ရှမ်းပြည်တောင်ပိုင်း လွိုင်လင်မြို့တွင် သမိုင်းမွှေးရနံ့ ရှမ်းဇာတ်သဘင်အဖွဲ့ ယာဉ် တိမ်းမှောက်မှုဖြစ်ပွားပြီး ၁၈ ဦးဒဏ်ရာရ

ရှမ်းပြည်တောင်ပိုင်း လွိုင်လင်မြို့ အမှတ် (၁) ရပ်ကွက် ပြည်ထောင်စုလမ်းမကြီး မိုင်တိုင်အမှတ် ၁၇၃/၁–၁၇၃/၂ အကြား မြကန်သာရေကန် အနီးတွင် ဧပြီ ၁၉ ရက် ညနေ ၄ နာရီဝန်းကျင်က သမိုင်းမွှေးရနံ့ ရှမ်းဇာတ်သဘင်အဖွဲ့ ယာဉ်တိမ်းမှောက်မှု ဖြစ်ပွားခဲ့ပြီး ၁၈ ဦး ဒဏ်ရာရခဲ့ကြောင်း သိရသည်။

ဖြစ်စဉ်မှာ သမိုင်းမွှေးရနံ့ ရှမ်းဇာတ်သဘင်အဖွဲ့ ယာဉ်သည် လမ်းကွေးအဆင်းတွင် အရှိန်မထိန်းနိုင်ပဲ လမ်းဝဲဘက်သို့ တိမ်းမှောက်ခဲ့ခြင်း ဖြစ်ကြောင်း၊ ယဉ်ပေါ်တွင် စီးနင်းလိုက်ပါလာသည့် ဇာတ်အဖွဲ့ဝင် အမျိုးသား ၁၆ ဦး၊ အမျိုးသမီး ၂ ဦး စုစုပေါင်း ၁၈ ဦး ဒဏ်ရာရရှိခဲ့ကြောင်း၊ စိုးရိမ်ရသည့် အရေးကြီးလူနာ ခုနစ်ဦးကို တောင်ကြီးစပ်စံထွန်း ဆေးရုံသို့ ပိုဆောင်ကာ ဆေးကုသမှု ခံယူလျက်ရှိကြောင်း၊ လူမှုအဖွဲ့အစည်း အသီးသီးနှင့် ရှမ်းပြည်နယ် သဘင်အစည်းအရုံးမှ တာဝန်ရှိသူများ ရောက်ရှိကူညီပေးလျက်ရှိကြောင်း သိရသည်။

“အခုလက်ရှိ ဗဟိုနဲ့ မန္တလေးက သဘင်လူကူ အဖွဲ့တွေ လိုအပ်တာတွေ ကူညီပေးနိုင်ဖို့ သွားနေပါပြီ။ ယဉ်တိမ်းမှောက်တဲ့ ဇာတ်အဖွဲ့က သဘင်အစည်းအရုံးဝင် မဟုတ်ပေမယ့် သဘင်အစည်းအရုံး အနေနဲ့ ပြည်ထောင်စုစိတ်ဓာတ်နဲ့အတူ ဘဝတူ တိုင်းရင်းသား အနုပညာရှင်များအတွက် အမြန်ဆုံး လိုအပ်တဲ့ အကူအညီများ ပေးနိုင်ဖို့ ဆောင်ရွက်နေပါတယ်” အတွင်းရေးမှုး ဦးနေဝင်းက ပြောကြားသည်။

ပြီးခဲ့သည့် ဧပြီ ၂ ရက်တွင်လည်း ရခိုင်ပြည်နယ် ဂွမြို့အနီး၌ အောင်ဆန်းပွင့် ဇာတ်သဘင်အဖွဲ့ ယာဉ်တိမ်းမှောက်မှု ဖြစ်ပွားခဲ့ပြီး ၇ ဦး သေဆုံးခဲ့ကာ ၂၀ ဦး ဒဏ်ရာရရှိခဲ့ကြောင်းနှင့် မတ် ၉ ရက်ကလည်း ရှမ်းပြည်နယ်မြောက်ပိုင်း ရပ်စောက်မြို့နယ် ဒုဋ္ဌဝတီမြစ် အရှေ့ဘက်တွင် မန္တလေးမြို့မှ ဇာတ်အဖွဲ့ တစ်ခုဖြစ်သည့် မင်းမင်းဦး အလှသစ်ဇာတ်အဖွဲ့ ယာဉ်မှာ တိမ်းမှောက်မှုဖြစ်ခဲ့ပြီး သေဆုံးသူ ၈ ဦးနှင့် ဒဏ်ရာရသူ ၁၆ ဦးထိရှိခဲ့ကြောင်း သိရသည်။

တောင်ကြီး မိုးကုတ်တရားစခန်းတွင် တရားစခန်းဝင်ရောက်သူ ယခင်နှစ်ကထက် လျော့နည်းပြီး လူငယ်လူရွယ် အများဆုံး ၀င်ရောက်

ရှမ်းပြည်နယ်မြို့တော်၊ တောင်ကြီးမြို့တွင်ရှိသော မိုးကုတ် ၀ိပဿနာ တရားစခန်းတွင် ယခုနှစ် ၂၀၁၈ ခုနှစ် သင်္ကြန်တွင်း ပိတ်ရက် ၅ ရက်သာ ရရှိသဖြင့် ယခင်နှစ်ကထက် လေးပုံတစ်ပုံ လူလျော့နည်းခဲ့ပြီး၊ စုစုပေါင်း ယောဂီဦးရေ ၅၈၄ ဦးတွင် လူငယ် လူရွယ် အများဆုံး ၀င်ရောက်ခဲ့ကြောင်း မိုးကုတ်တရားစခန်း အလုပ်အမှုဆောင် အဖွဲ့ထံမှ သိရသည်။

တောင်ကြီးမိုးကုတ် ၀ိပဿနာစခန်းတွင် ယခင်နှစ် ၂၀၁၇ ခုနှစ် သင်္ကြန်ကာလတွင်း လူဦးရေပေါင်း ၈၀၀ ၀င်ရောက်ခဲ့ခြင်းဖြစ်ပြီး၊ ယခုနှစ် ယောဂီ ဦးရေ ၅၈၄ ဦးသာ ၀င်ရောက်ခဲ့သဖြင့် လေးပုံသုံးပုံသာ ၀င်ရောက်နိုင်ခဲ့ကြောင်း၊ အထူးသဖြင့် တက္ကသိုလ်ဝင်တန်းဖြေဆိုသူ လူငယ်လူရွယ်များ အများစုဖြစ်ကြောင်း သိရသည်။

အဆိုပါ သင်္ကြန်ကာလတွင်း တရားစခန်းကို ဧပြီလ ၇ ရက်မှ စတင်လက်ခံခြင်းဖြစ်ပြီး၊ အနည်းဆုံး ၁၀ ရက် အပြည့် နေနိုင်မှသာ တရားစခန်းသို့ ၀င်ရောက်နိုင်မည့် စည်းကမ်းချက်ကြောင့်၊ စီးပွားရေး လုပ်ငန်းရှင်များနှင့် ကုမ္ပဏီဝန်ထမ်းများ၊ ဌာနဆိုင်ရာ ၀န်ထမ်းများတို့သည် ခွင့်ရက်မရသောကြောင့် တရားစခန်း ၀င်နိုင်ခြင်း မရှိသည့် အတွက် ယခုနှစ် လူနည်းပါးခြင်းဖြစ်ကြောင်း၊ တောင်ကြီးတွင် အခြားသော တရားစခန်း ၅ ခု သည်လည်း လူဦးရေ တိုးချဲ့လက်ခံလာနိုင်သဖြင့်လည်း ဖြစ်ကြောင်း တောင်ကြီး မိုးကုတ် ၀ိပဿနာ တရားစဉ်နှင့် လုပ်ငန်းစဉ် ပြန့်ပွားရေးအဖွဲ့ခွဲ အမှတ် (၂၅) ၏ အတွင်းရေးမှူးဖြစ်သူ ဦးညွန့်ဝင်းက ပြောသည်။

