အင်အားကြီး သုံးနိုင်ငံက ဆွေးနွေးနေစဉ် ရုရှားနှင့် သူပုန်များက အိုင်ဒလစ်တွင် တိုက်ခိုက်မှုများပြုလုပ်

စက်တင်ဘာ ၇ ရက်တွင် အိုင်ဒလစ်ပြည်နယ် တောင်ဘက် ခန်ရှေးခန်းမြို့မှ အရှေ့ဘက် လေးကီလိုမီတာ အကွာ၌ အစိုးရတပ်၏ တိုက်ခိုက်မှုကြောင့် မီးခိုးများ ထွက်ပေါ်နေစဉ် (Photo : AFP)

ဆီးရီးယားတွင် သူပုန်များ ထိန်းချုပ်ထားသော နောက်ဆုံးပြည်နယ် အိုင်ဒလစ် တည်ငြိမ်ရေးအတွက် အင်အားကြီး သုံးနိုင်ငံက ဆွေးနွေးနေစဉ် ရုရှားက စက်တင်ဘာ ၇ ရက်တွင် အိုင်ဒလစ်၌ လေကြောင်းမှ တိုက်ခိုက်မှုကြောင့် လူငါးဦး သေဆုံးခဲ့ကြောင်း ဆီးရီးယား လူ့အခွင့်အရေး စောင့်ကြည့်သည့် အဖွဲ့က ထုတ်ပြန်ခဲ့သည်။ ထိုနေ့နှောင်းပိုင်းတွင် သဘောထား တင်းမာသော သူပုန်များက ထိုပြည်နယ်နှင့် ကပ်လျက်ဒေသတွင် အမြောက်များဖြင့် ပစ်ခတ်မှုကြောင့် အရပ်သား ၁၀ ဦးလည်း သေဆုံးခဲ့ရကြောင်း ထိုစောင့်ကြည့် အဖွဲ့က ထုတ်ပြန်ခဲ့သည်။

အယ်ကေးဒါးနှင့် ဆက်နွှယ်သော ဆီးရီးယား ဂျီဟတ်အဖွဲ့နှင့် တူရကီ ကျောထောက်နောက်ခံပြု ပြိုင်ဘက်သူပုန်များက ထိန်းချုပ်ထားသည့် အိုင်ဒလစ်ပြည်နယ်ကို ထိုးစစ်မစတင်မီ ဆီးရီးယားအစိုးရ တပ်ဖွဲ့များသည် ထိုပြည်နယ်တစ်ဝိုက်၌ ရောက်ရှိနေသည်မှာ သီတင်းပတ်နှင့်ချီ ကြာမြင့်နေပြီဖြစ်သည်။ ဂျီဟတ်မဟာမိတ်အဖွဲ့ Hayat Tahrir al-Sham (HTS) နှင့် သဘောထား တင်းမာသော Ahrar al-Sham အဖွဲ့တို့က ထိန်းချုပ်ထားသည့် အိုင်ဒလစ် အနောက်တောင်ပိုင်းရှိ သူပုန်များ၏ နေရာများကို စက်တင်ဘာ ၇ ရက် အစောပိုင်းတွင် ရုရှားက လေကြောင်းမှ တိုက်ခိုက်ခဲ့သည်။

ထိုတိုက်ခိုက်မှုအတွင်း Hobait ဒေသရှိ Ahraral-Sham စခန်းတစ်ခု ပျက်စီးခဲ့ပြီး သူပုန်လေးဦး သေဆုံးခဲ့ကာ အခြားလူ ၁၄ ဦး ဒဏ်ရာရခဲ့ကြောင်း စောင့်ကြည့်အဖွဲ့က ထုတ်ပြန်ခဲ့သည်။ ထိုဗုံးကြဲ တိုက်ခိုက်မှုအတွင်း သိုးထိန်းတစ်ဦးလည်း သေဆုံးခဲ့ပြီး အခြားလူလေးဦး ဒဏ်ရာရခဲ့ကာ ၎င်းတို့သည် တိုက်ခိုက်ရေးသမားများ သို့မဟုတ် အရပ်သားများ ဟုတ်၊ မဟုတ်သည် ရှင်းရှင်းလင်းလင်း မသိရသေးပေ။

စက်တင်ဘာ ၇ ရက် ညနေတွင် အိုင်ဒလစ်နှင့် ထိစပ်နေသည့် နယ်စပ်တောင်ဘက် ၁၀ မိုင်ခန့်အကွာရှိ ဟားမားစ် ပြည်နယ်ရှိ မာရာဒါမြို့ကို သဘောထားတင်းမာသည့် သူပုန်များက အမြောက်များဖြင့် ပစ်ခတ်ခဲ့ကြောင်း၊ အစောပိုင်း လေကြောင်းတိုက်ခိုက်မှုများကို တုံ့ပြန်သည့် ထိုတိုက်ခိုက်မှုများကြောင့် အမျိုးသမီးခြောက်ဦး အပါအ၀င် အရပ်သား ၁၀ ဦး သေဆုံးခဲ့ရကြောင်း စောင့်ကြည့်အဖွဲ့၏ ခေါင်းဆောင် ရာမီအဗ္ဗဒယ်ရာမန်က ပြောကြားခဲ့သည်။

စက်တင်ဘာ ၇ ရက်တွင် တီဟီရန်၌ အီရန်သမ္မတ ဟက်ဆန်ရိုဟာနီ၊ တူရကီသမ္မတ ရီဆပ်တေယစ် အာဒိုဂန်တို့နှင့် တွေ့ဆုံဆွေးနွေးခဲ့သည့် ရုရှားသမ္မတ ဗလာဒီမာပူတင်က ၎င်းတို့သည် အိုင်ဒလစ်ပြည်နယ် တည်ငြိမ်ရေးနှင့် သက်ဆိုင်သည့် ခိုင်မာသော တုံ့ပြန်ဆောင်ရွက်မှုများကို ဆွေးနွေးခဲ့ကြကြောင်း ပြောကြားခဲ့သည်။ သို့သော် ပူးတွဲကြေညာချက်၌မူ အသေးစိတ် အချက်အလက် အနည်းငယ်သာ ပါဝင်ခဲ့သည်။

လူသေဆုံးမှု အနည်းဆုံးဖြင့် အိုင်ဒလစ်မှ သူပုန်များအား ချေမှုန်းနိုင်ရန် ဆီးရီးယားသမ္မတ ဘာရှားအယ် အာဆတ်အစိုးရအား ကူညီလိုကြောင်း အီရန်က ပြောကြားထားသည်။ ရုရှားက သာမန်တိုက်ခိုက်ရေး သမားများနှင့် အကြမ်းဖက် သမားများအား ခွဲခြားရန် ဆက်လက် လုပ်ဆောင်နေဟု ထုတ်ပြန်ခဲ့သည်။ ထို့ပြင် သူပုန်များနှင့် ဂျီဟတ်များအား ထိန်းချုပ်ရန် တူရကီက ၎င်း၏ သြဇာအာဏာကို အသုံးပြုရန် ရုရှားက လိုလားနေသည်။ အိုင်ဒလစ်အား ထိုးစစ်ဆင်မှုသည် ဆီးရီးယား စစ်ပွဲအတွင်း အကြီးမားဆုံး လူသားချင်း စာနာမှု အကျပ်အတည်း ဖြစ်လာစေနိုင်သည်။

