မဟာအောင်မြေမြို့နယ် ၆၈ လမ်းနှင့် ၄၃ လမ်းထောင့်တွင် ဆိုင်ကယ်ရပ်၍ အပေါ့သွားနေသည့် လူငယ်နှစ်ဦးအား ဓားဖြင့်ခုတ်ကာ ငွေများယူဆောင်သွားသည့် ဖြစ်စဉ်နှင့် ၅၆ လမ်းနှင့် အောင်ဆန်းလမ်းထောင့်ရှိ သန်းတစ်ရာ လက်ဖက်ရည်ဆိုင်မှ စားပွဲထိုးကလေးများကို ဓားရှည်ဖြင့် ခုတ်သွားသည့်ဖြစ်စဉ် သုံးခုဆက်တိုက် ကျူးလွန်ခဲ့သည်ဟု စုံစမ်းသိရှိရသည်။

ယင်းဖြစ်စဉ်များနှင့် ပတ်သက်၍ အောင်ပင်လယ်ရဲစခန်းသို့ ဆက်သွယ်မေးမြန်းရာ “လက်ဖက်ရည်ဆိုင်က စားပွဲထိုးကလေးနှစ်ဦး ဒဏ်ရာရရှိသွားပါတယ်။ မစိုးရိမ်ရပါဘူး။ ကျူးလွန်သူတွေကို ကျွန်တော်တို့ စုံစမ်းရှာဖွေနေပါတယ်။ အဲဒီဓားကိုင်တဲ့ ခြောက်ဦးပဲ တခြားမြို့နယ်နဲ့ တခြားစခန်းအပိုင်မှာ ဓားကိုင်လုသွားကြသေးတယ်လို့တော့ သိရတယ်။ ကျွန်တော့်စခန်း အပိုင်ထဲက ဖြစ်စဉ်ကတော့ အမှုဖွင့်ထားပါတယ်” ဟု ရဲအုပ်ခင်ဇော်က ပြောကြားသည်။

မန္တလေးမြို့တွင် ယခုရက်ပိုင်းအတွင်း အဆိုပါဖြစ်စဉ်များ ဖြစ်ပွားနေမှုနှင့် ပတ်သက်၍ ရဲတပ်ဖွဲ့ ဆောင်ရွက်ချက်များကို မေးမြန်းရာ မန္တလေးခရိုင် ရဲတပ်ဖွဲ့မှူး  ဒုရဲမှူးကြီး မျိုးအောင်က “တိုင်းခရိုင်မှုကူဌာနတွေ အနေနဲ့ရော၊ စခန်းတွေကရော ဆိုင်ကယ်ခိုးမှုတွေ ဖော်ထုတ်ဖမ်းဆီးထားတာ ရှိပါတယ်။ ခိုးမှုတွေ ထပ်မဖြစ်အောင် ညဥ့်ဦးညဥ့်နက် လှည့်ကင်းတွေလည်းတိုးပြီး ပိုမိုလုံခြုံရေးရယူ ဆောင်ရွက်နေပါတယ်။ ရပ်ကွက်အုပ်ချုပ်ရေး အဖွဲ့တွေနဲ့ ပူးပေါင်းပြီး တင်းတင်းကျပ်ကျပ် လုံခြုံရေး ရယူနေပါတယ်” ဟု ပြောကြားသည်။

ထိုသို့ ဓားကိုင်ကျူးလွန်သူများကို ဖြစ်ပွားခဲ့သည့် မြို့နယ်အလိုက် သက်ဆိုင်ရာ ရဲစခန်းများတွင် အမှုဖွင့်ထားကြောင်း သိရသည်။

ရန်ကုန်မြို့လယ်ကောင်၌ အမျိုးသမီးတစ်ဦး၏ ဆွဲကြိုးကို လူငယ်တစ်ဦးက နေ့ခင်းကြောင်တောင် ဖြတ်လုမှုဖြစ်ပွား

