ဥပဒေအရာရှိဟုပြောဆို၍ မူးယစ်အမှုဖြင့် ထောင်ဒဏ် ၁၁ နှစ် ချမှတ်ခံထားရသည့်အမှုအား လွတ်အောင်လုပ်ပေးမည်ဟုပြောဆိုကာ ငွေကျပ် ၅၇၂ သိန်းရယူခဲ့သူအပါအ၀င် နှစ်ဦးအား လိမ်လည်မှုဖြင့် အမှုဖွင့်

၂၀၁၇ ခုနှစ်အတွင်း ကချင်ပြည်နယ် ဗန်းမော်ခရိုင်တရားရုံးတွင် မူးယစ်ဆေးဝါးအမှုဖြင့် အလုပ်နှင့် ထောင်ဒဏ် ၁၁ နှစ်ချ မှတ်ခံခဲ့ရသည့်အမှုအား လွတ်အောင်လုပ်ပေးမည်ဟု ပြောဆို၍ ငွေကျပ် ၅၇၂ သိန်း ရယူခဲ့သူ အပါအ၀င် နှစ်ဦးအား စက်တင်ဘာ ၉ ရက်က နေပြည်တော်ရှိ ဘုရားကုန်းမြို့မ ရဲစခန်းတွင် ရာဇသတ်ကြီး ပုဒ်မ ၄၂၀/၄၁၁ ဖြင့် အမှုဖွင့်ထားကြောင်း စုံစမ်းသိရသည်။

ဖြစ်စဉ်မှာ ဗန်းမော်မြို့နယ် သိန်လင်ရွာနေ ဒေါ်–ဆိုသူ၏ ခင်ပွန်းဖြစ်သူ ဦး— ဆိုသူသည် မူးယစ်ဆေးဝါးများနှင့်အတူ ဖမ်းဆီးခံရသဖြင့် အခြားအမျိုးသားနှစ်ဦးနှင့်အတူ ၂၀၁၇ ခုနှစ် စက်တင်ဘာ ၁၅ ရက်တွင် ဗန်း မော်ခရိုင်တရားရုံးမှ အလုပ်နှင့်ထောင်ဒဏ် ချမှတ်ခံရကြောင်း သိရသည်။

ယင်းကဲ့သို့ အမိန့်ချ၍ ဗန်းမော်အကျဉ်း ထောင်တွင် ရှိနေစဉ်ဦး—၏ ဇနီးဖြစ်သူ ဒေါ်–အား ဒေါ်နွေးနွေးဆိုသူက ဖုန်းဆက်၍ ၎င်းသည် နေပြည်တော်မှ ဥပဒေအရာရှိဖြစ်ကြောင်း ဦး—ထောင်ကျနေသည့် အမှုတွဲ ၎င်းထံတွင် ရှိကြောင်း၊ နေပြည်တော်သို့ ဆင်းလာရန် ခေါ်ဆိုခဲ့ကြောင်းသိရသည်။

ထိုသို့ခေါ်သဖြင့် ဒေါ်–သည် ၂၀၁၇ ခုနှစ် အောက်တိုဘာ ၁၁ ရက်တွင် နေပြည်တော်သို့ သွားရောက်ခဲ့ကြောင်း၊ အောက်တိုဘာ ၁၂ ရက်တွင် တရားလွှတ်တော်ချုပ်ရုံးရှေ့ ဂိတ်ဝအနီးတွင် ဥပဒေအရာရှိဆိုသည့် ဒေါ် နွေးနွေးနှင့် တွေ့ဆုံ၍ ငွေကျပ် ၁၆၂ သိန်းအား ပေးအပ်ခဲ့ကြောင်း သိရသည်။

ယင်းနောက် အောက်တိုဘာ ၂၅ ရက် တွင် ဒေါ်နွေးနွေးဆိုသူမှ တရားခံအပြိုင်ရှိသည်ဟု ဖုန်းဆက်ပြောဆို၍ ဒုတိယအကြိမ် ငွေကျပ်သိန်း ၁၅၀၊ ဒီဇင်ဘာ ၁၁ ရက်တွင် ဒေါ်နွေးနွေးဆိုသူမှ ထပ်မံတောင်းခံသဖြင့် တတိယအကြိမ် ငွေကျပ် သိန်း ၅၀၊ ၂၀၁၈ ခုနှစ် ဖေဖော်ဝါရီ ၂ ရက်တွင် စတုတ္ထအကြိမ် အဖြစ် ငွေကျပ် သိန်း ၁၅၀၊ ၂၀၁၈ ခုနှစ် ဧပြီ ၁၀ ရက်တွင် ပဉ္စမအကြိမ် ငွေကျပ် ၃၅ သိန်း၊ ၂၀၁၈ ခုနှစ် မေ ၁၄ ရက်တွင် ဆဌမအကြိမ် အဖြစ် ငွေကျပ် ၂၅ သိန်းတို့အား ဗန်းမော်မြို့ ရှိ ကမ္ဘောဇဘဏ်မှ နေပြည်တော် ကမ္ဘောဇ ဘဏ်(၃) သို့ ကိုဖိုးဇော်အမည်ဖြင့် လွှဲပြောင်း ပေးခဲ့ကြောင်း ရဲမှတ်တမ်းအရသိရသည်။

ယင်းသို့စုစုပေါင်းငွေကျပ် ၅၇၂ သိန်း အား ဥပဒေအရာရှိဆိုသူ ဒေါ်နွေးနွေးထံ လွှဲပေးပြီးနောက် အမှုအတွက် အခြေအနေများအား ဖုန်းဆက်မေးမြန်းရာ ဖုန်းပိတ်ထားသဖြင့် စက်တင်ဘာ ၉ ရက်တွင် ဒေါ်–သည် ဒေါ်နွေးနွေးဆိုသူနှင့် တွေ့ဆုံရန် တရားလွှတ်တော်ချုပ်ရုံးသို့ လာရောက်စုံစမ်းခဲ့ရာ စုံစမ်းမရသဖြင့် ဥပဒေအရာရှိဟုပြောဆိုသူ ဒေါ် နွေးနွေးနှင့် ဖိုးဇော်ဆိုသူအား စက်တင်ဘာ ၉ ရက်တွင် နေပြည်တော်ရှိ ဘုရားကုန်း မြို့မရဲစခန်းတွင် အမှုဖွင့်တိုင်ကြားခဲ့သည်။

ယင်းအမှုနှင့် ပတ်သက်၍ ဘုရားကုန်း မြို့မရဲစခန်းတွင် (ပ)၅၉/၂၀၁၈ ရာဇသတ်ကြီး ဥပဒေပုဒ်မ ၄၂၀/၄၁၁ ဖြင့် အမှုဖွင့်ထား ပြီး ငွေလိမ်လည်ရယူသွားသည် ဆိုသည့်နှစ်ဦးအား ဖမ်းဆီးရမိရေး စုံစမ်းစစ်ဆေးလျက်ရှိကြောင်း သိရသည်။

ယင်းဖြစ်စဉ်နှင့်ပတ်သက်၍ ဘုရားကုန်းမြို့မရဲစခန်းမှ ရဲအရာရှိတစ်ဦးအား အမှု၏အခြေအနေနှင့် အမှုဖွင့်ခံထားရသူများအား စုံစမ်းဖမ်းဆီးနေမှုအခြေနေအား ဆက်သွယ်မေးမြန်းရာ ၎င်းက လက်ရှိမှာ အမှုနှင့်ပတ်သက်ပြီး စုံစမ်းစစ်ဆေးနေဆဲသာ ဖြစ်သည်ဟု ပြန်လည်ဖြေကြားသည်။

ဒေးဒရဲမြို့နယ် လေးကျေးရွာ အ.ထ.ကခွဲ ကျောင်းမြေနှင့်ပတ်သက်၍ လိမ်လည်မှုဖြင့် ဖမ်းဆီးခံထားရသည့် ကျောင်းဆရာတစ်ဦးနှင့် ကျောင်းအကျိုးဆောင်တို့အား ပထမအကြိမ် ရုံးထုတ်ပြီး အာမခံရရှိ

ဒေးဒရဲမြို့နယ်တရားရုံး၌ သြဂုတ် ၁၃ ရက်က ပထမအကြိမ် ရုံးထုတ်စဉ် တရားစွဲခံရသူဘက်မှ လိုက်ပါဆောင်ရွက်သည့်ရှေ့နေက မီဒီယာများကို ဖြေကြားစဉ်

