ပြည်ထောင်စုသမ္မတ မြန်မာနိုင်ငံနှင့် ရုရှားဖက်ဒရေးရှင်းနိုင်ငံ တပ်မတော် နှစ်ရပ်အကြား စစ်ဘက်နည်းပညာ ပူးပေါင်းဆောင်ရွက်ရေး သဘောတူစာချုပ် လက်မှတ်ရေးထိုး

ဓာတ်ပုံ – တပ်မတော်ကာကွယ်ရေးဦးစီးချုပ်ရုံး

ပြည်ထောင်စုသမ္မတ မြန်မာနိုင်ငံနှင့် ရုရှားဖက်ဒရေးရှင်းနိုင်ငံ တပ်မတော်နှစ်ရပ်အကြား စစ်ဘက်နည်းပညာ ပူးပေါင်းဆောင်ရွက်ရေး သဘောတူစာချုပ်အား ဇန်န၀ါရီ ၂၀ ရက်တွင် လက်မှတ် ရေးထိုးခဲ့ကြောင်း တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်အရ သိရသည်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ရုရှားဖက်ဒရေးရှင်းနိုင်ငံ၊ ကာကွယ်ရေးဝန်ကြီး Army General Sergey K.SHOIGU ကို ဇန်န၀ါရီ ၂၀ ရက် နေ့လယ်ပိုင်းတွင် နေပြည်တော်ရှိ ဇေယျာသီရိဗိမာန်ရှေ့၌ ဂုဏ်ပြုတပ်ဖွဲ့ဖြင့် ကြိုဆိုခဲ့ကြောင်း သိရသည်။

ထို့နောက် ရုရှား-မြန်မာ နှစ်နိုင်ငံအကျိုးတူ ဆွေးနွေးပွဲပြုလုပ်ခဲ့ရာ တပ်မတော်ကာကွယ်ရေးဦးစီးချုပ်က မြန်မာနိုင်ငံနှင့် ရုရှား နိုင်ငံနှစ်နိုင်ငံသည် မိတ်ဆွေနိုင်ငံများဖြစ်ပြီး မိမိတို့နိုင်ငံ လွတ်လပ်ရေးရရှိချိန်မှစ၍ နှစ် နိုင်ငံခေါင်းဆောင်များ ဆက်ဆံရေး ကောင်းမွန်ခဲ့ကြောင်း၊ အလှမ်းကွာဝေးသော်လည်း ထူးခြားသည့် ဆက်ဆံရေးများ ရှိကြောင်း၊ နှစ်နိုင်ငံဆက်ဆံရေး ပိုမိုတိုးမြှင့်ဆောင်ရွက်ရန် လိုအပ်ပါကြောင်း၊ ထိုသို့ဆောင်ရွက်ခြင်းဖြင့် နှစ်နိုင်ငံ ပူးပေါင်းဆောင်ရွက်မှု နယ်ပယ်များစွာ ကျယ်ပြန့်လာမည် ဖြစ်ကြောင်း၊ ရုရှားနိုင်ငံအနေဖြင့် မြန်မာနိုင်ငံ၏ ပြုပြင်ပြောင်းလဲမှုများတွင် နိုင်ငံတကာမျက်နှာစာ၌ မြန်မာနိုင်ငံဘက်မှ ရပ်တည် ဆောင်ရွက်ပေးခဲ့မှုများအတွက် ကျေးဇူးတင်ရှိပါကြောင်း၊ ARSA အစွန်းရောက် ဘင်္ဂါလီ အကြမ်းဖက်သမားများသည် မြန်မာနိုင်ငံ၏ တရားဥပဒေစိုးမိုးရေး လုပ်ငန်းစဉ်များ ထိခိုက်စေရန် ဦးတည်ဆောင်ရွက်လျက် ရှိသည်ကို တွေ့ရှိရကြောင်း၊ အကြမ်းဖက်သမားများသည် နိုင်ငံတကာတွင် ဆိုရှယ်မီဒီယာများအား အသုံးပြု၍ ၎င်းတို့ ကျူးလွန်ခဲ့သည့် အကြမ်းဖက်မှုများအား မှေးမှိန်ပျောက်ကွယ်စေရန်အတွက် ၀ါဒဖြန့်မှုများ ဆောင်ရွက်၍ မိမိတို့ လုံခြုံရေးတပ်ဖွဲ့ဝင်များက ဘင်္ဂါလီများကိုသာ နှိပ်စက်သည့်ပုံစံဖြင့် ဆောင်ရွက်လျက်ရှိပြီး အချို့နိုင်ငံတကာ အသိုင်းအ၀ိုင်းများက မြန်မာနိုင်ငံအပေါ် စွပ်စွဲပြီး ပိတ်ဆို့ကန့်သတ်မှုများ ဆောင်ရွက်လာကြောင်း ပြောကြားခဲ့သည်။