“၀ါထပ်နှစ်ဆိုရင် တရားစခန်းပွဲ ဆယ်ပွဲကျင်းပပါတယ်။ ၀ါမထပ်နှစ်ဆိုရင် တရားစခန်းပွဲ ၉ ပွဲ ကျင်းပပါတယ်။ ဒီနှစ်က ၀ါထပ်တဲ့အတွက်ကြောင့် တရားစခန်းပွဲ ဆယ်ပွဲ ကျင်းပပြုလုပ်တဲ့အတွက်ကြောင့် နည်းနည်းလေး ရက် ကြပ်သွားတာဖြစ်ပါတယ်။ ဧပြီလ ၆ ရက်မှာ ယောဂီအရောက်၊ ၇ ရက်နေ့မှာစခဲ့တာ ဒီနေ့ဆိုရင် ၈ ရက်မြောက် နေ့ဖြစ်ပါတယ်။ ရှေ့မှာ ဈေးကလည်း မပိတ်တဲ့ အတွက်ကြောင့် ဈေးသူဈေးသားများလည်း အခါရှေ့ဈေး ဆိုတော့ တရားစခန်း မ၀င်နိုင်ပါဘူး။ ၀န်ထမ်းများကလည်း ရုံးဖွင့်ရက် ၅ ရက်ပဲ ရတဲ့အတွက် ဒ်ီစခန်းပွဲနဲ့ ဆိုရင် ၄ ရက်ပဲ လာညှိပါတယ်။ စခန်းပွဲကလည်း မူအရ ဆယ်ရက်စခန်းပွဲဖြစ်တဲ့အတွက်ကြောင့် လေးငါးရက်နဲ့ လက်မခံတဲ့အတွက် ရှေ့နှစ်တုန်းကလို ယောဂီမ များပါဘူး။ ယောဂီ ၅၈၄ ဦး ပဲ တရားဝင်နိုင်ပါတယ်” ဟု တောင်ကြီး မိုးကုတ် ၀ိပဿနာ တရားစဉ်နှင့် လုပ်ငန်းစဉ် ပြန့်ပွားရေးအဖွဲ့ခွဲ အမှတ် (၂၅) ၏ အတွင်းရေးမှူး ဖြစ်သူ ဦးညွန့်ဝင်းက ပြောသည်။

ရှမ်းပြည်နယ် တောင်ပိုင်းတွင် မိုးကုတ် ၀ိပဿနာ တရားစခန်းခွဲပေါင်း ၁၃ ခု ရှိပြီး၊ အဓိကအားဖြင့် မိုးကုတ် တရားဝိပဿနာ တရားစဉ်နှင့် လုပ်ငန်းစဉ် ပြန့်ပွားရေး တို့ကိုသာ ဆောင်ရွက်ခြင်း ဖြစ်ကြောင်း သိရသည်။

တောင်ကြီးမြို့နယ်တွင် မိုးကုတ်ပိပဿနာ တရားစခန်း၊ မဟာစည်တောစခန်းသာ တရားရိပ်သာ၊ ရှမ်းပိဋကတ် ကမ္မဌာန်းကျောင်း၊ ပညာဗောဓိ တရားရိပ်သာနှင့် စွန်းလွန်း ၀ိပဿနာ ရိပ်သာ တရားရိပ်သာ စသည့် တရားစခန်း ၅ ခု ရှိပြီး၊ အေးသာယာမြို့တွင် ချမ်းမြေ့ ၀ိပဿနာ တရားရိပ်သာ ဆိုပြီး တရားစခန်းများ ရှိကြောင်း သိရသည်။

 

 

မန္တလေး-လားရှိုး ပြည်ထောင်စုကားလမ်းမကြီးပေါ်ရှိ ဂုတ်တွင်းလမ်းတွင် ၂၂ ဘီးတွဲယာဉ်တစ်စီး တိမ်းမှောက်မှုကြောင့် ကားလမ်းပိတ်ဆို့မှုဖြစ်ပွား

ရှမ်းပြည်နယ် (မြောက်ပိုင်း)၊ မန္တလေး-လားရှိုး ပြည်ထောင်စုကားလမ်းမကြီးပေါ်ရှိ ဂုတ်တွင်းလမ်းတွင် ဧပြီ ၈ ရက် နံနက် ၅ နာရီခန့်က မူဆယ်ဘက်မှ မောင်းနှင်လာသော ၂၂ ဘီးတွဲကားယာဉ်တစ်စီး တိမ်းမှောက်မှုကြောင့် ယာဉ်ကြောပိတ်ဆို့မှုများ ဖြစ်ပေါ်ခဲ့ကြောင်း သိရသည်။

မူဆယ်ဘက်မှ မန္တလေးဘက်သို့ ယာဉ်မောင်းနေထက်လင်း (၂၆ နှစ်) မောင်းနှင်လာသော အပ်ချုပ်စက်နှင့် စက္ကူလိပ်များတင်ဆောင်လာသော 9J/5894 ၂၂ ဘီးတွဲကားယာဉ်သည် နောင်ပိန်နယ်မြေရဲစခန်းအပိုင် ဂုတ်တွင်းလမ်းပိုင်း မိုင်တိုင်အမှတ် (၈၄/၂) နှင့် (၈၄/၃) အကြား အဆင်းကွေ့ကြောတွင် လမ်းယာဘက်သို့ တိမ်းမှောက်သွားခဲ့ပြီး ယာဉ်ကြောပိတ်ဆို့မှု ဖြစ်ပွားခဲ့ရခြင်းဖြစ်သည်။

“ဂုတ်တွင်းလမ်းကတော့ မနက် ၅ နာရီလောက်ကစပြီး လမ်းပိတ်သွားပါတယ်။ အခုလက်ရှိကတော့ ကားကိုပြန်ထောင်ပြီးပါပြီ။ လမ်းဘေးကို မကပ်နိုင်သေးပါဘူး။ လမ်းဘေးမကပ်နိုင်သေးတဲ့အတွက် အိမ်စီးကားလေးတွေကိုတော့ လွှတ်ပေးနေပါတယ်။ ကုန်ကားတွေကိုတော့ လွှတ်မပေးနိုင်သေးပါဘူးခင်ဗျ။ ရာသီဥတုကတော့ မနက်ပိုင်းမှာတော့ မိုးတော်တော်ရွာပါတယ်။ အခုတော့တိတ်သွားပါပြီ။ မိုးပြန်ရွာမယ့် အခြေအနေတော့ရှိနေပါတယ်” ဟု ကျောက်မဲမြို့ ယာဉ်ထိန်းရဲတပ်ဖွဲ့မှ ဒုရဲမှူးကျော်ကျော်ထွန်းက ဧပြီ ၈ ရက် နံနက် (၁၀) နာရီခန့်က ပြောကြားသည်။

အဆိုပါ ဂုတ်တွင်းလမ်းပိတ်ဆို့မှုကြောင့် နောင်ပိန်ဘက်အခြမ်းတွင် မိုးမြင့်သာစားသောက်ဆိုင်မှ ဂုတ်တွင်းလမ်းအထိ ယာဉ်များ တန်းစီစောင့်ဆိုင်းနေကြရပြီး နောင်ချိုဘက်အခြမ်းတွင်လည်း ကုန်တင်ယာဉ်ကြီးများစွာ စောင့်ဆိုင်းနေရကြောင်း သိရသည်။

လားရှိုးမြို့တွင်လည်း မူဆယ်ဘက်မှလာသော ခြောက်ဘီးအထက် ကုန်တင်ယာဉ်များအား မြို့ရှောင်လမ်းရှိ တိုးဂိတ်တွင် နံနက် (၁၁) နာရီခန့်မှစတင်ကာ ရပ်တန့်စောင့်ဆိုင်းစေပြီး အိမ်စီးကားနှင့် ခြောက်ဘီးကားများသာ ဖြတ်သန်းခွင့်ပေးထားကြောင်း သိရသည်။ မိုးများရွာသွန်းမှုကြောင့် ဧပြီ ၈ ရက် နံနက်ပိုင်းက လားရှိုးမြို့၊ မြို့ရှောင်လမ်းတွင် မူဆယ်ဘက်မှလာသော ၂၂ ဘီးတွဲကား ယာဉ်တစ်စီးလမ်းချော်ကာ လမ်းဘေးထိုးကျခဲ့သဖြင့် တွဲကားတစ်စီးဖြင့် လမ်းပေါ်ဆွဲတင်ခဲ့ရကြောင်း သိရသည်။

ဂုတ်တွင်းလမ်းပိုင်းအခြေအနေမှာ ဧပြီ ၈ ရက် မွန်းလွဲ ၁ နာရီအထိ ကုန်တင်ယာဉ်ကြီးများ ဖြတ်သန်းသွားလာနိုင်ခြင်း မရှိသေးကြောင်း သိရသည်။

နိုင်ငံတော်သမ္မတ ဦးဝင်းမြင့်အား ကြိုဆိုထောက်ခံပွဲ တောင်ကြီးမြို့တွင် ပြုလုပ်

ရှမ်းပြည်နယ် တောင်ကြီးမြို့တွင် ဧပြီ ၈ ရက်ကပြုလုပ်သော နိုင်ငံတော်သမ္မတ ဦးဝင်းမြင့်အား ကြိုဆိုထောက်ခံပွဲကို တွေ့ရစဉ်

ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးဝင်းမြင့်အား ကြိုဆိုထောက်ခံပွဲကို ရှမ်းပြည်နယ်မြို့တော် တောင်ကြီးမြို့ ဈေးပိုင်းရပ်ကွက် မီးသွေးတန်းလမ်းထိပ်တွင် ဧပြီ ၈ ရက် နံနက် ၁၀ နာရီတွင် ပြုလုပ်ခဲ့ကြောင်း သိရသည်။

