ရန်ကုန်တိုင်းအတွင်းရှိ စက်မှုဇုန် ၂၉ ဇုန်အား ရန်ကုန်မြို့တော် စည်ပင်သာယာရေး လက်အောက်သို့ လွှဲပြောင်းမည်

ရန်ကုန်တိုင်းဒေသကြီး အတွင်းရှိ သီလ၀ါ အထူးစီးပွားရေးဇုန်ကို တွေ့ရစဉ် (ဓာတ်ပုံ-ကျော်ဇင်ဖြိုး)

ရန်ကုန်တိုင်းအတွင်းရှိ စက်မှုဇုန် ၂၉ ဇုန်အား ရန်ကုန်မြို့တော် စည်ပင်သာယာရေး လက်အောက်သို့ လွှဲပြောင်းမည်ဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောကြားသည်။

“ကျွန်တော်တို့ ရန်ကုန်မြို့မှာ စက်မှုဇုန် ၂၉ ခုရှိပါတယ်။ ဒါက မြို့တော်စည်ပင်သာယာကို လွှဲပြောင်းပြီး တိုင်းဒေသကြီးကနေ အဆင့်မြှင့်တင်ရေး ကဏ္ဍတွေကို ကျွန်တော်တို့ ကြိုးပမ်းဖို့ ဆောင်ရွက်နေပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

စက်မှုဇုန်မြေကွက်များတွင် လုပ်ငန်းလုပ်ကိုင်ခြင်း မရှိသည့် မြေကွက်လက်များနှင့် ပတ်သက်ပြီး တာ စက်ရုံအလုပ်ရုံလုပ်ငန်းများ လုပ်ဆောင်ရန်အတွက် ကွက်လပ်ဖြစ်နေသည့် မြေကွက်ပိုင်ရှင်များနှင့်လည်း တွေ့ဆုံဆွေးနွေးရန် ဆောင်ရွက်နေကြောင်း သိရသည်။

“စက်မှုဇုန်တွေမှာ မြေကွက်အလွတ် အများကြီးတော့ မရှိတော့ပါဘူး။ ကျန်ရှိနေသေးတဲ့ နေရာတွေကို ရှင်းလင်းဖို့ ဆက်လက်ဆောင်ရွက်သွားမယ်။ စက်မှုဇုန်တွေကို အဆင့်မြှင့်တင်တဲ့ နေရာမှာလည်း သင့်တင့်မျှတတဲ့ ၀န်ဆောင်မှုစရိတ်ကိုယူပြီး စက်မှုဇုန်တွေကို အဆင့်မြှင့်တင်ဆောင်ရွက်ဖို့ ကြိုးပမ်းသွားမှာ ဖြစ်ပါတယ်။ ဒီအခြေအနေအတွက်လည်း ပြင်ဆင်ဆောင်ရွက်နေပြီ ဖြစ်ပါတယ်” ဟု ၀န်ကြီးချုပ်က ပြောကြားသည်။

ထို့ပြင် ရန်ကုန်မြို့တွင် နိုင်ငံခြားရင်းနှီးမြှုပ်နှံလိုသူများ စိတ်ဝင်စားမှုရှိနေကြောင်း၊ သို့သော် နိုင်ငံခြား ရင်းနှီးမြှုပ်နှံသူများအား မြေပေးနိုင်မှုနှင့် ၀န်ဆောင်မှုပေးနိုင်သည့် အခြေအနေမျိုးကို ဖန်တီးတည်ဆောက်ရန် အတွက် စက်မှုဇုန်အသစ်နှင့် မြို့ပြစီမံကိန်းအသစ်များ တည်ဆောက်ပြီး မြေကိုသင့်တင့်မျှတသည့်နှုန်းဖြင့် ရင်းနှီးမြှုပ်နှံသူများအတွက် ပြင်ဆင်နေကြောင်း ၎င်းကပြောကြားသည်။

“ဒီအခြေအနေတွေကတော့ ဒဂုံအရှေ့ဘက်မှာ ပြင်ဆင်နေတာတွေရှိတယ်။ ကြည့်မြင်တိုင် တစ်ဖက်ကမ်းမှာ ပြင်ဆင်နေတာတွေ ရှိပါတယ်။ ဒီအပြင် ရေကြောင်းပို့ဆောင်ရေးအရ ကုန်စည်စီးဆင်းမှုတွေ လုပ်နိုင်ဖို့ Dry Port တွေလုပ်နိုင်ဖို့ Dry Port တွေတည်ဆောက်ပေးဖို့အတွက် ကြိုးစားနေပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

စက်မှုဇုန်များတွင် မြေရယူထားသူများ အနေဖြင့် ဥပဒေလုပ်ထုံးလုပ်နည်းအရ လုပ်ငန်းလုပ်ကိုင်ရန် အဆောက်အအုံများ တည်ဆောက်ရမည် ဖြစ်ကြောင်း၊ လုပ်ကိုင်ခြင်း မရှိပါက ပြန်လည်သိမ်းယူရမည်ဟု ပါရှိကြောင်း၊ သို့သော် မြေရယူထားသူ အချို့သည် လုပ်ငန်းလုပ်ကိုင်ခြင်း မရှိသူများလည်းရှိကြောင်း၊ လုပ်ငန်းလုပ်ကိုင်သူနှင့် လုပ်ငန်းလုပ်ကိုင်ခြင်း မရှိသူများကိုလည်း ပြန်လည်စိစစ်ထားကြောင်း ၀န်ကြီးချုပ် ဦးဖြိုးမင်းသိန်းက ပြောကြားသည်။

“အခုအချိန်အခါမှာ မြေကွက်လပ် တော်တော်များများမှာ ဆောက်ကြတယ်။ အနည်းငယ် ကျန်နေသေးတယ်။ အဲဒီသူတွေကို ဆက်သွယ်ဖို့ အခက်အခဲ ရှိနေတယ်။ ဒီအတွက် စက်မှုဇုန်တွေ အတွင်းမှာရှိတဲ့ မြေကွက်တွေကို၊ အမှန်အတိုင်းပြောရင်တော့ တကယ်ရင်းနှီးမြှုပ်နှံလိုသူတွေ လက်ထဲမှာ ဒီမြေကွက်တွေက ရှိမယ်ဆိုရင် ပိုအကျိုးရှိနိုင်တယ်။ မလုပ်လို့ ဥပဒေအတိုင်း ဆောင်ရွက်မယ်ဆိုရင် သိမ်းဆည်းတာတွေ လုပ်လို့ရနိုင်တယ်။ မြေကွက်ကို အကောင်အထည် ဖော်ရမှာပဲဖြစ်တယ်။ သိမ်းဖို့ဆိုတာထက် လုပ်ဖို့ကို ကျွန်တော်တို့ ဦးတည်တာဖြစ်တယ်။ လုပ်ခြင်းအားဖြင့် တိုင်းပြည်မှာ တိုးတက်မှု ပိုဖြစ်နိုင်ပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

 

ရန်ကုန်တိုင်းအတွင်းရှိ မြို့များတွင် လျှပ်စစ်မီးကို လုံလောက်အောင် ပေးနိုင်သည့်အဆင့် တစ်ခုသို့ ရောက်နေပြီ ဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ပြောကြား

ဇွန်လအတွင်းက ရန်ကုန်မြို့၌ လျှပ်စစ်မီးပြတ်တောက်နေမှုအား တွေ့ရစဉ် (ဓာတ်ပုံ-နေ၀န်းထက်)

ရန်ကုန်တိုင်းအတွင်းရှိ မြို့များတွင် လျှပ်စစ်မီးအား လုံလောက်အောင် ပေးနိုင်သည့် အဆင့်တစ်ခုသို့ ရောက်နေပြီဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက သြဂုတ် ၂၄ ရက်တွင် ရန်ကုန်တိုင်းဒေသကြီး အစိုးရအဖွဲ့ရုံးတွင် ပြုလုပ်သည့် ရန်ကုန်တိုင်းဒေသကြီး အစိုးရအဖွဲ့၏ ဒုတိယ တစ်နှစ်တာ ဆောင်ရွက်ချက်များ သတင်းစာ ရှင်းလင်းပွဲတွင် ပြောကြားသည်။

“အခုအခြေအနေမှာတော့ လျှပ်စစ်မီးကို လုံလောက်အောင်ပေးနိုင်တဲ့ အဆင့်တစ်ခုကို ရောက်နေပြီ ဖြစ်ပါတယ်။ လျှပ်စစ်မီး မရသေးတဲ့နေရာတွေ၊ လျှပ်စစ်မီးကိုတိုးပြီး ကျေးလက်ဒေသအထိ ဖွံ့ဖြိုးတိုးတက်ဖို့ လျှပ်စစ်မီးပေးနိုင်ဖို့ ကဏ္ဍတွေကတော့ ဆက်လက်ကြိုးစားရဦးမှာ ဖြစ်ပါတယ်။ မြို့ပြတွေမှာ လျှပ်စစ်မီး လုံလုံလောက်လောက် ဖြန့်ဝေပေးနိုင်ဖို့အတွက် ဆောင်ရွက်နိုင်ပြီ ဖြစ်ပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

ထို့ပြင် လျှပ်စစ်မီးအား ပြည်သူလူထုအတွက် နိုင်ငံတော်မှ အရှုံးခံကာ မီးပေးနေရသည့် အခြေအနေမျိုး ရှိနေကြောင်း၊ လျှပ်စစ်မီးသည် များများဖြန့်ဝေပါက များများရှုံးသည့် အခြေအနေမျိုး ဖြစ်နေကြောင်း၊ လျှပ်စစ်မီးနှင့် ပတ်သက်ပြီး ပိုမိုကျယ်ပြန့်စွာ ပေးနိုင်ရန်အတွက် စိစစ်သုံးသပ်ကာ ရှေ့ဆက်ဆောင်ရွက်ရမည့် အခြေအနေများကို ပြည်ထောင်စုအစိုးရနှင့် တိုင်းဒေသကြီး အစိုးရအကြား ဆွေးနွေးဆောင်ရွက်ရမည် ဖြစ်ကြောင်း ၎င်းက ပြောကြားသည်။

“လျှပ်စစ်မီးမှာ ကဏ္ဍသုံးခုလောက် ရှိပါတယ်။ လျှပ်စစ်ရအောင်လုပ်ပေးတဲ့ အပိုင်းရယ်၊ နောက်တစ်ခုက သွယ်တန်းတဲ့အပိုင်း ရှိပါတယ်။ ရောင်းချတဲ့အပိုင်း ရှိပါတယ်။ ဒီနေရာတွေမှာ ဓာတ်အားခွဲရုံတွေကို တည်ဆောက်ပြီး ဖြန့်ချိရတဲ့အပိုင်း ရှိပါတယ်။ တစ်ဖက်မှာ သွယ်တန်းရေးအပိုင်း ရှိပါတယ်။ ဒီနေရာမှာ ဓာတ်အားခွဲရုံတွေ စနစ်တကျ မရှိတဲ့အတွက် မီးအားမတည်ငြိမ်မှုတွေကြောင့် ပေါ်ပေါက်တဲ့ ပြဿနာရပ်တွေကို ကြုံနေရတုန်း ဖြစ်ပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

ယင်းအခြေအနေများ ပိုမိုတိုးတက် ကောင်းမွန်လာစေရန်အတွက် ရှုပ်ထွေးနေသည့် ဆားဗစ်ကြိုးများကို ရှင်းလင်းနိုင်ရန် မြို့နယ်တစ်ခုချင်းစီအလိုက် ကြိုးပမ်းဆောင်ရွက်နေကြောင်း၊ မီးကြိုးများ၏ အားနည်းချက်ကြောင့် ပေါ်ပေါက်နေသည့် ပြဿနာရပ်များလည်းရှိကြောင်း ၀န်ကြီးချုပ် ဦးဖြိုးမင်းသိန်းက ပြောကြားသည်။

“မီးကြိုးတွေပြတ်ကျတဲ့ အခြေအနေကြောင့် အသက်ဆုံးရှုံးတာတွေလည်း ရှိပါတယ်။ ဒါကြောင့် မီးကြိုးတွေကို အသစ်လဲနိုင်ဖို့ လုပ်ရမှာ ဖြစ်ပါတယ်။ မီးကြိုးတွေ အသစ်လဲ ဆောင်ရွက်ဖို့ဆိုတာ ကြီးမားတဲ့ ဘတ်ဂျက် ကုန်ကျစရိတ်တွေ ရှိပါတယ်။ ဒါပေမဲ့ ဒီအခြေအနေတွေကို ပုဂ္ဂလိကကဏ္ဍနယ်ပယ်နဲ့ ပူးပေါင်းပြီး မြန်မြန်ဆောင်ရွက် နိုင်ဖို့အတွက် ကြိုးပမ်းသွားမှာ ဖြစ်ပါတယ်။ ဒီအတွက်လည်း ညှိနှိုင်းဆွေးနွေး ဆောင်ရွက်နေတာ ရှိပါတယ်။ ဒီကဏ္ဍတွေကိုလည်း ပြောင်းလဲနိုင်ဖို့အတွက် ကြိုးပမ်းသွားမှာ ဖြစ်ပါတယ်” ဟု ၀န်ကြီးချုပ်က ပြောကြားသည်။

 

ဘဏ္ဍာနှစ် ကိုးနှစ်အတွင်း ကျပ် ၆၂၁ ဘီလျံကျော်ကို ရန်ကုန်တိုင်းဒေသကြီးအတွင်း လမ်းခင်းခြင်းနှင့် လမ်းလုပ်ငန်းများအတွက် သုံးစွဲခဲ့ကြောင်း သိရ