ရန်ကုန်မြို့လယ်ကောင်၌ အမျိုးသမီးတစ်ဦး၏ ဆွဲကြိုးကို လူငယ်တစ်ဦးက နေ့ခင်းကြောင်တောင် ဆွဲဖြတ်လုယက်မှု ဖြစ်ပွားခဲ့ကြောင်း လုယက်ခံရသူ အမျိုးသမီးထံမှ ဧပြီ ၁၈ ရက် ညပိုင်းတွင် စုံစမ်းသိရှိရသည်။

ဧပြီ ၁၈ရက် မွန်းလွဲ ၁၁နာရီခန့်တွင် မြောက်ဥက္ကလာပမြို့နယ်နေ မ……..(၃၄)နှစ်သည် ကန်သာယာလမ်းဆုံအနီး ၎င်း၏နေအိမ်မှ အငှားယာဉ်တစ်စီးဖြင့် ကျောက်တံတားမြို့နယ် ၃၄ လမ်း အပေါ်ဘလောက်ရှိ ဆိုင်တစ်ဆိုင်သို့ ဈေးဝယ်ရန်သွားရောက်ခဲ့ပြီး ဈေးဝယ်ပြီးနောက် မွန်းလွဲ ၁ နာရီခွဲခန့်တွင် ပြန်လည်ထွက်ခွာလာခဲ့ကြောင်း သိရသည်။

ယင်းသို့ထွက်ခွာခဲ့ရာ ဗိုလ်ချုပ်ဈေးတွင် ဈေးဝယ်ရန်ရှိသဖြင့် ဗိုလ်ချုပ်လမ်းအတိုင်း လမ်းလျှောက်လာခဲ့ပြီး ဆူးလေဘုရားလမ်းမီးပွိုင့်တွင် လမ်းဖြတ်ကူးစဉ် လမ်းလယ်ကျွန်းအနီးအရောက်၌ လူငယ်တစ်ဦးမှာ မ……၏ လည်ပင်းတွင်ဆွဲထားသည့် ကျပ် ၅၅ သိန်းခန့် တန်ဖိုးရှိ ဆွဲသီးပါရွှေဆွဲကြိုးကို ဖြတ်လုရန် ကြိုးစားခဲ့ကြောင်း သိရသည်။

“ကျွန်မက ရခိုင်ကမှာတဲ့ ပစ္စည်းတွေကို သွားဝယ်ဖို့ ၃၄ လမ်းကိုသွားတာပါ။ ဈေးဝယ်ပြီး ဗိုလ်ချုပ်ဈေးမှာ ၀ယ်စရာရှိတဲ့အတွက် ဆာကူရာတာဝါရှေ့ကနေ ရှန်ဂရီလာဟိုတယ်ဘက်ကို လမ်းဖြတ်ကူးတဲ့အချိန်ပေါ့။ လမ်းလယ်ဘလောက်တုံးနား အရောက်မှာ လူတစ်ယောက်က ကျွန်မလည်ပင်းမှာ ၀တ်ထားတဲ့ ဆွဲကြိုးကို ဆွဲဖြတ်ပြီးလုတယ်။ ဆွဲဖြတ်တာ တစ်ကြိမ်မကဘူး။ သုံးခေါက်လောက် ဆွဲဖြတ်တာ။ နောက်ဆုံးတစ်ခေါက်မှာ ကျွန်မလည်း လဲကျသွားတယ်။ ဆွဲကြိုးကို ဖြတ်မရတော့ သူလည်းထွက်ပြေးသွားတယ်။ ထွက်ပြေးသွားတာတောင် အနားမှာ ဝေ့လည်ကြောင်ပတ် နေနေသေးတယ်။ ပြီးမှအဝေးကို ထွက်သွားတာ” ဟု မ……..က ပြောကြားသည်။

ယင်းသို့ ဆွဲကြိုးဖြတ်လုခံပြီး လဲကျမှုကြောင့် မ……မှာ ဒူးခေါင်းပွန်း၊ လက်ချောင်း၊ လည်ပင်းတို့တွင် ဒဏ်ရာများရရှိခဲ့ကြောင်း သိရသည်။

