ရထား

Photo ; VecrorStock

(၁)

ဆရာချော ပြောသလိုဆို ‘အမြဲတမ်း နောက်ကျသူ နာရီအိုကြီးလို အမြဲတမ်း နောက်ကျသူ နာရီအိုကြီးကိုတင်ဆောင် ကာရထားထွက်ခဲ့ပြီ’ ။ ရထားတစ်စင်းဟာ စတင်ထွက်ခွာလာပြီပေါ့။ ကြောက်စိတ်တစ်ဝက် လောကဓံဒဏ်တစ်ဝက်နဲ့ ပျံသန်းလာတဲ့ မိုးဦးကျ အိပ်တန်းပြန်ငှက်တွေလို ကောင်းကင်အပေါက်ကြား လေညင်းခံထွက်လာတဲ့ ဆောင်းဦးပေါက် တိမ်မျှင်လေးလို။ တအိအိ တငွေ့ငွေ့နဲ့သာ ဟိုးအဝေးကြီးက တစစလွင့်မျောလာတတ်တဲ့ စိတ်တွေနဲ့သာ ကိုယ့်ကိုကိုယ်တောင် ဖမ်းဆုပ်မရနိုင်တဲ့ စိတ်ကူးတွေနဲ့သာ။ အဲဒီလို ရထားပေါ်မှာ အဝေးတစ်နေရာမှ နောက်ထပ်ဟိုး အဝေးတစ်နေရာဆီ လွင့်မျောဖို့ အသင့်ပြင်ထားသူ တစ်ယောက်ကဗျာတစ်ပုဒ်ကို အထပ်ထပ် ရေရွတ်ပြီး လိုက်ပါလာခဲ့တယ်။ အဲဒါ ဆရာမောင်ချောနွယ်ရဲ့ ရထားပေါ့။ ဟိုးအဝေးကြီးကဆိုတာကလည်း ညဥ့်နက်သန်းခေါင် တိတ်ဆိတ်မှုကို လှုပ်နှိုးလိုက်သလို အလွမ်းရေချိန်ကို ညအမှောင်ထဲ ပိုအလေးပေးလိုက် သလိုဖြစ်ခဲ့လို့ပါ။ တကယ်တော့ ရထားဟာ တဖြည်းဖြည်း စတင်ထွက်ခွာလာရုံမျှသာ။ ကျဉ်းကျပ်တဲ့မြို့ရနံ့ကနေ မသိမသာ ပြေးထွက်နေပုံမျိုးလောက်သာ။ ရှေ့ကို လှမ်းငေးကြည့်မိတယ်။ ရထားဟာ ဘူတာအိုဟောင်းလေးရဲ့ ရင်အဝေးဆီ တငွေ့ငွေ့ရွေ့လျားနေပြီလား။ တရွေ့ရွေ့ ရောက်သွားခဲ့ပြီလားလို့။

