သမ္မတက သုံးသပ်ခိုင်းပေမဲ့ ဆက်လုပ်နေတဲ့ ရန်ကုန်မြို့သစ် စီမံကိန်းက တိုင်းပြည်အတွက် အကျိုးဖြစ်မှာ သေချာလို့လား

NYDC ၏ ရန်ကုန်မြို့သစ်စီမံကိန်း ဖော်ဆောင်မည့် ပထမအဆင့် စီမံကိန်းမြေပုံကို တွေ့ရစဉ်

မြို့သစ်စီမံကိန်းတွေကို အကောင်အထည်ဖော်ရာမှာ အမှန်တကယ် လိုအပ်မှုရှိ၊ မရှိ သေချာစိစစ်ပြီးမှ ဆောင်ရွက်ဖို့ နိုင်ငံတော်သမ္မတ ဦးဝင်းမြင့်က မှာကြားထားပေမဲ့ သမ္မတစကားကို နားထောင်မယ့် အလားအလာ မတွေ့ရဘဲ ဆက်လုပ်နေတာကိုပဲ တွေ့နေရပါတယ်။

ဇူလိုင် ၂၉ ရက်က နိုင်ငံတော်သမ္မတ ဦးဝင်းမြင့်နဲ့ ရန်ကုန်တိုင်း အစိုးရအဖွဲ့ဝင်တွေ၊ ဌာနဆိုင်ရာတွေနဲ့ လွှတ်တော်ကိုယ်စားလှယ်တွေ တွေ့ဆုံပွဲမှာ ရန်ကုန်မြို့သစ်စီမံကိန်း လုပ်ဆောင်မှုတွေကို သေချာစိစစ်ဖို့ မှာကြားခဲ့ပေမဲ့ ရန်ကုန်မြို့သစ်စီမံကိန်းကို ဆက်ပြီးလုပ်နေခဲ့တာကတော့ ရန်ကုန်တိုင်း ဒေသကြီးအစိုးရအဖွဲ့ ဦးဆောင်တဲ့ NYDC ပါ။

NYDC လို့ခေါ်တဲ့ New Yangon Development Company မှာ လုပ်ငန်းရှင် ဦးသိမ်းဝေက CEO အဖြစ် ဦးဆောင်ပြီး ရန်ကုန်တိုင်း အစိုးရအဖွဲ့ဝင် ဒေါ်နီလာကျော်က ဥက္ကဋ္ဌအဖြစ် တာဝန်ယူပါတယ်။ ဒီလိုရန်ကုန်တိုင်း အစိုးရအဖွဲ့က အလုံးစုံ ပိုင်ဆိုင်ချုပ်ကိုင်ထားတဲ့ NYDC ဟာ သမ္မတက ပြန်သုံးသပ်ဖို့ မှာကြားထားပေမယ့် တစ်စိုးတစ်စိမှ ပြန်လည်သုံးသပ်နေကြောင်း ထုတ်ပြန်ခဲ့တာ မရှိဘဲ သြဂုတ်လ တစ်လလုံးမှာ လူမှု-စီးပွား ပင်မစီမံချက် (SEMP) ကို ရေးဆွဲနေခဲ့သလို Urban Master Planning ရေးဆွဲဖို့ AECOM Singapore ကို ရွေးချယ်လိုက်တာကို တွေ့ရပြီး စက်တင်ဘာ ၁၂ ရက်မှာ သြဂုတ်တစ်လလုံး ရန်ကုန်မြို့သစ် စီမံကိန်း ရှေ့ဆက်ဖို့ လုပ်ဆောင်နေကြောင်း ဦးသိမ်းဝေ ပြောကြားမှုနဲ့ သတင်းထုတ်ပြန် ခဲ့တာကို တွေ့ရပါတယ်။

“မြို့သစ်စီမံကိန်းရဲ့ နောင်ဆက်လက် ဖြစ်ပေါ်လာမယ့် ဖွံ့ဖြိုးတိုးတက်ရေးနဲ့ စီမံခန့်ခွဲရေးအတွက် လူမှု-စီးပွား ပင်မစီမံချက် (SEMP) ဟာ လမ်းညွှန်ချက်အနေနဲ့ ရပ်တည်သွားမှာ ဖြစ်တဲ့အတွက် အရေးကြီးတဲ့ အစီရင်ခံစာတစ်ခု ဖြစ်ပါတယ်။ ဒါကြောင့်မို့ ပြီးခဲ့တဲ့ လပိုင်းတွေမှာ ဒီအစီရင်ခံစာ ထွက်ရှိလာနိုင်ရေးအတွက် အထူးအားထား ဆောင်ရွက်ခဲ့ပြီး အပြီးသတ်နိုင်ခဲ့ပါတယ်။ နောင်ရက်အနည်းငယ် အတွင်းမှာ အများပြည်သူ ဖတ်ရှုနိုင်ဖို့ SEMP ထွက်ရှိလာတော့မှာဖြစ်ပြီး ကျွန်တော်တို့ရဲ့ NYDC Website ဖြစ်တဲ့ ww.nydc.com.mm မှာ သွားရောက်လေ့လာ ဖတ်ရှုနိုင်ပါတယ်။ SEMP မှာ ပါဝင်တဲ့ အကြောင်းအရာကို အတိုချုံးပြောရရင် စီးပွားရေး ဖွံ့ဖြိုးတိုးတက်ရေးနဲ့ နေပျော်ဖွယ်ကောင်းရေးဆိုတဲ့ ရည်မှန်းချက်နှစ်ခုကို ဦးတည်ထားပြီး အလုပ်အကိုင် ဖန်တီးရေး၊ လူ့စွမ်းအား အရင်းအနှီး ဖွံ့ဖြိုးရေး၊ လိုအပ်သည့် အခြေခံ အဆောက်အအုံများ၊ သဘာဝပတ်ဝန်းကျင် ရေရှည်တည်တံ့ရေးနဲ့ မြို့ပြတည်ဆောက်ခြင်းကို စီမံခန့်ခွဲရေး မဟာဗျူဟာ အစရှိတဲ့ ကဏ္ဍ ၁၃ ခုကို ဆွေးနွေးတင်ပြ ထားပါတယ်” လို့ ဦးသိမ်းဝေက ပြောပါတယ်။

ခုလိုအခြေအနေမျိုးမှာ ရန်ကုန်မြို့သစ်စီမံကိန်းကို ပြန်သုံးသပ်ခိုင်းပေမယ့် ဆက်လုပ်နေတာမျိုး တွေ့မြင်ရတာဟာ နိုင်ငံ့အကြီးအကဲရဲ့စကားကို အလေးထားမှုမျိုး မမြင်ရတာဟာ တော်တော်ဆိုးပါတယ်။

“ဒီကိစ္စကို နဂိုတုန်းကလည်း ကိုယ်စားလှယ်တွေ တော်တော်များများ သဘောမတူကြဘူး။ မြို့သစ်လုပ်ဖို့။ သမ္မတပြောထားသလိုပဲ။ ကျွန်တော်တို့ စိတ်ထဲမှာ ခံယူထားချက်က အတူတူပါပဲ။ ဒါကိုလေ့လာ စောင့်ကြည့်နေပါတယ်။ လိုအပ်သလို ဆောင်ရွက်သွားမှာ ဖြစ်ပါတယ်။ ကျွန်တော်တို့ကတော့ သမ္မတကြီး မိန့်ကြားထားတဲ့ သဘောအတိုင်းပါပဲ။ ဆက်လုပ်မယ့် ကိစ္စတွေကိုလည်း စောင့်ကြည့်နေပါတယ်” လို့ မရမ်းကုန်းမြို့နယ် မဲဆန္ဒနယ်အမှတ် (၁) က တိုင်းဒေသကြီး လွှတ်တော်ကိုယ်စားလှယ် ဦးရန်ရှင်းက ပြောကြားပါတယ်။

မြို့သစ်ဇာတ်ရှုပ်

တရုတ်နိုင်ငံရဲ့ အကျိုးစီးပွားအတွက် ဖြစ်လာမယ့် ရန်ကုန်မြို့သစ်စီမံကိန်းဟာ ကနဦးမှာ ပါဝင်တဲ့ ကုမ္ပဏီတွေနဲ့ သူတို့ရဲ့ နောက်ကွယ်က ဆက်နွှယ်မှုတွေကြောင့် ငွေမည်းခ၀ါချတဲ့ ဖြစ်စဉ်တွေ ဖြစ်လာမှာ စိုးရွံ့နေသူတွေက လွှတ်တော်တွင်းရော၊ လွှတ်တော်ပြင်ပမှာပါ ကန့်ကွက်ခဲ့မှုတွေ ရှိခဲ့ပါတယ်။

တစ်ဖက်မှာလည်း ရန်ကုန်မြို့တွင်းက မြို့နယ်တွေမှာတောင် Drainage System ကို နားမလည်ဘဲ လမ်းတွေမြှင့်ခဲ့လို့ ရေကြီးရေလျှံ ဆိုးရွားနေချိန်မှာ စုတ်ပြတ်သတ်နေတဲ့ တိုးချဲ့မြို့သစ်တွေကို အခြေခံ အဆောက်အအုံတွေ မြှင့်တင်ရေး အရင်လုပ်ပါလို့ ပြည်သူတွေက တောင်းဆိုခဲ့သလို မြို့ပြပညာရှင် အချို့ကလည်း လှိုင်သာယာနဲ့ယှဉ်ပြီး လှိုင်သာယာမှာ တံတားလေးစင်း၊ ငါးစင်း ဖြစ်လာတာတောင် အလုပ်အကိုင် အခွင့်အလမ်း မဖန်တီးပေးနိုင်တာကြောင့် မြို့တွင်းပြန်တိုးဝင်ပြီး ယာဉ်ကြောပိတ်ဆို့မှုတွေ ဖြစ်နေတာကို ထောက်ပြခဲ့ပြီး မြို့သစ်စီမံကိန်းဟာ တံတားမလုံလောက် နိုင်တာကြောင့် Traffic ကို ပိုဆိုးစေမယ်လို့ သုံးသပ်ကြတာလည်း ရှိပါတယ်။

တစ်ဖက်မှာလည်း ဒေါ်လာ ၁၀ ဘီလျံလောက် ကုန်သွားနိုင်ခဲ့တဲ့ နေပြည်တော်ကြီးဟာ တည်ဆောက်ပြီးလို့ ၁၀ နှစ်ကျော်လာတဲ့အထိ နေထိုင်သူတွေ မရှိသလို လက်ရှိအချိန်မှာ မြေဈေး၊ အိမ်ဈေးတွေ ထိုးကျနေတာကြောင့်လည်း ရန်ကုန်မြို့သစ်ကြီးဟာ လူနေထိုင်မှု မရှိတဲ့ Ghost City ကြီး အဖြစ်နဲ့ တရုတ်လက်ကို မြေထိုးအပ်သလိုမျိုး ဖြစ်သွားမှာကို စိုးရိမ်မှုတွေ ရှိနေကြပါတယ်။

အခြားတစ်ဖက်မှာလည်း ရန်ကုန်မြို့သစ်စီမံကိန်းကို ဘာကြောင့် ဆောက်ချင်တာလဲဆိုတဲ့ မေးခွန်းသံက တညံညံ ရှိနေပါတယ်။ ဥပမာအားဖြင့် လူဦးရေ ၁၀ သန်းလောက် ရှိနေပြီး Mega City ဖြစ်နေတဲ့ ဘန်ကောက်၊ ရန်ကုန်မြို့ထက် အဆပေါင်းများစွာ တိုးတက်နေပြီး မြန်မာနိုင်ငံထက် ချမ်းသာနေတဲ့ ထိုင်းနိုင်ငံကတောင် မြို့သစ်တိုးချဲ့ဖို့ စိတ်မကူးချိန်မှာ ရန်ကုန်လို နောက်ထပ်လူလေးသန်း၊ ငါးသန်းလောက် မြို့ဟောင်းမှာ ထပ်ပြီးထည့်လို့ရတဲ့ မြန်မာနိုင်ငံက ဘာကြောင့် မြို့သစ်ကို အလောသုံးဆယ် ချဲ့ချင်တာလဲလို့ မေးခွန်းထုတ် သံတွေလည်း ရှိနေပါတယ်။

“ကျွန်တော်ကတော့ မူလမြို့ကို Vertical Extension လုပ်စေချင်တာပေါ့။ ဥပမာဆိုရင် ရန်ကင်းလို စည်ပင်ဧရိယာတွေမှာ လုပ်စရာတွေ အများကြီးရှိတယ်။ မြို့သစ်တွေမှာလည်း လုပ်စရာအများကြီး၊ အဲဒါတွေကို ဦးစားပေးလုပ်ဖို့ ကောင်းတယ်။ သူတို့က အဲဒီဟာတွေကို ထားပြီးတော့ Horizontal Extension လုပ်ချင်တယ်။ ကျွန်တော်ကတော့ မူလမြို့ကိုပဲ စနစ်ကျတဲ့မြို့ လုပ်ဖို့ကိုပဲ မှန်းထားပါတယ်။ အစိုးရအဖွဲ့ကတော့ Horizontal Extension ကိုပဲ အားစိုက်နေတယ်။ သမ္မတကြီးကတော့ မြို့သစ်စီမံကိန်းကို မလုပ်နဲ့ ပြောထားတာတော့ မဟုတ်ပေမဲ့ အဓိပ္ပာယ်ကတော့ အတူတူပဲ။ နဂိုကလည်း မြို့သစ်တွေရှိတယ်။ မလိုအပ်ဘဲလုပ်ရင် မကောင်းဘူး ဆိုတာကို ပြောထားတယ်။ ကျွန်တော့်အမြင်ကတော့ သမ္မတက မလုပ်နဲ့ပြောတာကို (သူတို့) ဆက်လုပ်ချင်တဲ့ သဘောတော့ရှိတယ်။ ဆက်လုပ်နေရင်တော့ ကျွန်တော်က လွှတ်တော်ပိုင်းဆိုတော့ လွှတ်တော်ကနေ လုပ်ရမှာပဲ။ လုပ်ခြင်း မလုပ်ခြင်းကလည်း သူ့ရဲ့အပိုင်း။ မြို့သစ်စီမံကိန်းနဲ့ ပတ်သက်ပြီး အစိုးရအဖွဲ့က ဘတ်ဂျက်တွေထဲမှာ ထည့်ပြီးချပြတယ်။ ဒါကို မလုပ်သင့်ဘူး ဆိုပြီးတော့ တော်တော်များများ ကိုယ်စားလှယ်တွေက ကန့်ကွက်ခဲ့ကြတယ်။ သတင်းစာထဲမှာ ထည့်ထည့်ပြီးတော့ မြို့သစ်စီမံကိန်း အကြောင်းကို ပြောတယ်။ ကျွန်တော်လွှတ်တော်မှာ မေးခဲ့တဲ့ Vertical Extension နဲ့ Horizontal Extension ကိစ္စကိုလည်း အစိုးရအဖွဲ့က မလုပ်ဘူး၊ လုပ်မယ် သေချာမဖြေခဲ့ဘူး” လို့ သမ္မတက တားမြစ်ထားပေမယ့် ရန်ကုန်တိုင်းဒေသကြီး အစိုးရအဖွဲ့က ဆက်လုပ်နေတာနဲ့ ပတ်သက်ပြီး တာမွေမြို့နယ် မဲဆန္ဒနယ်အမှတ် (၂) က တိုင်းဒေသကြီး လွှတ်တော်ကိုယ်စားလှယ် ဦးသိန်းမြင့်က သူ့အမြင်ကို သုံးသပ်ပြောကြားပါတယ်။

တရုတ်လက်အောက် သေချာပေါက်ရောက်မယ့် ရန်ကုန်မြို့သစ်

ရန်ကုန်မြို့သစ်စီမံကိန်းဟာ ရန်ကုန်တိုင်းဒေသကြီး အစိုးရအဖွဲ့က ထိန်းချုပ်ထားတာကြောင့် အရင်အစိုးရ လက်ထက်က ရွေးခဲ့သလိုမျိုး၊ ဇာတ်ကြောင်းမရှင်းတဲ့ ကုမ္ပဏီတွေမျိုး ပါဝင်လာဖို့ အလားအလာ နည်းသွားပြီ ဖြစ်တာကြောင့် ငွေမည်းပြဿနာနဲ့ ဝေဖန်ခံရမှုကတော့ ကင်းလွတ်သွားပြီ ဖြစ်ပါတယ်။

ဒီလို ကင်းလွတ်သွားပြီ ဆိုပေမဲ့လည်း တစ်ဖက်မှာက ဘာဆက်ဖြစ်လာလဲဆိုရင် ရန်ကုန်မြို့သစ်စီမံကိန်း ဆက်လုပ်ဖို့ ရန်ကုန်တိုင်း အစိုးရမှာ ငွေမရှိတာပါ။ ဒါကြောင့်မို့လို့ လွှတ်တော်ကို တင်ပြမှု မရှိသလို နိုင်ငံတကာ တင်ဒါခေါ်ယူမှုတွေလည်း မလုပ်ခဲ့ဘဲ တရုတ်အစိုးရပိုင် CCCC ဆီကို ရန်ကုန်မြို့သစ်စီမံကိန်း ထိုးအပ်လိုက်ပြီး ဦးသိမ်းဝေကတော့ ဒါကို Swiss Challenge လို့ အမည်ပေးထားတဲ့ NYDC Challenge လို့ အမည်လှလှလေး ပေးပါတယ်။

NYDC Challenge လို့ အမည်လှလှလေး ပေးအပ်လိုက်ပြီး တရုတ် CCCC ကို စီမံကိန်းအကြို အဆိုပြုလွှာတင်ဖို့ ထိုးအပ်တဲ့ ဦးသိမ်းဝေရဲ့ ဆင်ခြေကတော့ CCCC က စီမံကိန်းအကြို အဆိုပြုလွှာ တင်လာရင် NYDC က စိစစ်ပြီးလို့ လက်ခံရင် အများပြည်သူကို ဒီအကြိုအဆိုပြုလွှာ ချပြမယ်။ ဒီအကြို အဆိုပြုလွှာထက် ပိုကောင်းအောင် လုပ်နိုင်မယ့်သူ ဘယ်သူမဆို ပါဝင်ယှဉ်ပြိုင်လို့ရမယ်။ ဒီလိုယှဉ်ပြိုင်လာလို့ ဒုတိယကုမ္ပဏီက ပိုကောင်းနေရင် NYDC က ဒုတိယကုမ္ပဏီကိုရွေးမယ်။ ဒါပေမဲ့ CCCC ကလည်း သူ့ထက်သာသွားတဲ့ ဒုတိယကုမ္ပဏီကို ပြန်ပြီးတော့ ယှဉ်ပြိုင်ခွင့်ရှိမယ်ဆိုတဲ့ အခြေအနေတွေပါ။

ရန်ကုန်မြို့သစ် စီမံကိန်းတွင် ပါဝင်သော တွံတေးမြို့နယ် တစ်နေရာကို တွေ့ရစဉ် (ဓာတ်ပုံ-ကြည်နိုင်)

စီမံကိန်းအကြို အဆိုပြုလွှာအဆင့် ပြီးပြီဆိုတာနဲ့ ဒုတိယအဆင့်မှာဆို အခြေခံ အဆောက်အအုံတွေ ဆောက်လုပ်ဖို့ ဆက်ပြီးလာတော့မှာပါ။ အခြေခံ အဆောက်အအုံတွေအတွက် ဘယ်လောက်လိုမလဲဆိုရင် အနည်းဆုံး ဒေါ်လာငါးဘီလျံ လိုအပ်မှာ ဖြစ်ပါတယ်။ ဒီလိုအနည်းဆုံး ဒေါ်လာငါးဘီလျံ မြှုပ်နှံမယ့် ကုမ္ပဏီကို ကမ္ဘာပတ်ပြီး ရှာဖို့က ဦးသိမ်းဝေ တာဝန်ပါ။

ဒေါ်လာငါးဘီလျံ မြှုပ်နှံမယ့် ကုမ္ပဏီကို ကမ္ဘာပတ်ပြီး ရှာမယ်လို့ ဦးသိမ်းဝေက ပြောနေပေမယ့် စီမံကိန်းအကြို အဆိုပြုလွှာကို ရေးထားတဲ့ တရုတ်အစိုးရပိုင် CCCC က ဒီစီမံကိန်းကြီးမှာ အခြေခံအဆောက်အအုံ ဆောက်လုပ်ခွင့်ရထားတဲ့ အနေအထားမျိုးနဲ့ မိန့်မိန့်ကြီး ထိုင်နေတာကို မေ့လို့မရပါဘူး။ ဒုတိယအချက်မှာဆိုရင် မြန်မာနိုင်ငံရဲ့ အခြေအနေပါ။

မြန်မာနိုင်ငံဟာ ရခိုင်အရေးကြောင့်အပြင် NLD အစိုးရဟာ စီးပွားရေးစီမံခန့်ခွဲမှု ညံ့ဖျင်းတယ်ဆိုတဲ့ အယူအဆမျိုးက ကမ္ဘာပေါ်က အဖွဲ့အစည်းတွေရဲ့ စစ်တမ်းတွေမှာ ထင်ထင်ရှားရှားပါနေပြီ ဖြစ်ပါတယ်။ ပိုပြီးဆိုးတဲ့ အချက်က မြန်မာ့နိုင်ငံရေး ရေချိန်ပါ။ မြန်မာ့နိုင်ငံရေးဟာ အကဲဆတ်ပြီး အချိန်မရွေးကို Democracy Back Wave ရိုက်နိုင်တဲ့ နိုင်ငံမျိုးလို့ ကမ္ဘာက ရှုမြင်ထားတာပါ။ ဒီလိုရှုမြင်ခံရတဲ့ နိုင်ငံမျိုးကို ဒေါ်လာငါးဘီလျံပိုက်ပြီး လာမြှုပ်နှံမယ့် ကုမ္ပဏီဆိုတာ တရုတ်အစိုးရပိုင် ကုမ္ပဏီမှတစ်ပါး အခြားမရှိပါဘူး။

နောက်တစ်ချက်က မြန်မာနိုင်ငံမှာ ပင်လယ်ထွက်ပေါက်ရှိနေတဲ့ နေရာတိုင်းဟာ တရုတ်နိုင်ငံရဲ OBOR (Belt & Road Initiative) စီမံကိန်းအောက်မှာ Corridor အဖြစ်ပါဝင်လာမယ့် အခြေအနေအပြင် တရုတ်နိုင်ငံ ယူနန်ပြည်နယ်ကနေ တရုတ်-မြန်မာ နယ်စပ်ဒေသကို ဖြတ်ကျော်ပြီး မန္တလေးမြို့၊ မန္တ လေးမြို့ကနေ အရှေ့ဆီ တန်းလာပြီး ရန်ကုန်မြို့သစ်၊ မန္တလေးမြို့ကနေ အနောက်ကို တန်းသွားပြီး ကျောက်ဖြူ အထူးစီးပွားရေး ဇုန်အထိ ဆိုတဲ့ မန္တလေးကို ဗဟိုပြုမယ့် တရုတ်-မြန်မာ စီးပွားရေး ပူးပေါင်းဆောင်ရွက်မှုစင်္ကြံ စီမံကိန်းကိုလည်း ထည့်တွက်ရမှာပါ။