“အလုခံရတာပေါ့နော်။ ဆွဲကြိုးကတော့ ပါသွားဘူး။ အဲဒီနောက်မှာ ယောက်ျားကို ဖုန်းဆက်တယ်။ အပိုင်ရဲစခန်းကို သွားတိုင်တယ်။ မှတ်ပုံတင်နံပါတ်တွေ နာမည်တွေကို ရဲစခန်းက ယူထားလိုက်တယ်။ အဲဒီနားက မီးပွိုင့်မှာတပ်ထားတဲ့ စီစီတီဗွီကင်မရာတွေကို ရဲတွေနဲ့ အတူတူကြည့်တယ်။ ဒါပေမဲ့ အခင်းဖြစ်နေရာ အနားမှာတပ်ထားတဲ့ ကင်မရာတွေက အလုပ်မလုပ်ဘူး ဖြစ်နေတယ်” ဟု မ…. က ပြောကြားသည်။

အဆိုပါဖြစ်စဉ်နှင့်ပတ်သက်၍ ကျောက်တံတားမြို့မရဲစခန်းသို့ ည ၁၀ နာရီခန့်တွင် သွားရောက်မေးမြန်းရာစခန်းမှ တာဝန်ရှိသူတစ်ဦးက “လုယက်တဲ့ဖြစ်စဉ်ကိုတော့ အမှုဖွင့်တာ မရှိသေးပါဘူး။ ပစ္စည်းတော့ ပါမသွားဘူး သိရတယ်။ ကျူးလွန်သူကို စုံစမ်းနေပါတယ်” ဟု ပြောကြားသည်။

ပရိုဘောက်စ်ယာဉ်အသုံးပြု၍ ခရီးသည်များထံမှ အုပ်စုဖွဲ့ ခါးပိုက်နှိုက်မှု ကျူးလွန်သူငါးဦးအား မြောက်ဒဂုံမြို့နယ်တွင် ဖမ်းဆီးရမိ

ပရိုဘောက်စ်ယာဉ်အသုံးပြု၍ ခရီးသည်များထံမှ အုပ်စုဖွဲ့ ခါးပိုက်နှိုက်မှုကျူးလွန်သူ ငါးဦးကို မြောက်ဒဂုံမြို့နယ်တွင် ဖမ်းဆီးရမိခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှ စုံစမ်းသိရှိရသည်။

ခါးပိုက်နှိုက်အဖွဲ့ကို ဖေဖော်ဝါရီ ၂၆ ရက်နံနက်ပိုင်းတွင် ရဲတာဝန်ရှိသူများက သတင်းအရ သွားရောက်ဖမ်းဆီးခဲ့ခြင်းဖြစ်ပြီး ကျူးလွန်သူများဖြစ်သည့် လှိုင်သာယာမြို့နယ်နေ ကျော်လွင် (၂၉ နှစ်) နှင့် အောင်မျိုးသူ (၂၁ နှစ်) ရွှေပြည်သာမြို့နယ်နေ ဟိန်းလတ်ကျော် (၃၈ နှစ်)၊ အရှေ့ဒဂုံမြို့နယ်နေ အောင်မင်းထွန်း (၄၉ နှစ်)နှင့် ဇင်ဘိုဝင်း (၂၆ နှစ်) တို့ငါးဦးကို Oppo အမျိုးအစား လက်ကိုင်ဖုန်းတစ်လုံးနှင့်အတူ ဖမ်းဆီးရမိခဲ့သည်။

၎င်းတို့အားစစ်ဆေးရာ ဖေဖော်ဝါရီ ၂၆ ရက်နံနက်တွင် ခါးပိုက်နှိုက်ရန် YBS ၈၄ ခရီးသည်တင်ယာဉ်ကို မြောက်ဒဂုံမြို့နယ်၊ ၄၁ ရပ်ကွက်၊ အကြော်တဲမှတ်တိုင်မှ စီးနင်းခဲ့ကြပြီး နာရီစင်မှတ်တိုင်အနီးအရောက်တွင် ယာဉ်ပေါ်ပါအမျိုးသားထံဦး၏ Oppo အမျိုးအစား လက်ကိုင်ဖုန်းကိုနှိုက်ယူ၍ နာရီစင်မှတ်တိုင်တွင်ဆင်းကာ ယင်းမှတ်တိုင်တွင် အသင့်စောင့်နေသည့်ယာဉ်ဖြင့် ထွက်ပြေးခဲ့သည်ဟု ထွက်ဆိုခဲ့ကြောင်း သိရသည်။