အရှိန်ယူရင်း စတင်ထွက်ခွာလာခဲ့တယ်ဆိုပေမယ့် လွင့်မျောတဲ့စိတ်နဲ့ပါပဲ။ မြူနှင်းငွေ့ထဲ တိုးဝင်နေရသလို အိပ်မက်ထဲ ငေးရီလမ်းလျှောက်လာရသလို မိုးရေထဲ တုန်ရီကြေကွဲနေရသလိုလိုနဲ့။ အမှောင်ထဲ ထိတ်လန့်တကြား ပြေးထွက်လာတဲ့ကလေး တစ်ယောက်ရဲ့အိမ်ကို အမြန်ရောက်ချင်စိတ်မျိုးနဲ့သာ တဖြည်းဖြည်းရှေ့ကို ဆက်လက် ရွေ့လျားလာခဲ့ပေါ့ရထား။ သူ့အသံကိုက အလွမ်းနဲ့ပေါင်းစပ်ထားတဲ့ စကားလုံး ဆွေးမြေ့အက်ကွဲပုံပေါက်နေတဲ့ ငယ်သံနဲ့သာ။ အဲဒီအသံမှာ ပတ်ဝန်းကျင်တစ်ခုလုံး တိတ်ဆိတ်စွာ လဲလျောင်းနေလျက်က နားစွင့် နားစိုက်ထောင်ရ ရုတ်တရက်တုံ့ဆိုင်း ထစ်အသွားတတ်ကြတယ်။ ရထားဟာတစ်ကိုယ်တည်း စကားပြောနေပေမဲ့ သူ့အနီး အနားမှာတော့ ငြိမ်သက်တဲ့ တိတ်ဆိတ်မှု တွေကိုသာ ဖြစ်ပေါ်စေတယ်။ ဒါပေမဲ့ မွန်းကျပ်ပိတ်လှောင်နေတဲ့ အခန်းတစ်ခုထဲက ထွက်လာသလိုတော့ ရှိမှာပါ။ ရထားဟာ ပိုပြီးဝေးတဲ့ တစ်နေရာရာဆီ ဒါမှမဟုတ် ပျော်ရွှင်မှုတစ်ခုဆီ ကျယ်ပြောသာယာတဲ့ ကမ္ဘာလောကဆီ ခေါ်ဆောင်သွားလိမ့်မယ်။ အချိန်အနည်းငယ်အတွင်းမှာ အသားကျ တဖြည်းဖြည်း အရှိန်ရလာပါလိမ့်မယ်။ ဒါပေမဲ့ အစကတည်းက လွင့်မျောနေ တတ်တဲ့စိတ်နဲ့ဆိုတော့ လွတ်လပ်ပေါ့ပါးမှုကို မြင်လို့မရသေးဘူးပေါ့။ ရထားပေါ်လိုက်ပါလာသူတွေလည်း တဖြည်းဖြည်း ငေးမောလို့ ငြိမ်သက်တိတ်ဆိတ်လို့ ဒါမှမဟုတ် တစ်ခုခုကို ဆုပ်ကိုင်မိလျက်သားလိုက်ပါခဲ့မိမှာ။ ရထားက တဖြည်းဖြည်း မြို့ပြရဲ့အပြင် ဘက်လောကဆီ ရောက်လာခဲ့ပြီ။

(၂)

နာကျင်မှုကို မေ့ပစ်ဖို့ ရထားထွက်ခဲ့ပြီ။ ကျဉ်းကျပ်နေတဲ့ မြို့လယ်ကောင် လမ်းတွေကတဆင့် ရထားသံလမ်းဘေး ရှုပ်ထွေးပေရေနေတဲ့ လူမှုဘ၀တွေဆီကတစ်ဆင့် ခပ်လှမ်းလှမ်းမှာ လှမ်းမြင်နေရတဲ့ ကားလမ်းမတွေရဲ့ ဘေးဆီက ရထားထွက်လာခဲ့ပြီ။ တဖြည်းဖြည်းလေ။ နေလောင်ဒဏ်ရာ အပြည့်နဲ့ ဂုံးကျော်တံတားတွေအောက် ရထားဟာ တိတ်တဆိတ် တိုးဝင်လာတယ်။ မြို့ပြနောက်ကျောဘက် တိုးလျှိုပေါက် မြင်ရတတ်တဲ့ နေရာတွေကတစ်ဆင့် ဟန်ဆောင်မှုတွေနဲ့ ဝေးရာဆီ တဖြည်းဖြည်း ရွေ့လျားလာခဲ့ပေါ့။ ဒါပေမဲ့ ရထားပေါ်မှာတော့ ဆူညံမှုကို မွေးမြူထားရဆဲ။ ထွက်ခွာလာစမို့လည်း လှုပ်ရှားမှုမှန်သမျှ ငြိမ်သက်မနေ သေးပြောလက်စ စကားစမပြတ်သေး အရေးတကြီးမှာစရာ ကျန်ရစ်နေသေးတယ်။ ဝေးကွာသွားမယ့် အခိုက်အတန့်ကို ဖုံးကွယ် ထားရသေးတယ်။ ရထားစက်သံ မှန်မှန်ထွက်မလာသေး၊ ဥသြသံ မြန်မြန်မကြားရတတ်သေး၊ ပြတင်း အပြင်ဘက်ဆီ ငေးရီနေတဲ့ မျက်ဝန်းတွေ မမြင်ရသေးပါဘူး။ မြို့ပြအရပ်အငွေ့တွေက ရထားပေါ် စွန်းပေနေတုန်း ရထားပေါ်ပါလာတဲ့ လူတွေလည်း တစ်စုံတစ်ခုကို လွမ်းဆွေးဖို့ သတိမရတတ် သေးဘူးပေါ့။ ရထားပေါ်နေသားတကျ ဖြစ်ဖို့ကိုလည်း ကြိုးစားနေရတယ် မဟုတ်လား။

