ရန်ကုန်-မန္တလေး အမြန်လမ်းမကြီးတစ်လျှောက်ရှိ တိုးဂိတ်များတွင် အလိုအလျောက် ငွေပေးချေသည့်စနစ်ကို မကြာမီ စတင်ကျင့်သုံးမည်ဖြစ်ကြောင်း ဆောက်လုပ်ရေးဝန်ကြီးဌာန ဒုတိယ၀န်ကြီး ပြောကြား

ရန်ကုန်-မန္တလေး အမြန်လမ်းမကြီးတစ်လျှောက်ရှိ တိုးဂိတ်များတွင် အလိုအလျောက် ငွေပေးချေသည့်စနစ်ကို မကြာမီ စတင်ကျင့်သုံးသွားမည်ဖြစ်ကြောင်း ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်းက ပြောကြားသည်။

နေပြည်တော်၌ မတ် ၁၄ ရက်က ပြုလုပ်သော ဒုတိယအကြိမ် ပြည်သူ့လွှတ်တော် သတ္တမပုံမှန်အစည်းအဝေး ၂၈ ရက်မြောက်နေ့တွင် ပုလဲမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်၏ ရန်ကုန်- နေပြည်တော်-မန္တလေး အမြန်လမ်းမကြီးတစ်လျှောက် လိုအပ်နေသော အဆင့်မီဖြည့်စွက်ထောက်ပံ့အင်္ဂါရပ်များ (Road Furniture and facilities) ဖြည့်ဆည်းကာ စည်းကမ်းအားနည်းချက်များလည်း ပြုပြင်ထိန်းသိမ်းဆောင်ရွက်ပေးရန် အစီအစဉ် ရှိ မရှိနှင့် စပ်လျဉ်းသည့် ဆက်စပ်မေးခွန်းအပေါ် ဒုဝန်ကြီးက ဖြေကြားရာတွင် အထက်ပါအတိုင်း ပြောကြားခဲ့ခြင်းဖြစ်သည်။

ဒုတိယ၀န်ကြီး ဦးကျော်လင်းက ဆောက်လုပ်ရေးဝန်ကြီးဌာနအနေဖြင့် အမြန်လမ်းမကြီးပေါ်ရှိ တိုးဂိတ်များတွင် အလိုအလျောက် ပိုက်ဆံပေးချေသည့်စနစ်ကို တပ်ဆင်ရန် အစီအစဉ်ရှိသည့်အတွက် ပြီးခဲ့သည့်ဘဏ္ဍာနှစ်က တင်ဒါခေါ်ယူခဲ့ရာ နိုင်ငံတော်မှ ပိုက်ဆံပေးစရာမလိုဘဲ ကြေညာသဘောမျိုးဖြင့် တပ်ဆင်ပေးမည့် ကုမ္ပဏီတစ်ခုရှိလာသည့်အတွက် လက်ရှိတွင် အဆိုပါကုမ္ပဏီကို စမ်းသပ်ကာလအနေဖြင့် တိုးဂိတ်များ၌ အလိုအလျောက် မောင်းတံမသည့်စနစ်ကို တပ်ဆင်ထားကြောင်း၊ အဆိုပါစမ်းသပ်ကာလအတွင်း အဆင်ပြေပါက အလိုအလျောက် ငွေပေးချေသည့်စနစ်ကို မကြာခင် စတင်ကျင့်သုံးသွားမည်ဖြစ်ကြောင်း ပြောကြားသည်။

