အမြန်လမ်းတွင် လူရှစ်ဦး သေဆုံးခဲ့သည့် ယာဉ်မီးလောင်မှုမှ ယာဉ်မောင်းအား ပုဒ်မသုံးခုဖြင့် အလုပ်နှင့်ထောင်ဒဏ် ၁၂ နှစ် ချမှတ်

ယာဉ်မီးလောင်မှုကြောင့် ရှစ်ဦး သေဆုံးခဲ့သည့် ဖြစ်စဉ်မှ ယာဉ်မောင်းအား အမိန့်ချမှတ်ရန် မတ် ၂၁ ရက်က ရုံးထုတ်လာစဉ်

ရန်ကုန်-မန္တလေး အမြန်လမ်းမကြီး လေးမိုင်နှစ်ဖာလုံခန့်တွင် Toyota Hiace ယာဉ်တစ်စီး မီးလောင်မှုကြောင့် ရှစ်ဦး သေဆုံးခဲ့သည့် ဖြစ်စဉ်မှ ယာဉ်မောင်း အောင်ခန့်ဇွဲမြန်မာအား မတ် ၂၁ ရက်တွင် လှည်းကူးမြို့နယ် တရားရုံး၌ ရုံးထုတ်ခဲ့ပြီး ပုဒ်မသုံးခုဖြင့် အမိန့်ချမှတ်ခဲ့ကြောင်း သိရသည်။

အဆိုပါအမှုမှာ အခင်းဖြစ်ပြီး တစ်နှစ်နှင့် နှစ်လအကြာတွင် ယင်းကဲ့သို့ အမိန့်ချမှတ်ခဲ့ခြင်း ဖြစ်သည်။

ယာဉ်မောင်း အောင်ခန့်ဇွဲမြန်မာအား ပုဒ်မ ၃၀၄ (က) ဖြင့် အလုပ်နှင့်ထောင်ဒဏ် ခုနစ်နှစ်၊ ပုဒ်မ ၂၈၅ ဖြင့် အလုပ်နှင့်ထောင်ဒဏ် သုံးနှစ်၊ ပုဒ်မ ၂၇၉ ဖြင့် အလုပ်နှင့်ထောင်ဒဏ် နှစ်နှစ်တို့ ချမှတ်ခဲ့ပြီး ပြစ်ဒဏ်များအား သီးခြားစီ ကျခံစေခဲ့ကြောင်း လှည်းကူးမြို့နယ် တရားရုံးမှ ပြန်ကြာရေးအရာရှိက ပြောကြားသည်။

ယင်းအမှုတွင် တရားလို အပါအ၀င် တရားလိုပြသက်သေ စုစုပေါင်း ၂၂ ဦးကို စစ်ဆေးခဲ့ပြီး စွဲချက်တင် အမိန့်ချမှတ်ရာတွင် တရားစွဲဆိုခံထားရသည့် အောင်ခန့်ဇွဲမြန်မာကို မဆင်မခြင်မှုကြောင့် လူသေစေမှုပုဒ်မ ၃၀၄ (က)၊ ယာဉ်မဆင်မခြင် မောင်းနှင်မှု ပုဒ်မ ၂၇၉ ၊ မီးပေါ့ဆမှုပုဒ်မ ၂၈၅ တို့ဖြင့် စွဲချက်တင်ခဲ့ကြောင်း သိရသည်။

ထို့နောက် တရားခံဘက်မှ ရှေ့နေဖြစ်သူက တရားလိုဖြစ်သူ ရဲအုပ်ပြည့်လင်းအောင် အပါအ၀င် သက်သေ လေးဦးကို ပြန်ခေါ်သက်သေအဖြစ် စစ်ဆေးပေးရန်အတွက် တရားရုံးသို့ တင်ပြခဲ့ကြောင်း သိရသည်။

အသက်ရှင် လွတ်မြောက်ခဲ့သူ အောင်ခန့်ဇွဲမြန်မာမှာ ယာဉ်ကို မောင်းနှင်ခဲ့သူဖြစ်ကြောင်း ဇန်န၀ါရီ ၂၃ ရက်တွင် ၀န်ခံ ထွက်ဆိုခဲ့ပြီးနောက် အမှတ် (၃) အမြန်လမ်းမကြီး ရဲစခန်းက ပုဒ်မ ၃၀၄ (က)/၃၃၇/၂၈၅ ဖြင့် ကနဦးတွင် အမှုဖွင့်ခဲ့ကာ ဇန်န၀ါရီ ၂၃ ရက်မှ ဖေဖော်ဝါရီ ၆ ရက်ထိ ပထမအကြိမ် ရမန်ယူ၍ စစ်ဆေးခဲ့ကြောင်း၊ ဇန်န၀ါရီ ၂၆ ရက်တွင် စီအိုင်ဒီသို့ လွှဲပြောင်းပေးခဲ့ပြီး စီအိုင်ဒီမှ လွှဲပြောင်းစစ်ဆေးဆဲကာလတွင် ပထမအကြိမ် ရမန်ယူရက် ကုန်ဆုံးခဲ့သဖြင့် ဖေဖော်ဝါရီ ၆ ရက်မှ ဖေဖော်ဝါရီ ၂၀ ရက်ထိ ဒုတိယအကြိမ် ရမန်ယူခဲ့ပြီး ယင်းနေ့တွင် ပုဒ်မ ၃၀၄ (က)ဖြင့် တရားစွဲတင်ခဲ့ကြောင်း သိရသည်။

ယာဉ်မီးလောင်မှု ဖြစ်စဉ်တွင် ကားပေါ်မှ အောင်ခန့်ဇွဲမြန်မာနှင့်အတူ ဆင်းလာသူဟု စွပ်စွဲခံရသူအား CID မှ ခေါ်ယူမေးမြန်းရာ ၀င်ရောက် အကူအညီပေးခြင်းသာ ဖြစ်သည်ဟု စစ်ဆေးပေါ်ပေါက်ခဲ့ကြောင်း စီအိုင်ဒီ ရဲတပ်ဖွဲ့မှ ရဲအရာရှိတစ်ဦး ဖေဖော်ဝါရီ ၁၂ ရက်တွင် ပြောကြားသည်။

ယင်းဖြစ်စဉ်တွင် သေဆုံးခဲ့သူများ၏ မိသားစုဝင်များမှ အဆိုပါ ဖြစ်စဉ်သည် ကြိုတင်ကြံစည်၍ ဖြစ်ပွားခဲ့ခြင်း ဖြစ်နိုင်ကြောင်း ယူဆမှုများနှင့်အမှုမှန် အမြန်ဆုံးပေါ်ပေါက်နိုင်ရန် ပြောဆိုမှုများ ရှိခဲ့သည်။