၎င်းတို့ငါးဦးအား ထပ်မံစစ်ဆေးရှာဖွေရာ လက်ကိုင်ဖုန်းသုံးလုံး၊ လွယ်အိတ်ငါးလုံး၊ ပိုက်ဆံအိတ်တစ်လုံး၊ ငွေကျပ် ၂၅၀၀၀၊ ရွှေဆွဲကြိုးတစ်ကိုး၊ ရွှေဆွဲသီးတစ်ခု၊ ရွှေနားကပ်တစ်ဖက်တို့ကို ထပ်မံတွေ့ရှိသိမ်းဆည်းရမိခဲ့သည်။ အဆိုပါဖြစ်စဉ်မှ ၎င်းတို့ငါးဦးအား မြောက်ဒဂုံမြို့မရဲစခန်းက (ပ) ၄၈၉/၂၀၁၈ ရာဇသတ်ကြီးပုဒ်မ ၃၇၉ (နှိုက်)ဖြင့် အမှုဖွင့်ဖမ်းဆီးစစ်ဆေးနေကြောင်း သိရသည်။

 

ဗဟန်းမြို့နယ်တွင် ဂျပန်နိုင်ငံသူတစ်ဦး၏ ဒေါ်လာများပါသော ကျောပိုးအိတ်ကို အုပ်စုဖွဲ့လုယက်သူ လေးဦးအား ဖမ်းဆီးရမိ

ဗဟန်းမြို့နယ်တွင် ဂျပန်နိုင်ငံသူတစ်ဦး၏ ဒေါ်လာများပါ ကျောပိုးအိတ်ကို အုပ်စုဖွဲ့ လုယက်သူလေးဦးအား ဖမ်းဆီးရမိခဲ့ကြောင်း ဖေဖော်ဝါရီ ၂၃ ရက်တွင် ရန်ကုန်တိုင်းဒေသကြီး ရဲတပ်ဖွဲ့မှ စုံစမ်းသိရသည်။

ဖြစ်စဉ်မှာ ဗဟန်းမြို့နယ် စားသောက်ဆိုင်တစ်ဆိုင်၏ မန်နေဂျာဖြစ်သော ဂျပန်နိုင်ငံသူ Mrs… (၂၆ နှစ်) သည် သူငယ်ချင်းဖြစ်သည့် မြန်မာနိုင်ငံသူ တစ်ဦးနှင့်အတူ ဖေဖော်ဝါရီ ၂၂ ရက်၊ နံနက် ၄ နာရီခန့်တွင် နေအိမ်သို့ပြန်ရန် ယင်းမြို့နယ်၊ ရေတာရှည်ရပ်ကွက်၊ ရွှေဂုံတိုင်လမ်းဘေးရှိ ကမ္ဘောဇဘဏ်ရှေ့တွင် ကားငှားရန် စောင့်ဆိုင်းနေစဉ် အမျိုးသားသုံးဦးမှာ ရောက်ရှိလာခဲ့ကြောင်း သိရသည်။

ထို့နောက် ၎င်းတို့သုံးဦးအနက် တစ်ဦးက ဂျပန်နိုင်ငံသူ အမျိုးသမီး၏ လည်ပင်းကို သိုင်းဖက်ချုပ်ထားပြီး ကျန်နှစ်ဦးက စုစုပေါင်း ကျပ် ၁၁ သိန်းကျော်တန်ဖိုးရှိ မြန်မာငွေစက္ကူ၊ အမေရိကန်ဒေါ်လာ၊ လက်ကိုင်ဖုန်း တစ်လုံး၊ ပတ်စ်ပို့စာအုပ် တစ်အုပ်ပါ ဂျပန်နိုင်ငံသူပခုံးတွင် လွယ်ထားသည့် ကျောပိုးအိတ်ကို လုယက်ကာ အနီးတွင်ရှိသည့် အငှားယာဉ်ပေါ်သို့တက်၍ ထွက်ပြေးမောင်းနှင် သွားခဲ့ကြောင်း သိရသည်။