ရန်ကုန်မြို့ရှိ ဆူးလေလမ်း တစ်နေရာအား ပြင်ဆင်မှုများ ပြုလုပ်နေသည်ကို တွေ့ရစဉ် (ဓာတ်ပုံ- ကျော်ဇင်ဖြိုး)

ရန်ကုန်တိုင်းဒေသကြီးအတွင်း လမ်းပန်းဆက်သွယ်ရေး ကောင်းမွန်စေရေး လမ်းခင်းခြင်း အပါအ၀င် လမ်းလုပ်ငန်းများအတွက် ငွေကျပ် ၆၂၁ဘီလျံကျော်ကို ဘဏ္ဍာနှစ် ကိုးနှစ်အတွင်း သုံးစွဲခဲ့ကြောင်း ရန်ကုန်တိုင်းဒေသကြီး ၂၀၁၇-၂၀၁၈ခုနှစ်၊ ဘဏ္ဍာရေးနှစ်နှင့် ၂၀၁၈ ခုနှစ် ဧပြီလမှ စက်တင်ဘာလအထိ ရသုံးခန့်မှန်းခြေ ငွေစာရင်းဆိုင်ရာ အချက်အလက် အစီရင်ခံစာတွင် ဖော်ပြချက်အရ သိရသည်။

၂၀၁၁-၂၀၁၂ ဘဏ္ဍာနှစ်မှ လက်ရှိ ၂၀၁၈ ခုနှစ် ဧပြီလမှ စက်တင်ဘာလအထိ ခြောက်လအတွင်း ရန်ကုန်တိုင်းဒေသကြီး၏ လမ်း၊ တံတား၊ လျှပ်စစ်မီးနှင့် ရေရရှိရေး အသုံးစရိတ်များအရ လမ်းလုပ်ငန်းများ အတွက် သုံးစွဲမှုများ အနေဖြင့် ၂၀၁၁-၂၀၁၂ ခုနှစ်ဘဏ္ဍာရေးနှစ် အမှန်စာရင်းအရ ငွေကျပ်သန်း ၁၂၃၅၆ ဒသမ ၄၀၂သန်း၊ ၂၀၁၂-၂၀၁၃ ခုနှစ် ဘဏ္ဍာရေးတွင် ငွေကျပ် ၄၉၁၃၀ ဒသမ ၆၀၀ သန်း၊ ၂၀၁၃-၂၀၁၄ ခုနှစ်တွင် ငွေကျပ် ၄၉၈၁၉ ဒသမ ၆၃၆ သန်း ၊ ၂၀၁၄-၂၀၁၅ ခုနှစ်တွင် ငွေကျပ်သန်း ၉၃၈၈၃ ဒသမ ၅၀၆ သန်း၊ ၂၀၁၅-၂၀၁၆ ခုနှစ်တွင် ၉၇၈၈၇ ဒသမ ၃၀၈ သန်း သုံးစွဲခဲ့ကြောင်း သိရသည်။

အလားတူ NLD အစိုးရလက်ထက် ၂၀၁၆-၂၀၁၇ ခုနှစ်ဘဏ္ဍာရေးနှစ် ရှေးပြေးအမှန်စာရင်းအရ ငွေကျပ် ၇၁၄၉၁ ဒသမ ၅၁၅ သန်း၊၂၀၁၇-၂၀၁၈ ခုနှစ် ပြုပြင်ပြီး ခန့်မှန်းခြေ စာရင်းအရ ငွေကျပ် ၁၀၆၁၁၇ ဒသမ ၈၇၅ သန်းနှင့် ၂၀၁၈ ခုနှစ် ဧပြီလမှ စက်တင်ဘာလအထိ ခြောက်လစာရင်းအရ ငွေကျပ် ၅၅၁၀၈ ဒသမ ၆၀၄ သန်းဖြစ်ပြီး ၂၀၁၁- ၂၀၁၂ ခုနှစ်ဘဏ္ဍာရေးနှစ်မှ ၂၀၁၈ ခုနှစ် ဧပြီ လမှ စက်တင်ဘာလ ခြောက်လအထိ ကိုးနှစ်အတွင်း လမ်းလုပ်ငန်းများအတွက် စုစုပေါင်းငွေကျပ် ၆၂၁၄၈၆ ဒသမ ၈၅၆ သန်း သုံးစွဲခဲ့ကြောင်း သိရသည်။

၂၀၁၇-၂၀၁၈ ဘဏ္ဍာနှစ်တွင် ရန်ကုန်တိုင်းဒေသကြီး နယ်နိမိတ်အတွင်းရှိ မြို့နယ် (၃၃) မြို့နယ်တွင် လမ်းပန်းဆက်သွယ်ရေး ကောင်းမွန်စေရန်အတွက် ဆောင်ရွက်သည့် လုပ်ငန်းများအတွက် ရန်ကုန်မြို့တော် စည်ပင်သာယာရေး ကော်မတီမှ သာမန်အသုံးစရိတ် ငွေကျပ် ၁၂၃၀၀ ဒသမ ၉၀၀ သန်း၊ ငွေလုံးငွေရင်း အသုံးစရိတ် ငွေကျပ် ၅၀၂၉၂ ဒသမ  ၆၆၇ သန်းကို သုံးစွဲထားကြောင်း သိရသည်။

လက်ရှိ ၂၀၁၈ ခုနှစ် ဧပြီလမှ စက်တင်ဘာလအထိ ရန်ကုန်တိုင်းဒေသကြီး နယ်နိမိတ်အတွင်းရှိ မြို့နယ် ၃၃ မြို့နယ်တွင် လမ်းပန်းဆက်သွယ်ရေး ကောင်းမွန်စေရန်အတွက် ဆောင်ရွက်သည့် လုပ်ငန်းများအတွက် ရန်ကုန်မြို့တော် စည်ပင်သာယာရေး ကော်မတီမှ သာမန်အသုံးစရိတ် ငွေကျပ် ၃၂၃၄ ဒသမ ၄၁၆ သန်း၊ ငွေလုံးငွေရင်း အသုံးစရိတ် ငွေကျပ် ၂၈၄၆၁ ဒသမ ၈၅၈ သန်း သုံးစွဲမည်ဖြစ်ကြောင်း သိရသည်။

၂၀၁၈ခုနှစ် ဧပြီလမှ စက်တင်ဘာလအထိ ရန်ကုန်တိုင်းဒေသကြီး နယ်နိမိတ်ပြင်ပရှိ မြိ့နယ် ၁၂ မြို့နယ်တွင် လမ်းပန်းဆက်သွယ်ရေး ကောင်းမွန်စေရန်အတွက် လမ်းလုပ်ငန်းများ ဆောင်ရွက်ရာတွင် ကျေးလက်ဦးစီးဌာန အနေဖြင့် ငွေလုံးငွေရင်း အသုံးစရိတ်မှာ ငွေကျပ် ၁၇၂၄၃ ဒသမ ၀၀၆ သန်းအားလည်းကောင်း၊ လမ်းဦးစီးဌာန အနေဖြင့် သာမန်အသုံးစရိတ်မှာ ငွေကျပ် ၁၄၃၂ ဒသမ ၀၇၅ သန်း၊ ငွေလုံးငွေရင်း အသုံးစရိတ်မှာ ငွေကျပ် ၁၈၁၉ ဒသမ ၈၅၄ သန်းအားလည်းကောင်း၊ တိုင်းဒေသကြီး စည်ပင်သာယာရေးအဖွဲ့ အနေဖြင့် သာမန်အသုံးစားရိတ်မှာ ငွေကျပ် ၁၇၀ ဒသမ ၁၁၈ သန်း၊ ငွေလုံးငွေရင်း အသုံးစရိတ်မှာ ငွေကျပ် ၂၄၆၅ ဒသမ ၀၉၀ သန်းအား လည်းကောင်း အသုံးပြုထားကြောင်း သိရသည်။

ရန်ကုန်မြို့သည် ဥပဒေစိုးမိုးမှု ပျက်ပြားသော အခြေအနေ၌ ရှိမနေဘဲ တည်ငြိမ်အေးချမ်းသော အခြေအနေတွင် ရှိနေဟု ရန်ကုန်တိုင်းဝန်ကြီးချုပ် ပြောကြား

ရန်ကုန်တိုင်းဒေသေကြီး အစိုးရအဖွဲ့ သတင်းစာ ရှင်းလင်းနေစဉ် (ဓာတ်ပုံ-ဆန်းထူးအောင်)

ရန်ကုန်မြို့သည် ဥပဒေစိုးမိုးမှု ပျက်ပြားသည့် အခြေအနေတွင် ရှိမနေဘဲ တည်ငြိမ်အေးချမ်းပြီး လူများသွားလာနိုင်သည့် အခြေအနေတွင်ရှိကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောကြားသည်။

“ရန်ကုန်မြို့ဟာ ဥပဒေစိုးမိုးမှု ပျက်ပြားနေတဲ့အခြေအနေ၊ ဘာသာပေါင်းစုံ တစ်ယောက်နဲ့တစ်ယောက် အငြင်းပွားနေတဲ့ ရန်လိုနေတဲ့မြို့တွေထဲမှာ မရှိဘဲ တည်ငြိမ်အေးချမ်းပြီး လူတွေသွားလာနိုင်တဲ့ အခြေအနေမှာ ရှိနေတယ်။ ရန်ကုန်မြို့ဟာ လူတွေအတွက် ကျီးလန့်စာစား ဖြစ်နေတဲ့မြို့ထဲမှာတော့ လုံးဝမရှိတာ သေချာပေမဲ့ ဥပဒေစိုးမိုးမှု ပိုဖြစ်ဖို့ လုပ်ရဦးမှာဖြစ်ကာ အဲဒီထဲမှာ အဂတိ လိုက်စားမှု ကိစ္စတွေပါ ပါဝင်တယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

သို့သော် အချို့သောလမ်းများ၊ အချို့သော ကျူးကျော်နေရာများတွင် ရာဇ၀တ်မှုများ ပေါ်နိုင်သည့်အတွက် အဆိုပါ နေရာများတွင် မှုခင်းကြိုတင် ကာကွယ်မှုများ ဆောင်ရွက်ရန်နှင့် လူထုပူးပေါင်း ပါဝင်သည့် လုပ်ငန်းများကို ဆောင်ရွက်နေကြောင်း ၀န်ကြီးချုပ် ဦးဖြိုးမင်းသိန်းက ပြောကြားသည်။

“ရဲဆိုတာ တစ်ချိန်တုန်းက ပြည်သူလူထုက ဆန့်ကျင်ဘက်အမြင်တွေ မြင်ခဲ့တာပါ။ အခုအချိန်မှာ ရဲနဲ့ ပြည်သူလူထုကြားမှာ ချိတ်တွဲနိုင်ပြီး သတင်းအချက်အလက်တွေအပေါ်မှာ ချက်ချင်းအရေးယူ ဆောင်ရွက်ဖို့ ကျွန်တော်တို့ ကြိုးစားနေပါတယ်” ဟု ၎င်းက ပြောကြားသည်။

ထို့ပြင် ရန်ကုန်တိုင်းအတွင်း တရားဥပဒေစိုးမိုးမှုကို ပိုမိုလုပ်ဆောင်ရမည်ဖြစ်ကြောင်း၊ တရားဥပဒေ စိုးမိုးရေးသည် ရဲတပ်ဖွဲ့ကိစ္စတစ်ခုတည်း မဟုတ်ကြောင်း၊ ဌာနဆိုင်ရာ အသီးသီးမှ ပြဌာန်းထားသည့် ဥပဒေစည်းမျဉ်းစည်းကမ်းများ၊ လုပ်ထုံးလုပ်နည်း အားလုံးကို စိုးမိုးအောင် လုပ်ဆောင်ရမည်ဖြစ်ပြီး အဆိုပါ ကိစ္စထဲတွင် အဂတိလိုက်စားမှု ကိစ္စရပ်များလည်း ပါဝင်ကြောင်း ၎င်းကဆိုသည်။

“ရန်ကုန်တိုင်းဟာ ရဲအင်အား ၇၅ ရာခိုင်နှုန်း အထက်ထိ ရှိထားပြီး တခြားတိုင်းနဲ့ ပြည်နယ်တွေမှာတော့ ၆၀ ရာခိုင်နှုန်းကျော်လောက်သာ ရရှိကြတဲ့အတွက် ရဲအင်အား ထပ်တောင်းဖို့တော့ အခက်အခဲ ရှိပါတယ်။ အဲဒါကြောင့် CCTV ကင်မရာတွေ တပ်ဆင်ပြီး ထိထိရောက်ရောက် အရေးယူနိုင်ဖို့ ကြိုးစားနေတယ်။ လုယက်မှု ဖြစ်ပွားတာတွေများတဲ့ စက်မှုဇုန် အတော်များများမှာတော့ CCTV ကင်မရာတွေ တပ်ဆပ်ဖို့ ညွှန်ကြားထားပြီး ဖြစ်တယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