ယာဉ်မီးလောင်ကျွမ်းမှု ဖြစ်စဉ်မှာ ယာဉ်၏ ၀ဲဘက်ဘီးပေါက်ကာ လမ်းလယ်ကျွန်းရှိ Guard Rail အား တိုက်မိရာမှတစ်ဆင့်မီး လောင်ကျွမ်းမှု ဖြစ်ပွားခဲ့ကြောင်း၊ ယာဉ်ပေါ်တွင် လိုက်ပါလာခဲ့သူများမှာ အမျိုးသားနှစ်ဦးနှင့် အမျိုးသမီး ခုနစ်ဦးဖြစ်ကြောင်း ရဲမှတ်တမ်းများအရ သိရသည်။

မီးလောင်ကျွမ်းမှု ဖြစ်ပွားခဲ့သည့် ယာဉ်မှာ ၂၀၁၇ ခုနှစ် ဇန်န၀ါရီ ၁၉ ရက်က ပုဂံ-ညောင်ဦးသို့ ဘုရားဖူးရန် သွားရောက်ခဲ့ခြင်း ဖြစ်ပြီး အပြန်ခရီးတွင် နေပြည်တော်သို့ အလုပ်ကိစ္စဖြင့် ၀င်ရောက်ခဲ့ပြီးမှ ရန်ကုန်မြို့သို့ ပြန်ခဲ့ခြင်း ဖြစ်ကြောင်း၊ ယာဉ်မောင်းမှအပ သေဆုံးခဲ့သူများမှာ ဆဌဂံဆောက်လုပ်ရေးကုမ္ပဏီမှ ဖြစ်ကြောင်း သေဆုံးခဲ့သူများ၏ မိသားစုဝင်များက ပြောကြားသည်။

ရန်ကုန်-မန္တလေး အမြန်လမ်းမတွင် ဇန်န၀ါရီမှ ဖေဖော်ဝါရီ ၁၁ ရက်အထိ သတ်မှတ်မိုင်နှုန်းထက် ကျော်လွန်မောင်းနှင်သည့် ယာဉ် ၃၂၀၀ ကျော်ကို အရေးယူ

ရန်ကုန်-မန္တလေး အမြန်လမ်းမတွင် ဖြစ်ပွားခဲ့သည့် ယာဉ်မတော်တဆမှု တစ်ခုကို တွေ့ရစဉ်

ရန်ကုန်-မန္တလေး အမြန်လမ်းမတွင် ဇန်န၀ါရီမှ ဖေဖော်ဝါရီ ၁၁ ရက်အထိ သတ်မှတ်မိုင်နှုန်းထက် ကျော်လွန်မောင်းနှင်သည့် ယာဉ်စီးရေ ၃၂၀၀ ကျော်ကို အရေးယူထားကြောင်း အမြန်လမ်းရဲတပ်ဖွဲ့က စုံစမ်းသိရသည်။

ဇန်န၀ါရီလတွင် သတ်မှတ်မိုင်နှုန်းထက် ကျော်လွန်မောင်းနှင်သဖြင့် ဒဏ်ကြေးငွေ ချမှတ်အရေးယူခံရသည့် ယာဉ်စီးရေ ၂၃၃၄ စီးရှိကြောင်း သိရသည်။

ဖေဖော်ဝါရီ ၁ ရက်မှ ဖေဖော်ဝါရီ ၁၁ ရက်အထိ ရန်ကုန်-မန္တလေး အမြန်လမ်းမပေါ်တွင် သတ်မှတ်မိုင်နှုန်းထက် ကျော်လွန် မောင်းနှင်သည့် ယာဉ်များကို အရေးယူမှု အနေဖြင့် နေပြည်တော် (၂၀၁) မိုင်တိုးဂိတ်၌ ယာဉ်စီးရေ ၂၁၅ စီး၊ လှည်းကူးမြို့နယ် အမှတ် (၃) လမ်းဆုံတိုးဂိတ်၌ ၁၃၀ စီး၊ ဖြူးမြို့နယ် ၁၁၅ မိုင် ဖြူးတိုးဂိတ်၌ ၃၂၇စီး၊ မိတ္ထီလာမြို့နယ် သီးကုန်းတိုးဂိတ်၌ ၅၇ စီး၊ တံတားဦး မြို့နယ် စကားအင်းတိုးဂိတ်၌ ၁၃၅ စီး၊ ဘော နတ်ကြီး မီနီတိုးဂိတ်၌ ၂၀ စီး၊ ပန်းတင်မီနီ တိုးဂိတ်၌ နှစ်စီး စသည်တို့ကို အရေးယူထားပြီး သတ်မှတ်မိုင်နှုန်းထက် ကျော်လွန်မောင်းနှင်သည့် ယာဉ်စီးရေ စုစုပေါင်း ၈၈၆ စီးရှိကြောင်း သိရသည်။

“ရန်ကုန်-မန္တလေး အမြန်လမ်းတစ်လျှောက်မှာ သတ်မှတ်ထားတဲ့ မိုင်နှုန်းထက် ကျော်မောင်းတဲ့ ကားတွေကို ဖမ်းတဲ့ Speedometer (ကားအမြန်နှုန်းတိုင်း ကိရိယာ) ၁၅လုံး ရှိတယ်။ အဲဒီကိရိယာနဲ့ တိုင်းကြည့်လို့ သတ်မှတ်ထားတဲ့ မိုင်နှုန်းထက် ကျော်တယ်ဆိုရင် အဲ့ဒီကားကိုဖမ်းပြီးရင် ယာဉ်စည်းကမ်း တရားရုံးက ဒဏ်ငွေငါးသောင်း အရေးယူတယ်။ ခါးပတ်ကတော့ တိုးဂိတ်တွေမှာ ခါးပတ်ပတ် မပတ် ကြည့်ပြီး ဖမ်းတာပေါ့” ဟု ရန်ကုန်-မန္တလေး အမြန်လမ်း ရဲတပ်ဖွဲ့ တာဝန်ရှိ ရဲအရာရှိတစ်ဦးက ပြောကြားသည်။

ယင်းသို့ ရန်ကုန်-မန္တလေး အမြန်လမ်းမပေါ်တွင် သတ်မှတ်မိုင်နှုန်းထက် ကျော်လွန်မောင်းနှင်သဖြင့် အရေးယူခြင်းခံရသည့် ယာဉ်များကို သက်ဆိုင်ရာ မြို့နယ်များရှိ ယာဉ်စည်းကမ်း တရားရုံးများသို့ တရားစွဲဆို တင်ပို့သွားမည်ဖြစ်ကာ တရားသူကြီးများက ဒဏ်ကြေးငွေ သတ်မှတ်အရေးယူမည် ဖြစ်ကြောင်း သိရသည်။

အလားတူ ရန်ကုန်-မန္တလေး အမြန်လမ်းမပေါ်တွင် ဖေဖော်ဝါရီ ၁ ရက်မှ ၁၁ ရက်အတွင်း ကားထိုင်ခုံခါးပတ် မပတ်ဘဲ မောင်းနှင်သည့် ယာဉ် ၂၃ စီးကိုလည်း ယာဉ်စည်းကမ်း တရားရုံးများသို့ တရားစွဲဆိုရန် တင်ပို့သွားမည် ဖြစ်ကြောင်း သိရသည်။

