ပခုက္ကူ၊ ပေါက်၊ ဆိပ်ဖြူနှင့် ရေစကြိုမြို့နယ်အတွင်း ရေကြီးနစ်မြုပ်မှုကြောင့် ပျက်စီးခဲ့သည့် စိုက်ပျိုးမြေများနှင့် ပတ်သက်၍ ကျပ်သိန်း ၂၀၀ ကျော် ထောက်ပံ့မည်

၂၀၁၈ ခုနှစ် ဇန်န၀ါရီလကုန်ပိုင်းက အချိန်အခါမဲ့ မိုးရွာသွန်းမှုကြောင့် တောင်ကျရေ ကျဆင်းလာပြီး ယောချောင်းအတွင်း ကြက်သွန်စိုက်ခင်းများ ရေနစ်မြုပ်စဉ်

ပခုက္ကူ၊ ပေါက်၊ ဆိပ်ဖြူနှင့်ရေ စကြိုမြို့နယ်အတွင်း ၂၀၁၇ – ၂၀၁၈ ခုနှစ်တွင် ရေကြီးနစ်မြုပ်မှုကြောင့် ပျက်စီးခဲ့သည့် စိုက်ပျိုးမြေများနှင့် ပတ်သက်၍ စိုက်ပျိုးရေးဦးစီးဌာနက ကျပ်သိန်း ၂၀၀ ကျော် ထောက်ပံ့မည်ဖြစ်ကြောင်း သိရသည်။

ပြီးခဲ့သည့် ၂၀၁၇ -၂၀၁၈ ခုနှစ် တွင် ရေကြီးနစ်မြုပ်မှုကြောင့် ပခုက္ကူမြို့နယ်တွင် နွေစပါး နှစ်ဧက၊ ဖူးစား ပြောင်း ကိုးဧကနှင့် ကြက်သွန်နီ ၄၆၃ ဧက ပျက်စီးခဲ့ပြီး အဆိုပါ နစ်နာဆုံးရှုံးမှုများနှင့် ပတ်သက်၍ မကွေးတိုင်းဒေသကြီး စိုက်ပျိုးရေး ဦးစီးဌာနက ကျပ် ၅၂၂၀၀၀၀ ထောက်ပံ့ပေး မည်ဖြစ်ကြောင်း သိရသည်။

ပေါက်မြို့နယ်အတွင်း ရေကြီးနစ်မြုပ်မှုကြောင့် မြေပဲ (ဆောင်း) ၄၀ ဧက၊ အာလူး ၁၉ ဧကနှင့် ကြက် သွန်နီ ၂၉၇ ဧကပျက်စီးခဲ့ပြီး အဆိုပါ နစ်နာဆုံးဆုံးရှုံးမှုများနှင့် ပတ်သက်၍ မကွေးတိုင်းဒေသကြီး၊ စိုက်ပျိုးရေး ဦးစီးဌာနက ကျပ် ၃၃၆၀၀၀၀ ထောက်ပံ့ပေးမည်ဖြစ်ကြောင်း သိရသည်။

ရေစကြိုမြို့နယ်အတွင်း ရေကြီးနစ်မြုပ်မှုကြောင့် နွေစပါး ၁၁ ဧကနှင့် မိုးစပါး ၁၁၂၄ ဧကပျက်စီးခဲ့ပြီး နစ်နာဆုံးရှုံးခဲ့သည့် တောင်သူများအား မကွေးတိုင်းဒေသကြီး၊ စိုက်ပျိုးရေး ဦးစီးဌာနက ၁၃,၉၉၀,၀၀၀ ကျပ် ထောက်ပံ့ပေးမည်ဖြစ်ကြောင်း သိရသည်။

ဆိပ်ဖြူမြို့နယ်အတွင်း ရေကြီးနစ်မြုပ်မှုကြောင့် ကြက်သွန်နီ ၁၀၂ ဧက ပျက်စီးခဲ့ပြီး နစ်နာဆုံးရှုံးခဲ့သည့် တောင်သူများအား မကွေးတိုင်းဒေသကြီး စိုက်ပျိုးရေးဦးစီးဌာနက ကျပ် ၁၀၂၀၀၀၀ ထောက်ပံ့ပေးမည်ဖြစ်ပြီး ထောက်ပံငွေအားလုံးကို အရေးပေါ်ရန်ပုံငွေမှ ကျခံသုံးစွဲခြင်းဖြစ်ကြောင်း သိရသည်။

“ရေကြီးနစ်မြုပ်ဒဏ် ခံစားခဲ့ရတဲ့ တောင်သူတွေကို လျော်ကြေးပေးမှာ ဖြစ်ပါတယ်။ ရေစကြိုနယ်ကတော့ ပြီးခဲ့တဲ့ ၂၀၁၇ ခုနှစ် ရေတက်ကာလမှာ ရေကြီးတဲ့ ဖြစ်စဉ်တင်မကဘဲ ရေလျှံရေနစ်တဲ့အထိ ကြုံရပါတယ်။ ကျွန်းကျေးရွာတွေ ကမ်းနားတစ်လျှောက်က ကျေးရွာတွေ အများဆုံးခံရပါတယ်။ အချိန်အခါမဟုတ် ရေတက်လာတာကြောင့် ပျိုးခင်းမြုပ်တာ၊ စပါးခင်းတွေ မြုပ်ကုန်တာတွေလည်း ရှိပါတယ်။ ဒီလိုငွေထောက်ပံ့ ပေးခြင်းအားဖြင့် တောင်သူတွေအတွက် အရင်းအနှီးစရိတ် အနည်းနဲ့အများ ဆိုသလို ရမှာပါ။ ရုံးးဖွင့်ရက်တွေမှာ ဌာနဆိုင်ရာ တာဝန်ရှိသူတွေနဲ့ တွေ့ဆုံဆွေးနွေးပြီး ထောက်ပံ့ငွေပေးသွားမှာပါ” ဟု ရေစကြိုမြို့နယ်မှ တိုင်းဒေသကြီး လွှတ်တော်ကိုယ်စားလှယ် ဦးတင်သောင်းက ပြောကြားသည်။

၂၀၁၇ ခုနှစ် မြစ်ရေတက်ကာလတွင် မြစ်ရေ၀င်ဒေသများမှ နွေစပါးနှင့် မိုးစပါးစိုက်ခင်းများမှာ ရေနစ်မြုပ်မှုကြောင့် ပျက်စီးမှု ကြုံတွေ့ရခြင်းဖြစ်ပြီး ကြက်သွန်နီနှင့် အာလူးစိုက်ခင်းများမှာ ၂၀၁၈ ခုနှစ် ဇန်န၀ါရီလကုန်ပိုင်းတွင် ရွာသွန်းခဲ့သည့် မိုးအပြင် ချောင်းရေတိုက်စားမှုကြောင့် ရေမျောပါ နစ်မြုပ်ဆုံးရှုံးရခြင်း ဖြစ်ကြောင်း ဒေသခံတို့ အဆိုအရ သိရသည်။

“တကယ်ရခဲ့မယ် ဆိုရင်တော့ တောင်သူတွေအနေနဲ့ ပျော်တာပေါ့။ ကျွန်တော်တို့လည်း ကြက်သွန်စိုက်ပြီးရော မိုးရွာလို့ ချောင်းရေကျလာပြီးေ ရမြုပ်တာတွေမြုပ်၊ မျောတဲ့အခင်း မျောကုန်တယ်။ ဒီနှစ်အထွက်ရော ဈေးရော မကောင်းတော့ ထောက်ပံ့ငွေရခဲ့ရင် စိုက်စရိတ်အတွက် အထောက်အကူ ဖြစ်တာပေါ့” ဟု ပေါက်မြို့နယ် သမားတော်ကျေးရွာမှ တောင်သူတစ်ဦးက ပြောကြားသည်။

စိုက်စရိတ် ကြီးမြင့်လာခြင်း၊ ရာသီဥတု ဖောက်ပြန်မှုကြောင့် သီးနှံအထွက်နှုန်း လျော့ကျခြင်းနှင့် တောင်သူများ သီးနှံရောင်းချချိန်တွင် ဈေးကောင်း မရခြင်းများကြောင့် ပခုက္ကူနယ်တစ်ဝိုက် စိုက်ပျိုးရေး လုပ်ကိုင်သည့် တောင်သူများမှာ တစ်နှစ်ထက်တစ်နှစ် ရပ်တည်ရေး ခက်ခဲလာကြောင်း သိရသည်။

 

လယ်ယာမြေများကို ခြံခတ်ထား၍ အိမ်ခြံမြေအဖြစ် ပြောင်းလဲရန် အသင့်ဖြစ်နေသည့် လယ်ယာခြံမြေ အမျိုးအစားတစ်မျိုး ရှိနေပြီလားဟု လွှတ်တော်ကိုယ်စားလှယ် မေးခွန်းထုတ်

လယ်ယာမြေများကို ခြံခတ်ထားပြီး အိမ်ခြံမြေအဖြစ်ပြောင်းလဲရန် အဆင်သင့်ဖြစ်နေသည့် လယ်ယာခြံမြေ အမျိုးအစား တစ်မျိုး ရှိနေပြီလားဟု မေးခွန်းထုတ်စရာဖြစ်နေကြောင်း ပဲခူးတိုင်းဒေသကြီး မဲဆန္ဒနယ် အမှတ် (၆) အမျိုးသားလွှတ်တော်ကိုယ်စားလှယ် ဦးမင်းဦးက ပြောကြားသည်။

နေပြည်တော်၌ သြဂုတ် ၂၁ ရက်က ပြုလုပ်သည့် အမျိုးသားလွှတ်တော်အစည်းအဝေးတွင် မွန်ပြည်နယ် မဲဆန္ဒနယ် အမှတ် (၈) မှ ဦးမျိုးဝင်း တင်သွင်းထားသည့် မြန်မာနိုင်ငံတွင် လယ်ယာဥယျာဉ်ခြံမြေများကို စည်း ကမ်းမဲ့စွာ အကွက်ဖော်ရောင်းစားနေခြင်းတို့ကြောင့် စိုက်ပျိုးမြေများ အလျင်အမြန်လျော့နည်းလာခြင်း၊ မြို့ပေါ်နှင့်ကျေးရွာများတွင် နောင်တစ်ချိန်လိုအပ်ပါက အသုံးချနိုင်ရန် ချန်လှပ်ထားသော မြေကွက်များ ပျောက်ဆုံးကုန်ခြင်း စသည်တို့နှင့် သက်ဆိုင်သော စီမံခန့်ခွဲမှုကော်မတီ၊ စည်ပင်သာယာရေးကော်မတီနှင့် လယ်ယာမြေစီမံခန့်ခွဲမှု ကော်မတီ အဆင့်ဆင့် (ကော်သုံးကော်) တို့၏ အဂတိတရား မကင်းသည့် လုပ်ဆောင်ချက်များကို ထိရောက်စွာ ထိန်းညှိပေးနိုင်မည့် အစီအမံတစ်ခုကို အလျင်အမြန် ရေးဆွဲပြဋ္ဌာန်း အ ကောင်အထည်ဖော်ပေးပါရန် ပြည်ထောင်စု အစိုးရအား တိုက်တွန်းကြောင်း အဆိုနှင့်စပ်လျဉ်းပြီး ဆွေးနွေးစဉ် ယင်းကဲ့သို့ ပြောကြားခဲ့ခြင်းဖြစ်သည်။

