ယူကရိန်း လေကြောင်းလိုင်းမှ ကုန်တင်လေယာဉ် တစ်စင်း စက်ချို့ယွင်းမှုကြောင့် ရန်ကုန် အပြည်ပြည်ဆိုင်ရာလေဆိပ်သို့ အရေးပေါ် ဆင်းသက်ခဲ့ရ

ယူကရိန်းလေကြောင်းလိုင်းမှ ကုန်တင်လေယာဉ် အမျိုးအစား AN 12 လေယာဉ်အား ရန်ကုန်လေဆိပ်၌ အောက်တိုဘာ ၁၁ ရက်က တွေ့ရစဉ်

ယူကရိန်း လေကြောင်းလိုင်းမှ ကုန်တင်လေယာဉ် တစ်စင်း စက်ချို့ယွင်းမှုကြောင့် ရန်ကုန် အပြည်ပြည်ဆိုင်ရာလေဆိပ်သို့ အရေးပေါ် ဆင်းသက်ခဲ့ရကြောင်း သတင်းရရှိသည်။

အောက်တိုဘာ ၁၁ ရက်က အိန္ဒိယနိုင်ငံ နယူးဒေလီလေဆိပ်မှ ထိုင်းနိုင်ငံ အူတာပေါင် လေဆိပ်သို့ ပျံသန်းလာသည့် ယူကရိန်းနိုင်ငံမှ ကုန်တင်လေယာဉ်တစ်စင်းသည် စက်ချို့ယွင်းမှုကြောင့် ရန်ကုန်လေဆိပ်သို့ အရေးပေါ် ဆင်းသက်ခွင့် တောင်းခံခဲ့ခြင်း ဖြစ်သည်။

ယင်းသို့ အရေးပေါ် ဆင်းသက်ခွင့် တောင်းခံခဲ့သည့် ယူကရိန်းလေကြောင်းလိုင်းမှ အင်ဂျင် လေးလုံးတပ် AN12 လေယာဉ်မှာ နံပါတ်လေးအင်ဂျင် စက်ချို့ယွင်းမှုကြောင့် ရန်ကုန်လေဆိပ်သို့ အရေးပေါ် ဆင်းသက်ခဲ့ရခြင်း ဖြစ်ကြောင်း သိရသည်။

ရန်ကုန်လေဆိပ်သို့ အရေးပေါ် ဆင်းသက်ခွင့် တောင်းခံရာ လေဆိပ်က ခွင့်ပြုပေးခဲ့ပြီးနောက် ယင်းလေယာဉ်အား ပြန်လည် ပြင်ဆင်နိုင်ရန် ယူကရိန်းလေကြောင်းလိုင်းမှ အင်ဂျင်နီယာများကို ရန်ကုန်မြို့သို့ ခေါ်ယူထားကြောင်း သိရသည်။

“အောက်တိုဘာ ၁၀ ရက် ညနေ ၃ နာရီ ၃၀ မိနစ်မှာ ယူကရိန်းလေကြောင်းလိုင်းက Cargo Flight ပျံသန်းလာတဲ့ အင်ဂျင်လေးလုံးတပ် ကုန်တင်လေယာဉ်က နံပါတ်လေးအင်ဂျင် စက်ချို့ယွင်းလို့ ရန်ကုန်လေဆိပ်ကို အရေးပေါ် ဆင်းသက်ခွင့် တောင်းခံခဲ့တာ ဖြစ်ပါတယ်။ ခုတော့ သူတို့ လေကြောင်းလိုင်းက အင်ဂျင်နီယာတွေ လိုက်ပါလာပြီး ပြင်ဆင်ဖို့ လုပ်နေပါတယ်။ ခုထိ ရန်ကုန်လေဆိပ်မှာပဲ ရပ်နားထားပါတယ်” ဟု လေကြောင်းပို့ ဆောင်ရေး ညွှန်ကြားမှုဦးစီးဌာန ဒုတိယ ညွှန်ကြားရေးမှူးချုပ် ဦးရဲထွဋ်အောင်က အောက်တိုဘာ ၁၁ ရက် ညနေပိုင်းက ပြောကြားသည်။