 

အမြန်လမ်းမကြီး ၂၇၆ မိုင်အနီးတွင် ခရီးသည်တင် Express ယာဉ်တစ်စီး မီးလောင်မှုဖြစ်ပွားပြီး ယာဉ်တစ်စီးလုံး မီးလောင်ဆုံးရှုံး

ရန်ကုန်-မန္တလေး အမြန်လမ်းမကြီးပေါ်တွင် ဇန်န၀ါရီ ၂၃ ရက် မွန်းလွဲပိုင်းက နေပြည်တော်ဘက်မှ မန္တလေးဘက်သို့ မောင်းနှင်လာသော ‘စည်းစိမ်ရှင်’ ခရီးသည်တင် Express ယာဉ်တစ်စီး အင်ဂျင်ခန်းအပူလွန်ကဲရာမှ မီးလောင်ကျွမ်းမှုဖြစ်ပွား၍ ယာဉ်တစ်စီးလုံး မီးလောင်ဆုံးရှုံးခဲ့ပြီး ထိခိုက်ဒဏ်ရာရရှိခြင်းမရှိကြောင်း သိရသည်။

“မိုင်တိုင် ၂၇၆ မိုင်မှာပါဗျ၊ လူတော့ ထိခိုက်မှုဘာမှမရှိပါဘူးခင်ဗျ၊ အပူလွန်ကဲပြီးတော့ဖြစ်တာပါ၊ မီးလောင်တာက ၁၄ နာရီ ၄၅ မိနစ်မှာ ကျွန်တော်တို့သတင်းရတယ်ဗျ၊ ၁၅ နာရီ မိနစ် ၂၀ မှာ မီးငြိမ်းသွားတယ်၊ မီးသတ်ကားက ခုနစ်စီးခင်ဗျ၊ မီးသတ်အင်အားက ၃၅ ယောက်နဲ့ ငြှိမ်းတာပါ” ဟု ပေပင်လေး အမြန်လမ်း မီးသတ်စခန်းတာဝန်ခံ လ/ထဦးစီးမှူး အောင်ချမ်းက မီးလောင်ကျွမ်းမှုဖြစ်စဉ်အား ပြောကြားသည်။

ဖြစ်စဉ်မှာ ဇန်န၀ါရီ ၂၃ ရက် မွန်းလွဲ ၂ နာရီ ၄၅ မိနစ်ခန့်က ပျော်ဘွယ်မြို့နယ် ပေပင်လေး အမြန်လမ်းမကြီး ရဲစခန်းအပိုင် အမြန်လမ်းမကြီးပေါ်တွင် နေပြည်တော်ဘက်မှ မန္တလေးဘက်သို့ ယာဉ်မောင်းအောင်မင်းနိုင် (၃၄ နှစ်) (ဘ)ဦးတိုးလွင်၊ ပုလဲမြို့သစ်၊ မင်္ဂလာဒုံမြို့နယ်နေသူ မောင်းနှင်လာသော ယာဉ်အမှတ် 3N/—- ‘စည်းစိမ်ရှင်’ ခရီးသည်တင် Express (အနီရောင်) မော်တော်ယာဉ်မှာ လမ်းမကြီးမိုင်တိုင်အမှတ် ၂၇၆ မိုင် ၀ ဖာလုံအနီးသို့အရောက်တွင် ယာဉ်၏အင်ဂျင်ခန်း အပူလွန်ကဲရာမှ ၀ိုင်ယာရှော့ဖြစ်ကာ မီးလောင်ကျွမ်းမှုဖြစ်ပွားခဲ့ခြင်းဖြစ်သည်။

ယာဉ်မီးလောင်မှုဖြစ်ပွားကြောင်း သတင်းအရ ပေပင်လေး အမြန်လမ်းမကြီး ရဲစခန်းမှူး ရဲအုပ်ကျော်မင်းစိုးပါ တပ်ဖွဲ့ဝင်များ၊ ပေပင်လေး အမြန်လမ်းမီးသတ်စခန်းမှ လ/ထဦးစီးမှူး အောင်ချမ်းပါ မီးသတ်တပ်ဖွဲ့ဝင်များနှင့် မီးငြှိမ်းသတ်ယာဉ်များမှ မီးလောင်ကျွမ်းမှု ဖြစ်ပွားရာသို့သွားရောက်၍ ၀ိုင်းဝန်းကူညီငြှိမ်းသတ်ခဲ့ရာ ညနေ ၃ နာရီခန့်တွင် မီးငြှိမ်းသတ်နိုင်ခဲ့ကြောင်း၊ ယာဉ်ပေါ်လိုက်ပါသူ ယာဉ်မောင်းပါ အမျိုးသားသုံးဦးတို့တွင် ထိခိုက်ဒဏ်ရာရရှိခြင်းမရှိသော်လည်း စည်းစိမ်ရှင်ခရီးသည်တင် Express ယာဉ်မှာ တစ်စီးလုံးမီးလောင်ဆုံးရှုံးသွားခဲ့ကြောင်း အမြန်လမ်းမကြီး ရဲမှတ်တမ်းများအရ သိရသည်။

ယာဉ်မောင်း အောင်မင်းနိုင်အား ပေပင်လေး အမြန်လမ်းမကြီးရဲစခန်းက ယာဉ် (ပ)၄/၂၀၁၈၊ ပြစ်မှုပုဒ်မ ၂၇၉/၂၈၅ အရ အမှုဖွင့်အရေးယူထားသည်။

တစ်နှစ်ကျော်အတွင်း အမြန်လမ်း၌ သတ်မှတ်မိုင်နှုန်းထက် ပိုမိုမောင်းနှင်သည့် ယာဉ်အစီးရေ ၂၁၀၀၀ ကျော် ဖမ်းဆီးအရေးယူ

ရန်ကုန်-မန္တလေးအမြန်လမ်း၌ တစ်နှစ်ကျော်ကာလအတွင်း သတ်မှတ်မိုင်နှုန်းထက် ပိုမိုမောင်းနှင်သည့် ယာဉ်အစီးရေ ၂၁၀၀၀ ကျော်ကို ဖမ်းဆီးအရေးယူထားပြီ ဖြစ်ကြောင်း ဒီဇင်ဘာ ၁၇ ရက်တွင် ပြည်ထဲရေး ၀န်ကြီးဌာနမှ စုံစမ်းသိရှိရသည်။

