ကျောက်မဲမြို့အနီး လားရှိုး-မန္တလေး ပြည်ထောင်စု လမ်းမကြီးပေါ်တွင် ယာဉ်တစ်စီး သေနတ်ဖြင့် ပစ်ခတ်ခံရပြီး နှစ်ဦး သေဆုံး

သေနတ်ဖြင့် ပစ်ခတ်မှုကြောင့် ကျွဲများတင်ဆောင်လာသည့်ကား လမ်းဘေးချုံထဲ ထိုးကျသွားစဉ်

ရှမ်းပြည်နယ် (မြောက်ပိုင်း) ကျောက်မဲမြို့ လားရှိုး-မန္တလေး ပြည်ထောင်စု ကားလမ်းမကြီးပေါ်ရှိ ဗူးခါးကျေးရွာ အနီးတွင် စက်တင်ဘာ ၈ ရက် နံနက် ၇ နာရီခန့်က ကျွဲများတင်ဆောင်လာသော ၁၂ ဘီးယာဉ်တစ်စီးအား အမည်မသိ လက်နက်ကိုင်အဖွဲ့က ပစ်ခတ်ခဲ့မှု ဖြစ်ပွားခဲ့ကြောင်း သိရသည်။

အဆိုပါ ကျွဲကားသည် မန္တလေးဘက်မှ လားရှိုးဘက်သို့ ဦးတည်မောင်းနှင်လာခြင်းဖြစ်ပြီး အမည်မသိ လက်နက်ကိုင်အဖွဲ့၏ ပစ်ခတ်မှုကြောင့် ယာဉ်ပေါ်ပါသူ ယာဉ်မောင်း စိုင်းလောဝ်စိုင်း (၂၈ နှစ်) နှင့် ဟာစင် (၄၀ နှစ်) တို့နှစ်ဦး ကျည်ဆန်ထိမှန်ဒဏ်ရာများ ရရှိခဲ့ပြီး ကျောက်မဲမြို့ ခရိုင်ပြည်သူ့ဆေးရုံကြီးသို့ ပို့ဆောင်ကုသစဉ် သေဆုံးခဲ့ကြောင်း သိရှိရသည်။

“ဒီနေ့ မနက် ၇ နာရီလောက်မှာ ပစ်ခတ်မှု ဖြစ်ပွားတာပါ။ ပစ်ခတ်မှုကြောင့် ကျွဲတင်တဲ့ ကားကတော့ လမ်းဘေးချုံတွေထဲ ထိုးကျနေပါတယ်။ ကျွဲတွေလည်း သေနတ်ကျည်ဆန် ထိတယ်လို့တော့ သိရပါတယ်။ ယာဉ်မောင်းနဲ့ ယာဉ်နောက်လိုက်ကတော့ သေနတ်ထိမှန် ဒဏ်ရာတွေနဲ့ ကျောက်မဲဆေးရုံကြီးမှာ သေဆုံးသွားပါတယ်။ လမ်းမှာတော့ ကျွဲတင်ယာဉ်တွေ နွားတင်ယာဉ်တွေ ဖြတ်သန်းသွားလာ နေတာကိုတော့ တွေ့ရပါတယ်” ဟု မန္တလေး-လားရှိုး ခရီးသည်တင်ယာဉ်ငယ် မောင်းနှင်သူ ကိုစိုင်းနေက ပြောကြားသည်။

ပစ်ခတ်ခံရသော ၁၂ ဘီးယာဉ်ပေါ်တွင် ကျွဲ ၂၄ ကောင် တင်ဆောင်လာခြင်းဖြစ်ပြီး ပစ်ခတ်မှုကြောင့် စိုင်းလောဝ်စိုင်းတွင် ခြေထောက်နှင့် ၀မ်းဗိုက်တို့တွင် သေနတ်ထိမှန် ဒဏ်ရာငါးချက်၊ ကျွဲထိန်း ဟာစင်တွင် ခြေထောက်၊ တင်ပါးဆုံ၊ ၀မ်းဗိုက်တို့တွင် သေနတ်ထိမှန်ဒဏ်ရာ လေးချက်ထိမှန်ဒဏ်ရာများဖြင့် သေဆုံးခဲ့ခြင်းဖြစ်ပြီး ကျွဲလေးကောင်လည်း သေနတ်ထိမှန် ဒဏ်ရာများ ရရှိခဲ့ကြောင်း သိရသည်။

တောင်ကြီးမြို့တွင် GE တပ်မှ ဒုအရာခံဗိုလ်နှင့် တပ်ကြပ်ကြီး အပါအ၀င် လေးလောင်းပြိုင် လူသတ်မှု ဖြစ်ပွား

တောင်ကြီးမြို့တွင် GE တပ်မှ ဒုအရာခံဗိုလ်နှင့် တပ်ကြပ်ကြီး အပါအ၀င် လေးလောင်းပြိုင် လူသတ်မှု ဖြစ်ပွားခဲ့ကြောင်း သိရသည်။

အသတ်ခံရသူများတွင် ဒုအရာခံဗိုလ်နှင့် တပ်ကြပ်ကြီး အပါအ၀င် အမျိုးသမီး တစ်ဦးနှင့် မိန်းကလေးငယ် တစ်ဦးတို့လည်း ပါဝင်ကြောင်း သိရပြီး သြဂုတ် ၂၀ ရက်က အသတ်ခံရခြင်းဖြစ်ကြောင်း သိရသည်။

အသတ်ခံရသည့် နေရာမှာ တောင်ကြီးမြို့ ရွှေဘုန်းပွင့်အတက်လမ်း တောင်ကြီး ဆေးတက္ကသိုလ် အနောက်ဘက်ရှိ လှိုဏ်ဂူအနီးတွင် ဖြစ်ပွားခဲ့ခြင်းဖြစ်သည်ဟု တောင်ကြီးမြို့ခံများ၏ ပြောကြားချက်အရ သိရသည်။

အဆိုပါ လူသတ်မှုတွင် အသုံးပြုသည့် လက်နက်များနှင့် ပတ်သက်ပြီး သေနတ်ဖြင့် လည်းကောင်း ဓားဖြင့် ခုတ်သတ်သည်ဟုလည်းကောင်း ပြောဆိုနေကြပြီး အမှုနှင့် ပတ်သက်၍ တပ်မတော်ဘက်မှ ကိုင်တွယ်သွားမည်ဟုလည်း ကနဦးသတင်းများအရ သိရသည်။

“GE တပ်ကလို့ ပြောတယ်။ နေရာကို အတိအကျ မသိဘူး။ ရွှေဘုန်းပွင့်အတက်လမ်း ဆေးတက္ကသိုလ်နောက် လှိုဏ်ဂူနားလို့လည်း ပြောတယ်။ နာမည်တွေတော့ ရထားပြီ။ အတိအကျ မထုတ်ပြန်သေးတော့ မပြောရဲသေးဘူးဖြစ်နေတယ်။ခု ရဲစခန်းကို သွားနေတယ်” ဟု တောင်ကြီးမြို့ တရားဥပဒေ စိုးမိုးရေး ကွန်ရက်မှ ဦးဝင်းနိုင်စိုးက ပြောကြားသည်။

အဆိုပါဖြစ်စဉ်ကို တပ်မတော်ဘက်နှင့် တောင်ကြီးမြို့နယ် ရဲတပ်ဖွဲ့မှ သတင်းထုတ်ပြန်ပေးခြင်း မရှိသေးဘဲ မွန်းလွဲ ၂ နာရီကျော်သည်အထိ တောင်ကြီးမြို့မရဲစခန်းတွင် သတင်းထောက်များ ထိုင်စောင့်နေရသေးကြောင်း သိရသည်။

ထိုဖြစ်စဉ်နှင့် ပတ်သက်ပြီး အသေးစိတ်သိရှိထားခြင်းမရှိသေးကြောင်း၊ ကြေးနန်းလည်း မရောက်လာ သေးကြောင်း၊ အသေးစိတ်မသိရှိသည့်အတွက် မြေပြင်အခြေအနေနှင့် ကွဲလွဲမှုဖြစ်ပေါ်နိုင်သဖြင့် ပြောဆို နိုင်ခြင်း မရှိကြောင်း၊ တောင်ကြီးမြို့နယ် အထွေထွေအုပ်ချုပ်ရေးဦးစီးဌာနမှ တာဝန်ရှိသူတစ်ဦးက ပြောကြား သည်။

အမှုနှင့် ပတ်သက်ပြီး ညနေ ၅ နာရီခန့်အထိ သက်ဆိုင်ရာ ရဲတပ်ဖွဲ့၊ တပ်မတော် စသည်တို့မှ အသေးစိတ် တရားဝင် သတင်းထုတ်ပြန်ခြင်းမရှိသေးဘဲ ယင်းအမှုနှင့် ပတ်သက်၍ Eleven Media Group မှ ဆက်လက်စုံစမ်းလျက်ရှိကာ ရရှိသောသတင်းအချက်အလက်များကို ဆက်လက်ဖော်ပြပေးသွားမည်ဖြစ်ပါသည်။