“တိုးဂိတ်တွေမှာ ETC လို အလိုအလျောက် ပိုက်ဆံပေးတဲ့စနစ်ကို တပ်ဖို့အစီအစဉ်ရှိပါတယ်။ အဲဒီလိုရှိတဲ့အတွက် ပြီးခဲ့တဲ့နှစ်မှာ အလိုအလျောက် ETC စနစ်အတွက် ရန်ပုံငွေဘတ်ဂျက်ရှိတဲ့အတွက် တင်ဒါခေါ်လိုက်ပါတယ်။ တင်ဒါခေါ်တဲ့အချိန်မှာ ကုမ္ပဏီတွေ အပြိုင်အဆိုင်ဖြစ်လာပြီး နောက်ဆုံးပိတ်မှာ အခကြေးငွေလုံးဝမယူဘဲနဲ့ ကြေညာလိုသဘောမျိုးနဲ့တပ်မယ့် ကုမ္ပဏီပေါ်လာပါတယ်။ နိုင်ငံတော်က ပိုက်ဆံပေးစရာမလိုဘဲနဲ့ ဒေါ်လာတစ်သန်းလောက်အကုန်ခံပြီး ကြေညာသဘောမျိုးနဲ့ တပ်မယ့်ကုမ္ပဏီ ပေါ်လာတဲ့အတွက် အဲဒီကုမ္ပဏီကို စမ်းသပ်ကာလအနေနဲ့ တပ်ထားပါတယ်။ စမ်းသပ်ကာလအတွင်းမှာ Accident မဖြစ်ဘူး။ သွားတဲ့အချိန်မှာ Automatic ခလုတ်တွေ ပွင့်တယ်ဆိုလို့ရှိရင် မကြာမီဧပြီကစပြီးတော့ ပြည်သူတွေကို ကတ်ပြားတွေကို ဆောက်လုပ်ရေးဝန်ကြီးဌာနက ရောင်းချပြီးတော့ ပိုက်ဆံသွင်းသွားပြီးတော့ အလိုအလျောက် မောင်းတံမတဲ့စနစ်ကို စတင်ကျင့်သုံးသွားမှာဖြစ်ပါတယ်။ ဒါ့ကြောင့် အလိုအလျောက် ငွေပေးချေစနစ်သည် မကြာမီစတင်တော့မည်ဖြစ်ပါကြောင်း ရှင်းလင်းဖြေကြားအပ်ပါတယ်” ဟု ဒုတိယ၀န်ကြီး ဦးကျော်လင်းက ပြောကြားသည်။

ဆက်လက်ပြီး ရန်ကုန်-မန္တလေး အမြန်လမ်းမကြီး (ZERO) မိုင်မှ ဘောနက်ကြီးအထိ (မိုင် ၄၀) အပိုင်းကို အာရှဖွံ့ဖြိုးရေးဘဏ်၏ချေးငွေဖြင့် နိုင်ငံတကာအဆင့်မီ Expressway အဖြစ် အကောင်အထည်ဖော် ဆောင်ရွက်သွားရန်အတွက် ပြည်ထောင်စုလွှတ်တော်သို့ တင်ပြထားပြီးဖြစ်ကြောင်း၊ အပြည်ပြည်ဆိုင်ရာ စံသတ်မှတ်ချက်များနှင့် ကိုက်ညီသောလမ်းမကြီးဖြစ်ရန် ADB ချေးငွေဖြင့် AC ခင်းခြင်း၊ Raised Median မှ Depressed Median သို့ပြောင်းလဲပြီး ၂ ဒသမ ၅ မီတာရှိ အတွင်း၊ အပြင် လမ်းပခုံးပြုလုပ်ခြင်း၊ ခြံစည်းရိုးခတ်ခြင်း၊ Guard Rail များတပ်ဆင်ခြင်းတို့ဖြင့် လက်ရှိလေးလမ်းသွားလမ်းမကြီးကို နိုင်ငံတကာအဆင့်မီ လမ်းမBကီးဖြစ်အောင် ဆောင်ရွက်သွားမည်ဟု ဒုတိယ၀န်ကြီးက ပြောကြားသည်။

ရန်ကုန်-မန္တလေး အမြန်လမ်းမကြီး၏ မိုင် ၄၀ ခန့်ကို နိုင်ငံတကာအဆင့်မီ စတင် ဆောင်ရွက်မည်ဖြစ်ပြီး တစ်နှစ်လျှင် အနည်းဆုံး မိုင် ၂၀ ခန့် ကတ္တရာခင်းသွားရန် စီစဉ်ထား

ရန်ကုန် – မန္တလေး အမြန်လမ်းမကြီး၏ မိုင် ၄၀ ခန့်အား နိုင်ငံတကာအဆင့်မီအဖြစ် စတင်ဆောင်ရွက်မည်ဖြစ်ပြီး တစ်နှစ်လျှင် အနည်းဆုံး မိုင် ၂၀ ခန့် ကတ္တရာခင်းသွားရန် စီစဉ်ထားကြောင်း ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်းက ပြည်သူ့ လွှတ်တော်တွင် ဖေဖော်ဝါရီ ၁၄ ရက်က ပြောကြားသည်။