Ref : AFP

ရွေးကောက်ပွဲအား ရုရှားဝင်ရောက်စွက်ဖက်မှု စွပ်စွဲချက်ကို စုံစမ်းစစ်ဆေးမှု၌ ထရန့်၏ အကြံပေးဟောင်း ထောင်ဒဏ်ချမှတ်ခံရ

စက်တင်ဘာ ၇ ရက်တွင် ဖလော်ရီဒါရှိ တရားရုံးသို့ ထရန့်၏ အကြံပေးဟောင်း ပါပါဒိုပူလော့စ်၏ ဇနီး (၀ဲ) က ရောက်ရှိလာစဉ် (Photo : AP)

အမေရိကန်သမ္မတ ရွေးကောက်ပွဲတွင် ရုရှား၏ ၀င်ရောက်စွက်ဖက်မှု စွပ်စွဲချက်များအား စုံစမ်းစစ်ဆေးနေမှုတွင် ရုရှားနှင့် ဆက်သွယ်ခဲ့သည့် အမေရိကန်သမ္မတ ဒေါ်နယ်ထရန့်၏ အကြံပေးဟောင်း တစ်ဦးသည် အက်ဖ်ဘီအိုင် အဖွဲ့အား လိမ်လည်ခဲ့မှုအတွက် စက်တင်ဘာ ၇ ရက်တွင် ထောင်ဒဏ်ချမှတ် ခံခဲ့ရကြောင်း သိရသည်။

နိုင်ငံခြားရေးမူဝါဒ အကြံပေးဟောင်းဖြစ်သူ ဂျော့ပါပါဒိုပူလော့စ်သည် အပြစ်ရှိကြောင်းနှင့် နောင်တရကြောင်း ၀န်ခံထွက်ဆိုခဲ့မှုကို ခရိုင်တရားသူကြီး ရန်ဒိုမော့စ်က အသိအမှတ်ပြုခဲ့ပြီး ထောင်ဒဏ် ၁၄ ရက်ချမှတ်ခဲ့သည်။ သို့သော် ပါပါဒိုပူလော့စ်သည် နိုင်ငံလုံခြုံရေးအတွက် အရေးပါသော စုံစမ်းစစ်ဆေးမှုတွင် လိမ်လည်ခဲ့ကြောင်း တရားသူကြီးက ပြောကြားခဲ့သည်။

ထရန့်၏ မဲဆွယ်အဖွဲ့နှင့် ရုရှားတို့အကြား လျှို့ဝှက်ပူးပေါင်း ကြံစည်မှု ရှိ၊ မရှိအား စုံစမ်းစစ်ဆေးမှု ၁၆ လ ကြာမြင့်လာချိန်တွင် အသက် ၃၁ နှစ်ရှိ ပါပါဒိုပူလော့စ်သည် ထောင်ဒဏ်ချမှတ်ခံခဲ့ရသည့် ဒုတိယမြောက်ပုဂ္ဂိုလ် ဖြစ်လာခဲ့သည်။ ထရန့်၏ လက်ထောက်ဟောင်း နှစ်ဦးသည် ကြီးလေးသော ပြစ်မှုများတွင် စီရင်ချက် ချမှတ်ခံခဲ့ရပြီးနောက် နှစ်ပတ်ကျော်အကြာ၌ ယခုကဲ့သို့ ထောင်ဒဏ်ချမှတ်မှု ပြုလုပ်ခဲ့ခြင်းဖြစ်သည်။

၂၀၁၇ ခုနှစ် မေတွင် စတင်ခဲ့ပြီးနောက်ပိုင်း ဒေါ်လာသန်းပေါင်းများစွာ ကုန်ကျခဲ့ပြီးဖြစ်သည့် အက်ဖ်ဘီအိုင် ဒါရိုက်တာဟောင်း ရောဘတ်မူလာ ဦးဆောင်သော ထိုစုံစမ်းစစ်ဆေးမှုအတွက် ထိုစီရင်ချက်များသည် အရေးမပါကြောင်း ထရန့်က ပြောကြားခဲ့သော်လည်း ယခုအချိန်အထိ စွဲချက်တင်မှု ၃၅ ခု၊ အပြစ်ရှိကြောင်း ၀န်ခံမှု ငါးခု၊ ရုံးတင်စစ်ဆေးနေမှုတစ်ခု ရှိလာမှုများကိုမူ လျစ်လျူရှုခဲ့သည်။

ပါပါဒိုပူလော့စ်သည် ၂၀၁၆ ခုနှစ် မတ်တွင် ထရန့်၏ မဲဆွယ်အဖွဲ့နှင့် ပူးပေါင်းခဲ့ချိန်၌ အတွေ့အကြုံ မရှိသော လန်ဒန်အခြေစိုက် ရေနံလုပ်ငန်း လေ့လာသုံးသပ်သူ တစ်ဦးသာ ဖြစ်ခဲ့သည်။ မဲဆွယ်အဖွဲ့၏ ဦးစားပေးမှာ ရုရှားနှင့် ဆက်ဆံရေး တိုးတက်စေရန် ဖြစ်သည်ဟု ညွှန်ကြားခံရပြီးနောက် ပါပါဒိုပူလော့စ်သည် ကရင်မလင်နှင့် ဆက်နွှယ်မှုရှိသော လျှို့လျှို့ဝှက်ဝှက် ပါမောက္ခ ဂျိုးဇက်မစ်ဆော့ဒ်နှင့် ဆက်သွယ်ခဲ့သည်။ မစ်ဆော့ဒ်သည် ရုရှားသမ္မတပူတင်၏ တူမဆိုသူဟု အခိုင်အမာ ဆိုခဲ့သည့် အမျိုးသမီးတစ်ဦး အပါအ၀င် အပြင်ပန်းအားဖြင့် ပူတင်နှင့် ဆက်နွှယ်မှုများရှိသော အခြားသူများအား ပါပါဒိုပူလော့စ်နှင် မိတ်ဆက်ပေးခဲ့သည်။

