ရန်ကုန်မြို့ပတ်ရထားလမ်း အဆင့်မြှင့်တင်မှု ပထမအဆင့် စီမံကိန်းဖြစ်သည့် အင်းစိန်-တညင်းကုန်း ရထားလမ်းပိုင်း ပြုပြင်မှု စက်တင်ဘာကုန်တွင် ပြီးစီးမည်

ရန်ကုန်မြို့တွင်း ပြေးဆွဲလျက်ရှိသော မြို့ပတ်ရထားအား ဘုရားလမ်းဘူတာတွင် တွေ့ရစဉ် (ဓာတ်ပုံ-ကျော်ဇင်ဖြိုး)

ရန်ကုန်မြို့ပတ်ရထားလမ်း အဆင့်မြှင့်တင်မှု ပထမအဆင့် စီမံကိန်းတွင် ပါဝင်သည့် အင်းစိန်-တညင်းကုန်း ရထားလမ်းပိုင်း ပြုပြင်မှု စက်တင်ဘာကုန်တွင် ပြီးစီးမည်ဖြစ်ကြောင်း မြန်မာ့မီးရထားလုပ်ငန်းမှ သတင်းရရှိသည်။

ရန်ကုန်မြို့ပတ်ရထားလမ်း အဆင့်မြှင့်တင်ခြင်း စီမံကိန်းအား မြို့အရှေ့ခြမ်းနှင့် အနောက်ခြမ်းဟူ၍ နှစ်ပိုင်းခွဲခြား ပြုပြင်ရန် စီစဉ်ထားပြီး ၂၀၁၈ ခုနှစ် ဖေဖော်ဝါရီ ၂၁ ရက်တွင် အနောက်ဘက်ခြမ်း အဆင့်မြှင့်တင်ခြင်းအား စတင်ခဲ့ခြင်းဖြစ်သည်။

အဆင့်မြှင့်တင်သွားမည် ရန်ကုန်မြို့ပတ်ရထားလမ်း စီမံကိန်း၏ အနောက်ခြမ်းတွင် တညင်းကုန်-အင်းစိန်၊ အင်းစိန်-ကြည့်မြင်တိုင်နှင့် ကြည့်မြင့်တိုင်-ဘုရားလမ်းဟူ၍ ရထားလမ်းပိုင်း သုံးပိုင်းခွဲခြား ဆောင်ရွက်သွားမည် ဖြစ်သည်။ အရှေ့ခြမ်းတွင် တညင်းကုန်-ပုရွက်ဆိတ်ကုန်း၊ ပုရွက်ဆိတ်ကုန်း-ပုစွန်တောင်ဟူ၍ နှစ်ပိုင်းခွဲခြား ဆောင်ရွက်သွားမည်ဖြစ်သည်။

ဖေဖော်ဝါရီ ၂၁ ရက်တွင် စတင်ခဲ့သည့် ရန်ကုန်မြို့ပတ်ရထားလမ်းပိုင်း၏ အနောက်ခြမ်း ပြုပြင်မှုများကို အေ၀မ်းကုမ္ပဏီမှ လုပ်ကိုင်ခွင့် ရရှိထားခြင်းဖြစ်သည်။ ရန်ကုန်မြို့ပတ်ရထားလမ်းပိုင်း၏ အနောက်ခြမ်း အဆင့်မြှင့်တင်မှုတွင် အင်းစိန်-တညင်းကုန်း ရထားလမ်းပိုင်း၏ လက်ဝဲရစ်လမ်းပိုင်း ပြုပြင်မှုများမှာ ယခုလကုန်တွင် ပြီးစီးမည်ဖြစ်ပြီး အောက်တိုဘာ ၁ ရက်မှ စတင်ကာ လက်ယာရစ်လမ်းပိုင်း ပြုပြင်မှုများကို စတင်သွားမည်ဟု သိရသည်။

ယခင်က ရန်ကုန်မြို့ပတ် ရထားလမ်း အဆင့်မြှင့်တင်ခြင်း လုပ်ငန်းကို မြို့အရှေ့ခြမ်း ရထားလမ်းပိုင်းအား စတင်ပြုလုပ်ရန် စီစဉ်ထားသော်လည်း တင်ဒါအောင်မြင်သည့် ပထမကုမ္ပဏီမှ နောက်ဆုတ်သွားခဲ့သဖြင့် ဒုတိယလျာထား ကုမ္ပဏီဖြစ်သည့် ရွှေ တောင်ကုမ္ပဏီအား ပြန်လည်ရွေးချယ် နေရခြင်းကြောင့် အနောက်ဘက်ခြမ်း အဆင့်မြှင့်တင်မှုအား စတင်ခဲ့ခြင်းဖြစ်သည်။

“ကနဦးက မိုးရာသီကာလမှာ ပြုပြင်မှုတွေကို ရပ်နားဖို့ စီစဉ်ထားပေမယ့် လမ်းပိုင်းပြုပြင်မှုတွေ လုပ်တဲ့အခါမှာ နှောင့်နှေးမှုတွေ ရှိခဲ့တော့ မနားခဲ့ဘဲ ဆက်တိုက်ဆောင်ရွက် ခဲ့တာပါ။ အင်းစိန်-တညင်းကုန်း ရထားလမ်းပိုင်းရဲ့ လက်ဝဲရစ်လမ်းပိုင်း ပြုပြင်မှုတွေက အခုလကုန်မှာ ပြီးစီးမှာဖြစ်ပါတယ်။ အောက်တိုဘာ ၁ ရက်နေ့မှာစပြီး  လက်ယာရစ်လမ်းပိုင်း ပြုပြင်မှုတွေကို စတင်သွားမှာဖြစ်ပြီး အောက်တိုဘာ၊ နိုဝင်ဘာ နှစ်လအတွင်း အပြီးဆောင်ရွက်သွားမှာ ဖြစ်ပါတယ်” ဟု မြန်မာ့မီးရထားလုပ်ငန်းမှ လက်ထောက်မန်နေဂျာ ဦးကျော်မျိုးလွင်က The Daily Eleven သတင်းစာသို့ ပြောကြားသည်။

၁၉၅၈ ခုနှစ်တွင် ဖောက်လုပ်ခဲ့သည့် ရန်ကုန်မြို့ပတ်ရထားလမ်းပိုင်းသည် နှစ်ပေါင်း ၆၀ ခန့် သက်တမ်းရှိပြီ ဖြစ်သော်လည်း လမ်းပိုင်းအကြီးစားပြုပြင်ခြင်း လုပ်ငန်းကို ယခုနှစ်တွင်မှ ပြုလုပ်နိုင်ခဲ့ခြင်းဖြစ်ပြီး အဆိုပါလမ်းပိုင်းကို ဂျပန်အစိုးရချေးငွေ အမေရိကန်ဒေါ်လာ ၂၀၆ သန်းကျော်နှင့် နိုင်ငံတော်ဘတ်ဂျက် အမေရိကန်ဒေါ်လာ ၉၄ သန်းကျော်ဖြင့် အဆင့်မြှင့်တင် သွားမည်ဖြစ်ကြောင်း မြန်မာ့မီးရထားမှ သတင်းထုတ်ပြန်ထားသည်။

လက်ရှိမြို့ပတ်ရထား လမ်းပိုင်းသည် ၂၉ မိုင်ခန့်ရှည်လျားပြီး မြို့တစ်ပတ်ခုတ်မောင်းချိန် အနေဖြင့် ၂ နာရီနှင့် မိနစ် ၅၀ ကြာမြင့်ကြောင်း သိရသည်။ ရန်ကုန်မြို့ပတ်ရထားလမ်း အဆင့်မြှင့်တင်ခြင်း စီမံကိန်း ပြီးစီးပါက မြို့တစ်ပတ် ခုတ်မောင်းချိန် ၁ နာရီ မိနစ် ၅၀ ခန့်သာ ကြာမြင့်မည်ဖြစ်ကြောင်း သိရသည်။

မြို့ပတ်ရထားစီးနင်းသူ အနေဖြင့် လက်ရှိတွင် တစ်ရက်လျှင် လူဦးရေ ကိုးသောင်းခန့်ရှိရာမှ စီမံကိန်းပြီးစီးသည့် ၂၀၁၉ နှစ်ကုန်းပိုင်း၌ တစ်ရက်လျှင် သုံးသိန်းခန့် ရှိလာနိုင်မည်ဟု သိရသည်။

ရန်ကုန်တိုင်းဒေသကြီး စာရင်းစစ်ချုပ် အစီရင်ခံစာတွင် ပါရှိသည့် YBS အရှုံးပေါ်ခြင်းကိစ္စ၊ ပန်းခြံများနှင့် မြေများငှားရမ်းထားမှု အခြေအနေများနှင့် ပတ်သက်ပြီး ရန်ကုန်တိုင်းဒေသကြီး ၀န်ကြီးချုပ်က NLD ကိုယ်စားလှယ်များအား တွေ့ဆုံရှင်းလင်း

