တောင်ဥက္ကလာပမြို့နယ်တွင် အမျိုးသမီးဆရာဝန်တစ်ဦးအား အိမ်စီးကားအသုံးပြု၍ လုယက်ခဲ့သည့်ဖြစ်စဉ်မှ ကျူးလွန်သူနှစ်ဦးကို ဖမ်းမိ

တောင်ဥက္ကလာပမြို့နယ်တွင် အမျိုးသမီး ဆရာဝန်တစ်ဦးကို အိမ်စီးကားအသုံးပြု၍ လုယက်ခဲ့သည့်ဖြစ်စဉ်မှ ကျူးလွန်သူနှစ်ဦးအား ဖမ်းမိခဲ့ကြောင်း သြဂုတ် ၁ ရက်က ရန်ကုန်တိုင်းဒေသကြီးရဲတပ်ဖွဲ့မှ သိရသည်။

လုယက်ရာတွင် အသုံးပြုသည့် မော်တော်ယာဉ်ကို ကျုးလွန်သူ သူရကိုကိုသိန်းက တစ်လလျှင် ကျပ်လေးသိန်းကျပ်ဖြင့် ခြောက်လစာချုပ် ငှားရမ်းထားခြင်းဖြစ်ကြောင်း စုံစမ်းရရှိချက်များအရ ရဲတပ်ဖွဲ့ဝင်များက သူရကို ကိုသိန်းနေထိုင်သည့် ဒဂုံမြို့သစ်(မြောက်ပိုင်း) ရှိ နေအိမ်သို့ သွားရောက်စုံစမ်းခဲ့ရာ နေအိမ်တွင်မရှိဘဲ ကရင်ပြည်နယ် ဘားအံမြို့သို့ သွားရောက်နေကြောင်း၊ ထို့နောက် လိုက်လံစုံစမ်းဖမ်းဆီးခဲ့ရာ ဇူလိုင် ၃၁ ရက်တွင် သူရကိုကိုသိန်း(ခ)အငယ်ကောင်(၃၄)နှစ်နှင့် မဇာဇာလင်းမိုး(၂၄)နှစ်တို့အား လုယက်ယူဆောင်ခဲ့သည့် Samsung လက်ကိုင်ဖုန်းနှင့်အတူ ကျိုက်ထိုမြို့ရှိ တည်းခိုခန်းတွင် ဖမ်းဆီးရမိခဲ့ကြောင်း သိရသည်။

၎င်းတို့အား စစ်ဆေးဖော်ထုတ်ချက်အရ လုယက်မှုကျူးလွန်ရာတွင် သူရကိုကိုသိန်း (ခ) အငယ်ကောင်သည် မဇာဇာလင်းမိုးနှင့်အတူ ပြစ်မှုကျူးလွန်ခဲ့ကြောင်း ပေါ်ပေါက်ပြီး လုယက်ယူဆောင်ခဲ့သည့် သက်သေခံရွှေထည်ပစ္စည်းများကို ၎င်းတို့ပေါင်ထားသော အပေါင်ဆိုင်များမှ ပြန်လည်သိမ်းဆည်းရရှိခဲ့ကြောင်း သိရသည်။

အဆိုပါဖြစ်စဉ်မှာ ဇူလိုင် ၂၁ ရက် နံနက် ၁၀ နာရီ ၄၅ မိနစ်ခန့်တွင် တောင်ဥက္ကလာပမြို့နယ်နေ ဒေါက်တာ ဒေါ်—–သည် ဗဟိုအမျိုးသမီးဆေးရုံသို့သွားရန် ဝေဇယန္တာလမ်းပေါ်တွင် ကားစောင့်ဆိုင်းနေစဉ် အသက် ၃၅ နှစ်ခန့်ရှိ အမျိုးသားတစ်ဦးမှ အိမ်စီးကားဖြင့် ရောက်လာပြီး ကားငှားမလားဟု မေးမြန်းသဖြင့် ငှားမည်ဟုပြောပြီး ယာဉ်ပေါ်သို့ လိုက်ပါလာခဲ့ကြောင်း သိရသည်။

ထို့နောက် တောင်ဥက္ကလာပမြို့နယ် (၃)ရပ်ကွက် (၁၃)လမ်းအရောက်တွင် ယာဉ်မောင်းက ကားအားရပ်ပြီး နောက်ခန်းသို့ ကူးလာကာ ဆရာဝန်အမျိုးသမီးအား လည်ပင်းညစ်ပြီး လုံးထွေးနေစဉ် ယာဉ်မောင်းနှင့် ချိန်းဆိုထားသည့် အမျိုးသမီးတစ်ဦး ယာဉ်ပေါ်သို့ တက်လာပြီး ဆရာဝန်အမျိုးသမီး၏ မျက်လုံးနှစ်ဖက်ကို ပိတ်ထားခဲ့ကာ ယာဉ်မောင်းက အလူမီနီယမ်ချောင်းနှင့် ရိုက်ခဲ့ကြောင်း သိရသည်။