အစိုးရနှင့် အကျိုးတူလုပ်ငန်း ပန်းချယ်ရီအိမ်ရာ စီမံကိန်းအတွင်းရှိ ထင်းရှူးတောများကို ခုတ်ထွင်ရှင်းလင်းခွင့် ရှမ်းပြည်နယ်အစိုးရ ခွင့်မပြုကြောင်း ပြောကြား

ရှမ်းပြည်နယ် တောင်ကြီးမြို့ပြင် နှစ်မိုင်ရှိ ထင်းရှူးတောတွင် အကောင်အထည်ဖော် ဆောင်ရွက်မည့် ပန်းချယ်ရီအိမ်ရာ စီမံကိန်း အတွင်းရှိ ထင်းရှူးပင်များကို ခုတ်ထွင်ရှင်းလင်းခွင့် ပြည်နယ်အစိုးရက ခွင့်မပြုကြောင်း ရှမ်းပြည်နယ် အစိုးရအဖွဲ့ ပြောရေးဆိုခွင့်ပုဂ္ဂိုလ် စီမံကိန်းနှင့် စီးပွားရေးဝန်ကြီးက ပြောကြားသည်။

အဆိုပါ ပန်းချယ်ရီအိမ်ရာ စီမံကိန်းသည် CB ဘဏ်ဥက္ကဋ္ဌက လုပ်ကိုင်နေခြင်းဖြစ်ပြီး ယခင်အစိုးရ လက်ထက်တွင် အကောင်အထည်ဖော်ခြင်း ဖြစ်ကြောင်း၊ ပန်းချယ်ရီအိမ်ရာ စီမံကိန်းကို ၂၀၁၁ ခုနှစ်တွင် ယခင်အစိုးရအဖွဲ့နှင့် အစိုးရသစ် အကူးအပြောင်း ကြားကာလတွင် MoU ထိုးထားသော စာချုပ်ဖြစ်ကာ ၂၀၁၆ ခုနှစ် ဇန်န၀ါရီ ၁၄ ရက်တွင် သဘောတူစာချုပ် လက်မှတ်ရေးထိုးခဲ့ပြီး သစ်တောများ ပါဝင်နေခြင်းကြောင့် ညှိနှိုင်းမှုများ ဆောင်ရွက်ရကြောင်း၊ စီမံကိန်းမှ ရရှိလာသော အကျိုးအမြတ်ကို အစိုးရအတွက် ၂၃ ရာခိုင်နှုန်းနှင့် ကုမ္ပဏီအတွက် ၇၇ ရာခိုင်နှုန်းဖြင့် လုပ်ကိုင်ဆောင်ရွက်နေခြင်း ဖြစ်ကြောင်း အစိုးရအဖွဲ့မှ ပြောကြားသည်။

မောရှမ်း ဖွံ့ဖြိုးတိုးတက်ရေး (အများနှင့် သက်ဆိုင်သောကုမ္ပဏီ) သည် ရှမ်းပြည်နယ်အစိုးရနှင့် အကျိုးတူလုပ်ငန်းအဖြစ် ဆောင်ရွက်ခြင်းဖြစ်ပြီး ရင်းနှီးမြှုပ်နှံမှုပမာဏ ကျပ်သန်းပေါင်း ၉,၅၀၀ အသုံးပြုမည်ဖြစ်ကာ အဆောက်အဦ တည်ဆောက်ရေးကာလ သုံးနှစ်ဖြစ်ပြီး အသုံးပြုမည့် လမ်းဧရိယာမှာ ၁၉ ဒသမ ၂၁ ဧက၊ အများပြည်သူ အသုံးပြုမည့် ဧရိယာမှာ ၁၁ ဒသမ ၄၄ ဧရိယာ၊ အဆောက်အဦ ဧရိယာမှာ ၄၄ ဒသမ ၃၅ ဧက ရှိပြီး စုစုပေါင်း ၇၅ ဧက ရှိသည်ဟု စာချုပ်တွင် ပါဝင်ကြောင်း အစိုးရအဖွဲ့မှ စီမံကိန်းနှင့် စီးပွားရေးဝန်ကြီး ဦးစိုးညွန့်လွင်က ပြောကြားသည်။

ပန်းချယ်ရီအိမ်ရာ စီမံကိန်းကို ရည်ရွယ်ချက် လေးရပ်ဖြင့် ဆောင်ရွက်ခြင်းဖြစ်ကာ တောင်ကြီးမြို့တွင် မြို့တော်အင်္ဂါရပ်နှင့်အညီ ထူးခြားသော ခေတ်မီအိမ်ရာ စီမံကိန်းတစ်ခု ပေါ်ထွန်းလာစေရန်၊ ပြည်သူများအတွက် ကျန်းမာရေးနှင့် ညီညွတ်ပြီး ကိုယ်ရောစိတ်ပါ သက်သာစွာ နေထိုင်နိုင်၍ ကောင်းမွန်သော လူနေမှု ပတ်ဝန်းကျင် တည်ဆောက်ရန်၊ မောရှမ်းဖွံ့ဖြိုးတိုးတက်ရေး အများနှင့်သက်ဆိုင်သော ကုမ္ပဏီသည် ပြည်နယ်အတွင်း ဖွံ့ဖြိုးတိုးတက်ရေး လုပ်ငန်းများတွင် တစ်တပ်တစ်အား ပါဝင်ကြိုးစားဆောင်ရွက်ရန်၊ ပြည်သူများ အလုပ်အကိုင် အခွင့်အလမ်းသစ်များ ပေါ်ထွန်းလာစေရေး စီးပွားရေးလုပ်ငန်းသစ်များ တိုးတက်ဖြစ်ပေါ် လာစေရေး စသည့် ရည်ရွယ်ချက်များဖြင့် ဆောင်ရွက်ကြောင်း သိရသည်။

“ကျွန်တော်တို့ ပန်းချယ်ရီအိမ်ရာ စီမံကိန်းဟာ အရင်အစိုးရနဲ့ နောက်အစိုးရ အကူးအပြောင်း လက်မှတ်ထိုးသွားတာ ဖြစ်ပါတယ်။ လုပ်ငန်းဆောင်ရွက်ခွင့် ပြုသူကတော့ မောရှမ်းဖွံ့ဖြိုးရေး အများနှင့်သက်ဆိုင်သော ကုမ္ပဏီပါ။ အစိုးရနှင့် အကျိုးတူ ဖြစ်ပါတယ်။ ရင်းနှီးမြှုပ်နှံမှုကတော့ ကျပ်သန်းပေါင်း ၉၅၀၀ ပေါ့။ ဒီထဲမှာ သစ်တောဧရိယာတွေ ပါနေတာရှိတယ်။ ကျွန်တော်တို့အစိုးရ လက်ထက်မှာ ခေါ်ယူညှိနှိုင်း ဆောင်ရွက်တယ်။ သစ်တောတွေကို ဒီတိုင်းပဲ ထားရမယ်။ သစ်တောတွေမှာ အဆောက်အဦဆောက်ခွင့် မပေးနိုင်ဘူးဆိုပြီး ဒေသန္တရစီမံကိန်း ကော်မတီကနေ ခေါ်ယူညှိနှိုင်းထားပြီး ဖြစ်ပါတယ်။ အဓိက ပြောချင်တာက ဘာလဲဆိုတော့ ဒီကုမ္ပဏီကလည်း တောင်ကြီးရဲ့ သင်္ကေတဖြစ်တဲ့ ချယ်ရီပင်တွေကိုလည်း ချယ်ရီတောဖြစ်အောင် စိုက်မယ်။ သစ်တောကိုတော့ အပျက်စီး မခံနိုင်ဘူးပေါ့။ အိမ်ရာ စီမံကိန်းကလည်း အရေးကြီးသလို ရှမ်းပြည်နယ် တောင်ကြီးကလည်း သစ်တောအရေးကြီးတဲ့အတွက် သစ်တောထိန်းသိမ်းဖို့ သစ်တောဧရိယာတွေ အဆောက်အဦဆောက်မှာ မဟုတ်ဘူး။ ကျွန်တော်တို့ကလည်း လက်ခံမှာ မဟုတ်ပါဘူး။ စောင့်ကြည့်ဖို့လည်း ကျွန်တော်တို့ ကော်မတီ အဆင်သင့် ရှိနေပါတယ်” ဟု ရှမ်းပြည်နယ် အစိုးရအဖွဲ့ စီမံကိန်းနှင့် စီးပွားရေးဝန်ကြီး ဦးစိုးညွန့်လွင်က ပြောကြားသည်။

အဆိုပါ ပန်းချယ်ရီအိမ်ရာ စီမံကိန်းကို မကြာခင် အကောင်အထည်ဖော် ဆောင်ရွက်နိုင်ရန်အတွက် ဇွန်လအစောပိုင်းတွင် ထင်းရှူးတောပတ်လည် ခြံစည်းရိုးခတ်ခြင်းများ ပြုလုပ်နေသောကြောင့် ဒေသခံများ ပါဝင်သော သဘာဝပတ်ဝန်းကျင် ထိန်းသိမ်းရေး အဖွဲ့များမှ ထင်းရှူးတောများ ကာကွယ်ရန်နှင့် သစ်ပင်များ စိုက်ပျိုးကြရန် ဆိုင်းဘုတ်များကို အဆိုပါ စီမံကိန်းဧရိယာ ထင်းရှူးတောအတွင်း စိုက်ပျိုးခဲ့ကြောင်း သိရသည်။