အစိုးရအနေဖြင့် တရားဥပဒေစိုးမိုးရေးအတွက် အုပ်ချုပ်ရေး၊ လွှတ်တော်၊ ဌာနဆိုင်ရာ အဖွဲ့အစည်းများနှင့် ပြည်သူထူပါ ပူးပေါင်းဆောင်ရွက်ရန် လိုအပ်ကြောင်း၊ တရားဥပဒေ စိုးမိုးရေးအတွက် နိုင်ငံသားတိုင်းတွင် တာဝန်ရှိကြောင်း၊ ရန်ကုန်တိုင်းဒေသကြီး အစိုးရအဖွဲ့ အနေဖြင့် CCTV ကင်မရာများမှတဆင့် အရေးကြီးသည့် မှုခင်းဖြစ်ရပ်များကို ဖော်ထုတ်နိုင်ခဲ့ကြောင်း ရန်ကုန်တိုင်းဒေသကြီး အစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး အောင်စိုးမိုးကဆိုသည်။

“ရန်ကုန်တိုင်းဒေသကြီး အစိုးရကနေ ထောက်ပံ့ထားတဲ့ ၂၀၁၇၊ ၂၀၁၈ ကနေ ထောက်ပံ့ထားတာက သိန်း ၉၀၀၀ ရှိပါတယ်။ အဲဒါတွေကို မြို့နယ်တွေကို ပြန်ချပေးပြီးတော့ မြို့နယ်တွေမှာ CCTV ကင်မရာတွေကို ခရိုင်အလိုက် မြို့နယ်အလိုက် တပ်ဆင်ထားပါတယ်။ မြို့ထဲကို ပိုမိုတပ်ဆင်ပြီးတော့ တရားဥပဒေ စိုးမိုးရေးကို ဆောင်ရွက်နေတယ်” ဟု ဗိုလ်မှူးကြီး အောင်စိုးမိုးက ပြောကြားသည်။

 

ရန်ကုန်တိုင်းဒေသကြီး မြို့တွင်းခြောက်မြို့နယ်တွင် ယာဉ်ရပ်နားခ တစ်နာရီ ကျပ် ၂၀၀ နှုန်းဖြင့် ပြန်လည်ကောက်ခံမည်

ရန်ကုန်မြို့ ဆူးလေလမ်းပေါ်တွင် ရပ်တန့်ထားသည့် ယာဉ်အချို့ကို တွေ့ရစဉ်

ရန်ကုန်တိုင်းဒေသကြီး မြို့တွင်း ခြောက်မြို့နယ်တွင် ယာဉ်ရပ်နားခ တစ်နာရီ ကျပ် ၂၀၀ နှုန်းဖြင့် ပြန်လည်ကောက်ခံမည် ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီမှ သိရသည်။

“ကျွန်တော်တို့ တင်ဒါခေါ်ထားပြီးဖြစ်တယ်။ နိုဝင်ဘာ ၁ ရက်နေ့လောက်မှာ ကောက်နိုင်ဖို့ စဉ်းစားနေတယ်။ မြို့တွင်းခြောက်မြို့နယ်မှာ ယာဉ်ရပ်နားခ ကောက်ခံဖို့နေရာ အကြမ်းဖျင်းကတော့ ၀ါးတန်းလမ်း လောက်ကနေပြီး ရွှေတိဂုံဘုရားလမ်းလောက်ထိ ပါတယ်။ နံပါတ်တပ်လမ်းတွေကို မကောက်ဘူး။ အမည်တပ်လမ်းတွေကို ကောက်မယ်။ တစ်နာရီကို ကျပ် ၂၀၀ နှုန်း ကောက်ခံမှာ ဖြစ်တယ်” ဟု ရန်ကုန်မြို့တော် စည်ပင်သာယာရေး ကော်မတီအဖွဲ့ဝင် ဒေါ်မေမေသွယ်က ပြောကြားသည်။

ထို့ပြင် ယာဉ်ရပ်နားခ ကောက်ခံမည့် အချိန်သည် မနက် ၈ နာရီမှ ည ၆ နာရီအထိ ဖြစ်ကြောင်း၊ ယခုကဲ့သို့ ပြန်လည် ကောက်ခံရန် ပြုလုပ်ရခြင်းသည် ယာဉ်များမှ စည်းကမ်းမဲ့စွာ ယာဉ်ရပ်နားမှုများကြောင့် ယာဉ်ကြော ပိတ်ဆို့မှုများကို ဖြေရှင်းရန်အတွက် ဖြစ်ကြောင်း သိရသည်။

“ဘာဖြစ်လို့ ယာဉ်ရပ်နားခကို ပြန်ကောက်ရလဲဆိုတော့ ကားတွေက နှစ်ထပ်ရပ်တာတွေ ဖြစ်တဲ့အခါကြတော့ ယာဉ်ကြောကြပ်တည်းတာကို ထိန်းသိမ်းချင်တာကြောင့်ဖြစ်တယ်။ နောက်တစ်ခုက လိုင်စင်ဝင်တဲ့အခါ ဘီးခွန်၊ ယာဉ်ရပ်နားခရော ညအိပ်ခွန်ရော သုံးခုလုံးပါတယ်။ အရင်ဥပဒေတုန်းက နှစ်ခါကောက်သလို ဖြစ်နေတယ်။ အခုကြတော့ ဘီးခွန်သီးသန့်ပဲ ကောက်လိုက်တယ်။ ယာဉ်ရပ်နားခကို သီးသန့်ကောက်မယ်ဆို ကောက်လို့ရတယ်” ဟု ဒေါ်မေမေသွယ်က ပြောကြားသည်။

ယာဉ်ရပ်နားခအား ပြန်လည်ကောက်ခံမှုကြောင့် လက်ရှိအချိန်တွင် တရားမ၀င် ယာဉ်ရပ်နားခ ကောက်ခံနေမှုများ ရှိတော့မည် မဟုတ်ကြောင်း၊ လမ်းပုံစံကို ကြည့်ကာ ယာဉ်ရပ်နားမှုအား တစ်ဇောင်း၊ အတည့် သို့မဟုတ် အပြိုင်ရပ်နားနိုင်သည့် ပုံစံမျိုး ဆောင်ရွက်မည်ဖြစ်ကြောင်း သိရသည်။

“အခုလို လုပ်လိုက်တဲ့အတွက် ကားပါကင်ဦးတာတွေ လုပ်လို့မရတော့ဘူး။ ကိုယ့်အိမ်ရှေ့ဆိုပြီး ကားရပ်မယ် ဆိုရင်လည်း ပိုက်ဆံပေးပြီးမှ ရပ်ရမယ်။ ညအိပ်ကောက်ခံဖို့တော့ အစီအစဉ် မရှိသေးဘူး။ သတ်မှတ်ချိန် နောက်ပိုင်းတော့ မကောက်ဘူး။ ဒါတွေ ကောက်မယ် ဆိုတာကိုလည်း ပြည်သူတွေကို ပြန်ကြားသွားမှာ ဖြစ်ပါတယ်” ဟု ဒေါ်မေမေသွယ်က ပြောကြားသည်။

ရန်ကုန်မြို့တော် စည်ပင်သာယာရေး ကော်မတီ အင်ဂျင်နီယာဌာန (လမ်းတံတား)မှ ရန်ကုန်မြို့တွင်း ခြောက်မြို့နယ်တွင် ယာဉ်ရပ်နား ကန့်သတ်ဇုန် ရှစ်ဇုန်တွင် ယာဉ်ရပ်နားခ ကောက်ခံခြင်း လုပ်ငန်းများကို ဈေးပြိုင်တင်ဒါ စနစ်ဖြင့် အငှားချမည်ဖြစ်ကြောင်း၊ ဈေးပြိုင်တင်ဒါ စည်းကမ်းချက်နှင့် လျှောက်လွှာပုံစံများကို ကျောက်တံတားမြို့နယ် ရန်ကုန်မြို့တော် စည်ပင်သာယာရေး ကော်မတီ မြို့တော်ခန်းမ (ဒုတိယထပ်) အင်ဂျင်နီယာဌာန (လမ်းနှင့် တံတား) တွင် ရုံးချိန်အတွင်း ၀ယ်ယူလျှောက်ထားနိုင်ကြောင်း သိရသည်။

တင်ဒါအား သြဂုတ် ၂၄ ရက်မှ စက်တင်ဘာ ၁၄ ရက်အထိ ရောင်းချမည်ဖြစ်ပြီး စက်တင်ဘာ ၂၀ ရက်တွင် တင်ဒါပိတ်မည်ဖြစ်ကာ စက်တင်ဘာ ၂၁ ရက်တွင် တင်ဒါရွေးချယ်မည်ဖြစ်ကြောင်း သိရသည်။

ရန်ကုန်မြို့တွင်း ယာဉ်ရပ်နားခ ကောက်ခံမှုများမှာ တရားမ၀င် ကောက်ခံနေခြင်းများ ဖြစ်ကြောင်း သိရပြီး လက်ရှိတွင်လည်း ကောက်ခံမှုများ ရှိနေကြောင်း ရန်ကုန်မြို့တွင် နေထိုင်သူများ၏ ပြောကြားချက်အရ သိရသည်။

“လသာလမ်းနဲ့ မဟာဗန္ဓုလလမ်းမှာဆို ပိုဆိုးတယ်။ နည်းနည်းလေး ရပ်လို့မရဘူး။ ရပ်ဖို့လုပ်တာနဲ့ ၂၀၀ ပဲ။ ဘယ်ကကောက်လို့ ကောက်မှန်းလည်း မသိဘူး။ မေးရင်လည်း ရေရေလည်လည် ရှင်းမပြနိုင်ဘူး” ဟု ရန်ကုန်မြို့ခံ တစ်ဦးက ပြောကြားသည်။

ရန်ကုန်မြို့တွင်း ယာဉ်ရပ်နားခ ကောက်ခံခြင်းများကို ဦးသိန်းစိန်အစိုးရ လက်ထက်တွင် ပယ်ဖျက်ခဲ့သည်။

မြောက်ဥက္ကလာပမြို့နယ်ရှိ KTV တစ်ခုရှေ့တွင် လူသုံးဦး ၀ိုင်းဝန်းရိုက်နှက်မှုကြောင့် အမျိုးသားတစ်ဦး သေဆုံး

မြောက်ဥက္ကလာပမြို့နယ်ရှိ KTV တစ်ခုရှေ့တွင် အမျိုးသားတစ်ဦးအား အခြားလူသုံးဦးက ၀ိုင်းဝန်းရိုက်နှက်မှု ဖြစ်ပွားခဲ့ပြီး အရိုက်ခံရသည့် အမျိုးသား သေဆုံးခဲ့ကြောင်း သြဂုတ် ၁၉ ရက်တွင် ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ သိရသည်။

ဖြစ်စဉ်မှာ မြောက်ဥက္ကလာပမြို့နယ်၊ (စ) ရပ်ကွက်တွင်နေထိုင်သည့် ဒေါ်…..(၄၂ နှစ်) သည်  သြဂုတ် ၁၈ ရက် နံနက် ၆ နာရီခန့်က နေအိမ်တွင်ရှိနေစဉ် ၎င်း၏တူဖြစ်သူ ဆိုင်ကယ်ကယ်ရီ မောင်းနှင်သည့်အလုပ် လုပ်ကိုင်သည့် ကို… (၂၁ နှစ်) ဆိုသူမှာ အရိုက်ခံရပြီး ဆေးရုံသို့ ရောက်ရှိနေကြောင်း သိရသဖြင့် သွားရောက်ကြည့်ရှု မေးမြန်းရာ ဆေးရုံသို့ရောက်ရှိချိန်တွင် တူဖြစ်သူမှာ ဒဏ်ရာများရရှိကာ သေဆုံးနေသည်ကို  တွေ့ရှိခဲ့ရကြောင်း သိရသည်။

ထိုသို့ ဒဏ်ရာများရရှိကာ သေဆုံးနေသည်ကို တွေ့ရှိရသဖြင့် ပတ်ဝန်းကျင်ရှိ လူများအား ဖြစ်စဉ်ကိုမေးမြန်းရာ ကို….(၂၁ နှစ်) မှာ ယင်းနေ့နံနက် ၅ နာရီခန့်တွင် ၎င်း၏သူငယ်ချင်း ငါးဦးနှင့်အတူ မြောက်ဥက္ကလာပ မြို့နယ်ရှိ  KTV တစ်ခု၌ သီချင်းဆိုပြီး ပြန်ခဲ့ကြောင်း၊ ထိုသို့အပြန်တွင် အဆိုပါ KTV ရှေ့ အရောက် အခြားအမျိုးသား သုံးဦးနှင့် စကားများ ရန်ဖြစ်ရာမှ အရိုက်ခံခဲ့ရခြင်း ဖြစ်ကြောင်း သိရသည်။

ထိုသို့အရိုက်ခံရသဖြင့် ကို….(၂၁ နှစ်) မှာ လက်ဖျံစုတ်ပြဲဒဏ်ရာ၊ လက်ကောက်ဝတ် ပြတ်ရှဒဏ်ရာ၊ ဒူးပွန်းဒဏ်ရာများ ရရှိကာ သေဆုံးခဲ့ခြင်း ဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့မှ သိရသည်။

“ကျူးလွန်သူတွေကို ဖမ်းမိပါပြီ။ အသေးစိတ်ကိုတော့ စစ်ဆေးဆဲပါ” ဟု ရန်ကုန်တိုင်းဒေသကြီး ရဲတပ်ဖွဲ့မှ ရဲအရာရှိ တစ်ဦးက ပြောကြားသည်။