အဆိုပါ လုယက်ခံရမှုကို ဂျပန်နိုင်ငံသူက ဗဟန်းမြို့မရဲစခန်းသို့ တိုင်ကြားခဲ့ပြီး ရဲစခန်းက (ပ)၁၂၇/၂၀၁၈၊ ရာဇသတ်ကြီး ပုဒ်မ- ၃၈၂ ဖြင့် အမှုဖွင့်ကာ ကျူးလွန်သူများ ဖမ်းဆီးရမိရေး စုံစမ်းဆောင်ရွက်ခဲ့ကြောင်း သိရသည်။

ယင်းသို့စုံစမ်းရာ ပြစ်မှုကျူးလွန်ရာတွင် အသုံးပြုသည့် ယာဉ်၏အမျိုးအစားနှင့် ယာဉ်နံပါတ်ကို သိရှိခဲ့ရပြီး အဆိုပါယာဉ်အား ပိတ်ဆို့ရှာဖွေရာ ဖေဖော်ဝါရီ ၂၂ ရက် ည ၇ နာရီခန့်တွင် သင်္ဃန်းကျွန်းမြို့နယ် အသင်းတိုက် မှတ်တိုင်အနီး၌ လှိုင်သာယာမြို့နယ်နေ ယာဉ်မောင်း စည်သူအောင် (ခ) စည်သူ (၂၄ နှစ်)နှင့်အတူ ယာဉ်အား ဖမ်းဆီးရမိခဲ့ကြောင်း သိရသည်။

စည်သူအောင်(ခ)စည်သူအား ဆက်လက်စစ်ဆေးရာ ပြစ်မှုကျူးလွန်ရာတွင် ကြည့်မြင်တိုင်မြို့နယ်နေ ကျော်သက်နိုင်(ခ) ကျော်လေး (၁၉ နှစ်)၊ သီဟကျော်(ခ)ဖိုးသား (၂၂နှစ်) နှင့် အင်းစိန်မြို့နယ်နေ ဇွဲကိုကို(ခ)ဇွဲ (၁၇နှစ်) တို့ ပါဝင်ကြောင်းသိရပြီး ၎င်းတို့ကို ဖေဖော်ဝါရီ ၂၃ ရက်၊နံနက် ၄ နာရီခွဲခန့်တွင် ကြည့်မြင့်တိုင်မြို့နယ် စက်ဆန်းရပ်ကွက်အတွင်း ဖမ်းဆီးရမိခဲ့ကြောင်းနှင့် ၎င်းတို့အား စစ်ဆေးရာ အဆိုပါပြစ်မှုကို ကျူးလွန်ခဲ့သည်ဟု ၀န်ခံထွက်ဆိုခဲ့ကြောင်း သိရသည်။

အဆိုပါဖြစ်စဉ်မှ ကျောပိုးအိတ်အတွင်းပါ သက်သေခံပစ္စည်းများကို ပြန်လည်သိမ်းဆည်းရမိပြီး ၎င်းတို့ကို အခြားပြစ်မှုများ ကျူးလွန်ထားခြင်း ရှိ၊ မရှိ ဆက်လက်စစ်ဆေး လျက်ရှိကြောင်း သိရသည်။

 

ရန်ကုန်မြို့အတွင်း အငှားယာဉ် အသုံးပြုပြီး လုယက်မှုများ ကျူးလွန်နေသူ ခြောက်ဦးအား ဖမ်းဆီးရမိ

ရန်ကုန်မြို့တွင်း အငှားယာဉ်ကို အသုံးပြုပြီး လုယက်မှုများ ကျူးလွန်နေသည့် အမျိုးသားခြောက်ဦးအား ဖမ်းဆီးရမိခဲ့ကြောင်း ဖေဖော်ဝါရီ ၂၁ ရက်တွင် ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ သိရသည်။