ထို့သို့ရိုက်နှက်ခဲ့သဖြင့် ဒေါ်—- တွင် နဖူး၊ ဦးခေါင်းတို့တွင် ဖူးရောင်ဒဏ်ရာများ ရရှိပြီး ကျောက်စိမ်းလော့ကတ်သီးပါ ရွှေဆွဲကြိုး တစ်ကုံး၊ စိန်နားကပ်တစ်ရန်၊ OPPO နှင့် Samsung လက်ကိုင်ဖုန်းနှစ်လုံး၊ ငွေကျပ် ၅၀၀၀၀ ပါ ပိုက်ဆံအိတ်တစ်လုံးတို့ကို ယူဆောင် မောင်းနှင် ထွက်ပြေးသွားခဲ့သဖြင့် သက်ဆိုင်ရာသို့ တိုင်တန်းခဲ့သဖြင့် တောင်ဥက္ကလာပမြို့မရဲစခန်း(ပ)၈၁၈/၂၀၁၈၊ ရာဇသတ်ကြီး ဥပဒေပုဒ်မ ၃၉၄/၁၁၄ ဖြင့် အမှုဖွင့် အရေးယူ ဆောင်ရွက်ခဲ့ခြင်းဖြစ်ကြောင်း သိရသည်။

ဗိုလ်တထောင်မြို့နယ်ရှိ ဆောက်လက်စ တိုက်အတွင်း အသက် ၅၅ နှစ်အရွယ် အမျိုးသမီးအား သားမယားပြုကျင့်ပြီး ငွေနှင့် ရွှေထည်များ လုယူသွားသူကို ဖမ်းဆီးရမိ

Photo: Yangon Police

ဗိုလ်တထောင်မြို့နယ်အတွင်းရှိ ဆောက်လက်စတိုက်အတွင်း အသက် ၅၅ နှစ်အရွယ် အမျိုးသမီးအား သားမယားပြုကျင့်ပြီး ငွေနှင့် ရွှေထည်များ လုယူသွားသူကို ဖမ်းဆီးရမိခဲ့ကြောင်း သက်ဆိုင်ရာရဲစခန်းမှ စုံစမ်းသိရသည်။

အဆိုပါ အမျိုးသားမှာ အသက် ၂၅ နှစ် ၀န်းကျင်ရှိပြီး ၎င်းအား အခင်းဖြစ်ပွားပြီး တစ်ရက်အကြာတွင် ပုဇွန်တောင်မြို့နယ်၌ ဖမ်းဆီးရမိခဲ့ခြင်း ဖြစ်သည်။

ဖြစ်စဉ်မှာ ဖေဖော်ဝါရီ ၁၃ ရက်၊ မွန်း လွဲ ၂ နာရီတွင် ဗိုလ်တထောင်မြို့နယ်၊ ၄၂ လမ်း၊ အမှတ် ၁၅ ရှိ ဆောက်လက်စ တိုက်တွင် နေထိုင်သည့် ဒေါ်… ၅၅ နှစ်သည် အဆိုပါတိုက်၏ ပထမထပ်တွင် ရှိနေစဉ် အမည်မသိ အမျိုးသားတစ်ဦး ရောက်ရှိလာခဲ့ကြောင်း၊ အဆိုပါ အမျိုးသားက အလုပ်လာရှာခြင်းဖြစ်ကြောင်း ပြောဆိုသဖြင့် ဒေါ် ….က ယင်းအမျိုးသားအား ဆက်လက် စကားပြောနေခဲ့ကြောင်း၊ ယင်းသို့ စကားပြောနေစဉ် အဆိုပါ အမျိုးသားက ဒေါ်…. အား ပိုက်ဆံထုတ်ပေးရန်နှင့် မပေးပါက “မုဒိမ်းကျင့်မယ်၊ ထောင်က ထွက်လာတာ”ဟု ပြောဆို၍ ဒေါ် ….မှာ ပိုက်ဆံ နှစ်သိန်း ထုတ်ပေးခဲ့ကြောင်း၊ ဒေါ်… ၀တ်ဆင်ထားသည့် ကျောက်ဖြူ နားကပ်အား ယင်းအမျိုးသားက ထပ်မံတောင်း၍ ချွတ်ပေးခဲ့ရကြောင်း သိရသည်။