အဆိုပါဖြစ်စဉ်ကို မြောက်ဥက္ကလာပ မြို့မရဲစခန်းက (ပ)၁၀၈၅/၂၀၁၈၊ ရာဇသတ်ကြီး ပုဒ်မ ၃၀၂/၁၁၄ ဖြင့် အမှုဖွင့်ထားပြီး ကျူးလွန်သူများဖြစ်သည့် မြောက်ဥက္ကလာပမြို့နယ်နေ ဝေယံဟိန်း၊ ရဲဝင်းအောင်နှင့် ကျော်သူဟိန်း ဆိုသူတို့အား ဖမ်းဆီးစစ်ဆေးလျက်ရှိကြောင်း သိရသည်။

 

Friendly Clinic ဆေးခန်းတွင် တရားမ၀င် ဆေးကုသည်ဟု ယူဆရသော တရုတ်နိုင်ငံသား နှစ်ဦးအား လက်ရှိအချိန်အထိ ဖမ်းဆီးရမိခြင်း မရှိသေး

ဒေါပုံမြို့နယ်ရှိ Friendly Clinic ဆေးကုခန်းတွင် နိုင်ငံခြားသား တရားမ၀င် ဆေးကုသသူ၊ ခွဲစိတ်ခန်းနှင့် တရားမ၀င် ဆေးဝါးများဖြင့် ဆေးကုသနေသည့်အတွက် ဥပဒေအရ တရားစွဲဆို အရေးယူထားပြီး တရားမ၀င် ဆေးကုသသည်ဟု ယူဆရသော တရုတ်နိုင်ငံသား နှစ်ဦးကို လက်ရှိအချိန်အထိ ဖမ်းဆီးရမိခြင်း မရှိသေးကြောင်း ရန်ကုန်တိုင်းဒေသကြီး ပြည်သူ့ကျန်းမာရေး ဦးစီးဌာနမှ သိရသည်။

“Friendly Clinic ဆေးခန်းမှာ တရားမ၀င် ဆေးကုနေတယ်လို့ ယူဆရတဲ့ တရုတ်နိုင်ငံသားတွေကို ဖမ်းဆီးဖို့အတွက် ကျွန်တော်တို့ လ၀ကတို့ မြို့နယ်စည်ပင်တို့ကို အကူအညီ တောင်းထားပါတယ်။ လက်ရှိအထိ အကြောင်းပြန်ကြားခြင်း မရှိသေးပါဘူး။ ဆေးခန်းစစ်ဆေးတုန်းက တွေ့ခဲ့တဲ့ အလှကုန်တွေကိုလည်း FDA က စစ်ဆေးနေပါတယ်။ ထူးခြားမှု မရှိသေးပါဘူး” ဟု ဆေးခန်းစစ်ဆေးမှုတွင် ပါဝင်ခဲ့သည့် ရန်ကုန်တိုင်းဒေသကြီး ပြည်သူ့ကျန်းမာရေး ဦးစီးဌာနမှ ဒုတိယညွှန်ကြားရေးမှူး ဒေါက်တာရန်နောင်ထွန်းက ပြောကြားသည်။

အဆိုပါ ဆေးခန်းကို ပုဂ္ဂလိက ကျန်းမာရေး လုပ်ငန်းကြီးကြပ်ရေး ကော်မတီက ဇူလိုင် ၂၅ ရက်က ရှောင်တခင် စစ်ဆေးခဲ့ခြင်းဖြစ်ပြီး အဓိကအားဖြင့် တရားမ၀င် နိုင်ငံခြားသား ဆေးကုသသူများ တရားမ၀င်ဆေးကုသခြင်း ရှိ မရှိ၊ ပုဂ္ဂလိက ကျန်းမာရေးလုပ်ငန်းလိုင်စင် ရှိ မရှိ၊ ပုဂ္ဂလိက ကျန်းမာရေး လုပ်ငန်းဆိုင်ရာ ဥပဒေနှင့်အညီ ဆောင်ရွက်ခြင်း ရှိမရှိ၊ ကျန်းမာရေးနှင့် အားကစားဝန်ကြီးဌာနက ထုတ်ပြန်ထားသော စည်းမျဉ်းစည်းကမ်းများအား လိုက်နာခြင်း ရှိ မရှိ စသည်တို့ကို စစ်ဆေးခဲ့ခြင်းဖြစ်သည်။

လက်ရှိ ဒေါပုံမြို့နယ်ရှိ Friendly Clinic ဆေးကုခန်းတွင် နိုင်ငံခြားသား တရားမ၀င် ဆေးကုသသူ၊ ခွဲစိတ်ခန်းနှင့် တရားမ၀င် ဆေးဝါးများဖြင့် ဆေးကုသနေသည့်အတွက် အမျိုးသား ဆေးဝါးဥပဒေ၊ ပုဂ္ဂလိက ကျန်းမာရေးဆိုင်ရာ ဥပဒေများဖြင့် ဆေးခန်းပိုင်ရှင်အား အမှုဖွင့် အရေးယူထားကြောင်း သိရသည်။

“ဆေးခန်းလိုင်စင်က ၂၀၁၇ ခုနှစ်ကတည်းကရထားပြီး ၂၀၁၇ ခုနှစ်၊ ဒီဇင်ဘာ ၃၁ ရက်မှာ သက်တမ်းကုန်ဆုံးပါတယ်။ သက်တမ်းမကုန်ခင်မှာပဲ ကျွန်တော်တို့ကို ပြန်လျှောက်ထားတယ်။ ပုဂ္ဂလိက အထွေထွေရောဂါကုဆေးခန်း သက်တမ်းတိုး စစ်ဆေးချက်ပုံစံနဲ့ကို ကျွန်တော်တို့ ဒေါပုံမြို့နယ် အုပ်ချုပ်ရေးမှူး၊ မြို့နယ်ဆရာဝန်ကြီး၊ မြို့နယ်စည်ပင်၊ မြို့နယ်ရဲတပ်ဖွဲ့၊ မြို့နယ်အခွန်မှူး၊ လမ်းဦးစီးဌာန၊ မီးသတ်ဦးစီးဌာနတို့က စစ်ဆေးပြီးတော့ သက်တမ်းတိုး လျှောက်ထားတာ ရှိပါတယ်။ ဒီဆေးခန်းကို သက်တမ်းမတိုးရသေးဘူး။ အခုစိစစ်ဆဲမှာဘဲ ဒီကိစ္စပေါ်တာပါ” ဟု ၎င်းကဆက်လက် ပြောကြားသည်။

ပြီးခဲ့သည့် မေလအတွင်းကလည်း ရန်ကုန်မြို့လယ်ရှိ ပုဂ္ဂလိကဆေးကုခန်း ခြောက်ခုကို ရှောင်တခင် စစ်ဆေးခဲ့ပြီး ယင်းတို့အနက် နိုင်ငံခြားသား တရားမ၀င် ဆေးကုသသူ၊ တရားမ၀င် ဆေးဝါးနှင့် ခွဲစိတ်ခန်းများ ပါဝင်သည့် ဆေးခန်းများအား ဥပဒေအရ တရားစွဲဆို အရေးယူခဲ့ကြောင်း သိရသည်။

ကြည့်မြင်တိုင်မြို့နယ်တွင် အမျိုးသားတစ်ဦးကို တုတ်ဖြင့်ရိုက်နှက်သည့် ရဲအရာရှိ တစ်ဦးအား အရေးယူရန် စုံခုံဖွဲ့စစ်ဆေး

ရွှေတိုင်သား Facebook စာမျက်နှာတွင် ဖော်ပြထားသည်ကို တွေ့ရစဉ်

ကြည့်မြင်တိုင်မြို့နယ်တွင် အမျိုးသားတစ်ဦးကို တုတ်ဖြင့် ရိုက်နှက်ခဲ့သည့် ရဲအရာရှိတစ်ဦးအား အရေးယူရန် စုံခုံဖွဲ့ စစ်ဆေးလျက်ရှိကြောင်း သြဂုတ် ၁၄ ရက်တွင် အနောက်ပိုင်းခရိုင်ရဲတပ်ဖွဲ့မှ စုံစမ်းသိရှိရသည်။

“ဖြစ်သွားတဲ့ ဖြစ်စဉ်နဲ့ ပတ်သက်ပြီး အရေးယူဆောင်ရွက်ဖို့ စုံခုံဖွဲ့ စစ်ဆေးနေပါတယ်” ဟု အနောက်ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

အဆိုပါဖြစ်စဉ်မှာ ကြည့်မြင်တိုင်မြို့နယ် တော်ဝင်လမ်း၌ သြဂုတ် ၆ ရက်ညပိုင်း၌ ဖြစ်ပွားခဲ့ခြင်းဖြစ်ပြီး လူမှုကွန်ရက် Facebook စာမျက်နှာတွင် ဗီဒီယိုဖိုင်နှင့်အတူ သြဂုတ် ၁၃ ရက် ညပိုင်းက ပျံ့နှံ့ခဲ့ခြင်းဖြစ်သည်။

အဆိုပါ ဗီဒီယိုဖိုင်အား ရွှေတိုင်သား အမည်ရှိ Facebook စာမျက်နှာက လွှင့်တင်ခဲ့ခြင်းဖြစ်ပြီး ဗီဒီယိုဖိုင်ထဲတွင် ကနဦးမှာ အမျိုးသား သုံးဦးဖြစ်ပြီး ၎င်းတို့ကို တုတ်ကိုင်ထားသည့် အမျိုးသားက ဆဲဆိုပြီး လမ်းမပေါ်တွင် ထိုင်ခိုင်းရာ နှစ်ဦးမှာ ထွက်ပြေးသွားပြီး တစ်ဦးတည်းသာ ကျန်ခဲ့သည့် အချိန်တွင် တုတ်ကိုင်ထားသည့် အမျိုးသားက ရိုက်နှက်ခဲ့သည်ကို တွေ့ရသည်။

ကြည့်မြင်တိုင်မြို့နယ် မဲဆန္ဒနယ် အမှတ် (၂) တိုင်းဒေသကြီး လွှတ်တော်ကိုယ်စားလှယ် ဦးခင်ဝင်းက “ကျွန်တော်ရောက်တော့ အရိုက်ခံရတဲ့သူက ဆေးရုံကို ရောက်နေပြီဆိုတော့ အဲဒီကို လိုက်ကြည့်တယ်။ ဆေးရုံရောက်တဲ့ အချိန်မှာ အရိုက်ခံရတဲ့ ကောင်လေးက ဆေးရုံက ဆရာဝန်တွေကိုလည်း ဆဲဆိုတယ်။ ကျွန်တော်တို့ကိုလည်း ဆဲဆိုတယ်။ အရိုက်ခံရတဲ့ ကောင်လေးက မူးမူးနဲ့ ဆေးရုံက သူနာပြုမလေးကို သူ့မိန်းမနဲ့ တူတယ်ဆိုပြီး လိုက်ဖက်တယ်။ အဲဒီလိုဖြစ်တော့ သူ့ရဲ့ဒဏ်ရာက ဘယ်လောက်ပြင်းလဲ ဆေးရုံက တာဝန်ရှိသူတွေကို မေးတော့ ဒဏ်ရာကကွဲ တာပဲရှိတယ်ဆိုတော့ စခန်းမှာ ခေါ်ထားဖို့ စခန်းကို ပြန်ပို့ခဲ့တယ်” ဟု ပြောကြားသည်။

တုတ်ကိုင်ရိုက်နှက်နေသည့် အမျိုးသားမှာ ကြည့်မြင်တိုင်မြို့မရဲစခန်းမှ ရဲအုပ် ဖြိုးဝေမင်း ဖြစ်ကြောင်း၊ ဗီဒီယိုဖိုင်နှင့်အတူ တင်ထားသည့်စာ အချို့မှာ မှားယွင်းနေကြောင်း ကြည့်မြင်တိုင်မြို့နယ် မဲဆန္ဒနယ် အမှတ်(၂) တိုင်းဒေသကြီး လွှတ်တော်ကိုယ်စားလှယ် ဦးခင်ဝင်း၏ ပြောကြားချက်အရ သိရသည်။

ယင်းဖြစ်စဉ်နှင့် ပတ်သက်၍ အနောက်ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက “ဗီဒီယိုဖိုင်ထဲပါတဲ့နေရာအနီးမှာ အုပ်စုနှစ်စု ရန်ဖြစ်နေကြတာ။ ရန်ဖြစ်နေတုန်းမှာ မူးယစ်ဆေးဝါး သတင်းရလို့အပြင် ၀တ်ဝတ်ပြီး လိုက်လံစုံစမ်းနေတဲ့ ရဲအုပ်ရဲ့ကားက အဲဒီနားကို ရောက်လာတယ်။ ရောက်တဲ့အချိန်မှာ အရိုက်ခံရတဲ့ ကောင်လေးက ရဲအုပ်ကားဖုံးပေါ်ကို မူးပြီးလဲကျတယ်။ လဲကျပြီး ရဲအုပ်ကိုလည်း ဆဲဆိုတာတွေ ပြုလုပ်တယ်လို့ သိရတယ်။ ရဲအုပ်ရိုက်တဲ့ တုတ်ကလည်း သံတုတ်လည်း မဟုတ်၊ နံပါတ်တုတ်လည်း မဟုတ်ပါဘူး။ အုပ်စုနှစ်ဖွဲ့ရန် ဖြစ်တုန်းက ကျန်ခဲ့တဲ့တုတ်ပါ” ဟု ပြောကြားသည်။