မောက်မယ် မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးစိုင်းငေါင်းဆိုင်ဟိန်း က မေးမြန်းသည့် ယာဉ်မတော်တဆ ဖြစ်စဉ်များ လျော့နည်းပပျောက်စေရန် ရန်ကုန် – နေပြည်တော်-မန္တလေး အမြန်လမ်းမကြီးအား ခေတ်မီ လေးလမ်းသွားအဆင့် တိုးမြှင့်ဆောင် ရွက်ပေးခြင်းနှင့် အဆင့်မီလုံခြုံရေး အထောက်အကူပြုပစ္စည်းများ တပ်ဆင်ထိန်းကျောင်းပေးခြင်း၊ မော်တော်ယာဉ်နှင့် ပတ်သက်၍ လိုက်နာရမည့် စည်းမျဉ်းစည်းကမ်းများကို အထူးစီမံချက် ရေးဆွဲ၍ အကောင်အထည်ဖော် ဆောင်ရွက်ပေးရန် အစီအစဉ် ရှိ မရှိနှင့် စပ်လျဉ်းသည့် မေးခွန်းကို ဖြေကြားရာတွင် ဒုတိယ၀န်ကြီးက အထက်ပါအတိုင်း ပြောကြားခဲ့ခြင်း ဖြစ်သည်။

“အမြန်လမ်းမကြီး တစ်ခုလုံးကို နိုင်ငံတကာအဆင့်မီ အမြန်လမ်းအဆင့် ရောက်ရှိအောင် ဆောင်ရွက်လျက်ရှိတဲ့ နေရာမှာ ADB ရဲ့ အကူအညီနဲ့ ပထမဆုံး (၀) မိုင်ကနေ (၄၀) မိုင်ခန့်ကို အဆင့်မြှင့်တင် ဆောင်ရွက်သွားမှာ ဖြစ်ပါတယ်။ အဆင့်မြှင့်တင် ဆောင်ရွက်သွားဖို့အတွက် ADB မှ ချေးငွေကို Cabinet ကနေ ခွင့်ပြုပြီး ဖြစ်ပါတယ်။ ဒါကြောင့်မို့ မကြာခင်မှာ ပြည်ထောင်စုလွှတ်တော်သို့ သ၀ဏ်လွှာပေးပို့တင်ပြီး မိုင် ၄၀ ခန့် ကို နိုင်ငံတကာအဆင့်မီ အဆင့်မြှင့်တင် ဆောင်ရွက်သွားမှာ ဖြစ်ပါတယ်။ ကွန်ကရစ်လမ်းမှာ ကားတာယာထိတွေ့မှုနဲ့ စာရင် ကတ္တရာလမ်းမှာ ကားတာယာထိတွေ့မှုက အများကြီး သက်သာပါတယ်။ အပူထွက်နှုန်းလည်း လျော့တဲ့အတွက် ယာဉ်အန္တရာယ် ဖြစ်နှုန်းလည်း လျော့ပါတယ်။ ဒါကြောင့်မို့ တစ်နှစ်ကို အနည်းဆုံး မိုင် ၂၀ လောက် ကတ္တရာခင်းသွားဖို့အတွက် အစီအစဉ်ရှိထားပါတယ်။ ဒါကလည်း ဒီအတိုင်း သွားမယ်ဆိုရင် မိုင် ၇၀၀ ကျော်ကြီးကို တစ်နှစ် မိုင် ၂၀ ဆိုရင် အကြာကြီးသွားမှာ ဖြစ်တဲ့အတွက် ADB အပြင် နိုင်ငံတကာ အကူအညီတွေလည်း တောင်းခံ ဆောင်ရွက်သွားမှာ ဖြစ်ပါတယ်”ဟု ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်းက ပြောကြားသည်။