၂၀၁၆ ခုနှစ် မတ်လကုန်တွင် မဲဆွယ်အဖွဲ့ အစည်းအဝေးအပြီး၌ ပါပါဒိုပူလော့စ်က သူသည် နိုဝင်ဘာ ရွေးကောက်ပွဲမတိုင်မီ ထရန့်-ပူတင် ဆွေးနွေးပွဲတစ်ရပ်ကို စီစဉ်ပေးနိုင်သည့် အဆက်အသွယ်များ လန်ဒန်၌ ရှိနေကြောင်း ထရန့်အပါအ၀င် အထက်လွှတ်တော် အမတ်ဟောင်းနှင့် ယခုအခါ ရှေ့နေချုပ် ဂျက်ဖ်ဆက်ရှင်းနှင့် အခြားမဲဆွယ် တာဝန်ရှိသူများကို ပြောကြားခဲ့သည်။ စက်တင်ဘာ ၇ ရက်နှောင်းပိုင်းတွင် စီအင်န်အင်န်နှင့် အင်တာဗျူးတစ်ခု၌ ပါပါဒိုပူလော့စ်က ထရန့်သည် ထိုအစီအစဉ်အား ခေါင်းညိတ်ခဲ့သော်လည်း အကောင်အထည် မပေါ်ခဲ့ကြောင်း၊ သို့သော် ထရန့်-ပူတင် ဆွေးနွေးပွဲကို ဆက်ရှင်းက အမှန်တကယ် စိတ်အားထက်သန်ခဲ့ကြောင်း ပြောကြားခဲ့သည်။ ရုရှားတွင် ကလင်တန်အကြောင်း အီးမေးလ် ထောင်ပေါင်းများစွာ ရှိနေကြောင်းလည်း မစ်ဆော့ဒ်က ၎င်းအား ဧပြီတွင် ပြောကြားခဲ့ကြောင်း ပါပါဒိုပူလော့စ်က ပြောကြားခဲ့သည်။

Ref : AFP

ဆီးရီးယားရှိ ရုရှားလေတပ် အခြေစိုက်စခန်းကို မောင်းသူမဲ့လေယာဉ်နှင့် တိုက်ခိုက်မှုများ မြင့်တက်လာ

သြဂုတ် ၂၀ ရက်တွင် အိုင်ဒလစ်ပြည်နယ်၌ ဆီးရီးယား အမျိုးသမီး တစ်ဦးအား ရုရှားစစ်သားတစ်ဦးက စကားပြောနေစဉ် (Photo : AFP)

ဆီးရီးယားရှိ ရုရှားလေတပ် အခြေစိုက်စခန်းတစ်ခုကို သူပုန်နှင့်ဂျီဟတ်တို့၏ မောင်းသူမဲ့လေယာဉ် တိုက်ခိုက်မှုများ မြင့်တက်လာခဲ့သော်လည်း ယင်းလေယာဉ်အားလုံး ပစ်ချခံခဲ့ရသည်ဟု စောင့်ကြည့်သည့် အဖွဲ့တစ်ဖွဲ့က သြဂုတ် ၂၄ ရက်တွင် ထုတ်ပြန်ခဲ့သည်။

“ဇူလိုင်ကနေစပြီး Hmeimim ကို မောင်းသူမဲ့ လေယာဉ်တိုက်ခိုက်မှုတွေ မြင့်တက်လာတယ်” ဟု ဆီးရီးယား လူ့အခွင့်အရေးဆိုင်ရာ စောင့်ကြည့်အဖွဲ့က စစ်ကြောင့်ပျက်စီးနေသည့် ဆီးရီးယားနိုင်ငံရှိ ရုရှား၏ အဓိက စစ်အခြေစိုက်စခန်းတစ်ခုကို ရည်ညွှန်းပြောကြားခဲ့သည်။ လက်နက်ကိုင် အတိုက်အခံများကို နှိမ်နင်းမှုအား ကူညီရန်အတွက် ရုရှားက ၂၀၁၅ ခုနှစ်တွင် ဆီးရီးယား အစိုးရ၏ဘက်မှ ၀င်ရောက်ကူညီခဲ့သည်။

ဇူလိုင်တွင် တိုက်ခိုက်မှု ၁၃ ကြိမ်နှင့် ယခုလတွင် တိုက်ခိုက်မှု ငါးကြိမ်ရှိခဲ့ပြီး ယခုနှစ်အစောပိုင်းမှစ၍ စုစုပေါင်း တိုက်ခိုက်မှု ၂၃ ကြိမ်ရှိခဲ့ကြောင်း ဗြိတိန်အခြေစိုက် ယင်းအဖွဲ့က ထုတ်ပြန်ခဲ့သည်။

ယင်းတိုက်ခိုက်မှုများတွင် အသေးစား မောင်းသူမဲ့လေယာဉ်၌ ဖောက်ခွဲရေးပစ္စည်းများ အပြည့်ပါသော်လည်း ယင်းမောင်းသူမဲ့လေယာဉ် အများစုကို ပစ်မှတ်များဆီသို့ မရောက်မီ ရုရှား(သို့မဟုတ်)ဆီးရီးယား လေကြောင်း ကာကွယ်ရေးများက ပစ်ချခဲ့ကြောင်း ဆီးရီးယား စောင့်ကြည့်အဖွဲ့၏ အကြီးအကဲ ရာမီအဗ္ဗဒယ်ရာမန်က အေအက်ဖ်ပီသို့ ပြောကြားခဲ့သည်။

ဆီးရီးယားရှိ ရုရှားတပ်ဖွဲ့ဝင်များအတွက် အဓိကစခန်းကို တိုက်ရိုက်ပစ်မှတ်ထား တိုက်ခိုက်နိုင်ကြောင်း ရုရှားအစိုးရထံသို့ တိုက်ခိုက်ရေးသမားများက သတင်းစကား ပေးပို့ခဲ့သည်ဟု အဗ္ဗဒယ်ရာမန်က ပြောကြားခဲ့သည်။

ယင်းတိုက်ခိုက်မှုများအတွက် ရုရှားနိုင်ငံခြားရေး ၀န်ကြီးဌာန၏ ပြောခွင့်ရပုဂ္ဂိုလ် မာရီရာဇာရိုဗာက အကြမ်းဖက်သမားများကို အပြစ်တင်ခဲ့သည်။

“Hmeimim မှာ မောင်းသူမဲ့လေယာဉ် တိုက်ခိုက်မှုတွေက အမြဲတမ်းလိုလို ဖြစ်လာပြီ။ ကျွန်မတို့ရဲ့ လေကြောင်း ကာကွယ်ရေးတွေက မောင်းသူမဲ့လေယာဉ် ၄၅ စင်းကို ပစ်ချခဲ့တယ်” ဟု ၎င်းက သြဂုတ် ၂၃ ရက်တွင် ပြောကြားခဲ့သည်။

ဇူလိုင်တွင်လည်း ယင်းတိုက်ခိုက်မှုများကို ဟန့်တား ဖျက်ဆီးနိုင်ခဲ့သည်ဟု ရုရှားစစ်တပ်ပြောခွင့်ရပုဂ္ဂိုလ် ဗိုလ်ချုပ်ကြီး အီဂေါကိုနာချင်ကော့က ယခုလအစောပိုင်းတွင် ပြောကြားခဲ့သည်။

Hmeimim လေတပ်အခြေစိုက်စခန်းသည် အိုင်ဒလစ်ပြည်နယ် အနောက်မြောက်ပိုင်းရှိ သူပုန်နှင့် ဂျီဟတ်တို့ ထိန်းချုပ်ထားသည့် နယ်မြေ၏ အနောက်အရပ်တွင် ရှိသည်။ အိုင်ဒလစ် ပြည်နယ်ကို ၎င်း၏ အုပ်ချုပ်မှုအောက် ပြန်လည်ရောက်ရှိစေရန် ရည်မှန်းထားသည်ဟု ဆီးရီးယားသမ္မတ ဘာရှားအယ်လ်အာဆတ်က ပြောကြားခဲ့သည်။