‘‘၂၀၁၂ လယ်ယာမြေဥပဒေမှာ လယ်မြေ၊ ယာမြေ၊ ကိုင်းကျွန်းမြေ၊ တောင်ယာမြေ နဲ့ နှစ်ရှည်ပင်စိုက်ပျိုးသောမြေ၊ ဓနိမြေ၊ ဥယျာဉ်မြေ၊ ဟင်းသီးဟင်းရွက်၊ ပန်းမန် စိုက်ပျိုးတဲ့ ခြံမြေ၊ မြေနုကျွန်းအားလုံးပါဝင်တယ်လို့  ဖော်ပြထားသော်လည်း လယ်ယာမြေတွေကို ခြံခတ်ထားပြီး အိမ်ခြံမြေပြောင်းလဲဖို့ အဆင်သင့်ဖြစ်နေတဲ့ လယ်ယာခြံမြေ အမျိုးအစားတစ်မျိုး ရှိနေသလားလို့ မေးခွန်းထုတ်ရမလို ဖြစ်နေပါတယ်’’ဟု ဦးမင်းဦးက ဆွေးနွေးသည်။

လက်ရှိတွင် မြို့အနှံ့၊ နယ်အနှံ့တွင် လယ်ယာမြေများကို ခြံမြေများ အိမ်ကွက်များအဖြစ်သို့ အတောမသတ် ပြောင်းလဲနေကြခြင်းကို အချိန်မီထိန်းသိမ်းရန် လိုအပ်နေကြောင်း၊ ခြံခတ်ထားသော ခြံစည်းရိုးတိုင်ကာရံထားသော လယ်ယာမြေများ၊ အိမ်ယာခြံမြေ ပြောင်းလဲပြီးသော လယ်ယာမြေစာရင်းများကို ကောက်ယူသင့်ကြောင်း၊ လယ်ယာမြေ အရောင်းအ၀ယ်များ စိုက်ပျိုးမြေဆုံးရှုံးမှုများကို သက်ဆိုင်ရာ အဖွဲ့အစည်းအဆင့်ဆင့်က  စိစစ်ကြပ်မတ်ခြင်း၊ ဖော်ထုတ်အရေးယူခြင်းများ ဆောင်ရွက်ခြင်းနှင့်လယ်ယာမြေထိန်းသိမ်းနိုင်သော မြေယာနှင့်ပတ်သက်သည့် မူဝါဒတစ်ရပ်ကိုချမှတ်ပြီး အမျိုးသားရေး တာဝန်တစ်ရပ်အဖြစ် ဆောင်ရွက်သွားသင့်ကြောင်း ၎င်းက ဆွေးနွေးခဲ့သည်။

မြန်မာနိုင်ငံအနေဖြင့် တွင်းထွက်သယံဇာတ၊ သစ်တောသယံဇာတများကို ထုတ်ယူသုံးစွဲမှုများသောကြောင့် ကုန်လုနီးပါးအခြေအနေသို့ရောက်ရှိနေကြောင်း၊ အရေးကြီးဆုံးဖြစ်သည့် လယ်ယာမြေသယံဇာတ ဆုံးရှုံးသွား ပါက ရိက္ခာဖူလုံမှုကို ထိခိုက်လာပြီး နိုင်ငံတော်စီးပွားရေးကိုပါ ထိခိုက်လာမည်ဖြစ်ကြောင်း၊ ပြည်တွင်းရိက္ခာဖူလုံရန်အတွက် လယ်ယာမြေများတည်တံ့ရန် အထူးလိုအပ်ကြောင်း ဦးမင်းဦးက ဆက်လက်ဆွေးနွေးသည်။

မွန်ပြည်နယ်မဲဆန္ဒနယ် အမှတ် (၅) မှ ဒေါ်မြတ်သီတာထွန်းက ဆွေးနွေးရာတွင် မွန်ပြည်နယ်တွင်လည်း လယ်ယာဥယျာဉ် ခြံမြေများကို ဥပဒေနှင့်မညီဘဲ အခြားနည်း အသုံးပြုမှုများလာနေကြောင်း၊ အခြားနည်း အသုံးပြုလိုသည့် လယ်ယာဥယျာဉ်ခြံရှင်များသည် လုပ်ပိုင်ခွင့်ရှိသူများနောက်ကို ယခင်ခေတ်ကကဲ့သို့ အထုပ်ပိုက်ပြီး လိုက်နေကြဆဲဖြစ်ကြောင်း၊ နည်းလမ်းဟောင်းများအတိုင်း အပေးအယူတည့်ပြီး အဆင်ပြေနေကြဆဲဖြစ်ကြောင်း၊ ဥပမာ ရာဘာခြံ ၁ ဧကကို ရာဘာ နှင့် အခြားသီးနှံလည်း မစိုက်ဘဲ အိမ်ခြံမြေအကွက်ရိုက်ပြီး ရောင်းစားမည်ဆိုလျှင် လတ်တလော အကျိုးအမြတ်များသောကြောင့် ခြံရှင် များသည် ခြံကွက်ဖော်ချင်ကြကြောင်း၊ ထို့အတွက် ခွင့်ပြုချက်ပေးနိုင်သည့်သူများကို ချဉ်းကပ်ပြီး အရေးယူပိုင်ခွင့်ရှိသည့်သူများကိုလည်း နားလည်မှု ယူထားကြကြောင်း၊ အကွက်ဖော်ခွင့်ရပါက ဘယ်နှကွက်ပေးမည်၊ မည်မျှပေးပါမည်ဆိုသည့် အပေးအယူများဖြင့် အလျင်အမြန်လုပ်လာကြသည်ကို ကြားသိနေရကြောင်း ပြောကြားသည်။

‘‘အဲဒီလိုတွေလုပ်တာဟာ လတ်တလောမှာ လူနည်းစုအတွက် အဆင်ပြေနိုင်ပေမယ့် ဒီလိုပုံစံမျိုး တစ်နိုင်ငံလုံး အတိုင်းအတာ နဲ့စိုက်ပျိုးမြေတွေ လျော့နည်းလာမယ်ဆိုရင် အဆိုရှင် ဆွေးနွေးသလို နောင်တစ်ချိန်မှာ နိုင်ငံရဲ့ စိုက်ပျိုးရေးထွက်ကုန်တွေ လျော့နည်းကျဆင်းလာနိုင်ပါတယ်။ ကျွန်မတို့နိုင်ငံဟာ စက်မှုနိုင်ငံအဖြစ်ကို ထူထောင်နိုင်တဲ့ အခြေအနေမှာ မရှိသေးပါဘူး။ စိုက်ပျိုးရေး ထုတ်ကုန်တွေကိုသာ အားထားရဦးမှာ ဖြစ်ပါ တယ်။ အဲဒီအတွက် Productivity လိုပါတယ်။ ထုတ်ကုန်တင်ပို့နိုင်မှု အားနည်းရင် ကုန်သွယ်မှုလိုငွေလည်း အမြဲတမ်းပြနေမှာ ဖြစ်ပြီးတော့ အခုလတ်တလော ကြုံတွေ့နေရသလို အရင်ကလည်း ကြုံတွေ့ခံစားခဲ့ရသလို စီးပွားရေး အခက်ခဲတွေ၊ ငွေကြေးအကျပ်အတည်းတွေကို ရင်ဆိုင်ရမှာ ဖြစ်ပါတယ်။ ဒါကြောင့်မလို့ အခြားနည်းသုံးခွင့် ပေးသင့်မပေးသင့်ကို သေသေချာချာစိစစ်ပြီးတော့မှ ဥပဒေနဲ့အညီ ဆောင်ရွက်စေလိုပါတယ်။မြို့နယ်အဆင့် ကော်မတီတာဝန်ရှိသူတွေဟာ အထက်မှာ ကျွန်မဆွေးနွေးခဲ့တဲ့ကိစ္စတွေမှာ ကိုယ်တိုင်အဂတိလိုက်စားပြီးတော့ ပါဝင်ပတ်သက်တာတွေ ရှိသလို၊ သူတို့အထက်ကပုဂ္ဂိုလ်တွေ လုပ်တာကို မပြောရဲလို့၊အမုန်းမခံချင်လို့စတဲ့ အဂတိတရားအမျိုးမျိုးနဲ့ ကိုယ့်ရဲ့တာဝန်တွေ၊ တည်ဆဲဥပဒေတွေကို လျစ်လျူရှုခဲ့ကြပါတယ်။ ပိုဆိုးတာကတော့ ချောင်းမြေ၊ ကျွန်းမြေ၊ ကျွန်မတို့မြို့နယ်မှာဆိုရင် ပင်လယ်သဲသောင်မြေ၊ ဓနိတောမြေ၊ ဒီရေတောတွေကအစ စီးပွားရေးသမားတွေ ရယူသိမ်းပိုက်ထားခဲ့တဲ့ အဆင့်အထိ တာဝန်ရှိသူတွေ တာဝန်မဲ့ခဲ့ကြပါတယ်။ အခုအချိန်မှာ ဒီပြည်သူပိုင်မြေ တွေကို ကျွန်မတို့က ပြန်လည်ရရှိဖို့အတွက်ကို ကြိုးစားနေတဲ့အချိန်မှာ အခက်အခဲဖြစ်အောင်၊ အဟန့်အတားဖြစ်အောင် အလုပ်ဆုံးကလည်း အဲဒီတာဝန်ရှိသူတွေ ဖြစ်နေတာကို ကျွန်မတို့ စိတ်မကောင်းစွာ ကြုံတွေ့နေရပါတယ်။ ဥပဒေကို လိုက်နာဖော်ဆောင်ရမယ့်သူတွေကပဲ ဥပဒေကို ချိုးဖောက်နေကြတာ ဖြစ်ပါတယ်။ အဲဒီတော့ ဒီလို လုပ်ပိုင်ခွင့်ရှိသူတွေကို ဒီလုပ်ပိုင်ခွင့်တွေကို ဒီလိုပုဂ္ဂိုလ်တွေ လက်ထဲကို ၀ကွက်အပ်ပြီးတော့ စီမံခန့်ခွဲစေတာမျိုးကို ဆက်ပြီးတော့ ခွင့်ပြုသင့်ပါသလား၊ ဒီလိုဆိုရင် မျှော်လင့်ထားတဲ့ အပြောင်းအလဲကို ကျွန်မတို့ ပြည်သူတွေမြင်တွေ့ရဖို့ မလွယ်ပါဘူး။ ဒါကြောင့် ဒီအဖွဲ့အစည်းတွေကို ပြင်ဆင်ပြောင်းလဲဖွဲ့စည်းဖို့အတွက်ကို အရေးတကြီး လိုအပ်နေပါပြီဆိုတာကို ဆွေးနွေးလိုပါတယ်’’ဟု ဒေါ်မြတ်သီတာထွန်းက ပြောကြားသည်။