ဖြစ်ပွားခဲ့သည့် ဖြစ်စဉ်နှင့် ပတ်သက်၍ ကြည့်မြင်တိုင်မြို့နယ် မဲဆန္ဒနယ်အမှတ် (၂) တိုင်းဒေသကြီး လွှတ်တော်ကိုယ်စားလှယ် ဦးခင်ဝင်းက “စုံခုံဖွဲ့စစ်ဆေးခံနေရတဲ့ ရဲအရာရှိကို ကျွန်တော်က နယ်မြေအတွင်းမှာ မူးယစ်ဆေးဝါးတွေက အရမ်းပျံ့နှံ့နေတော့ စုံစမ်းဖမ်းဆီးပေးဖို့ တောင်းဆိုထားတာပါ။ အဲဒီအချိန်မှာ ဖြစ်သွားတာလည်း ဖြစ်တယ်။ ဖြစ်စဉ်အရသူက ရိုက်နှက်ခဲ့ပေမယ့် သူ့အပေါ် အရေးယူမှုတွေ ပြုလုပ်လာရင် ကျွန်တော့်အနေနဲ့ အတတ်နိုင်ဆုံးသူ့ကို အရေးယူမှုပေါ့အောင်၊ အမှန်ကန်ဆုံးဖြစ်အောင် လိုက်လံကူညီ ပေးသွားမှာပါ” ဟု ပြောကြားသည်။

ရိုက်နှက်ခံရသည့် အမျိုးသားမှာ ဗားကရာဆိပ်ကမ်းရှိ လှေပေါ်တွင် နေထိုင်သူဖြစ်ပြီး အခင်းဖြစ်ပွားပြီး နောက်တစ်ရက်တွင် ၎င်း၏လှေဦးစီးမှ ကြည့်မြင်တိုင်ရဲစခန်းတွင် လာရောက် ခေါ်ဆောင်သွားကြောင်း သိရသည်။

 

ရေကြီးမှုကြောင့် ပဲခူး၊ ရန်ကုန်နှင့် ကရင်ပြည်နယ်တို့တွင် ငါးမွေးမြူရေးကန် ဧက ၃၂၀၀ ကျော် ပျက်စီးဆုံးရှုံး

ပဲခူးတိုင်းဒေသကြီး ပဲခူးမြို့နယ်တွင် ငါးမွေးမြူရေးကန် ၁၂၉၁ ဧကနှင့် ညောင် လေးပင်မြို့နယ်တွင် ၃၅ ဧက၊ ရန်ကုန်တိုင်း ဒေသကြီး ကွမ်းခြံကုန်းမြို့နယ်တွင် ၁၀၄၄ ဒသမ ၅၇ ဧကနှင့် ကော့မှူးမြို့နယ်တွင် ၆၄ ဧက၊ ကရင်ပြည်နယ်တွင် ဧက ၈၀၀ကျော် ပျက်စီးဆုံးရှုံးခဲ့ကြောင်း သိရသည်။

သို့သော် မွန်ပြည်နယ်တွင် ပျက်စီးမှုများနှင့် ပတ်သက်ပြီး တွက်ချက်နေဆဲဖြစ်၍ မသိရသေးကြောင်း မြန်မာနိုင်ငံ ငါးလုပ်ငန်းအဖွဲ့ချုပ်မှ သိရသည်။

“သဘာဝဘေးအန္တရာယ် ထိခိုက်နစ်နာဆုံးက ငါးမွေးမြူလုပ်ငန်းကို တိုက်ရိုက်ကန်တွေနစ်လို့ ထိခိုက်နစ်နာဆုံးရှုံးသလို သွယ်ဝိုက်တဲ့နည်းနဲ့ စိုက်ပျိုးမြေ ဆုံးရှုံးမှုကလည်း မွေးမြူရေး အစာတွေအတွက် ထိခိုက်မှုတွေ ရှိနေတယ်။ ထူးထူးကဲကဲ ရှေ့နှစ်ရက်ကနဲ့ ဒီနေ့အထိ ထူးကဲဒီရေတွေတက်တယ်။ ကမ်းရိုးတန်းဒေသတွေမှာ ပုစွန်ကန်တွေ၊ ငါးကန် တွေ ရေကြီးနစ်မြုပ်တယ်။ ထူးကဲဒီရေကလည်း နှစ်ပေါင်းများစွာထဲက ဒီလောက်ထိ မတက်ဖူးဘူးလို့ ပြောကြတယ်။ သုံးခွမြို့နယ် မှာဆိုတာတွေ ကျိုးတဲ့အထိ ဖြစ်တယ်လို့ သိရတယ်။ သဘာဝဘေးအန္တရာယ်က ပဲခူး၊ ကရင်နဲ့ မွန်မှာ မိုးရေတွေများလို့ ရေကြီးသလို အခုလည်းပဲ ပင်လယ်ဒီရေတက်တဲ့အတွက် ကမ်း ရိုးတန်းဒေသမှာ ဘာတွေဆုံးရှုံးမှု ဖြစ်လာမလဲမသိဘူး။ အခုစိုးရိမ်နေတဲ့ ဧရာဝတီမြစ်ရဲ့ရေက ဇလွန်အပါအ၀င် ဓနုဖြူတို့မှာ စိုးရိမ်ရေအမှတ်ကို ကျော်လွန်ရေများနေပြီး မိုးရာသီ ကုန်ဆုံးဖို့ ဆိုတာက စက်တင်ဘာလ တစ်ဝက်ကျော်ကျော်လောက် ကျန်သေးတယ်။ တစ်လကျော်ကျော်လောက် အတောအတွင်းမှာ အခုမြင့်နေတဲ့ရေတွေနဲ့ နောက်ထပ်ရွာမယ့် မိုးရယ်၊ အခုလို ထူးကဲဒီရေတွေ တက်လာရင် အရင်နှစ်က မြုပ်ခဲ့ဖူးတဲ့ ဧရာဝတီတိုင်းရဲ့ ငါးကန်ရှိတဲ့ဒေသနဲ့ ပဲခူးတိုင်း၊ ရန်ကုန်တိုင်းက စိတ်ပူစရာတွေ ဖြစ်နေတယ်” ဟု မြန်မာနိုင်ငံ ငါးလုပ်ငန်းအဖွဲ့ချုပ် အထွေထွေ အတွင်းရေးမှူး ဦးဝင်ကြိုင်က ပြောကြားသည်။

လက်ရှိအချိန်တွင် ဆော်ဒီဈေးကွက် ပိတ်ထားမှုကြောင့် ငါးဈေးကွက် ကျဆင်းနေပြီး ယခုနှစ်တွင် အစာကုန်ကြမ်းဈေး စံချိန်တင် မြင့်တက်နေမှုများကြောင့် မွေးမြူရေး လုပ်ငန်းရှင်များ အခက်အခဲ ကြုံနေရကြောင်း၊ အစာဖိုး၊ မျိုးငါးဖိုး၊ ကန်ခ၊ အလုပ်သမားစရိတ်၊ ကျန်တဲ့စရိတ်တွေအားလုံး ရှုံးနေကြောင်း၊ မွေးမြူရေး လုပ်ငန်းတွေက ကန်ကို ရေထည့်ထားပြီး ပစ်ထားရမယ့်ပုံစံ ဖြစ်နေကြောင်း၊ အရင်းအနှီးမရှိသူများ ထပ်မွေးနိုင်တော့မည့် အခြေအနေ မရှိတော့ကြောင်း၊ လက်ရှိအချိန်တွင် ရေဘေးကြောင့် ဆုံးရှုံးမှုများ ရှိခြင်းကြောင့်  ငါးမွေးမြူရေး လုပ်ငန်းကိုပါ စွန့်လွှတ်ရမည့် အခြေအနေ ရှိနေကြောင်း ငါးမွေးမြူရေးလုပ်ငန်း လုပ်ကိုင်နေသူများထံမှ သိရသည်။

၂၀၁၅ ခုနှစ်တွင် ရေကြီးမှုများကြောင့် ဧရာဝတီတိုင်း၊ ရန်ကုန်တိုင်း၊ ပဲခူးတိုင်းတို့တွင် ငါးမွေးမြူရေကန်ပေါင်း ဧက ၃၅၀၀၀ ၀န်းကျင် ဆုံးရှုံးနစ်နာခဲ့ပြီး ရခိုင်ပြည်နယ်တွင် ပုစွန်မွေးမြူရေးကန်ဧက ၅၈၀၀၀ ဆုံးရှုံးကာ စုစုပေါင်း ကာလတန်ဖိုး ကျပ်ဘီလျံ ၅၀ ဆုံးရှုံး နစ်နာခဲ့ကြောင်း သိရသည်။ ၂၀၁၆ ခုနှစ်တွင် ရေကြီးမှုကြောင့် မွေးမြူရေးကန် ဆုံးရှုံးနစ်နာမှုသည် ၂၀၁၅ ခုနှစ်တွင် ဆုံးရှုံးမှု နည်းပါးရှိပြီး၂၀၁၇ ခုနှစ်တွင် ယခင်နှစ်နှစ်ထက် လျော့နည်းသွားကြောင်း သိရသည်။

 

မာစီဒီး၊ ဖို့ဒ်နှင့် အ၀ါရောင်ကျောင်းကားများ ပြဿနာ

လူမှုကွန်ရက်တွင် ပျံ့နှံ့ခဲ့သော တန်ဖိုးကြီးကားများ ထားရှိသော ဂိုဒေါင်အတွင်းမြင်ကွင်း

အမျိုးသားဒီမိုကရေစီ အစိုးရအဖွဲ့သက်တမ်း နှစ်နှစ်ကျော်ကာလမှာ ရန်ကုန်တိုင်းဒေသကြီးက ၀န်ကြီးတွေ စီးနင်းမယ့် မော်တော်ယာဉ်ကိစ္စနဲ့ ပတ်သက်ပြီး ဝေဖန်သံတွေ ထွက်လာပါတယ်။

အစပြုခဲ့တာကတော့ ရန်ကုန်တိုင်းဒေသကြီး အစိုးရအဖွဲ့က ရန်ကုန်တိုင်းလွှတ်တော်မှာ မော်တော်ယာဉ်စီးနင်းဖို့ ဘတ်ဂျက်တောင်းခံခြင်းကနေ အစပြုခဲ့တာပဲ ဖြစ်ပါတယ်။

မေ ၃၁ ရက်မှာ ပြုလုပ်ခဲ့တဲ့ ရန်ကုန်တိုင်းဒေသကြီးလွှတ်တော် အစည်းအဝေးမှာ အစိုးရအဖွဲ့က ၂၀၁၈-၂၀၁၉ ခုနှစ် ရန်ကုန်တိုင်း ဒေသကြီး၏ အရအသုံးမှန်းခြေ ငွေစာရင်းမှာ ကျပ်သိန်း ၁၀၀၀ တန် FORD ကား ၁၀ စီးဝယ်ယူဖို့ ကျပ်သန်း ၁၀၀၀ ထည့်သွင်းတောင်းခံခဲ့ခြင်းပဲ ဖြစ်ပါတယ်။

ရန်ကုန်တိုင်းအစိုးရအဖွဲ့ဝင် ၀န်ကြီးတွေ စီးနင်းအသုံးပြုနေတဲ့ မော်တော်ယာဉ်တွေက ဟောင်းနွမ်းနေပြီ ဖြစ်တာကြောင့် အခုလို တောင်းခံရခြင်း ဖြစ်တယ်လို့ ရန်ကုန်တိုင်းဒေသကြီး အစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက လွှတ်တော်သို့ တင်သွင်းခဲ့ခြင်းပဲ ဖြစ်ပါတယ်။

အစိုးရသက်တမ်း နှစ်နှစ်ကျော်သာ ကျန်ရှိတဲ့အချိန်မှာ အခုလို မော်တော်ယာဉ်အသစ် စီးနင်းဖို့ တောင်းဆိုတာနဲ့ ပတ်သက်ပြီး လွှတ်တော်ကိုယ်စားလှယ် အများစုက ဝေဖန်ခဲ့ပြီး နောက်မှာတော့ ဒီကားတွေကို ၀ယ်ယူမယ့် ငွေကြေးအတွက် ပြည်ထောင်စု ဘတ်ဂျက်ထဲကနေ ၀ယ်ယူခြင်းသာ ဖြစ်တယ်လို့ ၀န်ကြီးချုပ် ဦးဖြိုးမင်းသိန်းက ပြန်လည်ပြောကြား ခဲ့ပါတယ်။

အဲဒီလိုပြောကြားပြီး မကြာမီမှာပဲ နိုင်ငံတော်သမ္မတဦးဝင်းမြင့်က ယခင်အစိုးရအဖွဲ့ လက်ထက်မှာ ၀ယ်ယူသွားတဲ့ မော်တော်ယာဉ်တွေ ရှိပြီးတော့  အဲဒီမော်တော်ယာဉ်တွေကို ပြည်နယ်နဲ့ တိုင်းဒေသကြီး အစိုးရအဖွဲ့တွေကို ခွဲဝေပေးမယ်လို့ ပဲခူးတိုင်းအစိုးရအဖွဲ့၊ ရန်ကုန်တိုင်းဒေသကြီး အစိုးရအဖွဲ့နဲ့ တွေ့ဆုံစဉ်မှာ ပြောကြားခဲ့ပါတယ်။

အဲဒီမော်တော်ယာဉ်တွေက ယခင်အစိုးရလက်ထက်က ၀ယ်ယူခဲ့တာဖြစ်ပြီး ၂၀၁၄ ခုနှစ် ပြုလုပ်ခဲ့တဲ့ အာဆီယံထိပ်သီး အစည်းအဝေးတွေ ပြုလုပ်ချိန်မှာ ဧည့်သည်တော်တွေ စီးနင်းဖို့ ၀ယ်ယူခဲ့တာပဲ ဖြစ်ပါတယ်။