အိုင်ဒလစ်ပြည်နယ်၏ ထက်ဝက်ကျော်ကို ဂျီဟတ်အဖွဲ့ Hayat Tahrir al-Shan က ထိန်းချုပ်ထားပြီး ကျန်ရှိသည့် နယ်မြေများကို သူပုန်အဖွဲ့များက ထိန်းချုပ်ခဲ့သည်

ရုရှားကျောထောက် နောက်ခံပြု အစိုးရတပ်ဖွဲ့သည် မကြာမီ အိုင်ဒလစ်ပြည်နယ်၏ သေးငယ်သည့် အစိတ်အပိုင်းမျှကိုသာလျှင် ပစ်မှတ်ထားနိုင်ဖွယ် ရှိသည်ဟု လေ့လာသုံးသပ်သူများက ပြောကြားခဲ့သည်။

သူပုန်ထောက်ခံသည့် တူရကီနှင့် ဆီးရီးယားအစိုးရကို ထောက်ခံသည့် ရုရှားနိုင်ငံကြား ဆွေးနွေးပွဲများက သူပုန်နှင့် ဂျီဟတ်တို့ ထိန်းချုပ်ထားသည့် နောက်ဆုံးပြည်နယ်ဖြစ်သော အိုင်ဒလစ်ပြည်နယ်၏ ကံကြမ္မာကို ဆုံးဖြတ်ပေးမည်ဟု မျှော်လင့်ရသည်။

Ref : AFP

ဆိုဗီယက်ယူနီယံကို အာခံခဲ့သူ ရုရှားစာရေးဆရာ ဗလာဒီမာ ဗွိုင်နိုဗစ်ခ်ျ

ထင်ရှားကျော်ကြားသည့် ရုရှားစာရေးဆရာနှင့် ယခင်ဆိုဗီယက်ယူနီယံအစိုးရကို ဆန့်ကျင်ခဲ့သူ ဗလာဒီမာ ဗွိုင်နိုဗစ်ခ်ျသည် အသက် ၈၆ နှစ်အရွယ်၌ နှလုံးရောဂါဖြင့် ကွယ်လွန်သွားကြောင်း ဇူလိုင် ၂၈ ရက်တွင် သူ၏ ဆွေမျိုးများက ကြေညာခဲ့သည်။

ဗွိုင်နိုဗစ်ခ်ျကို ၁၉၃၂ ခုနှစ် စက်တင်ဘာ ၂၆ ရက်၌ ဆိုဗီယက်ယူနီယံ တာဂျစ်နိုင်ငံ စတာလင်နာဘတ်၌ မွေးဖွားခဲ့သည်။ သူ၏ဖခင် နီကိုလိုင် ပါဗလိုဗစ်ခ်ျ ဗွိုင်နိုဗစ်ခ်ျ (၁၉၀၅-၁၉၈၇)  သည် ဆားဘီးယားမျိုးနွယ်  ဂျာနယ်လစ်တစ်ဦးဖြစ်ပြီး ပြည်တွင်းသတင်းစာများ၌ အယ်ဒီတာတစ်ဦးအဖြစ် လုပ်ကိုင်ခဲ့သည်။ သူ၏ မိခင် ရိုဇာကလီမန်တီဗနာ ဂွိုင်ခမန် (၁၉၀၈-၁၉၇၈) သည် ဂျူးနွယ်ဖွားတစ်ဦးဖြစ်သည်။ သူ၏မိခင်သည် ခင်ပွန်း ဖြစ်သူနှင့်အတူ ဂျာနယ်လစ်အဖြစ် လုပ်ကိုင်ခဲ့သော်လည်း နောက်ပိုင်းတွင် သင်္ချာဘာသာပြ ဆရာမအဖြစ် အသက်မွေးခဲ့သည်။

၁၉၃၆ ခုနှစ်တွင် ဗွိုင်နိုဗစ်ခ်ျ၏ဖခင် သည် ဆိုဗီယက်ဆန့်ကျင်ရေးလှုပ်ရှားသူအဖြစ် စွပ်စွဲခံရပြီး ထောင် ငါးနှစ်ကျခဲ့ပြီး ၁၉၄၁  ခုနှစ်၌ ပြန်လည်လွတ်မြောက်ခဲ့သည်။

ယင်းနောက် ၎င်းတို့၏ မိသားစုသည်  ဆွေမျိုးများရှိရာ ဇာပိုရိုဇိုင်းသို့ ရွှေ့ပြောင်းလာခဲ့သော်လည်း မျိုးချစ်စစ်ပွဲကြီး စတင်ဖြစ်ပွားပြီး နီကိုလိုင် ဗွိုင်နိုဗစ်ခ်ျသည် ရှေ့တန်း စစ်မြေပြင်သို့ စေလွှတ်ခြင်းခံရသည်။ နာဇီများ ကျူးကျော်ဝင်ရောက်ပြီးနောက် ဗွိုင်နိုဗစ်ခ်ျတို့ မိသားစုသည် အကြိမ်ကြိမ် ထွက်ပြေးခဲ့ရပြီး ရုရှားနိုင်ငံ နေရာအနှံ့အပြား၌ နေထိုင်ခဲ့ရသည်။

၁၉၄၅ ခုနှစ်တွင် ၎င်းတို့ မိသားစုသည် ဇာပိုရိုဇိုင်းသို့ ပြန်လာခဲ့ပြီး ဗွိုင်နိုဗစ်ခ်ျသည်  အသက်မွေးဝမ်းကျောင်းဆိုင်ရာ ကျောင်းတစ်ကျောင်းကို ၎င်းမြို့၌ ပြီးဆုံးသည်အထိ တက်ခဲ့ရသည်။

၁၉၅၁ ခုနှစ်နှင့် ၁၉၅၅ ခုနှစ်အကြားတွင် သူသည် ငြိမ်းချမ်းရေးကာလ ဆိုဗီယက်တပ်မတော်၌ တာဝန်ထမ်းဆောင်ခဲ့သည်။ ယင်းအချိန်၌ သူသည် သူ၏ကဗျာများကို စစ်တပ်သတင်းစာ၌ စတင်ရေးသားခဲ့သည်။

ယင်းနောက် ဗွိုင်နိုဗစ်ခ်ျသည် မက္ကဇင်ဂေါ်ကီစာပေတက္ကသိုလ်သို့ တက်ရောက်နိုင်ရန် ကြိုးပမ်းခဲ့သည်။ သို့သော် မအောင်မြင်ဘဲ မော်စကို သမိုင်းတက္ကသိုလ်ဖြစ်သော ခရက်စကားယားတက္ကသိုလ်သို့ တက်ရောက်ခဲ့သည်။ ယင်း၌ တစ်နှစ်ခွဲသာ ပညာသင်ကြားခဲ့ပြီး ကာဇက်စတန်သို့ သွားရောက်ရန် ညွှန်ကြားခြင်းခံရသည်။ သူသည် ကာဇက်စတန်၌ အချိန်အတိုင်းအတာတစ်ခုအထိ နေခဲ့ပြီး မော်စကိုသို့ပြန်လာကာ သူ၏ ပထမဆုံးဝတ္ထုရှည်ကို ရေးသားခဲ့သည်။