ဆက်လက်၍ ၎င်းက ‘‘အဆိုရှင်ရဲ့ အဆိုမှာလည်း ပါပါတယ်၊ ဆွေးနွေးသွားကြတဲ့ ကိုယ်စားလှယ်များကလည်း တူညီစွာဆွေးနွေးသွားတဲ့အချက်ကတော့ ကျွန်မတို့ တာဝန်ရှိသူတွေရဲ့ ဥပဒေနဲ့မညီတဲ့ လုပ်ရပ်တွေ အပေါ်မှာ အရေးယူဖို့ လိုအပ်နေခြင်းပဲ ဖြစ်ပါတယ်။ အကျင့်ပျက်ခြစားမှု အမြင့်ဆုံး ထိပ်ပိုင်းနိုင်ငံတွေမှာ ပါဝင်နေတဲ့ ကျွန်မတို့နိုင်ငံဟာ အရေးယူမှု ကြပ်မတ်မှုတွေကကျတော့ အနိမ့်ဆုံးအဆင့်မှာ ရှိနေပါတယ်။ တရားဥပ ဒေစိုးမိုးမှု ယိုယွင်းလာခြင်းဟာ ပြည်သူတွေဆီက စတာမဟုတ်ပါဘူး။ တာဝန်ရှိသူတွေ၊ လုပ်ပိုင်ခွင့်ရှိသူတွေဆီက အစပြုတာ ဖြစ်ပါတယ်။ အခုအချိန်မှာ ကျွန်မတို့နိုင်ငံရဲ့ သက်ဆိုင်ရာ ၀န်ကြီးဌာနအသီးသီးကို တာဝန်ယူ တာဝန်ခံကြရတဲ့ပုဂ္ဂိုလ်တွေဟာ ဘက်ဂျက်တွေကို စီမံခန့်ခွဲခြင်းအားဖြင့် ပြည်သူတွေရဲ့ အခြေခံလိုအပ်ချက်၊ ဖွံ့ဖြိုးတိုးတက်ရေးကို ဆောင်ရွက်ဖို့ တာဝန်ရှိသလို၊ ကိုယ်တာဝန်ယူ ထားကြရတဲ့ ၀န်ကြီးဌာနတွေအောက်မှာ ဌာနအသီးသီးမှာ နှစ်ပေါင်းများစွာ ခေါက်ရိုးကျိုးနေမှုတွေ၊ ဥပဒေ လက်တစ်လုံးခြား လုပ်မှုတွေ၊ အကျင့်ပျက်ခြစားမှုတွေကိုပါ ထိထိရောက်ရောက် ကြပ်မတ်ကိုင်တွယ် စီမံခြင်း အားဖြင့် ပြုပြင်ပြောင်းလဲမှုတွေကိုပါ တစ်ပြိုင်နက် တာဝန်ယူလုပ်ဆောင်ရမှာ ဖြစ်တယ်ဆို တာကို အကြံပြုလိုပါတယ်။ အခု ကျွန်မတို့ လွှတ်တော်မှာ ဆွေးနွေးနေတဲ့အဆိုကိုလည်း အစိုးရအဖွဲ့ ၀န်ကြီးတွေအနေနဲ့ခေါင်းစဉ်လောက်ကိုပဲ မကြည့်ဘဲနဲ့ကိုယ်စားလှယ်တွေ တစ်ဦးချင်း ဆွေးနွေးနေတဲ့ အကြောင်းအရာတွေကို သေချာလေ့လာပြီးတော့ ဘာကြောင့် ဒီလိုတွေ ဆွေးနွေးနေတယ် ဘာဖြစ်နေတယ် ဆိုတာကို လေးလေးနက်နက် သုံးသပ်ဆောင် ရွက်စေလိုပါတယ်’’ဟု ဆွေးနွေးသည်။

လယ်ယာမြေ၊ ဥယျာဉ်ခြံမြေများကို ကိုယ်ကျိုးရှာ ရောင်းစား၊ ငှားစားနေမှုများအား အဂတိတိုက်ဖျက်ရေးဥပဒေ၊ ၀န်ထမ်း ဥပဒေများဖြင့် မည်သူ့မျက်နှာမျှ မထောက်ဘဲ အရေးယူသင့်ဟုဆို

လယ်ယာမြေ ၊ ဥယျာဉ်ခြံမြေများကို ကိုယ်ကျိုးရှာ ရောင်းစား၊ ငှားစားနေမှုများအား ယင်းနှင့်သက်ဆိုင်သည့် စီမံခန့်ခွဲမှု ကော်မတီ၊ စည်ပင်သာယာရေးကော်မတီ၊ လယ်ယာမြေ စီမံခန့်ခွဲမှုကော်မတီ (ကော်သုံးကော်) ၏ တာဝန်မကျေ၊ လျော့ရဲမှုများနှင့် အဂတိမကင်းသည့်လုပ်ရပ်များသည် တရားဥပဒေစိုးမိုးမှု မရှိခြင်းကြောင့်ဖြစ်ပြီး ငြိစွန်းသည့်သူများအား အဂတိတိုက်ဖျက်ရေးဥပဒေ၊ ၀န်ထမ်းဥပဒေများဖြင့် မည်သူ့မျက်နှာမျှမထောက်ဘဲ အရေးယူသင့်ကြောင်း အမျိုးသားလွှတ်တော်ကိုယ်စားလှယ် ဦးဌေးဦးက ပြောကြားသည်။

နေပြည်တော်၌ သြဂုတ် ၁၄ ရက်က ပြုလုပ်သည့် အမျိုးသားလွှတ်တော်အစည်းအဝေးတွင် မွန်ပြည်နယ်မဲဆန္ဒနယ် အမှတ် ၈ မှ ဦးမျိုးဝင်းက မြန်မာနိုင်ငံတွင် လယ်ယာဥယျာဉ်ခြံမြေများကို စည်းကမ်းမဲ့စွာ အကွက်ဖော်ရောင်းစားနေကြခြင်းတို့ကြောင့် စိုက်ပျိုးမြေများ အလျင်အမြန်လျော့နည်းလာခြင်း၊  မြို့ပေါ်နှင့်ကျေးရွာများတွင် နောင်တစ်ချိန်လိုအပ်ပါက အသုံးပြုနိုင်ရန် ချန်လှပ်ထားသော မြေလွတ်များပျောက်ဆုံး ကုန်ခြင်းစသည်တို့နှင့် အဓိကသက်ဆိုင်သော စီမံခန့်ခွဲမှုကော်မတီ၊ စည်ပင်သာယာ ရေးကော်မတီနှင့် လယ်ယာမြေစီမံခန့်ခွဲမှုကော်မတီ အဆင့်ဆင့်(ကော်သုံးကော်)တို့၏ လျော့ရဲပြီး အဂတိတရားမကင်းသည့် လုပ်ဆောင်ချက်များကို ထိရောက်စွာ ထိန်းညှိပေးနိုင်မည့် အစီအမံတစ်ခုကို အလျင်အမြန် ရေးဆွဲပြဋ္ဌာန်း အကောင်အထည်ဖော်ပေးပါရန် အဆိုအား ရန်ကုန်တိုင်းဒေသကြီး မဲဆန္ဒနယ်အမှတ် (၂) မှ ဦးဌေးဦးက ဆွေးနွေးစဉ် ယင်းကဲ့သို့ပြောကြားခဲ့သည်။

“မလုပ်သင့်၊ မလုပ်ထိုက်တာ မလုပ်ဖို့ အတိအလင်း တားမြစ်ထားတဲ့အရာတွေကို လုပ်ဆောင်တာဟာ ရာဇ၀တ်မှု ဖြစ်ပါတယ်။ တရားဥပဒေ မစိုးမိုးလို့ မကြောက်မရွံ့ လုပ်နေကြတာ ဖြစ်ပါတယ်။ တရားဥပဒေ စိုးမိုးမှုမရှိတာ ဖြစ်ချင်တိုင်း ဖြစ်နေတာဟာ နေရာတော်တော်များများနဲ့ ဌာနတော်တော်များများ ဖြစ်နေတာဖြစ်ပါတယ်။ အမှားကြာတော့ သူတို့ကိုယ်သူတို့ အမှန်လို့ထင်ပြီးတော့ မူလငါတို့ရဲ့လုပ်ပိုင်ခွင့်၊ ငါတို့ရဲ့ ရပိုင်ခွင့်ထင်ပြီးတော့ လုပ်စားနေတာဖြင့် ခေါက်ရိုးကျိုးနေတယ်လို့ စကားတောင်တွင်နေပြီ ဖြစ်ပါတယ်။ ဒီလိုနေရာတစ်ခုချင်း ဌာနတစ်ခုချင်း လိုက်ပြီးတော့ အခုလို အဆိုတွေတင်ပြီးတော့ ကျွန်တော်တို့ လုပ်နေရမယ်ဆိုရင် ဆန်စဉ်ရာ ကျည်ပွေ့လိုက်သလိုဖြစ်ပြီး လိုက်လို့ကို ဆုံးတော့မှာ မဟုတ်ပါဘူး။ ဒါတွေကို ပြင်နိုင်ဖို့ဆိုရင် တရားဥပဒေတွေ ရှင်သန်လာအောင် စိုးမိုးလာအောင် တရားဥပဒေတွေ လေးစားလိုက်နာလာအောင်လုပ်တဲ့ နည်းလမ်းရှိပါတယ်။ အဲဒါကတော့ မိမိတို့ လုပ်ဆောင်ခဲ့မှုအတွက် မိမိတို့တာဝန်ယူပြီးတော့ ငြိစွန်းတဲ့ ရာဇ၀တ် ဥပဒေတွေ၊ အဂတိတိုက်ဖျက်ရေး ဥပဒေတွေ စည်းမျဉ်းစည်းကမ်းတွေနဲ့ ၀န်ထမ်းဥပဒေတွေနဲ့ ဘယ်သူမျက်နှာမှ မထောက်ဘဲ တိတိကျကျ တာဝန်ရှိသူတွေ အရေးယူရင် နောင်လာနောက်သားတွေအနေနဲ့ ဥပဒေရဲ့အင်အား ဥပဒေရဲ့စည်း နှောင်အားကို လက်တွေ့သိမြင်သိရှိ ကြောက်ရွံ့ လေးစားလာတာနဲ့အမျှ တရားဥပဒေစိုးမှု ပြန်လည်မြှင့်တင်လာမှာ ဖြစ်ပါတယ်။ နိုင်ငံတော်သမ္မတကြီးနဲ့ အတိုင်ပင်ခံလည်း ယခုလို တရားဥပဒေစိုးမိုးမှု မြှင့်တင်လာတာ တွေ့ရပါတယ်” ဟု ဦးဌေးဦးက ဆွေးနွေးခဲ့သည်။