ပြီးခဲ့သည့် ဖေဖော်ဝါရီ ၂၈ ရက်က အမေရိကန်နိုင်ငံမှ ကုန်တင်လေယာဉ်တစ်စင်း Fire Alarm မြည်လာသဖြင့် ရန်ကုန်လေဆိပ်သို့ အရေးပေါ် ဆင်းသက်ခဲ့ရသည်။

UPS United Parcel Service Co.,Ltd ပိုင် လေယာဉ်အမှတ် N2 9 3 UP လေယာဉ်သည် တရုတ်နိုင်ငံ ဟောင်ကောင်လေဆိပ်မှ UAE နိုင်ငံ ဒူဘိုင်းလေဆိပ်သို့ ပျံသန်းစဉ် လေယာဉ်ပေါ်၌ တင်ဆောင်လာသော ကွန်တိန်နာပုံးမှ Fire Alarm မြည်လာသဖြင့် ရန်ကုန်လေဆိပ်သို့ အရေးပေါ် ဆင်းသက်ခဲ့ရခြင်း ဖြစ်သည်။

ထို့ပြင် ဧပြီ ၂၄ ရက်က ဖိလစ်ပိုင်နိုင်ငံ မနီလာမြို့သို့ ပျံသန်းလာသည့် အိုမန်လေကြောင်းလိုင်းပိုင် လေယာဉ်တစ်စင်းသည် ဧပြီ ၂၄ ရက်က ရန်ကုန်အပြည်ပြည်ဆိုင်ရာလေဆိပ်သို့ အရေးပေါ် ဆင်းသက်ခဲ့ရသည်။

ဧပြီ ၂၄ ရက် ညနေ ၄ နာရီ ၃၉ မိနစ်က အိုမန်နိုင်ငံ မူစ်ကတ်မြို့မှ ဖိလစ်ပိုင်နိုင်ငံ မနီလာမြို့သို့ ပျံသန်းလာသည့် အိုမန်လေကြောင်းလိုင်းပိုင် အဲဘတ်စ်အမျိုးအစား လေယာဉ်ပျံသန်းလာစဉ် လိုက်ပါလာသည့် ဖိလစ်ပိုင်အမျိုးသမီးတစ်ဦး၏ ကျန်းမာရေး အခြေအနေကြောင့် ရန်ကုန်အပြည်ပြည်ဆိုင်ရာ လေဆိပ်သို့ အရေးပေါ် ဆင်းသက်ခဲ့ရခြင်း ဖြစ်ကြောင်း သိရသည်။

၂၀၁၇ ခုနှစ်အတွင်း ရန်ကုန်လေဆိပ်သို့ ကိုယ်ပိုင်လေယာဉ်ဆင်းသက်မှုတွင် ဘန်ကောက်နှင့် စင်ကာပူမှ လူနာတင် လေယာဉ်ဆင်းသက်မှု ၇၄ ကြိမ်ရှိပြီး စီးပွားရေးအရ လာရောက်သည့် လေယာဉ်ဆင်းသက်မှု ၈၅ ကြိမ် ရှိခဲ့

ရန်ကုန်လေဆိပ်ရှိ Myanmar MJETS Business Aviation Centre ကို တွေ့ရစဉ်

ပြီးခဲ့သည့် ၂၀၁၇ ခုနှစ်အတွင်း ရန်ကုန်လေဆိပ်သို့ ကိုယ်ပိုင်လေယာဉ်ဆင်းသက်မှုတွင် ဘန်ကောက်နှင့် စင်ကာပူမှ လူနာတင်လေယာဉ် ဆင်းသက်မှု ၇၄ ကြိမ်ရှိပြီး စီးပွားရေးအရ လာရောက်သည့် ကိုယ်ပိုင်လေယာဉ်ဆင်းသက်မှု ၈၅ ကြိမ်ရှိခဲ့ကြောင်း သတင်းရရှိသည်။