အဆိုပါ အမြန်လမ်း၌ သတ်မှတ်မိုင်နှုန်းထက် ပိုမိုမောင်းနှင်သည့် ယာဉ်များကို ဖမ်းဆီးရာတွင် ၂၀၁၆ ခုနှစ် စက်တင်ဘာ ၁ ရက်မှ ၂၀၁၇ ခုနှစ် ဒီဇင်ဘာ ၁၆ ရက်အထိ ဖမ်းဆီး အရေးယူထားသော ယာဉ်အစီးရေမှာ ၂၁၆၈၈ အထိ ရှိပြီဖြစ်ကြောင်း သိရပြီး ဆက်လက်ဖမ်းဆီး အရေးယူသွားမည် ဖြစ်ကြောင်း အမြန်လမ်းရဲတပ်ဖွဲ့မှ  စုံစမ်းသိရှိရသည်။

“၂၀၁၆ ခုနှစ် စက်တင်ဘာလကနေ အမြန်လမ်းမှာ သတ်မှတ်အမြန်နှုန်းထက် ပိုပြီးမောင်းတဲ့ ယာဉ်တွေကို ဖမ်းဆီးခဲ့တာပါ။ ၂၀၁၇ ဒီဇင်ဘာ ဒုတိယအပတ်အထိ ဖမ်းဆီး အရေးယူထားသည့် ယာဉ်အစီးရေ နှစ်သောင်းကျော် ရှိပါပြီ။ အမြန်လမ်းမှာ ယာဉ် မတော်တဆဖြစ်တဲ့အထဲမှာ အရှိန်ပြင်းမောင်းနှင်လို့ အရှိန်မထိန်းနိုင်ဘဲ ယာဉ်တိမ်းမှောက်၊ ဒဏ်ရာရ၊ လူသေဆုံးခဲ့ရမှုတွေ အများအပြား ပါဝင်ပါတယ်။ အဲဒါကြောင့် ကျွန်တော်တို့ အရှိန်ပြင်းမောင်းနှင်တဲ့ ယာဉ်တွေကို ကြည့်ရှုစစ်ဆေး အရေးယူမှုတွေပြုလုပ် နေတာပါ။ ဆက်လက်ဖမ်းဆီးအရေးယူမှုတွေလည်း ဆက်တိုက်ပြုလုပ်သွားမှာပါ”  ဟု အမြန်လမ်း ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ယင်းသို့ အမြန်လမ်း၌ သတ်မှတ်မိုင်နှုန်းထက် ပိုမိုမောင်းနှင်သည့် ယာဉ်များအား ဖမ်းဆီးအရေးယူမှုကို ရဲတာဝန်ရှိသူများက ဆက်တိုက်ဆိုသလို ဆောင်ရွက်နေခြင်းဖြစ်ပြီး ၂၀၁၇ ခုနှစ် ဒီဇင်ဘာ ၁၅ ရက် ည ၆ နာရီမှ  ဒီဇင်ဘာ ၁၆ ရက် ညနေ ၅ နာရီ အထိ ဖမ်းဆီးမှုများ ပြုလုပ်ခဲ့ရာ ရန်ကုန်- မန္တလေးအမြန်လမ်း မိုင်တိုင် ၂၀၁ နေပြည်တော် တိုးဂိတ်၌ သတ်မှတ်မိုင်နှုန်းထက် ကျော်လွန်မောင်းနှင်သည့် ယာဉ် ၂၁ စီးအား လည်းကောင်း၊ လှည်းကူးမြို့နယ်၊ အမှတ် (၃) လမ်းဆုံတိုးဂိတ်တွင် ယာဉ် ၁၅ စီးအားလည်းကောင်း၊ တံတားဦးမြို့နယ်၊ စကားအင်းတိုးဂိတ်၌ ယာဉ် ၁၅ စီးအားလည်း ကောင်း၊ ဖြူးမြို့နယ် ၁၁၅ မိုင် တိုးဂိတ်တွင် ယာဉ် ၁၆ စီးအားလည်းကောင်း၊  မိတ္ထီလာမြို့နယ်၊ သီးကုန်းတိုးဂိတ်၌ ယာဉ်ခြောက်စီး အားလည်းကောင်း၊ ဥတ္တရသီရိမြို့နယ် ပန်းတင်မီနီတိုးဂိတ်၌ ယာဉ်တစ်စီး စုစုပေါင်း ယာဉ် ၇၂ စီးကို ဖမ်းဆီးခဲ့ပြီး တရားစွဲဆိုတင်ပို့ရန် ဆောင်ရွက်နေကြောင်း သိရသည်။

ထို့ပြင် အမြန်လမ်း၌ ခါးပတ်မပတ်ဘဲ မောင်းနှင်သည့် ယာဉ်များကိုလည်း ဖမ်းဆီး အရေးယူနေပြီး ၂၀၁၇ ခုနှစ် ဇွန် ၁ ရက်မှ ဒီဇင်ဘာ ၁၆ ရက်အထိ ခါးပတ်မပတ်ဘဲ မောင်းနှင်သည့်ယာဉ် အစီးရေ ၄၄၆၉ စီးကို ဖမ်းဆီး အရေးယူထားပြီဖြစ်ကြောင်း သိရပြီး ဆက်လက်ဖမ်းဆီးမှုများ ပြုလုပ်သွားမည် ဖြစ်ကြောင်း သိရသည်။

အမြန်လမ်းမကြီးပေါ်တွင် တစ်နှစ်ကျော်အတွင်း အရှိန်လွန်မောင်းနှင်သော မော်တော်ယာဉ်ဖမ်းဆီးမှု အစီး၂၀၀၀၀ ကျော်နှင့် ခါးပတ်မပတ် ဖမ်းဆီးရမိယာဉ် ငါးလကျော်အတွင်း အစီး ၄၀၀၀ ကျော်ရှိ

ရန်ကုန်-မန္တလေး အမြန်လမ်းမကြီးပေါ်တွင် အရှိန်လွန် တိမ်းမှောက်သွားသော ယာဉ်တစ်စီးကို ယခုလပိုင်း အတွင်း တွေ့ရစဉ်

ရန်ကုန်-မန္တလေး အမြန်လမ်းမကြီးပေါ်တွင် ၂၀၁၆ ခုနှစ် စက်တင် ဘာ ၁ ရက်မှ ၂၀၁၇ ခုနှစ် နိုဝင်ဘာ ၂၆ ရက်အထိ တစ်နှစ်ကျော် ကာလအတွင်း အရှိန်လွန်မောင်းနှင်ယာဉ် ဖမ်းဆီးမှု ၂၀၃၁၆ စီးရှိပြီး ထိုင်ခုံ ခါးပတ်မပတ် ဖမ်းဆီးရမိသည့်ယာဉ် မှာ ၂၀၁၇ ခုနှစ် ဇွန် ၁ ရက်မှ ၂၀၁၇ ခုနှစ် နိုဝင်ဘာ ၂၆ ရက်အထိ ငါးလ ကျော်ကာလအတွင်း ၄၃၇၄ စီး ဖမ်းဆီးရမိခဲ့ကြောင်း နေပြည်တော် အမြန်လမ်းမကြီး ရဲတပ်ဖွဲ့မှူးရုံး၏ မှတ်တမ်းများအရ သိရသည်။