ရထားစထွက်လာတော့ ဟိုဟိုဒီဒီပဲ လျှောက်တွေးကြည့် ငေးရီစီးမျောနေမိတယ်။ ပကတိအရှိတရားအတိုင်း မြင်ရတဲ့ ရထားတစ်စီးပေါ်က မြင်ကွင်းတွေ လွတ်လပ်တဲ့လောကထဲ ဖောက်ထွက်လာရသလို နမိတ်ပုံတွေနဲ့ ကျယ်ပြောပြန့်ကားနေတဲ့ လမ်းဘေးဝဲယာတွေ။ ရထားဟာမြို့ပြရဲ့ ကျဉ်းမြောင်းကျပ်တည်းမှုတွေဆီက တဖြည်းဖြည်း တငြိမ့်ငြိမ့် ရွေ့လျားနေခဲ့ရဲ့။ နေအိမ်မျက်နှာစာတွေလို ကြည့်ပျော် ရှုပျော်ဖြစ်မနေတဲ့ ရထားတစ်စင်းရဲ့ မြင်ကွင်းတွေ။ ကျောပေးထားတဲ့ ဟောင်းနွမ်းဆွေးမြေ့မှုတွေ ၀ဲယာတစ်လျှောက် မြို့ပြရဲ့ အတောင်တချို့ လွင့်စင်ဝဲကျနေသလို မြင်ရတယ်။ ဟောကြည့်ပါဦး။ တဖြည်းဖြည်း အဲဒီမြင်ကွင်းတွေထဲက ပူလောင်မွန်းကျပ်မှုနဲ့ဝေးရာ ရထား ပြေးထွက်လာခဲ့ပေါ့။ ဆွေးမြေ့သူ သူ့အဖြစ်ကို ကျားကန်ရင်း ရထားဟာ ပျော်ရွှင်စွာ ခုန်ပေါက်လာခဲ့ပါပေါ့လား။

(၃)

ရထားစီးတဲ့အတွေ့အကြုံမျိုးကို ဟိုအရင်ကလည်း ပုံစံအမျိုးမျိုး အရွယ်အမျိုးမျိုးမှာ ခံစားချက်တစ်ခုခုနဲ့ လိုက်ပါခဲ့ဖူးတာပါပဲ။ အသက်အရွယ်အလိုက် တိမ်မူးရာ ခံစားချက်ဒီရေကို လိုက်ပြီး ဆွတ်ပျံ့ကြည်နူး ပျော်ရွှင်လွမ်းဆွတ် နေခဲ့ဖူးတယ်။ တစ်ခါတလေ အရေးပေါ်ကိစ္စမျိုးတွေမှာ စိတ်ကလောကြီးနေပေမယ့် ရထားပေါ်ရောက်တိုင်းတော့ စိတ်ကို ကမန်းကတန်း လွှတ်ချရပ်နား နေဖြစ်ခဲ့တာချည်းပါပဲ။ အခုလည်း ဒီအတိုင်း အတွေးထဲမှာ နစ်ဝင်လို့ အရသာတစ်ခုခု အသစ်ထပ်တွေ့မလား မြင်သမျှ လိုက်ပါခံစားနေမိတာ။ ကိုယ်တိုင်က အမြဲတမ်း လွမ်းသံပေါက်အောင် အော်နေတဲ့ ဥသြငှက်တစ်ကောင်လို ဘယ်နေရာ ကြည့်လိုက်ကြည့်လိုက် လွမ်းဆွတ် တမ်းတမှုများသာ ကပ်ပါလာ ဘယ်လိုအသံထွက်ထွက် အလွမ်းအကြောင်းတွေချည်း ပြောနေမိတော့တယ်။ အခုရော ဥသြငှက်ကလေးတွေ ဘယ်ရောက်ကုန်ပြီတဲ့လဲ။ နွေရက်တွေ လွန်သွားတဲ့အခါ လွမ်းစရာ မလိုတော့ဘူးများ တွေးနေကြလား မပြောတတ်ဘူး။ ဥသြသံလေးတွေလည်း မကြားရတော့ပြန်ဘူး။ ဒါပေမဲ့ ကိုယ်ကတော့ ဘယ်ရာသီရောက်ရောက် ဘယ်လို အချိန်မှာမဆို လွမ်းစရာကြုံလို့ကတော့ လွင့်လွင့်မျောမျော လွမ်းလိုက်ဖို့ မေ့မေ့မျောမျော ခံစားတတ်ဖို့သာ အကျင့်လုပ်ယူထားနေမိခဲ့တယ်။ အခုလည်း ရထားတစ်စီးကိုမှ စီးနေ မိလျက်သား ရထားပေါ် ပုံကျလွမ်းမိလျက် သားပေါ့။