တောင်ကြီးမြို့တွင် သစ်တောမြေဧရိယာကို ပယ်ဖျက်လိုက်ပြီး အစိုးရ စီမံခန့်ခွဲပိုင်ခွင့်ရှိသော မြို့မြေဧရိယာအဖြစ် သတ်မှတ်လိုက်သော မြေများမှ တရားဝင်ချထားပြီးစီးမှုနှင့် လျှောက်ထားဆဲ လူပုဂ္ဂိုလ် အဖွဲ့အစည်းများမှာ ကုန်းလမ်းပို့ဆောင်ရေး ဦးစီးဌာန ခြောက်ဧက၊ တောင်ကြီးတက္ကသိုလ်နယ်မြေ ၁၁၄ ဧက၊ ပန်းချယ်ရီအိမ်ရာ စီမံကိန်း ၇၅ ဧက၊ လွိုင်ခမ်းအိမ်ရာ စီမံကိန်း ၄၈ ဧက၊ ယခင်ဝန်ကြီး အကွက်ချထားပြီးနေရာ ၁၅ ဧက အဆိုပါ ငါးခုသည် တရားဝင် ချထားခြင်းဖြစ်ပြီး မိမိသဘောဆန္ဒအရ လျှောက်ထားဆဲများမှာ ဦးကျော်ဝင်း ၁၉ ဧက၊ သုဝဏ္ဏခမ်းအောင် အိမ်ရာစီမံကိန်း ၃၂ ဧက၊ နှစ်ဦးလျှောက်ထား ထပ်သောနေရာ ရှစ်ဧက၊ တောင်စောင်းကမ်းပါးယံ ဧရိယာ ၇၂ ဧက၊ အစိုးရ စီမံခန့်ခွဲပိုင်ခွင့်ရှိသော ပလပ်မြေတွင် ကျူးကျော်မှုများ ၁၁၅ ဧက စုစုပေါင်း ၅၃၀ ဧက ရှိနေကြောင်း ရှမ်းပြည်နယ် အထွေထွေ အုပ်ချုပ်ရေး ဦးစီးဌာနထံမှ သိရသည်။

 

ကျောက်မဲမြို့ မြို့နယ်သစ်တောဦးစီးမှူး၏ ယာဉ်တစ်စီး လက်လုပ်မိုင်းဖြင့် ဖောက်ခွဲခံရ

ကျောက်မဲမြို့ မြို့နယ်သစ်တောဦးစီးမှူး၏ ယာဉ်တစ်စီး လက်လုပ်မိုင်းဖြင့် ဖောက်ခွဲခံရ

ရှမ်းပြည်နယ်(မြောက်ပိုင်း) ကျောက်မဲမြို့နယ် မြို့နယ်သစ်တောရုံးဝင်းအတွင်း ဇွန် ၁ ရက် ည ၁၀ နာရီ မိနစ် ၃၀ က ပေါက်ကွဲမှု တစ်ခုဖြစ်ပွားခဲ့ကြောင်း သိရသည်။

ပေါက်ကွဲမှုမှာ ကျောက်မဲမြို့၊  မြို့နယ်သစ်တောရုံးဝင်းအတွင်း ရပ်တန့်ထားသည့် မတ်တူးအမျိုးအစား ခဲရောင် မော်တော်ယာဉ်အောက်တွင် ဒေသန္တရ လက်လုပ်မိုင်း ပေါက်ကွဲမှု ဖြစ်ပွားခဲ့ခြင်းဖြစ်ပြီး ပေါက်ကွဲမှုကြောင့် ကျောက်မဲမြို့နယ် သစ်တောဦးစီးမှူး ပိုင်ဆိုင်သည့် ခဲရောင်မတ်တူး ဆလွန်းယာဉ် ကားဘန်ဘာ၊ အင်ဂျင်နှင့် ရေတိုင်ကီတို့ ပျက်စီးခဲ့သည်။

“မနေ့ညက မြို့နယ်သစ်တောရုံးဝင်း အတွင်းမှာ ရပ်ထားတဲ့ မတ်တူးကားအောက်ပိုင်းမှာ ပေါက်ကွဲမှု ဖြစ်ပွားတာပါ။ ပေါက်ကွဲမှုကြောင့် ကားအောက်ပိုင်း ပျက်စီးသွားတယ်။ လူထိခိုက်ဒဏ်ရာ ရရှိမှုတော့ မရှိပါဘူး” ဟု ကျောက်မဲမြို့မှ ပရဟိတ လူမှုကူညီရေးများ ဆောင်ရွက်နေသူ ဦးတင်မောင်သိန်းက ပြောကြားသည်။

ကျောက်မဲမြို့တွင် ယခင်က မြို့ပတ်ဝန်းကျင်နှင့် မြို့တွင်းနေရာအချို့တွင် မိုင်းထောင်ဖောက်ခွဲမှုများ မကြာခဏ ဖြစ်ပွားခဲ့ကြောင်း သိရသည်။

အစိုးရသစ်လက်ထက် ဒုတိယသက်တမ်းတစ်နှစ်အတွင်း ရှမ်းပြည်နယ်တွင် လမ်းပန်းဆက်သွယ်ရေးကဏ္ဍ ငါးရာခိုင်နှုန်း တိုးတက်လာဟုဆို

အစိုးရသစ်လက်ထက် ဒုတိယသက်တမ်း တစ်နှစ်တာကာလ ရှမ်းပြည်နယ်တွင် လမ်းပန်းဆက်သွယ်ရေးကဏ္ဍ ငါးရာခိုင်နှုန်း တိုးတက်လာသည်ဟု ရှမ်းပြည်နယ် အစိုးရအဖွဲ့ လမ်းပန်းဆက်သွယ်ရေးဝန်ကြီး ဦးခွန်ရဲထွေးက ပြောကြားသည်။

ရှမ်းပြည်နယ်အစိုးရ ဒုတိယသက်တမ်းတစ်နှစ်တာကာလ ဆောင်ရွက်ချက်များ သတင်းစာရှင်းလင်းပွဲကို တောင်ကြီးမြို့ မြို့တော်ခန်းမတွင် မေ ၂၅ ရက်၌ ပြုလုပ်ခဲ့ခြင်းဖြစ်ပြီး အစိုးရအဖွဲ့ဝင်များ၊ ဌာနဆိုင်ရာအကြီးအကဲများ တက်ရောက်ခဲ့ကြပြီး ပြည်နယ်တွင်း အခြေစိုက် မီဒီယာအဖွဲ့ပေါင်း ၂၀ ကျော် တက်ရောက်မေးမြန်းခဲ့ကြခြင်းဖြစ်ကြောင်း သိရသည်။

ရှမ်းပြည်နယ်သည် မြန်မာနိုင်ငံ၏ လေးပုံတစ်ပုံ ကျယ်ဝန်းပြီး လမ်းမိုင်အရှည်သည်လည်း တစ်နိုင်ငံလုံး၏ လေးပုံတစ်ပုံ လမ်းမိုင်ရှည်လျားကြောင်း၊ ကျေးလက်လမ်းများဖွံ့ဖြိုး တိုးတက်ရန် ဆောင်ရွက်ဖို့ လိုအပ်နေသေးကြောင်း သိရသည်။

၂၀၁၇-၂၀၁၈ ဘဏ္ဍာရေးနှစ် တစ်နှစ်တာ ဆောင်ရွက်ချက်များအနေဖြင့် ရှမ်းပြည်နယ် လမ်းဦးစီးဌာနက လုပ်ငန်းပေါင်း ၁၁ မျိုး အတွက် ရှမ်းပြည်နယ်တောင်ပိုင်း၊ မြောက်ပိုင်း၊ အရှေ့ပိုင်းတို့တွင် စုစုပေါင်းရန်ပုံငွေ ကျပ်သန်းပေါင်း ၁၂၁,၄၀၂,၈၅၀ ရှိပြီး ရှမ်းပြည်နယ် လမ်းဦးစီးဌာနက တာဝန်ယူစီမံခန့်ခွဲရသော လမ်းမိုင်အရှည် ၆၆၇၇ မိုင်တွင်  ကတ္တရာ (သို့မဟုတ်) ကွန်ကရစ်လမ်းအဖြစ် တည်ဆောက်နိုင်မှုမှာ  ယခင် ၆၁ ရာခိုင်နှုန်းရှိ ရာမှ ယခု ၆၆ ရာခိုင်နှုန်းသို့ ငါးရာခိုင်နှုန်း တိုးတက်အောင် ဆောင်ရွက်နိုင်ခဲ့ကြောင်း ရှင်းလင်းချက်အရ သိရသည်။