ဧည့်သည်တော်ဝန်ကြီးက ရခိုင်ဒေသအတွင်း ဖြစ်ပွားခဲ့သည့် အကြမ်းဖက် တိုက်ခိုက်မှုများသည် နိုင်ငံရေးနှင့် ပတ်သက်ဆက်နွယ်မှုများ ရှိသည်ဟု ယူဆပါကြောင်း၊ မြန်မာနိုင်ငံအစိုးရ၊ တပ်မတော်နှင့် နိုင်ငံသားများ အားလုံး နည်းလမ်းရှာဖွေ ဆောင်ရွက်ရမည်ဖြစ်ပြီး အခက်အခဲများ ရှိပါကြောင်း၊ ရခိုင်ပြည်နယ်အတွင်း ဖြစ်ပွားလျက်ရှိသည့် အခြေအနေမှန်များအား နိုင်ငံတကာမှ သိရှိအောင် မိမိတို့ နိုင်ငံမီဒီယာမှ ဆောင်ရွက်ပေးသွားမည် ဖြစ်ကြောင်း ပြောကြားသည်။

ယင်းနောက် တပ်မတော်ကာကွယ်ရေးဦးစီးချုပ်နှင့် ရုရှားဖက်ဒရေးရှင်းနိုင်ငံ ကာကွယ်ရေးဝန်ကြီးတို့သည် နှစ်နိုင်ငံ တပ်မတော်နှစ်ရပ်အကြား စစ်ဘက်နည်းပညာ ပူးပေါင်းဆောင်ရွက်မှုဆိုင်ရာ ကိစ္စရပ်များ၊ လေ့ကျင့်ရေးဆိုင်ရာ ပူးပေါင်းဆောင်ရွက်ရေး၊ တပ်မတော်(ရေ)နှစ်ရပ်အကြား စစ်သင်္ဘောများ အပြန်အလှန်လည်ပတ်ရေး၊ တပ်မတော် နှစ်ရပ်အကြား ချစ်ကြည်ရေးခရီးများ အပြန်အလှန် လည်ပတ်ရေးနှင့် တပ်မတော်နှစ်ရပ်အကြား ချစ်ကြည်ရင်းနှီးမှု တိုးမြှင့်ဆောင်ရွက်ရေးဆိုင်ရာ ကိစ္စရပ်များအား ရင်းနှီးပွင့်လင်းစွာ အမြင်ချင်းဖလှယ် ဆွေးနွေးကြသည်။

ဆက်လက်ပြီး ရုရှားဖက်ဒရေးရှင်းနိုင်ငံ နှင့် ပြည်ထောင်စုသမ္မတ မြန်မာနိုင်ငံတော်၊ မြန်မာ့တပ်မတော်တို့အကြား ပူးပေါင်းဆောင်ရွက်ရေး သဘောတူစာချုပ် လက်မှတ်ရေးထိုးခြင်း အခမ်းအနားအား ကျင်းပပြုလုပ်ရာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တပ်မတော်အရာရှိကြီးများ၊ ရုရှားဖက်ဒရေးရှင်းနိုင်ငံ၊ ကာကွယ်ရေးဝန်ကြီး Army General Sergey K.SHOIGU နှင့် ရုရှားတပ်မတော်မှ အရာရှိကြီးများ တက်ရောက်ကြသည်။

ထို့နောက် ကာကွယ်ရေးဝန်ကြီးဌာန ဒုတိယ၀န်ကြီး ဗိုလ်ချုပ်မြင့်နွယ်နှင့် ရုရှားဖက်ဒရေးရှင်းနိုင်ငံ ဒုတိယကာကွယ်ရေးဝန်ကြီး Lieutenant General Alexander V. FOMIN တို့က ပြည်ထောင်စုသမ္မတ မြန်မာနိုင်ငံတော် မြန်မာ့တပ်မတော်နှင့် ရုရှားဖက်ဒရေးရှင်းနိုင်ငံ တပ်မတော်တို့အကြား ပူးပေါင်းဆောင်ရွက်ရေးဆိုင်ရာ သဘောတူစာချုပ်အား လက်မှတ်ရေးထိုးခဲ့ကြပြီး အပြန်အလှန်လဲလှယ်ခဲ့ကြောင်း သိရသည်။

ထရန့်က အမေရိကန် ပထမအမျိုးသားလုံခြုံရေး မဟာဗျူဟာကို ကြေညာခဲ့ပြီး တရုတ်နှင့်ရုရှားကို ဝေဖန်ရှုတ်ချခဲ့

ဒီဇင်ဘာ ၁၈ ရက်က ၀ါရှင်တန်ရှိ ရော်နယ်ရောင် အဆောက်အအုံတွင် မိန့်ခွန်းပြောနေသည့် အမေရိကန် သမ္မတ ထရန့် (Photo : AFP)