ပျင်းရိငြီးငွေ့စိတ်နဲ့ လွတ်လပ်စွာ သွားလာလိုတဲ့အခါ ရထားတစ်စင်းပေါ် တက်လိုက်လာဖို့ ခြေလှမ်းတွေကို ဘယ်တော့မှ မတွန့်ဆုတ်ပါစေနဲ့လို့သာ။ ရထားပေါ်မှာ အရသာမျိုးစုံ မြင်ကွင်းအဖုံဖုံကို အရှိအတိုင်း တင်ဆက်နေတယ်။ လူမှုဘ၀မျိုးစုံဟာ ရထားတစ်စင်းတည်းပေါ် စုပြုံပါလာတတ်တယ်။  မြင်ရတွေ့ရမှာကတော့ အရသာမျိုးစုံခပ်ထားတဲ့ အခြေခံဘ၀တွေပါပဲ။ ခရီးစဉ်တစ်လျှောက် ဘူတာစဉ်တစ်လျှောက် ငေးရီလွမ်းမောပါသွားတယ်။ ရထားပေါ်မှာ ဟန်ဆောင်မှုမပါတဲ့ အဖြစ်အပျက်တွေ၊ တမင်တကာ ဖုံးကွယ်ထားတဲ့ ရိုးသားမှု မျက်နှာတွေကိုလည်း ငေးကြည့်သွားရမှာပဲ။ ရထားပြတင်းပေါက်က မြင်ရတတ်တဲ့ ရှုမျှော်ခင်းတွေက အစပေါ့။ တိုးတိုက်လာတဲ့ လေထဲက အေးမြမှုကအစပေါ့။ တဖြည်းဖြည်း ရောက်လာတဲ့ အမှောင်ထုကြီးက အစပေါ့။ ရထားပေါ် တစ်သားတည်း ရှိနေတတ်ပါတယ်။

(၄)