ထို့ပြင် မန္တလေးတိုင်းဒေသကြီး မဲဆန္ဒနယ် အမှတ် (၃) မှ ဒေါက်တာကျော်သန်းထွန်း(ကန်တုန်) က နိုင်ငံ၏ ရာခိုင်နှုန်း ၇၀ သော တောင်သူများသည် ယနေ့အချိန်တွင် မြေမဲ့ယာမဲ့အခြေအနေများကို ခံစားနေရကြောင်း၊ မြေမရှိသည့်ဘ၀တွင် ရပ်တည်ကာ အခက်အခဲများနှင့် ရင်ဆိုင်နေကြရကြောင်း၊ ယင်းသို့ဖြစ်ရသည့် အကြောင်းအရင်းများထဲတွင် တစ်ချိန်က နှုတ်မိန့်ဖြင့် လယ်ယာမြေများကို သိမ်းဆည်းပြီး စီမံကိန်းဆောင်ရွက်ရန် သိမ်းယူခဲ့ခြင်းများသည်လည်း ပါဝင်ကြောင်း၊ ပြည်သူများ၏ လယ်ယာမြေများကို အလွယ်တကူသိမ်းယူခဲ့ကြကြောင်း၊ နှုတ်မိန့်ဖြင့် အလွယ်တကူသိမ်းယူပြီး စီမံကိန်းများ မအောင်မြင်သည့်အခါတွင် သိမ်းယူခံခဲ့ရသည့် မူလပိုင်ရှင်တောင်သူများထံ ပြန်လည်ရောက်ရှိခြင်းမရှိဘဲ မြေလွတ်မြေလပ် မြေရိုင်းများအမည်ခံပြီး ကုမ္ပဏီကြီးများကို လက်သင့်ရာချထားပေးခဲ့ကြောင်း၊ ပြင်ဦးလွင်ဒေသတွင် ယင်းကဲ့သို့ဖြစ်ရပ်များရှိခဲ့ပြီး နောက်ပိုင်းတွင် လူကြိုက်များသည့် အိမ်ခြံမြေကွက်များအဖြစ် ပြန်လည်ရောင်းစားမှုများရှိခဲ့ကြောင်း၊ ယင်းသို့ဖြစ်ရခြင်းကြောင့် နိုင်ငံတော်၏ ကုန်ထုတ်စွမ်းအားကို ချည့်နဲ့ယိုင်နဲ့သွားစေပြီး ဆင်းရဲတွင်းထဲကျ ရောက်စေခြင်းသည် အစိုးရ၀န်ထမ်းကြီး /ငယ်များ၏ အဂတိလိုက်စားမှုများနှင့် ပတ်သက်နေပြီး လွှတ်တော်ကိုယ်စားလှယ်များမှ ထောက်ပြသည့်အခါတွင် အုပ်ချုပ်ရေးကို ၀င်ရောက်စွက်ဖက်သည်ဟု ပြောဆိုကြကြောင်း၊ သဘောရိုးဖြင့် လုပ်ဆောင်ပါက အရေးယူခံရခြင်းမရှိစေရဟု ပြဋ္ဌာန်းထားချက်သည် ဥပဒေ၏ အားနည်းချက်ဖြစ်နေသည်ကို တွေ့ရှိရကြောင်း ဆွေးနွေးခဲ့သည်။

 

မြစ်ရေကြီးခြင်းကြောင့် ပဲခူးတိုင်းဒေသကြီး အတွင်းရှိ မိုးစပါး စိုက်ဧက ၄၄၀၀၀၀ ကျော် ရေ၀င်နစ်မြုပ်

မြစ်ရေကြီးခြင်းကြောင့် ပဲခူးတိုင်းဒေသကြီး အတွင်းရှိ မိုးစပါးစိုက်ဧကများ ရေဖုံးလွှမ်းနေစဉ်

ပဲခူးတိုင်းဒေသကြီး အတွင်း၌ ဇူလိုင်၂၃ ရက်မှစတင်​၍ စစ်တောင်းမြစ်၊ ရွှေကျင်မြစ်၊ ပဲခူးမြစ်ရေများ ကြီးခြင်းကြောင့် မိုးစပါးစိုက်ဧက လေးသိန်းလေးသောင်းကျော် ရေ၀င်နစ်မြုပ် ခံနေရကြောင်း ပဲခူးတိုင်းဒေသကြီး စိုက်ပျိုးရေး ဦးစီးဌာနရုံး မှတ်တမ်းများအရ သိရသည်။

မြစ်ရေများ ၀င်ရောက်ခြင်းကြောင့် ရေ ၀င်နစ်မြုပ်နေသော မိုးစပါးစိုက်ဧကများမှာ ပဲခူးခရိုင်တွင် ၂၈၀၂၄ ဧက၊ တောင်ငူခရိုင် တွင် ၅၆၅၂၀ ဧက၊ ပြည်ခရိုင်တွင် ၅၈၅၉၀ ဧက၊ သာယာဝတီခရိုင်တွင် ၄၉၆၃၂ ဧကတို့ ရေ၀င်လွှမ်းမိုး ခံနေရပြီး ပဲခူးတိုင်းဒေသကြီး တစ်ခုလုံးတွင် စုစုပေါင်း မိုးစပါးစိုက်ဧက ၄၄၄၉၉၀ ဧက ရေ၀င်နစ်မြုပ် ခံနေရကြောင်း ပဲခူးတိုင်းဒေသကြီး စိုက်ပျိုးရေး ဦးစီးဌာနရုံး၏ ဇူလိုင် ၂၉ ရက် စာရင်းများအရ သိရသည်။

မိုးစပါးစိုက်ခင်းများ ရေ၀င်နစ်မြုပ်သည့် အခြေနေနှင့် ပတ်သက်ပြီး ကျောက်တံခါးမြို့နယ် စိုက်ပျိုးရေး ဦးစီးဌာန ဦးစီးမှူး ဦးမြင့်အောင်က “ကျွန်တော်တို့ဆီကတော့ အောက်ပိုင်းမြို့နယ်​တွေလောက်တော့ မဆိုးပါဘူး။ ဇူလိုင် ၃၀ ရက်လောက်အထိ စာရင်းအရတော့ ၁၄၂၈၀ လောက် ရေလွှမ်းဧကစာရင်း ကောက်လို့ရတယ်လေ။ အခုတော့ တဖြည်းဖြည်း ကျသလောက်တော့ ရှိလာပါပြီ။ ထိခိုက်ပျက်စီး မှုတွေကတာ့ အသေးစိတ်ဝန်ထမ်းတွေနဲ့ ဆင်းပြီးတော့ ပေါ်လာတဲ့အခါမှ အတိအကျရမယ်လေ။ အဲဒီလို ကြည့်ပြီးရင်တော့ ထိခိုက်ပျက်စီးရင်လည်း လိုအပ်တာလေးတွေနဲ့ ကောက်ပင်ဖာတာတို့၊ ဘာတို့ ဒါတွေကတော့ ဒီက ရေမနစ်တဲ့ စိုက်ခင်းတွေက ပျိုးပင်တွေနဲ့ ဖာလည်းရတယ်လေ၊ အဲဒါတွေကို အဆင့်ဆင့်ပေါ့။ တာဝန်ရှိတဲ့ တိုင်းဒေသကြီး အစိုးရအဖွဲ့ ဘာညာနဲ့ဆိုရင် နောက်ပိုင်းမှာ ဘယ်လိုတွေ ညွှန်ကြားမလဲတော့ မသိ သေးဘူးပေါ့။ ကျွန်တော်တို့ကတော့ နောက် တစ်ခါပြန်စိုက်နိုင်ရေးအတွက်တော့ ဒီက ၀န်ထမ်းတွေနဲ့ လုပ်မှာပေါ့။ စပါးပင်တစ်ပင် က သာမန်မျိုးတွေကတော့ အကုန်လုံး အ ပင်အလုံးစုံကို တစ်ပတ်ကျော်လောက် မြုပ်သွားရင်တော့ ပျက်စီးသွားတာပဲ။ ဒါပေမဲ့ ရေမြုပ်ခံ စပါးတွေကျတော့ သူက သုံးပတ်လောက်အထိ အမြုပ်ခံတယ်။ သုံးပတ်လောက်အထိ ရေမြုပ်ရင်လည်း မသေဘူးပေါ့။ အဲဒီလိုလေးတော့ စပါးမျိုး အလိုက်တော့ ရှိပါတယ်။ ကျွန်တော်တို့ဘက်တော့ သိပ်ပြီးစိုးရိမ်စရာ မရှိပါဘူး။ ဒိုက်ဦးဘက်တော့ တော်တော်မြုပ်ကြတယ်။ နောက်ပြီး ညောင်လေးပင်အောက်ဘက် ကမ်းပါးတွေ၊ သူတို့က ရေမြုပ်တာလည်းများတယ်။ အခုရေကျသွားရင်တော့ ကျွန်တော်တို့ ၀န်ထမ်းတွေနဲ့ ဒီကမြို့နယ်က ဖွဲ့ပေးထားတဲ့ ဆည်မြောင်းဝန်ကြီးဌာနက ၀န်ထမ်းတွေနဲ့ လိုအပ်တာလေးတွေ ပြန်လည်လုပ်နိုင်ရေး ဆောင်ရွက်ရမှာပေါ့” ဟု ဇူလိုင် ၃၁ ရက်က ပြောကြားသည်။

ပဲခူးတိုင်း ဒေသကြီးအတွင်း မိုးစပါးစိုက်ခင်းများ ရေကြီးနစ်မြုပ်ရာတွင် ပဲခူးခရိုင်အတွင်းရှိ ပဲခူးမြို့နယ်၊ ညောင်လေးပင်မြို့နယ်၊ ဒိုက်ဦးမြို့နယ်၊ ရွှေကျင်မြို့နယ်၊ က၀မြို့နယ်နှင့် ဝေါမြို့နယ်တို့တွင် ရေကြီးနစ်မြုပ်မှု အများဆုံး ကြုံတွေ့နေရပြီး ပဲခူးတိုင်း တစ်ခုလုံး ရေကြီးနစ်မြုပ်ဧက ၄၄၄၉၉၀ အနက် ၂၈၀၂၄၈ ဧက၊ တစ်ဝက်ကျော်ခန့်အထိ ရေကြီး နစ်မြုပ်ခံရခြင်းဖြစ်သည်။

ညောင်လေးပင်မြို့နယ် ပုဇွန်မြောင်း စံပြကျေးရွာမှ ကိုဝေလင်းက “ပုဇွန်မြောင်းစံပြ ကျေးရွာက အနီးတစ်ဝိုက်မှာရှိတဲ့ လယ်သ မားတွေအားလုံးက လယ်တွေရေမြုပ်နေတာ ဧက ၆၀၀၀ လောက်ရှိပါပြီ။ ကွင်းအမှတ် ၁၈၁ ကွင်းအမှတ်မှာ ဖြစ်ပါတယ်။ ၂၄၊ ၂၅ ရက် အဲ့ဒီရက်တွေကစပြီးတော့ ရေတွေနစ်မြုပ် ကုန်တာပါ။ ဒါကြောင့် လယ်သမားတွေ အများစုက ဆုံးရှုံးနေပါပြီ၊ အခုလည်း မိုးက ရွာသထက် ရွာနေပါတယ်။ ရေကလည်း ကြီး နေပါတယ်” ဟု ပြောကြားသည်။

ထို့ပြင် တောင်ငူခရိုင် အတွင်းရှိ မြို့နယ်များတွင်လည်း ဧက ၅၆၅၂၀ ဧက ရေကြီးနစ် မြုပ်ခံခဲ့ရရာတွင် ကျောက်ကြီးမြို့နယ်မှာ ကျေးရွာအုပ်စုပေါင်း ၃၃ အုပ်စုရှိ ကွင်းပေါင်း ၁၆၉ ကွင်းတွင် တောင်သူပေါင်း ၆၅၅၈ ဦး စိုက်ပျိုးထားသည့် မိုးစပါးစိုက်ဧကပေါင်း ၃၆၃၄၁ ဧကတို့မှာ ရေကြီးနစ်မြုပ်ခံနေရပြီး ​ကျောက်​ကြီးမြို့နယ်​တွင်​ ​ရေကြီးခြင်းမှာ ယမန်​များထက်​ ဆိုးရွားစွာ ကြုံတွေ့နေရခြင်း ဖြစ်​ကြောင်း သိရသည်။