ဒေးဒရဲမြို့နယ် လေးကျေးရွာ အထကခွဲ ကျောင်းမြေနှင့်ပတ်သက်၍ လိမ်လည်မှုဖြင့် အမှုဖွင့် ဖမ်းဆီးခံထားရသည့် ကျောင်းဆရာတစ်ဦးနှင့် ကျောင်းအကျိုးဆောင်တို့အား သြဂုတ် ၁၃ ရက်တွင် ဒေးဒရဲမြို့နယ်တရားရုံး၌ ပထမအကြိမ် ရုံးထုတ်ခဲ့ကြောင်း သိရသည်။

ယင်းနေ့ရုံးချိန်းတွင် အလယ်တန်းပြ ကျောင်းဆရာ ဦးမြင့်သိန်းနှင့် ကျောင်းအကျိုးဆောင် ဦးခင်စိန်တို့၏ အာမခံတို့အတွက် အာမခံသူလေးဦးမှ တစ်ဦးလျှင် ကျပ်သိန်း ၃၀၀ စီ၊ စုစုပေါင်းကျပ်သိန်း ၁၂၀၀ ဖြင့် ဒေးဒရဲမြို့နယ်တရားရုံးမှ အာမခံပေးလိုက်ကြောင်း သိရသည်။

“ဒီနေ့ အာမခံပေး၊ မပေး အမိန့်ချမယ့်နေ့မှာ အာမခံပေးလိုက်ပါတယ်။ အာမခံ လျှောက်ထားခွင့်ရတဲ့ ကျင့်ထုံးဥပဒေ ၄၉၇ (၁) အရ ပေးလိုက်ပါတယ်။ အာမခံတွေကတော့ တစ်ဦးကို သိန်း ၃၀၀ စီ ပေးရပါတယ်” ဟု ကျောင်းဆရာနှင့် ကျောင်းအကျိုးဆောင်တို့ဘက်မှ လိုက်ပါဆောင်ရွက်မည့် တရားလွှတ်တော်ရှေ့နေ ဦးခင်မောင်လွင်က ပြောကြားသည်။ ထို့နောက် ရုံးချိန်းအား သြဂုတ် ၂၈ ရက်သို့ ပြန်လည်ချိန်းဆိုခဲ့ပြီး ယင်းနေ့တွင် အမှုနှင့်ပတ်သက်၍ တရားလိုဖြစ်သူ ဦးခင်လတ်အား စတင်စစ်ဆေးမည်ဖြစ်ကြောင်း သိရသည်။

အမှုဖြစ်စဉ်မှာ လေးကျေးရွာဒေသခံ ဦးခင်လတ်နှင့် ညီမ၀မ်းကွဲတော်စပ်သူ ဒေါ်ထွားတို့မှ ၎င်းတို့လုပ်ပိုင်ခွင့်ရသည့် မြေယာများအနက်မှ မြေတစ်ဧကကို ၂၀၀၀ ပြည့်နှစ်တွင် လက်ရှိလေးကျေးရွာ အ.ထ.ကခွဲ ကျောင်းဆောက်လုပ်ရန် လှူဒါန်းထားခဲ့ကြောင်း၊ အဆိုပါ မြေတစ်ဧကအပြင် ကျောင်းနှင့် ဆက်စပ်နေသည့် ဦးခင်လတ်နှင့် ညီမ၀မ်းကွဲတော်စပ်သူ ဒေါ်ထွားတို့၏ မြေနေရာများကို အလယ်တန်းပြကျောင်းဆရာ ဦးမြင့်သိန်းက ၎င်းလုပ်ပိုင်ခွင့်ရ မြေနေရာများအဖြစ် ကျောင်းသို့လှူဒါန်းပြီး လန ၃၉ (လယ်ယာမြေ အခြားနည်းသုံးစွဲခွင့်) လိမ်လည်လျှောက်ထားခဲ့ကြောင်း၊ ထို့နောက် လက်ရှိကျောင်းအကျိုးဆောင် ကျေးရွာရယကဥက္ကဋ္ဌဟောင်း ဦးခင်စိန်က လန ၃၉ လျှောက်ထားစဉ်အချိန်တွင် ရယကဥက္ကဋ္ဌမဟုတ်ဘဲ ဥက္ကဋ္ဌအဖြစ် လိမ်လည်လက်မှတ် ထိုးပေးခဲ့သည်ဟုဆိုကာ ဦးခင်လတ်က တရားလိုပြုလုပ်၍ ကျောင်းဆရာဦးမြင့်သိန်းနှင့် ကျောင်းအကျိုးဆောင်တို့အား ယခုနှစ် ဇန်န၀ါရီလအတွင်းက ဒေးဒရဲမြို့နယ် ကျုံဒါးရဲစခန်းတွင် ရာဇသတ်ကြီးသတ်ဥပဒေပုဒ်မ ၄၂၀/၄၆၈ ဖြင့် အမှုဖွင့် တိုင်ကြားခဲ့ကြောင်း သိရသည်။ အဆိုပါ အမှုဖွင့် တိုင်ကြားခဲ့ခြင်းကြောင့် ကျောင်းဆရာ ဦးမြင့်သိန်းနှင့် ကျောင်းအကျိုးဆောင် ဦးခင်စိန်တို့အား သြဂုတ် ၂ ရက်တွင် ရဲတပ်ဖွဲ့မှ ဖမ်းဆီးချုပ်နှောင်ခဲ့ကြောင်း သိရသည်။

ထိုသို့ ရဲတပ်ဖွဲ့မှ ပညာရေးဝန်ထမ်းတစ်ဦးကို ဖမ်းဆီးချုပ်နှောင်မှုနှင့်ပတ်သက်၍ နိုင်ငံ့ဝန်ထမ်းနည်းဥပဒေပါ ပုဒ်မ ၁၆၅ အရ သက်ဆိုင်ရာဝန်ထမ်း အဖွဲ့အစည်း အကြီးအမှူးထံ ခွင့်​ပြုချက်​တစ်​စုံတစ်​ရာ မ​တောင်းခံဘဲ ဖမ်းဆီးစစ်​ဆေးခြင်းအတွက် မြို့နယ်ပညာရေးမှူး အပါအ၀င် ပညာရေးဝန်ထမ်းများနှင့် ဒေသခံများက သြဂုတ် ၁၂ ရက်တွင် ဆန္ဒထုတ်ဖော်ခဲ့ကြသည်။

အဆိုပါ ဆန္ဒထုတ်ဖော်ပွဲတွင် ‘အဂတိကင်းစင်ရေးသည် တရားစီရင်ရေးဖြစ်ထွန်းရေး…ဒို့အရေး’၊ ‘အဂတိကင်းစင်သည့်တရားစွဲ အဖွဲ့အစည်းဖြစ်ထွန်းရေး… ဒို့အရေး’၊ ‘အလယ်တန်းဆရာမြင့်သိန်း၏ နိုင်ငံ့ဝန်ထမ်း အခွင့်အရေး ကာကွယ်စောင့်ရှောက်ရေး… ဒို့အရေး’၊ ‘လေးကျေးရွာကျောင်းမြေသည် ၂၀၁၂ လယ်ယာမြေဥပဒေပုဒ်မ ၃ (က) တွင် အကျုံးဝင်၊ မ၀င် စစ်ဆေးရေး…ဒို့အရေး’၊ ‘လေးကျေးရွာကျောင်းမြေ ပုဒ်မ ၆ အရ လယ်ယာမြေ လုပ်ပိုင်ခွင့်လက်မှတ် ထုတ်ပေးခွင့်ရှိ၊ မရှိစစ်ဆေးရေး…ဒို့အရေး’၊ ‘အဂတိလိုက်စားမှု တိုက်ဖျက်ရေးကော်မရှင်မှ စုံစမ်းစစ်ဆေး အရေးယူပေးရေး…ဒို့အရေး’ စသည့်တို့ကို ဗီနိုင်းစာသားများနှင့်အတူ ကြွေးကြော်ဆန္ဒ ထုတ်ဖော်ခဲ့ကြသည်။

ဆန္ဒထုတ်ဖော်ပွဲသို့ ဒေးဒရဲမြို့နယ် ကျိုက်လတ်မြို့နယ်၊ ဖျာပုံမြို့နယ်၊ မအူပင်မြို့နယ်တို့မှ ကျောင်းဆရာ/ဆရာမများ၊ ကျောင်းသား/ကျောင်းသူများ၊ ဒေသခံပြည်သူများ ပါဝင်ဆန္ဒထုတ်ဖော်ခဲ့ကြသည်။