အဆိုပါ သမ္မတကြီး ကြိုဆိုထောက်ခံပွဲသို့ ရှမ်းပြည်နယ်အစိုးရအဖွဲ့ ဘဏ္ဍာရေးဝန်ကြီးနှင့် စည်ပင်သာယာရေးဝန်ကြီးတို့ တက်ရောက်ကြပြီး တောင်ကြီးခရိုင် ခြောက်မြို့နယ်ရှိ ပါတီဝင်များ၊ အရပ်ဘက်အဖွဲ့အစည်းများနှင့် ရှမ်းပြည်နိုင်ငံရေးအင်အားစုများ တက်ရောက်ခဲ့ကြောင်း သိရသည်။

နံနက် ၁၀ နာရီခွဲတွင် အခမ်းအနားစတင်ပြီး နိုင်ငံတော်အလံအား အလေးပြုခြင်း၊ နိုင်ငံတော်သမ္မတသစ် ဦးဝင်းမြင့်အား အလေးပြုခြင်း၊ မိန့်ခွန်းများကို တာဝန်ရှိသူများ ပြောကြားခဲ့ပြီး သမ္မတဦးဝင်းမြင့်ကို ကြိုဆိုထောက်ခံကြောင်း အင်္ကျီများပေးဝေခဲ့သည်။

“အစိုးရသက်တမ်း အခုနောက်ထပ် သုံးနှစ်ကျန်သေးတယ်။ အဲဒီသုံးနှစ်အတွင်းမှာ နှစ်နှစ်တာဖြတ်သန်းခဲ့တဲ့ အတွေ့အကြုံကို ပိုပြီးတော့ကောင်းအောင် ပြည်သူတွေရဲ့ တင်ပြမှုအချက်အလက်တွေကို အကောင်အထည်ဖော်နိုင်မယ့် အခန်းကဏ္ဍ ပိုပေါ်လွင်လာမယ်လို့ ရဲရဲကြီးပြောရဲတယ်” ဟု ရပ်စောက်မြို့နယ်မှ လွှတ်တော်ကိုယ်စားလှယ် ဦးခိုင်ညီညီကျော်က ပြောကြားသည်။

“ကျွန်တော်တို့နိုင်ငံရဲ့ အနေအထားအရ လုပ်ငန်းတွေလည်းများတယ်။ ကိုယ့်လုပ်ငန်း လုပ်ဆောင်နေရတဲ့သူတွေ ရှိနေတဲ့အခါကျတော့ တချို့ဆို သမ္မတဘယ်သူတက်လဲဆိုတာတောင် မသိဘူး။ အဲဒါလေးကို သိစေချင်တာတစ်ခု။ သမ္မတသစ်တက်လာတဲ့ မူဝါဒရှစ်ချက်ကလည်း ပြည်သူတွေ အရမ်းအားကိုးလောက်တဲ့အတွက် ကြိုဆိုခြင်းဖြစ်ပါတယ်” ဟု တောင်ကြီးခရိုင် NLD ပါတီ အလုပ်အမှုဆောင်အဖွဲ့ တွဲဖက်အတွင်းရေးမှူး ဦးလှစိုးက ပြောကြားသည်။

“သမ္မတကြီးကလည်း မိန့်ခွန်းပြောတဲ့အထဲမှာ ရှစ်ချက်ပါတယ်။ တရားဥပဒေစိုးမိုးရေး၊ အဂတိလိုက်စားမှုပပျောက်ရေး အစရှိတဲ့ လယ်ယာမြေကိစ္စတွေကအစ ပြောတယ်။ အဲဒီအတွက် ကျွန်တော်တို့ကကြိုဆိုတယ်။ ဘယ်လိုအကောင်အထည်ဖော်မလဲဆိုတာ စောင့်ကြည့်နေတယ်။ ပါတီဝင်တွေရော တက်ကြွလှုပ်ရှားသူတွေရော ပြည်သူတွေကလည်း ပူးပေါင်းဆောင်ရွက်ဖို့အသင့်ပါပဲ။ ဘယ်အခန်းကဏ္ဍကနေ ဆောင်ရွက်လို့ရမလဲ။ တောင်ကြီးမြို့နယ်မှာဆိုရင် အရပ်ဘက်အဖွဲ့အစည်းတွေရော၊ နိုင်ငံရေးပါတီတွေရော ပူးပေါင်းပြီး တိုင်ပင်ထားတာတွေရှိတယ်။ ရှမ်းပြည်နယ်မှာဆိုရင် တရားဥပဒေစိုးမိုးရေးနဲ့ ပတ်သက်ပြီးတော့ ပူးပေါင်းဆောင်ရွက်ဖို့ စီစဉ်ထားပါတယ်။ တိုင်ပင်ထားပါတယ်” ဟု တရားဥပဒေစိုးမိုးရေးကွန်ရက်မှ ဦးဝင်းနိုင်စိုးက ပြောကြားသည်။

“နိုင်ငံတော်ရဲ့ အထွတ်အထိပ်ဖြစ်တဲ့ သမ္မတကြီးကို ဂုဏ်ပြုကြိုဆိုပွဲဖြစ်ပါတယ်။ ကျွန်တော်တို့ ဒီမိုကရေစီမရသေးပါဘူး။ ဒီမိုကရေစီရပြီဆိုပြီးတော့ အခွင့်အရေးတွေလည်း သိပ်မရသေးပါဘူး။ ဒီမိုကရေစီ အပင်ပေါက်လေးပဲ ရှိပါသေးတယ်။ ဒီမိုကရေစီ အပင်ပေါက်လေး မသေသွားအောင် ကျွန်တော်တို့ရဲဘော်တွေအားလုံး ၀ိုင်းဝန်းထိန်းမှဖြစ်ပါမှာ” ဟု ညောင်ရွှေမြို့နယ်မှ ပြည်သူ့လွှတ်တော်ကိုယ်စားလှယ် ဦးနေမျိုးက ပြောကြားသည်။

လူမှုဝန်ထမ်းဦးစီးဌာနက ရှမ်းပြည်နယ်မြောက်ပိုင်း ဒုက္ခသည်စခန်းများကို အလှူငွေ ကျပ်သန်း ၁၃၀ ကျော် သွားရောက်လှူဒါန်းမည်

ပြည်ထောင်စုသမ္မတမြန်မာနိုင်ငံတော် အစိုးရ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ ရှမ်းပြည်နယ်မြောက်ပိုင်းရှိ စစ်ဘေးရှောင် ဒုက္ခသည်စခန်းလေးခုအတွက် အလှူငွေ ကျပ်သန်းပေါင်း ၁၃၀ ကျော်ကို ဧပြီ ၇ ရက်မှ ၉ ရက်အထိ သွားရောက်လှူဒါန်းမည်ဖြစ်ကြောင်း ရှမ်းပြည်နယ် လူမှုဝန်ထမ်းဦးစီးဌာနမှ သိရသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ ပြည်ထောင်စုဝန်ကြီးဒေါက်တာ ၀င်းမြတ်အေး ဦးဆောင်ပြီး ရှမ်းပြည်နယ်အစိုးရအဖွဲ့ ၀န်ကြီးများအပါအ၀င် ဌာနမှတာဝန်ရှိသူများသည် ဧပြီ ၇၊ ၈၊ ၉ ရက်တို့တွင် ရှမ်း/ မြောက်ရှိ ကွတ်ခိုင်၊ နမ့်ခမ်းနှင့် နမ္မတူ၊ လောက်ကိုင် စစ်ဘေးရှောင်ဒုက္ခသည်စခန်းများကို အလှူငွေ ကျပ်သန်းပေါင်း ၁၃၀ ကျော် သွားရောက်လှူဒါန်းကြမည်ဖြစ်ကြောင်း သိရသည်။

ရှမ်း/မြောက်လောက်ကိုင်ဒေသရှိ စစ်ဘေးရှောင် ၆၅၇ ဦးအတွက် တစ်အိမ်ထောင်စုလျှင် ငွေကျပ်နှစ်သိန်းနှုန်းဖြင့် အလှူငွေပေါင်းကျပ်သန်း ၁၃၀ ကျော်၊ ကွတ်ခိုင်၊ နမ့်ခမ်းနှင့် နမ္မတူတို့ စစ်ဘေးရှောင်များအတွက် ကိုယ်ဝန်ဆောင်တစ်ဦးလျှင် ငွေကျပ်တစ်သိန်းနှုန်း၊ အသက် ငါးနှစ်အောက်အတွက် ကျပ်ငါးသောင်းနှုန်း၊ မသန်စွမ်းတစ်ဦးလျှင် ကျပ်တစ်သိန်းနှုန်းနှင့် အမျိုးသမီးဦးဆောင်သော အိမ်ထောင်စုတစ်စုအတွက် ငွေကျပ်ငါးသောင်းနှုန်းစီ၊ ကွတ်ခိုင်တွင် အိမ်ထောင်စုဦးရေပေါင်း ၁၃၇ စုအတွက် ငွေကျပ် ၇၅ သိန်းခွဲ၊ နမ့်ခမ်းတွင် အိမ်ထောင်စုပေါင်း ၂၇၁ စုအတွက် ငွေကျပ် ၁၆၂ သိန်း၊ နမ္မတူလီဆူကချင် နှစ်ချင်းကျောင်းရှိ အိမ်ထောင်စုပေါင်း ၁၀၁ စုအတွက် ငွေကျပ် ၅၄ သိန်းခွဲ၊ ၃ နေရာပေါင်း အိမ်ထောင်စု ၅၀၉ စုအတွက် စုစုပေါင်းအလှူငွေကျပ် ၂၉၂ သိန်းတို့ကို လှူဒါန်းသွားမည်ဖြစ်သည်။