ဝန်ကြီးချုပ် ဦးဖြိုးမင်းသိန်းနှင့် လွှတ်တော်ကိုယ်စားလှယ်များ စက်တင်ဘာ ၁၈ ရက်က တွေ့ဆုံဆွေးနွေးစဉ် (ဓာတ်ပုံ – Kyaw Kyaw Tun Facebook)

ရန်ကုန်တိုင်းဒေသကြီး စာရင်းစစ်ချုပ် အစီရင်ခံစာတွင် ပါရှိသည့် YBS အရှုံးပေါ်ခြင်းကိစ္စ၊ ပန်းခြံများ၊ မြေများငှားရမ်းခြင်း အခြေအနေများနှင့် ပတ်သက်ပြီး ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက စက်တင်ဘာ ၁၈ ရက်တွင် တိုင်းဒေသကြီး NLD လွှတ်တော်ကိုယ်စားလှယ်များအား တွေ့ဆုံရှင်းလင်းခဲ့ကြောင်း လှိုင်မြို့နယ် မဲဆန္ဒနယ် အမှတ် (၁) တိုင်းဒေသကြီး လွှတ်တော်ကိုယ်စားလှယ် ဦးကျော်ကျော်ထွန်းက ပြောကြားသည်။

ယခုအစိုးရလက်ထက်၌ အစီရင်ခံစာနှင့် ပတ်သက်ပြီး တွေ့ဆုံခြင်း၊ ဆွေးနွေးခြင်းများ ပြုလုပ်ခဲ့ခြင်း မရှိခဲ့သဖြင့် ရန်ကုန်တိုင်းဒေသကြီး အစိုးရအဖွဲ့က လာရောက်ဆွေးနွေး ခဲ့ခြင်းဖြစ်ကြောင်း၊ စာရင်းစစ်ချုပ် အစီရင်ခံစာနှင့် ပတ်သက်ပြီး တိုင်းဒေသကြီး အစိုးရအဖွဲ့က ၀င်ရောက်စွက်ဖက်ခြင်း မရှိကြောင်း၊ စာရင်းစစ်ကိုလည်း လွတ်လပ်စွာ စစ်ဆေးခွင့် ပြုထားကြောင်း၊ အားနည်းချက်၊ တွေ့ရှိချက်များကိုလည်း လွတ်လပ်စွာ ရေးသားခွင့်ပြုခဲ့ကြောင်း ၀န်ကြီးချုပ် ဦးဖြိုးမင်းသိန်းက ပြောကြားသည်ဟု လွှတ်တော်ကိုယ်စားလှယ် ဦးကျော်ကျော်ထွန်းကတစ်ဆင့် ပြောကြားသည်။

“စာရင်းစစ်ရဲ့ တွေ့ရှိချက်အတိုင်း ရေးတာပေါ့။ တချို့ဟာတွေက စာရင်းစစ်က တစ်နှစ်စာအတိုင်းပဲ ရေးသွားတဲ့အတွက် YBS မှာကျတော့ တစ်နှစ်နဲ့မဖြစ်ဘူး။ သူက ကားအသစ်တွေ ၀ယ်ထားတယ်။ ရင်းထားတာက ဘီလျံ ၇၀ ရင်းထားတယ်။ အရင်းကျေကာလက ငါးနှစ်သတ်မှတ်ထားတယ်။ အဲဒီလို သတ်မှတ်ထားတဲ့အတွက် တစ်နှစ်ချင်းစီကတော့ ရှုံးနေမှာပဲ။ ဒီဝင်ငွေအားလုံး ပေါင်းလိုက်ရင် ငါးနှစ်နေရင် အရင်းကျေပြီ။ အဲဒါတွေကို ၀န်ကြီးချုပ်က ရှင်းပြတယ်။ ငါးနှစ်နောက်ပိုင်း ငွေတွေက အသားတင် အမြတ်တွေ ဖြစ်လာမယ်” ဟု ဦးကျော်ကျော်ထွန်းက ပြောကြားသည်။

ယင်းအပြင် ငှားရမ်းထားသည့် ပန်းခြံများ၊ မြေများသည် ဒေသပေါက်ဈေးနှင့် ကွာဟနေမှုများသည် ယခင်အစိုးရ လက်ထက်တွင် စာချုပ်ချုပ်ဆိုခဲ့သည့် ကိစ္စများဖြစ်ကြောင်း၊ ယခင်အစိုးရ၏ ကတိက၀တ်များကို နောက်အစိုးရမှ ဆက်လက်ဆောင်ရွက်ရကြောင်း ဦးကျော်ကျော်ထွန်းက ပြောကြားသည်။

“ဒါတွေက အရင်အစိုးရက ချုပ်ထားတဲ့ စာချုပ်တွေ အခုခေတ်မှာတော့ ဒါကို စာချုပ်ပြန်စစ်ရမယ်။ အစိုးရဆိုတာက ပြောင်းသွားတယ်။ အစိုးရတစ်ရပ်ရဲ့ စာချုပ်တွေက မခိုင်မာဘူးဆိုရင် ရင်းနှီးမြှုပ်နှံသူတွေက ဘယ်သူပဲဖြစ်ဖြစ် မချုပ်ရဲတော့ဘူး။ ဒီလိုဖြစ်မယ်လေ။ အစိုးရဖြစ်တဲ့အတွက် မူဘောင်တွေအရတော့ လုပ်ရမယ်။ အပြင်မှာကတော့ ပြောမှာပဲ။ ကန်တော်ကြီး ငှားထားတာက ဘယ်လောက် ရှိတယ်။ အပြင်နဲ့တွက်ရင် နည်းနေမယ် ဆိုတာကတော့ ပြောမှာပဲ။ စာရင်းစစ်ကတော့ ဒီလိုတွေ့ရှိပေမယ့်  စာချုပ်ဆိုတာ ကတိက၀တ်တွေ ဖြစ်တဲ့အတွက် ရှေ့လူကတိက၀တ်ကို နောက်လူကလည်း ကတိက၀တ်အတိုင်း လုပ်ရတာပဲ” ဟု ဦးကျော်ကျော်ထွန်းက ပြောကြားသည်။

ဆက်လက်ပြီး အစိုးရတစ်ရပ်၏ ဆောင်ရွက်ချက်များသည် ပြင်ပလူပုဂ္ဂိုလ်များ၏ ဆောင်ရွက်ချက်နှင့် မတူညီကြောင်း၊ လုပ်ထုံးလုပ်နည်း အဆင့်ဆင့်ရှိကြောင်း၊ ယနေ့ တွေ့ဆုံပွဲသည် အဆိုပါကိစ္စများကို ၀န်ကြီးချုပ်က ရှင်းလင်းခြင်းဖြစ်ကြောင်း သိရသည်။

“ဒါမျိုးလေးတွေ လာရှင်းပြတော့ မသိရတဲ့ဟာတွေ သိရတယ်။ နှစ်ဦးနှစ်ဖက် ထိန်းကျောင်းမှုလည်း ကောင်းတယ်” ဟု လွှတ်တော်ကိုယ်စားလှယ် ဦးကျော်ကျော်ထွန်းက ပြောကြားသည်။

ထို့ပြင် လွှတ်တော်၌ လွှတ်တော်ကိုယ်စားလှယ်များ ခွင့်တိုင်ကြားခြင်းနှင့် စည်းကမ်းပိုင်း ထိန်းကျောင်းမှုများ ပြုလုပ်နိုင်ရန်အတွက် ဆော်သြရေးမှူး ထားရှိရန် ဆောင်ရွက်သွားမည်ဖြစ်ကြောင်း သိရသည်။

“ဆော်သြရေးမှူး ဆိုတာက လွှတ်တော်မှာ ခွင့်တိုင်တာကအစ တစ်ခုခု အစည်းအဝေးတွေ အကြောင်းကြားတာဖြစ်ဖြစ် ခရိုင်အလိုက်တွေထားဖို့ သူကတော့ စောင့်ကြည့်တာပေါ့။ လွှတ်တော် ကိုယ်စားလှယ်တွေရဲ့ စည်းကမ်းပိုင်းတွေကိုလည်း သူကပဲ ထိန်းကျောင်းမှာပေါ့။ အဲဒါမျိုးထားဖို့ ၀န်ကြီးချုပ်က ပြောတယ်” ဟု ဦးကျော်ကျော်ထွန်းက ပြောကြားသည်။

 

Traffic Control Center မှာ သတ်မှတ်ချိန်အတွင်း ပြီးစီးမှုမရှိသဖြင့် ကုမ္ပဏီထံမှ ဒဏ်ကြေးငွေ ကျပ် ၂၁ သန်း ရရှိခဲ့သော်လည်း လက်ရှိအချိန်တွင် ဒဏ်ကြေးဆက်လက် ပေးဆောင်ထားမှုမရှိ

ပြည်သူ့ရင်ပြင်အတွင်း ဆောက်လုပ်ထားသည့် Traffic Control Center ကို တွေ့ရစဉ် (ဓာတ်ပုံ- ရှိုင်းလင်းအောင်)