ယူနန်ပြည်နယ်အတွက် ပင်လယ်ထွက်ပေါက်၊ တရုတ်ပြည်အတွက် သမုဒ္ဒရာနှစ်စင်းအိပ်မက် လိုချင်နေတဲ့ တရုတ် CCCC က သူ့ ပါးစပ်ထဲ ရောက်နေတဲ့ ထမင်းလုတ် ပုတ်ချမှာ မဟုတ်သလို NLD အစိုးရလက်ထက် ပုံမှန်နိုင်ငံခြား ရင်းနှီးမြှုပ်နှံမှုတွေတောင် ကျဆင်းနေတဲ့ အချိန်အခါမျိုးမှာ ဘယ်နိုင်ငံ၊ ဘယ်လိုကုမ္ပဏီကမှ မြန်မာနိုင်ငံဆီလာပြီး မြှုပ်နှံမှာ မဟုတ်ပါဘူး။

ပိုပြီးဆိုးတာက စက်တင်ဘာ ၉ ရက်မှာ တရုတ်-မြန်မာ စီးပွားရေးစင်္ကြံ ပူးတွဲတည်ထောင်ရေးဆိုင်ရာ နားလည်မှု စာချွန်လွှာကို လက်မှတ်ရေးထိုးလိုက်ပြီဖြစ်ပြီး မြန်မာအစိုးရကိုယ်စား စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်းက ရေးထိုးခဲ့သလို တရုတ်အစိုးရကိုယ်စား အမျိုးသား ဖွံ့ဖြိုးတိုးတက်ရေးနှင့် ပြုပြင်ပြောင်းလဲမှု ကော်မရှင်ဥက္ကဋ္ဌ မစ္စတာဟယ်လီဖုန်းတို့က လက်မှတ်ရေးထိုး လိုက်တာပါ။

ကိုယ့်နိုင်ငံဘက်မှာ ဘာတစ်ခုမျှ ဥပဒေကောင်းမွန်မှု မရှိသေးချိန်မှာ၊ ဘာတစ်ခုမျှ မဟာဗျုဟာ မရှိသေးချိန်မှာ တရုတ်-မြန်မာ စီးပွားရေးစင်္ကြံ ပူးတွဲတည်ထောင်ရေးဆိုင်ရာ နားလည်မှုစာချွန်လွှာ လက်မှတ်ရေးထိုးလိုက်ပြီး ရန်ကုန်မြို့သစ်စီမံကိန်းကို CCCC ဆီထိုးအပ်လိုက်တဲ့ အခြေအနေမျိုးက တိုင်းပြည်အတွက် ဘယ်လိုမှ အဆင်မပြေနိုင်ပါဘူး။

နောက်တစ်ချက်က CCCC က မြှုပ်နှံပေးမယ့် ရန်ကုန်မြို့သစ် အခြေခံအဆောက်အအုံ တည်ဆောက်ရေး အတွက် ရန်ကုန်အစိုးရမှာ ဘာတစ်ခုမှ ပေးစရာမရှိဘဲ ရန်ကုန်မြို့သစ်က မြေတွေကိုပဲ ၇၅ နှစ်၊ အနှစ် ၁၀၀ အစရှိသည်ဖြင့် CCCC ကို ထိုးအပ်ရမှာပါ။ ဒါဟာ ကမ္ဘာက ထောက်ပြနေတဲ့ သီရိလင်္ကာလို ဖြစ်ရပ်မျိုးပါပဲ။ တစ်ဖက်မှာလည်း ရေနက်ဆိပ်ကမ်းကြီးတစ်ခု ဖြစ်လာမယ့် ကျောက်ဖြူရေနက်ဆိပ်ကမ်းကို တရုတ် CITIC ဆီ လုပ်ကိုင်ခွင့် ပေးလိုက်ရပြီ ဖြစ်ပါတယ်။

ပိုပြီး အသည်းနာစရာ ကောင်းတာက “မြန်မာနိုင်ငံရေ မင်းတို့တော့ သီရိလင်္ကာလိုမျိုး တရုတ်ရဲ့ ကြွေးမြီထောင်ချောက်အောက်မှာ ပိတ်မိတော့မယ်” လို့ သတိပေးနေ၊ ရေးနေကြတဲ့ကြားက ကျောက်ဖြူစီမံကိန်းတွေရော၊ ရန်ကုန်မြို့သစ်စီမံကိန်းပါ တရုတ်ရဲ့ ထိန်းချုပ်မှုအောက် ရောက်သွားတဲ့ အခြေအနေပါ။

ရန်ကုန်မြို့သစ်ကို ဘာကြောင့် အလွန်အမင်း လုပ်ချင်နေတာလဲ

ဦးသိမ်းဝေဟာ ပြီးခဲ့တဲ့ FMI ကုမ္ပဏီရဲ့ ၂၆ ကြိမ်မြောက် အထွေထွေ နှစ်ပတ်လည် အစည်းအဝေးမှာ ကုမ္ပဏီရဲ့ ပကတိ အခြေအနေတွေကို ရှယ်ယာရှင်တွေဆီ ပြောကြားမှုမျိုး နှစ်တိုင်းလို မလုပ်ခဲ့ဘဲ CFO ဦးထွန်းထွန်းကို ပွဲထုတ်ခဲ့တာ တွေ့ရပါတယ်။ ဦးသိမ်းဝေဟာ ရန်ကုန်မြို့သစ် စီမံကိန်းကိုပဲ အားစိုက်လုပ်တော့မယ်ဆိုတဲ့ အရိပ်အယောင်တွေ မြင်ရပြီး ဘာကြောင့်သူ ဒီစီမံကိန်းကို ကိုယ့်စီးပွားရေးပစ်ပြီး အားတက်သရော လုပ်ချင်နေတာလဲဆိုတာ တွေးစရာ ဖြစ်လာခဲ့ပါတယ်။

ဒါ့အပြင် ရန်ကုန်မြို့သစ်စီမံကိန်းနဲ့ ပတ်သက်ပြီး ဘာတစ်ခုမှ မလေ့လာရသေးတဲ့ အချိန်မှာ ရန်ကုန်တိုင်း ၀န်ကြီးချုပ် ဦးဖြိုးမင်းသိန်းနဲ့  ဦးသိမ်းဝေ အလွယ်ပြောခဲ့တာက အလုပ်အကိုင် အခွင့်အလမ်း နှစ်သန်း ဖန်တီးပေးမှာဆိုတဲ့ စကားပါ။

ရန်ကုန်တိုင်းဒေသကြီး အစိုးရအဖွဲ့အနေနဲ့ ရန်ကုန်မြို့ ဗဟိုအချက်အချာရဲ့ အနောက်ဘက် ကြည့်မြင်တိုင်မြို့နယ် တစ်ဖက်ကမ်းက မြေဧက ၂၀၀၀ ကို စီးပွားရေး ပိုမိုတိုးတက် ကောင်းမွန်လာစေရေး အတွက် အလုပ်အကိုင်ပေါင်းနှစ်သန်း ဖန်တီးပေးနိုင်မယ့် မြို့ပြစက်မှုဒေသကို ပထမအဆင့် ဖော်ထုတ်ဖို့ ရည်မှန်းထားပြီး စီမံကိန်းရဲ့ ရည်ရွယ်ချက်ဟာ ရန်ကုန်မြို့သစ်ကို လုံခြုံပြီး ခေတ်မီတိုးတက်သန့်ရှင်းတဲ့ မြို့တစ်မြို့ဖြစ်ဖို့နဲ့ ကျွမ်းကျင်မှု၊ ဂုဏ်သိက္ခာရှိမှု၊ တာဝန်ခံမှုတို့ကို စံပြုနိုင်တဲ့ မြို့တစ်မြို့ ဖြစ်လာဖို့ ရည်မှန်းထားတယ်လို့ NYDC က ဆိုထားပါတယ်။

ဒီလို မြို့ပြစက်မှုဒေသ ဖြစ်လာဖို့ ပထမဆုံးလုပ်ပြီ။ ရန်ကုန်မြို့သစ် စီမံကိန်းအတွက် အခြေခံ အဆောက်အအုံ ဆောက်ပြီဆိုတာနဲ့ အရင်ဆုံး ရောက်လာမှာက ရွှေ့ပြောင်းလုပ်သားတွေပါ။ အလုပ်အကိုင် အခွင့်အလမ်း နှစ်သန်းနဲ့အတူ ကျုးကျော် နှစ်သန်းပါ တစ်ပြိုင်နက် တိုးလာမှာဖြစ်ပြီး ဒီအခြေအနေတွေကို တွက်ဆထားပုံ မရတဲ့အပြင် အရင်ရှိထားပြီးသား ကျုးကျော် ၁၅၀,၀၀၀ လောက်အတွက်တောင် ပေးထားတဲ့ ကတိမတည်သေးတဲ့ ရန်ကုန်အစိုးရဟာ ကျုးကျော်နှစ်သန်းသာ တိုးလာရင် ဘာဆက်လုပ်ပြနိုင်မလဲ ဆိုတာ စိတ်ဝင်စားစရာပါ။

နောက်တစ်ချက်က မြန်မာ့စီးပွားရေး ကျပ်တည်းနေပြီး အစိုးရလက်ထဲမှာ ငွေမရှိချိန်မျိုးမှာ ဘာလို့ ဒီမြို့သစ် လုပ်ချင်တာလဲ တွေးစရာ ဖြစ်နေပါသေးတယ်။ ဗိုလ်ချုပ်မှူးကြီး သန်းရွှေဟာ သူ့တာဝန် လွှဲပြောင်းခါနီးမှာရှိတဲ့ ဒေါ်လာတွေကို နေပြည်တော်မြို့သစ်ကြီး ဆောက်သွားသလိုမျိုး ဒေါ်လာတွေများစွာ NLD အစိုးရမှာ ရှိနေလို့လား။ ဒေါ်လာလည်း မရှိ၊ စီးပွားရေးလည်း မကောင်း၊ မြို့သစ်ကြီးဆောက်ဖို့လည်း မလိုသေးဘဲ ရန်ကုန်မြို့ဟောင်းမှာတောင် မြေကွက်လွတ်တွေ ပုံထပ်နေချိန်မှာ တရုတ်လက်ထဲ ရန်ကုန်မြို့သစ်ကို ၀ကွက်အပ်ချင်လို့များ အလောသုံးဆယ် လုပ်နေတာလား။ သမ္မတတားမြစ်နေတဲ့ကြားက ဆက်လုပ်နေတာကရော ဘာကြောင့်လဲဆိုတာ တွေးစရာပါ။

“၀န်ကြီးချုပ်ကြီး နောက်ဆုံးပြောတဲ့ စကားက မြို့သစ်စီမံကိန်းကို CCCC ကုမ္ပဏီနဲ့ အကြိုဆန်းစစ် လေ့လာနေတယ်ပေါ့ဗျာ။ လေ့လာနေတဲ့ဟာကို ဘာမှမသိရသေးဘူး။ အဲဒါတွေကို သိချင်တယ်။ ကျွန်တော်တို့ ရွေးကောက်ပွဲ ကြေညာစာတမ်းရဲ့ မြို့ပြစီမံကိန်းမှာ ပြည်သူတွေကို ပြောထားတဲ့ ကတိက၀တ် ပေးထားတဲ့ဟာက မြို့သစ်စီမံကိန်း တစ်ချက်မှ မပါဘူး။ ရှိပြီးသားမြို့ကြီးရဲ့ ရေ၊ မီး၊ မိလ္လာစနစ်၊ အမှိုက်စနစ်တွေကိုပဲ ကောင်းအောင် လုပ်ရမှာ။ ကျွန်တော်က မကြိုက်ပေမယ့် CCCC ကုမ္ပဏီရဲ့ တွေ့ရှိချက်တွေ ဘယ်လိုလဲ။ ဆန်းစစ်ချက်တွေ ဘယ်လိုလဲ။ ဆန်းစစ်ချက်တွေကို နားထောင်ချင်သေးတယ်။ ကျွန်တော် မြို့သစ်စီမံကိန်းကို အစကတည်းက ကန့်ကွက်နေတာ။ ရွေးကောက်ပွဲ ကြေညာစာတမ်းမှာလည်း ကြေညာမထားဘူး။ အစကတည်းက ကန့်ကွက်နေတာ။ သို့သော်လည်းပဲ ကျွန်တော်တို့ သိထားတဲ့ အမြင်တော့ ၀န်ကြီးချုပ်ကြီး ပြောတဲ့အရဆိုရင် တာဝန်အရှိဆုံးကကို သဘောတူခဲ့တဲ့ အနေအထားတော့ ဖြစ်နေတယ်။ အဲဒါတွေကိုတော့ စောင့်ကြည့်ဦးမယ်။ ၀န်ကြီးချုပ်ရဲ့ အပြောအရကို ပြောတာနော်” လို့ ဒဂုံမြို့နယ် မဲဆန္ဒနယ် အမှတ် (၂) တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ပြောကြားပါတယ်။

သမ္မတက ပြန်ပြီးတော့ သုံးသပ်ဖို့ ပြောနေတဲ့ကြားက ရန်ကုန်မြို့သစ်စီမံကိန်း ဆက်လုပ်နေတာနဲ့ ဦးကျော်ဇေယျရဲ့တစ်ဆင့် ပြန်လည်ပြောကြားမှု အရတွေဆိုရင် ရန်ကုန်မြို့သစ် စီမံကိန်းဟာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ညွှန်ကြားချက်အရ ဆက်ပြီးလုပ်နေတယ်ဆိုတဲ့ ပုံစံမျိုးကို စေညွှန်းသလို ဖြစ်နေပါတယ်။

တကယ်တော့ ရန်ကုန်မြို့သစ်စီမံကိန်းကို ပြည်သူတွေ၊ ပညာရှင်တွေ ကန့်ကွက်နေခဲ့တာက ငွေမည်းတွေ စီးဝင်လာမှာနဲ့ တရုတ်က မြန်မာ့မြေ၊ ပင်လယ်ထွက်ပေါက်ကို ကြွေးမြီထောင်ချောက်နဲ့ သိမ်းပိုက်သွားမှာ စိုးရိမ်နေကြတာပါ။ ဒီလိုမျိုး ကိုယ့်မြေ၊ ကိုယ့်ရေကို ငွေမရှိလို့ ထိုးအပ်လိုက်ရတယ် ဆိုရင်တောင် ဘယ်လိုမဟာဗျုဟာတွေနဲ့ ပါးပါးနပ်နပ် ထိန်းကျောင်းမလဲ။ ဘယ်လိုဥပဒေတွေနဲ့ လုပ်ချင်တိုင်း လုပ်မရအောင် ထိန်းချုပ်မလဲဆိုတဲ့ အခြေအနေမျိုးကို သိလိုကြတာပါ။ ဘာတစ်ခုမှ လွှတ်တော်လည်း ချမပြ၊ ပြည်သူလည်း အသိမပေးဘဲ လုပ်ချင်ရာ လုပ်နေတာဟာ ပြည်သူရွေးကောက်ထားတဲ့ အစိုးရဖြစ်နေတာ မို့လို့လည်း အစိုးရရဲ့ ပွင့်လင်းမြင်သာမှုက ဘယ်လိုကြီးလဲဆိုပြီး အံ့သြတကြီးနဲ့ ထောက်ပြနေကြတာပါ။

“ရှေ့မျှော်မှန်းချက် အရတော့ ရန်ကုန်မြို့က Mega City ဖြစ်လာဖို့ရှိတယ်လေ။ အဲဒီတော့ လိုတာတော့လိုတယ်။ လုပ်တာတော့ကြိုက်တယ်။ ဒါပေမဲ့ စနစ်ကျဖို့လိုတယ်။ အစိုးရနဲ့ ဦးသိမ်းဝေတို့ ကုမ္ပဏီကိုလည်း မကြိုက်ဘူး။ လွတ်လပ်စွာ ဈေးကွက်စီးပွားရေးအရပဲ သွားစေချင်တာ။ သူတို့ ထွက်လာတဲ့ ဒီဇိုင်းတွေကိုလည်း သိပ်မကြိုက်ဘူး။ ဂုဏ်ယူပြီး ပြောနေကြတာရှိတယ်။ စင်ကာပူက ရန်ကုန်ကိုတုပြီးလုပ်တယ်။ ဘာညာပေါ့။ ရန်ကုန်စည်ပင်သာယာရေး ဥပဒေကိုလည်း အတုယူတယ်ပေါ့။ ရန်ကုန်မြို့ကို တည်ဆောက်ခဲ့တာက အင်္ဂလိပ်က တည်ဆောက်ခဲ့တာ။ ရေမြောင်းစနစ်တွေ၊ မိလ္လာစနစ်တွေ၊ လမ်းစနစ်တွေ၊ အကွက်ရိုက် စနစ်တွေကအစ ပီပီပြင်ပြင်လုပ်ခဲ့တာ။ အဲဒါမျိုးတွေ လုပ်စေချင်တာ။ အခုသူတို့ဆွဲထားတဲ့ ပုံစံက တိုက်ပုပုလေးတွေ။ သူများနိုင်ငံတွေလို နိုင်ငံတကာ ဒီဇိုင်းပုံစံတွေအတိုင်း သွားစေချင်တယ်။ အခုက ငွေအင်အားမရှိတဲ့ အချိန်မှာ လုပ်တဲ့အတွက် လိုတဲ့ဒီဇိုင်းတွေ မရမှာဆိုးတယ်။ ဒဂုံမြို့သစ်တွေ၊ လှိုင်သာယာတို့ လုပ်ခဲ့သလိုလုပ်လို့ ဖြစ်ကိုမဖြစ်ဘူး။ အခြေခံ အဆောက်အအုံတွေ လမ်းမီးတွေကအစ မီးကြိုးတွေကို အပေါ်မှာ မထားသင့်ဘူး။ မြေအောက်မှာ မြှုပ်လို့ရတဲ့ ဟာမျိုးတွေ စနစ်တကျပေါ့။ စမ်းချောင်းတွေ မြို့လယ်ကောင်ဖြတ်စီးတဲ့ နေရာတွေကို အပန်းဖြေတဲ့ ပုံစံမျိုးတွေပေါ့။ လူသွားလမ်းကအစ၊ ရေမြောင်းအစ၊ လမ်းမီးကအစ သေချာသွားစေချင်တယ်။ ကောင်းကောင်းစီမံကိန်းချပြီး လုပ်စေချင်တယ်။ အခုလို အလောတကြီး လုပ်တော့ အဆင်မပြေဘူး။ လုပ်သင့်တယ်။ ဒါပေမဲ့ သေချာစနစ်တကျ လုပ်ရမယ်။ ဟိုဘက်ကို လုပ်နေတဲ့ အချိန်မှာလည်း အရင်က လုပ်ခဲ့တဲ့ မြို့သစ်တွေက တော်တော်အခြေအနေ မဆိုးဘူး။ အဲဒီနေရာတွေကိုလည်း ပြန်လည်ပြုပြင်တာတွေ လုပ်သင့်တယ်။ လမ်းတွေဆိုရင်လည်း ခင်းလိုက်ပျက်လိုက်၊ ခင်းလိုက်ပျက်လိုက် ဖြစ်နေတယ်။ ရေမြောင်းနဲ့ လမ်းတွေကိုလည်း တစ်ခါတည်း မလုပ်တဲ့အတွက် စနစ်တကျ စံချိန်စံညွှန်းမီ လုပ်ဖို့တွေလိုနေတယ်။ အခုဟာတွေက အရေးကိုကြီးနေတဲ့ ဟာတွေဖြစ်တယ်” လို့ လှိုင်မြို့နယ်မဲ ဆန္ဒနယ်အမှတ် (၁) က တိုင်းဒေသကြီး လွှတ်တော်ကိုယ်စားလှယ် ဦးကျော်ကျော်ထွန်းက ဆိုပါတယ်။

သမ္မတက တားထားတယ်။ လွှတ်တော်ကိုယ်စားလှယ်တွေက ဒီစီမံကိန်းကို မလုပ်စေချင်သူတွေ ရှိသလို အလောသုံးဆယ် မလုပ်စေချင် သူတွေလည်း ရှိတယ်။ တစ်ဖက်မှာလည်း တရုတ်လက်ထဲကို မြန်မာ့မြေ၊ မြန်မာ့ရေကို ဘာမဟာဗျုဟာမှမရှိဘဲ နှစ်ပေါင်းများစွာ ထိုးအပ်ရမဲ့ အခြေအနေမျိုး။ ဒီလိုအခြေအနေမျိုးမှာ ပြည်သူတွေ သိနေတာက ရန်ကုန်မြို့သစ် စီမံကိန်းဟာ ပွင့်လင်းမြင်သာမှု မရှိဘူး။ ပြည်သူသိခွင့် မရှိဘူး။ ပြည်သူရွေးကောက်ထားတဲ့ အစိုးရက တိတ်တိတ်လေး လုပ်နေတယ်။ ဘာတစ်ခုမှ ပွင့်လင်းမြင်သာစွာ ချပြထားတာ မရှိဘူးဆိုတဲ့ အခြေအနေ ဖြစ်နေပါတယ်။

တကယ်တော့ ပြည်သူရွေးချယ်မှုရှိခဲ့တယ် ဆိုပေမယ့် အစိုးရတစ်ရပ်ရဲ့ သက်တမ်းဟာ ငါးနှစ်တည်းပါ။ ဒီငါးနှစ် အတွင်းမှာ ပြည်သူ့သဘောမပါဘဲ လုပ်ချင်ရာလုပ်သွားရင် ခံရမှာက ပြည်သူတွေပါ။ တရုတ်လက်ထဲကို ရောက်ဖို့များနေပြီဖြစ်တဲ့ ရန်ကုန်မြို့သစ်စီမံကိန်းဟာ တိုင်းပြည်ရဲ့ အချုပ်အခြာအာဏာနဲ့လည်း ဆိုင်ပါတယ်။ ဒါကြောင့်မို့ ရန်ကုန်မြို့သစ်စီမံကိန်းကို ဘာကြောင့် ဆက်လုပ် ဆက်လုပ် နိုင်ငံတော်ရဲ့ မူလအချုပ်အခြာ အာဏာပိုင်ရှင်တွေဖြစ်တဲ့ မြန်မာနိုင်ငံသားတွေကို လူရာသွင်းပြီး ရန်ကုန်မြို့သစ်စီမံကိန်း ဘာကြောင့် ဆက်လုပ်ချင်တယ်ဆိုတာ တာဝန်ရှိသူတွေက အမြန်ဆုံး ရှင်းပြပေးပါလို့ ပြည်သူတွေကိုယ်စား တောင်းဆိုလိုက်ပါတယ်။

 

ပြီးပြည့်စုံမည်ဟု အာမခံနိုင်မည် မဟုတ်သော်လည်း ရန်ကုန်မြို့သစ် စီမံကိန်းအတွက် ကောင်းမွန်ပြည့်စုံသည့် Master Plan တစ်ခုဆွဲနိုင်ရန် မျှော်လင့်ထားဟုဆို

ပြီးပြည့်စုံမည်ဟု အာမခံနိုင်မည် မဟုတ်သော်လည်း ရန်ကုန်မြို့သစ် စီမံကိန်းအတွက် ကောင်းမွန်ပြည့်စုံသည့် Master Plan တစ်ခု ဆွဲနိုင်ရန် မျှော်လင့်ထားကြောင်း NYDC ၏ CEO ဦးသိမ်းဝေက ပြောကြားသည်။