ခရီးစဉ်တစ်လျှောက် ပါလာတဲ့ ဈေးသည်အသံတွေနဲ့ ငြီးငွေ့မှုကို လှုပ်နှိုးလိုက်တယ်။ ရထားတစ်စီးပေါ်ကို  ခရီးသည်တွေ ဘယ်လောက်ရောက်လာ ဘယ်လိုပဲ ကျပ်ညှပ်နေပါစေ ရထားဟာ သူမူလရှိနေတဲ့ အလေးချိန်ရဲ့ငါးပုံတစ်ပုံကိုပဲ သံလမ်းတွေပေါ် အားသက်ရောက်စေတယ်။ ကျန်တဲ့ အလေးချိန်တွေကို ဇလီဖားတုံးတွေနဲ့ သံလမ်းဘေးက ကျောက်ခဲတွေက မျှခံသွားကြတာပေါ့။ ရထားဟာ ရှေ့ကိုရွေ့လျားတဲ့အခါ ဘေးကို တွန်းကန်ပြီး ရွေ့လျားတတ်တာပါလို့ ရထားဝန်ထမ်း အသိတစ်ယောက် ပြောဖူးတဲ့စကား အမှတ်ရနေမိတယ်။ နောက်ပြီးဆရာတစ်ယောက် ပြောဖူးသေးတယ်။ ရထားပေါ်က မြင်ကွင်းတွေလိုမျိုး ရိပ်ခနဲရိပ်ခနဲ ပြောင်းလဲနေတဲ့ဘ၀မြင်ကွင်းတွေကို ဖမ်းတတ်ဖို့ အနုပညာပါရတယ်။ အာရင်ဘတ်ဟာ သူတွေ့ကြုံခဲ့တဲ့ခေတ်ကြီးကို အဲဒီလို ရေးပြသွားခဲ့တာပေါ့တဲ့။ သူ့ရဲ့ရုပ်ပုံလွှာ အဖွဲ့တွေဟာ လက်ဖျားခါဖို့ကောင်းလောက်အောင် ပညာပါခဲ့တယ်ဆိုတာကိုလည်း အခုတွေးကြည့်နေမိပါတယ်။ အဲဒီရထားပေါ့ သံသရာနဲ့လည်း ချီတယ်။ တ၀ဲလည်လည် လှည့်နေဘ၀ထဲ တစ်နေရာပြီး တစ်နေရာ ရပ်နားနေရတယ်။ ရထားဟာ ရွေ့လျားခုတ်မောင်းရာ လမ်းတစ်လျှောက် အလွမ်းကိုသာချန်ခဲ့ အသိစိတ်မှာ လွမ်းမောနေပုံမျိုးနဲ့သာ ဖြတ်သန်းနေခဲ့လေရဲ့။ အခုရော ဘယ်ကို ရောက်နေပြီလဲ။

အဝေးကြီးကနေ အရှိန်နဲ့ စီးဝင်လာသလို ရထားဆိုက်ခဲ့ပြီ။ ဟိုးအဝေးဆုံးက အသံကုန် ထုတ်ခေါ်လို့ အလွမ်းဟာ ရထားတစ်စင်းအဖြစ် ခုတ်မောင်းလာခဲ့ပြီ။ တဖြည်းဖြည်း နီးကပ်လာ၊ မောပန်းနွမ်းနယ်နေမှန်း သိသာတဲ့စိတ်ကို ပစ်ချရပ်နားလိုက်ဖို့ကိုသာ ကြိုးစားနေတယ်။ အလွမ်းကို တိတ်ဆိတ်စွာ လွှတ်ချလိုက်ဖို့ကိုလည်း တွေဝေနေတဲ့ပုံစံမျိုးနဲ့ အသံကို ထပ်မံမြှင့်တင်ကြည့်တယ်။ နီးကပ်လာလို့လည်း ကျယ်လောင်မှုဟာ ပိုပီသလာခဲ့တာလား မပြောတတ်ဘူး။ အလွမ်းကို ဆူညံသံနဲ့ ဖုံးအုပ်ထားနေရပြန်တယ်။ ကြောက်စိတ်ကို တစ်ခုခုနဲ့ ကာထားရသလို အထီးကျန်မှုမှာ ပျော်ရွှင်ကြောင်း ငြင်းဆန်ပြနေသလိုပေါ့။ ဟိုးအဝေးက မီးရောင်ပျပျ စူးရှရှအော်သံဟာ နာကျင်နေတဲ့ ပုံမျိုးနဲ့ ငေးသူကို ဘယ်လိုမှ မတားဆီးနိုင်ခဲ့။ အစကတည်းကိုက အလွမ်းကို အပိုင်ဝယ်ယူ ရရှိထားတဲ့ ရထားပေါ့။ အဲဒါရထားရဲ့ ကိုယ်ပိုင်အမှတ်အသား ရထားရဲ့ ငယ်သံပဲ။ အလွမ်းကို ရင်ခွင်ပိုက် မွေးမြူလာခဲ့သလို တဖြည်းဖြည်း ခုတ်မောင်းလာခဲ့တယ်။ အဲဒါ ဆရာချောရဲ့ ကဗျာထဲက ရထားလေ။ ပြောလေ့ရှိကြတာတော့ ရထားဟာ ဘူတာရုံကိုဝင်ဖို့ ဘယ်အချိန်မှာများ တွန့်ဆုတ်နေခဲ့ဖူးလို့လဲတဲ့။ သူ့ဆွဲငင်လိုက်တဲ့အသံမှာ အားလုံး အလွမ်းနဲ့သာ အလန့်တကြား နိုးထစိတ်ကူးယဉ်ကမ္ဘာထဲ ရောက်ရောက်သွားတတ်ကြတယ် မဟုတ်လား။ ကဗျာတစ်ပုဒ်ကို အထပ်ထပ်ရွတ်ခွင့်ရတဲ့ အခိုက်ပါပဲ။