Traffic Control Center မှာ သတ်မှတ်ချိန်အတွင်း ပြီးစီးမှုမရှိသဖြင့် ကုမ္ပဏီထံမှ ဒဏ်ကြေးငွေ ကျပ် ၂၁ သန်း ရရှိခဲ့သော်လည်း လက်ရှိအချိန်တွင် ဒဏ်ကြေးဆက်လက် ပေးဆောင်ထားမှု မရှိကြောင်း ရန်ကုန်တိုင်းဒေသကြီး စာရင်းစစ်ချုပ်၏ ၂၀၁၆-၂၀၁၇ ဘဏ္ဍာနှစ် အစီရင်ခံစာတွင် ဖော်ပြထားသည်။

အစီရင်ခံစာတွင် ၂၀၁၅-၂၀၁၆ ခုနှစ် ဘဏ္ဍာနှစ်တွင် ရန်ကုန်မြို့တော်တွင် ယာဉ်ကြောပိတ်ဆို့မှု ရှင်းလင်းရန် ခေတ်မီ မီးအချက်ပြစနစ် တပ်ဆင်ခြင်းနှင့် ထိန်းချုပ်ရေးစင်တာ တည်ဆောက်ခြင်း လုပ်ငန်းအတွက် တင်ဒါအောင်မြင်သည့် ကုမ္ပဏီ Myanmar Shwe Ying International Co.,Ltd & China Railway 21st Bureau Group Co.,Ltd (China) နှင့် တန်ဖိုးကျပ် ၁၈ ဒသမ ၉၃၈ ဘီလျံဖြင့် စာချုပ်ချုပ်ဆို ဆောင်ရွက်ခဲ့ရာ သတ်မှတ်ချိန်အတွင်း လုပ်ငန်းပြီးစီးမှု မရှိသဖြင့် ဒဏ်ကြေးကျပ် ၂၁ သန်း ရရှိထားပြီး ဖြစ်သော်လည်း လက်ရှိတွင် ဒဏ်ကြေးဆက်လက် ပေးဆောင်ထားမှု မရှိခြင်းနှင့် လုပ်ငန်းပြီးစီးမှု မရှိသေးကြောင်း သိရသည်။

Control Center အပြီးသတ်တွင် တိုင်းဒေသကြီး အစိုးရနှင့် ကုမ္ပဏီကြား အငြင်းပွားမှု ဖြစ်ပွားနေခြင်းကြောင့် ကြန့်ကြာနေခြင်း ဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက သြဂုတ် ၂၄ ရက်တွင် ရန်ကုန်တိုင်းဒေသကြီး အစိုးရအဖွဲ့ရုံး၌ ကျင်းပသည့် ရန်ကုန်တိုင်းဒေသကြီး အစိုးရအဖွဲ့ ဒုတိယတစ်နှစ်တာ ဆောင်ရွက်ချက်များ သတင်းစာ ရှင်းလင်းပွဲတွင် ပြောကြားသည်။

ရန်ကုန်မြို့တွင်းရှိ မော်တော်ယာဉ် သွားလာမှုများ၊ လိုင်စင်မဲ့ မော်တော်ယာဉ်များ၊ စည်းကမ်းမဲ့ မော်တော်ယာဉ်များကို စောင့်ကြည့်ထိန်းချုပ်ရန်နှင့် ယာဉ်ကြောကျပ်တည်းမှုကို ဖြေလျှော့နိုင်ရန်အတွက် ရည်ရွယ်ပြီး Control Center ကို ယခင်အစိုးရ လက်ထက်တွင် စတင်တည်ဆောက် ခဲ့ခြင်းဖြစ်သည်။

မီးပွိုင့်နှင့် Control Center အကြား ဆက်သွယ်ပေးမည့် ကေဘယ်ကြိုးကိစ္စနှင့် ပတ်သက်ပြီး အစိုးရနှင့် ကုမ္ပဏီကြား အငြင်းပွားနေခြင်းဖြစ်သည်။

“စာရွက်စာတမ်းမှာ ဒီအခြေအနေနဲ့ ပတ်သက်ပြီး အငြင်းပွားနေတော့ ညှိနှိုင်းနေပါတယ်။ အပြီးသတ်နိုင်ဖို့လည်း လုပ်ဆောင်နေပါတယ်” ဟု ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ပြောကြားသည်။

အဆိုပါ Control Center သည် သတ်မှတ်ချိန်အတွင်း ပြီးစီးမှုမရှိသဖြင့် ဒဏ်ကြေးအနေဖြင့် တစ်ရက်လျှင် ကျပ်တစ်သိန်းကို တိုင်းဒေသကြီး အစိုးရအဖွဲ့သို့ ပေးဆောင်နေသော်လည်း ဒဏ်ကြေးထက် လုပ်ငန်းပြီးစီးရန်သာ လိုအပ်ကြောင်း ၎င်းကဆက်လက် ပြောကြားသည်။

“ဒဏ်ကြေးထက် လုပ်ငန်းပြီးဖို့ကိုပဲ လိုချင်တာပါ။ ဒီဟာကြီး အပြီးသတ်သွားမယ်ဆိုရင် ယာဉ်ကြော ကျပ်တည်းတာတွေ၊ ရာဇ၀တ်မှု ကိစ္စတွေကို စောင့်ကြည့်နိုင်မှာ ဖြစ်ပါတယ်။ ပြီးဖို့ကိုလည်း ဆက်လက်ညှိနှိုင်း ဆောင်ရွက်နေပါတယ်” ဟု ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောကြားသည်။

လက်ရှိတွင် Control Center ဖြင့် ချိတ်ဆက်ထားသည့် မီးပွိုင့် ၁၅၄ ခုသည် ပျက်စီးမှုများ ရှိနေသဖြင့် ပြန်လည်ပြုပြင်ရန် ညွှန်ကြားထားကြောင်း ရန်ကုန်မြို့တော် စည်ပင်သာယာရေး ကော်မတီမှ သိရသည်။

ဒဂုံမြို့နယ်ရှိ Traffic Control Center အား တရုတ်နိုင်ငံအခြေစိုက် CRCC (China Railway Construction Coproration) ကုမ္ပဏီက တာဝန်ယူ တည်ဆောက်နေပြီး အချိန်မီပြီးစီးမှု မရှိသည့်အတွက် မြန်မာနိုင်ငံဆိုင်ရာ တရုတ်သံအမတ်နှင့် ညှိနှိုင်းနေကြောင်း သိရသည်။

 

ကျောက်တံတားမြို့နယ်ရှိ စုပေါင်းရုံးကို ငှားရမ်းခအဖြစ် တစ်နှစ်လျှင် ကျပ်သန်း ၄၀၀ ပုံမှန်ပေးသွင်းရမည် ဖြစ်သော်လည်း ၂၀၁၇ ခုနှစ် အောက်တိုဘာမှစ၍ လက်ရှိအချိန်အထိ ပေးသွင်းမှုမရှိသေး

ကျောက်တံတားမြို့နယ်ရှိ ယခင်စုပေါင်းရုံး အဆောက်အအုံအား တွေ့ရစဉ် (ဓာတ်ပုံ-ဖြိုးဝေ)

ကျောက်တံတားမြို့နယ်ရှိ စုပေါင်းရုံး ကို ငှားရမ်းခအဖြစ် တစ်နှစ်လျှင်ကျပ်သန်း ၄၀၀ ပုံမှန်ပေးသွင်းရမည် ဖြစ်သော်လည်း ၂၀၁၇ အောက်တိုဘာမှစ၍ လက်ရှိအချိန်ထိ ငှားရမ်းခ ပေးသွင်းမှု မရှိသေးကြောင်း စာရင်းစစ်ချုပ် အစီရင်ခံစာအရ သိရသည်။

ရန်ကုန်တိုင်းဒေသကြီး ကျောက်တံတားမြို့နယ် ကမ်းနားလမ်းရှိ စုပေါင်းရုံးအား တစ်နှစ်လျှင် ကျပ်သန်း ၄၀၀ ဖြင့် ငှားရမ်းခအား ၂၀၁၇ အောက်တိုဘာ ၇ ရက်တွင် စတင်ပေးသွင်းရမည် ဖြစ်သော်လည်း ပေးသွင်းမှု မရှိကြောင်း သိရသည်။

ထို့ပြင် ရန်ကုန်တိုင်းဒေသကြီး ကော့မှူးမြို့နယ်ရှိ ဆူးကလပ်ရာဘာခြံ ၁၃၂၅ ဧက အား ငှားရမ်းလုပ်ကိုင်နိုင်ခြင်း မရှိသဖြင့် နိုင်ငံတော်မှ ရသင့်ရထိုက်သည့် ၀င်ငွေများ ရရှိမှုမရှိခြင်း၊ ဒဂုံမြို့သစ် အရှေ့ပိုင်းမြို့နယ် မလစ်ကျေးရွာအုပ်စု၊ တောင်တလုတ်ကျေးရွာ မြေ ၅၅၀ဧကအား Excellent Fortune Contructing Co.,Ltd သို့ ၂၀၁၆ မတ် ၂၅ ရက်တွင် စာချုပ်ချုပ်ဆိုပြီး ၅ ရက်အကြာ ၂၀၁၆ မတ် ၃၀ ရက်တွင် မြေငှားဂရန် ချထားပေးခဲ့ကြောင်း သိရသည်။