နိုဝင်ဘာ ၂၆ ရက်အထိ အရှိန်လွန်မောင်းနှင်သည့်ယာဉ် ဖမ်းဆီးမှု ၂၀၃၁၆ စီးတွင် ၁၉၄၅၃ စီးကို တရားစွဲဆို တင်ပို့ခဲ့ပြီး သတ်မှတ်ဒဏ်ကြေး ကျပ် ၅၀၀၀၀ ဖြစ်ကြောင်း၊ နိုဝင်ဘာ ၂၆ ရက်အထိ ထိုင်ခုံခါးပတ်မပတ် ဖမ်းဆီးရမိယာဉ် ၄၃၇၄ စီးတွင် ၄၂၂၆ စီးအား တရားစွဲဆိုတင်ပို့ခဲ့ပြီး သတ်မှတ်ဒဏ်ကြေး ကျပ် ၃၀၀၀၀ ပေးဆောင်ရကြောင်း သိရသည်။

ရန်ကုန်-မန္တလေး အမြန်လမ်းမကြီးပေါ်တွင် ၂၀၁၇ ခုနှစ် ဇန်န၀ါရီ ၁ ရက်မှ အောက်တိုဘာ ၃၁ ရက်အထိ ၁၀ လတာအတွင်း ယာဉ်မတော်တဆမှုပေါင်း ၄၆၅ ကြိမ်အထိဖြစ်ပွား၍ သေဆုံးသူ ၉၉ ဦး၊ ထိခိုက်ဒဏ်ရာရရှိသူ ၇၄၂ ဦး ရှိခဲ့ကြောင်း၊ ပြီးခဲ့သည့် ၂၀၁၆ ခုနှစ်အတွင်းကလည်း ယာဉ်မတော်တဆမှုပေါင်း ၇၄၄ ကြိမ်ဖြစ်ပွားခဲ့ရာ သေဆုံးသူ ၁၆၇ ဦး၊ ထိခိုက်ဒဏ်ရာရရှိသူ ၁၃၀၇ ဦးအထိ ရှိခဲ့ကြောင်း နေပြည်တော် အမြန်လမ်းမကြီး ရဲတပ်ဖွဲ့မှူးရုံး၏ မှတ်တမ်းများအရ သိရသည်။

ထိုသို့ယာဉ်မတော်တဆမှုများနှင့် ထိခိုက်သေဆုံးမှုများ လျော့နည်းစေရန် အမြန်လမ်းမကြီး ရဲတပ်ဖွဲ့ဝင်များ၊ အမြန်လမ်းမကြီး ယာဉ်အန္တရာယ် ကင်းရှင်းရေး အဖွဲ့များနှင့် အမြန်လမ်း မီးသတ်တပ်ဖွဲ့ဝင်များ ပူးပေါင်း၍ အမြန်လမ်း ၂၀၁ မိုင်ရှိ နေပြည်တော်တိုးဂိတ်၊ အမှတ် (၃) လမ်းဆုံတိုးဂိတ်၊ စကားအင်းတိုးဂိတ်၊ ပန်းတင် အမြန်လမ်းမကြီးရဲစခန်း၊ ဇီးပင်သာ အမြန်လမ်းမကြီးရဲစခန်း၊ ဘောနက်ကြီး မီနီတိုးဂိတ်နှင့် ဖြူးအမြန်လမ်း တိုးဂိတ်များတွင် စစ်ဆေးရေးဂိတ်များ ထားရှိကာ အမြန်လမ်းမကြီးတစ်လျှောက် သတ်မှတ်မိုင်နှုန်းထက် ပိုမိုအရှိန်ပြင်းမောင်းနှင်သော မော်တော်ယာဉ်များအား စစ်ဆေးဖမ်းဆီး အရေးယူနေခြင်း ဖြစ်သည်။

အမြန်လမ်းမကြီးပေါ်တွင် မောင်းနှင်သော မော်တော်ယာဉ်များမှ သတ်မှတ်မိုင်နှုန်း ကီလို ၁၀၀ အထက် ပိုမောင်းကြောင်း စစ်ဆေးတွေ့ရှိပါက ယာဉ်လိုင်စင်နှင့် ၀ှီးတက်များ သိမ်းဆည်းခြင်း၊ တရားရုံးတွင် ဒဏ်ငွေ ကျပ် ၅၀၀၀၀ သို့မဟုတ် ထောင်ဒဏ်တစ်လ သို့မဟုတ် ဒဏ်နှစ်ရပ်စလုံးဖြင့် အပြစ်ပေးအရေးယူ ဆောင်ရွက်လျက်ရှိကြောင်း သိရသည်။

ယာဉ်မတော်တဆမှု ဖြစ်စဉ်များမှာ (၁) လူနှင့် တိရစ္ဆာန်ကြောင့် ဖြစ်ပွားတတ်သည့် အရှိန်ပြင်း၊ အိပ်ငိုက်၊ မူးယစ်၊ လမ်းကူးသူ ပေါ့ဆမှု၊ တိရစ္ဆာန် ဆိုင်ကယ် ပေါ့ဆမှု၊ အနှေးယာဉ်ပေါ့ဆမှု၊ (၂) ယာဉ်မောင်း မကျွမ်းကျင်မှု၊ မဆင်မခြင် မောင်းနှင်မှု၊ (၃) ယာဉ်ကြောင့်ဖြစ်သည့် ကားဘီးပေါက်ခြင်း၊ စက်ချို့ယွင်းခြင်းနှင့် (၄) လမ်းကြောင့်ဖြစ်သည့် လမ်းချော်ခြင်း အစရှိသည့် အချက်လေးချက်အပေါ် မူတည်၍ ယာဉ်မတော်တဆမှု ဖြစ်ပွားလေ့ရှိကြောင်း သိရသည်။

 

အမြန်လမ်းတွင် ယနေ့နံနက်က ကားမီးလောင်မှု အပါအ၀င် ယာဉ်မတော်တဆမှု နှစ်ကြိမ်ဖြစ်ပွားခဲ့ပြီး နှစ်ဦးသေဆုံး

ရန်ကုန်-မန္တလေး အမြန်လမ်းမကြီးပေါ်တွင် နိုဝင်ဘာ ၅ ရက် နံနက်အစောပိုင်းကအမြန်လမ်းမကြီး မိုင်တိုင်အမှတ် ၆၃ မိုင်အနီးတွင် ကားမီးလောင်မှုနှင့် ၂၅၁ မိုင် အနီးတွင် ရပ်ထားသောယာဉ်အား ၀င်တိုက်မှုတို့ဖြစ်ပွားခဲ့ပြီး လူ ၂ ဦး သေဆုံး၍ ၄ ဦး ထိခိုက်ဒဏ်ရာ ရရှိသွားခဲ့ကြောင်း နေပြည်တော်အမြန်လမ်းမကြီးရုံးမှ သိရသည်။