ဗွိုင်နိုဗစ်ခ်ျသည် သရော်စာဝတ္ထုများ ရေးသားခြင်းဖြင့်သာမက ကဗျာများရေးသားခြင်းကြောင့်ပါ ကျော်ကြားသူဖြစ်သည်။ ဘရက်ဇညက်လက်ထက်တွင် သူ၏စာများ ရေးသားထုတ်ဝေခြင်းကို ဆိုဗီယက်ယူနီယံ၌  ပိတ်ပင်ခြင်းခံရသည်။ သို့သော် အနောက်တိုင်း၌ အလွန်လူကြိုက်များသော စာရေးဆရာဖြစ်လာခဲ့သည်။ ၁၉၇၄ ခုနှစ်တွင် သူ၏အရေးအသားများနှင့် လူ့အခွင့်အရေး လှုပ်ရှားမှုများတွင် ပါဝင်ခဲ့မှုတို့ကြောင့် ဗွိုင်နိုဗစ်ခ်ျသည် ဆိုဗီယက်စာရေးဆရာများသမဂ္ဂမှ ထုတ်ပယ်ခြင်းခံရသည်။ ၁၉၇၆ ခုနှစ်တွင် သူ့အား ဆက်သွယ်သည့် တယ်လီဖုန်းလိုင်း  ဖြတ်တောက်ခြင်းခံရပြီး သူနှင့် သူ၏ မိသားစုသည် ၁၉၈၀ ပြည့်နှစ်တွင် ဖိအားပေးခံရသောကြောင့် ပြည်ပသို့ ထွက်ခွာသွားရသည်။ သူ သည် ဂျာမနီနိုင်ငံအနောက်ပိုင်း မြူးနစ်မြို့၌ အခြေချပြီး Radio Liberty ၌ အလုပ်လုပ်ခဲ့သည်။

၁၉၉၀ ပြည့်နှစ်တွင် ဗွိုင်နိုဗစ်ခ်ျသည် ရုရှားသို့ ပြန်လာခဲ့ပြီး မီခေးဂေါ်ဘာချော့က သူ့အား နိုင်ငံသားဖြစ်ခွင့် ပြန်လည်ပေးအပ်ခဲ့သည်။ ဗလာဒီမာပူတင်က ၂၀၀၀ ပြည့်နှစ်၌ သမ္မတဖြစ်လာပြီးမကြာမီ ဗွိုင်နိုဗစ်ခ်ျအား  နိုင်ငံတော်ဆုတစ်ဆု ချီးမြှင့်ခဲ့သည်။

ဗွိုင်နိုဗစ်ခ်ျသည် အခြားနိုင်ငံတကာဆုများနှင့် ဂုဏ်ပြုဆုများလည်း ချီးမြှင့်ခံရသူဖြစ်ပြီး ယင်းတွင် ရုရှားဖက်ဒရေးရှင်းနိုင်ငံတော်ဆု (၂၀၀၀)၊ အရပ်ဘက်ရဲစွမ်းသတ္တိဆိုင်ရာ စာရေးဆရာများအတွက် အင်ဒရေဆာခါရော့ဗ်ဆု (၂၀၀၂) တို့ ပါဝင်သည်။ သူသည် ဆားဘီးယားသိပ္ပံနှင့် ၀ိဇ္ဇာအကယ်ဒမီ ဘာသာစကားနှင့် စာပေဌာန အဖွဲ့ဝင်တစ်ဦးလည်းဖြစ်သည်။

ဗွိုင်နိုဗစ်ခ်ျသည် ၀တ္ထုရေးဆရာ၊ ကဗျာဆရာအပြင် ပြဇာတ်ရေးဆရာနှင့် ဂျာနယ်လစ်ဖြစ်ရုံမက ပန်းချီဆရာတစ်ဦးလည်းဖြစ်သည်။ သူသည် ၁၉၉၅ ခုနှစ် နောက်ပိုင်း တွင် ဂရပ်ဖစ်ပန်းချီများကို ရေးဆွဲခဲ့ပြီး သူ၏ ပန်းချီကားများကို ရုရှားပန်းချီပြခန်းများနှင့်  ၀က်ဘ်ဆိုက်တို့၌ ရောင်းချခဲ့သည်။

သူ၏ အထင်ရှားဆုံး ၀တ္ထုတစ်ပုဒ်ဖြစ် သည့် The Life and Extraordinary Adventures of Private Ivan Chonkin ကို ဒုတိယကမ္ဘာစစ်အတွင်း တပ်နီတော်၌ အခြေပြုထားပြီး အာဏာရှင်အစိုးရနှင့်ပတ်သက်၍ နေ့စဉ်ဘ၀အလွဲများကို သရော်ထားသည်။  Chonkin သည် ယခုအခါ ရုရှားပေါ် ပြူလာယဉ်ကျေးမှု၌ ထင်ရှားသော ဇာတ်ကောင်တစ်ဦးဖြစ်လာပြီး သူ၏ ၀တ္ထုကို ချက်ဒါရိုက်တာ ဂျီရီမင်ဇယ်က ရုပ်ရှင်ရိုက်ကူးခဲ့ သည်။

အဆိုပါ ၀တ္ထု၏ တတိယအပိုင်းကို ၂၀၀၇ ခုနှစ်ကျမှသာ ထုတ်ဝေနိုင်ခဲ့သည်။ ယင်းတတိယအပိုင်းတွင်  Chonkin  က အမေရိကသို့ မိမိသဘောဆန္ဒမပါဘဲ ရွှေ့ပြောင်းသွားခြင်း အပါအ၀င် စစ်ပြီးခေတ်နောက်ပိုင်း ယခုအထိ ဇာတ်ကောင်များကို ဖော်ပြခဲ့သည်။

၁၉၈၆ ခုနှစ်တွင် ဗွိုင်နိုဗစ်ခ်ျသည် Moscow 2042 အမည်ရှိ  ၀တ္ထုရှည်တစ်ပုဒ်ကို ရေးသားပြီး ၁၉၈၇ ခုနှစ်တွင် ထုတ်ဝေခဲ့သည်။ ယင်းဝတ္ထုတွင် ရုရှားနိုင်ငံကို နိုင်ငံတော်လုံခြုံရေးဆိုင်ရာ ကွန်မြူနစ်ပါတီက အုပ်ချုပ်ပုံကို သရုပ်ဖော်ထားသည်။ သူ သရုပ်ဖော်ထားသည့် ပါတီသည် KGB ၊ ရုရှား အော်သိုဒေါ့ ခရစ်ယာန်အသင်းတော်နှင့် ကွန်မြူ နစ်ပါတီတို့ကို ပေါင်းစပ်ထားခြင်းဖြစ်သည်။ ယင်းပါတီကို KGB ဗိုလ်ချုပ်ကြီးတစ်ဦးဖြစ်သော ဘူကာရှက် (ကြမ်းပိုးဟု အဓိပ္ပာယ်ရ) က ဦးဆောင်သည်။