ယင်းအပြင် ဒဂုံမြို့သစ်(အရှေ့)မြို့နယ်၊ မလစ်ကျေးရွာအနီးရှိ မြေဧက ၄၀၀ အား အသေးစား စက်မှုဥယျာဉ် တည်ထောင်ရန် အတွက် မြို့တော်သစ် ဖွံ့ဖြိုးတိုးတက်ရေးနှင့် အများနှင့် သက်ဆိုင်သော ကုမ္ပဏီလိမိတက်သို့ ၂၀၁၅ ဒီဇင်ဘာ ၁၁ ရက်တွင် စာချုပ်ချုပ်ဆို ငှားရမ်းခဲ့သော်လည်း စာချုပ်မချုပ်ဆိုမီ ၂၀၁၅ နိုဝင်ဘာ ၁၁ ရက်ကပင် မြေငှားဂရန်များ ထုတ်ပေးပြီးဖြစ်သဖြင့် ကုမ္ပဏီများသို့ အခွင့်အရေးများ ပေးထားပြီး အလျင်အမြန် လွှဲပြောင်းဂရန် ထုတ်ပေးထားခဲ့ကြောင်း အစီရင်ခံစာတွင် ဖော်ပြထားသည်။

ဆက်လက်ပြီး ၂၀၁၄-၂၀၁၅ ဘဏ္ဍာရေးနှစ် ငွေလုံးငွေရင်း ခွင့်ပြုရန်ပုံငွေများဖြင့် ဆောင်ရွက်ခဲ့သည့် တိုက်ကြီး-ဥတို- ချောင်းသုံးခွ-အဖျောက်လမ်းပေါ်ရှိ ဒုံဗျိုက်တံတား တည်ဆောက်ရေး လုပ်ငန်းတွင် တွက်ချက်မှု မှားယွင်းသဖြင့် ကျပ် ၈၂ဒသမ ၆၂၆ သန်းနှင့် အင်းလန်တံတား တည်ဆောက်ရေး လုပ်ငန်းတွင် ကျပ် ၂ ဒသမ ၃၂၇ သန်း ပြန်လည်ပေးသွင်း စေခဲ့ရသဖြင့် လုပ်ငန်းခန့်မှန်းခြေ စာရင်းများ ရေးဆွဲရာတွင် မှန်ကန်စေရေး ဆောင်ရွက်ရန် လိုအပ်ကြောင်း ဖော်ပြထားသည်။

စုပေါင်းရုံး အဆောက်အအုံကို ၁၉၂၇ ခုနှစ်တွင် စတင်တည်ဆောက်ခဲ့၍ ၁၉၃၁ ခုနှစ်၌ ပြီးစီးခဲ့ကာ ကိုလိုနီရုံးအဖြစ် အသုံးပြုခဲ့ပြီး ဒုတိယကမ္ဘာစစ်တွင် ဂျပန်များက ပလိပ်မင်းကြီးရုံးအဖြစ် လည်းကောင်း၊ ၁၉၇၄ မှ ၁၉၈၈ ခုနှစ်တွင် မြန်မာ့ဆိုရှယ်လစ်လမ်းစဉ်ပါတီ ဌာနချုပ်အဖြစ် လည်းကောင်း၊ ထို့နောက် ရန်ကုန်တိုင်း စုပေါင်းရုံး တရားရုံးအဖြစ် အသုံးပြုခဲ့ကြောင်း သိရသည်။

ရန်ကုန်တိုင်း စုပေါင်းရုံးအား မြန်မာနိုင်ငံ ရင်းနှီးမြှုပ်နှံမှု ကော်မရှင်က ၂၀၁၂ ခုနှစ်တွင် Flying Tiger Engineering Co.,Ltd အား ဟိုတယ်အဖြစ် လုပ်ကိုင်ရန်ခွင့်ပြုခဲ့ခြင်း ဖြစ်သော်လည်း လက်ရှိအချိန်အထိ ဟိုတယ်အဖြစ် လုပ်ငန်းလည်ပတ်နိုင်မှု မရှိသေးပေ။

စုပေါင်းရုံးအား ဟိုတယ်အဖြစ် ပြောင်းလဲလုပ်ကိုင်ခွင့် ပြုခဲ့သဖြင့် ၂၀၁၂ ခုနှစ် အောက်တိုဘာ ၁၇ ရက်တွင် ရှေ့နေများကွန်ရက်မှ ဆန္ဒထုတ်ဖော်ခဲ့သည်။

တာမွေဈေးရှေ့တွင် ဖြစ်ပွားခဲ့သည့် လူသတ်မှုမှ ပြစ်မှုကျူးလွန်သူများကို ဖမ်းဆီးရမိ

ဓာတ်ပုံ – Yangon Police

တာမွေမြို့နယ်၊ တာမွေဈေးရှေ့တွင် စက်တင်ဘာလ ၁၁ ရက်နေ့ ည ၁၀ နာရီ ၁၅ မိနစ်ခန့်က အုပ်စုနှစ်စု ခိုက်ရန်ဖြစ်ပွားရာမှ ဓားခုတ်ခံရမှုကြောင့် တစ်ဦးသေဆုံးခဲ့ရသည့် ဖြစ်စဉ်မှ လူသတ်မှု ပြစ်မှုကျူးလွန်သူများ ဖော်ထုတ်ဖမ်းဆီး ရမိပြီဖြစ်ကြောင်း ရဲတပ်ဖွဲ့ ထုတ်ပြန်ချက်အရ သိရသည်။

ဖြစ်စဉ်မှာ စက်တင်ဘာလ ၁၁ ရက် ညနေ ၅ နာရီအချိန်က တာမွေမြို့နယ်၊ (က) ရပ်ကွက်နေ ဒေါ်———၏ အတူနေ သမီးဖြစ်သူ မ——- နှင့် သမီး၏ ခင်ပွန်းဖြစ်သူ ကတုံးမ(ခ) ဇော်ဟိန်းသူ၊ (၃၀)နှစ်တို့သည် ကျိုက္ကဆံလမ်းမပေါ်ရှိ ——- ကလေးကစားသည့်ဆိုင်တွင် ဂိမ်းဆော့ရင်း ဆိုင်ရှေ့တွင် ၎င်း၏ကလေးအား အနီးရှိ ကလေးတစ်ဦးမှ ကစားစရာ သေနတ်ဖြင့် ဦးခေါင်းအား ထုနေသောကြောင့် မထုရန် ပြောဆိုရာမှ အဆိုပါကလေး၏ မိခင်ဖြစ်သူနှင့် စကားများရန်ဖြစ်ခဲ့ကြောင်း သိရသည်။

အဆိုပါ ကိစ္စနှင့် ပတ်သက်၍ ည ၁၀ နာရီ ၁၅ မိနစ် အချိန်ခန့်တွင် ၀င်းထွဋ်ဝင်း ဆိုသူမှ ဒေါ်——- ၏ ခင်ပွန်းဖြစ်သူ ဦး——–အား ဖုန်းဆက်၍ “မင်းတို့ေ-ာက်ချိုးမပြေဘူး။ မင်းတို့ကို လာခုတ်မယ်” ဟု ပြောကြားခဲ့ပြီး ဖုန်းထဲတွင် အပြန်အလှန် စကားများခဲ့ကြောင်း၊ ယင်းနောက် ဒေါ်—-တို့မိသားစုများမှာ တိုက်အောက်သို့ ဆင်းလာစဉ် မျက်နှာချင်းဆိုင် လမ်းတစ်ဖက်တွင် ကား (၃) စီးမောင်းနှင်လာပြီး ရပ်တန့်၍ ကားပေါ်မှ လူတစ်စု ဆင်းလာခဲ့ကြောင်း သိရသည်။

ဓာတ်ပုံ – Yangon Police

ထို့နောက် ၎င်းတို့လက်ထဲတွင် လှံ၊ ဓားများကိုင်ဆောင်ကာ ပြေးဝင်ထိုးခုတ်မှုကြောင့် ဒေါ်———၏ ခင်ပွန်းဖြစ်သူ ဦး——မှာ ယာလက်ထိုးသွင်းဒဏ်ရာဖြင့် လည်းကောင်း၊ ၎င်းတို့အိမ်မှ အလုပ်သမားဖြစ်သူ ကို—- တွင် ၀ဲပခုံးထိုးသွင်းဒဏ်ရာ၊ ၀ဲမျက်ရိုး ထိုးသွင်းဒဏ်ရာ၊ ဦးခေါင်းနောက်စေ့ ပြတ်ရှဒဏ်ရာများဖြင့် လည်းကောင်း၊ သမက်ဖြစ်သူ ကတုံးမ(ခ) ဇော်ဟိန်းသူမှာ ဦးခေါင်းနောက်စေ့ ပြတ်ရှဒဏ်ရာ၊ ၀ဲမျက်ခုံး ဖူးရောင်ဒဏ်ရာ၊ ၀ဲမျက်လုံးပြတ်ရှဒဏ်ရာ၊ ရင်ညွန့်ထိုးသွင်းဒဏ်ရာ၊ ၀ဲနံဘေး ထိုးသွင်းဒဏ်ရာ၊ ကျောကုန်းဝဲဘက် ထိုးသွင်းဒဏ်ရာ၊ ယာပေါင်ပြတ်ရှ ဒဏ်ရာများဖြင့် ရန်ကုန်ပြည်သူ့ ဆေးရုံကြီးသို့ ပို့ဆောင်စဉ် သမက်ဖြစ်သူ ကတုံးမ(ခ) ဇော်ဟိန်းသူမှာ လမ်း၌သေဆုံးသွားပြီး ခင်ပွန်းဖြစ်သူနှင့် အလုပ်သမား ဖြစ်သူတို့မှာ ဆေးရုံတွင် ကုသလျက်ရှိကြောင်း သိရသည်။