ပြည်မြို့နယ်၌ ငွေလိမ်မှုဖြင့် တရားစွဲခံထားရသူ အမျိုးသမီးအား အာမခံပေးထားစဉ် ၎င်းအမျိုးသမီးက ငွေချေးမည်ဟုဆိုကာ လူ ၁၀၀၀ နီးပါးထံမှ ငွေများထပ်မံတောင်းယူခဲ့၍ ရဲစခန်းများတွင် အမှုဖွင့်ထား

ပဲခူးတိုင်းဒေသကြီး အနောက်ပိုင်း ပြည်မြို့နယ်တွင် ငွေလိမ်မှုဖြင့် တရားစွဲခံထားရသူ အမျိုးသမီးအား အာမခံပေးထားစဉ် ငွေချေးမည် ဟုဆိုကာ လူ ၁၀၀၀ နီးပါးကို ထပ်မံလိမ်လည်ခဲ့၍ ရဲစခန်းများတွင် အမှုဖွင့်ထားကြောင်း သိရသည်။

အိမ်ထောင်စု တစ်စုလျှင် ကျပ် ၁၅ သိန်း ထုတ်ချေးမည်ဟုဆိုကာ ကြိုတင်ပေးသွင်းငွေ ကျပ် ၂၀၀၀၀ ကောက်ခံခဲ့ပြီး ငွေချေးရန် အာမခံထားသည့် နေ့ရက်ကျော်လွန်သည်အထိ လာရောက်ချေးပေးခြင်း မရှိသည့်အပြင် လိုက်လံစုံစမ်းရာတွင်လည်း အကြောင်းအမျိုးမျိုးပြကာ ရှောင်တိမ်းနေခြင်းကြောင့် လိမ်လည်ခံခဲ့ရသူများက ရဲစခန်းများတွင် အမှုဖွင့် ခဲ့ခြင်းဖြစ်ကြောင်း ငွေလိမ်ခံခဲ့ရသူများထံက သိရသည်။

“သူလာတုန်းကတော့ ငွေချေးမယ်ဆိုတော့ အားချင်းငွေရှာပြီး ပေးလိုက်တယ်။ သူ ထုတ်ပေးမယ်ဆိုတဲ့ ရက်လည်းမလာ နောက် ပိုင်းလည်းမဆက်သွယ်တော့ တိုင်ကြားရခြင်း ဖြစ်ပါတယ်။ သူလိမ်နေတာက ပေါ်လွင်နေ တယ်လေ။ သူက ဟိုရက်လာမယ် ဒီရက်လာ မယ်ဆိုပြီး တကယ်တမ်းကျတော့ လူလည်း လာမတွေ့ဘူး။ ဖုန်းတောင် သူနဲ့အချိတ်အ ဆက်ရဖို့ လိုက်ရှာနေရတယ်။ သူလိမ်တာ ပေါ်လွင်နေတော့ သူ့ကို ဒီအတိုင်းလည်း  မထား နိုင်ဘူး။ ကိုယ်အလိမ်ခံနေရသလို နောက်လူ တွေလည်း အလိမ်ခံနေရမှာပဲ။ နောက်လူတွေ အလိမ်မခံရအောင် တိုင်မှပဲဖြစ်မယ်ဆိုပြီး ကျွန်မတို့က တိုင်ချက်ဖွင့်လိုက်တာပဲ” ဟု ပြည်မြို့နယ် နှောကုန်းကျေးရွာမှ ဒေါ်မြစန်းက ပြောကြားသည်။

အမှုဖွင့် တိုင်ကြားခံရသူ အမျိုးသမီးနှစ်ဦးမှာ ၂၀၁၈ ခုနှစ် ၁ လပိုင်းနှင့် ၂ လပိုင်းတို့ တွင် ပြည်မြို့နယ် တစ်ဝိုက်ရှိ ရပ်ကွက်ကျေးရွာများတွင် ငွေချေးမည်ဟုဆိုကာ လိုက်လံလိမ်လည်ခဲ့ရာ အောင်ဆန်း ရပ်ကွက်တွင် ၃၈ ဦး၊ နှောကုန်းကျေးရွာတွင် ၁၈  ဦး၊ မြို့သစ် တွင် ၁၀၀ ဦး၊ မြောက်န၀င်းဆည် ဆည်တဲ ကျေးရွာတွင် ၁၀၀ ဦး၊ ပျားတိုးကျွန်းတွင် ၁၀၀ ဦးနှင့် အခြားကျေးရွာရပ်ကွက်များ၊ ပေါက်ခေါင်းမြို့နယ်တွင် လူဦးရေ ၃၇၀ ကျော်တို့ကို လိမ်လည်ခဲ့ကြောင်း ပြည်မြို့မ အမှတ် (၂) ရဲစခန်းက သိရသည်။

“ကျွန်တော်တို့ ရဲစခန်းမှာ အမှုဖွင့်အရေးယူထားပါတယ်။ ပထမအကြိမ်တုန်းက ၂၀၁၈ ခုနှစ် ၃  လပိုင်းမှာ တစ်ကြိမ် အခု ၇ လပိုင်းမှာ တစ်ကြိမ် ဒီအမျိုးသမီးကို အရေးယူဆောင်ရွက် နေပါတယ်။ အခုဖွင့်ထားတဲ့ အမှုနဲ့ ပတ်သက်ပြီး ဖမ်းဆီးစစ်ဆေး ဆောင်ရွက်ဖို့ စီစဉ်နေပါတယ်။ ပြည်မြို့နယ်ထဲမှာတင် မဟုတ်ဘဲ အလားတူ ပေါက်ခေါင်းမှာလည်း ငွေ ၂၀၀၀၀ ကျပ်စီကို အကြောင်းအမျိုးမျိုးပြပြီး လက်ခံယူထားတယ်လို့ ကြားသိထားရတယ်” ဟု ပြည်မြို့မရဲစခန်းမှူး ဒုရဲမှူးမြင့်ဇော်က ပြောကြား သည်။

အဆိုပါ မမာမာခိုင်အား အမှတ် ၂  မြို့မ ရဲစခန်းတွင် ၂၀၁၈ ခုနှစ် မတ်လပိုင်းကလည်း ပုဒ်မ-၄၂၀ ဖြင့် အမှုဖွင့် တရားရင်ဆိုင်နေရစဉ် အာမခံပေးထားပြီး ယခုဇူလိုင် ၂၃  ရက်တွင်လည်း ပုဒ်မ-၄၂၀ ဖြင့် ထပ်မံအမှုဖွင့်ထားကာ အမှတ် ၃ ရဲစခန်းတွင်လည်း အမှုဖွင့်ထားကြောင်း သိရပြီး အခြားရဲစခန်း များတွင်လည်း ထပ်မံအမှုဖွင့်သွားမည်ဟု နစ်နာသူများက ပြောကြားသည်။

 

အွန်လိုင်းတွင် ရှယ်ယာခေါ်ယူပြီး ကျပ်သိန်းလေးသောင်း လိမ်ယူသွားသည်ဟုဆိုကာ အရေးယူပေးရန် နစ်နာသူရှယ်ယာရှင်များက သတင်းစာရှင်းလင်း

အွန်လိုင်းတွင် ရှယ်ယာခေါ်ယူပြီး ကျပ် သိန်းလေးသောင်း လိမ်ယူသွားသည်ဟုဆို ကာ  အရေးယူပေးရန် နစ်နာသူ ရှယ်ယာရှင်များက ဇူလိုင် ၁၅ ရက်က ရန်ကုန်မြို့ Orchid Hotel ၌ သတင်းစာရှင်းလင်းပွဲ ပြုလုပ်ခဲ့ကြောင်း သိရသည်။

လူမှုကွန်ရက် Facebook တွင်  Genius Media Advertising Agency အမည်ဖြင့် ကြော်ငြာဝန်ဆောင်မှုလုပ်ငန်း လုပ်ကိုင်နေသော မမေအိမ့်ဒါလီမွန်ဆိုသူက အစုရှယ်ယာ ထည့်ဝင်ပါက ရင်းနှီးငွေ၏ ရာခိုင်နှုန်း ၂၀ ကို လစဉ်အမြတ်အဖြစ်ပေးမည်ဟု မက် လုံးပေးကာ အစုရှယ်ယာဝင်များကို ခေါ်ယူခဲ့ကြောင်း သတင်းစာရှင်းလင်းပွဲပြုလုပ်သူများ၏ ပြောကြားချက်အရ သိရသည်။