ဗွိုင်နိုဗစ်ခ်ျ၏ အခြားဝတ္ထုများမှာလည်း  ကျော်ကြားထင်ရှားခဲ့သည်။ သူ၏ The Ivankiad ၀တ္ထု၌ ဆိုဗီယက်စနစ်၏ ဗျူရိုကရက်ပိတ်ဆို့မှုအတွင်း အိမ်ခန်းတစ်ခန်းရရန် ကြိုးစားသည့် စာရေးဆရာတစ်ဦးအ ကြောင်း ဖော်ပြထားသည်။

The Fur Hat ၀တ္ထုသည် ဂိုဂိုးလ်ရေးသားခဲ့သည့် Overcoat ၀တ္ထုအား ထင်ဟပ်လျက် သရော်လှောင်ပြောင်ထားသည့်ဝတ္ထု ဖြစ်သည်။

သူ၏ Monumental Propaganda ၀တ္ထုသည် ကွန်မြူနစ်ခေတ်လွန် ရုရှားအား ထိုးနှက်ဝေဖန်ထားသည့် ၀တ္ထုဖြစ်သည်။ ယင်းဝတ္ထု၌ စာရေးသူ၏ ထင်မြင်ချက်မှာ ရုရှားများသည် ဂျိုးဆက်စတာလင်ခေတ် နောက်ပိုင်း များစွာပြောင်းလဲသွားခြင်းမရှိ ဟူ၍ ဖြစ်သည်။

၂၀၀၂ ခုနှစ်တွင် ဗွိုင်နိုဗစ်ခ်ျသည် ထင်ရှားသည့် စာရေးဆရာ အလက်ဇန်းဒါး ဆိုဇန်နစ်စင်ကို အကြီးအကျယ် ဝေဖန်ထားသည့် အငြင်းပွားဖွယ်ရာ အမှတ်တရ ရုပ်ပုံလွှာ စာအုပ်တစ်အုပ်ကို ထုတ်ဝေခဲ့သည်။  ဗွိုင်နိုဗစ်ခ်ျသည် ဆိုဇန်နစ်စင်အား မိမိကိုယ်တိုင်ကို ပုဂ္ဂိုလ်ရေးကိုးကွယ်မှုဖြစ်လာအောင် ဖန်တီးခြင်းပြုသူ၊ စာရေးသားကျွမ်းကျင်းမှု ညံ့ဖျင်းသူနှင့် ဂျူးဆန့်ကျင်ရေးသမားဟု ဝေဖန်ခဲ့သည်။

ဗွိုင်နိုဗစ်ခ်ျသည် တက်ကြွ လှုပ်ရှားသူ တစ်ဦးအဖြစ်လည်း ထင်ရှားခဲ့သူဖြစ်သည်။ သူသည် ၂၀၀၁ ခုနှစ်တွင်  NTV ချန်နယ် အား ထောက်ခံမှုကို ဖော်ပြသည့် အိတ်ဖွင့် ပေးစာတစ်စောင်၌ လက်မှတ်ရေးထိုးခဲ့ပြီး  ၂၀၀၃ ခုနှစ်တွင် ဒုတိယမြောက် ချေချင်ညာစစ်ပွဲကို ဆန့်ကျင်သည့် စာတစ်စောင်ရေးသားခဲ့သည်။

၂၀၁၅ ခုနှစ် ဖေဖော်ဝါရီ ၂၅ ရက်တွင် ရုရှားသမ္မတထံ အိတ်ဖွင့်ပေးစာတစ်စောင် ရေးသားဖြန့်ချိခဲ့ရာ၌ ပူတင်ကို အစာငတ်ခံဆန္ဒပြနေသည့် ယူကရိန်းလေယာဉ်မှူး  နာဒီယာဆက်ချင်ကိုအား လွှတ်ပေးရန် တောင်းဆိုခဲ့သည်။

ဗွိုင်နိုဗစ်ခ်ျသည် သုံးကြိမ်တိုင်တိုင်လက်ထပ်ခဲ့သူဖြစ်သည်။ ၁၉၅၇ ခုနှစ်နှင့် ၁၉၆၄ ခုနှစ်အကြား၌ ဗလင်တီနာ ဗာဆယ် လီယက်နာ ဘော်တူရှာကီနာ (၁၉၂၉-၁၉၈၈) နှင့် ပေါင်းသင်းခဲ့ပြီး သမီး မာရီနာဗွိုင်နိုဗစ်ခ်ျ (၁၉၅၈-၂၀၀၆) နှင့် သား ပါဗယ်ဗွိုင်နိုဗစ်ခ်ျ (၁၉၆၂) တို့ကို မွေးဖွားခဲ့သည်။ သားဖြစ်သူသည် ရုရှားစာရေးဆရာနှင့် လူသိများထင် ရှားသူဖြစ်ပြီး သမိုင်းနောက်ခံဝတ္ထုများကို ရေးသားခဲ့သည်။

သူ၏ ဒုတိယဇနီးမှာ အီရီနာဒါနီလော့ဗ်နာဘရူဒီ (၁၉၃၈-၂၀၀၄) ဖြစ်သည်။ ဒုတိယဇနီးနှင့် အော်ဂါ ဗွိုင်နိုဗစ်ခ်ျ အမည်ရှိ သမီးတစ်ဦးကို ၁၉၇၃ ခုနှစ်တွင် မွေးဖွားခဲ့သည်။  သမီးဖြစ်သူသည် ဂျာမန်ဘာသာဖြင့် ရေးသားသော စာရေးဆရာမဖြစ်သည်။

၂၀၀၄ ခုနှစ်တွင် အီရီနာ ကွယ်လွန်ပြီးနောက် ဗွိုင်နိုဗစ်ခ်ျသည် ဆဗက်တလာနာ ယာကော့ဗ်လက်ဗ်နာ ကိုလက်နီချန်ကို အမည်ရှိ စွန့်ဦးလုပ်ကိုင်သူ လုပ်ငန်းတစ်ဦးနှင့် လက်ထပ်ခဲ့သည်။ အဆိုပါ အမျိုးသမီးသည် နာ မည်ကျော် ရုရှားဂျာနယ်လစ် တောမက်ကို လက်နီချန်ကို၏ ဇနီး မုဆိုးမဖြစ်သည်။

ဗွိုင်နိုဗစ်ခ်ျ ကွယ်လွန်သည့်အခါ ရုရှားယဉ်ကျေးမှုဝန်ကြီး ဗလာဒီမာ မက်ဒင်စကီး က သူ့အား အရှိတရားနှင့် ပတ်သက်၍ စူးရှသော အမြင်ကို အမြဲတမ်းပေးပြီး ရုရှား၌ လွတ်လပ်စွာဖော်ထုတ်ပြသခွင့်ကို အားကောင်းလာစေရန် အထောက်အကူပြုခဲ့သည့် ပါရမီရှင် စာရေးဆရာအဖြစ် ချီးကျူးခဲ့သည်။