၂၀၁၇ ခုနှစ် ဇန်န၀ါရီလမှ ဒီဇင်ဘာလအထိ ရန်ကုန်လေဆိပ်ရှိ နိုင်ငံတကာမှ ကိုယ်ပိုင်လေယာဉ်စီး ခရီးသည်များကိုသာ ၀န်ဆောင်မှုပေးသည့် Myanmar MJETS Business Aviation Centre ၌ ဆင်းသက်ခဲ့သည့် ကိုယ်ပိုင်လေယာဉ် ၁၅၉ စင်းတွင် စီးပွားရေးကိစ္စဖြင့် ဆင်းသက်သည့် လေယာဉ်ဆင်းသက်မှု ၈၅ ခေါက်၊ လူနာတင် လေယာဉ်ဆင်းသက်မှု ၇၄ ခေါက် အသီးသီးရှိခဲ့ကြောင်း သိရသည်။

“ကျွန်မတို့ Myanmar MJETS Business Aviation Centre မှာ ၂၀၁၇ ခုနှစ်မှာ စီးပွားရေးကိစ္စနဲ့ ဆင်းသက်တဲ့ လေယာဉ်ဆင်းသက်မှု ၈၅ ခေါက်၊ လူနာတင် လေယာဉ်ဆင်းသက်မှု ၇၄ ခေါက်ရှိခဲ့ပါတယ်။ ခါတိုင်းနှစ်တွေမှာတော့ စီးပွားရေးအရ လာရောက်တဲ့ လေယာဉ်ဆင်းသက်မှု အများဆုံးဖြစ်ခဲ့ပြီး ၂၀၁၇ ခုနှစ်မှာတော့ ဘန်ကောက်နဲ့ စင်ကာပူနိုင်ငံမှာရှိတဲ့ ဆေးရုံတွေက မြန်မာနိုင်ငံက လူနာတွေကို လာရောက်ခေါ်ဆောင်တဲ့ လူနာတင် လေယာဉ်ဆင်းသက်မှု အများဆုံး ဖြစ်ခဲ့ပါတယ်” ဟု MJETS မှ တာဝန်ရှိသူတစ်ဦးက ပြောကြားသည်။

၂၀၁၈ ခုနှစ် ခြောက်လတာအတွင်း ရန်ကုန်လေဆိပ်သို့ ကိုယ်ပိုင်လေယာဉ် ၇၄ စင်း လာရောက်ခဲ့ပြီး စီးပွားရေးအရ လာရောက်သည့် ကိုယ်ပိုင်လေယာဉ်ဆင်းသက်မှုမှာ ၃၃ ခေါက်ရှိကာ လူနာတင်လေယာဉ် ဆင်းသက်မှု ၄၁ ခေါက်ရှိကြောင်း သိရသည်။

မြန်မာနိုင်ငံသို့ ကိုယ်ပိုင်လေယာဉ်ဖြင့် လာရောက်သည့် ခရီးသည်များအနေဖြင့် ရန်ကုန်လေဆိပ် အဆောက်အုံအား အသုံးပြုရန် မလိုဘဲ သီးသန့်နားနေ ထွက်ခွာနိုင်မည့် Myanmar MJETS Business Aviation Centre အား ရန်ကုန်အပြည်ပြည်ဆိုင်ရာလေဆိပ်တွင် ၂၀၁၄ သြဂုတ် ၁ ရက်က စတင်ဖွင့်လှစ်ခဲ့သည်။

နိုင်ငံတကာမှ ကိုယ်ပိုင်လေယာဉ်စီး ခရီးသည်များ သီးသန့်အသုံးပြုနိုင်မည့် Myanmar MJETS Business Aviation Centre ဖွင့်လှစ်ပြီး ကိုယ်ပိုင်လေယာဉ်များ လာရောက်ရာတွင် မြန်မာနိုင်ငံမှ လူနာအား ပြည်ပသို့ လာရောက် ခေါ်ဆောင်ပေးသည့် လူနာတင်လေယာဉ် ဆင်းသက်မှုများ၊ စီးပွားရေးအရ လာရောက်သည့် ကိုယ်ပိုင်လေယာဉ်များ၊ အလည်အပတ် ခရီးလာရောက်သည့် ကိုယ်ပိုင်လေယာဉ်စီး ခရီးသည်များ၏ လေယာဉ်များနှင့် နည်းပညာအရ ခေတ္တဆင်းသက်ရသည့် လေကြောင်းခရီးစဉ်များ ပါဝင်ခဲ့သည်။