“ပြည်ထောင်စုဝန်ကြီးဒေါက်တာ ၀င်းမြတ်အေးနဲ့အတူ ရှမ်းပြည်နယ်အစိုးရ ဗမာတိုင်းရင်းသားရေးရာဝန်ကြီး ဒေါက်တာအောင်သန်းမောင်နဲ့အတူ လူမှုဝန်ထမ်းညွှန်မှူး၊ သဘာဝဘေးစီမံခန့်ခွဲရေးညွှန်မှူးတို့ ဧပြီ ၇ ရက်ကနေ ၉ ရက်အထိ သွားရောက်လှူဒါန်းသွားမှာဖြစ်ပါတယ်။ အဲဒီမှာ ကွတ်ခိုင်ကမ့်မှာ ကိုယ်ဝန်ဆောင်များ၊ အသက်ငါးနှစ်အောက် ကလေးများ၊ မသန်စွမ်းများ၊ အမျိုးသမီးဦးဆောင်သော အိမ်ထောင်စုများအတွက်ဆိုပြီးတော့ သီးခြားစီခွဲပြီး လှူဒါန်းမှာ ၂၉၂ သိန်း ငါးသောင်းလှူဒါန်းမှာ ဖြစ်တယ်။ နောက်ပြီးလောက်ကိုင်အ၀င်မှာ အိမ်ခြေတွေပါ ဆောက်ပေးထားတယ်။ အိမ်ထောင်စု ၆၅၇ ဦးကို နှစ်သိန်းစီဆိုတော့ ကျပ်သိန်းပေါင်း ၁၃၀၀ ကျော်ပေါ့” ဟု ရှမ်းပြည်နယ် လူမှုဝန်ထမ်းဦးစီးဌာန ညွှန်ကြားရေးမှူး ဦးထွန်းဦးက ပြောကြားသည်။

ရှမ်းပြည်နယ်အတွင်း စစ်ဘေးရှောင် ဒုက္ခသည်များအတွက် ရှမ်းပြည်နယ် လူမှုဝန်ထမ်းဦးစီးဌာနမှ ရှစ်ကြိမ်ခန့် သွားရောက်လှူဒါန်းခဲ့ပြီး၊ ယခုအခါ ပြည်ထောင်စုဝန်ကြီးနှင့် ရှမ်း/မြောက်တွင် သွားရောက်လှူဒါန်းမည်ဖြစ်ကြောင်း သိရသည်။ ရှမ်းမြောက်ရှိ မြို့ခုနစ်ခုတွင် စစ်ဘေးရှောင် ဒုက္ခသည်စခန်း ခုနစ်နေရာရှိပြီး ကျောက်မဲတွင် ၂၂၈ ဦး၊ သီပေါ ၃၀၀ ကျော်၊ လားရှိုးရှမ်းကျောင်းတွင်လည်း စစ်ဘေးရှောင်များ ကျန်ရှိသေးကြောင်း သိရသည်။

ရှမ်း/တောင်တွင် ပအိုဝ်းကိုယ်ပိုင် အုပ်ချုပ်ခွင့်ရဒေသ ဆီဆိုင်မြို့နယ်နှင့် မောက်မယ်မြို့နယ်အကြားရှိ နားဟီးဒုက္ခသည်စခန်း၊ မိုင်းရှူးမြို့နယ် ဟိုက်ပါ ဒုက္ခသည်စခန်းတို့ရှိပြီး ရှမ်း/မြောက်တွင် ကျောက်မဲ၊ သီပေါ၊ လားရှိုး၊ ကွတ်ခိုင်၊ နမ့်ခမ်း၊ နမ္မတူနှင့် လောက်ကိုင်ဒေသတို့တွင် စစ်ဘေးရှောင်စခန်းများရှိကြောင်း သိရသည်။

ကျောက်မဲမြို့မှ သီပေါမြို့ဘက်အထွက် ပြည်ထောင်စုကားလမ်းမကြီးပေါ်ရှိ တိုးဂိတ်အနီးတွင် မိုင်းသုံးလုံး ပေါက်ကွဲမှုဖြစ်ပွား

ကျောက်မဲမြို့ အိုရီယမ်တယ်တိုးဂိတ်အနီး မိုင်းပေါက်ကွဲမှု ဖြစ်ပွားခဲ့သည့်နေရာ တစ်နေရာအား တွေ့ရစဉ် (ဓါတ်ပုံ – U Tin Maung Thein)

မန္တလေး-လားရှိုး ပြည်ထောင်စုကားလမ်းမကြီးပေါ် ကျောက်မဲမြို့မှ သီပေါမြို့အထွက် အော်ရီယမ်တယ်တိုးဂိတ် အနီးတွင် မတ်လ ၂၆ ရက်နေ့ည သန်းခေါင်ယံ အချိန်က မိုင်းပေါက်ကွဲမှုများ ဖြစ်ပွားခဲ့ကြောင်း သိရသည်။

ဗုံးပေါက်ကွဲမှုမှာ မတ်လ ၂၆ ရက်နေ့ည ၁၁ နာရီ ၄၅ မိနစ်အချိန်ခန့်တွင် အော်ရီယမ်တယ်ဟိုက်ဝေး တိုးဂိတ်နှင့် ကိုက်(၂၀)ခန့်အကွာတွင် အသံမိုင်းတစ်လုံး ပေါက်ကွဲမှု ဖြစ်ပွားခဲ့ပြီး ယင်းနေရာသို့ သက်ဆိုင်ရာမှ ရှင်းလင်းရေး ပြုလုပ်နေစဉ် မတ်လ ၂၇ ရက်နေ့ နံနက် (၀၀း၂၅)မိနစ်အရောက်တွင် တိုးဂိတ်နှင့်(၁၀)ကိုက် ခန့်အကွာမှ လက်လုပ်ရီမုမိုင်းနှစ်လုံး တစ်ပြိုင်တည်း ပေါက်ကွဲမှု ဖြစ်ပွားခဲ့ခြင်းဖြစ်ကြောင်း သိရသည်။

“မနေ့ညက ဗုံးပေါက်ကွဲမှုက ပထမတစ်လုံးက အသံမိုင်းကွဲတယ်။ နောက်ထပ် တစ်နာရီလောက်နီးနီး ကြာတဲ့အချိန်မှာမှ မိုင်းရှင်းလင်းရေး လုပ်နေတဲ့အချိန်မှာ နောက်ထပ်မိုင်းနှစ်လုံးက ရှေ့ဆင့်နောက်ဆင့် ကွဲတာ။ တပ်ကြပ်တစ်ယောက်ကတော့ မိုင်းရှင်းရင်းနဲ့ ရီမုမိုင်းကွဲတော့ ပုခုံးရှပ်မှန်သွားတယ်။ လက်ရှိ အချိန်မှာတော့ အဝေးပြေး ကုန်တင်ကားတွေ ခရီးသည်တင်ကားတွေ ပုံမှန်အတိုင်း ဖြတ်သန်းသွားလာ နေပါတယ်” ဟု ကျောက်မဲမြိှု့မှ ဒေသခံတစ်ဦးဖြစ်သူ ဦးတင်မောင်သိန်းက ပြောကြားသည်။

ကျောက်မဲမြို့နယ် ဂုတ်တွင်းလမ်းနှင့် ကျောက်မဲမြို့ အကြားတွင် ဖေဖော်ဝါရီလနှင့် မတ်လအတွင်း ပြည်ထောင်စု ကားလမ်းမကြီးပေါ်တွင် ဖြတ်သန်းမောင်းနှင်နေသော နွားတင်ယာဉ်များအား ပစ်ခတ်မှုများ မကြာခဏ ဖြစ်ပွားခြင်း၊ ကျောက်မဲမြို့နယ် အတွင်းရှိ ကျေးရွာအချို့တွင် တိုက်ပွဲများ မကြာခဏ ဖြစ်ပွားခဲ့ခြင်းများ ရှိခဲ့ကြောင်း သိရသည်။

နွားတင်ယာဉ်များအား ပစ်ခတ်မှုများကြောင့် သေဆုံးနှင့် ထိခိုက်ဒဏ်ရာရသူများ ရှိခဲ့ပြီး တိုက်ပွဲများကြောင့်လည်း ကျောက်မဲမြို့သို့ စစ်ပွဲရှောင်သူ အများအပြား လာရောက်ခိုလှုံနေရကြောင်း သိရသည်။

 

ကချင်ပြည်နယ်နှင့် ရှမ်းပြည်နယ် နယ်စပ်တွင် ပမာဏကြီးမားသည့် သစ်မှောင်ခိုလုပ်ငန်းများ ဆက်လက်ဖြစ်ပေါ်နေ

ကချင်ပြည်နယ် ၀ိုင်းမော်မြို့နယ် ဆဒုံးဒေသတွင် မတ်လ တတိယပတ်အတွင်းက ဖမ်းဆီးရမိသော သစ်များကို တွေ့ရစဉ်