မိုးဇလ ဦးစီးဌာန၏ ဇူလိုင် ၃၁ ရက် နံနက် ၆ နာရီခွဲအချိန် တိုင်းထွာချက်များအရ ပဲခူးတိုင်း ဒေသကြီးအတွင်း မြစ်ရေကြီးမှု ဖြစ်ပွားနေသော မဒေါက်မြို့၏ စစ်တောင်းမြစ်ရေ၊ ရွှေကျင်မြစ်နှင့် ပဲခူးမြစ်တို့မှာ ယင်းမြို့များ၏ စိုးရိမ်ရေအမှတ် အထက်တွင်သာ ရှိနေပြီး တောင်ငူမြို့၏ စစ်တောင်းမြစ်ရေမှာ စိုးရိမ်ရေ အမှတ်အောက် ၁၄ စင်တီမီတာခန့်သာ ကျဆင်းကြောင်း၊ အဆိုပါ မြစ်ရေများ ပြန်လည် ကျဆင်းသွားပါက ရေကြီးနစ်မြုပ်ခံခဲ့ရသော မိုးစပါးစိုက်ခင်းများ၏ ထိခိုက်၊ပျက်စီး ဆုံးရှုံးမှု ဧကများအား သက်ဆိုင်ရာ စိုက်ပျိုးရေး ဦးစီးဌာနမှ ၀န်ထမ်းများ၊ မြို့နယ် လယ်ယာမြေ စီမံခန့်ခွဲရေး ကော်မတီအဖွဲ့နှင့် ဆည်မြောင်းဦးစီးဌာနတို့မှ ကွင်းဆင်းကောက်ယူ သွားမည်ဖြစ်ကြောင်း သိရသည်။

ပဲခူးတိုင်းဒေသကြီး အတွင်း၌ မြစ်ရေကြီးခြင်းကြောင့် အိမ်ထောင်စုပေါင်း ၁၅၀၀၀ ခန့်၊ လူဦးရေ ၇၀၀၀၀ ခန့်တို့ ရေဘေးလွတ်ရာသို့ ရွှေ့ပြောင်းနေထိုင်ခဲ့ရပြီး အခြေခံပညာ ကျောင်းပေါင်း ၃၆၃ ကျောင်းအား ယာယီ ကျောင်းပိတ်ထားခဲ့ရကြောင်း သိရသည်။

 

ကျောက်တော်မြို့နယ် ချောင်းဒူကျေးရွာအတွင်း အငြင်းပွားမှု ဖြစ်ပေါ်နေသော ရွာဘုံလယ်မြေဟုဆိုသည့် မြေနှင့် ပတ်သက်၍ နှစ်ဖက်အငြင်းပွားပြီး အုပ်စုဖြင့် ခိုက်ရန်ဖြစ်ပွားရာ သေနတ်ပစ်ဖောက် လူစုခွဲခဲ့ရ

ချောင်းဒူကျေးရွာအတွင်း အငြင်းပွားမှု ဖြစ်ပေါ်နေသော ရွာဘုံလယ်မြေဟုဆိုသည့် မြေနှင့် ပတ်သက်၍ နှစ်ဖက်အငြင်းပွားမှု ဖြစ်ပွားနေစဉ်

ရခိုင်ပြည်နယ် ကျောက်တော်မြို့နယ် ချောင်းဒူကျေးရွာအတွင်း အငြင်းပွားမှု ဖြစ်ပေါ်နေသော ရွာဘုံလယ်မြေဟုဆိုသည့် လယ်မြေ ၃၉ ဧကနှင့်ပတ်သက်ပြီး ယင်းလယ်မြေများကို နှစ်ဖက်မှ ထွန်ယက်နေသဖြင့် နှစ်ဖက်အငြင်းပွားရာမှ အုပ်စုဖြင့် ခိုက်ရန်ဖြစ်ပွားမှုတစ်ရပ် ဇူလိုင် ၂၂ ရက် နေ့လယ်ပိုင်းက ဖြစ်ပွားခဲ့သဖြင့် သက်ဆိုင်ရာ ရဲစခန်းက သေနတ်ပစ်ဖောက် လူစုခွဲခဲ့ရကြောင်းနှင့် ရွာသားအချို့ အနည်းငယ် ထိခိုက်ဒဏ်ရာ ရရှိမှုများ ရှိခဲ့ကြောင်း သိရသည်။

ယင်းနှင့်ပတ်သက်ပြီး ကန်စောက် ရဲစခန်းအား ဆက်သွယ်မေးမြန်းရာ စခန်းမှူးက “ဟုတ်တယ်။ လယ်မြေအငြင်းပွားမှု ဖြစ်ပေါ်နေတဲ့ လယ်မြေထဲမှာ ရွာသား ခုနစ်ဦးပါတဲ့ဘက်လည်း ထွန်ယက် စိုက်ပျိုးထားတယ်။ ဒီနေ့တော့ ရွာသားဘက်က ဆင်းပြီးထွန်တော့ အချင်းများကြတယ်ပေါ့။ အဲဒီမှာ ဟိုဘက် အုပ်စု၊ ဒီဘက်အုပ်စု ခိုက်ရန်ဖြစ်ပွားကြပြီး သတ်ပုတ်ကြတယ်ဆိုတော့ ထိခိုက်မှုတွေ ဖြစ်လာနိုင်တဲ့အတွက် ပြဿနာ မကြီးထွားအောင် အတွက် ကျွန်တော်တို့က အထက်ကို တင်ပြပြီး သေနတ်ပစ်ဖောက်တားဆီး လူစုခွဲခဲ့ရတယ်။ အနည်းငယ် ထိခိုက်မှုရှိကြပေမဲ့ ဒဏ်ရာပြင်းပြင်းထန်ထန်တော့ မဟုတ်ပါဘူး” ဟု ပြောကြားသည်။

အဆိုပါ လယ်မြေအား ရွာသားခုနစ်ဦး ဘက်ကလည်း ပိုင်ဆိုင်သည်ဟုဆိုကာ ရွာသားများ ကြဲပက်ထားသော စပါးခင်းအပေါ်တွင် ထွန်ယက်စိုက်ပျိုးခြင်းများ ပြုလုပ်သကဲ့သို့ ရွာသားများဘက်ကလည်း သူတို့ပိုင်ဆိုင်သည် ဟုဆိုကာ ထွန်ယက်သည့်မြေပေါ်တွင် ထပ်မံပြီး စပါးများကြဲပက်ရာမှ နှစ်ဖက် ခိုက်ရန် ဖြစ်ပွားသည့်အဆင့်သို့ ရောက်ရှိခဲ့ခြင်း ဖြစ်သည်။

ထို့ပြင် ရွာသားများမှ မကြာသေးခင် ရက်ပိုင်းက ရွာသား ၁၀၀ ကျော်မှ သတင်းစာ ရှင်းလင်းပွဲတစ်ရပ်ကို စစ်တွေတွင် ပြုလုပ်ခဲ့ကြောင်းနှင့် ရွာသားခုနစ်ဦးပါ အဖွဲ့အား တရားစွဲဆိုထားခြင်းများ ရှိခဲ့ကြောင်းလည်း သိရသည်။

ယင်းနှင့်ပတ်သက်ပြီး ကျေးရွာအုပ်ချုပ်ရေးမှူး ဦးကျော်သောင်းက “အစပိုင်းမှာ ရွာသားတွေထွက်ပြီး စပါးကြဲပက်ထားတယ်။ စပါးပင်တွေ နည်းနည်းရှည်နေတဲ့ အချိန်မှာ ခုနစ်ဦးအဖွဲ့ ပြန်လည်ထွက်ယက်မှုတွေ လုပ်တယ်။ အဲဒီထွန်ယက်မှုတွေ လုပ်တဲ့နေရာမှာ ရွာသားတွေကလည်း ရွာသားပိုင်ဆိုင်တယ်ဆိုပြီး စပါးတွေ ကြဲပက်ကြတော့ နှစ်ဖက်အုပ်စု အချင်းများပြီး သတ်ပုတ်ကြတာ ဖြစ်ပါတယ်။ ထိခိုက်ဒဏ်ရာ ပြင်းပြင်းတော့ မရခဲ့ကြဘူး။ ရဲက ရောက်လာပြီး သေနတ် အချက် ၂၀ လောက် ပစ်ဖောက်ဟန့်တားပြီး လူစုခွဲလိုက်တဲ့ အတွက်တော့ လူစုကွဲသွားခဲ့တယ်။ ဘာတွေ ဆက်ဖြစ်မလဲတော့ မသိဘူး။ အဲဒီလယ်ကို ရွာသားကလည်း ပိုင်တယ်လို့ ပြောတယ်။ သူတို့မှာ အထောက်အထား ရှိတယ်လို့ ပြောတယ်။ ဟိုဘက်ကလည်း အထောက်အထား ရှိတယ်လို့ ပြောနေတယ်” ဟု ပြောကြားသည်။

အဆိုပါ ရွာဘုံလယ် ဟုဆိုသော လယ်မြေအတွက် တိကျပြတ်သားသော ဖြေရှင်းပေးနိုင်မှု မရှိပါက နှစ်ဖက်အချင်းများကာ ခိုက်ရန်ဖြစ်ပွားမှု မကြာခဏ ဖြစ်ပေါ်နိုင်ကြောင်းလည်း ဒေသခံများက သုံးသပ်ပြောဆိုကြသည်။

 

မြေယာနှင့် သယံဇာတ ဟောပြောပွဲနှင့် ဆွေးနွေးပွဲ၌ တက်ရောက်ဆွေးနွေးမည့် အမ်းမြို့နယ်မှ တောင်သူနှစ်ဦး ဆွေးနွေးခွင့် မရသဖြင့် ဆွေးနွေးပွဲဖျက်သိမ်း

ရခိုင်ပြည်နယ် အမ်းမြို့နယ် ရွှေအမ်းတောင်ခန်းမတွင် ကျင်းပသည့် မြေယာနှင့် သယံဇာတဆိုင်ရာ ဟောပြောပွဲနှင့် ဆွေးနွေးပွဲတွင် ဆွေးနွေးမည့် အမ်းမြို့နယ် တောင်သူနှစ်ဦး ဆွေးနွေးခွင့် မရသဖြင့် ဆွေးနွေးပွဲ ရပ်နားခဲ့ရကြောင်း ပွဲကျင်းပသူများထံမှ သိရသည်။

အဆိုပါ ဆွေးနွေးပွဲသည် တောင်သူများအနေဖြင့် ခံစားနေရသော အခြေအနေများကို အပြန်အလှန် ဆွေးနွေးခြင်းဖြစ်ကာ သယံဇာတအပေါ် နစ်နာဆုံးရှုံးမှုများနှင့် ပြည်သူများ ခံစားချက်အပေါ် အမြင်များ ဖလှယ်ဆွေးကြခြင်း ဖြစ်ကြောင်း၊ ယင်းသို့ ဆွေးနွေးရာတွင် ဦးထွန်းကြည်နှင့် ဦးမျိုးလွင်တို့က ၀င်ရောက် ဆွေးနွေးရန် ပြင်ဆင်ကြရာ မြို့နယ်ရဲတပ်ဖွဲ့မှူး၏ အမိန့်ဖြင့် မြို့မစခန်းမှူးက တားမြစ်ခဲ့သည့်အတွက် ယင်းဆွေးနွေးပွဲကို ရပ်နားဖျက်သိမ်းခဲ့ရကြောင်း သိရသည်။