အမေရိကန်သမ္မတ ဒေါ်နယ်ထရန့်သည် ၎င်း၏ပထမဆုံး အမျိုးသား လုံခြုံရေး မဟာဗျူဟာကို ကြေညာခဲ့ရာ တရုတ်နှင့်ရုရှားတို့သည် အမေရိကန် အကျိုးစီးပွားများကို ထိပါးနေသော ပြန်လည်ပြင်ဆင်ရေးဝါဒ နိုင်ငံများ ဖြစ်ကြောင်း ဝေဖန်ခဲ့သည်။ ထရန့်၏ နိုင်ငံခြားရေးမူဝါဒကို ပုံဖော်မည့် အမျိုးသားလုံခြုံရေး မဟာဗျူဟာတွင် ရုရှားနှင့် ပူးပေါင်းဆောင်ရွက်မှု၏ အကျိုးစီးပွားများကို ထရန့်က ချီးကျူးခဲ့ပြီး တရုတ်သည် အာရှတွင် အမေရိကန်ကို ဖယ်ထုတ်ရန် ကြိုးပမ်းနေကြောင်း စွပ်စွဲပြောကြားခဲ့သည်။

တရုတ်နှင့်ရုရှားက ထရန့်၏ ပထမဆုံးသော အမျိုးသားလုံခြုံရေး မဟာဗျူဟာသည် စစ်အေးခေတ် စိတ်နေသဘောထား တစ်ခုဖြစ်ကြောင်း ရှုတ်ချခဲ့ကြသည်။

တရုတ်နှင့်ရုရှားသည် အမေရိကန်၏ ကမ္ဘာ့ပြိုင်ဘက်များအဖြစ် ပုံဖော်ရန် ထရန့်က ကြိုးပမ်းခဲ့ပြီး ရုရှားကိုမူ ယခင်က သုံးနှုန်းခဲ့သည့် လေသံမျိုးမှ သိသိသာသာ ပြောင်းလဲသွားခဲ့သည်။

“တရုတ်နဲ့ ရုရှားက အမေရိကန်ရဲ့ ပါဝါ၊ လွှမ်းမိုးမှုနှင့် အကျိုးစီးပွားတွေကို စိန်ခေါ်နေပြီး အမေရိကန် လုံခြုံရေးနှင့် သာသာဝပြောမှုကို လျော့ပါးစေဖို့ ကြိုးပမ်းနေပါတယ်” ဟု ထရန့်၏ အမျိုးသားလုံခြုံရေး မဟာဗျူဟာက ပြောကြားခဲ့သည်။

ရုရှားသည် ကမ္ဘာတွင် အမေရိကန်၏ သြဇာကို အားပျော့စေရန် ဆောင်ရွက်နေပြီး မဟာမိတ်များ၊ မိတ်ဖက်များနှင့်လည်း သွေးခွဲရန် ရည်မှန်းနေကြောင်း ယင်းမဟာဗျူဟာက သတိပေးခဲ့သည်။ ထို့ပြင် ရုရှား၏ နျူကလီးယား လက်နက်များသည် အမေရိကန်အတွက် အကြီးမားဆုံး ခြိမ်းခြောက်မှု ဖြစ်ဖွယ်ရှိကြောင်းလည်း ယင်းလုံခြုံရေး မဟာဗျူဟာက ပြောကြားခဲ့သည်။

တရုတ်သည် အာရှတွင် အမေရိကန်ကို ဖယ်ထုတ်ရန် ကြိုးပမ်းနေကြောင်း ထရန့်၏ မဟာဗျူဟာက ပြောကြားခဲ့ပြီး တရုတ်၏ အာဏာရှင်စနစ် လက္ခဏာများ ဖြန့်ကျက်မှုမှသည် ကုန်သွယ်ရေး လိုငွေပြမှု၊ အချက်အလက်များ ခိုးယူခံရမှုအထိ အမေရိကန်၏ နစ်နာချက်များ ကို ထရန့်က စာရင်းပြုစု ချပြခဲ့သည်။

“ကျွန်တော်တို့ မျှော်လင့်ထားတာနဲ့ ဖီလာဆန့်ကျင်ပြီး တရုတ်ဟာ တခြားသူတွေ ရဲ့ အချုပ်အခြာအာဏာကို အသုံးချပြီး သူရဲ့ပါဝါကို ချဲ့ထွင်ခဲ့ပါတယ်” ဟု ထရန့်၏ လုံခြုံရေး မဟာဗျူဟာက ပြောကြားခဲ့သည်။

၁၁ လကြာ ပြင်ဆင်ရေးဆွဲခဲ့သော အမျိုးသားလုံခြုံရေး မဟာဗျူဟာသည် ထရန့်၏ အမေရိကန်ပထမ ကြွေးကြော်သံကို အခြေခံထားခဲ့ပြီး အမေရိကန်က ကမ္ဘာကို ချဉ်းကပ်မှုအတွက် မူဘောင်တစ်ခု ချမှတ်ပေးမည့် မဟာဗျူဟာဖြစ်သည်။

