ကလေးငယ်များအား အရွယ်မတိုင်မီ တပ်သားအဖြစ် စုဆောင်းခံရခြင်း၊ လူကုန်ကူးခံရခြင်း၊ လက်ထပ်ထိမ်းမြားခံရခြင်းတို့မှ ကာကွယ်နိုင်ရန် မွေးဖွားမှုမှတ်ပုံတင်ခြင်းကို တိုးမြှင့်လုပ်ဆောင်နေ

ကလေးသူငယ် လိင်အကြမ်းဖက်မှုဆိုင်ရာ အသိပညာပေးရေးလှုပ်ရှားမှုကို ရန်ကုန်မြို့ ကန်တော်ကြီးဥယျာဉ်ဝင်းအတွင်း ပြုလုပ်ခဲ့စဉ်

ကလေးငယ်များအား အရွယ်မတိုင်မီ ကလေးလုပ်သားအဖြစ် စေခိုင်းခံရခြင်း၊ လက်နက်ကိုင် အဖွဲ့အစည်းများတွင် တပ်သားအဖြစ် ခေါ်ယူစုဆောင်းခံရခြင်း၊ ကလေးငယ်များအား လူကုန်ကူးခံရခြင်းနှင့် လက်ထပ်ထိမ်းမြားခံရခြင်းတို့မှ ကာကွယ်ပေးနိုင်ရန်နှင့် ကလေးသူငယ်များအား တရားစီရင်ရေးစနစ်တွင် ရင်ဆိုင်ဖြေရှင်းနိုင်ရန် မွေးဖွားမှု မှတ်ပုံတင်ခြင်းကို ယူနီဆက်(ဖ်)က တိုးမြှင့် လုပ်ဆောင်ပေးနေကြောင်း သိရသည်။

ကလေးငယ်များအနေဖြင့် ပညာရေး၊ ကျန်းမာရေးနှင့် လူမှုရေးအထောက်အပံ့များကဲ့သို့ အရေးပါသည့် ၀န်ဆောင်မှုများရရှိနိုင်ရန် မွေးဖွားမှု မှတ်ပုံတင်ခြင်းကို ပြုလုပ်ရန် လိုအပ်ကြောင်း၊ မွေးစာရင်း မှတ်ပုံတင် ကိုင်ဆောင်ထားခြင်းဖြင့် ကလေးသူငယ် အခွင့်အရေးများတွင် အပါအ၀င်ဖြစ်သည့် ပညာရေးနှင့် ကျန်းမာရေးဝန်ဆောင်မှုများကို ရရှိနိုင်သည့် အခွင့်အလမ်းများကို ဖြည့်ဆည်းပေးနိုင်မည်ဖြစ်ကြောင်းနှင့် ကလေး၏ အသက်အရွယ်ကို အတည်ပြုနိုင်ခြင်းသည် ကလေးငယ်များအား ကလေးလုပ်သားအဖြစ် စေခိုင်းခံရခြင်း၊ လက်နက်ကိုင် အဖွဲ့အစည်းများတွင် တပ်သားအဖြစ် ခေါ်ယူစုဆောင်းခံရခြင်း၊ ကလေးငယ်များ လူကုန်ကူးခံရခြင်းနှင့် လက်ထပ်ထိမ်းမြားခံရခြင်းတို့မှ ကာကွယ်ပေးနိုင်ရန် အဓိကကျသည့် အချက်တစ်ချက် ဖြစ်ကြောင်း သိရသည်။

မွေးစာရင်း မှတ်ပုံတင်ရှိထားခြင်းဖြင့် လူကုန်ကူးခံရသည့်ကလေးများအား ပြန်လည်စိစစ်ခြင်းနှင့် လွှဲပြောင်းပေးရာတွင် အထောက်အကူဖြစ်စေပြီး၂၀၁၄-၂၀၁၅ ခုနှစ် အတွင်း ဧရာဝတီတိုင်း၊ ချင်းပြည်နယ်၊ ကရင်ပြည်နယ်၊ ကယားပြည်နယ်၊ မွန်ပြည်နယ်နှင့် မကွေးတိုင်းဒေသကြီးတို့တွင် အသက်ငါးနှစ်အောက် ကလေးငယ် သုံးသိန်းကျော်ကို မွေးဖွားမှု မှတ်ပုံတင် လုပ်ဆောင်ပေးခဲ့သည်။