“ငြိမ်းစုစီနဲ့ ခွင့်ပြုချက်ယူထားပြီး ဖြစ်ပေမယ့် ကျွန်တော်နဲ့ ကိုထွန်းကြည်တို့က ၀င်ရောက် ဆွေးနွေးမယ် ဆိုတာကို ရဲတပ်ဖွဲ့က ခွင့်မပြုတဲ့အတွက် ပွဲကိုရပ်နား ရုပ်သိမ်းလိုက်ရပါတယ်။ ဘာဖြစ်လို့လဲဆိုတော့ အမ်းမြို့နယ်အတွင်းက မြေယာတွေနဲ့ပတ်သက်ပြီး အပြည့်အ၀ ဆွေးနွေးတင်ပြဖို့ လူတွေထဲမှာ ကျွန်တော်ကလည်း ပါဝင်နေတော့ အခုလို တားမြစ်တာ ဖြစ်ကောင်းဖြစ်မယ်။ သူတို့ပြောတာကတော့ သူတို့ကို တင်တဲ့စာထဲမှာ ကျွန်တော်က ဆွေးနွေးမယ်ဆိုတဲ့ အချက်ကို ထည့်သွင်းထားခြင်း မရှိတဲ့အတွက် မဆွေးနွေးရဘူးလို့ ပြောတယ်။ ကျွန်တော်ကလည်း ရေနံနဲ့ သဘာဝဓာတ်ငွေ့ ပိုက်လိုင်းတွေအပြင် လယ်ယာမြေဆိုတဲ့ ခေါင်းစဉ်နဲ့ ဆွေးနွေးမယ်လို့လုပ်တော့ မဆွေးနွေးရဘူးလို့ တားမြစ်တယ်။ ကျွန်တော်တို့ အမ်းမြို့နယ်ကိစ္စကို ၀င်ရောက် မဆွေးနွေးရဘူးဆိုရင် ဒီအခမ်းအနားကို မလုပ်တော့ဘူးဆိုပြီး ရပ်နားဖျက်သိမ်း လိုက်ရတယ်” ဟု ဦးမျိုးလွင်က ပြောကြားသည်။

အဆိုပါ အခမ်းအနားကို ရွှေအမ်းတောင်ခန်းမတွင် ကျင်းပခဲ့ခြင်းဖြစ်ကာ တစ်နေ့လုံး ဟောပြောခြင်း၊ ဆွေးနွေးခြင်းများ ပါဝင်မည်ဖြစ်ကာ လယ်ယာမြေ ဥပဒေပိုင်း ဆိုင်ရာများနှင့် ပတ်သက်၍ ဒေသခံ တောင်သူများနှင့် ဆွေးနွေးခြင်းများလည်း ထည့်သွင်းထားခဲ့ကြောင်း၊ အခမ်းအနား အစီအစဉ်အတွင်း ဦးထွန်းကြည်နှင့် ဦးမျိုးလွင်တို့က ဟောပြောမည်ဟု ထည့်သွင်းထားခြင်းအပေါ် ရဲတပ်ဖွဲ့က တားမြစ်ရခြင်း ဖြစ်ကြောင်းနှင့် ညှိနှိုင်းမရသည့်အတွက် အခမ်းအနားကို ရပ်နားလိုက်ခြင်း ဖြစ်ကြောင်း ဟောပြောမည့် စာရင်းတွင် ပါဝင်သူ ရှေ့နေဦးဟန်မင်းလှိုင်က ပြောကြားသည်။

“ငြိမ်းစုစီ တင်တုန်းကတော့ ကိုမျိုးလွင်နဲ့ ကိုထွန်းကြည် ပါမယ်လို့ မထည့်သွင်းခဲ့ဘူး။ အခုတော့ အာဂျင်တာထဲမှာ သူတို့လည်း ဟောပြောမယ်လို့ ပါဝင်လာတော့ ရဲကလာတားမြစ်တယ်။ ဆက်လက် လုပ်ဆောင်ရင် ဥပဒေအရ အရေးယူသွားမယ်လို့ ပြောလာတာတွေ ရှိတဲ့အတွက် အခမ်းအနားကို ရပ်နားလိုက်ရတာ ဖြစ်ပါတယ်” ဟု ၎င်းကဆိုသည်။

အကြောင်းအမျိုးမျိုးကြောင့် အမ်းမြို့နယ်အတွင်း မြေယာများ ဆုံးရှုံးနစ်နာ နေမှုများအပေါ် ဥပဒေနှင့်အညီ ပြန်လည်ကုစား နိုင်စေရေးအတွက် ဒေသခံတောင်သူများနှင့် တွေ့ဆုံဆွေးနွေးခြင်း၊ ဟောပြောခြင်းများ ပြုလုပ်ရန် ရည်ရွယ်ခဲ့ခြင်းဖြစ်ကြောင်း၊ အမ်းမြို့နယ်အတွင်း ရေနံပိုက်လိုင်းများကြောင့် ဒေသခံများ၏ လယ်မြေ၊ ဥယျာဉ်ခြံမြေများနှင့် စားကျက်မြေများ ပျက်စီးဆုံးရှုံးမှုများ ရှိခဲ့သည့်အတွက် တောင်သူများမှာ နစ်နာဆုံးရှုံးမှုများ ရှိခဲ့ကြောင်း သိရသည်။

မြေယာသိမ်းခံရသူများ၏ စီးပွားရေး၊ ကျန်းမာရေး၊ ပညာရေးများစွာ ထိခိုက်နစ်နာသဖြင့် လျော်ကြေး သို့မဟုတ် မြေယာများ အမြန်ပြန်ပေးရန်နှင့် ဥပဒေဖြင့်ကာကွယ်ပေးရန် လူ့အခွင့်အရေး စောင့်ကြည့်ရေးအဖွဲ့ ပြောကြား

ဇူလိုင် ၁၇ ရက် ပြုလုပ်သည့် လူ့အခွင့်အရေး စောင့်ကြည့်ရေး အဖွဲ့၏ အစီရင်ခံစာ သတင်းစာ ရှင်းလင်းပွဲအား တွေ့ရစဉ်

မြန်မာနိုင်ငံတွင် မြေယာသိမ်းဆည်းခံရသူ မိသားစုများ၏ စီးပွားရေး၊ ကျန်းမာရေး၊ ပညာရေးတို့မှာ များစွာထိခိုက် နစ်နာသဖြင့် လျော်ကြေး သို့မဟုတ် မြေယာများ အမြန်ပြန်ပေးရန်နှင့် ဥပဒေဖြင့်ပါ ကာကွယ်ပေးရန် ဇူလိုင် ၁၇ ရက်က ဗိုလ်တတောင်မြို့နယ်ရှိ ပန်သူရိယ အနုပညာ ဆုံမှတ်တွင် ပြုလုပ်သည့် လူ့အခွင့်အရေး စောင့်ကြည့်ရေးအဖွဲ့ (HRW) ၏အစီရင်ခံစာ သတင်းစာရှင်းလင်းပွဲတွင် ပြောကြားသည်။

လွန်ခဲ့သော ကာလများက တရားမ၀င် မြေယာသိမ်းဆည်းမှုများအတွက် မြန်မာအစိုးရအနေဖြင့် နစ်နာကြေး၊ လျော်ကြေးများ ချက်ချင်းပေးသင့်ပြီး နောင်တွင် မြေယာသိမ်းဆည်းခံရမှုများ မဖြစ်ပွားရန် လယ်သမားများနှင့် အခြားအသေးစား မြေပိုင်ရှင်များ၏ ရပိုင်ခွင့်များကို ကာကွယ်သည့် ဥပဒေများကိုလည်း ပြဋ္ဌာန်းသင့်ကြောင်း၊ တပ်မတော်အနေဖြင့်လည်း သိမ်းဆည်းထားသည့် မြေယာများကို ပြန်ပေးရန် တိုက်တွန်းကြောင်း၊ မြေယာသိမ်းဆည်း ခံခဲ့ရသည့် လယ်သမားများမှာ အခြေခံဝန်ဆောင်မှုများ ရယူမှု နည်းပါးသွားကြောင်း၊ ၎င်းတို့ မြေယာသိမ်းဆည်းခံရမှုအတွက် ဆန့်ကျင်ကြောင်း ဆန္ဒထုတ်ဖော်ပါကလည်း လယ်သမား အမြောက်အများမှာ ရာဇ၀တ်ပြစ်မှုဆိုင်ရာ ပုဒ်မများဖြင့် တရားစွဲဆိုခံရကြောင်း HRW အဖွဲ့က ဆိုသည်။

“မြေသိမ်းတာဟာ လယ်သမားတွေအတွက် ဘေးဒုက္ခကြီးကြီးမားမား ဖြစ်ပေါ်စေပါတယ်။ အခြေခံလူနေမှုနဲ့ တိုင်းတာမယ်ဆိုရင် လယ်စိုက်ခွင့် မရတာဟာ အစားအစာ မလုံလောက်မှု ဖြစ်စေတယ်။ မြေယာဆုံးရှုံးမှုကြောင့် လူငယ်တွေ ပညာသင်ကြားခွင့် ဆုံးရှုံးပြီး အပြင်ထွက် အလုပ်တွေ လုပ်နေရတယ်။ နောက် သူတို့ဟာ သူတို့ရဲ့ ကျန်းမာရေးကိုလည်း ဂရုစိုက်မှုမရှိဘဲ လျစ်လျူရှုပြီး နေလာရတယ်။ ရွှေ့ပြောင်းလုပ်သားတွေ ပေါများလာတယ်။ အရင်က ကိုယ်ပိုင်မြေယာတွေစိုက်လို့ အဆင်ပြေကြတယ်။ မြေယာသိမ်းခံရတော့ အလုပ်အကိုင် အခွင့်အလမ်းတွေ အဆင်မပြေ၊ နေ့စဉ်ရရှိတဲ့ ၀င်ငွေဟာလည်း မလုံလောက်မှုတွေ ဖြစ်လာတယ်” ဟု HRW ၏ အာရှရေးရာ ဒုတိယညွန်ကြားရေးမှူး ဖီးလ်ရောဘတ်စင်က ပြောကြားသည်။

စစ်အစိုးရအဖြစ်မှ အရပ်သားတစ်ပိုင်း ဦးဆောင်သော အစိုးရအဖြစ်သို့ ၂၀၁၁ ခုနှစ်တွင် ကူးပြောင်းသည့် ဦးသိန်းစိန်အစိုးရ လက်ထက်ကတည်းက မြေယာပြဿနာများကို ဖြေရှင်းခဲ့သော်လည်း ယခုအချိန်ထိ လယ်ယာမြေအရေး အရေးဆိုမှုများမှာ မပြေလည်သေးကြောင်း၊ NLD ၏ ကြေညာစာတမ်းတွင်လည်း မြေယာသိမ်းဆည်းခံရမှုများအရေး အဆုံးသတ်ရန်၊ မြေယာနှင့် ပတ်သက်၍ NLD အစိုးရသည် စုံစမ်းစစ်ဆေးရေးအဖွဲ့ ဖွဲ့စည်း၍ ဥပဒေများကို ပြုပြင်ပြောင်းလဲကာ ဆောင်ရွက်ခဲ့သော်လည်း အောင်မြင်မှု အနည်းငယ်သာရှိပြီး လယ်သမားများမှာ မည်သည့်ရလဒ်မျှ မတွေ့ရသေးကြောင်း HRW ကဆိုသည်။

