နှစ် ၃၀ ပြည့် ရှစ်လေးလုံး လူထုဒီမိုကရေစီ အရေးတော်ပုံအခမ်းအနား မန္တလေးမြို့ ဓမ္မသာလခန်းမတွင် စတင်ကျင်းပ

နှစ် ၃၀ ပြည့် ရှစ်လေးလုံး လူထုဒီမိုကရေစီ အရေးတော်ပုံအခမ်းအနား မန္တလေးမြို့ ဓမ္မသာလခန်းမတွင် ကျင်းပစဉ်

နှစ် ၃၀ ပြည့် ပုလဲရတုအထိမ်းအမှတ် ရှစ်လေးလုံးလူထု ဒီမိုကရေစီအရေးတော်ပုံ အခမ်းအနားကို မန္တလေးမြို့ ၈၄ လမ်း (ဗိုလ် ချုပ်အောင်ဆန်းလမ်း) နှင့် ၃၁ လမ်းရှိ ဓမ္မသာလခန်းမတွင် သြဂုတ် ၇ ရက် နံနက် ၉ နာရီက စတင်ကျင်းပပြုလုပ်ခဲ့ပြီး အခမ်းအနားသို့ မန္တလေးတိုင်းဒေသကြီးဝန်ကြီးချုပ် ဒေါက်တာဇော်မြင့်မောင်နှင့် အစိုးရအဖွဲ့ဝန်ကြီးများ၊ တိုင်းဒေသကြီးလွှတ်တော်ဥက္ကဋ္ဌနှင့် လွှတ်တော်ကိုယ်စားလှယ်များ၊ ရှစ်လေးလုံး ကာလအတွင်း ပါဝင်ဖြတ်သန်းခဲ့ကြသူများနှင့် မြို့ခံပြည်သူများတက်ရောက်ခဲ့ကြကြောင်း သိရသည်။

နှစ် ၃၀ ပြည့် ရှစ်လေးလုံး လူထုဒီမိုကရေစီ အရေးတော်ပုံအခမ်းအနားကို မန္တလေးမြို့ရှိ ဓမ္မသာလခန်းမ၌ သြဂုတ် ၇ ရက်မှ ၈  ရက်အထိ နှစ်ရက်ကြာ ကျင်းပပြုလုပ်လျက်ရှိရာ ပထမနေ့ဖြစ်သည့် သြဂုတ် ၇ ရက်တွင် အခမ်းအနားကို မန္တလေးတိုင်းဒေသကြီးဝန်ကြီးချုပ် ဒေါက်တာဇော်မြင့်မောင်၊ ကဗျာဆရာကြီးကိုလေး (အင်းဝဂုဏ်ရည်)၊ ဦးရွှေထူးတို့က ဖဲကြိုးဖြတ်စတင်ဖွင့်လှစ်ခဲ့ကြပြီး အခမ်းအနားသို့ တက်ရောက်လာကြသူများက အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့် ကျဆုံးလေပြီးသော အာဇာနည်ခေါင်းဆောင်ကြီးများကို အလေးပြုခြင်း၊ ရှစ်လေးလုံး လူထုဒီမိုကရေစီအရေးတော်ပုံ၌ ကျဆုံးသွားခဲ့ကြသည့် ရဟန်း၊ ရှင်လူ၊ ကျောင်းသားပြည်သူတို့အား ဂုဏ်ပြုသောအားဖြင့် ရှစ်စက္ကန့် ငြိမ်သက်အလေးပြုခြင်းများ ပြုလုပ်ခဲ့ကြသည်။

“ရှစ်လေးလုံးအရေးတော်ပုံကြီးရဲ့ ရည်ရွယ်ချက်က ဘာလဲဆိုတော့ ပြည်သူတွေက အုပ်ချုပ်တဲ့ ဒီမိုကရေစီဆိုတာကို ထူထောင်ဖို့အတွက် အဲဒါကိုဆုံးဖြတ်ခဲ့ကြတာပါ။ ပြည်သူတွေကရွေးချယ်တဲ့ ဒီမိုကရေစီအစိုးရတစ်ရပ် ပေါ်ဖို့တင်မကပါဘူး။ အဲဒါကိုဆက်လက်ထိန်းသိမ်းဖို့အတွက် လူတိုင်းမှာ တာဝန်ရှိပါတယ်။ ရှစ်လေးလုံးလူထုအရေးတော်ပုံကြီးဟာ နှစ် ၃၀ ရှိသွားခဲ့ပါပြီ။ တရားဥပဒေစိုးမိုးရေး၊ ငြိမ်းချမ်းရေးနဲ့ ဒီမိုကရေစီ ဖက်ဒရယ် ပြည်ထောင်စုတည်ဆောက်ရေးဆိုတဲ့ ရှစ်လေးလုံးက မွေးထုတ်ပေးလိုက်တဲ့ အမျိုးသား ဒီမိုကရေစီအဖွဲ့ချုပ်ရည်မှန်းချက်၊ မူဝါဒတွေဟာ ရှစ်လေးလုံးကို အခြေခံတယ်လို့ ပြောချင်ပါတယ်။ ကျွန်တော်တို့ အခမ်းအနားမှာ ဆရာတော်မိန့်သွားသလို ရိုးသားဖို့နဲ့ ကြိုးစားဖို့၊ စွမ်းဆောင်နိုင်ဖို့။ ဒါမှသာလျှင် ကျွန်တော်တို့နိုင်ငံက နိုင်ငံတကာအလယ်မှာ မျက်နှာပန်းလှမှာ ဖြစ်တယ်။ ကျွန်တော်တို့မျှော်မှန်းနေတဲ့  ဒီမိုကရေစီဖက်ဒရယ် ပြည်ထောင်စုကိုလည်း ထူထောင်နိုင်မှာဖြစ်တယ်။ ရှစ်လေးလုံးရဲ့  ဘုံရည်မှန်းချက်ကို မပျောက်ပျက်စေချင်ပါဘူး။ အဲဒါလေးတွေကို ၀ိုင်းဝန်းထိန်းသိမ်းပေးဖို့ ပြောချင်ပါတယ်။ ကျွန်တော်တို့သွားမယ့် ဒီမိုကရေစီဖက်ဒရယ်ပြည်ထောင်စုမှာ အမြဲပြောနေရတဲ့ စကားရှိပါတယ်။ ပြည်သူလည်း မနာ၊ တိုင်းပြည်လည်းမနာစေတဲ့ သူမနာ၊ ကိုယ်မနာနဲ့ ကျွန်တော်တို့က ငြိမ်းချမ်းသော နည်းလမ်းနဲ့ သဟဇာတဖြစ်ရေး၊ အမျိုးသား ပြန်လည်သင့်မြတ်ရေး၊ ငြိမ်းချမ်းရေးနဲ့ အမျိုးသားရင်ကြားစေ့ရေးကို ဆက်လက်အကောင်ထည်ဖော်နေပါတယ်။ အားလုံးလည်း ၀ိုင်းပြီးတော့ ကြိုးပမ်းပေးစေချင်ပါတယ်” ဟု ရှစ်လေးလုံးလူထုအရေးတော်ပုံ နှစ် ၃၀ ပြည့် အခမ်းအနားသို့ တက်ရောက်လာသည့် မန္တလေးတိုင်းဒေသကြီးဝန်ကြီးချုပ် ဒေါက်တာ ဇော်မြင့်မောင်က ပြောကြားသည်။

နှစ် ၃၀ ပြည့် ရှစ်လေးလုံး လူထုဒီမိုကရေစီ အရေးတော်ပုံအခမ်းအနား ပထမနေ့ ဖြစ်သည့် သြဂုတ် ၇ ရက်တွင် အခမ်းအနား စတင်ဖွင့်လှစ်ခဲ့ပြီး ကဗျာဆရာကြီးကိုလေး (အင်းဝဂုဏ်ရည်)၊ ဆရာဦးရွှေထူးတို့က ရှစ်လေးလုံးနှင့်ပတ်သက်သည့် အောက်မေ့ဖွယ် အမှတ်တရစကားများ ပြောကြားခဲ့ကြပြီး အခမ်းအနားသို့ နိုင်ငံရေးအဖွဲ့အစည်းအသီးသီးနှင့် ပါတီအသီးသီးတို့မှ ပေးပုိ့လာသည့် သ၀ဏ်လွှာများကို ဖတ်ကြားခဲ့သည်။ မွန်းလွဲပိုင်းတွင် ၂၁ ရာစုပင်လုံညီလာခံနှင့် ငြိမ်းချမ်းရေး အလားအလာခေါင်းစဉ်ဖြင့် နိုင်ငံရေး ဆွေးနွေးမှုများ ပြုလုပ်ခဲ့ကြသည်။ ပထမနေ့ အခမ်းအနားညပိုင်း အစီအစဉ်များအဖြစ် နိုင်ငံရေးတေးသီချင်းများဖြင့် ဖျော်ဖြေခြင်း၊ ကဗျာရွတ်ဆိုခြင်း၊ ဂုဏ်ပြုအငြိမ့်နှင့် ပြဇာတ်အစီအစဉ်များဖြင့် ဖျော်ဖြေခဲ့ကြောင်း သိရသည်။ နှစ် ၃၀ ပြည့် ရှစ်လေးလုံးလူထုဒီမိုကရေစီ အရေးတော်ပုံအခမ်းအနားတွင် မန္တလေးမြို့၌ ရှစ်လေးလုံး အရေးတော်ပုံကာလအတွင်းဖြတ်သန်းခဲ့ကြသည့် သမိုင်းဝင်မှတ်တမ်းဓာတ်ပုံများ၊ အရေးတော်ပုံကာလအတွင်း ထုတ်ဝေခဲ့သည့် သတင်းစာများ၊ အသုံးပြုခဲ့သည့် ခေါင်းစီးလက်ပတ်များ၊ ပန်းချီ၊ ကာတွန်းများ အစရှိသည့် သမိုင်းဝင်မှတ်တမ်းများကို သြဂုတ် ၈ ရက်အထိ ခင်းကျင်းပြသသွားမည်ဖြစ်ကြောင်း သိရသည်။

အခမ်းအနားဒုတိယနေ့ဖြစ်သည့် သြဂုတ် ၈ ရက် နံနက် ၆ နာရီတွင် သံဃာ့ဒါန ဆွမ်းလောင်းလှူပြီး မန္တလေး လေးပြင်လေးရပ်ရှိ ဆရာတော်ကြီးများကို အရုဏ်ဆွမ်းကပ်လှူဒါန်းပြီး အရေးတော်ပုံကာလအတွင်း ကျဆုံးခဲ့သူများအတွက် အမျှပေးဝေသွားမည်ဖြစ်ကြောင်း သိရသည်။ ထို့နောက် မွန်းလွဲ  ၁ နာရီမှ ၄ နာရီအထိ နိုင်ငံရေးဆွေးနွေးပွဲ ကျင်းပသွားမည်ဖြစ်ကြောင်း သိရသည်။

၂၀၁၈ ခုနှစ် သြဂုတ် ၈ ရက်တွင် ကျရောက်မည့် နှစ် ၃၀ ပြည့် ပုလဲရတုအထိမ်းအမှတ် ရှစ်လေးလုံး လူထုဒီမိုကရေစီအရေးတော်ပုံ အထိမ်းအမှတ်အခမ်းအနားကို မန္တလေးမြို့တွင် နှစ်ရက်ကြာ ကျင်းပပြုလုပ်သွားမည်ဖြစ်ကာ ပြီးခဲ့သည့် ရှစ်လေးလုံးငွေရတု ၂၅ နှစ်ပြည့်ကာလက ကျင်းပပြုလုပ်ခဲ့သည့်  စံချိန်ထက် မလျော့စေရန်၊ နိုင်ငံရေးအနှစ် သာရပြည့်ဝစွာဖြင့် ကျင်းပသွားမည်ဖြစ်ကြောင်း သိရသည်။

၁၉၈၈ ခုနှစ် သြဂုတ်လက တစ်ပါတီ အာဏာရှင် မဆလအစိုးရအား နိုင်ငံတစ်ဝန်းရှိ ရဟန်းရှင်လူ၊ ကျောင်းသား၊ ပြည်သူများ၊ အစိုးရ၀န်ထမ်းများအပါအ၀င် ဆန့်ကျင်တောင်းဆို အုံကြွမှုဆင်နွှဲ၍ သမိုင်းဝင်လူထု တော်လှန်ရေးကြီးတစ်ရပ် ပြုလုပ်ခဲ့ကြရာ အကြမ်းဖက်ပစ်ခတ်နှိမ်နင်းခံခဲ့ရပြီး ပြည်သူအများအပြား သေဆုံးခဲ့ကြသည်။

နှစ် ၃၀ ပြည့် ရှစ်လေးလုံး ဒီမိုကရေစီ အရေးတော်ပုံ နှစ်ပတ်လည်အခမ်းအနားကို ရန်ကုန်တက္ကသိုလ်တွင် ပထမဆုံး ပြုလုပ်

ရှစ်လေးလုံး ဒီမိုကရေစီ အရေးတော်ပုံ နှစ် (၃၀) ပြည့် အခမ်းအနားကို ပထမဆုံးအကြိမ်အဖြစ် ရန်ကုန်တက္ကသိုလ်ဝင်းအတွင်း ပြုလုပ်သည့်မြင်ကွင်းကို သြဂုတ် ၆ ရက်က တွေ့ရစဉ် (ဓာတ်ပုံ-ကြည်နိုင်)

နှစ် ၃၀ ပြည့် ရှစ်လေးလုံး ဒီမိုကရေစီ အရေးတော်ပုံ နှစ်ပတ်လည် အခမ်းအနားကို ရန်ကုန်တက္ကသိုလ်အတွင်းရှိ အပန်းဖြေရိပ်သာတွင် ပထမဆုံးအကြိမ်အဖြစ် သြဂုတ် ၆ ရက်က စတင်ပြုလုပ်လျက်ရှိပြီး သြဂုတ် ၈ ရက်အထိ ပြုလုပ်မည် ဖြစ်သည်။

အဆိုပါ ရိပ်သာတွင် ရှစ်လေးလုံးသမိုင်းနှင့် သက်ဆိုင်သော မှတ်တမ်းဓာတ်ပုံများ၊ အမှတ်တရပစ္စည်များ၊ အရေးအခင်းကာလက အသုံးပြုခဲ့သော လက်နှိပ်စက် အပါအ၀င် လူ့အသုံးအဆောင်ပစ္စည်းများ၊ အရေးတော်ပုံတွင် ကျဆုံးခဲ့သော ပုဂ္ဂိုလ်များ၏ ဓာတ်ပုံများ စသည့်မှတ်တမ်းမှတ်ရာများဖြင့် ခင်းကျင်းပြသထားပြီး အရေးတော်ပုံ ကာလတွင် နိုင်ငံခြားသတင်းဌာနများက ရိုက်ကူးထားသော ရုပ်သံမှတ်တမ်းများကိုလည်း တီဗွီများဖြင့် အခမ်းအနားသို့ လာရောက်သူများ လေ့လာကြည့်ရှုနိုင်ရန် ပြသထားသည်။

အခမ်းအနား ပထမနေ့သို့ သံဃာတော်များ၊ ရန်ကုန်တိုင်းဒေသကြီး အစိုးရအဖွဲ့ဝန်ကြီးများ၊ လွှတ်တော် ကိုယ်စားလှယ်များ၊ နယ်အသီးသီးမှ ရှစ်လေးလုံးမျိုးဆက် ကျောင်းသားများ၊ ရှစ်လေးလုံး အရေးတော်ပုံတွင် ပါဝင်ခဲ့သော ပုဂ္ဂိုလ်များ ၊ ကျောင်းသူ၊ ကျောင်းသားများ၊ နိုင်ငံရေး တက်ကြွလှုပ်ရှားသူများ၊ ပညာရှင်များ စသည့်ပုဂ္ဂိုလ်များ တက်ရောက်ကြသည်။

“ရှစ်လေးလုံး လူထုအရေးတော်ပုံကြီးကြောင့် ဒီကနေ့ ရနေတဲ့ ဒီမိုကရေစီ အခွင့်အရေးပေါ့။ ပြီးပြည့်စုံတယ်လို့တော့ ပြောလို့မရဘူး။ သို့သော် ဒီကနေ့ရနေတဲ့ ဒီမိုကရေစီ အခွင့်အရေးပေါ့။ ဒီမိုကရေစီ အခွင့်အရေးတွေဟာ ရှစ်ဆယ့်ရှစ် လူထုအရေးတော်ပုံကြီးကြောင့် ရတာ”ဟု ပြည်ထောင်စု ရွေးကောက်ပွဲကော်မရှင်ထံသို့ ပါတီမှတ်ပုံတင်ထားသော ပြည်သူ့ပါတီ ဒုတိယခေါင်းဆောင် ဦးရဲနိုင်အောင်က ပြောကြားသည်။

သို့သော် လက်ရှိအချိန်တွင် ရှစ်လေးလုံး အရေးတော်ပုံကြီးက တောင်းဆိုခဲ့သော တောင်းဆိုချက်များမှာ အပြည့်အ၀ မရရှိသေးကြောင်း ရှစ်ဆယ့်ရှစ်မျိုးဆက် ကျောင်းသားခေါင်းဆောင် တစ်ဦးဖြစ်သူ ဦးမြအေးက ပြောကြားသည်။

ရှစ်လေးလုံး အရေးတော်ပုံတွင် ပါဝင်လှုပ်ရှားခဲ့သူ၊ ကျဆုံးခဲ့သူများကို မှတ်တမ်းတင် ဖော်ပြထားစဉ် (ဓာတ်ပုံ- ကြည်နိုင်)

“ဒီမိုကရေစီ သွင်ပြင်လက္ခဏာတွေဖြစ်တဲ့ ပါတီစုံ ရွေးကောက်ပွဲတွေ၊ ပါတီစုံ လွှတ်တော်တွေ၊ အစိုးရတွေ၊ ကျွန်တော်တို့ အဲဒီအခြေအနေကိုတော့ ရရှိခဲ့ပြီး ဖြစ်ပါတယ်။သို့သော်လည်းပဲ လက်ရှိနိုင်ငံရေး အခြေအနေဟာ ရှစ်လေးလုံးကာလက တောင်းဆိုခဲ့တဲ့ အခြေအနေကိုတော့ ပြည့်ပြည့်၀၀ မရရှိသေးပါဘူး။ တိုင်းရင်းသားတွေ လိုချင်တဲ့ ကိုယ့်ကြမ္မာ ကိုယ်ဖန်တီးခွင့်ရှိတဲ့ ဖက်ဒရယ်ပြည်ထောင်စုကိုလည်း ကျွန်တော်တို့ အလှမ်းဝေးနေဆဲကာလပဲ ဖြစ်ပါတယ်”ဟု ဦးမြအေးက ပြောကြားသည်။