ယင်းကြောင့် နာကျင်ဒဏ်ရာများ ရရှိအောင် ပြုလုပ်သူနှင့် သမက်ဖြစ်သူအား သေဆုံးအောင် ပြုလုပ်သူတို့အား အရေးယူပေးရန် တိုင်ကြားသဖြင့် တာမွေမြို့မရဲစခန်း (ပ)၈၈၃/၂၀၁၈၊ ရာဇသတ်ကြီးပုဒ်မ ၃၀၂/၃၂၆/၁၁၄ ဖြင့် အမှုဖွင့်လှစ်ပြီး တရားခံဖမ်းဆီး ရမိရေးအတွက် စုံစမ်းခဲ့ကြောင်း ထုတ်ပြန်ချက်အရ သိရသည်။

ဓာတ်ပုံ – Yangon Police

ပြစ်မှုကျူးလွန်သူများကို ဖမ်းဆီးရမိရေးအတွက် ရန်ကုန်တိုင်းဒေသကြီး ရဲတပ်ဖွဲ့မှူး၏ ညွှန်ကြားချက်နှင့် အရှေ့ပိုင်းခရိုင် ရဲတပ်ဖွဲ့မှူး၏ အနီးကပ် ကြီးကြပ်မှုဖြင့် အရှေ့ပိုင်းခရိုင် ရဲတပ်ဖွဲ့မှူးရုံး၊ မှုခင်းနှိမ်နင်းရေးဌာနစုမှ တပ်ဖွဲ့ဝင်များနှင့် ပူးပေါင်းအဖွဲ့မှ အခင်းဖြစ်နေရာသို့ သွားရောက်စစ်ဆေးရာ အခင်းဖြစ်နေရာရှိ ပြစ်မှုကျူးလွန်သူများ ကျန်ရှိခဲ့သော DD/——– Toyota Succeed အပြာရောင် အငှားယာဉ်ပေါ်မှ ဓားရှည်(၉)ချောင်း၊ ဓားတို(၂)ချောင်း၊ လှံ (၂)ချောင်း၊ ပေါက်စိန် (၁)လက်၊ သံလက်သီး ကွင်း(၁)ခုနှင့် တာမွေယာယီဈေးရှေ့ အမှိုက်ပုံအနီးမှ ဓားရှည် ၂ ချောင်း၊ တာမွေယာယီဈေးနောက် လူဝင်ပေါက်အနီးမှ ဓားရှည်(၂) ချောင်းတို့အား အသီးသီးတွေ့ရှိ သိမ်းဆည်းရမိခဲ့ကြောင်း သိရသည်။

ဆက်လက်၍ ည ၁၁ နာရီ ၂၅ မိနစ်အချိန်တွင် ဒဂုံမြို့သစ်(တောင်ပိုင်း) မြို့နယ်၊ (၂၆)ရပ်ကွက်၊ ပြည်ထောင်စုလမ်း မပေါ်တွင် AA/——– Toyota Caldina အငှားယာဉ်ပေါ်မှ ဒဂုံမြို့သစ်(တောင်ပိုင်း)မြို့နယ်၊ (၂၂) ရပ်ကွက်နေ ဖြူတုတ်(ခ)သိန်းထွေး၊ (၄၀)နှစ်အား ရန်ဖြစ်စဉ်တွင် ရရှိသော ၀ဲလက်ဖ၀ါး ပြတ်ရှဒဏ်ရာဖြင့် လည်းကောင်း၊ သာကေတမြို့နယ်၊ (၈)ရပ်ကွက်နေ သံဗုဒ္ဓေ(ခ)၀င်းနိုင်၊ (၄၁)နှစ်၊ ဒဂုံမြို့သစ် (ဆိပ်ကမ်း)မြို့နယ်၊ (၂၂)ရပ်ကွက်နေ သီဟအောင်၊(၃၅)နှစ်၊ ဒဂုံမြို့သစ်(ဆိပ်ကမ်း)မြို့နယ်၊ (၉၄)ရပ်ကွက်နေ ယဉ်မိုး(ခ)မိုးကြီး၊(၄၁)နှစ်တို့အား ဖမ်းဆီးရမိခဲ့ပြီးနောက် ဒဂုံမြို့သစ်(တောင်ပိုင်း)မြို့နယ်၊ (၇၇)ရပ်ကွက်နေ ၀င်းမြင့်၊ (၄၂)နှစ်မှာ 7J/——– Toyota Alphard အဖြူရောင်ယာဉ်နှင့် ထွက်ပြေးသောကြောင့် ရဲတပ်ဖွဲ့ဝင်များမှ လိုက်လံဖမ်းဆီးရာ ည ၁၁ နာရီ ၃၀ မိနစ်အချိန်တွင် သာကေတမြို့နယ်၊ (၉)ရပ်ကွက်၊ န၀ရတ်လမ်းပေါ်တွင် ကားရပ်၍ ကားပေါ်မှ ဆင်းလာပြီး ပြန်လည်ခုခံသဖြင့် ပန့်အက်ရှင် သေနတ်ဖြင့် ပစ်ခတ်ဖမ်းဆီးခဲ့ရာ ၎င်း၏ ကျောကုန်းနှင့် လက်မောင်းနှစ်ဖက်တွင် ဒဏ်ရာများရရှိပြီး ဖမ်းဆီးရမိခဲ့ကြောင်း သိရသည်။

ဓာတ်ပုံ – Yangon Police

ထို့နောက် စက်တင်ဘာ ၁၂ ရက်နေ့ နံနက် ၀၀၅၀ နာရီအချိန်တွင် သာကေတမြို့နယ်၊ ၁၀/မြောက်ရပ်ကွက်နေ သိန်းထိုက်အောင်(ခ) အန်းကုန်း၊ (၂၉)နှစ်၊ ဒဂုံမြို့သစ်(ဆိပ်ကမ်း)မြို့နယ်၊ (၁၆၈)ရပ်ကွက်နေ မင်းအောင်၊ (၄၂) နှစ်တို့အား ဒဂုံမြို့သစ်(တောင်ပိုင်း)မြို့နယ်၊ (၅၆)ရပ်ကွက်၊ မင်္ဂလာလမ်းပေါ်တွင် လည်းကောင်း၊ ယင်းနေ့ နံနက် ၀၂၀၅ နာရီအချိန် သာကေတမြို့နယ်၊ (၈)ရပ်ကွက်နေ ၀င်းထွဋ်ဝင်း၊ (၄၂)နှစ်အား ဒဂုံမြို့သစ် (ဆိပ်ကမ်း) မြို့နယ်၊ (၆၇)ရပ်ကွက်၊ ရထားသံလမ်းအနီး၊ ဗေလုဝကွေ့တွင် လည်းကောင်း အသီးသီး ဖမ်းဆီးရမိခဲ့ကြောင်း သိရသည်။

ဖမ်းဆီးရမိသူများဖြစ်သည့် ၀င်းထွဋ်ဝင်းပါ (၈) ဦးတို့အား ပြစ်မှုကျူးလွန်ရာတွင် အသုံးပြုသည့် သက်သေခံ ပစ္စည်းများနှင့် ပြန်လည်သိမ်းဆည်းနိုင်ခဲ့ပြီး ၎င်းတို့အား ဥပဒေနှင့်အညီ ဆက်လက် အရေးယူသွားမည် ဖြစ်ကြောင်း ရဲတပ်ဖွဲ့ ထုတ်ပြန်ချက်အရ သိရသည်။

ရေပိုက်လိုင်း အစားထိုး လဲလှယ်မည်ဖြစ်၍ ရန်ကုန်တိုင်း မြို့နယ် ၁၉ ခု ရေဖြတ်မည်

ရန်ကုန်မြို့အတွင်း ရေပေးဝေလျက်ရှိသည့် ပိုက်လိုင်းအား အစားထိုးလဲလှယ်မှု ပြုလုပ်မည်ဖြစ်သဖြင့် မြို့နယ် ၁၉ ခုတွင် စက်တင်ဘာ ၁၃ ရက်မှ ၁၄ ရက်အထိ ရေဖြတ်မည်ဖြစ်ကြောင်း စက်တင်ဘာ ၄ ရက် က ရန်ကုန်မြို့တော် စည်ပင်သာယာရေး ကော်မတီမှ သိရသည်။