ကချင်ပြည်နယ်နှင့် ရှမ်းပြည်နယ် နယ်စပ်တွင် ပမာဏကြီးမားသည့် သစ်မှောင်ခိုလုပ်ငန်းများ ဆက်လက် ဖြစ်ပေါ်နေကြောင်း ဒေသခံများ၊ သစ်မှောင်ခိုလုပ်ငန်းနှင့် ဆက်စပ်သူများက The Daily Eleven သတင်းစာသို့ ပြောကြားသည်။

တရုတ်နိုင်ငံသို့ သစ်မှောင်ခိုလုပ်ငန်းများသည် ၂၀၀၀ ပြည့်နှစ် နောက်ပိုင်းမှစ၍ ၂၀၁၈ ခုနှစ် (NLD အစိုးရလက်ထက်) ပွင့်လင်းရာသီအထိ ရှမ်းပြည်နယ် မြောက်ပိုင်းနှင့် ကချင်ပြည်နယ် ဒေသအနှံ့တွင် ဖြစ်ပေါ်နေခြင်း ဖြစ်သည်။

ယင်းသစ်မှောင်ခို လုပ်ငန်းများနှင့် ပတ်သက်ပြီး မူးယစ်ဆေးဝါး လုပ်ငန်းများ၊ လူကုန်ကူးမှုများ၊ ကြီးမားသော လာဘ်ပေးလာဘ်ယူမှုများပါ ဖြစ်ပေါ်နေကြောင်း သတင်းရင်းမြစ်များက ဆိုသည်။ အောက်ချောင်းဒေသခံ တစ်ဦးက “အလုပ်ဖြစ်နေတာက မုန့်ညှင်းခင်းနဲ့ လေယာဉ်ကွင်းဘက်ပေါ့။ တအားစည်တယ်။ လျှပ်စစ်ပစ္စည်း အရောင်းဆိုင်ကို အကြီးကြီးတွေ။ ဖုန်းတွေ၊ စကားပြောစက်တွေ၊ ဖုန်းဘေလ်တွေ ရောင်းတာ။ မနှစ်က ဖမ်းတဲ့နေရာမှာ။ အရက်တောင်မှ အရက်ကြမ်းမရဘူး။ ဂျော်နီဝါကားတွေ သုံးကြတာ။ ရဲတို့၊ သစ်တောတွေ မရှိဘူး။ တစ်ရက်ကို အစီး ၅၀ လောက် ထွက်မယ်။ မိုးလို၊ တုံဟွာဘက်ကနေ ထွက်လာကြပေါ့။ စီအူက အထိက ကတ္တရာ လမ်းရပြီလေ။ ပရိုဘောက်တို့၊ ရွှေငါးတို့၊ မတ်တူးကားတွေကို သွားနေကြတာ။ ဈေးရောင်း အများစုပေါ့။ သစ်ကတော့ ဆေးပြားနဲ့လည်း လဲလို့ရတယ်။ သစ်က နှစ်သောင်းတန်ရင် ဆေးပြားက သုံးသောင်းဖိုးလောက် တရုတ်က ရတာ။ အရင်က ကွက်ခိုင်ဘက် ဆေးထုတ်တဲ့ စက်ရုံထွက်တာနဲ့ တစ်ကြောတည်းလေ။ တချို့လည်း ငွေယူတာလည်း ရှိပါတယ်။ ဆေးပြားယူတော့ နှစ်ဆ မြတ်တာပေါ့။ ဆေးပြားကတော့ ပြည်တွင်းမှာ ဖမ်းတယ်ဆိုတာ မဖြစ်နိုင်တော့ပါဘူး။ ဆီပီပါလိုက် သယ်ခဲ့ကြတာ။ ဖမ်းတာက တစ်ထောင်ပုံ တစ်ပုံပဲ။ ဒီနှစ်သင်္ကြန်ကိုတော့ အကြီးအကျယ်ဖြစ်မှာ။ နောက်နှစ်လကျော်လောက် သစ်မှောင်ခိုက ဖြစ်ဦးမယ်။ တရုတ် ယန်းဖောင်ကားကြီးတွေက ဆင်းနေကြတုန်း။ အစီးကတော့ ထောင်ချီမယ်။ သင်္ကြန်ထွက်မယ် ထင်တာပဲ။ စစ်ကိုင်းဘက်၊ ကသာဘက်က သစ်တွေက စုလာတာ။ ဧရာဝတီမြစ်ရိုးကလည်း ပါတာပဲ”ဟု ပြောကြားသည်။

ဗန်းမော်မြို့မှ ယာဉ်မောင်း တစ်ဦးက “မနေ့က မိုးမောက်ကျောက်စခန်းမှာ မိတာက ၁၀ ဘီးကား ဖရဲသီးကို အပေါ်ယံလေး ဖုံးပြီး တင်သွားတာ။ ကျွန်းများတယ်လို့ သိရတယ်။ ငါးခေါက်ရှိပြီ သယ်တာက။ ဒီအကြိမ်မှာ အဝေမတည့်တော့ မိတာပေါ့။ မထိန်းနိုင်ဘူးလေ ကြာပြီ သယ်နေကြတာ။ အဖွဲ့စုံရှိတယ်။ တချို့အဖွဲ့တွေ မညှိမိလို့ပေါ့။ ဒါ ငါးခေါက်မြောက်ဆိုရင် စဉ်းစားလို့ ရပါတယ်”ဟု ပြောကြားသည်။

ကချင်ပြည်နယ် သစ်တောဌာနက လက်ရှိတွင် ၀ိုင်းမော်မြို့နယ် ဆဒုံးဒေသတွင် တပ်မတော်က သစ်ဖမ်းဆီးမှုများ၊ ဧရာဝတီမြစ် အနောက်ကမ်း ဗန်းမော်မြို့နယ်နှင့် မိုးမောက်မြို့နယ်တို့တွင် လတ်တလော သစ်ဖမ်းဆီးမှုများ ရှိနေပြီး မန်စီမြို့နယ်နှင့် ရှမ်းပြည်မြောက်ပိုင်း အစပ်များတွင် သစ်မှောင်ခို လုပ်ငန်းများ ရှိနေသည်ကို ကြားသိနေရကြောင်း ပြောကြားသည်။

မတ် ၂၃ ရက်က မိုးမောက်မြို့နယ်အတွင်း တရုတ်နိုင်ငံဘက်သို့ ဖရဲသီးများ ဖုံးအုပ် သယ်ဆောင်လာသည့် ၁၀ ဘီးကားအား ဖမ်းဆီးကာ ရှာဖွေစစ်ဆေးနေစဉ်

ကချင်ပြည်နယ် သစ်တောဦးစီးဌာန တာဝန်ရှိသူ တစ်ဦးက “ကျွန်တော်တို့ အခု ၀ိုင်းမော်၊ ဆဒုံးဘက်မှာ တပ်က ဖမ်းတဲ့ သစ်တွေကို လက်ခံနေတယ်။ စက်တွေတော့ တပ်က မအပ်နိုင်သေးဘူး။ မတ် ၂၃ ရက်က မိုးမောက်ဘက်မှာ ဖရဲတွေ ဖုံးပြီးတင်တဲ့ ကျွန်း ၁၅ တန်ပါတဲ့ သစ်ကားမိတယ်။ ၂၂ ရက်က ဗန်းမော်မြို့နယ် ဧရာဝတီအရှေ့ကမ်းက မြစေတီမှာ ကျွန်းတွေမိတယ်။ တစ်ဖက် အဖွဲ့အစည်းက လိုက်လာလို့ ၀န်ထမ်းတွေကိုပါ ရှောင်ခိုင်းရတယ်။ သစ်တွေကတော့ ရလိုက်ပါတယ်။ မန်စီမြို့နယ်က ရှမ်းပြည်နယ်နဲ့ အစပ်မှာ သစ်မှောင်ခိုတွေ ဖြစ်နေတယ်လို့ သတင်းအဖြစ်တော့ ကြားသိရပါတယ်။ သစ်တောဝန်ထမ်းတွေ သွားနိုင်တဲ့နေရာ မဟုတ်တော့ ဘယ်လိုဖြစ်နေမှန်း မသိဘူး။ တတ်နိုင်သလောက်တော့ စုံစမ်းခိုင်းထားတယ်။သင်္ကြန်မှာ အတော်များများ ထုတ်မယ်လို့ သတင်းရတယ်”ဟု ပြောကြားသည်။

တပ်မတော်နှင့် ကေအိုင်အိုင် လက်နက်ကိုင်အဖွဲ့တို့ ဗန်းမော်ခရိုင် မန်စီမြို့နယ်အတွင်း သစ်မှောင်ခိုကိစ္စ အကြောင်းပြု၍ ၂၀၁၁ ခုနှစ်နောက်ပိုင်းတွင် ပြင်းထန်သော ပစ်ခတ်မှုများ ဖြစ်ပွားခဲ့ပြီး သစ်တန်ပေါင်း များစွာကိုလည်း ဖမ်းဆီးမိခဲ့သည်။ ယင်းသစ်များမှာလည်း ကသာခရိုင်နှင့် ကချင်ပြည်နယ် ရွှေကူမြို့နယ်နှင့် ရှမ်းပြည်မြောက်ပိုင်း မိုးမိတ်၊ မိုးမောက်ဘက်မှ ရောက်ရှိလာသော ကျွန်းနှင့် တမလန်းသစ်များ ဖြစ်ကြောင်း သိရသည်။

စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့နယ်မှ ကျေးရွာအုပ်ချုပ်ရေးမှူး တစ်ဦးက “ဒီဘက်က ညကို ကားတွေနဲ့ ဖြတ်ကြတာ။ တရုတ်ဘက် ထွက်မယ်လို့ တွက်တယ်။ တမလန်းလို့ သိရတာ။ လေးပေတိုတွေ မြင်တာ။ လူစီးကားနဲ့ကို တိုက်သွားတာ။ တခြားရွာက လူတွေ မေးကြည့်တော့လည်း ရေဝေတောင်ကြောကနေ နည်းနည်းချင်း ထွက်နေတယ်။ ခုနောက်ပိုင်း ခေါက်ရေ စိပ်လာပြန်ပြီ”ဟု ပြောကြားသည်။

မြန်မာပြည်မှ သစ်များကို တရုတ်နိုင်ငံ နောင်တောင်းမြို့နှင့် ရွှေလီမြို့ ကျယ်လန့်ရပ်ကွက်တွင် စုပုံကာ ပရိဘောဂနှင့် ကုန်ကြမ်းများ ထုတ်လုပ်လျက်ရှိပြီး အဖိုးတန်သစ်များကို တရုတ်နိုင်ငံ ပြည်တွင်းမြို့ကြီးများအထိ ပို့ဆောင်နေရကြောင်း သိရသည်။

ကချင်ပြည်နယ်ဝန်ကြီးချုပ် ဒေါက်တာ ခက်အောင်က ၂၀၁၇ ခုနှစ် မတ် ၂၀ ရက် ဒုတိယအကြိမ် ဆဋ္ဌမအကြိမ်မြောက် ပထမနေ့ လွှတ်တော် အစည်းအဝေးတွင် အစိုးရသစ် ကာလအတွင်း ကျွန်း ၆၇၄ ဒသမ ၁၉၇၄ တန်၊ သစ်မာ ၅၆ ဒသမ ၇၉၅၁ တန်၊ အခြား ၉၁၂၁ ဒသမ ၂၇၅၂ တန် (စုစုပေါင်း ၉၈၅၂ ဒသမ ၂၆၇၇ တန်) ဖမ်းဆီးခဲ့ကြောင်း ပြည်နယ်လွှတ်တော်တွင် တင်ပြခဲ့ကြောင်း သိရသည်။

ကျောက်မဲမြို့နယ်အတွင်း တိုက်ပွဲများ ဖြစ်ပွားမှုကြောင့် ဒေသခံအများစု ပိတ်မိနေပြီး စားနပ်ရိက္ခာလိုအပ်မည့် အနေအထားကြုံတွေ့

တိုက်ပွဲဖြစ်ပွားသည့် ကျေးရွာများသို့ သွားရောက်ကာ ဒေသခံများအား ကယ်ထုတ်မည့် လူမှုကူညီရေး ယာဉ်များကို အောင်ချမ်းသာကျေးရွာတွင် တွေ့ရစဉ်

ရှမ်းပြည်နယ် (မြောက်ပိုင်း)၊ ကျောက်မဲမြို့နယ် ကွန်ကော်၊ တော့ဖယ်ကျေးရွာများ တစ်ဝိုက်တွင် RCSS နှင့် TNLA တို့ တိုက်ပွဲများ ဖြစ်ပွားနေမှုကြောင့် ၎င်းဒေသအနီးတစ်ဝိုက်ရှိ ဒေသခံအများစု တိုက်ပွဲများကြား ပိတ်မိနေပြီး စားဝတ်နေရေးနှင့် လုံခြုံရေး အခြေအနေများအတွက် စိုးရိမ်နေရကြောင်း သိရသည်။

တိုက်ပွဲများကြား ပိတ်မိနေသော ဒေသခံများအား ကယ်ထုတ်ရန်အတွက် မတ် ၁၅ ရက်တွင် ကျောက်မဲ၊ သီပေါ၊ လားရှိုးမြို့နှင့် နောင်ပိန်ကျေးရွာတို့မှ လူမှုကူညီရေးအသင်းများမှ ကား ၁၁ စီးသည် ကျောက်မဲမြို့ နယ်၊ တော့ဖယ်ကျေးရွာနှင့် ကွန်ကော်ကျေးရွာသို့ သွားရောက်ခဲ့သော်လည်း လုံခြုံရေး အခြေအနေအရ ကယ်တင်နိုင်ခဲ့ခြင်း မရှိခဲ့ကြောင်း သိရသည်။

“ကျွန်တော်တို့ ကွန်ကော်နဲ့တော့ဖယ်ရွာက ဒေသခံတွေကို ကယ်ထုတ်ဖို့အတွက် လူမှုကူညီရေးအသင်းကား ၁၁ စီးနဲ့ သွားခဲ့ပါတယ်။ ဒါပေမဲ့ အောင်ချမ်းသာရွာလောက် ထိပဲရောက်ခဲ့ပြီး မမြင်နိုင်တဲ့ မိုင်းအန္တရာယ်တွေ ရှိနေတဲ့အတွက် လက်လျှော့ပြီး နောက်ပြန်ဆုတ်ခဲ့ရပါတယ်။ အခြေအနေကတော့ တော့ဖယ်နဲ့ကွန်ကော်ရွာက ဒေသခံအချို့ တိုက်ပွဲတွေကြောင့် အသက်ဆုံးရှုံးရတာတွေ ရှိတယ်လို့လည်း ကြားပါတယ်။ ကျွန်တော်တို့ ရောက်ခဲ့တဲ့ အောင်ချမ်းသာရွာကနေ လက်နက်ကြီးသံတွေ သေနတ်သံတွေ ကြားနေရပါတယ်။ ကျွန်တော်တို့လည်း ဒုက္ခရောက်နေတဲ့ ဒေသခံတွေကို ကယ်ထုတ်ဖို့အတွက် ကြိုး စားကြည့်ပေမယ့် အခြေအနေ မပေးတဲ့အတွက် မကယ်ထုတ်နိုင်ခဲ့ပါဘူး” ဟု နောင်ပိန်ကမ်းလင့်လက်များ လူမှုကူညီရေးအသင်းမှ ကိုနေအောင်က ပြောကြားသည်။

တော့ဖယ်ကျေးရွာတွင် တိုက်ပွဲများ ပြင်းထန်ပြီး နေအိမ် ၁၂ လုံး မီးလောင်ခံထားရကြောင်း ထိခိုက်ဒဏ်ရာရသည့် ဒေသခံများ ရှိနေကြောင်း သိရသည်။

“တိုက်ပွဲဖြစ်ပွားတဲ့ရွာတွေက ဒေသခံ တွေက အားကိုးတကြီးနဲ့ လာကယ်ထုတ်ဖို့ ဆက်သွယ်လာပေမယ့် ကျွန်တော်တို့ သူတို့ ရွာအထိ မရောက်နိုင်ခဲ့ဘူး။ အောင်ချမ်းသာ ရွာကနေ ရှေ့ဆက်တိုးဖို့  အခက်အခဲရှိနေ တာနဲ့ ရွာသားတွေကို ထွက်လာနိုင်အောင် ကြိုးစားပေမဲ့လည်း အသက်အန္တရာယ်တွေ ရှိနေတာကြောင့်  လက်လျှော့ခဲ့ရပါတယ်။ စားနပ်ရိက္ခာ သောက်သုံးရေ ကျန်းမာရေး အခက်အခဲများစွာ ရင်ဆိုင်နေရတဲ့ ဒေသခံ တွေအတွက် မေတ္တာရှေ့ထားပြီး တောင်းဆိုပါ ရစေ။ သူတို့တတွေ သူတို့ရွာကနေ ဘေးအန္တ ရာယ်ကင်းကင်းနဲ့ထွက်လာနိုင်ဖို့ ခဏတာ လမ်းဖွင့်ကူညီပေးပြီး ဒေသတွင်းငြိမ်းချမ်း ရေးကို ဦးတည်စေချင်ပါတယ်လို့  ကျွန်တော်တို့အနေနဲ့ တောင်းဆိုချင်ပါတယ်” ဟု တိုက်ပွဲဖြစ်ပွားသည့်ဒေသများရှိ ဒေသခံများအား ကယ်ထုတ်ရန် သွားရောက်ခဲ့သည့် ကျောက်မဲမြို့မှ ကိုသားဇော်က မတ် ၁၅ ရက် ညနေပိုင်းတွင် ပြောကြားသည်။