“ကျွန်မတို့ကို စပြောတုန်းက အစုရှယ်ယာထဲမှာ ငါးသိန်းရင်းရင် တစ်လတစ်သိန်း အမြတ်ရမယ်ဆိုပြီး ပြောတယ်။ အစပိုင်းတော့မှန်သေးတယ်။ နောက်ပိုင်း ကျပ်သိန်း  ၁၀၀ လောက်သွင်းပြီးမှ လိမ်ပြေးသွားတယ်ပေါ့။ ကျွန်မလိုပဲ တစ်လအမြတ်တစ်သိန်းရလည်း မနည်းဘူးဆိုပြီး ယုံပြီးအစုရှယ်ယာ ထည့်သူတွေပါ အလိမ်ခံရတာ အားလုံးပေါင်း ၇၀၀ ကျော်လောက် ရှိတယ်။ စုစုပေါင်း ကျပ်သိန်းလေးသောင်းလောက် ပါသွားတယ်” ဟု နစ်နာသူတစ်ဦးဖြစ်သည့်  မ၀င်းဝင်းအေးက  သတင်းစာရှင်းလင်းပွဲတွင် ပြောကြားသည်။

လူမှုကွန်ရက် Facebook တွင် မမေအိမ့်ဒါလီမွန်ဆိုသူက ၂၀၀၇ ခုနှစ် စက်တင်ဘာ ၁၈ ရက်မှစတင်ကာ ကြော်ငြာဝန်ဆောင်မှုလုပ်ငန်းတွင် အစုရှယ်ယာ စတင်ခေါ်ယူခဲ့ပြီး နောက်ပိုင်းတွင် အမြတ်ငွေများကို ပုံမှန် ပေးသွင်းခြင်း မရှိကြောင်း၊ ထို့ပြင် ရှယ်ယာ ထည့်ဝင်ထားသည့် ရှယ်ယာဝင်အဟောင်းများ၏  အကျိုးအမြတ်များပေးရန်ရပ်ဆိုင်းထားချိန်တွင် လူမှုကွန်ရက်စာမျက်နှာမှ ထပ်မံကြော်ငြာခြင်းများ ပြုလုပ်ခဲ့သဖြင့် ရှယ်ယာဝင်အသစ်များဝင်လာပြီး ရှယ်ယာဝင်စုစု ပေါင်း ၇၀၀ ကျော်ရှိကာ ခန့်မှန်းခြေ ငွေကျပ် သိန်းပေါင်းလေးသောင်းကျော် ရှိကြောင်း သတင်းစာရှင်းလင်းပွဲပြုလုပ်သူများထံမှ သိရသည်။

သတင်းစာရှင်းလင်းပွဲကို ရှယ်ယာဝင် ၂၀ ခန့်က ပြုလုပ်ခဲ့ပြီး  နစ်နာသူအစုရှယ်ယာဝင်များက  မအိမ့်ဒါလီမွန်ဆိုသူအား သာကေတမြို့မရဲစခန်းတွင် အမှုဖွင့်ထားကြောင်း နှင့် သက်ဆိုင်ရာဝန်ကြီးဌာနများသို့လည်း တိုင်စာပေးပို့ထားကြောင်း သိရသည်။

အဆိုပါသတင်းစာရှင်းလင်းပွဲနှင့်ပတ်သက်၍ မအိမ့်ဒါလီမွန်ဆိုသူအား ဖုန်းဖြင့်ဆက်သွယ် မေးမြန်းခဲ့ရာ  ဆက်သွယ်မှုမရရှိခဲ့ပေ။

ငွေတစ်ဆပေးသွင်းလျှင် နှစ်ဆချေးငွေရရှိမည်ဟု ပြောဆိုပြီး ကျပ်သိန်း ၁၀၀၀ ကျော် လိမ်လည်ခဲ့သည်ဟုဆိုသော အကြားအမြင် ဆရာမတစ်ဦးအား အမှုဖွင့်

ငွေတစ်ဆပေးသွင်းလျှင် ငွေနှစ်ဆချေးငွေရရှိမည်ဟု ပြောဆိုပြီး ကျပ်သိန်း ၁၀၀၀ ကျော် လိမ်လည်သွားသည်ဟုဆိုသည့် အကြားအမြင် ဆရာမတစ်ဦးအား တရားလိုဖြစ်သူ ဒေါ်သန္တာဦးက မင်္ဂလာဒုံမြို့မရဲစခန်းတွင် အမှုဖွင့်ထားကြောင်း မေ ၃၁ ရက်တွင် မြန်မာနိုင်ငံ ရဲတပ်ဖွဲ့ဌာနချုပ်၏ ထုတ်ပြန်ချက်အရ သိရသည်။

ရန်ကုန်တိုင်းဒေသကြီး၊ စမ်းချောင်းမြို့နယ်၊ ရှင်စောပုရပ်ကွက်တွင် နေထိုင်သည့် ဒေါ်သန္တာဦး (၃၈ နှစ်) ဆိုသူမှာ ၂၀၁၇ ခုနှစ် နိုဝင်ဘာ ၁၁ ရက်က ၎င်း၏ခင်ပွန်းဖြစ်သူနှင့်အတူ မင်္ဂလာဒုံမြို့နယ် ချစ်တီးရပ်ကွက်တွင် ဖွင့်လှစ်ထားသည့် အကြားအမြင် ပါရမီရှင်ယောဂီ ဒေါ်နန္ဒမာလာဆိုသူ၏ ဗေဒင်ဟောခန်းသို့ ဗေဒင်ကြည့်ရန် သွားရောက်ခဲ့ကြောင်း သိရသည်။

ထိုသို့ သွားရောက်ပြီး မေးမြန်းနေစဉ် ဒေါ်နန္ဒမာလာဆိုသူက ဒေါ်သန္တာလှိုင်တို့အား အပေါင်လုပ်ငန်းလုပ်ကိုင်လိုလျှင် ငွေစုငွေချေးလုပ်ငန်း၌ အပေါင်ပစ္စည်းပေးစရာမလိုဘဲ ငွေချေးနိုင်ကြောင်း၊ အဆိုပါ ချေးငွေလုပ်ငန်းလုပ်ကိုင်သည့် ကုမ္ပဏီတစ်ခုနှင့် ချိတ်ဆက်ပြီး အသင်းသို့ ငွေတစ်ဆပေးသွင်းပြီးပါက နှစ်ဆချေးငွေရရှိမည်ဖြစ်သည်ဟု ပြောဆိုခဲ့ကြောင်း မြန်မာနိုင်ငံ ရဲတပ်ဖွဲ့၏ ထုတ်ပြန်ချက်အရ သိရသည်။

ယင်းနောက် အဆိုပါငွေများကို ငွေစုငွေချေးအသင်းသို့ ချေးငွေပေးသွင်းသည့်နေ့မှစ၍ ၄၅ ရက်အကြာတွင် ချေးငွေနှင့် အရင်းကိုပေါင်းကာ ပြန်လည်ထုတ်ယူရမည်ဖြစ်သည်ဟု ပြောဆိုခဲ့ကြောင်း သိရသည်။

ထို့ပြင်ချေးငွေထုတ်ယူလိုပါက ၂၀၁၇ ခုနှစ် နိုဝင်ဘာ ၂၄ ရက်အပြီး ငွေများကိုပေးသွင်းရမည်ဖြစ်ကြောင်း၊ ကျပ်သိန်း ၅၀၀ အပို အနေဖြင့် ရရှိအောင်လည်း ပြောဆိုဆောင်ရွက်ပေးမည်ဟု ဒေါ်နန္ဒမာလာက ပြောဆိုခဲ့ကြောင်း၊ ထို့ပြင် ၎င်းသည် ငွေစုငွေချေးလုပ်ငန်းအချို့တွင် ပြောရေးဆိုခွင့်ရှိသူဖြစ်ကြောင်းနှင့် ချေးငွေကို ၄၅ ရက်အတွင်း ပေးချေရမည်ဟု ပြောဆိုခဲ့ကြောင်း ရဲတပ်ဖွဲ့၏ ထုတ်ပြန်ချက်အရ သိရသည်။

ချေးငွေအတွက် အတိုးနှုန်းမှာ တစ်ရာခိုင်နှုန်းဖြစ်ပြီး အတိုးတစ်ရာခိုင်နှုန်းကို ချေးငွေချေးယူသည့်နေ့မှစ၍ သုံးလတစ်ကြိမ် ပေးသွင်းရမည်ဖြစ်ပြီး သုံးနှစ်ပြည့်လျှင် ချေးယူထားသည့်ချေးငွေကို ပြန်ဆပ်ရမည်ဟု ပြောဆိုခဲ့ကြောင်း သိရသည်။