ရန်ကုန်မြို့အတွင်း ရေပေးဝေလျက်ရှိသည့် လှော်ကား ၆၆” ကွန်ကရစ်ပိုက်လိုင်းကြီး အစားထိုးလဲလှယ် ဆက်သွယ်မှု လုပ်ငန်းကို မရမ်းကုန်းမြို့နယ် ကျောက်တော်ကြီး ဘုရားအနီးတွင် ခေတ္တရေဖြတ်တောက်၍ ဆောင်ရွက်မည်ဖြစ်ကြောင်း သိရသည်။

အဆိုပါလုပ်ငန်း ဆောင်ရွက်စဉ် စက်တင်ဘာ ၁၃ ရက် နံနက် ၁၀ နာရီမှ စက်တင်ဘာ ၁၄ ရက် ည ၁၀ နာရီအတွင်း ရွှေပြည်သာ၊ အင်းစိန်၊ မင်္ဂလာဒုံ၊ မရမ်းကုန်း၊ လှိုင်သာယာ၊ လှိုင်၊ ကမာရွတ်၊ ရန်ကင်း၊ ဗဟန်း၊ တာမွေ၊ သာကေတ၊ ဒေါပုံ၊ မင်္ဂလာတောင်ညွန့်၊ ပုဇွန်တောင်၊ ဗိုလ်တထောင်၊ ကျောက်တံတား၊ ပန်းဘဲတန်း၊ လသာ၊ လမ်းမတော်မြို့နယ်များတွင် ရေပြတ်တောက်မှုနှင့် ရေအားလျော့နည်းမှုများ ဖြစ်ပေါ်မည်ဖြစ်ကြောင်း သိရသည်။

ရေဖြတ်တောက်ထားသည့် ရက်များတွင် လိုအပ်ချက်ရှိပါက အရှေ့ပိုင်းခရိုင်မှူး ၀၉-၂၅၀၂၈၃၈၂၃၊ အနောက်ပိုင်းခရိုင်မှူး ၀၉-၂၅၀၂၈၃၈၁၂၊ တောင်ပိုင်းခရိုင်မှူး ၀၉-၅၀၅၄၅၆၅၊ မြောက်ပိုင်းခရိုင်မှူး ၀၉-၅၀၈၁၂၂၉ တို့ကို ဆက်သွယ်နိုင်သည်။

တွံတေးတူးမြောင်းအတွင်း ရပ်ထားသည့် သင်္ဘောပေါ်တက်၍ လုယက်မှု ကျုးလွန်သူနှစ်ဦးကို ရဲတပ်ဖွဲ့က သေနတ်ဖြင့် ပစ်ခတ်ဖမ်းဆီးသဖြင့် သေဆုံး

လုယက်သူနှစ်ဦး သေနတ်ထိမှန်သေဆုံးနေပုံ(ဘယ်)၊ လုယက်သူနှစ်ဦး ကိုင်ဆောင်ခဲ့သည့် ဓားနှင့် သက်သေခံ ပစ္စည်းများ(ညာ)အား တွေ့ရစဉ်

တွံတေးတူးမြောင်းအတွင်း ရပ်တန့်ထားသည့် သင်္ဘောပေါ်သို့တက်ပြီး ပစ္စည်းများ လုယက်သူ နှစ်ဦးအား ရဲတပ်ဖွဲ့က သေနတ်ဖြင့် ပစ်ခတ်သဖြင့် သေဆုံးမှု ဖြစ်ပွားခဲ့ကြောင်း စက်တင်ဘာ ၄ ရက်တွင် ရန်ကုန်တိုင်း ဒေသကြီး ရဲတပ်ဖွဲ့မှ သိရသည်။

ဆိပ်ကြီးခနောင်တိုမြို့နယ် တွံတေးတူးမြောင်းအတွင်း ရပ်တန့်ထားသည့် ရေယာဉ်များပေါ်သို့ လူအချို့ကတက်ပြီး ပစ္စည်းများ လုယက်နေမှုများမှာ မကြာခဏ ဖြစ်ပွားနေကြောင်း သက်ဆိုင်ရာရဲတပ်ဖွဲ့မှ သတင်းရသဖြင့် စက်တင်ဘာ ၃ ရက်ညပိုင်းတွင် ဆိပ်ကြီးခနောင်တို မြို့မရဲစခန်းမှ ရဲတပ်ဖွဲ့ဝင်များက အဆိုပါ နေရာအနီးရှိ မြတ်ပုဝါကျောက် သင်္ဘောပေါ်၌ ကင်းပုန်းဝပ် စောင့်ဆိုင်းနေခဲ့ကြောင်း သိရသည်။

ယင်းသို့ ကင်းပုန်းဝပ် စောင့်ဆိုင်းနေစဉ် စက်တင်ဘာ ၃ ရက် ည ၁၂ နာရီခွဲခန့်တွင် မြတ်ပုဝါ ကျောက်သင်္ဘော အနီးသို့ လူသုံးဦး စီးလာသည့် စက်လှေတစ်စင်း ချဉ်းကပ်လာခဲ့ကြောင်း၊ ထို့နောက် အဆိုပါ သုံးဦးအနက် နှစ်ဦးမှာ ဓားရှည်များ ကိုင်ဆောင်ကာ သင်္ဘောပေါ်သို့ တက်လာသဖြင့် ရဲတပ်ဖွဲ့ဝင်များက ဓားအောက်ချ၍ အဖမ်းခံရန် ပြောစဉ် ၎င်းတို့နှစ်ဦးမှာ ဓားမချဘဲ ဒုရဲအုပ် တစ်ဦးအား ဓားဖြင့်ဝင်ခုတ်ခဲ့ကြောင်းနှင့် ထိုသို့ ဓားဖြင့်ခုတ်သဖြင့် ဒုရဲအုပ်မှာ ၎င်းကိုင်ဆောင်ထားသည့် ၃၈ ဗို့ ခြောက်လုံးပြူး သေနတ်ဖြင့် လည်းကောင်း၊ ရဲတပ်သား နှစ်ဦးက MA 13 သေနတ်ဖြင့် လည်းကောင်း ပစ်ခတ်ခဲ့ရာ ဓားရှည်ကိုင်ဆောင်ထားသူ နှစ်ဦးမှာ သေနတ်ထိမှန်၍ စက်လှေပေါ်သို့ ပြုတ်ကျကာ သေဆုံးခဲ့ကြောင်း သိရသည်။

ဓားရှည်ကိုင်ဆောင်ထားသူနှစ်ဦး စက်လှေပေါ်သို့ပြုတ်ကျသေဆုံးစဉ် စက်လှေပေါ်၌ ၎င်းတို့နှင့် အတူပါလာသူ တစ်ဦးမှာ ရေထဲသို့ခုန်ချ ထွက်ပြေးသွားခဲ့ကြောင်း သိရသည်။

ယင်းဖြစ်စဉ်တွင် သေနတ်ဖြင့် ပစ်ခတ်ခဲ့သည့် ဒုရဲအုပ်မှာ ဓားခုတ်ခံရသဖြင့် နားထင်တွင် ပြတ်ရှဒဏ်ရာ တစ်ချက် ရရှိခဲ့ကာ ဆိပ်ကြီးခနောင်တိုမြို့နယ် ပြည်သူ့ဆေးရုံ၌ ဆေးကုသမှု ခံယူနေရကြောင်း သိရသည်။

ခုန်ချထွက်ပြေးသွားသူအား ဆိပ်ကြီးခနောင်တိုမြို့နယ် ရဲတပ်ဖွဲ့က လိုက်လံရှာဖွေ ဖမ်းဆီးနေပြီး တွံတေးတူးမြောင်းအတွင်း ရပ်ထားသည့် ရေယာဉ်များပေါ်သို့ လုယက်မှု ကျုးလွန်သူများအား ဆက်လက်စုံစမ်း ဖမ်းဆီးသွားမည်ဖြစ်ကြောင်း သိရသည်။

 

မှော်ဘီမြို့နယ် ရန်ကုန်-ပြည် ကားလမ်းနံဘေးရှိ ခမရ (၇၀၂) တပ်ဝင်း မိသားစုလိုင်းခန်းအနီးရှိ ချုံနွယ်ကိုင်းတောအတွင်း ခြောက်နှစ်အရွယ် မိန်းကလေးတစ်ဦး သေဆုံးလျက်တွေ့ရှိ

မှော်ဘီမြို့နယ် ရန်ကုန်-ပြည် ကားလမ်းဘေးရှိ ခမရ (၇၀၂) တပ်ဝင်း မိသားစုလိုင်းခန်းအနီးရှိ ချုံနွယ်ကိုင်းတောအတွင်း အသက်ခြောက်နှစ်အရွယ် မိန်းကလေးတစ်ဦး သေဆုံးမှု ဖြစ်ပွားခဲ့ကြောင်း စက်တင်ဘာ ၁ ရက်တွင် ရန်ကုန်တိုင်းဒေသကြီး ရဲတပ်ဖွဲ့မှ သိရသည်။