ထို့ပြင် ရှစ်လေးလုံး အရေးတော်ပုံသမိုင်း ဖြစ်ရပ်မှန် ပေါ်ပေါက်ရန်အတွက် အစိုးရက ဦးဆောင်ပြုစုသင့်ကြောင်း ဦးရဲနိုင်အောင်က တိုက်တွန်းသည်။

“ရှစ်လေးလုံး လူထုအရေးတော်ပုံသမိုင်း ပြုစုဖို့နဲ့ ရှစ်လေးလုံး အရေးတော်ပုံကြီးမှာ ကဏ္ဍအသီးသီး၊ မြို့နယ်အသီးသီးမှာ ကျရာတာဝန် ထမ်းဆောင်ခဲ့တဲ့ လူတွေရဲ့ အတ္ထုပ္ပတ္တိ နိုင်ငံခြားမှာတော့ သူတို့က အတ္ထုပ္ပတ္တိ အဘိဓာန်လိုဟာမျိုး ရှိတယ်။ အဲလို အတ္ထုပ္ပတ္တိ အဘိဓာန်လိုဟာမျိုး ရှစ်လေးလုံး သမိုင်းဖြစ်ရပ်မှန်မျိုးကို အမြန်ဆုံး အစိုးရက ဦးဆောင်ပြီးတော့ ပြုစုဖို့ လိုအပ်နေပြီလို့ ကျွန်တော်က အဲဒါတော့ တိုက်တွန်းချင်တယ်”ဟု ဦးရဲနိုင်အောင်က ပြောကြားသည်။

လက်ရှိတွင် ရှစ်လေးလုံးသမိုင်းပြတိုက် (ယာယီ) ကို ရန်ကုန်တိုင်းဒေသကြီး သင်္ဃန်းကျွန်းမြို့နယ်၌ ဖွင့်လှစ်ထားပြီး တနင်္လာနေ့မှအပ အခြားနေ့များတွင် သွားရောက် လေ့လာနိုင်သည်။

ရှစ်လေးလုံး ဒီမိုကရေစီ အရေးတော်ပုံ နှစ် ၃၀ ပြည့် အခမ်းအနားတွင် ဒီမိုကရေစီအရေး နှစ် ၃၀ ခရီး၊ တိုင်းရင်းသား တန်းတူညီမျှရေးနှင့် ဖက်ဒရယ်ပြည်ထောင်စု၊ မြန်မာ့နိုင်ငံရေးနှင့် စစ်အာဏာရှင် ဟူသော ခေါင်းစဉ် သုံးခုဖြင့် နိုင်ငံရေးဆွေးနွေးပွဲများ ပြုလုပ်နေပြီး အဆိုပါ ဆွေးနွေးပွဲများမှ ထွက်ရှိလာသော ရလဒ်များကို ပေါင်းချုပ်ကာ သြဂုတ် ၈ ရက်တွင် နိုင်ငံတော်နှင့် ပြည်သူလူထုထံသို့ အကြံပြုစာတမ်းအဖြစ် တင်သွင်းသွားရန် စီစဉ်ထားကြောင်းလည်း ဦးမြအေးက ရှင်းလင်းပြောကြားသည်။

၁၉၈၈ ခုနှစ်က ဖြစ်ပွားခဲ့သည့် ရှစ်လေးလုံး ဒီမိုကရေစီ အရေးတော်ပုံသည် ယခုနှစ်တွင် နှစ် ၃၀ ပြည့်ပြီ ဖြစ်သည်။

ရှစ်လေးလုံးအရေးတော်ပုံ နှစ် ၃၀ ပြည့်သွားခဲ့သော်လည်း

ရှစ်လေးလုံးငွေရတု အခမ်းအနား၌ ပြသထားသော အထိမ်းအမှတ်ပြခန်းနှင့် ရှစ်လေးလုံး အရေးတော်ပုံကာလ ပုံရိပ်အချို့ကို တွေ့ရစဉ် (ဓာတ်ပုံ-ကြည်နိုင်)

မြန်မာနိုင်ငံမှာ ပြီးခဲ့တဲ့ ၁၉၈၈ သြဂုတ် ၈ ရက်က အထွေထွေ လူမှုစီးပွား အကျပ်အတည်းတွေကြောင့်  မြန်မာ့ဆိုရှယ်လစ်လမ်းစဉ်ပါတီ အစိုးရကို ဆန့်ကျင်ဆန္ဒပြတဲ့ လူထုအုံကြွမှုကြီး ဖြစ်ပွားခဲ့ပါတယ်။

၁၉၆၂ တပ်မတော်က အာဏာသိမ်းပြီးနောက်ပိုင်း ဗိုလ်ချုပ်နေ၀င်း ဦးဆောင်တဲ့ မြန်မာ့ဆိုရှယ်လစ်လမ်း စဉ်ပါတီကနေ တစ်ပါတီအာဏာရှင် စနစ်နဲ့ အုပ်ချုပ်ခဲ့ရာက မြန်မာနိုင်ငံဟာ ကမ္ဘာ့အဆင်းရဲဆုံးနိုင်ငံဖြစ် လာတဲ့အပြင် အဘက်ဘက်ကပါ ယိုယွင်းပျက်စီးမှုတွေ ရှိလာပါတယ်။

၁၉၈၈ မတ်လ ၁၂ ရက်မှာ တော့ အင်းစိန်မြို့နယ် အနောက်ကြို့ ကုန်းက စန္ဒာဝင်းလက်ဖက်ရည်ဆိုင် မှာ ရန်ကုန်စက်မှုတက္ကသိုလ် ကျောင်းသားတွေနဲ့  အရပ်သားတွေ ခိုက်ရန်ဖြစ်ပွားခဲ့ပြီး ဒီရန်ပွဲကို အကြောင်းပြုလို့ ၁၉၈၈ မတ် ၁၃ ရက် ညမှာ လုံခြုံရေးတပ်ဖွဲ့တွေက ၀င်ရောက်စီးနင်းခဲ့တာကြောင့် ကျောင်းသား ကိုဖုန်းမော်နဲ့ ကိုစိုးနိုင်တို့ ကျဆုံး ခဲ့ပါတယ်။

အဲဒီနောက်မှာတော့ မြန်မာ့ဆိုရှယ်လစ်လမ်းစဉ်ပါတီ အစိုးရကို ကန့်ကွက်ဆန္ဒပြမှုတွေ ဖြစ်ပေါ်လာပြီး နောက်ဆုံး တစ်နိုင်ငံလုံးကို ပျံ့နှံ့ခဲ့ရာက မြန်မာ့သမိုင်းဝင် ရှစ်လေးလုံး အရေးတော်ပုံကြီး ဖြစ်ပေါ်လာခဲ့တာပါ။

လူထုအရေးတော်ပုံကြီးကနေ ပါတီစုံဒီမိုကရေစီစနစ် ဖော်ဆောင်ပေးရေး၊ မြန်မာ့ဆိုရှယ်လစ်လမ်းစဉ်ပါတီ စနစ်ဆန့်ကျင်ရေး၊ စစ်အာဏာရှင်စနစ် ဆန့်ကျင်ရေးနဲ့ ဈေးကွက်စီးပွားရေးစနစ် ဖော်ဆောင်ပေးရေး စတဲ့အချက်တွေကို တောင်းဆိုခဲ့ပေမယ့် အဓိကကတော့ ဒီမိုကရေစီရရှိရေးပဲ ဖြစ်ပါတယ်။

ရှစ်လေးလုံးငွေရတု အခမ်းအနား၌ ပြသထားသော အထိမ်းအမှတ်ပြခန်းနှင့် ရှစ်လေးလုံး အရေးတော်ပုံကာလ ပုံရိပ်အချို့ကို တွေ့ရစဉ် (ဓာတ်ပုံ-ကြည်နိုင်)

လာမယ့် သြဂုတ် ၈ ရက်ဆိုရင် ရှစ်လေးလုံး လူထုအရေးတော်ပုံကြီး ဖြစ်ပွားခဲ့တာ နှစ်ပေါင်း ၃၀ ပြည့်မြောက်တော့မှာ ဖြစ်ပါတယ်။

ရှစ်လေးလုံး လူထုအရေးတော်ပုံကြီးကနေ တောင်းဆိုခဲ့တဲ့ ဒီမိုကရေစီရရှိရေးဟာ လက်ရှိ နှစ်ပေါင်း ၃၀ ပြည့်မြောက်ချိန်မှာ တကယ်ရရှိနေပြီလားဆိုတာ မေးစရာ ရှိလာပါတယ်။ ရရှိနေတယ် ဆိုရင်တောင် ၁၀၀ ရာခိုင်နှုန်း အပြည့်အ၀ ရရှိနေပြီလားဆိုတာ စဉ်းစားစရာပါ။

လက်ရှိမှာ ပြည်သူက မဲပေး ရွေးချယ်ထားတဲ့ အရပ်သားအစိုးရ အုပ်ချုပ်နေပေမယ့် မြန်မာနိုင်ငံမှာ ဒီမိုကရေစီ စနစ်ကတော့ အားကောင်းခိုင်မာမှု မရှိသေးဘူးလို့ သုံးသပ်မှုတွေ ရှိနေပါတယ်။

ရှစ်လေးလုံး အရေးတော်ပုံကြီးရဲ့ အဓိကရည်မှန်းချက်၊ တောင်းဆိုချက်တွေက ဒီနေ့အထိ အောင်မြင်ပြီးမြောက်ခြင်း မရှိသေးဘူးလို့ ဆိုလာသူကတော့ လူ့ဘောင်သစ် ဒီမိုကရက်တစ်ပါတီ ဥက္ကဋ္ဌ ဦးအောင်မိုးဇော် ဖြစ်ပါတယ်။

“ရှစ်လေးလုံးရဲ့ အဓိကရည်မှန်းချက်၊ တောင်းဆိုချက်ဖြစ်တဲ့ ဒီမိုကရေစီရရှိရေးဆိုတဲ့ ကိစ္စဟာ ဒီနေ့အခြေအနေအထိ အောင်မြင်ပြီးမြောက်ခြင်း မရှိသေးဘူးလို့ ပြောချင်ပါတယ်” လို့ ဦးအောင်မိုးဇော်က ဆိုပါတယ်။

လူထုအရေးတော်ပုံကြီးက တောင်းဆိုထားတဲ့ ဒီမိုကရေစီရရှိ ရေးဟာ အရပ်သားအစိုးရလက် ထက်မှာ ဘာကြောင့် အောင်မြင်ပြီး မြောက်မှု မရှိရတာလဲ။ အဓိကက တော့ ၂၀၀၈ ဖွဲ့စည်းပုံအခြေခံ ဥပဒေအရ ဥပဒေပြုရေးမဏ္ဍိုင်မှာ တပ်မတော်က လွှတ်တော်ကိုယ်စား လှယ် ၂၅ ရာခိုင်နှုန်းက နေရာယူ ထားသလို အုပ်ချုပ်ရေးမဏ္ဍိုင်မှာလည်း အရေးပါတဲ့ ၀န်ကြီးဌာန သုံးခု ကို တပ်မတော်က ထိန်းထားပါတယ်။

ရှစ်လေးလုံးငွေရတု အခမ်းအနား၌ ပြသထားသော အထိမ်းအမှတ်ပြခန်းနှင့် ရှစ်လေးလုံး အရေးတော်ပုံကာလ ပုံရိပ်အချို့ကို တွေ့ရစဉ် (ဓာတ်ပုံ-ကြည်နိုင်)

“ရှစ်လေးလုံးတုန်းက ကျွန် တော်တို့ တောင်းဆိုခဲ့တဲ့၊ မျှော်မှန်း ခဲ့တဲ့ ရည်မှန်းချက်တွေက အခုဆိုရင် ပြည်သူလူထုက ရွေးချယ်တင် မြှောက်တဲ့ ၇၅ ရာခိုင်နှုန်း လွှတ် တော်ကိုယ်စားလှယ်တွေ ရရှိတာက လွဲပြီးတော့ ကျန်တာ မရသေးပါဘူး။ နှစ် ၃၀ အတွင်းမှာမှ ၂၀၀၈ မှာ အခြေခံဥပဒေတစ်ခုနဲ့ တပ်မတော် ဘက်က အကာအကွယ်ယူထား လိုက်တဲ့အခါကျတော့ ကျွန်တော်တို့ လိုချင်တဲ့ ရည်မှန်းချက်က ပိုပြီးတော့ ခက်သွားပါတယ်။ ချုပ်ပြီးပြောမယ် ဆိုရင်တော့ နှစ် ၃၀ အတွင်းမှာ ကျွန်တော်တို့ လိုချင်တဲ့ ပန်းတိုင်ကို မရောက်သေးပါဘူး” လို့ ရှမ်းတိုင်း ရင်းသားများ ဒီမိုကရေစီအဖွဲ့ချုပ်ပါတီ အထွေထွေအတွင်းရေးမှူး ဦးစိုင်းညွန့်လွင်က သုံးသပ်ပါတယ်။

ဒီလိုအခြေအနေတွေကြောင့် လည်း လက်ရှိ မြန်မာနိုင်ငံမှာ အစိုးရ နှစ်ရပ်ရှိနေတယ်ဆိုပြီး နိုင်ငံတကာနဲ့ ပြည်တွင်းနိုင်ငံရေးသမား အများစုက သုံးသပ်မှုတွေရှိနေပါတယ်။

“အဓိက ပြောချင်တာကတော့ တို့တိုင်းပြည်မှာ အစိုးရ နှစ်ရပ်ဖြစ်နေတယ်။ သွားနေတာကတော့ စပ်ကြားအစိုးရပေါ့။ အဲဒီမှာ ဒီမိုကရေစီ အသွင်ကူးပြောင်းရေးကာလကို ရှောရှောရှူရှူနဲ့ အောင်အောင်မြင် မြင် ဖြတ်သန်းဖို့ဆိုတဲ့နေရာမှာ ဒီ အစိုးရနှစ်ရပ်ကြောင့်လည်း အနှောင့် အသွားဖြစ်နေတယ်။ အစိုးရနှစ်ရပ် က ဘာကြောင့်ဖြစ်သလဲဆိုရင် ၂၀၀၈ ဖွဲ့စည်းပုံအခြေခံဥပဒေကြောင့် ဖြစ်နေတယ်။ ၂၀၀၈ ဖွဲ့စည်းပုံကို အစ်ကို့အနေနဲ့ နားလည်တာက တော့ ဒါက ဥပဒေပြဿနာမဟုတ် ဘူး။ နိုင်ငံရေးပြဿနာဖြစ်တယ်။ အဲဒီအတွက်ကြောင့် နိုင်ငံရေးပြဿ နာကို နိုင်ငံရေးနည်းလမ်းအရ တွေ့ ဆုံဆွေးနွေးအဖြေရှာဖို့ သက်ဆိုင်တဲ့ သူတွေဆီမှာ အားနည်းချက်တွေ ရှိ နေတာကို တွေ့ရတယ်။ အဲဒီအ တွက်မို့လို့ ဖွဲ့စည်းအုပ်ချုပ်ပုံကြောင့် အထွေထွေ အကျပ်အတည်းနဲ့ နိုင်ငံရေးလမ်းဆုံလမ်းခွကို ရောက်နေတယ်လို့ သုံးသပ်တယ်” လို့ နိုင်ငံရေး အကျဉ်းသားဟောင်းများအဖွဲ့ ဦးဆောင်ကော်မတီဝင် ဦးထွန်းကြည်က ဆိုပါတယ်။

ပြည်တွင်းမှာ အစိုးရနှစ်ရပ် ရှိတယ်လို့ ပြောဆိုမှုတွေ ရှိနေသလို ၂ဝ၀၁၆ အတွက် နိုင်ငံတကာကနေ ထုတ်ပြန်တဲ့ ဒီမိုကရေစီ အညွှန်းကိန်း အစီရင်ခံစာမှာ မြန်မာနိုင်ငံရဲ့ ဒီမိုကရေစီ အဆင့်အတန်းကို တပ်မတော်ကြီးစိုးတဲ့ တစ်စိတ်တစ်ပိုင်း အာဏာရှင်နိုင်ငံ (Hybrid Regime) အဖြစ် သတ်မှတ်ထားပါတယ်။ အဲဒီအစီရင်ခံစာကို ဗြိတိန်အခြေစိုက် Economist Intelligence Unit EIU အဖွဲ့က ကမ္ဘာ့နိုင်ငံပေါင်း ၁၆၇ နိုင်ငံကို သုတေသနပြုပြီး နှစ်စဉ် ထုတ်ပြန်ပေးတာ ဖြစ်ပါတယ်။

အစီရင်ခံစာမှာ မြန်မာနိုင်ငံကို နိုင်ငံတကာ အဆင့် ၁၁၃ သတ်မှတ် ထားပြီး၂၀၁၅ အစီရင်ခံစာနဲ့ စာရင် မြန်မာနိုင်ငံကို အဆင့်တစ်ဆင့် တိုး မြှင့်သတ်မှတ်ခဲ့ပါတယ်။  ဒီလိုအ ဆင့်တွေ သတ်မှတ်ဖို့ ရွေးကောက်ပွဲ လုပ်ငန်းစဉ်၊ ဗဟုဝါဒထွန်းကားမှု၊ အစိုးရယန္တရားလုပ်ငန်း လည်ပတ်မှု၊ နိုင်ငံရေးအလေ့အထ၊ ပြည်သူ့ရေး ရာလွတ်လပ်ခွင့်ဆိုတဲ့ ကဏ္ဍငါးခုမှာ အမှတ်ပေးပြီး သတ်မှတ်တာဖြစ်ပါတယ်။

Economist Intelligence Unit EIU အဖွဲ့က ထုတ်ပြန်တဲ့ ၂၀၁၇ အတွက် ဒီမိုကရေစီ အညွှန်းကိန်း အစီရင်ခံစာမှာလည်း မြန်မာနိုင်ငံရဲ့ ဒီမိုကရေစီ အဆင့်အတန်းဟာ ဆုတ်ယုတ်မှုတွေ ရှိနေတယ်လို့ ဖော်ပြထားပါတယ်။ အများဆုံး ရမှတ် ၁၀ မှတ်ထဲမှာ မြန်မာနိုင်ငံအနေနဲ့ ၂၀၁၇ အတွက် ရမှတ် လေးမှတ်အောက်သာ ရရှိတာကြောင့် ဆုတ်ယုတ်မှုတွေ ရှိတယ်ဆိုပြီး သုံးသပ်ထားတာ ဖြစ်ပါတယ်။