ယင်းသို့ အကြိမ်ကြိမ် ပြောဆိုခဲ့သဖြင့် ဒေါ်သန္တာဦးက ၂၀၁၇ ခုနှစ် နိုဝင်ဘာ ၂၇ ရက်၊ ဒီဇင်ဘာ ၁ ရက်နှင့် ၂ ရက်တို့တွင် ၎င်း၏ Mobile Banking နှင့် ဒေါ်နန္ဒမာလာဆိုသူ၏ နေအိမ်ဟောခန်းတို့တွင် စုစုပေါင်း ကျပ်သိန်း ၁၀၀၀ အား ဒေါ်နန္ဒမာလာ အမည်ဖြင့် အကြိမ်ကြိမ် လွှဲပြောင်းပေးအပ်ခဲ့ပြီး ဒေါ်သန္တာဦးက ဒေါ်နန္ဒမာလာအား လက်ခံထားသည့်စာချုပ်တွင် ၎င်းကိုယ်တိုင် လက်မှတ်ရေးထိုးပေးခဲ့ကြောင်း ရဲတပ်ဖွဲ့၏ ထုတ်ပြန်ချက်အရ သိရသည်။

ထို့နောက် ဒီဇင်ဘာ ၁၈ ရက်တွင် ဒေါ်နန္ဒမာလာက ချေးငွေအမြန်ချပေးနိုင်ရေးအတွက် ကျပ်သိန်း ၅၀ ကန်တော့ရမည်ဟု ပြောဆိုသဖြင့် ဒီဇင်ဘာ ၂၀ ရက်တွင် ဒေါ်သန္တာဦးက ကျပ်သိန်း ၅၀ အား ဘဏ်မှတစ်ဆင့် လွှဲပြောင်းပေးခဲ့ကြောင်း သိရသည်။

ထိုသို့လွှဲပြောင်းပေးခဲ့ပြီး ၄၅ ရက်ကြာသည်အထိ စောင့်ဆိုင်းခဲ့သော်လည်း ကျပ်သိန်း ၂၅၀၀ အား မရရှိခဲ့သဖြင့် ဒေါ်နန္ဒမာလာထံ အကြိမ်ကြိမ် သွားရောက်ခဲ့သော်လည်း ငွေပြန်ပေးခြင်း မရှိသည့်အတွက် ဒေါ်သန္တာဦးက ၂၀၁၈ ခုနှစ် မေ ၂၉ ရက်တွင် မင်္ဂလာဒုံမြို့မ ရဲစခန်းသို့ သွားရောက်တိုင်တန်းခဲ့ကြောင်း သိရသည်။

အဆိုပါ တိုင်တန်းမှုဖြစ်စဉ်နှင့် ပတ်သက်ပြီး ရန်ကုန်တိုင်းဒေသကြီးရဲတပ်ဖွဲ့မှ ရဲအရာရှိတစ်ဦးက “တရားလိုက အမှုလာဖွင့်ထားတာတော့ ရှိပါတယ်။ လောလောဆယ်မှာတော့ စခန်းဘက်က တရားလိုတိုင်တန်းမှုတွေအရ တိုင်တန်းခံရတဲ့ အကြားအမြင်ဆရာမကို ခေါ်ယူမေးမြန်းဖို့ ဆောင်ရွက်နေတယ်လို့ သိရတယ်” ဟု ပြောကြားသည်။

ယင်းသို့တိုင်တန်းချက်အရ အဆိုပါဖြစ်စဉ်ကို မင်္ဂလာဒုံမြို့မရဲစခန်းက (ပ)၄၈၃/ ၂၀၁၈၊ ရာဇသတ်ကြီးပုဒ်မ ၄၂၀ ဖြင့် အမှုဖွင့်ထားပြီး ဆက်လက် စစ်ဆေးလျက်ရှိကြောင်း သိရသည်။

နယ်လှည့်ဆေးကုပေးသည် ဟုဆိုကာ မြိတ်မြို့နယ် တညက်ကျေးရွာမှ ရွှေထည်များ လိမ်လည်သွားသည့် ဗိန္ဒောဆရာ အတုအား ဖမ်းဆီးရမိ

နယ်လှည့်ဆေးကုပေးသည် ဟုဆိုကာ မြိတ်မြို့နယ် တညက်ကျေးရွာမှ ရွှေထည်များ လိမ်လည်သွားသည့် ဗိန္ဒောဆရာ အတုအား ရဲတပ်ဖွဲ့ဝင်များက မေ ၂၅ ရက်တွင် ပလမြို့တိုရွာတွင် ဖမ်းဆီးရမိခဲ့ကြောင်း သိရသည်။

မြိတ်ခရိုင် ပုလောမြို့နယ် ပလမြို့တိုရွာ မှ ဗိန္ဒောဆရာ အယောင်ဆောင် မင်းမင်းစိုး ၄၂ နှစ် (ဘ) ဦးစိုးမြင့် ဆိုသူမှာ မြိတ်မြို့နယ် တညက်ကျေးရွာသို့ မေ ၂၂ ရက် နံနက်ပိုင်းက ရောက်ရှိလာပြီး ဆန်မန်းဖြင့် ဆေးကုသပေးမည် ဟုဆိုကာ ရွှေထည်များ လိမ်လည်သွားခြင်းဖြစ်ပြီး အဆိုပါ ဖြစ်စဉ်အား အလယ်တန်းပြ ဆရာမတစ်ဦးက မသင်္ကာသဖြင့် သွားရောက် ကြည့်စစ်ဆေးရာမှ လိမ်လည်မှု ပေါ်ပေါက်ခဲ့ခြင်းဖြစ်ကြောင်း သိရသည်။

“နယ်လှည့်ပြီး ဆေးလိုက်ကုပေးတယ်လို့ ပြောတယ်။ ဒူးနာနေတဲ့သူတွေ ရှိသလားလို့မေးတယ်။ ဦးဘတုတ်က ဒူးနာနေတဲ့သူကို ခေါ်ပေးလိုက် ပထမတော့ နှိပ်ပေးမယ်ထင် တယ်။ ဒါပေမဲ့ မနှိပ်ပေးဘဲနဲ့ ဒါက လူလုပ်ထားတယ် (အပမှီ) ရွှေရည်စိမ်ပြီး ပေးသောက်ရမယ်ဆိုပြီး ရွှေပုတီးကို တောင်းလိုက်တယ် ပြီးတော့ ရေစိမ်ပြီး ပေးသောက်တယ်။ နောက်ထပ်ရောဂါကုသမား တစ်ယောက်က မသီတာလို့ခေါ်တဲ့ အမျိုးသမီးတစ်ဦးရဲ့သမီးလေးပါ။ အသက် ငါးနှစ်ပြည့်နေပေမယ့် နှုတ်ထိုင်းနေတယ် စကားပြောတာ ထစ်နေတယ်။ အဲဒီသမီးလေးကို နဂါးသိုက်က လာတယ်ဆိုပြီး ရွှေရည်စိမ် သောက်ရမယ်လို့ ပြောတယ်။ အဲဒီတော့ မသီတာက သူ့လည်ပင်းမှာရှိတဲ့ ရွှေပုတီး တစ်ကျပ်ကျော်ကျော်လေးကို ဖြုတ်ပြီး ဗိန္ဒောဆရာကို ပေးလိုက်တယ်။ ဦးဘတုတ်ကလည်း သူတို့အိမ်က ရွှေ ၇ ဒသမ ၆ ဂရမ် (ငါးမူးသား) ကိုပေးလိုက်တယ်။ ဒါကိုလည်း ရေထဲမှာစိမ်ပြီး ပေးသောက်လိုက်တယ်။ အဲဒီရွှေတွေကို ကာယကံရှင်တွေကို ပြန်မပေးဘဲနဲ့ ဆန်ကို ထပ်တောင်းတယ်။ နို့စည်ဗူး ကိုးဗူး (တစ်ပြည်ကျော်) ရှိတဲ့ဆန်ထဲကို အခုနက ရွှေတစ်ကျပ်ကျော်နှင့် ငါးမူးသား ရွှေတွေကို ပလတ်စတစ်အိတ်ထဲထည့်ပြီး မြှုပ်လိုက်တယ်။ ဒီအထုပ်ထဲမှာ ဘာတွေထည့်ထားလဲ ဆိုတာကို ဘယ်သူ့မှ မပြောနဲ့။ ဒါကိုညနေ ၃ ကျော်မှ ဖြည်ရမယ်လို့ ပြောတယ်ပြီးတော့ သူက ပြန်သွားတယ်။ ရွာကလူတွေ မဖြည်ရဲဘူး။ ဒါကို ကျွန်မက မယုံတဲ့အတွက် ဒီအထဲမှာ မရှိနိုင်တော့ဘူး။ တကယ်လည်း ဖြည်ကြည့်တော့ အထဲမှာ ရွှေတွေ မရှိတော့ဘူး။ အဲဒါမှ ကျွန်မတို့က တရားခံနောက်ကို လိုက်တယ်။ မိနစ် ၂၀ လောက်ကြာမှ လိုက်တယ်ဆိုတော့ မမိလိုက်ဘူး” လို့ ဆန်မန်းထုပ်အား သွားရောက် ဖြည်ကြည့်သူ ဒေါ်စန္ဒာစိုး (အလယ်တန်းပြ- တညက်ကျေးရွာ) က ပြောကြားသည်။ အဆိုပါ ဖြစ်စဉ်အား ရွာသားများက လိုက်လံစုံစမ်းရာ တပိုရွာတွင် ယခုကဲ့သို့ လိုက်လံလိမ်လည်နေသူတစ်ဦး ရှိနေကြောင်း သတင်းအရ ရဲတပ်ဖွဲ့ဝင်များကို တိုင်တန်းခဲ့ရာ မေ ၂၅ ရက်က ဖမ်းဆီးရမိခဲ့ခြင်းဖြစ်ကြောင်း သိရသည်။