သြဂုတ် ၃၁ ရက် ညနေ ၅ နာရီခန့်တွင် မှော်ဘီမြို့နယ် ရန်ကုန်-ပြည် ကားလမ်းဘေးရှိ ခမရ (၇၀၂) တပ်ဝင်း မိသားစုလိုင်းခန်း အနီးရှိ ချုံနွယ်ကိုင်းတောအတွင်း သေဆုံးနေသည့် အသက်ခြောက်နှစ်အရွယ် မိန်းကလေး တစ်ဦး၏ အလောင်းတွေ့ရှိကြောင်းနှင့် သေဆုံးသူ မိန်းကလေးအား မိသားစုလိုင်းခန်း အနောက်ဘက် ပေ ၄၀၀ ခန့်ရှိ ချုံနွယ် ကိုင်းတောအတွင်း တွေ့ရှိခဲ့ပြီး လည်ပင်း၌ အဆိုပါ မိန်းကလေး ၀တ်ဆင်ထားသည့် အစိမ်းရောင် ဘောင်းဘီတိုပတ်လျက် သေဆုံးနေခြင်းဖြစ်ကြောင်း ရဲမှတ်တမ်းများအရ သိရသည်။

အလောင်းအား စစ်ဆေးရာ ပြင်ပဒဏ်ရာ တစ်စုံတစ်ရာ မတွေ့ရှိဘဲ မှောက်လျက် သေဆုံးနေပြီး တပ်မတော် ဆေးရုံကြီးသို့ ပို့ဆောင်ကာ ဆက်လက်စစ်ဆေးနေကြောင်းနှင့် သေဆုံးသူမှာ ခမရ (၇၀၂ ) တပ်ဝင်း အတွင်းနေ တပ်ကြပ်ကြီး တစ်ဦး၏ သမီးဖြစ်သည်။ ရဲတပ်ဖွဲ့မှ သေဆုံးသူ မိန်းကလေး၏ ဖခင်ဖြစ်သူ တပ်ကြပ်ကြီးအား စုံစမ်းမေးမြန်းရာ အသက် ခြောက်နှစ်အရွယ် မိန်းကလေးမှာ သြဂုတ် ၃၁ ရက်တွင် အဘွားဖြစ်သူ နေမကောင်းသဖြင့် ကျောင်းသို့မသွားဘဲ နေအိမ်လိုင်းခန်းတွင် ဆော့ကစားနေရာမှ ထမင်းစားချိန်တွင် ထမင်းကျွေးရန်ရှာစဉ် မတွေ့ရှိတော့ဘဲ လိုက်ရှာရာမှ ချုံနွယ်ကိုင်းတောအတွင်း သေဆုံးနေသည်ကို တွေ့ခဲ့ကြောင်းနှင့် ယင်းဖြစ်စဉ်အား မှော်ဘီမြို့မရဲစခန်းက သေမှုသေခင်း အမှတ်စဉ် ၃၁/၂၀၁၈ ဖြင့် အမှုဖွင့်ထားသည်။

ရေကြီးရေလျှံမှု မဖြစ်ပွားစေရန် ရန်ကုန်တိုင်းအတွင်းရှိ မြစ်၊ ချောင်းများအား ရေထိန်းတံခါးများ တပ်ဆင်မည်

သြဂုတ်လဆန်းပိုင်းက ရေကြီးရေလျှံမှု ဖြစ်ပွားခြင်းကြောင့် ရန်ကုန်တိုင်းဒေသကြီး ဒေါပုံမြို့နယ်တွင် ရေနစ်မြုပ်နေသည်ကို တွေ့ရစဉ် (ဓာတ်ပုံ- ကျော်ဇင်ဖြိုး)

ရေကြီးရေလျှံမှု မဖြစ်ပွားစေရန် ရန်ကုန်တိုင်းအတွင်းရှိ မြစ်၊ ချောင်းများအား ရေထိန်းတံခါးများ တပ်ဆင်သွားမည် ဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောကြားသည်။

“ကျွန်တော်တို့တိုင်း အတွင်းမှာ ရေကြီးရေလျှံမှုကို အတတ်နိုင်ဆုံး ထိန်းသိမ်းဖို့အတွက် ကြိုးပမ်းဆောင်ရွက် ခဲ့ပါတယ်။ ဒီအခြေအနေကတော့ အတိုင်းအတာ တစ်ခုအထိ အဆင်ပြေလာပြီ ဖြစ်ပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

ထို့ပြင် ရန်ကုန်မြို့အတွင်း ရေနုတ်မြောင်းများကို ပြုပြင်ရမည်ဖြစ်ကြောင်း၊ JICA နှင့် ဆောင်ရွက်မှုများ ပြုလုပ်နေကြောင်း၊ ကမ္ဘာ့ဘဏ်မှ အမေရိကန်ဒေါ်လာ ၇၈ သန်း၊ ပြည်ထောင်စုအစိုးရမှ မြို့တော်စည်ပင်သာယာအား ချေးငွေစနစ်တစ်ခုဖြင့် ပြင်ဆင်နေကြောင်း၊ ရေနုတ်မြောင်းများ ပြင်ဆင်နိုင်ပါက ရန်ကုန်မြို့တွင် ရေကြီးရေလျှံမှုအား ထိန်းနိုင်မည်ဖြစ်ကြောင်း ၀န်ကြီးချုပ် ဦးဖြိုးမင်းသိန်းက ပြောကြားသည်။

“ရန်ကုန်မြို့မှာ ချောင်းခုနစ်ချောင်း ရှိပါတယ်။ ဒါကတော့ ရန်ကုန်မြို့ထဲမှာ စီးနေတဲ့ ချောင်းတွေဖြစ်ပါတယ်။ ရေနုတ်မြောင်းထဲက ရေတွေကို ချောင်းတွေကတစ်ဆင့် မြစ်ထဲကို ပို့ရတာဖြစ်တယ်။ မြစ်ထွက်ပေါက်တွေလည်း ရှိပါတယ်။ ဒီနေရာတွေမှာ ရေတံခါးတပ်ဆင်ဖို့ လိုအပ်နေပါတယ်။ ဒါကြောင့် ကမ္ဘာ့ဘဏ် အကူအညီနဲ့ ရေတံခါးတွေ တပ်ဆင်နိုင်ဖို့ YCDC ဘတ်ဂျက်နဲ့ မြစ်ချောင်းတွေကို ပြုပြင်နိုင်ဖို့ ချောင်းတွေကို ဆယ်ပြီး အဲဒီမှာ ရေတံခါး တပ်ဆင်ထားမယ် ဆိုရင်တော့ ဒီရေတွေကို ထိန်းထားနိုင်မယ်။ မြို့ထဲမှာ မိုးရွာလို့ ကျလာတဲ့ ရေတွေကိုလည်း ချောင်းထဲကနေ ပိုက်နဲ့တစ်ဆင့် မြစ်ထဲကို စွန့်ပစ်နိုင်ဖို့ ဆောင်ရွက်ကြရမှာဖြစ်တယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

အဆိုပါ အခြေအနေအား ဆောင်ရွက်နိုင်ရန် ကျွမ်းကျင်ပညာရှင်များဖြင့် လေ့လာဆန်းစစ်ကာ ကမ္ဘာ့ဘဏ် အကူအညီ၊ JICA အကူအညီနှင့် စည်ပင်မှ ပြည်သူ့ဘဏ္ဍာငွေများဖြင့် ကြိုးပမ်းဆောင်ရွက်နေကြောင်း၊ ယင်းအခြေအနေသည်လည်း အတိုင်းအတာ တစ်ခုထိ အောင်မြင်မှု ရရှိနေမည်ဖြစ်ကြောင်း ၀န်ကြီးချုပ်က ပြောကြားသည်။

ရန်ကုန်မြို့အား အစိုးရသစ် စတင်တာဝန်ယူချိန်တွင် ရေကြီးရေလျှံမှု အလွန်များကြောင်း၊ ယခင်က ရန်ကုန်မြို့အား ထောက်ကြန့်ဘက်မှ ၀င်ရောက်လာမည် ဆိုပါက ယင်းနေရာတွင် ရေကြီးရေလျှံမှုများ ဖြစ်ပွားခဲ့ကြောင်း၊ ရေကြီးရေလျှံမှု မဖြစ်ပွားစေရန် ငမိုးရိမ်ချောင်းအား ပြုပြင်ဆောင်ရွက်မှုများ ပြုလုပ်ခဲ့ကြောင်း၊ ထို့ကြောင့် ရေကြီးရေလျှံမှု မရှိတော့ကြောင်း ၎င်းကဆက်လက် ပြောကြားသည်။