“ဥပဒေပြင်ဆင်ချက်တွေ အများကြီး တွေ့ရပါတယ်။ ပြင်ဆင်မှုမူဝါဒတွေက လယ်သမားတွေအပေါ်မှာ သိပ်ပြောင်းလဲမှုမရှိတာ ကျွန်တော်တို့ ကြားနေရတယ်။ ဒါတွေဟာလည်း မူဝါဒ ဖော်ဆောင်မှုတွေကို စောင့်ကြည့်သူ မရှိလို့လည်း ကြားနေရတယ်။ မှန်ကန်တဲ့ မူဝါဒတွေကို ပြည်ထောင်စု အဆင့်သာမက အောက်ခြေအဆင့်ထိပါ မူဝါဒတွေချပေးနိုင်ရင် ကောင်းတယ်လို့ မြင်မိပါတယ်” ဟု HRW မှ ရစ်ချတ်ဝီးယားက ပြောကြားသည်။

သတင်းစာ ရှင်းလင်းပွဲအတွက် ရှမ်းပြည်နယ်တောင်ပိုင်း၊ ဧရာဝတီတိုင်း၊ ရန်ကုန်တိုင်းမှ လယ်သမားများနှင့် တွေ့ဆုံခဲ့သည့်အပြင် မြေယာနှင့်ပတ်သက်၍ ကျွမ်းကျင်သူများနှင့် အရပ်ဘက်လူမှု အဖွဲ့အစည်း များနှင့်လည်း တွေ့ဆုံခဲ့ရကြောင်း သိရသည်။

 

မကွေးတိုင်းဒေသကြီးအတွင်း မိုးရက်ဆက်ရွာသွန်း၍ ချောင်းများရေလျှံမှုကြောင့် သီးနှံစိုက်ခင်းဧက ၉၀၀၀၀ ကျော် ရေ၀င်နစ်မြုပ်

စကုမြို့နယ်အတွင်း နွားကူးချောင်း ရေလျှံဝင်ရောက်ခဲ့သည့် နှမ်းခင်းများကို တွေ့ရစဉ်

မကွေးတိုင်းဒေသကြီးအတွင်း ဇွန် ၉  ရက်မှ ၁၄ ရက်အထိ မိုးရက်ဆက်ရွာသွန်း၍ ချောင်းများတွင် ရေပြည့်ရေလျှံ စီးဆင်းခဲ့မှုကြောင့် သီးနှံစိုက်ခင်းဧက ကိုးသောင်းကျော် ရေ၀င်နစ်မြုပ်ခဲ့ပြီး ပျက်စီးမှုများလည်း ရှိခဲ့ကြောင်း မကွေးတိုင်းဒေသကြီး အစိုးရအဖွဲ့ လယ်ယာစိုက်ပျိုးရေးနှင့် ဆည်မြောင်းဝန်ကြီး ဦးဝင်းမော်ထွန်းထံမှ သိရသည်။

မိုးရက်ဆက် ရွာသွန်း၍ ချောင်းများတွင် ရေပြည့်ရေလျှံ စီးဆင်းခဲ့မှုကြောင့် ဧရာဝတီမြစ် အနောက်ဘက်ကမ်း လယ်မြေများတွင် မိုးစပါးနှင့် နွေစပါးအကြား ရေသွင်းစိုက်ပျိုးခဲ့သည့် နှမ်းခင်းများနှင့် စပါးခင်းအချို့တွင် ရေ၀င်ရောက်ခဲ့ကြောင်း မိုးများလွန်းမှုကြောင့် ရိတ်သိမ်းလက်စ နှမ်းခင်းများနှင့် ရိတ်သိမ်းရလုနီး နှမ်းခင်းများ ပျက်စီးမှု ရှိခဲ့ကြောင်း ဧရာဝတီမြစ် အရှေ့ဘက်ကမ်းရှိ မြေပဲနှင့် နှမ်းစိုက်ခင်းများတွင် ရေတိုက်စားမှုနှင့် ရေ၀ပ်မှုများကြောင့် ပျက်စီးဆုံးရှုံးမှုများ ရှိခဲ့ကြောင်း သိရသည်။

“ကျွန်တော်တို့ ကျွန်းပေါ်မှာ စိုက်ထားတဲ့ နှမ်းတွေ၊ နေကြာတွေက ပုံမှန်ဆိုရင် ဇွန်လကုန်ပိုင်းမှာ ရိတ်သိမ်းရတော့မှာပါ။ အခုက မြစ်ရေတွေ ရက်ပိုင်းအတွင်း တက်လာပြီး ရေမြုပ်ကုန်တော့ ပျက်စီးကုန်ပြီ။ ကျွန်းပေါ်မှာ အခြား ဟင်းသီးဟင်းရွက် စိုက်ခင်းတွေလည်း ရေမြုပ်ပျက်စီး ခဲ့ပါတယ်” ဟု မကွေးမြို့နယ် ၀ါးတောကျောင်းကျေးရွာမှ တောင်သူတစ်ဦးက ပြောကြားသည်။

မကွေးတိုင်းဒေသကြီး အစိုးရအဖွဲ့ လယ်ဆည်ဝန်ကြီး ဦးဝင်းမော်ဌေးက “ကျွန်တော်တို့ ဌာနအနေနဲ့က ပျက်စီးသွားတဲ့ သီးနှံတွေနေရာမှာ အစားထိုးသီးနှံတွေ စိုက်ပျိုးနိုင်ဖို့ အချို့ဝါဆိုပဲ စိုက်လို့ရတဲ့ နေရာတွေမှာ သုံးလပဲစိုက်ဖို့ မျိုးစေ့တွေလည်း စီစဉ်ထားပါတယ်။ နောက်ပြီးတော့ ပဲတီစိမ်းစိုက်မှာ၊ ၀ါစိုက်မှာတွေ၊ အစေ့လွတ်ပြောင်းတွေလည်း ရှိပါတယ်။ ဒါပေမဲ့ ဘယ်လို အခြေအနေတွေနဲ့ ဘယ်လိုထောက်ပံ့ပေးနိုင်မယ် ဆိုတာတော့ ကျွန်တော်တို့ စီစဉ်နေဆဲပဲ ဖြစ်ပါတယ်” ဟု ပြောကြားသည်။

မကွေးမြို့မှ တိုင်းဒေသကြီး လွှတ်တော်ကိုယ်စားလှယ် ဦးကျော်ဌေးက “ကျေးရွာနေ ပြည်သူတွေက ကျွန်တော့ဆီကို ဖုန်းနဲ့ဆက်သွယ် ပြောပြချက်တွေအရ သူတို့ဆီမှာ ရေစီးကြောင်းတွေကြောင့် မြေပဲနဲ့ နှမ်းစိုက်ခင်းတွေ ပျက်စီးခဲ့တာ ရှိတယ်လို့ သိရပါတယ်။ အဲဒီလို ဆက်သွယ်လာသူတွေကို ကျွန်တော်က သက်ဆိုင်ရာ ဌာနတွေကို တင်ပြဖို့ ပြောကြားခဲ့ပါတယ်။ ကျွန်တော်က မကွေးမြို့နယ်ထဲက ပျက်စီးသွားတဲ့ တောင်သူတွေရဲ့ ဧကစာရင်းတွေ အပေါ်မှာ မူတည်ပြီးတော့ ဘယ်လိုကူညီ ထောက်ပံ့ပေးနိုင်မလဲဆိုတာ အစိုးရနဲ့ သက်ဆိုင်ရာဌာန တာဝန်ရှိသူတွေနဲ့ တိုင်ပင်ဆွေးနွေး ထားပါတယ်” ဟု ပြောကြားသည်။

မကွေးတိုင်း ဒေသကြီးအတွင်း မိုးဦးရာသီအစမှာပင် ဖြစ်ပေါ်ခဲ့သည့် အဆိုပါ ချောင်းရေကြီးရေလျှံ မှုများကြောင့် လမ်းတံတား ပျက်စီးမှုများလည်း ရှိခဲ့ပြီး လူငါးဦး သေဆုံးခဲ့ကြောင်း၊ ချောင်းရေကြီး မှုများကြောင့် မင်းဘူး၊ ပွင့်ဖြူ၊ စလင်း၊ စေတုတ္တရာ စသည့် မြို့နယ်ပေါင်း ၁၀ ခုကျော်မှ သီးနှံစိုက်ခင်း ၉၀၇၈၃ ဧကကျော် ရေ၀င်နစ်မြုပ်ခဲ့ကြောင်း သိရသည်။

ဒီးမော့ဆိုမြို့နယ် လိုဘာခိုကျေးရွာအုပ်စုတွင် မိုးသည်းထန်စွာ ရွာသွန်းသဖြင့် လမ်းကမ်းပါးမှ မြေစာများ လယ်ကွင်းများသို့ ပြိုကျသဖြင့် စိုက်ပျိုးစ စပါးဧကများ ပျက်စီး

မိုးသည်းထန်စွာရွာ၍ လမ်းကမ်းပါးမှ မြေစာများ ပြိုကျမှုကြောင့် လိုဘာခိုကျေးရွာ အုပ်စုတွင်းရှိ လယ်မြေအချို့ ရွှံ့ရေဖုံးလွှမ်းနေသည်ကို တွေ့ရစဉ်

ကယားပြည်နယ် ဒီးမော့ဆိုမြို့နယ် လိုဘာခိုကျေးရွာ အုပ်စုတွင်းရှိ လယ်မြေများမှာ မိုးသည်းထန်စွာ ရွာသွန်းသဖြင့် လမ်းကမ်းပါးမှ မြေစာပုံများ လယ်ကွင်းများသို့ ပြိုကျသဖြင့် စိုက်ပျိုးစ စပါးဧက ၅၀၀ ခန့်ပျက်စီးနေသောကြောင့် စားဝတ်နေရေးအတွက် စိုးရိမ်နေကြရကြောင်း သိရသည်။