“မေ ၂၅ ရက်မှာ ပလရဲကင်းမှူး ဒုရဲအုပ် ထက်အောင်ရွှေ ဦးဆောင်တဲ့အဖွဲ့က အဲဒီဗိန္ဒောဆရာ နေအိမ်မှာ သွားရောက် ဖမ်းဆီးခဲ့တာပါ။ ပုလောမြို့မရဲစခန်းမှာ ချုပ်နှောင်ထားပါတယ်။ အခုကျွန်တော်တို့ တရားခံကို သွားရောက်ခေါ်ယူပြီး တောင်ရှည်နယ်မြေ ရဲစခန်းမှာ အမှုဖွင့် အရေးယူမှာပါ။ တညက်ရွာမှာ နှစ်ဦးအလိမ်ခံလိုက်ရတယ်။ ကိုလေးလုံးရှမ်းရွှေ ၇ ဒသမ ၆ ဂ၇မ်နှင့် ၁၆ ဒသမ ၅၅ ဂရမ် အလိမ်ခံလိုက်ရတာပါ” လို့ တောင်ရှည်နယ်မြေရဲစခန်းမှူး ရဲအုပ်အေးနိုင်က ပြောကြားသည်။ အဆိုပါဖြစ်စဉ်နှင့် ပတ်သက်ပြီး ဆေးဆရာ အယောင်ဆောင်ကာ ရွှေထည်များ လိမ်ယူသွားသည့် မင်းမင်းစိုး ၄၂ နှစ် (ဘ) ဦးစိုးမြင့် ပလမြို့တိုရွာနေသူအား တောင်ရှည်နယ်မြေ ရဲစခန်းမှ ( ပ ) ၁၀/၂၀၁၈၊ ရာဇသတ်ကြီးပုဒ်မ ၄၂၀ ဖြင့် အမှုဖွင့် အရေးယူထားကြောင်း သိရသည်။

နိုင်ငံတော်က မရှိဆင်းရဲသားများအား မဲဖောက်ပေးရာ မဲပေါက်သည်ဟုဆိုကာ ပေါင်းတည်နှင့်ပြည်မြို့တွင် ဖုန်းဖြင့် လိမ်လည်ငွေတောင်းသူကို မြောက်ဥက္ကလာပ KBZ ဘဏ်တွင် ငွေထုတ်နေစဉ် ဖမ်းဆီးရမိ

နိုင်ငံတော်က မရှိဆင်းရဲသားများအား မဲဖောက်ပေးရာ မဲပေါက်သည်ဟုဆိုကာ ပဲခူးတိုင်းဒေသကြီး (အနောက်ပိုင်း)၊ ပြည်မြို့နှင့် ပေါင်းတည်မြို့တို့တွင် ဖုန်းဖြင့်လိမ်လည် ငွေတောင်းသူကို ရန်ကုန်တိုင်းဒေသကြီး မြောက်ဥက္ကလာပ KBZ ဘဏ်တွင် ငွေထုတ်နေစဉ် ဖမ်းဆီးရမိခဲ့ကြောင်း သိရသည်။

အဆိုပါ ဖုန်းဖြင့်ငွေလိမ်လည် တောင်းခံသူမှာ မတ် ၈ ရက်က မြောက်ဥက္ကလာပ KBZ ဘဏ်တွင် ငွေထုတ်ယူရန် စောင့်ဆိုင်းနေစဉ် ဘဏ်များနှင့် ရဲတပ်ဖွဲ့များ၏ ချိတ်ဆက်ဖမ်းဆီးမှုကြောင့် ဖမ်းဆီးရမိခဲ့ခြင်း ဖြစ်ကြောင်း ပေါင်းတည်မြို့မရဲစခန်းမှ သိရသည်။

“သူက ပထမဆုံး အခုလက်ရှိ အမှုတိုင်တန်းတဲ့ တရားလို တစ်ဦးကို လိမ်တာပေါ့။ တရားလိုကို လိမ်သွားပြီး ပါသွားပြီပေါ့။ နောက်တစ်ဦးကို ထပ်လိမ်တာ ပထမလူကို လိမ်တာက ပေါင်းတည်ဘဏ်ကနေ လွှဲပေးလိုက်တာ။ နောက်တစ်ဦးကို လိမ်တာမှာ ပြည်ဘဏ်ကနေလွှဲမှာ။ နောက်လွှဲမယ့်သူက အရင်လွှဲသူနဲ့ သမီးယောက်ဖ သွားတော်နေတယ်။ လွှဲဖို့ ပြည်ကိုသွားနေချိန် သူ့ဖြစ်စဉ်ကိုပြောပြတော့ ဘဏ်မန်နေဂျာကို အကြောင်းကြားပြီး ဘဏ်အချင်းချင်း လှမ်းချိတ်ရတာပေါ့။ သူလာထုတ်ရင် ရဲစခန်းကို အကြောင်းကြားပြီး ထိန်းထားပေးပါလို့ ကျွန်တော်တို့ အကြောင်းကြားလိုက်တယ်” ဟု ပေါင်းတည်မြို့ နယ်ထိန်းခေါင်းဆောင် ဒုရဲအုပ်အေးစိုးက ပြောကြားသည်။

လိမ်လည်ခံရသူများတွင် ရွာသာလှရွာ၊ ကြို့ပင်အုပ်စု၊ သဲကုန်းမြို့နယ်နေ ကိုအောင်ကိုဝင်း (၃၃ နှစ်) အား မတ် ၇ ရက် နေ့လယ်က ဖုန်းဖြင့်ဆက်သွယ်ကာ အခွန်ဦးစီးဌာနမှ မြန်မာနိုင်ငံရှိ မရှိဆင်းရဲသားများအား ကံစမ်းမဲဖေါက်ပေးရာ သိန်း ၂၀၀ ပေါက်ကြောင်း နိုင်ငံတော်သို့ (၆) သိန်းအခွန်ဆောင်ရန်အတွက် မြေနီကုန်း KBZ သို့ ဒေါ်မိုးမိုးစန်းအား လွှဲပေးရမည်ဖြစ်ကြောင်း ပြောဆိုလာ၍ ပေါင်းတည်မြို့ KBZ ဘဏ်မှ ငွေလွှဲပေးခဲ့ပြီး ဖုန်းဆက်သွယ်ခဲ့ရာ ဖုန်းပိတ်ထားသည်ကို သိရှိရကြောင်း၊ အလားတူ မတ် ၈ ရက်တွင်လည်း ကိုအောင်ကိုဝင်း၏ ယောက်ဖတော်စပ်သူ ကိုကျော်မင်းစိုး (၃၁ နှစ်) စပါးထောင်းကျေးရွာ၊ မြောင်းဆုံအုပ်စု၊ ပေါင်းတလည်မြို့၊ ပြည်မြို့နယ်နေသူကိုလည်း လိမ်လည်ကာ ၁၂ သိန်း လွှဲခိုင်း၍ ပြည်မြို့သို့ သွားနေကြောင်း သိရှိရာမှ ရဲတပ်ဖွဲ့သို့ တိုင်တန်းအကူအညီ တောင်းခံကာ ချိတ်ဆက်ဖမ်းဆီး ခဲ့ခြင်းဖြစ်ကြောင်း သိရသည်။