မတ် ၁၆ ရက်တွင် မိုင်းငေါ့မြို့အနီး မန်ခေါက်ကျေးရွာသို့ စစ်ဘေးရှောင်သူ ၁၅၀ ဦးခန့် ရောက်ရှိလာသော်လည်း တော့ဖယ်ကျေးရွာနှင့် ကွန်ကော်ကျေးရွာတို့မှ ဒေသခံများမှာ ၎င်းတို့၏ရွာများမှ ထွက်မလာနိုင်သေးကြောင်း သိရသည်။

ဆက်လက်၍ ကိုသားဇော်က “လတ်တလော မိုင်းငေ့ါမြို့အနီးက မန်ခေါက်ရွာကို ရောက်လာတဲ့ စစ်ဘေးရှောင်တွေကို ကျောက်မဲမြို့မှာ လာနေဖို့ သွားကြိုဖို့ ဆက်သွယ်ပေမယ့်လည်း သူတို့က မန်ခေါက်ရွာကနေ ထွက်မလာချင်ကြသေးဘူး။ သူတို့ရဲ့ ရွာသားတွေ တောထဲမှာ ကျန်ခဲ့တာတွေလည်းရှိတယ်။ နောက်တစ်ချက်က အဲဒီနားက ရွာကလူတွေ ထွက်လာရတော့မယ်။ တချို့တွေဆို စားသောက်ရေး အခက်အခဲ ဖြစ်နေတယ်။ ရွာတွေမှာ တချို့ရေတွေတောင် ပြတ်နေကြတယ်။ တချို့ရွာတွေက ရွာထိပ်က ရေကန်တို့ ရေတွင်းတို့မှာ ရေခပ်ရတာဆိုတော့ မသွားခပ်ရဲကြတော့ သောက်သုံးရေ ပြတ်တာတွေ ရှိနေတယ်” ဟု ပြောကြားသည်။

လားရှိုး၊ နမ္မတူလမ်းပေါ်ရှိ နားဆိုင်းကျေးရွာ၊ ၁၈ မိုင်ရွာတို့တွင်လည်း တိုက်ပွဲများ ဖြစ်ပွားနေမှုကြောင့် နမ္မတူမြို့နယ်နှင့် မန်စံကျေးရွာတို့တွင် စစ်ဘေးရှောင် ခိုလှုံနေရကြောင်း သိရသည်။

 

၅၃ ကြိမ်မြောက် လီဆူတိုင်းရင်းသားစာပေနှင့် ရိုးရာယဉ်ကျေးမှု စုပေါင်းနှစ်သစ်ကူးပွဲတော်ကို တောင်ကြီးမြို့တွင် ကျင်းပ

၅၃ ကြိမ်မြောက် လီဆူတိုင်းရင်းသားစာပေနှင့် ရိုးရာယဉ်ကျေးမှု စုပေါင်းနှစ်သစ်ကူးပွဲတော်ကို တောင်ကြီးမြို့၊ အဝေရာကုန်းသာယာ မီးပုံးပျံကွင်းတွင် ဖေဖော်ဝါရီလ ၂၃ ရက်မှ ၂၅ ရက်အထိ သုံးရက်ကြာ ကျင်းပပြုလုပ် လျက်ရှိကြောင်း သိရသည်။

အဆိုပါ ၅၃ ကြိမ်မြောက် လီဆူတိုင်းရင်းသားစာပေနှင့် ရိုးရာယဉ်ကျေးမှု စုပေါင်းနှစ်သစ်ကူးပွဲတော်ကို မြန်မာနိုင်ငံလုံးဆိုင်ရာ ဗုဒ္ဓဘာသာ လီဆူတိုင်းရင်းသား စာပေနှင့် ယဉ်ကျေးမှုအသင်းမှ ဦးဆောင်ကာ ကြီးမှူးကျင်းပခြင်းဖြစ်ပြီး၊ ရှမ်းပြည်နယ် တောင်ပိုင်း၊ မြောက်ပိုင်း၊ အရှေ့ပိုင်း၊ ကချင်ပြည်နယ်၊ ကယားပြည်နယ်၊ မန္တလေးတိုင်းဒေသကြီး၊ ရန်ကုန်တိုင်းနှင့် ထိုင်းနိုင်ငံနယ်စပ်မှ လီဆူတိုင်းရင်းသားများ သောင်းချီကာ ပွဲတော်ကို တက်ရောက် ဆင်နွဲလျက်ရှိကြောင်း သိရသည်။

၅၃ ကြိမ်မြောက် လီဆူတိုင်းရင်းသားစာပေနှင့် ရိုးရာယဉ်ကျေးမှု စုပေါင်းနှစ်သစ်ကူးပွဲတော် ပထမနေ့ ဖေဖော်ဝါရီ ၂၃ ရက် မနက် ၈ နာရီအချိန်တွင် အခမ်းအနား စတင်ဖွင့်လှစ်ကာ ရှမ်းပြည်နယ် အစိုးရအဖွဲ့ ၀န်ကြီးချုပ်နှင့် ၀န်ကြီးများ၊ ဌာနဆိုင်ရာ လူကြီးများ တက်ရောက်ခဲ့ကြကာ နန်းတော်မုဒ်ဦး ဖွင့်လှစ်ခြင်း၊ လီဆူတိုင်းရင်းသားများ စုပေါင်းနှစ်သစ်ကူးပွဲတော် အထိမ်းအမှတ် ရိုးရာနှစ်သစ်ကူး သစ်ပင်စိုက်ထူခြင်း နှင့် ရွှေမိုး ငွေမိုး ပက်ဖျန်းခြင်း၊ တိုင်းရင်းသား အကအလှများဖြင့် ဖျော်ဖြေခြင်း၊ အစိုးရအဖွဲ့ ၀န်ကြီးချုပ်မှ အဖွင့်မိန့်ခွန်း ပြောကြားခြင်း၊ လီဆူတိုင်းရင်းသားရေးရာ ၀န်ကြီးမှ မိန့်ခွန်းပြောကြားခြင်း၊ တိုင်းရင်းသား ပြခန်းများကို လှည့်လည်ကြည့်ရှုခဲ့ကြပြီး၊ အခမ်းအနား ပြီးဆုံးခဲ့သည်။

မြန်မာနိုင်ငံ တစ်ဝှမ်းလုံးမှ တက်ရောက်လာကြသော လီဆူတိုင်းရင်းသားတို့သည် ရိုးရာနှစ်သစ်ကူးသစ်ပင် အနီးအနားတွင် အဖွဲ့လိုက် ရိုးရာအကအလှများဖြင့် ကခုန်ခဲ့ကြပြီး၊ လာရောက်ကြသူများကို ဖျော်ဖြေလျက် ရှိကြောင်း သိရသည်။ ယခုနှစ်သည် လီဆူတိုင်းရင်းသားတို့၏ ခွေးနှစ်ကျရောက်ခြင်းဖြစ်ပြီး၊ လီဆူရိုးရာ နှစ်သစ်ကူး သစ်ပင်စိုက်ပျိုးခြင်း၊ ရိုးရာအကများဖြင့် ပျော်ပွဲရွှင်ပွဲတို့ကို ကျင်းပလေ့ရှိကြောင်း၊ ရှမ်းပြည်နယ်တွင် လီဆူတိုင်းရင်းသားရိုးရာ စုပေါင်းနှစ်သစ်ကူးပွဲတော်ကို ၁၁ ကြိမ်တိုင်တိုင် ကျင်းပခဲ့ဖူးကြောင်း၊ နှစ်သစ်ကူး ပွဲတော်များကို မြို့နယ်အလိုက် နှစ်စဉ်ပြောင်းလဲ ကျင်းပလေ့ရှိကြောင်း၊ လီဆူတိုင်းရင်းသားတို့၏ စာပေနှင့် ယဉ်ကျေးမှုများကို သိရှိစေရန်နှင့် ထိန်းသိမ်းနိုင်စေရန် ရည်ရွယ်ကျင်းပခြင်းဖြစ်ကြောင်း ပွဲကျင်းပရေး ကော်မတီထံမှ သိရသည်။

လီဆူ တိုင်းရင်းသားများကို အခြားတိုင်းရင်းသားများက ခေါ်ဝေါ်ပုံကွဲပြားခြင်းနှင့် ပတ်သက်၍ ယခုအခါ ပြဿနာရပ်များ ဖြစ်ပေါ်နေရပြီး၊ လီဆူး၊ လီရှော၊ လီဆောနှင့် ယောရယ် စသော အခေါ်အဝေါ်များဖြင့် သုံးနှုန်းနေကြသဖြင့် ယခုအခါ ပြည်ထဲရေး လူဝင်မှုကြီးကြပ်ရေး ဦးစီးဌာန စာရင်းတွင် ကန့်သတ်လူမျိုးတွင် ပါဝင်နေသဖြင့် တိုင်းရင်းသားလူမျိုးတစ်မျိုး ဖြစ်ပါလျက်နှင့် အခွင့်အရေးများစွာ ဆုံးရှုံးနစ်နာမှု ရှိနေကြောင်း လီဆူတိုင်းရင်းသားရေးရာဝန်ကြီး ဦးဂူဆာက အဖွင့်မိန့်ခွန်းတွင် ထည့်သွင်း ပြောကြားခဲ့သည်။