Myanmar MJETS Business Aviation Centre သည် ကိုယ်ပိုင်လေယာဉ်ဖြင့် မြန်မာနိုင်ငံသို့ လာရောက်သည့် ခရီးသည်များ ရန်ကုန်လေဆိပ်အဆောက်အအုံကို အသုံးပြုရန်မလိုဘဲ အဆိုပါ စင်တာ၌ပင် လူဝင်မှုကြီးကြပ်ရေးနှင့် အကောက်ခွန် လုပ်ငန်းစဉ်များ အပါအ၀င် လေဆိပ်ဝန်ဆောင်မှုလုပ်ငန်းများကိုပါ တစ်ပါတည်း ပြုလုပ်၍ သီးသန့် ထွက်ခွာနိုင်မည် ဖြစ်သည်။

Myanmar MJETS Business Aviation Centre အနေဖြင့် ကိုယ်ပိုင်လေယာဉ်ထားရှိ၍ စင်းလုံးငှားလေယာဉ်နှင့် လူနာတင်ယာဉ် ၀န်ဆောင်မှု (Air Charter & Air Ambulance) အား ၀န်ဆောင်မှုပေးသည့် လုပ်ငန်းကိုလည်း လုပ်ဆောင်နေခြင်းဖြစ်သည်။

Myanmar MJETS Business Aviation Centre သည် နိုင်ငံပိုင် မြန်မာ့လေကြောင်းလိုင်းနှင့် Joint Operation အနေဖြင့် ပူးပေါင်းလုပ်ဆောင်ခြင်းဖြစ်ပြီး မြန်မာ့လေကြောင်းမှ လေယာဉ်ရုံ အဆောက်အုံအား ငှားရမ်း၍ (MMBAC) အဆောက်အုံအား တည်ဆောက်ထားခြင်းဖြစ်ကြောင်း သိရသည်။

ရန်ကုန်အပြည်ပြည်ဆိုင်ရာလေဆိပ် Terminal 2 မှ ပြည်ပလေကြောင်းလိုင်း ၁၁ ခု Terminal 1 သို့ ပြောင်းရွှေု့ခြင်းကို ဇူလိုင်လကုန်အထိ ပြုလုပ်မည်ဖြစ်ပြီး သတင်းအချက်အလက်များအား ရန်ကုန်လေဆိပ်မှ အချိန်နှင့်တစ်ပြေးညီ ထုတ်ပြန်မည်

ရန်ကုန်အပြည်ပြည်ဆိုင်ရာလေဆိပ်ရှိ လေဆိပ်အဆောက်အအုံနှစ်ခုအား တစ်ဆက်တည်း ချိတ်ဆက်တည်ဆောက်နေသည်ကို တွေ့ရစဉ် (ဓာတ်ပုံ-ရွှန်းလဲ့ဝင်း)

ရန်ကုန်အပြည်ပြည်ဆိုင်ရာလေဆိပ် Terminal 2 မှ ပြည်ပလေကြောင်းလိုင်း ၁၁ ခုကို Terminal 1 သို့ ပြောင်းရွှေ့ခြင်းအား ဇူလိုင်လကုန်အထိ ပြုလုပ်မည်ဖြစ်ပြီး ခရီးသည်များအတွက် လေကြောင်းလိုင်းဆိုင်ရာ သတင်းအချက်လက်များအား ရန်ကုန်လေဆိပ်က အချိန်နှင့် တစ်ပြေးညီ ထုတ်ပြန်မည်ဟု သိရသည်။

ရန်ကုန်အပြည်ပြည်ဆိုင်ရာ လေဆိပ် Terminal 2 မှ ပြည်ပလေ ကြောင်းလိုင်း ၁၁ ခုအား Terminal 1 သို့ အဆင့်ဆင့် ပြောင်းရွှေ့မည်ဖြစ်ပြီး Biman Bangladesh လေကြောင်းလိုင်းကို ဇူလိုင် ၇ ရက်တွင် ပထမဆုံး ပြောင်းရွှေ့မည်ဖြစ်ကြောင်း Yangon Aerodrome Company Ltd (YACL) က ဇူလိုင် ၆ ရက်က သတင်းထုတ်ပြန်ခဲ့သည်။