“သိန်း ၂၀၀ မဲပေါက်ထားတယ်။ လောလောဆယ် ခြောက်သိန်းလွှဲပေးရမယ်။ ၁၂ သိန်းလွှဲပေးရမယ်ဆိုပြီး လိမ်တယ်။ မနေ့က မိတယ်။ ညကချက်ချင်းပဲ မြောက်ဥက္ကလာကို သွားခေါ်တယ်။ သူတို့က ထိန်းထားတယ်။ ကျွန်တော်တုိ့က ချက်ချင်းသွားဖမ်းရတာ” ဟု ပေါင်းတည်မြို့ နယ်ထိန်းခေါင်းဆောင် ဒုရဲအုပ်အေးစိုးက ပြောကြားသည်။

ယင်းလိမ်လည်ခဲ့မှုအတွက် ကိုအောင်ကိုဝင်းက တရားလိုပြုလုပ် တိုင်တန်းခဲ့သဖြင့် ပေါင်းတည်မြို့မရဲစခန်းက (ပ) ၁၉၅/၂၀၁၈၊ ရာဇသတ်ကြီး ဥပဒေပုဒ်မ ၄၂၀ ဖြင့် အမှုဖွင့် အရေးယူ ဆောင်ရွက်လျက်ရှိကြောင်း သိရသည်။

 

ကျပ်သိန်းပေါင်းတစ်သောင်းကျော်ဖြင့် မြေကွက်အား လိမ်လည်ရောင်းချသည်ဟုဆိုသော အမျိုးသမီးတစ်ဦးအား သုဝဏ္ဏနယ်မြေရဲစခန်းတွင် အမှုဖွင့်

ကျပ်သိန်းပေါင်း တစ်သောင်းကျော်ဖြင့် မြေကွက်အား လိမ်လည်ရောင်းချခဲ့သည်ဟုဆိုသော အမျိုးသမီးတစ်ဦးအား သက်ဆိုင်ရာ သုဝဏ္ဏနယ်မြေရဲစခန်းတွင် အမှုဖွင့်ထားပြီ ဖြစ်ကြောင်း မတ် ၅ ရက်က အရှေ့ပိုင်းခရိုင်ရဲတပ်ဖွဲ့မှ စုံစမ်းသိရသည်။

လိမ်လည်ခဲ့သည်ဟုဆိုသည့် အမျိုးသမီးမှာ သင်္ဃန်းကျွန်းမြို့နယ် ကြီးပွားရေး ရပ်ကွက်တွင်နေထိုင်သည့် ဒေါ်သူဇာမြင့်ထွန်းဆိုသူဖြစ်ပြီး ၎င်းသည် ခင်မင်ရင်းနှီးသူတစ်ဦးဖြစ်သည့် မန္တလေးတိုင်းဒေသကြီး ချမ်းအေးသာဇံမြို့နယ်နေ ဒေါ်……(၅၄ နှစ်) အား ဖေဖော်ဝါရီလအတွင်းက ၎င်းအမည်ပေါက် ပိုင်ဆိုင်သည်ဟုဆိုသော ရန်ကင်းမြို့နယ် (၃) ရပ်ကွက်ရှိ အလျား ၁၀ ပေ၊ အနံ ပေ ၁၁၀ ကျယ်ဝန်းသည့် နှစ် ၆၀ မြေငှားဂရန် မြေကွက်နှင့် နေအိမ်အဆောက်အအုံတို့ကို ရောင်းချလိုသည်ဟု ပြောဆိုသဖြင့် ဒေါ်….. (၅၄ နှစ်) က သွားရောက်ကြည့်ရှုခဲ့ကြောင်း အမှုဖွင့်တိုင်တန်းချက်အရ သိရသည်။

ထိုသို့ သွားရောက်ကြည့်ရှုရာ အဆိုပါ မြေကွက်အား ဒေါ်…..(၅၄ နှစ်) က ကြိုက်နှစ်သက်သဖြင့် ယင်းနေ့တွင် ကျပ်သိန်း ၁၄,၀၀၀ ဖြင့် ဈေးတည့်ခဲ့ကြောင်း၊ ထို့နောက် နှစ်ဦးသဘောတူ အိမ်နှင့်မြေတို့အား ရောင်းဝယ် ကတိပြုစာချုပ်တွင် လက်မှတ်ရေးထိုးခဲ့ပြီး ကျပ်သိန်း ၁၃,၀၀၀ အား လက်ရောက်ပေးအပ်ခဲ့ကြောင်းနှင့် ကျန်ရှိသည့် ကျပ်သိန်း ၁၀၀၀ ကို ဖေဖော်ဝါရီ ၂၃ ရက်တွင် ပေးချေမည်ဟုပြောဆိုခဲ့ကြောင်း ဒေါ်…..(၅၄ နှစ်) ၏ အမှုဖွင့်တိုင်တန်းချက်အရ သိရသည်။

ထို့နောက် ဒေါ်သူဇာမြင့်ထွန်းဆိုသူက မြေနှင့် အိမ်တို့၏ စာရွက်စာတမ်း အထောက်အထား မိတ္တူတို့အား ဒေါ်……(၅၄ နှစ်) ထံ ပေးအပ်ခဲ့ကြောင်း၊ ထို့နောက် ဒေါ်….. (၅၄  နှစ်) က ပေးအပ်ရန်ကျန်ရှိသည့် ကျပ်သိန်း ၁၀၀၀ ကိုပေးချေရန်အတွက် ဒေါ်သူဇာမြင့် ထွန်းဆိုသူထံသို့ ဖုန်းဆက်သွယ်အကြောင်း ကြားခဲ့ရာ ဖုန်းမှာ စက်ပိတ်ထားသဖြင့် ဒေါ်….. (၅၄ နှစ်) က မြေနှင့်အိမ်တို့၏ စာရွက်စာတမ်း မိတ္တူအထောက်အထားများကို ရန်ကုန်မြို့တော်စည်ပင်သာယာရေးကော်မတီသို့ သွားရောက်စုံစမ်းမေးမြန်းခဲ့ရာ စာရွက်စာတမ်းများမှာ အတုများဖြစ်နေသည်ကိုတွေ့ရှိခဲ့ရသဖြင့် သက်ဆိုင်ရာရဲစခန်းတွင် တိုင်တန်းခဲ့ခြင်းဖြစ်ကြောင်း သိရသည်။

အဆိုပါဖြစ်စဉ်အား သုဝဏ္ဍနယ်မြေ ရဲစခန်းက (ပ) ၉၄/၂၀၁၈၊ ရာဇသတ်ကြီး ပုဒ်မ ၄၂၀/၄၆၈ ဖြင့် အမှုဖွင့်ထားကြောင်း သိရသည်။

အားကစားနှင့် ကာယပညာသိပ္ပံ (မော်လမြိုင်) ငွေထုတ်စာရင်းမှ တာဝန်ရှိသူ၏လက်မှတ်ကို တုပရေးထိုးကာ ကျပ်သိန်း ၄၀၀ နီးပါး လိမ်လည်ထုတ်ယူမှုဖြစ်ပွား

အားကစားနှင့် ကာယပညာသိပ္ပံ (မော်လမြိုင်) ငွေထုတ်စာရင်းမှ တာဝန်ရှိသူ၏ လက်မှတ်ကို တုပရေးထိုးကာ မြန်မာ့စီးပွားရေးဘဏ်မှ ကျပ်သိန်း ၄၀၀ နီးပါးအား လိမ်လည်ထုတ်ယူမှုဖြစ်ပွားခဲ့ကြောင်း သတင်း ရရှိသည်။ဖြစ်စဉ်မှာ ၂၀၁၇ ခုနှစ် အောက်တိုဘာ ၉ ရက်က အားကစားနှင့် ကာယပညာသိပ္ပံ (မော်လမြိုင်) ၏ ငွေထုတ်စာရင်းအမှတ်  MD 010494 မှ ချက်လက်မှတ်ဖြင့် ကျပ် ၁၆၈၈၈၂၀၀ အား ဒေါ်ခင်သိန်းဝင်းကလည်း ကောင်း၊ ၂၀၁၇ ခုနှစ် နိုဝင်ဘာ ၁၀ ရက်က ကျပ် ၂၂၇၀၀၀၀၀ အား ဒေါ်အိအိမိုးကလည်းကောင်း မြန်မာ့စီးပွားရေးဘဏ်တွင် ထုတ်ယူခဲ့ကြောင်း၊ ဒေါ်ခင်သိန်းဝင်း ထုတ်ယူသည့် ချက်လက်မှတ်တွင် ဒေါ်အိမွန်ဇော်က ဒေါ်ခင်သိန်းဝင်းနှင့် ဒေါ်အိအိမိုးတို့ နှစ်ဦးအား ချက် လက်မှတ်ရေးသား ထုတ်ယူစေခဲ့ပြီး တစ်ဦးလျှင် ကျပ် ၁၀ သိန်းရရှိခဲ့ကြောင်း စစ်ဆေး သိရှိရသဖြင့် ကျပ် ၃၉၅၈၈၂၀၀ ကို အလွဲသုံး စားလိမ်လည်ထုတ်ယူသူ ဒေါ်အိမွန်ဇော်ပါ သုံးဦးအား ဥပဒေအရ အရေးယူပေးပါရန် အားကစားနှင့် ကာယပညာသိပ္ပံ (မော်လမြိုင်) မှ ဒုညွှန်ကြားရေးမှူး ဦးသန်းထွေးအောင်က  မော်လမြိုင်မြို့ မြိုင်သာယာနယ်မြေ ရဲစခန်းသို့ ဒီဇင်ဘာ ၃၁ ရက်က လာရောက်တိုင်ကြားခဲ့ကြောင်း ရဲမှတ်တမ်းများအရ သိရသည်။