“မြို့သစ်တစ်ခုကို အစကစပြီး တည်ဆောက်တာဟာ စာရွက်လွတ်တစ်ရွက်အပေါ်မှာ ပုံဆွဲတာနဲ့ အတူတူပါပဲ။ စိတ်လှုပ်ရှားစရာလည်းကောင်း စိုးရိမ်စရာလည်းကောင်းသလို ကောင်းကွက်တွေ၊ အကျိုးကျေးဇူးတွေလည်း အများကြီးရှိပါတယ်။ Master Planning ကောင်းခဲ့လို့ လက်ရှိအချိန်မှာ အဆင့်မြင့် မြို့တော်အနေနဲ့ ရပ်တည်နေနိုင်တဲ့ သာဓကတွေ ကမ္ဘာပေါ်မှာ အများကြီးရှိပါတယ်။ ဥပမာအားဖြင့် စင်ကာပူနိုင်ငံဟာဆိုရင် ၁၉၆၀ နှစ်တွေက ဆွဲခဲ့တဲ့ Master Planning အပေါ်အခြေခံပြီး ဒီနေ့အချိန်မှာ စည်းစနစ်ကျကျနဲ့ တည်ဆောက်ထားတဲ့ အဆင့်မြင့်မြို့တော်တစ်ခုအဖြစ် ရပ်တည်နေပါတယ်။ စည်းစနစ်မကျတဲ့ တည်ဆောက်မှုတွေက ရေရှည်မှာ မကောင်းတဲ့ အကျိုးဆက်တွေကို ခံစားရမှာပါ။ ဒါကြောင့်မို့ ရန်ကုန်မြို့သစ်ရဲ့ Master Planning အဆင့်မှာကတည်းက မှန်ကန်အောင်ရေးဆွဲနိုင်ဖို့ အရမ်းအရေးကြီးပါတယ်။

NYDC စပြီး တည်ထောင်စဉ်ကတည်းက အပတ်စဉ်စာစဉ်တွေနဲ့ ပြီးခဲ့တဲ့လက ပြုလုပ်ခဲ့တဲ့ Town Hall မှာ ကျွန်တော်ပြောခဲ့သလိုပဲ စီမံကိန်းရဲ့ ပထမဆုံးအဆင့်အနေနဲ့ ကျွန်တော်တို့ လိုချင်တဲ့ပုံစံကို အရင်ဆုံး ပုံဖော်ပါမယ်။ ပြီးမှ ဒီအပေါ်မူတည်ပြီး Master Plan ရေးဆွဲပါမယ်။ အသေးစိတ်ကျတဲ့ အခြေခံအဆောက်အအုံ Master Plan နဲ့ အင်ဂျင်နီယာ ဒီဇိုင်းတွေ ဆွဲပါမယ်။ ဒါက ကျွန်တော်တို့ရဲ့ အစီအစဉ်ပါ။ ကျွန်တော့်အနေနဲ့ အားလုံးကျေနပ်နိုင်မယ့် ပြီးပြည့်စုံတဲ့ Master Plan ထွက်လာဖို့တော့ အာမ,မခံနိုင်ပေမယ့် အကောင်းဆုံးဖြစ်အောင် အလေးအနက်ထားပြီး အားစိုက်ထုတ်သွားမယ်ဆိုတာတော့ အခိုင်အမာ ပြောနိုင်ပါတယ်” ဟု ဦးသိမ်းဝေက ပြောကြားသည်။

မြန်မာနိုင်ငံတွင် ကျွမ်းကျင်သည့် ဗိသုကာပညာရှင်များ၊ အင်ဂျင်နီယာများနှင့် မြို့ပြစီမံကိန်းရေးဆွဲသည့် ပညာရှင်များစွာရှိပြီး ရန်ကုန်မြို့သစ်၏ Master Planning ရေးဆွဲရာတွင် ပညာရှင်အားလုံးကို ပါဝင်အကြံပြုစေလိုကြောင်းနှင့် လာမည့်အပတ်တွင် မြန်မာနိုင်ငံ ဗိသုကာအသင်း၊ မြန်မာနိုင်ငံ အင်ဂျင်နီယာအသင်းနှင့် အခြားမြို့ပြစီမံကိန်းရေးဆွဲရေး ပညာရှင်များကို ဖိတ်ကြားပြီး Technical Round Table ဆွေးနွေးပွဲတစ်ခု ပြုလုပ်ရန် NYDC မှ စီစဉ်ထားကြောင်း သိရသည်။

“Technical Round Table ဆွေးနွေးပွဲက ပညာရှင်တွေရဲ့ အကြံပြုချက်၊ သုံးသပ်ချက်တွေကိုပါ အခြေခံပြီး ရန်ကုန်မြို့သစ်အတွက် ကောင်းမွန်ပြည့်စုံတဲ့ Master Plan တစ်ခု ဆွဲနိုင်ဖို့ မျှော်လင့်ပါတယ်။ ဒီကနဦးပိုင်းဆွေးနွေးမှုတွေက အရေးပါပြီး ပညာရှင်များရဲ့ အကြံပြုချက်တွေ ပါဝင်တဲ့အပြင် လာမယ့်နှစ်တွေမှာ ပေါ်ထွက်လာမယ့် ဖွံ့ဖြိုးတိုးတက်မှုတွေအတွက် မျှော်မှန်းချက်များပါ ပါဝင်မှာ ဖြစ်ပါတယ်။ ဒီ Master Planက မြို့သစ်စီမံကိန်းရဲ့ ရှေ့ဆက်သွားမယ့် လုပ်ငန်းစဉ်တွေအတွက် စီမံကိန်း လမ်းညွှန်ချက် အနေနဲ့သာမက နောင်မှာပြန်ပြင်ရမယ့် ကုန်ကျစရိတ်များမယ့် အမှားတွေကိုလည်း ရှောင်နိုင်အောင် ကူညီသွားပါလိမ့်မယ်” ဟု ဦးသိမ်းဝေက ပြောကြားသည်။

ရန်ကုန်မြို့သစ်စီမံကိန်း ဖော်ဆောင်မည့်အပေါ် အဘက်ဘက်မှ စိုးရိမ်မှုများရှိနေပြီး ကောင်း မကောင်း နောက်ငါးနှစ်ကြာမှ ဆုံးဖြတ်ရန်နှင့် လစာမယူဘဲ ငါးနှစ်ကြာ လုပ်ကိုင်ပေးမည်ဟု NYDC ၏ CEO ဦးသိမ်းဝေ ပြောကြား

ရန်ကုန်မြို့သစ်စီမံကိန်း ဖော်ဆောင်မည့်အပေါ် ပြည်သူလူထုအကြား အဘက်ဘက်မှ စိုးရိမ်မှုများရှိနေပြီး ကောင်း၊ မကောင်း နောက်ငါးနှစ်ကြာမှ ဆုံးဖြတ်ရန်နှင့် လစာမယူဘဲ ငါးနှစ်ကြာ လုပ်ကိုင်ပေးမည်ဟု ရန်ကုန်မြို့သစ် ဖွံ့ဖြိုးရေး ကုမ္ပဏီလီမိတက် ဒုတိယဥက္ကဋ္ဌနှင့် အမှုဆောင်အရာရှိချုပ် ဦးသိမ်းဝေက ဇွန် ၂၃ ရက်တွင် ကုန်သွယ်စက်မှု အသင်းချုပ်တွင် ပြုလုပ်သည့် ဆွေးနွေးပွဲတွင် ပြောကြားသည်။

“ကျွန်တော်နဲ့ ပတ်သက်တဲ့ လုပ်ငန်းတွေ ဒီမြို့သစ်မှာ မပါစေရဘူး။ အခုလုပ်မယ့်ဟာကို ငါးနှစ်လုံး လစာမယူဘဲ လုပ်ပေးမယ်။ အဲဒီလို ကတိပေးခဲ့တယ်။ လစာက လိုချင်သလောက်လည်း ပေးမှာမဟုတ်၊ ပေးသလောက်ကိုလည်း မလိုချင်ဘူး (ရယ်လျက်)၊ အဲဒီတော့ မယူတာပဲကောင်းတယ်၊ စီးပွားရေးသမားက ဘာစီးပွားရေးမှ မလုပ်ဘဲ ဒီမှာလာလုပ်တယ် ဆိုတာ မယုံဘူးဆို။ မယုံပါနဲ့…။ ငါးနှစ်အချိန်မှာ ဒါတွေက အမှတ်ပေးသွားမှာ။ ကောင်းတယ် မကောင်းဘူးဆိုတာ ဒီနေ့ မဆုံးဖြတ်ပါနဲ့။ အဲဒီကျ သေချာသိလာပါမယ်” ဟု ဦးသိမ်းဝေက ပြောကြားသည်။

ရန်ကုန်မြို့သစ်စီမံကိန်းနှင့် ပတ်သက်ပြီး အစိုးရက အကောင်အထည်ဖော်မည့်အပေါ် မြန်မာနိုင်ငံ၏ အစိုးရများ အနေနှင့် စီးပွားရေး လုပ်ကိုင်ရာတွင် ရလဒ်မကောင်းခဲ့၍ စိုးရိမ်မိကြောင်းနှင့် လုပ်ကိုင်ခဲ့လျှင် ပွင့်ပွင့်လင်းလင်းနှင့် ထိရောက်စွာ အကောင်အထည်ဖော်နိုင်ရန်၊ ပြည်သူအကျိုးရှိရန် လိုအပ်ကြောင်း ဦးဇေယျသူက ထောက်ပြဆွေးနွေးသည်။

“အစိုးရက စီးပွားရေး ၀င်လုပ်တာကို သိပ်သဘောမကျဘူး။ အဲဒါကလည်း သီအိုရီအရ မဟုတ်ဘူး။ မြန်မာပြည်မှာ အစိုးရတွေက စီးပွားရေး လုပ်ခဲ့တာ သိပ်မကောင်းခဲ့တော့ ကျွန်တော်တို့အနေနဲ့ လန့်တယ်ပေါ့နော်” ဟု ဦးဇေယျသူက ပြောကြားသည်။

NLD အစိုးရ ဖော်ဆောင်နေသော ဈေးကွက်စီးပွားရေးစနစ်နှင့် ၁၀၀ ရာခိုင်နှုန်း အစိုးရပိုင်မည့် NYD ကုမ္ပဏီတို့၏ ရှေ့နောက်မညီခြင်း၊ အစိုးရ၏ မြို့သစ်တည်ဆောက်ခဲ့သည့် အတွေ့အကြုံမရှိခြင်း၊ ရင်းနှီးမြှုပ်နှံ သူများအတွက် ၀ယ်လိုအား အာမခံချက် မရှိသေးခြင်း၊ ဒါရိုက်တာ အဖွဲ့ဝင်အဖြစ် နိုင်ငံခြားသား ပါဝင်နေခြင်း၊ စီမံကိန်း ဖော်ဆောင်ချိန် စောလွန်းနေခြင်း၊ နယ်မှလုပ်သားများ ပြောင်းရွှေ့မှု ထပ်တိုးလာနိုင်ခြင်းနှင့် CCCC ကုမ္ပဏီက ချယ်လှယ်သွားနိုင်ခြင်း စသည့်စိုးရိမ်မှုများကို ဆွေနွေးခဲ့ကြသည်။

ရန်ကုန်မြို့သစ်စီမံကိန်းကို တင်ဒါခေါ်ယူရာတွင် Swiss Challenge နည်းဖြင့် လုပ်ဆောင်မည်ဖြစ်ပြီး တင်ဒါရွေးချယ်ခြင်း၊ ညှိနှိုင်းခြင်း၊ ထုတ်ပြန်ကြေညာခြင်းနှင့် တန်ပြန်တင်ဒါ ခေါ်ယူခြင်းဟူသော လုပ်ငန်းစဉ်ဖြင့် လုပ်ဆောင်မည်ဖြစ်သည်။

“အဲဒီလို Swiss Challenge နဲ့ လုပ်တော့ မနှောင့်နှေးတော့ဘူး။ တင်ဒါရထားတဲ့ ကုမ္ပဏီကို တန်ပြန်တင်ဒါတင်ပြီး ပြိုင်လို့ရမယ်။ ပိုကောင်းတဲ့ အစီအစဉ် ရှိရင်ရမယ်။ ဒါပေမဲ့ နည်းကတော့ ပြောင်းမသွားဘူး။ အရင် အကောင်အထည် ဖော်နေတဲ့ဟာကိုပဲ ဆက်လုပ်ရမယ်။ ပထမရထားတဲ့ ကုမ္ပဏီက ကုန်ကျစရိတ် ပြန်ရမယ်။ အဲဒီတော့ စီစဉ်ထားတဲ့အချိန် ပြီးတာပေါ့” ဟု ဦးသိမ်းဝေက ပြောကြားသည်။

NYDC ကို ရန်ကုန်တိုင်းဒေသကြီး အစိုးရမှ ရာနှုန်းပြည့် ပိုင်ဆိုင်ထားပြီး ရန်ကုန်မြို့ ကြည့်မြင်တိုင် အနောက်ဘက်ကမ်းရှိ ဧက ၂၀,၀၀၀ ခန့် မြေနေရာတွင် လုပ်ဆောင်နေခြင်းဖြစ်သည်။ အလုပ်အကိုင် နှစ်သန်းခန့် ဖန်းတီးပေးနိုင်ရန် ရည်ရွယ်ထားပြီး ရင်းနှီးမြှုပ်နှံမှု ခေါ်ရာတွင်လည်း အလုပ်အကိုင်များများ ပေးနိုင်သည့် လုပ်ငန်းများကို ဦးစားပေးမည်ဟု သိရသည်။

 

ရန်ကုန်မြို့သစ် စီမံကိန်းတွင် တရုတ် CCCC ကုမ္ပဏီက လုပ်ပိုင်ခွင့်ရသွားခြင်းမှာ ပွင့်လင်းမြင်သာမှု၊ မျှတမှု ရှိ မရှိ မေးခွန်းများကြုံနေရပြီး မြို့သစ်စီမံကိန်း၏ တိကျသေချာသော အချက်အလက်များရရှိရန် ဟောပြောပွဲကျင်းပမည်ဟု ဆို

ရန်ကုန်မြို့သစ် စီမံကိန်းတွင် တရုတ် CCCC ကုမ္ပဏီက လုပ်ပိုင်ခွင့်ရသွားခြင်းမှာ ပွင့်လင်းမြင်သာမှု၊ မျှတမှု ရှိ မရှိ မေးခွန်းများ ကြုံနေရပြီး မြို့သစ်စီမံကိန်း၏ တိကျသေချာသော အချက်အလက်များရရှိရန် NYDC ၏ ပထမအကြိမ်ဆွေးနွေးပွဲ NYDC Town Hall ကို ဇွန် ၂၃ ရက်တွင် ကျင်းပပေးမည်ဖြစ်ကြောင်း NYDC ၏ CEO ဦးသိမ်းဝေက ပြောကြားသည်။

“NYDC ကို စပြီးတည်ထောင်ခဲ့တဲ့ မတ်လကနေစပြီး ရန်ကုန်မြို့သစ်စီမံကိန်းနဲ့ ပတ်သက်ပြီး အများပြည်သူတို့ရဲ့ အမြင်များကို လူမှုကွန်ရက်နဲ့ မီဒီယာတွေကနေတစ်ဆင့် ကျွန်တော်တို့ ကြားသိရပါတယ်။ ဒီစီမံကိန်းကို လူအများက စိတ်ဝင်စားမှုရှိတာ တွေ့ရပြီး ထောက်ခံအားပေးတဲ့သူတွေ ရှိသလို ရန်ကုန်တိုင်းဒေသကြီးအစိုးရနဲ့ NYDC အပေါ် ဝေဖန်မှုများ ထွက်ပေါ်လာတာလည်း တွေ့ရှိခဲ့ရပါတယ်။ အဲဒီထဲကမှ အမေးများတဲ့ မေးခွန်းတွေကတော့ အစိုးရက စီးပွားရေးလုပ်ဖို့ လိုလို့လား၊ ဒီမြို့သစ်လို စီမံကိန်းမျိုးကို ၀န်ကြီးဌာန ဒါမှမဟုတ် ကော်မတီဖွဲ့ပြီး လုပ်လို့မရဘူးလား၊ ရန်ကုန်မြို့သစ်က အကျိုးအမြတ်မရှိဘဲ ပိုက်ဆံဖြုန်းတဲ့ စီမံကိန်းဖြစ်သွားမှာလား၊ ခုလက်ရှိ ရန်ကုန်မြို့ကိုဘဲ ပိုကောင်းလာအောင် ဘာလို့ မလုပ်တာလဲ၊ တင်ဒါခေါ်ယူရွေးချယ်ရေးမှာ ပွင့်လင်းမြင်သာမှု တရားမျှတမှု ရှိပါ့မလား၊ NYDC Challenge ရဲ့ ပထမအဆင့်ကို စပြီး လုပ်ဆောင်ဖို့ China Communications Construction Company Limited (CCCC) က လုပ်ပိုင်ခွင့် ရသွားတာကကော ပွင့်လင်းမြင်သာမှု၊ မျှတမှုရှိရဲ့လား အစရှိတဲ့ မေးခွန်းတွေပဲ ဖြစ်ပါတယ်” ဟု ဦးသိမ်းဝေက ဆိုသည်။

စီမံကိန်းတစ်ခု၊ ပန်းတိုင်တစ်ခု အကောင်အထည်ဖော်ရာတွင် အရေးအကြီးဆုံးမှာ စီမံကိန်းနှင့် သက်ဆိုင်သူများအားလုံးနှင့် ထိရောက်သည့် ဆက်သွယ်မှုကွန်ရက်ရှိဖို့လိုပြီး ထိုသို့ရှိမှသာ ဘက်ပေါင်းစုံအမြင်များကို သိရှိကာ အားလုံးလက်ခံနိုင်သည့် အနေအထားတစ်ခုကို ရရှိနိုင်မည်ဖြစ်ကြောင်း ဦးသိမ်းဝေက ပြောကြားသည်။

(တစ်ယောက်နဲ့တစ်ယောက် အမြင်မတူတာတွေကို အပြန်အလှန် လေးစားမှုနဲ့ နားထောင်ပြီး ညှိနှိုင်းလုပ်ဆောင်သွားနိုင်ရင် ပန်းတိုင်တစ်ခုကိုရောက်မှာ သေချာပါတယ်။

ရန်ကုန်မြို့သစ်လို လူထုအတွက် အရေးပါတဲ့စီမံကိန်းမျိုးမှာ ဘက်ပေါင်းစုံက အမြင်တွေကို ပွင့်လင်းမြင်သာစွာ ဆွေးနွေးပြီး အကျိုးရှိတဲ့ မူဝါဒတစ်ခု ချမှတ်နိုင်မယ်ဆိုရင် ပိုပြီးကောင်းမွန်တဲ့ ရလာဒ်တစ်ခု ထွက်ပေါ်လာမယ်လို့ ကျွန်တော် ယုံကြည်ပါတယ်။ ဒါကြောင့်မို့ ဒီရန်ကုန်မြို့သစ် စီမံကိန်းအပေါ်မှာရှိတဲ့ မတူညီတဲ့ အမြင်တွေ၊ အကြံပြုချက်တွေကို ဆွေးနွေးဖလှယ်နိုင်ဖို့ ဇွန် ၂၃ ရက်မှာ NYDC ရဲ့ ပထမအကြိမ်ဆွေးနွေးပွဲ (NYDC Town Hall) ကို ပြုလုပ်မှာ ဖြစ်ပါတယ်။ ဒီပွဲမှာ မြို့သစ်စီမံကိန်းနဲ့ပတ်သက်ပြီး ထွက်ပေါ်နေတဲ့ သတင်းမှားတွေ၊ ခန့်မှန်းချက်တွေအစား တိကျသေချာတဲ့ အချက်အလက်တွေ အများပြည်သူတွေ ရယူသွားနိုင်မယ်လို့လည်း ကျွန်တော်တို့ မျှော်လင့်ပါတယ်” ဟု ဦးသိမ်းဝေက ဆက်လက်ပြောကြားသည်။

NYDC Town Hall ဆွေးနွေးပွဲတွင် ဦးသိမ်းဝေအပါအ၀င် Sandhi Governance Institute မှ ဦးခိုင်ဝင်း၊ မန္တလေးမြို့တော် စည်ပင်သာယာရေးကော်မတီအဖွဲ့ဝင် ဦးရဲမြတ်သူ၊ The Voice Weekly ဂျာနယ်မှ မန်နေဂျင်းဒါရိုက်တာနှင့် ဒုတိယအယ်ဒီတာချုပ် ဦးဇေယျသူတို့ ဆွေးနွေးမည်ဖြစ်ပြီး Strategy First Institute တည်ထောင်သူ ဦးအောင်ချစ်ခင်က Moderator အဖြစ် ဆောင်ရွက်မည် ဖြစ်သည်။

“လူတိုင်းမှာ လုပ်ထုံးလုပ်နည်း၊ ဥပဒေရေးရာ၊ မူဝါဒ အစရှိတဲ့အချက်တွေအပေါ်မှာ အမြင်မတူနိုင်ဘဲ မိမိယုံကြည်ချက်အတိုင်း သဘောထားကွဲလွဲမှုတွေ အမြဲတမ်းရှိနေကြပါ။ ဒီလိုသဘောထား ကွဲလွဲမှုတွေကနေမှ အားလုံးလက်ခံနိုင်မယ့် အခြေခံအချက်တစ်ခု ရှာဖွေပြီး ကျွန်တော်တို့အားလုံးရဲ့ ပန်းတိုင်ဖြစ်တဲ့ နိုင်ငံသားများလူနေမှုဘ၀ တိုးတက်ရေးအတွက် ကြိုးစားလုပ်ဆောင်သွားရမှာ ဖြစ်ပါတယ်” ဟု ဦးသိမ်းဝေက ဆက်လက်ပြောကြားသည်။

ရန်ကုန်မြို့တွင် လူဦးရေ သိပ်သည်းလာသဖြင့် ဂျပန်နိုင်ငံ၏ ဗဟိုခွာစနစ်အရ မြို့စွန်များတွင် ပြည့်စုံသည့် လူနေထိုင်မှုကို ရည်ရွယ်၍ မြို့သစ်စီမံကိန်း အကောင်အထည်ဖော် ဆောင်ရွက်ခြင်းဖြစ်ကြောင်း မြို့တော်ဝန် ပြောကြား

ဇွန် ၆ ရက်က ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ဆဋ္ဌမပုံမှန် အစည်းအဝေးကို တွေ့ရစဉ်

ရန်ကုန်မြို့တွင် လူဦးရေ သိပ်သည်းလာသဖြင့် ဂျပန်နိုင်ငံ၏ ဗဟိုခွာစနစ်အရ မြို့စွန်များတွင် ပြည့်စုံသည့် လူနေထိုင်မှုကို ရည်ရွယ်၍ မြို့သစ်စီမံကိန်းကို အကောင်အထည်ဖော် ဆောင်ရွက်ခြင်း ဖြစ်ကြောင်း မြို့တော်ဝန် ဦးမောင်မောင်စိုးက ဇွန် ၆ ရက်က ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ဆဋ္ဌမပုံမှန်အစည်းအဝေး (၄၁ ရက်မြောက်နေ့) တွင် ပြောကြားသည်။

ရန်ကုန်မြို့ ဘက်စုံဖွံ့ဖြိုးမှု အခြေခံအချက်အလက်များ အဆိုပြုချက်နှင့် စပ်လျဉ်း၍ လွှတ်တော်ကိုယ်စားလှယ်များ၏ ဆွေးနွေးမှုအပေါ် ပြန်လည် ရှင်းလင်းရာတွင် မြို့တော်ဝန် ဦးမောင်မောင်စိုးက ထည့်သွင်း ပြောကြားခဲ့ခြင်း ဖြစ်သည်။