ရှစ်လေးလုံးငွေရတု အခမ်းအနား၌ ပြသထားသော အထိမ်းအမှတ်ပြခန်းနှင့် ရှစ်လေးလုံး အရေးတော်ပုံကာလ ပုံရိပ်အချို့ကို တွေ့ရစဉ် (ဓာတ်ပုံ-ကြည်နိုင်)

ဒါ့အပြင် အစီရင်ခံစာမှာ တပ်မတော် ကြီးစိုးတဲ့ တစ်စိတ်တစ်ပိုင်း အာဏာရှင်နိုင်ငံ (Hybrid Regine) ကနေ တပ်မတော်ကြီးစိုးတဲ့ အာဏာရှင်နိုင်ငံ (Authoritarian Regime) စာရင်းထဲ ပြောင်းရွှေ့ရောက်ရှိသွားလို့လည်း ဒီရလဒ် ထွက်ပေါ်လာတာ ဖြစ်ပါတယ်။

၁၉၆၂ ကစလို့ တပ်မတော်က နှစ်ပေါင်း ၅၀ နီးပါး အုပ်ချုပ်မှုအပြီး ဒီမိုကရေစီအသွင်ကူးပြောင်းမှုကို ၂၀၁၀ မှာ စတင်လုပ်ဆောင်ခဲ့ပါ တယ်။ ၂၀၁၀ အထွေထွေရွေး ကောက်ပွဲအပြီး သမ္မတ ဦးသိန်းစိန် ဦးဆောင်တဲ့ အချိန်မှာ မြန်မာ့ဒီမိုကရေစီ တိုးတက်မှုနှုန်းက မြန်နှုန်း မြင့်မားခဲ့ပြီး နိုင်ငံတကာက အံ့သြယူရတဲ့အထိ ချီးကျူးမှု တွေကိုလည်း ရရှိခဲ့ပါတယ်။

၂၀၁၅ အထွေထွေရွေးကောက် ပွဲပြီးချိန်မှာတော့ လူထုက ရွေးချယ်တင်မြှောက်ခွင့်ရတဲ့ အရပ်သား အစိုးရတစ်ရပ် ပေါ်ထွက်လာခဲ့ပါ တယ်။ NLD အစိုးရ အုပ်ချုပ်ရေးပိုင်းကို စတင်တာဝန်ယူချိန်မှာပဲ ပြည်သူလူထုက ပြောင်းလဲချိန်တန်ပြီဆိုတဲ့ NLD ရဲ့ မဲဆွယ်စကားအတိုင်း မြန်မာ့ဒီမိုကရေစီ အပြောင်းအလဲကို ကြီးကြီးမားမားကို မျှော်လင့်ခဲ့ကြပါတယ်။

လက်ရှိမှာ မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲရေးနဲ့ ပတ်သက်ပြီး အားရကျေနပ်လောက်တဲ့ အဆင့်ကို မရောက်သေးဘူး ဆိုပေမဲ့ ၂၀၁၀ မတိုင်မီက အခြေအနေထက်စာရင် သိသာလှတဲ့ ကွဲပြားခြားနားမှု အနေအထားကို ရောက်နေပြီလို့ သုံးသပ်မှုတွေလည်း ရှိနေပါတယ်။

“လက်ရှိအချိန်မှာ ဒီမိုကရေ စီဆိုတဲ့ စံနှုန်းတွေနဲ့ ကျွန်တော်တို့ တိုင်းကြည့်ရင် ကျွန်တော်တို့ တိုင်း ပြည်မှာ ဒီမိုကရေစီစနစ်ရှိတယ်လို့ ပြောဖို့က တော်တော်လေးဝေးနေ သေးတယ်။ ဒါပေမဲ့ နှိုင်းယှဉ်ချက်နဲ့ ပြောရင်တော့ ၈၈ နဲ့ ယှဉ်လိုက်ရင် အသင်းအပင်းဖွဲ့တာတွေ၊ စာပေ ကင်ပေတိုင်လို့ခေါ်တဲ့ စာပေစိစစ်ရေးစနစ် ဖျက်သိမ်းတာတွေ၊ အရင် ဖက်ဒရယ်ဆိုတာ ယောင်လို့တောင် ဟလို့မရဘူး။ အခုဆိုရင် မူအားဖြင့် တပ်မတော် အပါအ၀င် ဒီမိုကရက်တစ် ဖက်ဒရယ်ပြည်ထောင်စု ထူထောင်ရမယ် ဆိုတာကို လက်ခံထား ပြီးသွားပြီ။ ဒီလိုအောင်မြင်မှုတွေ တော့ရတယ်။ ဒါပေမဲ့  တကယ့်လက် တွေ့ ကျွန်တော်တို့ တိုင်းပြည်မှာ ဒီမိုကရေစီစနစ် ဘယ်လောက်ထူ ထောင်နိုင်သလဲလို့ မေးရင်တော့ အများကြီး အလှမ်းဝေးသေးတယ်” လို့ ပြည်သူ့ပါတီမှ ခေါင်းဆောင်တစ် ဦးဖြစ်သူ ဦးရဲနိုင်အောင်က ပြောပါတယ်။

မြန်မာနိုင်ငံမှာ ဒီမိုကရေစီက အတိုင်းအတာ တစ်ခုအထိ ရနေပေမယ့် ကျေနပ်လက်ခံလောက်တဲ့ အနေအထားမျိုးတော့ မရှိသေးဘူးလို့ နိုင်ငံရေးလေ့လာသူ ဦးမောင်မောင်စိုးက သုံးသပ်ပါတယ်။

“အကြွင်းမဲ့ ဒီမိုကရေစီတော့ မရသေးဘူးလို့ ပြောလို့ရပါတယ်။ ဒါပေမဲ့ လွန်ခဲ့တဲ့ နှစ် ၃၀ ထက် စာရင်တော့ ဒီနေ့ ကျွန်တော်တို့မှာ တစ်စုံတစ်ရာ ပြောရေးဆိုခွင့် အတိုင်းအတာ တော်တော်များများအထိ ပြောနိုင်ဆိုနိုင်တယ် ဝေဖန်နိုင်တယ်ဆိုတဲ့ အနေအထားမျိုးတော့ ရောက်နေတာ အမှန်ပါပဲ။ နောက်တစ်ခုက ၈၈ ကာလထက်စာရင် ကျွန်တော်တို့မှာ လွတ်လပ်တဲ့ အသင်းအပင်း ဖွဲ့စည်းခွင့်၊ နိုင်ငံရေးပါတီတွေ ဖွဲ့စည်းခွင့် ရနေတာလည်း အမှန်ပါပဲ။ နောက်တစ်ခုက လွတ်လပ်စွာ ဆန္ဒဖော်ထုတ်ခွင့်၊ ဆန္ဒပြခွင့် ဒါလည်း တစ်စုံတစ်ရာ အတိုင်းအတာအထိ ရနေတာတော့ အမှန်ပါပဲ။ ဆိုလိုတာကတော့ အနှစ် ၃၀ ခရီးမှာ ဒီမိုကရေစီ တိုက်ပွဲတွေရဲ့ ရလဒ်က ဒီနေ့မှာ အဆုံးစွန်ရပြီလားဆိုရင် မရသေးဘူးလို့ ပြောလို့ရပါတယ်။ ဒါပေမဲ့ အတိုင်းအတာ တစ်ခုအထိ ရသလားလို့ မေးရင်တော့ အတိုင်းအတာ တစ်ခုအထိ ရလာတာတော့ အမှန်ပါပဲ။ ဒါပေမဲ့ ဒါက ကျေနပ်လောက်ဖွယ်၊ လက်ခံလောက်ဖွယ် အနေအထားမရှိဘူး။ ဆက်လက်ပြီးတော့ ကျွန်တော်တို့ ရုန်းကန်ကြိုးစားရဦးမယ်လို့ ပြောရမယ် ထင်ပါတယ်” လို့  ဦးမောင်မောင်စိုးက ဆိုပါတယ်။

ရှစ်လေးလုံး ဒီမိုကရေစီ အရေးတော်ပုံ (၂၉) နှစ်မြောက် အခမ်းအနား ၂၀၁၇ ခုနစ် သြဂုတ် ၈ ရက်နံနက်ပိုင်းက ပြုလုပ်စဉ် (ဓာတ်ပုံ-ကြည်နိုင်)

ဒါ့အပြင် တိုင်းရင်းသားတန်းတူ အခွင့်အရေး၊ ဖက်ဒရယ်ဒီမိုကရေစီ ပြည်ထောင်စု တည်ထောင်ရေးစတဲ့ ကိစ္စရပ်တွေမှာလည်း လက်ရှိအစိုးရ၊ တပ်မတော်နဲ့ တိုင်းရင်းသားတွေကြားမှာ လိပ်ခဲတည်းလည်း ဖြစ်နေတဲ့ အခြေအနေမျိုးပဲ ရှိနေပါသေးတယ်။

NLD အစိုးရအနေနဲ့ လက်ရှိအခြေအနေမှာ အကျပ်အတည်းများစွာကို တွေ့နေရပြီး ဒီအကျပ်အတည်းတွေကို ကျော်လွှားလိုပါက အစိုးရ၊ တပ်မတော်၊ တိုင်းရင်းသား ခေါင်းဆောင်တွေကြားမှာ နားလည်မှုရှိရှိနဲ့ ပူးပေါင်းဆောင်ရွက်ဖို့ လိုတယ်လို့ နိုင်ငံရေးလေ့လာသူ ဒေါက်တာရန်မျိုးသိမ်းက မှတ်ချက်ပြုပါတယ်။

“လက်ရှိအခြေအနေမှာ ၂၀၀၈ ဖွဲ့စည်းပုံ အခြေခံဥပဒေ အကျပ်အတည်း ရှိနေတယ်။ နောက်ပြီးတော့ ပြည်တွင်းငြိမ်းချမ်းရေး အကျပ်အတည်း ရှိနေတယ်။ တရားဥပဒေစိုးမိုးရေး အကျပ်အတည်း ရှိနေတယ်။ နောက် အဂတိလိုက်စားမှု အကျပ်အတည်း ရှိနေတယ်။ နောက်ပြီး မူး ယစ်ဆေးဝါး ပြဿနာ အကျပ်အတည်း ရှိနေတယ်။ ဒီအကျပ်အတည်း ကြီးတွေထဲမှာ မြန်မာနိုင်ငံဟာ ကျဉ်းထဲကျပ်ထဲမှာ ပိတ်မိနေတဲ့ အနေအထားမျိုး ရှိနေတယ်လို့ မြင်တယ်။ ဒီအကျပ်အတည်းတွေကို ကျော်လွှားနိုင်ဖို့ဆိုရင် မြန်မာနိုင်ငံမှာရှိတဲ့ နိုင်ငံရေး ခေါင်းဆောင်တွေ၊ တိုင်းရင်းသားခေါင်းဆောင်တွေ၊ တပ်မတော် ခေါင်းဆောင်တွေ နောက်တိုင်းရင်းသား လက်နက်ကိုင် အဖွဲ့အစည်း ခေါင်းဆောင်တွေ နောက်အရပ်ဘက် အဖွဲ့အစည်း ခေါင်းဆောင်တွေ အားလုံး ယုံကြည်မှု၊ နားလည်မှုရှိရှိနဲ့ ကျောချင်းကပ်ပြီးတော့ ထိထိရောက်ရောက် ပူးပေါင်းညှိနှိုင်း ဆောင်ရွက်နိုင်ဖို့ အရေးတကြီး လိုအပ်နေတယ်လို့မြင်တယ်” လို့ ဒေါက်တာရန်မျိုးသိမ်းက ဆိုပါတယ်။

မြန်မာ့ဒီမိုကရေစီ အရေးမှာ အဓိကပိတ်ဆို့နေတဲ့ အရာနဲ့ ပတ်သက်လို့ နိုင်ငံရေးသမားတွေ၊ တိုင်းရင်းသားတွေ၊ အရပ်ဘက် အဖွဲ့အစည်းတွေနဲ့ ပြည်သူတွေ အများဆုံး လက်ခံထားတာကတော့ ၂၀၀၈  ဖွဲ့စည်းပုံ ပြင်ဆင်ရေးပဲ ဖြစ်ပါတယ်။ NLD ပါတီရဲ့ ရွေးကောက်ပွဲ ကြေညာစာတမ်းမှာ ဖွဲ့စည်းပုံအခြေခံဥပဒေ ပြင်ဆင်ဖို့အတွက် ဖော်ပြထားပေမယ့် လက်ရှိအာဏာရချိန် သက်တမ်း  နှစ်နှစ်ကျော် သုံးနှစ်အတွင်းမှာ ဖွဲ့စည်းပုံပြင်ဆင်ရေးနဲ့ ပတ်သက်လို့ အသံတိတ်နေတဲ့ အပေါ်မှာ အားလုံးက အားမလိုအားမရ ဖြစ်နေကြပါတယ်။

ရှစ်လေးလုံး ငွေရတုအခမ်းအနား၌ ပြသထားသော အထိမ်းအမှတ်ပြခန်းသို့ လာရောက်ကြည့်ရှုသူများကို တွေ့ရစဉ် (ဓာတ်ပုံ-ကြည်နိုင်)

NLD အစိုးရအနေနဲ့ ဖွဲ့စည်းပုံ ပြင်ဆင်ရေးကို ဆောင်ရွက်နိုင်ခြင်း မရှိပါက မြန်မာနိုင်ငံဟာ ဒီမိုကရေစီ တိုင်းပြည်နဲ့ ဒီမိုကရေစီ လူ့အဖွဲ့အစည်း ဖြစ်စရာအကြောင်း မရှိဘူးလို့ လူ့ဘောင်သစ် ဒီမိုကရက်တစ်ပါတီ ဥက္ကဋ္ဌ ဦးအောင်မိုးဇော်က သုံးသပ်ပါတယ်။

“ရွေးကောက်ပွဲ ကမ်ပိန်းတုန်းက ပြည်သူကို သူတို့ ကတိပေးထားတာရှိတယ်။ ဖွဲ့စည်းပုံအခြေခံဥပဒေ ပြင်ဆင်တဲ့ကိစ္စနဲ့ ပတ်သက်လို့။ ဖွဲ့စည်းပုံအခြေခံဥပဒေ ပြင်ဆင်ရေးကို မလုပ်နိုင်ဘူး။ မပြောနိုင်ဘူး ဆိုလို့ရှိရင်  ကျွန်တော်တို့ တိုင်းပြည်က ဒီမိုကရေစီတိုင်းပြည်၊ ဒီမိုကရေစီ လူ့အဖွဲ့အစည်း ဖြစ်စရာအကြောင်း ဘာမှမရှိဘူး။ ၂၀၀၈ ဖွဲ့စည်းပုံပြင်ဖို့ အတွက် ပြည်သူတစ်ရပ်လုံးက ထောက်ခံခဲ့တယ်လို့ ကျွန်တော် ထင် တယ်။ သို့သော်လည်းပဲ ဒီနေ့အခြေအနေကျတော့ ဒီကိစ္စကို ပြောသံဆိုသံ ကျွန်တော်တို့ မကြားရဘူး။ ရွေးကောက်ပွဲ မတိုင်ခင်တုန်းကတော့ ကတိပေးတယ်။ ဒါပေမဲ့ လွှတ်တော်ထဲရောက်တာ၊ အစိုးရဖြစ်တာ နှစ်နှစ်ကျော် သုံးနှစ် ကြာတဲ့အခါမှာတော့ ဒီကိစ္စကို ပြောသံမကြားရဘူး” လို့ ဦးအောင်မိုးဇော်က ဆိုပါတယ်။

NLD အစိုးရ အနေနဲ့ ဖွဲ့စည်းပုံပြင်ဆင်ရေးကို လွှတ်တော်တွင်းက မသွားဘဲ လွှတ်တော်ပြင်ပ ငြိမ်းချမ်းရေး လမ်းကြောင်းကနေ သွားဖို့အတွက် ကြိုးစားနေပေမဲ့လည်း အားရစရာ မရှိသေးဘူးလို့ နိုင်ငံရေး လေ့လာသူတွေက ဆိုပါတယ်။

“လက်တွေ့မှာလည်း NLD အနေနဲ့ အခြေခံဥပဒေ ပြင်ဆင်ရေးကို လွှတ်တော်ထဲမှာ လုပ်ဖို့ အခွင့်အလမ်း မရှိပါဘူး။ အဲဒီအချိန်မှာ ၂၁ ပင်လုံညီလာခံမှာ လုပ်ဖို့ဆိုတဲ့ဟာကို နိုင်ငံရေးပါတီပေါင်းစုံလည်း ပါတယ်။ တပ်ကလည်းပါတယ်။ အစိုးရကလည်းပါတယ်။ အဲဒီမှာ ညှိနှိုင်းတဲ့ အချက်အလက်ကနေပြီးတော့ အခြေခံဥပဒေ ပြင်ဆင်ရေးကို သွားမယ်လို့ ပြောတယ်။ ဒါပေမဲ့ အဲဒီမှာလည်းပဲ NLD ရဲ့ အခြေခံဥပဒေ ပြင်ဆင်ရေးနဲ့ ပတ်သက်ပြီး ကြိုးပမ်းအားထုတ်မှုက အားရစရာအခြေအနေ မရှိတာတော့ အမှန်ပါပဲ။ ကျွန်တော်တို့ အနေနဲ့ကတော့ ဒါကို ပီပီပြင်ပြင်ဆက်ပြီး ဆောင်ရွက်စေချင်တယ်။ ဘာလို့ဆိုတော့ ဒါက လူထုအများစုရဲ့ ဆန္ဒဖြစ်တာကို။ NLD ကိုမဲပေးလိုက်တယ်ဆိုတာ အပြောင်းအလဲတစ်ခု အတွက်လည်း ဖြစ်တယ်။  ၂၀၀၈ ဖွဲ့စည်းပုံ ပြင်ဆင်ရေးအတွက်လည်း ဖြစ်တာကြောင့် NLD အနေနဲ့ ဒီကိစ္စကို အလေးဂရုပြုထားသင့်တယ်လို့ ထင်ပါတယ်” လို့ နိုင်ငံရေး လေ့လာသူ ဦးမောင်မောင်စိုးက ဆိုပါတယ်။