“ကျုးလွန်ခံရတဲ့ အမျိုးသမီးက အဲဒီ ဆောက်လက်စတိုက် ပထမထပ်မှာ။ သူ့သား တစ်ယောက်နဲ့ အလုပ်သမားတစ်ယောက်က ခြောက်လွှာမှာ အုတ်စီ အချောသတ်လုပ်ငန်း လုပ်နေတာ။ ကျုးလွန်သူက ငွေကို တောင်းတော့ အဲဒီအမျိုးသမီးက ပေးတယ်။ ပြီးတော့ နားကပ်ကို ထပ်တောင်းတယ်။ အခင်းဖြစ်တယ်ကြားလို့ ကျွန်တော်တို့ သွားကြည့်တော့ အမျိုးသမီးက ရင်လျားနဲ့။ အင်္ကျီကလည်း ဖြဲခံထားရတယ်။ ပြီးတော့ ပါးစပ်ထဲကိုလည်း အ၀တ်စတွေ ထည့်ထားတယ်။ လည်ပင်းကို ပုဆိုးပိုင်းနဲ့တုတ်ပြီး သားမယားပြုကျင့်တာပါ။ သူ့ကိုတော့ အခင်းဖြစ်တဲ့လမ်းမှာ တပ်ထားတဲ့ စီစီတီဗီမှတ်တမ်းကနေ ခြေရာခံ လိုက်ဖမ်းဆီးတာပါ။ သူက ပြစ်မှုမကျူးလွန်ခင်တုန်းက အဲဒီလမ်းထဲက အရက်ဆိုင်မှာ ထိုင်သောက်တယ်။ ပြီးမှ ထလာပြီး အခုလိုကျုးလွန်တာပါ။ အခင်းဖြစ်ပွားတဲ့ တိုက်ရှေ့မှာလည်း ကွမ်းယာဆိုင် တစ်ဆိုင်ရှိပါတယ်။ ဖြစ်သွားချိန်က မိနစ် ၄၀ ကျော်လောက်ပဲ ကြာလိုက်မယ်”ဟု ဗိုလ်တထောင်မြို့နယ်၊ အမှတ် (၇) ရပ်ကွက်မှ အုပ် ချုပ်ရေးမှူး ဦးသန်းဝင်းက ပြောကြားသည်။

ဖြစ်စဉ်အား ဗိုလ်တထောင်မြို့မ ရဲစခန်းက (ပ) ၆၃/၂၀၁၈၊ ရာဇသတ်ကြီးပုဒ်မ -၃၇၆/၃၈၄ဖြင့် ဖမ်းဆီး အမှုဖွင့် စစ်ဆေးနေသည်။

အငှားယာဉ်ပေါ်တွင် လုယက်ခံရကြောင်း ရဲစခန်းသို့ မမှန်သတင်းပေး တိုင်တန်းသူ အမျိုးသမီးအား အလုပ်နှင့်ထောင်ဒဏ် သုံးလချမှတ်

အငှားယာဉ်ပေါ်တွင် လုယက်ခံရကြောင်း ရဲစခန်းသို့ မမှန်သတင်းပေး တိုင်တန်းသူ အမျိုးသမီးအား အလုပ်နှင့်ထောင်ဒဏ် သုံးလချမှတ်ခဲ့ကြောင်း ဖေဖော်ဝါရီ ၈ ရက် ညနေပိုင်းတွင် ရန်ကုန်တိုင်းဒေသကြီး ရဲတပ်ဖွဲ့က သတင်းထုတ်ပြန်သည်။

ယင်းဖြစ်စဉ်မှာ ဖေဖော်ဝါရီ ၇ ရက် နံနက် ၆ နာရီ ၁၅ မိနစ်တွင် ဧရာဝတီတိုင်းဒေသကြီး မအူပင်မြို့နယ်နေ မလှိုင်နှင်းဝေသည် မိဘများနှင့် ချိန်းဆိုထားသဖြင့် ပန်းဆိုးတန်းသို့သွားရန် လမ်းမတော်မြို့နယ်၊ ဗိုလ်ချုပ်လမ်းပေါ် သရက်တောကျောင်းတိုက်အနီးမှ ယာဉ်အမှတ် EE—- Caldinar တက္ကစီတစ်စီးအား ငှားရမ်းစီးနင်းလာခဲ့ကြောင်း သိရသည်။ ထို့နောက် ယာဉ်မောင်းမှာ ပန်းဆိုးတန်းသို့မသွားဘဲ ကွေ့ပတ်မောင်းနှင်ကာ စမ်းချောင်းမြို့နယ် မြေနီကုန်းလမ်းဆုံတွင် မီးနီသဖြင့် မော်တော်ယာဉ်ရပ်ထားစဉ် အမည်မသိ အမျိုးသားတစ်ဦး ယာဉ်ပေါ်သို့ တက်လာခဲ့ကြောင်း သိရသည်။