ဝါရှင်တန်ရှိ နိုင်ငံခြားရေးဆိုင်ရာ တာဝန်ရှိသူများက အစိုးရအဖွဲ့နှစ်ခု ဖြစ်နေကြောင်း တစ်ဖွဲ့သည် ပင်တဂွန် နိုင်ငံခြားရေးဌာနတို့နှင့် ထိတွေ့ပြီး နေ့စဉ်ဆောင်ရွက် နေကြသူများဖြစ်၍ နောက်တစ်ဖွဲ့က ထရန့်ထံမှ အထူးသဖြင့် Twitter မှတစ်ဆင့် လမ်းညွှန်မှုဖြင့် ဆောင်ရွက်နေသော အစိုးရအဖွဲ့ဖြစ်ကြောင်း ဝေဖန်နေကြသည်။ ထရန့်နှင့် သူ၏အမျိုးသား လုံခြုံရေး အကြံပေးများသည် အရှေ့အလယ်ပိုင်းရေးရာမှသည် မြောက်ကိုရီးယားနှင့် ဆွေးနွေးပွဲအထိ အခြေခံကျသော လုံခြုံရေးကိစ္စများတွင် လူသိရှင်ကြား သဘောထား ကွဲလွဲမှုများ မကြာခဏ ဖြစ်ပွားခဲ့သည်။

ထရန့်သည် သမ္မတတာဝန် စတင်ထမ်းဆောင်ခဲ့ပြီး ကတည်းက ရာသီဥတု ပြောင်းလဲမှုသည် လွတ်လပ်စွာ ကုန်သွယ်ရေး သဘောတူညီချက်အထိ ကိစ္စမျိုးစုံတွင် ယခင်သမ္မတ ဘာရက်အိုဘားမား၏ ဆောင်ရွက်ချက် အမွေကို ဖျက်ဆီးရန် ဆောင်ရွက်ခဲ့သည်။ ထရန့်၏ အမျိုးသားလုံခြုံရေး မဟာဗျူဟာသည် ရာသီပြောင်းလဲမှုဆိုင်ရာ ခြိမ်းခြောက်မှုနှင့် ပတ်သက်၍လည်း မဟာမိတ်များနှင့် လမ်းခွဲခဲ့သည်။ အမျိုးသား လုံခြုံရေး မဟာဗျူဟာတွင် ရာသီဥတု ပြောင်းလဲမှုဆိုသော အသုံးအနှုန်းကို ရှောင်ကြဉ်ခဲ့ပြီး အမေရိကန်သည် ကမ္ဘာ့စွမ်းအင် စနစ်တွင် ရှေ့ဆောင် ထုတ်လုပ်သူ၊ သုံးစွဲသူ၊ နည်းပညာ ဆန်းသစ်တီထွင်သူဖြစ်ပြီး ဈေးကွက်များ လွတ်လပ်ရေးနှင့် အမေရိကန် အခြေခံ အဆောက်အအုံများ ခိုင်မာလုံခြုံစေရန် ဆောင်ရွက်ရမည်ဟု ပြောကြားခဲ့သည်။

Ref : AFP

အာကာသယာဉ်မှူးသုံးဦး အပြည်ပြည်ဆိုင်ရာ အာကာသစခန်းသို့ ဆင်းသက်ရောက်ရှိ

ဒီဇင်ဘာ ၁၇ ရက်က ကာဇက်စတန်ရှိ ရုရှားအာကာသယာဉ် လွှတ်တင်ရေး စခန်းတွင် အာကာသယာဉ်မှူး သုံးဦးအား အာကာသသို့ မထွက်ခွာမီ တွေ့ရစဉ် (Photo : AFP)

အမေရိကန်၊ ဂျပန်နှင့် ရုရှား အာကာသယာဉ်မှူးတို့ ပါဝင်သည့် သုံးဦးအဖွဲ့သည် ဒီဇင်ဘာ ၁၉ ရက်က အပြည်ပြည်ဆိုင်ရာ အာကာသစခန်းသို့ အောင်မြင်စွာ ဆင်းသက်ရောက်ရှိခဲ့ကြောင်း သိရသည်။ နာဆာ၏ အာကာသယာဉ်မှူး စကော့တင်းဂဲ၊ ရုရှားအာကာသယာဉ်မှူး အန်တန်ရှခါပလာရော့နှင့် ဂျပန်အာကာသယာဉ်မှူး နိုရီရှီဂေကာနာအိတို့သည် နှစ်ရက်ကြာ ပျံသန်းခဲ့ပြီးနောက် ခြောက်လမစ်ရှင်ကို ဒီဇင်ဘာ ၁၉ ရက်တွင် စတင်ထမ်းဆောင်ခဲ့ကြသည်။