ဖြစ်စဉ်များမှာ နိုဝင်ဘာ ၅ ရက် နံနက် ၃ နာရီကျော်ခန့်က၊ ပဲခူးတိုင်းဒေသကြီး၊ ဒိုက်ဦးမြို့နယ် အုတ်ရှစ်ကုန်းအမြန်လမ်း ရဲစခန်းအပိုင်တွင် နေပြည်တော်ဘက်မှ ရန်ကုန်ဘက်သို့ ယာဉ်မောင်း ကိုဇင်မင်းနိုင် ၃၀ နှစ်(ဘ)ဦးတင်လှ၊ ၇ ရပ်ကွက်၊ တောင်ဥက္ကလာပမြို့နယ်နေသူ မောင်းနှင်လာသော ယာဉ်အမှတ် 9H/—-TOYOTA PROBOX SUCCED အမျိုးအစား ခဲရောင်ယာဉ်အား မောင်းနှင်လာစဉ်၊ အမြန်လမ်းမကြီး မိုင်တိုင်အမှတ် ၆၃ မိုင် ၁ ဖာလုံနှင့် ၂ ဖာလုံအကြားသို့အရောက်တွင် အိပ်ငိုက်ရာမှ အရှိန်မထိန်းနိုင်ပဲ လမ်းလယ်ကျွန်း ကာရံထားသော ကွန်ကရစ်တုံးများအား ၀င်တိုက်မိပြီး လမ်းလယ်ကျွန်းပေါ်ရောက်ရှိကာ မော်တော်ယာဉ်မှာ မီးလောင်ကျွမ်းမှုဖြစ်ပွားခဲ့ခြင်းဖြစ်သည်။

ယာဉ်အား မီးလောင်ကျွမ်းမှုဖြစ်ပွားပြီးနောက် အုတ်ရှစ်ကုန်း အမြန်လမ်းရဲစခန်းမှ တာဝန်ရှိသူများ၊ အုတ်ရှစ်ကုန်း အမြန်လမ်းမီးသတ်စခန်းမှ မီးသတ်တပ်ဖွဲ့ဝင် ၇ ဦး၊ မီးငြိမ်းသတ် ရေ ယာဉ်တစ်စီး၊ ရေသယ်ယာဉ်တစ်စီးတို့ဖြင့် အခင်းဖြစ်နေရာသို့ သွားရောက်ကူညီ ငြိမ်းသတ်ခဲ့ကြပြီး နံနက် ၃ နာရီ ၂၀ မိနစ်ခန့်တွင် မီးငြိမ်းသတ်နိုင်ခဲ့ကြောင်း၊ ယာဉ်အား မီးလောင်ကျွမ်းမှုဖြစ်စဉ်ကြောင့် ယာဉ်ပေါ်ရှိ ယာဉ်မောင်းပါ ကျား ၂ ဦး၊ မ ၁ဦး၊ စုစုပေါင်း ၃ ဦးအနက် ဦးတင်လှ ၆၂ နှစ်(ဘ) ဦးသန်းမောင်၊ ၇ ရပ်ကွက်၊ တောင်ဥက္ကလာပမြို့နယ်နေသူမှာ ဦးခေါင်းကြေမွဒဏ်ရာဖြင့် အခင်းဖြစ်နေရာတွင် သေဆုံးသွားခဲ့ပြီး ကျန် ၂ ဦးမှာ ထိခိုက်ဒဏ်ရာများ ရရှိသွားခဲ့သောကြောင့် အမြန်လမ်းတပ်ဖွဲ့ပိုင်ယာဉ်ဖြင့် မြို့ချောင်းတိုက်နယ်ဆေးရုံသို့ ပို့ဆောင်ကုသပေးခဲ့ကြောင်း၊ မော်တော်ယာဉ်မှာ တစ်စီးလုံး မီးလောင်ကျွမ်း၍ ကျပ် သိန်း ၁၀၀ ခန့်ဆုံးရှုံးခဲ့ကြောင်း၊ အုတ်ရှစ်ကုန်းအမြန်လမ်းရဲစခန်း မှတ်တမ်းများအရ သိရသည်။

အဆိုပါ ယာဉ်မတော်တဆမှုဖြစ်စဉ်နှင့် ပတ်သက်ပြီး ယာဉ်အား မဆင်မခြင်ပေါ့ဆစွာ မောင်းနှင်သည့် ယာဉ်မောင်းကိုဇင်မင်းနိုင်အား အုတ်ရှစ်ကုန်း အမြန်လမ်းမကြီး ရဲစခန်းမှ ယာဉ်(ပ)၂၇/၂၀၁၇၊ပြစ်မှုပုဒ်မ ၃၀၄-က/၃၃၈/၂၈၅ အရ အမှုဖွင့် အရေးယူထားကြောင်း သိရသည်။

ဆက်လက်ပြီး နိုဝင်ဘာ ၅ ရက် နံနက် ၅ နာရီခွဲခန့်ကလည်း ပေပင်လေး အမြန်လမ်းမကြီး ရဲစခန်းအပိုင် ရန်ကုန်-မန္တလေး အမြန်လမ်းမကြီး မိုင်တိုင်အမှတ် ၂၅၁ မိုင် ၇ဖာလုံနှင့် ၂၅၂မိုင်အကြား၌ နေပြည်တော်ဘက်မှ မန္တလေးဘက်သို့ ယာဉ်မောင်း လွမ်းဝေ ၄၂ နှစ်(ဘ)ဦးဘိုကေ စံပြရပ်ကွက်၊ သင်္ကန်းကျွန်းမြို့နယ်နေသူ မောင်းနှင်လာသော ယာဉ်အမှတ်EE/—-FIELDER  မီးခိုးရောင်မော်တော်ယာဉ်မှာ လမ်းဘေးတွင် ရပ်ထားသော ယာဉ်အမှတ် 8M/—– လိုက်ထရပ်အဖြူရောင် မော်တော်ယာဉ်အား ၀င်ရောက်တိုက်မိခဲ့ကြောင်း သိရသည်။