ဘာပဲဖြစ်ဖြစ် လက်ရှိ NLD အစိုးရအနေနဲ့ လွှတ်တော်၊ အစိုးရပိုင်းမှာ သမ္မတကစလို့ နိုင်ငံတော်၏ အတိုင်ပင်ခံပုဂ္ဂိုလ်အလယ် လွှတ်တော်ကိုယ်စားလှယ်တွေအဆုံး အများစုက ရှစ်လေးလုံး ဒီမိုကရေစီ အရေးတော်ပုံကနေ ပေါ်ထွက်လာသူတွေမို့ ဒီမိုကရေစီစနစ် ရှင်သန်အောင် လုပ်ဆောင်ရမယ့် တာဝန်ရှိတယ်ဆိုတာ အားလုံးက တညီတညွတ်တည်း သဘောတူပြီးသား ဖြစ်ပါတယ်။

ဒါ့ပြင် NLD အစိုးရသက်တမ်း အတွင်းမှာ ဒီမိုကရေစီအတွက် အကြီးမားဆုံး အဟန့်အတား ဖြစ်နေတဲ့ ၂၀၀၈ ဖွဲ့စည်းပုံပြင်ဆင်ရေးကို ဘယ်လောက် အတိုင်းအတာအထိ ပြင်ဆင်နိုင်မလဲ ဆိုတာက တင်းပြည့်ကျပ်ပြည့် ဒီမိုကရေစီ ရရှိရေးအတွက် အဓိကအဖြေလည်း ဖြစ်နေပါတယ်။

ဒါကြောင့် NLD အစိုးရ သက်တမ်းအတွင်းမှာ ဖွဲ့စည်းပုံပြင်ဆင်ရေးနဲ့ ပတ်သက်လို့ ဆောင်ရွက်နိုင်ခြင်း မရှိခဲ့ဘူးဆိုရင် အမျိုးသား ပြန်လည်သင့်မြတ်ရေး၊ ပြည်တွင်းငြိမ်းချမ်းရေး၊ တရားဥပဒေစိုးမိုးရေး၊ စစ်မှန်တဲ့ ဖက်ဒရယ်ဒီမိုကရေစီ ပြည်ထောင်စု ပေါ်ပေါက်ရေးအတွက် နှောင့်နှေးကြန့်ကြာမှုတွေ ရှိနေမယ့် အပြင် အောင်မြင်ပြီးမြောက်တဲ့ ဒီမိုကရေစီ ဖြစ်ဖို့ကလည်း ရွှေပြည်တော် မျှော်တိုင်းဝေးနေဦးမှာ ဖြစ်ပါတယ်။

“ကျွန်တော် မြင်တာကတော့ ၂၀၀၈ အခြေခံ ဥပဒေကြီးက အဓိက အကာအကွယ် ဖြစ်နေတယ်။ အခက်အခဲ အတားအဆီး ဖြစ်နေတယ်။  ဒါကို မပြင်နိုင်သရွေ့ကတော့ ကျွန်တော်တို့ လိုချင်တဲ့ ဖက်ဒရယ် ဒီမိုကရေစီ ပြည်ထောင်စုစနစ်ကတော့ ရရှိနိုင်မယ်လို့ မထင်ဘူး” လို့  ရှမ်းတိုင်းရင်းသားများ ဒီမိုကရေစီ အဖွဲ့ချုပ်ပါတီ အထွေထွေ အတွင်းရေးမှူး ဦးစိုင်းညွန့်လွင်က သုံးသပ်ပါတယ်။

 

ပြည်သူကို မျက်နှာမူ၍ ရှစ်လေးလုံးမှာ ဆွေးနွေးကြ

၈၈၈၈ ဒီမိုကရေစီ အရေးတော်ပုံ (၂၉) နှစ်မြောက် အခမ်းအနားကို ၂၀၁၇ ခုနှစ် သြဂုတ် ၈ ရက် နံနက် ၈ နာရီ ၊ ၈ စက္ကန့်တွင် ရန်ကုန်မြို့ မဟာဗန္ဓုလပန်းခြံရှေ့၌ ပြုလုပ်ခဲ့စဉ်။(ဓာတ်ပုံ – ကြည်နိုင်)

ရှစ်လေးလုံး ဒီမိုကရေစီ အရေးတော်ပုံသမိုင်းသည် ပြည်သူ့သမိုင်း၊ ပြည်သူ့လှိုင်းပင် ဖြစ်သည်။ ဒီမိုကရေစီ ခရီးရှည်က အခုမှ အစနိဒါန်းသာ ရှိနေသေးသည်။ ခရီးက မှန်းထားသည်ထက် ရှည်ကောင်းရှည်နိုင်ပြီး မှန်းဆထားသည်ထက် ကြမ်းကောင်း ကြမ်းဦးမည် ဖြစ်သည်။ အစိုးရ၊ လွှတ်တော်၊ နိုင်ငံရေးပါတီ စသည့် ဒီမိုကရေစီ အင်စတီကျူးရှင်းများ အားကောင်းမောင်းသန်မှသာ ပိုခရီးတွင်၊ ပိုခရီးပေါက်မည်မှာ ဧကန်မုချ ဖြစ်သည်။ ရှစ်လေးလုံး အရေးတော်ပုံ နှစ် ၃၀ ပြည့်တွင် ပြည်သူကို မျက်နှာမူလျက် ကျောသားရင်သား မခွဲမခြား ဆွေးနွေး အမြင်ဖလှယ်နိုင်မည်ဆိုလျှင် ခရီးပိုတွင်ဖို့ ကျားကန်ပေးနိုင်ဖွယ် ရှိသည်။

၂၀၁၈ ခုနှစ် သြဂုတ် ၈ ရက်တွင် ရှစ်လေးလုံး လူထုဒီမိုကရေစီ အရေးတော်ပုံကြီးသည် နှစ် (၃၀) ပြည့်ပြီ ဖြစ်သည်။ ရှစ်လေးလုံး လူထုဒီမိုကရေစီ အရေးတော်ပုံကြီးသည် မြန်မာနိုင်ငံ၏ ဒီမိုကရေစီ ပြုပြင်ပြောင်းလဲရေးနှင့် ဖက်ဒရယ် ပြည်ထောင်စု တည်ဆောက်ရေးတွင် ဗျူဟာမြောက် အရေးပါသော သမိုင်းမှတ်တိုင်ကြီး ဖြစ်သည်။ ရှစ်လေးလုံး လူထု ဒီမိုကရေစီ အရေးတော်ပုံကြီး မတိုင်မီ ၁၉၈၈ ခုနှစ် မတ်လနှင့် ဇွန်လ ကျောင်းသားလှုပ်ရှားမှုများ၊ ၁၉၆၂ ခုနှစ် ဆဲဗင်းဇူလိုင် အရေးတော်ပုံကြီးမှ အစပြုခဲ့သည့် ၁၉၆၉ ခုနှစ်၊ ၁၉၇၄ ခုနှစ်၊ ၁၉၇၅ ခုနှစ် ကျောင်းသားလှုပ်ရှားမှုများနှင့် ၁၉၈၀ ပြည့်နှစ်အလွန် တက္ကသိုလ် ပရ၀ဏ်များအတွင်းက တစ်ကျောင်း တစ်ဂါထာ တစ်ရွာတစ်ပုဒ်ဆန်း ဖြစ်ပေါ်ခဲ့သော တစ်ပါတီ အာဏာရှင်စနစ် ဆန့်ကျင်ရေး လှုပ်ရှားမှုများသည် ၁၉၈၈ ခုနှစ် အပြောင်းအလဲကို အင်နှင့်အားနှင့် ပြိုင်တူတွန်းခဲ့သည်မှာ အထင်အရှားပင် ဖြစ်သည်။

ရှစ်လေးလုံး လူထု ဒီမိုကရေစီ အရေးတော်ပုံကြီး နှစ် (၃၀) ပြည့် အခမ်းအနားကို နိုင်ငံရေး အနှစ်သာရရှိရှိ ကျင်းပနိုင်ရန် စိုင်းပြင်းလျက်ရှိပြီး လတ်တလော မြန်မာ့နိုင်ငံရေး အကျပ်အတည်းများနှင့် ဆက်စပ်၍ အားသာချက်များ၊ အားနည်းချက်များ၊ အကြံပြုချက်များကို စုစည်းလျက် စာတမ်းတစ်ရပ် ထုတ်ပြန်နိုင်ရေးကိုလည်း ဦးတည်ပြင်ဆင်လျက် ရှိသည်။ သို့ဖြစ်၍ ရှစ်လေးလုံး လူထု ဒီမိုကရေစီ အရေးတော်ပုံကြီး နှစ် (၃၀) ပြည့် အထိမ်းအမှတ် နိုင်ငံရေးဆွေးနွေးပွဲများ ကျင်းပမည် ဖြစ်ကြောင်း တရားဝင် ထုတ်ပြန်ထားသည်ကို သတိပြုမိသည်။ နိုင်ငံရေး ဆွေးနွေးပွဲများကို သြဂုတ် ၆ ရက်နှင့် သြဂုတ် ၇ ရက် နံနက်ပိုင်းတို့တွင် ကျင်းပမည်ဖြစ်ပြီး ဆွေးနွေးချက်များ၊ တွေ့ရှိချက်များကို စုစည်းပြီး သြဂုတ် ၈ ရက်တွင် အနှစ်ချုပ်လျက် တရားဝင် ထုတ်ပြန်နိုင်ဖွယ် ရှိနေသည်။

နိုင်ငံရေး ဆွေးနွေးပွဲ၏ အဓိက ခေါင်းစဉ်များကလည်း စိတ်ဝင်စားဖွယ်ရာ ဖြစ်သည်။ ဒီမိုကရေစီရေး နှစ် ၃၀ ခရီး၊ တိုင်းရင်းသားများ တန်းတူညီမျှရေးနှင့် ဖက်ဒရယ် ပြည်ထောင်စု၊ မြန်မာ့နိုင်ငံရေးနှင့် စစ်အာဏာရှင်စနစ် ဆိုသည့် အဓိက ခေါင်းစဉ်များကို ဆွေးနွေး၊ အမြင်ဖလှယ်ကြမည် ဖြစ်သည်။ အဆိုပါ အဓိက ခေါင်းစဉ်များကို ထိထိမိမိ၊ ကျယ်ကျယ်ပြန့်ပြန့် ဆွေးနွေး၊ အမြင်သဘောထား ဖလှယ်နိုင်ရေးကို အချိန်တိုအတွင်း လက်စသတ်နိုင်ပါ့မလား ဟုလည်း စိုးရိမ်မိသည်။ ဆွေးနွေးပွဲ ပြုလုပ်မည့် ပုံစံဒီဇိုင်းနှင့် အစီအစဉ်ကလည်း အက္ခရာကျမည် ဖြစ်သည်။ ခေါင်းစဉ်များသည် ကျယ်ဝန်းလွန်းသည့်အလျောက် အဓိက ဦးစားပေး ဆွေးနွေးမည့် အချက်များကို မျက်ခြည်မပြတ်ရန် အရေးကြီးမည် ဖြစ်သည်။

ဒီမိုကရေစီရေး နှစ် ၃၀ ခရီးဟု ဆိုလျှင် ၁၉၈၈ ခုနှစ် ရှစ်လေးလုံး လူထု ဒီမိုကရေစီ အရေးတော်ပုံကြီးအလွန် စစ်အာဏာသိမ်းမှု၊ ၁၉၉၀ ပြည့်နှစ် ပါတီစုံ ဒီမိုကရေစီ အထွေထွေ ရွေးကောက်ပွဲ၊ ၁၉၉၂ ခုနှစ်မှ ၂၀၀၇ ခုနှစ် အထိ ကျင်းပခဲ့သော အမျိုးသားညီလာခံ၊ ၂၀၀၈ ခုနှစ် ပြည်လုံးကျွတ် ဆန္ဒခံယူပွဲ၊ ၂၀၁၀ ပြည့်နှစ် ပါတီစုံ ဒီမိုကရေစီ အထွေထွေရွေးကောက်ပွဲ၊ နိုင်ငံရေး တွေ့ဆုံဆွေးနွေးမှုများ၊ တိုင်းရင်းသား လက်နက်ကိုင် အဖွဲ့အစည်းများ နှင့် အပစ်အခတ် ရပ်စဲရေး၊ ၂၀၁၀ ပြည့်နှစ် အထွေထွေ ရွေးကောက်ပွဲအလွန် အုပ်ချုပ်ရေး၊ ဥပဒေပြုရေးနှင့် တရားစီရင်ရေးဆိုင်ရာ အခင်းအကျင်းများ၊ ၂၀၁၅ ခုနှစ် ပါတီစုံ ဒီမိုကရေစီ အထွေထွေရွေးကောက်ပွဲ၊ အမျိုးသား ဒီမိုကရေစီအဖွဲ့ချုပ် အစိုးရများ၊ လွှတ်တော်များ၏ ဒီမိုကရေစီ ပြုပြင်ပြောင်းလဲရေးဆိုင်ရာ ဆောင်ရွက်ချက်များ၊ ပြည်ထောင်စု ငြိမ်းချမ်းရေး ညီလာခံ (၂၁ ရာစုပင်လုံ) အထိ လွှမ်းခြုံ၊ အကျုံးဝင်နေသည်ကို မျက်ခြည် မပြတ်သင့်ပေ။

ပြန်လည် သုံးသပ်၊ ဆန်းစစ်ခြင်းသည် သော့ချက်ကျသည့် နည်းတူ ဒီမိုကရေစီ ပြုပြင်ပြောင်းလဲရေး၊ ဒီမိုကရေစီ အုတ်မြစ် ခိုင်မာ အားကောင်းရေးနှင့် ပြည်သူလူထုအတွင်း ဒီမိုကရေစီ အသိအမြင်များ ဖြန့်ကြက်လာနိုင်ရေးတို့အတွက် ခေါင်းချင်းရိုက်၊ အမြင်ဖလှယ်၊ ဆွေးနွေး၊ ဆန်းစစ်နိုင်ရန် အရေးကြီးမည် ဖြစ်သည်။ လွန်ခဲ့သော နှစ် ၃၀ ခရီးနှင့် လက်ငင်းနိုင်ငံရေး အခင်းအကျင်းအပေါ် ကျောသားရင်သား မခွဲမခြား အရှိကို အရှိအတိုင်း မှန်မှန်ကန်ကန် ဆန်းစစ် သုံးသပ်နိုင်မှသာ လာမည့် ဒီမိုကရေစီရှေ့ခရီးနှင့် ပတ်သက်သည့် အကြံပြုချက်များ၊ သုံးသပ်ချက်များ၊ ဆွေးနွေးချက်များသည် အသက်ဝင်၊ လက်တွေ့ကျမည် ဖြစ်သည်။

တိုင်းရင်းသားများ တန်းတူညီမျှရေးနှင့် ဖက်ဒရယ် ပြည်ထောင်စုဆိုသည့် ခေါင်းစဉ်ကလည်း လက်ငင်း မြန်မာ့နိုင်ငံရေး အကျပ်အတည်းတွင် သော့ချက် စိန်ခေါ်မှုကြီး တစ်ရပ်ပင် ဖြစ်သည်။ တိုင်းရင်းသားများ တန်းတူညီမျှရေး၊ ကိုယ်ပိုင်အုပ်ချုပ်ခွင့်၊ ကိုယ်ပိုင်ပြဋ္ဌာန်းခွင့်နှင့် ကိုယ့်ကြမ္မာ ကိုယ်ဖန်တီးပိုင်ခွင့်တို့ သည် ယနေ့တိုင် အလှမ်းဝေးနေဆဲ ဖြစ်သည်။ အဆိုပါ ခေါင်းစဉ်သည် ပြည်ထောင်စုသမ္မတ မြန်မာနိုင်ငံတော်၊ ဖွဲ့စည်းပုံ အခြေခံဥပဒေ (၂၀၀၈ ခုနှစ်) အကျပ်အတည်းနှင့်လည်း သိသာမြင်သာ ဆက်စပ် ပတ်သက်နေသည်။ ဖွဲ့စည်းပုံ အခြေခံဥပဒေ အကျပ်အတည်းကို ချဉ်းကပ် အဖြေရှာနိုင်မည့် သဘောတူညီချက်များ ရုပ်လုံး မပေါ်နိုင်သရွေ့ ဖက်ဒရယ် ပြည်ထောင်စု တည်ဆောက်ရေးသည်လည်း လေထဲတွင် ဆောက်သည့် တိုက်အိမ်ဖြစ်နေလိမ့်ဦးမည်ဟု သုံးသပ်သံများ ကြားနေရသည်။ ပြည်တွင်းငြိမ်းချမ်းရေး ပြဿနာနှင့်လည်း ဗျူဟာမြောက် ဆက်စပ်နေသည့် ခေါင်းစဉ်ကြီးဟုလည်း ဆိုနိုင်မည် ဖြစ်သည်။

ပြည်ထောင်စု ငြိမ်းချမ်းရေးညီလာခံ (၂၁ ရာစုပင်လုံ) နှင့် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (အင်စီအေ) တို့သည် ဖွဲ့စည်းပုံ အခြေခံဥပဒေ အကျပ်အတည်း၊ ပြည်တွင်း ငြိမ်းချမ်းရေး စိန်ခေါ်ချက်နှင့် ဖက်ဒရယ် ပြည်ထောင်စု တည်ဆောက်ရေးအတွက် ဗျူဟာမြောက် ထွက်ပေါက် ဖြစ်နိုင်၊ မဖြစ်နိုင်နှင့် စပ်လျဉ်း၍ ဘက်ပေါင်းစုံမှ ချဉ်းကပ်၊ ဆန်းစစ်၊ သုံးသပ်နိုင်ရန် လိုအပ်မည် ဖြစ်သည်။ ပိုမိုကောင်းမွန်၊ ပိုမိုလျော်ကန် သင့်မြတ်သည့် နည်းနာ၊ ဗျူဟာ၊ ချဉ်းကပ်မှုများကို ၀ိုင်းဝန်းဆွေးနွေး၊ ဆန်းစစ်၊ အဖြေထုတ်နိုင်ရန်လည်း အရေးကြီးမည် ဖြစ်သည်။ ဒီမိုကရေစီရေး၊ ငြိမ်းချမ်းရေးနှင့် ဖက်ဒရယ် ပြည်ထောင်စုအရေး ဦးတည်သည့် အဆုံးအဖြတ်ပေးနိုင်မည့် ခေါင်းဆောင်များအကြား ထိပ်သီးနိုင်ငံရေး ဆွေးနွေးပွဲများ ကျင်းပနိုင်ရန် အလွန်အမင်း လိုအပ်လျက်ရှိကြောင်း မဖြစ်မနေ ထုတ်ဖော်၊ တိုက်တွန်းသင့်သည်ဟု သုံးသပ်မိသည်။