အာကာသယာဉ်မှူး သုံးဦးဆိုက်ရောက်ချိန်တွင် အပြည်ပြည်ဆိုင်ရာ အာကာသစခန်းသည် အီတလီဝေဟင်၏ အထက်မိုင် ၂၅၀ အကျော်တွင် ရှိနေခဲ့သည်ဟု နာဆာက ပြောကြားခဲ့သည်။

တင်းဂဲ ၅၂ နှစ်နှင့် ကာနာအိ ၄၀ နှစ်တို့သည် အာကာသအတွင်းသို့ ပထမဆုံးပျံသန်း သည့် အာကာသ ယာဉ်မှူးများဖြစ်ပြီး ဆိုယု ဒုံးပျံ MS-07 ကို ဦးဆောင်မောင်းနှင်ခဲ့သော ရှခါပလာရော့သည် အတွေ့အကြုံရှိ အာကာသယာဉ်မှူးဖြစ်သည်။ အသက် ၄၃ နှစ် အရွယ် ရှခါပလာရော့သည် ရုရှားစစ်တပ် လေယာဉ်မှူးဖြစ်ပြီး အာကာသတွင်းသို့ မစ်ရှင်နှစ်ကြိမ် သွားရောက်ခဲ့ဖူးသူဖြစ်သည်။

ကာနာအိသည် ဂျပန်အာကာသအေဂျင်စီ သမိုင်းတွင် အသက်အငယ်ဆုံးသော အာကာသယာဉ်မှူးဖြစ်ပြီး အာကာသစခန်းသို့သွားရန် အရည်အချင်း ပြည့်မီသည်ဟု ၂၀၁၁ ခုနှစ်က သတ်မှတ်ခံထားရသော ဂျပန်အာကာသယာဉ်မှူး သုံးဦးအနက် နောက်ဆုံးတစ်ဦးဖြစ်သည်။

Ref : AFP

ပူတင်က ၂၀၁၈ ခုနှစ် ရွေးကောက်ပွဲတွင် ထပ်မံ ယှဉ်ပြိုင်မည်ဟု ကြေညာ

ဒီဇင်ဘာ ၆ ရက်က မော်စကိုတွင် စေတနာ့ဝန်ထမ်းများဆိုင်ရာ ဖိုရမ်၌ မိန့်ခွန်းပြောရန် ရောက်လာသော ရုရှားသမ္မတ ပူတင် (Photo : AFP)

ရုရှားသမ္မတ ဗလာဒီမာပူတင်သည် အလွယ်တကူ အနိုင်ရရန်ရှိသော ၂၀၁၈ ခုနှစ် သမ္မတ ရွေးကောက်ပွဲကို ယှဉ်ပြိုင်မည်ဟု ဒီဇင်ဘာ ၆ ရက်တွင် ကြေညာခဲ့ရာ ဆိုဗီယက် အာဏာရှင် ဂျိုးဇက်စတာလင်နောက်ပိုင်း  ရုရှား၏ သက်တမ်းအရှည်ဆုံး ခေါင်းဆောင် ဖြစ်လာရန် လမ်းကြောင်းသို့ ရောက်ရှိသွားခဲ့သည်။

ပူတင်၏ လူထုထောက်ခံမှုသည် ပုံမှန်အားဖြင့် ရာခိုင်နှုန်း ၈၀ ၀န်းကျင်၌ ရှိနေခဲ့ပြီး လာမည့်နှစ် မတ်တွင် ကျင်းပမည့် ရွေးကောက်ပွဲ၌ ၎င်းက အပြတ်အသတ်ဖြင့် အနိုင်ရရန် သေချာနေခဲ့သည်။ အသက် ၆၅ နှစ်ရှိ ပူတင်က ရွေးကောက်ပွဲ ထပ်မံပြိုင်မပြိုင်နှင့် ပတ်သက်၍ လူအနည်းငယ်က သံသယ၀င်နေချိန်တွင် ယင်းကဲ့သို့ ကြေညာရန် နှောင့်နှေးနေခြင်းက လျှို့ဝှက်ပူးပေါင်း ကြံစည်မှုဆိုင်ရာ သီအိုရီအချို့ကို ထွက်ပေါ်စေခဲ့ပြီး ကရင်မလင်၏ နိုင်ငံရေးဆိုင်ရာ လှည့်ကွက်တစ်ခုဟု ရှုမြင်ခံခဲ့ရသည်။