ရန်ကုန်အပြည်ပြည်ဆိုင်ရာ လေဆိပ် အဆင့်မြှင့်တင်ရေး စီမံကိန်းဖြစ်သည့် လေဆိပ်အဆောက်အအုံနှစ်ခုအား တစ်ဆက်တည်း ချိတ်ဆက် တည်ဆောက်ရာတွင် Terminal 2 ရှိ ပြည်ပလေကြောင်းလိုင်းအားလုံး Terminal 1 သို့ အဆင့်ဆင့် ပြောင်းရွှေ့မည်ဖြစ်ကြောင်း သိရသည်။

ယင်းကဲ့သို့ လေကြောင်းလိုင်းများအား ပြောင်းရွှေ့နေစဉ်ကာလအတွင်း ခရီးသည်များသည် လေကြောင်းလိုင်းဆိုင်ရာ အချက်အလက်များအတွက် လေဆိပ် Hot Line ဖုန်းဖြစ်သည့် ၀၁၉၆၇၀၇၇၇ သို့ ၂၄ နာရီ မေးမြန်းစုံစမ်းနိုင်မည်ဖြစ်ပြီး ရန်ကုန်လေဆိပ်မှလည်း သတင်းအချက်အလက်များကို အချိန်နှင့် တစ်ပြေးညီ ထုတ်ပြန်မည် ဖြစ်သည်။

ရန်ကုန်အပြည်ပြည်ဆိုင်ရာ လေဆိပ် အဆင့်မြှင့်တင်ရေး စီမံကိန်းတွင် ပါဝင်သည့် Terminal 1 နှင့် 2 အားချိတ်ဆက်ခြင်း လုပ်ငန်းဆောင်ရွက်နေပြီး အဆိုပါလုပ်ငန်း အပြီးသတ်နိုင်ရန်မှာ Terminal 2 ရှိလေဆိပ်ရုံးခန်းများ၊ လေကြောင်းလိုင်းများအား ခေတ္တပြောင်းရွှေ့ရန် လိုအပ်မည်ဖြစ်ကြောင်း သိရသည်။

သို့ဖြစ်၍ ပထမဆုံး Biman Bangladesh လေကြောင်းလိုင်းအား ဇူလိုင် ၇ ရက်တွင် ပထမဆုံး ပြောင်းရွှေ့သွားမည်ဖြစ်ပြီး ကျန်ရှိသည့် လေကြောင်းလိုင်းများဖြစ်သည့် Air Asia၊ China Airlines၊ Jetstar Asia၊ Malaysia Airlines၊ Myanmar National Airlines၊ Nok Air၊ Qata Airways၊ Thai Airways International၊ Thai Smile Airlines နှင့် VieJet Air တို့အား ဇူလိုင်လကုန်အထိ ဆက်လက်ပြောင်းရွှေ့မည်ဟု သိရသည်။

“ရန်ကုန်အပြည်ပြည်ဆိုင်ရာ လေဆိပ်အနေနဲ့ နိုင်ငံတကာအဆင့်မီ လေဆိပ်တစ်ခုအဖြစ် အကောင်းဆုံး ၀န်ဆောင်မှုပေးနိုင်ရေး ကြိုးစားနေတာနဲ့အညီ ကျွန်တော်တို့ရဲ့ ခရီးသည်တွေကို အခုလိုအနှစ်သာရ ပြည့်ဝတဲ့ အစီအစဉ်တွေနဲ့ တုံ့ပြန် ကြိုဆိုနိုင်ဖို့ အမြဲကြိုးစားနေပါတယ်။ Terminal 2 က အပြည်ပြည်ဆိုင်ရာ လေကြောင်းလိုင်းတွေကို Terminal 1 ကို ပြောင်းရွှေ့မှာနဲ့အညီ အပြည်ပြည်ဆိုင်ရာ ခရီးသည်များကို ပိုမို ကောင်းမွန်တဲ့ ၀န်ဆောင်မှုတွေ ပေးအပ်ဖို့ ရည်ရွယ်ထားပါတယ်” ဟု Yangon Aerodrome Company Ltd (YACL) မှ Chief Operating Officer ဖြစ်သူ Mr. Jose Angeja က ရန်ကုန်လေဆိပ်သို့ ၀င်ရောက်သည့် ခရီးသည် သုံးသန်းပြည့်မြောက်သည့် အခမ်းအနားတွင် ပြောကြားခဲ့သည်။