အဆိုပါ အမည်မသိအမျိုးသားက ခရီးသည်အမျိုးသမီး၏ လက်နှစ်ဖက်အား ဖမ်းချုပ်ပြီး ပါးစပ်ကို လက်ဖြင့်ပိတ်ကာ ယာဉ်မောင်းထံမှ ကတ်ကြေးတောင်းယူ၍ ၎င်း၏အင်္ကျီကို ကတ်ကြေးဖြင့် ဖြဲခဲ့ကြောင်း၊ ကြယ်သီးနှစ်လုံး ပြုတ်သွားပြီး ပိုက်ဆံအိတ်လုသွားခဲ့ကြောင်း၊ အငှားယာဉ်ကို လှည့်ပတ်မောင်းပြီး ကြည့်မြင်တိုင်မြို့နယ် သီရိမင်္ဂလာဈေးဟောင်းရှေ့တွင် ယာဉ်ပေါ်မှ ချထားခဲ့ကြောင်း၊ ခရီးသည်အမျိုးသမီးထံမှ VIVO အမျိုးအစား လက်ကိုင်ဖုန်း တစ်လုံးနှင့် ကျပ် ၅၀၃၀၀၀ ထည့်ထားသည့် ပိုက်ဆံအိတ်အား လုယူသွားကြောင်း ထုတ်ပြန်ချက်အရ သိရသည်။

ယင်းဖြစ်စဉ်ကို ခရီးသည်အမျိုးသမီးက ကြည့်မြင်တိုင်မြို့မရဲစခန်းသို့ လာရောက်တိုင်တန်းသဖြင့် (ပ)၃၃/၁၈၊ ရာဇသတ်ကြီးပုဒ်မ ၃၈၂/၃၅၄/၄၂၇ ဖြင့် အမှုဖွင့်စစ်ဆေး ဆောင်ရွက်ခဲ့သည်။

ရဲတပ်ဖွဲ့က စုံစမ်းဆောင်ရွက်ခဲ့ရာ တိုင်တန်းသူ မလှိုင်နှင်းဝေ၏ ထွက်ဆိုချက်မှာ ရှေ့နောက်ညီညွတ်မှုမရှိဘဲ ကွဲလွဲစွာထွက်ဆိုနေကြောင်း၊ ၎င်းငှားရမ်းစီးနင်းလာသည့် ယာဉ်အမှတ် EE—- Caldinar ယာဉ်ဖြတ်သန်းမောင်းနှင်ခဲ့သည့် လမ်းကြောင်းတစ်လျှောက်ရှိ မှတ်တမ်းများ ကြည့်ရှုစစ်ဆေးခဲ့ရာတွင် အဆိုပါ ယာဉ်ဖြတ်သန်း မောင်းနှင်ခဲ့သည့် မှတ်တမ်းများ မတွေ့ရှိခဲ့ရကြောင်း စစ်ဆေးချက်အရ သိရသည်။

ထို့ကြောင့် မလှိုင်နှင်းဝေအား အသေးစိတ် စစ်ဆေးရာ ၎င်းတိုင်တန်းသည့်အမှုမှာ ဖြစ်စဉ်အမှန်မဟုတ်ဘဲ ၎င်းထံ၌ ငွေမရှိဘဲ မိဘများအား ပိုက်ဆံပေးမည်ဟု ပြောဆို၍ ရန်ကုန်သို့လာရောက်ရန် ပြောဆိုခဲ့ကြောင်း၊ မိဘများက ရန်ကုန်သို့ရောက်ရှိသည့်အခါ ပိုက်ဆံပေးစရာမရှိသဖြင့် အကြောင်းပြပြီး လိမ်လည်၍ မမှန်မကန် သတင်းပေး တိုင်တန်းခဲ့သည်ဟု စစ်ဆေးပေါ်ပေါက်ကြောင်း သိရသည်။

ယင်းဖြစ်စဉ်နှင့်ပတ်သက်၍ ရဲစခန်းသို့ မမှန်မကန် သတင်းပေးတိုင်တန်းသူ မလှိုင်နှင်းဝေအား ကြည့်မြင်တိုင်မြို့မရဲစခန်းက ရာဇသတ်ကြီးပုဒ်မ ၁၈၂ ဖြင့် တရားရုံးသို့ ဦးတိုက်လျှောက်ထားခဲ့ရာ ကြည့်မြင်တိုင်မြို့ နယ်တရားရုံးရာကြီး အမှတ် ၇၉ /၁၈ ဖြင့် လက်ခံစစ်ဆေးခဲ့ပြီး ပြစ်မှုကျူးလွန်သူ မလှိုင်နှင်းဝေအား အလုပ်နှင့် ထောင်ဒဏ် သုံးလချမှတ်ခဲ့ကြောင်း သိရသည်။