ယာဉ်မတော်တဆမှု ဖြစ်ပွားပြီးနောက်၊ လိုက်ထရပ်ယာဉ်အား ၀င်တိုက်သည့်EE/—FIELDER မီးခိုးရောင်မော်တော်ယာဉ်ပေါ် လိုက်ပါသူယာဉ်မောင်းပါ ကျား ၁ ဦး၊ မ ၁ ဦးတို့မှာ ထိခိုက်ဒဏ်ရာရရှိခြင်း မရှိသော်လည်း၊8M/—-လိုက်ထရပ် အဖြူရောင်ယာဉ်ပေါ် ပါရှိသူ ကျား ၆ ဦး၊ မ ၁၁ ဦး၊ စုစုပေါင်း ၁၇ ဦးအနက် မစန္ဒာချို  ၃၅နှစ်(ဘ)ဦးစိန်ချို မြေဖြူကုန်းကျေးရွာ၊ တောင်သာမြို့နယ်နေသူမှာ ၀ဲ/ယာ နားသွေးထွက်၊ နှာခေါင်းသွေးထွက်၊ နောက်စိကြေမွ၊ ဘယ်ခြေကျင်းဝတ်ကျိုး ဒဏ်ရာဖြင့် အခင်းဖြစ်နေရာတွင် သေဆုံးသွားခဲ့ပြီး ကျား ၁ ဦး၊မ ၁ ဦးတို့မှာ မစိုးရိမ်ရဒဏ်ရာများ ရရှိသွားခဲ့ကြောင်း၊ သေဆုံးသူအလောင်းနှင့် ထိခိုက်ဒဏ်ရာရရှိသူများအား အမြန် လမ်းတပ်ဖွဲ့ပိုင်ယာဉ်ဖြင့် မိတ္ထီလာပြည်သူ့ဆေးရုံသို့ ပို့ဆောင်ပေးခဲ့ရကြောင်း ပေပင်လေး အမြန်လမ်းရဲစခန်း၏ ရဲမှတ်တမ်းများအရ သိရသည်။

အဆိုပါ ယာဉ်မတော်တဆမှုဖြစ်စဉ်နှင့်ပတ်သက်ပြီး ယာဉ်အား မဆင်မခြင်ပေါ့ဆစွာ မောင်းနှင်သည့် EE/—– FIELDER ယာဉ်မောင်း လွမ်းဝေ အား ပေပင်လေး အမြန်လမ်းမကြီး ရဲစခန်းမှ ယာဉ်(ပ)၅၄/၂၀၁၇၊ပြစ်မှုပုဒ်မ ၃၀၄-က/၃၃၈ အရ အမှုဖွင့်အရေးယူထားကြောင်း သိရသည်။

ရန်ကုန်-မန္တလေး အမြန်လမ်းမကြီးပေါ်တွင် ၂၀၁၇ ခုနှစ် ဇန်န၀ါရီလမှ အောက်တိုဘာလကုန်အထိ ၁၀ လအတွင်း ယာဉ်မတော်တဆမှုပေါင်း ၄၆၅ ကြိမ်အထိဖြစ်ပွား၍ သေဆုံးသူ ၉၉ ဦး၊ ထိခိုက်ဒဏ်ရာရရှိသူ ၇၄၂ ဦးရှိခဲ့ကြောင်း နေပြည်တော်အမြန်လမ်းမကြီး ရဲတပ်ဖွဲ့မှူးရုံး မှတ်တမ်းများအရ သိရသည်။

အမြန်လမ်း မိုင်တိုင် ၂၉၆ အနီးတွင် ကုန်တင်ကားတစ်စီး တိမ်းမှောက်ခဲ့ပြီး လူနှစ်ဦး ဒဏ်ရာရရှိ

ရန်ကုန်-မန္တလေး အမြန်လမ်းမ မိုင်တိုင် ၂၉၆ အနီးတွင် ကုန်တင်ကားတစ်စီး တိမ်းမှောက်ခဲ့ရာ ယာဉ်ပေါ်ပါ အမျိုးသားနှစ်ဦး ဒဏ်ရာရရှိခဲ့ကြောင်း သီးကုန်းအမြန်လမ်း ရဲစခန်းမှ သိရှိရသည်။

စက်တင်ဘာ ၉ ရက် နံနက် ၇ နာရီဝန်းကျင်က မလှိုင်မြို့ အမှတ် ၆ ရပ်ကွက်နေ ဦးခင်မောင်ဝင်း၊ အသက် ၅၄ နှစ် မောင်းနှင်လာသော 3K/—- နံပါတ်ပါ isuzu အမျိုးအစား မီးခိုးအ၀ါကြားယာဉ်သည် အမြန်လမ်း ခွင့်ြ့ပုကုန်များ တင်ဆောင်ကာ နေပြည်တော်ဘက်မှ မန္တလေးဘက်သို့ မောင်းနှင်လာစဉ် ရန်ကုန်-မန္တလေး အမြန်လမ်းမ မိ်ုင်တိုင် ၂၉၆ အနီး ပေပင်ကန်တံတား အ၀င်တွင် အိပ်ငိုက်ကာ တံတားအ၀င်တိုင်များအား တိုက်မိပြီး လမ်းလက်ယာဘက်သို့ တိမ်းမှောက်ခဲ့သဖြင့် ယာဉ်ပေါ်ပါ သုံးဦးအနက် ဦးခင်မောင်ဝင်း နှင့် ဦးခင်မောင်လင်း အသက် ၃၂ နှစ် တို့မှာ ဒဏ်ရာများရရှိခဲ့သဖြင့် မိတ္တီလာခရိုင် ပြည်သူ့ဆေးရုံကြီးသို့ တင်ပို့ကုသခဲ့ရကြောင်း သိရှိရသည်။

“ကုန်တင်ကားက အမြန်လမ်း ဖြတ်သန်းခွင့်ပြူမိန့် ပါပါတယ်၊ ညကတော့ မိုးရွာထားတယ်၊ မနက်ပိုင်းတော့ မရွာဘူး၊ အိပ်ငိုက်ပြီး တိမ်းမှောက်တယ်လို့ ယူဆပါတယ်၊ တံတားအ၀င် တိုင်ခြောက်တိုင်ကို တိုက်မိပြီး မှောက်သွားတာပါ၊ ယာဉ်မောင်းကတော့ ခြေထောက်တွေ ကျိုးသွားတယ်၊ နောက်တစ်ယောက်ကတော့ ပွန်းပဲ့ဒဏ်ရာလောက်ပဲ ရတာပါ၊ ဒဏ်ရာအခြေအနေ မစိုးရိမ်ရပါဘူး” ဟု သီးကုန်းအမြန်လမ်း ရဲစခန်းတာဝန်ရှိသူတစ်ဦးမှ ပြောကြားသည်။ အဆိုပါ အမှု့အား သီးကုန်းအမြန်လမ်း ရဲစခန်းမှ ယာဉ်(ပ)အမှတ် ၂၉/၂၀၁၇ ရာဇသတ်ကြီးပုဒ်မ ၃၃၇/၃၃၈ ဖွင့်လှစ်ကာ စစ်ဆေးဆောင်ရွက်လျက် ရှိကြောင်း သိရှိရသည်။

 

အမြန်လမ်းမကြီး ၁၇၆ မိုင်အနီးတွင် ညအိပ်ရပ်နားနေသောယာဉ်အား ခြိမ်းခြောက်လုယက်သူများအဖွဲ့မှ နှစ်ဦး ဖမ်းဆီးရမိ

 