ဖြစ်စဉ်မှာ အလုံမြို့နယ်နေ ကို…… သည် ဖေဖော်ဝါရီ ၁၇ ရက် နံနက် ၅ နာရီက ၎င်း၏ ညီဖြစ်သူနှင့်အတူ အလုံမြိုနယ်၊ အာရှတော်ဝင်ဆေးရုံအနီးမှ ထမင်းကြော်စားပြီး ပြန်လာစဉ် အငှားယာဉ်တစ်စီးမှာ ၎င်းတို့အနီးသို့ ရောက်ရှိလာပြီး အဆိုပါယာဉ်ပေါ်မှ အမျိုးသားနှစ်ဦး ဆင်းလာကာ ကို…. ၏ လက်ထဲတွင်ကိုင်ထားသည့် ဖုန်းအား လုယက်ယူဆောင်ကာ ယာဉ်အားမောင်းနှင် ထွက်ပြေးသွားခဲ့ကြောင်း သိရသည်။

ထိုသို့ လုယက်ခံခဲ့ရသဖြင့် ကို….. မှ သက်ဆိုင်ရာ အလုံမြို့မရဲစခန်းသို့ သွားရောက်တိုင်တန်းခဲ့ပြီး ရဲစခန်းက (ပ) ၅၉/၂၀၁၈၊ ရာဇသတ်ကြီးပုဒ်မ ၃၈၂ ဖြင့် အမှုဖွင့်ခဲ့ပြီး ကျူးလွန်သူများအား ဖမ်းဆီးရမိရေး ဆောင်ရွက်ခဲ့ကြောင်း သိရသည်။

ဆောင်ရွက်ရာ လုယက်မှုကျူးလွန်ရာတွင် အသုံးပြုခဲ့သည့် ယာဉ်မှာ CC /—- Nissan AD Van အမျိုးအစားယာဉ် ဖြစ်ကြောင်းသိရပြီး အဆိုပါယာဉ်ကို ဖေဖော်ဝါရီ ၁၇ ရက် ည ၈ နာရီက ဗဟန်းမြို့နယ်၊ မြန်မာပလာဇာရှေ့တွင် တွေ့ရှိခဲ့ပြီး လုယက်မှု ကျူးလွန်ခဲ့သည့် ယာဉ်မောင်းဖြစ်သူ တောင်ဒဂုံမြို့နယ်နေ အောင်နိုင်မျိုး(၂၆)နှစ်နှင့် ဗဟန်းမြို့နယ်နေ ဝေယံ (၂၀) နှစ်ဆိုသူတို့အား ဖမ်းဆီးရမိခဲ့ကြောင်း သိရသည်။

ထို့နောက် ၎င်းတို့အား စစ်ဆေးရာ ပြစ်မှုကျူးလွန်ရာတွင် သင်္ဃန်းကျွန်းမြို့နယ်နေ ထက်ပိုင်လင်း (၁၆) နှစ်၊ ဇွဲပြည့် (၁၆) နှစ်၊ ထန်းတပင်မြို့နယ်နေ စွမ်းထက်ပိုင် (၁၈)နှစ်၊ တာမွေမြို့နယ်နေ ဂွတို (၂၁) နှစ်တို့ ပါဝင်ကြောင်း သိရပြီး ၎င်းတို့ကို သက်ဆိုင်ရာမြို့နယ်များ အသီးသီးတွင် ဖမ်းဆီးရမိခဲ့ကြောင်း သိရသည်။