ရန်ကုန်လေဆိပ်သို့ ရောက်ရှိလာသည့် ခရီးသွားများ၏ ပစ္စည်းများကို လေကြောင်းရဲဌာနက ပြန်လည်စစ်ဆေးနေခြင်း ဆက်လက်မပြုလုပ်ရန် ပြည်ထဲရေးဝန်ကြီးဌာနနှင့် ညှိနှိုင်းနေ

ရန်ကုန်လေဆိပ် အတွင်းပိုင်း တစ်နေရာကို တွေ့ရစဉ်

ရန်ကုန်လေဆိပ်သို့ ရောက်ရှိလာသည့် ခရီးသည်များ၏ ပစ္စည်းများအား ပြည်ထဲရေးဝန်ကြီးဌာန လက်အောက်ရှိ ရန်ကုန်လေဆိပ်၊ လေကြောင်းရဲဌာနမှ ပြန်လည်စစ်ဆေးနေခြင်းအား ဆက်လက်မပြုလုပ်ရန် ပြည်ထဲရေးဝန်ကြီးဌာနနှင့် ညှိနှိုင်းနေကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာနမှ သတင်းရရှိသည်။

“လေကြောင်းလုံခြုံရေးရဲ့ သဘောသဘာဝအရဆိုရင် လေယာဉ်ပေါ်ကို တင်တဲ့ပစ္စည်းကိုသာ အဓိကထားစစ်တာ။ အရေးကြီးတဲ့ ဖောက်ခွဲရေးပစ္စည်း လေယာဉ်ပေါ် မပါသွားဖို့ ကာကွယ်တာ။ အခုလိုမျိုး ရန်ကုန်လေဆိပ်ကိုအ၀င်မှာ စစ်နေတာ ခရီးသည်တွေအတွက် အခက်ခဲဖြစ်နေလို့ မလုပ်ပါနဲ့ ပြောတယ်။ အစည်းအဝေးမှာ နှုတ်နဲ့လည်း ပြောတယ်။ စာလည်း ပို့ထားတယ်။ အဲဒါကို မလိုက်နာဘူးဆိုတော့ ၀န်ကြီးရုံးကို စာနဲ့တင်ထားတယ်။ ၀န်ကြီးဌာန အချင်းချင်း ညှိပေးမယ်ပြောတယ်။ ဒါမှ မရရင်တော့ သမ္မတရုံးအထိ တင်ပြသွားမယ်” ဟု အမျိုးသားမြို့ပြလေကြောင်း လုံခြုံရေးကော်မတီမှ တွဲဖက်အတွင်းရေးမှူး ဦးရဲထွဋ်အောင်က ပြောကြားသည်။

ယင်းသို့ ခရီးသည်များ၏ ခရီးဆောင်အိတ်များအား လေကြောင်းရဲဌာနမှ ပြန်လည်စစ်ဆေးနေခြင်းကြောင့် မလိုအပ်ဘဲ ကြန့်ကြာမှုများဖြစ်ပေါ်နေပြီး ခရီးသည်များ များစွာစိတ်အနှောင့်အယှက်ဖြစ်ရပြီး အဆင်မပြေမှုများ ဖြစ်ပေါ်နေရသည့်အတွက် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ လက်အောက်ရှိ လေကြောင်းပို့ဆောင်ရေးညွှန်ကြားမှုဦးစီးဌာနမှ ယင်းသို့ ပြန်လည်စစ်ဆေးခြင်း မပြုဘဲ နိုင်ငံတကာစံနှုန်းနှင့်အညီ မသင်္ကာသည့်သူများကိုသာ ကြားပေါက် စစ်ဆေးသည့် စနစ်ကိုသာ အသုံးပြုသင့်ကြောင်း ဌာနအတွင်း အစည်းအဝေးများတွင် နှုတ်ဖြင့်တင်ပြခြင်း၊ လေကြောင်းရဲဌာနသို့ စာပို့ခြင်းများ ပြုလုပ်ခဲ့ကြောင်း သိရသည်။