မိုးသည်းထန်စွာ ရွာသွန်းမှုကြောင့် ရထားလမ်းရေကျော်မှု သဲမြေဖုံးလွှမ်းမှုများ ဖြစ်ပွားခဲ့သဖြင့် ရန်ကုန်-မန္တလေး ရထားများနှင့် ပုဂံရထားပြေးဆွဲမှုများ ရပ်နား

ရန်ကုန်-မန္တလေးလမ်းပိုင်း ကုန်းကြီး ဘူတာနှင့် ဆွာဘူတာကြား၌ သြဂုတ် ၂၉ ရက်က မိုးသည်းထန်စွာ ရွာသွန်းမှုကြောင့် မီးရထားလမ်း ရေကျော်မှုဖြစ်ပွားနေသည်ကို တွေ့ရစဉ်

မိုးသည်းထန်စွာရွာသွန်းမှုကြောင့် ရထားလမ်းပေါ်ရေကျော်မှုများနှင့် သဲမြေများ ဖုံးလွှမ်းမှုဖြစ်ပွားခဲ့သဖြင့် ရန်ကုန်-မန္တလေး ရထားများနှင့် ပုဂံရထားပြေးဆွဲမှုများရပ်နားထားကြောင်း မြန်မာ့မီးရထား တိုင်း(၇) မှ သွားလာရေးမန်နေဂျာ ဦးဇော်လွင်က ပြောကြားသည်။

“ရထားလမ်းပေါ်မှာ ရေကျော်တာတွေ၊ သဲမြေတွေဖုံးလွှမ်းသွားတဲ့အတွက် ရန်ကုန်-မန္တလေး ရထားနဲ့ပုဂံရထားပြေးဆွဲမှုတွေကို သြဂုတ် ၂၉ ရက်က ရပ်နားထားရတယ်။ အမြန်ဆုံးပြေးဆွဲနိုင်အောင်တော့ လုပ်ဆောင်နေတယ်” ဟု ၎င်းက ပြောကြားသည်။

ရန်ကုန်-မန္တလေးလမ်းပိုင်းကုန်းကြီး ဘူတာနှင့် ဆွာဘူတာကြား၌ သြဂုတ် ၂၉ ရက်က မိုးသည်းထန်စွာ ရွာသွန်းမှုကြောင့် ရထားလမ်းပေါ်သို့ ရေကျော်ခဲ့ပြီး မိုင်တိုင်အမှတ် ၁၉၀/၁၈-၂၄ကြားတွင် တာပေါင်ရေတိုက်စားမှုများ ဖြစ်ပေါ်ခဲ့သဖြင့် ရထားလမ်းများ ပိတ်ဆို့မှုဖြစ်ပွားခဲ့သဖြင့် ရထားပြေးဆွဲမှုများ ရပ်နားထားခြင်းဖြစ်ကြောင်း သိရသည်။

ထိုကဲ့သို့ရထားလမ်းရေကျော်ပြီး လမ်းပိုင်းပိတ်သွားခဲ့သဖြင့် ရန်ကုန်ဘူတာကြီးမှ မန္တလေးသို့ ထွက်ခွာပေးရမည့်အမှတ် (၅) အဆန်အမြန်ရထားနှင့် အမှတ် (၃) အဆန် အမြန်ရထား၊ နေပြည်တော်သို့ ထွက်ခွာပေးရမည့် အမှတ် (၇) အဆန်အမြန်ရထားများကို သြဂုတ် ၂၉ ရက်က ရပ်နားထားကြောင်း ၎င်းက ပြောကြားသည်။

ထိုကဲ့သို့ဖြစ်ပွားမှုများကြောင့် ရထားခရီးစဉ် ဖျက်သိမ်းခဲ့ရသဖြင့် လက်မှတ်ဝယ်ထားပြီး ခရီးသည်များအား လက်မှတ်ခငွေများကို ပြန်အမ်းပေးလျက်ရှိကြောင်း သိရသည်။