“ဂျပန်ရဲ့ ဗဟိုခွာတဲ့စနစ်က လူတွေ ရန်ကုန်မြို့လယ်မှာ လာမစုဘဲနဲ့ သူတို့ရဲ့ မြို့ပြင်မှာရှိတဲ့ Distribution System ကို သွားပါတယ်။ System နှစ်ခုကို ကျွန်တော်တို့က မသိမသာ ချိန်းတာပါ။ တစ်နည်းအားဖြင့် Allocation System နဲ့ပဲ နိစ္စဓူဝ ရုံးဆင်းရုံးတက် ရန်ကုန် လာတယ်။ နောက်ပြီးတော့ မြို့စွန်ပြန်မယ် ဆိုလို့ရှိရင် မဖြစ်ဘဲနဲ့ မြို့စွန်မှာပဲ လုံးဝပြီးပြည့်စုံတဲ့ လူနေထိုင်မှုဟာကို ရည်ရွယ်ပြီးတော့ ၂၀၄၀ မှာ ရေးဆွဲထားပါတယ်” ဟု မြို့တော်ဝန် ဦးမောင်မောင်စိုးက ပြောကြားသည်။

ထို့ပြင် ရန်ကုန်မြို့ကို အင်္ဂလိပ်လက်ထက်တွင် ဗဟိုစုသည့် အစီအစဉ်ဖြင့် တည်ဆောက်ခဲ့ကြောင်း၊ ရန်ကုန်မြို့ ဖွံ့ဖြိုးတိုးတက်ပြီး နေချင်စဖွယ် ဖြစ်လာချိန်တွင်လူဦးရေ သိပ်သည်းလာကြောင်း၊ အင်္ဂလိပ်စနစ်တွင် ရန်ကုန်မြို့ကို လူဦးရေ ၄၀၀၀၀ ဖြင့် တွက်ချက်ခဲ့ခြင်းဖြစ်ပြီး လက်ရှိတွင် လူဦးရေ ခုနစ်သန်းနီးပါး ဖြစ်လာသည့်အတွက်ကြောင့် ဗဟိုခွာစနစ်ကို သွားခြင်းဖြစ်ကြောင်း ၎င်းကပြောကြားသည်။

အနောက်တောင် မြို့သစ်စီမံကိန်းကို ဦးစားပေး ဆောင်ရွက်ရာတွင် အချက်အလက် ငါးခုဖြင့် တင်ပြခဲ့ကြောင်း၊ အနောက်တောင် မြို့သစ်နေရာမှာ ရန်ကုန်မြို့၏ စီးပွားရေးဇုန်နှင့် အလွန်နီးကပ်စွာ တည်ရှိနေပြီး မိနစ် ၂၀ အတွင်း သွားလာသည့် နေရာဖြစ်ကြောင်း၊ စီမံကိန်း ဧရိယာသည် မြို့တွင်းပတ်လမ်း တည်နေရာတွင် တည်ရှိသည့်အတွက် ရန်ကုန်မြို့ကို Compass City ထား၍ ပတ်လမ်းမှတစ်ဆင့် လေဆိပ်များ၊ ဆိပ်ကမ်းများ၊ အဝေးပြေး ကားဂိတ်များ သွားလာနိုင်သည့် Logestic Part တစ်ခုလည်း ဆွဲနိုင်ကြောင်း၊ ဆောက်လုပ်ရေးဝန်ကြီးဌာနက ဒလမြစ်ကူးတံတားကို စတင် အကောင်အထည်ဖော်နေပြီ ဖြစ်သည့်အတွက် ဒလမြို့နှင့် အနောက်တောင်ဘက်ကိုလည်း တစ်ပြိုင်တည်း ဖွံ့ဖြိုးလာရန် လိုအပ်ကြောင်း၊ အစိုးရသစ် တာဝန်ယူသည့်အချိန်တွင် ရန်ကုန်မြို့ အနာဂတ်၏ ပုံရိပ်ကို ရန်ကုန်တိုင်းဒေသကြီးသာမက အနီးဝန်းကျင် အခြားတိုင်းဒေသကြီးများ၏ ဖွဲ့စည်းပုံ၊ စီမံချက်များနှင့် ချိတ်ဆက်ရန် စဉ်းစား၍ ကာလရှည်အနေဖြင့် သုံးသပ်ပြီး လျာထားခဲ့ကြောင်း မြို့တော်ဝန်က ပြောကြားသည်။

ထို့နောက် ဒဂုံမြို့နယ် မဲဆန္ဒနယ်အမှတ် (၂) လွှတ်တော်ကိုယ်စားလှယ် ဦးကျော်ဇေယျက “ရန်ကုန်မြို့ပြဖွံ့ဖြိုးမှု အခြေခံ အချက်အလက်များနဲ့ အဆိုပြုချက်များမှာ ပညာရှင်များက အဆိုပြုထားပါတယ်။ အရှေ့မြောက်က လေးထောင့်ကန်ကို ဦးစားပေးထားပါတယ်။ သို့သော်လည်း အခု အကောင်အထည် ဖော်တဲ့အခါမှာ အရှေ့မြောက်ရဲ့ပြောင်းပြန် အနောက်တောင်ဘက် ကြည့်မြင်တိုင် တစ်ဖက်ကမ်းမှာ သွားဖော်တယ်။ ဒါကိုပဲ ကျွန်တော် သိချင်ပါတယ်။ အနောက်တောင်ဟာ မြေလည်း ပျော့တယ်။ ပင်လယ်ရေမျက်နှာပြင် အောက်လည်း ရောက်တယ်။ အနောက်တောင်က မုန်တိုင်းလေကြော သင့်တယ်။ အရှေ့မြောက်ကို ပညာရှင်များက အဆိုပြုထားတယ်။ ပြောင်းပြန် အနောက်တောင်ကို အကောင်အထည်ဖော်နေတယ်။ ရန်ကုန်တိုင်းဒေသကြီး အစိုးရအဖွဲ့က အဲဒါလေးကို ရှင်းလင်းစေချင်ပါတယ်” ဟု မေးမြန်းခဲ့သည်။

အဆိုပါ မေးမြန်းမှုအား မြို့တော်ဝန်က “နိုင်ငံတိုင်း နိုင်ငံတိုင်းမှာကြည့်ရင် ပင်လယ်နားနီးတဲ့ နေရာတွေမှာ Development လုပ်ပါတယ်။ လေဆိပ်လုပ်ရင်လည်း ဒီကသွားတယ်။ သယ်ယူပို့ဆောင်ရေးက ပင်လယ်ရေလမ်းကြောင်းက သွားတယ်။ အဲဒီတော့ Infrastructure မှာ နှစ်မျိုး ရှိပါတယ်။ Domastic Infrastructure အနေနဲ့ လမ်းတွေ၊ တံတားတွေ ကောင်းအောင်လုပ်ပေမဲ့ တချို့ဥစ္စာတွေမှာ International Infrastructure အနေနဲ့ Connection အရ ဥပမာအားဖြင့် ဟောင်ကောင်ပဲ ကြည့်ကြည့်၊ ဂျပန်ပဲ ကြည့်ကြည့်၊ ကိုရီးယားပဲ ကြည့်ကြည့် လေယာဉ်ကဆင်းရင် ပင်လယ်ပြင်နားက ဆင်းရပါတယ်။ မတတ်သာတဲ့ ကုန်းတွင်းနိုင်ငံတွေသာ လုပ်ကြတာပါ။ ပြည်ပနဲ့ ဆက်ဆက်ပြီးတော့ တိုင်းပြည်အတွက် တိုးတက်ဖို့ဆိုရင်တော့ ကုန်းတွင်းပိုင်းကို ရွေးလို့မရဘူး။ အတွင်းကို မလုပ်ဘူးလို့ပြောတာ မဟုတ်ဘူး။ အပြင်ရော၊ အတွင်းရော တစ်ပြိုင်တည်းလုပ်မှ တိုးတက်မှာပါ”ဟု ပြန်လည်ဖြေကြားသည်။

ရန်ကုန်မြို့ ဘက်စုံဖွံ့ဖြိုးမှု အခြေခံအချက်အလက်များ အဆိုပြုချက်ကို လွှတ်တော် အစည်းအဝေး (၂၄ ရက်မြောက်နေ့) တွင် ရန်ကုန်တိုင်းဒေသကြီး အစိုးရအဖွဲ့၊ စီမံကိန်း နှင့် ဘဏ္ဍာရေးဝန်ကြီး ဦးမြင့်သောင်းက လွှတ်တော်သို့တင်ပြခဲ့ပြီး လွှတ်တော်ကိုယ်စားလှယ် လေးဦးက ဆွေးနွေးကာ ထိုအစည်းအဝေးတွင် ယင်းအဆိုပြုချက်အား လွှတ်တော်က မှတ်တမ်းတင်ခဲ့ကြောင်း ကြေညာခဲ့သည်။

ရန်ကုန်မြို့ကြီးကို ပြိုင်ဆိုင်ရန် ရန်ကုန်မြို့သစ် တည်ဆောက်ခြင်းမဟုတ်ဘဲ အများပြည်သူအတွက် တန်ဖိုးသင့်အိမ်ရာများ ဆောက်လုပ်ရန် အာရုံစိုက်မည်ဟု ဦးသိမ်းဝေ ပြောကြား

လက်ရှိ ရန်ကုန်မြို့ကြီးကို ပြိုင်ဆိုင်ရန် ရန်ကုန်မြို့သစ် တည်ဆောက်ခြင်းမဟုတ်ဘဲ အများပြည်သူအတွက် တန်ဖိုးသင့်အိမ်ရာများ ဆောက်လုပ်ရန် အာရုံစိုက်သွားမည်ဟု NYDC ၏ CEO ဦးသိမ်းဝေ (ခ) Mr.Serge Pun က ပြောကြားသည်။

“ရန်ကုန်မြို့သစ်ကို တည်ဆောက်ရာမှာ ကွန်ဒိုမီနီယံတွေ၊ ဟိုတယ်ကြီးတွေ၊ ကုန်တိုက်ကြီးတွေ ပိုမိုဆောက်လုပ်ပြီး ရန်ကုန်မြို့ကြီးကို ပြိုင်ဆိုင်ဖို့ ရည်ရွယ်တာမဟုတ်ပါဘူး။ ဒါတွေက အခုအချိန်မှာ ရန်ကုန်မြို့တွင်းမှာတင် လုံလုံလောက်လောက် ဆောက်လုပ်ထားရှိပြီး လိုအပ်တာထက်တောင် ပိုလျှံနေပြီဖြစ်လို့ ထပ်မံဖြည့်စွက်ပေးဖို့ လတ်တလောမှာ အစီအစဉ်မရှိပါဘူး။ ကျွန်တော်တို့ အာရုံစိုက်ရမှာက ကိုယ်ပိုင်အိမ်မရှိတဲ့ အများပြည်သူတွေအတွက် သူတို့တတ်နိုင်မယ့် တန်ဖိုးသင့်အိမ်ရာတွေ ဆောက်လုပ်ဖြည့်ဆည်းပေးရမှာဖြစ်ပြီး ၀င်ငွေရရှိနိုင်မယ့် အလုပ်အကိုင် အခွင့်အလမ်းအသစ်များကို ဖန်တီးပေးရမှာ ဖြစ်ပါတယ်” ဟု ဦးသိမ်းဝေက ဆိုသည်။

ရန်ကုန်မြို့သစ် အကောင်အထည်ပေါ်လာပြီး လိုအပ်ချက်များ များပြားလာသည်နှင့်အမျှ အဆင့်မြင့်ကုန်တိုက်ကြီးများ၊ ကွန်ဒိုမီနီယံကြီးများ တဖြည်းဖြည်းပေါ်ပေါက်လာမည်ဖြစ်ပြီး ရန်ကုန်မြို့သစ်၏ အောင်မြင်မှုမှာ စက်မှုကဏ္ဍနှင့် ကုန်ထုတ်လုပ်မှုကဏ္ဍများတွင် အများကြီးမူတည်နေပြီး အဆိုပါကဏ္ဍများ၏ အောင်မြင်မှုမှာလည်း စီးပွားရေးလုပ်ငန်းများ ရေရှည်ရပ်တည်နိုင်မည့် မူဝါဒများရှိရန် လိုအပ်မည်ဖြစ်ကြောင်း ဦးသိမ်းဝေက ဆက်လက်ပြောကြားသည်။

လက်ရှိ ရန်ကုန်မြို့ကြီးကို နောင်တစ်ချိန်တွင် ကမ္ဘာပေါ်၌ နေထိုင်၍ အဆင်ပြေကောင်းမွန်သည့် မြို့များစာရင်း အကောင်းဆုံး ၁၀ မြို့၌ ပါဝင်လာနိုင်ရန် မျှော်လင့်ထားသည်ဟု ဦးသိမ်းဝေက ဆိုသည်။

“ကမ္ဘာပေါ်မှာရှိတဲ့ မြို့ပေါင်း ၁၄၀ ရဲ့ မြို့ပြလူနေမှုစနစ် မြင့်မားမှုကို တိုင်းတာစာရင်းပြုစုထားတဲ့ ကမ္ဘာပေါ်မှာ နေလို့အဆင်ပြေ အကောင်းမွန်ဆုံးမြို့များဆိုတဲ့ အဆင့်သတ်မှတ်ချက်ကို The Economist Intelligence Unit အဖွဲ့က နှစ်စဉ်ထုတ်ပြန်ပါတယ်။ ဒီမြို့တွေကို တည်ငြိမ်မှု၊ ကျန်းမာရေး၊ ယဉ်ကျေးမှုနဲ့ ပတ်ဝန်းကျင်အနေအထား၊ ပညာရေး၊ အခြေခံအဆောက်အအုံ အစရှိတဲ့အချက်ငါးချက်ပေါ် မူတည်ပြီး အမှတ်ပေးအဆင့် ခွဲခြားသတ်မှတ်ထားပါတယ်။ ရန်ကုန်မြို့ဟာ နောင်တစ်ချိန်မှာ ဒီစာရင်းရဲ့ အကောင်းဆုံးမြို့ ၁၀ မြို့မှာ ပါဝင်လာနိုင်ဖို့ကတော့ ကျွန်တော်တို့အားလုံးရဲ့ မျှော်လင့်ချက်ပဲဖြစ်ပါတယ်” ဟု ဦးသိမ်းဝေက ဆက်လက်ပြောကြားသည်။

လက်ရှိ ရန်ကုန်မြို့တွင် လူဦးရေ ခုနစ်သန်းကျော် မှီတင်းနေထိုင်ကြပြီး ရန်ကုန်မြို့တော်၏ ဂျီဒီပီမှာ တစ်နိုင်ငံလုံး ဂျီဒီပီ၏ ၂၆ ရာခိုင်နှုန်းကို ကိုယ်စားပြုပြီး ငွေပမာဏအားဖြင့် ငွေကျပ် ၁၉ ဒသမ ၃ ထရီလျံ ထုတ်လုပ်ပေးနိုင်သဖြင့် နိုင်ငံ့စီးပွားရေး၏ အသက်သွေးကြောတစ်ခုအဖြစ် တည်ရှိနေသည်။

တရားဝင် ခွင့်ပြုမထားပေမယ့် တွင်ကျယ်နေတဲ့ အနှိပ်ခန်း၊ မြို့ပြကြွက်ပြဿနာနဲ့ CCCC ရဲ့ ရန်ကုန်မြို့သစ် စီမံကိန်း

ရန်ကုန်မြို့ မြို့စွန်တစ်ခုရှိ အမှိုက်ပုံကြီးကို မြင်ရစဉ်

၁၂ ရက်ကြာအောင် ငြှိမ်းသတ်ခဲ့ရတဲ့ လှိုင်သာယာမြို့နယ်က ထိန်ပင်အမှိုက်ပုံမီးလောင်ကျွမ်းမှုနဲ့ ပိုမိုပူပြင်းလာတဲ့ ရာသီဥတု အခြေအနေကြောင့် မြန်မာနိုင်ငံတစ်ဝန်းက အမှိုက်ပုံတွေ မီးဆက်လက်လောင်ကျွမ်းနိုင်မလားဆိုတာနဲ့ တကယ်လို့များ မီးလောင်ရင် ဘယ်လိုကြိုတင် ပြင်ဆင်ထားသလဲဆိုတာ မေးခွန်းထုတ်စရာတွေ ရှိလာခဲ့တဲ့ ဒီရက်သတ္တပတ်မှာ အစ္စလာမ္မစ်ပူးပေါင်း ဆောင်ရွက်ရေးအဖွဲ့ (OIC) က ဘင်္ဂါလီဒုက္ခသည်စခန်းတွေဆီ သွားရောက်ခဲ့တာကြောင့် မြန်မာနိုင်ငံအပေါ် ဘယ်လိုထပ်ဆင့်စွပ်စွဲချက်တွေ ရောက်လာဦးမလဲဆိုတာကိုလည်း စိတ်ပူပန်စရာတွေ ရှိခဲ့ပါတယ်။

တစ်ဖက်မှာဆိုရင်လည်း တိုက်ပွဲတွေအကြား ပိတ်မိနေတယ်ဆိုတဲ့ ကချင်တိုင်းရင်းသားတွေရဲ့ အခက်အခဲတွေအကြားမှာ မြန်မာ့ပဲအတွက် အဓိကအားထားရာ အိန္ဒိယက ပဲစဉ်းငုံတန်ချိန်နှစ်သိန်း တင်သွင်းခွင့်ပေးဖို့ တောင်းဆိုမှုကို အကြောင်းမပြန်ခဲ့တဲ့အပြင် သူတို့ပြန်လည်တင်သွင်းဖို့ ဆုံးဖြတ်ထားတဲ့ ပမာဏကလည်း မြန်မာ့ပဲအတွက် မက်လောက်စရာ အခြေအနေ မဟုတ်တာကြောင့် မြန်မာက Quota ရလည်း ပဲတင်ပို့နိုင်မှုအတွက် အခြေအနေကောင်းမယ်လို့ မှတ်ယူမရတဲ့အခြေအနေမှာ ဈေးကွက်ကို မစူးစမ်းဘဲ စိုက်ပျိုးမိရင် စိုက်ပျိုးသူတွေ နစ်နာနိုင်မလားဆိုတဲ့ အခြေအနေတစ်ရပ်အတွက်တော့ တာဝန်ရှိဝန်ကြီးဌာနတွေက နှုတ်ဆိတ်နေကြတာကိုလည်း စိတ်မသက်သာစရာအဖြစ် တွေ့မြင်နေရပါတယ်။

ရေရှည်ဖြေရှင်းရတော့မယ့် ရခိုင်ပဋိပက္ခဘက်က ကြည့်မယ်ဆိုရင်လည်း ကုလသမဂ္ဂလုံခြုံရေးကောင်စီ အထူးကိုယ်စားလှယ်တွေက ရခိုင်ပြည်နယ်မြောက်ပိုင်း မောင်တောနယ်စပ်က ပြန်လည်လက်ခံရေးစခန်းတွေဆီ သွားရောက်လေ့လာပြီး နေရပ်စွန့်ခွာမှုမရှိတဲ့ ဘင်္ဂါလီကျေးရွာသားတွေ၊ ဟိန္ဒူဘာသာဝင်တွေနဲ့ တိုင်းရင်းသားတွေကို တွေ့ဆုံခဲ့သလို မြန်မာအစိုးရတာဝန်ရှိသူတွေကို ဆက်ဆံခဲ့ပုံတွေကလည်း အချုပ်အခြာအာဏာပိုင်တဲ့နိုင်ငံဖြစ်တဲ့ မြန်မာနိုင်ငံက ပြည်သူတွေ အတွက်တော့ မချိတင်ကဲတွေ ဖြစ်ခဲ့ရပါတယ်။

ဘက်စုံဖိနှိပ်မှုတွေနဲ့ ရင်ဆိုင်နေရတဲ့ မြန်မာနိုင်ငံအတွက် တစ်ဖက်မှာ ၀န်ထမ်းလစာတိုးအပြီး လှုပ်ခတ်လာတဲ့ ကုန်ဈေးနှုန်းဒဏ်ကြောင့် စိုးရိမ်စရာတွေ မပြေပျောက်နိုင်သေးတဲ့ ဒီရက်သတ္တပတ်မှာ စီးပွားရေးသုံးသပ်ချက်အဖြစ် တရားဝင်ခွင့်ပြုမထားပေမယ့် တွင်ကျယ်နေတဲ့ အနှိပ်ခန်းတွေအကြောင်း၊ ရန်ကုန်မြို့ပြရဲ့ ကြွက်ပြဿနာနဲ့ ရန်ကုန်မြို့သစ်ကြီးကို အခုပဲစပြီး ဆောက်တော့မလို ပြောနေပေမယ့် အခုထိတောင် CCCC မှာ ဘာ Plan မှ ရှိမနေတာကို သိခဲ့ကြတဲ့အကြောင်းတွေကို တင်ပြချင်ပါတယ်။

တရားဝင် ခွင့်ပြုမထားပေမယ့် တွင်ကျယ်နေတဲ့ အနှိပ်ခန်းမျိုးစုံ

“KTV လုပ်ငန်းတွေကို ရန်ကုန်တိုင်းဒေသကြီး၊ ဗီဒီယိုလုပ်ငန်း စိစစ်ရေးကြီးကြပ်မှုကော်မတီက နေပြီးတော့ ခွင့်ပြုပေးလျက် ရှိပါတယ်။ ရန်ကုန်မြို့တော် စည်ပင်သာယာရေးကော်မတီ အနေနဲ့ကတော့ Foot Massage, Oil Massage, Body Massage အချို့နေရာတွေမှာ အနှိပ်ခန်းတွေ ဖွင့်လှစ်ထားတာကို လုပ်ငန်းလိုင်စင်နဲ့ တရားဝင် ခွင့်ပြုပေးခြင်းမရှိပါဘူး။ ကျွန်တော်တို့ ဆံပင်ညှပ်နဲ့ မျက်နှာအလှပြင်ဆိုင်များ၊ ကျန်းမာရေးနဲ့ ခြေထောက်ဆေးစိမ်လုပ်ငန်းများ၊ မျက်မမြင်အကြောပြင်လုပ်ငန်းတွေကိုသာ ခွင့်ပြုပေးခြင်း ဖြစ်ပါတယ်” လို့ ရန်ကုန်တိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက မေ ၂ ရက်မှာ ပြောကြားခဲ့ပါတယ်။

ဦးမြင့်သောင်းက ဒီလိုပြောကြားပေမယ့် လက်တွေ့မှာတော့ လုပ်ငန်းလိုင်စင်နဲ့ တရားဝင်ခွင့်ပြုမထားတဲ့ Foot Massage, Oil Massage, Body Massage တွေက တရားဝင် ခွင့်ပြုပေးထားတယ်ဆိုတဲ့ ကျန်းမာရေးနဲ့ ခြေထောက်ဆေးစိမ် လုပ်ငန်းတွေ မျက်မမြင်အကြောပြင် လုပ်ငန်းတွေထက် ဆယ်ဆလောက် များပြားနေတာကို တွေ့မြင်ရမှာ ဖြစ်ပါတယ်။