ရန်ကုန်- မန္တလေး အမြန်လမ်းမကြီး ၁၇၆ မိုင်အနီးတွင် ဇူလိုင် ၁၃ ရက် နံနက်အစောပိုင်းက စက်ချို့ယွင်း၍ ရပ်နားပြီး အိပ်နေသော အမျိုးသားနှစ်ဦးထံမှ အမည်မသိ အမျိုးသားသုံးဦးက ဓားရှည်သုံးချောင်းဖြင့် လာရောက်ခြိမ်းခြောက်ကာ လုယက်ထွက်ပြေး သွားသူများအဖွဲ့တွင် ပါဝင်သူနှစ်ဦးအား သြဂုတ် ၁၂ ရက် ညနေပိုင်းက ဖမ်းဆီးရမိထားကြောင်း သိရသည်။

“ပထမလုတာက သုံးယောက်လေ။ ဒီ သုံးယောက်ထဲမှာ နှစ်ယောက်က မိတာပေါ့။ ဒီနှစ်ယောက်က ပြစ်မှုကျူးလွန်တဲ့အထဲမှာ ပါတယ်။ သူတို့နဲ့အတူတူလုပ်တာက အေးမင်း (ခေါ်) မျိုးချစ်ပေါ့၊ သူတို့သုံးယောက်ပေါ့။ အဲဒီမှာ ကားပါတာက ဖိုးစိုးဆိုတဲ့ကောင် က ကားနဲ့ ဟွန်ဒါဖစ်နဲ့ဆိုတော့၊ လေးယောက် ဖြစ်သွားတာပေါ့။ ကျန်ရှိ တရားခံတွေက လိုက်ဖမ်းနေတုန်းပဲ။ အခြေအနေက နှစ်ယောက်က လွတ်နေတယ်ဗျ။ အဲဒီနှစ်ယောက်ဆီမှာ ပစ္စည်းပါသွားတာပေါ့နော်” ဟု အဆိုပါ လုယက်သူများအား လိုက်လံဖမ်းဆီးနေသူ တောင်ငူခရိုင် ရဲတပ်ဖွဲ့မှ ရဲအုပ်တင်ဦးက ပြောကြားသည်။

ပြီးခဲ့သည့် ဇူလိုင် ၁၂ ရက် ည ၁၁ နာရီ ခန့်ကမိထ္ထီလာဘက်မှ ရန်ကုန်ဘက်သို့ယာဉ်မောင်း ဦးနိုင်ဝင်း ၄၂ နှစ် (ဘ) ဦးလှသန်း ထန်းပင်ကုန်း (၅) ရပ်ကွက်၊ မရမ်းကုန်းမြို့နယ်နေသူ မောင်းနှင်ပြီး ၎င်းနှင့်အတူ ကိုဘဂျမ်း ၃၄ နှစ် (ဘ) ဦးမာ အောင်မင်္ဂလာ (၁) လမ်း၊ ရှစ်မိုင်၊ မရမ်းကုန်းမြို့နယ်နေသူ လိုက်ပါလာ သောယာဉ်အမှတ် 3J/- – – – HYUNDAI STAREX အဖြူရောင်မော်တော်ယာဉ်မှာ ရေတာရှည်မြို့နယ် သာဂရ အမြန်လမ်းမကြီး ရဲစခန်းအပိုင် ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၁၇၆ မိုင် လေးဖာလုံနှင့် ငါးဖာလုံအကြားသို့ အရောက်တွင် ယာဉ်မှာ စက်ချို့ယွင်းသွားခဲ့သောကြောင့် လမ်းဘေး မြေသားလမ်းပေါ်တွင် ညအိပ်ရပ်နားခဲ့ကြောင်း၊ ထိုသို့ညအိပ်ရပ်နားစဉ် ဇူလိုင် ၁၃ ရက် နံနက် ၅ နာရီခွဲခန့်၌ အမည်မသိ အမျိုးသားသုံးဦးက ဓားရှည်သုံးချောင်းအား ကိုင်ဆောင်ရောက်ရှိလာခဲ့ကြောင်း၊ ရပ်နားထားသောယာဉ်၏ တံခါးအားဖွင့်ကာ ဓားဖြင့်ခြိမ်းခြောက်၍ အမည်မသိ အမျိုးသားနှစ်ဦးက ကိုနိုင်ဝင်းနှင့် ကိုဘဂျမ်းတို့နှစ်ဦး၏ မျက်နှာအား ဓာတ်မီးဖြင့် ထိုးထားခဲ့ပြီး ကျန်အမည် မသိ အမျိုးသားမှ ယာဉ်အတွင်းမှ ကျပ် ၅၀၀၀ တန်အရွက် ၁၀၀ ပါ အထုပ် ၁၀ ထုပ်အပါအ၀င် ရွှေထည်နှင့်ပစ္စည်းများအား လုယက် ယူဆောင်သွားခဲ့ရာ စုစုပေါင်းကျပ်သိန်း ၈၀ ကျော်ခန့် ပါသွားခဲ့ကြောင်း၊ အဆိုပါ လုယက်သူ အမည်မသိအမျိုးသားသုံးဦးမှာ ပစ္စည်းများအား လုယူပြီးနောက် ထွက်ပြေးတိမ်းရှောင်သွားခဲ့ကြောင်း သာဂရ အမြန်လမ်းမကြီး ရဲစခန်း၏ ရဲမှတ်တမ်းများအရ သိရသည်။

အဆိုပါလုယက်မှုဖြစ်စဉ်ကြောင့် သာဂရအမြန်လမ်းမကြီးရဲစခန်းက (ပ)၂၃/၂၀၁၇၊ ပြစ်မှုပုဒ်မ ၃၉၂ အရ ကနဦး အမှုဖွင့် ဆောင်ရွက်ခဲ့ပြီး လုယက်ထွက်ပြေးသွားသူများအား ဖမ်းဆီးရမိရေးအတွက် တောင်ငူခရိုင်ရဲတပ်ဖွဲ့မှ ရဲအုပ်တင်ဦး၊ သာဂရအမြန်လမ်းမကြီး ရဲစခန်းမှူး ရဲအုပ်ရာဇာလင်းနှင့် ရေတာရှည် မြို့နယ် ဆွာနယ်မြေရဲစခန်းမှူး ရဲအုပ်ညီညီဌေးပါ ပူးပေါင်းအဖွဲ့တို့မှ လုယက်မှုဖြစ်ပွားရာ အနီးပတ်ဝန်းကျင် ကျေးရွာများနှင့် လမ်းမဘေး ၀ဲ/ယာရှိ ယာတဲများအား လိုက်လံစုံစမ်းခဲ့ကြောင်း သိရသည်။

ထိုသို့စုံစမ်းစစ်ဆေးရာမှ သြဂုတ် ၁၂ ရက် ညနေပိုင်းတွင် လုယက်သူများအဖွဲ့မှ မိုးကြီး (ခ) မိုးမင်းအောင်နှင့်ဇင်လေး (ခ) ဇင်လင်းအောင်တို့နှစ်ဦးအား ဖမ်းဆီးရမိခဲ့ခြင်း ဖြစ်ကြောင်း သိရသည်။