မြန်မာ့နိုင်ငံရေးနှင့် စစ်အာဏာရှင်စနစ် ဆိုသည့် ခေါင်းစဉ်ကလည်း သားစဉ်မြေးဆက် ရေရှည် သတိကြီးကြီးထားရမည့် စိန်ခေါ်ချက်ကြီးပင် ဖြစ်သည်။ စစ်အာဏာရှင်စနစ်သည် လွတ်လပ်ပြီးခေတ် မြန်မာ့နိုင်ငံရေးတွင် မည်သို့မည်ပုံ ခြေကုပ်ယူလာသည်ကို ကျယ်ကျယ် ပြန့်ပြန့် ဆန်းစစ် လေ့လာနိုင်လေလေ ရှေ့လုပ်ငန်းစဉ်များ၊ အစီအစဉ်များကို ဦးနှောက်စားရာတွင် ပိုမိုထိရောက် အလုပ်ဖြစ်လေ ဖြစ်သည်။ တပ်မတော်နှင့် မြန်မာ့နိုင်ငံရေးကို ပညာရှင်ဆန်ဆန် ချဉ်းကပ်လေ့လာ သုံးသပ်နိုင်မည် ဆိုလျှင် ရှေ့ခရီး၏ စိန်ခေါ်ချက်များ၊ ပြဿနာများကို ချဉ်းကပ် အဖြေရှာရာတွင် အတိုင်းအတာ တစ်ခုအထိ အကျိုးပြုနိုင်လိမ့်မည်ဟု ဆင်ခြင်မိသည်။ အရပ်ဘက်- စစ်ဘက် ဆက်ဆံရေးကိုလည်း တစ်ပါတည်း မျက်ခြည်မပြတ်ဖို့ သော့ချက်ကျကြောင်း တိုက်တွန်း ဆော်သြလိုပါသည်။

ဒီမိုကရေစီ အခြေခံအုတ်မြစ်သည် ခိုင်မာအားကောင်းမှသာ စစ်အာဏာရှင်စနစ် အပါအ၀င် အာဏာရှင်စနစ်များ၊ အာဏာရှင် ဆန်ဆန် နိုင်ငံရေးပုံစံများကို တားဆီးနိုင်မည် ဖြစ်သည်။ ဒီမိုကရေစီ အင်စတီကျူးရှင်းများ ဖြစ်သည့် နိုင်ငံရေးပါတီများ၊ သတင်းမီဒီယာများ၊ အရပ်ဘက် လူမှုအဖွဲ့အစည်းများနှင့် လူမှုကွန်ရက် စာမျက်နှာများ အားကောင်းမောင်းသန်မှသာ ဒီမိုကရေစီစနစ် ခိုင်မာပြီး အာဏာရှင်စနစ်ဆီ ဦးတည်မည့် ခြေလှမ်းများကို တားဆီး ကာကွယ်နိုင်မည် ဖြစ်သည်။ အင်စတီကျူးရှင်းထက် လူပုဂ္ဂိုလ်အပေါ် အခြေပြုလွန်း၊ ပုဂ္ဂိုလ်ရေး ကိုးကွယ်မှုများ လွန်းမည်ဆိုလျှင် ဒီမိုကရေစီ ပြုပြင်ပြောင်းလဲရေးသည် အပြောသက်သက်၊ ရုပ်ပြသက်သက်၊ စာခြောက်ရုပ် သက်သက် ဖြစ်လိမ့်မည်ကို အလေးအနက် စဉ်းစားသင့်သည်။

အချုပ်အားဖြင့် ဆိုရသော် နှစ် (၃၀) ပြည့် ရှစ်လေးလုံး လူထုဒီမိုကရေစီ အရေးတော်ပုံကြီးကာလ ပြောစရာများ၊ ဆွေးနွေးစရာများ၊ အမြင်ဖလှယ်စရာများက တနင့်တပိုးကြီး ကျန်နေဆဲ ဖြစ်သည်။ ဒီမိုကရေစီ ခရီးရှည်တစ်လျှောက် ဆန်ရင်းနာနာဖွပ်ထုံး နှလုံးမူလျက် ဆွေးနွေးကြ၊ အမြင်ဖလှယ်ကြ၊ အကြံပေးကြရဦးမည် ဖြစ်သည်။ အစိုးရများ၊ လွှတ်တော်များနှင့် အာဏာရပါတီတို့နှင့် ပတ်သက်၍ ပိုမိုထိန်းကျောင်း၊ ပိုမိုအကြံပြု တိုက်တွန်းနိုင်မည်ဆိုပါက ပြည်သူ့အသံ၊ ပြည်သူ့ဆန္ဒနှင့် ပြည်သူကို မျက်နှာမူရာ ရောက်မည် ဖြစ်ပါကြောင်းနှင့် ပြောသင့်ပြောထိုက်၊ အကြံပြု တိုက်တွန်းသင့်၊ တိုက်တွန်းထိုက်သည်များကို မျက်ကွယ်ပြုလျက် နှုတ်ဆိတ်နေမည်၊ တုဏှိဘာဝေနေနေမည်ဆိုလျှင် ရေနစ်သူ ၀ါးကူထိုးရာ ရောက်နိုင်သည်ကို ပညာရှိထုံး နှလုံးမူလျက် ဆင်ခြင်သင့်ပါကြောင်း သုံးသပ် တင်ပြလိုက်ရပါသည်။

ပြည်ထောင်စု ရွေးကောက်ပွဲကော်မရှင်တွင် ‘ရှစ်လေးလုံးပါတီ’ အမည်ဖြင့်မှတ်ပုံတင်ထားခြင်းကို ‘ရှစ်လေးလုံးပြည်သူ့ပါတီ’ အမည်ဖြင့် ပြောင်းလဲမှတ်ပုံတင်မည်

ပြည်ထောင်စုရွေးကောက်ပွဲကော်မရှင်ထံ ရှစ်လေးလုံးပါတီအမည်ဖြင့် မှတ်ပုံတင်ထားခြင်းကို ရှစ်လေးလုံးပြည်သူ့ပါတီအမည်ဖြင့် နာမည်ပြောင်းလဲမှတ်ပုံတင်မည်ဖြစ်ကြောင်း သိရသည်။

နိုင်ငံရေးပါတီ ဖြစ်မြောက်ရေးကော်မတီ၏  အရေးပေါ်စုံညီအစည်းအဝေးကို ဧပြီ ၁ ရက်က ရန်ကုန်မြို့ မြကျွန်းသာဥယျာဉ်ရှိ ခိုင်လီစားသောက်ဆိုင်တွင် ပြုလုပ်ခဲ့ပြီး အဆိုပါအစည်းအဝေးမှ ပါတီအမည်ကို ပြောင်းလဲမှတ်ပုံတင်ရန် သဘောတူဆုံးဖြတ်ခဲ့ကြခြင်းဖြစ်ကြောင်း သိရသည်။

အဆိုပါအစည်းအဝေးသို့ တိုင်းဒေသကြီးနှင့် ပြည်နယ်အချို့မှ ကိုယ်စားလှယ်များ၊ ဗဟိုဦးဆောင်ကော်မတီအဖွဲ့ဝင်များ၊ ဗဟိုကော်မတီအဖွဲ့ဝင်များနှင့် ပါတီတည်ထောင်လိုသူများ တက်ရောက်ခဲ့ကြရာ အစည်းအဝေးအပြီး သတင်းစာရှင်းလင်းပွဲတွင် ပါတီ၏ အမည်ကို ‘ရှစ်လေးလုံးပါတီ’ မှ  ‘ရှစ်လေးလုံး ပြည်သူ့ပါတီ’ အမည်အဖြစ် ပြောင်းလဲမှတ်ပုံတင်မည်ဖြစ်ကြောင်း နိုင်ငံရေးပါတီ ဖြစ်မြောက်ရေးကော်မတီ ဦးဆောင်အဖွဲ့တာဝန်ခံ ဦးကိုကိုကြီးက ပြောကြားသည်။

ဦးကိုကိုကြီးက “ကျွန်တော်တို့ နာမည်နဲ့ ပတ်သက်ပြီးတော့ ဆုံးဖြတ်တုန်းကလည်း အားလုံးစုံညီဆုံးဖြတ်ခဲ့ခြင်း ဖြစ်တယ်။ ဒါကြောင့်မို့လို့ လက်ရှိ ကော်မရှင်နဲ့ဆွေးနွေးချက်တွေကို ကျွန်တော်တို့ရဲဘော်တွေကို ချပြဆွေးနွေးပြီးတော့ အကြောင်းပြန်ပါ့မယ်။  ၆ ရက်နေ့မှာ ကျွန်တော်တို့ ပြန်ပြီးအကြောင်း ပြန်မယ်လို့ ကတိပေးခဲ့တာ ဖြစ်ပါတယ်။ ဒါကြောင့် ဒီနေ့အားလုံး စုံညီစည်းဝေးတဲ့အခါမှာ အသိပေးတဲ့အချက်က ကော်မရှင်က ကန့်ကွက်တယ်လို့ မပြောဘူး။ ကော်မရှင်က ကန့်ကွက်တယ်မဟုတ်ဘူးဆိုတာကို အသိပေး ကျွန်တော်တို့ကို ပြောပါတယ်။ အကြောင်းခြင်းရာအရ အကြံဥာဏ်ပေးတဲ့ ဝေဖန်ထောက်ပြတဲ့ တစ်ဦးချင်းကို လေးစားတဲ့ အနေနဲ့ ကျွန်တော်တို့အားလုံးစုံညီဆွေးနွေးပြီးတော့ အဆိုပြုတဲ့ နာမည်အသီးသီးအနက် ကနေပြီးတော့ အများဆန္ဒနဲ့ ကျွန်တော်တို့ ဆွေးနွေးဆုံးဖြတ်ခဲ့ပါတယ်။ အဲဒီဆွေးနွေးဆုံးဖြတ်ခဲ့တဲ့ အမည်ကတော့ ရှစ်လေးလုံး ပြည်သူ့ပါတီ ဖြစ်ပါတယ်။ အဲဒီတော့ ဒီနာမည်ကို ကျွန်တော်တို့ ၆ ရက်နေ့မှာ ကော်မရှင်မှာ ဒီနာမည်နဲ့ ကျွန်တော်တို့  ပြုပြင်ပြောင်း လဲလိုက်တဲ့အကြောင်း ဒါဟာ ကော်မရှင်က ပြောလို့ဆိုတာထက် ကော်မရှင်က ပြောတာကလည်း ဥပဒေကြောင်းအရဆိုတာထက် ကျွန်တော်တို့ကို မိသားစုပုံစံမျိုး ဆွေးနွေးတဲ့ဟာကို လေးစားတဲ့အနေနဲ့ရော နောက်ကျွန်တော်တို့ ဆွေးနွေးအကြံပြုကြတဲ့ တစ်ဦးတစ်ယောက်ချင်းရဲ့သဘောထားတွေကိုပါ လေးစားတဲ့အနေနဲ့ ဒီမိုကရေစီ ကျင့်ထုံးကျင့်စဉ်များနဲ့အညီ အများနဲ့ညှိနှိုင်းဆွေးနွေးပြီးတော့ ဒီနာမည်ကို ကျွန်တော်တို့ ဆုံးဖြတ်ခဲ့ပါတယ်။ ဒါကြောင့် လာမယ့် ၆ ရက်နေ့မှာ ရွေးကောက်ပွဲကော်မရှင်နဲ့ တွေ့ဆုံပြီးတော့ ရှစ်လေးလုံး ပြည်သူ့ပါတီအဖြစ်နဲ့ မှတ်ပုံတင်ရရှိဖို့အတွက် ကျွန်တော်တို့ ကြိုးစားသွားမှာ ဖြစ်ပါတယ်” ဟု ပြောကြားသည်။

ဆက်လက်၍ ပြည်ထောင်စုရွေးကောက်ပွဲကော်မရှင်သည် နိုင်ငံရေးပါတီများ မှတ်ပုံတင်ခြင်းဥပဒေပုဒ်မ (၃)အရ မှတ်ပုံတင်ခွင့်ပြုပါက ပုံစံ(ခ)ဖြင့် အကြောင်းပြန်ရမည်ဖြစ်ပြီး အကယ်၍ ဥပဒေနှင့်ညီညွတ်မှုမရှိပါက မှတ်ပုံတင်ခွင့်မပြုကြောင်းကို ပုံစံ (ဂ) ဖြင့် အကြောင်းပြန်ရမည်ဖြစ်ကြောင်း ဦးကိုကိုကြီးက ပြောကြားသည်။

၈၈ မျိုးဆက်ကျောင်းသားခေါင်းဆောင်အချို့နှင့် နိုင်ငံရေးမျိုးဆက်အသီးသီးမှ ပါတီတည်ထောင်လိုသူများ ပူးပေါင်းလုပ်ဆောင်နေသည့် နိုင်ငံရေးပါတီဖြစ်မြောက်ရေးကော်မတီသည် ၂၀၁၇ ဒီဇင်ဘာ ၁၉ ရက်က ‘ရှစ်လေးလုံးပါတီ’ အမည်ဖြင့် ပြည်ထောင်စုရွေး ကောက်ပွဲကော်မရှင်တွင် မှတ်ပုံတင်ထားခဲ့သည်။

ထိုကဲ့သို့ ‘ရှစ်လေးလုံးပါတီ’ အမည်ဖြင့် နိုင်ငံရေးမှတ်ပုံတင်ထားခြင်းအပေါ် ဝေဖန်မှုများရှိနေသည့်အတွက် ပြီးခဲ့သည့်မတ် ၂၆ ရက်က နိုင်ငံရေးပါတီဖြစ်မြောက်ရေး ဦးဆောင်ကော်မတီဝင်များနှင့် ပြည်ထောင်စု ရွေးကောက်ပွဲကော်မရှင်တို့ တွေ့ဆုံ၍ ပါတီအမည်နာမအပေါ် ပြည်ထောင်စုရွေးကောက်ပွဲကော်မရှင်က ကန့်ကွက်ခြင်းမဟုတ်ဘဲ ပြန်လည်စဉ်းစားစေလိုသော သဘောဖြင့် နှစ်ဖက်တွေ့ဆုံဆွေးနွေးခဲ့ကြသည်။

ထို့နောက် နိုင်ငံရေးပါတီဖြစ်မြောက်ရေး ကော်မတီ၏ ဗဟိုကော်မတီဝင်များနှင့် ပါတီဖြစ်မြောက်ရေး တိုင်းဒေသကြီး ပြည်နယ်တာဝန်ခံများ တွေ့ဆုံ၍ အမည်နာမအပေါ် သဘောထားရယူခဲ့ကြပြီး ‘ရှစ်လေးလုံး ပြည်သူ့ပါတီ’ ဟု ပြောင်းလဲမှတ်ပုံတင်မည်ဖြစ်ကြောင်း သိရသည်။

ယခုကဲ့သို့ ရှစ်လေးလုံးပါတီမှ ရှစ်လေးလုံး ပြည်သူ့ပါတီအမည်အဖြစ်သို့  ပြောင်းလဲမှတ်ပုံတင်မည့် ကိစ္စနှင့်ပတ်သက်၍လည်း နိုင်ငံရေးပါတီဖြစ်မြောက်ရေး ဦးဆောင်ကော် မတီဝင်များ လာမည့်ဧပြီ ၆ ရက်တွင် ပြည်ထောင်စုရွေးကောက်ပွဲကော်မရှင်နှင့်  ထပ်မံတွေ့ဆုံကာ တင်ပြမည်ဖြစ်ကြောင် သိရသည်။

နိုင်ငံရေးမျိုးဆက်များ ပါဝင်ထူထောင်မည့် ပါတီအမည်ကို ရှစ်လေးလုံးပါတီဟု သတ်မှတ်ပြီး ပါတီမှတ်ပုံတင်ခြင်းအား ယခုနှစ်မကုန်မီ ဆောင်ရွက်မည်

ပါတီဖြစ်မြောက်ရေးကော်မတီ ဒုတိယအကြိမ် ဗဟိုအစည်းအဝေးတွင် ဦးကိုကိုကြီးက ဆွေးနွေးနေစဉ် (ပုံကြီး) နှင့် ပါတီအလံနှင့် အမှတ်တံဆိပ်ကို တွေ့ရစဉ် (ပုံသေး)

နိုင်ငံရေးမျိုးဆက်အသီးသီး ပါဝင်ထူထောင်မည့် နိုင်ငံရေးပါတီအမည်ကို ရှစ်လေးလုံးပါတီ ဟု သတ်မှတ်ပြီး ပြည်ထောင်စုရွေးကောက်ပွဲ ကော်မရှင်ထံ ပါတီမှတ်ပုံတင်ခြင်း ကိစ္စရပ်များကို ယခုနှစ်မကုန်မီ ဆောင်ရွက်မည်ဖြစ်ကြောင်း ပါတီဖြစ်မြောက်ရေးကော်မတီ ဒုတိယအကြိမ် ဗဟိုအစည်းအဝေးတွင် ဆုံးဖြတ်ခဲ့သည်။

နိုင်ငံရေးပါတီ ဖြစ်မြောက်ရေးကော်မတီ ဒုတိယအကြိမ် ဗဟိုအစည်းအဝေးကို ဒီဇင်ဘာ ၁၆ ရက်နှင့် ၁၇ ရက်က ရန်ကုန်မြို့ သင်္ဃန်းကျွန်းမြို့နယ်ရှိ  ဓမ္မပီယကျောင်းတိုက်တွင် ပြုလုပ်ခဲ့ခြင်းဖြစ်ပြီး အဆိုပါနှစ်ရက်တာ အစည်းအဝေးတွင် ပါတီအမည်၊ ပါတီဖွဲ့စည်းပုံ၊ ပါတီအလံ၊ တံဆိပ်တို့ကို အတည်ပြုချက်ရရှိခဲ့ပြီး ပါတီထူထောင်လိုသူများ စာရင်းကိုလည်း လျာထားပြီဖြစ်သည့်အတွက် ပါတီမှတ်ပုံတင်ခြင်း ကိစ္စရပ်များအား မကြာမီရက်ပိုင်းအတွင်း ကြိုးစားသွားမည်ဟု နိုင်ငံရေးပါတီဖြစ်မြောက်ရေး ဗဟိုလုပ်ငန်းကော်မတီ ဦးဆောင်အဖွဲ့မှ ဦးမင်းဇေယျက ပြောကြားသည်။