စစ်ဆေးရာ ၎င်းတို့သည် ကျူးလွန်ရာတွင် အသုံးပြုခဲ့သည့် အငှားယာဉ်ကို တစ်လလျှင် ကျပ်နှစ်သိန်းခွဲဖြင့် ငှားရမ်းခဲ့ကြောင်း နှင့် အဆိုပါအမှုကို ၎င်းတို့ ကျူးလွန်ခဲ့ခြင်း ဖြစ်ကြောင်း၊ ထို့ပြင် ၎င်းတို့ ခြောက်ဦးသည် ငယ်ကောင်(စုံစမ်းဆဲ)၊ ထက်ဝေယံ (စုံစမ်း ဆဲ)ဆိုသူတို့နှင့်အတူ ဖေဖော်ဝါရီ ၁၃ ရက် ညပိုင်းကလည်း ဗဟန်းမြို့နယ်၊ ဗိုလ်ချိုရပ်ကွက်၊ ဖိုးစိန်လမ်းတွင် အမျိုးသားတစ်ဦးထံမှ ဖုန်းတစ်လုံးကိုလည်း လုယက်ခဲ့သည်ဟု စစ်ဆေးပေါ်ပေါက်ခဲ့ကြောင်း သိရသည်။

ထိုသို့ ပေါ်ပေါက်ချက်များအရ ၎င်းတို့အား သက်ဆိုင်ရာ ရဲစခန်းအသီးသီးတွင် အမှုများရေးဖွင့်ကာ အရေးယူရန် ဆောင်ရွက်လျက်ရှိပြီး လွတ်မြောက်နေသူနှစ်ဦးအား ဖမ်းဆီးရမိရေး ဆက်လက် ဆောင်ရွက်လျက်ရှိကြောင်း သိရသည်။

ဒဂုံမြောက်မြို့နယ်တွင် စက်ဘီးစီးနေသည့် အမျိုးသမီးတစ်ဦး၏ လက်ကိုင်ဖုန်းအား ဆိုင်ကယ်စီးလာသည့် အမျိုးသားနှစ်ဦးက လုယက်မှုဖြစ်ပွား

ဒဂုံမြောက်မြို့နယ်တွင် စက်ဘီးစီးနင်းနေသည့် အမျိုးသမီးတစ်ဦး၏ လက်ကိုင်ဖုန်းအား အမျိုးသားနှစ်ဦးက ဆိုင်ကယ်စီးပြီး လုယက်မှု ဖြစ်ပွားခဲ့ကြောင်း ဇန်န၀ါရီ  ၂၆ ရက်တွင် စုံစမ်းသိရသည်။

ဒဂုံမြောက်မြို့နယ် ၄၇ ရပ်ကွက်နေ မ… (၂၆နှစ်) သည် အစ်မဖြစ်သူနှင့်အတူ ဇန်န၀ါရီ ၂၅ ရက် ည ၈ နာရီတွင် ယင်းမြို့နယ်၊ ၄၆ ရပ်ကွက်ရှိ Gym (အားကစားခန်းမ) မှ စက်ဘီးစီးပြီး ပြန်လာခဲ့ကြောင်း သိရသည်။

ယင်းသို့ ပြန်လာစဉ် အဆိုပါ Gym (အားကစားခန်းမ) အကျော် အရောက်တွင် ဆိုင်ကယ်တစ်စီးက အနောက်သို့ ရောက်လာကာ မ….(၂၆နှစ်) လွယ်ထားသည့် Iphone 7plus အမျိုးအစား လက်ကိုင်ဖုန်း ထည့်ထားသည့် အိတ်အား လုယူထွက်ပြေးခဲ့ကြောင်း သိရသည်။

“အစ်မနဲ့ Gym ကနေ ပြန်လာတာ။ တစ်ယောက်ကို စက်ဘီးတစ်စီးစီနဲ့။ Gym က ထွက်လာတော့ ဆိုင်ကယ်တစ်စီးနဲ့ အမျိုးသားနှစ်ဦးကို တွေ့တယ်။ Gym ကျော်ကျော်လည်း ရောက်ရော အဲဒီဆိုင်ကယ်က အနောက်က မောင်းလာတယ်။ အစက တိုက်မိမလိုဖြစ်လို့ ရှောင်ပေးထားတာ။ ဒါပေမဲ့ ဆိုင်ကယ်စီးလာတဲ့သူက ကျွန်မလွယ်ထားတဲ့ အိတ်လေးကို လုယူသွားတယ်။ အိတ်ထဲမှာက ဖုန်းတစ်လုံးပဲ ပါတာပါ” ဟု ဖုန်းအလုခံရသည့် မ …..(၂၆)နှစ်က ပြောကြားသည်။