၂၀၁၇-၂၀၁၈ ဘဏ္ဍာနှစ် တစ်နှစ်တာကာလတွင် ကျေးလက်လမ်းဖွံ့ဖြိုးရေးဦးစီးဌာန (DRRD) အနေဖြင့် လုပ်ငန်းသုံးမျိုး ဆောင်ရွက်ခဲ့ပြီး (၁) မြေလမ်း၊ ကျောက်လမ်း၊ ကတ္တရာလမ်းခင်းခြင်း လမ်းမိုင် ၂၅၁ မိုင် အတွက် နိုင်ငံတော်ဘဏ္ဍာရန်ပုံငွေ ကျပ်သန်းပေါင်း ၁၂၄၇၈ ဒသမ ၇၉၄၅၊ (၂) ကွန်ကရစ်တံတား၊ သစ်သားတံတား၊ Box Culvert လုပ်ငန်းများ ၁၂၆ စင်းအတွက် နိုင်ငံတော် ဘဏ္ဍာရန်ပုံငွေ ကျပ်သန်းပေါင်း ၂၁၆၄ ဒသမ ၁၀၃၊ (၃) ကတ္တရာလမ်းအဆင့်မြှင့်တင်ခြင်း လုပ်ငန်း လမ်းမိုင် ၂၇/၄ ဒသမ ၉ မိုင်အတွက် ဂျာမန်ဖွံ့ဖြိုးရေးဘဏ် Kfw အစီအစဉ်ဖြင့် ယူရို  ၉ ဒသမ ၂၄သန်းဖြင့် ဆောင်ရွက်ခဲ့ကြောင်း သိရသည်။ မြို့ပြနှင့် အိမ်ရာဖွံ့ဖြိုးရေးဦးစီးဌာနမှ အိမ်ရာနှစ်မျိုးဆောင်ရွက်လျက်ရှိပြီး (၁) ပြည်သူ့အငှားအိမ်ရာအဖြစ် မြို့နှစ်မြို့တွင် အဆောက်အအုံ ခုနစ်ခု၊ အိမ်ခန်းပေါင်း ၁၅၆ ခန်း၊ (၂) ၀န်ထမ်းအိမ်ရာအဖြစ် မြို့ပေါင်း ၁၄ ခုတွင် အဆောက်အအုံ ၁၄၀၊ အိမ်ခန်းပေါင်း ၁၂၄၄ ခန်းကို ဆောင်ရွက်ခဲ့ကြောင်း သိရသည်။

ဆောက်လုပ်ရေးဦးစီးဌာနလက်အောက်တွင် ဌာနငါးခုပါရှိပြီး မိတ်ဖက်၊ အရပ်ဘက်၊ လူမှုရေးအဖွဲ့အစည်းများ၊ ပုဂ္ဂလိကလုပ်ငန်းရှင်များနှင့် PPP (Public Private Partnership) အစီအစဉ်၊ နိုင်ငံသားလုပ်ငန်းရှင်များ၏ ဆောက်လုပ်ရေးကုမ္ပဏီများ BOT စနစ်ဖြင့် လမ်းတံတားအဆင့်မြှင့်တင်ခြင်းအဖြစ်  ရှမ်းပြည်နယ်တွင် ကုမ္ပဏီငါးခုဖြင့် လုပ်ငန်း ဆောင်ရွက်ခြင်းဖြစ်ပြီး၊ (က) Oriental Highway Co.Ltd ၊ (ခ) တောင်ပေါ်ဒေသ လမ်းဆောက်လုပ်ရေးကုမ္ပဏီ၊ (ဂ) နေမင်းရောင်ကုမ္ပဏီ၊ (ဃ) စိုးလွင်အောင်ကုမ္ပဏီနှင့် (င) မြန်မာဧရာမွန်ကုမ္ပဏီတို့ရှိကြောင်း သိရသည်။

“ကတ္တရာ ကွန်ကရစ်ခင်းခြင်းမှအစ တောင်ကြီးဗိုလ်ချုပ်လမ်း အပါအ၀င် တောင်ကြီးအတက်လမ်း၊ အေးသာယာအောင်သပြေ၊ ရှမ်းပြည်နယ်မြောက်ပိုင်းမှာ လားရှိုး-ဂုတ်တွင်းလမ်း၊ ရှမ်းအရှေ့မှာ မိုင်းပျဉ်း-ကျိုင်းတုံ လမ်း၊ ဆောင်ရွက်ခဲ့တဲ့ လမ်းတွေဖြစ်ပါတယ်။ လမ်းဦးစီးမှ လမ်းမိုင်အရှည်ပေါင်း ၇၇၆၆ မိုင် ဖြစ်ပါတယ်။ ယခင်က ၆၁ ရာခိုင်နှုန်းမှ ၆၆ ရာခိုင်နှုန်းအထိ ပြီးခဲ့တဲ့တစ်နှစ်အတွင်းမှာ ငါးရာခိုင်နှုန်းတိုးတက်ဆောင်ရွက်ခဲ့တဲ့အတွက် ကတ္တရာ သို့မဟုတ် ကွန်ကရစ်လမ်း အဖြစ် တိုးတက်သွားတာကို မြင်တွေ့ရမှာဖြစ် ပါတယ်” ဟု လမ်းပန်းဆက်သွယ်ရေးဝန်ကြီး ဦးခွန်ရဲထွေးက ပြောကြားသည်။

မီဒီယာများ အနေဖြင့် ဌာနဆိုင်ရာများမှ လိုအပ်သော အချက်အလက်များ တောင်းခံလာလျှင် အဆင်ပြေစွာ ထုတ်ပေးနိုင်ရေး အစိုးရအဖွဲ့က ညွှန်ကြားထားဟု ရှမ်းပြည်နယ်အစိုးရအဖွဲ့ စီမံကိန်းနှင့် စီးပွားရေးဝန်ကြီး ပြောကြား

ရှမ်းပြည်နယ်အစိုးရအဖွဲ့ ဒုတိယသက်တမ်း တစ်နှစ်တာ ဆောင်ရွက်ခဲ့သော နိုင်ငံရေး၊ စီးပွားရေး၊ လူမှုရေးကဏ္ဍများ သတင်းစာရှင်းလင်းပွဲကို မေ ၂၅ ရက်တွင် တောင်ကြီးမြို့တော်ခန်းမ၌ ကျင်းပစဉ်

ရှမ်းပြည်နယ်အတွင်းရှိ အစိုးရဌာနဆိုင်ရာ ၃၀ ကျော်ထံမှ ဌာနဆိုင်ရာ လုပ်ဆောင်ချက်များ သိရှိလိုပါက မီဒီယာများအနေဖြင့် လိုအပ်သော အချက်အလက်များ တောင်းခံလာလျှင် အဆင်ပြေစွာ ထုတ်ပေးနိုင်ရန် အစိုးရအဖွဲ့က ညွှန်ကြားထားကြောင်း ရှမ်းပြည်နယ်အစိုးရအဖွဲ့ စီမံကိန်းနှင့် စီးပွားရေးဝန်ကြီးက ပြောကြားသည်။

ရှမ်းပြည်နယ်အစိုးရအဖွဲ့ ဒုတိယသက်တမ်း တစ်နှစ်တာ ဆောင်ရွက်ခဲ့သော နိုင်ငံရေး၊ စီးပွားရေး၊ လူမှုရေးကဏ္ဍများကို သတင်းစာရှင်းလင်းပွဲကို မေ ၂၅ ရက်တွင် တောင်ကြီးမြို့တော်ခန်းမတွင် ကျင်းပနိုင်ရန်အတွက် မီဒီယာများနှင့် ကြိုတင် တွေ့ဆုံရှင်းလင်းပွဲကို မေ ၂၃ ရက်တွင် ရှမ်းပြည်နယ် အစိုးရအဖွဲ့ရုံး အစည်းအဝေးခန်းမ (၁) ၌ ပြုလုပ်စဉ် ထိုသို့ပြောကြားခဲ့ခြင်း ဖြစ်သည်။

“ကျန်ရှိတဲ့ အပိုင်းများကို အဖွင့်မှာ ပြောကြားထားသလို သက်ဆိုင်ရာဌာန အသီးသီးရှိ ပြည်နယ်မှူးများကို ပြောကြားထားပြီး ဖြစ်ပါတယ်။ မီဒီယာများ အနေဖြင့် ကိန်းဂဏန်း အချက်အလက် တိတိကျကျ သိလိုပါက သက်ဆိုင်ရာ ဌာနဆိုင်ရာများထံ သွားရောက်ပြီး သတင်းရယူနိုင်ပါတယ် ဆိုတဲ့အကြောင်း ပြောကြားလိုပါတယ်။ ကိန်းဂဏန်း တိတိကျကျ သိချင်ပါတယ်ဆိုရင် Final Press Conference မှာမေးဖို့ အဆင်မပြေဘူးဆိုရင်လည်း သက်ဆိုင်ရာ ပြည်နယ်မှူးတွေကိုလည်း ညွှန်ကြားချက် ထုတ်ထားပါတယ်။ ဘယ်ဌာနရဲ့ တစ်နှစ်တာ ဆောင်ရွက်ချက်တွေကို ကိန်းဂဏန်းအရ သိချင်ပါတယ်ဆိုရင် ကျွန်တော့် ပြည်နယ်မှူးများ အားလုံးကို ညွှန်ကြားထားပြီး ဖြစ်ပါကြောင်း ရှင်းလင်းတင်ပြခြင်း ဖြစ်ပါတယ်”ဟု ရှမ်းပြည်နယ်အစိုးရအဖွဲ့ ပြောရေးဆိုခွင့်ရှိသူ စီမံကိန်းနှင့် စီးပွားရေးဝန်ကြီး ဦးစိုးညွန့်လွင်က ပြောကြားသည်။