“ပါတီအမည်ကတော့ တရားဝင်အသိပေးလို့တော့ ရပြီပေါ့နော်။ ဒီ နှစ်ရက်တာ ပြုလုပ်ခဲ့တဲ့ စုံညီအစည်းအဝေးမှာ တက်ရောက်လာတဲ့ ဖြစ်မြောက်ရေးကော်မတီဝင်တွေ၊ နယ်အသီးသီးက ကော်မတီဝင်တွေအားလုံးရဲ့ တစ်ခဲနက်သဘောတူညီချက်အရ ကျွန်တော်တို့ထောင်မယ့် ပါတီရဲ့နာမည်ကတော့ ရှစ်လေးလုံးပါတီပါ။ ရိုးရိုးရှင်းရှင်းလေးပါပဲ။ ဗမာလိုရေးရင် ရှစ်လေးလုံးပါတီပါ။ အက္ခရာဂဏန်း မဟုတ်ပါဘူး။ ပါတီမှတ်ပုံတင်ဖို့ ကိစ္စကလည်း အားလုံးအဆင်သင့်ဖြစ်ပြီလို့ ပြောလို့ရပါတယ်။ နှစ်ရက်တာအစည်းအဝေးမှာပဲ ပါတီဖွဲ့စည်းပုံလည်း အတည်ပြုချက်ရခဲ့ပြီ။ ပါတီအမည်လည်း အတည်ပြုချက်ရခဲ့ပြီ။ ပါတီအလံ၊ တံဆိပ်လည်း အတည်ပြုချက်ရခဲ့ပြီ။ တစ်ခါ ပါတီထူထောင်လိုသူများ စာရင်းကိုလည်း လျာထားချက်စီစဉ်ထားပြီးသားဖြစ်တဲ့အတွက်ကြောင့် အမြန်ဆုံး သုံး၊ လေး၊ ငါးရက်အတွင်းမှာ တင်နိုင်ဖို့ ကြိုးစားမှာပါ” ဟု ဦးမင်းဇေယျက ပြောကြားသည်။

ပါတီအမည်ကို ‘ရှစ်လေးလုံးပါတီ’ ဟု အမည်ပေးရခြင်းသည် လက်ရှိဖြစ်ပေါ်နေသည့် နိုင်ငံရေးအခင်းအကျင်း၊ ဖြစ်ပေါ်တိုးတက်မှုအားလုံးသည် ရှစ်လေးလုံးအရေးတော်ပုံကြီးကို အကြောင်းပြုပြီး ဖြစ်ပေါ်လာခြင်းဖြစ်သည့်အတွက် တန်ဖိုးထားဂုဏ်ပြုသည့်အနေဖြင့် ရှစ်လေးလုံးဆိုသောအမည်နှင့် ပါတီထောင်ရန် ဆုံးဖြတ်ခဲ့ခြင်းဖြစ်ကြောင်း နိုင်ငံရေးပါတီဖြစ်မြောက်ရေးဗဟိုလုပ်ငန်းကော်မတီ ဦးဆောင်အဖွဲ့တာဝန်ခံ ဦးကိုကိုကြီးကပြောကြားသည်။

ဦးကိုကိုကြီးက “အဓိက,ကတော့ လက်ရှိဖြစ်နေတဲ့ နိုင်ငံရေးအခင်းအကျင်း၊ ဖြစ်ပေါ် တိုးတက်မှုအားလုံးဟာ ရှစ်လေးလုံးအရေးတော်ပုံကြီးကို အကြောင်းပြုပြီးတော့ ဖြစ်ပေါ်လာတာဖြစ်တယ်။ နောက်ပြီး ကျွန်တော်ဒီမှာ ဆောင်ရွက်တဲ့သူ တော်တော်များများဟာလည်း ရှစ်လေးလုံးအရေးတော်ပုံကြီးကနေ ပေါ်ပေါက်လာကြတာဖြစ်တယ်။ ရန်ကုန်မှာနေတဲ့ ဦးဆောင်သူတွေတင်မကဘူး။ နယ်ဒေသ အသီးသီးမှာကိုက ရှစ်လေးလုံးအင်အားစုတွေ၊ အခြေခံပြီးတော့ ဖွဲ့စည်းကြတာဖြစ် တယ်။ နောက်တစ်ခုက ရှစ်လေးလုံးကြွေးကြော်သံဖြစ်တဲ့ ဒီမိုကရေစီရရှိရေး ဒို့အရေးဆိုတာဟာ ဒီနေ့၊ ဒီအချိန်အထိ တင်းပြည့် ကျပ်ပြည့် အကောင်အထည်မပေါ်သေးဘူး။ တကယ်တမ်း ဒီမိုကရေစီဆိုတာ ဗဟုဝါဒထွန်းကားအောင် ဆောင်ရွက်ရတာဆိုတော့ ဒါကို ဆက်လက်ပြီးတော့ ဆောင်ရွက်ဖို့အတွက် ပါတီအမည်ကို စဉ်းစားတဲ့အခါမှာ ရွေးချယ်စရာ အကြံပြုချက်တွေ အမြောက်အမြားရှိတဲ့ အထဲကနေ နောက်ဆုံးမှာ ရှစ်လေးလုံးဆိုတဲ့ နာမည်ဟာ ဒီမိုကရေစီအရေးတော်ပုံကိုလည်း ကိုယ်စားပြုပြီးသားဖြစ်တယ်။ ပြည်သူတစ်ရပ်လုံးကိုလည်း ကိုယ်စားပြုပြီးသားဖြစ်တယ်။ ဒါကြောင့် ဒီနာမည်ကို တန်ဖိုးထားဂုဏ်ပြုတဲ့ အနေနဲ့ ရှစ်လေးလုံးဆိုတဲ့ နာမည်ကိုပဲ ရိုးရိုးရှင်းရှင်း တခြားဘာစာလုံးမှ မထည့်တော့ဘဲနဲ့ ဒီနာမည်နဲ့ပဲ ပါတီထူထောင်မယ်ဆိုပြီး ဆုံးဖြတ်ခဲ့တာပါ” ဟု ပြောကြားသည်။

ဆက်လက်၍ ပါတီမူဝါဒ ၁၀ ချက် ချမှတ်ထားပြီး မူဝါဒတွင် ဒီမိုကရက်တစ်ဖက်ဒရယ် ပြည်ထောင်စု တည်ဆောက်ရေးသည် ထိပ်တန်းထည့်ထားသည့် ကိစ္စရပ်ဖြစ်ကြောင်း၊ ယင်းမှာ ရှစ်လေးလုံး ငွေရတု အခမ်းအနားမှ  ဆုံးဖြတ်ချက်လည်းဖြစ်ကြောင်း၊ အဆိုပါဆုံးဖြတ်ချက် ဆက်လက်အကောင်အထည် ဖော်ဆောင်ရန်အတွက် ဦးစားပေးတစ်ခုအဖြစ် ရေးဆွဲဖော်ပြထားခြင်းဖြစ်ကြောင်း၊  ငြိမ်းချမ်းရေးကိစ္စ၊ ဖွံ့ဖြိုးတိုးတက်ရေးကိစ္စများနှင့်လည်း တိုက်ရိုက်ဆက်စပ်မှုရှိသည့်အတွက် ဦးစားပေးခြင်းဖြစ်ကြောင်း ဦးကိုကိုကြီးက ပြောကြားသည်။

ထို့ပြင် မဟာမိတ်မူဝါဒကို ပါတီ၏မူတစ်ခုအနေဖြင့် ချမှတ်ထားပြီး ချမှတ်ထားသည့် မူများနှင့်ညီညွတ်ကိုက်ညီသော နိုင်ငံရေးပါတီများအပြင် အရက်ဘက်အဖွဲ့အစည်းများနှင့်ပါ အကြံဥာဏ်၊ပူးပေါင်းဆောင်ရွက်မှုများကို ရယူဆောင်ရွက်သွားမည်ဟု မူဝါဒချမှတ်ထားကြောင်း နိုင်ငံရေးပါတီဖြစ်မြောက်ရေး ဗဟိုလုပ်ငန်းကော်မတီ ဦးဆောင်အဖွဲ့မှ ဦးရဲနိုင်အောင်က ဆိုသည်။

“ကျွန်တော့်ပါတီရဲ့ အဓိကမူတစ်ခုက မဟာမိတ် ပေါ်လစီ ကျင့်သုံးရေးပါ။ မဟာမိတ် ပေါ်လစီကျင့်သုံးတဲ့အခါမှာ ကျွန်တော်တို့ ချမှတ်ထားတဲ့မူတွေနဲ့ ညီညွတ်တဲ့၊ ကိုက်ညီတဲ့ ကျွန်တော်တို့နဲ့အတူ လက်တွဲနိုင်မယ့် နိုင်ငံရေး ပါတီတွေနဲ့ လက်တွဲပြီးတော့ မဟာမိတ်မူဝါဒကို ကျင့်သုံးသွားမယ်လို့ ချမှတ်ထားပါတယ်။ အလားတူပဲ မဟာမိတ်မူဝါဒကို ကျင့်သုံးတဲ့အခါမှာ နိုင်ငံရေးပါတီတွေတင်မကပါဘူး။ တိုင်းပြည်ရဲ့မူဝါဒတွေ ပုံဖော်တဲ့နေရာမှာ အရပ်ဘက်အဖွဲ့အစည်းတွေရဲ့ အကြံ ဥာဏ်၊ ပူးပေါင်းဆောင်ရွက်မှုကိုလည်း ရယူ ဆောင်ရွက်သွားဖို့အတွက် ကျွန်တော့်ပါတီအနေနဲ့ မူဝါဒချမှတ်ထားပါတယ်”ဟု ဦးရဲနိုင်အောင်က ပြောကြားသည်။

အဆိုပါရှစ်လေးလုံးပါတီတွင် ၈၈ အရေးတော်ပုံမျိုးဆက်များအပြင် အခြားနိုင်ငံရေး မျိုးဆက်များလည်း ပါဝင်ကြောင်း၊ ပါတီဥက္ကဋ္ဌ အပါအ၀င် ပါတီဝင် အမည်စာရင်းများကို ပြည်ထောင်စုရွေးကောက်ပွဲ ကော်မရှင်မှ ပါတီ မှတ်ပုံတင်ခွင့်ပြုချက်ရပြီးချိန်တွင် ထုတ်ပြန်သွားမည်ဖြစ်ကြောင်း၊ ယခု ရှစ်လေးလုံးပါတီသည် ၈၈ မျိုးဆက် ငြိမ်းချမ်းရေးနှင့် ပွင့်လင်းလူအဖွဲ့အစည်းကို ပါတီထူထောင်ခြင်းမဟုတ်ကြောင်း ဦးကိုကိုကြီးက ဆက်လက်ပြောကြားသည်။

နိုင်ငံရေးပါတီတစ်ရပ် ထူထောင်ခြင်း၏ ပထမလုပ်ငန်းစဉ်တစ်ရပ်အနေဖြင့် တွေ့ဆုံ ဆွေးနွေးပွဲကို မတ်လပိုင်းကုန်က ရန်ကုန်မြို့ရှိ  UMFCCI တွင် ကျင်းပခဲ့ပြီး ဆွေးနွေးပွဲတွင် တိုင်းရင်းသားတန်းတူရေးနှင့် ဖက်ဒရယ်ဒီမို ကရေစီပြည်ထောင်စု ပေါ်ပေါက်ရေး၊ အရပ်ဘက်၊ စစ်ဘက် ဆက်ဆံရေး စသည်တို့နှင့်ပတ်သက်၍ ဦးကျော်ဝင်း၊ ဦးကိုကိုကြီး၊ ဦးစိုင်းညွန့်လွင်၊ ဦးဦးလှစော၊ ဦးမင်းဇင်တို့က ဦးဆောင် ဆွေးနွေးခဲ့ကြပြီး နိုင်ငံသားအခွင့်အရေး၊ ဒီမိုကရေစီနှင့် လူ့အခွင့်အရေး စသည်တို့နှင့်ပတ်သက်၍ ဦးမင်းဇေယျ၊ ဦးတင်မောင်သန်း (သင့်ဘ၀)၊ ဦးဘိုကြည်နှင့် ဦးခင်မောင်ရင်တို့ က ဦးဆောင်ဆွေးနွေးခဲ့ကြသည်။

နိုင်ငံရေးပါတီ ဖြစ်မြောက်ရေးကော်မတီ ဗဟိုအဆင့်ဦးဆောင်အဖွဲ့နှင့် လုပ်ငန်းကော်မတီများ ဖွဲ့စည်းခြင်းအခမ်းအနားကို ရန်ကုန်မြို့ သင်္ဃန်းကျွန်းမြို့နယ်ရှိ ဓမ္မပီယကျောင်းတိုက်တွင် ၂၀၁၇ ခုနှစ် ဇူလိုင်အတွင်း ပြုလုပ်ကာ ဗဟိုလုပ်ငန်းကော်မတီများ ဖွဲ့စည်းခဲ့သည်။

ထို့နောက် နိုင်ငံရေးပါတီသစ်၏ စည်းရုံးရေးလုပ်ငန်းများဆောင်ရွက်ရန် သြဂုတ် ၁၅ ရက်တွင် ဧရာဝတီတိုင်းဒေသကြီး နိုင်ငံရေးပါတီဖြစ်မြောက်ရေးကော်မတီကို ပထမဆုံးဖွဲ့စည်းခဲ့ပြီး ဧရာဝတီတိုင်းဒေသကြီး၏ရုံးခန်းကို ဟင်္သာတမြို့တွင် အောက်တိုဘာ ၁ ရက်က ဖွင့်လှစ်ခဲ့သည်။

ထို့အတူ မကွေးတိုင်းဒေသကြီး နိုင်ငံရေး ပါတီဖြစ်မြောက်ရေးကော်မတီကို စက်တင်ဘာ ၁၁ ရက်က ဖွဲ့စည်းခဲ့ပြီး ပဲခူးတိုင်းဒေသကြီးပါတီဖြစ်မြောက်ရေး ကော်မတီဖွဲ့စည်းခြင်းနှင့် ရုံးခန်းဖွင့်လှစ်ခြင်းကို အောက်တိုဘာ ၄ ရက်က ပြုလုပ်ခဲ့သည်။

အလားတူ စတုတ္ထမြောက်စည်းရုံးရေးအဖြစ်  အောက်တိုဘာ ၂၂ ရက်က မွန်ပြည်နယ်နိုင်ငံရေးပါတီ ဖြစ်မြောက်ရေးကော်မတီအား ဖွဲ့စည်းခဲ့သည့်အပြင် မြို့နယ်အချို့တွင်လည်း ကော်မတီများဖွဲ့စည်းထားသည်။

ထို့ပြင် ဂျပန်နိုင်ငံခြားရေးဝန်ကြီးဌာနနှင့် နီပွန်ဖောင်ဒေးရှင်းတို့၏ဖိတ်ကြားချက်အရ ဗဟိုလုပ်ငန်းကော်မတီဦးဆောင်အဖွဲ့ တာဝန်ခံဦးကိုကိုကြီး ဦးဆောင်သော နိုင်ငံရေးပါတီ ဖြစ်မြောက်ရေးကော်မတီကိုယ်စားလှယ်အဖွဲ့သည် ဂျပန်နိုင်ငံသို့ အောက်တိုဘာလအတွင်းက လေ့လာရေးခရီး သွားရောက်ခဲ့သည်။

ပါတီစုံဒီမိုကရေစီစနစ်သို့ ဦးတည်သွားနေချိန်တွင် နိုင်ငံရေးပါတီများ အားကောင်းလာရန်လိုအပ်ပြီး၊ နိုင်ငံရေးပါတီများအနေဖြင့်လည်း ရင့်ကျက်မှု၊ အမြော်အမြင်ရှိမှု၊ အတွေ့အကြုံရှိမှုများ လိုအပ်ကြောင်း၊ မြန်မာ နိုင်ငံ၏ အနာဂတ်နိုင်ငံရေးသည် ဒီမိုကရေစီ အရေး၊ ဖက်ဒရယ်ပြည်ထောင်စုထူထောင်ရေး တို့နှင့်ပတ်သက်လျှင်ေ၀၀ါးနေသေး၍ ၈၈ မျိုးဆက် ကျောင်းသားခေါင်းဆောင်များအနေဖြင့် အသက်အရွယ်၊  ဖြတ်သန်းလာခဲ့သည့် အတွေ့အကြုံများအရ မြန်မာနိုင်ငံရေးအကူး အပြောင်းတွင် အာဏာရှင်စနစ် ချုပ်ငြိမ်းရေး နှင့် ဒီမိုကရေစီစနစ်ခိုင်မာအားကောင်းလာရေးအတွက် နိုင်ငံရေးပါတီတစ်ရပ်အနေဖြင့် ဆက်လက်ရပ်တည်သွားမည်ဖြစ်ပြီး နိုင်ငံရေးပါတီတစ်ရပ် ပေါ်ထွန်းရေးအတွက် ၈၈ မျိုးဆက်များသာမက ၆၂ မှစ၍ အာဏာရှင် စနစ်ချုပ်ငြိမ်းရေးနှင့် ဒီမိုကရေစီအရေးတိုက် ပွဲဝင်ခဲ့သည့် ရဲဘော်၊ ရဲဘက်များမှ ယုံကြည်ချက်တူသူများအားလုံး ပူးပေါင်းလုပ်ဆောင်နေကြခြင်းဖြစ်ကြောင်း သိရသည်။

သူရုန်းကိုယ်ရုန်း ရှစ်လေးလုံး

(၂၉) နှစ်မြောက် ရှစ်လေးလုံး ဒီမိုကရေစီ အရေးတော်ပုံ အခမ်းအနားကို ရန်ကုန်မြို့ မဟာဗန္ဓုလပန်းခြံရှေ့တွင် ပြုလုပ်စဉ် (ဓာတ်ပုံ-ကြည်နိုင်)