လုယက်ခဲ့သည့် ဆိုင်ကယ်ပေါ်မှ အမျိုးသားတစ်ဦးမှာ လူငယ်ပိုင်းဖြစ်ပြီး အခင်းဖြစ်ပွားရာနေရာမှာ မီးမှောင်ပြီး လူအသွားအလာ နည်းကြောင်း သိရသည်။

“ဖြစ်တဲ့နေရာက မီးနည်းနည်းမှောင်တယ်။ ကျွန်မလည်း အလုခံရတော့ ဘေးပတ်ဝန်းကျင်ကို အကူအညီ တောင်းတယ်။ ပြီးတော့ စက်ဘီးနဲ့လည်း သူတို့နောက်ကလိုက်တာ မမီတော့ဘူး။ ရဲစခန်းတော့ မတိုင်ရသေးပါဘူး။ ဒါပေမဲ့ သက်ဆိုင်တဲ့ နယ်ထိန်းကိုတော့ ကျွန်မ မိဘတွေက အကြောင်း ကြားထားတယ်” ဟု ဖုန်းအလုခံရသည့် မ…..(၂၆နှစ်) က ပြောကြားသည်။

ဖြစ်စဉ်မှ ကျူးလွန်သူအား သက်ဆိုင်ရာ ရဲစခန်းမှ ဖမ်းဆီးရမိရေး ဆောင်ရွက်နေကြောင်း သိရသည်။ ရန်ကုန်မြို့တွင် တရားမ၀င် ဆိုင်ကယ်စီးနင်းမှု များပြားလာပြီး လုယက်မှုများတွင်လည်း ဆိုင်ကယ်များကို အသုံးပြုလျက်ရှိသည်။

 

မြစ်ကြီးနားမြို့ရှိ ကမ္ဘောဇဘဏ် မီနီဘဏ်အား လူလေးဦးက လက်နက်များဖြင့် ခြိမ်းခြောက်ကာ ငွေကျပ်သိန်း ၉၀၀ ကျော် လုယက်မှုဖြစ်ပွား

မြစ်ကြီးနားမြို့၊ မြို့မဈေး ပထမထပ်ရှိ ကမ္ဘောဇဘဏ် မီနီဘဏ်အား လူလေးဦးက လက်နက်များဖြင့် ခြိမ်းခြောက်ကာ ငွေကျပ်သိန်း ၉၀၀ ကျော် လုယက်မှု ဇန်န၀ါရီ ၂၃ ရက် မွန်းလွဲ ၃ နာရီခန့်က ဖြစ်ပွားခဲ့ကြောင်း ကမ္ဘောဇဘဏ်၏ သတင်းထုတ်ပြန်ချက်အရ သိရသည်။

မြစ်ကြီးနားမြို့၊ မြို့မဈေး ပထမထပ်ရှိ ကမ္ဘောဇဘဏ် မီနီဘဏ်သို့  ဘဏ်ပိတ်ချိန်တွင် လူလေးဦးက ရုတ်တရက် ရောက်ရှိလာပြီး အသင့်ယူဆောင်လာသော လက်နက်များဖြင့် ဘဏ်ဝန်ထမ်းများကို ခြိမ်းခြောက်ကာ ဘဏ်မှ ငွေကျပ်သိန်း (၉၂၀) ကျော်ကို လုယူထွက်ပြေးခဲ့ကြောင်း သိရသည်။

အဆိုပါဖြစ်စဉ်နှင့် ပတ်သက်၍ ကမ္ဘောဇဘဏ် အနေဖြင့် မြစ်ကြီးနားမြို့၊ အမှတ်(၁)ရဲစခန်းသို့ တိုင်ကြားခဲ့ထားပြီး လုယက်သွားသူများကုို ဖော်ထုတ်ဖမ်းဆီး နိုင်ရေးအတွက် ရဲတပ်ဖွဲ့မှ ဆောင်ရွက်လျက် ရှိကြောင်း သိရသည်။