မြန်မာနိုင်ငံတွင် လီဆူတိုင်းရင်းသားပေါင်း ၅ သိန်းကျော်ရှိပြီး၊ ကမ္ဘာ့နိုင်ငံ အသီးသီးတွင်လည်း ပျံ့နှံ့နေထိုင်လျက်ရှိကြောင်း၊ ရှမ်းပြည်နယ်၊ ကချင်ပြည်နယ်၊ မန္တလေးတိုင်းဒေသကြီး၊ ကယားပြည်နယ်တွင် ရာကျော် နေထိုင်ကြကြောင်း၊ လီဆူတိုင်းရင်းသားတို့သည် နေထိုင်ရာ အရပ်ဒေသအလိုက် ကွဲပြားကြသောကြောင့် ရိုးရာဓလေ့ ၀တ်စုံများသည် ကွဲပြားခြားနားမှုရှိကြောင်း သိရသည်။

ရှမ်းပြည်နယ်တွင် ဧက ၂၅၀၀၀ ရှိ နိုင်ငံတကာအဆင့်မီ ထောပတ်သီးစိုက်ပျိုးရေးဇုန်ကို ယခုနှစ်အတွင်း တည်ထောင်မည်ဟု ဆို

ရှမ်းပြည်နယ်ရှိ ထောပတ်သီးစိုက်ခင်းများကို တွေ့ရစဉ် (ဓာတ်ပုံ- Ko Myo Min Tun)

ဧကပေါင်း ၂၅၀၀၀ ရှိ နိုင်ငံတကာအဆင့်မီ စီးပွားဖြစ် ထောပတ်သီး စိုက်ပျိုးရေးဇုန်ကို ယခုနှစ်အတွင်း ပြည်နယ်အစိုးရ အကူအညီဖြင့် ရှမ်းပြည်နယ်တွင် တည်ထောင်မည်ဖြစ်ကြောင်း မြန်မာနိုင်ငံ ထောပတ်သီး စိုက်ပျိုးထုတ်လုပ် တင်ပို့သူများအသင်းမှ သိရသည်။

“လက်ရှိကတော့ ဧက ၂၅၀၀၀ ပေါ့နော်။ ရှမ်းပြည်မှာရှိတဲ့ တောင်သူတွေပဲပေါ့နော်။ လက်ရှိထောပတ်စိုက်နေတဲ့ တောင်သူတွေ အခုတော့သူတို့က မိရိုးဖလာနဲ့သွားတယ်။ အသင်းအနေနဲ့က စနစ်တကျနဲ့ပေါ့။ အရည်သွေးထိန်းတာတွေရော၊ အပင်စိုက်တဲ့ စနစ်တွေရော စနစ်တစ်ခုတည်းနဲ့ အကုန်လုံးစုပြီးတော့မှ တည်ထောင်ကြမှာ။ ဇုန်ထောင်ဖို့အချိန်ကျတော့ လက်ရှိက အသင်းအနေနဲ့ ပြည်နယ်အစိုးရကို ထောပတ်သီးဇုန်ထောင်ဖို့ပေါ့နော်။ အဲဒီအတွက်ကို ပြည်နယ်အစိုးရကလည်း လိုအပ်တဲ့ ထောက်ပံ့မှုတွေ သူတို့လုပ်ပေးမယ်ပေါ့။ ကျွန်တော်တို့ ဘယ်လိုပုံစံလုပ်မှာလဲဆိုတာကို အစိုးရကို တင်ပြမယ်။ တင်ပြပြီးလို့ အစိုးရကနေ မြေချပေးတဲ့နေရာမှာ ကျွန်တော်တို့လည်း အဆင်ပြေတဲ့နေရာပေါ့။ တောင်သူတွေနဲ့ နီးတဲ့နေရာပေါ့။ အဲဒီလိုမျိုးဆို ဒီတစ်နှစ်အတွင်း မြေချပေးပြီးပြီဆိုတာနဲ့ တစ်ခါတည်း နှစ်လနဲ့ သုံးလအတွင်း ကျွန်တော်တို့ စပြီးအကောင်အထည်ဖော်မယ်” ဟု မြန်မာနိုင်ငံ ထောပတ်သီး စိုက်ပျိုးထုတ်လုပ်တင်ပို့သူများအသင်း အတွင်းရေးမှူး ဦးလင်းသန့်အောင်က ပြောကြားသည်။

လက်ရှိတွင် ထောပတ်သီးကို နယ်စပ်ကုန်သွယ်မှတစ်ဆင့် အိမ်နီးချင်းနိုင်ငံများသို့သာ တင်ပို့နိုင်ခြင်းဖြစ်ကြောင်း၊ အဆိုပါထောပတ်သီး စိုက်ပျိုးရေးဇုန် တည်ထောင်ပြီးပါက ပင်လယ်ရေကြောင်းမှ အအေးခန်း ကွန်တိန်နာများဖြင့် ဂျပန်၊ ထိုင်ဝမ် စသည့် အခြားသောနိုင်ငံများသို့ တင်ပို့နိုင်မည်ဖြစ်ကြောင်း သိရသည်။

“လက်ရှိက ကျွန်တော်တို့က ဒီအိမ်နီးချင်း နိုင်ငံတွေ နယ်စပ်ကုန်သွယ်ရေးကနေပဲ သွားနေတယ်။ ဒါပေမဲ့ ကျွန်တော်တို့အခု ဇုန်ထောင်လိုက်လို့ရှိရင် Quality တွေ Certificate တွေ တစ်ကွင်းတည်းဆိုရင် ကုမ္ပဏီတစ်ခုတည်းပဲ လုပ်ရမယ်ပေါ့။ အဲဒါဆိုရင် ကျွန်တော်တို့ ဒီမှာအသီးတွေကအစ ပင်လယ်ရေကြောင်းကနေ တစ်ဆင့် အအေးခန်းကွန်တိန်နာတွေနဲ့ ပို့လို့ရမယ်။ အဲဒါဆို ဂျပန်၊ ထိုင်ဝမ်၊ အခြားဈေးကွက်တွေ ပို့လို့ရမယ်။ အဲဒီဘက်တွေအထိ ထွက်လို့ရမယ်ပေါ့။ တရုတ်ကထွက်တာကလည်း နယ်စပ်ကမြို့ ယူနန်ပြည်နယ်လောက်အထိပဲ ထွက်နိုင်တယ်” ဟု ဦးလင်းသန့်အောင်က ဆိုသည်။

မြန်မာနိုင်ငံတွင် ထောပတ်သီးစိုက်ဧကပေါင်း သောင်းနှင့်ချီရှိသော်လည်း နိုင်ငံတကာအဆင့် စနစ်တကျ စိုက်ပျိုးထားသည့် စိုက်ဧကပေါင်း ၁၀၀ နှင့် ၂၀၀ ကြားသာ ရှိကြောင်း သိရသည်။

လက်ရှိအချိန်တွင် ထောပတ်သီးတစ်တန် ဒေါ်လာ ၁၂၀၀ ရရှိပြီး ထိုင်းနိုင်ငံသို့ တင်ပို့ရာတွင် တစ်ကီလိုကို ထိုင်းဘတ်ငွေ ၃၀ ခန့်ရရှိကြောင်း သိရသည်။

“အခုလက်ရှိရောင်းနေတဲ့ ဈေးကလည်း အပယ်သီးကိုပေးတဲ့ ဈေးနှုန်းလောက်ပဲရတာပေါ့နော်။ ဘာ Certificate မှ မရှိဘူး။ စနစ်တကျ စိုက်ထားတဲ့ စိုက်ခင်းတွေပြပါဆိုလည်း မပြနိုင်ဘူး။ ပြနိုင်တယ်ဆိုလည်း ဧက ၁၀၀၊ ၂၀၀ လောက်ပဲ ပြနိုင်တယ်။ ကျွန်တော်တို့ ထွက်တဲ့ ကုန်စည်က ဧကထောင်ချီသောင်းချီရှိလည်း ဟိုဘက်က လက်မခံဘူး။ ဇုန်ထောင်လိုက်မယ်ဆိုရင် အသီးကို ဘယ်နိုင်ငံပဲဝင်ဝင် တရားဝင်ဝင်လို့ ရမယ်” ဟု ဦးလင်းသန့်အောင်က ပြောကြားသည်။

လာမည့်ဘဏ္ဍာနှစ်တွင် ပို့ကုန်အမည်သစ်များ တိုးချဲ့တင်ပို့နိုင်ရန်အတွက် စီးပွားရေးလုပ်ငန်းရှင်များနှင့် စီးပွားရေးအသင်းအဖွဲ့များစုဖွဲ့၍ ပူးပေါင်းဆောင်ရွက်နေပြီး ထိုသို့ပို့ကုန်အမည်သစ် တိုးချဲ့တင်ပို့မည့် သစ်သီးဝလံ၌ ထောပတ်သီးကို ထည့်သွင်းထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အမြဲတမ်းအတွင်းဝန် ဦးတိုးအောင်မြင့်က ဒီဇင်ဘာ ၁၂ ရက်က ပြောကြားသည်။