ရှမ်းပြည်နယ်အစိုးရအဖွဲ့ရုံး အစည်းအဝေးခန်းမတွင် မေ၂၃ ရက် မွန်းလွဲ ၁ နာရီက ကျင်းပသော အစိုးရ ဒုတိယတစ်နှစ်၏ တစ်နှစ်တာ ဆောင်ရွက်ချက်များ ကြိုတင်တွေ့ဆုံပွဲတွင် ပညာရေး၊ ကျန်းမာရေး၊ လူမှုရေးကိစ္စရပ်များအတွက် လူမှုရေးဝန်ကြီး ဒေါက်တာမျိုးထွန်းက ဆောင်ရွက်ချက် အကျဉ်းချုပ်ကိုဖတ်ကြား၍ လည်းကောင်း၊ ရှမ်းပြည်နယ်အဆင့် လမ်းဦးစီးဌာန၊ အိုးအိမ်ဌာန၊ စည်ပင်သာယာရေးဌာန၊ စက်မှုကြီးကြပ်ဦးစီးဌာန၊ ရှမ်းပြည်နယ်ရဲတပ်ဖွဲ့နှင့် မြေစာရင်းဌာနတို့က တစ်နှစ်တာ ဆောင်ရွက်ချက် အကျဉ်းချုပ်များကို ရှင်းလင်း တင်ပြကြပြီး လျှပ်စစ်ဌာနက စာရင်းပြုစုမှု မပြီးစီးသေးသဖြင့် တင်ပြနိုင်ခြင်းမရှိဘဲ တရားရေးစီရင်ရေးမှ တာဝန်ရှိသူများ တက်ရောက်နိုင်ခြင်း မရှိကြောင်း သိရသည်။

အဆိုပါ ဌာနဆိုင်ရာများ၏ တင်ပြချက်များထဲမှ သတင်းမီဒီယာများ အနေဖြင့် ကြိုတင်မေးခွန်းများ ပြင်ဆင်နိုင်ရန်အတွက် ထိုသို့ ကြိုတင်တွေ့ဆုံပွဲ ပြုလုပ်ရခြင်းဖြစ်ပြီး အဆိုပါ သတင်းစာရှင်းလင်းပွဲတွင် အချိန်ကာလကို ချုံ့သောအားဖြင့် ယခုလိုတွေ့ဆုံခြင်း ဖြစ်ကြောင်း၊ သတင်းမီဒီယာတစ်ဖွဲ့လျှင် မေးခွန်းသုံးခုစာ သတ်မှတ်ပေးမည် ဖြစ်ကြောင်း ၀န်ကြီးက ပြောကြားသည်။

ဧပြီ ၁ ရက်မှ မေ ၁၇ ရက်အထိ ရှမ်းပြည်နယ် (အရှေ့ပိုင်း) ရှိ တာချီလိတ် နယ်စပ်ဝင်ပေါက်မှ ဗီဇာဖြင့် လာရောက်လည်ပတ်သည့် နိုင်ငံခြားသားခရီးသွားဦးရေ ၁၀၀၀ ကျော်ရှိပြီး တည်းခိုမှုအဆင်ပြေစေရန် ဟိုတယ်နှင့် တည်းခိုရိပ်သာ ၅၇ လုံး လုပ်ကိုင်ခွင့်ပြုထား

ဧပြီ ၁ ရက်မှ မေ ၁၇ ရက်အထိ ရှမ်းပြည်နယ် (အရှေ့ပိုင်း) ရှိ တာချီလိတ် နယ်စပ်ဝင်ပေါက်မှ ဗီဇာဖြင့် လာရောက်လည်ပတ်သည့် နိုင်ငံခြားသားခရီးသွားဦးရေ ၁၀၀၀ ကျော်ရှိပြီး တည်းခိုမှုအဆင်ပြေစေရန် ဟိုတယ်နှင့် တည်းခိုရိပ်သာ ၅၇ လုံးနှင့် အခန်းပေါင်း ၂၅၄၁ ခန်းကို လုပ်ကိုင်ခွင့်ပြုထားကြောင်း ဟိုတယ်နှင့် ခရီးသွားလာရေးဝန်ကြီးဌာနမှ သိရသည်။

တာချီလိတ်၊ ကျိုင်းတုံအပါအ၀င် ရှမ်းပြည်နယ်အရှေ့ပိုင်းရှိ ဒေသများသို့ လာရောက်လည်ပတ်သည့် နိုင်ငံခြားသားခရီးသွားမှာ ဧပြီ ၁ ရက်မှ မေ ၁၇ ရက်အထိ ဗီဇာဖြင့် တာချီလိတ်မှတစ်ဆင့် လေယာဉ်ခရီးစဉ်ဖြင့် ပြည်တွင်းသို့ ၀င်ရောက်လည်ပတ်သည့် ခရီးသွား ၁၀၄၀ ဦးရှိကြောင်း သိရသည်။

ထို့ပြင် နေ့ချင်းပြန်ခရီးစဉ်အနေဖြင့် ခရီးသွားဦးရေ ၁၀၄၄၃၇ ဦး၊ မိုင်းဖြတ်၊ ကျိုင်းတုံခရီးစဉ်အနေဖြင့် ခရီးသွားဦးရေ ၁၄၀၉ ဦး လာရောက်လည်ပတ်ထားကြောင်း သိရသည်။ ခရီးသွားကုမ္ပဏီအနေဖြင့်လည်း ဟိုတယ်နှင့် ခရီးသွားလာရေးဝန်ကြီးဌာနမှ ခရီးသွားကုမ္ပဏီ ၁၆ လုံးကို လုပ်ကိုင်ခွင့်ပေးထားကြောင်း သိရသည်။

နေ့ချင်းပြန်ခရီးစဉ်ဖြင့် လာရောက်လည်ပတ်သည့် နိုင်ငံခြားသားခရီးသွား အများစုသည် တာချီလိတ်မြို့တွင်းရှိ တာလော့ဈေး၊ ဘုရင့်နောင်ရုပ်တု၊ မဟာမြတ်မုနိဘုရားကြီး၊ ရွှေတိဂုံစေတီတော်၊ တိုင်းရင်းသားကျေးရွာ၊ အာခါဈေးနှင့် တရုတ်ဘုံကျောင်းများသို့ သွားရောက်လည်ပတ်လေ့ရှိကြသည်။

ထို့ပြင် ညအိပ်ခရီးစဉ်အနေဖြင့် နိုင်ငံခြားသားခရီးသွားများ အနေဖြင့်လည်း မိုင်းဖြတ်မြို့ရှိ ဈေးတန်းကြီးဘုရား၊ မြတ်စွာဘုရားစေတီတော်၊ ကျိုင်းတုံမြို့ရှိ မဟာမြတ်မုနိ၊ ဟိုခိုကျောင်း၊ ၀တ်အင်းကျောင်း၊ စွန်တော်စေတီ၊ ဓာတ်ကျမ်းစေတီ၊ ရှမ်းထုန်းကျောင်း၊ ပါထန်ကျောင်း၊ ရပ်တော်မူ၊ သစ်တစ်ပင်တောင်နှင့် ကမ္ဘာအေးစေတီ စသည့် အထင်ကရနေရာများသို့လည်း သွားရောက်လည်ပတ်ခဲ့ကြောင်း သိရသည်။

၂၀၁၈ ခုနှစ် ဧပြီလကုန်အထိ မြန်မာနိုင်ငံသို့ နယ်စပ်ဝင်ပေါက်များမှတစ်ဆင့် နိုင်ငံခြားသားခရီးသွား ၀င်ရောက်မှုဦးရေမှာ သုည ဒသမ ၇၂ သန်းနှင့် နိုင်ငံတကာဝင်ပေါက် (ကုန်းကြောင်း၊ လေကြောင်း) မှတစ်ဆင့် ၀င်ရောက်မှုဦးရေမှာ သုည ဒသမ ၅၀ သန်း ၀င်ရောက်ထားသောကြောင့် စုစုပေါင်း နိုင်ငံခြားသားခရီးသွား ဦးရေမှာ ၁ ဒသမ ၂၂ သန်း ၀င်ရောက်ထားကြောင်း သိရသည်။

ထွန်တုံးတိုက်ပွဲပြုလုပ်မှုကြောင့် အလုပ်နှင့်ထောင်ဒဏ် ၁၆ လ ချမှတ်ခံထားရသည့် နောင်ချိုမြို့နယ် ဒေသခံတောင်သူ ၁၀ ဦး လွတ်မြောက်လာပြီး သိမ်းဆည်းယာမြေများ ပြန်လည်ရရှိရေး ဆက်လက်လုပ်ဆောင်မည်ဟုဆို