အဲဒီမော်တော်ယာဉ်တွေထဲမှာ တန်ဖိုးကြီး မာစီဒီး အမျိုးအစားယာဉ် အများစုဖြစ်ပြီးတော့ အဲဒီမော်တော်ယာဉ်တွေကို ဗဟိုစက်ပစ္စည်း စာရင်းအင်းနှင့် စစ်ဆေးရေး ဦးစီးဌာနက တာဝန်ယူ ထိန်းသိမ်းထားခဲ့တာပဲ ဖြစ်ပါတယ်။

မာစီဒီးတွေကို ဘယ်လိုပြန်တွေ့တာလဲ

ဦးသိန်းစိန်အစိုးရ လက်ထက်က ၀ယ်ယူခဲ့တဲ့ မာစီဒီးအမျိုးအစား မော်တော်ယာဉ်အပါအ၀င် ဇိမ်ခံမော်တော်ယာဉ်မျိုးစုံ ၁၇၂ စီးအတွက် ၂၀၁၃ ခုနှစ်မှာ လွှတ်တော်ကို ကျပ် ၁၈ ဘီလျံ တောင်းခံခဲ့ပါတယ်။ ငွေကြေးပမာဏများတဲ့ အတွက်ကြောင့် လွှတ်တော်ကိုယ်စားလှယ် အချို့က ကန့်ကွက်ခဲ့ပေမယ့် အစိုးရအဖွဲ့က ၀ယ်ယူခဲ့ပါတယ်။

အဲဒီမော်တော်ယာဉ်တွေကို အာဆီယံထိပ်သီး အစည်းအဝေး ကျင်းပချိန်မှာ ရောက်လာမယ့် နိုင်ငံ့ခေါင်းဆောင်တွေ စီးနင်းဖို့ ၀ယ်ယူခဲ့တာဖြစ်ပြီး နောက်ပိုင်းမှာတော့ ဗဟိုစက်ပစ္စည်း စာရင်းအင်းနှင့် စစ်ဆေးရေး ဦးစီးဌာနက ထိန်းသိမ်းထားခဲ့တာပဲ ဖြစ်ပါတယ်။

၂၀၁၈- ၂၀၁၉ ဘဏ္ဍာနှစ်မှာတော့ ၀န်ကြီးဌာနတွေ တင်ပြထားတဲ့ အသုံးစရိတ်တွေကို စိစစ်နိုင်ဖို့အတွက် ပြည်ထောင်စု လွှတ်တော်က အဖွဲ့ ၁၇ ဖွဲ့ ဖွဲ့စည်းခဲ့ပါတယ်။

အဲဒီအဖွဲ့ ၁၇ ဖွဲ့မှာ အဖွဲ့နံပါတ် ၆ ကိုတော့ ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ဦးဆောင်ပြီးတော့ အမျိုးသားလွှတ်တော် ကိုယ်စားလှယ် ဦးတင်ထွန်းနိုင်က အတွင်းရေးမှူး ဖြစ်ပါတယ်။ အဲဒီအဖွဲ့က နာမည်ကြီးနေတဲ့ မော်တော်ယာဉ်တွေနဲ့ ပတ်သက်ပြီး ထိန်းသိမ်းထားတဲ့ ဗဟိုစက်ပစ္စည်း စာရင်းအင်းနှင့် စစ်ဆေးရေး ဦးစီးဌာနကို စစ်ဆေးရပါတယ်။

“ပူးပေါင်းစိစစ်ရေးအဖွဲ့ ၆ ပါ။ ကျွန်မတို့က မြန်မာနိုင်ငံတော် ဗဟိုဘဏ်နဲ့ စီမံဘဏ္ဍာဝန်ကြီးဌာနကို စစ်ရတယ်။ စီမံဘဏ္ဍာဝန်ကြီးဌာန အောက်မှာရှိတဲ့ ဗဟိုစက်ပစ္စည်း စာရင်းဌာနကလည်း ကျွန်မတို့ စစ်ရတဲ့ ဌာနထဲမှာ တစ်ခုအပါအ၀င်ပဲ” လို့ ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ပြောပါတယ်။

သူတို့ ၀င်စစ်ရတဲ့ အကြောင်းရင်းကတော့ ဗဟိုစက်ပစ္စည်း စာရင်းအင်းနှင့် စစ်ဆေးရေး ဦးစီးဌာနက တောင်းခံထားတဲ့ မော်တော်ယာဉ် ပြင်ဆင်ထိန်းသိမ်း စရိတ်တွေ များနေလို့ ဖြစ်ပါတယ်။

“နိုင်ငံတော်က သိမ်းထားတဲ့ယာဉ်တွေ ပြင်ဆင်ရတာရှိတယ်။ နောက်တစ်ခုက နိုင်ငံတော်ရဲ့ အဆောင်အယောင်ယာဉ်တွေကို ထိန်းသိမ်းထားရတာရှိတယ်။ ဒီကားတွေကို တစ်လနှစ်ကြိမ် နှိုးစမ်းပြီးတော့ မောင်းရတဲ့အခါမှာ ဒီအတွက် ကုန်ကျရတဲ့ ဆီဖိုးတွေရှိတယ်။ နောက်တစ်ခုက နိုင်ငံတော်မှာ ပွဲကြီးတွေ လုပ်တဲ့အခါမှာ ဒီကားတွေကို သုံးစွဲရတဲ့အခါမှာ ကုန်ကျရတဲ့ စက်ဆီချောဆီတွေရှိတယ်။ ဒါတွေကို တင်ပြလာတာ” လို့ ဒေါ်ခင်စန်းလှိုင်က ဆိုပါတယ်။

အဲဒါကြောင့် မြေပြင်ကွင်းဆင်း စစ်ဆေးတဲ့အချိန်မှာပဲ တန်ဖိုးကြီး ဇိမ်ခံမော်တော်ယာဉ်တွေကို တွေ့ရှိခဲ့တာပဲ ဖြစ်ပါတယ်။

အခုလိုစစ်ဆေးတာက ဗဟိုစက်ပစ္စည်း စာရင်းအင်းနှင့် စစ်ဆေးရေးဦးစီးဌာနရဲ့ ဂိုဒေါင် ၁၀ လုံးအနက် သုံးလုံးကို ၀င်ရောက်စစ်ဆေးခဲ့တဲ့ အချိန်မှာ တွေ့ရှိခဲ့တာပဲ ဖြစ်ပါတယ်။ လက်ရှိအချိန်မှာ စစ်ဆေးတွေ့ရှိထားတဲ့ မော်တော်ယာဉ် အစီးရေကတော့ တစ်ထောင်ကျော် ရှိပါတယ်။

မာစီဒီးယာဉ်တွေနဲ့ ပတ်သက်ပြီး တုံ့ပြန်လိုက်တဲ့ ယခင်အစိုးရရဲ့ ပြောရေးဆိုခွင့်ရှိသူ

အရင်အစိုးရ လက်ထက်တုန်းက ၀ယ်ယူထားတဲ့ မာစီဒီး အပါအ၀င် ဇိမ်ခံမော်တော်ယာဉ်တွေနဲ့ ပတ်သက်လို့ အဲဒါတွေကို အမျိုးသားဒီမိုကရေစီ အစိုးရအဖွဲ့ကို စာရင်းဇယားနဲ့ လွှဲပြောင်းပေးခဲ့တာလို့ ဦးရဲထွဋ်က ဆိုပါတယ်။

“အစိုးရတာဝန်လွှဲတော့လည်း ဒီကားတွေဟာ ၀န်ကြီးဌာန လွှဲပြောင်းလက်ခံမှာ ပါပြီးသားပါ။ ဒီကားတွေ ရှိတယ်။ သုံးလို့ရတယ်ဆိုတာ အစိုးရသစ် မသိစရာလည်း အကြောင်းမရှိပါဘူး။ သူတို့လက်ထက် နိုင်ငံတကာ အစည်းအဝေးတွေမှာလည်း သုံးခဲ့ပြီးသားပါ” လို့ ဦးရဲထွဋ်က ရေးသားထားပါတယ်။

အစိုးရအဖွဲ့ တာဝန်လွှဲပြောင်းတဲ့အထဲမှာ အဲဒီမော်တော်ယာဉ်တွေရဲ့ စာရင်းဇယားတွေ ပါပြီးသား ဖြစ်ပြီးတော့ အခုမှ တွေ့သလိုလို လုပ်တာကတော့ ပိန်းတယ်လို့ ဦးရဲထွဋ်က သူ့ရဲ့လူမှုကွန်ရက် စာမျက်နှာမှာ ရေးသားထားပါတယ်။

“အစိုးရပိုင်ကားမှန်သမျှ ငယ်စာရင်း၊ မွေးစာရင်း ECC ( ဗဟိုစက်ပစ္စည်း စာရင်းအင်းနှင့် စစ်ဆေးရေး ဦးစီးဌာန) မှာရှိတယ်။ စာရင်းစစ်ချုပ်ရုံးရဲ့ စစ်ဆေးတာကို ခံရတယ်။ အရင်ကတော့ တစ်လတစ်ခါ အစိုးရအဖွဲ့ အစည်းအဝေးမှာ ECC မှာရှိတဲ့ ကားတွေနဲ့ ပတ်သက်ပြီး ရှင်းလင်းတင်ပြရတယ်။ အစိုးရအဖွဲ့ အစည်းအဝေးက မှတ်တမ်းတင်တယ်။ လူမသိ သူမသိ ၀ယ်ထား၊ သစ်ပင်ကြား ထိုးထားလို့ရတဲ့ ကိစ္စမဟုတ်ဘူး။ အဲဒီလို ထင်နေရင်လည်း အတော်ပိန်းတယ်လို့ပဲ ပြောရမှာပဲ” လို့ ဦးရဲထွဋ်က ရေးသားထားပါတယ်။

အဲဒီကားတွေကို သူတို့လက်ထက်မှာ အမြဲတမ်း အဆင်သင့်စီးနိုင်အောင် လုပ်ထားရပြီးတော့ သွားလာမယ့် ခရီးစဉ်တွေကိုလည်း စမ်းသပ်မောင်းနှင်ခဲ့တယ်လို့ ဦးရဲထွဋ်က ဆက်လက်ရေးသားပါတယ်။

“အဲဒီကားတွေကို ECC က ထိန်းထားတယ်။ ပုံမှန်စစ်ဆေးရတယ်။ အချိန်မရွေး သုံးနုိုင်အောင် အသင့်လုပ်ထားရတယ်။ ခရီးစဉ်ရှိတယ်ဆိုရင် အဲဒီခရီးစဉ်အတွက် သီးခြားထုတ်ပြီးစမ်းတယ်။ သွားရမယ့် လမ်းကြောင်းအတိုင်း ယာဉ်မောင်းတွေ အကျွမ်းတ၀င်ဖြစ်အောင် မောင်းကြည့်တယ်။ ယာဉ်ထိန်း ဆိုင်ကယ်တွေကလည်း အတူလိုက်ပြီး စမ်းသပ်ရတယ်။ (တစ်ခါတုန်းက အဲဒီလို စမ်းသပ်မောင်းနှင်တဲ့ အချိန်မှာ ယာဉ်ထိန်းဆိုင်ကယ် မှောက်ဖူးတယ်)။ ခရီးစဉ်အတွက် တွဲထားတဲ့ယာဉ်တွေ တစ်ခုခုချို့ယွင်းရင် လဲလှယ်နိုင်ဖို့ အရန်ပြင်ထားရတယ်။ ယာဉ်တန်းမှာလည်း ကားအပို ထည့်ပေးရတယ်” လို့ ဦးရဲထွဋ်က ဆက်လက် ရေးသားထားပါတယ်။

မသုံးစွဲဘဲ ပစ်ထားရတဲ့ မော်တော်ယာဉ်တွေအကြောင်း သမ္မတ သိသလား

ယခင်အစိုးရအဖွဲ့ရဲ့ ပြောရေးဆိုခွင့်ရှိသူက ဓာတ်ပုံအထောက်အထားတွေနဲ့ ပြန်လည်ရေးသားထားမှု အပေါ်မှာတော့ လက်ရှိအစိုးရအဖွဲ့ကတော့ တုံ့ပြန်ပြောကြားခြင်း မရှိသေးပါဘူး။

အဲဒီကားတွေရှိတယ် ဆိုတာကိုတော့ နိုင်ငံတော်သမ္မတ ဦးဝင်းမြင့် သိရှိထားပြီး ဖြစ်ပါတယ်။

ဇူလိုင် ၂၉ ရက်က ရန်ကုန်တိုင်းဒေသကြီး အစိုးရအဖွဲ့ရုံးမှာ ပြုလုပ်တဲ့ နိုင်ငံတော်သမ္မတ၊ တိုင်းဒေသကြီး အစိုးရအဖွဲ့နဲ့ လွှတ်တော်ကိုယ်စားလှယ်တွေ တွေ့ဆုံပွဲမှာ မော်တော်ယာဉ်တွေအကြောင်း ပြောကြားခဲ့တာ ဖြစ်ပါတယ်။