International Expressway အဆင့်တစ်ခု ဖြစ်ရန်အတွက် နိုင်ငံတကာစံနှုန်းနှင့် ကိုက်ညီရန် Fully Access Control ဖြစ်ရမည်ဖြစ်ပြီး ဖြစ်ရန် Fully Access Control အတွက် Fast ဟုခေါ်သော မြန်မြန်မောင်းနိုင်ခြင်း၊ Comfortable ဟုခေါ်သော ယာဉ်မောင်းနှင့် ခရီးသည် သက်သောင့်သက်သာ ဖြစ်ခြင်းနှင့် Safety ဟုခေါ်သော လုံခြုံစိတ်ချမှု အပြည့်ဖြစ်ရမည်ဖြစ်ကြောင်း ဦးကျော်လင်း က ပြောကြားသည်။

“ဒါကြောင့်မို့လို့ အမြန်လမ်းမကြီးဟာ International အဆင့်မီ အမြန်လမ်းဖြစ်ဖို့ လိုအပ်တဲ့ Fully Access Control ဖြစ်ဖို့ သတ်မှတ်ချက် အချက်သုံးချက်နဲ့ ကိုက်ညီမှု မရှိသေးပါဘူး။ မူလက Expressway အဖြစ် ဖောက်ဖို့ ရည်ရွယ်ထားတဲ့ အနေအထားမှာ အခု ပြီးစီးသလောက် ပြည်သူတွေကို အသုံးပြုခွင့် ပေးထားတာ ဖြစ်တဲ့အတွက် လက်ရှိ အမြန်လမ်းလို့ ခေါ်တဲ့ ရန်ကုန် – မန္တလေး အမြန်လမ်းမကြီးဟာ နိုင်ငံတကာအဆင့်မီ လမ်းအဆင့် မရောက်သေးပါဘူး”ဟု ဦးကျော်လင်းက ပြောကြားသည်။

ရန်ကုန် – မန္တလေး အမြန်လမ်းမကြီးကို ၂၀၀၉ ခုနှစ်က စတင် ဖွင့်လှစ်ခဲ့ခြင်းဖြစ်ပြီး စုစုပေါင်း လမ်းအရှည် ၃၆၆ မိုင်ရှိကာ အသွားအပြန် မိုင်ပေါင်း ၇၃၂ မိုင်ရှိကြောင်း သိရသည်။

ရန်ကုန်-မန္တလေးအမြန်လမ်းမကြီး၌ သတ်မှတ်မိုင်နှုန်းထက်ပိုမောင်းသည့် မော်တော်ယာဉ်နှစ်သောင်းကျော်အား ဖမ်းဆီးအရေးယူ

တစ်နှစ်ကျော်ကာလအတွင်း ရန်ကုန်-မန္တလေး အမြန်လမ်းမကြီး၌ သတ်မှတ်မိုင်နှုန်းထက် ပိုမိုမောင်းနှင်သည့် မော်တော်ယာဉ်အစီးရေ နှစ်သောင်းကျော်အား ဖမ်းဆီးအရေးယူခဲ့ကြောင်း ဒီဇင်ဘာ ၁၁ ရက်တွင် ပြည်ထဲရေးဝန်ကြီးဌာနက သတင်းထုတ်ပြန်သည်။

အဆိုပါတစ်နှစ်ကျော်ကာလမှာ ၂၀၁၆ ခုနှစ် စက်တင်ဘာ ၁ ရက်မှ ၂၀၁၇ ခုနှစ် ဒီဇင်ဘာ ၁၀ ရက်အထိဖြစ်ပြီး သတ်မှတ်အရှိန်မိုင်နှုန်းထက် ပိုမိုမောင်းနှင်သော မော်တော်ယာဉ် ၂၁၂၅၂ စီးတို့အား ဖမ်းဆီးအရေးယူခဲ့ခြင်းဖြစ်ကြောင်း သိရသည်။