၂၀၁၇ ခုနှစ် ဧပြီလအတွင်းက ထောင်ဒဏ်ချမှတ်ခံခဲ့ရသည့် ဒေသခံတောင်သူများအား တွေ့ရစဉ်

ရှမ်းပြည်နယ်မြောက်ပိုင်း နောင်ချိုမြို့နယ်တွင် ကော်ဖီစီမံကိန်းအတွက် သိမ်းဆည်းထားသည့် ယာမြေများအတွင်း ၀င်ရောက်ထွန်ယက်ခဲ့မှုကြောင့် အလုပ်နှင့် ထောင်ဒဏ် ၁၆ လ ချမှတ်ခံထားရသည့် ဒေသခံတောင်သူ ၁၀ ဦး ပြန်လည်လွတ်မြောက်ခဲ့ပြီး သိမ်းဆည်းခံယာမြေများ ပြန်လည်ရရှိရေးအတွက် ဆက်လက်လုပ်ဆောင်သွားမည်ဖြစ်ကြောင်း တောင်သူများက ပြောကြားသည်။

ကော်ဖီစီမံကိန်းအတွက် သိမ်းဆည်းထားသည့် ယာမြေများအနက် စီမံကိန်းအတွက် အသုံးမပြုဘဲ လစ်လပ်လျက်ရှိသည့် ယာမြေများပေါ်တွင် ဒေသခံများက ထွန်ယက်စိုက်ပျိုးခြင်းများ ပြုလုပ်ထားပြီး သိမ်းဆည်းယာမြေများ ပြန်လည်ရရှိရေးအတွက် သက်ဆိုင်ရာ မြေယာစိစစ်ရေးကော်မတီများထံသို့ စာတင်ပြမှုများ ဆက်လက်လုပ်ဆောင်သွားမည်ဖြစ်ကြောင်း ဒေသခံတောင်သူများက ပြောကြားသည်။

“ကျွန်တော်တို့ တောင်သူတွေကတော့ လက်ရှိမှာ လစ်လပ်နေတဲ့နေရာတွေမှာ ကြံတို့၊ ပြောင်းတို့ စိုက်ထားပါတယ်။ သိမ်းဆည်းယာမြေတွေ တရားဝင်ပြန်ရချင်တယ်။ လယ်ယာမြေ လုပ်ပိုင်ခွင့်ရဖို့အတွက် မြေယာစိစစ်ရေးကော်မတီတွေကို စာတင်ပြသွားဖို့ရှိတယ်။ ကော်ဖီစီမံကိန်းဆိုပေမယ့် တကယ် စိုက်ပျိုးထားတာ မရှိသလောက်ပါပဲ။ စီမံကိန်းမလုပ်ဘဲ လစ်လပ်ပိုလျှံနေတဲ့ မြေယာတွေအများကြီးပါ။ ဒီယာမြေတွေဆိုတာက ကျွန်တော်တို့တောင်သူတွေ ဘိုးဘွားအစဉ်အဆက် လုပ်ကိုင်လာခဲ့ကြတဲ့ ယာမြေတွေပါ။ ဒါကို ကျူးကျော်ထွန်ယက်တယ်ဆိုပြီး ကျွန်တော်တို့ တောင်သူတွေကို တရားစွဲတယ်။ ထောင်ဒဏ်ချမှတ်ခံရတယ်။ တရားမျှတမှုကတော့ လုံးဝမရှိဘူး။ ထောင်ထဲမှာ တစ်နှစ်နီးပါးနေခဲ့ရတယ်။ သိမ်းဆည်းယာမြေတွေ ပြန်ရဖို့အတွက် ဆက်ပြီးတော့ လုပ်ဆောင်သွားမှာပါ” ဟု ထောင်ဒဏ်ချမှတ်ခံရပြီး ပြန်လည်လွတ်မြောက်လာသည့် တောင်သူ ဦးဖိုးယုံက ပြောကြားသည်။

ဖြစ်စဉ်မှာ နောင်ချိုမြို့နယ် နမ့်လင်းခန်းကျေးရွာမှ ဒေသခံတောင်သူများ၏ ယာမြေဧက ၃၆၀ ကျော်အား ၂၀၀၃ ခုနှစ်က လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနက ကော်ဖီစီမံကိန်းအတွက် သိမ်းဆည်းခဲ့ကြောင်း၊ ယင်းသို့ သိမ်းဆည်းသွားခဲ့သော်လည်း စီမံကိန်းအတွက် အမှန်တကယ် အကောင်ထည်ဖော် လုပ်ဆောင်မှုမှာ ဧကအနည်းငယ်သာ ဖော်ဆောင်ခဲ့ပြီး ကျန်ယာမြေများမှာ ပလပ်မြေအဖြစ် ကျန်ရှိခဲ့ကြောင်း၊ ယင်းသို့ လစ်လပ်လျက်ရှိသည့် ယာမြေများအား ဒေသခံတောင်သူများက ၂၀၁၄ ခုနှစ် နိုဝင်ဘာက ၀င်ရောက်၍ သိမ်းဆည်းယာမြေများ ပြန်လည်ရရှိရေးအတွက် ထွန်တုံးတိုက်ပွဲပြုလုပ်ကာ ထွန်ယက်စိုက်ပျိုးခဲ့ကြကြောင်း မြေယာအခင်းဖြစ်စဉ် မှတ်တမ်းများအရ သိရသည်။ ထို့ပြင် ဒေသခံတောင်သူများ၏ ယာမြေများအား စတင်သိမ်းဆည်းသွားစဉ် အချိန်က မြေယာလျော်ကြေး၊ သီးနှံလျော်ကြေး တစ်စုံတစ်ရာပေးလျော်ခဲ့ခြင်း မရှိခဲ့ကြောင်း ဒေသခံတောင်သူများက ဆိုသည်။

ထိုသို့ ကော်ဖီစီမံကိန်းအတွင်း ၀င်ရောက်ထွန်ယက်ခဲ့မှုနှင့် ပတ်သက်၍ နမ့်လင်းခန်း ကျေးရွာအုပ်ချုပ်ရေးမှူး အပါအ၀င် ဒေသခံတောင်သူ ၁၀ ဦးအား ကော်ဖီစီမံကိန်းအတွင်း ၀င်ရောက်၍ ထွန်တုံးတိုက်ပွဲ ပြုလုပ်ခဲ့သည်ဟုဆိုကာ ပြစ်မှုဆိုင်ရာ ဥပဒေပုဒ်မ ၄၄၇၊ ၄၂၇၊ ၂၉၄၊ ၅၀၆ တို့ဖြင့် စီမံကိန်းတာဝန်ခံ ဦးစိုးသိန်းက အဆိုပါ ၂၀၁၄ ခုနှစ် ဒီဇင်ဘာ၌ တရားလိုပြုလုပ်ကာ အသီးသီးအမှုဖွင့်ခဲ့ကြောင်း၊ ထိုသို့အမှုဖွင့်ခံရပြီး တစ်နှစ်ကျော် အချိန်ကာလအတွင်း ဒေသခံတောင်သူများမှာ ရုံးချိန်းအကြိမ်ရေ ၅၀ ကျော်ဖြင့် အမှုရင်ဆိုင်ခဲ့ရပြီးနောက် ၂၀၁၇ ခုနှစ် ဧပြီ ၂၄ ရက်တွင် နောင်ချိုမြို့နယ် တရားရုံးက ဒေသခံတောင်သူ ၁၀ ဦးအား အလုပ်နှင့်ထောင်ဒဏ် ၁၆ လ ကျခံစေရန် အမိန့်ချမှတ်ခဲ့ကြောင်း သိရသည်။

အင်းလေးကန်တွင် ယခုနှစ်နွေရာသီ ရေအနည်းငယ် ခန်းခြောက်မှု စတင်ကြုံတွေ့လာ

အင်းလေးဒေသ တစ်နေရာကို တွေ့ရစဉ်

ရှမ်းပြည်နယ်တောင်ပိုင်း ညောင်ရွှေမြို့နယ်၊ အင်းလေးကန်တွင် ယခုနှစ် နွေရာသီအစောပိုင်း ဧပြီလအကုန်ပိုင်းတွင် အနည်းငယ် ရေခန်းခြောက်မှုဖြင့် စတင်ကြုံတွေ့လာရကြောင်း ဒေသခံများထံမှ ဧပြီ ၃၀ ရက်တွင် သတင်းရရှိသည်။

အင်းလေးကန် ဖောင်တော်ဦးဘုရား ပတ်လည်နှင့် ရွာမတို့တွင် ယခုနှစ် ရေနည်းလျက်ရှိပြီး၊ သွားလာရေး ခက်ခဲနေကြောင်း၊ ဖောင်တော်ဦးဘုရားဈေး တောင်ဘက်ရှိ အင်းတိန်ချောင်းတွင် ရေသုံးပေခန့်သာ ကျန်တော့ပြီး၊ အဆိုပါရေသည် ဆက်လက်လျော့ကျသွားခြင်း မရှိဘဲ လက်ရိုက်ဆည်များကြောင့်သာ ထိုသို့ထိန်းထားနိုင်ခြင်း ဖြစ်ကြောင်း၊ အင်းလေးဟဲယာရွာမတွင် ရေခန်းခြောက်သဖြင့် အချို့နေရာများတွင် ကုန်းမြင့်များ သောင်ထွန်းလျက်ရှိကြောင်း စက်လှေဆရာများက ပြောကြားသည်။