■ တစ်ပါတီလား ပါတီစုံလား

ရှစ်လေးလုံးဖြစ်ခဲ့တဲ့ ထိုနေ့ဟာ ကျွန်တော့်အတွက်တော့ လွမ်းတေးတစ်ပုဒ်ဆိုနေရသလိုပဲ။ ဗိုလ်ချုပ်အောင်ဆန်းလမ်း၊ အနော်ရထာလမ်း၊ မဟာဗန္ဓုလလမ်း၊ ကုန်သည်လမ်းက ရန်ကုန်မြို့ရဲ့ မြို့ပြအင်္ဂါရပ်ကို ပြသနေတဲ့ အဓိကလမ်းမကြီးတွေ။ ဈေးရောင်းဈေးဝယ်၊ ဈေးဆိုင်တွေပြည့်နေသလို၊ ရုံးသွား၊ ရုံးပြန် ကျောင်းသွားကျောင်းပြန် လမ်းလျှောက်သူတွေနဲ့ စည်ကားနေတတ်တယ်။ ရုပ်ရှင်ကြည့်ပရိသတ်တွေ၊ ဘုရားဖူးပရိသတ်တွေ၊ Shopping ထွက်ပရိသတ်တွေဟာ ရန်ကုန်မြို့ကို အသက်ဝင်စေခဲ့တာဟာ မြို့ပြရဲ့သင်္ကေတဖြစ်နေတယ်။

ဒါပေမဲ့ ကုန်ဈေးနှုန်းကကြီးလာတယ်။ ဈေးဆိုင်တွေ ကျဲပါးလာတယ်။ ခရီးသွားတွေ နည်းလာတယ်။ မိဘတွေက ကိုယ့်သားသမီးတွေကို ကျောင်းလွှတ်ဖို့ စိတ်မချကြဘူး။ ကျောင်းပေါက်ဝမှာ စုရုံးစုရုံးနဲ့ တစ်ခုခုဖြစ်တော့မလို့ပဲ။ ကောင်းကင်တစ်ခွင်မှာက မိုးတိမ်တိုက်တွေ စုဖွဲ့နေတယ်။ ဂဠုန်သဏ္ဌာန် တိမ်တိုက်။ နဂါးသဏ္ဌာန်တိမ်တိုက်။ မာန်ဆောင်နေသလိုလို။ ရန်ထဖြစ်တော့မလိုလို။ ရင်ဖိုစရာကောင်းပါဘိ။ ဒီလိုမျိုးမိုးကောင်းကင်မှာ သူတို့ရန်ဖြစ်နေချိန်မှာ ရန်ကုန်မြို့ပြ လမ်းပေါ်မှာလည်း တင်းမာမှုတွေဖြစ်ပေါ်နေတယ်။

မြန်မာ့ဆိုရှယ်လစ်လမ်းစဉ်ပါတီဆိုတဲ့ မြန်မာပြည်ရဲ့ တစ်ခုတည်းသောပါတီမှ ဥက္ကဋ္ဌကြီး ဦးနေ၀င်းက ဇူလိုင်လ ၂၃ ရက်နေ့မှာ ထူးထူးခြားခြား မိန့်ခွန်းပြောလေရဲ့။ တစ်ပါတီကို ကျင့်သုံးမလား။ ပါတီစုံစနစ်ကျင့်သုံးမလားတဲ့။ ဒါက နိုင်ငံရေးအကျပ်အတည်းကို ရှောင်လွှဲကြိုးစားလိုက်တဲ့ အချိုးအကွေ့ဆိုတာ ပြည်သူတွေ ရုတ်တရက် သတိမပြုမိလိုက်ဘူး။

မြန်မာနိုင်ငံရဲ့ မီဒီယာကလည်း ထိုစဉ်က ည ၈ နာရီသတင်းပဲ။ ည ၈ နာရီသတင်း ကြေညာမှသေချာတာ။ သတင်းကြေညာသူ ဒေါ်မြနှစ်ကလည်း မာန်ပါပါ အသံစာစာ။ ဒေါ်မြနှစ်က ဦးနေ၀င်းရဲ့မိန့်ခွန်းကို မာန်ပါပါ ဖတ်ကြားကြေညာသွားတော့ ပြည်သူတွေ ကြောင်သွားတာ။ တစ်နည်းပြောရင် အင်နားရှား (inertia) ပျက်သွားတယ်။

၁၉၆၂ ခုနှစ်မှာ ပါတီစုံကိုဖျက်။ ပါလီမန်ကိုဖျက်။ ၁၉၄၈ ခုနှစ် ဖွဲ့စည်းအုပ်ချုပ်ပုံကိုဖျက်။ ၀န်ကြီးချုပ် ဦးနုကိုဖြုတ်။ ပါလီမန် ဒီမိုကရေစီကို ဖျက်သိမ်းလိုက်တယ်။ ပြည်သူတွေက အဆိုတစ်ခုတင်သွင်းဖို့လည်း အထက်က ချပေးတဲ့အဆိုကိုပဲ အောက်ကတင်တဲ့ အဆိုလိုလိုနဲ့ ဟုတ်တိပတ်တိ ဖတ်ပြကြတာ။ ပါတီတွင်း ဒီမိုကရေစီရှိတယ်လို့ စာထဲမှာရှိပေမယ့် လက်တွေ့မှာ စစ်တပ်ပုံစံ အမိန့်နာခံတဲ့စနစ်သာ လွှမ်းမိုးနေတယ်။ ပြည်သူ့ဒီမိုကရေစီကိုတော့ မြန်မာ့ဆိုရှယ်လစ်လမ်းစဉ်ပါတီက ခွင့်မပြုတော့ဘူး။

ဒီလိုနှစ်ပေါင်း ၂၀ ကျော်အသားကျ ကျင့်သုံးနေခဲ့ရပြီး ခုမှပါတီစုံဆိုတော့။ ဘယ်ပါတီမှလည်းမရှိ။ ဘယ်အဖွဲ့အစည်းမှာ မဖွဲ့ထား။ ဆွမ်းလောင်းဓမ္မာရုံ၊ ခြင်းလုံးအသင်းတောင် ဖွဲ့စည်းခွင့်မရခဲ့တဲ့ အခြေအနေမှ ရုတ်တရက်ပြောင်းလဲလိုက်တော့ ပြည်သူတွေ ကြောင်အအ ဖြစ်ကုန်ပါလေရော။ ပါတီစုံလား။ တစ်ပါတီလား။ ငြင်းကြ။ ခုံကြပြီ။ အချင်းချင်း စိတ်ဝမ်းကွဲကုန်ပြီ။ အထွေထွေ မကျေနပ်ချက်တွေက ပိုတိုးလာတယ်။ ပြဿနာက ကုန်ဈေးနှုန်းလား။ လမ်းစဉ်ပါတီလား။ မြို့နယ်ပါတီ ယူနစ်ဝင်တွေလား။ မြို့နယ်ကောင်စီလား။ ပါတီစိတ်တွေလား။ တိတိကျကျ ရေရေရာရာအဖြေက ထွက်မလာ။ မကျေနပ်တာကတော့ အမှန်။ ဘာကိုမကျေနပ်မှန်းလည်း အတိအကျမသိ။
ဒီလိုနဲ့ တိုးတိုးတစ်ဖုံ၊ မကျယ်မလောင်တစ်နည်း။ ဟိုဟာကို လက်ညှိုးထိုးလိုက်၊ ဒီဟာကို လက်ညှိုးထိုးလိုက်နဲ့။ ပြောရင်းပြောရင်း ဘယ်သူ့ကိုမကျေနပ်ရမလဲဆိုတာ ရုပ်လုံးပေါ်လာတယ်။ ဒါတွေဖြစ်နေတာ ၁၉၆၂ ခုနှစ်ကစခဲ့တာ။ လူတွေရဲ့ စီးပွားရေး၊ လူမှုရေး၊ ပညာရေး အားလုံးကို တစ်နေရာကနေ၊ တစ်စုံတစ်ယေက်၊ တစ်စုတစ်ဖွဲ့က ချုပ်ကိုင်လိုက်တာ။ စကားလည်းကျယ်ကျယ်မပြောရ။ အလုပ်လည်း ကိုယ်ကြိုက်တာလုပ်လို့မရဘူး။ အစိုးရ၀န်ထမ်းလုပ်ချင်လည်း ပါတီ၊ ကောင်စီဝင်ပြီးမှ လူတွင်ကျယ်လုပ်ချင်လုပ်လို့ရ။ ပါတီယူနစ်ရုံးကို တစ်နေ့အခေါက် ၂၀ လောက်သွား၊ ဒါမှမဟုတ် မြို့နယ်ကောင်စီရုံး၊ အလုပ်သမားအစည်းအရုံး၊ တောင်သူလယ်သမား အစည်းအရုံးကို ပုံမှန်သွား။

တစ်နေ့နေ့တော့၊ တစ်ခုခုဖြစ်လာလိမ့်မည်။ ဆိုတဲ့အတိုင်း။ ဘာအဖွဲ့ဝင်၊ ဘာကောင်စီဝင်တွေ ဖြစ်လာတာ့တာပဲ။ သူ့ခေတ်နဲ့တော့ သူတွင်ကျယ်တာပါ။ ရပ်ကွက်ပါတီစိတ်မှူး၊ အဖွဲ့ဝင်ကလည်း သူ့အထာနဲ့သူ အလုပ်ဖြစ်တာပဲ။ ရပ်ကွက်ကောင်စီဝင်ကလည်း သူ့နေရာနဲ့ သြဇာရှိပြီးသား။

ဒီလိုနေရာရ၊ ပါဝါပြနေတာက လူနည်းစု။ နေရာမရ ပါဝါအပြခံနေရာတာက လူများစု။ ဒီလူအများအစုက လူနည်းစုရဲ့ ဖိနှိပ်ခံ။ ပါဝါအပြခံရတာ နှစ်နဲ့ချီလာပြီ။ ၀န်ထမ်းဆိုလည်း ပါတီဝင်ဖြစ်မှ။ တင်းပြည့်ဖြစ်မှ။ နို့မဟုတ် ချောင်ထိုးခံထားရတာ။ ရာထူးမတိုး။ ပညာဆက်သင်ယူခွင့်မရ။ အခွင့်အရေးမှန်သမျှ အပိတ်ပင်ခံရ။

ကြာလာတော့ လူတွေနည်းနည်းရိပ်မိလာပြီ။ ဒါဗဟိုဦးစီးစနစ်လို့ ပြောပြောနေတဲ့ အာဏာရှင်စနစ်ကြောင့်ဖြစ်ရတာ။ ပြည်သူ့ကောင်စီအဆင့်ဆင့်မှသည် နိုင်ငံတော်ကောင်စီအထိ ထိပ်တန်းရာထူးအားလုံးက တစ်ပါတီစနစ်က လျာထားပေးတယ်လို့ ပြောတဲ့ပုဂ္ဂိုလ်တွေချည်းပဲ ရာထူးယူထားတာ။ ဒီလို၊ ဒီလို မကျေနပ်ချက်တွေက များများလာတယ်။ ကျောင်းသားတွေကလည်း မကျေနပ်ဘူး။ရုံး ၀န်ထမ်းတွေကလည်း မကျေနပ်ဘူး။ ရပ်ကွက်ထဲကလူကလည်း မကျေနပ်ဘူး။ ပြည်သူ့ဆိုင်မှာ တန်းစီတိုးလူတွေကလည်း မကျေနပ်ဘူး။ လမ်းဘေးဈေးသည်တွေကလည်း မကျေနပ်ဘူး။ အနုပညာသည်တွေကလည်း မကျေနပ်ဘူး။ စာရေးဆရာ၊ သတင်းစာဆရာ၊ ဂီတသမား၊ သဘင်ပညာသည်တွေကလည်း မကျေနပ်ဘူး။ လမ်းစဉ်ပါတီနဲ့ ပြည်သူဟာ တသီးတခြားစီ ဖြစ်နေကြပြီ။

နောက်ဆုံး ပြည်သူတစ်ရပ်လုံးက မကျေနပ်ကြတော့ဘူး။ ပါတီဗဟိုကောင်စီဝင်တစ်ဦးက ပြောသေးတယ်။ “ကောင်းတာလုပ်ရင် ပါတီ။ မကောင်းတာလုပ်ရင် ကောင်စီတဲ့”။ တကယ်တော့ ပါတီဥက္ကဋ္ဌကြီးနဲ့ နိုင်ငံတော်ကောင်စီဥက္ကဋ္ဌ (သမ္မတ) က တစ်ယောက်တည်း။

အဲဒီအချိန်မှာ . . .
မီးခြစ်ဆံခေါင်းမှ မီးတစ်စ
ရန်ကုန်စက်မှုတက္ကသိုလ်မှ ကျောင်းသားတွေနဲ့ ကြို့ကုန်းရပ်ကွက်မှ လူတချို့နဲ့ ခိုက်ရန်ဖြစ်ပွားတယ်။ ပြဿနာကသေးသေးလေး။ အေးလေ မီးလောင်တယ်ဆိုတာက မီးခြစ်ဆံခေါင်းလောက်ပမာဏမှ စလောင်တတ်ကြတာ။ နောက်မှ တစ်မြို့လုံးပြာကျတာ။ မကျေနပ်မှု၊ ဒေါသလောင်စာတွေ ပြည့်နှက်နေတဲ့ ပြည်သူတွေဟာ မီးတစ်ချက်တို့ရုံနဲ့ ဟုန်းခနဲ ထတောက်တော့တာ။

ရန်ကုန်စက်မှုတက္ကသိုလ်မှ ကျောင်းသားမောင်ဖုန်းမော်နှင့် မောင်စိုးနိုင်တို့ သေဆုံးမှုဟာ မီးခြစ်ဆံခေါင်းနဲ့ ယမ်းနဲ့ပွတ်တိုက်မိ လိုက်တဲ့အချိန်ပဲ။ ရှဲခနဲလောင်မြိုက်လာတဲ့ မီးဟာရပ်တန့်မသွားဘူး။ ရင်ထဲမှာ လောင်စာရည်ပြည့်နေတဲ့ ပြည်သူတွေဘ၀ကို တဟုန်းဟုန်းနဲ့ ထထောက်ပါတော့တယ်။ စက်မှုတက္ကသိုလ်မှ ရန်ကုန်ပင်မတက္ကသိုလ်သို့ ပျံ့နှံ့သွားတယ်။ ၁၉၈၈ ခုနှစ် မတ်လ ၁၆ ရက် တံတားဖြူမှာ ကျောင်းသားနဲ့ ရဲတပ်ဖွဲ့တွေ့ဆုံပြီး ကျောင်းသားအချို့သေဆုံးကာ သွေးစွန်းခဲ့ပြီး တံတားဖြူကို တံတားနီလို့ ပြောင်းလဲခေါ်ဝေါ်ခဲ့ကြသေးတယ်။

ဒီလိုနဲ့ ၁၉၈၈ ခုနှစ်ဇွန်၊ ဇူလိုင်မှစကာ ဟိုတစ်စ၊ ဒီတစ်စ ဆန္ဒပြမှုတွေဟာ ပေါ်လာလိုက်၊ ပျောက်သွားလိုက်နဲ့ ဖြစ်နေခဲ့တယ်။ ပြည်သူတွေစိတ်ထဲမှာလည်း ဘ၀င်မကျမှုတွေဟာ မတင်မကျနဲ့ နေထိုင်နေကြရတယ်။ သြဂုတ် ၁ ရက်ကစကာ ရန်ကုန်မြို့ရဲ့ လမ်းတွေပေါ်မှာ ရဲတွေ၊ စစ်သားတွေ လှုပ်ရှားလာကြတယ်။ သံဆူးကြိုးအကာအရံတွေ၊ အတားအဆီးတွေချထားကာ ပြည်သူတွေကို စစ်လားဆေးလား လုပ်လာကြတယ်။ သြဂုတ်လ ၃ ရက်နေ့မှာ ရန်ကုန်တိုင်းကို စစ်အုပ်ချုပ်ရေး ဒေသအဖြစ်ကြေညာကာ စစ်ကားတွေ၊ သံချပ်ကာကားတွေ လမ်းပေါ်မှာ ပတ္တရောင်လှည့်ကြပြီ။

ဒီမြင်ကွင်းတွေက ပြည်သူတို့ ချောက်ချားစေသလား။ ကြောက်ရွံ့စေသလား။ တကယ်တော့ ပြည်သူတွေရဲ့ဒေါသကို ဆွပေးနေတာ။ ဒေါသထွက်စေတာ။ သေနတ်ကြောက်တာက တစ်ပိုင်း၊ သေနတ်ကို လုယက်ရိုက်ချိုး တုံ့ပြန်ချင်တာက တစ်ပိုင်း။ အခွင့်မသာလို့ လမ်းဘေးကရပ်ကြည့်နေရပေမယ့် မျက်စိမှာသာ ကျည်ဆန်ရှိရင် စက်သေနတ်နဲ့ ဆွဲပစ်သလို တွေ့သမျှကို မျက်စိနဲ့ပစ်မိမှာ။

ဘယ်လိုဖိဖိ။ ဘယ်လိုပဲခြောက်ခြောက်။ သြဂုတ်လ ၈ ရက်၊ နံနက် ၈ နာရီကတော့ အချိန်၊ နာရီ၊ ပြက္ခဒိန်အရ ဆိုက်ဆိုက်မြိုက်မြိုက် ရောက်လာတော့တယ်။ မြန်မာ့ဆိုရှယ်လစ်ပါတီနဲ့ နိုင်ငံတော်ကောင်စီကလည်း ပြည်သူတွေကို ဘက်စုံထောင့်စုံက ဖိနှိပ်ထားပြီးပြီ။ အရွယ်ရောက်ပြည်သူ ထက်ဝက်ကျော်က ၀န်ထမ်း၊ ၀န်ထမ်းအားလုံးနီးပါးက မြန်မာ့ဆိုရှယ်လစ် လမ်းစဉ်ပါတီဝင်တွေ၊ နိုင်ငံတော်ကို ထိပ်တန်းကအုပ်ချုပ်နေတာက စစ်ဗိုလ်ချုပ်ဟောင်းတွေ၊ လမ်းစဉ်ပါတီ ဗဟိုကောင်စီဝင်တွေ။ စစ်တပ်အင်အားလည်းရှိတယ်။ ပါတီအင်အားလည်းရှိတယ်။ အာဏာအင်အားလည်းရှိတယ်။ ၁၉၇၄ ဖွဲ့စည်းပုံအခြေခံဥပဒေကြီးကလည်း စိတ်ကြိုက်ရေးဆွဲထားလို့ ဥပဒေအင်အားလည်းရှိတယ်။