“ကျွန်တော်တို့ စတင်တာဝန်ယူခဲ့တဲ့ ပထမနှစ်ကာလမှာ တိုက်ကြီး-မှော်ဘီဘက်မှာ ရေကြီးရေလျှံမှု တော်တော်များများ ဖြစ်ခဲ့ပါတယ်။ ဒီဘက်နှစ်မှာတော့ ရေကျော်မှု မရှိတော့ပါဘူး။ မြန်မာနိုင်ငံက ရာသီဥတု ပြောင်းလဲမှု အဆိုးရွားဆုံး ခံရနိုင်တဲ့ စာရင်းမှာ ပါပါတယ်။ နိုင်ငံတော်ကနေ ပြည်သူ့ဘဏ္ဍာငွေနဲ့ တည်ဆောက်ထားတဲ့ လမ်းတွေ၊ တံတားတွေဟာ ရေကြီးရေလျှံရင် ဆုံးရှုံးမှုတွေ ဖြစ်ပါတယ်။ ရေကြီးသွားခဲ့ရင် ကတ္တရာလမ်းတွေ ပေါက်ပြဲပျက်စီးသွားတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

 

ဘဏ္ဍာနှစ် ရှစ်နှစ်တာ ကာလအတွင်း ရန်ကုန်တိုင်းဒေသကြီး၌ လျှပ်စစ်မီးအတွက် ကျပ် ၄၈ ဘီလျံကျော် သုံးစွဲခဲ့ဟု သိရ

ရန်ကုန်မြို့အတွင်း လျှပ်စစ်ဓာတ်အားလိုင်း ပြုပြင်နေသည့် လျှပ်စစ်ဝန်ထမ်း တစ်ဦးအား တွေ့ရစဉ် (ဓာတ်ပုံ- ပြည့်ဖြိုးအောင်)

ဘဏ္ဍာရေးနှစ် ရှစ်နှစ်တာ ကာလအတွင်း ရန်ကုန်တိုင်းဒေသကြီး၌ လျှပ်စစ်မီးအတွက် ငွေကျပ် ၄၈ ဘီလျံကျော် သုံးစွဲခဲ့ကြောင်း ၂၀၁၇-၂၀၁၈ ဘဏ္ဍာရေးနှစ်နှင့် ၂၀၁၈ ခုနှစ် ဧပြီလမှ စက်တင်ဘာလအထိ ရသုံးခန့်မှန်းခြေ ငွေစာရင်းဆိုင်ရာ အချက်အလက်များအရ သိရသည်။

ရန်ကုန်တိုင်း ဒေသကြီးအတွင်း လျှပ်စစ်မီးအတွက် ၂၀၁၁-၂၀၁၂ခုနှစ်မှ ၂၀၁၅-၂၀၁၆ ခုနှစ်အထိ ဘဏ္ဍာရေးနှစ် ငါးနှစ်တွင် ဘတ်ဂျက်အမှန်စာရင်း (A) အရ ၂၀၁၁-၂၀၁၂ ဘဏ္ဍာရေးနှစ်တွင် ကျပ် ၈ ဒသမ ၁၂၅ သန်း၊ ၂၀၁၂-၂၀၁၃ ဘဏ္ဍာရေးနှစ်တွင် ကျပ် ၁၅၈ ဒသမ ၅၈၇ သန်း၊ ၂၀၁၃-၂၀၁၄ ဘဏ္ဍာရေးနှစ်တွင် ကျပ် ၅၀ ဒသမ ၀၀၀ သန်း၊ ၂၀၁၄ -၂၀၁၅ ဘဏ္ဍာရေးနှစ်တွင် ကျပ် ၃၉၀ ဒသမ ၀၀၀ သန်း၊၂၀၁၅-၂၀၁၆ ဘဏ္ဍာရေးနှစ် ကျပ် ၈၀၈၄ ဒသမ ၆၈၉ သန်းတို့ကို သုံးစွဲခဲ့ကြောင်း သိရသည်။

အလားတူ NLD အစိုးရတာဝန်ယူသည့် ၂၀၁၆-၂၀၁၇ဘဏ္ဍာရေးနှစ် ရှေ့ပြေးအမှန်စာရင်း (PA) အရ ကျပ် ၃၀၂၀၆ ဒသမ ၈၄၆ သန်း၊ ၂၀၁၇-၂၀၁၈ ဘဏ္ဍာရေးနှစ် မူလခန့်မှန်းခြေစာရင်း (BE) ဘတ်ဂျက်မှာ ကျပ် ၁၈ ဒသမ ၃၃၁ သန်းဖြစ်ပြီး ပြုပြင်ပြီး ခန့်မှန်းခြေ (RE) စာရင်းအရ ကျပ် ၂၅၂၁ ဒသမ ၀၅၀ သန်း၊ ၂၀၁၈ ခုနှစ် ဧပြီလမှ စက်တင်ဘာလ ခြောက်လအထိ ကျပ် ၆၈၅၃ ဒသမ ၃၀၁ သန်းဖြစ်ကာ ၂၀၁၁-၂၀၁၂ ဘဏ္ဍာရေးနှစ်မှ ၂၀၁၈ ခုနှစ် ဧပြီလမှ စက်တင်ဘာလ ခြောက်လအထိ ဘဏ္ဍာရေးနှစ် ရှစ်နှစ်အတွင်း ရန်ကုန်တိုင်းဒေသကြီးအတွင်း လျှပ်စစ်မီးအတွက် စုစုပေါင်းငွေကျပ် ၄၈၂၉၀ ဒသမ ၉၂၉ သန်း သုံးစွဲခဲ့ကြောင်း သိရသည်။

NLD  အစိုးရလက်ထက်တွင် ရန်ကုန်တိုင်းဒေသကြီးအတွင်း လျှပ်စစ်မီးနှင့်ပတ်သက်၍ အခက်အခဲမျိုးစုံကို ရုန်းကန်ခဲ့ရပြီး လက်ရှိတွင် ရန်ကုန်တိုင်းဒေသကြီး အတွင်းရှိ မြို့နယ်များ၌ လျှပ်စစ်မီးအား လုံလောက်အောင် ပေးနိုင်သည့် အဆင့်တစ်ခုသို့ ရောက်နေပြီဖြစ်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက သြဂုတ် ၂၄ ရက်တွင် ပြုလုပ်သည့် ရန်ကုန်တိုင်းဒေသကြီး အစိုးရအဖွဲ့၏ ဒုတိယတစ်နှစ်တာ ဆောင်ရွက်ချက်များ သတင်းစာ ရှင်းလင်းပွဲတွင် ပြောကြားခဲ့သည်။

ထို့ပြင် လျှပ်စစ်မီးအား ပြည်သူလူထုအတွက် နိုင်ငံတော်မှ အရှုံးခံကာ မီးပေးနေရသည့် အခြေအနေမျိုး ရှိနေကြောင်း၊ လျှပ်စစ်မီးသည် များများဖြန့်ဝေပါက များများရှုံးသည့် အခြေအနေမျိုး ဖြစ်နေကြောင်း၊ လျှပ်စစ်မီးနှင့် ပတ်သက်ပြီး ပိုမိုကျယ်ပြန့်စွာ ပေးနိုင်ရန်အတွက် စိစစ်သုံးသပ်ကာ ရှေ့ဆက်ဆောင်ရွက်ရမည့် အခြေအနေများကို ပြည်ထောင်စုအစိုးရနှင့် တိုင်းဒေသကြီး အစိုးရအကြား ဆွေးနွေးဆောင်ရွက်ရမည် ဖြစ်ကြောင်း အဆိုပါ သတင်းစာ ရှင်းလင်းပွဲတွင် ၀န်ကြီးချုပ်က ပြောကြားခဲ့သည်။

လျှပ်စစ်နှင့် စွမ်းအင်ဝန်ကြီး၏ သတင်းထုတ်ပြန်ချက်အရ ၂၀၁၈ ခုနှစ် သြဂုတ် ၂၇ ရက်တွင် အမြင့်ဆုံး လျှပ်စစ်ဓာတ်အား ထုတ်လုပ်မှု ၃၂၂၄ ဒသမ ၉ မဂ္ဂါဝပ်ရှိပြီး တစ်ရက်တာ စုစုပေါင်း ထုတ်လုပ်ခဲ့သည့်ယူနစ် ၆၁၀၉၄ ဒသမ ၅ မဂ္ဂါဝပ်နာရီ ဖြစ်ကာ ရန်ကုန်တိုင်းဒေသကြီးအတွင်း လျှပ်စစ်ဓာတ်အား ရရှိသုံးစွဲမှုမှာ ၁၃၃၅ ဒသမ ၂ မဂ္ဂါဝပ် ဖြစ်ကြောင်း သိရသည်။

ထို့အတူ လျှပ်စစ်ဓာတ်အား အမြင့်ဆုံး ထုတ်လုပ်မှုနှင့် တစ်ရက်တာ စုစုပေါင်း ထုတ်လုပ်သည့် ယူနစ်အား ပြီးခဲ့သည့် ၂၀၁၇ ခုနှစ် သြဂုတ် ၂၇ ရက်နှင့် နှိုင်းယှဉ်ချက်အရ အမြင့်ဆုံး လျှပ်စစ်ဓာတ်အား ထုတ်လုပ်မှု ၂၇၄၄ ဒသမ ၉ မဂ္ဂါဝပ်ရှိပြီး တစ်ရက်စုစုပေါင်း ထုတ်လုပ်ခဲ့သည့်ယူနစ် ၅၀၈၂၈ ဒသမ ၆ မဂ္ဂါဝပ်နာရီဖြစ်ကြောင်း သိရသည်။