ထပ်မံ၍ ကျန်ရှိနေသော တိုင်းဒေသကြီးနှင့် ပြည်နယ်ရှစ်ခုတွင် မွေးဖွားမှုမှတ်ပုံတင်မရသေးသော ကလေးငယ် တစ်သန်းကျော်ရှိနေပြီး မွေးဖွားမှုမှတ်ပုံတင်ခြင်း ပညာပေးလှုပ်ရှားမှုများ ဆက်လက်တိုးမြှင့် လုပ်ဆောင်နေကြောင်း၊ ရန်ကုန်မြို့တွင် မွေးဖွားသော ကလေးငယ်တိုင်းနီးပါးသည် မွေးဖွားမှု မှတ်ပုံတင်ရှိကြပြီး ဝေးလံခေါင်ဖျားအရပ်ရှိ ကျေးလက်ဒေသများတွင်မူ မွေးစာရင်းလက်မှတ်မရှိသည်ကို တွေ့ရှိရကြောင်းနှင့် ယူနီဆက်(ဖ်) သည် ၂၀၁၃ ခုနှစ် ဇန်န၀ါရီမှစ၍ ဥရောပသမဂ္ဂ ရန်ပုံငွေအထောက်အပံ့ဖြင့် မွေးဖွားမှုမှတ်ပုံတင်ခြင်း စီမံချက်ကို မြန်မာအစိုးရနှင့် ပူးပေါင်းလုပ်ဆောင်လျက်ရှိသည်။

ပြည်တွင်း၌ ပဋိပက္ခများ ဆက်လက်ဖြစ်ပွားနေခြင်းကြောင့် ကလေးသူငယ်များအား စစ်သားအဖြစ် စုဆောင်းအသုံးပြုနေဆဲဖြစ်ပြီး ထိုကဲ့သို့ စုဆောင်းမှုများကို အရပ်သားပွဲစားနှင့် အကျိုးဆောင်များမှတစ်ဆင့် ပြုလုပ်နေကြောင်းနှင့် လက်နက်ကိုင်အဖွဲ့များတွင် ကလေးသူငယ်များကို တပ်သားအဖြစ်ခေါ်ယူ စုဆောင်းခြင်းမှ ကာကွယ်နိုင်ရန် အရပ်သားပွဲစားများမှတစ်ဆင့် သော်လည်းကောင်း (သို့ မဟုတ်) တပ်မတော်သားကိုယ်တိုင်သော် လည်းကောင်း၊ တပ်သားအဖြစ် ခေါ်ယူစုဆောင်း အသုံးပြုနေခြင်းကို ပြစ်မှုကျူးလွန်ခြင်းဟု သတ်မှတ်ထားကြောင်း သိရသည်။

၂၀၀၇ ခုနှစ်မှစပြီး မြန်မာ့တပ်မတော်နှင့် အခြားသော တိုင်းရင်းသားလက်နက်ကိုင် အဖွဲ့အစည်းခုနစ်ဖွဲ့အား ကုလသမဂ္ဂအတွင်းရေးမှူးအဖွဲ့ချုပ်ထံ တင်သွင်းသည့် ပဋိပက္ခအတွင်း ကလေးစစ်သား ခေါ်ယူစုဆောင်း အသုံးပြုသည့် နိုင်ငံများစာရင်းတွင် ထည့်သွင်း ဖော်ပြခဲ့ကြောင်းနှင့် ၂၀၁၂ ခုနှစ် ဇွန်မှစ၍ တပ်မတော်သည် ကမ္ဘာ့ကုလသမဂ္ဂနှင့် လုပ်ငန်းဆောင်ရွက်မှုစီမံချက်ကို စတင်သဘောတူ လက်မှတ်ထိုးပြီးချိန်မှစ၍ ကလေးသူငယ်များအား လက်နက်ကိုင်အဖွဲ့အစည်းများတွင် ခေါ်ယူစုဆောင်း အသုံးပြုမှုကို အဆုံးသတ်ရန် တပ်မတော်တွင် စစ်မှုထမ်းနေသည့် အရွယ်မရောက်သူ လူငယ် ၇၀၀ နီးပါးကို နုတ်ထွက်ခွင့်ပြုခဲ့ပြီးဖြစ်သည်။