“မထင်မှတ်ဘဲ ဒီလိုမျိုး မိုးကြီးမိုးများတော့ လယ်တွေမြုပ်တယ်။ စပါးတွေမြုပ်တယ်။ ပေါင်တွေကျိုးတယ်။ ဒါကြောင့်မို့ တချို့ဒီမနက်တော့ လယ်ပိုင်ရှင်တွေက ကျွန်တော့်ကို ဘယ်လိုလဲတဲ့။ ကျွန်တော့်လယ်ကိုလည်း လာကြည့်ပါဦးတဲ့။ နည်းနည်းပါးပါးလေး ထောက်ပံ့ကြေး ရမလား အယောက်တိုင်းပါပဲ နှစ်ယောက် သုံးယောက်လောက် ရှိပါတယ်။ ကျွန်တော်တို့ သွားကြည့်တော့ ဟုတ်တယ် လယ်က တော်တော်ပျက်ပါတယ်။ ဒါပေမဲ့ ဘယ်လိုမှ မတတ်နိုင်ဘူး။ ဘာဖြစ်လို့လဲဆိုတော့ ဘတ်ဂျက်လည်း ကုန်ခါနီးပြီး ပိုက်ဆံလည်း အရင်းအနှီးက သိပ်မရှိတော့ဘူး။ ဘယ်လိုလုပ်ရင် ကောင်းမလဲဆိုတော့ ကျွန်တော် နည်းနည်းအစည်းအဝေးခေါ်ပြီးမှ ဒီရက်ကို တိုင်ပင်ကြတာပေါ့နော်။ သူတို့ဝမ်းစာအတွက်ဆိုတော့ ရုန်းကန်ရမှာပဲ။ ဘယ်နေရာမှာ လုပ်အားရှိမလဲ ဆိုတော့ အဲဒီလိုမျိုး ဆန်ဝယ်စားဖို့ဆိုတော့ လိုက်လုပ်ရမှာပဲ” ဟု အွမ်းလောင်းချောင်း ထိမ်းသိမ်းရေး ကော်မတီဥက္ကဋ္ဌက ပြောဆိုသည်။

ပြီးခဲ့သည့်အပတ်မှ စတင်ရွာသွန်းနေသောမိုးသည် ဇွန် ၁၇ ရက်တွင် ရပ်စဲသွားသော်လည်း ဇွန် ၁၉ ရက်နေ့လည်တွင် တဖန်ပြန်လည် ရွာသွန်းနေပြီး လမ်းဖောက်ရာတွင် ပုံထားသောကမ်းပါးမှ မြေစာပုံများမှာ မိုးရေနှင့်အတူ လယ်ကွက်များသို့ စုပုံစီးဆင်းသွားခြင်း ဖြစ်ကြောင်း သိရသည်။

မိုးများ အဆက်မပြတ် ရွာသွန်းသဖြင့် ရွာပတ်လမ်းသွယ်လေးများနှင့် ကားလမ်းမပေါ်ရှိ ကမ်းပါးမှ မြေသားများမှာ လမ်းမပေါ်သို့ ပြိုကျသဖြင့် ခရီးသွားများ အခက်အခဲ ဖြစ်ပေါ်ရကြောင်း သိရသည်။

လယ်မြေများ ရွံ့မြေဖုံးလွှမ်းသည့် လိုဘာခိုကျေးရွာအုပ်စုသည် ဌာနေယန်းတိုင်းရင်းသား အများဆုံး နေထိုင်ကြပြီး တောင်ယာလုပ်ငန်းဖြင့် အသက်မွေးကြကာ စပါးကို ၀မ်းစာအတွက် အဓိကထား စိုက်ပျိုးကြကြောင်း သိရသည်။

မြေစာပုံပြိုပါက လျော်ကြေးများ ပေးမည်ဟု ပြည်နယ်စိုက်ပျိုး မွေးမြူရေးနှင့် ဆည် မြောင်းဝန်ကြီးမှ ရွာသားများအား ကတိပေး ပြောကြားခဲ့ကြောင်း၊ ဇွန် ၁၄ ရက်မှ မြေစာပုံပြိုကျသဖြင့် လယ်များနစ်မြုပ် နေရာသို့ အစိုးရတာဝန်ရှိသူများမှ လာရောက်စစ်ဆေး ကြည့်ရှုကြသော်လည်း မည်သို့လုပ်ဆောင် ပေးမည်ကို မသိရသေးကြောင်း သိရသည်။

ဗဟိုဘဏ်ခွင့်ပြုချက်မရှိဘဲ ကုမ္ပဏီအချို့ ပြည်နယ်နှင့်တိုင်းဒေသကြီးတို့တွင် တောင်သူများကို အယုံသွင်း မက်လုံးပေး၍ ငွေချေးလုပ်ငန်း လုပ်ကိုင်မှုများအား အရေးယူမည်ဖြစ်ကြောင်း ထုတ်ပြန်

တောင်ငူမြို့နယ်ရှိ လယ်ယာမြေ တစ်ခုတွင် စပါးများ ရိတ်သိမ်းနေသည်ကို တွေ့ရစဉ် (ဓာတ်ပုံ-ဇော်ဝင်းချစ်)

ဗဟိုဘဏ်၏ ခွင့်ပြုချက် ရရှိမထားဘဲ ကုမ္ပဏီအချို့မှ ပြည်နယ်နှင့် တိုင်းဒေသကြီးများတွင် တောင်သူများကို အယုံသွင်း မက်လုံးပေး၍ ငွေချေးလုပ်ငန်း လုပ်ကိုင်နေမှုများအား အရေးယူ ဆောင်ရွက်ရန် စီစဉ်လျက်ရှိကြောင်း စီမံကိန်းနှင့် ဘဏ္ဍာရေး ၀န်ကြီးဌာနမှ ထုတ်ပြန်ထားသည်။

တိုင်းဒေသကြီး ပြည်နယ်အချို့ရှိ မြို့နယ်များတွင် လယ်ယာမြေလုပ်ကိုင်ခွင့်ပြု (ပုံစံ-၇) မိတ္တူကို အာမခံရယူ၍ လယ်တစ်ဧကလျှင် ကျပ်ငါးသိန်း၊ ၁၀ သိန်းနှုန်းဖြင့် ချေးငွေထုတ်ပေးမည်ဟု ပုဂ္ဂလိကကုမ္ပဏီ အချို့က တောင်သူများအား စည်းရုံးပြီး ငွေချေးယူရန် လျှောက်ထားသူ တစ်ဦးလျှင် ကျပ် ၅၀၀၀၊ ၇၀၀၀၊ ၁၀၀၀၀ စသည်ဖြင့် ကော်မရှင်ခ၊ ကနဦး ထည့်ဝင်ကြေးများ ကောက်ခံလျက်ရှိကြောင်း သိရှိရသည်။

အသေးစား ငွေရေးကြေးရေးလုပ်ငန်း လုပ်ကိုင်လိုသည့် ကုမ္ပဏီ၊ အဖွဲ့အစည်း အနေဖြင့် အသေးစား ငွေရေးကြေးရေးလုပ်ငန်း ဥပဒေအရ လုပ်ငန်းလုပ်ကိုင်ခွင့် လိုင်စင်ရရှိပြီး အသေးစား ငွေရေးကြေးရေး လုပ်ငန်းကြီးကြပ်မှု ကော်မတီ၏ ခွင့်ပြုချက်ရရှိသော လုပ်ငန်းများကိုသာ လုပ်ကိုင်ဆောင်ရွက်ရမည် ဖြစ်သည်။

ငွေရေးကြေးရေး အဖွဲ့အစည်းများ ဥပဒေအခန်း (၆) ပုဒ်မ ၂၀၊ ၂၁၊ ၂၂ တို့တွင်လည်း ဘဏ်မဟုတ်သော ငွေရေးကြေးရေး အဖွဲ့အစည်းများသည် မြန်မာနိုင်ငံတော် ဗဟိုဘဏ်၏ ခွင့်ပြုချက်ဖြင့် မြန်မာနိုင်ငံတော် ဗဟိုဘဏ်က ချမှတ်သည့် စည်းကမ်းများနှင့်အညီသာ လုပ်ကိုင်ဆောင်ရွက်နိုင်သည်ဟု ပြဋ္ဌာန်းထားပြီး ဖြစ်သည်။

ကုမ္ပဏီအချို့မှ တိုင်းဒေသကြီး၊ ပြည်နယ်တွင် တောင်သူလယ်သမားကို အယုံသွင်း၊ မက်လုံးပေး၍ ငွေချေးပေးမည်ဟု ပြောဆိုကာ လယ်ယာမြေ လုပ်ကိုင်ခွင့်ပြုလက်မှတ် (ပုံစံ -၇) မိတ္တူတောင်းခံပြီး ငွေကြေးကောက်ခံမှုများ ရှိနေသည့်အတွက် ၎င်းကုမ္ပဏီများအား သတ်မှတ်ချက်များအရ လုပ်ကိုင်ခွင့်လိုင်စင် ခွင့်ပြုချက်မရှိဘဲ ငွေချေးလုပ်ငန်းကို လုပ်ကိုင်နေမှုကို သက်ဆိုင်ရာဌာနများက တည်ဆဲဥပဒေများအရ စိစစ်၍ အရေးယူဆောင်ရွက်ရန် စီစဉ်လျက်ရှိသည်။

သို့ဖြစ်၍ တောင်သူလယ်သမား ဦးကြီးများ အနေဖြင့် လိမ်ညာမှု မခံရစေရေး ဂရုပြုကြပါရန်နှင့် မိမိတို့ဒေသအတွင်း ငွေချေးလုပ်ငန်းလိုင်စင်မရှိသော ကုမ္ပဏီ၊ အဖွဲ့အစည်းများ ၀င်ရောက်စည်းရုံးလာပါက သက်ဆိုင်ရာ အုပ်ချုပ်ရေး အဖွဲ့အစည်းများဖြစ်သည့် အထွေထွေအုပ်ချုပ်ရေး ဦးစီးဌာနသို့ သတင်းပေးပို့ ဆောင်ရွက်ကြပါရန်၊ အသင်းဝင်ကြေး၊ ကနဦး ထည့်ဝင်ကြေးများ ပေးသွင်းထားပါကလည်း အဆိုပါ ကုမ္ပဏီများထံမှ အမြန်ပြန်လည် တောင်းခံကြပါရန် စီမံကိန်းနှင့် ဘဏ္ဍာရေး ၀န်ကြီးဌာနမှ အသိပေး ကြေညာချက် ထုတ်ပြန်ထားသည်။

၂၀၁၈ ခုနှစ် မိုးစပါး စိုက်ပျိုးစရိတ်များကို ထုတ်ချေးရာတွင် ယခင်နှစ်များက ကျင့်သုံးခဲ့သည့် တောင်သူသုံးဦး အစုအဖွဲ့အလိုက် အာမခံသည့်စနစ်အစား တောင်သူတစ်ဦးချင်း လယ်ယာမြေ လုပ်ကိုင်ခွင့်ပြုလက်မှတ် မူရင်းကို အပေါင်ထား၍ ကိုယ်တိုင်အာမခံသည့်စနစ်ဖြင့် ထုတ်ချေးမည် ဖြစ်ကြောင်း စီမံကိန်းနှင့် ဘဏ္ဍာရေး ၀န်ကြီးဌာန၊ မြန်မာ့လယ်ယာ ဖွံ့ဖြိုးရေးဘဏ်မှ ထုတ်ပြန်ထားသည်။

တောင်သူများအတွက် ၂၀၁၈ ခုနှစ် မိုးရာသီ စိုက်ပျိုးစရိတ်များ ထုတ်ချေးရာတွင်    မြန်မာ့လယ်ယာ ဖွံ့ဖြိုးရေးဘဏ်၊ မြို့နယ်ဘဏ်ခွဲများ၌ ၂၀၁၈ ခုနှစ် မေ ၁၇ ရက်မှစတင်၍ ထုတ်ချေးမည်ဖြစ်ပြီး ၂၀၁၈ ခုနှစ် ဇွန်လကုန်တွင် အပြီးထုတ်ချေးရန် ဆောင်ရွက်မည်ဖြစ်ကြောင်း သိရသည်။