ဟိုတယ်တိုင်းလိုလိုမှာ ရှိနေတဲ့ Oil Massage, Body Massage တွေက ဈေးနှုန်းအနေနဲ့ဆိုရင်လည်း တစ်နာရီလောက်ကို အနည်းဆုံး ကျပ် နှစ်သောင်းကနေစပြီး တရုတ်နိုင်ငံသားတွေလာပြီးတော့ ဖွင့်လှစ်ထားတဲ့ Oil Massage, Body Massage တွေဆို တစ်နာရီကို တစ်သိန်းအထက် ရှိနေတယ်ဆိုတဲ့ အခြေအနေတွေကိုလည်း တွေ့မြင်နေရပါတယ်။ အစိုးရက လိုင်စင်အနေနဲ့လည်း ခွင့်ပြုမှုမရှိဘူး။ ပေါများလွန်းလှတဲ့ အနှိပ်ခန်းတွေ Oil Massage, Body Massage တွေကို ထိန်းကျောင်းမှုလည်း မရှိဘူးဆို တိုင်းပြည်က ဘာနစ်နာနေသလဲ တွေးကြည့်ဖို့ လိုအပ်လာပါတယ်။ အကြမ်းအားဖြင့်ဆိုရင် အခွန်အခတွေ နစ်နာပါတယ်။ ဒုတိယမှာဆိုရင် ဒီလိုအနှိပ်ခန်းတွေ Oil Massage, Body Massage တွေဟာ နားလည်မှုတွေနဲ့ ဖွင့်နေတာဖြစ်လို့ တာဝန်ရှိသူတွေအကြားမှာ လာဘ်ပေးလာဘ်ယူ အလေ့အထကို တွင်ကျယ်စေပါတယ်။ တတိယအဆင့်မှာဆို ဒီလိုအနှိပ်ခန်းတွေ၊ Oil Massage, Body Massage တွေဟာ နွမ်းပါးတဲ့ မြန်မာအမျိုးသမီးငယ်တွေကို ခေါင်းပုံဖြတ်မှုတွေ၊ အကျင့်စာရိတ္တ ပျက်ပြားစေနိုင်မှုတွေကိုပဲ ဦးတည်နေပါတယ်။ တရားဝင် ထိန်းချုပ်မှုလည်း မရှိ၊ ခွင့်ပြုမှုလည်း မရှိဘဲ တရားမ၀င် ရပ်တည်နေတဲ့ အနှိပ်ခန်းတွေ Oil Massage, Body Massage တွေကို လျစ်လျူရှုထားတာဟာ မှန်ကန်တဲ့လုပ်ရပ်လားဆိုတာကိုတော့ တာဝန်ရှိသူတွေရဲ့ တိုင်းပြည်အပေါ်ထားတဲ့ စေတနာတွေကပဲ မှတ်ကျောက်တင်သွားမှာ ဖြစ်ပါတယ်။

မြို့ပြကြွက်ပြဿနာ

“အဓိကတော့ ကြွက်နဲ့ အမှိုက်နဲ့ ဆက်စပ်နေတာပါ။ အမှိုက်နဲ့ ဆက်စပ်ပြန်တော့ လူတွေရဲ့စည်းကမ်း၊ အမှိုက်ရယ် ကြွက်ရယ်က ဆက်စပ်နေတာပါ။ လူတွေက စည်းကမ်းမရှိဘူး။ အမှိုက်စွန့်ပစ်မှုကလည်း စည်းကမ်းမရှိဘူး။ အဲဒီအပေါ်မူတည်ပြီးတော့ ကြွက်ကလည်း ပွားတယ်။ စည်းကမ်းတကျ စွန့်ပစ်အောင်ထားပါတယ်။ စည်းကမ်းမဲ့ ရောင်းခြင်းထက် စည်းကမ်းမဲ့ စားသောက်ခြင်းဟာ ပိုပြီးတော့ အရေးကြီးတာကို သွားတွေ့ပါတယ်။ ရောင်းတာကတော့ ရောင်းမှာပဲ။ မရောင်းရင်လည်း လူတွေက အထုပ်ပိုက်ပြီးတော့ ကန်ပေါင်ပေါ်မှာ နှစ်ကိုယ်တူ ကြည်ဖြူပြီးတော့ပြီးလို့ရှိရင် ရှိတဲ့အစာစွန့်ပစ်ခဲ့တာပဲ။ အထူးသဖြင့် မြန်မာပလာဇာဘက်မှာ ပိုများပါတယ်။ စည်းကမ်းပိုင်းအရ စားပါ။ သို့သော်လည်း မစားရဘူး။ မလုပ်ရဘူး။ လုပ်ရင် ဒဏ်တပ်မယ်ဆိုတာထက်စားပါ။ လုပ်ပါ။ ဒဏ်တပ်မခံရအောင်လည်း စောစာက ပြောသလိုပေါ့။ ခွေးမွေးမယ်ဆိုရင်တောင် ကိုယ့်ခွေးရဲ့မစင်ကအစ တာဝန်ယူနိုင်တဲ့အဆင့်မျိုးရှိမှ တိုင်းပြည်ကတိုးတက်မှာ။ မလုပ်လို့ မတိုးတက်တာပါ” လို့ ရန်ကုန်မြို့တော်ဝန် ဦးမောင်မောင်စိုးက မေ ၄ ရက်မှာ ပြောခဲ့ပါတယ်။

ရန်ကုန်မြို့တော်ဝန် ဦးမောင်မောင်စိုးက ကြွက်တွေပေါများနေတာက လူတွေ စည်းကမ်းမရှိလို့ဆိုပြီး ပြောသွားတဲ့အခြေအနေမှာ ရန်ကုန်တိုင်းလွှတ်တော်ကိုယ်စားလှယ် ဦးနေဘုန်းလတ်က ဦးမောင်မောင်စိုးရဲ့ ပြောကြားချက်တွေအပေါ် နည်းနည်းလေးတော့ လွဲနေတယ်ဆိုပြီး လူမှုကွန်ရက်ကနေတစ်ဆင့် တုံ့ပြန်ခဲ့ပါတယ်။ ဦးမောင်မောင်စိုးရဲ့ လူတွေစည်းကမ်းမဲ့လို့ဆိုတဲ့ အပြောအဆိုဟာ လူမှုကွန်ရက်မှာ ဝေဖန်မှုမြင့်တက်ခဲ့သလို ဘာဖြစ်ဖြစ် ပြည်သူတွေမှာပဲ တာဝန်ရှိနေတာ၊ ၀န်ဆောင်ခရယူနေတဲ့ စည်ပင်မှာ တာဝန်မရှိဖြစ်နေတာဟာ အစိုးရနေရာရောက်သွားသူတွေတိုင်းရဲ့ မပြောင်းလဲနိုင်တဲ့ Mindset တွေလို့ပဲ ဆိုရတော့မှာဖြစ်ပြီး တိုင်းပြည် ဘာဖြစ်ဖြစ်တာဝန်ရှိနေတဲ့ ပြည်သူတွေအနေနဲ့လည်း တိုင်းပြည် ဘာဖြစ်ဖြစ် တာဝန်ယူပေးတတ်တဲ့ အစိုးရကောင်းတွေနဲ့ များများကြုံနိုင်ကြပါစေလို့ ဆုတောင်းပေးချင်ပါတယ်။

ရန်ကုန်မြို့သစ်အတွက် ဘာ Plan မှ မရှိသေးတဲ့ CCCC

ရန်ကုန်မြို့သစ်ကြီးကို အခုချက်ချင်းပဲ ထဆောက်တော့မလို ပြောဆိုဆွေးနွေးနေကြပေမယ့် တကယ့်လက်တွေ့မှာတော့ ရန်ကုန်မြို့သစ်စီမံကိန်းဟာ ဘာ Plan မှ လက်တွေ့ရှိမနေတာကို တွေ့မြင်နေရပါတယ်။

China Communications Construction Company (CCCC) က ရေးဆွဲမယ့် ရန်ကုန်မြို့သစ် စီမံကိန်းအကြိုအဆိုပြုလွှာမှာ နည်းပညာ အချက်အလက်တွေ၊ ဘဏ္ဍာရေးအဆိုပြုချက်နဲ့ စီးပွားရေးလုပ်ငန်းပုံစံတွေ ပါဝင်မှာဖြစ်ပြီး NYDC က သဘောတူလက်ခံပြီးရင် အများပြည်သူသိရှိဖို့ ချပြမယ်လို့ ရန်ကုန်မြို့သစ်စီမံကိန်းကို အကောင်အထည်ဖော်ဆောင်ရွက်မယ့် New Yangon Development Co.,Ltd (NYDC) ရဲ့ ဒုတိယ ဥက္ကဋ္ဌနှင့် အမှုဆောင်အရာရှိချုပ် (CEO) ဦးသိမ်းဝေ (Mr. Serge Pun) က CCCC နဲ့ NYDC တို့ စီမံကိန်းအကြို အဆိုပြုလွှာ (Pre-Project Documents-PPD) ကို ပြင်ဆင်တင်သွင်းဖို့ မူဘောင်သဘောတူညီချက် (Framework Agreement) ကို လက်မှတ်ရေးထိုးစဉ်မှာ ပြောခဲ့ပါတယ်။

“ဒီနေရာမှာ ကျွန်တော် တစ်ခုရှင်းအောင် ပြောချင်တာကတော့ Framework Agreement လက်မှတ်ရေးထိုးတာက CCCC ကို အခြေခံအဆောက်အအုံတွေ ဆောက်လုပ်ခွင့်ပေးလိုက်တာ မဟုတ်ပါဘူး။ CCCC က စီမံကိန်းအကြို အဆိုပြုလွှာကို ပြင်ဆင်ပြီး NYDC ကလည်း သဘောတူ လက်ခံပြီးပြီဆိုရင်တော့ ဒီ PPD ကို အများပြည်သူကို ချပြမှာဖြစ်ပါတယ်။ ဒီအချိန်မှာ ဒီအဆိုပြုလွှာထက် ပိုကောင်းအောင် တင်ပြနိုင်သူ ဘယ်သူမဆို ပါဝင်ယှဉ်ပြိုင်လို့ ရပါတယ်။ ဒါပေမဲ့ မူလသဘောတူညီချက်မှာပါတဲ့ သတ်မှတ်ချက်နဲ့ ကန့်သတ်ချက်တွေကိုတော့ အတိအကျ လိုက်နာရမှာ ဖြစ်ပါတယ်။ ဒါမှလည်း ကျွန်တော်တို့ ပန်းသီးနှစ်လုံး ဘယ်အလုံးပိုကောင်းလဲဆိုတာ ယှဉ်ကြည့်သလို ကြည့်လို့ရမှာပါ” လို့ ဦးသိမ်းဝေက ဆိုပါတယ်။

ဒီလို လက်မှတ်ရေးထိုးမှုမှာ CCCC ဟာ သူတို့တင်ပြတဲ့ PPD ကို အခြားကုမ္ပဏီတစ်ခုက ပိုကောင်းတာ တင်ပြလာရင်လည်း ပြန်ယှဉ်ပြိုင်ရမှာဖြစ်သလို လက်လွှတ်ချင်လည်း လက်လွှတ်နိုင်မှာ ဖြစ်ပါတယ်။ ရန်ကုန်မြို့သစ်ကြီးကို အခုပဲထပြီး တည်တော့မလို ပြောနေချိန်မှာ စီမံကိန်းအဆိုပြုလွှာတောင် အခုမှထဆွဲမယ်ဆိုတဲ့ အခြေအနေဟာ မြေပြင်အခြေအနေကို ကြည့်မယ်ဆိုရင်လည်း လက်ရှိမြို့သစ်စီမံကိန်းနေရာဟာ အစိုးရအဆက်ဆက် မြို့သစ်တည်ဆောက်ခဲ့ချိန်မှာ ဘယ်လိုမှမဖြစ်နိုင်လို့ ချန်ခဲ့တဲ့နေရာဖြစ်နေခြင်းကလည်း ဒီစီမံကိန်းဟာ ငွေကုန်ကြေးကျများလွန်းမှာကို ညွှန်ပြနေပါတယ်။

ရေနက်ဆိပ်ကမ်း ဖြစ်လာနိုင်တယ်ဆိုတဲ့ အိပ်မက်ရှိနေရင် ဒီရန်ကုန်မြို့သစ်စီမံကိန်းဟာ လက်လွှတ်ဖို့သင့်တော်ပြီး ပြည်သူတွေအတွက် အိမ်ရာလိုအပ်ချက် ဖြည့်ဆည်းဖို့ဆိုရင်လည်း လမ်းပန်းဆက်သွယ်မှုနဲ့ အခြေခံအဆောက်အအုံ မရှိတာကြောင့် မလုပ်ဆောင်သင့်တဲ့ အခြေအနေဖြစ်သလို အများစုက ကန့်ကွက်နေပေမယ့် ဒီနေရာမှာပဲ စီမံကိန်း လုပ်ချင်နေတာဟာ ဘာကြောင့်လဲဆိုတာကို ရန်ကုန်တိုင်းဒေသကြီး အစိုးရအဖွဲ့အနေနဲ့ ပြည်သူတွေကို ဘယ်တော့များမှ ရှင်းပြမလဲဆိုတာ မေးခွန်းထုတ်ရင်းနဲ့ ဒီတစ်ပတ်ရဲ့ စီးပွားရေးသုံးသပ်ချက်ကို ရပ်နားလိုက်ပါတယ်။

သမ္မတသစ်ရဲ့ ကတိနဲ့ အလုပ်အကိုင် အခွင့်အလမ်းနှစ်သန်းအတွက် ဒေါ်လာ ၁ ဒသမ ၅ ဘီလျံ ကုန်ကျမယ်လို့ ခန့်မှန်းထားတဲ့ ရန်ကုန်မြို့သစ် စီမံကိန်း

မတ် ၂၈ ရက်က ပြည်ထောင်စုလွှတ်တော်၌ နိုင်ငံတော်သမ္မတ ရွေးချယ်တင်မြှောက်အပြီး ပြန်လည်ထွက်ခွာလာသည့် နိုင်ငံတော်သမ္မတအဖြစ် ရွေးချယ်ခံရသော ဦးဝင်းမြင့်နှင့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့အား တွေ့ရစဉ် (ဓာတ်ပုံ-စိုးမင်းထိုက်)

မြန်မာ့စီးပွားရေးဟာ ကာလတိုမှာ ၇ ဒသမ ၅ ရာခိုင်နှုန်းအထိ တိုးတက်ဖွယ်ရှိနေတယ်လို့ IMF က ခန့်မှန်းပေမယ့် ဘဏ်လုပ်ငန်း စည်းမျဉ်းသစ်တွေ လိုက်နာနိုင်မှု၊ ရခိုင်အရေးကြောင့် ဘဏ္ဍာရေးနဲ့ ရင်းနှီးမြှုပ်နှံမှုအပေါ် ထိခိုက်နိုင်မှု၊ ကုန်ဈေးနှုန်းမြင့်တက်မှု စတဲ့ စိန်ခေါ်မှုတွေ ရှိနေတယ်ဆိုပြီး ထုတ်ပြန်ခဲ့တဲ့ ဒီရက်သတ္တပတ်မှာ ပြည်သူတွေအကြား လှုပ်ခတ်ခဲ့တာက နိုင်ငံတော်သမ္မတ အပြောင်းအလဲဖြစ်ပြီး နှုတ်ဆိတ်အေးဆေးစွာ တာဝန်ယူရင်း နုတ်ထွက်ချိန်မှာကို ပြည်သူတွေကို မိန့်ခွန်းပြောကြားခြင်း မရှိခဲ့ပေမယ့် ပြည်သူတွေကတော့ ရိုးသားအေးဆေးတဲ့ နိုင်ငံတော်သမ္မတဟောင်း ဦးထင်ကျော်ကို မေတ္တာမပျက်ကြသလို အသစ်ဖြစ်လာတဲ့ နိုင်ငံတော်သမ္မတသစ် ဦးဝင်းမြင့်ကိုလည်း သူ့ရဲ့ အဂတိကင်းရှင်းမှု၊ လွှတ်တော်ဥက္ကဋ္ဌအဖြစ် သူတာဝန်ယူခဲ့ချိန်မှာ ၀န်ကြီးဌာနတွေ၊ ၀န်ကြီးတွေကို သတိထောက်ခဲ့တဲ့ သူ့ရဲ့ပြောဆိုပုံတွေနဲ့ ခရိုနီတွေနဲ့ ရောထွေးယှက်တင်မနေတဲ့ တည်ကြည်မှုတွေကြောင့် တိုင်းပြည်အနာဂတ် အလင်းတန်းတစ်ခုသဖွယ် ရှုမြင်ခဲ့ကြပါတယ်။

ဒီလိုရှုမြင်ခဲ့တယ် ဆိုပေမယ့် တစ်ဖက်မှာလည်း နိုင်ငံတော်သမ္မတသစ်က ဘယ်လောက်လုပ်ခွင့်ရမှာမို့လို့လဲဆိုတဲ့ မေးခွန်းထုတ်သံတွေကလည်း ရှိခဲ့ပါတယ်။ ဒီလို အကောင်းမြင်မှုတွေ၊ သံသယတွေနဲ့ ပြည်သူတွေ မျှော်လင့်ချက်ကြီးကြီးထားခဲ့တဲ့ ဦးဝင်းမြင့်ဟာ NLD အစိုးရ နှစ်နှစ်မှာ ကျဆင်းခဲ့တဲ့ မြန်မာ့စီးပွားရေးကို ဆွဲတင်ပေးမလားဆိုတဲ့ အခြေအနေတွေနဲ့ သမ္မတသစ်ပေးခဲ့တဲ့ ကတိတွေ ဘယ်လောက်အထိ တည်မြဲမလဲဆိုတဲ့ အခြေအနေနဲ့ ရန်ကုန်မြို့သစ်စီမံကိန်း လုပ်ဆောင်ဖို့ ကြွေးကြော်လာတဲ့ ရန်ကုန်တိုင်းဒေသကြီး အစိုးရအဖွဲ့ရဲ့ ဆောက်လုပ်ရေး ကုမ္ပဏီတွေကို ဒေါ်လာ ၁ ဒသမ ၅ ဘီလျံအထိ ကုန်ကျမယ်ခန့်မှန်းထားတဲ့ အခြေအနေတွေကို ဒီတစ်ပတ်ရဲ့ စီးပွားရေး သုံးသပ်ချက်မှာ ပြန်လည်ဖော်ပြလိုပါတယ်။

သမ္မတသစ်နဲ့ ကတိ

ပြုပြင်ပြောင်းလဲမှု နှောင့်နှေးနေတဲ့ ဌာနဆိုင်ရာ အဖွဲ့အစည်းတွေကို ကြပ်မတ်ရမှာဖြစ်ပြီး ပြည်သူတွေရဲ့ နားမျက်စိတွေဖြစ်တဲ့ သတင်းမီဒီယာတွေရဲ့ အခန်းကဏ္ဍကို အလေးအနက်ထားဖို့ လိုအပ်တယ်လို့ နိုင်ငံတော်သမ္မတသစ်က သူ့ရဲ့ပထမဆုံးမိန့်ခွန်းမှာ ထုတ်ဖော်ပြောလာပါတယ်။ ဒါဟာ NLD ပါတီကို မီဒီယာတွေရဲ့ ၀န်းရံမှုကြောင့် ရွေးကောက်ပွဲမှာ USDP ရှုံးရတာပါလို့ မချိတင်ကဲပြောသံတွေနဲ့ နှစ်နှစ်ကျော်ကာလမှာ ပထမဆုံးမီဒီယာတွေရဲ့ အခန်းကဏ္ဍကို ပြန်လည် ပြောလာတယ်လို့ဆိုရမယ့် အခြေအနေဖြစ်ပြီး ဦးဝင်းမြင့်ရဲ့ မိန့်ခွန်းမှာ ကတိသုံးချက် ပါဝင်ခဲ့ပါတယ်။

“ကျွန်တော့်အနေနဲ့ ပြည်ထောင်စုအစိုးရအဖွဲ့ရဲ့ ဦးစားပေး ရည်မှန်းချက်ပန်းတိုင်တွေဖြစ်တဲ့ (၁) တရားဥပဒေ စိုးမိုးရေးနဲ့ပြည်သူများရဲ့ လူမှုစီးပွားဘ၀တိုးတက် မြင့်မားရေး၊ (၂) အမျိုးသားပြန်လည်သင့်မြတ်ရေးနဲ့ ပြည်တွင်းငြိမ်းချမ်းရေး၊ (၃) ဒီမိုကရေစီဖက်ဒရယ် ပြည်ထောင်စုကြီး တည်ဆောက်ရေးအတွက် အခြေခံအုတ်မြစ်ဖြစ်တဲ့ ဖွဲ့စည်းပုံအခြေခံဥပဒေပြင်ဆင်ရေးတို့ကို ဦးတည်ကြိုးပမ်း ဆောင်ရွက်သွားမှာ ဖြစ်ပါတယ်” လို့ နိုင်ငံတော်သမ္မတဦးဝင်းမြင့်က ပြောကြားခဲ့ပါတယ်။

လက်ရှိတိုင်းပြည်အခြေအနေဟာဆိုရင် အဘက်ဘက်မှာ လိုအပ်ချက်တွေနဲ့ ဆင်းရဲနွမ်းပါးနေဆဲဖြစ်တာကြောင့် နေရာကဏ္ဍအသီးသီးမှာ အများကြီးဆက်လက်ရုန်းကန် ကြိုးပမ်းကြရဦးမှာဖြစ်သလို နိုင်ငံတကာစာမျက်နှာမှာလည်း ဖိအားပေးမှုတွေ၊ ဝေဖန်မှုတွေနဲ့ အထင်အမြင် လွဲမှားနေတာကို ရင်ဆိုင်နေရသလို တိုင်းပြည်မှာလည်း အဂတိလိုက်စားမှု အခြေအနေတွေ ဆိုးရွားနေတာကို ပြင်ဆင်ဖို့လည်း လိုအပ်နေပြန်ပါတယ်။

“ပြုပြင်ပြောင်းလဲမှု နှောင့်နှေးနေတဲ့ ဌာနဆိုင်ရာ အဖွဲ့အစည်းတွေကို ကြပ်မတ်ရပါလိမ့်မယ်။ ယိမ်းယိုင်နေတဲ့ တရားစီရင်ရေးကို တည့်မတ်ရပါလိမ့်မယ်။ အဂတိလိုက်စားမှုကို ပိုမိုတိုက်ဖျက်ရပါလိမ့်မယ်။ လူ့အခွင့်အရေး ချိုးဖောက်ခံရခြင်းတွေကို မြှင့်တင်ကာကွယ်ရပါလိမ့်မယ်။ မူးယစ်ဆေးဝါးကို ပိုမိုနှိမ်နင်းရပါလိမ့်မယ်။ ပြည်သူ့ဘဏ္ဍာငွေများ အလေအလွင့်ဆုံးရှုံးမှု မရှိစေဖို့ စီမံခန့်ခွဲရပါလိမ့်မယ်။ ဥပဒေမဲ့သိမ်းဆည်းခံခဲ့ရတဲ့ လယ်ယာမြေတွေ ပြန်လည်ရရှိရေး၊ လျော်ကြေးနစ်နာကြေး ရရှိရေးကို ဥပဒေနဲ့အညီ ဆောင်ရွက်ရပါလိမ့်မယ်။ တောင်သူလယ်သမားတွေရဲ့ လူမှုဘ၀မြင့်မားတိုးတက်ရေး၊ အလုပ်သမားတွေရဲ့ ဘ၀သာယာစိုပြေရေး၊ ကျောင်းသားလူငယ်များ အဆင့်မြင့်ပညာရပ်များ ဆည်းပူးခွင့်ရရှိရေး စတာတွေကို ဖော်ဆောင်ရပါလိမ့်မယ်။ ပြည်သူတွေအတွက် ၀န်ထုပ်ဝန်ပိုးဖြစ်စေတဲ့ ကြိုးနီစနစ်တွေ၊ ကျွန်တော်တို့ လူ့အဖွဲ့အစည်းအတွင်း လှိုက်စားနေတဲ့ အဂတိလိုက်စားမှုတွေကို စနစ်တကျ တိုက်ဖျက်သွားပြီး နိုင်ငံသူနိုင်ငံသားတွေရဲ့ စာရိတ္တမဏ္ဍိုင်ကို ခိုင်မာအောင် ကြိုးပမ်းဆောင်ရွက်သွားကြရမှာ ဖြစ်ပါတယ်” လို့ နိုင်ငံတော်သမ္မတဦးဝင်းမြင့်က ကတိပေးခဲ့ပါတယ်။