ယခင်၂၀၁၆ ခုနှစ်နှောင်းတွင် အင်းတိုင်းရင်းသားရေးရာဝန်ကြီး ဒေါက်တာထွန်းလှိုင် ဦးစီးသော အဖွဲ့များသည် အင်းလေးကန်တစ်လျှောက် တောင်ပိုင်းအထိ လက်ရိုက်ဆည်ပေါင်း ၁၂ ခု တာတမံများ တည်ဆောက်ထားခဲ့သဖြင့် ၂၀၁၆ ခုနှစ်မှ စတင်ကာ ယခု ၂၀၁၈ ခုနှစ် အထိ ဆိုးရွားသော ရေခန်းခြောက်မှုမျိုး ကြုံတွေ့ရခြင်း မရှိသေးဘဲ ၂၀၁၅ ခုနှစ်တွင် ရေခန်းခြောက်ခဲ့ခြင်းကြောင့် အင်းလေးကန် ဖောင်တော်ဦးဘုရား ပတ်လည်နှင့် ရွာမ အနီးတစ်ဝိုက်တို့တွင် သွားလာမရအောင် ရေခန်းခြောက်ခဲ့ခြင်း ဖြစ်ကြောင်း သိရသည်။

“နှစ်တိုင်းထက်စာရင် ဒီနှစ်တော့ ရေခံနိုင်သေးတယ်။ ရေမကျဘူး။ ခါတိုင်းနှစ်ဆိုရင် မြေအက်ကွဲပြီး သွားလမ်းလာလမ်း ခက်ခဲတယ်။ နှစ်နှစ်ရှိပြီ ရေခံနိုင်တာ။ စောစောပိုင်းကဆိုရင် ရေခြောက်တယ်။ ရွာလမ်းဆိုရင် လမ်းလျှောက်လို့ရနေပြီ။ ရေမြောင်းက သေးသေးလေးပဲကျန်တယ်။ အခုရေအပြည့် ရှိသေးတယ်။ ရေခံနိုင်တာပေါ့။ တပေါင်းတန်ခူးဆိုတော့ တန်ခူးရေကုန်၊ ကဆုန်ရေခန်းပေါ့။ ခြောက်သွေ့တဲ့ လတွေပေါ့။ အင်းဝန်ကြီးက လက်ရိုက်ဆည်တွေ နေရာအနှံ့ အင်းတောင်ပိုင်းအထိ ဆောင်ရွက်ထားလို့ ခံနိုင်သေးတာပေါ့။ ဟဲယာရွာမမှာ နည်းနည်းတော့ ခန်းတယ်” ဟု ဖောင်တော်ဦးဘုရား ဂေါပကဥက္ကဋ္ဌ ဦးထွန်းအောင်က ပြောကြားသည်။

အင်းလေးကန် ဖောင်တော်ဦးဘုရားသို့ ဘုရားဖူးပြည်သူများသည် သီတင်းကျွတ်လနှင့် တန်ခူးလတို့တွင် အများအပြား လာရောက် လည်ပတ်ကြကြောင်း၊ တန်ဆောင်မုန်းတွင် ဖောင်တော်ဦးဘုရား ဆွမ်းဆန်စိမ်း လောင်းလှူပွဲတော်အတွက် သံဃာတော်ပေါင်း ၃၀၀၀ ကျော် ဆွမ်းခံကြွသဖြင့် ဧည့်သည်အများအပြား စည်ကားလေ့ရှိကြောင်း၊ ယခုလိုရက်ပိုင်းတွင် ဧည့်သည်နည်းပါးကြောင်း ၎င်းက ပြောကြားသည်။

ထို့ပြင် အင်းလေးကန်တွင်းသို့ အဓိက ချောင်းကြီး လေးချောင်း စီးဝင်ကြပြီး၊ ချောင်းလက်တက် ၂၉ ချောင်းရှိကာ အချို့ချောင်းသွယ်များမှာ မိုးရွာသီမှာပင် စီးဆင်းပြီး နွေရာသီတွင် ခန်းခြောက်သွားကြောင်း၊ ယခုအခါ ချောင်းလက်တက်ငယ်များတွင်လည်း ရေနည်းပါးခြင်းတို့ကို ကြုံတွေ့နေရကြောင်း သိရသည်။

“ရွာမဘက် မောင်းဝင်တဲ့နေရာ ရွာကြားလမ်းတောင် မောင်းဝင်လို့ မရတော့ဘူးလေ။ မြေကြီးတွေ ပေါ်တာပေါ့။ တိမ်တိမ်လေးပဲ ကျန်တော့တယ်။ အင်းတိန်ချောင်းမှာ သုံးပေလောက်ပဲကျန်တယ်။ မိုးမရွာတော့ရင် ရေနည်းလာတာပေါ့။ နေပူရှိန်ပြင်းရင် ရေတအားကျတယ်။ တောင်ပိုင်းလမ်းတောင် ဒီလိုအခြေအနေရှိတယ်။ ဒီထက်လျော့နေပြီလေ။ နန်းပန်လှေဆိပ်တောင် တိမ်တိမ်လေးပဲ ကျန်တော့တယ်။ တစ်ပေလောက်ပဲ ကျန်တော့တယ်လေ” ဟု စက်လှေဆရာတစ်ဦးက ပြောကြားသည်။

ညောင်ရွှေမြို့နယ် အင်းလေးကန်တွင် နွေရာသီ ရေမခန်းခြောက်နိုင်တော့ကြောင်း အင်းတိုင်းရင်းသားရေးရာဝန်ကြီး ဒေါက်တာထွန်းလှိုင်က ၂၀၁၇ ခုနှစ် ဧပြီလတွင် ပြောကြားထားခြင်း ဖြစ်သည်။

အင်းလေးကန်တွင် ၂၀၁၀၊ ၂၀၁၅ နှင့် ၂၀၁၆ ခုနှစ်တို့တွင် ဆိုးရွားစွာ ရေခန်းခြောက် ခဲ့ခြင်းကြောင့် အင်းလေးကန်တွင်း သွားလာမရသော ရွာပေါင်းများစွာရှိပြီး၊ ရေခန်းခြောက်ခြင်းကြောင့် ကုန်းခေါင်ခေါင် ဖြစ်ခဲ့ကာ ဖောင်တော်ဦးဘုရားနှင့် ဟဲယာရွာမကဲ့သို့သော ရွာလယ် လမ်းမကြီးများတွင် သွားရေးလာရေး ခက်ခဲမှုများ ကြုံတွေ့ခဲ့ရသဖြင့်၊ အင်းတိုင်းရင်းသားရေးရာဝန်ကြီး ဒေါက်တာထွန်းလှိုင်က ၂၀၁၆ ခုနှစ်နှောင်းပိုင်းတွင် အင်းလေးကန်တွင်း လက်ရိုက်ဆည် ၁၂ ခု၊ ကိုယ်ထူကိုယ်ထ အင်းလေးကန်တွင်း ရေလမ်းဖောက်ခဲ့မှု ၁၀ ရွာခန့် (၁၀ မိုင်) ကျော် လမ်းဖောက်ခဲ့ကြောင်း ၎င်းက ပြောကြားသည်။

အင်းလေးကန်သည် ၂၀၁၀ ခုနှစ်တွင် စတင်ရေခန်းခြောက်ခဲ့ပြီး မနှစ်က ၂၀၁၅ ခုနှစ်တွင် စံချိန်တင် ရေခန်းခြောက်ခြင်းကြောင့် ခရမ်းချဉ်သီး ကျွန်းမျောပင်များ ရွာတိုင်းတွင် ပျက်စီးခဲ့သည်။

အင်းလေးဒေသ ညောင်ရွှေမြို့နယ်တွင် ကျေးရွာပေါင်း ၄၄၅ ရွာ၊ ကျေးရွာအုပ်စု ၃၅ အုပ်စု၊ ရေပေါ်ကျေးရွာ ၂၂၀ ကျော်၊ လူဦးရေပေါင်း တစ်သိန်းရှစ်သောင်းခန့် နေထိုင်ကာ၊ အင်းလေးကန်တွင်းသို့ စီးဝင်သော အဓိက ချောင်းကြီး လေးချောင်းနှင့် ချောင်းလက်တက် ၂၉ ချောင်းရှိကြောင်း စာရင်းများအရ သိရသည်။

 

ရှမ်းပြည်နယ် စည်ပင်သာယာရေး ဥပဒေမူကြမ်းကို ပြည်သူလူထုသဘောဆန္ဒ မကိုက်ညီသဖြင့် ကန့်ကွက်ထားဟု ဆို

ရှမ်းပြည်နယ် လွှတ်တော်အတည်ပြုချက်ဖြင့် အသစ်ပြန်လည်ရေးဆွဲနေသည့် ရှမ်းပြည်နယ် စည်ပင်သာယာရေး ဥပဒေမူကြမ်းကို ပြည်သူလူထုသဘောဆန္ဒမကိုက် ညီသဖြင့် ကန့်ကွက်ခံထားရကြောင်း သတင်းရရှိသည်။