“သမ္မတက သိတယ်ဗျ။ သူပြည်သူ့လွှတ်တော်ဥက္ကဋ္ဌ လုပ်တုန်းက အဲဒီကားတွေရှိတယ်ဆိုတာ သိထားတယ်။ အသုံးလိုတဲ့ အစိုးရအဖွဲ့တွေကို ခွဲဝေပေးမယ်။ ကိုယ့်ဘာသာကိုယ် ပြင်စရာရှိရင်လည်းပြင်၊ ဆီလည်း ကိုယ့်ဘာသာကိုယ်ထည့်ဆိုပြီး ပြောသွားတယ်” လို့ အဆိုပါ တွေ့ဆုံပွဲကို တက်ရောက်ခဲ့တဲ့ ဒဂုံမြို့နယ် မဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ပြောပါတယ်။

အဲဒီမော်တော်ယာဉ်တွေက အစီး ၁၀၀၀ ကျော်ရှိတယ်လို့ သိရပြီး လက်ရှိမှာ တိုင်းဒေသကြီး အစိုးရအဖွဲ့တွေ စီးနင်းနေတဲ့ မော်တော်ယာဉ် အဟောင်းတွေ နေရာမှာ အစားထိုးနိုင်ဖို့ လုပ်ဆောင်ခဲ့တာပဲ ဖြစ်ပါတယ်။

အဲဒီယာဉ်တွေကို စစ်ဆေးပြီးတဲ့ အချိန်မှာတော့ ၂၀၁၈- ၂၀၁၉ ဘဏ္ဍာနှစ်မှာ တင်သွင်းထားတဲ့ နိုင်ငံတော် အဆောင်အယောင်အဖြစ် ထိန်းသိမ်းထားတဲ့ ဒီကားတွေရဲ့ ပြုပြင်ထိန်းသိမ်း စရိတ်တွေကို ပြန်လည်စိစစ်မယ်လို့ ဒေါ်ခင်စန်းလှိုင်က ပြောပါတယ်။

“နှစ်စဉ်နှစ်တိုင်းလည်း တင်သလောက် တောင်းသလောက် ပေးခဲ့တာ ဘယ်တုန်းကမှ မရှိဘူး။ ဖြတ်သင့်ဖြတ်ထိုက်တာ ဖြတ်ခဲ့တယ်။ ပေးသင့်ပေးထိုက်တာ ပေးခဲ့တယ်။ ဆိုလိုတာကတော့ နိုင်ငံတော်အတွက် ပေါ်လစီတစ်ရပ်၊ မူဝါဒတစ်ရပ် ချမှတ်နိုင်အောင် အတွက်တော့ ကျွန်မတို့ရဲ့ အစီရင်ခံစာကတစ်ဆင့် တင်ပြသွားမှာပေါ့။ ဆိုလိုတာကတော့ ဒီကားတွေရှိနေတယ်။ နောင်မှာ ဒီကားတွေ ၀ယ်ဖို့ သင့်၊ မသင့်။ ဒါမှမဟုတ် ရှိနေတဲ့ မော်တော်ကားတွေကို ပျက်စီးမသွားအောင် နှစ်အလိုက် အရေအတွက်နဲ့ အချို့ဆိုရင် မော်ဒယ်တွေ အောက်ကုန်တာတွေ ရှိတဲ့အတွက် ဒါတွေကို အကျိုးရှိရှိ သုံးနိုင်အောင်အတွက် ဒါလေးတွေကို အကြံပြုသွားမှာ ဖြစ်ပါတယ်” လို့  ဒေါ်ခင်စန်းလှိုင်က ပြောပါတယ်။

ရန်ကုန်တိုင်းက အစပြုခဲ့တဲ့ မော်တော်ယာဉ်ဇာတ်လမ်းမှာတော့ ပြည်သူ့ဘဏ္ဍာနဲ့ ၀ယ်ယူထားတဲ့ မော်တော်ယာဉ်တွေကို အသုံးပြုဖို့ ဖြစ်လာခဲ့ပါတယ်။ ဂိုဒေါင်ထဲမှာ ထည့်သိမ်းထားတဲ့ မော်တော်ယာဉ်တွေကို အသုံးပြုခွင့် ရခဲ့ပါတယ်။

ဒါပေမဲ့ ရန်ကုန်တိုင်းအစိုးရအဖွဲ့က ပြည်သူ့ဘဏ္ဍာနဲ့ ၀ယ်ယူထားတဲ့ ကျောင်းကားတွေကတော့ လွှတ်တော်ရုံးက မြေကွက်လပ်ထဲမှာ အသုံးမပြုရသေးပါဘူး။

ရန်ကုန်အစိုးရအဖွဲ့ရဲ့ မပြီးဆုံးသေးတဲ့ ကျောင်းကား

ဝယ်ယူထားသော ကျောင်းကားများကို ၂၀၁၇ ခုနှစ် ဇွန်လအတွင်းက တွေ့ရစဉ် (ဓာတ်ပုံ-ကြည်နိုင်)

ရန်ကုန်တိုင်းဒေသကြီး အစိုးရအဖွဲ့ အနေနဲ့ ယခင်ပညာသင်နှစ်မှာ ကျောင်းကားတွေကို ပုံစံပြောင်းလဲ ပြေးဆွဲသွားမယ်လို့ ကြေညာခဲ့ပါတယ်။

ရန်ကုန်မြို့ရဲ့ ယာဉ်ကြောကျပ်တည်းမှုကို ဖြေလျှော့ပေးနိုင်ဖို့ ရည်ရွယ်ချက်နဲ့ လုပ်ကိုင်ခဲ့တာပဲ ဖြစ်ပါတယ်။

အခြေခံပညာကျောင်းတွေမှာ တက်ရောက်နေတဲ့ ကျောင်းသားအများစုက ကိုယ်ပိုင်မော်တော်ယာဉ်တွေနဲ့ မိဘတွေက လာကြိုကြတာကြောင့် လမ်းပိတ်ဆို့မှုတွေ ဖြစ်ပေါ်နေတာလို့ ရန်ကုန်တိုင်းဒေသကြီး အစိုးရအဖွဲ့က ထင်မြင်ယူဆခဲ့ပါတယ်။ နောက်တစ်ချက်က လက်ရှိပြေးဆွဲနေတဲ့ ကျောင်းကားတွေမှာ စီးနင်းနေတဲ့ ကျောင်းသူကျောင်းသားတွေရဲ့ လုံခြုံရေး အခြေအနေတွေကြောင့် ပြောင်းလဲခဲ့တာ ဖြစ်ပါတယ်။

ကျောင်းကားစီးပွားရေးမှာ ရန်ကုန်အစိုးရ ဘယ်လောက်ရင်းနှီးမြုပ်နှံခဲ့တာလဲ

ရန်ကုန်မြို့တွင်းမှာရှိတဲ့ ပြေးဆွဲနိုင်ဖို့အတွက် ကျောင်းကားများ ပြုပြင်ပြောင်းလဲရေး စီမံချက်အတွက် ရန်ကုန်တိုင်းဒေသကြီး အစိုးရအဖွဲ့က ကျပ် ၁၀ ဘီလျံကျော် အသုံးပြုခဲ့ပါတယ်။

ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ရဲ့ လေ့လာချက်အရ ရန်ကုန်မြို့ရှိ ကျောင်း ၂၂ ကျောင်းမှာ တက်ရောက်ပညာ သင်ကြားနေတဲ့ ကျောင်းသားပေါင်း ၅၈၀၀၀ ကျော်ရှိပြီး ကျောင်းကြိုပို့ယာဉ်နဲ့ ကျောင်းတက်ရောက်နေသူ ၁၉၃၄၂ ဦး ရှိပါတယ်။

အဲဒီ ကျောင်းသားတွေထဲမှာ ကိုယ်ပိုင်ယာဉ် ၁၈၉၉ စီးနဲ့ ကျောင်းတက်ရောက်နေသူ၊ ကျောင်းကြိုပို့ယာဉ် ၈၄၅ စီးနဲ့ ကျောင်းတက်ရောက်သူတွေ ရှိတယ်လို့ သိရပါတယ်။

အဲဒီကျောင်းကားတွေထဲမှာမှ လိုက်ထရပ်ယာဉ် ၃၄၀ ခန့်ရှိပြီး ကျောင်းသားပေါင်း ၁၀၀၀၀ ကျော် စီးနင်းလျက် ရှိတယ်လို့ ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့က ထုတ်ပြန်ခဲ့ပါတယ်။

အဲဒီကျောင်းကားတွေအစား ရန်ကုန်တိုင်းဒေသကြီးက ရောင်းချမယ့် ကျောင်းကားတွေကို ၀ယ်ယူပြီး ပြေးဆွဲရမယ်လို့ ကြေညာခဲ့ပါတယ်။

ဒါမှမဟုတ် နောက်ပွင့် လိုက်ထရပ်ယာဉ်တွေအစား နောက်ပိတ်ယာဉ်တွေနဲ့ ပြေးဆွဲရမယ်လို့ စည်းကမ်းထုတ်ခဲ့ပါတယ်။

ကျောင်းကား ပြေးဆွဲတဲ့သူတွေ အနေနဲ့ အစိုးရဆီကတစ်ဆင့် ၀ယ်ယူနိုင်ဖို့ ရန်ကုန်တိုင်းဒေသကြီး အစိုးရအဖွဲ့က ဟွန်ဒိုင်းကုမ္ပဏီထံက ၀ယ်ယူထားတဲ့ ကျောင်းကားတွေအနက် ပထမအသုတ်အဖြစ် အစီးရေ ၂၀၀ ဟာ ၂၀၁၇ ခုနှစ် ဇွန်လအတွင်းက ရန်ကုန်မြို့ကို ရောက်ရှိလာခဲ့ပါတယ်။

အဲဒီကျောင်းကားတွေမှာ ကျောင်းသားဦးရေ ၂၈ ဦးဆံ့ပြီး ၂၀၁၇ ခုနှစ်ထုတ် ကိုရီးယားနိုင်ငံထုတ် ဖြစ်ပြီးတော့ တန်ဖိုးအားဖြင့် အမေရိကန်ဒေါ်လာ ၃၆၈၄၀ ရှိပါတယ်။

အဲဒီကားတွေကို ၀ယ်ယူမယ်ဆိုရင် အခွန်နှုန်းထား သက်သာခြင်း၊ အသစ်ဖြစ်ခြင်း၊ ဘဏ်ချေးငွေ ရရှိနိုင်ခြင်း စတာတွေရမယ်လို့ အစိုးရအဖွဲ့ လက်အောက်မှာရှိတဲ့ YRTA အဖွဲ့ က ကြေညာခဲ့တယ်။ ဒါ့အပြင် ဒီကားတွေကို အပြင်ပြခန်းမှာ သွားဝယ်မယ် ဆိုရင်တော့ ဒီထက်ဈေးပိုများ နိုင်တယ်လို့လည်း ၂၀၁၇ ခုနှစ် မေ ၁၂ ရက်က ကျောင်းကားကိစ္စနဲ့ ပတ်သက်ပြီး ရန်ကုန်တိုင်းဒေသကြီး အစိုးရအဖွဲ့ရုံးမှာ လွှတ်တော်ကိုယ်စားလှယ်တွေနဲ့ တွေ့ဆုံစဉ်မှာ ရန်ကုန်တိုင်းဒေသကြီး အစိုးရအဖွဲ့ လျှပ်စစ်၊ စက်မှု လက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောကြားခဲ့ပါတယ်။

မှန်းချက်နဲ့ နှမ်းထွက်မကိုက်တဲ့ ကျောင်းကား

ဘဏ်ချေးငွေတွေရမယ်၊ အခွန်သက်သာမယ်လို့ ရန်ကုန်တိုင်းဒေသကြီး အစိုးရအဖွဲ့က မက်လုံးပေး ဆွဲဆောင်ခဲ့ပေမယ့် ကျောင်းကားအစီအစဉ်ကို ယာဉ်ပိုင်ရှင်တွေက စိတ်မ၀င်စားခဲ့ပါဘူး။

ဘာကြောင့်ဆိုရင်တော့ ပထမဆုံးအနေနဲ့ ကျောင်းကားက ဈေးကြီးပါတယ်။ နောက်တစ်ချက်ကတော့ ကျောင်းကားစီးတဲ့ ကလေးငယ်တွေကို အိမ်ရှေ့အထိ လာကြိုနိုင်မလားဆိုတဲ့ မေးခွန်းပါ။ နောက်မေးခွန်း တစ်ခုကတော့ အဲဒီယာဉ်တွေနဲ့ ကျောင်းကြိုပို့လုပ်ပြီဆိုရင် ကျောင်းကားခ တက်ပါပြီ။ အဲဒီအတွက်ကြောင့် ရန်ကုန်တိုင်းဒေသကြီး အစိုးရအဖွဲ့ရဲ့ စီမံချက်က လွဲမှားသွားတယ်လို့ ဆိုရမှာ ဖြစ်ပါတယ်။

“ကျောင်းကား အစီး ၂၀၀ က နှစ်ချီပြီး အောင်းနေရတာ။ စီမံမှုတွေက အလွဲလွဲ အချော်ချော်တွေ ဖြစ်နေတာ။ YBS ပြီးတော့ မဖြစ်သင့်တဲ့ အမှားလို့ပဲ ပြောချင်တယ်။ YRTA က မနိုင်ဘူး။ အဲဒီအောက်မှာ လုပ်ငန်းတွေက အများကြီး။ အခုကျောင်းကားပါ ကိုင်တယ်ဆိုတော့ သူတို့မနိုင်ဘူး” လို့  ဦးကျော်ဇေယျက ပြောပါတယ်။