လယ်ယာမြေပြဿနာတွေကို ရှင်းလင်းမယ်လို့ ကတိပေးချိန်နဲ့ တစ်ပြိုင်နက် တိုက်ဆိုင်နေတဲ့ ဖြစ်စဉ်က နိုင်ငံတော်၏အတိုင်ပင်ခံပုဂ္ဂိုလ်ရဲ့ ကြိုးပမ်းမှုကြောင့် တိုင်းပြည်နစ်နာမှု မဖြစ်တော့ပေမယ့် ဒေသခံပြည်သူတွေနစ်နာနေဆဲ လက်ပံတောင်းတောင်စီမံကိန်းရဲ့ တစ်ကျော့ပြန် ပဋိပက္ခပါ။ ဒီတစ်ကျော့ပြန် ပဋိပက္ခဟာ နိုင်ငံတော်သမ္မတသစ်အတွက် မှတ်ကျောက်ဖြစ်လာနိုင်သလို ပြည်သူတွေကို ပေးထားတဲ့ကတိတွေအတွက်လည်း စောင့်ကြည့်ချင်စရာ ဖြစ်လာခဲ့ပါတယ်။

လူနှစ်သန်း အလုပ်အကိုင်ရပြီး အစိုးရက ကျပ် ၁၀ ဘီလျံ မြှုပ်နှံဖို့နဲ့ ဒေါ်လာ ၁ ဒသမ ၅ ဘီလျံကုန်ကျမယ်လို့ ခန့်မှန်းထားတဲ့ ရန်ကုန်မြို့သစ်စီမံကိန်း

ဝေဖန်မှုတွေ တင်းကြမ်းပြည့်နေတဲ့ ရန်ကုန်မြို့သစ်စီမံကိန်းကို စတင်ဖို့အတွက် ရန်ကုန်တိုင်းဒေသကြီးအစိုးရအဖွဲ့က ကျပ် ၁၀ ဘီလျံ စိုက်ထုတ်ပြီး ရန်ကုန်မြို့သစ် ဖွံ့ဖြိုးတိုးတက်ရေးကုမ္ပဏီလီမိတက် NYDC ကို အထူးကုမ္ပဏီများအက်ဥပဒေနဲ့ ထူထောင်လိုက်ပြီလို့ မတ် ၃၁ ရက်မှာ မိတ်ဆက်လာခဲ့ပါတယ်။

ရန်ကုန်မြို့သစ်စီမံကိန်း ပထမအဆင့်မှာ လူနှစ်သန်းကို အလုပ်အကိုင် အခွင့်အလမ်းပေးဖို့ ရည်မှန်းထားပြီး မြို့သစ်တည်ဆောက်ရေးလုပ်ငန်း ပထမအဆင့်နဲ့ ဆက်စပ်တဲ့ အခြေအဆောက်အအုံလုပ်ငန်းက ပျှမ်းမျှအားဖြင့် ဒေါ်လာ ၁ ဒသမ ၅ ဘီလျံကျော် ကုန်ကျမယ်လို့လည်း မျှော်မှန်းထားတယ်လို့ ဆိုပါတယ်။

“ရန်ကုန်မြို့သစ်စီမံကိန်း ဖော်ဆောင်တယ်ဆိုတာ ပြီးခဲ့တဲ့ ပထမအကြိမ် လွှတ်တော်ကတည်းက ဆုံးဖြတ်ခဲ့တာ ဖြစ်ပါတယ်။ Phase-1 ဆိုတာကလည်း ပြီးခဲ့တဲ့ ပထမအကြိမ်လွှတ်တော်မှာ ဧရိယာနဲ့ တည်နေရာကို စပြီးတော့ အတည်ပြုခဲ့တဲ့ ဧရိယာတွေ တည်နေရာတွေ ဖြစ်ပါတယ်။ ကျွန်မတို့လက်ထက်မှာမှ ထပြီးတော့ ဧရိယာတို့ တည်နေရာတို့ ပြောင်းပြီးလုပ်တာ မဟုတ်ပါဘူး။ ဒါကြောင့်မို့လို့ လုပ်ငန်းကို မြန်မြန်ဆန်ဆန် စတင်အကောင်အထည် ဖော်နိုင်ရန်အတွက် တည်နေရာနဲ့ ဧရိယာကို ဆက်လက်ဖော်ဆောင်တာ ဖြစ်ပါတယ်” လို့ NYDC ဥက္ကဋ္ဌ၊ ရန်ကုန်တိုင်းဒေသကြီး အစိုးရအဖွဲ့ လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ဆိုပါတယ်။

သမ္မတသစ် ဦးဝင်းမြင့် ၀င်စိစစ်ဖို့ လိုအပ်လာမယ့် ရန်ကုန်မြို့သစ် စီမံကိန်းလား

“လက်ရှိ ရန်ကုန်မြို့တော်ရဲ့ ဆောက်လုပ်ရေးစီမံကိန်းတွေက Vertical Extension အရ လုပ်ရမယ့်လုပ်ငန်းတွေ အများအပြား ရှိပါတယ်။ ဥပမာ ရန်ကင်း၊ မင်္ဂလာဒုံ၊ မရမ်းကုန်း၊ ဒဂုံ-လေးမြို့နယ်၊ လှိုင်သာယာ၊ ရွှေပြည်သာ အဲဒီနေရာတွေမှာ Vertical Extension အရ လုပ်ရမယ့် ဆောက်လုပ်ရေးလုပ်ငန်းတွေ အများကြီးရှိပါတယ်။ ဒါကြောင့်မို့လို့ ရန်ကုန်မြို့ရဲ့ တစ်ဖက်ကမ်းမှာရှိတဲ့ မြို့သစ်စီမံကိန်း Vertical Extension များကို ယခုအခါမှာ ဆောင်ရွက်ရန်မသင့်ကြောင်း ယူဆပါတယ်။ နောက်ဆုံးအချက်ကတော့ လက်ရှိတိုင်းပြည်ရဲ့ စီးပွားရေး အခြေအနေအရ အသေးစား၊ အလတ်စား လုပ်ငန်းများကို ဦးစားပေး ဆောင်ရွက်ရမယ့် ကာလဖြစ်ပါတယ်။ အကြီးစားစီမံကိန်းများကို ယခုကျွန်တော်တို့ အစိုးရသက်တမ်းမှာ ရည်မှန်းချက်အနေနဲ့ပဲ ထားသင့်တယ်လို့ ကျွန်တော်ယူဆပါတယ်။ ယခု ၂၀၁၈ ခုနှစ် ဒေသန္တရ စီမံကိန်းဥပဒေကြမ်း နောက်ဆက်တွဲအနေနဲ့ ပါဝင်သော ရန်ကုန်တိုင်းဒေသကြီးအတွင်း ဒေသဖွံ့ဖြိုးရေးအတွက် ဆောင်ရွက်မယ့်လုပ်ငန်း စီမံချက် အဆိုပြုချက်ကို ယခုလွှတ်တော်မှာ မှတ်တမ်းလည်း မထားသင့်ပါဘူး။ သဘောတူညီချက်လည်း မပေးသင့်ကြောင်း တင်ပြ ဆွေးနွေးအပ်ပါတယ်” လို့ တာမွေမြို့နယ် မဲဆန္ဒနယ်အမှတ် (၂) မှ တိုင်းဒေသကြီးလွှတ်တော်ကိုယ်စားလှယ် ဦးသိန်းမြင့်က ရန်ကုန်တိုင်းဒေသကြီးလွှတ်တော်မှာ မတ် ၂၃ ရက်က ဝေဖန်ဆွေးနွေးခဲ့ပါတယ်။

ဒီလို ဆွေးနွေးခဲ့ပေမယ့် အရင်အစိုးရလက်ထက်မှာ လုပ်ဆောင်ဖို့ လွှတ်တော်က ဆုံးဖြတ်ခဲ့တာကို ဆက်လက်အကောင်အထည် ဖော်ပါတယ်ဆိုတဲ့ အကြောင်းပြချက်နဲ့ ရန်ကုန်မြို့သစ်စီမံကိန်းကို လက်ရှိအချိန်မှာ စတင်ဖို့ ရန်ကုန်တိုင်းဒေသကြီးအစိုးရက စိုင်းပြင်းလာခဲ့ပြီ ဖြစ်ပါတယ်။

ဒီနေရာမှာ တစ်ချက်မေးခွန်းထုတ်ရမှာက NLD အစိုးရကို ပြည်သူတွေက ရွေးချယ်ခဲ့တာဟာ အရင်အစိုးရလက်ထက်မှာ ပြည်သူတွေကို ချမပြဘဲ ထင်ရာစိုင်းလုပ်ခဲ့တာတွေ ပြန်လည်စိစစ်ဖို့၊ ပြည်သူတွေ နစ်နာနေတဲ့ စီမံကိန်းတွေ ပြန်လည်သုံးသပ်နိုင်ဖို့နဲ့ နိုင်ငံပိုင်မြေတွေ၊ အဆောက်အအုံတွေနဲ့ စီးပွားရေးလုပ်ငန်းတွေကို အာဏာရှိသူတွေနဲ့ ချိတ်ဆက်ပြီး ရယူသွားသူတွေကို စိစစ်ဖော်ထုတ်ဖို့၊ တိုင်းပြည်နစ်နာမှုတွေ ပြန်လည်ကုစားနိုင်ဖို့ဆိုတဲ့ အချက်တွေနဲ့ ရွေးချယ်ခဲ့တာ ဖြစ်ပါတယ်။ ဒီလို ပြည်သူတွေရဲ့ ရွေးချယ်တင်မြှောက်ထားတဲ့ ဆန္ဒတွေကို လျစ်လျူရှုပြီး အရင်ရန်ကုန်တိုင်းအစိုးရလုပ်ခဲ့တာ ငါတို့ ဆက်လုပ်နေတယ်ဆိုတာနဲ့ ရန်ကုန်တိုင်းဒေသကြီးလွှတ်တော်ကိုတောင် တင်ပြ ဆွေးနွေးမှုမရှိ၊ အတည်ပြုချက်ယူမှု မရှိဘူးဆိုတာ ဖြစ်သင့်ရဲ့လားလို့ မေးခွန်းထုတ်ရမှာ ဖြစ်ပါတယ်။ သေချာတာကတော့ ရန်ကုန်မြို့သစ်စီမံကိန်းဟာ လက်ရှိအချိန်အထိ ပွင့်လင်းမြင်သာစွာချပြထားမှု မရှိသေးတာမို့ နိုင်ငံတော်သမ္မတသစ် ဦးဝင်းမြင့်အနေနဲ့လည်း ဒီလိုဒေါ်လာဘီလျံနဲ့ချီပြီး ကုန်ကျမယ့် စီမံကိန်းမှာ တိုင်းပြည်က ဘယ်လောက်အကျိုးအမြတ် ရရှိမလဲဆိုတာကို မဲပေးခဲ့တဲ့ ပြည်သူ့မျက်နှာကြည့်ပြီးတော့ ပါဝင်စိစစ်ပေးပါဦးလို့ ပြည်သူတစ်ယောက်အနေနဲ့ တောင်းဆိုပါကြောင်း တင်ပြရင်းနဲ့ ဒီတစ်ပတ်ရဲ့ စီးပွားရေးသုံးသပ်ချက်ကို ရပ်နားလိုက်ပါတယ်။

ဆောက်လုပ်ရေး လုပ်ငန်းတွေ ကောင်းချင်သလား … မြို့သစ်စီမံကိန်းတွေ ရွှေ့ဆိုင်းလိုက်ပါ

ဒဂုံမြို့သစ် (အရှေ့ပိုင်း) မြို့နယ်အတွင်းရှိ တန်ဖိုးနည်းအိမ်ရာများကို တွေ့ရစဉ် (ဓာတ်ပုံ-ရှိုင်းလင်းအောင်)

(၁)

၂၀၁၈ ခုနှစ် ပြည်ထောင်စုရဲ့ အခွန်အကောက် ဥပဒေကြမ်းမှာပါတဲ့ အခွန်ကင်းလွတ်ခွင့် ပေးထားတဲ့ ပုဒ်မ ၂၅ ကို ကျင့်သုံးဖို့ မသင့်လျော်တဲ့အတွက် ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီဝင် အများစုက လက်ခံထားသလို လွှတ်တော်ကိုယ်စားလှယ် အများစုကလည်း ကန့်ကွက်တဲ့အတွက် ဒီဥပဒေမှာပါတဲ့ အခွန်လျှော့ချမယ့် (Tax Holiday) အခွင့်အလမ်း နည်းသွားပြီလို့ ဆိုရမှာဖြစ်ပါတယ်။

ဒါကြောင့် အခွန်ဖြေလျှော့တဲ့ အစီအစဉ်နဲ့ ပတ်သက်ပြီး လွှတ်တော် ကိုယ်စားလှယ်တွေရဲ့ ဆွေးနွေး ဆုံးဖြတ်မှုတွေအပေါ် ဝေဖန်သံတွေလည်း ထွက်လာတာ တွေ့ရပါတယ်။ ဒီလို ဝေဖန်တာကိုကြည့်ရင် ဆောက်လုပ်ရေးကဏ္ဍနဲ့ ဆက်စပ်တဲ့ လုပ်ငန်းရှင်အချို့နဲ့ မြို့သစ်စီမံကိန်းနဲ့ ဆက်စပ် ပတ်သက်သူ လုပ်ငန်းရှင်အချို့ ပါဝင်နေတာကို တွေ့ရပါတယ်။ ဒီနေရာမှာ စဉ်းစားစရာကတော့ လက်ရှိ တိုင်းပြည်ရဲ့ စီးပွားရေးအခြေအနေမှာ ဆောက်လုပ်ရေးကဏ္ဍ တစ်ခုတည်းအတွက်ပဲ ဘာကြောင့် ဇောင်းပေးနေကြတာလဲ။ တိုင်းပြည်ရဲ့ အခွန်ပေါ်လစီမှာ ငွေကြေးခ၀ါချမှု (Money Laundaring) နဲ့ ဆောက်လုပ်ရေးကဏ္ဍ တိုးတက်မှု အခြေအနေတွေ ဘယ်လိုဆက်စပ်သလဲ။ သေချာသုံးသပ်ဖို့တော့ လိုပါတယ်။

အရင်ဆုံး အစိုးရတစ်ရပ်အနေနဲ့ အခွန်ကောက်ပြီဆိုရင် ကောက်တဲ့အခွန်ဟာ နိုင်ငံအခြေအနေနဲ့ ညီညွတ်မျှတတဲ့ အရအသုံးငွေကြေးစနစ် ပေါ်ပေါက်စေပြီး ငွေကြေးလည်ပတ်မှုကို မှန်ကန်စေတဲ့ ငွေကြေးဖောင်းပွမှု မဖြစ်အောင် ထိန်းညှိရတာ ဖြစ်တယ်။ ပြည်တွင်းစားသုံးမှု၊ ရင်းနှီးမြှုပ်နှံမှုနဲ့ စုဆောင်းမှုတွေကို အခွန်အကောက်စနစ်က ထိန်းညှိပေးဖို့၊ ကုန်ဈေးနှုန်း တည်ငြိမ်ဖို့အတွက် အထောက်အကူဖြစ်ဖို့၊ ဓနအင်အား မျှတစေဖို့၊ စီးပွားရေး ဖွံ့ဖြိုးတိုးတက်မှုအတွက် အထောက်အကူဖြစ်စေဖို့၊ နိုင်ငံရဲ့စီးပွားရေး ရည်မှန်းချက်တွေ အကောင်အထည်ဖော်ရေးကို အထောက်အကူဖြစ်စေဖို့နဲ့ ပြည်တွင်းစက်မှုလုပ်ငန်းတွေကို အကာအကွယ်ပေးဖို့ဆိုတဲ့ အချက်တွေအပေါ် ချိန်ထိုးပြီး အခွန်ပေါ်လစီ တစ်ရပ်ကို ချမှတ်စဉ်းစားရတာ ဖြစ်ပါတယ်။ အစိုးရရဲ့ အခွန်ပေါ်လစီ လွဲချော်သွားရင် အဲဒီရဲ့ အကျိုးသက်ရောက်မှုဟာ တိုင်းပြည်အတွက် များစွာ ထိခိုက်နစ်နာစေတယ်ဆိုတာ အားလုံးသိပြီး ဖြစ်ပါတယ်။

ဒါကြောင့်ပဲ ၂၀၁၈ ပြည်ထောင်စုရဲ့ အခွန်အကောက် ဥပဒေကြမ်းမှာပါရှိတဲ့ ပုဒ်မ ၂၅ ပြဋ္ဌာန်းချက် “ပြည်တွင်းနေ နိုင်ငံသားနှင့် ပြည်ပနေနိုင်ငံသား၏ ပြည်ပမှ ၀င်ငွေရလမ်း တစ်ခုခု သို့မဟုတ် စီးပွားရေးလုပ်ငန်း တစ်ခုခုကို ဆောင်ရွက်ခဲ့သော်လည်း အကြောင်းအမျိုးမျိုးကြောင့် အခွန်ပေးဆောင်ရန် လစ်ဟင်းခဲ့သော သို့မဟုတ် လျော့နည်းပေးဆောင်ခဲ့သော ၀င်ငွေများ၊ နှစ်တစ်နှစ်အတွင်း ပြည်တွင်း၌ မြေ၊ အဆောက်အအုံနှင့် ယင်းအဆောက်အအုံ၏ အဓိက အစိတ်အပိုင်းများ အပါအ၀င်ဖြစ်သော မရွှေ့မပြောင်းနိုင်သည့် ပစ္စည်း သို့မဟုတ် ရွှေနှင့် အခြားအဖိုးတန်ပစ္စည်းများ အပါအ၀င် ယာဉ်ကဲ့သို့သော ရွှေ့ပြောင်းနိုင်သောပစ္စည်းများ ထိတွေ့ကိုင်တွယ်၍ မရသော ပစ္စည်းများကို ၀ယ်ယူခြင်း၊ တည်ဆောက်ခြင်း၊ ရယူခြင်း၊ ရင်းနှီးမြှုပ်နှံခြင်း၊ အစုရှယ်ယာ ထည့်ဝင်ခြင်း စသည်တို့အတွက် အသုံးပြုသည့် ငွေကြေးများ၊ လက်ဝယ်ရှိ ငွေကြေးတို့နှင့် ပတ်သက်၍ အောက်ပါ အခွန်နှုန်းထားများအတိုင်း အခွန်ကျသင့်စေရမည်၊ ၀င်ငွေခွန် ဥပဒေအရ ဒဏ်ငွေတပ်ရိုက်ခြင်း မပြုရ၊ သို့ရာတွင် တရားမ၀င် ရရှိသည့် ပစ္စည်းများ ပိုင်ဆိုင်ခြင်း၊ ရောင်းဝယ်ခြင်းတို့နှင့် လည်းကောင်း ငွေကြေးခ၀ါချမှု တိုက်ဖျက်ရေး ဥပဒေအရ အရေးယူသည့် ကိစ္စရပ်များနှင့် လည်းကောင်း သက်ဆိုင်ခြင်း မရှိစေရ” ဆိုတဲ့အချက်ဟာ တိုင်းပြည်စီးပွားရေးအတွက် ကြောက်စရာကောင်းလို့ ပြင်းပြင်းထန်ထန် ကန့်ကွက်ကြတာ ဖြစ်ပါတယ်။ အဲဒီတော့ အခွန်ပေါ်လစီမှာ ဆောက်လုပ်ရေးလုပ်ငန်းတွေ တိုးတက်လာဖို့နဲ့ တစ်ဖက်တစ်လမ်းက တိုင်းပြည်ရဲ့ စီးပွားရေး ပြန်လည်ဦးမော့လာဖို့ အခုလို ဘယ်က ထွက်လာကြမှန်းမသိတဲ့ ငွေမည်းတွေ သုံးရာခိုင်နှုန်း ဆောင်ပြီး ငွေဖြူဖြစ်အောင် လုပ်မယ်။ တိုင်းပြည်မှာ ငွေကြေးဖောင်းပွမှု အဆိုးရွားဆုံး ဖြစ်လာမယ်။ ပြည်တွင်း SME လုပ်ငန်းတွေ ပြိုလဲသွားနိုင်ပြီး အိမ်ခြံမြေဈေးတွေ ကမောက်ကမ ဖြစ်မယ်။ ဘဏ်တွေ ပြိုလဲသွားနိုင်တဲ့အထိ အကျိုးဆက်ဆိုးကျိုးတွေက ကြီးမားနက်ရှိုင်းပါတယ်။

(၂)

ဒီနေရာမှာ နိုင်ငံရဲ့ ဆောက်လုပ်ရေးကဏ္ဍကို ကြည့်ရင် မြို့သစ်တွေကို အဓိကလုပ်ဖို့ ရည်ရွယ်နေတာ တွေ့ရတယ်။ ရှိပြီးသား နေရာတွေမှာ လမ်း၊ တံတား၊ မီး အခြေခံ အဆောက်အအုံပိုင်း ကောင်းမွန်အောင် တိုးတက်ဖွံ့ဖြိုးအောင် လုပ်ဖို့ထက် မြို့တွေကို ထပ်ချဲ့ဖို့ ပြင်ဆင်နေကြတယ်။ ရန်ကုန်၊ မန္တလေးမြို့ကြီးတွေမှာ မီဂါစီးတီးတွေ ဖြစ်အောင် ဖန်တီးနေတယ်။ မီဂါစီးတီးတွေကို အကောင်အထည်ဖော်ဖို့ အရေးကြီးဆုံးအချက်က မြန်မာနိုင်ငံရဲ့ လက်ရှိ အနေအထားဟာ အခြား နိုင်ငံတကာက မီဂါစီးတီးတွေမှာလို ငွေကြေးပမာဏ စီးဝင် လည်ပတ်နိုင်နေပြီလား၊ ရင်းနှီးမြှုပ်နှံမယ့် Investor တွေ ရှိနေပြီလား၊ လက်ရှိ GDP အခြေအနေနဲ့ရော အဆင်ပြေနိုင်မလား စဉ်းစားဖို့ လိုပါတယ်။