သက်ငယ်မုဒိမ်းမှု ကျူးလွန်သူများအား ထိရောက်သည့်ပြစ်ဒဏ် ချမှတ်ပေးရေး ကလေးမြို့နှင့် ပြင်ဦးလွင်မြို့တွင် ဆန္ဒပြ

အမျိုးသမီးများဘ၀ လုံခြုံမှုရှိစေရန်နှင့် ဥပဒေအရ အပြည့်အ၀ အကာအကွယ်ပေးနိုင်ရေး ကလေးမြို့တွင် ဆန္ဒထုတ်ဖော်စဉ် (ဓာတ်ပုံ- အောင်သူထွန်း)

ဒေသတွင်းဖြစ်ပွားနေသော သက်ငယ်မုဒိမ်းမှု၊ အမျိုးသမီးများအကြမ်းဖက်မှုတို့ လျော့ပါးစေရန်နှင့် အမျိုးသမီးများဘ၀ လုံခြုံမှုရှိစေရန်၊ အကြမ်းဖက်မှုကို ဥပဒေအရ အပြည့်အ၀ အကာအကွယ်ပေးနိုင်ရန်အတွက် ကလေးမြို့နှင့် ပြင်ဦးလွင်မြို့တွင် ဆန္ဒထုတ်ဖော်ပွဲကို မတ် ၂၀ ရက်က ပြုလုပ်ခဲ့ကြောင်း သိရသည်။

“ကျွန်မတို့ နိုင်ငံတကာအမျိုးသမီးများနေ့ကို တစ်နိုင်ငံလုံးမှာ ဒေသအသီးသီးမှာ အမျိုးသမီးတွေ ဂုဏ်ပြုတဲ့အခမ်းအနားတွေ ကျင်းပနေကြပါတယ်။ ဒေသမှာလက်ရှိဖြစ်နေတာ ပြီးခဲ့တဲ့နှစ်မှာ ကျောင်းသူလေးတစ်ဦး အသတ်ခံရတယ်။ ဒါပေမဲ့ ကျူးလွန်တဲ့သူကို လက်ရဖမ်းဆီးရရှိမှုမရှိသေးဘူး။ ကလေးဝနယ်ဘက်မှာဆိုရင်လည်း အဖေက နှစ်နှစ်အရွယ်သမီးလေးကို မုဒိမ်းကျင့်တာရယ်၊ ကျောင်းထိုင်ဘုန်းတော်ကြီးကိုယ်တိုင်က ကျေးရွာမှာရှိတဲ့ ကျောင်းသူလေးကို မုဒိမ်းမှုကျူးလွန်တာကလည်း ဖမ်းဆီးရရှိမှုမရှိဘူး။ ဒီဟာတွေက ဒေသမှာဖြစ်ပျက်နေတာ။ အိမ်တွင်းအကြမ်းဖက်မှုဆိုတာကလည်း နေ့စဉ်လာပြီး ပြောပြနေကြပါတယ်” ဟု တရားမျှတမှုအတွက် အမျိုးသမီးများအဖွဲ့မှ မအားခူက ပြောကြားသည်။

အဆိုပါဆန္ဒထုတ်ဖော်ပွဲသို့ အမျိုးသားများလည်းပါဝင်ခဲ့ပြီး ပါဝင်ခဲ့သူတစ်ဦးဖြစ်သူ ကလေးမြို့ ငြိမ်းချမ်းရေးကွန်ရက်မှ ကိုမျိုးဇော်က “အမျိုးသမီးတွေရဲ့ အခွင့်အရေးဆုံးရှုံးမှုနဲ့ သက်ငယ်မုဒိမ်းတွေက အမျိုးသားတွေကြောင့်ဖြစ်တာပေါ့။ ဒီလိုလှုပ်ရှားမှုတွေကို အမျိုးသားတွေ ပိုမိုပါဝင်စေချင်သလို အသိတရားတွေကိုလည်း ယောက်ျားတွေ ပိုသိစေချင်လို့ပါ။ ဒီလိုဖြစ်တာက မူးယစ်ဆေးဝါးပြဿနာတော့ ပထမဆုံးပါ။ ဒုတိယက ဖေ့စ်ဘွတ်အွန်လိုင်းတွေပေါ်က မကောင်းတဲ့ဘက်ကို အာရုံများပြီးတော့ လက်တည့်စမ်းချင်တာတွေလို့ မြင်ပါတယ်။ မိခင်တွေအနေနဲ့ ကိုယ်သားသမီးကို ပစ်မထားသင့်တော့ဘူးလို့ ထင်ပါတယ်။ အရင်ကတုန်းကဆိုရင် သားအဖဖြစ်တာ စွဲချက်က နှစ်ခုတည်းတင်တော့ ၁၄ နှစ်ပဲကျတာ။ ကြီးလေးတဲ့ပြစ်ဒဏ်တွေ ပေးစေချင်တယ်” ဟုပြောကြားသည်။