တကယ်တော့ ပြည်သူမှာ ဘာအင်အားမှမရှိဘူး။

ဒါပေမဲ့ ၈ ရက်၊ ၈ လ၊ ၁၉၈၈ ခုနှစ် နံနက် ၈ နာရီမှာ နေကမပွင့်တပွင့်၊ မိုးကမဖွဲတဖွဲ။ ရာသီက လွမ်းမောစရာ။ သာမန်ဆို အိပ်ရာထဲကွေးနေရမယ့်အချိန်။ ရုတ်တရက် နေမပွင့်တပွင့် ရောင်နီကို နောက်ခံထားရင်း ဦးခေါင်းမှာ ခေါင်းစည်းအနီစည်းထားတဲ့ ကျောင်းသားတစ်စုနဲ့ လူတစ်စုပေါ်ထွက်လာတယ်။

“ဒို့အရေး၊ ဒို့အရေး” ဆိုတဲ့အသံက တညီတညွတ်တည်းဟိန်းနေတာပဲ။ တစ်ချိန်တည်း၊ တစ်ပြိုင်တည်း နောက်တစ်နေရာက လူတစ်အုပ်၊ နောက်တစ်နေရာက လူတစ်အုပ်၊ တစ်ယောက်စလိုက်တာ။ တစ်ရာမက။ တစ်ထောင်မက။ တစ်သောင်းမက။

မျက်စိမပါတဲ့ ကျည်ဆန်တွေကို မျက်စိပါတဲ့လူတွေက ရဲရဲရင့်ရင့်ရင်ဆိုင်ပြီ။ ဦးနှောက်မပါတဲ့ သေနတ်တွေကို ဦးနှောက်ပါတဲ့လူတွေက တုံ့ပြန်လိုက်ပြီ။ သေနတ်မောင်း ခလုတ်ပေါ်တင်ထားတဲ့ လက်တွေကိုဘာလက်နက်မှ ကိုင်ဆောင်မထားတဲ့ ပြည်သူ့လက်သီးဆုပ်တွေက စိန်ခေါ်လိုက်ပြီ။

မဟာပထ၀ီမြေကြီးဟာ လူတွေအတွက် အားထားစရာ အခိုင်မာဆုံးနေရာ။ ရုတ်တရက် ငလျင်လှုပ်ရင် လူတွေဘယ်ပြေးရမှန်းမသိ ပြေးစရာမြေမရှိသလိုပဲ။ မြန်မာ့ဆိုရှယ်လစ် လမ်းစဉ်ပါတီဥက္ကဋ္ဌ ဦးနေ၀င်းက နုတ်ထွက်၊ ဦးစိန်လွင် ဥက္ကဋ္ဌဖြစ်။ သိပ်မကြာပါဘူး။ ဦးစိန်လွင်က နုတ်ထွက် ဒေါက်တာမောင်မောင် ဥက္ကဋ္ဌဖြစ်။ ခိုင်ခံ့တဲ့ပါတီကြီး မြေငလျင်လှုပ်နေတော့ ဥက္ကဋ္ဌတွေ ပြေးစရာမြေမရှိဖြစ်ခဲ့ရပြီ။

နောက်ဆုံးစက်တင်ဘာလ ၁၆ ရက်နေ့မှာ အမိန့်ကြေညာချက်နဲ့ ပြည်သူ့တပ်မတော်၊ ပြည်သူ့ရဲ၊ ၀န်ထမ်းများကို ပါတီဝင်အဖြစ်မှ နုတ်ထွက်ခွင့်ပြုလိုက်ရတယ်။ ဒါဟာ မြန်မာ့ဆိုရှယ်လစ်လမ်းစဉ်ပါတီရဲ့ ငလျင်လှုပ်ခတ်မှုပဲ။ တစ်နည်းပြောရရင် ပြည်သူတွေ နိုင်ငံရေး ဒီရေတက်တဲ့အောင်ပွဲပဲ။

■ သူရုန်း၊ ကိုယ်ရုန်း၊ တစ်နိုင်ငံလုံး

သူရုန်း၊ ကိုယ်ရုန်း အသက်တွေဆုံး။ ဘ၀တွေပြုန်း။ မြန်မာပြည်သူတိုရဲ့ နှလုံးရည်ကိုပြခဲ့တဲ့၊ ကမ္ဘာက တအံ့တသြဖြစ်ခဲ့ရတဲ့ သမိုင်းတင် သမိုင်းဝင်အောင်ပွဲပဲ။ ဖျောက်လို့မရ ပျောက်လို့မသွားတဲ့ ပြည်သူ့နှလုံးရည်တိုက်ပွဲဟာ နောင်လာနောက်သားတို့ကို သတိပေးထားတယ်။ ဒါကို ဥပမာပြုရင်း မျက်မှောက်ဖြစ်ပျက်နေတဲ့ နိုင်ငံရေးဖြစ်စဉ်တွေကို လုပ်ဆောင်ကြရမယ်။ ခံစားချက်ကိုယ်စီ တူလာရင် တိုင်ပင်စရာမလိုဘဲ ညီညွတ်တတ်ကြတယ်။ လတ်တလော လိုအပ်နေတာက ငြိမ်းချမ်းရေး။ လှည်းနေလှေအောင်း မြင်းဇောင်းမကျန် လိုချင်နေတာ ငြိမ်းချမ်းရေး။ ငြိမ်းချမ်းရေးလိုချင်နေတာဟာ ဘယ်သူ့ကိုမှ ရန်မူနေတာမဟုတ်ဘူး။ ငြိမ်းချမ်းရေး မလိုချင်သူတွေကသာ ပြည်သူတွေကို ရန်သူလိုမြင်။ ရန်သူလိုသဘောထား။ ရန်ပြုဖို့လုပ်နေကြတာ။

ဒီတော့ ရှစ်လေးလုံးကိုစံပြုရင်း သူရုန်း၊ ကိုယ်ရုန်း၊ တစ်နိုင်ငံလုံး ရုန်းလိုက်ကြရအောင်။ ခုဆိုအကြောင်းရှိလာပြီ။ ဒီအချိန်၊ ဒီလိုအကြောင်းရှိရင် ရုန်းကြရမယ်၊ တွက်ကပ်နေလို့မရဘူး။ ခံစားချက်တူလာရင် ညီညွတ်မှုဆိုတာ အလိုလိုဖြစ်ပေါ်လာတာ။

သူရုန်း၊ ကိုယ်ရုန်း၊ ရှစ်လေးလုံးသမိုင်းဝင် ပြည်သူ့အောင်ပွဲကို သင်ခန်းစာယူရင်း တစ်နေ့အကြောင်းရှိခဲ့သော် အမှန်တရားအတွက် ညီညွတ်ကြဖို့လိုကြောင်း မှတ်တမ်းတွေက ညွှန်ပြနေပါတယ်။ နာကြည်းဖို့ထက် နာကျင်ဖို့ပါ။ ၀မ်းနည်းနေဖို့ထက် လွမ်းမောသတိရနေဖို့ပါ။ အရှုံးလို့ခံစားနေတာထက် ငြိမ်းချမ်းရေးရဖို့အတွက် သင်ခန်းစာရယူဖို့ပါ။ ရှစ်လေးလုံးမှသည် ငြိမ်းချမ်းရေးသို့။

သြဂုတ် ၈ ရက်အား ‘မြန်မာနိုင်ငံဒီမိုကရေစီနေ့’ အဖြစ် တရားဝင်သတ်မှတ်ပေးရန် တောင်းဆို

 

သြဂုတ် ၈ ရက်အား ‘မြန်မာနိုင်ငံဒီမိုကရေစီနေ့’ အဖြစ် အစိုးရနှင့် လွှတ်တော်က တရားဝင်သတ်မှတ်ပေးရန်နှင့် ရှစ်လေးလုံး အရေးတော်ပုံသမိုင်းပြတိုက်ကြီး ပေါ်ပေါက်လာစေရေးအတွက် အစိုးရက အမြန်ဆုံး အသိအမှတ်ပြုဆောင်ရွက်ပေးရန် (၂၉) နှစ်မြောက် ရှစ်လေးလုံးဒီမိုကရေစီအရေးတော်ပုံ အခမ်းအနားကျင်းပရေးကော်မတီက ကြေညာချက်ထုတ်ပြန်တောင်းဆိုသည်။

(၂၉) နှစ်မြောက် ရှစ်လေးလုံးဒီမိုကရေစီ အရေးတော်ပုံအခမ်းအနားကို ရန်ကုန်မြို့ သင်္ဃန်းကျွန်းမြို့နယ်ရှိ ဓမ္မပိယသာသနာ့ရိပ်သာ ကျောင်းတွင် သြဂုတ် ၈ ရက် နံနက်ပိုင်းက ပြုလုပ်ခဲ့ပြီး အဆိုပါကြေညာချက်အား ထုတ်ပြန်ခဲ့ခြင်းဖြစ်သည်။

‘‘ပထမဆုံးအနေနဲ့ ရှစ်လေးလုံးကို ဒီမိုကရေစီနေ့အနေနဲ့ အသိအမှတ်ပြုဖို့။ ပြီးတော့ ပြတိုက်ကို နိုင်ငံတော်က တာဝန်ယူဖို့။ ကျွန်တော်တို့မှာ စုဆောင်းထားတာတွေက  တော်တော်များတယ်။ အဲဒါတွေက အဖိုး အင်မတန်ထိုက်တဲ့ ပစ္စည်းတွေ။ တကယ့်သမိုင်းဝင်တဲ့ အထိမ်းအမှတ်တွေ။ အဲဒါတွေ ကျွန်တော်တို့ တစ်ရက်ရက်မှာ တစ်ယောက်ယောက်မသမာမှုနဲ့ ပျက်စီးသွားရင် ဆုံးရှုံး ရချည်ရဲ့လို့ ကျွန်တော်တို့ နေ့တိုင်းပူနေရတယ်။ အဲဒါတွေကို နိုင်ငံတော်အဆင့် လုံခြုံရေးမျိုး ရချင်တယ်။ ပြီးတဲ့အခါမှာ ဒီဟာကြီးကို၊ ဒီပြတိုက်ကို လည်ပတ်ဖို့အတွက်လည်း  ပညာရှင်တွေ၊ နိုင်ငံတကာမှာ ပညာသင်ခဲ့တဲ့ ပညာရှင်တွေလည်းရှိတယ်။ အဲဒီတော့ ပြတိုက်ပညာရှင်တွေနဲ့ပေါင်းပြီး နိုင်ငံတော် က တာဝန်ယူစေချင်တယ်။ အဲဒါက အဓိကပေါ့။ ပြီးတော့ ရှစ်လေးလုံးနေ့ကို ဒီမိုကရေစီနေ့အဖြစ် အသိအမှတ်ပြုပေးဖို့။ လွှတ်တော် နဲ့ အစိုးရကို ပြောတယ်ပေါ့နော်။ အဓိက,က မီဒီယာတွေ။ ကျွန်တော်တို့ကိုယ်တိုင်က ဒါဟာ မြန်မာနိုင်ငံရဲ့ ဒီမိုကရေစီနေ့ပဲလို့ သုံးစွဲတယ်ဆိုရင်ကို တော်တော်ဟုတ်ပြီ။ ခုနက ပြောတဲ့ လွှတ်တော်တို့၊ ဘာတို့ လုပ်တာက တော့ တရားဝင်ဖြစ်မှုပေါ့။ တကယ်တမ်း နောက်ဆုံးကျရင် လွှတ်တော်တွေ၊ အစိုးရတွေက မဆုံးဖြတ်နိုင်ခင်မှာ ပြည်သူလူထုက စောစောစီးစီး အောင်အောင်မြင်မြင် ဆုံးဖြတ်ပြီး ခေါ်ဝေါ်လိုက်ရတဲ့ ကိစ္စရပ်တွေ အများကြီး ရှိတယ်။ အဲဒါမျိုးလည်း ကျွန်တော်တို့ တစ်ဖက်ကနေ ကြိုးစားကြရမယ်’’ဟု ၈၈ မျိုးဆက် ကျောင်းသားခေါင်းဆောင်  ဦးမင်းကိုနိုင်က ပြောကြားသည်။

ရှစ်လေးလုံးဒီမိုကရေစီရေးလှုပ်ရှားမှု လူထုအရေးတော်ပုံကြီးသည် ယနေ့အချိန်အခါတွင် (၂၉) နှစ်တိုင်ခဲ့ပြီဖြစ်ကြောင်း၊ ရှစ်လေးလုံး အရေးတော်ပုံကြီး၏ ဒီမိုကရေစီရေး ရည်မှန်းချက်များ ခရီးရောက်အောင် ဆောင်ရွက်နိုင်ခဲ့ခြင်းရှိ၊ မရှိကို ၈၈ မျိုးဆက်များ အားလုံး ပြန်လည်သုံးသပ်သင့်သော အချိန်ကာလသို့ ရောက်ပြီဖြစ်ကြောင်း ထုတ်ပြန်ချက်တွင် ပါရှိသည်။

ထို့ပြင် ငွေရတုဆုံးဖြတ်ချက်သုံးရပ်တွင် ဒီမိုကရက်တစ် ဖက်ဒရယ်ပြည်ထောင်စုနိုင်ငံတော်သစ် ထူထောင်ရန်၊ ၂၀၀၈ ခုနှစ်ဖွဲ့စည်းပုံ အခြေခံဥပဒေ ပြင်ဆင်ပြောင်းလဲရန် သို့မဟုတ် ဖွဲ့စည်းပုံအခြေခံဥပဒေသစ် ပြန်လည်ရေးဆွဲရန်၊ ငြိမ်းချမ်းရေးနှင့် အမျိုးသားပြန်လည် သင့်မြတ်ရေးကို ဦးတည်သော အမျိုးသားအင်အားစု အားလုံး ပါဝင်သည့် ညီလာခံတစ်ရပ် ကျင်းပရန်ဟူ၍ ထုတ်ပြန်ကြေညာခဲ့သည့်အတိုင်း နိုင်ငံရေးအင်အားစုများအားလုံး တက်ကြွစွာ ပူးပေါင်းဆောင်ရွက်သွားရန် လိုအပ်ကြောင်း ထုတ်ပြန်ချက်၌ ဖော်ပြထားသည်။

နိုင်ငံသားများ၏ အခြေခံအခွင့်အရေးများကို ဖြည့်ဆည်းဆောင်ရွက်၍ ပြည်တွင်းငြိမ်းချမ်းရေးကို နိုင်ငံရေးဆန္ဒရှိရှိ ရှင်းရှင်းလင်းလင်းဖော်ဆောင်ရန် လိုအပ်ကြောင်း၊ မြန်မာပြည်သူတစ်ရပ်လုံး ပါဝင်ခဲ့ကြသည့် ရှစ်လေးလုံး ဒီမိုကရေစီအရေးတော်ပုံကြီးကို အလေးအနက်ထား အသိအမှတ်ပြု၍  အမျိုးသားရင်ကြားစေ့ရေးကို တည်ဆောက်ရမည်ဖြစ်ကြောင်း၊ မျက်မှောက်ကာလတွင် အခြေခံဥပဒေပြင်ဆင်ပြောင်းလဲရေး ကြိုးပမ်းလှုပ်ရှားမှုများနှင့် ပြည်တွင်းငြိမ်းချမ်းရေးလုပ်ငန်းစဉ်များကို ခြိမ်းခြောက်နှောင့်ယှက် ခံနေရကြောင်းလည်း ထုတ်ပြန်ချက်တွင် ရေးသားထားသည်။

တောင်ငူမြို့တွင် (၂၉)နှစ်မြောက် (၈၈၈၈) ဒီမိုကရေစီ အရေးတော်ပုံ နှစ်ပတ်လည် အခမ်းအနားကျင်းပ

(၈၈၈၈) ဒီမိုကရေစီ အရေးတော်ပုံ နှစ်ပတ်လည် အခမ်းအနားကို ယနေ့ (သြဂုတ်လ ၈ ရက်) နံနက် ၉ နာရီခွဲခန့်က တောင်ငူမြို့ သမိုင်းဝင်ရွှေဆံတော် ဘုရားအရှေ့ဘက် မုခ်ဦးတွင် ကျင်းပခဲ့ပြီး အခမ်းအနားကျင်းပရခြင်း ရည်ရွယ်ချက်များအား ဦးဆောင်သူများက ပြောကြားခဲ့ကြပြီး ၈၈၈၈ ဒီမိုကရေစီ အရေးတော်ပုံကာလ၌ တောင်ငူမြို့ရွှေဆံတော်ဘုရား အရှေ့ဘက်မုခ်အနီးတွင် ကျဆုံးခဲ့သော တောင်ငူမြို့ခံ ၅ ဦး အတွက် အမှတ်တရပြုလုပ်ခြင်းဖြစ်ကြောင်းနှင့် နိုင်ငံရေး တက်ကြွလှုပ်ရှားသူ အင်အား ၅၀ ၀န်းကျင်ခန့် ပါဝင်ခဲ့ကြကြောင်း သိရသည်။

“ဒီနေ့ ဒီနေရာမှာ ကျွန်တော်တို့ဘာကြောင့် လုပ်ရတယ်ဆိုတဲ့အကြောင်းလေးကို ကျွန်တော်နည်းနည်းရှင်းပြချင်ပါတယ်၊ ၉.၈.၈၈ မှာ ကျွန်တော်တို့တောင်ငူမြို့ရွှေဆံတော်ဘုရားမှာ သပိတ်စခန်းဖွင့်ခဲ့ပါတယ်၊ ၁၉.၈.၈၈ မှာ ဒီရွှေဆံတော်ဘုရား အရှေ့ဘက်မုခ်မှာ ၁၂ နာရီတိတိမှာ အာဏာရှင်တွေရဲ့မတရားနှိပ်စက်ခြင်း ပစ်သတ်ခြင်းကို ခံခဲ့ရတဲ့အတွက် ဒီနားမှာ သူငယ်ချင်းဇော်ဝင်းထွန်း၊ အလီ၊ဒေါ်သိန်းကြည်၊တင်ဦး၊ ကိုစိုးကြီးတို့ ၅ ယောက် ကျဆုံးခဲ့တဲ့အတွက်ကို ကျွန်တော်တို့ ဒီ ၈ ရက် ၈ လ ၈၈ ကို အမှတ်တရပြုလုပ်ခြင်း ဖြစ်ပါတယ်”ဟု တောင်ငူမြို့တွင် ကျင်းပသည့် ၈၈၈၈ နှစ်ပတ်လည် အခမ်းအနား ဦးဆောင်သူကိုအောင်ဇေယျကပြောကြားသည်။