အလားတူမန္တလေးမှထွက်ခွာပေးရမည့် အမှတ် ၆ အစုန်၊ အမှတ် ၄ အစုန်အမြန်ရထားများနှင့် နေပြည်တော်မှ ထွက်ခွာပေးရမည့် အမှတ် ၈ အစုန်အမြန်ရထား၊ သာစည်မှ ထွက်ခွာပေးရမည့်အမှတ် ၁၀ အစုန်ရထားများကို ရပ်နားထားရကြောင်း သိရသည်။

ထို့ပြင် ရန်ကုန်-ပုဂံလမ်းပိုင်း၊ လှေဝန်း ဧကရာဇ်ကြား မိုင်တိုင်အမှတ်၂၁၇/၁၆-၂၀ကြားတွင်လည်း ရထားလမ်းပေါ် သဲမြေများ ဖုံးလွှမ်းသွားခဲ့သဖြင့် လမ်းပိတ်ခဲ့ရပြီး

သြဂုတ် ၂၉ ရက်တွင် ပြေးဆွဲပေးမည့် အမှတ် ၆၁ အဆန်ရထား၊ ရန်ကုန်-ပုဂံအမြန်ရထား နှင့် အမှတ် ၆၂ အစုန် ပုဂံ-ရန်ကုန်အမြန် ရထားကို ရပ်နားထားခဲ့ပြီး လက်မှတ်ခငွေများကို ပြန်အမ်းပေးလျက်ရှိကြောင်း သိရသည်။

မြန်မာ့မီးရထားမှ တာဝန်ရှိသူများက ရထားလမ်း အမြန်ပြန်ဖွင့်နိုင်ရေးအတွက် စီစဉ်ဆောင်ရွက်လျက်ရှိပြီး ရထားပြန်လည် ပြေးဆွဲနိုင်မည့် အခြေအနေအား ခရီးသွား

ပြည်သူများသို့အချိန်နှင့်တစ်ပြေးညီ အသိပေး ကြေညာမည်ဖြစ်ကြောင်း ဦးဇော်လွင်က ပြောကြားသည်။

ရထားလမ်းရေကျော်ပိတ်သည့်နေရာသို့ ပို့ဆောင်ရေးနှင့်ဆက်သွယ်ရေးဝန်ကြီးဌာန ပြည်ထောင်စု ၀န်ကြီးနှင့်အတူ ဌာနအကြီးအကဲများမှ ရထားလမ်း အမြန်ပြန်ဖွင့်နိုင်ရေး ဆောင်ရွက်လျက်ရှိသည်။

ရန်ကုန်-မန္တလေး ရထားလမ်း အဆင့်မြှင့်တင်ခြင်းလုပ်ငန်းတွင် ရန်ကုန်မှ ရွာသာကြီးအထိ ရထားသွားလာမှုစောင့်ကြည့်စနစ်အား ဂျပန်ယန်းချေးငွေ သန်းတစ်ထောင်ဖြင့် တပ်ဆင်မည်

ရန်ကုန်-မန္တလေး ရထားလမ်းပိုင်းတွင် အသုံးပြုမည့် ရထားစက်ခေါင်းသစ်အားတွေ့ရစဉ်

ရန်ကုန်-မန္တလေးရထားလမ်း  အဆင့် မြှင့်တင်ခြင်းလုပ်ငန်းတွင် ရထားသွားလာမှု စောင့်ကြည့်စနစ် Train Monitoring System (TMS) အား ဂျပန်ယန်း ချေးငွေ သန်း ၁၀၀၀ ဖြင့် တပ်ဆင်သွားမည်ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာနမှ သတင်းရရှိသည်။

“ Train Monitoring System (TMS) တပ်ဆင်တဲ့လုပ်ငန်းအတွက်  ဂျပန်ယန်း သန်း ၁၀၀၀ လျာထားပါတယ်။ ရန်ကုန်-မန္တလေး ရထားလမ်း အဆင့်မြှင့်တင်ခြင်းလုပ်ငန်း စတင်တဲ့အခါ ရန်ကုန်ကနေ ရွာသာကြီးအထိ TMS တပ်ဆင်တဲ့လုပ်ငန်းကို ဂျပန်နိုင်ငံက ထောက်ပံ့ငွေနဲ့ ဆောင်ရွက်သွားမှာပါ” ဟု ပို့ ဆောင်ရေးနှင့် ဆက်သွယ်ရေးဝန်ကြီးဌာနမှ တာဝန်ရှိသူတစ်ဦးက ပြောကြားသည်။