ပူတင်က ၂၀၂၄ ခုနှစ်တွင် ၀န်ကြီးချုပ်အဖြစ် တစ်ကျော့ပြန်လာနိုင်ဟု အရိပ်အမြွက် ပြောကြား

မေ ၂၅ ရက်က စိန့်ပီတာစဘတ်မြို့တွင် အပြည်ပြည်ဆိုင်ရာစီးပွားရေးဖိုရမ်၌ ရုရှားသမ္မတ ပူတင်က စကားပြောနေစဉ် (Photo: AFP)

ရုရှားသမ္မတဗလာဒီမာပူတင်က ၂၀၂၄ ခုနှစ်တွင် ၎င်း၏ လက်ရှိသမ္မတသက်တမ်း ကုန်ဆုံးပြီးနောက် ၂၀၀၈ ခုနှစ်က လုပ်ခဲ့သည့်အတိုင်း ၀န်ကြီးချုပ်အဖြစ် ပြန်လာနိုင်ခြေရှိသည့်အကြောင်း မေ ၂၆ ရက်တွင် အရိပ်အမြွက်ပြောကြားခဲ့သည်။

“ကျွန်တော်ဟာ ရုရှားဖွဲ့စည်းပုံအခြေခံဥပဒေကို အမြဲတမ်း တိတိကျကျ လိုက်နာခဲ့ပါတယ်။ နောင်လည်း လိုက်နာသွားမှာဖြစ်ပါတယ်။ သမ္မတတစ်ဦးဟာ သက်တမ်းနှစ်ခု ဆက်တိုက်ထက်ပိုပြီး ထမ်းဆောင်လို့မရဘူးလို့ အခြေခံဥပဒေမှာ ရှင်းရှင်းလင်းလင်း ဖော်ပြထားပါတယ်” ဟု  ပူတင်က စိန့်ပီတာစဘတ်တွင် ပြုလုပ်သည့် ဖိုရမ်တစ်ခု၌ ၂၀၂၄ ခုနှစ်တွင် အာဏာမှ စွန့်ခွာမည် ဟုတ်၊ မဟုတ် မေးမြန်းမှုကို ပြန်လည်ဖြေကြားခဲ့ ခြင်းဖြစ်သည်။

“အခု ကျွန်တော်ရဲ့ ဒုတိယသမ္မတ သက်တမ်းကို ရောက်ရှိနေပါပြီ” ဟု ရုရှားခေါင်းဆောင် ပူတင်က ပြောကြားခဲ့သည်။

ပူတင်သည် ယခင်ကလည်း သမ္မတသက်တမ်းကိုနှစ်ကြိမ်ဆက် ထမ်းဆောင်ပြီးနောက် ၂၀၀၈ ခုနှစ်သို့ အရောက်တွင် ၀န်ကြီးချုပ်ရာထူးသို့ ပြောင်းလဲတာဝန်ယူခဲ့သည်။ ထိုစဉ် ပူတင်၏ မဟာမိတ် ဖြစ်သော ဒီမီထရီ မက်ဗီဒက်က သမ္မတ ဖြစ်လာခဲ့သည်။ သို့ သော် နိုင်ငံထဲတွင် သြဇာအကြီးဆုံးပုဂ္ဂိုလ်မှာ ပူတင်သာဖြစ်နေဆဲ ဖြစ်သည်ဟု လေ့လာသူများက သုံးသပ်ခဲ့ ကြသည်။ ထို့နောက် လေးနှစ်အကြာ၌ ပူတင်သည် သမ္မတရာထူးကို ပြန်လည် ရွေးချယ်ခံခဲ့ရသည်။

“ ပြီးခဲ့တဲ့တစ်ခေါက်တုန်းက ကျွန်တော် သမ္မတရာထူးကနေ ဆင်းသွားတာ မှတ်မိဦး မှာပေါ့။ ဒီတစ်ကြိမ်မှာလည်း ကျွန်တော်ဟာ စည်းမျဉ်းအတိုင်းပဲ ဆက်လက်လုပ်ဆောင် သွားဖို့ စီစဉ်ထားပါတယ်” ဟု ပူတင်က ပြောကြားခဲ့သည်။ ထို့ကြောင့် ပူတင်သည် ၂၀၂၄ ခုနှစ်တွင်လည်း ယခင်ကအတိုင်းဝန်ကြီးချုပ်အဖြစ် ထပ်မံပြောင်းလဲထမ်းဆောင်နိုင်သည့် သဘောကို အရိပ်အယောင်ပြ ညွှန်းဆိုနေခြင်း ဖြစ်နိုင်သည်။

လက်ရှိတွင်မူ ဒီမီထရီမက်ဗီဒက်သည် ၀န်ကြီးချုပ်နေရာတွင် တာဝန်ထမ်းဆောင်နေပြီး အနည်းငယ်ဘေးရောက်နေသည့် အနေအထားတွင် ရှိနေသော်လည်း ပူတင်၏ အယုံကြည်ရဆုံး လူယုံဖြစ်နေဆဲဖြစ်သည်။

၂၀၁၈ ခုနှစ် မတ်လရွေးကောက်ပွဲမတိုင်မီက ၂၀၃၀ ပြည့်နှစ်တွင် သမ္မတရာထူးအတွက် ထပ်မံ ယှဉ်ပြိုင်ရန် အစီအစဉ်ရှိ မရှိ မေးခွန်းအပေါ် ပူတင်က “ကျွန်တော့်ကို အသက် ၁၀၀ အထိ ဒီရာထူးမှာ ဆက်ရှိနေမယ်လို့ ထင်နေကြတာလား။ မဟုတ်ပါဘူး” ဟု ပြန်လည် ဖြေကြားခဲ့သည်။

၁၉၉၉ ခုနှစ်ကတည်းက ရုရှားနိုင်ငံကို ဦးဆောင်ခဲ့သော ပူတင်သည် ၎င်း၏ လက်ရှိသမ္မတသက်တမ်းအဆုံးသတ်သွားသော ၂၀၂၄ ခုနှစ်သို့ အရောက်တွင် အသက် ၇၁ နှစ် ရှိနေလိမ့်မည်ဖြစ်သည်။

ပူတင်သည် ၁၉၉၁ ခုနှစ်က နိုင်ငံရေးလောကသို့ မ၀င်မီအချိန်အထိ KGB ပြည်ပ ထောက်လှမ်းရေးအေးဂျင့်အဖြစ် ၁၆ နှစ်တိုင်တိုင် တာဝန်ထမ်းဆောင်ခဲ့သူဖြစ်သည်။

၁၉၉၉ ခုနှစ်တွင် ပူတင်သည် ၀န်ကြီးချုပ် ရာထူးကို စတင်တာဝန်ထမ်းဆောင်နေပြီဖြစ်သည်။ ၎င်း၏ ၀န်ကြီးချုပ်ပထမသက်တမ်းအတွင်း သမ္မတဘောရစ်ယာဆင် နုတ်ထွက်သွားသောကြောင့် ပူတင်သည် ယာယီ သမ္မတအဖြစ်လည်း တာဝန်ထမ်းဆောင်ခဲ့ရသည်။ ၀န်ကြီးချုပ်ဒုတိယသက်တမ်းသို့ အရောက်တွင် ပူတင်သည် အာဏာရပါတီ ဖြစ်သည့် ယူနိုက်တက်ရုရှား၏ ဥက္ကဋ္ဌ ဖြစ်နေပြီဖြစ်သည်။