ပူတင်နှင့် အလားအလာရှိသော ပြိုင်ဘက်များမှာ ယခင်ရွေးကောက်ပွဲများ၌ အနိုင်မရခဲ့သော ကိုယ်စားလှယ်လောင်း အများအပြားနှင့် ထင်ရှားသည့် နိုင်ငံရေးမျက်နှာသစ် တစ်ဦးဖြစ်သူ ရုပ်သံတင်ဆက်သည့် အသက် ၃၆ နှစ်ရှိ ကေစီနီယာဆော့ချက်တို့ဖြစ်သည်။ ကွန်မြူနစ်ပါတီ အကြီးအကဲ ဂင်နာဒီဇူဂါနော့၊ အစွန်းရောက် အမျိုးသားရေးဝါဒီ ဗလာဒီမာဇီရီနော့စကီးနှင့် လစ်ဘရယ်ပါတီခေါင်းဆောင် ဂရီဂိုရီယယ်လီစကီးတို့က ရွေးကောက်ပွဲ ယှဉ်ပြိုင်မည်ဟု ကြေညာခဲ့သည်။ ၁၉၉၀ ပြည့်လွန်နှစ်များတွင် ပူတင်၏ ဆရာဖြစ်ခဲ့သော ကွယ်လွန်သူ စိန့်ပီတာစဘတ်မြို့တော်ဝန် အနာတိုလီဆော့ချက်၏ သမီးဖြစ်သူ ဆော့ချက်ကလည်း ရွေးကောက်ပွဲကို ယှဉ်ပြိုင်မည်ဖြစ်သည်။

ပူတင်က ဆုံးဖြတ်ချက်အားလုံးကို ချမှတ်နေသည့် စနစ်ကို မယုံကြည်ကြောင်း၊ အခြေအနေများကို ပြောင်းလဲရန် ၎င်းတို့၏ စွမ်းဆောင်ရည်ကို ယုံကြည်ကြရန် တိုက်တွန်းလိုကြောင်း ဆော့ချက်က ဒီဇင်ဘာ ၆ ရက်တွင် မဲဆန္ဒရှင်များကို ပြောကြားခဲ့သည်။

ပူတင်၏ အထင်ရှားဆုံး ရန်ဘက်ဖြစ်သော အလက်ဇီနာဗာညီသည် စွဲချက်များ စွဲဆိုခံထားရသော်လည်း သမ္မတရွေးကောက်ပွဲ ယှဉ်ပြိုင်ရန် ဆန္ဒရှိနေသည်။ နာဗာညီသည် ၎င်းအား ရွေးကောက်ပွဲ ယှဉ်ပြိုင်ခွင့် ပြုရန်အတွက် အာဏာပိုင်များကို ဖိအားပေးရန် ရုရှားတစ်ဝန်း၌ စုဝေးမှုများ ပြုလုပ်ခြင်းနှင့် အောက်ခြေ မဲဆန္ဒရှင်များကို စည်းရုံးခြင်းများ ဆောင်ရွက်ခဲ့သည်။ နာဗာညီ၏ ရွေးကောက်ပွဲ မဲဆွယ်အဖွဲ့ခေါင်းဆောင် လီယိုနက်ဗိုကော့သည်လည်း Nizhny Novgorod မြို့တွင် ခွင့်ပြုချက်မယူဘဲ စုဝေးမှုတစ်ခုအား ဆောင်ရွက်ခဲ့မှုအတွက် ပြီးခဲ့သော သီတင်းပတ်တွင် ထောင်ဒဏ်တစ်လ ချမှတ်ခံခဲ့ရသည်။ နာဗာညီ ကိုယ်တိုင်လည်း နောက်ထပ် စုဝေးမှုတစ်ခုအား စီစဉ်ခဲ့မှုအတွက် ပြီးခဲ့သော အောက်တိုဘာတွင် ထောင်ဒဏ် ရက် ၂၀ ကျခံခဲ့ရသည်။ ၎င်း၏မဲဆွယ် အဖွဲ့ခေါင်းဆောင် ထောင်ဒဏ်ကျခံနေရသည့် နေရာမှ တစ်မိုင်ပင် မဝေးသော နေရာတွင် ပူတင်က ရွေးကောက်ပွဲ ယှဉ်ပြိုင်မည်ဟု ကြေညာခဲ့မှုသည် ရုရှားတွင် ရွေးကောက်ပွဲများ အတွက် မည်သို့ဆောင်ရွက်နေကြောင်း အကောင်းဆုံး သာဓကဖြစ်သည်ဟု နာဗာညီက ပြောကြားခဲ့သည်။

ပူတင်က ရွေးကောက်ပွဲ ထပ်မံယှဉ်ပြိုင်မည်ဖြစ်ကြောင်း Nizhny Novgorod မြို့ရှိ GAZ ကားစက်ရုံ၌ ကြေညာခဲ့ခြင်းဖြစ်သည်။ ယင်းစက်ရုံသည် ရုရှား၏ သင်္ကေတအဆန်ဆုံး စက်မှုလုပ်ငန်းကြီးများအနက် တစ်ခုဖြစ်သည်။ ၁၉၃၂ ခုနှစ်တွင် ဆိုဗီယက် စက်မှုလုပ်ငန်း ခေတ်မီရေး ကြိုးပမ်းမှုများအတွင်း တည်ဆောက်ခဲ့သည့် ယင်းစက်ရုံမှ  ဗင်နှင့် စစ်သုံးထရပ်ကားများမှသည် ဆိုဗီယက်ခေတ် အထက်တန်းလွှာများအတွက် Volga ဆီဒင်ကားများနှင့် ဇိမ်ခံကားများအထိ သန်းပေါင်းများစွာသော ကားများကို ထုတ်လုပ်ခဲ့သည်။