လက်ရှိတွင် အမျိုးသမီးများ အကြမ်းဖက်ခံရမှု၊ မုဒိမ်းမှုနှင့် တရားဥပဒေစိုးမိုးမှုတို့အပေါ် TCLC ကျောင်းမှ ဒေါ်စောကလျာက “ဒီပွဲတွေမှာ အမျိုးသမီးတွေနဲ့ပတ်သက်ပြီး အကြမ်းဖက်မှုခံနေရတာရယ်၊ မကြာခဏကြားနေရတဲ့ အမျိုးသမီးတွေ ကျူးလွန်ခံရတဲ့ Rape Case တွေကို နည်းနည်းစိတ်ထဲမှာခံပြင်းတဲ့အတွက် လာခဲ့တာပါ။ လက်ရှိ တရားဥပဒေစိုးမိုးရေးကိုတော့ စိတ်တိုင်းမကျပါဘူး။ အဝေးကြီးမပြောလိုပါဘူး။ ကျွန်မတို့မြို့နယ်က အမျိုးသမီးနဲ့ပတ်သက်ပြီး အကြမ်းဖက်ခံရတဲ့အမှုတွေက အခုချိန်အထိ ပေါ်ပေါက်ခြင်းမရှိတော့ အားမလို အားမရ ဖြစ်မိပါတယ်။ အမျိုးသမီးတွေ အကြမ်းဖက်မခံရရေးအတွက် ဒီလိုမျိုးပွဲမျိုးကို ပါဝင်ပူးပေါင်းတာပါ” ဟုပြောကြားသည်။

ထို့အတူ သက်ငယ်မုဒိမ်းမှုကျူးလွန်သူများကို တရားစီရင်ရေးဌာနများက ထိရောက်သည့် ပြစ်ဒဏ်ချမှတ်ပေးရေးနှင့် သက်ငယ်မုဒိမ်းမှုများ လျော့နည်းပပျောက်ရေးအတွက် မတ် ၂၀ ရက် နံနက်ပိုင်းက ပြင်ဦးလွင်မြို့တွင် ဒေသခံများက တောင်းဆိုဆန္ဒပြခဲ့သည်။

ဆန္ဒထုတ်ဖော်မှုကို ပြင်ဦးလွင်မြို့တော် ခန်းမရှေ့မှစတင်ခဲ့ပြီး ပြင်ဦးလွင်-လားရှိုး လမ်းမတစ်လျှောက် လမ်းလျှောက်ဆန္ဒထုတ်ဖော်ခဲ့ကြပြီး သက်ငယ်မုဒိမ်းမှုကျူးလွန်သူများအား တရားရေးဌာနက ထိရောက်သောပြစ်ဒဏ် ချမှတ်ပေးရေး တို့အရေး၊ သက်ငယ်မုဒိမ်းမှု ပပျောက်ရေး ဟောပြောဆောင်ရွက်ရာတွင် ဌာနဆိုင်ရာနှင့် ပူးပေါင်းဆောင်ရွက်ခွင့်ပေးရေး တို့အရေး၊ သက်ငယ်မုဒိမ်းမှု လျော့နည်းပပျောက်ရေး လူတိုင်းပါဝင်ကူညီပေး အစရှိသည့် ကြွေးကြော်သံများ၊ ဗီနိုင်းဆိုင်းဘုတ်များ ကိုင်ဆောင်ကာ ဆန္ဒထုတ်ဖော်ခဲ့ကြသည်။