ရုရှားသမ္မတပူတင်က စတုတ္ထမြောက်သက်တမ်းအတွက် ကျမ်းသစ္စာကျိန်ဆို

မေ ၇ ရက်က မော်စကိုရှိ ကရင်မလင်တွင် ကျမ်းသစ္စာကျိန်ဆိုပွဲသို့ ရောက်ရှိလာသည့် ရုရှားသမ္မတပူတင် (Photo: AFP)

အနောက်နိုင်ငံများနှင့် ဆက်ဆံရေး အလွန်အမင်းကျဆင်းနေမှုနှင့် အတိုက်အခံများအား ဖြိုခွင်းမှု အရိပ်မည်းများက ဖုံးလွှမ်းနေစဉ် ရုရှားသမ္မတ ဗလာဒီမာပူတင်က မေ ၇ ရက်တွင် စတုတ္ထမြောက်သက်တမ်းအတွက် ကျမ်းသစ္စာ ကျိန်ဆိုခဲ့သည်။ နိုင်ငံတစ်ဝန်း၌ ၎င်းအား ဆန့်ကျင်သည့် ဆန္ဒပြမှုများအတွင်း အတိုက်အခံခေါင်းဆောင် အလက်ဇီနာဗာညီအပါအ၀င် ဆန္ဒပြသူ ၁၆၀၀ နီး ပါး ထိန်းသိမ်းခံခဲ့ရပြီးနောက် နှစ်ရက်အကြာတွင် ပူတင်က ကျမ်းသစ္စာ ကျိန်ဆိုခဲ့ခြင်းဖြစ်သည်။

ရုရှားအား အုပ်ချုပ်မှု ၁၈ နှစ် ကြာမြင့်လာပြီဖြစ်သော ပူတင်သည် ပြီးခဲ့သော သက်တမ်းအတွင်း၂၀၁၄ ခုနှစ်၌ ယူကရိန်းထံမှ ခရိုင်းမီးယားအား သိမ်းယူခဲ့ပြီး ၂၀၁၅ ခုနှစ် တွင် ဆီးရီးယား၌ သမ္မတဘာရှားအယ်အာဆတ် အစိုးရဘက်မှ ကူညီတိုက်ခိုက်မှုများ လုပ်ဆောင်ခဲ့ကာ ပြည်တွင်း၌လည်း ၎င်း၏ လာမည့်သက်တမ်းအတွင်း လူနေမှုအဆင့်အတန်း တိုးတက်စေရန် ကြိုးစားမည်ဟု ကတိပြုထားသည်။

၂၀၂၄ ခုနှစ်တွင် ၎င်း၏ စတုတ္ထမြောက်သက်တမ်း အဆုံးသတ်ချိန်၌ ရွေးကောက်ပွဲ ထပ်မံယှဉ်ပြိုင်ခွင့်ကို ဖွဲ့စည်းပုံအခြေခံဥပဒေအရ ပိတ်ပင်ထားချိန်တွင် ပူတင်သည် ၎င်းအား ဆက်ခံမည့်သူကိစ္စကို နှုတ်ဆိတ်နေဆဲဖြစ်သည်။ ခရိုင်းမီးယားအား သိမ်းယူမှုကြောင့် အနောက်နိုင်ငံများ၏ ပိတ်ဆို့အရေးယူမှု နှင့်  ၂၀၁၆ ခုနှစ်တွင် ကမ္ဘာ့ရေနံဈေးကျဆင်းမှုတို့ကြောင့် မော်စကိုက အလွန်အမင်း အထိနာခဲ့ပြီးနောက် ပူတင်သည် စီးပွားရေး ပြန်လည်အားကောင်းလာစေရန် ခက်ခက်ခဲခဲ ရုန်းကန်နေရသည်။

ယခုနှစ် ကျမ်းသစ္စာကျိန်ဆိုမှုတွင် ကရင်မလင်၌ ကြီးကျယ်ခမ်းနားသော ဂုဏ်ပြုပွဲအား ထည့်သွင်းခြင်းမပြုမှု အပါအ၀င်  အတော်အသင့် ခပ်မှိန်မှိန်သာ ကျင်းပရန် စီစဉ်ထားခဲ့သည်။ ၂၀၁၂ ခုနှစ်က တတိယမြောက် သက်တမ်းအတွက် ကျမ်းသစ္စာကျိန်ဆိုသည့် အခမ်းအနားသို့ ပူတင်သည် အနက်ရောင်ကားယာဉ်တန်းဖြင့် လူသူကင်းမဲ့နေသော မော်စကိုလမ်းများကို ဖြတ်ကာ သွားရောက်ခဲ့သည်။ ယခုအခမ်းအနားတွင်မူ ပူတင်သည် ရွေးကောက်ပွဲမဲဆွယ်စဉ်၌ ပါဝင်ကူညီခဲ့သည့် စေ့တနာဝန်ထမ်းများနှင့် တွေ့ဆုံမည်ဟု မျှော်လင့်ရသည်။

မေ ၅ ရက်က နိုင်ငံတစ်ဝန်းတွင် တစ်ရက်ကြာ ပြုလုပ်ခဲ့သည့် အတိုက်အခံများ၏ ဆန္ဒပြမှုများအား နှိမ်နင်းမှုတွင် ရုရှားအင်ပါယာခေတ်က ဇာဘုရင်များ၏ မြင်းတပ်မှ  အဖွဲ့ဝင်များအဖြစ် ထမ်းဆောင်ခဲ့သည့် ပြည်သူ့စစ်အဖွဲ့ပုံစံ Cossacks များအဖြစ် ၀တ်ဆင်ထားသည့် ပူတင်လိုလားသူများက  မော်စကို ရဲတပ်ဖွဲ့ကို ကူညီပေးခဲ့ကြောင်း သိရသည်။ Cossacks များသည် ဆန္ဒပြသူများအား ကျာပွတ်များဖြင့်ရိုက်ခြင်း၊ လက်သီးဖြင့်ထိုးခြင်း ပြုလုပ်စဉ် ရဲများက ရပ်ကြည့်နေသည်ကို ၎င်းတို့၏ကိုယ်စားလှယ်များကမြင် တွေ့ခဲ့ကြောင်း အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့က ထုတ်ပြန်ခဲ့သည်။

အတိုက်အခံများအား နှိမ်နင်းမှုသည်  ရုရှားအစိုးရက ပူတင်၏ သက်တမ်းသစ်အတွင်း အစိုးရနှင့် သဘောကွဲလွဲသူများအား  သည်းခံမည်မဟုတ်ကြောင်း ပြသလိုခြင်ဖြစ်သည်ဟု မော်စကိုရှိ Centre of Political Technologies မှ ပါရီအခြေစိုက် နိုင်ငံရေး သုံးသပ်သူ တက်ယာနာစတန်နိုဗာယာက ပြောကြားခဲ့သည်။