နိုင်ငံတွင်းမှာ တရားဥပဒေစိုးမိုးမှုက မေးခွန်းထုတ်စရာ ဖြစ်နေတယ်။ တည်ငြိမ်မှုမရှိဘူး၊ စစ်ပွဲတွေ ဖြစ်လာနိုင်တဲ့ အခြေအနေမျိုးလည်း တွေ့ရတယ်။ ဒီလိုအနေအထားမှာ နိုင်ငံတကာက ရင်းနှီးမြှုပ်နှံမှုတွေက ဘယ်လို စီးဝင်နိုင်မလဲ။ တရုတ်ရဲ့ ရင်းနှီးမြှုပ်နှံမှုတွေ ၀င်လာမယ်လို့ တွက်ချက်မှုတွေ ရှိနေတယ်။ ဒါပေမဲ့ တရုတ်ဟာ စီးပွားရေးမှာ OBOR ကို အခြေခံပြီး မဟာဗျူဟာနဲ့ သွားတယ်။ ဒီစီမံကိန်းတစ်လျှောက်မှာရှိတဲ့ ပထ၀ီ အနေအထားအရ အရေးပါတဲ့ နေရာအချို့မှာ စီးပွားရေးဇုန်တွေ လုပ်ဖို့လောက်ပဲ စဉ်းစားပါလိမ့်မယ်။ အဓိက ကတော့ သူတို့ ရဲ့ ပိုးလမ်းမ စီမံကိန်းအတွက် လိုအပ်တဲ့ လမ်းပန်းဆက်သွယ်ရေးကိုတော့ အဓိကလုပ်ဖို့ ရှိပါလိမ့်မယ်။ လမ်းပန်းဆက်သွယ်ရေးအတွက် အဓိက လုပ်ဆောင်မယ်ဆိုရင် သူတို့အတွက် ကျောက်ဖြူ-ကူမင်းရထားလမ်း စီမံကိန်းဟာ ပြန်လည်စတင်ဖို့အတွက် အစိုးရနဲ့ ပြန်လည် ညှိနှိုင်းနိုင်ခြင်း မရှိသေးသလို ကျောက်ဖြူ အထူးစီးပွားရေးဇုန်ကလည်း လက်ရှိအခြေအနေမှာ ခရိုနီတိုင်ကွန်းတစ်စုရဲ့ မဖြစ်နိုင်တဲ့ တောင်းဆိုမှုတွေနဲ့ ရှေ့မဆက်နိုင်သေးပါဘူး။ နောက်တစ်ခုက မန္တလေးကို ဗဟိုပြုပြီးတော့ ကျောက်ဖြူနဲ့ ရန်ကုန်ကို ချိတ်ဆက်သွားမယ့် စင်္ကြံဟာလည်း လက်ရှိအခြေအနေမှာ အခြေခံအဆောက်အအုံအတွက်ပဲ လုပ်ဆောင်ပေးဖို့ တောင်းဆိုနေတာကို သတိပြုဖို့ လိုအပ်မှာဖြစ်ပြီးတော့ ရန်ကုန်မြို့သစ်ဆီ ချိတ်ဆက်မယ့် OBOR စီမံကိန်းဟာ ရန်ကုန်မြို့သစ်မှာ မြေတွေ အများကြီးဝယ်ပြီးတော့ အိမ်တွေ၊ တိုက်ခန်းတွေ တည်ဆောက်ဖို့ဆိုတာ လတ်တလောမှာ ဖြစ်နိုင်ဖို့မရှိတာ သတိပြုဖို့ လိုအပ်ပါတယ်။

(၃)

မြို့သစ်စီမံကိန်း တစ်ခုဆိုတာ ဖွံ့ဖြိုးတိုးတက်မှု အခြေခံအဆောက်အအုံတွေ အများအပြား လိုအပ်တဲ့အထဲမှာ ရေ၊ လျှပ်စစ်မီး၊ လမ်းတံတားတွေ အဓိကလိုအပ်ပြီး လှိုင်သာယာလို နေရာမျိုးဟာ ဖွံ့ဖြိုးတိုးတက်ဖို့ အနှစ် ၃၀ လောက် အချိန်ယူခဲ့တာတောင် တံတား လေးစင်း၊ ငါးစင်း ဖြစ်လာတာတောင် လှိုင်သာယာမှာ နေနေရတဲ့ ပြည်သူတွေဟာ ရန်ကုန်မြို့ထဲကို မနက်ဆိုလာပြီး အလုပ်လုပ်၊ ညနေကျရင် မြို့ပြင်ကို အလုံးအရင်းနဲ့ ပြန်ထွက်နေတဲ့ ဖြစ်စဉ်တွေ လက်ရှိအချိန်အထိ ဖြစ်နေဆဲဖြစ်ပါတယ်။ လက်ရှိ စတင်မယ့် ရန်ကုန်မြို့သစ် စီမံကိန်းဟာ အစိုးရ လက်ကျန်သက်တမ်း သုံးနှစ်လောက်နဲ့ နတ်ရေကန်ထဲ ထိုးချလိုက်သလို နေ့ချင်းညချင်း အောင်မြင်လာမှာ မဟုတ်သလို ရေ၊ မီး၊ လမ်းတံတားကိုလည်း အစိုးရက ချက်ချင်း လုပ်ဆောင်ပေးနိုင်တာ မဟုတ်တာကြောင့် နေထိုင်မယ့် ပြည်သူတွေကလည်း တစ်ခဲနက် လာနေနိုင်တာ မဟုတ်ပါဘူး။

ဒီလို တစ်ခဲနက် လာနေနိုင်ဖို့မရှိတဲ့ မြို့သစ်စီမံကိန်း တစ်ခုကို ရေရှည်အတွက်ပဲ အကောင်အထည်ဖော်ဖို့ လိုအပ်ပါတယ်။ ဒါ့အပြင် မြို့သစ်စီမံကိန်းဆိုတဲ့ နေရာမှာ တစ်ပြေးညီ ဖွံ့ဖြိုးတိုးတက်ဖို့ ရည်မှန်းချက်တွေလည်း ချထားနိုင်ဖို့ လိုအပ်ပါတယ်။ ဥပမာအားဖြင့် ရန်ကုန်ကို အလုပ်အကိုင်အတွက် စုပြုံတိုးနေရတဲ့ ပြည်သူတွေကို ကြည့်မယ်ဆိုရင် အညာက ပြည်သူတွေနဲ့ မြစ်ဝကျွန်းပေါ်ဒေသက ပြည်သူတွေပါ။ ရန်ကုန်မြို့မှာ မြို့သစ်တွေ တည်မယ့်အစား၊ လမ်းပန်းဆက်သွယ်ရေး ကောင်းပြီး ရေလမ်းရော ကုန်းလမ်းရော ရှိနိုင်တဲ့ ပင်လယ်ဘက် ထွက်ပေါက်ပါရှိတဲ့ ပုသိမ်မြို့မှာ စက်မှုဇုန်တွေ၊ စက်မှုလုပ်ငန်းတွေ ဧရာဝတီတိုင်းဖက်မှာ မြို့သစ်တွေ တည်သင့်တာပါ။ မြေလည်းပေါတယ်။ လုပ်အားလည်းပေါတယ်၊ အဲဒီနေရာတွေမှာ မတည်ဘဲနဲ့ ငွေမည်းတွေ ၀င်လာနိုင်ခြေကြောင့် ဝေဖန်ခံနေရတဲ့ ရန်ကုန်မြို့သစ် စီမံကိန်းကိုပဲ အစိုးရနှစ်ဆက်တိတိ တည်ဖို့ အားသွန်ခွန်စိုက် လုပ်နေတာကို ပြန်ကြည့်မယ်ဆိုရင် ဒီ ရန်ကုန်မြို့သစ် စီမံကိန်းဟာ မြေဈေးကစားလိုသူတွေနဲ့ မြေလက်ဦးမှု ရယူထားသူတွေရဲ့ စနက်တွေ အများကြီးပါနေတာကို သိနိုင်မှာ ဖြစ်ပါတယ်။ ရန်ကုန်မြို့ တစ်ဖက်ကမ်းမှာ မြို့သစ်တွေ တည်မယ့်အချက်က ရန်ကုန်မြို့မှာရှိနေတဲ့ ဆောက်လုပ်ရေး လုပ်ငန်းတွေကို အကုန်လုံး ပြိုကျသွားစေနိုင်ပါတယ်။ လက်ရှိ ငွေကြေးခ၀ါချမှု ပုဒ်မနောက်ကွယ်မှာလည်း မြို့သစ်စီမံကိန်း ဦးဆောင် လုပ်ကိုင်နေတဲ့သူတွေက အဓိကနေရာက ပါဝင်နေတယ်လို့ ရှုမြင်ခံနေရပါတယ်။ ဥပမာအားဖြင့် ဟံသာဝတီလေယာဉ်ကွင်းစီမံကိန်း ပျက်သွားပြီးတော့ ကွမ်းခြံကုန်း လေယာဉ်ကွင်းဆိုတာကလည်း၊ အဓိပ္ပာယ်လုံးဝ မရှိနိုင်သလို ဟံသာဝတီလေဆိပ် စီမံကိန်းဟာ နိုင်ငံ့အနာဂတ်အတွက် အရေးပါတဲ့ စီမံကိန်းဖြစ်တာကြောင့် မဖြစ်မနေ ပြည်လည် တည်ဆောက်နိုင်ဖို့ ညှိနှိုင်းမှု ပြန်လုပ်ကြမယ့် အခြေအနေပါ။ ဒီလို ရန်ကုန်မြို့နဲ့ ချိတ်ဆက်နိုင်မယ့် ရန်ကုန်မြို့နဲ့ ဟံသာဝတီလေယာဉ်ကွင်းစီမံကိန်း ကြားထဲမှာ မြေနေရာလွတ်တွေ အများကြီးရှိနေပါတယ်။ အဲဒီလို နေရာကြားထဲမှာ အများကြီး ဖွံ့ဖြိုးအောင် လုပ်ပေးလို့ ရနေတာကို မလုပ်ဆောင်ဘဲ မြေနေရာလက်ဦးမှု ရယူထားသူတွေအတွက် ဆက်ပြီး အကောင်အထည်ဖော်ပေးမယ့် ရန်ကုန်မြို့သစ် စီမံကိန်းဟာ မြန်မာနိုင်ငံအတွက် စိတ်ပျက်စရာတစ်ခု ဖြစ်လာပြီး သာမန်ပြည်သူတွေ အထိနာစေတဲ့ ငွေဖောင်းပွမှုတွေပဲ ဖြစ်လာပါလိမ့်မယ်။

လှိုင်သာယာမြို့နယ်ရှိ ကျန်စစ်မင်း တန်ဖိုးနည်းအိမ်ရာစီမံကိန်းမှ အိမ်ရာတိုက်ခန်းများကို တွေ့ရစဉ် ( ဓာတ်ပုံ – ကြည်နိုင်)

(၄)

ပြည်သူတွေ ၀ယ်ယူနိုင်စွမ်းရှိတဲ့ အိမ်ရာ စီမံကိန်းဟာ ကျပ် သိန်း ၂၀၀ အောက် တိုက်ခန်းတွေပါ။ ဒီလိုအခြေအနေမျိုးမှာ အစိုးရဟာ တန်ဖိုးနည်းအိမ်ရာစီမံကိန်း အများအပြားကို အမြန်ဆုံး အကောင်အထည်ဖော်ပေးဖို့ပဲ အဓိက လုပ်ဆောင်ရမှာ ဖြစ်ပါတယ်။
တန်ဖိုးနည်းအိမ်ရာ စီမံကိန်းတွေကို အကောင်အထည်ဖော်မယ်ဆိုရင်လည်း လက်ရှိ မှားယွင်းနေတဲ့ တန်ဖိုးနည်းအိမ်ရာ စီမံကိန်းတွေဟာ အခြားဖွံ့ဖြိုးမှု စီမံကိန်းတွေ၊ လမ်းတွေ၊ ဘတ်စ်ကားမှတ်တိုင်တွေနဲ့ ချိတ်ဆက်ပေးနိုင်မှု မရှိဘဲ ကွင်းခေါင်ခေါင်မှာ ထီးထီးကြီး တစ်ခုတည်း ရှိနေတာမျိုး မလုပ်သင့်တော့ပါဘူး။ အနည်းဆုံးတော့ တန်ဖိုးနည်းအိမ်ရာ အချင်းချင်း လက်လှမ်းမီတဲ့ အနေအထားဖြစ်ဖို့ လိုအပ်သလို တစ်နေ့ထက်တစ်နေ့ စိုးရိမ်စရာ ဖြစ်လာနေတဲ့ တရားဥပဒေစိုးမိုးရေး ကင်းမဲ့မှုပြဿနာကြောင့် ပြည်သူတွေ ဘေးကင်းလုံခြုံစေမယ့် စီမံကိန်းတွေလည်း ပါဝင်ဖို့ လိုအပ်ပါတယ်။ ဒီလို ပြည်သူတွေ လက်လှမ်းမီနိုင်တဲ့ တန်ဖိုးနည်းအိမ်ရာ စီမံကိန်းတွေကို လွယ်လင့်တကူ လုပ်ဆောင်မပေးဘဲ မြို့သစ်စီမံကိန်း ဆိုတာကြီးကို တဖွဖွအော်နေတာ အဓိပ္ပာယ် လုံးဝမရှိပါဘူး။

တစ်သက်လုံး အဖက်လုပ်မခံခဲ့ရတဲ့ ဆောက်လုပ်ရေးလုပ်သားတွေကို အခုငွေမည်းခ၀ါချ အခွန်ကင်းလွတ်ခွင့်ရရေးမှာ အသုံးချလာတာမျိုးကလည်း မဖြစ်သင့်ပါဘူး။ ဆောက်လုပ်ရေးကဏ္ဍဟာ တိုင်းပြည်ရဲ့ ဂျီဒီပီမှာ ပါဝင်မှု ၁၀ ရာခိုင်နှုန်းအောက်ပဲရှိပြီး လုပ်သားပါဝင်မှုဟာ ငါးရာခိုင်နှုန်းလောက်ပဲ ရှိပါတယ်။ ဘယ်လိုနိုင်ငံတွေပဲ လေ့လာလေ့လာ ဆောက်လုပ်ရေးလုပ်ငန်းတွေ ကောင်းလွန်းလို့ နိုင်ငံတိုးတက်သွားတယ်ဆိုတာ မရှိဘဲ ဆောက်လုပ်ရေးတွေ ပြိုကျတာကြောင့် အစိုးရက ၀င်ပြီးတော့ ထောက်ကူပေးရလို့ တိုင်းပြည် ကြွေးနွံနစ်သွားတဲ့ ဖြစ်စဉ်တွေပဲ ရှိနေတာပါ။ ငွေမည်းခ၀ါချချင်တဲ့ အချိန်ကျမှ တစ်သက်လုံးက အဖက်မလုပ်ခဲ့တဲ့ လုပ်သားတွေကို အသုံးချနေတာဟာ မျှတမှုမရှိပါဘူး။

လက်ရှိ ငွေမည်းခ၀ါချလိုသူတွေက တောင်းဆိုနေတာဟာ ဆောက်လုပ်ရေးလုပ်ငန်း ဖွံ့ဖြိုးမှုအတွက်လည်းမဟုတ်ဘဲ မြေကွက်ကြီးကြီးတွေ ပိုက်ဘောမိနေတဲ့၊ ဘဏ်မှာ ပေါင်ထားရတဲ့လူတွေက သူတို့ ပိုက်ဘောကို လွတ်ရင်ပြီးရော ကန်ထုတ်ချင်နေတဲ့ သူတွေပါ။ အရင်ခေတ်အဆက်ဆက်၊ အခွင့်အရေးတွေ ရထားတဲ့သူတွေက သူတို့မြေကွက်တွေ လူလတ်တန်းစားတွေလက်ထဲ အမြန်ထုတ်နိုင်ဖို့အတွက် လုပ်တဲ့ပြဿနာထုပ်ကြီးပါ။

သူတို့ပြေလည်ဖို့အတွက်ပဲ တောင်းဆိုပြီး ကျန်တဲ့တိုင်းပြည်နဲ့ ပြည်သူကို လုံးဝထည့် မတွက်ဘဲ တောင်းဆိုနေတဲ့ ငွေမည်းခ၀ါချ ဖြစ်စဉ်တစ်ခုလို့ပဲ သုံးသပ်ရပါမယ်။ ဆောက်လုပ်ရေး လုပ်ငန်းကျဆင်းမှုနဲ့ မဆိုင်ပါဘူး၊ ဆောက်လုပ်ရေးလုပ်ငန်းက ကွန်ဒိုတွေ မရောင်းရတာ ၀ယ်အားမရှိလို့၊ ၀ယ်အားမရှိတာက အခွန်ကြောင့် မဟုတ်ပါဘူး။ ကိုယ့်ဘာသာ ခိုင်မာချင်မှ အခွန်ဆောင်ကြတဲ့ အခြေအနေပါ။ လက်ရှိမှာ စနစ်တကျ အခွန်ကောက်နေတာဆိုလို့ မြေကွက်ပဲရှိပါတယ်။  ငွေမည်းခ၀ါချ ပုဒ်မဖြစ်လာလို့လည်း ကွန်ဒိုတွေ အရောင်းအ၀ယ်ဖြစ်လာမယ်၊ တိုက်ခန်းတွေ အရောင်းအ၀ယ်ဖြစ်လာမယ်လို့ ပြောလို့မရပါဘူး။ ဘာကြောင့်လဲဆိုတော့ ပြည်သူအများစုဟာ ကျပ်သိန်း ၂၀၀ အထက် တိုက်ခန်းတွေကို ၀ယ်ယူနိုင်စွမ်း လုံးဝမရှိလို့ပါ။ ဒီငွေမည်း ခ၀ါချပုဒ်မဟာ အဓိကကတော့ ငွေမည်းပိုင်ရှင်တွေ ငွေဖော်ဖို့ လုပ်တာပါပဲ။

ငွေမည်းခ၀ါချပုဒ်မသာ အောင်မြင်သွားမယ်ဆိုရင် ငွေကြေးဖောင်းပွသွားမယ်။ ပြည်သူတွေ ခံလိုက်ရမယ်။ လူလတ်တန်းစားတချို့ ဦးသိန်းစိန်လက်ထက်ကလိုပဲ ပိုက်ဘောတွေ ထပ်မိမယ်။ ဘဏ်တွေ ထိခိုက်ပြိုကျသွားမယ်။ ဒီလိုဆိုးကျိုးတွေ ဖြစ်လာနိုင်တဲ့ အခြေအနေမျိုးမှာ ငွေမည်းခ၀ါချပုဒ်မလေး တစ်ခုနဲ့ မဖြစ်နိုင်သေးဘူး၊ စနစ်တကျ ဥပဒေနဲ့ လုပ်ရမယ်လို့ လွှတ်တော်အမတ်တွေ ဆွေးနွေးဆုံးဖြတ်တာ မှန်ကန်ကောင်းမွန်တဲ့ လုပ်ရပ်ဖြစ်ပါတယ်။

စနစ်တကျဥပဒေနဲ့ Tax Holiday လုပ်မယ်ဆိုရင်၊ ၀င်လာမယ့် ငွေမည်းတွေကို ထိန်းကျောင်းနိုင်မယ့် အခြေအနေမျိုးနဲ့ ခ၀ါချခွင့် ပေးမယ်ဆိုရင် တိုင်းပြည်အတွက် ကောင်းကျိုးများစွာရမှာ ဖြစ်ပါတယ်။

ဒီလို ဥပဒေတစ်ခုနဲ့ စနစ်တကျလုပ်ပေးမှာကို ဘာလို့ တိုင်ကွန်းကြီးတွေ၊ ဆောက်လုပ်ရေး လုပ်ငန်းရှင်ကြီးတွေက မနှစ်မြို့ဘဲ ၂၀၁၈ ခုနှစ် ပြည်ထောင်စု၏ အခွန်အကောက်ဥပဒေမှာ တင်းကျပ်မှုမပါတဲ့ ပုဒ်မလေးတွေနဲ့ပဲ ခ၀ါချခြင်နေကြတာလဲ။

ဒီအဖြေရဲ့ နောက်ကွယ်မှာ မြို့သစ် စီမံကိန်းမှာ မြေဈေးကစားပြီး တည်ဆောက်ရေး လုပ်ငန်းတွေလုပ်မယ့်သူတွေ သေချာပေါက်ရှိနေတာကို မြင်တွေ့နေရပါတယ်။

လက်ရှိ အိမ်ခြံမြေဈေးကွက် ကျဆင်းနေတယ်ဆိုပေမယ့် ရန်ကုန်အိမ်ခြံမြေဈေးဟာ သင့်တင့်မျှတတဲ့ဈေးနှုန်း မဖြစ်သေးပါ ဘူး။ အိမ်ခြံမြေဈေးဟာ ပုံမှန်ထက် နှစ်ဆနီးပါးဈေးကြီး နေပါသေးတယ်။ ဒါပေမဲ့ အိမ်ခြံမြေဟာ ပြိုကျလို့ တိုင်းပြည်စီးပွားရေး ပြိုကျနေတာ တစ်ခုတည်းမဟုတ်ပါဘူး။

မတည်ငြိမ်တဲ့ မြန်မာ့နိုင်ငံအခြေအနေနဲ့ ခေတ်အဆက်ဆက် နိုင်ငံခြားရင်းနှီးမြှုပ်နှံမှုကိုပဲ မှီခိုခဲ့ပြီး နိုင်ငံခြားရင်းနှီးမြှုပ်နှံမှု ကျဆင်းတာနဲ့ တိုင်းပြည်စီးပွားရေးကျဆင်းတဲ့ အခြေအနေကနေ ရုန်းထွက်နိုင်ဖို့ပဲ လိုအပ်နေတာပါ။ မြန်မာနိုင်ငံ အခြေအနေကြောင့် နိုင်ငံခြားရင်းနှီးမြှုပ်နှံမှု အခုလောလောဆယ်က တစ်နှစ်၊ နှစ်နှစ်အတွင်းကတော့ ကျဆင်းနိုင်ပါတယ်။ စစ်ပွဲတွေ၊ ပဋိပက္ခတွေ ရှိနိုင်ပါတယ်။ နိုင်ငံတကာမှာလည်း တိုင်းပြည်ပုံရိပ် ထိခိုက်ကျဆင်းနေတဲ့ အချိန်မှာ ခရိုနီ၊ တိုင်ကွန်းတွေအတွက် မြို့သစ်တစ်မြို့ တည်ဖို့ဆိုတာ လုံးဝအဓိပ္ပာယ် မရှိပါဘူး။

မြို့သစ်တည်ဖို့အတွက်၊ သူတို့ဘဏ်မှာ ပေါင်ထားတဲ့ မြေကွက်တွေ ဈေးကောင်းရလာဖို့အတွက်၊ ဘဏ်တွေက ပိုက်ဘောမိနေတဲ့ မြေကွက်ကြီးတွေ ဘဏ်မှာအဆင်ပြေသွားဖို့အတွက် နှစ်ပေါင်းများစွာ အခွန်ရှောင်ခဲ့တဲ့ ခရိုနီကြီးတွေအတွက် အခွန်ချပေးရမယ်ဆိုတာ လုံးဝအဓိပ္ပာယ်မရှိတဲ့အပြင် မြန်မာပြည်ရဲ့ အခွန်စနစ် လုံးလုံးပျက်စီးသွားပါလိမ့်မယ်။

လှိုင်သာယာမြို့နယ်ရှိ ကျန်စစ်မင်း တန်ဖိုးနည်းအိမ်ရာစီမံကိန်းမှ အိမ်ရာတိုက်ခန်းများကို တွေ့ရစဉ် ( ဓာတ်ပုံ – ကြည်နိုင်)

(၅)