Ref : AP

မြောက်ကိုရီးယား အဆိုးသံသရာ နိဂုံးချုပ်ရန် တရုတ်နှင့် ရုရှားတို့ တိုက်တွန်း

စက်တင်ဘာ ၁၆ ရက်က ပြုံယမ်းတွင် မြောက်ကိုရီးယား၏ ဒုံးပစ်လွှတ်မှု သတင်းအား ကြည့်ရှုနေကြသူများ (Photo : AFP)

ကုလသမဂ္ဂ အထွေထွေ ညီလာခံတွင် တွေ့ဆုံခဲ့ကြသော တရုတ်နှင့် ရုရှားနိုင်ငံခြားရေး ၀န်ကြီးများက ကိုရီးယား ကျွန်းဆွယ်တွင် အဆိုးသံသရာ လည်နေရခြင်းကို ငြိမ်းချမ်းစွာ အဆုံးသတ်ရန် တောင်းဆိုခဲ့ကြောင်း တရုတ်အစိုးရက စက်တင်ဘာ ၁၉ ရက်တွင် ပြောကြားခဲ့သည်။

မြောက်ကိုရီးယား၏ နျူကလီးယားလက်နက် စီမံကိန်းအတွက် ပြုံယမ်းနှင့် အကျပ်အတည်းကို ငြိမ်းချမ်းသော ဖြေရှင်းမှုတစ်ခု ရှာဖွေကြရန် သက်ဆိုင်သူအားလုံးကို တိုက်တွန်းကြောင်း တရုတ်နိုင်ငံခြားရေးဝန်ကြီး ၀မ်ယီနှင့် ရုရှားနိုင်ငံခြားရေးဝန်ကြီး ဆာဂေးလက်ဗရော့တို့က တိုက်တွန်းကြောင်း တရုတ်နိုင်ငံခြားရေး ၀န်ကြီးဌာနက ထုတ်ပြန်သော ကြေညာချက်တွင် ပြောကြားခဲ့သည်။ ပို၍နက်ရှိုင်းလာသော အဆိုးသံသရာကို ဖျက်ပစ်ရမည်ဟု ၀မ်ယီက ပြောကြားခဲ့သည်။

ငြိမ်းချမ်းရေး ဆွေးနွေးပွဲ ပြန်လည်စတင်ရေးသည် လုံခြုံရေးကောင်စီ၏ ဆုံးဖြတ်ချက်များ အကောင်အထည်ဖော်ရန် အရေးကြီးသော ခြေလှမ်းတစ်ခု ဖြစ်ကြောင်းလည်း ၀မ်ယီက ပြောကြားခဲ့သည်။ မြောက်ကိုရီးယား၏ နျူကလီးယားလက်နက် စီမံကိန်းများ ရပ်ဆိုင်းရန်အတွက် အမေရိကန်က ဒေသတွင်း၌ စစ်ရေးလေ့ကျင့်မှုများ ရပ်ဆိုင်းပေးရန် “နှစ်လမ်းသွား ချဉ်းကပ်မှု” ကို တရုတ်က တောင်းဆိုခဲ့ပြီး ရုရှားက ယင်းတောင်းဆိုမှုကို ထောက်ခံခဲ့သည်။ လုံခြုံရေးကောင်စီသည် ပြီးခဲ့သည့်သီတင်းပတ်က မြောက်ကိုရီးယားအား ပိတ်ဆို့အရေးယူမှုများ ထပ်မံချမှတ်ခဲ့ပြီး တရုတ်နှင့် ရုရှားတို့ထံမှ ထောက်ခံမှုများရရှိရန် အကြံပြုချက်အချို့ကို လျှော့ချပေးခဲ့သည်။

မြောက်ကိုရီးယားသည် ယခုလအတွင်း၌ ခြောက်ကြိမ်မြောက်နှင့် အင်အားအပြင်းဆုံးသော နျူကလီးယား စမ်းသပ်မှုကို ဆောင်ရွက်ခဲ့ပြီးနောက် ဒေသတွင်း တင်းမာမှုများ မြင့်တက်နေသည်။ အမေရိကန်သမ္မတ ဒေါ်နယ်ထရန့်က မြောက်ကိုရီးယားကို စစ်ရေးအရေးယူ ဆောင်ရွက်မှုအား ပယ်ချမထားခဲ့ပေ။ စက်တင်ဘာ ၁၈ ရက်တွင် အမေရိကန်၏ F-35 B တိုက်လေယာဉ် လေးစင်းနှင့် B-1 B ဗုံးကြဲလေယာဉ်နှစ်စင်းသည် ကိုရီးယား ကျွန်းဆွယ်ပေါ်ကိုဖြတ်၍ ပျံသန်းခဲ့သည်။ တရုတ်နှင့် ရုရှားတို့ကလည်း ကိုရီးယားကျွန်းဆွယ် အရှေ့ဘက်တွင် ရေတပ်ပူးတွဲ စစ်ရေးလေ့ကျင့်မှုကို စတင်နေသည်။