အားကစားနှင့် ကာယပညာသိပ္ပံ (မော်လမြိုင်) မှ တာဝန်ရှိသူ၏လက်မှတ်ကို တုပရေးထိုး၍ ချက်လက်မှတ်များဖြင့် မြန်မာ့စီးပွားရေးဘဏ် (၁) မှ ငွေထုတ်ယူသွားသော အားကစားနှင့် ကာယပညာသိပ္ပံ (မော်လမြိုင်) ၀င်းနေ ဒေါ်အိမွန်ဇော် (၃၅ နှစ်) (ဘ) ဦးခင်မောင်ဇော် ကရင်ပြည်နယ် မြ၀တီမြို့နယ်၊ သင်္ကန်းညီနောင်ကျေးရွာသူများဖြစ်ကြသည့် ဒေါ်ခင်သိန်းဝင်း (၄၄ နှစ်) (ဘ) ဦးအောင်သူနှင့် ဒေါ်အိအိမိုး (၂၂ နှစ်) (ဘ) ဦးရဲနိုင်တို့ သုံးဦးအပေါ် အရေးယူပေးရန် တိုင်ကြားလာသဖြင့် မြိုင်သာယာနယ်မြေ ရဲစခန်းမှ (ပ) ၂၂၄/၂၀၁၇၊ ရာဇသတ်ကြီး  ပုဒ်မ-၄၀၉ ဖြင့် အမှုဖွင့်အရေးယူ ဆောင်ရွက်ထားကြောင်း သတင်းရရှိသည်။

ကျပ်သိန်းပေါင်းသောင်းချီ လိမ်လည်မှုနှင့် ပတ်သက်သည့် Jude Jude Family၊Thint Myat Public Holding ကုမ္ပဏီ ဒါရိုက်တာအဖွဲ့ဝင် ရွှေမိုးစက်အား ခြေချုပ်နှင့် ခံဝန်တစ်နှစ်ချမှတ်

ကုမ္ပဏီဒါရိုက်တာ အဖွဲ့ဝင် ရွှေမိုးစက်အား ရဲတပ်ဖွဲ့ယာဉ်ဖြင့် ဒီဇင်ဘာ ၂၉ ရက်က ရုံးထုတ်လာစဉ်

ကျပ်သိန်းပေါင်းသောင်းချီ လိမ်လည်မှုနှင့်ပတ်သက်၍ ရန်ကင်းမြို့မရဲစခန်းမှ ခြေချုပ်ဖြင့် ဖမ်းဆီးထားသည့် ကုမ္ပဏီဒါရိုက်တာ အဖွဲ့ဝင် ရွှေမိုးစက်အား ဒီဇင်ဘာ ၂၉ ရက်တွင် ခြေချုပ်နှင့် ခံဝန်တစ်နှစ် ချမှတ်ခဲ့ကြောင်း သိရသည်။

ဦးရွှေမိုးစက်အား ရန်ကင်းမြို့နယ် တရားရုံး တွဲဖက်မြို့နယ် တရားသူကြီးက ၁၉၆၁ ခြေချုပ်နှင့် ခံဝန် အက်ဥပဒေ-၅၁ (စ)(ဆ) အရ ပြစ်ဒဏ်တစ်နှစ် ချမှတ်လိုက်ကြောင်း သိရသည်။

ချမှတ်လိုက်သည့် ပြစ်ဒဏ်အရ ဦးရွှေမိုးစက်မှာ တစ်နှစ်အတွင်း ရန်ကင်းမြို့နယ် အတွင်း၌သာ နေထိုင်ရမည်ဖြစ်ပြီး သက်ဆိုင်ရာရဲစခန်းသို့ တစ်လလျှင်တစ်ကြိမ် ကောင်းမွန်စွာ နေထိုင်ကြောင်းအား လက်မှတ်လာထိုးရမည် ဖြစ်ကြောင်း တွဲဖက်မြို့နယ် တရားသူကြီးက အမိန့်ချမှတ်ခဲ့သည်။

အမိန့်ချမှတ်သည့် ရုံးချိန်းတွင် ရန်ကင်းမြို့မရဲစခန်းမှ တရားလိုဖြစ်သူ ဒုရဲမှူးစိုးလှိုင်နှင့် ဦးရွှေမိုးစက်အား စစ်ဆေးခဲ့ကြောင်း သိရသည်။

လက်ရှိအချိန်တွင် ကုမ္ပဏီ၏ဒါရိုက်တာ အဖွဲ့ဝင် ဦးရွှေမိုးစက်နှင့် ပိုင်ရှင်ဖြစ်သူ ဒေါ်သက်သက်မြိုင် (ခ) ဂျူးဂျူးအား အနောက်ပိုင်းခရိုင် တရားရုံးတို့တွင် တရားမမှုဖြင့် ရှယ်ယာရှင်များက တရားစွဲဆိုထားကြောင်း သိရသည်။

Jude Jude Family၊Thint Myat Public Holding ကုမ္ပဏီတွင် ရှယ်ယာထည့်ဝင်သူ ပြည်တွင်း/ပြည်ပမှ လူဦးရေ ၁၅၀၀ ကျော်ခန့်ရှိပြီး  လက်လီလက်ကား ရောင်းဝယ်ရေးလုပ်ငန်း၊ ဖက်ရှင်ဆိုင်၊ ကျောက်စိမ်းနှင့် ကျောက်မျက်ရတနာ ရောင်းဝယ်ရေးလုပ်ငန်း၊ ကိတ်မုန့်၊ ကော်ဖီဆိုင်များ၊ အလှပြင်ဆိုင်၊ စတူဒီယိုနှင့် မင်္ဂလာ ၀န်ဆောင်မှုလုပ်ငန်း၊ ကားရေဆေးဆီထိုးလုပ်ငန်း စသည်လုပ်ငန်းများ လုပ်ကိုင်မည်ဟုဆိုကာ ရှယ်ယာဝင်များအား ဖိတ်ခေါ်ခဲ့ကြောင်း ရှယ်ယာဝင်များ၏ ပြောကြားချက်အရ သိရသည်။

ရှယ်ယာရှင်များသည် အဆိုပါကုမ္ပဏီတွင် ရှယ်ယာထည့်ဝင်ငွေ အနည်းဆုံး ငါးသိန်းမှစပြီး အများဆုံး သိန်း ၂၀၀၀ အထိရှိကြောင်း ရှယ်ယာရှင်များက ပြောကြားသည်။

ရှယ်ယာထည့်ဝင် သူများအတွက် ငါးသိန်းမှ သိန်း ၄၀ အထိ ရှယ်ယာထည့်ဝင်လျှင် ရာခိုင်နှုန်း ၃၀၊ ၄၁ သိန်းမှ သိန်း ၉၀ အထိ ထည့်ဝင်လျှင် ၂၅ ရာခိုင်နှုန်း၊ ၉၁ သိန်းအထက် ထည့်ဝင်လျှင် ရာခိုင်နှုန်း ၂၀ အမြတ်အစွန်း ရရှိမည်ဖြစ်ကြောင်း၊ အမြတ်အစွန်းများကို တစ်လတစ်ကြိမ် ထုတ်ယူခွင့်ရှိပြီး သုံးလပြည့်ပါက ရှယ်ယာငွေကို ပြန်လည် ထုတ်ယူနိုင်ကြောင်း စသည့်အချက်များဖြင့် ရှယ်ယာခေါ်ယူခြင်း ဖြစ်ကြောင်း ရှယ်ယာရှင်များထံမှ သိရသည်။