ရှမ်းပြည်နယ် စည်ပင်သာယာရေး ဥပဒေမူကြမ်းတွင် စည်ပင်သာယာရေး ကော်မတီအဖွဲ့ ဖွဲ့စည်းရာတွင် ကော်မတီဥက္ကဋ္ဌနှင့် အဖွဲ့ဝင်များရွေးချယ်ရာတွင် ပြည်သူလူထု သဘောဆန္ဒဖြင့် ရွေးချယ်သော်လည်း အတွင်းရေးမှူးရာထူးကို စည်ပင်ဌာနအလုပ် အမှုဆောင်မှ အလိုအလျောက် တာဝန်ယူထားသည့် အချက်များအပါအ၀င် ဘတ်ဂျက်ရသုံးမှန်းခြေ ငွေစာရင်းရှင်းတမ်းများကိုလည်း ပြည်သူလူထုထံ သုံးလတစ်ကြိမ်ပွင့်လင်းမြင်သာစွာ ရှင်းလင်းတင်ပြမှုပြုလုပ်ရန် စသည့်အချက်များကို ထည့်သွင်းပေးနိုင်ရန် တောင်းဆိုထားခြင်းဖြစ်ကြောင်း သိရသည်။

တောင်ကြီးမြို့တွင် ဧပြီလ၌ လွှတ်တော်ကိုယ်စားလှယ်များ၊ အရပ်ဘက်အဖွဲ့အစည်းများ၊ နိုင်ငံရေးအဖွဲ့အစည်းများဖြင့် အဆိုပါ ရှမ်းပြည်နယ်စည်ပင်သာယာရေး ဥပဒေမူကြမ်းကို ကန့်ကွက်ခဲ့ခြင်းဖြစ်ပြီး၊ ဥပဒေပြောင်းလဲနိုင်ရန် ထပ်မံကြိုးစားသွားမည်ဖြစ်ကြောင်း သိရသည်။

“ပြီးခဲ့တဲ့ ဧပြီလဆန်းပိုင်းမှာပဲ လွှတ်တော်ကိုယ်စားလှယ်တွေရယ်၊ အရပ်ဘက် အဖွဲ့အစည်းတွေရယ် ပါဝင်တဲ့အဖွဲ့တွေက ရှမ်းပြည်နယ် စည်ပင်သာယာရေးဥပဒေကြမ်းကို ကန့်ကွက်ဆွေးနွေးပွဲလုပ်တယ်။ အဲဒီတုန်းက လွှတ်တော်ကိုယ်စားလှယ်တွေလည်းပါတယ်။ သူတို့ကိုယ်တိုင်ကလည်း ရှမ်းပြည်နယ် စည်ပင်သာယာရေးဥပဒေမူကြမ်းကို လုံးဝလက်မခံဘူး။ ဒီလွှတ်တော်မှာလည်း တင်ပြခဲ့ပြီးပြီ။ ရှမ်းပြည်နယ် စည်ပင်သာယာရေးဥပဒေကို အသစ်ပြန်လည်ရေးဆွဲဖို့ပေါ့။ ရေးလည်း ရေးဆွဲနေပြီ။ အဲဒီဥပဒေမှာ ဘာတွေပါနေလဲဆိုတော့ မြို့နယ်စည်ပင်သာယာ ရေးကော်မတီဥက္ကဋ္ဌဆိုတာ ပြည်သူလူထု ရွေးချယ်ထားတာ။ ကော်မတီဝင်တွေကလည်း သက်ဆိုင်ရာအဖွဲ့အစည်းတွေကနေ ပြည်သူရွေးချယ်ထားတဲ့လူတွေပဲ။ အတွင်းရေးမှူးတစ်ခုပဲ အလုပ်အမှုဆောင်အရာရှိ ဖြစ်နေတယ်။ အဲဒီအခါမှာ စည်ပင်သာယာရေး လုပ်ငန်းတွေကို ဦးဆောင်လုပ်နေသူက ကော်မတီအတွင်းရေးမှူး ဖြစ်နေတယ်။ ဒါပေမဲ့ စည်ပင်သာယာရေးကော်မတီဟာ ဘာလုပ်ပိုင်ခွင့်မှလည်း မရှိဘူး။ ပြည်သူလူထု ရွေးချယ်ထားတဲ့ လူတွေက အစိုးရ၀န်ထမ်းမြို့နယ် အလုပ်အမှုဆောင်အရာရှိရဲ့ လက်အောက် ရောက်နေသလို ဖြစ်နေတယ်။ ဒါတွေကို ပြောင်းလဲဖွဲ့စည်းဖို့ ဆွေးနွေးထားတယ်။ နောက်ပြီး ဘတ်ဂျက်နဲ့ ပတ်သက်ပြီးတော့ သုံးလတစ်ကြိမ် အနည်းဆုံးထုတ်ပြန်ပေးဖို့ တောင်းဆိုထားတယ်။ အဓိကအားဖြင့် စည်ပင်သာယာရေးဥပဒေကို ပြည်သူလူထုကို ချပြပြီးတော့ ပြည်သူလူထုသဘောထား၊ အရပ်ဘက်အဖွဲ့အစည်းတွေရဲ့ သဘောထားယူပြီးမှ အတည်ပြုဖို့ပေါ့။ ဒါကို အဓိကဆွေးနွေးထားတာ” ဟု ရှမ်းပြည်နိုင်ငံရေးအဖွဲ့မှ ဦးတင်မောင်တိုးက ပြောကြားသည်။

ထို့ပြင် ရှမ်းပြည်နယ်တွင်းရှိ မြို့နယ်အလိုက် စည်ပင်သာယာရေးကော်မတီများသည် အသက်ဝင်ခြင်းမရှိဘဲ၊ ဌာန၏ရုပ်သေးရုပ်သဖွယ်ဖြစ်နေပြီး ဥပဒေအရ စည်ပင်သာယာရေးကော်မတီ၏ လုပ်ပိုင်ခွင့်များလည်း ဆုံးရှုံးနေကြောင်း ၎င်းကပြောကြားသည်။

“စည်ပင်သာယာရေးဝန်ကြီးအနေနဲ့ရော၊ ဌာနအနေနဲ့ရော ပြည်နယ်အနေနဲ့ ပြီးခဲ့တဲ့လွှတ်တော်မှာ တော်တော်လေးရုပ်ပျက်ဆင်းပျက် ဖြစ်သွားတယ်။ (၁) က စည်ပင်ဌာနရဲ့ ရသုံးမှန်ခြေငွေစာရင်းကို ပွင့်လင်းမြင်သာစွာချပြဖို့  လွှတ်တော်မှာ အဆိုတင်တယ်။ အဲဒီမှာ ပြည်နယ်စည်ပင်သာယာရေးဝန်ကြီးကနေ မှတ်တမ်းအဖြစ်ထားဖို့ ပြောတယ်။ အဆိုတင်တဲ့ကိုယ်စားလှယ်က မကျေနပ်တော့ မဲခွဲဆုံးဖြတ်တော့ အဆိုရှုံးသွားတယ်။ အဲဒီကစလိုက်တာ မြို့နယ်စည်ပင်သာယာရေးဌာနတွေရော အားလုံးပါလာတယ်။ တစ်မြို့လုံး အသုံးပြုနေတဲ့ စည်ပင်သာယာရေး ဘတ်ဂျက်တွေကို ပြည်သူလူထုနဲ့ မီဒီယာတွေကို ချပြတာမရှိဘူး။ တောင်းဆိုနေသော်လည်း မချပြဘူး။ စည်ပင်ကော်မတီအနေနဲ့လည်း ဌာနသုံးနေတာတွေကို တစ်ခုမှ မသိရဘူး ဖြစ်နေတယ်။ အဲဒီတော့ စည်ပင်သာယာရေး ကော်မတီဆိုတာကလည်း တောင်ကြီးကနေ စပြီးတော့ ကျန်တဲ့မြို့တွေအထိပေါ့။ အကုန်က အရုပ်လိုဖြစ်နေတယ်။ ဘာမှလုပ်ပိုင်ခွင့်လည်း မရှိဘူး။ စည်ပင်သာယာရေးကော်မတီကို လေးစားမှုမရှိဘူးပေါ့။ ရုပ်ပျက်ဆင်းပျက် ဖြစ်နေတယ်” ဟု ဦးတင်မောင်တိုးက ဆိုသည်။

တောင်ကြီးမြို့နယ် စည်ပင်သာယာရေး ကော်မတီအဖွဲ့ဝင်များနှင့် တွေ့ဆုံမေးမြန်းခဲ့သော်လည်း ဌာနနှင့်ပတ်သက်သော အချက်အလက်များနှင့် စာရင်းဇယားများကို မသိရှိရသဖြင့် ဘာမှမပြောနိုင်ကြောင်း၊ လတ်တလောတွင် တောင်ကြီးမြို့နယ် စည်ပင်သာယာရေး ကော်မတီအနေဖြင့် သိရှိမှုအားနည်းသဖြင့် ပြောဆိုရန်အဆင်မပြေနိုင်သေးကြောင်း အင်ဂျင်နီယာပညာရှင်အစုအဖွဲ့မှ အဖွဲ့ဝင် ဦးစိုင်းဝဏ္ဏညိုက ပြောကြားသည်။