အစိုးရအဖွဲ့က ကျောင်းကားပြေးဆွဲဖို့ စီစဉ်တုန်းကတော့ Golden Hand အမည်ရှိတဲ့ ကုမ္ပဏီတစ်ခု တည်ထောင်ပြီး ပြေးဆွဲပေးမယ်လို့ ကြေညာခဲ့ပေမယ့် အခုထိတော့ အဲဒီကုမ္ပဏီက ကျောင်းကားနဲ့ ပတ်သက်ပြီး တစ်စုံတစ်ရာ လှုပ်ရှားမှု မရှိသေးပါဘူး။

ကျောင်းကား ပြေးဆွဲသူတွေရဲ့ တစ်လအမြတ်မှာ ဆီဖိုး၊ ယာဉ်မောင်းစရိတ်၊ ယာဉ်ပြင်ခတွေ နုတ်လိုက်မည်ဆိုလျှင် ကျပ်လေးသိန်းခန့် ရရှိပါတယ်။

ကျောင်းကားတွေကို မ၀ယ်နိုင်ပါက အစိုးရက ငှားရမ်းပေးမယ်လို့ ဆိုပေမယ့် ငှားရမ်းခက တစ်လလျှင် ၁၀ သိန်းကျော်ရှိတော့ ကျောင်းကား ပြေးဆွဲသူတွေအတွက် တွက်ခြေမကိုက်ပါဘူး။

ကျောင်းကား ပြောင်းလဲပြေးဆွဲမယ်ဆိုရင် လက်ရှိကောက်ခံနေတဲ့ ကျောင်းကားလခထက် အနည်းဆုံး ကျပ်တစ်သောင်း ပိုမိုကောက်ခံရတော့မှာပဲ ဖြစ်ပါတယ်။

ထို့အတူ တန်ဖိုးကျပ်သိန်း ၅၀၀ တန် ရင်းနှီးမြှုပ်နှံထားပေမယ့် တစ်လကျပ်လေးသိန်းသာ ပြန်ဝင်မယ့်အတွက် ကျောင်းကားပြေးဆွဲသူတွေ အနေနဲ့ မရင်းနှီးနိုင်ပါဘူး။

“သိန်း ၅၀၀ ကျော် ရင်းဖို့ကြတော့ မိဘတွေအနေနဲ့လည်း မတတ်နိုင်ကြဘူး။ ကျွန်မတို့ကလည်း မ၀ယ်နိုင်ဘူး။ အဲဒီတော့ လက်ရှိ ကျောင်းကားကိုပဲ သူတို့သတ်မှတ်ထားတဲ့ မူဝါဒတွေကို လိုက်နာလိုက်တယ်လေ။ အခက်အခဲတွေက လက်ရှိ ညာပေါက်ကားတွေကို ခွင့်မပြုတော့ဘူးဆိုတော့ ငိုတဲ့သူကငို။ အကြွေးတွေက မကြေသေးဘူးလေ” လို့ ကျောင်းကားပြေးဆွဲနေတဲ့ အမျိုးသမီးတစ်ဦးက ပြောပါတယ်။

အဲဒီအတွက်ကြောင့် ရန်ကုန်တိုင်းဒေသကြီး အစိုးရအဖွဲ့က ရောင်းချပေးမယ့် ကျောင်းကားကို ၀ယ်ယူဖို့ လက်တွန့်ခဲ့ကြတာပဲ ဖြစ်ပါတယ်။

၂၀၁၈- ၂၀၁၉ စာသင်နှစ်မှာတော့ အစိုးရက ရောင်းချတဲ့ ကျောင်းကားကို ၀ယ်ယူပြီး ပြေးဆွဲနေတဲ့ ကျောင်းက TTC တစ်ကျောင်းတည်းသာ ရှိပါတယ်။

“အခုကတော့ ကျွန်တော်သိသလောက်ဆိုရင် TTC တစ်ကျောင်းပဲရှိတယ်။ ကျွန်တော့်မဲဆန္ဒနယ်မြေဖြစ်တဲ့ ဒဂုံ (၁) မှာတောင် ဆွဲဖို့လုပ်တာ အဆင်မပြေသေးဘူး။ အစပိုင်းတုန်းကတော့ ဆွဲမလို လုပ်ပေမယ့် မဆွဲဖြစ်ဘူး” လို့ ဒဂုံမြို့နယ် မဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ဆိုပါတယ်။

ကျောင်းကားပြေးဆွဲဖို့ အဓိက အတားအဆီး နှစ်ခုကတော့ ကျောင်းကားခ ဈေးကြီးခြင်းနဲ့ ကျောင်းကား ၀ယ်ယူရတဲ့ ဈေးနှုန်းပဲ ဖြစ်ပါတယ်။

နှစ်နှစ်ကျော် ကြာလာတဲ့ အချိန်မှာတော့ ရန်ကုန်တိုင်းဒေသကြီး အစိုးရအဖွဲ့ရဲ့ ကျောင်းကား ၂၀၀ အနက် ၁၀၀ ခန့်သာ အသုံးပြုနိုင်ခဲ့ပြီး ကျန်တဲ့အစီး ၁၀၀ ကျော်ကတော့ ရွာနေတဲ့မိုး၊ ပူနေတဲ့ နေရောင်အောက်မှာ အသက်မဲ့နေတုန်းပဲ ဖြစ်ပါတယ်။

အစိုးရအဖွဲ့ အနေနဲ့လည်း ၀ယ်ယူထားတဲ့ ကျောင်းကားတွေကို ဘယ်နေရာမှာ ပြန်သုံးမလဲ ဆိုတာက အဖြေလည်း မရှိသေးပါဘူး။

ပြည်သူ့ဘဏ္ဍာနဲ့ ၀ယ်ယူထားတဲ့ ကျောင်းကား အလကားဖြစ်ပြီလား

ယခင် မထသအဖွဲ့ထံမှ ကျပ်ငါးဘီလျံကို ရန်ကုန်တိုင်းဒေသကြီး အစိုးရအဖွဲ့က လွှဲပြောင်းရယူခဲ့ပြီး အဲဒီ ငွေကြေးတွေကိုတော့ YBS စနစ်ကို ပြောင်းလဲခြင်းနဲ့ ကျောင်းကားဝယ်ယူရေးအတွက် အသုံးပြုခဲ့ပါတယ်။

မထသအဖွဲ့က ရရှိထားတဲ့ ငွေကြေးတွေကလည်း ပြည်သူတွေဆီက ရရှိထားတဲ့ ငွေကြေးတွေပဲ ဖြစ်ပါတယ်။

မေ ၃၁ ရက်မှာ ပြုလုပ်ခဲ့တဲ့ ရန်ကုန်တိုင်းဒေသကြီးလွှတ်တော် ဆဋ္ဌမပုံမှန် အစည်းအဝေး ၃၇ ရက် မြောက်နေ့မှာ ၂၀၁၈-၂၀၁၉ ခုနှစ် ရန်ကုန်တိုင်းဒေသကြီး၏ အရအသုံးမှန်းခြေငွေစာရင်း (လျာထားချက်)နဲ့ ပတ်သက်ပြီး လွှတ်တော်ကိုယ်စားလှယ်တွေက ဆွေးနွေးခဲ့ရာမှာတော့ ပြည်သူ့ဘဏ္ဍာကို အလေးထား သုံးစွဲဖို့ ထောက်ပြခဲ့ကြပါတယ်။

“ဘတ်ဂျက်ဆိုတာ ပြည်သူ့ဘဏ္ဍာဖြစ်လို့ ပြည်သူတွေ လိုအပ်တဲ့ဟာကို အဓိကထား ရေးဆွဲရမှာ ဖြစ်ပါတယ်။ နှစ်စဉ် ဘတ်ဂျက်လိုငွေပြနေလို့ အင်မတန်မှ အလေးထားပြီး ရငွေတွေကို စိစိစစ်စစ်ကောက်ဖို့ လိုသလို သုံးငွေတွေ သုံးစွဲရမှာလည်း အစိုးရဘတ်ဂျက်လို့ မသတ်မှတ်ဘဲ မိမိပိုင်ငွေကို မိမိလိုအပ်သလိုမျိုးကို စိစစ်ဖို့ အင်မတန်မှ အရေးကြီးလှပါတယ်” လို့ လှိုင်မြို့နယ် မဲဆန္ဒနယ် အမှတ် (၂) မှ တိုင်းဒေသကြီး လွှတ်တော်ကိုယ်စားလှယ် ဒေါ်ခိုင်မာဌေးက ပြောကြားခဲ့ပါတယ်။

မထသဆီက လွှဲပြောင်းရယူထားတဲ့ ကျပ်ငါးဘီလျံကျော်ကလည်း ပြည်သူတွေဆီက ကောက်ခံထားတဲ့ ငွေကြေးတွေပဲ ဖြစ်ပါတယ်။

အဲဒီလို ရရှိထားတဲ့ ငွေကြေးတွေကို အလဟသ မသုံးစွဲမိစေဖို့ အစိုးရတစ်ရပ် အနေနဲ့ အရေးကြီးပါတယ်။

အားနည်းချက်တွေ များလှတဲ့ ရန်ကုန်မြို့ကို ပြုပြင်ဖို့အတွက် လိုအပ်ချက်တွေ များပြားလှတဲ့အချိန်မှာ ပြည်သူ့ဘဏ္ဍာငွေကို အကျိုးမရှိတဲ့ နေရာမှာ မသုံးစွဲဖို့ ဆင်ခြင်ရမှာပဲ ဖြစ်ပါတယ်။

လက်ရှိမှာတော့ မအောင်မြင်တဲ့ ကျောင်းကားစနစ်ကြောင့် ဘဏ္ဍာငွေအများအပြား နစ်နာနေပြီ ဖြစ်ပါတယ်။ ပြည်သူတွေဆီက ကောက်ခံထားတဲ့ငွေကို အလိုအပ်ဆုံးနေရာမှာ အသုံးပြုဖို့က အစိုးရတစ်ရပ်ရဲ့ စီမံခန့်ခွဲမှု ဆိုတာ အရေးကြီးတဲ့ နေရာမှာ ရှိပါတယ်။ တိုးကောက်ထားတဲ့ ဘီးခွန်လိုဟာမျိုးကို လမ်းပြုပြင်ရာမှာ မသုံးစွဲတဲ့ အတွက်ကြောင့် ပျက်စီးနေတဲ့ ရန်ကုန်မြို့ရဲ့ လမ်းတွေကို နေရာအနှံ့အပြားမှာ တွေ့နေရပြီ ဖြစ်ပါတယ်။

အဲဒီလိုပဲ ကျောင်းကားစနစ်ကို ပြောင်းလဲဖို့အတွက် အကောင်အထည်ဖော်တဲ့ နေရာမှာ အောက်ခြေမြေပြင် အခြေအနေကို မစုံစမ်းဘဲနဲ့ လုပ်ကိုင်ခဲ့တဲ့ အတွက်ကြောင့် တစ်စီးကို ကျပ်သိန်း ၅၀၀ ခန့် တန်ဖိုးရှိတဲ့ ကျောင်းကားတွေက နေဒဏ်မိုးဒဏ်တွေကြောင့် ပျက်စီးတော့မယ့် အနေအထားပဲ ဖြစ်ပါတယ်။

တိုင်းဒေသကြီးနဲ့ ပြည်နယ်အစိုးရအဖွဲ့တွေအတွက် လိုအပ်တဲ့ကားတွေကို ဘတ်ဂျက်ထဲက မထိဘဲနဲ့ ရှိတဲ့ကားတွေကို ထုတ်သုံးဖို့ နိုင်ငံတော်သမ္မတက ညွှန်ကြားနေတဲ့ အချိန်မှာ ရန်ကုန်တိုင်းဒေသကြီး အစိုးရအဖွဲ့ရဲ့ ပြည်သူ့ဘဏ္ဍာနဲ့ ၀ယ်ယူထားတဲ့ မော်တော်ယာဉ်တွေကတော့ အခုချိန်ထိ ပွင့်လင်းမြင်သာမှုရှိစွာ ပြည်သူကို ချပြခြင်း မရှိသေးပါဘူး။ ပြည်သူ့ဘဏ္ဍာငွေနဲ့ အစိုးရအဖွဲ့က စီးပွားရေး လုပ်နေတဲ့ အချိန်မှာ အဲဒီစီးပွားရေး တိုးတက်သလား ဆုတ်ယုတ်နေသလား ဆိုတာကိုလည်း ပြည်သူ့ကိုယ်စားပြု လွှတ်တော်ကိုယ်စားလှယ်တွေလည်း ရှင်းရှင်းလင်းလင်း မသိရှိရသေးပါဘူး။

၂၀၁၆ ခုနှစ် ဇန်န၀ါရီ ၁၆ ရက်မှာ ပြောင်းလဲကျင့်သုံးခဲ့တဲ့ YBS စနစ်ဆိုရင်လည်း နှစ်နှစ်ကျော် ကြာမြင့်လာပြီ ဖြစ်ပေမယ့် အခုချိန်ထိ ပွင့်လင်းမြင်သာစွာ ချပြနိုင်ခြင်း မရှိသေးပါဘူး။ ထို့အတူပဲ မအောင်မြင်တဲ့ ကျောင်းကားစနစ်က ဆုံးရှုံးသွားတဲ့ ပြည်သူ့ဘဏ္ဍာ တွေကိုလည်း ဘယ်လိုပုံစံနဲ့ ပြန်ဆယ်မလဲဆိုတာ ရန်ကုန်တိုင်းဒေသကြီး အစိုးရအဖွဲ့ကို မေးခွန်းထုတ်ရမယ့် အခြေအနေပဲ ဖြစ်ပါတယ်။