ယင်းကဲ့သို့ နှုတ်ဖြင့်တင်ပြခြင်း၊ စာပို့ခြင်းများ ပြုလုပ်ခဲ့သော်လည်း လေကြောင်းရဲဌာနမှ လိုက်နာသဘောတူခြင်းမရှိသည့်အတွက် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ၀န်ကြီးရုံးမှ ပြည်ထဲရေးဝန်ကြီးဌာနသို့ စာတင်ပြီး ၀န်ကြီးဌာနအချင်းချင်း ညှိနှိုင်းနေကြောင်း အချက်အလက်များအရ သိရသည်။

“လက်ရှိ အပြည်ပြည်ဆိုင်ရာလေဆိပ်တွေမှာ ဆိုက်ရောက်ခရီးသည်တွေကို ပြန်စစ်နေတဲ့ကိစ္စ၊ ဒီမှာအကြီးမားဆုံးဖြစ်နေတဲ့ ကိစ္စက ရန်ကုန်လေဆိပ်ဆိုရင် လေယာဉ်ပေါ်ကဆင်းလာတဲ့ ခရီးသည်တွေရဲ့ ပစ္စည်းတွေကို ပြန်စစ်တယ်။ ဒါကို ဦးတို့က မစစ်ပါနဲ့ပြောတယ်။ နိုင်ငံတကာမှာဆိုရင် ရန်ကုန်လေဆိပ်မှာ ပစ္စည်းတွေ စစ်ပြီးသွားပြီဆိုရင် ဘန်ကောက်ကိုရောက်တယ်။ ဟိုမှာထပ် စစ်သလားဆိုရင် မစစ်ဘူး။ အကောက်ခွန်က Check တာပဲရှိတယ်။ အကောက်ခွန်က တားမြစ်ပစ္စည်းတွေရှိတယ်။ ဒါတွေကိုစစ်ဖို့က အကောက်ခွန်ရဲ့တာဝန်။ ရဲတာဝန်မဟုတ်ဘူး။ လုံခြုံရေးတာဝန်က မတင်ခင်မှာဘဲ စစ်ရမှာ။ ဆင်းလာတဲ့ပစ္စည်းကို မစစ်ရဘူး။ ဒီမှာက ပြောင်းပြန်ဖြစ်နေတယ်။ တကယ်တမ်းဆိုရင် အမျိုးသားအဆင့်ကော်မတီမှာ ပို့ဆောင်ရေးဝန်ကြီးနဲ့ လေကြောင်းဦးစီးညွှန်ချုပ်က ဥက္ကဋ္ဌနဲ့ အတွင်းရေးမှူးဖြစ်တယ်လေ။ လေဆိပ်လုံခြုံရေးအတွက်ဆိုရင် ဦးတို့အဖွဲ့က ပြောတာကိုပဲ လုပ်စေလိုတယ်။ ထူးခြားသတင်းရလို့ စစ်ချင်ရင် ဦးတို့နဲ့ ညှိနှိုင်းရမယ်။ ပြီးရင် သတင်းပေးရမယ်။ ဒါကလည်း နေရာနဲ့ အချိန်တစ်ခုတော့ရှိရမယ်။ အခုက ဘယ်အချိန်ထိစစ်မယ် ဆိုတာလည်း မပြောဘူး။ အကုန်လုံး ၀င်လာသမျှ စစ်နေမယ် ဆိုရင်တော့ အဆင်မပြေဘူး” လေကြောင်းပို့ဆောင်ရေးနှင့် ညွှန်ကြားမှုဦးစီးဌာနမှ ဒုတိယ ညွှန်ကြားရေးမှူးချုပ် ဦးရဲထွဋ်အောင်က ပြောကြားသည်။