ထို့ပြင် ၂၀၁၇ ခုနှစ် ဒီဇင်ဘာ ၉ ရက် နံနက် ၈ နာရီမှ ၁၀ ရက် ညနေ ၅ နာရီအထိ ရန်ကုန်-မန္တလေး အမြန်လမ်း မိုင်တိုင် (၂၀၁) နေပြည်တော်တိုးဂိတ်၌ သတ်မှတ်မိုင်နှုန်းထက် ကျော်လွန်သည့် မော်တော်ယာဉ် ၂၅ စီး၊ လှည်းကူးမြို့နယ် အမှတ် (၃) လမ်းဆုံတိုးဂိတ်၌ မော်တော်ယာဉ် ၂၄ စီး၊ တံတားဦးမြို့နယ် စကားအင်းတိုးဂိတ်၌ မော်တော်ယာဉ် ၁၄ စီး၊ ဖြူးမြို့နယ် ၁၁၅ မိုင် ဖြူးတိုးဂိတ်၌ မော်တော်ယာဉ် ၂၈ စီး၊ မိတ္ထီလာမြို့နယ် သီးကုန်းတိုးဂိတ်၌ မော်တော်ယာဉ်ခြောက်စီး စုစုပေါင်း ၉၇ စီး ဖမ်းဆီးခဲ့ပြီး ယာဉ်စည်းကမ်းတရားရုံးများသို့ တရားစွဲတင်ပို့သွားမည်ဖြစ်ကြောင်း သိရသည်။

ထို့အတူ ၂၀၁၇ ခုနှစ် ဇွန် ၁ ရက်မှ ဒီဇင်ဘာ ၁၀ ရက်အထိ ခုနှစ်လအတွင်း ရန်ကုန်-မန္တလေး အမြန်လမ်းမကြီး၌ ခါးပတ်မပတ်ဘဲ မောင်းနှင်သော မော်တော်ယာဉ် ၄၄၄၄ စီးတို့အား ဖမ်းဆီးအရေးယူခဲ့ကြောင်း သိရသည်။

ယင်းအပြင် ၂၀၁၇ ခုနှစ် ဒီဇင်ဘာ ၉ ရက် ညနေ ၆ နာရီမှ ၁၀ ရက် ညနေ ၅ နာရီ အထိ ရန်ကုန်-မန္တလေးအမြန်လမ်း မိုင်တိုင် ၂၀၁ နေပြည်တော်တိုးဂိတ်၌ ခါးပတ်မပတ်ဘဲ မောင်းနှင်သော မော်တော်ယာဉ်တစ်စီး၊ တံတားဦးမြို့နယ် စကားအင်းတိုးဂိတ်၌ မော်တော်ယာဉ်ခြောက်စီး စုစုပေါင်း ခုနစ်စီးဖမ်းဆီးခဲ့ကြောင်း အဆိုပါထုတ်ပြန်ချက်အရ သိရသည်။

အမြန်လမ်းမကြီး ၃၄၇ မိုင် အနီးတွင် တစ်ဦးတည်း မောင်းနှင်လာသော HILUX VIGO ယာဉ်တစ်စီး ပက်လက်လန် တိမ်းမှောက်မှု ဖြစ်ပွား

ရန်ကုန်-မန္တလေး အမြန်လမ်းမကြီး ၃၄၇ မိုင် အနီးတွင် နိုဝင်ဘာ ၂၇ ရက် နံနက်အစောပိုင်းက နေပြည်တော်ဘက်မှ မန္တလေးဘက်သို့ တစ်ဦးတည်း မောင်းနှင်လာသော HILUX VIGO ယာဉ်တစ်စီး ပက်လက်လန်တိမ်းမှောက်မှု ဖြစ်ပွားခဲ့ပြီး ယာဉ်မောင်းမှာ ထိခိုက်ဒဏ်ရာရရှိခြင်း မရှိကြောင်း စကားအင်းအမြန်လမ်းမကြီး ရဲစခန်းမှ သိရသည်။

“အိပ်ငိုက်ပြီးတော့ မှောက်သွားတယ်၊ အိပ်ငိုက်ပြီးတော့ လမ်းဘေးက Guardrail တန်း ပေါ့ဝင်တိုက်မိပြီးတော့ ကားက ပက်လက်လန်ပြီး မှောက်သွားတာပေါ့၊ ဒဏ်ရာတော့ မရပါဘူး၊ ပုဒ် ၂၇၉ နဲ့ အရေးယူထားပါတယ်”  ဟု စကားအင်း အမြန်လမ်းမကြီး ရဲစခန်းမှူး ရဲအုပ်သိန်းဗိုလ်က ပြောကြားသည်။