အမေရိကန်သည် မြောက်ကိုရီးယားအား စစ်ရေးဖြင့် အရေုးယူဆောင်ရွက်ရန်အတွက် နည်းလမ်းများစွာ ရွေးချယ်ရန်ရှိကြောင်း အမေရိကန် ကာကွယ်ရေးဝန်ကြီး ဂျင်မာတစ်က စက်တင်ဘာ ၁၈ ရက်တွင် ပြောကြားခဲ့သည်။

ပြုံယမ်းသည် နျူကလီးယားနှင့် ဒုံးစီမံကိန်းများကို စွန့်လွှတ်ရန် ငြင်းဆန်နေပါက အဖျက်ဆီးခံရမည် ဖြစ်ကြောင်း ထရန့်အစိုးရ အဖွဲ့က ဖိအားပေးခဲ့ပြီးနောက် မာတစ်က စစ်ရေးမှတ်ချက်ကို ပြောကြားခဲ့ခြင်းဖြစ်သည်။ မာတစ်က အသေးစိတ်ကို မပြောကြားခဲ့သော်လည်း ယင်းနည်းလမ်းများစွာတွင် ဆိုးလ်အား အန္တရာယ် မကျရောက်စေနိုင်သည့် နည်းလမ်းများ ရှိသည်ဟု အခိုင်အမာ ပြောကြားခဲ့သည်။ အမေရိကန်နှင့် တောင်ကိုရီးယားသည် အရွယ်အစား အကန့်အသတ်ရှိ နည်းဗျူဟာကျ နျူကလီးယား လက်နက်များအား တောင်ကိုရီးယားသို့ ပေးပို့ရေးကို ဆွေးနွေးခဲ့ကြောင်းလည်း မာတစ်က အတည်ပြု ပြောကြားခဲ့သည်။

ပြုံယမ်းက ဂျပန်ကိုကျော်၍ ဒုံးစမ်းသပ်မှုကို ပစ်ချရန် အမေရိကန်နှင့် ဂျပန်တို့အား တောင်းဆိုမှုများ ရှိနေချိန်၌ မာတစ်က ယင်းဒုံးများသည် တိုက်ရိုက်ခြိမ်းခြောက်မှု မဟုတ်သောကြောင့် ပစ်ချရန်မလိုအပ်ကြောင်း ပြောကြားခဲ့သည်။

Ref : AFP

ဘင်္ဂါလီမွတ်ဆလင်တို့ကို ထောက်ခံဆန္ဒပြသူ ၁၀၀ ခန့်အား ရုရှားထိန်းသိမ်း

Photo : AFP

ရုရှားနိုင်ငံ၊ စိန့်ပီတာစဘတ်တွင် စက်တင်ဘာ ၁၀ ရက်က ဆန္ဒပြသူ ၂၀၀ ခန့်သည် ဘင်္ဂါလီမွတ်ဆလင်တို့အား ထောက်ခံဆန္ဒပြခဲ့ရာ ရုရှားရဲတပ်ဖွဲ့က အခွင့်မရှိဘဲ ဆန္ဒပြမှုအတွက် လူ ၁၀၀ ခန့်အား ထိန်းသိမ်းခဲ့ကြောင်း အေအက်ဖ်ပီ သတင်းဖော်ပြချက်အရ သိရသည်။

စိန့်ပီတာစဘတ်ရှိ ဒီမော့ဆိုမာရာရင်ပြင်တွင် ဆန္ဒပြသူများအား ရဲကားများ၊ ရဲများ ၀ိုင်းရံ၍ ဆန္ဒပြသူများ အနက်မှ ၁၀၀ ခန့်အား ရဲကားများနှင့် ခေါ်ဆောင်သွားခဲ့ကြောင်း ဆန္ဒပြသည့်နေရာသို့ ရောက်ခဲ့သည့် အေအက်ဖ်ပီ သတင်းထောက်က ပြောကြားခဲ့သည်။

ရုရှားရှိ ချေချင်းညာ၏ အဓိကမြို့ ဂရိုဇနီ၌ ပြီးခဲ့သည့် သီးတင်းပတ်ကလည်း လူထောင်ချီ၍ ဆန္ဒပြမှု ဖြစ်ပွားခဲ့သည်။