ရန်ကုန်-မန္တလေး ရထားလမ်းအဆင့် မြှင့်တင်ရေး စီမံကိန်းအတွက် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ JICA မှ ချေးငွေ အမေရိကန်ဒေါ်လာ ၂၇၀ ဒသမ ၆၄ ဘီလျံ သုံးစွဲမည်ဖြစ်ပြီး ၂၀၁၈ ခု နှစ်မှ ၂၀၂၃ ခုနှစ်အထိ ငါးနှစ်စီမံကိန်းအဖြစ် သတ်မှတ်လုပ်ဆောင်မည်ဖြစ်သည်။

ရန်ကုန်-မန္တလေး ရထားလမ်းပိုင်း၏ အရှည် မှာ ၃၈၅ ဒသမ ၅ မိုင်ရှည်လျားပြီး သယ်ယူပို့ဆောင်ရေးအနေနှင့် အမြန်ရထား ခြောက်စင်း၊ စာပို့ရထားနှစ်စင်း၊ ရန်ကုန်-နေပြည်တော်အစုန် အဆန်လေးစင်းတို့ဖြင့် ပြေးဆွဲ လျက်ရှိကြောင်း သိရသည်။                  “တင်ဒါခေါ်တဲ့အခါ လုပ်ငန်းစဉ်တွေ မမှားအောင်၊ မကြာသင့်တာမကြာအောင် ကြီးကြပ်ရပါတယ်။ ဒါတွေပြီးလို့ တင်ဒါခေါ်ပြီးရင်လည်း သက်ဆိုင်ရာဝန်ကြီးဌာနကို တင်ပြရတာတွေရှိပါတယ်။ အခုစာချုပ်ချုပ်ဖို့ အဆင့်ကိုရောက်နေပါပြီ။ ဒီလမ်းပိုင်း အဆင့်မြှင့်တင်ဖို့ကို၂၀၁၇ ခုနှစ်တည်းက အဆင့်ဆင့်လုပ်ငန်းဆောင်ရွက်ခဲ့တာပါ။ လာမယ့် ဇူလိုင်မှာ စီမံကိန်းကို စတင်လုပ် ဆောင်မှာဖြစ်ပြီး လိုအပ်တဲ့ လမ်းပိုင်းပြင်ဆင်မှုအပိုင်းတွေကို  စတင်တော့မှာပါ” ဟု မြန်မာ့ မီးရထား(စီမံကိန်းအဖွဲ့) မှ တာဝန်ရှိသူတစ်ဦးက ပြောကြားသည်။

ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့မီးရထားလုပ်ငန်းသည် အိန္ဒိယနိုင်ငံမှဝယ်ယူထားသည့် ရထားစက်ခေါင်းအသစ် ၁၈ ခေါင်းအနက်မှ စက်ခေါင်း နှစ်ခေါင်းအား ရန်ကုန်-မန္တလေး ရထားလမ်းပိုင်းတွင် အသုံးပြုမည်ဖြစ်ကြောင်း မြန်မာ့ မီးရထားမှ သတင်းရရှိသည်။

အိန္ဒိယနှင့် မြန်မာနိုင်ငံအကြား မီးရထားကဏ္ဍ ပူးပေါင်းဆောင်ရွက်မှုအဖြစ်  ချေးငွေ အမေရိကန်ဒေါ်လာ သန်း ၂၀၀ ကျော်ချေးယူထားခြင်းဖြစ်ပြီး အဆိုပါချေးငွေများအား စက်ခေါင်းများ ၀ယ်ယူခြင်း၊ မြန်မာ့မီးရထား အခြေခံအဆောက်အအုံများ ပြန်လည် ပြုပြင်ထိန်းသိမ်းရေးစသည့် လုပ်ငန်းများတွင် အသုံးပြုမည်ဟု သိရသည်။