“အခုတစ်လောမှာ သက်ငယ်မုဒိမ်းမှုတွေက နေရာအနှံ့အပြားမှာကို ဖြစ်ပွားနေတယ်။ ကျွန်မတို့ ပြင်ဦးလွင်ခရိုင် အတွင်းမှာဆိုရင်လည်း သက်ငယ်မုဒိမ်းမှုတွေ ဖြစ်ပွားနေတဲ့အထဲမှာ ပါပါတယ်။ မတ္တရာမြို့နယ်ထဲက နှစ်နှစ်ကျော်အရွယ် မိန်းကလေးကို အဓမ္မပြုကျင့် သတ်ဖြတ်လိုက်တဲ့သူကိုလည်း ပြင်းထန်ထိရောက်တဲ့ပြစ်ဒဏ်တွေ ချမှတ်ပေးစေချင်ပါတယ်။ သက်ငယ်မုဒိမ်းမှုတွေ လျော့နည်းပပျောက်ဖို့အတွက် ဒီနေ့ အခုလိုဆန္ဒထုတ်ဖော်ရတာပါ။ နောက်တစ်ခုက အစိုးရအနေနဲ့ သက်ငယ်မုဒိမ်းမှုတွေ လူသတ်မုဒိမ်းမှုတွေပပျောက်ဖို့အတွက် ကျူးလွန်သူတွေကို ထိရောက်ပြင်းထန်တဲ့ပြစ်ဒဏ်တွေ ချမှတ်ပေးဖို့ တောင်းဆိုချင်ပါတယ်” ဟု ဦးဆောင်ဆန္ဒထုတ်ဖော်သူတစ်ဦးဖြစ်သူ အမျိုးသမီးအကြမ်းဖက်မှု ပပျောက်ရေးလှုပ်ရှားမှုအဖွဲ့ ပြင်ဦးလွင်မှ ဒေါ်မြအေးငြိမ်းက ပြောကြားသည်။

လိင်အကြမ်းဖက်မှုပပျောက်ရေး၊ ကြီးလေးပြစ်ဒဏ် ချမှတ်ပေးရေးအတွက် ဆန္ဒပြုခြင်းနှင့် မျှဝေဆွေးနွေးပွဲ မျှော်စင်ကျွန်းတွင် ပြုလုပ်

 
လိင်အကြမ်းဖက်မှုပပျောက်ရေး၊ ကြီးလေးပြစ်ဒဏ် ချမှတ်ပေးရေးအတွက် ဆန္ဒပြုခြင်းနှင့် မျှဝေဆွေးနွေးပွဲကို မတ် ၁၈ ရက် ညနေပိုင်းက ရန်ကုန်မြို့ရှိ ကန်တော်ကြီးမျှော်စင်ကျွန်းတွင် ကျင်းပခဲ့သည်။
 
လိင်အကြမ်းဖက်မှုပပျောက်ရေး ကြီးလေးပြစ်ဒဏ် ချမှတ်ပေးပွဲတွင် လိင်အကြမ်းဖက်မှုအတွက် ပြစ်ဒဏ်တိုးမြင့်ရန် ဦးဆောင်ကြိုးပမ်းနေသော လွှတ်တော်ကိုယ်စားလှယ်များ၊ မိမိကလေးငယ် အစော်ကားခံရသည့်အပြင် အသတ်ခံခဲ့ရသော မိသားစုဝင်များ၏ စကားသံများ၊ လိင်အကြမ်းဖက်မှုခံစားရခဲ့ရသူ၏ စကားသံများ၊ လိင်အကြမ်းဖက်မှုခံရသူများကို ကူညီပေးနေသူများ၏ စကားသံများ၊ တရားဥပဒေအရ ကျွမ်းကျင်သူများစသည်တို့နှင့်အတူ ကလေးငယ်တိုင်း သိထားသင့်သည့် ကဗျာများ ရွက်ဆိုခဲ့ကြသည်။
 
ထို့ပြင် လိင်အကြမ်းဖက်မှုပပျောက်ရေး၊ ကြီးလေးပြစ်ဒဏ် ချမှတ်ပေးရေးအတွက် ဆန္ဒပြုခြင်းနှင့် မျှဝေဆွေးနွေးပွဲတွင် အနုပညာရှင်များ၊ ပရဟိတအဖွဲ့များနှင့် တက်ရောက်လာသူများက အဖြူရောင်အကျီင်္များဝတ်ဆင်၍ လိင်အကြမ်းဖက်မှုခံရသူများအတွက် ဖယောင်းတိုင်မီးထွန်းကာ ဆန္ဒပြုဆုတောင်းခဲ့ကြသည်။