လွှတ်တော်ကိုယ်စားလှယ်တွေ လက်ခံခဲ့တဲ့ ငွေမည်းခ၀ါချပုဒ်မကို ဥပဒေတစ်ခုအဖြစ် သီးသန့်ရေးဆွဲမယ်ဆိုတာ မှန်ကန်တဲ့ လမ်းကြောင်းဖြစ်သလို အစိုးရနဲ့ တိုင်းပြည်ကို ထိခိုက်နစ်နာနိုင်တာတွေ သီးသန့်ပြန်ပြီး ဆွေးနွေးတာမျိုးနဲ့ တိုင်းပြည်ကဏ္ဍစုံ မထိခိုက်အောင် လုပ်ရမှာပါ။ Tax Amnesty ပေးမယ်ဆို ဘာကြောင့်ပေးမယ်။ ဘယ်လိုနှုန်းထားတွေပေးမယ်။ ဘာကြောင့်ပေးသင့်တယ်ဆိုတာ အပြန်အလှန်ဆွေးနွေးပြီးတော့ ငွေကြေးခ၀ါချမှုကို မူးယစ်ဆေးဝါးတွေရဲ့ငွေတွေ၊ အကြမ်းဖက်သမားတွေရဲ့ ငွေတွေ စီးဝင်မလာအောင် ထိန်းသိမ်းပြီးတော့ ဥပဒေတစ်ခုနဲ့ လုပ်ပေးရမှာ ဖြစ်ပါတယ်။ ဒီလို လွှတ်တော်က မှန်ကန်တဲ့လမ်းကြောင်းနဲ့ လုပ်မယ့်ဥပဒေကို လက်မခံချင်ကြဘဲ ၂၀၁၈ ခုနှစ် ပြည်ထောင်စု၏ အခွန်အကောက်ဥပဒေမှာ ငွေမည်း ခ၀ါချပုဒ်မလေးပါမလာရင်ကို အခုချက်ခြင်း တိုင်းပြည်တစ်ခုလုံး စုတ်ပြတ်သတ်သွားမတတ် အော်နေတာ ဘာကြောင့်ပါလဲ။  ငွေမည်းခ၀ါချချင်တဲ့ လက်တစ်ဆုပ်စာ လူတစ်စု၊ မြို့သစ်တည်ဆောက်မယ့် လက်တစ်ဆုပ်စာ လူတစ်စုနဲ့ အကျင့်ပျက် ထိပ်တန်းအရာရှိကြီးတချို့ရဲ့ ကိုယ်ကျိုးရှာ လုပ်ကွက်တွေထဲကို ၀င်မသွားဖို့ အစိုးရရော၊ လွှတ်တော်တစ်ရပ်လုံးက တိုင်းပြည်အတွက် မှန်ကန်တဲ့ ဆုံးဖြတ်ချက်ချနိုင်ဖို့ အရေးကြီးပါတယ်။

တိုင်းပြည်စီးပွားရေး ကျဆင်းနေတဲ့ အချိန်ဆိုပေမယ့် လက်ရှိအချိန်မှာ အစိုးရဟာ တိုင်းပြည်အနာဂတ် စီးပွားရေးတိုးတက်ဖို့ မှန်ကန်တဲ့ လမ်းကြောင်းပေါ်မှာ လျှောက်လှမ်းနေချိန် ဖြစ်ပါတယ်။ SME တွေ ဖွံ့ဖြိုးဖို့ ချေးငွေအတိုးနှုန်းတွေ လျှော့ချပေးနေတယ်။  လျှပ်စစ်ဓာတ်အားကာလတိုမှာ နှစ်ဆတိုးဖို့ အာမခံချက်ပေးထားတယ်။ လမ်းပန်းဆက်သွယ်ရေးကောင်းမွန်ဖို့၊ တစ်ပြေးညီဖွံ့ဖြိုးတိုးတက်ဖို့ မှန်ကန်တဲ့ လမ်းကြောင်းပေါ်မှာ ရှိနေတယ်။ ဒီလိုအခြေအနေမျိုးမှာ လက်တစ်ဆုပ်စာလူတစ်စုရဲ့ မြှူဆွယ်ဖြားယောင်းမှုမှာ ကျရှုံးသွားရင်၊ မြေဈေးကစားမှုတွေ ဖောင်းပွမှုတွေ အရှိန်ကုန်လို့ ရပ်တန့်သွားချိန်မှာ လက်ရှိစီးပွားရေးကျဆင်းမှုထက် များပြားတဲ့ ဆိုးကျိုးတွေ ဖြစ်လာပါလိမ့်မယ်။

တိုင်းပြည်ဘဏ္ဍာငွေမကုန်အောင် လက်ရှိမှာ PPP စနစ်နဲ့ စီမံကိန်းတွေ လုပ်ဆောင်မယ်လို့ ကြံရွယ်နေသံတွေလည်း ကြားနေရပါတယ်။ PPP စနစ်ဟာ မြန်မာနိုင်ငံမှာ ကြွေးကြော်နေတာ နှစ်ပေါင်းမနည်းတော့ပါဘူး။ ဒါပေမဲ့ ဘာကြောင့်မအောင်မြင်သလဲဆိုရင် အစိုးရက ပွင့်လင်းမြင်သာမှုမရှိဘဲ စီမံကိန်းတွေကို ပေးချင်တဲ့ကုမ္ပဏီတွေ လက်သိပ်ထိုးပြီး ပေးနေတဲ့အချက်တွေနဲ့ PPP ကြောင့် ကုမ္ပဏီတွေက အခွန်အခတွေ တိုးကောက်လာရင် ၀န်ပိမယ့်ပြည်သူတွေ ကန့်ကွက်ကြလို့ မြန်မာ့နည်းမြန်မာ့ဟန် လက်သိပ်ထိုး PPP ဟာ မအောင်မြင်တာပါ။ အစိုးရအနေနဲ့ PPP ကို အောင်မြင်အောင်သွားချင်တယ်ဆိုရင် PPP နဲ့ လုပ်ဆောင်မယ့် စီမံကိန်းတွေရဲ့ ကောင်းကျိုး၊ ဆိုးကျိုးကို ပြည်သူတွေ နားလည်လက်ခံအောင် အရင်ဆုံးချပြဖို့ လိုအပ်ပါတယ်။ ငါတို့ အစိုးရဖြစ်နေပြီ။ အရင်လိုပဲ လက်သိပ်ထိုး PPP ဆက်လုပ်နေမယ်ဆို အစိုးရ PPP ဟာ အောင်မြင်မှာမဟုတ်သလို ဒီမိုကရေစီအစိုးရရဲ့ ဂုဏ်သိက္ခာကိုလည်း လက်သိပ်ထိုး PPP က ရိုက်ချိုးသလို ဖြစ်စေပါလိမ့်မယ်။

အနှစ်ချုပ်ပြောရမယ်ဆိုရင် လက်မတင်လေးမှာ လွှတ်တော်က ငွေမည်းခ၀ါချပုဒ်မကို ဖြုတ်ချဖို့ ခိုင်မာတဲ့ ဥပဒေပြုမယ်ဆိုတဲ့ ဆုံးဖြတ်ချက်လမ်းကြောင်းဟာ တိုင်းပြည်နဲ့ အစိုးရအတွက် လွှတ်တော်ရဲ့ မှန်ကန်တဲ့ ဆုံးဖြတ်ချက်ပါ။

အစိုးရအနေနဲ့ဆိုရင်လည်း SME တွေ ဖွံ့ဖြိုးဖို့ ချေးငွေအတိုးနှုန်းတွေ လျှော့ချပေးနေတာ၊ လျှပ်စစ်ဓာတ်အားကာလတိုမှာ နှစ်ဆတိုးဖို့ အာမခံချက်ပေးထားတာ၊ လမ်းပန်းဆက်သွယ်ရေးကောင်းမွန်ဖို့၊ တစ်ပြေးညီဖွံ့ ဖြိုးတိုးတက်ဖို့ မှန်ကန်တဲ့ လမ်းကြောင်းပေါ်မှာ ရှိနေတာတွေကို ပိုပြီးတော့ သွက်လက်အောင် ကြိုးနီယန္တရားတွေကို လျှော့ဖို့လိုအပ်နေပြီး လက်ရှိမှာ Doing Business အဆင့် တက်လာအောင် လုပ်ဆောင်နေတဲ့ လမ်းကြောင်းဟာ ကြိုးနီစနစ်ကို ဖျက်ဖို့အတွက်လည်း အများကြီး အထောက်အကူ ဖြစ်လာစေမှာပါ။

ခရိုနီတိုင်ကွန်းတွေနဲ့ တရုတ်မြေဈေး ကစားသူတွေအတွက် မြို့သစ်စီမံကိန်း မဖြစ်မနေ လုပ်ဆောင်တော့မယ်ဆိုရင်လည်း မသိနားမလည်တဲ့ ပြည်သူတွေကို အကြံပေးချင်တာက မြို့သစ်ထဲမှာ Infrastructure တွေအတွက် ငွေတွေ အများကြီးထည့်ဖို့ လုံးဝမလုပ်သင့်ပါဘူးလို့ အကြံပေးချင်ပါတယ်။

ငွေမည်းတွေနဲ့ ဈေးကစားမှု ကြီးစိုးနေနိုင်တဲ့ စီမံကိန်းကြောင့် မြေဈေးတွေ အကုန်ကမောက်ကမ ဖြစ်လာနိုင်ပါလိမ့်မယ်။ လက်ရှိ တုံ့ဆိုင်းမှုလိုမျိုး ထပ်ဖြစ်သွားရင် ပြည်သူတွေ ပိုက်ဘောမိပြီး ဘယ်တော့မှ ငွေပြန်မရမယ့် အခြေအနေတွေ ဖြစ်လာစေပါလိမ့်မယ်။ အထူးသဖြင့် ဒီလိုစီးပွားရေးတုံ့ဆိုင်းနေတဲ့ ကာလမှာ လက်ရှိရှိနေတဲ့ မြို့ဟောင်းက နေရာကောင်းတွေမှာပဲ ရင်းနှီးမြှုပ်နှံသင့်ပါတယ်။

ဆောက်လုပ်ရေးလုပ်ငန်းတွေ မကောင်းမွန်တာက အခွန်နဲ့သက်ဆိုင်မှုမရှိပါဘူး။ ဒီလို မသက်ဆိုင်တဲ့အချက်ကို တစ်နပ်စား ဥာဏ်နဲ့ ငွေမည်းခ၀ါချဖို့ ကြိုးစားတာကို လွှတ်တော်က လက်မတင်လေးရပ်တန့်နိုင်ခဲ့တာ၊ အစိုးရက တင်ပြလာတဲ့ Tax Amnesty ကို ဖြစ်လာနိုင်တဲ့ ဆိုးကျိုးတွေသုံးသပ်ပြီး ဥပဒေပြုဖို့ လုပ်ဆောင်မယ်ဆိုတာဟာ NLD အစိုးရမို့ NLD လွှတ်တော်က အတည်ပြုမှာ ပါဆိုတဲ့ ဝေဖန်မှုတွေကို တိတ်ဆိတ်စေတဲ့အပြင် အစိုးရလုပ်တိုင်း ငုံ့မခံတဲ့ Check & Balance လုပ်နိုင်တဲ့ လွှတ်တော်ကို ပြည်သူ တွေရလာပြီဆိုတာတွေ့ရလို့ ၀မ်းသာစရာဖြစ်ပြီး NLD လွှတ်တော်ကို မှတ်ကျောက်တင်ရမှာ ဖြစ်ပါတယ်။

ဒီလို ပြည်သူတွေအတွက် ၀မ်းသာစရာ ဆုံးဖြတ်ချက်က ခိုင်မာဖို့တော့ လိုအပ်မှာ အမှန်ပဲဖြစ်ပါတယ်။ မူးယစ်ဆေးဝါးကငွေတွေ၊ အစ္စလာမ္မစ် အစွန်းရောက်အကြမ်းဖက်တွေရဲ့ ငွေတွေ စီးဝင်မလာအောင် ကာကွယ်ရမယ့် တာဝန်ဟာ ဥပဒေနဲ့ စနစ်တကျလုပ်ဆောင်မှပဲ ကာကွယ်နိုင်ပါလိမ့်မယ်။ ဒီလိုငွေမည်းခ၀ါချပုဒ်မကို ဥပဒေအဖြစ် အသွင်ပြောင်းတော့မယ်ဆိုရင်လည်း SME တွေအတွက် အထူးအခွန်လျှော့ချတာ၊ မှန်မှန်ကန်ကန် လုပ်ဆောင်နေတဲ့ လုပ်ငန်းစုတွေ ပြည်သူတွေအတွက် အခွန်ဆောင်ခဲ့တဲ့ကာလတွေကို ပြန်လည်ချီးမြှောက်တဲ့အနေနဲ့ ၀င်ငွေခွန် သက်သာခွင့်ပေးတဲ့ အချက်မျိုးတွေကိုလည်း ထည့်သွင်းရေးဆွဲပေးသင့်ကြောင်း အကြံပြုလိုပါတယ်။

ရန်ကုန်မြို့သစ်စီမံကိန်း အကောင်အထည်ဖော်ရာတွင် လေ့လာဆန်းစစ်မှုများ စနစ်ကျစေရန် Mckinsey ကုမ္ပဏီက လေ့လာမှုများပြုလုပ်နေဟုဆို

ရန်ကုန်မြို့သစ်စီမံကိန်းတွင် ပါဝင်သည့် ကြည့်မြင်တိုင်တစ်ဖက်ကမ်း ဆိပ်ကြီးခနောင်တိုမြို့နေရာတစ်ခုအား တွေ့ရစဉ် (ဓာတ်ပုံ-ကြည်နိုင်)

ရန်ကုန်မြို့သစ်စီမံကိန်း အကောင်အထည်ဖော်နိုင်ရန် လေ့လာဆန်းစစ်မှုများ စနစ်ကျစေရန်အတွက် Mckinsey ကုမ္ပဏီမှ လေ့လာမှုများပြုလုပ်နေကြောင်း ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ပြောသည်။

“ကုမ္ပဏီတွေကလည်း သဘောတူတယ်။ အစိုးရကလည်းဆောင်ရွက်သင့်တယ်ဆိုတဲ့အခြေအနေနဲ့ မြို့သစ်စီမံကိန်းကို တိုင်းဒေသကြီးအစိုးရရဲ့ စီမံခန့်ခွဲမှုနဲ့ဆောင်ရွက်ဖို့ဆုံးဖြတ်ခဲပါတယ်။ ဒါတစ်ချက်ကို ကျွန်တော်တို့တိုင်းဒေသကြီး အခုအစိုးရသစ်က ဆောင်ရွက်ခဲ့ပါတယ်။ အဲဒီနေရာကို ကျွန်တော်တို့ စီမံကိန်းဆောင်ရွက်စေဖို့အတွက် လေ့လာဆန်းစစ်မှုတွေကို ပိုပြီးစနစ်တကျ ဖြစ်စေဖို့ ဆောင်ရွက်နေပါတယ်။ ဒီဆောင်ရွက်မှုတွေအားလုံးကို ဗြိတိန်နိုင်ငံကနေပြီးတော့ ဒတ်ဖစ်အကူအညီနဲ့ Mckinsey က နေပြီး လေ့လာ ဆန်းစစ်မှုတွေပြုနေတာဖြစ်ပါတယ်။ လေ့လာဆန်းစစ်မှုကို ဘာကြောင့် ကုမ္ပဏီအကြီးကြီးတွေနဲ့လုပ်သလဲဆိုရင် ဒီနေရာမှာဆောင်ရွက်မယ့် ဆောက်လုပ်ရေးလုပ်ငန်းရှင်တွေ ချေးငွေကို လွယ်လွယ်ကူကူ ရရှိနိုင်ဖို့ဖြစ်ပါတယ်။ ဒီပရောဂျက်ကို ဘယ် အဖွဲ့အစည်းက ရေးဆွဲထားသလဲဆိုတာ တည်ဆောက်ရေးလုပ်မယ့်သူတွေအတွက် အခွင့်အလမ်းတွေကို ဖန်တီးပေးရမှာဖြစ်ပါတယ်။ ဒီနေရာမှာကျွန်တော်တို့က လုပ်ငန်းရှင်တွေနဲ့ ဆွေးနွေးလိုတဲ့ အဓိကအပိုင်းကတော့ မြို့ပြ စီမံကိန်းတွေကို အခုလိုဆောင်ရွက်နေတဲ့ အစီအစဉ်တွေ ရှိပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

ထို့ပြင် ကြည့်မြင်တိုင်တစ်ဖက်ကမ်း မြို့သစ်စီမံကိန်း ထူထောင်ရန်ရှိကြောင်း၊ ယင်းစီမံကိန်းသည် ပထမအကြိမ်လွှတ်တော်တွင် အတည်ပြုခဲ့သည့်စီမံကိန်းဖြစ်ကြောင်း၊ ပထမအကြိမ်လွှတ်တော်တွင် ဒေါက်တာညိုညိုသင်းကနေ ကန့်ကွက်အဆိုတင်သွင်းခဲ့သဖြင့် လုပ်ငန်းရပ်ဆိုင်းခဲ့ကြောင်း၊ သို့သော် ကြည့်မြင်တိုင်လွှတ်တော်ကိုယ်စားလှယ်က ပြန်အဆိုပြုတင်ပြခဲ့ကြောင်း၊ ယင်းနေရာတွင် နေထိုင်သည့်သူများ မြေဈေးကျဆင်းမှုနှင့် လူနေမှုထိခိုက်သဖြင့် စီမံကိန်းပြန်လည်ပြုလုပ်ပေးရန် တောင်းဆိုသဖြင့် ကြည့်မြင်တိုင် ကိုယ်စားလှယ်မှ ပြန်လည်တင်ပြသဖြင့် ပထမအကြိမ်လွှတ်တော်၌ အတည်ပြုခဲ့ကြောင်း၊ ယင်းစီမံကိန်းသည် ဒုတိယအကြိမ် လွှတ်တော်က ဆောင်ရွက်ထားခြင်း မဟုတ်ကြောင်း၊ ပထမအကြိမ်လွှတ်တော်က အတည်ပြုထားသည့်အဆိုကို တိုင်းဒေသကြီး အစိုးရ အဖွဲ့သို့ ပို့ခဲ့ကြောင်း၊ တိုင်းဒေသကြီး အစိုးရအဖွဲ့၏ဆုံးဖြတ်ချက်နှင့် ပြည်ထောင်စုကိုတင်ပြခဲ့ကြောင်း၊ စီမံကိန်းသည်ပြည်ထဲရေးကို တင်ပြရမဲ့ အရာဖြစ်ကြောင်း၊ ယင်းနေရာတွင် မြို့ပြလုပ်မည်ဆိုပါက လုံခြုံရေးနှင့် အေးချမ်းရေးကော်မတီ၊ စီးပွားရေးကော်မတီ သို့တွင် အတည်ပြုပြီး မြေသိမ်းမိန့်ထုတ်ရမှာ ဖြစ်ပြီး၊ မြေလျော်ကြေးပေးရန်ဆောင်ရွက်ရမည်ဟု ၎င်းက ဆက်လက်ပြောကြားသည်။

“ဒီအဆင့်ကိုရောက်နေတဲ့အချိန်ဟာ ၂၀၁၆ ခုနှစ် မတ်လလောက်မှာ တင်ဒါခေါ် ယူခဲ့ပါတယ်။ ကုမ္ပဏီသုံးခု တင်ဒါအောင်မြင်ခဲ့ပါတယ်။ ကုမ္ပဏီသုံးခုကလည်း တစ်ခုကို ကျပ်ငွေ သိန်းငါးသောင်းလောက်တင်ပြီး ဒီတင်ဒါကိုဆွဲခဲ့တာဖြစ်ပါတယ်။ ကျွန်တော်တို့ အစိုးရအဖွဲ့တာဝန်ယူတဲ့အချိန်မှာ ကုမ္ပဏီသုံးခုက တင်ဒါအောင်ပြီး ဒီနေရာကို  Develop လုပ်ဖို့ ဒီ့အတွက် ဒီနေရာကို ကျွန်တော်တို့ ကစနစ်တကျဖွံ့ဖြိုးတိုးတက်မှုလုပ်မယ်ဆိုရင် အစိုးရဘက်က တာဝန်ယူဆောင်ရွက်သင့်တယ်။ ကုမ္ပဏီတွေကဆောင်ရွက်ရင် အဆင်ပြေ ချောမွေ့မှုမရှိနိုင်ဘူးဆိုတဲ့အတွက် ကုမ္ပဏီသုံးခုကို ကျွန်တော်တို့ ညှိနှိုင်းခဲ့ပါတယ်။ ကုမ္ပဏီသုံးခုလုံးကလည်း သဘောတူခဲ့ပါတယ်။ ဒီကုမ္ပဏီတွေမှာ နစ်နာမှုရှိပါတယ်။ ဘာကြောင့်လဲဆိုတော့ ကျပ်ငွေ သိန်းငါးသောင်းလောက်ကို Deposit တင်ရတဲ့အ တွက် အတိုးနဲ့တွက်ကြည့်မယ်ဆိုရင် အများကြီးနစ်နာပါတယ်။ ကုမ္ပဏီတွေကလည်း သဘောတူတယ်။ အစိုးရကလည်း ဆောင်ရွက်သင့်တယ်ဆိုတဲ့အခြေအနေနဲ့ မြို့သစ်စီမံကိန်းကို တိုင်းဒေသကြီးအစိုးရရဲ့ စီမံခန့်ခွဲမှုနဲ့ဆောင်ရွက်ဖို့ဆုံးဖြတ်ခဲ့ပါတယ်။ ဒါတစ် ချက်ကို ကျွန်တော်တို့ တိုင်းဒေသကြီးအခု အစိုးရသစ်က ဆောင်ရွက်ခဲ့ပါတယ်” ဟု ၀န်ကြီးချုပ်ဦးဖြိုးမင်းသိန်းက ပြောသည်။

မြို့သစ်စီမံကိန်း အကောင်အထည်ဖော်သည့်အခါတွင် အဓိကအားဖြင့် အများပိုင်ကုမ္ပဏီတစ်ခုကို ရန်ကုန်တိုင်းဒေသကြီး အစိုးရအောက်တွင် ဖွဲ့စည်းခဲ့ကြောင်း၊ တစ်ဖက်က ပါဝင်တဲ့အဖွဲ့သည် ၁၉၉၆ ခုနှစ်တွင် စဖွဲ့ခဲ့သည့် တစ်နိုင်ငံလုံးအတိုင်းအတာဖြင့် ဆောက်လုပ်ရေးလုပ်ငန်းရှင် ၃၀၀၀ ကျော် ရှိသည့် မြန်မာ့ ဆောက်လုပ်ရေးလုပ်ငန်းရှင်များအသင်း (MCEA) ၏ စီးပွားရေးလုပ်ငန်း MCDP (Myanmar Construction Development Public Co.,Ltd) ဖြစ်ကြောင်း ရှင်းလင်းဆွေးနွေးသည်။ MCDP နှင့် ရန်ကုန်တိုင်းဒေသကြီး အစိုးရအဖွဲ့တို့ ပူးပေါင်းပြီး အများပိုင်ကုမ္ပဏီ  Myanmar Metropolitan Public Co., Ltd ထပ်မံဖွဲ့စည်းခဲ့ကြောင်း၊ ၂၀၁၇ ခုနှစ် မတ်  ၈ ရက်က ရန်ကုန်တိုင်းဒေသကြီးအစိုးရအဖွဲ့၏ ဆုံးဖြတ်ချက်နှင့် စတင်ဖွဲ့စည်းခဲ့ကာ ရန်ကုန် တိုင်းဒေသကြီးအစိုးရအဖွဲ့က ၅၁ ရာခိုင်နှုန်း၊ MCDB ကတော့ ၄၉ ရာခိုင်နှုန်းပါကြောင်း ဒုတိယအကြိမ် ရန်ကုန်တိုင်းဒေသကြီး လွှတ်တော် စတုတ္ထပုံမှန်အစည်းအဝေး တတိယနေ့တွင် ရှင်းလင်းဆွေးနွေးခဲ့သည်။