ဖြစ်စဉ်မှာ နိုဝင်ဘာ ၂၇ ရက် နံနက် ၃ နာရီ ၂၀ မိနစ်ခန့်က တံတားဦးမြို့နယ် စကားအင်းအမြန်လမ်းမကြီး ရဲစခန်းအပိုင် ရန်ကုန်-မန္တလေးအမြန်လမ်းမကြီးပေါ်တွင် နေပြည်တော်ဘက်မှ မန္တလေးဘက်သို့ ယာဉ်မောင်း ဖြိုးသူကျော် ၃၄ နှစ်(ဘ)ဦးကြည်လင်း ကြံ့ခိုင်ရပ်ကွက်၊ ၀က်လက်မြို့နေသူတစ်ဦးတည်းမောင်းနှင်လာသော ယာဉ်အမှတ် 6L/2667 HILUX VIGO အဖြူရောင်မော်တော်ယာဉ်မှာ လမ်းမကြီး မိုင်တိုင်အမှတ် ၃၄၇ မိုင် ၃ ဖာလုံနှင့် ၄ ဖာလုံအကြားသို့ အရောက်တွင် အိပ်ငိုက်ပြီး မောင်းနှင်ရာမှ အရှိန်မထိန်းနိုင်ပဲ လမ်းမယာဘက်ဘေး ကာရံထားသော အလူမီနီယံတန်းအား ၀င်ရောက်တိုက်မိပြီး ပက်လက်လန်တိမ်းမှောက်သွားခဲ့ခြင်းဖြစ်သည်။

ယာဉ်မတော်တဆမှုဖြစ်ပွားကြောင်း သတင်းအရ စကားအင်းအမြန်လမ်းရဲစခန်းမှူးနှင့်အဖွဲ့၊အမြန်လမ်းမီးသတ်တပ်ဖွဲ့၊အမြန်လမ်းအရေးပေါ် ကျန်းမာရေးစောင့်ရှောက်မှုအဖွဲ့တို့မှ အခင်းဖြစ်နေရာသို့ သွားရောက်စစ်ဆေးခဲ့ရာ ယာဉ်မောင်းမှာ ထိခိုက်ဒဏ်ရာရရှိခြင်း မရှိပဲ၊HILUX VIGO ယာဉ်မှာ ရှေ့လေကာ မှန်ကွဲ၊ ၀ဲ/ယာ ရှေ့မီးကွဲ၊ ရှေ့ခေါင်းပိုင်း ၊ အမိုးနှင့် ဘောနတ်ဖုံးများ ပိန်ချိုင့်ပျက်စီးသွားခဲ့ကြောင်း ရဲမှတ်တမ်းများအရ သိရသည်။

အဆိုပါယာဉ်မတော်တဆမှုဖြစ်စဉ်နှင့် ပတ်သက်ပြီး ယာဉ်အားမဆင်မခြင် ပေါ့ဆစွာမောင်းနှင်သူ ယာဉ်မောင်းဖြိုးသူကျော်အပေါ် ဥပဒေအရ အရေးယူပေးရန် ဒုရဲအုပ်ဆန်းယုမှ တရားလိုလုပ် အမှုဖွင့် တိုင်တန်းခဲ့သောကြောင့် စကားအင်း အမြန်လမ်းမကြီး ရဲစခန်းမှ ယာဉ်(ပ)၃၇/၂၀၁၇၊ပြစ်မှုပုဒ်မ ၂၇၉ အရအမှုဖွင့်အရေးယူထားကြောင်း သိရသည်။

ရန်ကုန်-မန္တလေးအမြန်လမ်းမကြီးပေါ်တွင် ယာဉ်မတော်တဆမှုများ မကြာခဏဖြစ်ပွားလျှက်ရှိရာ၊ ယခုနှစ် ၂၀၁၇ ခုနှစ် ဇန်န၀ါရီလမှ အောက်တိုဘာလကုန်အထိ ၁၀ လအတွင်း ယာဉ်မတော်တဆမှုပေါင်း ၄၆၅ ကြိမ်အထိဖြစ်ပွား၍ သေဆုံးသူ ၉၉ ဦးနှင့် ထိခိုက်ဒဏ်ရာရရှိသူ ၇၄၂ ဦးရှိခဲ့ကြောင်း နေပြည်တော်အမြန်လမ်းမကြီး ရဲတပ်ဖွဲ့မှူးရုံး မှတ်တမ်းများအရ သိရသည်။